بقلمي : زينب صلـاح 🧡
لـ روايـة ﴿ دروب الإندِثار ﴾
في الـ part 30 ♡♡
لا تنسون التصويت + متابعة للحساب + التعليق بين الفقرات ☘️
لمن شفت أيدك
بيد غير أنسان
موش دموع طاحت
طاحت عيوني.
•••••••••••••••••••••••••••♕•
ســارة••
امشي ذهابًا وايابًا بالغُرفة منتظرة هُمام وبنفَـس الوقت ارتب افكاري وكلامي محتارة بأي طريقة اسولفلة؟
بلغني بَـس يودع كليم وولد عمة نجلاء ويرجع بَـس تأخر وخلاني بتوتري وقلقي!
جمدت ابلع ريگي من دخل واخذله نظرة
عليَّ مَن فوك ليجوه ودخل
سَد الباب ونزع التيشيرت حاطه على كتفة ويدور بالكنتور
تقدمت وحطيت أيدي الترجف على كتفه
- روح اسبح اني اجهزلك ملابسك
بدون ما يجاوب طلع ، اوف غير اسيطر
على رجفتي؟! تركت تراك مُريح للنوم على السَرير ولو اعرف بس بالبجامة ينام والتشيرت يشمره! بَـس همات اجهزلة كُلشي العطر ومشطه الصغير اليرتب بيّ شواربه
گعدت بمكاني افرك بأيدي وهوَ فترة
قصيرة
مَن الزمن ودخل مثل عادته منشفة حول خصرة والثانية ينشف بيها راسه ، طلعت تاركته لان اعرف عنده عادي يبدل گدامي شوي وفتح الباب بدون ما يحجي بَـس فتحه علمود اعرف هوَ خلص
ومثل ما توقعت شامر التشيرت على الكرسي وبَـس بالبجامة وواگف گدام المرايه يمشط شواربه بدقة عبالك عنده طلعه ولا كأنو راح ينام!!!
ينام؟؟ يا تُرى راح يگدر ينام بعَد ما يعرف سُري؟
گعد على السرير من جهته وانطاني ظهره يتصفح بالتلفون
- چنت مدللة عند بابا چنت ماكو شي اطلبه وما يگُلي تم
هههه شرط الشي الاطلبه ما يبقى متأخر غير يوم واحد
اباوعله دار يباوعلي مستغرب
- بابا انسان غني
غني ماديًا ومعنويًا ونفسيًا واخلاقيًا غني بكُل ما تعنيه الكلمة من معنى انسان طيب الكُل يحبه ويقدره يمكن تتعجب تگول شلون هيچ انسان عنده اخوان انجاس مثل اريان وجوزيف وعيسى؟ ما اعرف بَـس بابا مو مثلهُم بابا انسان حنون وطيب
- كملي
ابتسمت وتقدمت اگعد مربعه گدامه وعيني بعينه وصارت ذكرياتي تمر گدام عيني مثل الشريط
ولساني يسردله كُلشي بصراحة بدون اي كذب ما اعرف بعَد صراحتي حَ يكون دماري او احيائي مَن جديد لكن سولفت كُلشي مطمئنة
طفلة صغيرة لابسه فستان وردي ويعتلي راسها تاج بيّ حجر وردي! چانت بجمالها الطفولي تشبه اميرات دزني
بحيرة تجمع لعابات الباربي من حولها وتطلق على كُل وحدة اسم خاص بيها هذول اللعبات هدية من حبيبها والدها وهي لان تحبه بشكل لا يوصَف تعتني بكُلشي
يهدي الها وتعتني بيّ لان خاص من والدها
بين حيرتها ويا لعاباتها اقتحمت الغُرفة امرأة خيالية او احدى حوريات الجنة الهاربات !! بشعرها الاصفر وعيونها الشُهل الوساع وبياضها الشفاف لدرجة عروق ايدها بارزة بشكل مُثير
ندهت عليها بصوت عذب
- سارة! اجا البابا
گامت الطفلة وما نزلت من ايدها لعبتها ركضت طالعة ونزلت بايات الدرجة بصعوبة وهي تصيح
- بابا بابا حبيبي
بعَد ما تخلصت مَن صعوبة الدرج ركضت لـ والدها الركع على ركباته فاتح أيدي يستقبلها داخل احضانه
ينثر قُبلاته على خدودها الوردية
- معشوقتي الصغيرة
- بابا حبيبي يا بابا
ضحك بصوت ووگف على طوله ساحب زوجته مقبلها على وجنتها
- شلونها معشوقتي الكبيرة
استحل الحياء عليها وهمست بعذوبة
- بخير بوجودك حبيبي
- جهزي نفسچ اليوم عندي عشاء عمل ترحين ويايَ
- واني بابا؟
- ممنوع حضور الاطفال يا روح ابوچ لكن وعَد باچر الچ طلعة خاصة
نزلت اكتافي بحزن
- لعد وين اروووح
- تبقين ببيت عمو اريان تلعبين ويا بناته واني احاول اخلص شغلي ونرجع ناخذچ اني والماما
- تمااام
بوسها وانطاها الوالدتها حتى تجهز نفسها والطفلة!! وبالفعل ومثل ما متعودات تنسق هي ووالدتها لبسن فُستان ابيض مُشابه وتزينن مثل الاميرات ونزلن
بَـس شافهن اطلق ضحكة مثل ضحكته وهوَ يشوفهن بكُل مرة يطقمن سوه وينعجب بيهن مثل كُل مرة وزيادة ويطلق سيل مَن الاطرائات الجميلة الهن!
انطلقوا واول وجهة كانت بيت اريان نزل لازم ايدها قرفص گدامها بينما عمها واگف على جهة!
رفع ايدها يقبلهن وگال بوقور
- اخلص شغلي واجي اخذچ اليوم مجهزلچ قُصة تجنن اسردها الچ
- انام على صدرك وتلعب بشعري؟
- مَن عيوني
- لا تتأخر حَ انتظرك
- راجعلچ معشوقتي الصغيرة
بَـس هذا الاب ولاول مرة ما يوفي بوعده ويرجع لأميرته الصغيرة؟
هذا الاب تم اغتياله هوَ وزوجته من جهة مجهولة اثناء طريق العودة وتم نهب ثروته بين اخوته اليّ ما حزنوا بمقدار ذرة على موته وچان مثل النجاة الهُم حتى يتمتعون بثروته اضافة لـ بنته
ما اكتفوا بالثروة وطمعوا بطفلة صغيرة
جاهلة تعيش الحزن على امها وابوها؟
وبكُل مرة تبچي تتعرض للتعنيف مَن قَبل زوجات عمها
الطفلة الچانت مدللة وبعمرها ما انضربت صارت كيس مُلاكمة الهُم يمتى ما انزعجوا ضربوها!!
لفيت جسمي بغطى خفيف ما يفيد بشي
وموعي تنهمر على خدي واني وحدي
بمخزن مُظلم مليء بالحشرات ، تهللت اساريري واني اشوف اعمامي دخلوا بحذر
- عمو اجيت اطلعني منا؟؟
باوعوا واحد للثاني وضحكوا بصوت مو مسموع
ما چنت اعرف بجيتهُم هاي راح يدمرون مُستقبلي ، مُستقبل طفلة عمرها كله سَبع سنوات !!! وحتى لو چنت اعرف شنو مُمكن اگدر اسوي؟؟
تقدم اريان ومسح على خدودي وگال وعيونه بيهن لمعة قذرة
اريان- تعرفين أنُ أنتِ حلوة؟
- اعرف بابا دائمًا يگُلي
عيسى- حقه حقه عنده لعابات ثنين ومتونس
ما فهمت قصده واستغربت فازة من طبع بوسة على شفايفي صح چنت طفلة وما افتهم بَـس أحَس هالشي خطأ
- شبيك عمو؟
اريان- جوزيف اوگف بالباب خاف احد يجي وأنتَ تبقى تتفرج؟
عيسى- اممم
وحش كاسر بذاك اليوم اغتصبني ما گدرت اسوي شي بالنعاية وين قوتي يم قوتهُم
وبعده عيسى طلع رَوحـي ومن شافوني بيني وبَين الموت شعره ما خلوا جوزيف يتقربلي وبقيت اسبوع اون من الوجع لحد ما تحسنت شوي ورجعوا مثل الوجوش چان جوزيف يرفض يتقربلي ومن يشوفني ابچي يرفض اكثر بَـس هددوا وجبروا ينتهك برأتي وچانت اول واخر مرة بعد ما شفته
والعرفته بعَد فترة سافر !! استمر الوضع من سيء إلى اسوء لحد عمر الـ 8 سنوات قررت اهرب منهُم
وبـ ليلة گمرية طلعت من البيت اركض ما چنت اعرف
طالعة من مكان قذر وحَ ادخل بالاقذر منه!!
لگتني حجية تگدي بالشارع قنعتني اروح وياها وهي عندها بنات بعمري! وخذتني شمرتني جوه رجلين سُعاد واخذت مبلغ مرتب على بيعتها اليَّ
باعتني؟ اخ لو يعرف بابا شصار ببنته المُدللة بعده اخ لو يعرف شگد نذليت ورغم كسوري وتهشماتي
قررت اصير قوية واتغدا بأي شخص
يفكر يتعشا بيَّ
الشوارع علمتني "البقاء للاقوى"
وچنت لازم اصير قوية علمود ما يگدر شخص
مهما كان يكون يدوسني ويكسرني
هناك بأول يوم تعرفت على دموع چان عمرها تقريبًا 4 سنوات طفلة
صرت اعتني بيها وصارت رَوحـي بيها
ومسرة همات چانت موجودة بَـس متوحشة
وتخاف من ظلها فترة طويلة يلـه أمنت بيَّ
وبعدها بفترة اجت رنيم البنت چانت بغير
عالم وما بلسانها غير كلمة عمو
فتحت عيوني تصب وهوَ جامد بمكانه
وعيونه حُمر ابتسم وبعدها ضحك
هُمام- مَن كُل عقلچ؟
- هُمام!
لزمني عاصر راسه ويسَد بحلگي
- اش اش لا تلعبين على عقلي سارة دا تشاقين مو؟ شقى بَـس ماصخ كُلش
- هُمام؟
- اشششش سكتيي ما اريد اسمع صوتج سارة سكتي لا تحجين
بچيت اباوعله بفتر بالغرفة ومرات يوگف
يصفن ويرجع يمشي ويرجع يوگف
انرعبت من منظرة ، اعرف الموضوع ما
يدخل العقل ولا يستوعبه المنطق بَـس هاي
حياتي البائسة !!
سحبني موگفني گدامه حاوط خدودي
هُمام- چذبي سارة چذبي عقلي حَ يوگف گولي الحجيتي چذب علمود نتصالح
هزيت راسي بـ لا واني مبنده من البچي وأحَس بروحي ترجف! دفعني وصرخ
هُمام- ليش هسه ليييش منننن ماااااات اريااااااان ليشششش
انكتمت مرعوبة مَن صوته ، رحت قفلت الباب لان اعرف البنات حَ يصعدن على صوته وما أريد اي شخص يدخل بيناتنا
لزم فكي بقوة معتصرة
هُمام- ليش ما سولفتيلي؟
- خفت
- مَن منو؟ مني؟ خفتي اكرهچ لهذا السبب؟ حَ اكرهچ بَـس مو لهذا السبب حَ اكرهچ لان ما بلغتيني مَن البداية
دفعني وفتح الكنتور يسحب ملابسه
- وين رايح هُمام
- اشعل صفحة ابهاتهُم والله إلا اخلي ليلهُم نهار
سحب المسدس وملئة طلق ودنگ سحب السلاح الثاني وهمات ملئه وراح يفتح الباب بَـس مقفول
باوعلي وعيونه بيهن غضب مو طبيعي!
هُمام- فتحي الباب
- بَـس تطلع منا راح اخسرك اعرف
- فتحي
- ما اخليك تدمر نفسك بسببي بساعة غضب
تقدم لازم شعري وزمخ
- فتحييييي مااااا اريدد امدد أيدي عليچ
- ما افتح
- تعرفيني مخبل وهذا الباب ما يمنعني لو ردت اطلع
دفعني وراح قريب الباب..
هُمام- ابتعدن من گدام الباب بسرعةة
رفع السلاح ورمه طلقة على القفل صرخت مصدومة !!
بَـس حرك اليده تفلشت ووگعت والباب انفتح بكل سهولة
طلع واني اركض وراه واصيح
- رنيم اتصلي على كليمممم بسُرعة
فتح الباب واني لازمه قميصة بكل ما عندي
مَن قوة وهوَ يدفع بيّ متخبل للحظة اختل توازني ودخت أثر ايده النزلت على
وجهي براشدي بَـس ما عفته
- وين رايح هُمام اوگف
- اغربلهُم وارجعلچ حسابي وياچ ثگيل
- ما تروح ما اخليك
صرخت متوجعة وهوَ عت راسي مَن شعري
يكرص شفايفي
- دخلي تكفي شري لا انهيچ بيدي
- بَـس نتفاهم هُمام الله يخليك
- الله لا يخليني كون امشششششي
دفعني وأحَس هد رَوحـي مَن شمرني ووكعت
متوجعة وجسمي مكسر ، دار يطلع وصار
بوجهة كليم وولد عمة نجلاء يلهثون
ضميت وجهي ابچي وهوَ هد عليَّ أحسه فقد مو بوعية اول مرة اشوفة هيچ ويريد يضربني !!
دفعوا عني وكليم صاح
- لك اركد شوف راعبهن شوف شلون يبچن شبيكك؟
هُمام- وخر عن وجهي اريد اطلع
كليم- فهمني واطلع ما الزمك
هُمام- وخررررر لا تحشررر خشمكك
اباوع لـ اصابعي بدت تتعوج؟ حَـسيت النوبة راح تجي وفعلًا اجت بوضع ما اتمنى لعدوي
ㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••
رنيــم••
دفعت دموع ومسرة
- دخلن جوه لا اطلعن
انرعبن ودخلن خايفات بَـس خالو عجيب
ماكو هيچ قوة؟ اربعة يريد يسيطرون عليّ وماكو فرهُم فر يريد بَـس يغافلهُم ويطلع!
عيوني تشخصت على منظر فطر گلبي!
من صوت الصياح والهوسة محد منتبه الها
وهي تنتفض بمكانها وراسها ينرگع بالارض ركضت صارخة بأسمها ، خالو فلتهُم واجه يركض الها بسرعة حط راسها على رجله ودخل ايده بحلگها الكُله دم !!
عصر وجهة متوجع لان عضته
الولد وكليم طلعوا واني بكُل قوتي احاول اسيطر على رجفة جسمها ، لحد ما هدأت وحدها ذبلانه بأيده
طلع أيده تنزف ووجهة مطعون بقهر بعد
فترة فتحت عيونها وهمست
- اريد حمام
شالها بدون ما ينطق وصعد بيها واني اركض وراهُم اخاف يأذيها لان خدودها مطبوعات اصابعه عليهن !! رفضت ندخل وياها بَـس نسمع صوتها وهي تتقيء
هُمام- چنتي تعرفين؟
- بشنو؟
- لا تستغبين رنيم؟ عمامها وافعالهُم؟
- وضاربها لان سولفتلك؟ ضاربها لان طفلة ما گدرت ادافع على نفسها؟ بأي حق تضربها أنتَ؟؟؟؟
ضحك وتقدم مثل الوحش كُلش خوفني!
لزم فكي ونتر
هُمام- أنتِ هم تتحاسبين وهسه صوتچ ما اريد اسمعه
ردت احجي زمخ
- اشششش
ابتعد عني مَن انفتح الباب راح شالها بدون ما ينطق بكلمة ودخلها للغرفة
لزمت قميصة وهمست بخمول
سارة- لا تعوفني لا تروح هُمام
هُمام- نامي ، وأنتِ نزلي بلغيهُم ما اروح لمكان واصلًا السلاح عند كليم خلي يطمئن
نزلت وأحَس روحي ثگيلة!؛
فتحت الباب بسُرعة تقدم
كليم- شلون صارت؟
باوعتلهُم ضايعة
- زينة
كليم- وأنتِ؟
- زينة
كليم- راح ابقى هنا ما اروح
- لا گال ما اطلع يريد يبقى يم سارة لان كُلش مريضة وهمات گال السلاح عندك
كليم- اي صح هياته اخذته منه ، متأكدة ما محتاجين ابقى؟
- اي لان ما اعتقد يگدر يعوف سارة وهي
بهذا الوضع والسلاح عندك
- ديري بالچ على نفسچ وخواتچ واي شي يصير اتصلي عليَّ
- تمام
راح واني قفلت البيبان ورحت طمنت
دموع ومسرة وبقيت ارتل بالقرآن على
راسهن يلـه نامن
فزت الرعب بعدها بيهن خطية!
واني على اساس ما انام وابقى گاعدة
بَـس ما اعرف شلون غفلت ونمت
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••
ســارة••
فتحت عيوني بتعب واحَس لساني ثگيل
- هُمام
ما باوعلي بَـس بعدها أيده تمسح على
راسي كرهني بنفسي
- لساني يأذيني
همات ما باوع شهگت رَوحـي تفرفح اول
مرة يعاملني هيچ يحسسني هوَ كارهني
- باوعلي هُمام فدوة دا تكسر گلبي
هُمام- بَـس اصفي الامور نتطلگ
بهَتت وسكن جسمي فجأة حتى هوَ استغرب
بلوعلي وما گدر يخفي القلق اليّ بعيونة
وچان لازم يقلق لان مَن قوة كلامة على گلبي حَـسيت النوبة رجعت تتكرر وهوَ انذهل يريد يسيطر عليّ ماكو چانت اقوى من القبلها
عرفت مَن يعرف راح يعوفني حَ تلعب نفسه منيّ ، حقة اني لعبانة نفَـسي مَن نفَـسي شلون هوَ؟؟
ما اعرف شگد مر يلا فتحت عيوني وهمات احتاجيت اروح للحمام اخذني بدون ما ينطق بَـس
ماگدر يعوفني لان رجلي ما جاي تعين وگفتي واوگع ، غسلي وطلع غير ملابسي ونومني
ما گدرت انطق وعيوني مشخصة بالسقف وهوَ ما كلف نفسه يحجي كلمة لحد ما نمت تعبانة
وگعدت ما لگيته !!
طفرت مَن مكاني اركض مثل المخبلة
نزلت وصارت بوجهي رنيم مستغربــة
وضعي !!
- شبيچ؟
- هُمام وين؟
- شنو وين؟ غير نايم شبيچ سارة؟
ضربت على وجهي وگعدت بمكاني مو گادرة اوگف على حيلي بعد
- لا لا طلعععع ما هوَ
ارتبكت وراحت تتصل وهي تاكل بأصابعها
- توه اجه كليم اخذ مسرة ودموع لان عمة تريدهن وسأل گتله نايم
- رنيم خايفة عليّ
هزت راسها تأيد كلامي شوي وگالت
رنيم- تگدر تجي؟.. امم ضروري بخصوص خالو.. تمام انتظرك
سدته وگالت
- رايح لشغله بَـس يگول حَ ارجع
تقربت تمسح على وجهي
رنيم- وضعج مو تمام احلف بعزيز گلبج تهدأين شوي وين انطي وجهي وحدي لو اجتچ النوبة؟ وأنتِ تعبتي وتتأذين اذا تجيج مرة الخ
بچيت بعجز
- قصدج مرة ثالثة لان امس تكررت مرة ثانية
- ليش شنو صار؟
- يريد يطلگني رنيم
شهگت أحَس اريد اتقيء گلبي مَن الوجع
وهي احتلت الصدمة معاني وجهة
كملت احاول اسيطر على نفَـسي ودموعي
- گتلج بَـس يعرف الحقيقة حَ يتركني!
- مُستحيل ما دا اصدك
- هُمام تخلى عني هُمام كسر گلبي بَـس ما اگول غير حقة واطلع مَن حياته
گمت ارجف ورجعت وگعت مو گادره
اعين
نفَـسي !!
شگد مقتت ضعفي بَـس مو سارة التضعف مو سارة التنهار بمثل هذا الوقت لـ طالما عاشت سارة رغم الكسور مرفوعة الراس محافظة على نفسها وكرامتها ، ادوس على گلبي اذا فكر يذلني بيوم
بَـس سمعت صَوت الباب نبهت رنيم
- بلغي اريد احجي وياه
هزت راسها وراحت سندت جسمي على أيدي وهمست
- أنتِ قوية ، سارة تكسر ما تنكسر الرجال الما يسندچ بهيچ موقف ما يستحق تنزلين عليّ دمعة وحدة! گومي أنتِ اقوى من هيچ گومي سارة تخطيتي الاصعب هذا لا شيء
بين نوبة تتأرجح على الابواب تنبه عن
وقوعها
وبين قوة كسر گمت برجلين ترجف
بنفَـس الوقت دخل كليم وورا رنيم
مَن شاف وضعي هز راسه بحسافة
وحرك شفايفة فهمت دا يغلط على هُمام !!
حطيت أيدي على صدري
- احسبني اختك ونخيتك احسبني بنتك ولبي طلبي
- عيوني الچ ويتنفذ وعَد
- هُمام يريد يطلگني وما طايق يشوف وجهي! تعز عليَّ نفَـسي وكرامتي ابقى تحت جناح رجال ما راغب وجودي
كليم- بيتي الچ اني اطلع وأنتِ تدخلين
هزيت راسي مبتسمة
- مشكور وما تقصر بَـس أريد استقر وبيتك خوية بيّ شباب عزابيين لا هُما ياخذون راحتهُم ولا اني وخواتي
باوع على رنيم بقلق
- رنيم تبقى يمكم وشوفلي مُشتمل قريب منا وياريت لو تدبرلي شغل!
كليم- صعبة علينا والله العظيم شنو شغل خوية صدك تحجين؟
- عشت عزيزة نفَـس واموت عزيزة نفَـس ما اقبل تصرفون عليَّ واني ما ناقصني شي
كليم- مو مشكلة بَـس ينراد وقت
درت عيوني بحيرة ما اريد ابقى هنا؟
حَس بحيرتي وگال يعرض عليَّ
كليم- امشي لبيتي
- احلف ببنتك ما تخدعني وتبحثلي عن مُشتمل وشغل
حط ايده على شواربه
- وعَد زلم
صعدت بَـس رَوحـي توجعني وأيدي ورجلي موتني يتعوجن النوبة مو راضية
تجي وتخليني ارتاح ولا قابلة تروح
باقية اتعلعل مَن الوجع وحدي
اخذت اشياء على گد الحاجة وچنت محتفظة بصورة تخصة بستها وحطيتها
بين هدومي
نزلت ملتزمة بلبسي مثل ما تعودت اخر
فترة
ويا طلعتنا دخل مبتسم ويفر بالسويچ
بهَت يباوعلي مَن فوك ليجوه
مو بَـس قهرني لا دمرني مَن ما سأل
ولا اهتم بالگوة ثبتت نفسي وإلا النوبة
حسيتها راح تجيني
كليم- وين چنت؟
هُمام- شغل راح انام ما بيَّ للتحقيق أجل الموضوع
دخل وعافني هيچ ببساطة؟ طلعنا ورنيم ساندتني تخاف اضعف واوگع!!
بعَد الشي السواه يحلم ارجعله!
صعدتني للغرفة الچنه نبقى بيها
مسرة ودموع مستغربات الوضع وحقهن
ما مستقرات كل يوم بمكان شكل وكل مرة
مُصيبة
اتعس مَن القبلها
لدرجة شكيت لابسنا شي لان المُصايب ما دا تتوقف !!
بَـس گعدت گلتلها
- هُمام دخل مرتاح اكيد مسوي شي الهُم اريد اعرف كُلشي رنيم شنو سوالهُم بعَد حادثي
وشنو سوالهُم هسه برحمة ابوچ كُلشي اريد اعرف واثقة راح تبلغيني
- رايحه اسأل كليم اني همات صار عندي فضول
ㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••
رنيــم••
نزلت اركض خايفة يطلع وما الحگ عليّ وقفت بمكاني وهوَ مثل البركان ماخذ الحديقة
ذهابًا وأيابًا !!
التلفون على إذانه ويحجي بنرفزه بَـس
صوته ما مفهوم لان بعَيد وبَـس اتقرب يشوفني
بقيت مركزة بيّ بدون وعيّ مني؟!
الزي مالته يجنن عليّ اول مرة انتبه
ويمكن لان چنت انظرة بنظرة العم
أما هسه لا
ما اعرف بَـس نظرتي تغيرت بعَد ما
عرفت هواية حقائق عن مشاعره
وتصرفاته تجبر اتغير لان هوَ ما ينظرلي
ڪ طفلة لا ابد وعيونه تسولف حُبه
جمدت من دار وصارت عينه عليَّ
سبحان الله اليّ يخلي انسان
اعصاب ومتنرفز
وبَـس يشوف شخص يحبه تتغير كُل معالم
وجهة مثل ما صار ويا وهوَ يباوعلي
وجهة ضحك وعيونه لمعت ، كمل حديثة
بَـس بقى يباوعلي مرتاح
لحد ما نهى وتقدملي
كليم- عيونچ تسولف
- شتگول
- تريد تعرف هواي اشياء فضولية عيونچ تلمع بالفضول جوهرتي
- اگدر اسأل؟
- اكيد
- بَـس حَ تتأخر عن شغلك؟!!
- يفداچ الشغل وصاحب الشغل هسه اخذ زمنية
صدُك اتصل اخذ زمنية ساعة وگال
كليم- تحبين نطلع لو نروح للاستقبال؟
- لا هنا لان ما اگدر اعوف سارة خاف تحتاجني
هز راسه مشى گدامي بخطوات رزنه فتح الباب
وطلب مني ادخل ، اتبعني وسَد الباب
گعدنا على نفَـس الكرويتة بَـس بيناتنا
مسافة شخص واحد !!؛
كليم- كُلي إذان صاغيّة!
- سارة طلبت مني اعرف عن اعمامها
- غريب ما مسولفلها هُمام
هزيت راسي
- ما چان يقبل يحجي وحتى اريان ما تعرف بيّ ميت غير امس خالو گاللها بساعة عصبية
وهسه تريد تعرف وطلبت مني افهم منك وللصراحة اني همات عندي فضول اعرف
- اممم
- كليم
ضحك ومسَح وجهة
- بنياته گولي
- تسولفلي؟
- واني الممنون
صفنت بيّ وهوَ شرد مثل اليّ يتذكر الاحداث الصارت هذيچ الفترة !!
هز راسه وهوَ يحجي بسلاسة ومَن طلبت
ذكر التفاصيل ضحك
وبالفعل حجالي بالتفصيل المُمل
حَـبيت شگد اله خلگ اليَّ ومزاجه حلو
ㅤㅤㅤ
ㅤㅤㅤ
ㅤㅤㅤ
•••••••••••••••
كليم••"عن لِـسان رنيم نُقل"
الغضب يتفاقم عندي بسَبب افعال وتهور
قسورة وهُمام!! ولا مرة فكروا بعقلهُم دائمًا تسيطر عواطفهُم عليهُم
رمقته بطرف عيني ونترت مسيطر على اعصابي
- وين صاير المكان بعرعر؟؟؟
قسورة- احم وصلنا
فترة وتوقف گدام بيوت وشقق مهجورة
المكان قذر .. اخذت نفَـس وخزرت قسورة ارتبك واشرلي على البيت
بَـس تقدمنه توضحلي الاصوات!
غلقت عيوني وتنرفزت مشيت بسُرعة
وفتحت عيوني راكض
لزمته دافعة لان چان شاد حبل على رقبة
عمها ومعبرة على حديدة ويريد يشنقة !!
- شوووووفه مات؟
تقربت مَن هُمام وحاوطت وجهة متفهم
شعوره
- أنتَ زين حبيبي؟
هُمام- حرموها من حقها وحرام يعيشون كليم
- بالقانون لا تدمر نفسك بهيچ نماذج قذرة
- گلبي واجه بيّ نار !! شلون ابلغها ما راح تصيرين أم؟ شلون تستوعب؟ كليم رَوحـي دا تطلع
اخذته غسلتله وگعدته بره لان فعلًا روحه
رايحه ونفسه يسحبه بالالف يا علي
دخلت اباوعلهُم مثل الكلاب مربطهُم ومخلص عليهُم بالضرب والتعذيب ومو شلون ما كان لا تعذيب مال مجرمين
قسورة- شنو بالك خالي؟
- نسحب هالحثالة للمركز وبعدها يصعدوهُم محكمة وللسجن شي 15 سنة اقل شي لان اجوا وناوين على جريمة مع سبق الاصرار والترصد والبنية متضررة وزوجة رائد لا تنسى كلها تضاعف حكمهُم
- وهُمام؟
- معليك منه اتصل
اتصل قسورة على دورية تجي واني طلعت
يمه بَـس يدخن وحالته حالة مرت ساعة واكثر يله اجت الشرطة وهُمام ما گال غير
- لو تحطهُم بجحر عربيد اوصللهُم
- تاخذ حقك بالقانون
- كل ما اتذكر وتنزل دمعة منها بسببهُم اروح ازوعهُم العافية
- بعيني
طلعوهُم واخر شي طلعوا واحد اعتقد چان
اسمه "عيسى" ما اشوف غير هُمام ركض وبحركة سريعة طفى الجگارة بجفن عينه خلى يتبعثر بالارض مثل الذبيحة وهوَ واگف مبتسم يباوعله مرتاح
اشرتلهُم
- اخذه حبيبي
ما اهتميت يستاهل لان هذا الكلب واحد
مَن الدخلوا عليها وهي ضاربته طلقة بأيده دفاع عن النفس
ربَتت على كتفه وحجيت
- يمي خليها روح اسبح وارتاح واتوكل يم مرتك تحتاجك
اخذ السيارة وطار بيها واحنه همات رجعنا للمركز
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••
رنيــم••
- يستاهلون لحد الان افكر شلون لو عرفت سارة بوضعها وشلون حَ تكون ردة فعلها
- الله وياها ما يترك عبده وهوَ محتاجه
- اي وبعَد؟
كليم- شنو حبيبتي؟
ابتسمت وهوَ ضحك بوجهي مستوعب كلمته
كليم- سهوًا ، احجي شنو بعَد؟
- وين راح خالو اليوم؟
حك راسه بحرج ما اعرف شنو سببه
- للسجن
- شنو سوه؟
- احم عوفي الموضوع
- ليش؟
- لان عيب بابا هذا خالج نازع اخلاقه كلها وداخل للسجن ما اعرف بشنو فكر من سوه فعلته
- قتلهُم؟
- لا لا غير شي بَـس سدي الموضوع
رمشت دا استوعب بَـس ما توصلت لشي؟
نهض مَن مكانه ورتب ملابسه
رفع ايده وعدل حجابي ونطق بهدوء
كليم- رجعي لـ بيت هُمام
- عزااا تطردني؟؟
ضحك بصوت عذب
- يلعن ابليسچ ، لا والله اني الاطلع وأنتِ التبقين هذا بيتچ عروستي
بهَتت وهوَ قرص خدي وباس اصابعه
كليم- باچر اجيب اهل العگل والرتب واطلبچ مَن خالچ جوهرة كليم
جمدت بمكاني ارمش دا اريد استوعب !!
باس راسي وطلع مخليني دايخة بكلامه وافعاله ، معقولة هذا نفسه كليم؟
..
وتستمر الحكاية.. 🚬♣
قناة التلي zainab_salah0
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!