رواية دروب الإِندِثـار الفصل الخامس والأربعون 45 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 41 ♡♡

لا تنسون التصويت + متابعة للحساب + التعليق بين الفقرات ☘️

‏فاهي الليل يمَهم حتى
مَابي لوَن
ولا بي طيفَ يرَهمَ
عالچفَن رسمَه

•••••••••••••••••••••••••••♕•

عيون غائره صامدة تشاهد اتعس منظر
على مر حياتها السابقة
شاهدت كُل انواع المناظر واتعسها من اغتصاب وتعذيب وتحرشات ومحاولات قتل لكن هذا الاصعب
هذا كان جرحة مؤلم اكثر من سابقاته

تباوعله وهوَ يلبس غيرها الحلقة !!
تحاول تبقى صامدة اكثر حتى ما تنزل
دموعها وسط هذه الضيوف كُلها
بَـس اعتلت الهلاهل وسقط جسر صمودها
مَن تقرب وباس راسها
راس خطيبته وزوجته المُستقبلية
والاتعس ، الاتعس راس ضُرتها !!

بلعت ريقها للمرة النست عدها وتقدمت بخطوات صامدة
بكُل ثبات ولا كأنوا منظره هزها وزعزع
قلبها ، وگفت گدامهُم وباركت للعروس

- مبروك

ميار- الله يبارك بيچ!

وجهة عيونها للرجُل الكان جالس يمثل عدم
اهتمامة بوجودها گدامه هزت راسها وضافت
بينما عيونها بنُص عيونه التتأملها بحُلتها
الجدًا جميللللة

- مبروك هُمام!

هز راسة بقبول بدون ما يحجي بَـس چانت
عيونه فاضحته ، كيف يتأمل اطلالتها الساحرة
بفُستان اسود يلمع يمتد على طول جسمها
واكمامه رُبع بفتحة صدر واسعة بارزة
عظام الترقوة وطول رقبتها الغزالة وتاركه
شعرها على طوله

تراجعت متصلة على شخص
- لـيث أنتَ موجود؟

لـيث- اي ، محتاجة شي؟

- تعال رجعني للبيت تعبت

لـيث- بَـس ارمشلچ طلعي تلگيني بسيارة خالي بالباب

- تمام

لمت شعرها بأهمال ولفت الشال ولبست
عبايتها وبَـس رمش عليها لـيث طلعت
تاركه كُلشي وراها تريد بَـس توصل للبيت
وتنام قبل لا يُغمى عليها مَن شدة التعب

اي شخص يركز بوجها رُغم المكياج راح
يلاحظ الهالات السوداء الداير ما داير عيونها بسبب قلة النوم والبُكاء اليّ استمر
طول الايام الماضية بعد ما رجعوا خبر
الموافقة وهُمام ترك البيت

مَن هذيچ الحادثة هاي اول مرة تشوفه
هنا بعقده !!

صعدت سانده راسها على الجامة وسارحه
بالطريق
ما حست بمرور الوقت إلا مَن هزها لـيث
فزت متداركه نفسها
تشكرت منه ونزلت للبيت فتحت القفل ودخلت

ما چان احد موجود
البنات رفضن يروحن للعقد وراحن ببيت
كليم يديرن بالهن على الحجية وريم
شمرت اغراضها بـ اهمال وسحبت نفسها
بـ فُستانها ومكياجها شمرت نفسها على
السرير وراحت بسابع نومه او غيبوبة رُبما

وهمست اخر كلماتها
"انتهت قصتنا قبل لا تبدي ، انتهت قصة الشهلاء وابو الهَمم"

ㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••

رنيـم•

ركضت افتح الباب ولا إراديًا ارتسمت علامات الحُزن على وجهي
هوَ لاحظ هذا الشي ومد ايده قرص خدي
وباس اصابعه يحجي بلُطَف ويايَّ متفهم
ردة فعلي وعدم قبولي للشي الصار ويعرف
زعلي مو بَـس منه حتى مَن سارة

هُمام- كُلشي خرج عن إرادتي صدگيني مَن ارفض تتخبل عليَّ ومرة وصلت بيها تريد نتطلگ وهه مرة تگُلي اذا ما تقبل وتعاند اخلعك سارة حاربت على هذا الزواج اني ما رايد خسارتها بايع الدنيا ومكتفي بيها

- كُله بسبب عمامها

هُمام- ولحد اخر نفس بعُمرهُم راح يبقون يتعاقبون على كُل دمعة تنزل مَن عيونها

- شلون تتحمل

هُمام- عوفيها ببالي موال خلي اغني وارجع عقلها لراسها

تنهدت ومَن شفت كليم اجه سُكتت احترامًا اله كون "ميار" بنت اخته
واكيد الموضوع يزعجه رُغم ابد ما يحجي ومتفهمني ويعرف سارة شنو تعنيلي شگد ما افلت گدامه بالكلام
ينزل راسه ويبقى ساكت

عقد حواجبه مَن شاف هُمام
كليم- شصاير؟

هُمام- ماكو شي ، اجيت ارجعهن للبيت

كليم- ادخل على ما يلبسن

دخل خالو للاستقبال وهوَ وراه وقبل لا يعبرني طُبع بوسة على راسي ودخل
بلغت البنات ولبسنا مودعين الكُل وبلغت
خالو ، عقد حواجبه يدور بالوجوه

هُمام- سارة وين؟

- ليش مو ويـاك؟

هُمام- لااا ما كملت العقد اصلًا طلعت بَـس صار كُلشي رسمي

بينت علامات القلق بوجهة بَـس رجع تنفس مَن طلع لـيث من جوه وگال
- وصلتها للبيت اني خالي

تنفس وگال
هُمام- ليش ما جبتها هنا شلون تبقيها وحدها

حك راسه وحاوب
لـيث- مو هي ما قبلت بَـس چانت مبينه تعبانة ومالها خلك

بدون ما يجاوب طلع واحنه ورا ردت ادخل للبيت وانسحبت مَن ايدي
- كليم؟

كليم- اريد اجي بالليل اتفاهم وياچ على موضوع

- خير ان شاء الله؟

- خير بابا خير

- تمام انتظرك

باس ايدي وراح بَـس سديت الباب ركض
دخلت للغرفة چان خالو حاطها بحُضنه والبنات واگفات قريب منه وهي نايمة بكُل هدوء

- شبيها؟

رفع ايده يتلمس وجها
هُمام- بشرتها تلسع مَن الحرارة !!

شالها وضاف
- ماخذها فوك لحگيني رنيم

صعد واني ركضت ترست كاسة ماي وحطيت ثلج ومنشفة صغيرة غطستها بالماي
ومثل الثولة اقتحمت الغُرفة وشهگت
دايره وجهي مَن شفته منزعها ودا يغيرلها ملابسها

هُمام- عوفي سوالفچ وتعاي ساعديني

رحت ساعدته ومسحت المكياج مَن وجهة
هوَ شمر السترة على الكُرسي وسرفن ردن
القميص
وگعد يسويلها كمادات ، هز راسه متأسف

هُمام- ما تحملت هذا الشي بعد كم يوم شلون اجيبها گدامها؟

- سارة تموت مَن القهر

هُمام- اعرف ولذلك مقرر اطلعها لهذيچ بيت وحدها

- ما تريدها؟

- منو؟

- ميار؟

هُمام- ولا راح اريدها تبقى سارة الاولى والاخيرة

باوعت على سارة الچانت بعالم ثاني ورجعت اباوعله متسائله
- شنو سبب زواجك لعد خالو؟ وليش گلت ممنوع الاطفال؟

ابتسم مستهزء وهوَ يسحب الوصلة يبللها ويرجعها على جبينها
هُمام- قرار الزواج صار بساعة عصبية وكُل ما اهدأ ترجع تشعلني شعل بسوالفها اما الاطفال فـ بكُل بساطة ميار مريضة قلب والانجاب خطر على حياتها

فتحت عيوني
- وليش وافقت؟

هُمام- سارة ما راح تكون ام واني هم ما اريد اكون اب
مُستحيل اخليها تشوفني بهاي الحالة وتحس بشعور يأذيها

- وميار؟

هُمام- ما اعرف تورطت وكُله بسبب سارة خايف بسبب ميار تخرب صداقتي بـ كليم

- ما تكمل وياها مو؟

باوعلي ونزل راسه على سارة وسكت
وفعلًا خالو اذا الشي براسه هوَ وكليم
تخرب صداقتهُم
والسبب أنُ خالو استغل ميار بَـس حتى
يثبت شي لـ سارة
ما فكر بمشاعر البنية وكان اناني بَـس
علمود تكون سارة مرتاحة يريد يكسر بنية تحبه !!

مهما اكون ما قابلة على هذا الزواج
بَـس خالو ما عنده حق يكسر بنية
اي بنية ما تستاهل تعيش اي شعور
مُمكن يحسس ميار بيّ رُغم اخطائها
ما تستحق تكون
مُستغفلة ويتم استغلالها بهاي الطريقة!

طلعت اضرب اسداس بـ اخماس
وعقلي يودي ويجيب
واخر شي توصلتله "هل مُمكن اني وكليم نتأثر بهذا الشي؟"

الشعور كان كفيل يموت گلبي لبست العباية وبلغت خالو وطلعت اركض
اضرب الباب بقوة
بَـس فتحة عقد حواجبه وگال بخوف

كليم- صاير شي بنياتي؟

- احجي ويـاك؟

- اكيد اكيد امشي نصعد للغرفة

صعدت ويا
دخلنا للغُرفة بسُرعة قفل الباب وسحبني
مَن كفوف ايدي مگعدني على السرير وهوَ
گعد على ركباته گدامي

كليم- منو مزعلچ؟ سولفيلي؟

- كُلشي دا يصير بَـس..!

- بَـس شنو جوهرتي الصغيرة

مديت ايدي محاوطه خدوده وتقربت اهمس
- اخذني يمك ، كليم خلي نتزوج بسُرعة

اتسعت ابتسامته
كليم- چنت جاي بالليل نحدد موعد

- هسه نحدد؟

كليم- امريني أنتِ واني انفذ

هزيت راسي
- ما اعرف اني أنتَ شوف وقت يناسبك اني كُلشي ما اريد غير ارجع يمك ما دا أحَس بالامان بعيد عنك

كليم- اعتبري تم بعَد أمريني

- بوسني

فتح عيونه مصدوم وقبل لا اخلي يستوعب
هالمرة اني سحبته وتقدمت دامجة
شفتي بـ شفته
ابتعد وهمس جُملة مَن أُغنية القيصر
كاظم الساهر "كُلُ قُبلةٌ على فمكِ تكون جهنمًا او لا تكون.. معكِ"!!

ورجع هالمرة يحارب على الفوز بهاي القُبلة
صرت أحَس بطعم صدئ دم وشفايفي
نملن مَن الخدر ، بَـس هل متندمة لان
بادرت؟ لااااا والف لا اموت واحيى على
هذا الشعور ويا

دفعني معتليني
- لا كليم

دفع ايدي وسحب شالي شامره
كليم- اعرف حدودي أنتِ بَـس اهدي دا تموتين برجفتچ هاي

شهگت مَن غرس راسه برقبتي عضيت
شفتي مغمضة عيوني بقوة
مَن أحساسي بيّ وهوَ يُقَبل كُل منطقة
وكُل أنش برقبتي يموتني ويذوبني بين
اللذة والذنب حسيت بيّ يبتعد ويسحبني
حاطني على صدره الچان يصعد وينزل
بسُرعة مجنونه وثأره

بَـس..! لحظة عزااااا قميصه وين؟ غمضت
بقوة واني أحَس ببشرته تحت ملمس كف أيدي
بلعت ريق مرتبكة بَـس مطمئنة لان ملابسي على حالهُم

كليم- ينعل ابليسچ شلعبتي بحالي؟!

قهقهت على حسراته وهوَ عصرني وضاف
- اخ منچ بسيطة يجي لو ما يجي اليوم التصيرين بيّ بين ايدي

- دا تهددني كليمي؟

كليم- اخسى ويخسى كُل واحد ينطق او يرمقچ بنظرة تهديد واني اشتم الهوى

- الله لا يحرمني منـك وتبقى سندي

- للموت صغيرتي طفلتي الحلوة

گمت مبتعدة الم بشعري وهوَ ما تحرك
بقى متمدد ويباوعلي
مديدت ايدي اتلمس الأثار الموجودة على
صدرة

- هاي..!

كليم- اممم مَن اغتالونا گدام الباب

- وهاي

كليم- بمُهمة خاصة

رفعت عيني عليّ
- قريبة مَن گلبك؟

كليم- اي حالتي صعبة چانت بوقتها بَـس ربچ كاتبلي عُمر اعيشه وياچ

- ههه عُمرك طويل ان شاء الله ، يلـه گوم وصلني

كليم- چؤ ابقي تعشي هنا وروحي هسه اخابر هُمام ابلغه

- بَـس سارة مريضة

- هُمام يمها

- منو يسويلهُم عشه؟

- نسوي ونوديلهُم مو فد مُشكلة

منين ما اجي يطلعلي بجواب
استسلمت للامر الواقع وبيناتنا الحجي
اني حابه ابقى قريبة منه !! سحب باكيت
الجُگايّر وشغلة وحدة
زفر الدخان بعيد عني وسحب قميصه
يلبسه بدون ما يغلق ازراره وگال

كليم- اسمع

- ها؟

باوعلي وگال
كليم- احبچ وأنتِ صريحة اني ربيتچ تكونين صريحة وممنوع الكذب مو رنيمه؟

- اي!

- وهسه حبيبتي اسألچ وأنتِ مثل ما متعود عليچ تجاوبيني بكُل صراحة مو؟

- اكيد!

كليم- الصار قبل شوي ما يصير إلا برضاچ وبرغبة منچ مُستحيل اجبرچ على شي حتى لو ميت على لمسه منچ
رنيمتي بنياتي تردين تقدمين زواجنه لان راغبتني وراغبة قُربي لو اكو شي براسچ؟

بقيت اباوعله بدون ما ارمش ، بهَتت وأحَس
دگات گلبي فُضحِتني !! رفع أيده ومررها
على خدي وخصلات شعري وتقرب مقـلل
المسافة بيناتنا

كليم- اممم يعني لغاية مو علمودي!

- لا لا والله لااا

- لعد؟

نزلت راسي ساكته ما اعرف شنو اجاوب
خايفة يحجي ويا خالو
خايفة اخسرهُم واني ما عندي غيرهُم بهاي
الدنيا ولو خسرة واحد بيهُم اموت بحسرتي

رفعت عيني بعينة
- اني اريدك والله

كليم- واني مصدگچ والله ، بَـس هذا ما يعني ماكو شي ثاني وصفنتچ قبل شوي خير دلل

- ما اريد احجي

ابتسم وبقى صافن بوجهي
- اني احبك والله كليم ورحمة بابا

- ههههه واني احبچ

- خايفة نفترق

كليم- غير الموت عنچ ما يفرقني

- اسم الله عليك

- سولفيلي بنياتي سُرچ ببير واعتبري الكلام بيناتنا ما يطلع مهما كان يكون

واني ضعيفة گدام طاقة هذا الانسان لذلك
سولفت الاول والاخير وهوَ بَـس يستمع
بدون ما يقاطعني واني انفتحت اسرد بدون
نفَس ، اخر شي حرك راسه وجاوب ببساطة

كليم- وليش اني ما عندي عقل واخذچ بذنب غيرچ؟

- حشـاك ، بَـس خفت تخيرني بينك وبين خالو

كليم- ابد ما اسويها هذا اختيارها ميار رُغم بلغتها واني اعرف صديقي شنو وهي جازفت أنتِ شنو ذنبچ؟

- بَـس خالو يسويها

كليم- ما يهمني غيرچ وميار مَن البداية نعرفها تخسر لان ضحت بعائلتها علمود شخص يشوف الدنيا بعيون زوجته الاولى وتأكدت قبل كم يوم من هذا الشي

- شلون؟

- دخلت عليّ قبل يومين للمكتب وما حس بيّ وسرحان بتلفونه "شتسوي يابه وين بالك مشغول؟" تعرفين شنو جاوبني؟

- شنو؟

كليم- يگلي "مشتاق لشوفة عيونها ما مكتفي بمُراقبتها من الشاشة" يعني هُمام شگد ما يقسى وياها شگد ما يلف ويدور ويرجع يدور سارة بعيون الكُل

- وسارة ضحت بيّ

كليم- چؤ ضحت بنفسها مَن زوجته ، خسرت نفسها حتى هوَ يربح بطفل ، ضحت بسعادتها حتى تبنيله سعادته

هزيت راسي موافقة ومستوعبة شلون كسرت خاطرها حتى تجبر خاطرة
جابت لنفسها ضُرة حتى بَـس تقدملة طفل
يشيل اسمه ويصنع يومه ويسمع كلمة "بابا"
سارة ضحت علمود الكُل بَـس محد ضحى علمودها

فزيت مَن تقرب ينثر شعري ويفتح العباية
يريد ينزعنياها

- شبيـك؟

كليم- اخذي راحتچ الولد ما يجون اليوم

- لـيش؟

كليم- جُنيد عازمهُم لـيث وايهم يمه بَـس قسورة عنده شغل اليوم ويتأخر

- لا كليم ابقى بيها خاف يدخلون غفلة

كليم- چؤ ثقي بيّ والباب راح اقفله بيدي اريدچ تاخذين راحتچ اليوم

سحبها منيّ وسفطها حاطها على السرير
تقرب مبتسم وطُبع بوسة على خدي وهوَ
يهمس بحُب
- صغَـيرتي

- عُمرها

كليم- ابوسهن؟

- لااااا ما بيّ حيل فراك بعَد !!

كليم- هههه ابوسهن معليَّ

- مااا

سحبني وباسهن غصب عنيّ! ونزل ايده يدغدغني
متت مَن الضحك اريده بَـس يعوفني ماكو
واستغلها بوس وشم وحُضن واني مسنكرة
بين ايدي بالگوة اجر النفس

على هذا الوضع وشهگت دافعته مَن صار
هجوم على الغُرفة
صار يغلق جزء مَن ازرار قميصه
وهوَ يشوف ريم الدمعة بعينها تباوعلنا
وبالأخص اني تباوعلي بنظرات حُقد ما تليق
بطفلة بريئة مثلها

ركضت اليَّ واني عبالي مثل كُل مرة تجي
تگعُد يحُضني بَـس ما سوتها
صرخت متوجعة مَن لزمت شعري وسحبته

كليم- لاااا بابا لااا

سحبها منيّ وخزرها بسُرعة عبست ونزلت
دموعها
- كليم عوفها لا تعيط عليها

كليم- شنو هذا الشي السويتي ريم؟

- كليم!!

- اششش يلـه جاوبيني؟

ريم- اخدت مكانييييي

كليم- صوتج!!

بچت ترافس وتأشر عليَّ
ريم- ما احبهااااا ما اغيدهاااا خليها تغوووح

كليم- ريممم !!

مديت ايدي ساحبتها منه لان عاط بيها وخزرها
بحيث سكتت مرعوبة مَن شكله تعجبت
على تصرُفه ، مسحت على راسها وحجيت
بهدوء

- طفلة ومقري براسها المفروض تتفاهم وياها بهدوء مو تعيط عليها

كليم- رنيم؟

-مَن تعصب اصير رنيم حاف؟ بعدين بيوم عقدنا گُلتلي ريم بنتچ اعتبريها واني مَـن
هذاك اليوم حاسبتها بنتي وما اقبل تعاملها هيچ وتخوفها

كليم- تصرُفها غلـط وقليل ادب واني اعرف اتعامل وياها اكيد ما أريد اضر بنتي؟

- اعرف بَـس مو هيچ يا حبيبي

تنهد وبقى ساكن اعرف هذا مو طبعة
واعرفه حتى بالغلط يعامل البنات برُقة ولُطـف
بَـس واضح انصدم مَن اسلوبها الوحشي
على غير العادة وعلى غير تعلومه لذلك رفع
صوته عليها وتندم مَن نظراته عرفته شگد
متندم

سحبها مَن حُضني وضمها لـصدره
يبوس بخدودها وراسها وحتى ايديها اخذوا
حقهُم مَن بوساته الحنونه

كليم- تعرفين ابوچ شگد يحبچ؟

هزت راسها
ريم- بگد العالم

كليم- روحي فداچ وفده راحتچ وضحكتچ

ريم- اثفه لان ذعلتك

مديت ايدي امسح على خدها واخيرًا
ابتسمت اليَّ
كليم- ورنيم تحبچ هواية وما تقبل حتى ازعلچ شفتي شلون دافعتلچ منيّ

ريم- اني احبها

- واني اموت عليچ

سحبني وحضنه سوه لـ صدره
تقرب وهمس بـ أذاني
كليم- اكو لعابة بكنتوري اشتريتها وما انطيتها الها أنتِ انطيها على أساس منچ

بنفس الهمس جاوبته عاقده حواجبي
- واني؟

ابتسم
- شي بسيط مال اطفال اني اعوضج بشي أحسن منها

- مااا اريد لعابة

كليم- مَن عيوني

ضحكت وگمت طلعتها چانت تجنننن ويگول شي بسيط !!!
حطيتها ورا ظهري وتقدمت اوگف گدامهُم
خزرته ابين ضوجتي وحجيت موجهة نظري على ريم

- عندي حاجه الچ حزري شنووو!

فتحت عيونها وكممت حلگها تضحك فرحانة
ريم- اغيد اشوفها فدوووووة

- بشرط

-موافقة موافقة

ضحكت وتقدمت مقدمة وجهي عليها
- بوسيني هوااااااية

لزمت وجهي تبوس بخدودي واني اقهقه
بصوت عالي متونسه
هوَ چان يباوع ومبتسم براحة تحسه هذا
اعظم مشهد مُمكن تشوفه عيونه

طلعتها وصارت تعيط مَن السعادة
ريم- شكغا غنيم "شُكرًا رنيم"

- تدلل الحلوة ليش كم ريمه عندنا؟

نزلت راسها خجلانة وهوَ گام شايلها ومدلي
ايده
- ننزل جوه بنياتي

وافقته ولزمت ايده بَـس بعدني معبسه
ولاااا تگولون ابالغ ترا هوَ عودني كُل ما
يشتري لعبة لـ ريم يشتريلي نفسها بالضبط
فـ الخطأ منه هوَ اليّ عودني وهسه تغير

ضغط على كف ايدي
كليم- ما عبالي تضوجين باباتي

هزيت اكتافي
- أنتَ عودتني ليش هسه تغيرت لو لان تزوجنا

كليم- لا بابا لا والله ما فكرت هيچ بَـس گلت كبرت ومُمكن تريد اشياء غير الالعاب

- حتى لو كبرت ابقى بنتك قبل كُلشي واريد تعاملني على هذا الاساس لا تتغير كليم فدوة

كليم- صار عيون كليم بَـس لا تدمع هاي العيون الحلوة

انقهرت لان ما گال راح اجيبلچ وغلس
هففف رفعت عيني مبتسمة مَن عمة
هلهلت وهي تشوفنا نازلين مَن فوك

نجلاء- عين الباردة عليكُم تخبلون والله يا خوية افرح مَن اشوفك سعيد ويا عائلتك ومرتاح

باس راسها مبتسم
كليم- الغالية عزيزتي ارتاح براحتكم اني

باست كتفه وهو بقى حاضنها لـ صدره
كليم حيل يحب عمة نجلاء ويفضلها على الكُل
هي اخذت ريم وراحت تسبحها اصريت اني علمود تتعود عليَّ وعلى وجودي بس عمة رفضت وهمستلي

نجلاء- اقضي وقت ويا زوجج ماما رتبوا أمور زواجكُم

ابتسمت وجاوبتها
- تمام

مَن راحت وشفت ماكو شخص طفرت
گاعده بصفه ضحك يباوعلي
تقربت على رُكباتي حاضنه راسه اليَّ

- خابر خالو اريد اطمئن على سارة

كليم- ليش شبيها؟

- مريضة

هز راسه موافق واني بعدني على حالتي
حاضنه راسه بحُب
التقط كف أيدي يطبع عليّ بوسة والتلفون
يرُن !!

هُمام- ها خيي

كليم- رنيم تسأل عن سارة!

هُمام- زينه سارة بَـس رنيم ليش لحد الان ما اجت؟

كليم- تتعشى هنا وبعدين اجيبها

هُمام- خير ان شاء الله

ودعنا وراح بَـس واضحة الحسرة بصوته
حتى ما چان اله واهس يناقش بـ موضوع
بقائي هنا
وقبل لا ادخل بـ مُوود الزعل والحُزن گال
كليم ينتشلني مَن افكاري السوداوية

كليم- نُختار غرفتنا؟

- هسه؟

كليم- اممم هسه بما أنُ العرس قريب

ابتسمت اباوعله منتظره ينطق تاريخ مُحدد
بقى ساكت ومخليني احترك مَن حماسي

- كليممممم

كليم- ههههه شنو رأيچ بيوم عيد الحُب

- بيوم 2/14 ؟؟؟

- اي

- عزااااا كُلش قريببببب

حضنته اكثر اعبر عن فرحتي ومن صدُك
طلع غرف وبلشنا نُختار
ونتشارك بـ افكارنا وآرائنا لحد ما ثبتنا على
شي عاجبنا احنه الاثنين ومقتنعين بيّ
ومَن هذا اليوم بلشنا نجهز احتياجاتي
وزلمنا بين الشغل والبيت يكملون الاثاث
لان بعدنا بفترة زواج قسورة ومسرة
وما چنه نعرف شنو سبب الاستعجال بزواجهُم
رُغم قسورة بالبداية چان رايد بَـس خطوبة وبعد ما تكمل دراستها الزواج
بَـس هسه تغير الرأي والمهم مسرة مقتنعة وفرحانه بل طايرة مَن الفرح
ㅤㅤㅤ
ㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••

مسـرة•

ابتعدت دافعته واخزر بيّ اريد احاجي بـ موضوع بابا الصار يتأجل بسبب الظروف
وهوَ كُل ما اريد احجي يسكتني ببوسة
وهم رجع هسه يريد يقاطعني ونترت

- قِسووور !!

- عيونه

- اريد احجي كافي تسكتني ترا ضجت!

حمحم وعدل قميصه يهز راسه
قسورة- اسمعچ حبيبي

حطيت خُصله مَن شعري ورا أذني
- بابا

عقد حواجبه
- شبيّ؟

وگعت دمعة مَن عيني تعبر عن غصتي بالموضوع وهمست صوتي يرجف
- ما طلب يشوفني؟ معقولة ما صار عنده فضول يشوف بنته الباعها وهي طفلة!

دار وجهه مني يتأفأف ورفض يجاوب
- الله يخليك قسورة احتاج اعرف

- لا

- شنو؟

قسورة- لا مسرات لا ما طلب يشوفچ

- اءء ابد !! ما سأل عني؟ لعد شلون وافق يجي للعقد؟

اباوعله يهز برجله ومخنزر بغضب
اكيد الموضوع مِزعج لدرجة غاثه هيچ
وغير كُل وضعيته
- الله يخليك جاوبني

قسورة- الحقيقة تقهرچ مسرات واني گلبي ما يتحمل يشوفچ تعبانه

- تقهرني ولا ابقى غافلة عنها

- اخذ مُقابل جيته

أحَس جمرة وحطوها على گلبي! رجع باعني معقولة ولمنو؟ للشخص الاحبه رخصني بعينه
يعني قسورة اشتراني مَن ابوي !!
عضيت شفتي أداري غصتي الذبحتني ذبخ

- باعني! رجع باعني!

قسورة- لاااا بابا لاا شدا تحجين أنتِ حبيبي يخسى والله

- اشتريتني منه قسورة؟

قسورة- گتللللللچ تنقهريييين استغفرالله

سحبني ضامني بين ضلوعه ولو بيده يحبسني هناك
جسمه يرجف مَن العصبية الهوَ بيها واني
جسمي يرجف مَن الرُخص العيشنيا ابويا
الشخص المفروض اتباهى بيّ گدام عيالي
اني خجلانه منه ومَن نفسي لان بنته بَـس !!

قسورة- ما تهمني لفلوس بگد ما يهمني وجودچ يمي

- شلون انسى شلون اباوع بعيونكُم يا فشلتي

بعدني وهزني مَن اكتافي وعاط
قسورة- مسررررة اصحي أنتِ ما دخلچ لا تخليني اروح اموته ، افهميني حبيبي والله لفلوس تراب جوه رجليچ ما يهمني والله ونسيت الموضوع لان اني مكتفي بوجودچ

نزلت راسي واخ يا غصتي! مُمكن بعد زمن طويل
واقل مُشكلة بيناتنا يتغير هذا الكلام ويعيرني
اي حقه اني ما اگدر احجي لاني سُلعة اشتراها مَن ابويا
واتحرك بأمره لازم

لزم فكي ورفع راسي يحجي ويرجف
- اروحلچ فدوة لا تبچين الموضوع انتهى اني نسيته والله نسيته وما يهمني

يمسح بدموعي ويرجف بَـس اني ما اگدر
اتخطى الموضوع ببساطة لان هوَ موووو
موضوع بسيط !!
ابويا ما اكتفى بدمار طفولتي ابويا دمر حتى
مُستقبلي ويا زوجي وكسر عيني وراسي
وسد حلگي وربط ايدي ورجليَّ بفعلته

سحبني ساند راسي على صدره بعدما عجز
يسكتني مَن نوبة البُكاء الاني بيها
انهاريت اكثر على صدره اشكيله مَن ابويا
وشلون باعني قبل وشنو عشت عند سُعاد
صح چانن سارة ورنيم الهنّ حُصة اكبر مَن
العقاب لان يحمنه بَـس هم تعذبنا وانضربنا وانذلينا بالشوارع علمود الفلوس
طفلة ويتحرشون بيّ طفلة ووعيت على
اشياء اكبر مَن عقلي واستيعابي لان ببساطة
چان لازم افهم واكبر حتى احافظ على
نفسي مَن طمع الوحوش اليّ بالشارع

- عشت حياة صعبة بَـس ولا مرة فقدت الامل يجي يوم وابويا يرجعني اله وهسه وهسسسسه رجع باعني ورخصنيييي

شدد عليَّ بين ايدي
وكأنوا يگول "اني يمچ دائمًا"
شهگت وأحَسها زرفت صدري واني اكمل بونه وحسرة
- والله ما چان هيچ فد چان يحبني ويموت عليَّ وما يخليني امشي دائمًا مگعدني على كتفه ويفرفر بيّ ما انسى حُبه اليّ مااا اگدر انسى

قسورة- شنو الغيره؟

- موت امي مَن يوم الماتت وهوَ بقى يشرب ويبيع روحه علمود الشرب بابا چان عاشق الها بجنوووون اتذكر تفاصيلهُم لحد الان وهوسه بيها ومن ماتت باع الدنيا وتخبل وراها وحتى اني باعني في سبيل يشرب ويفقد وما يتذكرها لحد ما ادمن

- استغفرالله

- اني والله احبه

قسورة- مسراتي اني موجود حبيني واكتفي بيّ لان ابوج يشلع گلبچ ووعد اعوضچ عنه وما اخليچ تحسين بغيابه

- مكان الاب ما يتعوض قسور !! حَـيبقى فجوة بگلبي غيابه

بعدني يمسح دموعي ونزل باس خدي
قسورة- ما اعوفه وعد منا لمن اقنعه واعالجه

- والله؟

- وداعة حُب قسورة لـ مسرات روحـه اعالجه وابقى ويا خطوة بخطوة وارجعه الچ

شعور حلو حاوطني وزاد مَن لف ايدي
حولي وحُضني! شددت على قميصه بحُب
رفعت راسي طابعة بوسة على رقبته
حَسيت بجسمه وهوَ يقشعر
وايدي وهي تضغط على جسمي
تُفاحت آدم صارت تصعد وتنزل دليل على
ابتلاع ريقه المُكرر
واخيرًا طلع صوته يرجف يدل على مدى
تأثره بفعلتي الصارت بطريقة عفوية جدًا

قسورة- عيديها

- شنو؟

قسورة- رجعي بوسيني بنفس المكان

- لااا قسور ما اريد!

- لخاطري مسرات!

هوَ سكت واني همات ومَن بعد تفكير عميق
رفعت راسي وطبعة بوسة بنفس المكان
والغريب صار بيّ نفس الحالة ووضعه
كُله تخربط ، نزل راسه يباوعلي بعيون ذبلانه

قسورة- احبچ

غمضت عيوني مَن نزل راسه ماخذ شفايفي
يُقبلني برقة ورغبة ولهفة ، ايدي ابد
ما ثبتت بمكان بَـس عقلي چان فاصل
وحيل ما عندي حتى ابعده
لحد ما هوَ ابتعد مني بإرادته يتنفس سريع

قسورة- قاوميني مسرات لا تسوين هيچ

- ها؟

- لااا رُبحنا ، گومي حبيبي صحصحي

صار يطبطب على خدودي وشربني ماي
ويحرك ايدي ويمسح على راسي
لحد ما صدُك بديت ارجع لوضعي الطبيعي
ميته مَن الخجل ومَن نظراته الوكحة

قسورة- نطلع؟

- وين؟

- نتونس برا ونتعشى ونرجع

- موافقة اني بَـس أنتَ بلغ عمو هُمام واني اشوف سارة

قسورة- روحي جهزي نفسچ

طلعت اگمز مَن الفرح والبنات كلهُم گاعدين
بالمطبخ
دموع- انطاها جُرعة نشاط

ضربتها سارة على راسها
سارة- تأدبي دموع طالعة عينچ

دموع- اسفه

باوعتلها بشماته وصفقت ايدي ثنيناتهن
- قسورة يريد نطلع عادي سارة؟

سارة- اي امي خطيبچ مو غريب

رنيم- خالو يعرف؟

- هسه قسورة حَـيخابره

سارة- تأكدي موافق وبعدين صعدي جهزي نفسچ

اجاها صوت قسورة مَن ورايا
قسورة- روحي عيني خابرته وبلغته موافق

ركضت للغرفة اجهز نفسي وهوَ بقى يمهن
يسولف
سُبحان مُغير الاحوال ، لا هوَ چان يطيقهن
وخصوصًا سارة ولا هنَّ يطيقنه بسبب اسلوبه
وهسه مثل السمنه على العسل

وگفت محتارة شنو اختار البس
التفتت على فتحة الباب ، دخلت رنيم
الخدود حُمر وبيدها التلفون

رنيم- تعالي انطيچ ملابس

ركضت وراها اشوفها طلع فُستان جديد
لونه بنفسجي
عقدت حواجبي لان هذا مَن فترة جابه
الها عمو كليم وهي حتى بعدها ما لابسته

- جديد هذا وأنتِ ما لابسته

رنيم- ما يغلى عليچ عُمري وبعدين اعرف ما عندچ شي مُناسب وهاي اول طلعة ويا خطيبچ لازم تكونين مرتبه

- عيب مَن عمو كليم خاف يشوفنا ويزعل منچ

هزت راسها
رنيم- ما اسوي شي بدون ما ابلغه تعاي اجهزچ

رحت وراها وحسب ما فهمت مخابرته وهوَ ما معترض
بدلت وهي حطتلي شوي مكياج كُلللش
خفيف بَـس برزت عيوني شوي وبعدين
طلعتلي كعب وجنطة وشال باللون الابيض
لان الفُستان لونه بنفسجي غامق والابيض
يطلع ويا حلو وفعلًا طلع يموت

طلعت خجلانه ما اعرف هذا الخجل منين
نزل عليَّ
باوعتله انتظر ردة فعله
بقى صافن يتفحصني مَن راسي لـ رجلي
حمحم وتقرب ماخذ ايدي بايسها

قسورة- يلـه نطلع

ودعناهُم وطلعنا بَـس حسيته ما مرتاح
يسوق وباله شارد
لزمت ايده وميلت راسي اباوعله ، صف
السيارة وگال

- مسراتي بعد لا تحطين مكياج

- ليش؟

- لا تحطين مَن نتزوج وببيتنا حطي هسه لا وخصوصًا الطلعات

- ما حاطه هواية!

رفع ايده مررها على خدي
- ورسمت عيونچ الدوختني؟ لو شفايفچ؟ شسويتي بيَّ مسرات

بقيت ساكته ما اعرف شنو اجاوب
ما ضغط عليَّ وحرك السيارة مرة ثانية
دخل وحدة للمطعم جاب اكل ورجع
چنت مفكرة راح نتعشى هنا!!!
صعد وانطلق بينا

ما جربت اسأل چنت واثقة بيّ
ما طولنه ووصلنا للمدينه ضحك مكممة حلگي
ابتسم مَن شاف فرحتي ونزلنا بَـس راواهُم الباج مالته دخلونا وحتى فلوس الدخول رفضوا ياخذون
بَـس هوَ حطهن بيديهُم واخذني مدخلني

اختار مكان مُناسب وگعدنا
- هنا مو موجود اكُل ليش اشتريت مَن بره؟

- ما يعحبني والمطعم الاخذت منه متعود عليّ كُل طلبنا مَن عنده

- يعرفوك يعني

- طبعًا

فتحها وغير مكانه گام گُعد بصفي
صار هوَ يسويلي اللفات ويسولف ويايَّ
يضيع الخجل مَن عندي وعلمود لا استغرب
گام وسحب سلاحه حاطه يمي

قسورة- ديري بالچ على نفسچ هسه ارجع

بوسط استغرابي عافني وراح؟
تقريبًا عشر دقائق ورجع
حط السلاح بخصره وسحب ايدي
يمسحهُم بكلنس مُرطب
ومد الباقي اليَّ

قسورة- مسحي

- شنو امسح؟

- الرسم البوجهچ

خزرته ما قابله
- لا قسور فدوة والله مو طوخ!

- خففي يا حبيبي ليش تخربين طلعتنا

- وليش حتى اخربها شبيـك؟

قسورة- تخرب لان اذا واحد باوعلچ بنظره قذرة اني ما اسكت وتصير سالفة

- ما

- لخاطري مسرات

سحبته منه بقلة حيلة ومسحت شويه
وباوعتله صافن بوجهي ، تقرب يباوع
بتركيز اكثر

- وهذا الخط الموجود بعينچ؟

- الايلاينر؟

- هذا شنو ولچ؟ المهم مسحي

- مااااا والنبييي رجعني للبيت بطلت ما اريد طلعتك

- اش اش كافي لا تمسحين بَـس سكتي

- صير حباب قسور لا اطلگك

هز ايده يباوعلي بطرف عينه
- زمن النسوان تطلگ الزلم

- اخُلعك

ابتسم على طريقة لفظي للكلمة ورفع ايدي
بايسها وگال
قسورة- يابه حطي واني اتعارك مو مشكلة

- عفية حباب مو تتغير ابقى هيچ

- امري لـ الله

گومني وتمشينا صعدني بَـس ابد ما قبل يصعد ويايَّ ويتونس!
يبقى ينتظرني لمن انزل وهوَ عاقد حواجبه
وبَـس يشوفني اضحك ومتونسه يضحك
عبالك عدوة وتنتقله بحيث وجهه يرتاح

اخر لعبة نزلت بَـس ما چان موجود ينتظر
بقيت ادور بمكاني اخاف ادور عليّ واضيع
حسيت بدمعتي على خدي
فتحت الجنطة وطلعت تلفوني اريد اتصل
وشهگت مَن انضرب بيّ شخص ووگع تلفوني

- اعتذر مدام أنتِ بخير؟

بقيت ارجف وهوَ نزل اخذ تلفوني ومده اليَّ
- اعتذر تفضلي

اخذته ايدي ترجف لا أرادي !! لبس نظارته
وابتسم
ابتسامه حقيرة وتقرب مخليني ارجع بخوف
- سلميلنا على زوجج وبلغي هاي المرة عدينها بمزاجنا المرة الثانية نخلي يبچي دم عليچ اذا ما ينفذ مطالبنا

تركني بصدمتي وراح الجو مو بارد بَـس
اني بقيت ارجف خوف ورعبة
هناك ووگعت عيوني على قسورة يدور
مرعوب خايف وتلفونه على ذانه ويحجي

توقف الزمن مَن شافني
ركض بكُل قوته رجفت برعب واني ادخل
بنُص حُضنه ، بَـس حسيت بالامان همست
وتعب الكون كُله بيّ وراسي موتني

- اخذني للبيت

- مسرات..

قاطعته
- اخذني قسورة اخذني

لزم فكي ورفع راسي
قسورة- احجي مسرة

نزلت دمعتي وبلغته بالضبط على الكلام
الگاله الرجال !! انطعن وجهة بغضب واشر
على اللعبة الچنت بيها

قسورة- وين عقلچ وأنتِ نازله مَن الجهة الثانية؟

مَن باوعت ركزت فعلًا نازله مَن الجهة الثانية
لزمت ايده وهمست بلگوة تطلع مني الكلمة

- تعبت خايفة رجعني الله يخليك

- اني يمچ ما اعوفچ للموت

اخذني للسيارة وطلعنا للبيت هوَ ما نطق واني همات ، بَـس بقى لازم ايدي يمسح
عليها ويطمني هوَ موجود !! بَـس وصلنا
نزلت اركض للبيت وما اهتميت حتى لوجود
عمو هُمام وعمو كليم
واسمع صوت قسورة يتصايح وياهُم

البنات حاولوا شگد يفهمون بَـس چنت
رافضه احجي شي
واريد بَـس انام وانسى كُل الكلام الگاله
هذاك الغريب وزلزل كياني وشعور الامان

وفعلًا بعد ما بدلت ويأسن البنات مني احجي طلعن
بَـس حطيت راسي على المُخده نمــت !!!
ما ﺟنت اريد افكر لان اعرف حَ اتعب واتعب الكُل
ويايَّ مو بَـس قسورة!

..

وتستمر الحكاية.. 🚬♣

قناة التلي zainab_salah0