رواية فارسي العاشق الفصل الخامس عشر 15 - بقلم بسمة البياتي

_  فارسي العاشق _
( بقلم بسمة البياتي)
_البارت السادس عشر _

صعدت الغرفتي وطكيت بجي كلام ام فارس جداً جارح وجمالة كدام الخطار

دقائق واجت يمي نسرين

نسرين... بنيتي لاتبجين وتنغثين امي هاذا طبعها ويا الكل هيجي

ريتال...بس والله اني غسلتهم زين واكثر من مرة شميت المواعين مبيهم اي زفر

نسرين... اعرف نظيفات بس هي مرة جبيرة وبحسبة بيبتج
من تحجي وترزل تحمليها

ريتال.. بس كلامها جارح اتكول لازم تتعلمين النظافة هذا الغسل يم اهلج

شنو ليش اهلي وسخين انتي جاية البيتنا وشايفتة هم فديوم شفتي وسخ

نسرين... لا حبيبتي يشهد الله من اجيكم بس يعجبني اكعد من النظافة والترتيب

يلا حبيبة كومي غسلي وجهج واتعوذي من الشيطان ونزلي وياي قبل لايرجع فارس ويشوفج تبجين وتصير مشكلة
وهذا الصار لاتوصلي الو

ريتال... لا ما احجي شي اطمئني

نسرين... عجل يلا كومي ننزل جوة

ريتال... كمت غسلت ونزلت وياها ظليت يمها بالمطبخ مرحت للربعة

كاعدة بالمطبخ اساعد نسرين
اجت ام فارس وعمتهم

ام فارس... لاتزعلين مني اني لوما معتبرتج مثل بنتي ماحجي عليج واعلمج اريدج تصيرين ام بيت نادرة

ريتال... اجت باستني بس من ورا خشمها عبالك احد جابرها تجي عليه

لا خالة عادي مصار شي واني ما ازعل منج

احلى شي اتكولي انتي مثل بنتي وهو ابنها الكبير اكبر من اهلي

بعد الصلاة اجة فارس

من فات من المطبخ بقة يباوع عليه بشك

فارس...ريتال شبيهن عيونج ليش حمر

ريتال... هااا لا مبيهم شي

نسرين...مريتك نازكة ثرمت البصل والدموع صارت تجري

فارس... اهااا خيتي وانتي مالكيتي غير البصل تنطي الها

نسرين. .. هههههه ولايهمك بعد ما خليها تگرب منو

ريتال... فارس عافنة ودخل للربعة حظرنا الاكل وصبينا
جنت ما اشتهي وحتى غدة ممتغدية طول النهار على لفة اكتلها بالكلية

كعدت وياهم جنت لازمة الخاشوكة بالكذب

فارس... همست باذنها يبعد الروح عليش جاي تلعبين بنعمة الله ومتاكلين

ريتال... هااا مو جوعانة

ام فارس عينها عليه منزلتها ابد

فارس... اذا مو عاجبج الأكل كوليلي شمشتهية واني اجيبو الج

ريتال... لا والله ما اريد وهاي راح اكل
جبرت معدتي واكلت شوية

بعد العشى رحت للمطبخ المواعين هم رجعن تكومن وكفت اريد اغسلهن

هند سوت الشاي واخذتة الهم

مؤمن... جبتلج الصدرية والجفوف

ريتال... عشت لعد وينهم

مؤمن... هذولاك جدامج على الكاونتر
بروح ابوي خجلت واني ادور على صدرية 

ريتال... ههههههه على شنو تخجل قابل انت راح تلبسها وتغسل مواعين بيها

مؤمن... ههههههه هو هاي العايزة

فارس... يولو شنو هذا صوت ضحكم تارس البيت

مؤمن... غير من سوالف حرمتك اليوم دزتني اشتريلها صدرية مطبخ وجفوف

فارس... . شسوين بيهن

ريتال. .. همست البسهن واخذ سيلفي

فارس.. يولوا شكلتي

مؤمن بالكوة كاتم ضحكته

ريتال.. هاا كلت اغسل بيهن مواعين

ام فارس اليوم تحوص اجت وكفت بالمطبخ يمنا بحجة تشرب مي

فارس... ليش المواعين صارن ينغسلن بجفوف

ريتال.. . ايدي تتحسس من مساحيق التنظيف
اليوم غسلتهن صارت حمرة شوف
مديت ايدي كدامه

فارس... اشتعلوا عشيرتج  انطيني ماي اسممه

ريتال... خرب هذا شبي

ام فارس... غدددي غددددي تريدين تنكسين المواعين بهاي الجفوف مال مستشفى

ريتال.. يااا عزاااا شنو مستشفى

خالة هاي كفوف جديدة مشتريها من الاسواق

ام فارس... لا هاي الجفوف يلبسوهن بالعمليات شنو انتي تريدين تجذبيني

مؤمن.. خلف الله عليج جده مو اني رحت لكطتهن من زبالة المستشفى وجبتهن

فارس... يمة رحمه الاهلج منين اجيبين هالسوالف هاي الجفوف  يستخدموهن الكلشي وهذن جديدات محد لابسهن

ام فارس عافتنا وراحت

انهد حيلي الحد مكملتهن
صعدت الغرفتي فارس جان بعدة كاعد يتعلل وياهم

اخذت ملابس رحت سبحت بسرعة ورتبت نفسي

عمة داليا كالتلي ديربالج تقصرين ويا فارس بشي حتى لايكول بسبب الدوام انتي متهتمين بيه
وابد لاتفتحين كتاب وتكعدين تدرسين من هو موجود

بس والله اذا يومية هلكد شغل براسي وين راح يكون عندي وقت للدراسة

ورطت نفسي بالزواج واني مو كد هاي المسؤولية

فارس...جيت للغرفة ريتال جانت واكفة جدام المرآيا كطيت دشداشتي وكعدت على الجرباية واني عيني تراقبها

ريتال تعالي اريد احجي وياج

ريتال... جيت كعدت بصفة
كومني وكعدني على رجلة

فارس... سولفيلي اليوم شبيج ومنو غاثج

ريتال... ارتبكت شراح اجاوبة خفت لا احد حاجيلة
لا مابية شي بس جنت تعبانة من الدوام والطريق

فارس.. ولو مومصدك هذا الكلام بس ماشي
زين ليش من تحتاجين شي تطلبينو من مؤمن مو مني

ريتال... انت جنت طالع واني نسيت اكولك بعدين اذكرت وجان مؤمن موجود طلبت منه

فارس... حبيبي بعد ما اقبل من تريدين شي تطلبينو من غيري حتى لو جانوا اهلج اني المسؤول عنج مفهوم

ريتال.. اوك

فارس... وشغلة ثانية بعد اذا مديتي ايدج جدام احد اكسرها الج

ريتال... فزيت ردت اكوم من حضنة لزمني
ترى موقصدي انت ليش بكولشي مطلع سالفة

فارس... اعرف مو قصدج بس جاي انبهج
اليوم من داومتي جنتي مصبغة اظافرج

ريتال... فتحت عيني من سؤالة هذا بس لا حتى من الصبغ راح يمنعني

هزيت راسي بمعنى اي واني خايفة هسه غير يخليني اكوم مكعدني بحضنة ويحقق وياي

فارس... انعل يومج واني شلون ما انتبهت
ريتال بعد صبغ ماكو بالكلية

ريتال... غرغرت عيني بالدموع
حجيت بصوت مخنوك ترى ميصير هيجي كولشي ممنوع
اني ممخلية لون غامق لو وردي فاتح وتدرجات البرونزي واللحمي يعني ممبين

فارس... لزمت ايدها يولو كل هذا وممبين والمصيبة حتى اظافر اطوال
بنيتي حرام تطلعين وايدج هيجي انتي ايدج بيضة وحلوة تخلي الاعمى يركز عليها وتسويلو فتنة

ريتال... صار اكو اوامر ثانية اخاف لبسي ومكياجي هم بيهم شي وتحب اغيره

فارس... ابتسمت والله اذا عليه حتى المكياح الخفيف التخلي هم ما اقبلو بس ساكت لان ما اريد اضغط عليج  كثر

ريتال... بالكوة وخرتة كمت احس روحي طكت

فارس... شبيج مثل الجهال كل شوية زعلانة

ريتال.. ومنو كال زعلانة كولشي مبية اصلاً متونسة
رحت كعدت على الطابورية طلعت الاسيتون وكعدت امسح اظافري

فارس... استغفر الله من عقل النسوان هساع اني شحجيت وگلبتي الخلقة

طلعت من الغرفة واني ضايج جهزتلي نركيلة وكعدت بالهول ادخن
اوووف اعرف بيها زغيرة ومن حقها تتمتع بحياتها بس غيرتي عليها عاميتني

هاي صبا شسوي ما احاسبها بس ريتال نهار وليل عقلي مشغول بيها
على كولت امي صدك رديت مراهق بسببها

ريتال.. ما اعرف وين راح فارس جيت تمددت بالفراش
اخذت الموبايل ظليت صافنة احجي ويا منو  لان اذا ابقة كاتمة بكلبي راح اطك

ماكو غير رهف لان ما اكدر احجي الرؤى لو العمة داليا او بنات عماتي اخاف يوصل الكلام الاهلي

اتصلت عليها

رهف... عاااااا منج من الشيطان جاي تتصلين هيجي وقت لعد ابو الفوارس وينه

ريتال... روحي طاكة مناقصة هاي سوالفج

رهف... بجدية شبيج رتو صوتج مو على بعضة

ريتال... حجيت الرهف على ام فارس وعلى سوالف فارس

رهف.. رتوتة ام فارس قصدها واضح تريد تبزعج وتهججج

ريتال... واني شمسويتلها متكوليلي ليش هيجي ضايجة مني

رهف... اكيد علمود ابنها حازم تخاف يرجع ويشوفج وتصير مشاكل

ريتال... عزااااا لج لاتخوفيني

رهف... ليش تخافين اني داوضحلج قصد ام فارس
بس انتي صيري ذكية ولاتقصرين بشي حتى لاتلكي حجة وتحجي عليج

واهم شي اكسبي رجلج ولاظلين كل شوية مدلغمة بوجهة
يحظي منو محصلة هيجي رجال يحب ويغار ويدلل
رتو لاترفسين نعمتج بيدج لايروح يمل ويعوفج

ريتال... معندي اي مشاعر اتجاهه مرات افكر يمكن اني عندي عوق بالمشاعر
اشكد حنين ويتغزل ومدللني ويخاف عليه واني مثل قالب الثلج

رهف... انتي وحدة فكر
ربييييييييييي ماترزقني بواحد مثل ابو الفوارس واظل ادعيلك ليل ونهار

ريتال.... هههههههههههههه خرب تدعين المنو

رهف... عزاااا هلكد ما حميت يمكن جفصت
قصدي ابقة احمد الله ليل ونهار ههههههه

ريتال... هههههههه اشكد جنت ضايجة هسه تغير مزاجي

رهف... دروحي شوفي زوجج وين هججتي هسه تلكينة بحضن صبا

ريتال...عشتووو شسويلة خلي يروح

رهف...يجي يوم تخابريني وانتي تبجين اتكولين الغيرة راح تموتني ما اريده يروحلها

ريتال... اي عود هذاك الوقت سدي الموبايل بوجهي ولي يلا اريد انام

رهف..عابت يلا اشوفج باجر

ريتال...بقيت متمددة بالفراش بس منايمة فكرت بكلام رهف
كلامها صح اني لازم اغير طبعي اذا ابقة هيجي اخاف يمل ويغير معاملتة وياي ويقسى عليه

سمعت صوت الباب دخل فارس للغرفة واجة يمي

فارس... يبعد الروح نمتي

ريتال... ابتسمت هههههه ولا يعرف يزعل
جاوبتة لا

فارس... لاظلين صادة ليغاد اندري عليه

ريتال... انداريت عليه ثواني ونزلت القبلات على وجهي مثل المطر انفاسة حارة حركت وجهي

فارس... يولي لاتزعلين مني ما اكدر اخليج تنامين وانتي زعلانة

ريتال... لا مزعلانة بس انت هم خفف شوية من الغيرة ولاتخنكني

فارس... بنتي تحمليني ولاتلوميني يولو فارس عاشكج من راسج الجدمج

ريتال... فتحت عيني عاااا صار بيها عشق واحنا مصارلنة اقل من اسبوعين مزوجين

فارس... ههههه شبيج هيجي ادحجين

ريتال... هااا لا مبيه شي بس

بعدني ممكلة كلامي خمط شفايفي بين شفايفة معافني الحد ما دفعتة من صدرة بيدي لان اختنكت

فارس.. لاتبعديني يولو ترى مشتعل جد جدي

ريتال.. من ابتعد مني  باس ايدي وراسي
واخذني الحضنة
جنت مطفيه من النعاس بسرعة نمت

مشت ايامي عادية بس جنت كولش تعبانة دوام ودراسة وشغل بيت واجبات زوجية لازم كلهن اوفق بينهن
ام فارس تنتقدني بكولشي كامت حتى يم اقاربهم تحجي عليه وتكسر بيه وتذم تنظيفي واتكول هنا هذن بنات الكلية واحد شيترجى منهم

جنت اسمع واسكت وابد ما اكول الفارس لان نسرين تبقة تتوسل بيه حتى ما احجي

جنت اشوفها شلون تفرق بيني وبين باقي جناينها
صبا ماعون متشيل من الكاع
ومشفتها فديوم حاسبتها
حتى تنظيف المشتمل واكع براسي من غير ملابس فارس والكوي كله اني اسوي

هند بس مسؤولة عن تنظيف مشتملها
ونسرين عليها الطبخ
وشيماء وامها على البيت
واني تلال المواعين عليه 
هما من يجيهم خطار بيهم طبع اذا جايات نسوان من يخلصون الغدى البنات ويساعدن بالغسل لان هوايه

من خلت المواعين  عليه تجي توكف بالمطبخ وتخلي على البنات يمين عظيم حتى لايغسلوهن

وهذا بيتهم اريد يوم مبي خطار ماكو

انكفخت كفخ حتى وقت للدراسة معندي
من اروح للكلية اكعد ادرس

فارس يحس بيه تعبانة ويسالني شبيه جنت اسكت وما احجي شي

اهلي مرتين رحت بتت يمهم
حمل الحد هسه مصار عندي وجنت خايفة فوك هذا التعب اشيل مسؤولية طفل

قررت اليوم احجي ويا فارس بالموضوع

باليل حظرت ماعون فواكه وحلويات وكرزات واخذتة الفارس للغرفة جنت اريد ارشي هههههههه
خليتهن كدامة كشرتلة برتقالة وتفاحة وقطعتهم اله وصرت انطي وحدة وحدة

هو يباوع عليه بشك مبين ممرتاحلي هههههه

فارس... گلبي لاعب منج وراج سالفة بس لا جاي تقشمريني بهذن حتى اخذج الأهلج

ريتال. . هههههه لا شسوي اروح مو جنت قبل خمس ايام يمهم
بس اليسمع كلامك يكول هاي ابد متهتم بي بس من تريد منه شي

فارس... لا يبعد الروح بس  الله يدري اشكد راضي عليج واحمد الله واشكره انطاني وحدة مثلج

ريتال... اوووف بهذا كلامة صعب عليه الموضوع شلون راح اكدر اكله

فارس... وين صفنتي بنيتي كوليلة شرايدة ترى اني صرت اعرفج اكثر من نفسج

ريتال... الله عليك لاتفهمني غلط

فارس... يولي شكو اشو كلامج مدري شلونو

ريتال... شوف يعني هسه اني

فارس.. اي كملي هساع انتي شنو

ريتال.. تنهدت فارس تعرف اني طالبة وبعدلي ثلاث سنوات يلا اتخرج  ودراستي صعبه ومن غير مسؤوليات البيت والزواج يعني كل هاي الامور لازم اوفق بينهن

فارس.. عاقد حاجبه  ريتال ليش ماتخشين بالموضوع

ريتال.... فارس اذا صار عدنا طفل اني شلون اوفق بينه وبين دراستي

فارس... والمطلوب شنو؟

ريتال... ارتبكت وتلعثمت هااا بس اريد ناجل الموضوع شويه

فارس سكت بقة صافن عليه ومينطي اي ردة فعل
طال سكوته واني هم سكتت جنت خايفة من ردت فعله

فارس... ريتال انتي اشكد عمرج

ريتال... رفعت راسي بستفهام هذا شبي شنو هذا السؤال على اساس ميعرف عمري

جاوبتة راح يصير 20

فارس...واني اشكد عمري

ريتال... خرب هذا لوين يريد يوصل من هاي اسئلتة
اعتقد 35

فارس...لا موتعتقدين لان هذا عمري
زين اذا صبرت عليج ثلاث سنوات اشكد يصير عمري

ريتال... عبالك كاعدة بدرس حساب
يصير 38

فارس... زين ضميرج يقبل ابقة الهذا العمر بدون جاهل

ريتال... معندي جواب اله كلامة صح بقيت ساكتة

فارس... يولو جاوبي ليش سكتي
شوفي وسام و رغد اصغر مني وما شاء الله جهالهم بالمدرسة واني اتحسر على ريحة الطفل

ريتال... انقهرت عليه وكرهت نفسي
فارس انسى الموضوع واعتبرني محجيت شي

فارس... تحسرت عفتها وطلعت من اضوج ما احب ابقة جدامها لان اخاف ائذيها

ريتال... طلع فارس بقيت افتر بالغرفة واني الوم نفسي

عرفتة راح كعد بالهول يشرب اركيلة
جنت اريد اروح يمه بس اخاف لان شكلة ضايج ومتعصب
متحملت لبست شي فوك ملابسي وطلعت

جيت بهدوء كعدت بصفة بس بداخلي جنت ارجف
هو ساكت محجة شي جان يجر نفس الاركيلة قووي حسيت الشيشة راح تنفجر

فارس اني اسفة والله بعد ما اعيد هذا الموضوع

فارس... روحي رجعي للغرفة اني شوية واجي

ريتال... تشجعت وصرت جريئة حضنتة وخليت راسي على صدره
ما اروح اذا متجي وياي

فارس... تحسرت يلا يابة كومي
ماحبيت نبقة كاعدين وتطلع صبا تشوفنة هي هم بشر واكيد تضوج وتنقهر واني من يوم الزوجت ما واصل غرفتها

رجعنا للغرفة راح فارس تمدد

جيت نمت بحضنه وخليت راسي على صدرة

جان كل شوية يجر حسرة حسيتها راح تشلع گلبه من مكانه

اني اتخبل اذا احد انقهر بسببي متحملت كمت ابجي

فارس.. ريتال بحضني سمعتها كامت تبجي
عليش تبجين يولو

ريتال... زدت بالبجي  انت انقهرت بسببي

فارس... اشتعلت عشيرة فارس كافي لاتبجين سمعيني ريتال هاي السنة راح تخلص واني راح اصبر عليج السنة الجاية هم

بس بعدها اذا الله كتبلنة عمر وراد يرزقنة طفل مراح اقبل منج اي عذر

ريتال... لا فارس انسى الكلام الكلتة وابد لاتفكر بي اعتبرني محجيت

فارس.. يبعد الروح ما احب العناد

ريتال... سكتت بس ظليت افكر فارس مبين هوايه يحب الاطفال اذا الله مقسملي يصير عندي حمل هذا شراح يسوي

فارس فرضاً اني مصارلي اطفال هم تفكر تزوج عليه

فارس... هههههههه 

ريتال... جاوب ولاتضحك

فارس... الشرع حلل اربعة واني بعدلي اثنين شحلاتكم من اسويكم اربعة

ريتال... بدون وعي كورت ايدي وضربتة على صدره بكل قوتي من صوت الضربة انتبهت على روحي

فارس...اشتعلت عشيرتج يولو صايرة وكحة

ريتال... اي اني وكحة روح خلي النسوان التاخذهم يفيدوك وخرت راسي من حضنة وانطيتة ظهري

فارس... ههههههههه يروحولج فدوة انتي الاصل

ريتال... لا عيني صبا الاولى هي الاصل

فارس... رجعتها الحضني وهي تدفعني
ول ياب ليش اني مخبل اباوع على حرمة غيرج

هاي مو صبا بنت عمي ومرتي الاولى يولي مبقالي اي نفس بيها

ريتال... مااااا وخررر بعد ما اصدكك

فارس... اني اخلص من ال ياااا تطلعي مااا اليوم اكلج

ريتال... هم زين كدرت اغير مزاج فارس والحمدلله قبل ناجل موضوع الحمل سنة على الاقل بهذاك الوقت راح اكون مرحلة ثالثة

فارس... كاعدين اني وايوية

الشيخ... فارس تعرف بيه اني ما احب ادخل بحياة واحد بيكم بس الموضوع من يغضب الله لا ما اكدر اسكت

فارس... شيخ شكاعد تحجي واني بشنو غضبتو

الشيخ... عجل ليش ماتعدل بين نسوانك اني من قبلت اخذلك حرمة على بنت عمك عبالي انت كدها وراح تنفذ شرع الله بينهن

فارس...حكيت راسي يابة ترى اني مخالفت شرع الله بشي صبا من زمان متنازلة عن حقوقها
وانتوا تعرفون شنو سبب زواجي عليها

الشيخ... بس هي هسه تريدك تعدل بينها وبين حرمتك الثانية

فارس... دحجت على ابوية بتعجب
يعني صبا هي طلبت منك تحجي وياي

الشيخ... لا مو مني صبا حاجية الامك

فارس...هذا هو يابة اعتبر الموضوع انحل

الشيخ.. الله يرضة عليك وليدي

فارس... كمت من يم ابوية واني ضايج
صبا صارلها سنين ناسية حقي 
ومن ازوجت صارت تريد حقها.....

يتبع