رواية دروب الإِندِثـار الفصل الحادي والأربعون 41 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 37 ♡♡

لا تنسون التصويت + متابعة للحساب + التعليق بين الفقرات ☘️

‏الورد ذابل من زمان لا تحاول تعتنيني
لا جماجم لا ملاحم كلها متعوض سنيني

•••••••••••••••••••••••••••♕•

سـاࢪة•

نترت ايده وگمت باعده الغطى بَـس ابتعدت كم خطوة گام هوَ ورايَّ
درت اريد اعيط بوجهة مَن گد ما مغثوثة
ونار تسعر بگلبي بَـس جمدت مَن شفته
اختل توازنه ورجع وگع على السرير لازم راسه

ركضت گاعده بين رجلي
- هُمام باوعلي شبيك حبيبي؟

- ما دا اشوف ضغطي

ردت اگوم بسُرعة قبض على أيدي
هُمام- لا تعوفيني

- اسويلك عصير ليمون !!

- ابقي يمي واصير زين اش لا تحجين تعاي

سحبني شوي شوي لـ صدره محاوطني سُكتت ما اريد ازيد الموضوع سوء
شدد على حُضني ونزل راسه وهمس

هُمام- اذا تحبيني سمعيني

- تعبان أنتَ أجل الموضوع

هُمام- اتعب اكثر اذا ما تسمعيني

رفعني مگعدني على رجله ، حاوط خدودي
باس جبيني
ورجع يباوع داخل عيوني

هُمام- چنت اريد اسولفلچ واستفسر منچ عنها لان اني مو غبي ويمر الموضوع بدون ما افهم
اعرف غايتها واضحة بَـس سارة اني حاحيت كليم عن مُراسلتها گال مالي خلك جاوبها أنتَ لان هوَ ما راد عليها واضطريت اجاوبها مَن باب احترامي لـ كليم مو اكثر طفلة ما تهمني صدگيني

- ميار اكبر مني !!

- ما تهمني

- حلوة !!

هُمام- عيوني ما تشوف غيرچ أنتِ

رفعت ايدي امررها على خده
- اني مالي حق ازعل أنتَ مَن حقك تتزوج ويصير عندك اطفال اني بَـس منتظره رنيم ترجع

عقد حواجبه
- اي؟ شتسوين؟

- تتزوج

خزرني قابض على فكي
- سارة لا تخبليني !! اي تصرف مَن وره ظهري احاسبچ عليّ

بقيت ساكته وعيوني مدمعة مقهورة بَـس مو مَن حقي ازعل !!
مددني على السرير وصار فوگي حطيت ايدي على صدره

- شبيك هُمام؟

- غيرت رأيي اليوم يتم زواجنا

فتحت عيوني وقبل لا انطي أي ردة فعل
نزل محاوط شفايفي يقبلني بشغف
حركاته اخذتني لغير عالم بَـس الاشيـاء العشتها صعبة وما دا تروح مَن راسي وتخليني اعيش بسلام !!

اخذ ايدي ولفهن على رقبته
سند راسه على راسي وگال بصوت يلهث
هُمام- احبچ

- خايفة

- تعتقدين اگدر أأذيچ؟

- لا

- راح ابقى اذكرچ اني منو بَـس اهدي لا تأذين نفسچ

مصير هذا الشي يصير وبدال ما أأجل الموضوع بكُل مرة
قررت اخوضه وانتهى مَن الصراع اليّ
بداخلي !! انطيته الضوء الاخضر مَن
طُبعت بوسه على شفته ، صار كُلشي بيده

كُل ما افقد يذكرني هوَ هُمام
وچان اسمه كفيل يخلي الامان يحاوطني
رجفت الخوف بدلها برجفة شغف
احمرار وجهي بسبب الماضي بدله بخجل مَن افعاله السرسرية حتى واحنه بهذا
الوضع چان بقمة الاستهتار
رُغم چان تعبان بَـس راد يعيشني شعور
حلو وما يحسسني بأي نقص

سحبني لـ صدره
هُمام- متأذية؟

- شـ شوي

رفع راسي باس جبيني
هُمام- گومي سبحي بماي دافي

متت مَن الخجل واني اغطي نفسي بَـس
شنو الوجع كان فضيع
اباوع للفراش والدمعة صارت بطرف عيني
شهگت وهوَ حضني مَن وره

- سارة أنتِ انظف انسانه بدنيتي لا تفكرين الموضوع يزعجني وأن زعجني فـ مو منچ لا عليچ وغضب مَن نفسي لان ما گدرت اساعدچ

- اكره جسمي

- نچبي لا تحجين على املاكي

- هُمام اريد انسى

- اني وياچ

- ما تعوفني مهما يصير

- للأبد

- شنو ما اسوي ما تكرهني وتزعل مني؟

- امم مُمكن ازعل بَـس ما اطول لان ما اگدر بدونچ

ابتعد عني بَـس لبس وگام شالني
- وين هُمام

- صوتچ ما اسمعه خليني مرتاح

رُغم هذا رفضت يسبحني بَـس ما اگدرله
بقى سبحني وسبح يلـه طلع
هوَ مشطلي وبدلي وبدل الفراش كُله وعطر الغُرفة وسحبني لـ صدره نايم

- هُمام؟

- أمريني ام عيَون شهل

رُفعت راسي اترقب ردة فعله
- ليش تممت زواجنا رُغم مساع گلت مو وقته

باوعلي بطرف عينه
- كلامچ عن زواجي

- وشنو تتوقع يصير؟

- ما نقطع الامل مرات يكون خطأ طبي نجرب اذا صار الحمد لله واذا لا فـ ما مكتوبلنا الاطفال

- بَـس مو ذنبك !!

- خرب ليش تبچين؟ شنو تردين أنتِ بالضبط؟ نايمه بحضني قبل ساعة تم زواجنا ودا تحجين ويايَّ بزواج ثاني؟ تخبلتي أنتِ؟

- احبك

- واني عاشگچ وما مُمكن عيوني تشوف غيرچ

شهگت گلبي متگطع
- لخاطري حبيبي فدوووة

- لا إله إلا الله لااااا تبچين سااارة باوعي شو رفعي راسچ

رفع راسي مَن صدره غصب عني يباوع داخل عيوني بغضب ومخنزر بوجهي

- عهد عليَّ اذا فكرتي تسوين شي بظهري لو تگعدين على رمشي ما اشوفچ
مااگلچ اطلك واعوفچ لا غصب عنچ تبقين وبعينچ تشوفين نتائج افعالچ بَـس ما تصيرين الي مره لو يصبوچ ذهب سمعتي؟

بلعت ريگي وجسمي قشعر رجع عصرني بحضنه قوي دافن وجهة بشعري
هُمام- اوف الله گلبي لاچمني منچ

حاوطت خصره وهمست متجاهلة كُلشي
- احضني

حضني وكُل حسرة يذبها تكسر الظهر
وفعلًا نمت وما ادري بيّ نام هوَ او لا
بَـس مَن فزيت على صوته وهوَ يحجي
بالتلفون !!
بالبداية ما چنت مستوعبة كلامة بَـس
شوي شوي صرت اركز واسمعه يگول

هُمام- يعني أنتَ ويا؟.. خلي بالك منه

سكت شوي وتحسر
هُمام- حاول تاخذها منه لا تروح تضربه جلطة ثانية.. قسورة!! وين؟... حاط ظفيرتها بجيبه؟ لا إله إلاّ الله هسه اجي واشوفه.. وين راح؟ يعني اعوفكم كم ساعة ما تعرفون اديرون بالكُم عليّ؟ ولي من وجهي قسورة

سد تلفونه يهز راسه بقلة حيلة
دار وجمد يباوعلي
رمشت اجمع الكلام
طلع صوتي يرجف متسائل

- گااص شـ ـعرها؟.

ما جاوبني
دار يلبس بساعته

- جاوب !!

- اي

گمت دمي فاير درته عليَّ
- جاوب عدل لا تحرگ گلبيييي

- قبل فترة ودزه لـ كليم

نزلت راسي بخيبة امل !! سحبني لـ صدره
هُمام- اشش اهدي

- تعرف شنو گالتلي مَن تزوجت كليم؟

هُمام- شنو؟

ابتعدت وأحَس العبرة جرحت بلعومي
- تگلي چنت اغار مَن ريم وهو يظفر شعرها وهسه حَ يظفرلي اني همات مثل ما چنت صغيرة
هُمام رنيم تحب شعرها وكليم يموت عليّ

- استغفرالله هوَ تخبل فلش المكتب وحتى ايده تفلشت على گد ما ضربها

- رنيم شنو حالها هُمام گلبي دا يتگطع عليها اريييييد اختتتتي فاض صبررررري رجعهااااا كافيييي شنوووو أنتو منتظرينهاااا تمووووت بيدددده

حاوطني مسيطر على جسمي لان نهاريت
مَن شوي خفت حركتي
يلـه عافني وگام بعدين رجع بيده ابره

- شنو هاي؟

- مُهدأ ومنوم بنفَس الوقت

- ما اريد هُمام عوف ايددددي

ربطني بجسمه وضربني غصب
بعَد شعري عن وجهي وطبع بوسه
على خدي

هُمام- الدكتور گال مو زين العصبية عليچ بابا منا عيونچ ما صارلها هواي مَن سوينه العملية والصرع تردين تموتين وتموتيني وياچ

سندت راسي على صدره وسحبني النوم
نمت بَـس گلبي مفرفح على رنيم !!..

ㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••

مسـࢪة•

"تعاي للحديقة الخلفية بسُرعة"

صارله رُبع ساعة مَن دز هذا المسچ واني
بَـس اباوع مَن الاشعارات ما دخلت عليها
رفعت ايدي اقرض اظافري بـ اسناني
والوب مثل الوحدة الحامل وعندها ولادة

جفلت مَن اتصل وبغباء وسُرعة رفضت
رجع وره دقائق دز

"تجين لو اني اصعد؟!!"

شمرت التلفون وگمت بَـس حطيت الشال ونزلت الدنيا ليل وبهذا الوقت الكُل نايم
حتى دمعة نايمة لان تُگعد ويا صلاة الفجر
الحقيرة هسه اكتشف حُب عمو كليم الها
لان يحب البنية الملتزمة بهاي الامور اني مرات ابقى نايمة واصليها قضاء

عطت بَـس كتم صوتي بـ ايده ولف ايده الثانية على خصري
شالني يمشي بيّ للحديقة الخلفية بَـس
نزلني ضربته على صدره

- احنه شنو متفقين؟ مو ممنوع اللمس!!

قسورة- مو گلبي طاگ عليچ وأنتِ ما مهتمة تعاي

سحب وجهي مَن فكي وباس خدي
قسورة- شلونها مسرات رَوحـي؟

- زينه وأنتَ؟

- شفتچ وتحسن حالي

سحبني مَن ايدي مقربني عليّ
سند راسه على راسي
رُفع أيدي وطبع بوسة على كفي
تحسس نعومة كفي
بخشونة اصابعة وابتسم بحُب

بلعت ريگ ورجف جسمي برغبة دخول حُضنه
اتسعت ابتسامته وگال يحارشني

قسورة- شبيها بزونتي عيونها دمعت

- اريد.. اممم انسى

- شنو حبيبي گولي

- اففف هسه تگول هاي مستهترة

ضحك بصوت مخنوگ وهز راسه
قسورة- لا ما اگول

همست صوتي رايح
- احُضنَي !!

بهتت للحظة بعدين تدارك الوضع
ولمني بحُضنه
دفئ مو طبيعي غلف رَوحـي
باس راسي وشدد ايدي على جسمي

- اضمچ بوسط ضلوعي شلون بيچ اني؟

- هههه ضمنيّ

- صدُك صايرة مستهترة

ابتعدت وضربت صدرة خازرته وهوَ
بَـس يضحك ، گعدت بالمرجوحة وهوَ
اجه قرفص گدامي

- شلون اراضيك حبيبي

- تره اني مو مستهترة بَـس مشاعري معوقة تطلع بوقت خطأ

حط راسه على رجلي واشوف بَـس
اكتافه تهتز ، ابتسمت بَـس رفع راسه
خزرته وهوَ وجهة صاير احمر
وعيونه مدمعة ما يگدر يضحك بصوت

- قسور؟

- عيون قسور أنتِ

- عيب تضحك عليَّ

- اسف

- يله سامحتك

رجع يضحك رفع ضغطي ما اعرف شلون
رفعت ايدي وضربته راشدي
بَـس والعباس مو قوي هيچ شويونه وخفيف

باوعلي فاتح عيونه وحاط ايده على خده
اني فعلت وضعيت
"اتغده بيّ قبل لا يتعشه بيّ"
حطيت ايدي على وجهي ومثلت ابچي واشهك ودخلت بالدور مُمثلة ولا اشطر

- عبالك طفلة شنو اگول تضحك أنتَ لو تحبني ما تعاملني هيچ أنتَ دا تستغلنييي قسووورة

قسورة- ضربني وبكى سبقني واشتكى

رفعت راسي لگيته خازرني
- نمووونه هوَ راشدي صغيروني

قسورة- تعاي اكفخچ واگلچ نمونه هوَ تكفخ صغيروني

- ايدي مو اني

- سيطري على ايدچ لچ هاي كم مرة تعيدينها

- والنبييييي ايدي اني شعليَّ !!!

هز ايده داير وجهة عني
تقربت بست خده

- يله نتصالح واطلب منك شغلة

هز ايده
- رُبحنا

- ما تريد اطلب

- امريني

گزگزت يااااا رب مطاية تزاگط ببطني
لزمت خدوده تگرص وهوَ مبتسم على
سوالف
- حَ أحبك قسور

- تموتين عليَّ

- لا بعدني

- عاشگتني

ما اعرف شلون رديت
- خاب دا گوم مصدك نفسه الطير المهلس

هوَ صفن واني صفت
نستوعب الجُملة الكارثية المتكارثة
الطلعت
مَن لساني الجدًا طوييييييل

قسورة- اني؟

- شبيك؟

- اني طير مهلس؟

- لا يمعود شسالفة گول يا الله

- مسررررة اني طير مهلس؟

ردت اكحلها عميتها اكثر
- مو هسه قبل مهلس شفت صورتك بالغرفة خطية منتفين شواربك اگول هاي شلون صارن هواية هيچ

لطم على وجهة واني بداخلي الطم
قسورة- امشي ولي نامي

- دااااا تعنفني

- ولچ أنتِ مرغلتيني تمرغل مو بَـس عنفتيني

- اوي ما تتحمل الشقة

- بسيطة بسيطة

گمت اركض وهوَ ورايَّ بَـس الحمد لله
دخلت للغرفة وما لزمني
بَـس چذب هوَ تعمد ما يلزمني لان لو رايد
اني فريسة سهلة اله

ماكو دقائق تمددت وندك الباب !!
حطيت حجابي على راسي وفتحته
ضحكت مكممة حلگي مَن شفته
وهوَ همات ابتسملي
حرك راسة بقلة حيلة وگال

قسورة- گعدي اختچ اخذچن للبيت

- ليش؟

- خالي هُمام يريد يطلع للشغل ضروري وما يريد زوجته تبقى وحدها وخصوصًا نايمة وما مبلغها هوَ بطلعته
وهسه مدامتي اخذتي تقرير مُمكن تگعدين اختچ اوصلچن

- حَ احبك لا تصير لطيف هيچ

- ذايبه بـ قسور أنتِ ، اش لا تچفصين روحي يلـه يلـه

دفعني جوه وسد الباب
بسُرعة گعدت دمعة ولبسنا العباية شلون ما كان بَـس علمود نروح وگُبل انام
نزلنا وياه وهوَ شگد ما اگول اخلاق ماكو اكون مقصرة لان فعلًا ماكو وعيونة يا بوية السرسرة البيها حكاية ثانية

خله دمعة شوي تتقدم وهمسلي
- اموت على الصغيروني

- تأدب

قسورة- هوَ كلمن لبس عباية طلع يشگ شگ هيچ

- هههه تأدب

عض شفته يتحارش بنظراته ودك الباب
شوي وفتح الباب عمو هُمام وابتسم
هُمام- هلا بابا

- شلونك عمو

- بخير دامكُم بخير ولو قلقت راحتكُم اني بَـس ما ردت سارة تبقى وحدها وللافضل تنامن فوك يمها

- تمام مع السلامة

- هلا

عفتهُم يحجون ودخلت قفلت البيبان
صعدنا نمنا وحدة منا ووحدة منا وسارة
بالنُص
فزت قلقانه

سارة- وين هُمام؟

- راح للشغل واحنه اجينه انام يمچ

فتحت ايديها واخذتنا بحُضنها
عقدت حواجبي وهمست اتلمس گدمة
برقبتها

- هاي وين متأذية؟ سارة گارصتچ حشرة؟

دموع- وين بلـه؟

توترت وسحبت ايدينا
سارة- ماكو بگه گرصتني نامن كافي حجي

غلسنا ما مهتمين للموضوع
وبين التفكير بأمور هواية واهمها رنيم
سحبنا النوم

فزيت على اصوات جايه مَن جوه
فركت عيوني مسطورة لان أمَس تأخرنه
رفعت عيني على الباب الانفتح
ودخلت دمعة

دموع- اجيت اگعدچ

- شنو هاي الاصوات؟ منو هنا؟

- ميار ولمار اليوم سارة عزمتهن

عقدت حواجبي مستغربة الموضوع
لان رُغم علاقتنا وتواصلنا وياهن
إلاّ سارة
چانت رسمية نوعًا ما وياهن
أضافة الوضع الاحنه بيّ مو مال عزايم؟
شنو بالها يا تُرى؟!

دموع- وين صفنتي؟ مسررررة!

- ووجع شبيچ تعيطين؟

- صفنتي صفنة ابو صابر

- دموع ولي مَن وجهي لا اگوم امسح بيچ الگاع تعرفيني مَن اگعد مَن النوم مو بمزاجي ليش تلحين؟

غمتني وطلعت بدون ما تضيف شي؟
گمت بَـس غسلت لان كُل احتياجاتي داخل
الغُرفة ومَن انزل لازم يشوفني
تعطرت مَن عطورات سارة وحطيت
شالي على راسي ونزلت

حضنت لمار لان حيييييل احبها
نفَس خبالاتي
ميار أحسها غامضة وبنفَس الوقت
الوعي كاتلها
اني احب الناس الفرفوشة التفرفشني
وياها ودائمًا تضحك وطُز بالدُنيا
هي كم يوم ما نعرف يمتى نموت خلي نعيشهااااا بالطول والعرض

لمار- شوفت خواتچ بكفة وأنتِ وحدها شوفتچ بكفة

رمشت بعيوني امثل الخجل
- على گولت ابو اليوث جعل ما تشوفين غيري

خربت مَن الضحك
لمار- منو هذا؟

- شسالفة لـيث ابن عمة نجلاء

لمار- هاااا

ميار- احم خالو هنا؟

- عمو هُمام؟ لا!!

ميار- ههه لا اقصد خالو كليم علمود نروح نشوفه مشتاقيله ما دا اقصد هُمام

رفعت حاجبي "هُمام حاف؟!!"
اباوع لـ وجهة سارة انطعن بَـس ما اعرف
ليش بقت ساكته وما وگفتها عند حدها
تقربت على لمار واني بطبعي احجي مو مَن النوع الاسكت والشخص الما احبه اگولها بدون ما استحي

- اختچ موگعه الرسمية ويا عمو هُمام شسالفة؟

قابلتني بـ ابتسامة خجل
- ميار شگد عُمرچ؟

ميار- 23

- امممم رائع !!

ابتسمتلي بَـس اني غلست عليها
ايععععع ولا كأنو لمار اختها التوأم
فرق شاسع
مَن السماء للارض !!

سارة ترخصت وراحت للمطبخ ما اعرف
شنو براسها وشنو دا تخطط؟
اعرفها كُل الزين ما تتخذ خطوة اذا ما
دارستها كُلش زين ومَن كُل جوانبها أنْ
كانت سلبية او ايجابية !!

سحبت نفسي شوي شوي ورحت وراها
اسمعها تگول

سارة- يعني أنتَ بالطريق؟ شعجب؟.. لا حبيبي مو هذا قصدي بَـس احم لان أمس طلعت واعرفكُم مشغولين بخصوص رنيم... لا ما بيّ شي.. اممم منتظرتك

سده ورفعت عينها عليَّ
فركت وجهة بحيرة وايدها ترجف
تقربت حاضنتها بسُرعة بادلتني وذبت
حسرة وجسمها هدأ

- أنتِ زينه؟

سارة- لا تعبت مَن امتحاناتي بهاي الدنيا دا أحَس بخمول يمتى اخلص

- ليش عزمتي البنات؟

ابتعدت عيونها مدمعة وشفايفها ترقص
مُرتجفة هل برد او خوف؟
ما دا اعرف شبيها وخصوصًا هي غلست
على سؤالي وعيونها شردت لحد ما سمعنا
صوت الباب ينفتح والشُبـاك گدامنا گدرنا
نشوف عمو هُمام وهوَ يدخل

سارة صار وجهة اصفر وايدها ترجف
بشكل مو طبيعي؟ قلقتني حيل!!
دخل مبتسم بَـس غابت ابتسامته مَن
ركز على سارة چان شايل بيده ما اعرف
شنو حطها على الميز وتقدم ماخذ ايديها

هُمام- شبيچ؟ مريضة اكو شي يوجعچ؟

ابتعدت منطيتهُم مساحتهُم

سارة- لا ز زينة

هُمام- شبيچ بابا؟ ليش هيچ حالچ؟ الوجه اصفر والجسم يرجف

بنفس اللحظة دخلت ميار للمطبخ اباوعله
بَـس شافها وجهة انگلب بحيث شرايينه
كُلها نطت
سارة سدت عيونها وفتحتهن ترجف وتباوع
لـ ردة فعله

ميار- شلونك؟

بكُل صلافة فصلته تفصل !! خزرتها ما عاجبني الوضع
هُمام- هلا بابا

ابتسمت بجوابه واجت عينها بعيني
رفعتلها حاجب بشك
بسُرعة استأذنت وطلعت مَن المطبخ

عمو هُمام نتر ايد سارة
هُمام- خلال دقيقتين الگاچ مزروعه گدامي بالغرفة يا ويلچ اذا صارن تلاثه
ㅤㅤㅤ
ㅤㅤㅤ
ㅤㅤㅤㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••

سـاࢪة•

صعدت اقدم خطوة وأخرة خطوة
ما اگول ندم وما اگدر اگول خوف !!
بَـس اگدر اوصف شعوري بالخجل
مو مَن شخص بل مَن نفسي وشلون
حَ احط عيوني بعيونه

دخلت ونزلت راسي مَن نظراته
ما گدرت ارفع راسي حتى بعَد ما گال
يأمرني بنبرة جافة نادرًا
ما اسمعها منه او يعاملني بيها
فقط مَن يكون حجم خطأي كبير ..

هُمام- دخلي وسدي الباب وراچ

سوت الگال عليّ ومثل الحبابة رحت
گُعدت على طرف السرير گدامه
بينما هوَ چان گاعد على كُرسي محطوط
بزاوية الغُرفة گدامي وبيده جگارته
واعرف كُل الزين هوَ بقمة غضبه هسه
مَن طبگه لـ تلث جگارات سوه !!

- هُمام..

قاطعني بحدة
- سكتي وسمعيني حاولي تستوعبين كلامي يا بنت الناس اعتقد أمس ما چنت واضح وياچ

نزل راسه يفرك صدغه معكمش ملامحة بوجع ودوخة
كُلش تندمت لان زعلته مني وهوَ حال الضيم حاله بسبب شغلة المُكثف علمود
يلگه رنيم واني مَن جهة دا ازيدها عليّ واتعبه اضعاف تعبه

هُمام- خسارتي ما تعنيلچ شي معقولة؟

- لا اكيد بَـس..

صاح فاقد اعصابه
- بَـس شنووووو؟ تزوجينيييي؟!!! لچ بابا استوعبي ابوووس راسچ استوعبييي الدا تسوينه بنفسچ وبيَّ
وأياچ تگولين مَن حُبي أياچ لان الشخص اليّ يحب مَن گلبه ما يجازف بخسارة حبيبه بَـس واضح اني رخيص بعينچ وبأول عثرة بحياتنا جازفتي بيَّ

- دااااا أحَس بنقصييي لااا تباوع هيچ اي اي اني أُنثى ناقصةةةة اني ما مُمكن احط طفل بحُضنك اني عاجززززة أنُ اقدملك ابسطط حقوقكك هُمام دااااا امووووت دااا اموووون رَوحـي دا تطللللع أنتَ ما تحس بشعوري ما تفهمني اني اني آههههههه اني عاقررررررررررر

سحبني لـ صدره مَن انهاريت
دفعته رافضة هذا الاحتواء ورجعت اكمل
بنفس العبرة والكسر

- دااا تشُكك بحُبييي وصدقييي بَـس لااان اريد اقدمللللك حيااااة مثاليةةةة على حساب نفسيي !!! على حساب دموعي ووجع گلبي وانييي اشاركك
ويااااا وحدة غيررررري

- اني اسف لا لا لا لا تبچين تهدين حيلي

- تتهمني بحُبييي هُمااااام

هُمام- تعبت والله تعبت

- واني؟ أنتَ بشنو مريت؟ مريت بنُص تجربة مَن تجاربي؟

ضحكت بوسط انهياري
- اغتصبوك عمامك؟

- سااااارة اششش

- انهانيت وانضربت وطلعت مذلول تبيع بالشوارع تجدي الرُبع علمود ما تنام جوعان وبمخزن بارد

ضربت صدرة وعطت
- حاولوا عمامكككك يقتلونك وبدل ما يقتلونك يقتلون احلاااامك ومُستقبل ويحرمونك تكون اااااب !! جرببببت نُص شعووووووري

دفعته ناتره بوجهة
- انييي مووو بَـس تعبااانه اني حيلي انهد

سحبني بحُضنه باس راسي بشوغة
هُمام- جعل لساني انگطع قبل لا اكسرچ بكلمة بَـس فهميني والله صعبة عليَّ اشوف مرتي ادورلي مرة اتزوجها بَـس علمود الاطفال

بعدت راسي وميلته بتعب
- وهين عليَّ ازوج حبيبي وعوض ربي بعَد هذا الجُهد وتعب السنين؟ هين عليَّ اشاركك ويا مرة؟ الف موته اموت بنظراتها الك الف كسر انكسر گلبي واني اشوف توددها الك بالرسائل لو كاملة اني بنفس اللحظة الاشوف بيها رسائله اروح اسحلها بوسط بيت اهلها بَـس اني نـ...

ما خلاني اكمل ونزل بايسني دفعته خازرته بَـس بعد عصبيتي مَن مرر ايده على خدي وگال

- أنتِ الكمال بذاته لا تحجين على نفسچ هيچ

- تعرف اني ما يهدالي بال لحد ما احقق الاريده هُمام

هُمام- اجلي الموضوع على الاقل مَن ارجع رنيم وافرغ لهذا الموضوع

- اوعدني نحجي

- وداعت عيونچ نحجي

ابتسمتله وهوَ سند راسه على راسي
هُمام- مشتاقلچ

ابتسمت مغمضه عيوني بَـس داخلي مشوه وتعبان
داخلي يصيح الغوث مَن كمية التراكمات
بَـس نسيت مَن تمكنت شفايفة مَن شفايفي وصار يقبلني
بـ احترافية
ابتعد گرص خدي وگال

هُمام- اجيت اطمئن عليچ وهسه لازم ارجع للشغل

- انتظر اسويلك سفريات تاخذهن وياك كملت الاكُل اني

- اي والله يحتاج اكل مَن ايديناتچ الحلوة

رفع ايدي وباسهن ونزلنا
بَـس وگفت متفاجأة مَن شفتهن ماكو
عيون مسرة ودموع چانن مليانات دموع
وخايفات
ضحك هُمام وراح باس راسهن

هُمام- ماكو شي بابا لا تخافون

- وين ميار ولمار؟

مسرة- عمة نجلاء ودت عليهن تشوفهن وراحن

- يمتى؟

- بعَد ما صعدتوا بشوي

هزيت راسي ورحت للمطبخ وهوَ ويايَّ
همس بحذر

هُمام- لازم ننتبه البنات نفسيتهن دا تتعب مَن القلق والخوف

- اممم

- شبيچ؟

- ولا شي ب....

رفعت عيني على الكاميرات وخزرته
- چنت تعرف هنَّ هنا واجيت

هُمام- تخبلتي؟ شعرفني؟

اخذت السچين حاطته على رقبته وهوَ فتح عيونه مصدوم
- الكاميرات هُمام !!!

- ما شفتهن مُباشرتًا اتصلت عليچ

ضغطتها على رقبته
- اذبحك اذا عرفت غير هذا الكلام

- اوف اموت على العنيفات

هزيت راسي متوعدتله
- سهلة اراويك العُنف بَـس مو هسه

رجعت ارتبله الاكل وهوَ يتحارش بيَّ
صار لازم تفهمون هُمام سرسري بالفطرة
مو جُهد هذا
موهبة مَن الطفولة والله طعمة موهبة السرسره وسوالف الفسوق

الحمد لله البنات ما يدخلن بمكان بَـس اني
وياه بيّ !! واني هم حذرتهن لان ما اريد
افتح عيونهن على هاي الامور وهنَّ بعدهن صغار

اريد يعيشن طفولتهن ومُراهقتهن بعَيد
عن هاي الاشياء وما يعيشن امور اكبر مَن عُمرهن
وعلى ذكر هذا الموضوع ، درت عيني على
هُمام وحجيت مزعوجة

- الزم قسورة وفهمة يبتعد عن مسرة حاليًا هُمام بعدها صغيرة اضافة ما بيناتهُم اي رابط حقيقي
ما اريدها تتعلم اشياء مو حلوة خلي الامور تهدأ ونحجي بموضوعهُم

هُمام- شصاير؟

- يحبون بعض اني ما عندي مُشكلة بَـس مسرة بعدها صغيرة ما مُمكن اخاطر بيها هسه

- لا يا گوا* يولي اني اربي بَـس اروح

- بدون عُنف بيبي

- اويلييييي لا اطمئني العُنف بيناتنا بَـس

ابتسمتله وسحبت وجهة بايسة خده
- رجعلي بنتي بأسرع وقت تعبت هُمام

- قربنا ادعيلنا

- والله!

هُمام- وعيونچ قربنا كلها ايام ورنيم تنام بيناتنا

ودعنا وطلع والعرفته جُنيد جاي ماخذهن
لان امهن تعبانة وهوَ عنده شغل وما يگدر يخليها وحدها
الموضوع شُبه انغلق مُؤقتًا بين ما ترجع رنيم وتصفى الاوضاع ويرجع نظامنا على طبيعته

بيوم گاعدين وهُمام خابرني جاي بالطريق
وعادتًا ما يتأخر خلال رُبع ساعة يكون هوَ
بالبيت بَـس مرة ساعة ونص وهوَ ماكو !!
قلقت وبقيت افتر بالبيت واتصل
حرگت تلفوناتهُم ومَن قُلة حيلتي حتى كليم اتصلت عليّ ماكو؟

طلعت للحماية وبلغتهُم وجاوبني واحد بـ احترام وهوَ منزل راسة
- ان شاء الله مدام هسه نشوف الوضع احنه تگدرين تدخلين وترتاحين

- ما تقصر

هز راسه بـ احترام واني دخلت الوب وأحَس بطني موتتني مَن الوجع !!

- آه

دموع- سارة گعدي فدوة شبيچ؟

مسرة- عندهُم شغل اكيد

هزيت راسي برفض
- لااا صاير شي گلبي حاسني صاير شي آههه بطني

دموع- شبيچ امي؟

- بطني حَـموت مَن الوجع اووووف يا ربي

مسرة- رايحة اخابر عمة نجلاء ما دا اعرف شنو اسويلچ

راحت تخابر واني قرفصت نفسي على التخُم مَن الوجع !!
ورجعت تگول عمة حَ تجي هنا

ماكو دقائق وندك الباب وراحت مسرة تفتحه
دخلت هي وعمة بَـس شافتني قلقت مَن وضعي

نجلاء- امشي ماما نروح للمستشفى

- ما اگدررر هُمام ما عنده علم

نجلاء- نخليچ تموتين؟ وزوجج لو عرف أنتِ باقية هيچ ما يقبل

قنعتني وفعلًا وديت مسرة ودموع لبيت كليم والحرس اخذونا والطريق كُله اني
بحُضن عمة اتلوا مَن الوجع
وصلت بيّ اصرخ
اني بالعادة الشهرية مَن تجي اتوجع حيل بَـس مو هيچ !!

نزلتني ساندتني بَـس الزمن توقف مَن شفت هُمام گاعد گدام باب الطوارئ
بَـس مو هنا المُشكلة !!
مُشكلتي بملابسه الغارگه بالدم وايدي الصافن بيهن ضايع وكلهن دم !!

- هُمام؟

رفع راسه يدور بضياع ومَن شافني انتفض متقربلي يباوع على حالتي
هوَ مستغرب واني كذلك
بقمة استغرابي

- شـ شنـ ـو هذا الدم؟

حسيت بكرفة وجع صارت ببطني ثنيت نفسي وصحت
حاوطني ميت مَن القلق وشفايفة يرجفن
ما دا يگدر يحجي

- هُماااام شبيييك مَن منو هذا الدممم؟

هُمام- دم رنيم

چانت كلمات كفيلة تاخذني بعالم اسود
واوگع بحُضنه ما حاسه بشي غير وجع گلبي على بنتي واختي وصديقة دربي الصعب ..

..

وتستمر الحكاية.. 🚬♣

قناة التلي zainab_salah0