_ فارسي العاشق _
( بقلم بسمة البياتي)
_البارت الخامس والعشرون _
مؤمن...خرب هاي شصار بيج نزلت بسرعة عندي بطل ماي بالصندوك جبتو الها يولو نزلي غسلي وجهج
.ريتال... كمت ابجي عزااا بس لا خشمي انكسر غسلت وبالكوة وكف الدم
امشششششي رجعني
مؤمن... والله ما اتحرك من هين اذا ماتحجين
ريتال. ترى اخابر فارسسسسس واكوله
مؤمن... عادي خابري كتلج ما اتحرك اذا ماتحجين
ريتال.. استغفر الله
اجة طالب راد يحجي وياها وحدهم هي مقبلت كالت احجي كدام صديقتي
كاللها اني صارلي فترة اراقبج وسالت عليج واني قصدي شريف اريد اجي اتقدملج
رهف... اعذرني اخي طلبك مرفوض اني ما افكر بالزواج هسه
الولد حاول وياها بس هي قافلة وانتهى الموضوع
يلا رجعنننننننننني
مؤمن...هساع ارتاحيت من سمعت هيجي مجاوبتو
دحجت على ريتال خطية خشمها احمر ههههههههه خرب شراح يخلصني من فارس اليوم
ريتال... رجعنا للبيت صعدت بدلت وغسلت من الدم
خشمي من اطخه بعده يوجعني نزلت اتغدا صحت مؤمن حتى يتغدا وياي
كال ما اريد هههههه العاشق نفسه انسدت
مؤمن.. دخلت الغرفتي واني روحي لايبة طلعت
الموبايل واتصلت على رهف
رهف... هستوني اريد اغفى دك موبايلي باوعت عزا هذا رقم مؤمن ما ادري شبيه انخبصت عدلت كعدتي ايدي ترجف فتحت الخط
الوووو...
مؤمن... صرخت منوووووو هذا وشيريد منج
رهف.. عقدت حواجبي هذا شبي
شكووو شبيك تصيح منو قصدك
مؤمن... يولو لاتغشمين روحج منو هذا الجاي عليج اليوم مصارحج ويريد يخطبج
رهف.. ابتسمت على غيرتة يمه فدوة شلون متعصب
مؤمن... الوووو مو كاعد احجي وياااااج ليش متردين
رهف... هااا الووو اي شمعرفني هو واحد اجة حجه وراح
مؤمن... هو منين يعرفج
رهف.. لا عاد لهنا والزم حدودك شنو منين يعرفني قصدك اني منطيتة وجه وعندي شي ويا
مؤمن... استغفر الله هساع انتي عليش تفسرين الحجي على مزاجج
رهف... ترى كلامك واضح انت دتكول منين يعرفج
مؤمن.. يولو نار بداخلي مجاي اعرف شحجي
رهف... مؤمن والله ما اعرفة هو من غير قسم اصلاً تفاجئت بكلامة اليوم
مؤمن... بعد اذا اجه عليج بسرعة تتصلين عليه وتبلغيني مفهوم
رهف... اني انطيتة جوابي ما اعتقد بعد يجي
مؤمن.. اي اعرف واذا بعد رجع تكوليلي صار معلوم
رهف... ههههه اوك صار
مؤمن.. تنفست براحة لاتضحكين ترى مشعولة صفحتي بهالظهرية
رهف... ههههههه على كيفك الموضوع ميستوجب هلكد تنقهر بسببة
مؤمن... شلون مايستوجب واني اسمع حبيبتي جاي عليها خطابة
رهف.. يبوووو سخنت متت من الخجل
مؤمن... شو سكتي رهف يولو مجاي اكدر ابقة كاتم بگلبي لوبيدي هساع اصرخ بعلو صوتي واكول احببببببببج
رهف... ههههههه نصي صوتك يمعود هسه اهلك يسمعون
مؤمن...خلي يسمعون انتي الي متصيرين الغيري مستعد احارب الدنيا كلها علمودج
رهف... مممم بس ليش تحارب قابل هي معركة
مؤمن.. تحسرت لاتشغلين بالج
رهف عندي طلب
رهف.... مممم شنو هو؟
مؤمن.. اريد ابقة على تواصل وياج مجاي اكدر امنع نفسي منج
رهف... سكتت وبعدين همست بخجل ممم اوك براحتك
مؤمن... هساع ارتاحيت من قهري حتى غدا متغديت
ريتال من كالتي روحي احتركت
رهف.. هههههه اوووف منها ولاتضم شي العوبه
مؤمن... ههههههههه اليوم شراح يخلصني من خالي بسببها
رهف... عاااا ليش
مؤمن... من حجتلي جنت اسوق بدون وعي وكفت السيارة بنص الشارع
من القوى راسها انضرب بالكشن والضربة اكثر شي صارت على خشمها وظل ينزف
رهف... بفزع ياااااااا عزااااااا هاي شمسوي بيها
مؤمن... عجل مو اكولج اليوم فارس يشرني على الحبل هههههههههه
رهف... هههههههه هسه اكيد نايمة من تكعد اخابرها
مؤمن... رهف
رهف... ممم
مؤمن... احببببج
رهف... خجلت من غبائي سديت الموبايل بوجهة غميت نفسي اشكد ثولة
ريتال... نايمة صارت حركة يمي عرفت هذا فارس
بدون ما احجي شي دخلت بحضنة وبقيت مغمضة
قبل من جان يجي ولا احس بي من التعب هههههه
فارس رادها من الله صار يوزع بوسات على وجهي كصتي راسي خدودي شفايفي
ابتسمت ومديتلة ايدي
فارس... هههههههه اخذت ايدها بستها
بس يولو بعدنا ممسوين شي عليش انطيتني ايدج
ريتال... هههههههه يعني لازم تسوي شي حتى تبوس ايدي
فارس... رجعت اخذت ايدها وبوست اصبعها كلها
يولو ايدج لوبيدي اكلها موبس ابوسها
انتبهت خشمها مضروب وصاير ازرك واحمر لزمتو بيدي
ريتال.. عطت من الزم خشمي ااااخ
فارس... يولو هاي شبي خشمج ليش هيجي متاذي
ريتال... خرررب شراح اكوله
هاااا من داصعد بالسيارة دافتح الباب وانضربت بخشمي
فارس... ادري غير تنتبهين دشوفي شلون صاير
ريتال... عززززا اخاف انكسر لان هوايه نزف
فارس... لزمتو بيدي حركتو لايبعد الروح مابي شي بس لان انتي بيضة لاثر يبين بسرعة
بستها من خشمها
هههههههه يوم ايدج تحترك يوم رجلج تنجرح يوم خشمج
شنو سالفتج يابة
ريتال.. برطمت شسوي غير هذا حظي
فارس... بهاي حركتج انتي الجنيتي على روحج
خمطت شفايفها بين شفايفي ول يابة ولاينشبع منهن
ريتال.. قبل اذن المغرب نزلنا اني وفارس جوة
مؤمن جان كاعد من شافني بالكوة كتم ضحكتة اني خزرتة عابتلة فوكاها يضحك
هند... يولي هاي شبي خشمج
نسرين.. ههههههه هاي شنو بس لا فارس كاتلج
ريتال.. فتحت عيني من كلامها
جاوبتها وعلى شنوو يكتلني
فارس ضاج بس مجاوبها
اريد احجي وجان يسبقني مؤمن
مؤمن... اكو طسه بالشارع من عبرتها راسها انضرب بالكشن
فارس.. باوع عليه وخزرني
عزاااا بعينك مؤمن هسه احد طلب منك تحجي
فارس... وانت شبيك ما تنتبه على الطريق اتسوق مثل الثور الهايج
مؤمن... هم ثور ماشي مقبولة منك خالي
نسرين....الصوج مو منو قابل هو مسوي الحفرة بالشارع وهي غير تنتبه شكو مدنجة راسها يم الكشن
ريتال... بله هاي شحجي وياها
فارس... وشلون تنتبه وابنج جاي وفايت بالطسه هو مو حافظ الطريق غير يخفف سرعة من يوصل يمها
بسبب تهورو خشمها جان انكسر
نسرين... الحمدلله مصار شي ماكو داعي الهذا الكلام واذا انت هلكد تخاف عليها ومتأمن بسياقة مؤمن بعد انت وصلها
مؤمن... يمااااااااااا شبيج احد طلب منج تدخلييييييين
فارس... لاتصيح كلام امك صح حرمتي مسؤولة مني واني بعد اخذها وأرجعها
نسرين... خويه لاتزعل مني بس اني لان شفتك خايف عليها هيجي حجيت
فارس... لا وعليش ازعل كلامج صح ومابي شي غلط
مؤمن... وروح ابويه اذا صار الموضوع صدك وانت صرت توصلها من اليوم اني بعد ما اداوم
فارس... مؤؤؤؤؤؤؤمن لاتحلف حرمتي اني اوصلها سد الموضوع
مؤمن... وحق كل حرف بالقرآن اذا ريتال متصعد وياي اني بعد ما اوصل باب الجامعة
نسرين.. عزااااا بعينك مؤمن هاي من كل عقلك
خوية الخاطر الله ترى والله موقصدي وهاي راسك وراس حرمتك ابوسهم واني اعتذر
فارس... خلص خيتي مصار شي خلي الثور يوصلها
ريتال... اني صافنة عليهم محجيت ولا كلمة نسرين يوم بعد يوم تبين حقارتها اكثر
فارس قبل لايطلع اجه همس باذني اتكوليلي انضربت بالباب بسيطة من ارجع اني اعلمج
بلعت ريك من كلامة
راح فارس واني جيت على مؤمن
يعني هسه اني شسويلك
مؤمن... شبيج انتي ورجلج نازلين حامين عليه لو فاتح راسج شجان سويتو يمكن تكعدوني فصل
ريتال... لك يا ططوة حتى اني اليوم راح اترزل من وراك
فارس سالني كتلة انضربت باب السيارة وانت الغبي اتكوله طسه مينلام من يكول عليك ثور
مؤمن... والله طلعتي خوش صديقة واني ظلمتج
ريتال...صداقة مصخمة مثل وجهك
مؤمن... ههههههه
ريتال... عابت
رحت صبيتلي شاي وسويتلي لفة جبن وكعدت اكل
اباوع على مؤمن كاعد و بيدة الفون والابتسامة شاكة حلكة مممم هذا ويامن يتراسل
اكول مؤمن شعندك باقي بالبيت ومطالع
مو صلاة المغرب راح تصير
مؤمن... قابل كاعد على گلبج انتي شعليج
ريتال... طبك طوب صوجي اني جاي احجي وياك
دك موبايلي باوعت رهف تتصل
فتحت الخط
الوووو رهوفة
مؤمن باوع عليه
حركتلة حواجبي واخذت الفون وطلعت للحديقة اشو هذا اجة وراية ههههههه
رهف... هلو هاي شصاير بيج سلامتج عمري
ريتال... فتحت مايك وباوعت على مؤمن
وانتي منين عرفتي الصار بيه
مؤمن ابتسم وحك راسه
رهف... هاااا موووو شسمه
ريتال... احجي لج صايرة اضمين عليه
رهف... لا والله ما اضم بس الظهر مؤمن اتصل وكالي
ريتال... واوووو صايرة تطورات واتصالات
رهف... ههههههه خرب ياتطورات هو اتصال واحد يولو
ريتال... ههههههههه خرب يومج من اتصال حولتي على لهجتهم
اباوع على مؤمن خربان ضحك
رهف... هههههههه ولج فديت لهجتهم غير تجنن
ريتال... بس لهجتهم لو هما هم يجننون
رهف.. اويلي غير اخرب واتكهرب عليهم رتوتة ولج احبه
ريتال... محسيت الا الفون انخمط من ايدي
مؤمن... واني اموووووووت عليج
انسد الخط
ريتال... ههههههههه خرب خرعت البنية شبيك
رهف...اني رهف من اب تكريتي عربي وام كردية ساكنين محافظة كركوك
بابا محامي معروف وماما ربة منزل عندي اخوان اثنين وخوات اثنين
اخوية الكبير سلوان مزوج وطالع بيت وحده
واختي الاكبر مني افين هم مزوجة
واختي الاصغر مني تارا طالبة اعدادية
واخوية سامان طالب متوسطة
اني حاليا عايشة بيت جدي علمود دراستي
من داومت كلية تعرفت على ريتال سبحان الله هاي البنية اول مشفتها حبيتها وصارت عندي اعز من خواتي بس خطية ابد معدها حظ المشاكل تركض وراها
من خلال صداقتي بريتال صارت عندي صداقة ويا مؤمن
هذا الولد من اشوفة ما اعرف ليش وضعي يتخربط
يوم بعد يوم يزيد اعجابي بي شخصيتة حلوة
صاحب غيرة وشهامة جنت اشوفة شلون دمه يحترك علمود ريتال
بالكلية صايرلها مثل الحارس الشخصي شحده اليجيب طاريها بكلمة
مكدرت امنع نفسي من حبه ومن اعترفلي جان هذا احلى يوم بعمري
ريتال... رجع فارس للبيت بس وجها ثكيل عليه احجي ويا على كد السؤال يجاوبني
صعدنا فوك
جنت احوص يمه وهو مجاهلني مليت
جيت كعدت بصفة شبكت ايدي بزندة وخليت راسي على على كتفة
هو جبل ولا هتز ظل يتفرج بالفون اني كعدت اباوع ويا
فارسي راح تبقة زعلان ترى وللله مو قصدي اكذب عليك
فارس... المهم جذبتي لو لا؟
ريتال.. هاي اسمها كذبة بيضة لان مردت تتعصب عليه وترزله هو مو متقصد
فارس... ريتال ما احب الحرمة التجذب مهما كان السبب وانتي بالذات ما اقبل اتضمين شي عليه
ريتال... تووووبة هاي اخر مرة بعد ما اعيدها بستة بخدة
فارس... اتنهدت جريتها الحضني وبست راسها
ما اكدرلج يولو بكلمتين وبوسة تقشمريني
ريتال... هههههه فدوة معاش اليقشمرك حبيبي
فارس... شلون صار خشمج خوما يوجعج
ريتال.. لا الحمدلله مابي شي
فارس.. ادري بالثور عاشك ومضيع دربو
ريتال.. هههههههه شلون عرفت
.
فارس... مبين من تصرفاتو
ريتال... ممممم همست يم اذنه ومنو العاشقها
فارس... تغشمين روحج يولو صديقتج ماكو غيرها
ريتال.. خررررب اشكد ذكي
رجعت همست فارسي تدري الحب حلوو
فارس... دحجت بعينها لازم بنيتي عاشگة
ريتال.. ابتسمت اووووو مو بس عاشقة وغرگانة هم من ساسي الراسي
فارس... ماتحملت كل هذا دلعها بست شفايفها
ريتال... فارسي اشكد تحبني
فارس.. يبعد الروح هذا السؤال مايصير تسالينو الواحد عاشك لان ماكو شي بهالدنيا ممكن يقيس حبووو
ريتال... حبيبي ممكن طلب
فارس.. امري بنيتي
ريتال... فارسي ساعد مؤمن ورهف حتى ينجمعون سوى
فارس... تحسرت حبيبي ما اكدر ادخل بهذا الموضوع بالذات
ريتال... ليشش
فارس... يولو افهمي صعب لان مؤمن ابن اختي وشهد بنت اخوية اذا ادخلت عادل راح يزعل
ريتال.. وليش يزعل ترى الزواج مو بالغصب شلون يقبل ينطي بنتة لو احد ميريدها
فارس.. ابوية واعرفو مراح يقتنع ياخذ غير شهد المؤمن
يولو شهد من هي بالكماط تسمت على اسمو وكل العشيرة يدرون
اذا ما اخذها قسمتها راح توكف
ريتال.. لا متوكف البنية حلوة وصغيرة الف واحد غير مؤمن يتمنوها
اذا اخذت مؤمن صدكني مراح تنسعد وراح تصير ضحية حالها حال هالة
فارس..هساع سدي الموضوع ومن يجي وكتو عود الله كريم
ريتال.. ايامي دتمشي بشكل عادي مابيها شي جديد
بين الدوام والدراسة وبين فارس واهله
مرات من ازعل من فارس بي طبع ياخذ تلفوني ويقفل عليه باب الغرفة حتى لا افكر اروح الاهلي ومن يرجع يبقة يراضي بيه واني فطيرة بسرعة ارضى هههههه ابد ما انام واني زعلانة منه
خلصت هاي السنة والحمدلله كدرت انجح وصرت مرحلة ثالثة
وقت العصر كاعدة بغرفتي فارس طالع ويا اصدقائة ضايجة مبقيت شي من الضوجة مسويتة سبحت شسورت شعري خليت مكياج صبغت اظافري جنت اريد التهي
اخير شي كعدت ارتب بملابسي شفت دشدشة فانيلة مخصرة على الجسم بيها فتحات جانبية ربع ردن لونها اسود وبيها كتابة بالانكليزي بالون الأبيض لبستها
باوعت بالمراية حلو هذا اللون عليه
فتحت موبايلي دورت اغنية حلوة حتى اشغلها
لكيت اغنية قديمة الصباح بس موسيقتها وكلامها يجنن زي العسل
غمضت عيني وبديت اتمايل واركص ويا الموسيقى واغني وياها
قابلت كتير .. فرشولي عشاني الأرض حرير
وشفت كتير .. وما شفتش زي حبيبي أمير
مانيش ريدة .. وما نيش ريدة الا هو .. ما نيش ريدة
وما فيش فايدة .. مافيش فايدة الا هو .. مافيش فايدة
في البعد عشقاه .. في القرب عشقاه
زي العسل على قلبي هواه
زي العسل على قلبي هواه زي العسل..
يااي جان شعور يجنن عبالك طايرة
فصلت عن الدنيا بقيت مغمضة وعايشة ويا الاغنية والكلام
فتحت عيني شهكت ورجعت ليورا خرب فارس واكف كدامي مرتكي على الكنتور ومتكتف وصافن عليه عيونة تريد تاكلني
يبوووو شصار بيه من الخجل ممتعودة اركص كدامه
فارس... ليش وكفتي كملي
ريتال..ههههه ياااا عزااا شكمل رحت وكفت كدامة لزمت ايده خليتهن على خصري
وشبكت ايدي بركبتة
فارسي اركص وياي سلو
فارس.. ههههههه خرب غيرتج هاي العايزة اكعد اركص
ريتال.. بداعتي قابل شراح تسوي بس نتمايل ويا الأغنية وهاهيه
فارس... ههههههه وينك شيخ عگاب تعال دحج ابنك شكاعد يسوي
ريتال.. هههههه وشيخ عگاب شيجيبة الغرفتنا
خليت راسي على صدره قريب من گلبه اكولك انت ليش هلكد طويل
فارس... شسويلج اذا انتي هلكد قصيرة
ريتال.. رفعت راسي عليه ترى 165
موقصيرة بس انت طويل زيادة عن اللأزم
فارس... يولو كافي خلي نكعد
ريتال.. مااااا عوفنا هيج
حسيت فارس موطبيعي وكل شويه يتنهد
فارسي شبيك اشو مو على بعضك واصلاً شعجب رجعت من وقت
فارس... مابيه شي يبعد الروح
بس
ريتال... بس شنو
فارس.. دحجت بعينها لزمتها من ايدها وكعدتها بصفي على الجرباية
جريت نفس وحجيت ريتال حازم بعد يومين راح يرد للعراق
ريتال... فزيت ورجفت حسيت گلبي انعصر حجيت بصوت خايف شنووو حازم راح يرجع......
يتبع
منو مشتاق الحازم يرفع ايده 😂😂
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!