رواية فارسي العاشق الفصل الثاني وثلاثون 32 - بقلم بسمة البياتي

_  فارسي العاشق _
( بقلم بسمة البياتي)
_البارت الثالث و الثلاثون _

الطريق كله اني ساكتة جنت بعدني بحالة صدمة حتى دموعي نشفت

وسام وهند وكل شوية يباعون عليه بقهر

موبايل وسام مسكت من الأتصالات اخير شي جاوب

وسام... شبييييك ثولتني كل شوية متصل

لاتصيح ششششرجع مابقى شي راح نوصل بيت اهلها

انيييييي مو من كيفي اخذتها ابوييية كالي اخذها الأهلها ششششتريد بعد السويتو بيها تبقى يمك

اسسستغفر الله

ريتال... جنت اباوع على وسام واني حابسة انفاسي من الخوف

وسام وكف السيارة  واندار عليه

وسام... خيتي هذا الخبل مايدري انتي طالعة ومن عارف گالب الدنيا يريدني ارجعج للبيت

ريتال.. لزمت يدة الباب اريد انزل

وسام... وين نازلة اوكفي

ريتال... راح اتصل على اهلي وابقى انتظرهم اهنا الحد ميجون  انتوا روحو معليكم بيه

وسام... سدي الباب راح اخذج البيت اهلج لاتخافين

ريتال...كملنا الطريق وصلنا يم باب بيت اهلي

هند نزلت قبلي ساعدتني حتى انزل وسام بقى بالسيارة

هند دكت الجرس اقل من دقيقة وسمعت صوت يزن كال منو

اريد اجاوبة اكوله اني مكدرت العبرة خنكتني

هند.. اني هند افتح الباب

يزن فتح الباب من شافني شهك من الصدمة

يزن... بخوف ريتال هاي شبيج

هند.. هساع خليها تدخل وبعدين اسألها

دخلت للحوش

هند... اني رايحة عفت جهالي وحدهم

ريتال... مابيه اجاوبها هزيتلها راسي اجت باستني وطلعت

يزن بعده واكف وشكلة مصدوم

يزن... ريتال كوليلي شبيج

ريتال... متحملت حضنته وغصيت بالبجي جنت محتاجة احس بالأمان

يزن... لاتبجين بس كوليلي منو مسوي بيج هيجي والله اكلب الدنيا على راسة

ريتال... ماكدرت احجي يزن سندني ودخلني جوة
فعلاً هو هذا سندي مو فارس يزن صح عمرة 13 سنة بس حسيت الواكف كدامي شاب اكدر احتمي بي

وصلت للمطبخ وهناك نفذت كل طاقتي وكعت بالكاع

يزن انخبص بيه ظل يصيح على اهلي بعلوا صوته

الكل دخلوا مفزوعين للمطبخ من شافوني جمدو بمكانهم

بابا... بفزع هاي شصاير بيج منووووو سوى بيج هيجي

ريتال... ساكتة ما اكدر اجاوبهم جانت دموعي تحجي عن ألمي والقهر البگلبي والضيم الشفتة

ماما خلت راسي على صدرها وبابا لازمني من ايدي وكاعد مقابيلي

ماما... رؤى جيبيلي ماي بسرعة

بابا... ريتال فارس هيجي سوى بيج ؟

ريتال... من ذكر اسم فارس شهكت ورجعت غصيت بالبجي هزيت راسي بمعنى اي

بابا عيونة جدحت نار كام بعصبيه

بابا... اليوم ما ابقي عايش هذا الكلب شنو انتييييي تايهتلة وما وراج احد اليوم اهجم بيوتهم على روؤسسسسسهم

ماما... رافد مو وقت عصبيه دشوفها شلون خايفة خلي ناخذها للمستشفى

ريتال... ما اريد ما اروح اي مكان

بابا... بنتي احجيلي ليش هذا العار ضربج

ريتال...جان صوتي مبحوح من الصراخ بالكوة كدرت احجيلهم الصار

بابا بدون ميحجي شي كام على السريع راح للغرفة

لزمت ماما من صدر الدشداشة
ماما شبي بابا وين راح اخاف يريد يروح يتعارك

ماما... لاتخافين ميتعارك بس هسه كومي من الكاع

ماما و رؤى اخذوني الغرفتي

رؤى نزعتني الصاية

رؤى.. عزااااااا ماما ششششوفي

ماما... بخوف شنو هذا الدم

ريتال.. ماما صارت تگلب بيه زنودي ورجلي يخوفن من مصبوغات ازرك احمر

ماما رفعت دشداشتي وكامت تصرخ من القهر

رااااااااافد تعال ششششششوف هذا الحيوان شمسوي بيها

ريتال... استحيت غطيت جسمي

  خاصرتي وبطني صدري ظهري من الدفرات منظرهن مرعب

ماما... ولج عوووووفي خلي يجي يشوف شصاير بحالج 

بابا جان مبدل ملابسة اجة وهو خايف

ماما رفعت ملابسي ششششششوف شمسوي بيها

بابا طلع تلفونة اتصل على عمو مصطفى

بابا... مصطفى هسسسسه اريدك تجي

عود من تجي افهمك شصاير 

اجة عمو مصطفى بابا اخذة وطلع

ماما ليش خليتي بابا يروح اخاف يتعاركون

ماما... لعد شتريدين يشوفج هيجي مضروبة ويسكت والأكثر من هذا تهمج بشرفج

رؤى... عمة داليا راح تجي اتصلت عليه سالتني شصاير يمكم ليش رافد خابر على مصطفى
كتلها فارس ضارب ريتال

اجتي عمة داليا

داليا... الله يكسر ايده ان شاء الله هاي شمسوي بيها لج عيني هاي شلون جنتي عايشة ويا هذا الهمجي

ريتال.. ساكتة اشكد يحجون وياي ما اجاوبهم

رجعوا بابا وعمو مصطفى جان زوج عمة غيداء  واولاد عمة سوسن وياهم هاي شجمعهم

بابا بعده اعصاب يريدون يهدئونة ميكدرون

زوج عمة غيداء... خابرت صديقي كال انتظركم بالمستشفى

بابا... سجى كومي ريتال حتى ناخذها للمستشفى

ريتال... بابا مابيه شي مو كتلك ما اروح

بابا.. مو بكيفج يلا كومي اريد اسوي تقرير طبي بهاي حالتج

ماما... تريد تشتكي؟

بابا.. لا بس التقرير يفيدنا حتى بسرعة يتم الطلاق

ماما... راح اطلقها منه

بابا... لعد ششششنو بعد السوى تريدين ارجعها اله والله على موتي يصير هالشي

ماما... لاتتعصب اصلاً اني بعد ما اقبل ترجعلة

ريتال... جنت هادئة حتى كلمة الطلاق صارت متاثر بيه

عمة داليا ورؤى ساعدوني اغير ملابسي

دخلت عمة سوسن للغرفة اجت حضنتني وتبجي

سوسن... من البداية مارتاحيت الهاي الزواجة اااخ بنية مثل الوردة تروح يم هيجي ناس والله كفر

ريتال... اخذوني للمستشفى اجتي وياي ماما وعمة سوسن

دكتور صديق زوج عمتي هو ساعدنا

دز دكتورة فحصتني من شافت جسمي تخبلت

الدكتورة... ادري يا ماما انتي زايدة على اهلج ينطوج الهيجي واحد همجي ومتخلف

سوسن.. هاي قسمتها دكتورة

الدكتورة... بس الله نطانة عقل ونفكر ونكدر نميز الزين من الشين
ترى حتى الحيوان مينضرب بهاي الطريقة
شنو رجال كدامة ويفرغ غضبة بيها

ريتال... الدكتورة كبيرة بالعمر ظلت ترزل بماما وعمة سوسن وهنا ساكتات ميحجن شي

كملنا الفحوصات والكشف ورجعنا للبيت

باليل سآلت عمة داليا بابا من رايح على فارس شصار اهناك

داليا... ولج ابوج ضارب فارس

ريتال... ياااا عزاااا وفارس خوما رافع ايده على بابا

داليا.. لا ابد يكولج ظل يتوسل بابوج يكوله شسوي بيه حقك اني غلطت وغلطي جبير

ابوج من شايف الشيخ مريض وتعبان عايف فارس

وكايلة
انطيتك ابنية بآحلامك ما تحصل مثلها وللأسف ماقدرت النعمة البيدك

بعد تحلم تشوف خيالها وطلاق غصبا عليك اطلقها
على مووووتي ريتال بعد ترجعلك

فارس من سامع كلام ابوج متخبل يكولة طلاق ما اطلق

ابوج راجع متعصب وهاد على فارس بس اخوان فارس  مطلعين فارس برا

ريتال... يومين وأجة فارس وأخوانة وولد عمة يريدون يرجعوني

بابا رفض وكال المحاكم بينا وبينكم

وفشلت كل محاولاتهم

باليل متمددة بفراشي ونفس كل يوم النوم مجافي عيني

موبايلي مغلق فتحتة كومة مسجات وصلتني من فارس

ثواني ورن الموبايل رقم فارس ايدي رجفت
انطيتة رفض هم رجع اتصل اكثر من عشر مرات ارفضة ويرجع يتصل

اخير شي فتحت خط وظليت ساكتة

فارس جر حسسسسرة طويلة وحجة بصوت تعبان

فارس... ادري غلطان والغلط راكبني من ساسي الرأسي يولو والله ما اعرف شلون هيجي سويت الحد هسه من اذكر ما اصدك نفسي الغيرة عمتني خلتني ما اشوف جدامي

ريتال... همست بصوت مخنوك وهسه انت شرايد مني

فارس... رديلي بنيتي يولو كاعد اموت بدونج

ريتال... بهاي البساطة تشك بيه وتتهمني بشرفي وتضربني وتخليني فرجة الاهلك وبعدين تكولي رجعيلي

فارس... ريتتتتتتال طلاك ما اطلك فهمتتتتتتي اهد الدنياااا وما اطلك

ريتال... صرخت بصوت وانيييييييي بعد ما اريدك لو بسسس انت تبقى بالدنيا

لك حبيتتتتتتك بجنووووون تحملت ظلم اهلك عشششششت عيشى غير عيشتي كله الخاطرك

وهاي جانت جزاتييييييييييي انضرررررب وانهان فارسسسسسسسس بعد ما اريدك

اعتتتتتتتتتقني الخاطر ربك

على صوت البجي وصياحي دخلوا اهلي

بابا اخذ الفون من ايدي طلع الشريحة كسرها

اخذ الموبايل وطلع

الصبح ماما رجعتلي الفون بابا حاذف كل البرامج

ماما... ابوج راح يجيبلج خط جديد بس ممنوع تنطي الاي احد من طرف بيت اهل فارس

ريتال... هزيت راسي بالموافقة

خلال شهر فارس مابقى احد ماجابة علينا
عمامة معارف سادة حتى شيخ عشيرتهم جابة

وبابا جوابة نفس كل مرة هو الرفض

بابا قدم على معاملة طلاق والأبلاغ وصل الفارس

للعصر اجو هو وابو وعادل  

الشيخ... ابو يزن هاي ثالث مرة اجيك بنفسي وتردني
ادري ابني غلطان بس لاتصلح الغلط بغلط اكبر منو ترى الطلاك مو حل  (ان ابغض الحلال عند الله الطلاق)

ابو يزن... بالعكس هذا انسب حل النا والكم مثل ما دخلنا بالمعروف نطلع بالمعروف
خلي ابنك يطلقها وينتهي الموضوع ترى اني عندي تقرير طبي بحالتها يوم الاجتنى مضروبة وهذا اذا اقدمة للقاضي من اول جلسه نحصل الطلاق
بس اني الخاطرك مخلي التقرير اخر حل

فارس... عميييي اني غلطت ومعترف بغلطي وشتريد مستعد اسوي اذا تريد اخذلها بيت قريب منكم واكعدها وحدها واي طلب تطلبونو انفذو بسسسس طلاك ما اطلك

بابا.... شوف فارس هي كلمة كلتها وراح ارجع اعيدها الك على موتي اخلي ريتال ترجعلك وهذا اخر كلام عندي

مع احتراماتي الك شيخ وجيتك على عيني وراسي  بس اني بنتي مو زايدة عليه

طلع فارس وهو شايط من الغضب

ثاني يوم تقريباً وحدة الظهر كاعدين بالمطبخ  نتغدى بابا بالدوام

اندكت الباب يزن راح يفتحة

نباوع فارس صار كدامنا

ماما... فارس ابو يزن مموجود شعندك جاي

فارس... اني مجاي على ابو يزن اني جيت اخذ حرمتي وأروح

ماما... شنو تاخذها ليش بكيفك

ريتال... ظليت ارجف جلبت برؤى من الخوف

رؤى..فارس روح قبل لا اخابر بابا وتصير مشكلة

فارس... تقدم عليه ماما وكفت بوجها

ام يزن رحمه الأهلج وخرري من طريقي خليني اخذها بدون مشاكل

يزن... ليشششش انت بكيفك اوصل يم اختي وشوف شسوي بيك

ريتال.. جنت حاضنة رؤى وابجي 

فارس  من بين  اهلي تقدم عليه جررررني من ايدي

ماما رؤى يزن يحاولون يسحبوني منه ميكدرون

طلعني سحل ماما و رؤى يصرخن ومجلبات بيه
يزن جاب سجينة يريد يضرب فارس

ماما من شافت يزن عافتني وركضت لزمت يزن
فارس استغل الفرصة طلعني ذبني بالسيارة

موقف ما اعرف شلون اوصفى عبالك دامثل فلم اكشن
صعد بالسيارة شغلها وطلع
جنت بس اسمع عياط اهلي وراية

خايفة منه حاطة ايدي على حلكي واشهك  هذا مو فارس هذا شيطان

فارس شمر عليه غترة كال استري نفسج بيها

اخذتها بسرعة خليتها على راسي وايدي

جنت لابسة  بجامة وتشيرت ربع ردن حتى نعال ماكو برجلي

اريد اسألة وين مأخذني بس اخاف منه

من شفتة طلع على طريق منطقتهم شوية طمئنيت

فارس... تريدين تطلكيييييييين موووووو اني كايييييلج بسسسسسس الموووووت ياخذج منييييييي

ريتال... مجاوبتة

وصلنا يم بيتهم جانوا اخوتة برى وكف السيارة

عادل... انت اكيييييد تخبلت هاي ششششمسوي ابوها اتصل راح يجيب الشرطة ويجي

فارس... فتحوا الباب خلي ادخل

ربتال... دخل السيارة جوة اهلة كلهم بالحوش حتى ابو
اريد انزل ما اكدر استحيت من ملابسي

اجة فارس نزلي ويريد ياخذني جوة

الشيخ.. وين موديها ؟

فارس... الغرفتها يعني وين

الشيخ راد يضرب فارس بالعوجية عادل لزمة مخلى

انت اكييييييد صاير بعقلك شي لك ماستحيت من رايح تتهجهم على نسسسسوان تخسى الشوارب الشايلها

الولد اخذوا فارس دخلوا جوة وسدو الباب

الشيخ... امشي صعدي بالسيارة اني وعدت ابوج بنفسي راح ارجعج للبيت

جيبولها شي تلبسوا الله يلعنو شوفو شلون مطلعها الغبي صلح الغلط بغلط اكبر منو
ميدري بهاي عملتو خسر الأول والتالي

نسرين... جابتلي صاية لبستها

رجعوني للبيت
بابا جان متخبل وهم رادت تصير عركة وبالكوة يلا انسدت السالفة

الشيخ وعد بابا يخلي فارس يطلقني

بابا... احنا متنازلين عن كل حقوقها حتى ملابسها منريدها
بس نريد الذهب الي احنا مشتري الها ومستمسكاتها وكتبها

للمغرب هند ومؤمن اجوي جايبين كل ملابسي وذهبي حتى المشتري الي فارس

بابا مقبل ياخذة

مؤمن... جدي يكول هذا حقها لازم تاخذو وخلى علينا يمين مانرجعوا ويانه

تحدد موعد الطلاق رحنا اني وبابا وعمة داليا للمحكمة

ظلينا كاعدين الحد ما اجى فارس جان ضعفان وتعبان
وسام جان ويا اجى سلم على بابا

اول شي دخلنا للباحثة الأجتماعية

جنت مدنكة ما آريد ارفع راسي و عينة تجي بعيني

من تحدد موعد الطلاق رغم السوى بيه حسيت وجع بگلبي 

الباحثة حجت ونصحت
فارس هم حاول حتى بلكي اغير راي بس القرار موبيدي

حتى لو گلبي يحن عليه بابا بعد مستحيل يقبل ارجع اله

طلعنا من الباحثة 

بعدها دخلنا للقاضي
القاضي من شاف وضعنا اني وفارس والحزن البعيونه حاول يحجي ويانة بس كان هذا قراري النهائي
تم الانفصال
حسيت انفصلت روحي عن جسدي اريد بس اطلع من غرفة القاضي
فارس حالتة مو احسن من حالتي

طلعت شفت بابا و وسام وعمة واكفين

فارس طلع كبل بدون ميحجي، ولا كلمة وسام ظل يصيح ورا بس يريد يوكف

اني حضنت عمة واطلقت العنان لدموعي جنت اشهك من كل گلبي بابا واكف يباوع عليه وميحجي شي

داليا... كافي حبيبتي شوفي الناس شلون دتباوع عليج قوي نفسج الحد منطلع منا

ريتال... جنت جايبة نظارت سود كبار لبستهن لان جنت متاكدة راح يصير بيه هيجي

عمة جانت لأزمتني مثل الطفلة وتمشيني واني دموعي متوكف حتى الطريق اشوفة مغوش

طلعنا من المحكمة دخلنا للكراج البي سيارة بابا
سيارة وسام قريبة منا جانت بعدها واكفة

رفعت راسي شفت وسام واكف يم فارس وفارس بيده بطل مي ديغسل وجها  عيونه حمر دم

فارس ديبجي اااااي مبين يبجي دخيلك ربي اول مرة فارس يبجي اريد اكمل الطريق ما اكدر شهكاتي كطعن گلبي

عمة سندتني الحد ما وصلت للسيارة وصعدت
رجعت راسي ليورا وغمضت

طول الطريق ماينسمع شي غير صوت البجي مالتي بابا وعمة عافوني براحتي

وصلنا للبيت دخلت واني مثل الجثة

ماما بالمطبخ من شافتني فتحتلي ايدها

اي هذا الاريده محتاجة الحضنها ركضت عليها حضنتها وكمت ابجي بصوت واون

بابا دخل جوة

ماما دموعها تنزل ويا دموعي

اخذتني كعدتني وكعدت بصفي خليت راسي على صدرها

ماماااااا راح اموووووت موووو هو شك بيه وتهمني بششششرفي وضربني موووو اني ردت الطلاق لعد ليششششش مجاي اكدر اكرها كوليلي ليششششش گلبي جاي يوجعنييييييي ليششششش ماما والله گلبيييييييي جاي يوجعنيييييي.......

يتبع..