رواية دروب الإِندِثـار الفصل الأربعون 40 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 36 ♡♡

لا تنسون التصويت + متابعة للحساب + التعليق بين الفقرات ☘️

‏روحِي عَلى روحَك تِنسحِن .

•••••••••••••••••••••••••••♕•

رنيـم•

فتحت عيوني وأحَس الدنيا مغوشة
رمشت هواية يلـه بدأت الصورة تتوضح
اكثر !!
رجعت الاحداث تتسفط بعقلي وتنرسم
شهگت فازة مَن وعيت اني وين وشنو
صار بيَّ؟ اباوع بأيدي مشكلة الكانونة

شلعتها لازمة المكان النزف
رفعت انظاري بذعر وخوف على الباب
الانفتح !!
ذبيت نفس مرتاحة واني اشوف تالا الدخلت

بسُرعة حطت ايديها على حلگها بصدمة
ومَن استوعبت اجت تركض حُضنتني

تالا- واخيرًا گعدتي !!

- لعد شگد صارلي نايمة؟

- عشر ايام تقريبًا قلقتينا عليچ طول هاي المُدة الباشا دخلنا أنذار

- كسر بأيده الحقير لعد اني بهاي الحالة بسبب منو؟

تالا- تحسين بوجع شي؟

هزيت راسب بـ لا وحجيت
- طمنيني عنچ؟ سوالج شي أنتِ وزوجج؟

ذبت حسرة
تالا- جراح اخذ العقاب بدل عني

- شنو سواله؟

- مية جلدة

بهتت وهي دمعتها وگعت على خدها
بسُرعة مسحتها وگامت مرتبكة

تالا- اسفة لازم ابلغه أنتِ گُعدتي لان وعدت جراح ما ادخل بعَد

- حقچ بَـس فدوة اريد حجاب

راحت سحبت مَن الكنتور ، رجعت سألت
- هوَ چان يدخل يشوفني واني بدون حجاب

- اي

متت قهر حسيت جوابها ذبحني
طلعت واني گُعدت ضامه رجلي لصَدري
رفعت راسي على أثر وقع رجلين
قوي !!
دخل يلهث ويضحك

عذاب- واخيرًا فتحتي عيونچ الحلوة

نزلت راسي بدون ما اجادل
حسيت بيّ مَن گُعد گدامي على طرف السرير
نترت بدون ما اباوع

- ايـاك تلمسني !!

- خوفتيني عليچ!! رنيمي اني اسف بَـس أنتِ السبب عصبتيني واوعدچ منا وجاي اتحكم بأعصابي

ضحكت مستهزئة
- نگع اعتذارك واشرب مايه واذا خلصت دراميتك امشي اطلع بره

- تجبريني بسبب اسلوبچ الخايس هذا

- ماكو شي خايس هنا غيرك

رُفع أيده باوعتلها وضحكت بسُرعة نزلها وگال
عذاب- انفصلي ووعد اسويلچ اي شي تردينه

صرخت
- اطلللللع بررررره اطلللللع مَنن حياتتتتتي تعبتنييييي شنوووو تررريد أنتَ شنووو تريددد؟

- اريدچ

- مو الك اني وبعُمري ما حَ اكون الك

راد يتقرب
-لااااا تلمسني

گام يفتر ووحش مثله مُستحيل يگدر
يلزم اعصابه
ما حسيت غير قبض على شعري وهز
راسي بقوة وجعتني بَـس مو اكثر مَن كلامه

عذاب- ما اضربچ بَـس الوعچ بيّ وبكل واحد تحبينه صدگيني اذا ما خضعتوا لطلبي وانفصلتوا اقتل بنته امه اخته اولاد اخته اذبحهُم بليلة واخبلچ أنتِ ويا

- فارغ أنتَ وكلامك

- اثبتلچ؟

دفعني وطلع التلفون ما اعرف شنو
يدور بيّ
شوي وداره عليَّ چانت صورة لـ لـيث
هوَ واصدقائه بـ باب الجامعة مالته
رفعت عيوني مدمعة اباوعله هز راسه

عذاب- شنو اليمنع ما احط طلقة براسه

- لا فدوة لا

عذاب- تأدبي لعد وثاني مرة لا تتحديني لان أنتِ الخسرانه الوحيدة وانتظري فترة ارتبها واخلي يطلك

طلع تاركني غارگه بهمومي وايامي صارت
تمشي هيَّ والعدم سوه بدأت اصير زينة
مَن ناحية عمليتي وتالا فعلًا ابتعدت
وما اگدر الومها لان عذاب ما يرحم ومو ذنبها
تتحمل وحشية عذاب والوگع بيها زوجها

نزلت جوه لافه جسمي بالوشاح لان چان
الجو بيّ برودة نوعًا ما
واني مَن النوع كُلش ابرد وما عندي مناعة
ومُمكن اي جو يأثر بيَّ واتمرض لذلك احرص
على أنُ ادفي نفسي

وطلبت مَن تالا تبلغه يجيبلي اشياء
تدفيني وهوَ الحقير فرحان عبالك گُتله
حَ أحبك؟ ما يدري اني كُل ثانية تمر بحياتي اعشق كليم اكثر بكُل ليلة انام هوَ
سَيد احلامي وواقعي أكيد

وگفت ثابته على اصوت وگفت عقلي
بنفَس اللحظة طلعت تالا مَن المطبخ
وهم مَن شافتني جمدت تباوعلي
مقهورة على حالي !!

باوعت لـ غُرفتة الاصوات المُقرفة
يمكن دقائق
وطلعت بنية استغفر الله ملابسها تخزي
وهوَ وراها بَـس شافني بهَت بدون ما اهتم
كملت طريقي للمطبخ وگُعدت

- يصير ابقى يمچ مليت مَن الغُرفة فوك

تالا- أكيد ابقي

نُص ساعة ودخل متأنق وسابح
عذاب- تركينا وحدنا تالا

طلعت بدون ما تناقش وهوَ باوعلي
عذاب- ضجتي؟

- ههههه على شنو؟

- لان شفتيني ويا وحدة غيرچ

كشولت وجهي منقرفة
- أنتَ بعقلك شي؟ اني ما شايفتك كُلك على بعضك علمود اضوج عسى ما تكون ويا كُل بنات الملاهي ما تهز شعرة مَن راسي
اني عيوني ما تشوف غير كليم وبطل تحلم اشوفك

- تقهريني بكلامچ هذا

- طُبك مرض

ابتسم بحقارة
- واني حَ أقهرچ بيّ شنو رأيچ علمود نتعادل

گام وسحب تلفونه مَن جيبه
ما اعرف شنو بقى يدور بيّ وعلى وجهة
ابتسامة خبيثة وبيها مكر !!

حط التلفون گدام عيوني بثقة
نهزيت هز رَوحـي وجعتني واني اشوفه
اغلى انسان بدنيتي واگف وساند جسمه
على عكازات وخالو بصفه وواضح التعب
عليهُم

طلع صوتي يرجف رُغم عن ثباتي
- شنو سويتله؟

- دزيتله صورتچ ونجلط ههههه

چان اكو صحن كزاز على الميز
بدون ما افكر مرتين
وبحرگة گلب اخذته وفلشته براسه
ابتعد مختل توازنه ولازم راسه الصار
ينزف

باوعلي مصدوم ، صرخت دافعته
- الأذية بأضعافها يا أنتَ يا اني وصدگني يا كلب كُل ما تأذي اخلي دمك بطولك إلا كليم لا تحاربني بيّ لان بوقتها تشوف رنيم ثانية ورحمة ابوي ورحمة اغلى انسان دافته جوه التراب اخبلك

رجعت دفعته وهوَ بعده تحت تأثير الصدمة
طلعت اركض ما اشوف گدامي ومُباشرةً
لغُرفتي وهنا چان صمودي ينهار !! صـرت
ابچي بلوعة واني گاعدة وره الباب

اخ يا رَوحـي أنتَ شصاير بحالك
اخ يا روحها لـ رنيم أذيتك اني أذيتك
وتعبتك
خلصت عُمرك تركض ورايا واني شنو
قدمتلك؟ غير التعب ووجع الراس؟

بَـس وعد لو صار ورب العالمين جمعنا
اكون الك كُلشي واعوضك عن كُلشي
ادعي ربي يجمعني بيك حتى لو ما كان
بالدنيا اتمنى يجمعني بيك بالاخرة

رفعت اصبعي وبست الحلقة مبتسمة
حتى حلقته مو راضية تطلع
وحتى لو طلعت هوَ بروحي وقلَـبي
احبه اكتشفت حُبي متأخر هواية

انطرق الباب بسُرعة كمت وفتحت الباب
مخنزرة بَـس سُرعان ما غيرت ملامحي
مَن شفت تالا
الدخلت مصدومة وهي تحجي

تالا- عزا بعينچ فتحتي راسه !!

- أذى كليم وچان لازم يدفع ثمن أذيته اله

- ما تخافين على روحچ أنتِ

- هي روح وحدة وما ياخذها غير الحطها بهذا الجسد اني كُلشي اقبل بيّ إلا كليم ما اسمح لكائن مَن يكون يأذي عندي استعداد احط سچين بگلبه واقتله وادخل سجن بَـس ما اسمح اله يأذي كليم

ابتسمت ماخذه أيدي
تالا- هيچ تحبينه؟

- فدوة الدنيا تروحله حبيب الروح هذا

- ربي يجمعچ بيّ

- امين ، تالا اريد اطلب منچ طلب

- اذا اگدر مَن عيوني

- تگدرين بَـس اريد اعرف مكان القبلة واريد اصلي بَـس ماكو لا سُجادة ولا اي شي تگدرين تدبريلي واهم شي القرآن

تالا- غالي والطلب رخيص

تركتني طالعة واستغربت مَن رجعت بيدها
كُلشي؟
شافت استغرابي وضحكت
يمكن چنت واضحة بمعاني وجهي

تالا- تره جراح شيعي ويصلي ومتوفرات ببيتنا هواي اشياء تخص دينكُم

گعدت گدامي
- ليش زوجج ويا عذاب؟

- مجبور

- مَن شنو؟

ذبت حسرة مَن صميم قلبها وگالت
- لان الباشا موقعة على اوراق بيها اشياء مو قانونية ويهدده بيهُم

- ليش سوه هيچ

- حتى يضمن بقاء جراح يمه لان يعرف مهما كان يكون ما حَـيخونه ويثق بيّ هواية وبيناتهُم صداقة مَن زمااان

- اذا اصدقاء ليش خلاه يوقع على هيچ اوراق؟

- لان جراح مَن فترة قرر يبتعد عن اي شغل سيء ومُمكن يأذيني بَـس الباشا رفض لان ما يثق بغيره وبليلة طلعلة اوراق تودي ورا الشمس

- حقير !! حتى صديقة ما سلم منه؟

تنهدت ساكته وضايعة حاسة بشعورها
خوفها وقلقها على زوجها مَن الأذية
اني دا أمر بيّ حاليًا على كليم بهاي الظروف القاسية

رفعت راسي على اقتحام الغُرفة
عيوني نزلت على أيده الشايل بيها مقص
رجعت اباوعله خايفة يكون
تفكير صح وبوقتها انجلط من صدك !!

بلعت ريگ ارجف والدمعة صارت بطرف
عيني
سحب سلاحة مَن ظهره وحطه براس تالا
خلاني صافنة بكمية حقارته وكمية اللا مُبالاة بروح الناس العنده وشگد هوَ عنده
القتل والموت عادي !!

عذاب- لازم اكو عقاب على تجاوزچ هذا مو؟

اشر على راسه المُضمد؟ وكمل
عذاب- يلـه تالا نزعيها شالها وقصيلي ظفيرتها الحلوة

- لو تموت

عذاب- شعرچ لو روح تالا؟

اباوعلها ترجف خايفة بل مرعوبة واني
مو اقل منها خوف !! وخوفها أكدلي عذاب يگدر
ينفذ كلامة بدون ما يهتم لـ روحها

- اطلع

- گدامي

الغصة ببلعومي شكلت درت راسي ارجف
مجبورة شنو اسوي؟ ما مُمكن احد يحس
بشعوري غيري؟
مُمكن يگولون تبالغ والموضوع تافه بَـس
هاي حياة انسان اني ما اگدر اكون سبب بموت انسان بريء مَن جديد ما حَ اگدر
اتحمل هذا الشي

اسمع صوت المقَص وهوَ يقص شعري
الحقير حدد حتى الطول
وگف الصوت وكان الهدوء كفيل يخلي
دموعي تنزل مثل الشلال وگلبي مثل الخنگة صارت بيّ !!

ضحك بصوت وگال جُملة زرفت گلبي
عذاب- نوديها لـ كليم؟

بطرف عيني باوعتله وكمية القرف والكُره
واضحات على معالم وجهي
- ودوك للنجف غرگان بذنوبك ان شاء الله

- تردين عقاب ثاني

- اريدك تموت

- طلعي تالا

گالها راص على اسنانه وبَـس طلعت هجم عليّ جرأته بلمسي تكون كفيلة اموت الف موته
جرأته على ضربي وتعنيفي تحت مُسمى الحُب تضحكني ويا كثر جرأته على محاولة اعتداء مره متزوجة

ابتعد بعَد ما لوثني بقذارته
بقيت صافنه بالسقف ودموعي تصب
وهوَ يبچي انتبهت اله يبچي گاعد على
جهة ويشهگ بصوت

وتأكدت عنده انفصام مَن گال بهوس
عذاب- حبيني اريد حُبچ اليَّ مثل ما اني احبچ كليم ما يستاهلچ

درت جسمي وسحبت الغطى عليَّ
مغطيه حتى راسي
طردت كُلشي مَن عقلي وفكري وغلقت عيوني بقوة مقررة انام وشگد تمنيت انام ما اگعد بعَد لان الحياة الدا اعيشها
دمرتني !!

بَـس قدري چان اله رأي ثاني
فتحت عيوني وبعدت الغطى عن راسي
صفنت بالسقف هواي احاول ارتب الصار
واتذكر اني خسرت اكثر شي كليم يحبه
اكثر شي كليم يعتني بيّ ويبوسه
شعري؟!!

گمت وأحَس جسمي يرخف
توقف الكون بيَّ مَن شفت شكلي المُقرف
گدام المرايه؟ شعري الاقصر مَن كتفي
حتى !!
علامات على طول رقبتي
حيلي خاني ووگعت بَـس صوت
شهگتني چان ينسمع بدون دموع

بيدي ضربت المرايا وصرخت رَوحـي
رايحه مني أحَس الزجاج مال المرايا
يدخل بيدي
بَـس ماكو أي وجع ما دا أحَس بأي شي!

قيدني شخص ما اعرف منو لان عيوني
مادا اشوف بيهن والاصوات بعيدة بَـس
اسمع كلامه نوعًا ما

- طلبوا الدكتورة بسُرعة

بعدها فقدت ما حاسه بأي شي !!
ومن گعدت شفت المُغذي المحطوطلي؟
بعدته بنتره واشوف الدم الصار
ينزل ويدمر حتى لفراش
وايدي ملفوفات بشاش بكُل عناية
واضح خلفت جروح عميقة
بسبب انهياري !!

- وينك؟ شلون عايفني يمه شلون تقبل على بنيتك يسوون بيها هيچ؟

غطيت وجهي انتحب بصوت ناصي خايفة يجي خايفة يسويها ويعتدي عليَّ
واني لا حولة ولا قوة شنو اگدر اسوي؟
قوتي شنو يم قوته؟

- تعال كليم تعال تأخرت ما عندي طاقة بعَد ما دا اگدر اتحمل تعبت والله تعبت وينك عني؟

سحلت نفسي للباب وقفلت الغُرفة
الحمدُ لله موجود المفتاح وما ماخذة
گعدت وره الباب
أحَس عيوني منتفخة وجسمي يرجف
رفعت أيدي ترجف تلمست شعري وبچيت
اخ يا معزة شعري عنده شلون يتحمل مَن
يشوفني قاصته؟

فزيت حاضنه نفسي مَن تحركت اليدة
وحسيت بعدم الامان اكثر مَن وصلني صوته

عذاب- رنيمي فتح الباب اريد اطمئن عليچ

سكتت مكممه حلگي بأيديَّ
عذاب- ما تنعاد بعَد ما اتقربلچ صدگيني حبيبتي منا لمن نتزوج وشعرچ وعد اجيبلچ علاجات تخلي يطول بسُرعة ويرجع احله مَن قبل

كلامه ما حرك شي بداخلي ولا چان عندي
طاقة احجي شي !!
اي طاقة هاي واني بهذا الحال الجدًا تعيس؟
اي طاقة !!

- زين خلي تالا تدخل تشوفچ وتطمئن اني ما ادخل
رنيم !! سمعيني صوتچ بيچ شي؟ بَـس لا سوت شي لنفسها تالا

تالا- رنيم بَـس جاوبي على الاقل

- روحوا منا ما أريد اشوف شخص

عذاب- بَـس اطمئن عليچ

صرخت
- رووووووح رووووح ماااا اريدددد اشووف وجهك القذرررر دمرتنييي الله ياخذك لو ياخذني واخلصص من حياتتتتي المُقرررفة هااااي

عذاب- صار بَـس لا تعبين نفسچ

سمعت خطوات تبتعد وبعدها اجاني صوت تالا القلق
- رنيم أنتِ زينة

- لااا

- فتحيلي الباب راح بَـس اني موجودة

- ما اريد اشوف اي شخص تالا بلشت اتعب طاقتي دا تصفر وقطعت الامل كُلش حابه اروح يم بابا الدُنيا تعبتني وكليم تأخر حيل

تالا- رنيم لا تسوين شي بنفسچ

- اذا انتحرت ما اروح يم بابا كليم هيچ گال مره بَـس دا ادعي اموت لان تعبت

- هذا جزع والجزع حرام

- والدا يصير بيَّ مو حرام؟ شنو ذنبي اني شنو سويت حتى اتعذب بهذا الشكل؟ عُمري ما أذيت شخص ليش هيچ يصير بيَّ

- فتحي الباب قلقتيني

- رَوحـي منا

گمت متجاهلة محاولاتها حتى افتح الباب
تمددت بمكاني عيوني صافنه بالفراغ
فعلًا بديت اجزع مَن حياتي وعيشتي وكُل
الدا يصير ويايَّ !!!

غمضت عيوني وچنت بكل يوم انام داخل
هذا البيت
ادعي حتى ما اگعد واعيش شي اسوء مَن
الدا اعيشه حاليًا وبكُل مرة اگعد ويخيب
املي ارجع ادعي يلگاني كليم بـ اسرع وقت

فزيت اباوع للسقف استوعب الطرقات القوية على الباب وصوته المُقرف يجلجل بالمكان

عذاب- فتحي الباب لاااااا اكسرررره !! رنيم؟ اذا ما تفتحية تندمين والله ابچيچ دم على كُل انسان تحبينه

رفعت جسمي الأحَس بيّ مكسر حرفيًا
چنت بالگوة احاول امشي واسحل برجلي
سحل حطيت ايدي على القفل وفزيت
مَن انضرب الباب بقوة وصاح

عذاب- بسيطة !!

فتحت القفل ورجعت اخط بروحي اريد
اوصل واگعد لان رجلي يرجفت
لا اكل لا شرب لا راحة نفسيّة ولا جسدية
فوك القهر والتعب والتعنيف والخوف
ما دا اصدك بعدني عايشة بكُل هاي الضغوط

گعدت منزلة راسي وأحَس بي چنه ططوه
يفتر گدامي واخر شي استقر گاعد بصفي
وگال صوته يرجف بشكل مو طبيعي !!

- رنيم اني احبچ كُلشي اسوي لان احبچ واريدچ اليَّ

ابتسمت مستهزئة وما جاوبته
عذاب- تجبريني أأذيچ أنتِ السبب

- اريد أهلي

عذاب- مَن چنتي عندهُم تواصلت ويا هُمام گتله اترك كُلشي ومستعد اغير مَن نفسي وانسجن على كُل افعالي بَـس چان طلبي أنتِ تكونين اليَّ
بَـس هوَ رفضضض گالللل لا تحلم انطيك رنيم اني چنت مستعد اضحي بكُلشي علمودچ واگعدچ ببيت قريب منهُم بَـس هُماااا رافضييين

- لان يدرون بيك انسان مريض ، أنتِ دا تضربني وتحاول تعتدي عليَّ وبعدين تگول أنتِ السبب الانسان الحقيقي الحُبه صادق مُستحيل يأذي محبوبه تحت أي ظرف

- شنو تردين؟ شنو اسوي وتحبيني؟

- ما حَ احبك بَـس اريد زوجي واهلي اني تعبت اريد ارجعلهُم كافي السنوات العشتها بعيد عنهُم

- عشتي بعيد عنهُم لان باعوچ

- مو هُما ، الباعني واحد مريض اكثر منك وتلقى جزائة وأنتَ حَـتتلقى قريبًا ان شاء الله

لزم فكي رافع راسي حتى اباوعله لان طول تواجده ما باوعتله
- اذا متت بيوم فَـ تأكدي أنتِ هم تموتين لان مُستحيل اتركچ لغيري

- الله ياخذك ويخلصني منك

- كليم ما يحبچ مثلي

- عادي المُهم اني اموت عليّ ومستعدة اضحي بروحي علمودة

- لو يحبچ چان لگاچ بسُرعة مو صارلچ فوك الشهر عندي

- قريبًا يجي وصير رجال وواجهة

- راح يخيب ضنچ

- كُلها خيبت ضني إلا كليم چان دائمًا يكون گد الثقة الانطيها اله وهسه مثل ما شايفتك گدامي متأكدة راح يجي مثل ما دورني ثمان سنوات ولگاني راح يرجع يلگاني

نتر وجهي يرجف ولان بلش يعصب طلع
ضارب الباب وراه بقوة جفلتني

- روحه بلا رجعه يارب

مرت الايام تعيسة حيييييل وعذاب ساعة
زين ويدور رضاي وعشر ايام يتعامل مثل
الحيوانات وحتى يروح فدوة للحيوان
مرة گاعدة يم تالا بالمطبخ اطلع على الاوضاع اريد اعرف مكان اشرد منه لان بقائي يم عذاب مثل المنتظر موته على أي ساعة

رفعت عيني وصرخت مَن حاوط زندي وسحبني وراه
چانت اكو غُرفة جوه الدرج مثل المخزن
بَـس فااااارغة وبنفس الوقت نظيفة شمرني
بيها وصاح

- جراح جيبه

بقيت اباوع على الباب ونبضات گلبي
صارت بحلگي مَن سمعت صوت چلب يتقرب
اباوعله ما چان صاحي عيونه حُمر وما
واگف عدل يروح منا ويرجع منا سكران!!

صرخت متكورة على نفسي بالزاوية مَن
دخل جراح بيده چلب بوليسي ينبح عليَّ
ويريد بَـس يوصلني ويقطعني بأسنانه

عذاب- اطلع واقفل الباب

راح جراح واني صرخت مفرفحة
- عذااااب لااا ابوس ايدددك والله اخاف الله يخليك خليني اطلععع يممممه كليممم وينككككك

صرت اگمز بمكاني مَن الذعر وهوَ يضحك
مستمتع ترك شوي مَن الحبل وتقرب الچلب عليَّ ، گعدت لامه نفسي

- عذاب اخاف منه اني اخاف گلبي حَـيوگف وخره عني

عذاب- اممم تحبين منو اني لو كليم

جاوبته بدون تفكير لان مو بوعيه واعرف مُمكن يخلي هذا الچلب يقطعني تقطيع اذا
ما جاوبته الشي اليَّ براسه

- أنتَ أنتَ

- تكرهين كليم

- اكرهه بَـس وخر هذا عني يمممممه يااااا علي دخيلك ادركني يا عليييي

- ههههههه رنيمييي تطلگين مَن كليم

- اي اي انفصل والله انفصل بَـس وخره فدوة

نزلت عيوني على رجلي خدرن ونامن على
الارض ما أحَس بيهن مَن الهبطة
ما اعرف شلون غفلت عن قُرب الكلب ومديت ايدي على طرف اصابع رجلي
بنفس اللحظة صرخت والوجع دگ بگلبي
مَن شرمخني ونبح بوجهي

حضنت أيدي لصَدري وأحَس روحي ماتت
وبندت حتى ما اگدر انطق لساني انعگد
هوَ مَن شاف حالتي صاح بـ جراح طلع الچلب وهوَ ركض يضرب على خدودي وبعدها ما حسيت بشي

فتحت عيوني على الآم فضيع بأيدي
باوعتلها وشهگت متذكرة الصار كُله
رفعت عيوني وتمركزت عليّ گاعد على
الكُرسي مقابيلي وصافن بيَّ

عدلت گعدتي وگلبي صار دمام مَن كمية
ضرباته القوية !!
بدون سابق انذار گال ورجفت رَوحـي مَن
شفت دموعة صارت تشكل خيوط على خدوده

عذاب- كُل ما أريد اصلح شي بيناتنا واخليچ تسامحيني اتصرف تصرف غبي يرجعني عشر خطوات وره
ما يفيد مَن اعتذر مو؟ لان اني ما چنت بوعي بَـس وعيونچ هذا السَم بعَد ما اشربه لان كُل ما أأذيچ اكو فاقد بسببه

ما جاوبته والدُنيا صارت صغيرة بعيني
معقولة عالم شگده وشكُبره ما گدر يوسع طفلة يتيمة !!
لهدرجة الحياة ظالمة؟ شنو الذنب السويته
حتى اكون بيد واحد مُجرم مثل عذاب؟
اني حتى ما شفت شي مَن طفولتي ومُراهقتي والدنيا خلصتها تلطش بيَّ
وبَـس رجعت قيدت نفسي بزواج ومسؤولية؟

نزلت راسي واشوف دموعي دمعة دمعة
وهي توگع مَن عيني

عذاب- موتيني ولا تبچين

- خلصت طاقتي

- اسف

- ههههههه بشنو تفيد؟ دمرتوا حياتي اني ما حَ أسامح اي شخص كان سبب بوصولي لهذا المكان

مسح دموعه وسكت
- اتمنى اموت على الاقل اروح يم رب رحيم واشوف بابا وهذا الشي الوحيد اليّ متمسكة بيّ وواگف بعيني حتى لا انتحر وخايفة اوصل مرحلة حتى هذا الشي ما يوگف بعيني وصدگني أنتَ السبب

طلع بدون ما يحجي ولا كلمة كالعادة
سندت راسي
على جهة ضايعة ويا كُبر ضياعي وماكو
شخص واحد يلمني! محتاجة سارة اريد
ادخل بحُضنها وابچي لحد ما يروح كُل
هذا التعب

اريد ارجع بوسط خالو وكليم اريد حنيتهُم
كُلش محتاجة الهُم اني بهذا الوقت
گلبي دا يتگطع مَن الوجع حاسه بشعور
مو حلو بداخلي لدرجة الحياة بهتت حيل
واني تعبت
يارب تعبت فدوة لأسمك ساعدني ورحمة
بابا طاقتي خلصت ساعدني لا توگعني بالخطأ
ما اريد أأذي النفس الوصيت بيها أنتَ

گمت اباوع مَن الشُبـاك
المسافة بينه وبين الارض عالية كُلش
يعني حتى لو افكر اشرد مُستحيل اعيش
لذلك هوَ مطمئن ومخليها مفتوحة بدون
قفل !!

صرت اباوع للسماء انتظر الليل يجي
لازم احط هاي الليلة حدود لـ كُلشي
لازم اشوفلي صورة حل واشرد لان البقاء
ويا عذاب موت بطيء

بَـس ما چنت اعرف الحَ يصير ما چنت
اعرف شنو راح اعيش بعدها
ولو رجع بيّ الزمن اعيدها صح الثمن غالي بَـس اعيدها ..

نزلت الظلام چان سيد المكان واضواء
خفيفة چانت مشتغلة
وصوت الحشرات مسموع بنُص الليل
فتحت باب المطبخ وخابت آمالي مَن
لگيته مقفول؟!!

رجعت افتر بالبيت اريد مكان كون اطلع
منه !! فريت كُل زاوية منه ومَن حَسيت بوجود شخص
ضميت نفسي بمكان كُله ظلام ومحد يگدر يشوفني هنا ، كشولت وجهي بقرف مَن طلع هوَ مَن غرفته ووياه وحدة شُبه بلا ملابس حرفيًا

تتموع وتنوص اخر شي سحبها ضاغط على فكها وچنت اگدر اسمع صوته

عذاب- انا مو اگول بدون صوت حابه اگطع لسانچ؟

باسته بكل وقاحة وهوَ حط لفلوس بجسمها
لعبت نفسي وقرفيت مَن المنظر !!
بقيت ادعي ينسون الباب مفتوح
هاي فرصتي الوحيدة

رجع دخل الغرفته واني ركضت بره بسُرعة
كممت حلگي ضاحكه مَن شفت الباب
مفتوح وچنت ماخذة احتياطاتي لابسه
شي يدفيني وحجابي على راسي

ركضت بكل قوتي بدون ما اباوع ورايا
صح مرعوبة مَن اصوات الچلاب والظلام
بَـس فرصة النجاة مَن أيد عذاب
چانت تخلي كُل مخاوفي تتبخر وتتلاشى!

وگعت وعطت متوجعة أحَس الشوك دخل بيدي ومنا هُما ما متعالجات تمامًا مَن زجاج
المرايا
گمت ابچي واركض امسح دموعي وادور بعيوني

اريد طريق ماكو عبارة عن زرع
- وينننن الطريق يا الله ساعدني دخيلك يا علييي اني يتيمة ادركنيي

توني مشيت كم خطوة وسمعت صوته يجلجل بالمكان بَـس ما اعرف مَن أي جهة

عذاب- رنييييييييييم رجعي برجليج لان اذااااا رجعتچ انيييي العقااااب وخيييمم

دگات گلبي صار بحلگي صرت اركض وما اعرف دا ارجع لو اتقدم بَـس حظي زفت واني اعرف
رجلي اخذتني اله بكُل غباااء ، جمدت اعضائي وهوَ ضحك مستمتع بَـس بطريقة مُرعبة بَـس رجعت جفلت مَن ضرب طلقة قريب رجلي

عذاب- خطوة وحدة والرصاصة الثانية تكون برجلج

- عوفني اروح

- ما عندچ مكان غير عذاب

تقدم عليَّ وبوحشية صار يضرب وهالمرة
چان بكامل قوى العقلية لا سكران ولا شي
الطريق الركضته على رجلي رجعنيا سحل
وضرب بحيث أحَس وجهي خدر
دخلني للبيت سحل ، حاولت تالا تاخذني منه ما مستمعه لأي مَن تحذيرات زوجهـا
بَـس عذاب دفعها بكُل قوته وواگعها ماخذني فوگ

چنت اريد اي طريقة تنقذني منه
گلبي چان حاس هاي المرة غير تكون
ضرباته ما وجعتني بگد وجع گلبي
وهوَ يسب بابا مسبات مؤذية !!

اكثر لحظة احتاجيت كليم بيها هاي
اكثر يوم انرعبت بيّ هذا اليوم
رفعني مَن ملابسي وشمرني على السرير
متخبل وفاقد مو بعقله
طلع تلفونه ايده ترجف بشكل مو طبيعي

توقف الزمن بيَّ وتلاشت الاصوات مَن وصلني صوته
كليم- ابقى بجحرك قريبًا اخليك جوه قندرتي

عذاب- ما مشتاقلها؟ ههههه

- ثمن كُل خصلة تتأذة منها عظم بجسمك اكسر ووعد زلم واسأل عني وتعرف گد كلمتي

هدأت انفاسي مَن لف الشاشة عليَّ
تغيرت ملامح الغضب لشيء مَن الدهشة
والشوق
عض شفته يحاول يسيطر على نفسه

كليم- بنياتي؟

- تعال خايفة ابوس ايدك تعال

- جايچ والله جايچ

اخذ التلفون ثبته بمكان يگدر يصورني وگال بكُل جنون
عذاب- اليوم رنيم حاولت تهرب وگلت لازم اعقبها فقررت اضرب عصفورين بحجر واحد واعقبكُم سوه!

مشه خطوتين وگال
عذاب- مَن جبتها لحد الان ما تقبل تنزع الحلقة واليوم وبطريقتي وگدام عيونك حَ انزعها الها

كليم- اذبحك واشرب مَن دمك لك اني اجي ونتحاسب لا تتقربلها

حاوطت نفسي ارجف مَن الخوف وهوَ تقرب بسُرعة صرختت اريد اهرب بَـس
گدر يسيطر على جسمي ويعتليني
اسمع كليم يعيط يريده يبتعد واني مَن
جهة بَـس الحيوان ما اهتم لأي واحد بينا

شاغت رَوحـي والوجع دگ بالعظم مَن لزم ايدي وصار يضرب بيها بحافة السرير الخشب
بحيث حسيت المعصم كُله انفصل عن بقية أيدي !!

- بابااااااااااا ساااعدنييييي ياااااللله كليممممم وينككككك

كليم- جاي بابااا لككككك عذاااااب

ابتعد يضحك مستمتع وراح للباب صاح بصوت
- جرااااح جيبلي قاطعة

كليم- عوفها اسوي اي شي تريده عوفهااااااا

عذاب- تأخرت

رجع قفل الباب واعتلاني رجف گلبي مَن
رفع أيدي نفسها
حسيت رَوحـي دا تطلع مَن جسمي على البطيء
ارفس برجلي وبلاعيمي طگت مَن الصريخ
واني أحَس القاطعة اثناء ما دا تقطع الحلقة
فرمت لحم اصبعي وبكُل حقارة الكون
سحب الحلقة وحسيت بحافتها الحادة
وهي تقطع لحم اصبعي مَن الطول للطول
صرخت بوجع الدنيا كلها

باد جسمي
كليم- وحق مَن خلق السماوات السَبع وحق لا إله إلاّ هوَ ادفعك ثمن وجعها غالي
لچ باباتي عزيزتي أنتِ تحملي جاي والله وعيونچ جايچ

عيوني صارت تغوش بَـس أحَس بكُلشي
يصير !! مع الأسف چنت أحَس بيّ وهوَ
يجردني مَن ملابسي
واسمع كلماته القذرة الصار يهمس بيها
قريب مَن أذني ، بَـس جسمي ما دا ينطي
أي ردة فعل
صوت كليم چان طاغي
أحَس برجفة صوته وهوَ
يشوف عذاب يعتدي عليَّ گدامه

كليم- لااااا هيچ لك لاا باوع عذاب اطلگها وحق الله اطلگها بَـس وخر لكككككك حيوان احجي ويااااك اسوي التريده بَـس عوفهااااا

استسلمت للامر الواقع بَـس هوَ ابتعد مَن
صدر صوت طلقة؟
بدون ما يهتم تركني مثل الجثة على السرير
غلق التلفون وطلع !!
اباوع للسقف مرة توضح الصورة
وترجع تغوش

فزيت على أيد تتمرر على راسي
چانت بنية بَـس ما اشوف منو

- سارة؟

- اني تالا سامحيني

ابتسمت بدون جواب وهي صارت تغطي
بجسمي اخر شي تقربت مَن أذني وهمست

- تتذكرين مرة انطيتيني رقم كليم؟ وخفت على زوجي وما گدرت اساعدچ!

هدأت نبضات گلبي مَن كملت
تالا- زوجج بالطريق دزيتله الموقع لان اي بنية ما تستاهل الدا تعيشه وجراح ما دام قابل وساكت على الدا يصير بيچ اني ما اگدر أأمن نفسي يمه

تركتني وطلعت واني بعدني بصدمتي

اتذكر بعَد ما گعدت مَن الغيبوبة اول اسبوع توسلت
بـ تالا تساعدني بالبداية اقتنعت
واخذت رقم كليم ، لان اني چنت حافظته
بَـس بالاخير تراجعت بسبب خوفها مَن عذاب
ومو على نفسها لا على زوجها
واني لو بمكانها اسوي اكثر علمود سلامة كليم
لذلك عذرتها
بَـس اعتقد حالتي مأساوية لدرجة شفقت عليَّ
ودزت لـ كليم !!

بَـس بعد شنو؟
تأخر كليم حيل تأخر اني حتى ما اگدر بعَد احط عيوني بعيونه!! عذاب سوه بيَّ ابشع شي گدام عيونه اني بقايا انسان

أحَس جسمي كُله مشلول بدأ الوجع يسيطر عليَّ وحدي
وحدي احارب الوجع؟ خلصت عُمري وحدي

الظلام گدر يسيطر عليَّ ويسحبني وبين الوعي واللا وعي وقبل لا افقد السيطرة
على حواسي كُلها
شفت اخر منظر "خالو وهوَ حاضني لصدره ويبچي ويردد"

هُمام- ماتت خسرتها اني مو گد الامانة يا يابه

..

وتستمر الحكاية.. 🚬♣

قناة التلي zainab_salah0