_ فارسي العاشق _
( بقلم بسمة البياتي)
_البارت الرابع عشر _
فارس... لاتخافين اريد احجي وياج ما اسويلج شي
كعدت وكعدتها بصفي شوفي اني اذا عليه مامستعجل عليج بس هاي عاداتنا وتقاليدنا
لازم اطلع ابشرهم
ريتال.. كمت ابجي من الخوف
فارس... مسحت دموعها من لزمت خدها بعد مكدرت اصبر اكثر شلت ثوب الصلاة منها
اويلي ربي ما اعرف منين ابدي بيها اخذتها الحضني ردت اطمنها واخفف من توترها
والمصيبة من صارت بين ايدي اني التوترت ههههههه
همست يم اذنها حبيبي سلميني نفسج ولاتخافين حتى لاتتاذين
ريتال... من سمعتة هيجي كال دفعتة
عفيه وخر ما اريد
فارس... رجعت حضنتها ولهين وخلص صبري
لزمت وجهة بيدي وبست كل مكان بي شفايفها جانت ترجف ومبللات بدموعها اخذتهم بين شفايفي بالبداية بستها بهدوء حتى لاتخاف مني
ريتال... جان يتعامل وياي برقة بس بعدني خايفة منه بوستة صارت اعمق ولمساتة جريئة حاولت ابعده عني مكدرت هو اقوى مني
استسلمت للامر الواقع بس من تاذيت اريد ابعده ما اكدر عبالك حايط
بجيت بهستريا وصوت عالي
فارس... اخذتها وصارت حرمتي اعرف بيها تاذت بس مو كادر امنع نفسي منها
ابتعدت عنها وهي بعدها تبجي بست ايدها وراسها
كافي يبعد هالروح لاتبجين
ريتال... جنت ادور شي استر نفسي بي
رووووووح من يمي وخرررررر
فارس... ههههههه رايح يابة بس كومي لبسي شي هسه النسوان تجيج
اخذت دشداشتي لبستها وردت اطلع
ريتال.. بقيت حايرة ما ادري شسوي اخاف يطلع ويدخلون النسوان يشوفوني بهذا المنظر
راد يطلع صحت عليه اوكف انطيني دشداشة من الكنتور
فارس... ههههههه رحت طلعتلها ثوب وانطيتها
ريتال... اخذتها منه يلا روح ليش واكف
فارس... هههههههههه يولو مو انتي وكفتيني وانتي عليش هلكد مستحية ترى شفت كلشي
ريتال.... من هيجي كال غصيت بالبجي اطلللللللع
فارس... طلعت واني ميت عليها من الضحك
ريتال... لبست الدشداشة ورحت وكفت كدام المرآيا عزاااا هاي شصاير بيه وجهي وركبتي حمر بسبب لحيتة
سمعت صوت رمي برا هذوله ولايملون
دخلو النسوان يهلهلون
دخلن عماتي وخالاتي من شفتهن متت خجل حسيت بنفسي عبالك مسوية جريمة رجعت ابجي
نسرين... عليش تبجين بنيتي هاي سنة الحياة
اجوي الكل باركولي وبوسوني
غيداء... حبيبتي ديربالج على نفسج هسه انتي صرتي مرة لازم تنسين الخوف وتتعودين على حياتج الجديدة
احنا هسه لازم نروح مظل وقت تاخرنا
ريتال... لا عفية لاتعوفوني وحدي
غيداء... مو كتلج صيري سباعية هذا صار بيتج خوما نبقة يمج طول العمر
داليا... بالسبعة نجيج ان شاء الله
وهاي صديقتج تاخرت لازم نرجعها البيت جدها
ريتال... هزيت راسي بالموافقة سلموا عليه وراحوا
رغد... حبيبة روحي غسلي وجهج شوفي شصاير بيج من البجي اني اروح اجيبلكم العشى حتى تتعشين انتي وفارس
عافوني وطلعوا رحت غسلت ورجعت للغرفة
دورت بطانية ما اعرف وينهن
لكيت وحدة بالكنتور رحت تمددت وتغطيت حتى عشى ما اريد
رغد... كومي حبيبة اتعشي وبعدين نامي
رغد خلت الصينية بالكاع وطلعت
دخل فارس للغرفة
فارس... يلا كومي تعشي وياي
ريتال... لا مو جوعانة اريد انام
فارس... ريتال اني ما احب هاي السالفة الاكل من ينصب لازم تكعدين وياي
عمتج كالت ريتال من الصبح مماكلة شي عجل شلون مو جوعانة
ريتال... كمت بملل كعدت كدامة العشى جان مشاوي ومقبلات
جنت مستحية منه ولا اكدر اكل كدامة
هو حس بيه كام يسويلي لفات وينطيني
اني نفسي اجز ما احب اكل من ايد احد جنت بالكوة ابلع اللكمة
كافي شبعت بعد ما اكدر كمت غسلت
من رجعت للغرفة لكيتة شايل الصينية مخليها بالمطبخ
رجعت لفراشي نمت بطارف السرير ما اعرف شلون راح انام ويا بنفس الفراش
ماما عودتنا من احنا اطفال كل واحد ينام بغرفتة
فارس... جيت للغرفة لكيتها راجعة بفراشها نزعت دشداشتي وبقيت بالسروال جيت نمت بسدها
يولو مو راح توكعين عليش نايمة بالحافة
ريتال.. زين مكاني مرتاحة
فارس... دخلت بالغطى وياها وجريتها عليه ظهرها لزك بصدري
ريتال... من تغطى وياي تشنجت عزااا هاي شلون راح اكدر انام وهذا حتى بالبطانية يشاركني
سحبني عليه ولزك ظهري بصدرة وطوقني بايدة ورجلة
فتحت عيني يبوووو شنو هالنومة الكسيفة هاي حتى تنفسي صار صعب تيبست
فارس... يبعد الروح ليش مشنجة ترى اني ما اكل بشر
ريتال... بلعت ريك وجاوبتة هاااا لا مابيه شي
فارس... شسويتي بيه يولو زلمة شكبرني صرت ارجف عليج
ريتال... ساكتة ما اعرف شجاوب
وجنت مضايقة من هاي النومة يربي شراح يخلص هذا الليل
انوب ضجت من لحيتة وشواربة لازكهم بركبتي وكل شوية يبوسني من خدي ومن راسي وركبتي وكتفي
فارس... وخرت الثوب من جتفها ردت اشوف الوشم بس مو موجود دورت بالجتف الثاني هم ماكو
وين الوشم الجان على جتفج
ريتال... فكيت عيني يااااا هذا وين شافة خرب اكيد شايف صوري
هذا رسم مو وشم
فارس... تنفست براحة ما اريد تلعبين بجسمج ما اريد شي يخرب هذا البياض انتي الله خالقح حلوة بدون هاي السوالف
ريتال... غمضت عيني اريدة يسكت بس بقيت متقيدة بحركتي حسيت راح اموت سريريا بسبب هاي النومة
انفاسة ثكلت على ركبتي عرفتة نام واني بقيت احوص بمكاني
ما اعرف كم ساعة ظليت على هذا وضعي روحي طلعت راسي صار، طبل اخير شي ما اعرف شلون كدرت اغفى
مصارلي اقل من ربع ساعة نايمة وجان اسمع صوت هز الغرفة
اعوذ بالله من الشيطان الرجيم بسم الله الرحمن الرحيم
كمزت من فراشي وعيطت عبالي متت والقيامة قامت
فارس... نايم وما اسمع غير عيطة قوية يم اذني فزيت مثل المخبل
اباوع ريتال ترجف مثل السعفة
بسم الله ابوية شبيج
ريتال... شنو هذا الصوت
فارس... ههههههههه انعل ابليسج يولو هذا صوت الجامع ديستعد الصلاة الفجر
ههههههه هاج شربي ماي
ريتال... فشلت اخذت المي شربتة
ورجعت تمددت بس بعدني مهبوطة
فارس... نمت بصفحها اخذت راسها خليتو على صدري
ههههههههه ترى هذا الصوت راح تسمعينو خمس اوقات باليوم هاي اذا بكل فرض هيجي تكمزين راح اكطع الخلفة من وراج ههههههههه
ريتال... عابتله هذا شبي يضحك ظليت ساكتة
حضني وصار يلعب بشعري واني من النعاس والهبطة بسرعة نمت
فارس... صارت الصلاة اني متعود اصليها بالجامع ما فديوم فوتت فرض بس اليوم اريد اكوم ما اكدر تعوذت من ابليس وماكو فايدة
باوعت عليها نايمة مثل الطفل بحضني
ضميتها الصدري ورجعت نمت
كعدت ساعة تسعة وربع
دحجت عليها بعدها نايمة يربي امو داعيتلو اليصبح على هذا الوجه الحلو
شلت خصل شعرها من على وجهة الخدود حمر والشفايف موردة من النوم
حتى وهي نايمة تسويلي اغراء
عفتها وكمت اذا ابقة جدامها ما اكدر اسيطر على روحي
رحت سبحت وكملت رجعت للغرفة بدلت وكفت امشط واتعطر دحجتها كامت تتحرك بالفراش
ريتال... سمعت حركة بالغرفة فتحت عيني بكسل نسيت اني مزوجة عبالي بعدني بغرفتي
من شفت فارس واكف يم المرآيا يمشط رجعتلي الذاكرة
فارس... صباح العسل حبيبي
ريتال... صباح النور
فارس... دامج كعدتي يلا كومي تجهزي حتى ننزل نتريك
ريتال... هزيت راسي بالموافقة كمت من الفراش اخذت ملابس من الكنتور حتى اروح اسبح
فارس... اني نازل من تخلصين تعالي
ريتال... اوك
رحت سبحت وبدلت بالحمام خفت اطلع بالبرنص والكي بعده بالغرفة
رجعت جان ماكو مموجود
اخذت الشسوار نشفت شعري لان الجو بارد مشطتة وشلتة
خليت حجاب على راسي بس استحيت انزل جوة
ظليت افتر بالغرفة ارتبها واعدل الفراش
رغد... صباح الخير عروستنا الحلوة
ريتال... صباح النور حبي
رغد.. عليش منازلتي فارس منتظرج على الريوك
ريتال.. هاااا اي هسه انزل
نزلت ويا رغد بيتهم بعده هوسة وخطار وياهو التشوفني تستلمني دك بوس خدي انشفط خرررب بوستهم ام الطكة بس اسمع صوت المطك ههههههه
دخلت للمطبخ جان الريوك بالكاع وفارس كاعد وعمتة كاعدة يمة
وبالطرف الثاني كاعدين نسرين وزوجة عادل وفد مرة ما اعرفها ديلفون دولمة
واكو بنية دتغسل مواعين
اوف هاي شلون راح اكعد كدامهم
فارس.. تعالي هين
ريتال... فارس اشرلي على مكان بصفة جيت كعدت يمة
جيت كعدت يمة
فارس.. همست بذنها يولو ليش هلكد ضاربة عطر
ريتال...هذا معطر جسم وهي ريحة الشامبو والغسول قوية اني شسوي
فارس... تنهدت بوية عطرج يدوخ ما اريد احد غيري يشمو
ريتال...ياااااا واني شسوي يعني ابطل ما اسبح
فارس... عضيت شفتي يولو هاي ال ياااا اذا اسمعج اتكوليها جدام احد غيري كفيلج الله احبسج بالغرفة
ريتال... عزااا هذا شبي ظليت ساكتة
رغد صبتلنا الشاي والله جنت ميتة جوع بس استحي اكل
عمة فارس... بنتي اكلي ولاتستحين احنا صرنا مثل اهلج مو غربة
ريتال.. لا خالة ما استحي
اصلاً كذب جنت ميتة من الخجل
دخل مؤمن للمطبخ
مؤمن.. هلا والله وأخيراً نورو العرسان
صباح الخير يابة
اني وفارس صباح النور
مؤمن... جيت كعدت يمهم رحمه الاهلكم كوب جاي العرسان فتحوا نفسي راح اتريك وياهم مرة ثانية
شهد بنت عادل راحت صبتلة وانطتة
مؤمن... اي رتو شخبارج
فارس... رفعت راسي على مؤمن من دلعها
يول شنو هالدلع الماصخ عليش ماتكول اسمها كامل
مؤمن... هههههههه شسويلها اسمها مادري شلونو شفت الكل هيجي يدلعونها اني هم اختصرت اسمها
فارس... رجعت اتريك واني ما عاجبني الكلام
مؤمن... احم اليوم الكل سالو عليك الفجر بالجامع يكولون هاي اول مرة فارس يفوت صلاتو
فارس... خوية نسرين اذا رايدة ابنج اليوم كومي من كبالي
ريتال... خرب ببليسك مؤمن اريده يسكت مايسكت طلع الريوك زقنبوت من خشمنا
نسرين... ول مؤمن بطل مداهر وعوفهم يتريكون شجاك اليوم
مؤمن... هو اني شحجيت غير جاي ابلغو الكلام السمعتو
فارس... كمت من الريوك
الحمدلله يلا امشي جدامي نروح يم ابوية للجامع
اخذت مؤمن وطلعت
ريتال... بقيت كاعدة يمهم اريد اصعد الغرفتي بس استحي
رغد كعدت يمي وظلت تسوالف وياي
انفتحت باب المطبخ ودخلت مرة وبنات اثنين
سلموا علينا
رغد... هاي خالتي ام سلام وهذي زوجة سلام
وهاي هالة مرة حازم
ريتال... من كالت مرة حازم رفعت راسي اباوع عليها اوووي اشكد خطية بعدها صغيرة يطلع عمرها 18سنة والله حلوة ونازكة ميستاهلها حازم
ام سلام... عجل وين ام عادل
نسرين... كاعدة ويا عمتي بالربعة
راحت ام سلام يمها والبنات بقوا بالمطبخ
الكل استلم شغلة يسويها
اني جنت مستحية ما اعرف شسوي
اكو وحدة تباوع عليه بكل حقد وموطايقتني عبالي هاي صبا مرة فارس
بس من صاحو اسمها شيماء عرفت مو هي
بعد صلاة الظهر اجوي الزلم من الجامع وبدو النسوان يفرشون السفرة وينقلون الاكل
تفاجئت من عرفت الكل راح يكعدون سوى بالربعة لان الشيخ يحب الكل ينجمعون سوى
فارس من طلع للجامع بعد مشفتة
نسرين... يلا امشي بنيتي حتى تتغدين ويانة
ريتال... ياربي شسوي هوايه ديضغطون عليه شلون راح اكدر اكعد اكل بوسط هاي العشيرة
دخلت ويا نسرين للربعة الكل جانوا كاعدين
كلت السلام عليكم الكل رد عليه
فارس باوع عليه وابتسم
نسرين... تعالي كعدي هين يمي
الشيخ... شلونج بنيتي ان شاء الله مرتاحة
ريتال... جاوبتة بصوت ناصي الحمدلله زينة
التهوا ياكلون فارس كل دقيقة يرفع راسة يباوع عليه لان كاعد بعيد عني
اني بالكوة ابلع اللكمة
ام قيس زوجة عادل... عليش مستحية ومتاكلين راح انخلص المواعين وانتي بعده ماعونج متروس
ريتال... خرب بالحظ هاي شحجاها مو اني ناقصة احراج خلت الكل ينتبه عليه
لا خالة دااكل بس اني مو هوايه جوعانة لان تريكت متاخر
جنت بس اريد احد يكوم حتى اني هم اكوم
رغد حست بيه
رغد.. اذا خلصتي كومي انغسل
ريتال.. اويلي وأخيراً اجه الفرج
كمت بسرعة
عفية رغد اريد اصعد الغرفتي خوما عيب من الموجودين
رغد... لا حبيبة اخذي راحتج انتي عروس لازم تبقين ويا زلمتج
بس هو الله يسلمة عايفج وحدج
فارس... عايف منو يولو مو جنت بالجامع علمود الصلاة
رغد... ههههه خطية حرمتك خجلانة
ريتال...عفتهم يحجون صعدت بسرعة
اول مدخلت نزعت الحجاب اووف اختنكت
اخذت موبايلي جان مقفول فتحتة
وصلني كومة رسائل من البنات ومن ماما
اتصلت على ماما حجيت وياها اوف اشكد مشتاقتلها
من سمعت صوتها كمت ابجي وهي هم تبجي
ماما... ياعمري مكانج فارغ البيت مينطاق بدونج
ريتال... والله اني هم ميتة عليكم لوبيدي هسه ارجع
ماما.. شلونج
فارس شلونة وياج واهله شلونهم
ريتال...الحمدالله كلهم زينين
لعد بابا وينة
ماما... هياتة يمي هاج احجي ويا
ريتال... حجيت ويا بابا
من خلصت المكالمة تراسلت ويا البنات
جنا بمجموعة اني وعمة داليا ورهف و رؤى ونغم وبنت عمة هدى تمارة
اول مراسلتهن الكل انجمعن والفضوليات بقن يستفسرن على كولشي
حجيتلهم على سالفة الجامع واذان الفجر خربن ضحك
فارس صاحولي اشرب جاي استحيت اكلهم لا جيت كعدت واني روحي لايبة عليها اريد اصعدلها
ابوية واخواني وابن عمي يحجون وياي واني بالي مو يمهم
عادل... انت ليش كاعد هين اذا بالك مو يمنا
فارس... خير خوية اشو انداريت عليه مو كاعد اسمعكم
جمال... اي فارس عجل كوللنة بشنو جنا نحجي
فارس... الله يلعنك جمال
ادري شبيكم اليوم ماوراكم سالفة غيري
الشيخ... كوم روح يم مريتك
بعدها عروس لاتعوفها وحدها
فارس... اوووف لوبيدي اكوم ابوس ابوية من كصتو
كمت من مكاني وطلعت من الربعة صعدت فوك دخلت للغرفة جانت بفراشها كطيت دشداشتي وجيت تمددت بسدها
ريتال... دخل فارس للغرفة واجه تمدد بصفي
فارس... يولو شبسرعة نمتي صدي عليه لاتنطيني ظهرج
ريتال...هففف شراح يخلصني انداريت عليه
عفية فارس والله نعسانة
فارس... ول ياب اول مرة اعرف اسمي هيجي حلو
ريتال... خرب ولايكعد راحة هالفارس بكولشي يطلعلة سالفة
فارس. خلي راسج هين
ريتال... اشرلي على ايدة
جيت نمت على ايدة حضني وبقة يبوس بوجهي
فارس والله مشبعانة نوم بس خلي شوية انام
فارس... نامي بوية قابل اني كاضبج
خلص مراح اسوي شي بس ابقي بحضني
ريتال... بقيت متحنطة بحضنة بالكوة كدرت اغفى
اني ويا ما ادري اشكد نمنا
فتحت عيني باوعت الغرفة ظلمة
وفارس بعده نايم
تحركت من حضنة اريده يهدني حتى اكوم
فارس...فتحت عيني يولو هاي ساعة بيش
ريتال... ما اعرف
فارس... شغلت الموبايل باوعت ساعة ستة المغرب
خرب يومج ولج راحت صلاة العصر اليوم فرضين فاتني شراح يخلصني من تصنيفهم الظهر شبعوني تبسمر
ريتال.. فتحت عيني ياااااا واني شعليه قابل اني كتلك نام
فارس... يولو لاتكولين ياااا
هي الصلاة وبعد راحت عجل تعالي
ريتال...عزااااا هذا شبي هجم عليه صرت مثل العصفورة جو ايده
لا فدوة عوفننني
فارس... سحبت نفسي منها بالكوة ما اريدها تخاف مني
راح اعوفج هسه بعد عدنا الليل طويل على شنو مستعجلين
ريتال.... هذا ديتحلف بيه لو شنو
كام من يمي غسل وبدل يريد يطلع
فارس... اني رايح يم الشباب وهم مبقة شي الصلاة المغرب
انتي اذا اضوجين حدري كعدي يم البنوات
ريتال... لا ما اريد انزل راح ابقة اهنا
فارس... براحتج يبعد الروح
ريتال... اجة فارس باسني وراح
هذا ليش هيجي يتغزل بيه وملهوف عليه اليشوفة يكول صارلة سنين يعرفني
كمت غسلت وجهي وكفت يم المرآيا من الضوجة خليت مكياج
طلعت اخذتلي فرة بالبيت تصميمة مرتب والاثاث البي نازك
هذا اكيد ذوق صبا
جنت جوعانة فتحت الثلاجة لكيت فواكه طلعت اكلت
غرفة صبا متقربت منها
رجعت الغرفتي ظليت العب بالموبايل
راسلت رهف جانت خطية قبل ساعة واصلة الاهلها
اندكت باب الغرفة دخلت رغد وهند زوجة وسام
رغد.. عليش كاعدة وحدج ومنزلتي يمنا
ريتال... جنت داتراسل ويا صديقتي
هند.. بعد من تضوجين تعالي يمي المشتمل مالتي جدام مشتملكم
ريتال... ان شاء الله
رغد... لازم تتعودين علينا ولاتستحين اختلطي بينا وبالبنوات ترى عدنا جثير بنات بعمرج
ريتال... هسه لان بعدني جديدة بمرور الايام اكيد راح اتعود
اكول لعد صبا وين اشو ابد ماشفتها
هند... هههههههه يولو تسال على ضرتها لاحكة تشوفيها هسه هي يم اهلها
ريتال.. مو اخاف هي مراضية على زواج فارس ولهذ السبب مموجودة
رغد... لا اطمني هي بنفسها كالت خلي يزوج
ريتال... ظلن يسولفن وياي ويعرفني على اقاربهم
رغد... شوفي اني مزوجة جمال ابن عمي وعندي منو ثلاث اولاد
واخوية عادل مزوج بنت عمة ابوية وعندو اربع ولد وثلاث بنات
اولادو الاثنين الكبار مزوجين وبنتو هم مزوجة
هند... واني بنت عمة وسام وعندي اثنين ولد واثنين بنات
ريتال... ما شاء الله ربي يحفظكم
كلكم اقارب بس اني غريبة
رغد.. اي يولي خلي نحسن النسل شوية نريد بنات فارس يشبهوج
ريتال... ضحكت على كلامها
اذكرت شيماء
اكول لعد شيماء منو
رغد.. امها تصير كرايب امي من بعيد ماعدهم احد بس هي وامها
هي مطلقة وعدها ولد عايش يم ابوه
هي وامها يجون من الصبح يمنا للمغرب يلا يرجعون البيتهم
احنا هوايه يجينا خطار هما يساعدون نسرين بالتنظيف
ريتال... هند انتي وصبا عازلين لو شنو
هند... عمي الله يحفظو بناء الوسام وفارس كل واحد مشتمل فوك بس مقبل نسوي الدرج من برة
كال لازم يبقة داخل البيت
والاكل من يصير كلنا نكعد على سفرة وحدة
ريتال... لعد ليش مسوين مطبخ
هند... واحد اخاف يجوع بالليل لو يريد يتعلل ويشرب جاي
نسوي بمطبخنا وماننزل جوة
ريتال... اهاااا حلو هيج
نزلن البنات وبقيت وحدي البعد اذان العشاء يلا اجة فارس........
يتبع
مساء العسل حبايبي
اني قبل فترة كتلكم اذا تريدون نشر يومي اني اكتب بحدود 2000 حرف
واذا تريدون بارت اطول راح انشر بين يوم ويوم
انتوا اختاريتوا يومي
واني مقصرت وياكم صرت اكتب اكثر من 2000 حرف ورجعتوا اتكولون قصير البارت
صار عندي ظرف ومكدرت انزل بارت وعوضتكم ب3000 الف حرف وهم اكو بيكم يكولون قصير
اني رغم داتعب واكتب يومية والمشاهدة قليلة بس ملتزمة وياكم
لهذا حبايبي النشر راح يكون بين يوم ويوم حتى اكتبلكم بارت طويل...
تحياتي الكم
بسمة البياتي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!