رواية دروب الإِندِثـار الفصل السادس والعشرون 26 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 23 ♡♡

لا تنسون التصويت + متابعة للحساب + التعليق بين الفقرات ☘️

جامَلتك عُطُف تدرَيني ما مِحتاچ
المِثلَك واليشبهَك مالهُم داعي .
‏
•••••••••••••••••••••••••••♕•

نزلت دموعي حاطه ايددي ؏ حلگي خايفة
بل مرعوبه !! نظرات قسورة كلها شر
قفل الباب الخارجي واتجه ؏ الداخلي هم
قفله وعيونه تجدح بغضب ..

تقدم لـ جُنيد رفعه من ياخته قميصه
هزه بقوة ونتر يحاول ما يطلع صوته ..

قسورة- ببيته يا قذر ببيته وتلعب

جُنيد- كُلشـي ما فاهم لا تبقى تمسلت قسورة وايدك نزلها ترا اني هم اعرف اضرب واتجاوز بس دا احاول اتفهم موقفك

باوعلي بس نظراته خجلتني ؏ گد ما بيها
استنقاص واستهزاء ..

- هو هذا الملوعه خالي علموده؟ لج غبية باوعي حتى ماكو مجال للمقارنه

- مو مثل ما مفكر

- انچبي لج قذذذذرة شفتتتته بعيني لازمج بعيني شفته لازمج وأنتِ ما معترضه

جُنيد- امشي نطلع واحجيلك عوفها

- ههههه البطل يدافعلها اكل خرا لا اطيح حظك ويلـه

دفعه واسترسل..
- امشي ولي اطلع من الـبيت وربك اذا شفتك واصل هنا احش رجليك حش

باوعلي جُنيد وهو تخبل فتح الباب ويدفع بيه
وينتر بصوت ناصي ، گعدت مكاني ابچي
؏ حظي وحياتي الفگر
خايفة عمو يعرف وانزل من عينه خايفة !!..

رجع دخل گعد بمستوي لزم فكي بقوة
وضغط عليّ ، نتر مخنزر بوجهي وهو يخوف ..

- اموتج اذا تكسرين گلب خالي علمود هذا القذر

- قسورة

- شگد نزلتي من عيني شگد رخيصة أنتِ اخخخ لو أمرج بيدي اسويج وصل وما ارتاح ، لج لج اريد اموتج ضرب لحد ما يشفى غليلي

- اني وجُنيد ...

تخبل يهز براسي..
- انچبي لا تنطقين اسمه وجهج ما اريد اشوفه ولي فوك

دفعني وطلع متت بچي ما يريد يسمع !!
ولا يريد يفهم شسوي هسه اني؟ گمت فتحت الباب وغسلت وجهي دايخه
اسمع اصواتهن بالصالة يسولفن ، عبرتهن وصعدت فوك مدده بفراشي وايدي ؏ گلبي..

وجع گلبي مو طبيعي كُل شوي واحس بخنگه
عبالك واحد گاعد ؏ صدري وكاتم نفسي !!

خذتني الافكار من چان يجي للتقاطع الابيع بيّ
.... مرة چنت گاعدة ابيع كالعادة ومخبوصة لان الدنيا ترعد السماء احسها تنهز وراح توگع على راسنا من الرعيد!

من بعَيد شفته يركض بأتجاهي
رزانته وقيافته لا أراديًا تجبرني اتأمله !!

وگف يلهث طلع من محفظته فلوس وگال
جُنيد- يلـه رجعي للـبيت اني اشتريهن منچ

- ما اريد منك عُطف وشفقة

جُنيد- لچ اني خايف عليچ وتشوفين الدنيا اليوم ما تبشر بخير وراح اشتريهن منچ ما منطيچ لفلوس بدون مُقابل !!

- ما اريد روح منا جُنيد

- رنيييم ليش لعناد؟!!

قبل لا اجاوب رعدت الدنيا بقوة هزت گلبي!
وبدت زخات المطَر تنزل مبلله ملابسنا
تأفأف ضايج

جُنيد- يلـه لخاطري رجعي لا يصير بيچ شي واني اشتريهن منچ

مديتهن اله بسُرعة ابتسم طاير اخذهن
اشرلي وگال
جُنيد- بسُرعة للبيت لا تلتهين منا ومنا

- دير بالك على نفسَك

- وأنتِ يلـه ركضي

ابتعدت وكُل شوي ادور عليّ اباوعله راح لو بعده
وبكل مرة اشوفه واگف ينتظرني ابتعد يلـه
يروح ، چان هذا اخر لقاء يجمعني بـ جُنيد لحد هذه الساعة !!!

باوعت من انفتح الباب ودخلت مسرة ، گالت ..

- راحوا الخطار واحنه رحنا نشوفهم بَـس عمو كليم يريدج

رجف گلبي..
- شيريد؟

- تفاجأ لان ما اجيتي تشوفينه

هزيت راسي براحه سحبت الشال لفيته عدل
نزلت وياها اقدم رجل وأخر رجل خايفة
قسورة يحجي وهم ما يفهموني مثله وما يسمعون مني محتارة شلون اتصرف؟ ساعدني يا رب ..

صاير الليل واني ما ادري تعجبت هاي شگد سرحت بـ افكاري اني؟!!..

دخلت وياها اباوع ؏ بيبي موجودة
خالو يتفحصني بنظراته
غصب عني تجاهلته ورحت لـعمو ..

- الحمد لله ؏ سلامتك

كليم- تعاي بنياتي

تقدمت گعدت بصفه ، باس راسي وگال..
- وين چنتي؟

- بالغرفة

هز راسه وصاروا يحجون بخصوص الحادث ومنو الفاعل وطبعًا مجهول للان!! گالت عمة ..

- الحمد لله من دخل قسورة للبيت بذيج الساعة لو متصاوب وياهم لا سامح الله منو يركض بيهم

رفعت عيني بسرعة خزرني دنگت ارجف
همس عمو ..

- رنيم ما عاجبني وضعج! وليش ما سلمتي ؏ هُمام لاحظت حتى سارة ما سلمت؟!!

رفعت عيني وحاجيته نفس مستوى الصوت..
- عمو اريد ابقى هنا عادي

ابتسم فرحان..
- بيتج هذا بابا بَـس اگدر اعرف السبب ؟!

سولفتله ؏ الصار بين سارة وخالو وحتى كلامي ويه خالو وختمتها..
- زعلانه منه ومن اسلوبه حيل عمو احنه منظركم بالدم دمرنااا والله لحد الان اخاف انام

شهگت بسرعة سحبني لحضنه !! صار
هدوء المكان ومن الخجل لزمت قميصه رافضه
ارفع راسي واشوفهم..

هُمام- شبيها؟

كليم- من الصار وحقها المفروض ماتشوفنا هيج لا هي ولا البنات

بعدني ، مسح دموعي وكالعادة ؏ وجهه
ابتسامة دافئة وبيد حنونه يربت ؏ راسي
يحسسني بالامان ..

هُمام- يلـه نروح

- ما نجي

بهَت صافن بوجهي!! ما چان منتظر هيج رد
يمكن ! ، اردف بصوت مُنخفض وبي بحه ..

هُمام- لـيش؟ واني؟

- ما تحتاجنا اسلوبك چان واضح بعدم رغبتك بوجودنا وكلامك اكد رغبتك

- ما چنت اقصدج

ضحكت سارة بـ استهزاء واني احترگت من
بروده ، كتفت ايدي وهزيت راسي بعدم رضى..

- الي يوجه كلام مُسيء لخواتي يُعتبر موجهة اليَّ أنتَ نوعًا ما او
خلي نگول طردتها بصريح العبارة واعربت بكلامك عن عدم اهتمامك بوجودها او عدمه يعني بالتـالي هذا الكلام اليَّ لان هي اختي بل امي

هُمام- يعني؟

- يعني ما راح نجي

سارة- اني اروح

باوعتلها مصدومة وبنظراتي الومها كملت وهي تگومي..

سارة- مُجرد ارجاع دين لا اكثر ، ساعديني مسرة.

گامت مسرة طلعت وياها وهو گام سانده قسورة ..
هُمام- ما تجين؟

قبل لا اجاوب نتر قسورة خازرني..
- روحــي

كليم- تركوها تقرر براحتها تبقى هنا او هناك ماكو فرق

خزرني قسورة وخالو مشى مقهور !!

نجلاء- يلا يمه خلي كليم يرتاح

رنيم- تصبح ؏ خير

- أنتِ الخير بابا

ابتسم وگمت دفعت بيبي وعمة سندت ايهم لان اصر يروح لـغرفته ما يرتاح هنا ، خليت بيبي بغرفتها ؏ ما تجي عمة وتساعدها تمدد بفراشها لان اني ما اگدر ...

صعدت فوك ادور ؏ البنات ماكو..
نجلاء- بغرفة كليم يلعبن ويه ريم

- هسه اشوفهن وهم انومها اكيد تعبت

نجلاء- بارك الله بيج ماما

راحت وبنفس الوقت صعد قسورة ، تخربطت
احوالي اريد الحك ادخل الغرفتي ماكو دفعني ودخل مخنزر بسرعة بچيت..

- بس اسمعني الله يخليك

قسورة- ليش ما رحتي ويه هُمام شعندج باقية هنا لو عندج امل يجي جُنيد وتشوفينه؟

- لا لا لا والله ابد بس اسمعني

فرك وجهة ونتر..
- احجي

گعدت ؏ السرير لان رجلي ما يحملني چان
يوم مُتعب !! وهو گعد گدامي ؏ الكرسي شابك
اصابعه
بـديت اسردله لُقائنا الصدفة بيوم ساعدته وانطيته كلنس من چنت طفلة وهو خله شمسيته عندي
بالتفصيل المُمل وهو مركز ويايه وحواجبه معقودات لحد ما ختمتها ..

- ورحمة بابا ما عندي شي وياه اني ساعدته وهو ساعدني وبقى يتردد فترة للمكان الابيع بيَّ وبعدها قطع وسُعاد غيرت مكانا ولا اني شفته ولا هو شافني من هـذاك الوقت

- وردة فعلج من شفتي بالمستشفى؟

- ما اعرف والله قسورة بس انصدمت بوجوده وكل هذا بكفة وعمو يكون خاله بكفة واني والله چنت تعبانه ومريضة يمكن لهذا السـبب !!

نتر..
- ولمساته وكلاااااامه رنيم وغزله بيججج

- والله والله اتفاجأت وما گدرت انطي ردة فعل والله ما عندي شي وياه قسورة صدگني عليك الله

- رنيم خالي خط احمر اذا شفته بيوم متأذي منج اموتج بيدي

- اني احبه لـعمو كليم مستحيل بيوم ينوجع گلبه مني

باوعلي محتار ، رفع ايده مسح دموعي
وبلگوه عليّ رسم ابتسامة وگال ..

- مصدگج كافي لا تبچين بس جُنيد تبتعدين عنه

- تمام

توه يريد يحجي وفزينا ؏ فتحة الباب
مسرة عيونها تعلگت ؏ ايد قسورة اللازم
بيها خدي !! وهو عبالك تكهرب بسرعة سحب ايده
وطفر من مكانه ..

قسورة- احم يلـه اني رايح و ومثل ما اتفقنه رنيم

هزيت راسي بـ اي وهو طلع ، دخلت بعيونها
هواي اسأله وتحتاج اجوبه !!..

- مسرة ترا مو مثل ما مفكرة

مسرة- عادي ، اجيت اگُلج ريم نامت ودموع همات اني رايحه انام يمهن
يلـه تصبحـين ؏ خـير !!..

طلعت بدون ما تسمع مني واني حيل
ما عندي اگعد ابرر ..

نزلت اريد اطمئن ؏ عمو ، وكفت بصف الباب
من وصلني صوت كلام واستغربت من گالت عمة
بصوت مصدوم ..

- گول غيرهـا خوية!!

كليم- مو بيدي لحد يلومني دخيلكم كافيني نظرات عيونها المو راضية تباوعلي نفس قبل

- يااا خوية والله صدمتني بَـس چانت طفلة وأنتَ معودها عليك بنتي وبنتي
وهسه هذا كلامـك صفني والله!!!

كليم- چانت بنتي ولو ما مخطوفة تبقى بنتي ومشاعري ما چانت راح تتغير نجلاء بَـس..

- بَـس شنو؟؟!

- عبالكم وحتى هي عبالها اني حبيتها من چانت عندي او من رجعت لااا
اني ما حَـبيت رنيم اني حَـبيت البنت المُنقبة الچانت تبيع بالشارع ما عرفت مكتوبلي اتعلعل وتطلع نفسهـا رنيم بنتي وامانتي.

- عزاااا يعني الچنت تحجيلي عنها نفسها رنيم

- اي هي نفسها بنتي واول فترات رجوعها حاولت حاربت نفسي ومشاعري بَـس ما گدرت
عيوني ما دا تشوفها مثل قبل نظراتي الها غير غير والله وعزته وجلالته غير حقها تزعل وحقي اني ما چنت اعرفها وحـبيتها ام قسورة هذا قلب ما علــيه سُلطان.

- تعرف مو؟

- اكيد لعد لـيش شردت لـبيت هُمام صارلها شهر شردت ما متقبله تغيري وحُبي واعتقد
بل متأكد گلبي راح تكسره بيدها لان ما مُمكن تتغير مشاعرها اليَّ

- اخطبها كليم حاجي هُمام وسووا خطوبة لفترة مُعينة واذا ما اتقبلتك انفصلوا بَـس جربوا لا تبقون
متندمين وهي متعلقة بيك وارد تتغير مشاعرها ويمكن تحبك وما تعرف مشاعرها زين !!

حطـيت ايدي ؏ حلگي واسمعه يگلها ..
- ليش اني ما مفكر بيها بس اخاف تكرهني واني كلشي اتحمل إلا كرها ونظرات الازدراء بعيونها

- هيج تحبها؟

- تمشي بالوريد والله كلشي اي إلا دموعها لا نُقطة ضعفي هاي

- ربي يجعلها من نصيبك

تحسر وحسرته مرمرت گلبي..
كليم- اللهُمَّ امـيين
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••
ㅤㅤㅤ
سـاࢪة•

اسمع صوته هو وقسورة يحجي بالاستقبال !!
اعرف قراري بنظر رنيم خطأ بَـس بنظري صح
اولًا هي تحب تعاقب بالابتعاد
وهالشي مو صح الانسان يتعاقب بالاقتراب بينما
هو قريب بنفس الوقت بعيد مثل
الجسد بلا رَوح !..

ثانيـًا والاهم هُمام رغم سوء مُعاملتـه الاخيرة
هو رجـال سَبع وشهمي وگف ويايه بأصعب
أيامي ولولا وجوده چان اني هسه يم عمامي بين
الذل والاهانه والاغتصاب!!
ويمكن توصل وياهُم للقتل ما استبعد هالشي منهُم ..

تنهدت اشيل الشاش من عيوني
رجعت اسدهم بقوة من ضرب الضوء
بيهُم وانزعجت بسبب وجع راسي
لان صارلي ايام ما اشوف وفجأة
ضرب ضوء المطبخ بعيوني !!

باوعت للـبيت بتعب وابتسمت بشَر
خلي العب شوي واستفاد من نظري
نستغل هالميزة شوي؟ كذبة بيضاء!!

راح قسورة واني تمشيت للاستقبال واگفه گدام
الباب!.. رديت بتشجيع ..

- سهلة سارة سهلة تمثيل بسيَـط أنتِ گدها

فتحت الباب وخليت عيوني تتجول للداخل
بعشوائية!!
اشوفه صفن بيه محتار بـ أي طريقة يبدي الكلام
تقدمت خطوات بحذر مُبالغ واشوف يراقب خطواتي سويت نفسي اتعثر وهو فز ..

هُمام- ســااارة!!

رفعت عيني اركز بجهة قريبة منه ، گام من
مكانه وتقدملي رجفت من اخذ ايدي وگال بتعب..

هُمام- اتبعيني بهدوء

سحبت ايدي ورديت بعناد..
- ما يحتاج اگدر اسند خطواتي بنفسي ما احتاجك

ولان هو اكثر عناد مني رجع لـ مكانه وجاوب..
هُمام- براحتج

صريت اسناني بغضب مكتوم ، حاولت اسيطر ؏ نفسي وامشي بخطوات
رزنه وهادئة وبيدي استدل المكان لحد ما تلمست برجلي الكرويته وگعدت عليها ..

- تصعد فوگ لو تبقى هنا؟

- اني هم ما احتاج مُساعدتج

- أنتَ مريض!! واني هنايه بَـس دا ارجعلك فضلك ومساعدتك القدمتهُم ليَّ

- ما يحتاج

- يعني ما تحتاج وجودي ، اروح؟

رغم ما اركز بوجهة علمود لا يشُـك گدرت
المح طيف غضب بعيونه
واعتراض طفل ؏ مُغادرت والدته !! ذب
حسرة وگال مُحاول يغير الموضوع ..

- حطيتي القطرات؟

ورغم اعرف الاجابة تسألت امثل عدم
معرفتي!!..

- أنتَ طلبت من قسورة يجيبهُم؟

- اي ، حطيتي؟

وبَـس حتى اقهره جاوبته بلا مُبالاة ..
- لا ما يحتاج

رد بقلق وهو يدور بكامل جسمه عليَّ..
- ساࢪة أنتِ تخافين الظلام؟ ليش هذا الاهمال ليش؟

- لازم أواجه مخاوفي اني وحدي بهاي الدنيا ما لازم يكون عندي نُقطة ضعف يحاربني بيها اي شخـص

گمت ومشيت وبعدها توقفت مصدومة من نفسي
لا بيه ادور واشوف نظراته ولا بيه امشي!!

هُمام- ينرادلج جائزة الاوسكار ؏ هذا تمثيلج

- تستاهل

- عرامة وصلافة هيج ما شايف

تخصرت..
- اگُلك أنتَ مو مريض شگد تحجي ما تعبت؟

نزل عيونه لخصري وگال..
- مريض ومرضي ماله علاج

لويت حلگي ما عاجبني..
- عدلي براطمج وايدج رفعيها من مكانها دوهنتيني

- براطمج شنو ايعععع

ضحك بقوة رافع راسه وايده ؏ صدره
صفنت اضحك ؏ ضحكته وهو سنكر من
الضحك ..

- تعاي ام لسان

- شكو؟

سوه بيده بمعنى تعاي
تقدمتله متردده ، اخذ ايدي وتقرب باس
راسي وگال..

- تقبلـين اعتذاري؟

- لا

- ما شاء الله صريحة بعد!! سـارة استاهل تقبلين اعتذاري أنتِ هم ما قصرتي واتجاوزتي هواي وما اعتذرتي

- اعتذرررت

- بعد شهر؟ بعد ما طلعت من حلگ الموت؟ ولو ما صاير هالحادث ما چنتي راح تعتذرين

- كسرت گلبي وخاطري

- گسروا عظامي ان شاء الله ، اخطأت ومنج السماح عيناي اني اعتذر

سحـبت ايدي وهزيت راسي بـ لا ..
- أنتَ گلبك طيب وتسامح اني الشفته بحياتي خلاني قاسية وما اسامح أي انسان تسبب بوجع عاطفي كان او جسدي
وأنتَ وجعت گلبي وما اگدر اسامحك بهاي السهولة ولمُجرد اعتذار بسيط !! أنتَ انقذتني من عمامي واني موجودة حاليًا اردلك جُزء من هذا الدين حتى نتصافى ويكون ضميري مرتاح حضرة الرائـد هُمام

هجرت مكاني طالعـة تاركته بصدمته
لازم اثبت موقفي من البداية حتى ما يرجع
يعاملني بهذا الاسلوب ويكون متأكد من رضاي
سهل !!
اريده يعرف سارة شنو وقيمتها شنو
و؏ هذا الاساس يعاملني ..

اخذت فراش ونزل مديته اله وهو صافن
بحركاتي احس عيونه وراي طلعت جبتله
ماي وحطيته قريب منه
تقربت سحبت باكيت الچگاير والچداحه
گال بسرعة..

- وين ماخذتهن؟

- أنتَ مريض ممنوع التدخين

راد يحجي حطيت اصبعي ؏ شفايفه
جمد صافن بعيوني ، حَـبيت ضعفة گدامي
حَـبيت تأثيري عليّ..

- اشش هُمام گلت ممنوع التدخين اني اذا انكسر خاطري عليك عود انطيك وحدة

- كريمة مو بيدج

- مو بلـه؟

- عن الزعططه سارة رجعيهن اموت اذا ما ادخن

- گوم نام وأنتَ  تنساهن

شهگت من سحبني من مُقدمة دشداشتي
لفها ؏ ايده وقربني اكثر
احس بـ انفاسه تلفح وجهي ..

- اعوفهن بس لازم التهي بشي ثاني

حجيت بخدر ما مستوعبه نفسي..
- شنـو؟

ابتسم بشر..
- شفافـج

وقبل لا استوعب كلمته لگيته محاوط
شفايفي بدفو شفايفه
مقلص كل مسافة بيناتنا ، يبوسني
برغبة وشغف يسحب نفس من انفاسي
واني بعالم ثاني
عاجزة احرك نفسي وادفعه لحد ما هو حَس
لحاجتي للهواء تركني يلهَـث انفاسه !!

هُمام- اخذي الباكـيت بس تأكدي كل ليلة راح اعيشج نفس هذا الشعور

مسح طرف شفتي وعيونه عليهن گال
بحس خَدر ..

- اترك الجگاير وادمن شفافج

دفعت ايده..
- أنتَ صدُك ما تستحي شلوووون تتجرأ

- مرتي

- مووو مرتك بس تصير زين اطلگني ساااامع

- اسمعج عيناي ليش تصرخين صوتج لا يتعب

- أنتَ تريد تجلطني؟

ضحك..
- اسم الله على حلوة المسيح

نرفزني عفته وطلعت طابگه الباب بقوة واسمعه
يضحك من كُل گلبه متونس
؏ حرگة گلبي ، لعد شگد استفزازي وخـبيث !!..

رحت للحمام قفلته واباوع لـنفسي بالمراية !!
ننزلت دمعة ؏ خدي بضعف
ما حَـسيت غير صرت اتقيء لعبانة نفسي
كلشي صار ذكرني بالماضي بچيت كاتمة صوتي
واني احس روح دا تغادر جسمي ..

غسلت احاول اخفي أثار دموعي وطلعت
بَـس صدمني بوگفته وعيونه تشرح صدمته

هُمام- تلعب نفسَـچ مني؟

التزمت الصـمت لا گادرة اگول اي واكسر
گلبه ولا بيه اگول لا واعرف شنو من تحقيق
راح يدخلني بيّ وممكن احجي وهو بهذا
وضعه مُمكن اخسره !!

دار داخل للاستقبال بدون كلام!!.. گعدت بالصالة
صفنة تاخذني ووحدة ترجعني ...

وصارت الجُمل تتراوح ببالي والمواقف تتسطر
گدامي مثل المشـاهد الحَيّـة!!
ㅤㅤㅤ
ㅤㅤㅤ
ㅤㅤㅤ
ㅤㅤㅤ
ㅤㅤㅤ
ارجف برد وخوف انفخ انفاسي الحارة
بين كفوف ايدي حتى ادفي نفسي
طفلة بَـس عمرها الف سنة
شيبة بعُمر الـسبع سنوات كرهت هذا الرقم
كرهت رَوحـي وطفولتي
حقدت ؏ امي وابوي الماتوا وارتاحوا تاركيني
بين ناس وحوش !!

اخاف الليل
اخاف بعد مُنتصف الليل
اخاف الظلام
واخاف اريان
اخو ابوي واللازم يكون مثل اب اليَّ!!

بعجز طفلة نزلت دموعي تشرح حالي واني
اشوف وحَش طفولتي يدخل
يمشي ؏ اطراف اصابعه ويسد الباب بهدوء
حتى ما يطلع صوت ويگعد زوجته واطفاله ..

بيده سجين صغيرة كانت اكبر مخاوفي
من حدتها وشكلها الغَريب !!

وانضمت هاي الليلة لـ ليالي سابقة
بشعة مليانه بتوسلاتي

- لا عمو جاي توجعني ، عليك الرب كافي ،
عمو عيب وخر لااا ، اخخ عموو كافي برحمة بابا عليك تعوفني
بطني عمو توجعني

كانت جُملي تدخل من أذن وتخرج من الثانية
يخلص قذارته مو مهتم لـ وجعي ولا هيئتي
مرر ايده ؏ خدي واني احاول بيدي الصغيرة
استر جسـدي المشوه بـ افعاله ..

اريان- صغيرة ولذيذة من تكبرين شلون؟ هههه متأكد حتسلبين عقل عمج بجمالج

- اخخخ عمو بطنييي

مرر ايده ؏ بطني بسرعة انتفضت..
اريان- رايح اجيبلج علاج وملابس واجي صوتج ما اسمعه

طلع واني اتلوا من الوجع الكان فضيييع
وما ينطاق!! رجع شمر ملابس وعلاج كان عبارة
عن مُهدئات تهدأ الوجع لـساعت وبعدها يرجع
ولازم اتحمل واسكُت حتى لا
اتحمل فوگا وجع ضرب زوجته واولاده ..
ㅤㅤㅤ
ㅤㅤㅤ
ㅤㅤㅤ
ㅤㅤㅤ
ㅤㅤㅤ
فزيت من ذاكرتي ؏ صوت ونين ، مثل
المجنونه ركضت اباوعله متعرق ويرچف
گعدت امسح ؏ راسه ..

- هُمام شبيـك لا تخوفني؟

تحرك يون وحرارته كُلش عالية..
- اخخ

حَـسيت نعصر گلبي من كلمته ، ركضت حطيت
بطاسه ماي بااارد وبي ثلج ورجعت
سحبت الربطة اليّ براسي وغطستها بالماي
عصرتها شوي وحطيتها ؏ جبينه
انتفض يرجف ..

- اخخخ يابه لا لا باااردة

- ميخَالف تحمل علمود تنزل حرارتك

فتح عيونه بضعف رفع ايده ؏ خدي
وگال بقهر ..

- تلعَب نفسَـج مني سارة؟ ليش تلعَب نفسَـج مني؟

بچيت..
- لا لا مو منك والرب أنتَ انظف واشهَم رجال شفته بحياتي المعدومة البائسة

- اخخخ لـ لعـد ليشششش؟

ما عندي جواب سكتت بس دموعي تشرح
البيه !! وهو رجع نام بس يون من الحرارة
ساعة ؏ الكمادات يلـه انخفضت حرارته !!

من التعب حطيت راسي بصف راسه ونمت
ما ادري بنفسي !!

فزيت الصُبـح ؏ حركته اباوعله لازم
ربطتي وصافن بيها ، باوعلي من شافني
اتحرك عقد حواجبه مستغرب ..

هُمام- باچيه؟

- لا

- باچيه سارة سويتلج شي؟

- لا شسمه خـ خفت عليك امس بس هيج يعني

هز راسه بـ اي وهو صافن بشـرود ما اعرف
بشنو يفكر بَـس اگدر اخمن هو سبب استماعه
لبچيي وتقيُؤي بالحمام ..

طلعت غسلت وحطيت الچاي ؏ النار ورجعت
اخذت ماي للاستقبال غسل واني من خلص
مسحت اكتافه وايدي عيوني عليّ ما يباوعلي..

- كم رصاصه متصاوب؟

- تلاثه

فتحت عيوني واحس الوجع صار بيه!!
طلعت صبيت الريوك بالصينية وخليتها
گدامه صرت اسويله لفات وانطي
احاول انسي الصار ما يهونلي يزعل بسبب
شي هو بريء منه ..

وهو هادئ لا يگول اي ولا لا
متقبل كُلشي اسوي اله ..

- شنو تحب اسويـلك غده؟

- اي شي

- احلفك بالرب تگول شنو بنفسك

ابتسم بهدوء..
- سمچ شوي اذا تگدري واذا لا انطلبه عادي

- لا اطلبه شنو هسه بس تتذوق السمچ من ايدي بعد ما يعجبك تتذوق غيره

رفع حاجبه ، كملت بثقة ..
- ما امدح أنتَ تتذوق وتحجي الصراحة

- متفقين ، اتصلي ؏ قسورة وبلغي  بكُل احتياجاتج واخذي فلوس من الكنتور

- صار

خابرت قسورة وصعدت اخذت فلوس
ونزلت ماكو نص ساعة واجه دخل الغرض انطيته لفلوس ضحك..

قسورة- ولو مرت خالي عـيب رجعيهن

- هُمام ما يقبل

- هو وينه

- بالاستقبال

دخل واني وراه..
- هُمام ما يقبل ياخذ

هُمام- ليش ولك؟

قسورة- ما بيناتنا انسى لفلوس هسه ، أنتَ شلونك؟

- زين كُلشي ما بيه

- الحمد لله ، يلـه اني اتوكل

راد يطلع صاح هُمام..
- كفو منك ابني وگفتك هاي ما ننساها

ابتسم..
قسورة- ولو ابو الهَمم

طلع واني ردت اطلع گال بتعب..
- سارة جگاره اريد

رحت جبتله وحدة ورجعت ورثها وتنهد براحة..
- بويه جيبي الباكي كله وحدة ما تفيدي

- بالليل همات انطيك هسه أنتَ مريض والكثرة مو زينه عليك

زفر بـ انزعاج طلع توني ابلش بالطبخ واسمع الباب يندگ رحت افتحه وهُمام صاح..

- لا تفتحين الباب قبل لا تعرفين منو

- تماام

صحت بصوت ناصي
- منو؟

- اني

صوت بنيه؟ فتحت الباب وفكيت حلگي ؏
جمالها لابسه رسمي كُله اسود بـ اسود
ما عدا الشال چان ابيض !! تخبل
وبيدها باقة ورد ..

- منو؟

- هُمام موجود؟

بهَتت بوجهه ورچف جسمي من اجاني صوته من وراي مصدوم..

هُمام- عقيق !!!

..

وتستمر الحكاية.. 🚬♣

قفلة خفيفة لطيفة

قناة التلي zainab_salah0