رواية دروب الإِندِثـار الفصل التاسع والأربعون 49 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 45 ♡♡

لا تنسون التصويت + متابعة للحساب + التعليق بين الفقرات ☘️

‏يابَـردها يا بَـردها
ايا ليلّـه وداعَك يا بَـردها...

•••••••••••••••••••••••••••♕•

- صدقَ اللهُ العلي العظيم

سديت القُرآن ومررت عيوني على جسمها
المدد على سرير المُستشفى وكل الاجهزة
مربوطة بيها وما يغطيها غير ملائة بيضة!

رفعت راسي احاول اكتم غيظي ودموع
گمت حاطه القُرآن جوه مخدتها وطالعة مَن
الغُرفة القابلني بعدها هُمام ، تقدم مني
محاوطني واخذي مگعدني وهوَ يطلـع
العلاج ويشربنيا بأيده

هُمام- اريدچ تهدين سارة نوباتچ ازدادت والدكتور گال مو زين لا تخليني ارجعچ للبيت واضرب كلامچ بعرض الحايط

- واختي؟

هُمام- ناخذ حقها وفوگه حبة مسّـك بَـس انطي صبر

نزلت راسي اطحن بنفسي وهوَ ما طول
عافني ورجع للمركز الما فارگوا لا هوَ ولا كليم
مَن يوم الصارت الحادثة اي "سبعة ايام"

الحادثة الهدت حيلنا ودخلت كُل مَن مسرة وقسورة بغيبوبة !!
مع الاسف الاثنين بغيبوبة قسورة الضربه
الاخذها براسه السبب ومسرة!
شنو احجي وشنو اخلي! ما بيها عظم صاحي

رجليها وايديها واصابعها وحتى ضلوعها
مكسرة !! راسها مشگوگ ووجهة مورم مَن
الضرب
هذا مَن غير الاعتداء المُكرر ومَن مجموعة
حسب كلام الدكتورة المُختصة والمسؤولة
عن حالتها الصحية

هذا حالي مَن يوم الحادث وهاي گعدتي
انتظر تحسُنها بفارغ الصبر وبنفَس الوقت
خايفة عليها لو گعدت
يا تُرى مسرة شلون حَـتگدر توجه الصار
وياها؟ شلون تتحمل وتستمر بحياتها؟
وشنو الاضرار مَن بعد هذا الحادث؟

مر الوقت ورفعت عيني منتظره مثل كل
يوم
تجي رنيم يجيبها كليم تبقى هنا لان هالكه
نفسها بالبيت گد ما تبجي وصحتها تعبت

وفعلًا شفتهُم يتقدمون هوَ ساندها ويسولف
وياها وهي تكتفي بهزة راسها
گعدها يمي وخلاها تسند راسها على كتفي

رنيم- بعدها نايمة؟

- اي

كليم- قسورة !!!

رفعنا راسنه على صوت كليم المالي دهشة!
ومَن باوعنا على المكان المصوبه عليَّ
عيونه ، فتحت عيوني ورنيم شهگت
چان قسورة اي هوَ!

ركض كليم اله وهوَ ابد ما يباوع علينا ولا
يجاوب كليم الرجال موت نفسه وهوَ ذابها
صامت
كليم- وليدي حبيبي ابني استند عليَّ

دفع كليم وتوجه للغرفة البيها مسرة دخل
وسد الباب ورا رافض يباوع علينا او يحجي ويانا
الرجال وجهة تعرق وصار ياكل بروحة
واني دمي يفور مَن قسورة الما گدر يحمي اختي

ㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••

رنيـم•

تقريبًا ساعة وطلع عيونه دم عبارة عن چبده !!
كليم- قسورة؟

نتر ايد كليم للمرة الثانية ورفع راسه واجت
عينه بعيون سارة خزرته بحقد ترجف بَـس
اني ضغطت على أيدها مانعتها وهمست

- مو وقتها سارة شوفي تعبان

تقدم بـ اتجاهنا واشر بـ أيده على تلفون
الچان بـ أيدي
انطيته اله وهوَ اخذه ما اعرف شنو يكتب
تفاجأت مَن انطا لـسارة وتقربت بفضول اشوف شنو كاتب؟

-" مُجرد وقت قصير والفاعل ياخذ جزاته بـ أقسى العقوبات لا تبچين مسرة تزعل لو عرفت بيچ تبچين!! "

انهارت سارة دموعها يچون خدها تشهك بالبچي وتون الصار بـ مسرة چان الضربة
القاضية لكل قوة نملكها
عافنا قسورة وطلع وكليم لحگه بقينا اني
وسارة على امل مسرة تگعد واليوم جر
يومين واليومين صارن اسبوعين لحد ما
قبط الها شهر كامل على هذا الوضع !!

قسورة محمل نفسه ذنب الصار وما وصل
بعد للمُستشفى ولا شافها وكليم يگول حتى
سؤال يخاف يسأل عليها ويسمع خبر يأذي

كلامه معلك ويا خالو وكليم لان تأخروا
حسب كلام كليم مَن لحوا عليّ وانفجر يبچي
ويشهك ويصيح

قسورة- لو واصلين قبل بوقت چان مسرة زينه بَـس أنتو تأخرتوا

ورغُم هُما ما الهم ذنب إلا أنُ تحملوا وسكتوا
متفهمين وضعه وشگد الموقف يكسر

حاوط كتفي كليم مفززني مَن شرودي وهمس
كليم- تصير زينه ثقي بكلامي

- حتى لو!! اليّ انكسر ما يرجع مثل ما كان والمرت بيّ مسرة مو شي بسيط!!

كليم- ومنو گال بسيط؟ واحنه ما راح نسكت وصدگيني أيًا كان الفاعل راح نحاسبه حساب عسير

سندت راسي على صدره اباوع بالفراغ
- تعبنا كُلنا يمتى نرتاح؟

كليم- بسم الله الرحمـٰن الرحيم "إِنَّ الإِنسَانَ خُلِقَ هَلُوعًا إِذَا مَسَّهُ الشَّرُّ جَزُوعًا وَإِذَا مَسَّهُ الْخَيْرُ مَنُوعًا إِلاَّ الْمُصَلِّينَ" صدق الله العلي العظيم
الاريده منچ ما تجزعين لان الجزع حرام بابا وكل شي يصير فهو بيّ حكمة مَن الله عزَ وجل

- والنعم بالله

كليم- وضع دموع شلونه؟ سارة؟

تحسرت
- مَن يوم الحادث ودمعة ما نطقت حرف واحد وسارة تكبت وتكبت لحد ما تنصرع وحدها على مرتين لگيناها واگعه وجايتها النوبة وعاضه لسانها

كليم- استغفر الله بابا انتبهوا على صحتكُم حتى أنتِ رنيمه وضعچ ما عاجبني واذا تدهورت صحتچ صدگيني تتعاقبين

تجاهلت كلامه لان الدا يصير مو بأيدي
حضنته وهمست
- اني نعسانه نومني كليم

تحسر وضمني بحُضنه ، طُبع بوسة على راسي
اليوم سارة بقت يم مسرة واني رجعني كليم
حتى انام وارتاح واروح اني وسارة ترجع
ترتاح!

بين النايمة والگاعده اسمع صوت كلام
فتحت عيوني وشوي شوي بدأت استوعب
واسمعه يحجي بحذر وصوت هامس واضح
ما يريدني اسمع !!

كليم- گعدت؟ لك هُمام غير تبلغني أنتِ شلون تروح للمُستشفى وتارك قسورة بمثل هذا الوضع؟ اشش جاي جاي ما تحلون شي اذا مو كليم فوك راسكم.. انچب حبيبي وولي عني

رفعت جسمي ارجف وهوَ مَن انتبه اليّ
استغفر ماسح راسه بعدم رضى

- گعدت !!

- اي ترحين؟

طفرت للكنتور واني احجي
- بَـس ابدل لا تعوفني وتروح

گام هوَ همات جهز نفسه واني تلفوني بأيد
وبالأيد الثانية ابدل
اتصل على سارة بَـس ما ترد رَوحـي لابت على خواتي
حطيت ايدي على صدري وانهمرت دموعي

- يا حبيبي يا اميري ومولاي خواتي تحت ظلك لا تلچمني بيهن

رفعت راسي چان واگف گدامي يباوعلي
ومبتسم
كليم- حاشى يرجعج خالية السبع حيدر الكرار توكلي عليّ وامشي وأنتِ مغمضه

اخذني وطلعنا وصيت عمة نجلاء على دموع وريم
طلعنا ولساني يلهچ بالدُعاء وگلبي يلوب
على شوفة مسرة وهي فاتحة عيونها

بَـس وصلنا نزلت اركض
كليم- اوگفي بنياتي

قفل السيارة ومد ايده ، اخذت ايده ومشينا
وكُل ما ارجف يضغط على كف ايدي واسمعه
يهمس
كليم- يا علي مدد

هناك وشفت سارة منتهية بحضن خالو
تركت ايد كليم وركضت وهي بَـس انتبهت
اليَّ فتحت ايديها وحضنتني

كليم- شكووووو؟

- فدوة سارة جاوبيني مسرة بيها شي؟

جاوبتني وهي تشهگ
سارة- ما تحجي مسرة ما دا تحجي ولا تباوعلنا رنيم ولچ انمردت مرد گدامها وما رفلها جفن

كليم- خوفتينا يا خوية هذا ابسط شي مُمكن تمر بيّ بعد العايشته ليش هين شنو عاشت؟ تركوها تعيش حزنها براحتها ولا تضغطون عليها احجي سولفي ضحكي
أنتو حاولوا تسوون التريده والاشياء التحبها وتوكلوا على الله

هُمام- والنعم بالله

كليم- خابرت لـيث وايهم يجون هنا خاف يحتاجن شي واحنه امشي نروح ما اگدر اترك قسورة

حجت سارة بغضب
- وينه عنها؟ شهر هي بالمُستشفى بسببه هوَ وشغله ما شافها غير مرة وهسه عرف گعدت وما وصل هي هاي رجولته وحُبه الها اني مَن البداية غلطت مَن ثقيت بيّ وانطيتها اله

هُمام- سااااارة

كليم- صوتك ، وأنتِ خوية شي ما تعرفينه لا تحكمين عليّ وتتحملين ذنب

سارة- وينه لعدددد شلون ينطي گلبه يعوفهااااا

هُمام- حالته مو احسن منها ثقي بالله دا يدور عليهُم ليل ونهار نسى شي اسمه اكل وشرب

كليم- ما يحجي ويانا مثل ما محمل نفسه الصار محملنا احنه لان تأخرنا عليهُم

هُمام- واول اسبوع ما گدر ينطق بحرف مَن الصدمة وأثر المُخدر

سارة- مُخدر؟

هُمام- اي بعد ما ضاربينا على راسه بالحديده منطينه مُخدر يشل حركته يشوف كلشي بَـس ما يگدر ينطي ردة فعل

خمدت ثورة سارة بعد هذا الكلام واني بهتت
شنو مَن بشاعة ضمير يسوون هيچ بـ بنية
گدام زوجها؟ وليش شنو استفادوا مَن الصار؟
غير غضب رب العالمين دنيا واخرة عليهُم !!

طلعت الدكتورة وبلغتنا ما لازم نضغط عليها
ورشحت نعرضها عند دكتور نفسي لان حالتها حيل مو زينة
ودعونا وراحوا واحنه دخلنا ، چانت گاعده فاتحة عيونها ومركزة بالسقف بدون ما ترمش حتى

تقدمت منها رُغم اعرف ما حَـترد بست خدها وحجيت كُلي امل
- اشتاقينالچ مسرة

طال الرد! باوعتلي سارة بـ اسف وهزت راسها
گعدنا وبعد فترة طويلة وصللنا صوتها الهزيل البيّ غصة

مسرة- شلون تحملتي؟

باوعنا بوجه بعض ما نعرف منو تقصد
رجعت دارت عينها علينا وثبتت نظرها
على سارة ورجعت گالت
مسرة- شلون تحملتي ووحوش تنتهك بجسمج؟ اني ما دا اتحمل اريد اموت!

طفرت سارة محاوطة خدودها
سارة- تحملت لان اعرف اكو رب رحيم عظيم حَـياخذ حقي منهُم وأن طال الزمن وشوفة عينچ اخذه وعوضني بتاج راسهُم

ابتسمت وعيونها غائرة بدون حياة
عبارة عن جسد بلا رَوحـي حرفيًا !!

- عمو عوضچ اني منو يعوضني؟

حركت عيونها على الغُرفة كُلها وقبل لا تنطق انفتح الباب
ودخل اخر انسان اتوقعه قسورة الما شفنا
مَن يوم الگعد مَن الغيبوبة !! وجهة شاحب
وعيونه غائرة والسواد يحيط بيهن
شفايفه يابسه ومتفطره وترجف والدمع ينزل

رفع ايده ترجف يمسح دموعه ومَن كلامه
عرفت قسورة چان يسمع كلامنا والواضح
كلام مسرة هزه لدرجة قرر يدخل

قسورة- اني.. احم اني اعوضچ

ساد الصمت لفترة طويلة تقدم بخطوات
يرجف ويبچي مثل الطفل
حط راسه على كتف مسرة وصار يبچي
حرفيًا يبچي مثل الاطفال ويشهگ خلانا
نبچي ويا

رفعت ايدها مسرة رادت تلزمه بَـس غمضت
عيونها بوجع وكأنو تذكرت شي لدرجة
نططت عيونها وعاطت

مسرة- بَـس بَـس ابتعد لا لااااا تلزمني اخاف

انتفض مبتعد يمسح بوجهة
قسورة- ما الزمچ

مسرة- طـ طلعني منا اخاف

سارة- بَـس وضعچ مو..

مسرة- طلعووووووني حَـيجون مرة ثانية ما بيّ والله جسمي يوجعنيييييي شوفييي ايديييي شوفيييي اخ يمه ولچ سارررررة وخريهُممم مااا ارييييد أذوني أذونيييييي

انهارت تعيط وتأذي بنفسها قسورة حرفيًا
گعد على ركباته ويبچي ما متحمل منظرها
والممرضة دخلت تنطيها مُهدء وسارة لاهيه
وياها ناسية قسورة الچنت بَـس اني ملاحظة
انهياره اليوجع الگلب

تقربت گاعده يمه امسح على ظهره ودخل
كليم
غمضت عيوني بخجل مَن حُضني گدامه
غمض عيونه اليَّ وهمس "عادي"
مسحت على ظهره وبچيت ناطقة بأمل

- حَـيكون كُلشي بخير قسورة

ما جاوبني وبقى يبچي ومسرة هدأت
فترة مرت على هذا الوضع الكسرته بصوتها
الطلع ببُكاء ونحيب

مسرة- قسور حبيبي

عافني منتفض وراحلها يمسح على راسها
قسورة- روح قسور أنتِ شنو تردين؟

مسرة- آه قسور طلعني

قسورة- صار والله مَن تگعدين تلگين نفسج بالبيت

رجعت تغفى وهوَ گام يمسح وجهة
قسورة- اطلعها

كليم- تعال حبيبي وليدي

اخذه بحُضنه ويا يمه مَن صار يبچي ويعيط
قسورة- ولك خاليييييي ذبحوني والله ذبحونييييي ليشششش شنو ذنبها هي بهذا الوضع وبعدهااا عروسة والله بعدها عروسة ما فرحة ولا انييي فرحة بيها

كليم- اكسرلك عظامهُم وادفعهُم ثمن كل صرخة مَن مسرة وكل دمعة مَن عينك

ابتعد ومسح دموعه بنتره
قسورة- ما يطفي ناري غير دمهُم الاسبح بيّ

ابتعد تارك كليم باهت وكمل
قسورة- طلعها اخذها للبيت امنتك مسراتي لا تعوفونها

كليم- وين رايح؟

قسورة- احفر الارض واطلعهُم واگطع نفسهُم القذر مَن الدنيا

طلع بسُرعة وكليم دار علينا سوده عليَّ
تعب حيل هاي الفترة
بقت سارة واني طلعت ويا نكمل الاجراءات
وفعلًا هوَ سواهن وشالها للسيارة وساق
للبيت !!

سارة طول الطريق حاضنتها ودموعها تصُب
عرفنا ورانا فترة طويلة مُتعبة لان مسرة
وقسورة منهارين والصار متعبهُم حيل
ووضعهُم مَن سيء إلى اسوء ويحتاجون دعمنا

بَـس دگ هورن فتح لـيث الباب
لزمت گلبي مَن شفت الكُل واگف ومنتظر
- كليم !!

كليم- اني احل الموضوع

صف السيارة ونزل واني نزلت ورا بَـس
سارة بقت ويا مسرة بالسيارة
حضن دموع الچانت تتلوع وتعبانه

كليم- مسرة تعبانه ما اريد اي ضغط عليها لان تتأثر بأبسط شي

نجلاء- طمنه عليها خوية

كليم- مو زينه فدوة اروحلچ ام قسورة بدون بچي لبنيه البيها كافيها

عافهُم ورجعنا للسيارة
بَـس فتح الباب فزت تباوع بخوف
ابتسم كليم يحاول يخليها تطمئن

كليم- ننزل بابا؟

باوعت عليهُم وشدت قبضتها على ايد سارة
غمضت عيونها وهمست برجفة

- ما اريد اشوفهُم

كليم- صار

اشرلهُم يدخلون بقت بَـس دموع وهي مَن
تأكدت هُما دخلوا للبيت زحفت مطلعة
جسمها واخذت نفس عميق وزفرته ، رفعت
عينها على كليم وگالت

مسرة- راس قسورة! ضربوا براسه وو.. اني!!

بچت وهمست بغصة
مسرة- هوَ زين؟

كليم- ما بيّ شي صحته تمام

مسرة- اريد يم سارة

سارة- اكيد امي لعد وين اعوفچ

كليم- اشيلچ؟ بَـس اهدي تمام لا تخافين ما أأذيچ!

تقرب بهدوء وشالها بَـس لاحظت جسمها
كُله تشنچ
وحتى النفس گطعته وحقها الله يلوم اليّ
يلومها مو سهل العاشته ولا مُمكن يمر مرور
الكرام على اي بنية وخصوصًا طفلة قاصر
هي المحكمة وبموافقة ابوها وواسطات
قسورة بصعوبة وافقوا شلون بيها هيَّ

فتحت سارة الباب ودخلها كليم للغرفة الجوا
مددتها ومَن ابتعد سأل بحذر وعيونه عليها

كليم- خو ما أذيتچ بنيتي؟

هزت راسها بـ لا وشفتها رقة عيونها مَن
حضنتها دموع
عفتهُم وطلعت ويا كليم بـ باب الــبيت!

- اريد ابقى يم خواتي عادي؟

كليم- اكيد حبيبي لا تعوفينهُم ابد

- اخذ ريم يمي؟

كليم- تسوين فضل لان اني ما متواجد هواي وام قسورة محتارة بالحجية لان تعبانه

- احطها بعيوني لا يبقى بالك

تقرب محاوط خدودي وباس عيوني
كليم- ما عندي شك جوهرتي

تمشيت ويا للبيت اخذت اليّ احتياجاتي
وجنطة لـ ريم وشلتها حبيبتي نايمة
وفزت باوعتلي باست خدي ورجعت تنام
على كتفي بـ سلام

مَن طلعت ما لگيت كليم
عرفته طلع لان باله يم قسورة وچان خايف
عليّ حيل ويفكر بيّ هوَ وخالو ابد ما تركوا وحده

نومت ريم بغرفة وحدها لان ما اريد نفسيتها
تتعب بسبب حالة مسرة المو مستقرة
ورحت يم خواتي
ㅤㅤㅤ
ㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••

سـارة•

خلال شهر تدمرت حرفيًا مسرة حالتها
توجع الگلب
كُل ما تنام وتگعد تدخل بنوبة هلع وتگلب
الدنيا صريخ بصوبة نخليها تهدأ وعلى سيرة
نوبات مسرة هذا صوتها رج البيت بحيث
عمة نجلاء تجي تركض ميته خوف عليها

دخلت اركض للغُرفة واشوف رنيم حاضنتها
وهي تتلاوى وياها وتصرخ بصوت عالي
لدرجة حسيت بلاعيمها حَـتنفجر للحظة

مسرة- دا اتأذذذذه سااااارة وينچ وخريهُم عنيييييييييي لچ اخخخ جسمي يوجعنييي مااااااااا ارييييييييد قسووووورة قسووورة وينك عني ويننننك

- اجيت امي اصحي بَـس باوعيلي أنتِ يمنا وبخير محد يگدر يلمسچ

مسرة- بطنييييي بطنيييي قسووورة وخرهُم

رنيم- حَـتموووت

ضربتها راشدي مجبوره وبچيت مَن فتحت عيونها وشهگت مثل الواحد الغرگان
مسرة- تعبت ما دا يعوفون احلامي دا أحَس بكُل مرة انام اعيش نفس الشعور

دلكت جسمها ومسحت على شعرها
- وقت تحتاجين وقت ويصير كُلشي بخير

مسرة- اني مو أنتِ اني ما دا اتحمل الوجع

رنيم- حبيبتي تگومين ويانا تگعدين شوي تغيرين جو؟

مررت عيونها علينا وابتسمت ابتسامة باهته
مو نفسها مسرة ام روح الحلوة الكُلها طاقة
هزت راسها وحجت

مسرة- سوا اريد مثل قبل بَـس احنه

ضحكت فرحانة لان وافقت وهاي اول مرة
طول الفترة الفاتت هي حابسه نفسها
بالغُرفة وتخاف تطلع وترفض بشكل قاطع ونهائي

دفعت رنيم ودموع البس مصفنه وتبچي
خليتهن يحضرن الحديقة ويجهزن گعده حلوة
واني بدلت ملابسها وساعدتها تگعد على
العربانه ودفتها لورا البيت اباوعلها مَن
شافت الاجواء وفرحة البنات ابتسمت
تقربن حاضناتها بست راسها وبلشنا بگعدتنا

ضحك وسوالف ونتذكر ايام قبل وهي بَـس تستمع
فجأة صار هدوء وطلع صوتها الحلو تهمس

- تدرون اني هواي احبكُم؟

دموع- واني اموت عليچ

مدت ايدها الزينه وحركتها على خد دموع
مسرة- محظوظة بيكُم

رنيم- صرت احب قدري لان جمعني بيكُم نسيت كُل الأذية العشتها ما اتذكر غير الاشياء الحلوة المريت بيها وياكُم

تقربن البنات حاضناتها وهي تبادلهُم
رفعت راسها تباوعلي وقهقهت ودزتلي بوسة
دمعت عيوني وفجأة لاحظت شخص دا يراقبنا !!!
هذا قسورة؟ واگف يباوع ويمسح بوجهة

هذا همات مُصيبته ما تنحمل
ودائمًا يتختل ويشوفها وهي نايمه ما يگدر
يواجهة ومرة فزت وهوَ موجود والغُرفة
ظلمه گومت البيت وگعدته بالصريخ
فقدت مَن الخوف وحتى تدررت على نفسها وهوَ تخبل احنه مَن جهة نسكتها
وهوَ مَن جهة احتاروا بيّ كليم وهُمام

فزيت على صوتها
مسرة- اريد انام تعبت

- صار أُمي حبيبتي

مَن حركت كرسيها فز وراح
دخلتها للغُرفة نومتها بمكانها بست راسها
غطيتها زين وطلعت برا اريد اشوف وين راح؟
لگيته يريد يطلع مَن البيت

- قسووورة

دار يباوعلي سد الباب وتقدم بتردد
قسورة- مسرة بيها شي؟

- ليش ما تشوفها وتسألها اذا هي بيها او لا؟

فرك جبينه
- ما ما الي عين ومو قبل لا اخذ حقها

- يمكن تكون متأخر بوقتها

قسورة- ما فهمت !!

- مسرة تحتاج وجودك صح تفز وتخاف ومو بَـس منك اني لو لزمتها بدون ما تنتبه تفز تصرخ هذا الشي طبيعي بعد العاشته وحتى تتخطى هذا الشي المفروض أنتَ تسندها وتكون وياها

قسورة- ما اتحمل اشوفها تتأذى سارة انتهي اتمنى ميت بذاك اليوم ولا عشت وشفتها متدمرة هيچ بسببي

- مو بسببك بطِل تلوم نفسك على شي خارج عن إردتك اني ويـاك مو ضدك حاول تتقرب حتى لو صدتك الف مرة

تقربت مربته على ايده
- لو خافت منك حاول تصنعلها بيئة مليانه طمأنينة لا تبتعد وتخسرها تقرب واكسبها الك

ابتسم
- هسه؟

- كُل ما تتأخر تخسرها اكثر تعال

امشي وهوَ ورايا وكُل ما اباوعله اشوف
متوتر ويفرك بأيدي
دخلنا وصارن البنات بوجهنا يعزلن بالمطبخ
ضحكت رنيم ورفعت ايدها تسوي هلو

رنيم- شلونك قسورة؟

- ز زين

- رايحين نشوف مسرة تعال قسورة

مشينا للغُرفة فتحت الباب وشغلت الاضوية
اباوعلها متغطية لحد رقبتها وبَـس راسها
طالع عقدت حواجبي مستغربة هي ما تنام بسُرعة
وتوها دخلت معقولة نامت !!

- مسرة حبيبي شوفي منو اجه يشوفچ!

ما جاوبت باوعت على قسورة الصار يتعرق
مَن التوتر
ردت اعوفها نايمة بَـس مَن شفته هيچ
كسر خاطري وقررت اگعدها كافي دافنه
نفسها لازم تواجه نفسها وتواجه زوجها

تقدمت هازتها مَن كتفها
- حبيبتي امي گعدي

ماكو ما تتحرك بلعت ريك وشعور بداخلي
حسني اكو شي باوعت على قسورة الهمس

قسورة- ما تريد تشوفني مو؟

- لا لا مسرات مو احاجيج حبيبتي

ماكو ما تجاوب مديت ايدي ترجف وبعدت الغطى
وعساني ما بعدته ولا شفت منظر ايديها
قاطعة شرايين ايديها بموس وسابحه بالدم
شهگت ورجعت واگعه على الارض فتحة عيوني على وسعهن

اباوع لـ قسورة مَن شافها وگع على ركباته
وعاط
قسورة- لااااااااااااا لچ لاااااااااا
ㅤㅤㅤ
ㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••

رنيـم•

واگفه اني ودمعه نعزل ورجف گلبي مَن
سمعت صوت قسورة يعيط
تركنا كُلشي وركضنا انصدمت صدمة عُمري
مَن شفت السرير ومسرة غارگين بالدم !!

قسورة زحفلها وحطها بحُضنه ويهذي
- ما عندي حيل لچ اخذتي حيلي عينونييييي حيلي راااااااااااح

تقربت ورجعت اباوع لـ سارة فصلت عن
الدنيا ودموع گعدت بالزاوية تبچي
تقربت مَن قسورة وهزيته بقوة عايطة

- گوووووم مو وقتك گومم لا تمووووت

قسورة- ما اگدر ما اگدر رجلي ماتن

طلعت اركض مَن بيت خالو لبيتنا
دخلت ارجف والدموع غاسله وجهي وبصعوبة اشوف
صار بوجهي لـيث هوَ وعمة نجلاء
بَـس شافني طفر خايف عليَّ

لـيث- شبيييييچ؟

- الحگ فـ فدوة الحگ مـ مسـرة انتحرت انتحررررررت

عافني وطلع يركض واني وعمة ورا
دخل للغرفة وعاط
لـيث- گوم قسووووورة گوم

جاوبته اني
- ما يگدررر رجلي أنتَ شيلهاااا

ركضت لـسارة واول مرة اسويها بَـس چان
لازم اسويها لان احتاجها اني ما اگدر وحدي
رفعت ايدي وضربتها راشدي وهزيتها

- روحي ويا لـيث گومييي

دفعتها واخذت التلفون بلغت خالو وكليم
اباوع للهوسة الصارت!
لـ دموع الفحطت مَن البچي ولـ قسورة
الما يگدر يگوم
عمة وسارة راحوا ويا لـيث
رحت لدمعة وحضنت خدودها

- اخذي ريم وروحي لبيتنا ابقي يم الحجية

دفعتها وهي ما گالت شي تقربت مَن
قسورة مهدود حيلي ، گعدت گدامه

- گوم

قسورة- ما اگدر

- تگدر گوم

هز راسه بـ لا
قسورة- ماتن رجلي ما اگدر

اخذت تلفون والسلاح وگمت مبتعده
حطيت التلفون بمكان عالي وباوعتله
صافن ويبچي
بچيت خايفة وحطيت السلاح على صدري
اباوعله جفل

قسورة- شداتسوين؟

- گوم

قسورة- لچ مااااا اگدرررر

- تـ تگدر گوم لو اسويها واموت گدام عينك وتكون أنتَ السبب

حرك نفسه ووگع ضرب الارض بقلة حيلة
باوعلي بَـس خاف خصوصًا مَن فتحت قفل السلاح
رجع يحاول وفعلًا وگف ووگع شمرت السلاح
وتقربت خليته يستند عليَّ ومشيته
هلكت وظهري احسه انكسر لان قسورة
ثگيل حيل ثگيل

گعدت بالسيارة
- مرخ رجليك على ما اغير ملابسي واجي لازم نروح للمُستشفى

رجعت لبست عباية وحذاء وركضت
لگيته يبچي كسر خاطر اول مرة اشوفه
بهذا الضعُف
صعدت يمه وهوَ شغل السيارة وكُل شوي
يمسح دموعة ، عرفت بيا مُستشفى مَن
لـيث وگتله بَـس وصلنا هم سندته لان ما
يگدر يمشي وحده
حسيت بظهري ينكسر مَن الثقل والوجع

مَن بعيد شافني كليم واجه يركض اخذه
مني
قسورة- مسرة خالي مسرة

كليم- حبيبي ما بيها شي زينه تعال اگعد

گعده يم خالو يسولف ويا ويهدي وتقرب
حاضني لـ صدره وباس راسي بَـس مرر ايده
على ظهري فزيت

كليم- شبيچ؟

بچيت
- يوجعني ظهري لان ساعدت قسورة يگوم ويسند نفسه عليَّ

كليم- هسه اشوفلچ دكتورة

عافني وراح واني رحت يم سارة
بسُرعة حاوطتني بقيت اون مَن الوجع
لحد ما طلع الدكتور طمنه على وضع مسرة
ودخلوا الكُل
بقيت بَـس اني گاعده مَن رجع كليم
اخذني للدكتورة واني بَـس اناشغ مَن الوجع

كليم- كافي بنياتي حبيبتي

- يوووجعني ظهرييي

دخلنا الها وهي استقبلتني بطريقة حلوة
نمت على السديه وبقت تسويلي سونار
اباوعلها تبتسم وهي تباوع للشاشة رفعت
عيني على كليم النزل باس جبيني

الدكتورة- مبروك يا حلوة جايج نون بالطريق

ضحكت اباوعله ابتسم وعينه بعيني
كليم- وظهرها دكتورة؟

- تحتاج راحة الثقل الشايلته مهددها بالاسقاط لازم تنام على ظهرها وحَ اكتبلكُم علاج تستعمله وان شاء الله يثبت الطفل

كتبتلي علاج وطلعنا
- ما فرحت؟

كليم- شلون ما افرح بنياتي؟ بَـس خايف عليچ وعلى مستقبلچ ما ردت اطفال هسه

- بَـس صار بعد!

كليم- الحمدُ لله على كل حال

رجعنا للغرفة البيها مسرة لگيتهُم گاعدين
وهي فاتحة عيونها وتبچي
خزرتها ودموعي نزلت ما گدرت اسكت

- اجيت دا اطمئن عليچ لاخر مرة واروح وبعد ما اريد اشوفچ تمام لان أنتِ وحدة انانية تفكر بَـس بنفسها ما گلتي خواتي شنو حَـيصير بيهن لو متت ما فكرتي غير بنفسچ

بقت تبچي وتباوعلي لان الواضح الكُل
حاجي عليها ووجهُم ثگيل
- رجعني للبيت تعبت اريد ارتاح

عفناهُم وطلعنا
كليم- قسيتي عليها

- احسن خلي ترجع لوعيها وتبطِل انانية

بعد ما ضغط عليَّ ورجعنا للبيت طول الطريق ساكتين
دخل هوَ فتح الباب دخل السيارة ورجع
سده واني دخلت طمنت دموع والحجية
وصعدت للغُرفة سبحت وغيرت ملابسي
وتمددت ماخذه تلفوني
لگيت رسالة مَن كليم چان مضمونها

-"راجع للشغل حبيبتي أنتِ اكلي شي واخذي علاجج ونامي"

سويت الگال عليّ وسديت تلفوني ونمت هلكانه مَن التعب
وانجبرت ابقى نايمة على ظهري خايفة على طفلي

فزيت بعد فترة عطشانه واسمع صوت تلفوني
سحبته وعقدت حواجبي مستغربة چان
رقم غريب !! فتحت خط وبقيت ساكته
لفترة مَن الزمن يلـه حجيت

- منو؟

- خالي موجود؟

بلعت ريك معدلة گعدتي
- احم ما اعرف!

- عادي احجي وياچ؟ تنزلين جوه اني!

بقيت ساكته لفترة لان صوته مو تمام واضح!
طال سكوتي واني اسمع حسراته بضعف
مني لان انكسر خاطري عليّ بالنهاية ما النا
سُلطـة على مشاعرنا وهوَ مو ذنبه بالصار
همست بتردُد

- جايه

سديته وسحبت عبايتي وحجابي لبستهُم وقبل لا
اطلع توقفت للحظة ورفعت تلفوني
چان عندي شعور قوي يگلي بلغي كليم لا
تنزلين وتخوضين هذا الحديث بدون علمه
وهذا السويته رفعت تلفوني اتصل
وما مرة طالت الرنه اكثر مَن مرتين وما جاوب مثل هسه

كليم- بنياتي الحلوة!

ابتسمت
- أنتَ وين؟

- والله بعدنا بالمُستشفى ليش؟

- يعني محد بالبيت؟!

- اي حبيبي صاير شي؟

عضيت شفتي وجاوبته
- جـ جُنيد يريد يحجي ويايَّ واتصل عليَّ شنو اسوي؟

صار هدوء للحظات وبعدها سمعت حركة صارت يمه
كليم- طلعي واني جاي بالطريق لان مسرة دا يخرجونها ويرجعون

- تمام

سديته منه ونزلت البيت هدوء
فتحت غُرفة بيبي ، شفتها نايمه على السرير
ودموع فارشة على الارض وحاضنه ريم ونايمات بَـس دمعتها ناشفه على خدها

فتحت الباب وطلعت فاتحة الباب الخارجي
تأملني بطريقة خجلتني ونزلت راسي بحرج

- تفضل

دخل ولاحظت عيونه حُمر دم !!
دخل ايدي بجيوبه وباوعلي مَن راسي لرجلي لدرجة حسيت نفسي اكو شي غلط بيَّ؟!

جُنيد- مبروك

- على شنو؟ أنتَ زين جُنيد؟

- حامل هه مَن خالي البنية الاحبها حامل مَن خالي

خزرته
- احترم نفسك شدا تحجي أنتَ!!

تقرب عليَّ بتهجُم
جُنيد- الجج عين وتحجين؟؟

- ليش شنو سويت اني شبيك أنتَ؟!!!! يُفضل ترجع للبيت الظاهر أنتَ مو بوعيك

اجيت اتحرك وشهگت متفاجأة مَن صلافته
وهوَ يلزم ايدي ويدفعني بقوة على الحايط
ونيت بوجع مَن ظهري اليوم ناوينها عليَّ!

جُنيد- وينننننن!

- شبييييك لااا تلزمني لااا تلزم

جُنيد- احبچ اني احبچ افتهمييييي دا اموت بكل مرة اتخيلچ بحضنه وهسه متت مَن عرفت بيچ حااااامل مننن خالي لچ خالييي هذا خالي شلون اتحمممل

- عوفني وخر جُنيد دا تخوفني

تقرب حاضن خدودي عطت بخوف وقشعر
جسمي مَن لمسني بَـس هوَ رجع سد
حلگي

جُنيد- ميت على لمسه منچ ميت

فتحت عيوني بجزع مَن نزل يريد يبوس
خدي
دفعته وتفيت بوجهة وما أحَس غير بنفس
اللحظة ينزل ايده براشدي خلاني اوگع على
الارض مصدومة اباوعله
يباوع لـ أيده ويباوعلي ، راد يتقرب واني
تراجعت حاضنه جسمي واعيط اريد تگعد
دموع وفعلًا

لحظات وانفتح الباب ومَن شافتنا ركضت
حضنتني وعاطت بوجة

دموع- شمسويلهااا

لعبت نفسي مَن ريحته الچانت تدل على
شي واحد وهو "السُكر"
عرفت سبب عيونه وتصرفاته الما موزونه

جُنيد- اسف اسف ما اعرف شلون ضربتچ

باوعتلي دمعة واعتقد فهمت حطيتها بظهري
- اطلع جُنيد روح منا

جُنيد- تعاي ويايَّ خلي نشرد

دموع- لا عجيب أنتَ تخبلت

جُنيد- أنتِ سكتيييي

دفعته ابچي مَن اتهجم على دموع
اباوع على رجلي صار ينزل عليهن خيوط
دم !! رجع رفع ايده وضربني راشدي مَن
دفعته رافضة يضرب دموع

أحَس خدي اشتعل نار !! گعدت بمكاني
حاطه دموع ورايَّ النزلت بيّ سب وغلط
وبغفلة مني رفع رجله ورفسها على خشمها
خلاها تلوب مَن الوجع وخشمها صار يذب
دم بشكل مو طبيعي !!

اباوع للباب انفتح ودخلت سيارة كليم
النزل ووگف مصدوم يباوعلنا ويباوع على
جُنيد الگعد بمكانه دايخ وما مستوعب
وتلته سيارة خالو والولد

ضميت دموع بحُضني وونيت لان ظهري
ذبحني
رفعت عيني على ركضتهُم سارة تقربت منه
هي وخالو وكليم ما انتبه لان المكان ظلام
راح يشوف جُنيد
سارة بَـس باوعت على وجهنا فتحت عيونها

سارة- منو ضاربچن؟

دموع- جُنيدددد

ما أحَس غير نزعت حذائها وركضت شبعته
ضرب خالو ساكت وكليم يصيح

كليم- وخر مرتك لك ما اگدر الزمها

هُمام- عاشت ايدها خلي تخلص واني استلمه

كليم- هُمااااام

هُمام- ولي شوف البنات وتفهم

ايهم- شبيهن؟

اجونه وكليم بَـس نزل لمستواي بهت
مرر ايده على خدي وعقد حواجبه مثل المتوجع
كليم- هذا هوَ ضربچ؟

تقربت ازحف لحُضنه
- دا انزف

بعدني عنه فاتح عيونه بدون كلام شالني وبعد
ما حسيت بشي غير افقد بحُضنه ميته مَن
وجع ظهري وبطني أحَس بسجاجين تمزق
بيها

ㅤㅤㅤ
ㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••

هُمـام•

فتحت غرفة التحقيق لگيته صاحي وبَـس
دموعه تنزل وخده احمر
كليم گاعد گدامه يدخن ومركز عليّ بشكل

- اطلع

باوعلي وطلع بدون ما ينطق بحرف
سرفنت ردانات القميص وتقربت منه بهدوء
كُل ما اتذكر ماد ايده عليهن وهنَّ لا حولة
ولا قوة افور مَن العصبية
وخصوصًا رنيم مهددة بالاسقاط بسببه

اول ما رفع راسه نزلت عليّ ببوكس
عدل معاني وجهة ورجعته ارفعه وعدلته
براشدي وهوَ ما چان يدافع على نفسه
صح واعي على خطأه بَـس ماگدرت الزم
نفسي منه

انتهى جوه ايدي دفعته مَن انفتح الباب
كليم- كافي

رفعتله حاجبي بخزره حاجاني بلا مُبالاة
كليم- لخاطر رضيعتي مو لسواد عينه

- وين اودي؟

كليم- تركه بالسجن خلي يتربى بلكي يصير رجال! انتظرك بالسيارة ابو الهَمم

طلع واني درت رافعه مَن ياخته
- كفيلك ابو فاضل لو ما كليم بين عيوني ازوعك حليب امك ادعيله بَـس ادعيله واسأل عني اليدخل هاي الغرفة شنو يطلع مَن جوه ايدي

شمرته وصحت للشباب اخذوا للسجن
غسلت واخذت اغراضي وطلعت للسيارة
سقت بدون ما انطق
وهوَ خلص الطريق يدخن وسارح بالفضاء
بَـس وصلنا نزل هوَ فتح الباب واني دخلت
السيارة ونزلت

- ها كليم!

فرك صدره وهمس
- مخنوك ما اريد ادخل للبيت!

- امشي نگعد بالحديقة

اخذته متمشين للحديقة وهوَ طلعله جگاره جديدة
- كافي يمعووود

سحبتها شامرها ، تنهد وگعد على الكرسي
لازم راسه بـ أيدي
- سولف بَـس لا ضايج على جُنيد؟

كليم- چؤ يولي

- اذًا؟

- منظر خدها جمر بگلبي هُمام لك خيي اني اخاف الزم خدها وينجرح مو تنضرب وايده طابعها على خدها !!!

- الحمد لله مَن خلصت هيچ واجينا بالوقت المُناسب

كليم- الحمدُ لله

- بَـس بشرفك شلونه حذاء سارة؟

ضحك وهز راسه
كليم- شر البليه ما يضحك استغفر الله

- عوفك مَن المثالية كليم مو خوش حذاء رجعه لوعية وطير العرك كله مَن راسه

نزل راسه وبَـس اكتافه تهتز
- لا نوب جايني وخر مرتك ما اگدر الزمها غير اني مستمتع بشراستها لبوتي

كليم- ههههه انطم هُمام

- گوم گوم شوف رنيمه لك كافي ضحكتك

گام وحضني وبعدها راح لـ بيته
واني اتجهت للبيت بَـس فتحت الباب صارت
بوجهي گاعده بالمطبخ چنها خفاش بَـس
عيونها مبينه تزرزر بيهن

- حلوة المسيح!

سارة- وين چنت عيني؟

- اگطع تكچ الثاني على راس جُنيد

ضحكت وگامت متقدمة تتمايل بخصرها
اليشبه الساعة الرملية والياخذني لغير عالم
لو تمايلت بيّ گدامي

سارة- لعد عاشت ايدك هُمامي

- يغدي تراب هُمامچ انطيني مُكافأة

نزلت مبوسها وميت بدلعها وصوت ضحكتها
شلتها متوجه لغُرفتنا محتاج حُضنها
بعد هذا اليوم المُتعب
مَن انتحار مسرة لـ سالفة جُنيد وتعب رنيمه

بَـس غير تركد بعدني ما گايل بسم الله
طفرت مَن حضني
سارة- لازم ابقى يم مسرة

- واني؟

سارة- اسبح ونام حبيبي

- ما نعسان تعاي لا اگوم وتعرفين مَن اگوم اخذ الاريده وزيادة

گلبت عيونها
- لا يا عايقة ثبتي عيونچ

سارة- هففف دا روح بطران

دارت وجهة تريد تطلع وطفرت شايلها مَن
خصرها
والايد الثانية طفيت الاضواء واكيد اخذت
حقي وزيادة يلـه نزلتها يم اختها

..

وتستمر الحكاية.. 🚬♣

قناة التلي zainab_salah0