رواية دروب الإِندِثـار الفصل التاسع عشر 19 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 16 ♡♡

لا تنسون التصويت + متابعة للحساب + التعليق بين الفقرات ☘️

‏جميلة كأنكِ حُلم ..
شامخة كأنكِ غيمة !
مغرورة كأنكِ فرس أصيلة ⊰ .

•••••••••••••••••••••••••••♕•

ســاࢪة•

ㅤㅤㅤ

صرخت فازة من وكع لـ كلاص مني وصار فتات ؏ الارض ، نزلت اجمع القطع لكبار وايدي ترجف مثل رجفة گلبي! من گعدت وگلبي ناغزني وما مرتاحة ابد!

دخلت عمة نجلاء والبنات وراهـا ؏ صوتي والحجية تصيح من جوة تريد تعرف شنو صار؟؟! گومتني عمة نجلاء..

نجلاء- يا يمه عبالي صارلج شي گومي گومي عوفي من ايدج شجاج تتراجفين!

اخذتني غسلت وجهي ورنيم شربتني ماي..

مسرة- هسه شلون صرتي؟

- زينه لا ينشغل بالجن

اثناء حديثنا صار صوت سيارات وانفتح الباب الخارجي رنيم ضحكت وطلعت تركض عرفت رجعوا من الشغل..

اباوع من الشُبـاك الي يطل ؏ الكراج نزل كليم من السيارة واخذها بحضنه لان راحتله متلهفة وهو ما كسر بخاطرها!!! المنظر كان غريب والسبب كلام رنيم قبل چان يمنعها رغم طفلة!!

ليش هسه جاي يتقبل هالشي؟! هل شوق وندم؟ لو اكو مشاعر ثانية؟!!

فز گلبي من دخل وره كليم يضحك ، رنيم تركت احضان كليم وركضت حاضنته بقوة وهو صار يحتار شلون يعبر عن شوقه؟ يبوسها بخدودها ويحضنها ويشمها بقوة..

طلعت عمة والبنات يتحمدولهم بالسـلامة واني بقيت بمكاني اتابع المنظر ، ابتسمت من شفت عيونه ادور!! هي لحظات وصارت ؏ الشُبـاك وگدر يلمحني بس استغربت تجاهله الجاف!!

مررت ايدي ؏ گلبي من وجعني..
- بشنو حظج حلو حتى هسه تتأملين الخير؟

عضيت شفتي وطلعت..
- الحمد لله ؏ السلامة

كليم- الله يسلمج

جان جواب جاف نوعًا ما بس افضل من تجاهل هُمام التام الي؟

هُمام- يلا روحي بدلي اليوم تبقين يمي اشش ما اريد اعتراض

كليم- روحي بناتي وباجر رجعي

هزت راسها موافقة ودخلت تبدل
عمة والبنات دخلوا واني ردت ادخل
بس استوقفني صوت كليم..

كليم- سارة!!

- نعم

- هيج بابا روحي روحي

استغربت ونظرت لـ هُمام مستفهمة؟ بس هو رجع اتجاهلني ودخل للاستقبال ولحقه كليم! دخل بس راسي مشوش وما فاهمه شي
رنيم ودعتنا وراحت ويه خالها واحنه كالعادة اتجمعنا ؏ السُفرة نتغدا..

كليم- قسورة وين؟

سأل عليّ رغم هو بعده زعلان منه وما يحجي وياه بس ما گدر يخفي قلقه وفضوله اتجاه غياب قسورة!

نجلاء- بالشغل خويه ؏ جيه هسه

بلشنا وصدُك قسورة اقل العشر دوقائق ودخل وحتى وهو وكليم ما يتحاجون راح باس راسه وراس امه والحجية وصعد لغرفته..

كليم صعد لـ غرفته يرتاح واحنه عزلنا المكان..

للعصر واندك الباب وصار صوت زلم بره ونزلوا الولد ويه كليم يستقبلونهم وحتى هُمام جاب رنيم واجـه!

صارت صينيه تروح والثانيه تجي مال الچاي! لحد ما دخل كليم وهُمام وقسورة وهُما وجهم ثگيل
نتر قسورة..

قسورة- حطي شي ؏ راسج وامشي

- شكو؟

هُمام- سمعي الكلام بسرعة

اباوعلهم بضياع مو فاهمه شي والدمعة صارت بطرف عيني من الغُربة ، لزمت رنيم ايد كليم
گالت بترجي..

رنيم- فدوة شنـو صاير؟

كليم- ماكو شي يلا سارة

بلعت ريك واخذت شال من مسرة حاطته ؏ راسي بـ اهمال امشي وراهم ضايعة!! دخلوا للاستقبال واني وراهم..

چانت لحظة! لحظة وحدة من رفعت عيني وصارت عليهم جمدت بمكاني لا بيه ارجع ولا بيه اتقدم وحتى دموعي جمدت بعيوني ، صرت اسمع صوت گلبي وهو ينكسر من كُل ذكرة لعينة مرت واني اباوع لـ اقذر خُلق الرب!!

هُمام- بيج شي؟

فزيت احس ريگي ناشف اباوعله اريد لزمني محاوطني يغسل بوجهي وعمامي الصلفين ينترون يردون يلزموني..

زمخ بيهم قسورة..
- كااااااااااافي

سكتوا گاعدين بس يخزرون بيه غمضت عيوني وصار موقفهم بالي وهُما يتفقون منو اول واحد يسرق برأتي!!

حسيت بروحي صاحيه بس فقدت واتهسترت!!

ㅤㅤㅤ

ㅤㅤㅤ
••••••••••••••••••••••••••••••

رنيـم•

ㅤㅤㅤ
واگفين بالمطبخ وعينه ؏ الاستقبال خايفين واحنه نسمع صوت زلم عالي! وصار هدوء لفترة بس هي لحظات مرت وصرنا نسمع صوت صريخ سارة الي يفجع عبالك واحد گاعد يعذب بيها..

ما گدرت ابقى واگفه طلعت اركض ويه طلعتي طلع خالو هُمام وهو شايلها وهي بين ايدي تصرخ وتضرب بنفسها گعد ؏ الارض وهي بحضنه يحاول يقيد ايديها لان فقدت وصارت تجرح بنفسها!!!!

كليم- ماي بسرعة نغسللها

جابت عمة نجلاء الماي وگعد عمو كليم يغسل بوجها بس هي ؏ فرد صرخة ما سكتت حضنها خالو هُمام ضام وجها بصدرة..

هُمام- حاجيني شسوي راح تمووووت

كليم- كافي بابا كافي موتي روحج احنه يمج ماكو شي

ما جانت تسمع لحد ما تشنجت بيد خالو هُمام وگلبت عيونها صرخ مفجوع مدخل ايده بحلگها وعمو كليم لازم جسمها يحاول يسيطر ؏ رجفة جسمها الغريبة!!

هُمام- قسسسورة حضرر السيارة واطرد ذول لا ادخل اخلي طشارهم ماله والي

ركض قسورة وطلعهم وهُما يتصايحون لحد ما طلع سلاحه ركضوا شاردين..

كليم- امشي ناخذها للمستشفى

- اروح وياكم

كليم- لااا

- والله اذا ما تاخذوني اني اخذ تكسي واجي وراكم

هُمام- رنيمممم

انتحبت ببُكاء..
- اروح يعني اروح اريد ويه اختييي

كليم- بسرعة استعجلي

دفعت مسرة هي ودموع لان هم رادن يجن واني البس بسرعة..

مسرة- عفيةةة اتصـلي طمنيني

- اي اي

دموع- رنيمم خايفة

- رايحة اني ديرن بالچن ؏ نفسچن

نزلت تاركه كلشي وراي وصعدت حاطه راس سارة بحضني وهي فاقدة! عمو يسوق وخالو بالصدر يمه وسيارة بيها قسورة وايهم ورانه بس ليث بقة بالبيت..

- شنو هاي حالتها؟

تنهد بحزن..
هُمام- صرع ان شاء الله ما يكون مُزمن

- خـالـ ـو!!

باوعلي عض شفته وعيونه مدمعة وعمو كليم ابتسم براحة ، همس بحنان..

هُمام- يفديج خالج خوش؟

- ليش صار ويه سارة هيج؟

فرك راسه بيدي متشوش..
هُمام- ما اعرف والله بس شافت عمامها تخبلت فصلت عن الدنيا

فكيت عيوني موسعتهن حسيت فص عيني راح يوكع ، انتبه لردة فعلي وگال..

هُمام- تعرفين السبب؟

حجيت بضياع واني اباوع لملامحها التعبانة..
- شلون راح تتخطى بصعوبة نست شسويتوا انتوووو!!!

وگف السيارة عمو ونزلنا نركض بيها خالو هُمام شايلها بيدي
دخلوها للطوارئ واحنه گعدنا ننتظر كلنا..

گعد عمو مقرفص گدامي يمسح دموعي وخالو هُمام بصفي يمرر ايده ؏ ظهري لان چنت ارجف عليها مـن الخوف!

كليم- رنيمـه؟

- عموو

كليم- ممكن تجاوبيني!

- عن شنو؟

كليم- شـنو قصة عمامها وليش كذبت وگالت ما عندي اهل؟

- ما اگدر عمو واعدتها اني ما احجي شلون اطلع سُرها؟

هُمام- لازم نعرف علمود نساعدها هيج ايدينا ورجلينا مقيدات!

- ما اگدررر حالفة  بابا وحتى لو ما حالفة اني مستحيل اگول هي من تگعد اذا تحب تحجي الكم لا تنتظرون مني شي

قسورة- هاج شربي اتركوا الموضوع حاليًا من تگعد ساࢪة نفهم

اخذ عمو بطل الماي وشربني منه شوي وغسل وجهي وگال..

كليم- لا تفكرين حاولي تهدين نفسج واوعدج ڪُلشي راح يكون بخير

هزيت راسي ساندته ؏ كتف خالو هُمام لحدما فزينا من طلعت الدكتورة..

الدكتورة- حاليًا هي بخير لكن الاهم تبتعد عن التوتر والقلق والتعب النفسي لان اذا زادت النوبات عندها ممكن يتحول مرضها مُزمن وهي بهذا السُن المُبڪر
وهسه تگدرون تشوفونها

دخلت اني تاركتهم يستفسرون اكثر من الدكتورة
چانت مدده ؏ السريـر وفاتحة عيونها تبحلق بالسقف بصمت وبس عيونها نهر جاري ؏ خدودها..

سارة- رجعوا رنيـم!!!

گعدت ؏ طرف السرير امسح بدموعها الي آبت تتوقف واجاوبها..

- بس انتِ مو مثل قبل!! مو بدون احد كلنا وراج

سارة- ههه راح يرجعون يغتصبـ*ـوني!!

عضيت شفتي دايره وجهي عنها احاول اسيطر ؏ رچفتي وهي استرسلت بكلامها عبالك بعالم ثـاني!

سارة- طفلـة انتهكوا برأتي هسه شنو ممكن يسوون بيه؟ ڪُله بسبب هُمام وكليم هُما جابوهم الي اني رنيمم اني چنت ناسيتهم ليش ذكروني بيهم ليش رجعوهم الي اني والرب ما اتحمل يلمسوني بعد الموت افضل الي

شهگت باچيه واني احط ايدي ؏ شفايفها..
- اششش مُستحـيل اسمح بأذيتج لا تگولين هـيج

اندك الباب ودخلوا ، بسرعة غمضت عيونها تمثل النوم رغم كلهم كاشفين تمثيليتها!!

هُمام- الحمد لله ؏ سلامتج عيني

كليم- خوفتينا عليج بابا

ضغطت ؏ ايدي وفتحت عيونها..

سارة- منو گاللكم دوروا ؏ اهلي؟ منو عتب عليكم؟

كليم- احنه...

قاطعته صارخه..
سارة- چنتتتت تگدررر تگول وجودج ماا مُرحببب بيي ببيتييي واني اطلللعععععع

هُمام- صووووتج ادبسززززز

- خالو عوفوها فدوة!!

كليم- مو هيج بابا وغلاة بناتي ولا بالي بس كُل ما في الموضوع أنتِ گلتي ما عندي اهل ومن خلال الشغل اكتشفنا وجود عمامج وگالولنا هي شاردة من عندنا وردت افهم وين الصح وين الخطأ لان دخت بالموضوع

سارة- چنت تگدر تصارحني بالي عرفته مو؟

كليم- صح واني اعتذر وحقج ؏ راسي من فوك وخاف الج حق من عمامج اطلعه من عيونهم

سارة- لاااا ما اريد اشوفهمم ما اريددد

هُمام- لازم نعرف ليش شردتي حتى نتصرف

سكتت تباوع لـ خالو بنظرات ضايعة خايفة ، هزت راسها بـ لا ونزلت راسها ساكته ، سوولنا خروج واتجهنا للبيت وطول الطريق محد نطق لحد ما توقفنا بالمنطقة گدام باب بيت عمو كليم!!

نزلوا وخالو فتح الباب من جهة سارة..
هُمام- اي ست شوكت مقرره تنزلين؟

سارة- ما ادخل بيت انطردت منه بطريقة غير مُباشرة

هُمام- ايببااخ! ولا تستقر ام طريقة غير مُباشرة

سارة- تستهزئ حضرتك؟

هُمام- لا العفو منج اعتذر شلون استهزئ بيح غير ما استحي اني

سارة- أنتتتتَ شبيكك؟ گتلك ما ادخل

عض اصبعه يرجف وگال..
- كفيلج العبـاس السَـبع لو ما كليم وخاطره إلا اعيد نظامج من جديد نزلللللللللللللللي

هو صاح بـ اخر كلمة وهي صارت ما تعرف شلون تنزل والدمعة بطرف عينها ، ما اعرف عمو كليم شنو همس بـ أذنه ، غمض عيونه بندم وگال..

هُمام- دخلن لـ بيتي

رادت تحجي بسرعة حط اصبعه السبابه ؏ شفايفه وگال محذرها..

هُمام- اششش صوتج ما اسمعه دخلي وهسه اجيب مسرة ودموع تبقن عندي

انطاني المفتاح ودفعني يريدني اخذها وادخل لان سارة تريد تحجي وهو مبين عصبي كُلش ، دخلنا وگعدنا بالصالة صافنين لحد ما دخلن البنات يحضنن بـ سارة ويطمنن عليها..

مسرة- شلون صرتي؟

سارة- زينه

دموع- خوفتيني عليج!

بچيت وهي تحجي ، مسحت سارة دموعها وحضنتها..

سارة- اشش صرت احسن لا تبچين

دخل خالو وصاحلي ، دخلت وراه للاستقبال اتنهد بحزن ؏ حال ساࢪة!! ضمني لـ صدرة وهمس..

هُمام- ابچي اذا تردين لا تكتمين داخلج مو زين صرخي كسري المُهم لا تسكتين
اعرف الي ضامته انتِ وتكج شي چبير وجاي ياكل بروحجن بس وعد مني اعالج الموضوع

حنيته وكلامه والي بداخلي من حزن ؏ سارة كان كفيل يخليني انهار ابچي بدون صوت ، ما ضغط عليّ اكتفه يمسح ؏ راسي وظهري لحد ما هدأت اني وحدي..

هُمام- بابا باوعيلي شو اشوف

رفع راسي مسح دموعي وباس جبيني واسترسل..
هُمام- تحبن تنامن بغرفتي فوك لو افرشلجن هنا؟

- هنا احسن وأنتَ هم تاخذ راحتك بغرفتك

هُمام- صار بالي يريحج ، انتظريني انزل فراشات الجن علمود نفرشهن سوه

- اصعد وياك؟

هُمام- لا بابا ثگال اني انزلهن

صعد شوي ونزل شايلهن كلهن سوه بقيت فاتحه عيوني متعجبه ضحك وكرص خدي وصرنا نمدهن ؏ الارض سوه واني رحت صحت البنات يجن يدخلن وهو بعده يشوف المكان مُريح لو لا ويتأكد كُلشي كامل لو لا؟!

هُمام- رايح اجيب عشه واجي

ركضت وراه لازمه ايده..
- خالوو اخااااف وحدناا!!!!

حضني لصدره وهو يفتح الباب وصار بوجهنا عمو كليم..

هُمام- يخسى الخوف واحنه بظهرج

ضحكت فرحانه بوجودة..
كليم- يلا توكل أنتَ اني ابقى يمهن

صدك راح خالو بالسيارة وهو اتكئ ؏ حافة الباب يشغل چگاره وگال..

كليم- شلون صارت؟

- احسن

هز راسه يباوع للشارع بس بعيونه تعب وحسـرة!

- عمو

ابتسم ونزل راسه تنهد وباوع لـ عيوني محتار وهز راسه بمعنى احجي..

- ليش انفصلت عن هُيام؟

بسرعة تنرفز وخزرني بدون وعي منه ، نزلت راسي خجلانه وهو نتر..

كليم- كم مرة اگول هذا السؤال لا تسألينه؟!!

- بس انتَ تحبها يعني ش...

نتر بصوت..
كليم- رنييييييم

غمضت عيوني من صوته وهمست..
- اسفه بعد ما اسألك

ساد هدوء لا اني رفعت عيني بعينه بعد ولا حجيت ولا هو بادر وشفت ردة فعله! لحد ما نطق كلمات مو بس فجعتني لا شعور غريب حاوطني حسيت كل جسمي نمل..

كليم- خانتني ويه عليم

اريد احجي اريد انطق بشي اريد اسوي اي شي يمسح التعبير الي بوجهه ، عصبي بحيث اكو دمارات بگصته نطت وعيوني صارن عبارة عن قطعة حمره ووجهه انطعن!

دفعني داخل البيت ولزم الباب وقبل لا يسده گال وصوته يرجف..

كليم- دخلي ما اگدر اسيطر ؏ اعصابي بعد وما اريد أأذيج

سحبت خيبتي وصدمتي داخله للغرفة فاصلة عن العالم..

ㅤㅤㅤ

••••••••••••••••••••••••••••••

ســاࢪة•
ㅤㅤㅤ
ㅤㅤㅤ
اباوع لـ رنيم دخلت بس احسها مو ويانه بعالم ثاني شگد حاجيتها ما جاوبت وتمددت بفراشها مغطية نفسها بالكامل! مر وقت طويل من سمعت صوت الباب وخطوات داخل البيت..

البنات نامن من النعاس بس اني فكرة تاخذني والثانية ترجعني وبالي يم عمامي! شلون اذا ارجع يمهم شلون راح اتحمل افعالهم الشنيعة بيه؟ راح يعذبوني اكثر واكثر خصوصًا اني حاليًا شابه جميلة!!

ابتلعت ريگي من فكرة ممكن ارجع الهم مستعدة اسوي اي شي في سبيل ما ارجع بس شنو اسوي؟؟

بالنهاية هُمام وكليم ما راح يگدرون يساعدوني هُما اهلي واولى بيه!! وماكو اي دليل اتجاه فعلتهم بيه فقط كلام! اكيد راح يتهموني اتهامات حقيرة ويألفون قصة تحت هروبي منهم ويصير كلشي من صالحهم!!!!

فزيت من اندك الباب بخفة وصوته يهمس..

هُمام- رنيم بابا گاعده؟

ابتلعت ريگي وگمت بخطوات خاوية للباب! دموعي ؏ خدي وجسمي يرجف! فتحت الباب وصار بوجهي يباوعلي بقلق! عض شفته وتقرب متردد رفع ايده مسح دموعي وگال بهمس..

هُمام- نحجي؟

هزيت راسي بـ اي ابتسم واشر الي ؏ الصالـة رحت بدون صوت گاعدة ؏ الكرويته امس دموعي وترجع تتجدد ؏ وجناتي رفعت راسي من حسيت بي يشمر غطى ؏ راسي واسترسل..

هُمام- شعرج عيني أنتِ

- مو محجبه اني

- اعرف بس گلبي ما ينطيني اشوفج هيج

- ليش؟

اتجاهل كلامي يشعل چكارته وهي بين شفايفه گال..
هُمام- صوتج رايح من الصريخ زين هيج؟

- أنتَ ما تعرف شنو الي عشته او شنو الي خلوني اعيشه

هُمام- احجيلي واخلي طشارعم ماله والي

ضحكت ؏ جُملته واردفت..
- ما راح تگدر! أنتَ غريب وهُما الاقارب يگدرون ياخذوني منك ، هُمام؟

- عيونه

- خايفة لا تعوفني

عض شفته وتقرب گاعد ؏ نفس الكرويته وحط ايده ؏ شاربه..

- زيني شاربي بأيدج اذا خليتج ترحين وياهم

- صدُك؟

- تثقين بيه ساࢪة؟

- هوااااي

- وقتي تلفونج بالـ٧ الصُبـح راح انتظرج بالحديقة وخلي الباقي عليَّ

گام يريد يروح بسرعة گلت..
- بس أنتَ ما عرفت الموضوع؟

ابتسم وگال بغموض وهو يصعد..
هُمام- باچـر اعرف مدامتي ام عُيـون شهل

- شنو قصدك هُمام؟

دار عليّ هو بنهاية الدرج واني بدايته! حط ايده بجيوب بنطلونه وگال جُملتـه الي كانت كفيلة تخليني جامده بمكاني بضياع..

هُمام- باچر اسمج يتسجل بظهر جنسيتي اريد اشوف زلمه ابن زلمه يندك بحرمتي
روحي نامي رَغـد بظهرج ابو الهَمم يكَسر روس النزلوا ادموعج.

..

وتستمر الحكاية.. 🚬♣

قناة التلي zainab_salah0