رواية دروب الإِندِثـار الفصل الثامن والثلاثون 38 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 34 ♡♡

لا تنسون التصويت + متابعة للحساب + التعليق بين الفقرات ☘️

اليحَبك مِن صدك
ما يِمشي ويخَليك يضل
يَمك لحد ما تخِلص
سنينه
اليحَبك مِن صدك
مايحب غيرك ناس بَس
انتَ العزيز
يشُوفك بعَينه .
‏
•••••••••••••••••••••••••••♕•

رجلي تهتز شگد حاولت اسيطر على رجفة جسمي بَـس ما دا اگدر
مَن گال الدكتور ذبحة صدرية ومَن اللحظة الدخلت بيها لغُرفة العمليات اني أحَس بروحي مو يمي

وهُمام؟ هُمام وترني اكثر مَن صار يتصل على كليم وما يجاوبه ويتصل على اصدقائه بالمركز وهمات ماكو جواب
ضرب الحايط متنرفز

- محد يجاوب سارة خبلونيييي

- خاف كلام رنيم صح؟!!

صفن بوجهي قلقان
هُمام- اخ لو ما رنيم مربطة رجلي وأيدي اخخ

گعد وحضني الصدره واني بَـس جسمي يرجف حتى دموعي جفت بعيوني رافضه تنزل الصار فوك طاقتي
اختي حَتروح مَن بين أيدي واني لا حولة ولا قوة ، يمكن ساعة وطلع الدكتور بلغنة صحتها زينة بَـس على الاقل لازم تبقى تحت المُراقبة تلث اربع ايام يلـه نطلعها

نقلوها لغُرفة وهي تون مَن البنج وما بلسانها غير اسم كليم
باوعت لـ هُمام الوضعه ما چان احسن مني

- رنيم اذا گعدت وما شافت كليم او سمعت صوته تموت صدگني

هُمام- ولا گ* يجاوب واني ما اگدر اتركچن وحدچن واروح

- الله يخليك هُمام شوف حل خايفة على اختي اذا صارلها شي اموت

هُمام- اش لا تحجين هيچ ابقي هنا اني بالباب خلي اجرب اتصل واشوف

بقيت يمها وهوَ اصلًا غير مُرافق واحد ما يقبلون علمود صحتها

رنيم- بابا كليم

بست راسها واعرف ما تسمعني
- هسه يجي امي ما بي شي ان شاء الله

طلعت مو گادره ابقى گاعده وساكته وهوَ چان يحجي بالتلفون معصب
واسمع اسم قسورة صرت احترگ على نار هادئه اريد اعرف الرجال شبي ، سده متنرفز يباوعلي

هُمام- قبل نُص ساعة كليم طالع منا للبيت ودا اتصل ما يجاوب

- شيسوي هنا؟

فرك وجهة تعبان
- العار مفجر سيارته ولايحته اصابة خفيفة بأيده

- يعني ما بي شي؟

- لا اصابة خفيفة بَـس يمكن العار مصور وداز لـ رنيم ومخبلها يگللها مات
استغفرالله شلون وصل للرقم بَـس لو اعرف

- عصابة هذول هاي الاشياء لعب اطفال بالنسبة الهُم

اجه قسورة مَن بعَيد يركض
قسورة- شلونها رنيم؟

- بعدها ما گعدت

قسورة- امي مبلغة خالي وتگول طلع مَن البيت طاير اكيـ...

كليم- هُمااااااام

درنا نباوعله يركض فحطان حضنه هُمام بخوف وهوَ يحجي متوتر
كليم- رنيم وين؟ شلونها؟ جاوبني برحمة العزاز

هُمام- زينه والله طلعوها والعملية نجحت

بهَت يباوعله
كليم- عملية؟

هُمام- ذبحة صدرية

اختل توازنه بسُرعة سندوا هُمام وقسورة وگعدوا على الكراسي وهوَ حط راسه بين أيدي
كليم- منين اتلگاها بَـس گُلي بنتي بين ايدي يلوعني بيها صارله اسبوع وهاي بنُص بيتي وما سالمة مَن شره لك هُمام شلون احميها مو حتى قوة ما عندي والله خلصت والصبر فاض

هُمام- يجي يوم ونلوي ذراعة بَـس صبر اذا ما خليت حتى كُفار قُريش يبچون عليّ دم ما اطلع اني ابو الهَمم

- ابو ريم لو تدخل يمها مو افضل اذا گعدت وشافتك

كليم- اي اي رايح

عافنا ودخل وهُمام بَـس أمن على رنيم بوجود كليم وقسورة يمي ترخص وراح ما اعرف وين بَـس الغضب البين عيونه قلقني عليّ هوَ مو لشي
ㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••

رنيـم•

فتحت عيوني على وجع فضيع وأحَس حَ اتقيء رَوحـي مَن كمية الوجع
بَـس طغى وجع رَوحـي على جسمي مُجرد تذكرت الشفته فتحت عيوني وشهگت بَـس كُلشي توقف مَن شفته گاعد گدامي يبوس بأيدي

- كليمي؟

- روحـه وراحتـه

- هاي حقيقة لو احنه ميتين؟

كليم- وسفه يلوحچ الموت واني اشتم الهوى

غمضت عيوني وهزيت راسي احاول اطرد مشهد الانفجار مَن راسي
- شفتك !! شفت السيارة وهي تنفجر وأنتَ چنت موجود

تقرب باس خدي وسنَد جبينه على جبيني
كليم- صح بَـس ما بيه شي والفخخ السيارة نلزم لا تخافين

- گُتلك اني نحس حَتموت بسببي الله يخليك كليم ابتعد عني اذا صارلك شي ما حَ أسامح نفسي

كليم- اني قوي بوجودچ يمي شلون تردين تعوفيني وتسلبين قواي تردين تشمتين عدوي بضُعفي

- واذا صارلك شي؟

- منچ؟ اذا كان سبب موتي منچ محلاه يابه بَـس لا تفكرين هيچ كُل انسان وعمره محد يعيش زايد ولا ناقص عُمر

- الموت اهون عليّ مَن أذيتك

رفعت أيدي بصعوبة امسح على خده ورَوحـي تعالج مَن الوجع اليّ بصدري واسترسلت بعَد ما هوَ ميل راسه مثل الطفل على أيدي

- الكون بكفة وأنتَ بكفة عزيز عيوني

- هسه شرط ابوسهن واني ممنون

دنك باس عيوني مثل عادته الما يگدر يتركها وعودني عليها
صرت اذا ما يبوس عيوني أحَس بشي غريب ، ابتعد بَـس مو مسافة كبيرة بحِيث صرنا نتشارك نفس الأنفاس حرك أنفه على أنفي وهمس يجر الكلمة جر بصوت اخذ عقلي

كليم- احـــبــــــچ شـريكــة الـــرَوح

چنت اريد اجاوبه اريد أگُله رنيم هايمة بيك وعيونها ما تشوف غيرك
بَـس سد المسافة بيناتنا مَن قرر يعيشني شعور غريب للمرة الثانية وهوَ يغلف شفايفي بشفايفه بهدوء يبوسني وكأنو دا يعامل فراشه ويخاف يجرحها اذا عاملها بقساوة

ووراها چان انهياره يوجع الگلب
ابتعَد دافن راسه برقبتي وصار يناشغ ويبچي مهَدود حيله وهَد حيلي !! ما يقبل يرفع راسه واستمر الوضع وما توقف عن البچي وهوَ يگول بلوعه

كليم- راح اموت رنيمه لچ بابا رَوحـي دا تلوب على بنتي أريد ابوسها واشمها أريد احضنها وادخلها بين ضلوعي اخ يا رَوح ابوچ شنو وضعچ وشعورچ هسه

- كليم باوعلي

- هم بچت وصرخت بابا وما لگتني هم نجرحت وتأذت ومحد عالجها اويلي عليك كليم اويلي

- الله عليك باوعلي لا تسوي هيچ لا تضعف فدوة قوتنا كلها مسنوده عليك اذا نهزيت كلنا نوگع

- انتهيت بعَد بنتي اذا صارلها شي ما أسامح نفسي لا بالله حرام اعيش

كلماته هزتني هز ، معناها حتى اني ما حَيسامحني لو صار لـ ريم شي لا سامح الله ؟!!
مَن حَس بهدوئي ابتعد عيونه حُمر ومليانه دموع

- وعد بنتك حَترجعلك ما بيها خدش واحد

- ترجع مو ارجعها مثل ما رجعتچ

- اكيد بابا اكيد وهالمرة ما يطول ثمان سنوات حَترجعلك بأسرع وقت

نهض مبتعد يمسح بوجهة واني الوب مَن الوجع الصار يدگ بالعظم
اخذ أيدي باسهن حاس بوجعي وگال

كليم- لازم اروح ما اگدر ابقى بَـس حطيت شرطيين بره وسارة موجودة وحتى قسورة حَ اخلي هنا للاحتياط علمود أأمن عليچ وهسه تجي المُمرضة تنطيچ مُهدئات لان دا تتوجعين

- احضني قبل لا تروح

ابتسم رغم الحزن الطاغي على ملامح وجهة وتقرب
اخذني بخضنه يطبع بوساته على
خصلات شعري ويشمني بقوة واني
متمسكة بيّ بقوة لان اعرف مُمكن
يكون الوداع !!

اعرف الخطوة الحَ اخطيها خطرة
بَـس كُله فدوة لـ كليمي
اذا تصرف عذاب قبل لا يرجع مرة
ثانية حَيكون هذا اخر لقاء
ومع الاسف اخر حُضن أمان أحَس بيّ
بوجوده

ابتعد وضحك بتعب
- شنو الموضوع دا تودعيني؟ راجعلچ باچر هم اشوفچ ويمكن بالليل هم اجي اطمئن عليچ

- اعرف ما حَتعوفني أبد دير بالك على نفسك كليمي

- يغديلچ تراب كليمچ

باس جبيني وگام يمشي وكُل شوي داير
يباوعلي ويرجع يمشي خطوتين
يوگف متنهد ويباوعلي كأنو گلبه
حَس حَيصير شي

كليم- ما مرتاح

- كُلشي حَيكون بخير

- گلبي ناغزني ، حَ أكثر الحراسة

ابتسمتله بدون ما اجاوب وهوَ طلع
بعَد ما اخذله نظرة مطولة عليَّ
جريت نفَس وفتحت عيوني بقوة
ما اريد دموعي تنزل !! چان لازم
اخذ هيچ قرار اعرف حَيتعذب مَن
بعدي
بَـس اهون مَن ما يلومني اذا صار
لبنته شي لان بوقته حَ اتمنى الموت

دخلت سارة ووياها قسورة تحمدولي بالسلامة وسارة صارت تبوس بوجهي وتبچي مفرفحه

- أمي اني بخير

سارة- الف الحمد لله

قسورة- يلـه نروح

- وين؟

سارة- اكو شرطة بالباب لا تخافين واني شي ساعة بَـس اجيبلچ احتياجاتچ واطمئن على البنات وارجع

- تمام

طلع قسورة تاركنه وحدنا
اخذت ايدها بستها

- بعدچ زعلانه مني؟

سارة- زعلانه مَن نفسي لان تركتچ تعانين وحدچ وما سندتچ

- حقچ ، سـاࢪة؟

- عيونها

- تعرفين رب العالمين دزچ نعمة النا؟ اني ما أحسچ اختي اشوفچ أمي وما حسيت بـ شعور اليتم لان أنتِ عوضتيني عن امي وكليم عن بابا

- واني رب العالمين رزقني بيچن علمود لا أحَس بفقدان شعور الامومة لان أنتِ ومسرة ودموع بناتي

ابتسمت
- احبچ هواية

- ههههه أمي أنتِ يله اروح ومَن ارجع نكمل

راحت وما چانت تعرف ماكو رجعة
ولو تعرف تربط روحها بروحي وما
تعوفني !!
طلعوا تاركيني وحَدي صافنة بالسقف
يمكن رُبع ساعة او نُص ساعة وانفتح الباب
انرسمت ابتسامة قهر على شفايفي

لان مثلما اعرف نفسي چنت اعرف
عذاب مُستحيل يفوت هيچ فرصة
وچنت اعرف حَـيجي ومثل ما توقعت
اجه !!

- اجيت

ضحك وسحب كرسي گاعد گدامي بكُل أريحية
عذاب- مشتاقتلي مو؟

- تشتاقلك جهنم يا عار

- اه؟ ليش حبيبتي

- حبتك حية ريم وين رجع الطفلة الابوها

- اذا هوَ ما مهتم لأمر بنته اني مو ذنبي لان سبق واتصلت عليّ وگتله بنتك مُقابل رنيم ورفض

شعور حلو غلف گلبي وما گدرت امنع ابتسامتي
لعد شگد يحبني وصُبر على فراق بنته بَـس ما رجعني لـ عذاب

عذاب- مشتاق لضحكتچ رنيمي

- رجع ريم

- والمُقابل؟

باوعتله وعيوني امتلت دموع واعرف المُقابل
واحد وماكو غيره
- اجي ويـاك

- متفقين

- بَـس شنو اليثبت حَترجع الطفلة سالمة وما تنقض الاتفاق؟

عذاب- اني اريدچ وحصلتچ بعَد مو مهمة لا الطفلة ولا غيرها واذا تحبين اخذچ تشوفين واني احطها بـ باب البيت

- اشوفها اريد

- انتظري تالا تجي تساعدچ

- والشرطة؟

- حليت الموضوع

عافني وطلع وبسُرعة دخلت تالا بچيت
وهي حضنتني مقهورة على حالتي !!

- تالا فدوة تعرفين مكان ريم ساعديني الله يخليچ اذا رجعت ويا عذاب يموتني

تالا- كُلشي ما اعرف بعدين رنيم ليش ما دا تجربين تحبينه؟

ضربت خدودي وهمست
- متزوجة اني تالا متزوجة

فتحت عيونها مصدومة
- والباشا عذاب يعرف؟

- لا ما اعتقد ولو عرف ما اتخيل شنو مُمكن يسوي ويا خوفي يأذي زوجييي

توترت تمسح وجهة
- الاتفاق شنو؟ والطفلة بنت منو؟

- بنت زوجي والاتفاق اني بدالها

تالا- أياچ تخلينه يعرف متزوجة قبل لا يرجع الطفلة لان مُمكن يأذي بيها علمود يطلگچ او يأذي لان تزوجج هذا الاگدر اساعدچ بيّ اني هم لا حولة ولا قوة

- عندچ تلفون

- لا اخذه مني گومي اساعدچ بسُرعة

شهگت ابجي بوجع روحي وجسمي يونن عليَّ
شلون اذا عرف؟
شنو ردة فعله باليّ حَيصير ؟!!

خلصنا وهوَ دخل شهگت ابچي متوسله
- الله يخليك عوفني بحالي

عذاب- امم ماشي يله تالا امشي نروح

صرخت وراه
- وريم !!

- تنسونها

ميلت راسي تعبانه بسُرعة اجت تالا وسندتني وهوَ رغم شگد اكرهه وما اطيقة بَـس شفت قلق بعيونه
- حَ اجي وياك بَـس اشوف بعيني رجعت ريم

اشر على عيونه
- مَن عيوني

مَن طلعنا مَن الغُرفة استغربت الطابق فراغ وماكو اي أثر لـشخص !! لا الشرطة ولا الدكاتره ولا حتى المُرضى فارغ تمامًا
اخذنا مَن غير طريق وطلعنا مَن غير باب وماخذ كُل احتياطاته واني جسمي كُله يرجف مثل السعفة
شگد تمنيت ودعيت يلحگني خالو وكليم بَـس چانت امنية ومو كُل الاماني تتحقق

حراسته مثل الكلاب حاوطونا من طلعنا
بَـس دخلنا للسيارة دارت عليّ تالا
- نزعي الحلقة لا يشوفها رنيم

- ما

- اذا شافها ما يرجع الطفلة وتضحيتچ تروح بالهوى

بچيت ونزلت راسي بَـس سبحان الله حتى الحلقة ما قبلت تطلع
بچيت واهز براسي وهي ميته خوف

- ما دا تنزع !!

- انطيني أيدچ

اخذتها تحاول تسحبها واني عيني عليّ يأشر بغضب ويحجي بَـس شفته تحرك جاي للسيارة سحبت أيدي
وهي قبل لا ترجع لمكانها گالت محذرتني

تالا- حاولي لا تخلينا يشوفها ومَن نوصل غسلي بصابون بلكي تطلع

دارت وهوَ صعد بصفي بسُرعة لزكت نفسي بالباب اناشغ وصعد بمكان السايق واحد شاب مبين مو كبير بالعمر كُلش
تقريبًا مُنتصف العشرينات

عذاب- كافي بچي

- معليك بيّ عذاب معليك ويلـه دا اريد اشوف ريم اوفي بوعدك لا تصير غدار

عذاب- شصار على موضوعنا جراح؟

جراح- اخذوها لـ اهلها بالطريق

عذاب- روح گدام البيت بمسافة

جراح- باشا خطر عليك !!

عذاب- سوي الگتلك عليّ

هز راسه "جراح" واستمر بالقيادة واني عيوني گد ما بچيت صارن جمر
اباوع للشارع؟ هذا شارعنا !!.. باوعتله ورجعت اتابع الطريق لحد ما نبض گلبي واني اشوف شارعنا والبيت

- شدا نسوي هنا؟

عذاب- باوعي لهذيچ السيارة

باوعت وين يأشر وفرفح گلبي مَن نزلت منها مرة تتلفت وبحضنها ريم لزگت نفسي بالجام شاهگه بوجع واني اشوفها حطتها بالباب ودگته بقوة وبعدها ركضت ركبت بالسيارة وطاروا مبتعدين مخلفين وراهُم بَـس التراب

ضليت اتأمل يطلعون ورَوحي تفرفح لحد
ما نفتح الباب وطلت مَن عنده عمة
اشوفها ضمت ريم بحضنها تصرخ وتفرفح

- ريم بيها شي؟

- خدش ما بيها بَـس نايمة

غمضت عيوني ورجعت فتحتهُم حاطه
أيدي على گلبي اليوجعني
ورجعت اتأمل عائلتي لاخر مرة وهُما متجمعين على ريم
بحِيث ايهم تلفونه بيده ولازم ايدها يبوس بيها بحُب اعتقد چان يتصل على كليم !!

- حرك جراح

باوعتله اتوسله
- اريد اهلي افهمني الله يخليك ما اريدك اني اريدهُم

- بَـس عذاب يريدچ وما يريد غيرچ مَن الدنيا

- ابوس ايدك اعتقني شتريد منييي

- اريدچ

- الله ياخذك ويخلصني منك يا حقيييير يا نذلللل دمرررت حيااااتي كُل ما افررررح تسلبببب فرحتي

- اهدي أنتِ مريضة

- كليم ما حَيعوفني وبَـس توگع بيده حَيموتك يا عار

رفع ايده ورجع نزلها
- لا تستفزيني گلت مريضة اهدي

- واذا استفزيتك شتسوي؟ تضرب؟

- اكسر راسچ بَـس مستعطفچ حاليًا لان مريضة وإلا چنت متوعدلچ بعقاب

- لا تخليني اسبك أنتَ وعقابك هسه !! عايش اللحظة ما يعرف لو يصير الهوى ما اشمه

خزرني وبقى ساكت بَـس عيونه مثبتهن عليَّ بطريقة وترتني تقرب مفززني ورفع أيده تحت صدمتي محاول يلزم خدي بَـس نترت

- لا تلمسنننني

عذاب- امم متغيرة رنيمي قويانه !! وبعيونچ لمعة غريبة شنو فاتني يا تُرى

اخذ صدري يصعد وينزل سريع وانفاسي اضطربت لدرجة حسيت بدمعتي تتأرجع على حواف عيوني بَـس للحظة اتذكرت كلام خالو بأول يوم رجعت لـ بيت كليم مَن گتلهُم خايفة وجاوبني
"هاي الكلمـة ممنوع تمر بمنطوقِــج بظهرج زلم بابا تكسر اكبر راس يفكر يندك بيج"

رغُم وحدتي بأيدين وحَش ورغُم خوفي جاوبته وعيني بعينه
- لان ورايه زلم حَتكسُر ظهرك

- هههه نفسهُم الاخذتچ منهُم؟!!

- ونفسهُم التهرب منهُم وتتختل بالجحور مثل الجريذي يا عار

صرخت حاطه أيدي على خدي مَن رفع أيده وهبط بقوة على وجهي وصاح يرجف بغضب
- بسيطة اعيد تربيتچ بَـس تتحسنين وا...

رفع عيني اباوعله بقلق مَن قطع كلامه ونظراته تركزت على
أيدي الحاطتها على خدي بسُرعة سحبتها ضامتها بحُضني ومتت مَن الخوف مَن نطق بهمس مصدوم

عذاب- هاي.. هاي حلقة؟!

اريد انهزم اريد اختل بحُضن كليم اني مرعوبة منه وين اروح؟
همست وصوتي طلع يرجف غصب عني

- عذاب اني مريضة شـ....

صرخت قاطعة كلامي مَن سحبني مَن شعري الجوه الشال ونتر
- مخطوبة؟ مَن منو؟ احججييييييي

- معليكككك بحياتي عوففف دا تأذينييي

- انعل ابوچ بنت الكلللللب تضحكين عليَّ احجيييي مَن منوووو

- تروح فدوووة لـ ابوية يا قذر لا تجيب طاري على لسانككك

رَوحـي راحت وعمليتي أحَس نفتحت وهوَ مثل المخبل يهز بيَّ ويضرب نهاني بدون ما يفكر بعمليتي ووضعي شگد حاولت تالا تحجي وياه علمود يبتعد بَـس هوَ تخبل
وما بعده عني غير جُملة تالا النزلت مثل
الغضب عليها وعليَّ وزادت الطين بلّه ...

تالا- مخطوبة مَن كليم

دار عليها موسع عيونه
عذاب- چنتي تعرفين؟

باوعت لـلسائق "جراح" ورجعت تباوع لـ عذاب وگالت صوتها يرجف

تالا- اءء اي بالمُستشفى گالت

عذاب- وما بلغتيني؟

- نـ نســيت

عذاب- گعدي بمكانچ وعينچ على الطريق تالا وبَس نوصل تاخذين نصيبچ مَن العقاب

وفعلًا دارت ساكته واني ختلت بصف الباب ارجف مرعوبة وهوَ ينفخ مثل الخنزير شگد تمنيت السيارة تنقلب والله ياخذ عُمري وما نوصل لان اعرف مصيري العذاب بعَد ما عرف كليم شنو يكون اليَّ

صفت السيارة گدام بيت بعَيد حيل عن البيوت
وحولي اشجارر مثل الغابة يخوف بَـس مرتب بنفَس الوقت مو فخم مثل الچان ياخذني الهن بذيچ الفترة
نزلت تالا تركض ساعدتني وعيونها مليانات قلق !!

همستلها
- شنو مُمكن يسوي؟

تالا- كُلشي بَـس اني خايفة على زوجي

- السـايق؟

- اي جراح زوجي

صفنت واگفه مَن شفنا واگف يهز برجله
اشر على مكان گدامه وما يبعد غير خطوتين
مشينا واباوع لـ زوج تالا عيونه عليها خايف تتأذه لو عذاب يسويلها شي

صرخت رَوحـي رايحه مَن صفعني بقوة
وبنفَس اللحظة صفع تالا
ثنيناتنا وگعنا بَـس تالا زوجها ركض سندها وحطها وره ظهره اما اني وحيدة گدام هذا الوحش النزل ورجع صفعني اقوة

عذاب- تعرفين اذا ما نفكت الخطوبة موتچ على أيدي؟ مستعد اقتلچ واقتل نفسي بَـس ما تكونين اله

ضرب راسي بـ اصبع السبابه واسترسل
- يعني يا لعذاب يا للقبر

- غير اله ما اكون والموت اهون عليَّ مَن أنُ اكون لـ واحد مريض نفسي مثلك

ضحك متخبل وبدون ما يفهم وبخبال صار يضرب شگد تالا رادت تدخل بَـس زوجها چان يمنعها
واعتقد يخاف عليها تدخل وتنضرب ويايَّ وحقه لان هذا وحش كاسر اذا اني الانسانه اليّ يگول عليها احبها ما رحمني حَـيرحم تالا يا تُرى؟

شمرني على الارض جُثة وابتعد يلهث
واني صارت رَوحـي تطلع وحدها وأحَس
النفس ضاق وصدري يوجعني اباوع ولمحت دمي الصار يملي الأرض شويه شويه وبهيچ عمليتي المو صايرلها كم ساعة انفتحت بَـسبب ضرب هذا الوحش

سندت راسي على أيدي عيوني تغوش
وهوَ راح على تالا بَـس زوجها وگف سَد
عليها وهز راسه

جراح- عاقبني بمكانها ما انطيها اعذرني باشا

عذاب- تتحمل؟

جراح- كُلشي اتحمل بَـس اتركها

عذاب- روح للغرفة وجهز كُلشي وهسه اني الحگك

تالا- لا جراح فدوووة لا اني قابلة اتعاقب فدوة حبيبي لا

حاوط خدودها
جراح- اششش روحي للبيت ولا تگولين شي بعَد گُلت اش تالا اش صوتچ ما اسمعه نفذي كلامي

چان هذا اخر شي اسمعه قبل لا ادخل بنوم عميق ورُبما غيبوبة !!..
ㅤㅤㅤ
ㅤㅤㅤ
ㅤㅤㅤ
ㅤㅤㅤ
••••••••••••••••••••••••••••••

سـارة•

ودعنا البيت بعَد ما طمنتهُم على رنيم
وصحتها بعَد العملية !! ركبت ويا
قسورة وانطلقنا للمُستشفى بَـس هوَ طول
الوقت متوتر ويتحرك ما مرتاح
اخر شي صف السيـارة وباوعلي

قسورة- اگدر احجي وياچ خوية

- بخصوص شنو؟

- مسرة

خزرته ونترت
- خير؟؟؟

قسورة- بَـس سمعيني للاخير ولا تقاطعيني اترجاچ

هزيت راسي موافقة وهوَ مسح وجهة وگال
- بعَد ما عشنا يم خالي اشهد وابصم بالعشرة تربينا تربية صحيحة وخالي حيل تعب علينا ينقص بحق نفسه بَـس ولا يوم نقص علينا اي شي
لحد ما دخلت الكُلية العسكرية وبديت انحرف عن الطريق الرسمة النا خالي بين قوسين الاحترام وطريق الله سُبحانه وتعالى وبفضل رفاق السوق صرت مُدمن

فتحت عيوني وهوَ وجهة انطعن متضايق بَـس رجع يضغط على نفسه ويكمل
قسورة- بديتها بالشرب وبعدين الملاهي وختمتها بالنسوان ما اچذب عليچ ولا اخدعچ واحسن صورتي لا ما چنت يوم انهي ليلتي بدون مرة واعتقد تتذكرين من اختفيت اسبوع وسأت علاقتي بخالي لان بَـس هوَ چان يعرف وين قضيت هاي الايام وشلون كسرت وعدي اله
رجعت وعدته ورجعت خلفت لان اني مريض ومُدمن بَـس مَن يوم البدأ گلبي ينبض لمسرات رَوحـي وقسورة مو قسورة

دار وجهة يمسح عيونه واني بعدني تحت صدمتي! معقولة هذا نفسه قسورة الصُـل؟!

قسورة- صارلي شهرين اني اعالج عند دكتور اريد اتخلص مَن كُلشي يعيقني او مُمكن يأذي مسرة مني بالمُستقبل واعرف أذيتكُم بَـس ما چنت انسان صالح وعالمي قذر وشگد ما اعتذر اعرف ما مُمكن تنسون وقاحتي واسلوبي الحقير بَـس اني تغيرت وكُل انسان يستحق فرصة ثانية
سارة اني اعتبرچ ام لـ مسرة لذلك دا احجي وياچ لان اعرف وجهة نظرچ عني وما ترديني بَـس اني والله تغيرت ودا احاول اتعالج

- اني مُمكن انسى واسامح بَـس مسرة تگدر برأيك؟ مَن غير الاشوفهن بعيوني اللهُ اعلم شنو مسويلها بغيابي وكم كسرة كاسرها

نزل راسه وأكدلي هوَ مأذيها وبالفترة الماضية شفت هوَ يتقرب وهي بيها وما بيها تبتعد
رافضه العلاقة بَـس كسرت قسورة وتغيرة هز شي بداخلي

- اذا گدرت تخلي مسرة تسامحك اني موافقة بَـس ها قسورة خليها بالك اذا كسرت مسرة ما اخليك تنولها لو تنطبگ السماء على الارض ودخول الجنة اقرب منها الك

ضحك مرتاح وهز راسه
قسورة- بَـس تهدأ الاوضاع اخطبها وان شاء الله منا لمن تدخل للجامعة نتزوج وصدگيني احطها بعيوني

هزيت راسي وهوَ رجع يسوق بَـس شنو
الدم راجع لـ وجهة ...

صف السيـارة گدام المُستشفى ويا نزولنا لمحنا لـيث يتقدم بأتجاهنا
عقد حواجبه قسورة متفاجأ مَن وجوده

قسورة- شدتسوي هنا؟؟

لـيث- اجيت اشوف مرة خالي عندك اعتراض؟ واذا عندك اعتراض هم ما اهتم شنو اني وحد الك الله لـيث المُضطهد اء...

قسورة- انچب  كافي افتهمنا

- ما شاء الله لسان دلالات

قسورة- عشتي گُلتي العلى لساني

لـيث- مو اگللللك اني مُضطهد

قسورة- أنتَ مُنعلللل مو مُضطهد  ويلـه امشي گدامي وخيط حلگگ

خزرني ومشى عايفنا ونسمعا يدردم ما قابل وقسورة يضحك بَـس مَن يدور لـيث يبين مزعوج وما قابل
لان للصراحة لـيث ما ينطي وجه وبَـس ننطي يتخبل علينا وما يسكُت

صعدنا بالمصعد وهوَ ما اعرف شيسوي كُل شوي يسويله سالفة وقسورة يعيط بيّ لا يعطل المصعد بينا
قطع علينا صوت تلفون قسورة الرفعه وهبط گلبي بمكانه لان چان صوته عالي واسمعه مَن صاح وصوته يرجف

كليم- عذااااب رجع ريم ودا اتصل على الحرس ماكو احد يرد قسوووورة عذاب اخذ رنيم استعجللللللل اني جاي جاي

باوعتله ودمعتي الوگعت على خدي شرحت كُلشي
رجف گلبي قبل جسمي
وروحي ركضت قبل رجلي
بينما قسورة ولـيث شمروا كُلشي
بين ايديهُم وركضوا
خطواتي تتبعهُم ولساني يلهج
بالدُعاء بَـس كون نلحگ عليها !! 

وگفت باهته واني اشوف الطابق البيّ رنيم فارغ لا مريض ولا دكتور ولا حتى مدني !!
قسورة طلع سلاحه ودفع لـيث

قسورة- ديربالك على مرة خالي هُمام لا تلحگني اذا لحگتني افرغ الشاجور براسك

عافنا ودخل لغرفة رنيم بهدوء واني رجلي ماتن وگعدت بمكاني عيوني تصب والشهگه تجرح رَوحي
راحت وخاطرها مكسور مني راحت واني مزعلتها؟ مُجرد الفكرة تخليني الوب

طلع قسورة وجهة مطعون واول شي رفعه التلفون وگال جُملة
كانت كفيلة توجع گلبي وتلوع روحي

قسورة- ما لحگتها ماخذها

گعد بمكانه صافن واني اي ردة فعل ما انطيت بعدني ما متخطية الصدمة !!
بلعت ريگ واني اشوفه ضرب الاقدام على طول الرواق رفعت راسي وعيوني تعلگت بمظهر كليم الچان يفطر الگلب

ملابسه مبهذله وعيونه حُمر وكُله يرجف حرفيًا !!
عافنا ودخل للغرفة مالتها وهُمام اجاني يركض اخذني بحضنه على جهة وهمات حالة مو اقل مَن حالة كليم لان صرت اسمع دگات گلبه واني سانده راسي على صدره

طلع كليم يرجف شايل بيده شالها الچان على راسها
رفعه وگال وصوته مو ثابت
كليم- ودعتني چانت تعرف ودعتني قبل لا اطلع منا اني شلون ما فهمت؟

ركضوا عليّ قسورة ولـيث مَن طگ خشمه دم وگعدوا يحاولون يوقفون النزيف

هُمام- رايح اشوف الكاميرات ولو ما اعتقد نحصل شي منهن لان هذا داهية يعرف يلعبها بَـس وحق حيدر الكرار اخبله اذا لمس شعره مَن راسها

كليم- اخذني ويـاك

هُمام- اتأكد وارجعلك بسُرعة وين تريد اخذك بحالتك هاي؟

عافنا وراح يركض قبل لا يجاوبه كليم الچان بحالة صعبة يون واسمعه يگول
كليم- مو كفو اني بنياتي مو كفو ضعتي مَن ايدي يا روح كليم ضيعتچ مرة ثانية

قسورة- ترجع نرجعها بَـس ارحم بحالك هسه

كليم- ضاعت اني ضيعتها بسببي صار بيها هيچ

لـيث- شدخلك أنتَ خالي؟ لا تگول هيچ شد حيلك ونرجعها ان شاء الله

بقينا گاعدين تقريبًا ساعة او ساعة ونص على حالنا كليم يون عليها وايده صار ما يگدر يرفعها
والولد يحاولون يهدون بيّ واني ؟!
اني بالضيم وجع رَوحـي ما ينوصف ولمنو احجي والكُل حاير بضيمه

المكان نترس ضُباط بَـس عرفوا الخبر كلها اجت علمود كليم وهُمام
شفته يمشي محني الظهر مَن بعيد وعيونه ضايعه

كليم- بشرني برحمة العزاز !!

- الكاميرات مقفولة مَن ساعة دخولهم لحد ماطلعوا بَـس اكو كاميرا خارجية خاصة بالصيدلية دا يشوفونها بلكي تفيدنا

كليم- متأكد مَن كاميرات المستشفى؟

هُمام- صارلي فوك الساعة دققتهن بنفسي وعدتهن اكثر مَن مرة ماكو شي مهم

قسورة- خالي تلفونك !!

سحب كليم تلفونه ايده ترجف بَـس چان اللحظة الحاسمة حتى ينهار هذا الجبل القوي
بلحظة حط عينه بالتلفون وباللحظة الثانية حرفيًا بالثانية الرجال وگع التلفون مَن ايده وجسمه تشنج وايدي نعوجت ومَن صرخت قسورة عرفنا نجلط !!!

وعرفته ما ينجلط وتتأزم حالته هيچ إلا اذا الموضوع يخص رنيم
زحفت ساحبة التلفون وياريت ما سحبته ولا شفت منظر اختي وبنتي اليّ يبچي الصخر وهي على السرير والاجهزة محاوطتها وچان وجهة البريء مشوه بالكدمات مال الضرب والتعنيف نزلت عيوني المغوشة على الكتابة الجوه الصورة بَـس مو واضح

شهگت ومسحت عيوني ورجعت اركز بكلماته الكاتبهن بنذاله

عذاب"أنتَ السبب باليّ وصلته وصدگني مستعد اقتلها واقتل نفسي بدون ما يرفلي جفن اذا بقيتها على ذمتك"

..

وتستمر الحكاية.. 🚬♣

قناة التلي zainab_salah0