رواية فارسي العاشق الفصل الخامس والعشرون 25 - بقلم بسمة البياتي

_  فارسي العاشق _
( بقلم بسمة البياتي)
_البارت السادس والعشرون _

فارس.. عليش هلكد خايفة واذا رجع شنسويلو

ريتال.. لزمت ايد فارس وعصرتها حجيت بغصة والله اخاف منه موبيدي

فارس... ريتتتتتتال انسسسي الصار انتي حرمتي عرضي وشرفي شحدو اليگرب منج
حازم من يجي اعتبري حالو من حال وسام ومؤمن

ريتال... شفت فارس تعصب خفت هزيت راسي بالموافقة

سمعت صوت هلاهل جوة اكيد عرفوا بجيت حازم

فارس... يلا اني رايح للجامع
وانتي بطلي خوف حرمة فارس لأزم متخاف من شي بستها براسها وطلعت

ريتال... راح فارس واني من خوفي كعدت ابجي حتى بطني مغصتني
ياربي عديها على خير تعبت من المشاكل

نزلت جوة ام فارس ونسرين كاعدات يباعن عليه ويتبسبسن بينهن

ساعدتهم بتحظير العشى لأن هاله واهلها راح يجون

نسرين... ريتال تعالي امي تريدج بموضوع

ريتال... اخذتني الغرفة امها

ام فارس... شوفي ريتال اكيد عرفتي حازم الحمدلله راح يرد

  والله اليستر من ردت فعلو اذا شافج هين

ريتال... مو اني ناقصة خوف وهاي جاي تخوفني بالزايد

ام فارس... اني اريد اسويلو عزيمة جبيرة واعزم كل معارفنة
اريدج قبل لا يجي حازم تروحين البيت اهلج

ريتال... خالة ترى حازم مصيره يشوفني خوما تبقون ضامين عليه طول العمر

نسرين... ترى قصد امي تروحين بس هالجم يوم الحد ما تفض الهوسة ويخلصون الخطار اكيد كرابتنا كلها راح تجي تسلم عليه

ام فارس... واني اريد اتهنى بشوفة وليدي النحرمت منو بسببج

ريتال... فتحت عيني ياااا واني شعليه قابل اني كتلة يسافر

ام فارس... عجل مو خبلتي وخليتي مايندل دربو وهج بسببج

ريتال.. لا عاد لهنا وكافي ليش شنو بيني وبينا حتى اخبلة اشو هو الدمرني وشوه سمعتي

نسرين.. هساع ماكو داعي اتجددون الموضوع
ريتال المصلحتج روحي يم اهلج مانريد تصير مشاكل جدام الخطار لان محد يعرف انتي نفسها الجان رايدها حازم

ريتال.. ومنو يكول فارس يقبل اروح هو يوم واحد بالكوة يخليني ابات

ام فارس... يما من العيارة هو فارس بكلشي يمشي على مايج بس بهاي متكدرين تقنعينو

ريتال... اوك من يجي فارس اكوله

اجوي اهل هاله والتهينة وياهم

خطية هاله جانت طايرة من الفرح

بعد العشى ام فارس طلبت من هاله تبقى وبعد متروح ويا اهلها

بس امها كالت لا خلي تجي حتى خواتها ياخذوها للصالون ويرتبوها

ام فارس انطتهم فلوس تروح تشتري اليعجبها

هي صح يم اهلها بس مصاريفها كلها على الشيخ

اريد اكول الفارس اروح يم اهلي بس خايفة يفهمني غلط

شجعت نفسي وحجيت ويا
حبيبي انت تعرف اهلك راح يسوون عزيمة ويجيكم خطار هوايه والبيت يصير هوسه

فارس.. اي وشنو الجديد بالموضوع هو دائماً بيتنا هوسه وخطار

ريتال.. هسه خلي اكمل كلامي وبعدين احجي

فارس.. اي كملي

ريتال... اكول يعني لو تقبل اروح يم اهلي هاي الكم يوم الحد متخلص الهوسه وعود تعال رجعني

فارس... عقدت حواجبي تريدين تنهزمين من الخطار لو من حازم؟

ريتال.. هفففف والله عرفت راح يفهمني غلط

جاوبتة على شنو انهزم من حازم هو مصيره راح يشوفني

فارس... عجل كعدي وسكتي

ريتال... فارسي فدوة خلي اروح
هو انت من يجي خطار تلعب بيه طوبة لاتحجين ويا هذا لاتسلمين على هذا عدلي حجابج ملابسج اكصاف وجهج خوما بي شي
خوما احد شافج

هالمرة اذا اجو كل اقاربكم شراح تسوي بيه

فارس... استغفر الله راح اوديج بس
ما اضمنلج ابقيج جثير اذا اطخ براسي ثاني يوم ارجعج

ريتال... هههههه والله عاد ادري بيك تسويها

قبل لا يجي حازم بيوم فارس العصر وداني الاهلي

ماما... بنتي ليش هلكد خايفة انتي صرتي مرة اخو بعد ميكدر يسويلج شي 

ريتال... اني مجرد اسم حازم يجيبلي الرعب

رؤى.. اويلي كوون اني وياج من يصير اللقاء بينكم وحازم يعرف انتي زوجة اخو اتمنى اشوف شكلة بهذيج اللحظة

ريتال.. اني وماما باوعنا عليها

رؤى.. يااا هاي شبيكم هيجي تباعولي قابل حجيت شي غلط هي امنية حتى الأماني ممنوعة عدكم

ريتال.. اشو دتحسسيني اني دامثل فلم وانتي تريدين تتفرجين وعايشة اللحظة

رؤى... فضول خيييية فضووووول

ريتال.. امداج وامده فضولج

خابرني فارس كال وصل حازم وجان الكل ملتهين بي جايبين ذبائح ومسوين عزيمة وبيتهم صار هوسه ناس رايحة وناس جاية

اني كضيتها طلعات ويا عماتي شوية كدرت اتونس وانسى الخوف

الحلو بفارس اشكد يغار بس ابد ميمنعني من الطلعة ويا اهلي وعماتي بس اهم شي عنده اصورلة لبسي قبل لا اطلع

صار اربع ايام يم اهلي گلبي طاك على فارس مشتاقتلة وهو هم مثلي

بالليل جنت احجي ويا كالي بعد ما اتحمل باجر اجي اخذج

بابا كالي كوليلة يجي يتغدا يمنا

ثاني يوم قررت اني اطبخ
بابا  جايب فخذ خروف تبلتة وحشيتة وشويتة

وماما خابرت عمو مصطفى يجيبلنا سمك مشوي لان بابا بالدوام ماكو احد يروح يجيب

سويت ويا السمك تمن احمر ومقبلات وطرشي وخير من الله

رؤى... كل هذا النشاط علمود استاذ فارس

ريتال... وشعندي غيره فديتة

هاي اول مرة اطبخ اله متعودة بس اسويلة الريوك

رؤى...روحي سبحي ريحتج كلها زفر هسه تهججين الرجال منج

ريتال... ايباه هذا منو عيني اليهج فارسي يحبني بجميع حالاتي

رؤى.. عوجت حلكي فارسها بس ناقصة سيف وحصان

ريتال.. اشكد سخيفة اروح اسبح احسن ما اظل مكابلتج

سبحت ورتبت نفسي و رجعت للمطبخ اشوف الأكل و رؤى وياي

سمعت صوت سيارة دك موبايلي فارس كالي اني بالباب
من لهفتي عليه طلعت اركض

رؤى.. يااااا راح توكعين على كيفج

ريتال... فتحت الباب يماااا هسه روحي ردتلي

فارس.. دخلت وسديت الباب دحجت ماكو احد بالحوش جريتها الحضني وابوس بيها بلهفة  يولو عبالك صارلي سنة مفاركج مشتاگلج يبعد الروح

ريتال...حضنتة واشم بي والله اني اكثر مشتاقتلك حبيبي
وخرت من حضنه هههههه احنا بالحوش ترى

فارس...هههههه وهساع يلا اذكرتي

دخلنا جوة رؤى جانت بعدها بالمطبخ اجت سلمت عليه
وماما هم اجت سلمت

ماما... هلا بيك والحمدلله على سلامة اخوك
اني وابو يزن بس يصيرلنا مجال نجي نسلم عليه

فارس... كل الهلا بيكم البيت بيتكم بكل وكت

ظلينا كاعدين شوية بعد صلاة الظهر صبينا الغدا

رؤى... اليوم ست ريتال من الصبح بالمطبخ اتكول اريد فارس يضوك طبخي

فارس... بتعجب هذا كلو ريتال سوتو

ريتال.. وليش متعجب

فارس... من يوم الزوجتج لليوم ما ادري بيج تعرفين تطبخين

ماما.. هههههه ترى ريتال ام بيت نادرة كلشي تعرف تسوي
تدري بيه اني موظفة لهذا بناتي معلمتهن كلشي

فارس... همست باذنها يولو اكلج جثير طيب لو ادري من زمان اخليج تطبخيلي

ريتال.. غصيت باللكمة عزاااا هذا بس لايسويها ويخليني اطبخ والله نسرين تريدها من الله اذب الطبخ عليه

همست دخيلك هسه يلا تحسنت دراستي مابيه حيل ارجع اكرب من جديد

كملنا لاكل رؤى سوت الشاي

جنت كاعدة بصفة ويامن بحضني فارس كتل روحة على يامن يبوس ويعضعض بي لان مدبدب وشكلة يجنن فديتة

فارس.. يولو اريد مثلو

ريتال... هههههه ان شاء الله حبيبي

فارس ظل يسولف ويا رؤى وماما
سأل رؤى شوكت نتائجها كالتلة هالأيام وعدها بس تجيب معدل الها هدية
وهذيج تموت على الهدايا كيفت هههههه

فارس.. ابوج شوكت يجي اريد اسلم عليه قبل لانروح

ريتال... للساعة 3 يلا يجي

ماما... بنتي اخذي فارس خلي يرتاح بغرفتج الحد ما يجي ابوج لان خطية مبين عليه تعبان

ريتال... رحت كتلة اول مرة استحى من ماما بس بعدين كام وياي

فارس... غرفتج حلوة

ريتال...اي رؤى تريدها بس اهلي ميقبلون ينطوها الها

فارس.. هههههه ليش خطية خلي تستفاد منها

ريتال.. رفعتلة حاجبي لا عيني هاي تبقة غرفتي وكلما اجي انام بيها

فارس.. تمددت على جربايتها وسحبتها نومتها بحضني
ظليت ابوس بيها اوووف يولو اموتج بعد اذا هلكد بقيتي بعيدة عني

ريتال... والنبي اني هم بالكوة صابرة بدونك حتى بالليل ما اكدر انام لأن مو بحضنك

اكول بيتكم هم بعد خطار بي

فارس... هو يا يوم بيتنا مابي خطار

بس هساع قليل يجون يسلمون ويروحون مو مثل اول الأيام

ريتال.. داحجي ويا لكيتة نايم ههههههه
سحبت نفسي منه على كيف وطلعت استحي ابقة ويا كدام ماما

رحت كعدت يم رؤى

اجة بابا سأل على فارس كتلة نايم ردت اكعده بابا مقبل كال عوفي يرتاح

بابا تغدا وراح ينام شويه الحد ميكعد فارس

رجعت للغرفة اباوع فارس بسابع نومه

فارس... فتحت عيني ريتال كاعدة يمي
حجت بصوت نعسان هاي شكثر نمت يولو

ريتال...ههههههه صح النوم حبيبي مبقة شي راح يأذن العصر

فارس... فزيت خرب غيرتج يولو ليش مكعدتيني والله عيب من اهلج

ريتال... ياااا وليش عيب قابل شمسوي
يلا كوم هسه بابا هم يكعد يصلي

فارس كعد ويا بابا سوينا شاي العصر شربنا وبعدين رجعنا للبيت

جنت طول الطريق خايفة وبطني ماغصتني

هم زين محد من الولد موجود بالبيت

سلمت على ام فارس والبنات

ام فارس من شافتني عبالك شافت ابليس
بيت عادل جانوا هم موجودين ورغد

فارس صعد لبس دشداشتة ونزل لان هو متعود بالشغل يلبس بنطرون وقميص بس العصريات يلبس دشداشة

ام فارس...عليش مابقيتيلج فد اسبوع يم اهلج

ريتال... فارس خابرني كالي راح اجي اخذج
خوما اكوله لا لاتجي

كمت من يمها مناقصة مغثتها
هاله موجودة الدم راجع بوجها ومبينه فرحانه خطيه

التهيت وياهم بتحظير العشى بس گلبي جان يدك سريع كلما اسمع صوت افز اخاف يجي واشوفة
قبل صلاة العشاء صعدت الغرفتي ما اريد ابقى جوا

فارس... عليش كاعده هين وحدج

ريتال.. قبل شويه صعدت صليت

فارس.. اهااا عجل كومي ننزل نتعشى

ريتال.. اريد اكوله ما اريد بس اخاف لان نظرات الشك بعينه
كمت ويا قبل لا ننزل لزمت ايده شبكت اصابعي بين اصابعة

فارس.. تنهدت اخذتها من ايدها ونزلنا

ريتال... جنت ضاغطة على ايد فارس ما اريد اهدها هو حس بخوفي

دخلنا للربعة حبست انفاسي من الخوف الكل كاعدين الشيخ عادل واولاده وسام جمال مؤمن وحازم والنسوان

والبنات جانوا ديجيبون الاكل لان السفرة مفروشة

حازم ملتهي يسوالف ماحس  من دخلنا

ام فارس من شافتني وجها صوفر حالها امر من حالتي
سلمت بصوت مبحوح من الخوف

الكل ردو السلام حازم رفع عينه بس شنو من الصدمة يمكن عيونه رادت تطلع من مكانهن

ساكت ميحجي شي بس يباوع وبؤبؤ عينه يتنقل بيني وبين فارس نزل راسه باوع على ايدي البيد فارس

كسر الصمت الشيخ لان حس على صدمة ابنه

الشيخ.. هلا بيج بنيتي هاي وينج عليش طولتي علينا هلكثر

ريتال.. جاوبتة بصوت ناصي هلابيك عمو

الشيخ... بنيتي سلمي على حازم اخو زلمتج لاتخجلين منو هذا مثل اخوج

حازم سلم على حرمة اخوك فارس

ريتال... باوعت الحازم بعده صافن

هلا بيك اخي الحمدلله على سلامتك

فارس اخذني من ايدي كعد وكعدني بصفة

حازم ساكت حتى مجاوبني وعيونه يطلع منها نار

عادل.. يول البنية سلمت عليك عليش ماترد

وسام... هههههه الظاهر الغربة مخليتو يصير خجول

ريتال.. ايدي بعدها بيد فارس

وفارس ضاغط على ايدي قوي مبين متعصب من نظرات حازم الي

دعيت الله يعدي هذا اليوم على خير

جابوا الأكل حازم مكدر يبقى كاعد عاف الأكل وكام بعصبيه طلع

فارس صار اعصاب

الشيخ باوع على فارس وانطه نظرة يعني اسكت ولاتسوي شي

مؤمن طلع ورا حازم

اني وفارس صح كاعدين بس ما اكلنا شي

مؤمن.. طلعت ورا حازم اشوفو وين راح هذا مخبل اخاف يسويلو مصيبة
هو اول يوم وصل للعراق من كعد وياي سالني عليها رغم يدري بيها مزوجة بس بعدو يفكر بيها واني حرت شجاوبو

لكيتو بالحديقة اول مشافني هجم عليه لزمني من تشيرتي

حازم... لك ششششششنو الكاعد يصير هاي شجابها هين وشنو علاقتها بفارسسسسسس احجي لا اهجم البيت عليكم اليوم

مؤمن... سديت حلكو وبالمدافع طلعتوا برا
امشي نفتر بالسيارة واني افهمك كلشي

حازم   ما اتحرررررررك من هيييين احجيييييي

مؤمن... كافييييي فضايح لاتسويلنا مصيبة امشششششي جدامي
بالكوة كدرت اصعدو للسيارة

حازم.. يوووووول احجي عاد مو عقلي راح يطيررررر

مؤمن.. ركنت السيارة بمكان فارغ وصديت عليه
دحج حازم ريتال صارت حرمة اخوك من اليوم اعتبرها مثل اختك وانساها بعد مايجوز تفكر بيها

حازم... شششششلون ازوجها شعرفو بيها

مؤمن... كل هذا الجرى بسببك من المصايب السويتها بالبنية الشيخ زواجها الفارس

حازم... عجل ليشششششش موافق اني اخذها وبكل سهولة ياخذها الفارس
شنو ابوية نسى كلامو موكال ما ادخل غريبة البيتي

مؤمن... للضرورة احكام حجيت الحازم كلشي وحجيتلو على جيتها البيتنا بيوم النفضحت بالكلية

حازم... بصوت يرجف ولك كل هذا ماينطي ابوية  الحق ياخذها الفارس مفكر بيه ماكال شلون ازوجها الواحذ اخو رايدها ويحبها
ولك حبييييييتها من كل گلبي ماتمنيت شي من الدنيا بكد ماتمنيتها وهساع اشوف ايدها بيد اخوية وتريدني اعتبر الموضوع عادي ومو صاير شي

مؤمن... حازم لاتجذب على روحك انت ماحبيتها اليحب ماياذي اكو واحد يحب وحده يشوه سمعتها شلون تريدها تحبك وانت مبقيت شي ماسويتو بيها

حازم... من كثرررررر حبي الها انجنيت جنت اخاف غيييييييري ياخذها وتالي اخوية اخذهااااااا

ابوية دمرني لو موافق اخذها من جيت وطلبت منو يخطبها الي مجان صار كل هذا
ولك الف مرة توسلت  بي حتى نزلت حبيت ايدو

هو مو يخاف الله عجل ليش ماخاف الله بيه
مكال هذا اذا رجع وشافها جدامو شراح يصير بي ولك ششششششلون اكدر اعيش وياها بنفس البيت شلون اكدر امنع عيني منها

مؤمن... انقهرت عليه يحجي وعيونو متروسة دموع

حازم حتى لو الشيخ موافق ياخذها الك ريتال هي مجان وافقت
وحتى بيوم الاجتي البيتنا ابوية كاللها اخلي حازم  يرجع وازوجو الج
كالتلو لو يبقة حازم اخر واحد بالدنيا ما اريدو

انساها خوية وعيش حياتك مرتك خطية كافي تظلمها

والأهم من هذا كلو ريتال تحب فارس هو يحبها
فارس عندو الدنيا بكوم وريتال كوم ثاني
هيانفاسو  التصعد وتنزل
اليگرب منها فارس يخلص عليه حتى لو جنت انت اخو

حازم... ههههههه بهل بساطة انساها واعتبرها مثل اختي هههههه اشكد سهل الحجي ههههههههه

مؤمن... شبيك يمعود عليش هالضحك

حازم... ماكو شي امشي رجعني

ريتال.. خلصوا عشى كمت اريد اغسل المواعين بس جنت خايفة ابقة بالمطبخ وحدي
ام قيس فدوة العينها من شافتني داغسلهم وحدي
صاحت شهد وجنتها يساعدوني

هاي المرة ما اعرف شلون اوصفها انسانة تتخلى على الجرح يطيب هوايه احبها

هاله جانت يمنا بالمطبخ تحجي ويا شهد

هاله... يولو شهد شوكت انتي هم تجين هين وبعد ما نفترك

شهد... بخجل ان شاء الله مبقى شي اني خلصت السادس وبعد ما اكمل

ريتال... غمضت عيني اووووف يربي ما ادري انقهر على رهف لو انقهر على شهد

شهودة ليش متروحين كلية

شهد.. لا بابا واخواني ميقبلون

ريتال... والله حرامات درستي وتعبتي وتالي تكعدين بالبيت على الاقل روحي كلية تربية اكثرها بنات

شهد..والله اتمنى بس شسوي موبيدي

ريتال.. دنحجي وجان يدخل حازم ومؤمن يمااا متت من الخوف عيونه جانن حمر

حازم.. مبرووك مرة اخوية اعذريني قبل شويه التهيت ومابركتلج

ريتال.. بلعت ريك الله يباركلك اخي

حازم.. هه اخي عافنة ومشى

ريتال... باوعت المؤمن هزلي راسة بمعنى ماكو شي غلسي

صعدت فوك رتبت نفسي الفارس لازم اتصرف طبيعي اذا اظل خايفة فارس راح يضوج وهو اصلاً متعصب من حركة حازم من عاف العشى وكام
كعدت اتراسل ويا البنات

اجة فارس من شافني رغم ضوجته ابتسملي 
بدل ملابسة وراح للحمام

ريتال... يلا بنات تصبحون على خير

رهف... بعد وقت وين رايحة ابقي ويانه ضوجه 

نغم... اكيد عدها سهرة ثانية

ريتال... عابت سكتي ترى اكو بنات ويانه

رؤى... خطية اشكد مراعية شعور البنات وانتي ماكو سالفة بحلكج غير فارسج

ريتال... جنت اضحك على كلام رؤى اجة فارس وكف يتعطر ويباوع عليه

رؤى.. رتوتة كم مرة كتلج شوفيلي واحد مثل فارس

ريتال..اجة فارس مدد بصفي

فارس... ويامن كاعد تتراسلين يولو وهيجي فرحانه

ريتال.. ههههههه ويا البنات
رؤى تريد واحد مثلك ههههههه

فارس... هههههههه وتالي ويا ام لسان كوليلها خلي تجي تختار اليعجبها واني ازوجو الها حتى لو جان ابويه

ريتال... هههههههه حجيت الرؤى تخبلت

رؤى... عزاااا بعينج ريتال ولي بعد ولا احجي وياج جنت اشاقة عابت

فارس...زتي الموبايل من ايدج يبعد الروح يولو صارلج كم يوم مو يمي مشتاگلج

ريتال.. سهرت ويا فارس ونسيت كل همي

ثاني يوم من راح فارس للشغل اتصلت على رهف اريد اسالها شصار بين حازم و مؤمن لأن اعرف مؤمن كولشي يحجيلها

بالبداية مقبلت اتكولي بس من حلفتها حجتلي

والله صرت حتى اخاف ابقة بالغرفة وحدي من اصعد اقفل الباب عليه

عيون حازم تلحكني بكل مكان ممرتاحة ابد وحتى فارس ممرتاح

فارس.. ريتال شنو رايج نطلع بيت وحدنا

ريتال... بسرعة باوعت عليه صدوك دتحجي لوتشاقة

فارس... صدك بنيتي بس يحتاج اقنع ابوية لان مايقبل احد بينا يترك البيت عادل لوما عندو ولد كبار هم مجان خلى يطلع

ريتال.. لعد منو يكول راح يوافق

فارس.. احاول والله كريم

بعد العشى فارس طلع برا ويا جمال واني جنت بالربعة اصبلهم شاي

الشيخ... مؤمن شوكت نخطبلك شهد يول اليوم جايين عليها خطابة

مؤمن... اختنكت هسه وكت هالسالفة
يابة اني بعدلي سنتين ما اكدر ازوج هساع

الشيخ... ازوج وكمل الزواج مراح يعطلك عن دراستك

مؤمن.. لا يابة ما اكدر دراستي صعبه وشهد اذا المتقدملها زين انطوها ليش موكفين قسمتها

نسرين.. شنو ينطوها غير اگلب الدنيا عليهم

مؤمن..خزرت اريدها تسكت

الشيخ... شهد الك شنو هالحجي هذا
البنيه خلصت دراسة على الأقل لبسها حلقة جدام الناس واعقد عليها

مؤمن... يابة الخاطر الله اجل هذا الموضوع زواج هسه  ما ازوج اذا ما اكمل دراسة

عافنة وكام

ريتال... اني ظليت افور من القهر شنو قصده اجلها اذا ناوي ياخذ شهد شعنده معلق رهف بي ويحجي وياها

كمت طلعت من الربعة باوعت مؤمن كاعد بالحديقة

رحت يمه

فهمنيييي شنو معنى كلامك اذا تريد بنت خالك شكووو تحجي ويا رهف

مؤمن... ريتال رحمه الاهلج عوفيني مو ناقصج ترى

ريتال..متكدر تحجي لان معندك جواب بسس عيب عليك معيش الاثنين بامل
موكف قسمة شهد وتضحك على رهف
انت لو تريد رهف جان هسه كلت الجدك اني ما اريد شهد لاتنتظرني

مؤمن... كافي يولو لاتزيدين همي والله حلكي تخيط وما عرفت شحجي

ريتال... واني راح احجي الرهف كولشي حتى لافديوم تجي تلومني وتكولي انتي ضميتي عليه

مؤمن... جيت وكفت جدامها لا ريتال اياج تحجين شششي اني راح اتصرف

ريتال... بعدنا نحجي ونتعارك وجان نسمع صوت حازم

حازم... شبيها مرة ابو الفوارس متعصبة وتتعارك

مؤمن...ماكوو شي على شنو نتعارك

ريتال...مشيت من يمهم اريد افوت جوة

حازم... اخاف ضاجت لان راح تزوج

ريتال... انصدمت وكفت بمكاني

شنو وعلى شنو اضوج

مؤمن.. حازززززم احجي عدل ولاتخليني اخلي ضيم گلبي كلو بيك

حازم... هههههه وشنو هو ضيم گلبك
بس والله عفيه عليك ذيب
طلع شغلك كلو من جوة ليجوة الظاهر العصافير غركانين ومحد حاس بيهم

ريتال... جيت انجلط من كلامه

محسيت الا مؤمن طفر على حازم و صار فوكه وشبعة بوكسيات

صارو يصارعون بالكاع كمت اعيط من الخوف.......

يتبع