رواية دروب الإِندِثـار الفصل الثامن عشر 18 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 15 ♡♡

لا تنسون التصويت + متابعة للحساب + التعليق بين الفقرات ☘️

‏وبـلهفة عراقية :
(تعال نتشابگ عوف الحچي).

•••••••••••••••••••••••••••♕•

صارت بس دموعي تنزل والشهگه مچلبه بلعومي!
غسل وجهي وشربني ماي وهو يگول..

كليم- اهدي بابا اهدي

جاوبته بكلمات مُتقطعة بسبب الغصة الي بلعومي..
- يـ ـعني هُـمـ ـام يصــر خالووو

كليم- اي يا رَوحـي خالج

سكتت احاول اهدأ وافسر كلامه الي حجا الي! فترة مرت يلـه گدرت اسيطر ؏ نفسي وطبقة صوتي..

- كان متعمد؟!

فز برفض..
كليم- لا لا لااا بابا لا بناتي أنتِ چان حادث غير مُتعمد صح چانوا متعاركين بوقتها صح صاير خلاف بينهم بس ما توصل للقتل هُمام جان يعتبرها امه الصغيرة يحبها ويحترمها بس چان مكسور خاطره منها لان وگفت بوجهم وكسرت كلامها وتزوجت ابوج

- شنو چانت تسوي وياه بالسيارة؟

كليم- رادت تشوف امها وابوها قبل ولادتها لان بولادتج طردوها وفكرت تروحلهم بولادتها الثانية بلكي گلبهم حن عليها

- وقبلوا يستقبلونها؟

نزل راسه بـ أسف..
كليم- لا هم طردوها وهُمام رجعها وبالطريق صار بينهم عِتاب وصار الحادث بوقتها والدتج واخوج توفوا وهُمام دخل غيبوبة لستـة اشهر ومن گعد وعرف ماتت هي والطفل ما گدر يتخطى موتتها وحمل نفسه المسؤولية خصوصًا فقدها وهُما زعلانين من بعض

- وجدو وبيبي؟

تنهد وگال..
- ماتوا بحزنهم ؏ بنتهم وصاروا هُما يتمنون يشوفونها وتسامح قسوتهم عليها

بچيت مقهورة ؏ حال ماما ، سحبني حاط راسي ؏ صدره وبيده يمسح ؏ راسي يهمس..

كليم- «اللَّهمَّ رحمتَكَ أرجو فلا تكِلْني إلى نفسي طرفةَ عينٍ وأصلِحْ لي شأني كلَّه لا إلهَ إلَّا أنتَ»

- ليش ما اعرفه من قبل؟ مو المفروض هو يكون مسؤول مني؟

كليم- گتلج حمل نفسه مسؤولية وفاة امج واخوج وچان خايف يتقرب منج لا هم انتِ تموتين بسببه لا سَامح الله
هُمام چان يشوفج من بعيد يحبچ ويحميج من بعيد ويخاف عليج من بعيد ، ههه تتذكرين مرة طلعتي تلعبين بالشارع ووكعتي وتأذيتي؟ بوقتها جنت ملتحق وهو نازل اتصل عليّ سب عشيرتي كلها عبالك اني موكعج ومأذيج يگلي اتصل ؏ اهلك اطمئن بيها شي تحتاج مستشفى علمود اخذها رغم چان شخط بسيط برجلج ما يستحق ردة فعله بس هو ؏ گد ما خاف عليج هذا الشخط خله گلبـه يرجف

- بس ما حَبيته

كليم- ليش بابا؟

- ما حَبيته تصرفاته مو حلوة ما اريد

كليم- لا رنيمه تموتينه اذا سمع كلامج يعرف راح احجي وياج وهسه اكيد منتظر بره ؏ احر من الجمر شلون ترديني اگله ما تحبك وما تريدك ينجلط والله ينجلط

- ما مستعده اشوفه!

كليم- ما اريد اضغط عليج بس هُمام يستاهل منج تنطينه فرصة وتسمعين منه!

- تمام

كليم- هســه؟

هزيت راسي موافقة جزء مني يريد يشوفه والثاني مختنگ من هذا اللقاء!

اخذ ايدي نازلين جوه! مخنوگه ما اعرف شنو بيه؟
وگفني بالطرمه وفتح الباب لحظات ودخل
عيونه مليانه دموع ، جان مكسور ومتخوف من ردة فعلي بحيث نظرات عيونه ما استقرت بمكان بس يلمحني ويبعدهن عنيّ..

سديت عيوني بقوة وكلام عمو كليم اخترق افكاري
( لا رنيمه تموتينه اذا سمع كلامج ينجلط والله ينجلط )

غلقت بوابة افكاري السامة وفتحت عيوني ؏ اثر ملمس اصابعه الخشنه وهي تمسح دموعي الي ما اعرف يمتى نزلت!

هُمام- وحق خالـق السماوات الـسبع وحق مـن انزل القُرآن ما فد يوم ما فكرت بيج وماكو يوم ما حبيتج بي وقلقت عليج كل ثانيه بعمري نذرتها الج ورحت لاول مرة لقبر اختي بليلة اختفائج اقسمت قسم يكسر الظهر ووعدتها ارجعج سالمة غانمه وابيدي اخذج الهم تزورينهم

- لـو چنت موجود چان كلشي اختلف تعرف مو؟

هُمام- اعرف اول شي فكرت بي بعد اختطافج هذا
لو رنيم عندي هل يا تُرى چانت انخطفت؟ وبعد ما عرفت عليم الي مسوي بيج هيج ذبحني الندم اكثر لان لو عندي مُستحيل عليم يسترجي يفكر بالموضوع فما بالج يخطفج ويبيعج

- ما تستاهل اسامحـك

كليم- رنيمه!!

هُمام- لا خيي اتركها حقها حقها كلشي تگوله حقها وهي ام الزايد
اي يا بعد خالج وطوايفه ما استاهل تسامحيني بس استاهل منج فرصة اعوضج وتعوضيني اني ما شبعت من اختي وانتِ اسم الله الخالق الناطق منها اريد اعوضج عن كلشي

كليم- ما نضغط عليج بس فكري لا تاخذين قرار مُتسرع

- ما تريدني عمو؟

ابتسم وتقدم مسح ؏ راسي..
كليم- تأكدي حتى لو تصلحت العلاقة بينج وبين هُمام مستحيل اقبل ياخذج مني

هُمام- عود الله كريم لذاك الوقت

باوع عليّ بطرف عينه واحد ما قابل ؏ كلام الثاني ضحكت من بين دموعي ، باوعولي مستغربين بس هذا ما منعهم من الابتسامه..

- چنت بالشـوارع ما الي بيت وهسه صار عندي ثنين يتعاركون عليّ

حضني خالو وغريزه بداخلي دفعتني ابادله ، حاسه بشعور غريب واني استمع كلامه..

هُمام- خالج وماله وصحته وعافيته كلها تروح فدوة لتراب رجليج

بقى حاضني بين ثانيه وثانيه يبوس راسي بشوغة لحد ما گال عمو..

كليم- ادخلوا بالاستقبال

هُمام- لا راح اخذها ويايه لبيتي هواي عندي حجي

كليم- خير هُمام؟

هُمام- خير؟

واحد خازر الثاني واني واگفه بنصهم
نزلت راسي وتسحبت ارجع..

- بس اني ما اريد اروح وياك

تقدم خالو ماخذ ايدي يبوسهم..
هُمام- هذا گدام بيت كليم مو بعيد! حتى لو بس الليلة رنيم نحجي سوه عن كلشي

- لا اخاف اريد ابقى يم عمو وباجر الصبح تعال

هُمام- تخافين واني وياج؟

تنهدت ساكته احس اي كلمة ممكن تطلع مني تكسر گلبه وما اريد هذا الشي اني! حاولت اغصب ابتسامة ؏ وجهي وجاوبته..

- لا ما اخاف بس اني نعسانه وما ارتاح إلا هنا يم خواتي وعمو وبعدين اني بعدني ما اعرفك وما متعودة عليك انطيني وقت

ضحك يهز راسه..
هُمام- الج كل الوقت وها خاف عبالج ابعدج عن خواتج لا بابا اذا تردين هسه تگعديهن وتجيبيهن وياج احطچن بعيوني بس ميخالف انتظرج تتعودين

- تصبح ؏ خير

ردت اروح سحبني حاضني احس ما يريد يعوفني..
هُمام- باجر اجي عليج نطلع سوه خوش؟

- ماشي

هُمام- وانتِ بخير نوم العافية

باسني بخدي وبس ترك ايدي ركضت داخله مشاعري مخربطة ما جاي اعرف شنو جاي اسوي وشنو اريد اسوي ، دخلت لغرفتي وبس حطيت راسي ؏ المخده نزلت دموعي..

فترة طويلة مرت واندك باب غرفتي! عرفته عمو كليم بس جنت احتاج ابقى وحدي لذلك ما طلعت صوت ولا بينت اني گاعده واعرف ما راح يدخل لان يخاف بدون حجاب وهو يستحرم كلش..

شوي وسمعت صوت رجليه وهي تبتعد ما اعرف شلون غفيت وسط هاي الافكار
بس كل الاعرفه گعدت ؏ وجود الكل بغرفتي ومن ضمنهم او اولهم عمو الي حاطني بحضنه ويمسح ؏ شعري وبعيونه ذعر وخوف..

كليم- (لا إلهَ إلَّا اللهُ الحليمُ الكريمُ، سُبحانَ اللهِ، وتَبارَك اللهُ ربُّ العرشِ العظيمِ، والحمدُ للهِ ربِّ العالَمينَ)

صار يردد بهاي الاية لحد ما حسيت بـ انتفاضة جسمي تهدأ شوي شوي!

رفع راسي بين ايدي وعيونه تتنقل ؏ تفاصيل وجهي..
كليم- أنتِ زينه؟

- شبيه؟

صفن بوجهي بتوتر وسارة جاوبت واني احس نفسي بغير عالم..

سارة- دائمًا يصير بيها هيج من تتعب

كليم- خير ان شاء الله ، رجعوا ناموا اني باقي يمها

سارة- اني ابقى اعرف لحالتها هاي

كليم- لا بابا اني يمها روحن ارتاحن

بدون ما تناقش طلعت ماخذه مسرة ودموع ، وهو گعد ؏ طرف السرير منتچي وسحبني لحضنه مخلي راسي ؏ صدره ويقرأ ايات قصيرة وادعية ويمسح ؏ شعري..

كليم- شنو شفتي بالحلم؟

- ما اتذكر!!

كليم- امم زين وهسه شنو تحسين

- بتعب! جسمي كُله يأذيني عبالك طالعة من معركة

كليم- أضغاث احلام!

- شنو يعني؟

كليم- بسم الله الرحمن الرحيم (قَالُوا أَضْغَاثُ أَحْلَامٍ ۖ وَمَا نَحْنُ بِتَأْوِيلِ الْأَحْلَامِ بِعَالِمِينَ) الأحلام اليومية التي لا تحمل أي معنى أو أنها تعكس ما عاشه الحالم خلال يقظته

- بس ما اتذكر شي؟

كليم- طبيعي بنتي

راد يگوم لزمته قوي من ايده وحجي ببكاء..
- لا لا تعوفني

كليم- يمج اشش نامي لا تفكرين ما اعوفج

فعلًا حضنته مو مهتمه لشي
حاسه بالامان الي احتاجة!!

حسيت بي وهو يرفع الغطه لراسي حتى يغطي شعر ومستمر يقرأ الادعية ؏ راسي وهذا الشي فادني وما اعرف يمتى غفيت بس چانت نومة عميقة بحيث ما حسيت بشي بعد..

••••••••••••••••••••••••••••••

مسـرة•

بصعوبة رجعنا نمنا بعد ما فزينا ؏ صريخ رنيم احنا متعودين عليها من يصير هيج ضغط نفسي عليها تكوبس وبصعوبة تغفى دقائق!

بس اهل الـبيت ما كانوا يعرفون بحيث من طلعنا عمو كليم طلع مذعور يركض للغرفة وقسورة هو وسلاحة بنص الوضع حصرتني ضحكة..

احنا دخلنا يمها بس الولد بقوا بره وليث نزل يطمن امه لان الدرج ما تگدر تصعده تتعب! هداها عمو وطلب منه نرجع انام وفعلًا طلعنا تاركينهم وحدهم..

قسورة- شلونها؟

- تصير احسن ان شاء الله

هز راسه ودخل لغرفته واخوانه هم راحوا واحنه رجعنا لغرفنا ونمنا..

ثاني يوم الصـبح چنت يم عمة نجلاء اساعدها نسوي ريوك لان الولد هيج وقت يطلعون ايهم وقسورة لشغلهم وليث للجامعة..

اندك الباب ، مسحت ايدي وركضت اريد افتح الباب بس فزيت ؏ صوته وراي..

قسورة- ويين؟

- اشوف منو؟

قسورة- لا تعيدين هاي الحركة بعد رجعي اني اشوف

راح هو للباب واني بقيت واگفه بمكاني اريد اعرف منو؟ ما اشوف إلا خال رنيم دخل وقسورة خزرني لان بقيت وما دخلت..

هُمام- شلونج بابا؟

- الحمد لله

هُمام- عاش من شافك والله صرت مثل هلال العيد اطل كل سنة مرة

قسورة- اهوو هُمام لا تدخل

هُمام- اذا اني ما ادخل وكليم ما يدخل تبقى تسرح وتمرح مو؟

قسورة- حياتي هاي

هُمام- **** هيج حياة خوش!

خزرني وزمخ..
قسورة- دخللللي ، وأنتَ الزم السانك

ضحك هُمام وصاح وراي..
هُمام- گعدي كليم ورنيم جاي عليهم

دخلت خجلانه عزا هذول يفشرون؟!! شافتني عمة وسألتني منو؟ جاوبتها وصعدت اركض مثل الغبية وبدون لا احم ولا دستور دخلت لغرفة رنيم
جمدت خجلانه من فز عمو الي جان نايم وظهره ؏ الحايط ورنيم نايمه ؏ صدره ، جان مغطي راسها بس مبينه..

- اسفـه ما چنت اعرف بيك هنا

ابتسم..
كليم- لا بابا عادي

وخر الغطة شوي ومسح ؏ خدها..
كليم- رنيمه؟ باباتي يلا گعدي

- عمو هُمام جوه يريدكم

كليم- يريدنا؟

- اي انتَ ورنيم

هز راسه ورجع يگعد بيها لحد ما تحركت وفتحت عيونها..

عفتهم وطلعت توني اريد انزل وصار قسورة بوجهي عاقد حواجبه بدون ما ينطق اي شي لزمني من زندي وسحبني لغرفته
نترت ايدي اريده يعوفني بس ما اهتم..

- شتريددد قسوررة

دفعني جوه وقفل الباب ، خفت وتوترت بسرعة حسيت بعيوني حرگه من الدموع الجامدة بيهن واني اتذكر من تقربلي اول يوم النا هنا
ما گدرت اتخطى السواه بيه وصارت عندي خوفه منه..

لزم فكي بقوة..
قسورة- شعندج ويه هُمام؟؟

- شنو؟ ما عندي شي!!

قسورة- ههه علينا ست مجرة وركضتج ولهفتج حتى تفتحيله الباب

- وخرر جاي تأذيني

دفعني ؏ السرير وقيد ايدي وسد حلگي صاير فوگي تخبلت من دفن راسه برگبتي يشم بيها..

قسورة- عندي طريقة ثانية تأذيج بس بشكل حلو

رجـف جسمي مستوعبه كمية دناءته وقذارة افكاره!!

الباب مقفول!! واني وياه وحدنا؟ واني لا حولة ولا قوة مقارنتًا بضخامته! حسيت عقلي خدر وجسمي نمل ما احس بي بس اباوع بعيوني ما اعرف شنو صارلي..

رفع راسه عاقد حواجبه..
قسورة- شبيج؟

لساني خدران ما اگدر انطق من شاف سكوتي انتفض مبتعد وسحبني لحضنه صار نص جسمي ؏ ايد وايده الثانية يضرب بخفه ؏ خدي..

قسورة- مسرة باوعيلي شدتحسين؟

تخبل ما يعرف شنو يسوي اخر شي مددني وگام للثلاجه الموجوده بغرفته سحب منها بطل ماي واجه يمي ساحبني لحضنه بس غسل وجهي فز جسمي من برودته..

قسورة- ها مسرة تگدرين تتحركين جاوبيني؟

هزيت راسي بخمول ونزلت دمعة من عيني حاولت اتحرك بس احس رجلي ما تشيلني..

قسورة- ابقي شوي لا تتحركين

خايفة ما اريد ابقى! لذلك گمت دايسه ؏ نفسي وحاولت قدر المستطاع امشي واسيطر ؏ رجفة جسمي! ونجحت طالعة من غرفته
وبعدها قطعت وعد ؏ نفسي مستحيل ابقى ويه قسورة بمكان واحد واحنه حدنا..

تمددت ؏ السرير وغمضت عيوني مغطية كل جسمي..

ما اعرف يمتى فتحت عيوني ؏ ريحة الديتول
چنت بغرفة وحدي بالمستشفى بقيت صافنه بالفراغ احاول اتذكر شنو صار وياي ، قطع صفنتي دخول عمو كليم وهُمام وقسورة ووياهم رنيم الي ركضت تمسح ؏ خدودي..

رنيم- شلون صرتي؟

- زينه

اباوعله واگف كأنو ما مسوي شي! ولا كأنو هو السبب الوصلني لهاي الحالة!

حسيت بوجع فضيع بگلبي نزلت عيوني الي بـ أي لحظة ممكن تنزل دموعها بهاي اللحظة ادركت اهمية وجود اهل وسند للبنية لان بدونهم تضيع
كرهت ابوي الچان سبب بوصولي لهاي المرحلة لو چان اب صالح الي ما تجرأ قسورة وامثاله يمسوني ولو بكلمة..

كليم- صار وياج شي احد زعجج؟

- لا

كليم- متأكدة؟

- اي

جان اكو بهتان بصوتي مو طبيعي ، رفعت راسي ؏ كلام عمو..

كليم- عندج نقص فيتامين B بابا يرادلج راحة وتغذية زينه منا وجاي تهتمين بصحتج ماشي؟

- تمام

سوولي خروج وطلعنا راجعين للبيت بس دخلت ضمتني سارة بنص حضنها تعتذر مني!!! ومن هاي اللحظة صرت اي مكان بي قسورة ما اتواجد بي ولو صار ما احط عيني بعينه ومتجاهلته الشي الي خبلـه وحاول بكل الطريق يخليني احجي وياه وما يلگه مني ردة فعل ؏ افعالـه..

لحد ما بيوم گاعده ؏ المرجوحه بالحديقة وفزيت من گعد يمي!!
گمت اريد ادخل بس هو لزم ايدي بقوة ، حسيت جسمي كله انتفض عبالك كهرباء لزمتني..

قسورة- اشش اهدي اهدي وسمعيني ماشي؟ ما اسويلج شي وراس امي!

بلعت ريگ وبچيت..
- الله يخليك عوفني بحالي اني لو عندي اهل ما تسترجي تسوي بيه هيج بس لان تعرف ما عندي شخص يكسر ظهرك لو مسيتني ماخذ راحتك بأذيتي

قسورة- اهدي مسرة اني اسف! و وعدي مني ڪلمة رجال اصيرلج سنـد واي شي بدر مني سابقًا اريـدج تنسينى ونفتح صفحة جديدة

- ما عندي ثقة بيك

قسورة- واذا خليتج تثقين بيه والمواقف تشهد؟!

نزلت راسي وطلع صوتي ضعيف..
- عوف ايدي جاي تخوفني!

بسرعة تركهن..
قسورة- اني سنـدج وما راح اخيب ظنج بيه وهذا الخوف راح ابدله بـ امان

- لو تشعل العشره شمع ما راح اسامحك وبعمرك ما راح تكون امان بالنسبة الي

باوعتله اخر نظرة وركضت داخله خايفة من وجودة بقربي وما ثاقه بـ اي كلمة گالها..

••••••••••••••••••••••••••••••

رنيـم•

بعد ما گعدني عمو مبلغني اجه هُمام ويريدني تذكرت هو بلغني باجر نطلع سوه!

؏ هذا الاساس گمت سبحت وبدلت
فستان ساده لونه سمائي بي حزام من يم الخصر وياه حذاء وشال بيض ضحكت اباوع ؏ اطلالتي
وين چنت وين صرت؟

كلشي عمو جان مجهزه الي الملابس والاحذية والجنط اشكال بحيث احتار شتو البس وشنو اختار!!

نزلت ، من شافتني عمة گالت..
نجلاء- اللهم صلِّ على محمد وآل محمد طالعة تخبلين

- صدُك عمة

نجلاء- اي والله عين الحارة باردة

بيبي- وين رايحه؟

نزلت راسي واستصعبت الكلمة لذلك گلت بهدوء..
- ويه هُمام

نجلاء- ما يصير ماما لازم تصيحيله خالو

هزيت راسي وترخصت طالعة
طرقت الباب ودخلت جان گاعد هو وعمو وقسورة بس شافني گام فاتحلي ايدي جان لابس مدني ، بلعت ريك وتقدمت اله بسرعة سحبني حاضني..

هُمام- شنو هذا الجمال!

ابتسمت ساكته..
هُمام- تجي ويانه خيي؟

باوعت لـ عمو بتوسل اريده يجي لان ما متعودة ابقى ويه شخص غريب وبالنهاية هُمام اني ما اعرفه حتى لو كان خالي
بس خابت امالي من گال..

كليم- لا ابقوا وحدكم احسن بس دير بالك عليها

هُمام- بعيني لا توصي حريص

ودعهم واخذ ايدي ، عبرنا الشارع واشر ؏ بيت يصير مقابيل بيت عمو كليم ، حلو ومرتب وصغير ؏ گــده!!

هُمام- هذا بيتي

-من زمان انتَ هنا؟

هُمام- لا وره حادثة اختطافج انتقلت هنا

فتح السيارة وساعدني اصعد لان عالية وهو بيده ربط حزام الامان الي وتفقد خصره والچكمچه وگال..

هُمام- ناسي السلاح اروح اجيبه واجي

لزمت ايده..
- اخاف ابقى وحدي!

هُمام- تجين وياي؟

هزيت راسي ودخلت وياه هو دخل الغرفته واني بقيت بالصالة ، البيت نظيف وريحته تجنن فكرت انُ هو متزوج لان مستحيل هيج ترتيب ونظافة بدون وجود مره بالبيت؟

طلع حاطه بخصره وبيده التلفون يخابر مدلي ايده بسرعة لزمتها واسمعه يحجي..

هُمام- تفتحون عيونكم عشرة ؏ عشرة علي ما اريد تقصر؟ اي عفية وليدي انتبهوا ولا تبتعدون من وره سيارتي

من سده سألته..
- منو هذا؟

هُمام- حماية

- ليش؟

ابتسم يساعدني اصعد وهم ربط حزام الامان وجاوبني..

هُمام- عذاب بعدنا ما لازمينا وحتى تكونين بأمان اكثر اتخذت هيج خطوة

كرص خدي وباس اصابيعة وافتر صعد محرك السيارة..

هُمام- نروح نتريك اول شي

- ما احب الريوك

هُمام- وجبة أساسية وصحية منا وجاي تلتزمين راح اسويلج نظام غذائي لان كلش ضعيفة وجهج اصفر

سكتت متقيد ما احرف اخذ وانطي وياه بالكلام رجع هو گال..

هُمام- شنو تحبين تعرفين سئلي لا تتقيدين

صفنت شوي افكر..
- شگد عمرك؟

- 35

- متزوج؟

- منفصل

- صدُك ليش؟

تنهد عاض شفته..
- انتِ چبيره وتفهمين لذلك راح اسولفلج الحقيقة بدون تجميل!
احم كان زواج متعة يعني لا اكثر ولا اقل واكو عقد شيخ فقط وموقعين ؏ اتفاق الزواج يكون لمُدة مُعينة ومن بعدها ننفصل هي بطريق واني بطريق بس شاء القدر تصير حامل ما گدرت اخليها تنزل الطفل ما انطاني گلبي لذلك عقدت عليها محكمة وگلت هذا الكاتبة ربي خليتها ڪ زوجة الي وام لـ طفلي لكن بمرة چنت بالشغل ووكعت من الدرج وخسرنا الطفل بعدها تحولت لانسانه صلفة واني ابد ما توالمني لبنية الي لسانها طويل وما تحترم لذلك طلگتها وهي اصلًا چانت راضية لان هيج حياة وستر ما توالمها تريد تلعب هاي كل قصتي

- الله يعوضك بالاحسـن منها

هُمام- صرت شايب بعد محد تقبل بيه

گالها يضحك..
- لا اصلًا ما مبين عليك العُمر

- اه؟ هيج تگولين؟

- اي والله

- خلص لعد انتِ دوريلي ؏ مرة وزوجيني

حطيت كفوف ايدي ؏ حلگي ضاحكه..
- والله؟

هُمام- هههه وداعتج

صف السيارة گدام مطعم ونزل يمشط المكان بعيونه خاف اكو شي مو صحيح! ساعدني انزل واخذلنا طاولة هادئة وبالركن وطلب اشكال وصار يلح بطريقة حلو حتى اكل واغذي نفسي واستعيد صحتي..

شوي اخذت عليّ صرت اضحك واسولف وهو يباوعلي فرحان بية من خلصنا وصعدنا السيارة گال..

هُمام- تحفظين السُر؟

- اي

هُمام- حلو لعد

ساق مبتسم لمسافة طويلة نوعًا ما لحد ما صف السيارة گدام مساحة ارض كُلللش كبيرة ، نزلنا گايدتي من ايدي واشر ؏ الارض وگال..

هُمام- تشوفين هاي الارض؟ بـ اسمنا انا وكليم وقسورة

- صدُك؟

هُمام- راح تتطوق بسياج عالي وراح ينبني بيها اربعة بيوت

- اربعة؟!!!

هُمام- واحد لـكليم واحد اليّ والثالث لـ قسورة واخوانه وواحد لـ خواتج

ابتسمت عيوني مدمعة اباوع بـ امل!

هُمام- راح ينحط حُراس ؏ الباب وراح تتوزع كاميرات بكل رُكن للامان هاي فكرة كليم جان من زمان حاطها باله وهسه قيد التنفيذ من بداية الشهر ان شاء الله راح نبلش البُناء

- كُلش حَـبيت الفڪرة كل الناس الاحبهم راح يكونون حوليـه

هُمام- واكو بعد شغلة

- شنو؟

هُمام- كليم جاي يمشي بجناسي البنات خواتج ومستمسكاتهم علمود يقدملهم ؏ المدرسة وانتِ هم وان شاء الله ادرسون خارجي

عضيت شفتي حاسة بحرارة دموعي التنزل بفرح ؏ وجنتي! تقرب محاوط خدودي ومسح دموعي گايل..

هُمام- يفديج خالي خوش؟

ضحكت ؏ جُملته وهو هم ضحك ضامني لصدره بعدها صعدنا للسيارة وعلن تلفونة عن اتصال!

هُمام- شوف اتصل يتفقد هههه ، الو ها عيني

سكت واختفت ضحكته اضطربت بخوف وحسيت بشلل يصيب جسمي من گال...

هُمام- يا مستشفى؟ اهاا حلو هسه مسافة الطريق

سده وباوعلي ماسح وجناتي..
- شوي مسرة تخربطت واخذوها للمستشفى لا تخافين ما بيها شي هسه نروح وتطمنين عليها

هزيت راسي موافقة وگلبي واجعني ؏ اختي اريد الطريق يخلص ونوصل ماكو صار شطولة!

من وصلنا واطمئنينا عليها زينا بس يحتاحلها تغذية زينه وتبتعد عن التوتر رجعنا للبيت ، جانت الايام تمشي بشكل هادئ وحلو لدرجة خفت من هذا الهدوء الي بحياتنا..

علاقتي بعمو رجعت اقوى ما اضم عنه شي ابد كلشي احجيله..

خالو هُمام علاقتي بي لطيفـة نوعًا ما وجاي اتقبله بس لحد الان ما گلتله خالو كم مرة ردت انطقها اله بس احس يتشنج كل جسمي وما اگدر

قسورة وايهم وليث اخوة حقيقيين الي و؏ هذا الاساس يعاملوني بس احس ايهم منجذب لـ دموع وما يظهر هذا الشي!

بينما قسورة الانسان الصلب العصبي انعم منه ماكو ويه مسرة رغم هي نافرته وما تباوع لوجهة وما تحجي وياه إلا للضرورة..

ليث ضحكة البيت الشخص الوحيد الي ممكن يضحكنا ويغيرلنا جو وكان السبب الاول بمعرفتي لـمشاعر قسورة وايهم اتجاه خواتي لان يبسمرهم بيهن..

سـارة! تحب بس منو ما اعرف رغم اكثر من مرة ردتها تحجي وتنكر! شكة بعمو كليم او خالو هُمام لان ثنينهم تحجي وياهم بنفس الطريقة السلسة الناعمة عكس تعاملها الحدي ويه قسورة وجديتها ويه ايهم وليث..

طلعت الجناسي وقدمولنا خارجي سادس ابتدائي كلنا جنت فرحانة بهاي الخطوة لان من طفولتي واني احب الدراسـة! جابلنا عمو كُـتب وصاروا يدرسونا هُما عمو وخالو شاطرين بالرياضيات والانكليزي..

قسورة يلخصلنا المادة بشكل مرتب وايهم يحطلنا اسئلة ومرات يسويلنا امتحان مُفاجأ!!

وكل وحدة منا عندها تلفون جابلنيا عمو كليم بس اله وقت مُحدد ما يقبل نستعمله دائمًا فقط للضرورة مثل الدراسة ..
ㅤㅤㅤ
ㅤㅤㅤ
••••••••••••••••••••••••••••••

ســاࢪة•

ㅤㅤㅤ
البنات خلصن دراسة ونزلن يم لـيث لان يونسهن وهو الـوحيد من بعد كليم اثق ؏ البنات يمه لان مـا احــب نظرات ايهم وقسورة لـ مسرة ودموع!

تأفأفت حاطه خصله من شعري وره أذني مو فاهمة حل المسئلة! فتحت تلفوني صافنة برسالته!

(اي شي تحتاجين راسليني)

مرة هم ما فهمت وراسلته طلب مني افتح كام ويشرحلي! وفعلًا يشرح بشكل سلس ولطـيف لدرجة يخلي افهم الموضوع بشكل مُبسـط!

گمت ؏ لمرايه عدلت شعري بسرعة وحطيت مورد خدود قليل ومرطب شفايف لان ما يحتاج حُمره اني لون شفايفي وردي

رجعت لمكاني دزيت رسـالة..
- موجـود؟

حطيت ايدي بحلگي اكل بـ اظافري العادة الي ما اعرف اتركها ، فزيت من وصلي منه رد..

- اي ، محتاجة شي؟

عضيت شفتي وكتبت بتردد خجول!
- اكو مسئلة ما فاهمتها تگدر تشرحها اليّ؟

- لحظـة!

بقيت صافنة بالفراغ لدقائق يلا رن تلفوني يعلن عن مكالمة فيديو! فتحت بتردد طلعلي بزيه العسكري وجوه عيونه هالات واضحة انقهرت عليه وتندمت لان اتصلت حارجته وهو تعبان!!

- شلونج عيني

- زينه وانتَ؟

ضحك يمسح ؏ شواربه
- واضح الجواب مو يا شهلاء

- شهلاء؟

- عيونج عيني

نزلت عيوني خجلانه ضحك وكمل..
- دوري الكاميرا ؏ المسئلة وانتبهي واني اشرحلج

صدُك بس اخذله نظره عليها صار يشرحلي واني مركزة وياه وبين فترة وفترة يسأل عن شي حتى يعرف منتبهه لو لا! ومن اجاوبة صح يضحك ويگول ( جيد مدام شهلاء )..

خلص وگال..
- وهسه؟

هزيت راسي مُمتنه!
- شُكرًا هُمام!

- يدللون بنوات المسيح

- هههههه

عض شفته وذب حسـرة هو سكت واني سكتت وبس واحد يباوع بعيون الثاني! بس گلبي صار ينبض بقوة همست بدون وعي مني وتحت تأثير نظرات عيونه وذيج اللحظة..

- عيونك تعبانه!

هز راسه وثبت التلفون گدامه وشغل چكاره زفر دخانها وجاوب..
هُمام- يستاهل الوطن

- يمتى ترجع؟

- شنو مشتاقتلي؟

نزلت راسي خجلانه من جرئته واسمع صوت ضحكته العالي!

هُمام- باجر نزولنا اني وكليم

- توصلون بالسلامة ، يلا باي

- بحفظ الرحمـٰن عيني

قفلته منه حاطه ايدي ؏ گلبي الي ينبض بقوة! رافضه الشعور بس ما جاي اعرف اتحكم بمشاعري ما اريد احب وادخل رجُل لـ حيـاتي المكركبه احتاج وقت احط بي نظام واكون قوية..

أُنثى ما تحتاج شي بالدنيـا والدراسة افضل داعم لذلك جاي اسعى وبالي طموح وان شاء الله احققه لذاك الوقت مُمكن افكر للزواج وبُناء عائلة اكون قادرة ؏ احتوائها..

درست شوي ونزلت صحت للبنات يصعدن ينامن لان الوقت تأخر
رفع ايده لـيث وحطها يم راسه بشكل تحية وگال..

ليث- هاي هاي كابتن

ضحكن البنات وهن يركضن صاعدت واني وراهن رنيم راحت لغرفتها بعد ما بوستني واني تعمدت ما اگلها باجر نزولهم لان طول فترة التحاقهم وهي تزن وتون مشتاقتلهم..

مسرة ودموع دخلن غسلن وكالعادة توسطتهن حاضنتهن ونمنا غافلين عن مُفاجئة باچر !!

..

وتستمر الحكاية.. 🚬♣

قناة التلي zainab_salah0