رواية فارسي العاشق الفصل التاسع وثلاثون 39 - بقلم بسمة البياتي

_  فارسي العاشق _
( بقلم بسمة البياتي)
_البارت الاربعون _

اليوم العرس نايمة فاصلة عن الدنيا
باليل مكدرت أنام لساعة الثالثة صباحا
عندي ارق اخير شي كمت اخذت حبة فاليوم ونمت

رؤى..ريتال ريتتتتتال رتوووووولة

ريتال.. بالكوة رفعت راسي الظاهر مفعول الحباية لهسة بيه

رؤى... يااااا هاي سسسسواية تسويها بيه اكعدج ومتجاوبين ولاتتحركين عبالي بيج شي لزمي گلبي شلون يدك سريع من الخوف والهبطة

ريتال... رجعت غمضت
رؤى روحي منا نعسانة وأريد انام

رؤى... ولج يا نوم راح تصير ساعة تسعة هسه خوات هشام يجوج علمود تروحين للصالون

نغم... هاي بعدها نايمة شنو هالكسل

رؤى... متقبل تكعد تكول نعسانة

نغم... ولج كومي مظل وقت

ريتال.. بعدت البطانية بعصبية وكمت
هسه هما مو سوو حفلة بالخطوبة ترى ماكو داعي بالعرس هم لأزم حفلة

نغم... شوفي العوبة دتتبطر هاي بدال متكيف لأن مهتمين بيها وديسولها حفلة ترفع الرأس

ريتال.. مالي خلك اناقشهن عفتهن ودخلت للحمام سبحت

من طلعت لكيت تبارك موجودة

ماما.. تعالي تريكي

ريتال.. ما اريد رايحة ابدل

ماما... مو كيفج غصبا عليج تاكلين خوما تبقين بدون ريوك

تبارك.. خالة عوفيها لان تأخرنا احنا نجيبلها اكل اهناك

ريتال... رحنا اني والبنات للصالون عصام اخو هشام هو الوصلنا

بالصالون لكيت خوات هشام وجناينهم اهناك

ام الصالون بلشت بيه
جانت تسالني شتريدين وشنو يعجبج

كتلها على ذوقج شسوين سوي

بس من لبست البدلة  ضحت ونحرجت
هوايه مكشوفة من الصدر والظهر

اني ردت بدلة محجبات بس خوات هشام مقبلن كالن محلوة بالصور وختارن هاي البدلة على ذوقهن

صح حلوة وراقية بس محبيتها

تسريحتي كانت رفع وخلتلي تاج كبير
شعري قبل العرس صبغتة اشقر ثلجي وهاي اول مرة اصبغ هيجي لون وهذا اختيار عمة داليا 
 
اني مثل اللعابة بيدهم يمشوني على مزاجهم

مكياجي سموكي

وصلني مسج من رهف
كاتبة اووووف گلبي راح يطك شلون اتحمل اليوم عرسج واني مو يمج

من فريت المسج طكيت بجي

رهف حتى بحنتي محظرت مؤمن ميقبل

شبعت بجي اخير شي ام الصالون عاطت بيه كالت راح تخربين كل شغلي

بالكوة سكتت ورجعت عدلتة الي

ميادة... هشام هو يجي ياخذج حتى تروحون تاخذون صور

ريتال... فزيت هذا بس لايريد ياخذني من الصالون للقاعة
كتلها وشنو مراح اروح البيت اهلي واشوفهم

تبارك.. هههههه لايمعودة بس تاخذون صور ويرجعج للبيت حتى من تجي الزفة رأسا نروح للقاعة

ريتال... لبست الكاب كالوا يلا اجوي الولد حتى ياخذونا

تبارك طلعت قبلنا
رجعت كالت هشام افندي يكول لفلفوها زين لان الشارع متروس ناس
البنات من سمعن هيجي مقصرن نزلن الكاب على وجهي اريد اندل دربي ما اكدر لزمت ايد نغم ومشيت
طلعنا برى الصالون اكو خمس بايات درج لازم ننزلهن
نزلت اول درجتين واني مثل العمية
دانزل الباية الثالثة من حسن حظي الجميل
سيراميك الأرضية مالت الدرج شوية مكسورة الكعب الحباب عصى بيها  جريتة قوي اريدة يطلع طار الحذاء من رجلي فقدت التوازن محسيت غير واني كاعدة كعود على الدرج

البنات  التمن عليه وحدة جابتلي تك الحذاء والبقية يريدن يكومني

اني صرت ماي من الفشلة موقف ازفت من الزفت
كمت ابجي من كل گلبي سمعت صوت هشام اجة يركض علينا

راد يكومني عطت بي وخررررر كله بسببك روح ما اريد اشوفك

البنات طاكات من الضحك اني كلما اسمع تكركرهن ابجي بالزايد

هشام... هسه بس كومي بعدين نحجي الناس بقت تتفرج

نغم رفعت شوية الكاب من عيني

كمت من مكاني اخوان هشام عصام ومازن واكفين يم السيارات وخربانين ضحك

اويلي جمالة الصالون بشارع تجاري امة محمد كلها موجودة

اريد بس اوصل للسيارة متت من الخجل

صعدت للسيارة هشام يسوق ومازن بصفة واني و رؤى و نغم ليورا

وبالسيارة الثانية باقي الينات

رؤى بعدها تضحك لوبيدي اضربها على حلكها

حجيت واني اشهك رجعوني للبيت

هشام...كولي شنو اليوجعج خوما تاذيتي ليش جاي تبجين

ريتال..مجاوبتة

مازن... ههههههههه يمعودة تكبرين وتنسين تصير باحسن العائلات

رؤى... ههههههههه حرامات ماصورتها وهي مبسطة وكاعدة على الدرج
واحلى شي من طار الحذاء هههههههههههه اويلي راح اموت

مازن.. اني من شفت الحذاء طار عبالي انتوا عدكم تقاليد وطقوس العروس من تطلع من الصالون اطير حذائها ههههههههههههه

نغم... هههههههههه يااااا كافي شبيكم

رؤى... ههههههههه ولج المنظر عشش براسي اريد انسى ما اكدر

ريتال. .. رجعوووووووني للبيت هذا العرسسسس هم ما أريدة

هشام.... ماززززن رؤؤؤؤى كافيييييي

رؤى... ههههههههه هو حتى انت جاي تضحك من جوة ليجوى وتكوللنة كافي

وصلنا الاستوديو نفسة الاخذنا بي صور الخطوبة رادوني انزل عاندت

هشام... ريتال راح نتاخر لازم الزفة تطلع من وقت لاتصيرين مثل الأطفال

ريتال.... نزلت وياهم دخلنا للأستوديو

نغم رفعت الكاب من راسي

ميادة... هههههه شوفي عيونج شلون حمر هم زين المكياج مسال

ريتال... عدلولي مكياجي رادوني انزع الكاب رجعت عاندت يمكن شلعت گلبهم بهذا اليوم

منار... حبي من منو مستحية احنا بس بنات وهشام زوجج

ريتال... اوك راح انزعة بس من هسه اكوللكم ما اريد هشام يحجي وياي ولاكلمة

هشام... هههههههه هسه اليسمعج يكول هشام هو الوكعج
مراح احجي سكتت بس رحمه الاهلج خلى هاليوم يعدي على خير

ريتال.. نزعت الكاب جنت اشوفة شلون يباوع بس ميكدر يتغزل مثل ما سوى بالخطوبة

من دناخذ صور باوعت على هشام اشكد وسيم وانيق
لابس قاط تركي لون اسود بي يلك وسترة وقميص ابيض

شعرة لحيتة وجهة كلة على بعضة يلمع

خرب لعد شبيه مجاي اكدر اتقبله ما ادري

كملنا الصور ورجعنا للبيت

كعدت شوية بعدها اجت الزفة

ودعت اهلي واخذوني للقاعة

الحفلة حلوة بس مكدرت اتونس بيها شايلة هم الهاي الليلة

خلصت الحفلة
اكثر المعازيم طلعوا من القاعة
عماتي والبنات اجوي سلموا علينا
جلبت بيد عمة داليا
همست فدوة وين كلكم رايحين وعايفيني

داليا همست باذني ولج الحفلة خلصت بعد شعدنا باقين هسه هشام ياخذج وتروحون الشقتكم

ريتال بهمس اي عادي تعالوا ويانة

داليا.. اي حتى هشام يصعد يشمر نفسة من فوك العمارة ادري شنو طفلة ونجي وياج

ريتال.. بعد بزواجي الأول مو اجيتوا وياي

داليا...خرب غيرتج نصي صوتج وبعد لاتجيبين طاري زواجج الاول
وثاني شي بهذاك زواجج جنتي صغيرة وكلشي متعرفين

ريتال.. عافوني وراحوا

طلعت ويا هشام صعدنا بالسيارة

قبل لا نطلع اجة حسام مد راسة من جام السيارة

حسام... راح نجي نوصلكم

هشام... ليش اكو احد كايلك ما اندل الطريق مشكور اخوية الغالي كلك واجب ومتقصر بس اني اكول لو تروح للبيت ترتاح اكيد تعبت اليوم

حسام... ههههههه تعبك راحة حبيبي بس اني مصر لأزم اوصلكم وادخلكم للشقة حتى اطمئن عليكم

اجة عصام وكف بصف حسام

عصام... حبيبي هشوم اليوم عشانة يمك ترى كاتلنة الجوع وابوك شلون عشى جابلكم لازم نشاركك بي

هشام غمض عيونة وحجة من بين اسنانة

عمييييي هالعشى هم ما اريده اخذوا بالعافية عليكم انتوا احد مسلطكم عليه
يابببببة تعال خلصنييييي من ولدك

ابو هشام.. ههههههه عوفوا شرايدين منه
اخذ عروستك وتوكل على الله معليك بيهم

ريتال... جنت منزلة الكاب ومدنكة راسي وضاغطة على الماسكة البيدي متوترة ما اعرف هاي الليلة شلون راح اكدر اخلصها

هشام يحجي وياي واني ما اجاوبة
مل مني وسكت

دخلنا للشقة راح هشام شغل الأضوية

هشام.. راح تبقين واكفة يم الباب فوتي
من هاي اللحظة هذا صار بيتج تصرفي براحتج وانسي الخجل

ريتال.. هزيت راسي بالموافقة
هشام كال نسيت العشى بالسيارة رايح اجيبة

شلت اطراف بدلتي بيدي ورحت للغرفة اني حافظة اماكن البيت لان قبل كم يوم اجيت ويا البنات جبت ملابسي و اغراضي رتبتهن

الشقة عبارة عن استقبال وغرفتين ومطبخ وصحيات وبلكونة بنائها جدآ مرتب وحلو

قفلت باب الغرفة حتى اغير ملابسي براحتي
نزعت الكاب وكفت كدام المرآية بطلاع الروح كدرت اشيل الطرحة والتاج

توجهت للكنتور فتحتة ظليت صافنة شلبس مستحيل اكدر البس سيت نوم
طلعت دشداشة فانيلة جوة الركبة بشوية ربع ردن

والله هذا الاكدر البسة اذا ميعجبة شسويلة

اندكت الباب
هشام كال ليش قافلة الباب

جاوبتة اريد ابدل

حاولت افتح القيطان مكدرت
والله لو اموت ما اصيحة يفتحة
عندي حافظة بيها مقص صغير، ومقراضات

اخذت المقص وكصيتة ههههههه اعرف راح نتغرم بس عادي

بدلت وفتحت الباب

كعدت افتح التسريحة صاح عليه هشام يريد منشفة
يااا هذا بس لا يريد يطلع يبدل اهنا

اخذتلة المنشفة مديت ايدي انطيتها اله ورحت للمطبخ

من سمعت خطواتة طلع اني هم رحت سبحت لان راسي ثكيل من السبري

كملت لبست نفس ملابسي وطلعت

رجعت للغرفة هشام متمدد رفع راسة

كالي اني صليت قبلج صلي حتى نتعش

رجعت توضيت وصليت

هشام.. يلا نتعشى

ريتال... ما اريد مو جوعانة اكلت بالصالون

هشام... معقولة مجعتي من الظهر لهسة
امشي ناكل لو حتى شوية

ريتال... كعدت اكل ويا اريد التهي باي شي ما اريد انجمع ويا بالغرفة

كملت ظليت كاعدة مكمت

هشام.. شنو عجبتج الكعدة بالمطبخ

ريتال... هااا مو اريد ارتب المطبخ واشيل الأكل الباقي

هشام لزمني من ايدي كومني كال هسه عوفي الترتيب وتعالي وياي

هاي اللحظة الجنت خايفة منها لوبيدي انهزم منه
اخذني للغرفة
هشام... مراح تغيرين ملابسج

ريتال.. مرتاحة بدشداشتي ليش اغيرها

هشام باوع عليه ومحجه شي

تمددت بطارف السرير

سحبني من ايدي وقربني عليه

هشام.. ليش هلكد مبتعدة

ريتال.. مو قصة مبتعدة بس نعسانة وتعبانة اريد انام

هشام... حبيبتي ماكو نوم اليوم

ريتال.. قرب وجهة يريد يبوسني درت راسي منة

عقد حواجبة ريتال ليش جاي تبعديني عنج

جاوبتة كتلك تعبانة ونعسانة

هشام.. اني مقدر وضعج اعرف خجلانة مني بس اترجاج لاتبعديني كلشي بالبداية صعب وبعدين يصير سهل وتتعودين عليه

ريتال... رجع هشام يبوسني جسمي قشعر من لمساتة وقربة مني متحملت دفعتة وبتعدت عنة

هشام باوع عليه بستغراب انطاني ظهرة ونام بدون ميحجي ولا كلمة

اعرف داظلم هشام وياي شنو ذنبة دارفضة وهو جان ينتظر هذا اليوم بفارغ الصبر

اوووف انعل گلبي المجاي يكدر ينسى

هشام مكدر ينام طول الليل جنت احس بيه كل شوية يتگلب ويتحسر

للفجر نعست ونمت

الصبح فزينا اني وهشام على صوت الجرس

راح هشام يفتح الباب اني بفراشي متحركت

هشام.. عمتج وزوجها اهنا اهلج دازين الريوك وياهم

كمت بسرعة لبست دشداشة طويلة رحت  غسلت ورجعت لبست حجابي

دخلت للأستقبال لكيت عمة داليا وعمو مصطفى

سلمت عليهم عمة كالت تعالي شوفيني شقتج

دخلنا للمطبخ

داليا... ريتال وجهج ووجه هشام ميبشر بخير شصاير بينكم

ريتال... ياااا شبينا كولشي مصاير

داليا باوعتلي بشك ريتال لاتكذبين بس لا منعتي الرجال منج

هزيتلها راسي بمعنى اي

داليا.. لا ريتال ليش هيجي يا امي احنا شحجينا وياج وشنصحناج ليش متسمعين الكلام

ريتال... برطمت عمة ماكدر نفسي ممتقبلتة موبيدي

داليا.. الكلام وياج ضايع اروح احسن

ريتال... راحوا عمتي وزوجها

حظرت الريوك صحت هشام
كعد بس شرب شاي مبين من شكلة ضايج

استمرينا اني وهشام على هذا الوضع ثلاث ايام هواية حاول يقترب مني  جنت ارفضة  الوضع تازم بينا

عمة داليا يومية تخابرني تسالني
واكوللها لابعدنا نفس وضعنا

اهل هشام واخوانة اجوي ثالث يوم بقوا للمغرب وراحوا

رابع يوم الصبح ماما اتصلت عليه كالت اليوم العصر اني وعماتج نجي عليج

هشام طلع جاب حلويات وعصائر حتى اقدمة الهم

رتبت نفسي وكعدت انتظرهم
اندكت الباب ركضت اريد افتحها
صاح بيه هشام

اوكفي وين يجوز مو هما اني رايح  اشوف منو

ريتال هشام حجة وياي بدون ميباوع عليه حتى كلامة وياي صاير قليل
رجعت المكاني
من سمعت صوتهم طلعت

بوستهم ودخلتهم للأستقبال اني  هشام كعدنا وياهم

بعدها كمت جبتلهم الضيافة رؤى وبنات عماتي كامن وياي

من رجعنا هشام ترخص
كال اخذوا راحتكم اني طالع ويا اصدقائي سلم عليهم وراح

ظلينا شقة وسوالف وضحك الوحيدة الجانت مبين عليها مزعوجة وضايجة هي ماما

ماما... اي ريتال شخبارج شلونج ويا الزواج

ريتال. الحمدلله تمام

ماما.. اهااا تمام وعلاقتج ويا زوجج شلونها؟

ريتال.. ارتبكت ماما لوين تريد توصل بتلميحاتها
جاوبتها مو كتلج زينة

ماما.. زينة بالنسبة الج مو اله
انتي ليش مانعة زوجج منج شمنتظرة فهميييني

ريتال.. دنكت راسي والدمعة لمعت بعيني سكتت معندي جواب

ماما.. ليش ساكتة احجيييي الرايدتة انتي شنو
اخاف منتظرة الفارس الهمام يجي يخطفج وتعيشون عيشة سعيدة

ريتال. انصدمت من كلامها
ماما فارس ماله دخل بالديصير بس اني مجاي اكدر اتقبلة موبيدي بعدني ممتعودة عليه

ماما... وششوكت تتعودين اقنعي غيري بهل كلام اصحييييي كافي ترى تعبتينا
لا تنسين انتي بنفسج وافقتي على الولد محد جبرج عليه لج حرااااام الدتسوي هاي خيانة بحق زوجج
ليش عبالج الخيانة بس خيانة الجسد حتى التفكير بغير بغيره تعتبر خيانة

سوسن...اهدي سجى ريتال عاقلة وتفهم الكلام واكيد راح ترضي ربها و زوجها

سجى... شوفي ريتال بداعت يزن اذا اليوم ميتم زواجج وتنطين حق زوجج لا انتي بنتي ولا اعرفج وبعد لساني ميطخ  لسانج

ريتال. تخبلت عزااااا كمت حضنتها فدوة لا هيجي تكولين والنبي راح اسوي كل التردي بس لازعلين مني

ماما دفعتني منها كالت
باجر انتظر منج اتصال اتكولين كلشي تم وبهذا الوقت راح ارضى عنج

هدى.. بنتي ريتال والله هشام خوش ولد انطي النفسج فرصة تتقربين منه وتتعودين عليه اني متاكدة راح تحبي

ريتال.. دموعي تجري اول مرة ماما تزعل مني وترزلني كدام عماتي بهاي الطريقة

ماما مقبلت تبقى كاعدة اخذتهم وطلعت

تعبت من البجي مسحت دموعي وكمت غسلت وجهي ما اريد هشام من يرجع يشوفني بهذا الشكل

رجع المغرب جان جايب عشى
اتصرفت طبيعي كدامة

هشام...شوكت راحوا اهلج؟

ريتال. من زمان

هشام... خوما خفتي تبقين وحدج ليش متصلتي عليه حتى ارجع

ريتال.. ابتسمتلة بياس لا عادي من شنو اخاف قابل شكو

هشام.. شبيج ليش مو على بعضج وضايجة؟

ريتال... مابية شي يمكن ضجت لان مكدروا يبقون هوايه

هشام... باجر اذا تحبين اخذج الهم لاتضوجين

ريتال.. ان شاء الله
حظرت العشى تعشينا

هشام راح كعد بالاستقبال بيده  اللابتوب ما اعرف شيسوي

اعرف بي ديعاني من قربي منه لهذا يروح يكعد وحده

سبحت ورجعت للغرفة طلعت سيت نوم لبستة واني ابجي من القهر

كعدت كدام المرآيا مسحت دموعي وتعوذت من الشيطان رتبت نفسي

تمددت بفراشي انتظر هشام
كل دقيقة اجر نفس عميق واحاول اشجع نفسي هي الشغلة وراي وراي قابل الى متى ابقى متهربة منها

تاخر هشام جنت بگلبي اتمنى لو ميجي
 
انفتحت باب الغرفة ودخل من شافني ظل واكف بمكانة
خجلت من نظراتة سحبت الشرشف تغطيت

صار عندي غثيان من التوتر

اجة كعد بصفي والابتسامة مرسومة على وجهة

هشام... بربج كل هذا الجمال حارمتني منه

ريتال..اليسمعك يكول حارمتك صارلي اسنين هو مصارلنة اربع ايام من مزوجين

هشام دخل وياي بالفرش كالي
ليش متدرين

كتلة شنو

هشام.. اني جنت اعتبر اليوم بسنة

والله امج وعماتج خير عليه كوليلهم يومية يجون بس مو يباتون

ريتال... لزم وجهي واخذ شفايفي بين شفايفة صح اختنكت وضجت بس مكدرت ابعده عني

عفتة ياخذ راحتة بداخلي احساس رهيب ومحد راح يفهمة او يحس بي غير المجربة

هشام ملك جسدي بس قلبي لا

للساعة ثمانية الصبح هو كاعد ومكعدني ويا

هشام ترى نعست وصار عندي صداع اريد انام

هشام... حبيبتي كومي نتريك وبعدي نامي

ريتال.. راح يسبح  من كمل اني هم سبحت
طلعت من الحمام لكيتة هو محظر الريوك

هشام.. شبيج مبتسمة لاتفرحين ترى بس الريوك اعرف اسوي
من جنت وحدي الغدى والعشى لو اجيب من المطعم لو اروح البيت اهلي

ريتال.. وانت ليش جنت عايش وحدك

هشام... علمود دراستي ردت مكان هدوء انهزمت من بيت اهلي من دوخت اطفال حسام

ريتال.. ومن كملت دراسة ليش مرجعت؟

هشام.. تعودت ابقى وحدي راسي مرتاح لان ابوية وامي الله يحفظهم من يشوفوني معدهم  سالفة غير الزواج
يومية لاكيلي وحدة

ريتال... ليش جنت رافض مو دراسة وكملت

هشام... ههههه بصراحة مفكر ادرس دكتوراه واعرف الزواج راح يشغلني

ريتال... ياااا لعد ليش اخذتني

هشام... حياتي خلي انكمل ريوك اخاف اكولج وترجعين تكلبين عليه

ريتال... لا عادي احجي ما اضوج

هشام... ابوية من شايفج ظل يلح عليه حتى اشوفج محبيت اكسر خاطرة وافقت وكنت ناوي من اشوفج اطلع بيج عيب وارفضج

من شفتج انقلب السحر على الساحر وظليت مكابل ابوية انتظر شوكت ترجعون جواب

ريتال... ممممم زين قبل لاتشوفني من عرفت بيه مطلقة ليش مرفضتني

هشام... مجنت اعرف ابوية مكالي على هذا الموضوع
بيوم الشفتج من رجعنا  من بيتكم يلا عرفت

ريتال.. وشنو جانت ردت فعلك؟

هشام... حبيبتي انتي ما اذنبتي حتى تكونلي ردت فعل اني عليه باللحظة الشفتج بيها ما عليه بالماضي
ولاتنسين اني هم عندي تجربة فاشلة خطبت وفسخت

ريتال... عجبني تفكيرة
كملنا ريوك رحنا انام

هشام غلق تلفونة واخذ فوني هم غلقة

ياااا هاي ليش

هشام... عرسسسسان مااريد احد يزعجنا

ريتال.. هشام اخذني الحضنة نعسانة بسرعة غفيت 
للمغرب يلا كعدنا

هشام.. بدلي خلي نطلع

ريتال... وين

هشام.. نتعشى برى ونفتر شوية

بدلنا وطلعنا اخذني للمطعم تعشينا بعدها افترينا
من رجعنا للبيت فتحت موبايلي

لكيت رؤى متصلة
اتصلت عليها حجيت وياها
رؤى.. ليش غالقة تلفونج ظل بالي عليج

ريتال... جنت نايمة ومن كعدت طلعت ويا هشام

رؤى... ممممم لازم اكو تطورات

ريتال.  صدوك كولي الماما تم كولشي

رؤى... مبروك حبيبتي الله يجعلها زواجة العمر ويسعدكم ويرزقم بنوتة حلوة مثلي

ريتال..ههههههه الله يباركلج عمري يوم الج

حجيت شوية ويا رؤى وسديتة

رجع رن موبايلي ماما تتصل

هلو ماما

ماما... هلا حبيبتي ليش مخابرتيني انتي تبلغيني شنو زعلانة مني

ريتال... لا والله ابد مستحيل ازعل منج بس لان جنت احجي ويا رؤى طلبت منها تبلغج

ماما... هذا هو بنتي ربي يسعدج ويوفقج بحياتج
.
ريتال.. فدوة العينج ياروحي

اليوم السبعة مالتي قبل العصر هشام ياخذني البيت اهله لأن صديقات امه يجن يسلمن عليه

طلعت من الحمام كعدت ارتب نفسي من كملت اخذت موبايلي

فتحتة لكيت اتصال من رهف مشتاقتلها من قبل عرسي مسامعة صوتها
رجعت اتصلت عليها

ظل يرن قبل لاتنتهي المكالمة اجاني صوت مؤمن
. مؤمن... انتييييي ششششرايدة مو ازوجتي ووليتي عليش بعد تتصلييييين

ريتال... مؤمن هاي شكو شبيك

مؤمن... اجفينا ششششششرج بعد ما اريدج تتواصلين ويا حرمتي مايجينا من وراج غير المصايب لج خالييي راد يموووووت بسببج وانتي بكل عين وكحة كاعد تتصلين

ريتال.. اريد اجاوبة سد الخط وحظرني هذا شبي شنو فارس راد يموووت ......

يتبع