رواية دروب الإِندِثـار الفصل الثالث والعشرون 23 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 20 ♡♡

لا تنسون التصويت + متابعة للحساب + التعليق بين الفقرات ☘️

‏يومية احضرلَك وَرد
يذبل مَحنة وماترد.

•••••••••••••••••••••••••••♕•

ســاࢪة•

في سردابٌ صغير مُظلم
لا نورَ فيهِ ، لا حياة؟
تتسرب صوب مسامعي
اصوات الحشرات التي قد تُرعب اي طفلِة !!
اي طفلِة عدايَّ أنا !..
فقد كانت اصوات تـلِك الحشرات تنتشلني
من وحِدتي تُنسيني جوعيّ
تسلب جُلَّ افكاري
طفلِة لكنني كبرتُ !!
طفلِة لكنني أُغتصِبت !!
طفلِة لكنني هرمت مُبڪِرًا !!

انفتَح الباب فـ انكمشت ؏ نفسي بشعري البُندقي المُشعث أثر سحبهم إليَّ منه!! اطرقت راسي للارض احاول اتلافى نظرات عيونه القذرة وهي تستكشف جسمي الشُبه عاري!!

فتـح الباب ؏ وسعه واطلق ضحكه مُستفزة!!
ونطق..
اريان- حلوة حتى وانتِ مبهذلـة

دمعت عيوني والغصة صارت تصعد وتنزل وتجرح بلاعيمي ، استرسل وأشار للخارج!

اريان- طلعي نظفي روحج ريحتج طلعت! وهااا..

تقرب گعد ركبه ونص گدامي!!
- أياج تعرف زوجـتي بالي يصير هنا كُل ليلة لان بوقتها راح اذبحج وما راح تستفادين شي لان هي راح تصدگين ما راح تصدگج!

مرر ايده ؏ راسي وضحك من شاف فزتي ورجفتي..
اريان- يلـه طلعي.

گمت وللحظة وگفت موجوعة لازمة اسفل بطني
نزلت دموعي بضعف اباوع لـ وجهة
جان اقذر خُلق الرب ، وحش بهيئة انسان
وجودة بالحياة اهانة للبشرية ، وما اقرف أن ينتمي شخص مثله للبشر !!..

بس عبرت من يمه ضربني اسفل ظهري
بطريقة لئيمة !! واطلق ضحكة تعبر عن استمتاعة بالشي الي يسوي ..

هربت رُغم الوجع ركضت بره !!
اريد انسى شكله ، ضحكاته ، حركاته ..

فزيت من نومي شاهگه احاول استوعب اني وين!
صرت اصرخ بخوف ، لحظات واحتواني حضن دافي مثل حضن الاب لـ بنته
تعلقت بي وبچيت مهضومه
ايده مررها ؏ راسي بلُطف يحاول ما يأذيني وما اجمل اهتمامه لـ انسانة فاقدة الاهتمام !!

هُمام- اسـم الله بابا اسـم الله هذا اني يمج لا تخافين

- هُماااام

هُمام- عيني يمج اهدأي

ابتعد مسح وجهة من الدموع وسحب بطل ماي
غسل وجهي وشربني شوي ، حَـسيت انفاسي
انتظمت! وبديت اهدأ واصير احسَن!!

هُمام- منو؟

رفعت عيوني بخوف وعدم فهم
مرر ايده ؏ خدي وگال بصرامه..

هُمام- منو الي سارق راحتج بالمنام اذا عدل خليني ادفنه واذا ميت خليني اطلعه وامثل بجثته
بس لا تبقين بهاي الحالة بكل مرة اشوفج هيج احس بنفس الوجع بگلبي

دمعت عيوني ؏ حنانه رفعت ايدي مررتها ؏ گلبه..
- يا ريت لو ميت يمكن بوقتها ارتاح

لزم زنودي بقوة ضاغط..
هُمام- منو سارة منو؟ ليش مخليتني هيج بين الاعراف يمتى تسولفيلي دا أريد ارتاح واريحج من عذابج بمنامج

- مو مستعدة

رفع راسي من فكي ونظراته تغيرت
برود غريب تسلل بيهُم
واردف بتحذير ..

هُمام- يُفضل أنتِ تسولفيلي لان لو عرفت بغير طريقة راح تتعاقبين سارة وأن كُنتي مالج ذنب

سكتت عاجزة عن الاجابة وهو بعد ما حجه
چيكت الدكتورة وضعي وسوالي هو خروج
وطلعنا للـبيت !!

صف السيارة گدام مطعم وراد ينزل..
- هُمام اخاف!!

- ورانا سيارة للحماية لا تخافين ما اتأخر

نزل تاركني بقلقي !!..
رغم اكو حماية بس ما ارتاحيت
وطول الوقت اعصر كف ايدي
لحد ما لمحته راجع من بعيد بيده اكياس..

فتح الباب الورة وحطت صينيتين مغلفات
الريحة تسللت لأنفي وبطني لوتني من الجوع
صعد وساق للبيت..

- جعت

- هههه هسه نوصل وتاكلين

- الريحة ما تتقاوم هُماااام

- هههههه صبر بابا صبر

بعد فترة صف السيارة گدام بيت كليم وگال..
- اجيب رنيم واجي

- ليش خليها!!

- چؤ امس قلقتني

- شصاير؟

تنهد..
- اتصلت عليَّ تريد تنام وخايفة بقيت وياها بالخط يلـه نامت

- بس هي ما تخاف اذا كليم موجود

هُمام- وهذا القلقني سارة كليم موجود وهي خايفة

نزل دك الباب واني صافنة بالفراغ
خايفة ؏ رنيم ما جاي تعرف تتصرف
وخايفة ؏ هُمام تتدمر صداقته بـ كليم
وراها متأكدة هُمام راح يتدمر اذا ابتعد
عن كليم..

طلع تسالموا ورفع ايده من بيعد الي بمعنى
الحمد لله ؏ السلامة ابتسمتله هازه راسي..

مديت ايدي نزلت الجامعة علمود اسمع
دار باوعلي وخزرني خزرة رعبتني
بسرعة سديتها وهُما رجعوا يحجون..

رجع صعد وطبگ الباب بقوة جفلتني
حرك السيارة صافها گدام البيت ونتر..

هُمام- اخر مرة هاي الحركة تنعاد

- بس..

هُمام- اشش گولي اي وخلص لان اذا نعادت تتعاقبين اتخبل من المرة التتسمع سارة

نزل ولحگته ضايجة من اسلوبه وهو جاب الاكل
حطه بالمطبخ وگال..

هُمام- اني صاعد اسبح

- والبنات؟

- كليم راح يجيبهن

عافني وصعد ، صدك شوي واندك الباب !!..
ركضت فتحته وضحكت بصوت من شفتهن شمرن نفسهن بحضني
احتاريت ابوس منو واحضن منو رفعت عيني اله چان شايل بنته ووجهة مطعون بغضب..

كليم- رنيمه؟

باوعتله وبدون ما ترد دخلت جوه !!
بقيت مصدومة من فعلتها
وهو كُلش خجل الرجال وعينه علگت بباب المطبخ
ينتظرها ترجع!! ومسرة ودموع لحگنها..

حمحمت بخجل..
- خلي ريم يمنا!

كليم- خاف اتعبكم بابا؟

- لا ابد والله نتونس وياها

كليم- تروحين وياهن بنياتي

هزت راسها بـ لا ابتسم وگال..
- تتنحس لان توها گعدت من النوم ، يلا في امان الله

راح واني دخلت وراها واشوفها گاعده
عاقدة الحواجب ومكتفه ايديها لصدرها..

- مو عـيب تتعاملين ويه بهذا الشكل وگدامنا؟

رنيم- ما تعرفين شنو الصار !! لعد لا تحجين سارة ابد لا تحجين

- شنو صار؟

صاحت فاقدة..
رنيم- يگللللي احبببج الشخص الي اباوعله بنظرة اب يحبنننني نظراته تعامله كُلللله مختلف دا اقرف منه سارة دا اقرف كارهته وما طايقته ، اوووف ربي مكتوبلي اتلللوع

هُمام- رنيم!

باوعتله معبسه وگالت..
- ما دا احس بالامان يمه مثل قبل دا اشوف شكل عذاب بوجهه لعبت نفسي منه

اباوع لـ مسرة ودموع متفاجأت..
- مسرة اخذي دموع وروحن للمطبخ هسه اجي

ما گالن لا بسرعة راحن ، گعد يمها هُمام مرر ايده ؏ شعرها وگال بهدوء..

هُمام- تجين تبلغيني رنيم اني اتصرف بس لا گلتي هذا الكلام لـكليم؟

نزلت راسها ساكته وهمست..
رنيم- مو مو كله

هُمام- مُبارك عليج بابا مُبارك

رنيم- خالو موو بيدي

هُمام- مو بيدج تتجاوزين ؏ الرجال؟ گلج احبج جبرج عليّ؟ جرحج بكلمة؟ مشاعره واعترف بيهن قابل كفر؟

رنيم- يعني انتَ تعرف وقابل؟

هُمام- اعرف اي بَـس قابل لا وبنفس الوقت منو اني واجي افرض عليّ يتناسى مشاعره الج؟ ، بابا الحُـب ما هو بالكيف الگلب هذا اذا حَب محد يگدر اله؟! مشاعر كليم ما بيهن أذيه الج بالعكس تمامًا الرجال دا يموت الف موته باليوم وانتِ تزيدينها عليّ بهذا كلامج !! عيب وخزي رباج وتعب بيج ضيع سنين عُمره يتلوع ويدور عليج تالي تجازينه بهذا كلامج وتشبهينه بـ اتعس خُلق الله؟ ما يستاهل كليم كل هذا النفور منج

گام عدل ملابسه واسترسل..
هُمام- رايح اني واحجي وياه بعد رجعة لبيته ماكو وابلغه بالامر بطريقة طبيعية ما تجرحه ولو منين ما اشوفها راح يدمر اعرف بس ما باليد حيلة

اباوعلها بهـتت تفرك بـ اصابعها
حتى هُمام انتبه الها باوعلي بقلة حيلة
وطلع !!..

رنيم- شسوي سارة؟ دليني ؏ الطريق الصح فدوة ما جاي اعرف شنو اريد!!

- بعد ما تشوفينه ارتاحي هُمام يتصرف

رنيم- وعبالج ارتاح من ما اشوفه؟ لج هو اني شبعت حتى ارجع انحرم منه؟ بَـس تصرفاته بعدتني.

- ما جاي افهم عليج كُلش مشوشه أنتِ

عافتني ودخلت للاستقبال قافله الباب وراها ما لحيت عليها خليتها براحتها اريدها تفكر وتدرس تصرفاتها زين ، رُغم كُلشي رنيم واعية وتعرف تاخذ قراراتها برويّة والفضل يعود لـ كليم وتربيته الها..
ㅤㅤㅤ
ㅤㅤㅤ
••••••••••••••••••••••••••••••

هُمـام•

- انزل رايدك بموضوع

جاوبني بالموافقة وغلق الخط !!.. انتچيت
؏ السيـارة ادخن وافكر بـ اي طريقة
افتح وياه الموضوع ، صح مرات نتناگر بيناتنا اني اريدها تبقى ببيتي وهو يريدها ببيته
بس كنت ؏ يقين رنيم ما راح تعوفه وراح تعوف الدنيا وتختاره..

لكن هسه شلون راح يتحمل
گلبه شلون راح يتحمل ما كافي
لوعات وصدمات..

الاولى اخذت صاحبه ونزفت گدام عينه
الثانية هزت عرش الرحمـٰن قبل لا تهز گلبه بخيانته اله ويه اخو
ويا خوفي تكون رنيم الثالثة والقاضية
لان مكانها وحُبها غير!

طلـع من البيت متأنق واتوجه الي..

كليم- هنا؟

- لا اصعد

صعدنا وانطلقت لـ مكانا المُعتاد
الي دائمًا نروح نگعد بي ونفضفض
مُصائب الحياة..

بس يا تُرى هل راح يوسع هالمكان مُصيبة اخوي؟

صفيت السيارة ودخلنا للتفتيش وبعدها صارت قُبة الامام الكاظم "؏" گدام عيونا رفعنا ايدنا بالسلام ودخلنا زرنا وصلينا ودعـيت من كل روحي ربي يبرد گلبه ويستقبل الموضوع بهدوء..

گدنا گدام قُبة الامام ساكتين
لا اني عندي الجرأة اكسر گلبه
ولا هو حاجي!! إلا بعد فترة

كليم- ما تريدني مو؟

سكتت مستصعب الوضع !! رفعت راسي
حاولت بقدر الامكان يكون كلامي غير جارح
واسيطر ؏ الوضع..

- تريدك تريدك كليم وخير دليل من بلغتها راح احجي وياك ظلت ترجف والوجه صار اصفر

كليم- لعـد؟

- خايفة من مشاعرك وحقها خيي أنتَ چنت اب الها وفجأة هسه عرفت بمشاعرك وتراها طفلة ما تعرف تتصرف وما تعرف تفرق بين الصح والخطأ والي عاشته مو قليل تحس الكل يريد أذيتها حتى لو داخلها ؏ يقين منك راح تبقى متخوفة اطفال ما شافن الراحة شتتوقع منهن بسرعة يأمنن بينا هاي اني گدام سارة حرمتي گدام الله ورسوله وصارت مُصايب ويه اهلها ولحد الان ما اعرف السبب ليش برأيك؟.. لان ماكو امان تحتاج وقت حتى تفتح گلبها واني عايفها براحتها ما اضغط عليها مو لان ما مهتم لا وحق حيدر الكرار ارجف رجف عليها بَـس ما اريد ارعبها مني والمفروض انتَ تعرف رنيم اكثر مني

كليم- الحرب الي بداخلي بكفة وكلامها سهام تغرز بگلبي بكفة وكل هذا اهون من نظرات القرف بعيونها

- لان ما تعرف وانتَ ساكت ومخليها تقتنع انتَ حابها من چان تطفلة

كليم- ليش هي تباوع بوجهي حتى احجيلها؟ مرات تتناسى وتحجي وياي وبلحظة تفز وتروح خايفة

- تحب تحجي وياها اني اقنعها تگعد وياك لو اني احجي وياها؟

مرر ايده ؏ صدره شفته الآلم بعيونه
العبرة كسرت صدرة وگال..

كليم- لا .. خليها لا تضغط عليها

- متأكد؟

- اي

- يلا نتوكل

كليم- لا اريد ابقى بحضرة الامام

اباوعله التعب غطى ملامح وجهة
منظره هزني ، بس چان يحتاج يبقى وحدة
يفكر ويقرر وكليم بعمره ما اتخذ خطوة
خطأ
دائمًا چان ياخذ قراراته برويّه وتأني
وهسه اني متأكد راح ياخذ القرار الصح ..

رجعت للـبيت مهموم اول ما دخلت صارت بوجهي رنيم ، گاعدة بالمرجوحة وبوجهه
علامات الحزن !! تعديتها بدون ما انطق بس
استوقفني سؤالها..

رنيم- شنو گال؟

باوعتلها ترجف ومدمعه..
- انسي بابا انسي كليم

بهـتت صافنه ما مستوعبة كلامي !.. چنت متقصد اگلها هيچ حتى تستوعب وتوعى لنفسها
دخلت بوجهي فوك للغرفة
فتحت الباب مقفول ، اتنهدت ودگيت الباب..

- سـارة؟

فتحت الباب مبتسمه ، تعديتها تعبان..
سارة- شنو صار؟

- ولا شي

نزعت القميص شمرته بـ اهمال
ذبيت البنطلون بسرعة انطتني ظهرها
خجلانه !! وگفت وراها وهمست
بأذنها..

- سـدي الباب وطفي الضوه وراج عيني
واذا حابه تنامين بحضني هم ماكو مشكلة

رجف جسمها بسرعة عافتني وطلعت
تنهدت بتعب من خوفها مني! تطلب مني
ما اعوفها بس هي ما عندها امان من ناحيتي
طفيت الضوه واتجهت للسرير ونمت
من وره المُصايب ما نايم صارلي كم يوم..

ㅤㅤㅤ
ㅤㅤㅤ
••••••••••••••••••••••••••••••

رنيـم•

احس بحرارة دموعي تغرگ وجناتي
وصارت تنزل ؏ طول رقبتي وتتغلغل بهدومي !!
رفعت راسي لظلام السماء
روحي ظلمة مثلها..

معقولة قنع؟ تخلى عني بسهولة؟
وحبه! واهتمامه! وامانة صاحبة؟
نسى كلشي وما حاول علمودي هيج سهلة
هيج تخلى عني بسهولة؟..

تقرفصت ؏ نفسي صافنة بالسماء لحد ما بديت انام فزيت ؏ شخص يحتويني بحضنه
انرعبت للحظة بس اتنفست براحة وعمق من شفت خالو ، سندت راسي ؏ صدره ورجعت غمضت عيوني وهو مددني ؏ الكرويته وغطاني زين..

نزل باس راسي وگال..
هُمام- مُجرد وقت وتتعودين نامي بابا

غلقت عيوني بقوة رافضة الواقع !!..
اطلق حسّرة وسمعت خطواته تبتعد لحد ما
اختفت تمامًا ، رجعت اجبر نفسي انام
وفعلًا غرقت بالنوم هاربة من واقعي المريرّ ..

گعدت الصُبـح ؏ هوسه رفعت نفسي مصدومة
اباوع للجنط مالاتي ملن الصالة!! واخر وحدة دخل خالو شايلها ومن شاف شكلي غلق عيونه متحسف
بس ؏ شنو؟

دخلت سارة وراه وعلامات القهر والغضب مرسومة ؏ ملامحها ، رفعت اصبعها بوجهي ونترت..

سارة- اريد اشوفج تبچين لو اسمعج تنطقين اسمه اموتج الباعج بيعييي

هُمام- اششش لا تدخلين

سارة- بل أنتَ لا تدخل لان دا تشوف تصرفات صاحبك وساكت مفضل لوعتها وساكت تقبل بكسرها وساكت ولو حجينه عليّ انتفضتتت شوف دموعها شوف حالها ما تهتززز شوا...

سد حلگها خازرها..
هُمام- اموت من لغي النسوان سارة وخصوصًا التلغي بدون ما تعرف وتفتهم شي

دفعته..
سارة- اي بلـه فهمنا خلينا نعرف لو فالح بَـس بالحجي

عض ايده وگال..
- حااااااالف ما تنرفع ؏ حرمةةةة لججج تردينننننن تخبلينيييي أنتِ لسانج لزمي لا وحيدر الكرار اتخبل عليججج

سارة- كلكم نفس الشي ما تهمكم غير شهواتكم بس رفضته وما انطته مجال شمرها عليك لان ما تفيده بدون مصالحححح

گمزت ساحبه سارة بخوف من شفته ضرب الحايط بقوة وتقدم صحت..

- لااااازم تمد ايدك عليَّ وادوسني يلـه توصللها خالو!!

هز راسه بوعيد وطلع واني گعدت مهدود حيلي من الصار!!.. سارة تمشي گدامي وادردم دمها فايررر من عملة عمو كليم وشلون وده كل غراضي ورايَّ..

حَـسيت بمرارة الوجع بگلبي انعصر عصر
حطيت ايدي ؏ گلبي واطلقت آه بدون وعي مني
فزت سارة واجتني تركض..

سارة- شبيججج باوعيلي حبيبتي شبيجج

- آه سارة گلبييي

طلعت من الصالة تركض ، شوي ودخل خالو يركض وجهة اصفر والبنات وراه..

هُمام- بهداي بابا بهداي عاينيلي شو شنو يوجعج

- گلبي خالو گلبي

- مسرة بابا جيبيلي ماي وأنتِ صعدي جيبيلي مفاتيحي بسرررررعة

ركضت سارة فوك ومسرة جابتله بطل ماي يغسل بوجهي ويسمي بأسم الله ، تعلگت بقميصه اناشغ..

- بس طلعني من الـبيت اختنگت خالووو

- صارر صارر بس اريد تهدأين اول لان وضعي كله تخربط اهدأي

اخذ المفاتيح منها وشالني بخفة
عبالك ما شايل شي !! بس شاف سارة وراه زمخ..

- رجعيييي

سارة- بس خابرني طمني الله يخليك

- اييي رجعييي خربببب اهلجج طالعة مفررررعة

ساق بهدوء وفتح الجامه من يمي شويه علمود يدخل هواء نظيف وارتاح
ايد يسوق بيها والثانية لازم بيها ايدي ويفركها علمود ارتاح واهدأ...

صاير يفر بالسيارة بدون وجهة مُحددة !!
قطع الصمت الي استمر من طلعنا لحد الان..

هُمام- شنو التردينه رنيم؟

ما اعرف الحواب !!.. اني شنو اريد ما دا اعرف
دايخة كُلشي ، اريد ارجع يم عمو بَـس
يرجع تعامله مثل من چنت طفلة مو هيج!
بَـس صار صعب بعد ما دز كل اغراضي
الي بيته..

- ما اعرف

هُمام- والتالي؟ من رادج دفعتي ومن تركج ؏ راحتج تخربطت اوضاعج

- اريد عمو كليم قبل هسه تصرُفااااته صايره غريبة

- مثل شنو؟

خجلت منزله راسي رجع استرسل..
- يگلج كلام حلو؟

هزيت راسي بـ اي وضفت..
- نظراته غريبة مثل عـ...

قاطعني بنتر..
- رنيممممم ماكو مجال للشـبه أنتِ مقتنعة من تشبهين كليم بـكلب اجرب مثل عذاب

- عذاب چان يسوي هيج

- والنية؟ نفس النية؟

- ما اعرف

- لا أنتِ ابد ما عرفتي كليم وكلامچ بكل مرة يصدمني ، الافضل ما تلتقين بـكليم ابد لان مالچ سيطرة ؏ لسـانچ والرجال لو سمع كلامچ هذا تصيبه جلطة

سكتت بدون رد لان بعد التفكير وبعد ما اچفص اعرف كلامي جارح !! بعد ساعات رجعنا للبيت
رجفت من شفتا واگف بالباب ويمه قسورة
نزلت وعيني عليّ
رفع راسه مصدوم من شافني صارت عيونه تنتقل بيني وبين خالو كأنو يگله وين چنتوا..

هُمام- دخلي

تقدمت لزمت ايد خالو وبنبرة متوسلة گلت..
- لا تگله شنو صار ما اريد يعرف

تنهد..
- ما احجي وأنتِ ديري بالج ؏ صحتج

هزيت راسي ودخلت بدون ما انطق بشي وخالو اعتقد راح يسلم عليهم..
فكيت عيوني متفاجأة من حالة البنات وخصوصًا سارة چانت تشهك وبس شافتني فتحت ايديها اليَّ!!

ركضت والدم جمد براسي
افكار مُضطربة ، معقولة عذاب؟

- شكوو شبيچن؟

رفعت تلفونها اباوع 18 مكالمة..
سارة- وصيته يرد عليَّ ويطمني عليج بس قرر يحرك گلبي بهاي الطريقة لان رفعت صوتي بوجهة

- خالو ما يفكر هيج

دفعتني وعاطت..
- لااااا ادافعيله وانچبييي

مسرة- گومي رنيم عوفيها هسه هي معصبة

سارة- لا تدخلين بين الكبار مسرة

هُمام- شصاير؟

يباوع للحالة ببرود وسارة چانت رغم قهرها قالب ثلج..
سارة- حَـسيت بالنصر من ما جاوبت اتصالات؟

عقد حواجبه ورفع صفن بالتلفون
غلقه ورجعه بجيبه
رُغم اني متأكدة ما سمعت صوت اتصالات
وخالو من خلال معرفتي بي ما عنده
تصرفات اطفال مثل هاي..

جاوبها..
هُمام- اممم كُلش

سارة- مُقرف

گالتها تريد تطلع ، قبض ؏ ايدها وقربها منه
فكه يرجف بغضب ،، نتر يعت بيدها..

هُمام- اتجاوزي مرة ثانية وشوفي شسوي بيج لان اكتفيت اليوم من صلافتج وقلة ادبج

رادت تحجي ضربها ؏ شفايفها بخفة ايده..
- حسسسسج ما اسمعه العرمة

دفعها بره الصالة وصاح..
هُمام- اخذيها من وجهيييي لا ارتكب بيها جريمة

ركضت اسندها واسد بحلگها خاف تحجي ، دخلناها للغرفة نحاول نهديها..

- والله ما سمعت التلفون وحتى جوابه يريد يقهرج لان تجاوزتي عليّ خالو انسان واعي ما عنده هيج تصرفات سارة

سارة- ما اعرف ليش تغير وبس ينتر بيَّ

- متوهمه والله شنو ما ملاحظته يتبع خطواتج خاف تنجرحين سارة

- راسي يوجعني

- سارة هواي اتجاوزتي عيب اكيد يعاملج هيج هو عمو دز اغراضي وأنتِ گبيتي بوجه خالو هو شنو علاقته

- اريد انام طلعن

عضيت شفتي بقهر تقربت مني مسرة..
- خليها ترتاح امشي نطلع

طفيت الضوء وسديت الباب ونزلت..
- اكلتن؟

مسرة- لا قلقنا عليج وسارة ما سوت شي واني تعرفيني كلشي ماكو بالطبخ

اباوع لـ دموع كلش هادئة صوتها ما يطلع ابد نزلنا جوه خالو بالصالة وقافلها عليّ !! فتحت الثلاجة كلشي موجود باوعتلهن..

- شنو اسويلچن؟

مسرة- اي شي

- دمعتي مشتهية شي؟

دموع- براحتج

طلعت الدجاج وقررت اسوي مندي ، اني وسارة شاطرات بالطبخ كلشي تعلمنا بالملجأ جان كل شهر اكو وجبة دجاج وبالملجأ احنه اكبر شي الباقي كلهم اطفال..

بديت اطبخ وكلش شوي اطل ؏ البنات مندمجات ويه المسلسل
خلصت وبديت انقل الاكل ؏ ميز الطعام لحد ما كملت كلشي رحتلهن..

- كملت بس لا تبلشن لحد ما يجي خالو وسارة

بوسني وطلعن للمطبخ !!
دگيت الباب..

- خالوو

فتحه يفرك براسه مبين چان نايم..
هُمام- يا رَوحـه

- الاكل جهز شنو ما جوعان؟

- روحي اكلي انتِ وخواتج الف عافية اني العسل ما اشتهي

- لخاطرييي ما تريد تتذوق طبخي !!

ضحك قارص خدي..
- سبقيني

دخل واني ركضت فوك وهم بلگوة قبلت تنزل
ثنينهم راسهم ياااابس !!..
وواحد ما ينظر للثاني ، خالو مجرد تذوق
وگام باس راسي..

هُمام- عاشت ايدج اطيب ما اكلت

- الف عافية حبيبي

سارة من شافت تجاهله هم عافت الاكل
وصعدت للغرفة معتكفة ؏ نفسها..

وصار يوم يسحب يوم ، لا سارة تصالحه ولا هو يتنازل ويصالحها ، عمو كليم من بعد ذاك اليوم ما شفته وخالو متحفظ كلشي ما يحجي عليّ
صار شهر ؏ الموضوع خلص بالـبيت
نقضي الوقت بالدراسة ومرات عمة نجلاء تجيب بيبي وريم وتبقى يمنا يوم كامل لليل يلا تروح..

چـنت اتمنى اسمع خبر منه ماكو !!
اشتاقيتلـه
..

بيوم گال خالو طالع نگعد بالباب نتعلل
صرت اطحن بروحي اريد اشوفه ، غافلت
البنات وركضت لغرفة سارة وخالو
لان بيها شُبـاك يطل ؏ بيت عمو كليم..

طفيت الاضويه وبعدت شوي من البردة
اباوعلهم حاطيت النارگيله والچاي كل
واحد استكانه بيده يسولفون ويضحكون !!

كلهم متجمعين قسورة وليث وايهم وخالو وعمو كليم..

فجأة گام عمو حاط راس قسورة بين ايدي ويلوي بي ويضحكون ، لـيث استغل الوضع وصار يضرب بقسورة متونس لان عمو كليم مقيد حركته ..

ضحكت ؏ سوالفهم ونزلت جوه..
بعدني ؏ الدرج وانرجت المنطقة رج بالرمي
وكعت بمكاني اصرخ !! حاطه ايدي ؏ حلگي واصرخ مفرفحة ما اشوف غير سارة صعدت تركض ضامتني بحضنها..

بلحظة اختفى الصوت وصارت هدوء عظيم
رفعت عيني بعين سارة وهمست احس
بجسمي مو بس يرجف لا يختض خص من الرعب !!

- بره كلهم بره

ركضت بروح مفرفحه اريد يطلع كل هذا وهم اريد اشوفهم سالمين ما بيهم شي..
فتحت الباب وگلبي يدعي قبل لسـاني ، بس كلشي وگف واني اشوف المنظر..

عبارة عن بركة دم !! كلهم ؏ الارض بدون حركة وبَـس قسورة يگوم من واحد ويروح للثاني مفرفح وعمة نجلاء گاعدة گدامهم تصرخ وتلطم ، المنطقة صارت تتفرج ؏ المنظر بذعر..

وگعدت ؏ ركباتي وصرخت فاقدة..
- لاااااااااااااااا لااااااااااااا ترحوووووون ويننننننننن عايفينننننننني وحدددددددي بهاااااي الدنيااااااااا الظالمةةةةة

..

وتستمر الحكاية.. 🚬♣

قناة التلي zainab_salah0