رواية دروب الإِندِثـار الفصل الثاني والعشرون 22 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 19 ♡♡

لا تنسون التصويت + متابعة للحساب + التعليق بين الفقرات ☘️

‏انه الچان يدري عيُونچ تضيعّه وعشگها

•••••••••••••••••••••••••••♕•

رنيـم•

ضحكت رافعة راسي عبالي عمو وخالو رجعوا بس جمد الدم بعروگي واني اشوف عذاب گدامي!!
حَـسيت برَوحي تفارق جسمي ودموعي جرت ؏ خدي بسرعة سحبت الشال لافته ؏ شعري وحطيت خواتي وره ظهري الي انكتم صوتهن من شافنة! وراه زلم ثنين..

بس ردت اصرخ رفع سلاحة وبيده الثانية حط سبابته ؏ شفايفة..

عذاب- اششش أذيتج تكلفني تلث طلقات براس خواتج لذا صوتج

اشر بيده ؏ الكرويتات وگال بأمر لـ خواتي..
- گعدن!

گعدن يتراجفن وهو تقرب مني نزل بجسمه حتى يوصل طولي! رجفت بخوف وهمست..

- عذاب!

عذاب- يا وجع روحه لـ عذاب! حليانه! بُعدي محليج اكثر واكثر

- شـ شـ ـتريد؟

- ردتج أنتِ بَس ما ردتيني وثمن الرفض غالي رنيمي!

شهگت باچيه وعيني ؏ الدرج خايفة ؏ سارة اعرفها لسان وهي راسها مخيط وخاف يضربها ويأذيها
حرك راسه وگال..

عذاب- اجيت اخذج

ابتسم بحقارة من شاف ارتباكي..
عذاب- لان اذا بقيتي هنا صدگيني كل شخص تحبينه راح يموت گدام عينج

باوع لـ مسرة ودموع بسرعة تحركت واگفة بوجهة وحجيت..

- ايـاك حتى تفكر بساعتها موتك راح يكون ؏ ايدي

ابتسم يهز راسه بـ اعجاب مثل المجنون ردت احجي نتر..

عذاب- گعدي

گعدت لازمه ايديهن وگلبي ينبض بخوف للحظة حَـسيته راح يطلع من صَدري! رفعت عيني ؏ صوت اقدامها وهي تنزل! ابتسمت بوسط خوفي قوتها وهي واگفة بصلابة نظراتها الحادة اله صح خايفة بس خايفة علينا مو ؏ نفسها..

اتسعت عيوني من شفت بيدها سلاح رفعته بوجهة عذاب بدون ما تنطق شي والزلم الي وياه وجهوا سلاحهم عليها وعذاب ما نهزت شعرة من راسة!!

يباوعلها بنفس نظرات التحدي الي بعيونها عباله ما ممكن تسويها ولا حتى اني فكرت تسويها بس عكس كل توقعاتي رمت اي رمت بس السلاح فارغ!!

صرخت بصوت حَـسيت حبالي الصوتية تقطعت من سمعت صوت طلقة جايه من برة بلحظة شفت عذاب اتجه للدرج وبكل قوته شمر سارة ؏ الحايط ووكعت مغمي عليها ، شرد من السطح هو وجماعته!!

ركضنا عليها وما احس البيت غير انترس زلم لابسين كله اسود ومُقنعين واسلحتهم بيدهم! طوقوا البيت ونص صعدوا للسطح وراهم بعد ما سألونا وجاوبتهم مسرة..

دخل خالو فحطان ايده تجري دم ذب سلاحه وگعد ؏ ركباته ضام وجهة بين ايدي بتعب ركضت عليّ اشهك وابچي..

- خالووو دم دممم بيك شييي

هُمام- اششش راحت رَوح من روحي لحد ما وصلت بيج شي سارة سارة وين

انتحبت..
- شمرها ؏ الحايط وما جاي تگعد

ركض واني وراه شالها حطها بحضنه يگعد بيها بس هي فاقده تلفونه احترك من الاتصالات ، نزل واحد من فوگ وحجه..

- ما لحگنه عليهم بس طوقنا المنطقة ان شاء الله نلگاهم

صرخ بغضب وشال سارة بيده وصاح بيه..
هُمام- رنيممم جيبي خواتج ولحگيني

رحنا وراه اشر ؏ السيارة صعدت اني ودموع وره وحط سارة بحضنه ومسرة يمه بالصدر كلنا نبچي وحالتنا حالة!!

سحب التلفون وشمره عليّ ، شفته اسم عمو كليم بسرعة فتحت خط..

كليم- وينكككككككك اجيتتت لللبيتتتت ومااكووو رنيممم بيهااا شييب هُماممم لككك جاووووب

- عمو!

كليم- روحه روحه لـ عمج باباتي بناتي بيج شي سوالج شييي

- لا لا لا انيي زينه بس ضرب سارة وهسه احنه رايحين للمستشفى لان مداتگعد!!

كليم- جاي جاي اني بس خلي الخط مفتوح

- تمام

كليم- هُمام وين؟

- دايسوق بس ايده كُلهااا دممم

- متصاوب؟

- اييي

كليم- اهدي حبيبتي اشش انتِ زينة خالج وسارة هم زينين لا تبچين داتمردين رَوحـي والله

- خايفة اني

كليم- يخسه الخوف جايج اني اضمج برَوحي يا رَوحـي

سكتت اباوع ؏ سارة النايمة مثل الملاك واباوع لـ خالو وجهة صار اصفر والسيارة انملت دم! مسرة ودموع خانسات بس يشهگن بصوت ناصي مرعوبات من الي صار!

كليم- رنيمه؟

- ها

كليم- افديج برَوحـي تعرفين هذا الشي مو؟

- اي

كليم- جايج اني بناتي جايج اخخخ بويه

بچيت بتعب وخالو صف السيارة ونزل يريد يشيل سارة بس ما گدر ايده خدرت ما يگدر يحركها! طلب سدية ونزلناها انا وياه عليها ودخلوا بيها للطوارئ دفعته بتعب!!

- روح سوي ايدك عالجها

هُمام- خلي يجي كليم

- لااا روح شوف وجهك صار اصفر فقدت دم هواي راح يصيرلك شيييي

هُمام- گعدن هنا هسه بسرعة ارجع!

باوعت للتلفون بعده الخط مفتوح واجاني صوته من بعيد..

كليم- رنيممه

رفعت راسي وانهاريت بالبچي لمني بحضنه بقوة حَـسيت يريد يدخلني بين ضلوعه ويحميني ، گعد بيه بالگاع لان رجلي نملن وما گدرت اوگف..

- خلص عُمرييي خووووف عموووو يمتىىى ارتاااح يمتى اخلللص من كابوووس عذاااب شنوووو يريدد منييي

كليم- اشش بناتي گلبج راح يوگف

- خلي يوگف خلي ارتااااح اريدددد باباااا اريددد اروحححححح يمههه كلها جاي تأذينيييي كلهااااا محددد احتوانييييي مننن بعدددده كلهاااا تريدددد منيييي محدددد ينطينيييي

فقدت اعصابي خايفة عليهم من عذاب اليوم سارة باجر اللهُ اعلم منو! خالو متصاوب ويمكن بيوم من الايام الاصابة ما يسلم منها!! حضني شايلني واني حَـسيت نفسي شوي شوي اغيب عن الوعي لحد ما فقدت كُلش!

بعد فترة بديت اصحى واسمع حجي يمي بس مااگدر افتح عيوني لحد ما بدت الاصوات توضح!!

هُمام- لا تقلق دوخة بسيطة لان فقدت دم هواي

كليم- اييي ارتاح واگعد كافي سارة زينه ورنيم ما بيها شي

هُمام- لو صايرلهن شي ما چنت راح اسامح نفسي

كليم- أنتَ لو اني هُمام أنتَ لو اني

ذب حسرة خالو وگال..
- حاجيت ام قسورة تجي تبقى يمهن ومسرة ودموع يرحن يرتاحن ويبقن يم الحجية

- اي هسه قسورة بالطريق جايبها

هُمام- شبيك أنتَ مو ؏ بعضك صاير شي؟

فتحت عيوني بقلق اباوعلهم گاعدين گدامي بس ما انتبهوا عليه! تحسر عمو وگال..

كليم- كسرتني اليوم بكلامها صح حقها وكُل الي صار بيها بسبب اخوي بس كلامها رش ملح ؏ جروحي

- شنو شگالت؟

رفع عينه واجت بعيني بسرعة عبست وجهي بزعل گام يضحك..

كليم- الله الله گعدت الحلوة واخيرًا

- اسفه عمو ما اتذكر شنو حجيت

تنهد ساكت وخالو اجه باس راسي..
هُمام- شلونج؟

- زينه وساࢪة؟

هُمام- ما بيها شي

- خالو بيك شي؟

نزل راسه بسرعة فزيت مرعوبة..
- ساااااࢪة وييين؟

هُمام- من الخوف اجتها نوبة صرع مرتين وتگول الدكتورة يمكن تبقى وياها مُزمنة!! ننتظر الباجر ونشوف

كليم- الدكتورة طلبت بيئة مُناسبة بعيدة عن التوتر والضغوطات النفسية واحنه تشوف من مُصيبة لـ مُصيبة شلون هالطفلة تتحسن؟

نزلت راسي بحزن ساࢪة ما تستاهل كله بسببي اني!
مرر ايده خالو ؏ راسي وگال..
هُمام- رايح اني يمها ومن تجي ام قسورة دزها هناك علمود ارجع للبيت اغير ملابسي اختنگت من ريحـة الدم!

كليم- ان شاء الله

طلع خالو ، عمو كليم گعد قريب مني ؏ الكُرسي بصف السرير منزل راسه! حسيته زعلان مني بس بنفس الوقت خايف عليَّ
زعلان ؏ طلعتي من بيته واسلوبي الحَـاد بـالرفَض وزاد زعله بسبب انهياري ونطقي بـذاك الكلام بدون وعيّ مني !!

بـحياء مديت ايدي ولزمت ايده
رفـع راسه مذهول ..! تجاهلت الأمر
حجـيت احاول اوضح نفسي
!!

- اني اسفة !! رغم مو قصدي كلامـي وطلع مني بساعة انهيار وضغط نفسي اني اسفة

ابتسم منزل راسه..
كليم- بـعلم النفس يگولون انُ الانسان عندما ينهار او يغضـب كُل ما يتفوه بهِ حقيقة كبتها لـ زمن طـويل !!

- بس اني ما جان قصدي

كليم- صح جرحني الكلام بس هاي الحقيقة

- اي حقيقة! عمو فدوة لا تگول هيج!

كليم- تأذيتي من الكُل صح محد احتواج صح وكلها تطلب منج محد انطاج

- وأنتَ؟

- شبيـه اني؟

- انتَ شافيتني من أذوني واحتويتني من طردوني انطيتني من نبذوني! انكُر الكُل وما انكُر وجودك وافعالك ويايه عمو اني مو ناكرة جميل حتى انكُر افضالك عليَّ انتَ الانسان الوحيد الي سندني من وكعت صح من فترة چنت ضانه بيك ضن سوء بس هسه كُل الحقيقة گدام عيني

ضحك بخفة يباوعلي بحنان ، رفعت ايده وبستها
فاجئني من اخذ ايدي هم باسها..

كليم- اسألج وتجاوبيني بصراحَـة!؟

نسيت طلعتي من البيت وبغباء
هـزيت راسي بـ اي ..

كليم- ليش ردتي تبقين بـبيت هُمام؟

بهَـتت مو عارفه اجاوب !! سمعت صوت گلبي وهو يدك من كمية التوتر
نزلت راسي اتلافى نظراته اليَّ ، جمدت الحروف بين شفايفي من گال..

- طفلتي كـبرت وصَـار نومها خَفيف!! گدرت تكشف سُري بس ما كشفت الاسباب وراه ولا اني اكتشفت تغيرها

- عمو!!!

- بوضعي هذا لازم اكره نطقج لهاي الكلمة

- كافيييي

- بس اني حابها حاب كُل منطوقاتج و...

- كاففي لا تخليني اكرهك !!

كليم- ومشاعري رنيمه؟

- ادفنها اذا اضطر الامر بس لا تنطقها اكرهك والله اكرهك

- تقصدين ادفن نفسي وياها لان ما جاي اعرف اعيش

حطيت ايدي ؏ أذناتي وصرخت..
- لااااا تگولهاااا اطللللع

اخذ ايدي ثنينهن لازمهن بأيد وحدة
بيده الثانية لزم فكي رافع راسي
ابتسم وبلطف مسح ؏ خدي المُبلل بدموعي !!

بجرأة لاول مرة نزلت نظراته ؏ شفايفي لجُزء من الثانية ورجع رفعهن لـ عيوني
همس بنبرة مُختلفة هادئة وعميقة ينطق الحروف بسلاسه وبطئ حتى استوعبها ..

كليم- تـعرفيـن نــزار قبــاني شـنو گــال ؟!

ما تجرأت حتى ارمـش من قُربه الغريب
جرأته بشكل مُختلف ويايه
كلامه بصيغة حُب لاول مرة اشوفه ، وبالاخص
نظراته الغير شُڪل !!

كُل هذول الاشياء خلني اعاينله
بدون حركة ..
ابتسم مُسترسل !

كليم- ولأن الاعتـرافِ بالـحُبِ فضيـلة
مَـن بيـنِ كُل نـساء الأرض احببتُكِ ...!

فتحت عيوني ما مستوعبة كلامة!! نترت ايدي منه
دفعته من صَـدره بس ما تحرك ..

- تخبلتت أنتَ !!

ابتسم وما جاوبني رجع دفعته وصحت..
-وخررر امشيي اطلععع بررره ليشش تخلينيي اتجاوز عليككك

كليم- وتگدرين؟ ينطيج گلبج تتجاوزين عليَّ؟!

نزلت راسي بخجل !.. شهگت ونفيت بـ لا رجعت باوعتله..

- شلون تجرأت تحط عينك ؏ طفلة!! كلام عمو عليم طلع صححح من هذاك الوقت وأنتَ بتفكيرك المُقرف هذاا

اكو مثل الكنتور خانة وحدة بالغرفة راح طلع منها علاگه واجه حطها گدامي وگال ..

كليم- راح تتندمين بسبب هذا كلامج

- تهددددني أنتَ !!!

ضحك وگال..
كليم- اخسه اني ورجولتي لو بكلامي ذرة تهديد ما اعرف عقلج وين بابا حتى تفرين كل كلامي واترجمينة بالطريقة الي انتِ تردينها؟!

- ليش شنو ممكن افهم من كلامك وانتَ تگلي راح تتندمين

- تفهمين انُ من راح اكشفلج الحقيقة ويطلع كل ضنج بيه سوء راح ياكلج الندم واني ما احب بنيتي تتأذه

ضحكت هازه ايدي..
- خليت بيها بنتك بعد هذا كلامك

ضحك وگال..
- يلـه لبسي عبايتج علمود نرجع للبيت

- اريد ابقى يم سارة

- ام قسورة يمها وأنتِ مريضة ولازم ترتاحين يلـه بابا مو حلو العناد

تقرب سحب العباية بعد الغطى عني ونزل رجلي
صافنة ؏ حركته الهادئة !!..
دمعت عيني من نزل لبسني الجواريب
وهو ثاني رُكبته!
بعدين رفع نفسه دخل ايدي بـ اردن العباية
وصار يغلق الازرار ..

رفع عينه مبتسم بهدوء..
- شالج عدلي الذهب طالع

مديت ايدي دخلت شعري وباوعتله بزعل..
- وهسه؟

مد ايده وسواه هو وگال..
- كلشي يهون إلا زعلج لا تمردين گلبي بنظراتج هاي

- انتَ الـسبب گتلك راح اكرهك

- يعني تكرهني؟

احبه بَـس يمه اكو امان! لكن كلامه قبل شوي
قهرني لذلك گتله بدون ما افكر بنتيجة الي
راح يطلع مني!!

- اكرهك وما طايقة اشوف وجهك أنتَ اكثر انسان مُقرف شفته بحياتي وما راح اسامحك ؏ الشعُور الي عيشتنياه

عيوني تتوزع ؏ كامل وجهي بحزن حتى ابتسامة التسليك الي جان راسمها ؏ وجهة قبل شوي اختفت رفع ايده مسح ؏ صدره غمض عيونه وگال بصوت يرجف..

كليم- يلـه بابا نروح

طلعنا للبيت وطول الطريق هو وجهة احمر وعنده شرايين برقبته من گد الغضب واضحات بشكل يخوف! تندمت متت من الندم ؏ كلامي..

بچيث بقلة حيلـة!
- اني اسفة بس والله أنتَ جبرتني

كليم- تمونين

- عمو والله اسفة كل كلامي مو صح

ضحك وعرفته ؏ شنو وتذكرت من گال
"بـعلم النفس يگولون انُ الانسان عندما ينهار او يغضـب كُل ما يتفوه بهِ حقيقة كبتها لـ زمن طـويل"

عرفته ما مقتنع وبعده ضايج!! صف السيارة گدام البيت ، نزلنا بسرعة فتح الباب بالقفل ودخلنا جوه هو گبل دخل الغرفته بدون ما يحجي ويايه وسمعت صوت القفل!!

دخلت لغرفة البنات شفتهن نايمات ، رحت دحست نفسي بنصهن ونمت من التعب ما حَـسيت ؏ نفسي!

فزيت ؏ الباب يندك اباوع للساعة بـ تسعة بالليل
اخذت شالي حطيته ؏ راسي وفتحت الباب ، بسرعة نزل راسه وگال..

كليم- گعدي خواتج ونزلن اكلن

بدون ما يسمع جوابي دار ظهره وراح لغرفته وسدها بقيت صافنة بقهر
وكعت بمُصيبة الها اول ما الها اخر!!

گعدتهن وتفاجئت من لگيت كلشي جاهز ؏ الطاولة وحتى الچاي حار البُخار يطلع منه! والاكل اشكال انواع نحتار بشنو نبدي ، بس ما گدرت اكل خصوصًا هو وبنته فوك ما اعرف ماكلين او لا؟!

چبت صينية وصرت احط بيها اكل..

دموع- المن هاي؟

- رايحة يم عمو اكل وخطية ريم خاف جوعانه انتن اكلن وعزلن المكان وراجن عيب

مسرة- ماشي

صعدت بصعوبة اخاف توكع وصارت تهتز بيدي وگفت گدام غرفته بخجل !!.. يـا اللّٰه ساعدني ونورلي الطريق الصَـح تعبانة وما عندي غيرة لا تحرمني منه لا تخلي ينجح بزرع كرهي اله بگلبي!

توكلت ؏ ربي وحطيت طرف الصينية ؏ مقبض الباب ودگيته وبسرعة رجعت لازمتها خاف توكع!!

فتح الباب موسع عيونه نزل نظره للصينية وابتسم مبتعد ومسويلي طريق ادخل
حطيتها ؏ الارض وفتحت ايدي لـ ريم ، عافت خيمتها واجتني تركض حاضنتني!

ريم- وين غحتي اشتاقيتلج

- اني هم اشتاقيتلج هوااااي واجيت ناكل سوه

رفعت نفسها وباستني بخدي..
ريم- انام بغغفتج اليوم

- ههههه تنورين غرفتي

رفعت راسي اله يباوعلنا بحُب..
- تعشيت؟

كليم- لا

- ناكل سوه؟

- اكيد بابا اني ما نزلت خفت اضايقج گلت من تخلصن ننزل جوه اني وريم

هزيت راسي بـ اي وحطيت ريم بحضني وهو گدامي اوكل بريم وهو كل شوي مادلي ايده مسويلي لفه ويگول..

كليم- توكلينها وتنسين نفسج انتبهي لصحتج ضعفتي هاي الايام

انزل راسي بخجل واخذها لحد ما خلصنا ردت اخذها انزلها..

كليم- بعد ممنوع تشيلين شي ثگيل مو زين صيحيلي اني مفهوم؟

- ليش؟

كليم- مو زين الثگل بابا والمُصيبة صاعدتلي درج بيها

- شنو حـيصير مثلًا؟

هرب عيونه وجاوب..
كليم- من تجي ام قسورة سأليها مو صحيح اني اجاوبج

عـرفت الاجابة مُحرجة لذلك گال هيج!
راح نزلها واني اخذت ريم غسلتلها وغسلت
ورجعت لغرفة ابوها توني اريد انزل وصعد هو
ابتسم وگال..

كليم- عندي شي الج تعالي اخذي

صَـح ضايجة من كلامة بس اني ؏ ثقة تامة بي انُ ما راح يأذيني ويضرني بشي !!
اتبعته لـ غرفته راحت عيني ؏ بنته تلعب بالخيمة مالتها والعابها حوليها..

راح للكنتور سحب شي من جوه ملابسه وتقدم
مد ايده مبتسم واني اتسعت عيوني بفرح
اخذت الدفتر اگلب بي بسعادة متناسية وجودة!
دفتري الي چنت اكتب كُل نصايحة وادعيته بي علمود لا انسى ..

- عــمووو!

كليم- هههه ها بابا

- كُلش شُكرًا من دورت غراضي ما لگيته بالغرفة وفكرته ضايع ونسيت اسألك!!!

- ضامه عندي

رفعت عيوني اله !! چانت نظراته غريبة
مو ڪ اب اگدر افرق بين نظرة الحُب
ونظرة الاب لـ بنته .. اختفت ابتسامتي
توترت وصحت متجاهلته..

- ريم تجين يمي؟

ريم- يثثث

اجت تركض حاضنه لعابتها لزمت ايدي
درت ظهري ومشيت بدون ما اضيف شي..

نمت بصفها وحطيتها بحضني لحد ما غفت
شگد حلوة !! امها شلون انطاها گلبها تتركها !!..
طفلة لا وبهاي البراءة والجمال..

سحبت تلفوني واتصلت ؏ خالو بسرعة جاوب!!
هُمام- ها بابا؟

- سارة شلونها؟ گعدت؟

- الحمد لله گعدت اكلت ونامت باجر نطلع وتشوفينها

شهگت حاطه ايدي ؏ حلگي خاف تفز ريم
حَـسيت بي يتحرك شوي وگال..

هُمام- اكو احد مضوجج؟

- لااا خالو سارة بسببي بالمُستشفى

- قضاء وقدر هذا بنتي وبعدين لو هي بمكانج أنتِ ما راح ادافعين عنها؟

- بلي افديها بروحي

- شفتي !! لعد لا تبقين تفكرين الحمد لله انتِ وياهن زينات وگدرنا نجيكم وان شاء الله هذا الموقف ما راح يتكرر وراح ناخذ احتياطاتنا بكثافة منا وجاي وعد

- خالو!

- يا رَوح خالج اسمعج گولي

- خايفة عادي تبقى ويايه بالخط لحد ما انام؟

سكت شوي مثل الي يفكر !!
بعدين گال..
- كليم موجود؟

- اي

- ماشي يلا تمددي زين وراح اقرالج ايات بين ما تغفين

تمددت مخليه التلفون ؏ أذني وهو صار يقرأ بصوت هادئ الي لحد ما حَـسيت نفسي انام واني بهذا الوضع وحاضنه ريم ؏ صدري!..

..

وتستمر الحكاية.. 🚬♣

قناة التلي zainab_salah0