_ فارسي العاشق _
( بقلم بسمة البياتي)
_البارت السابع والعشرون _
مؤمن مفرفح يضرب حازم ويغلط
مؤمن.. لك ياكلب ياسكط انت واحد بدون شرف عبالك الناس كلها مثلك
ريتال... الكل طلعوا يركضون وسام دخل بين مؤمن وحازم يفاككهم
الشيخ... حازززززم مؤؤؤؤؤمن الله يطيح حظكم فضحتونا انوب المكاون صار بينكم
ريتال... واكفة ارجف محسيت غير اندفعت ونمت بالكاع ونسرين صارت فوكاية ملختني كفخات وضرب حتى حجابي نزعتة من رأسي وهلست شعري
نسرين.. ولج ياحيه الله ياخذج وكعتي بين الخال وابن اختوووووو
ام فارس... ولكم من اكلكم هاي عكربة محد يصدكني راح تهجم بيتنا
ريتال... يريدون يشيلون نسرين من فوكايه ميكدرون
حازم ومؤمن بعدهم يضاربون
انفتح الباب دخلوا فارس وجمال يركضون
جمال راح يم حازم ومؤمن
وفارس اجة دفع نسرين مني شال الحجاب من الكاع وخلى على رأسي
نسرين... عوفنيييييي خلي اربي هالحقيرة خلت مؤمن وحازم يتكاونون
فارس من سمع كلام نسرين بدون مقدمات هجم على حازم
عرفت فارس عباله حازم متحارش بيه
صحت بصووووت عالي
اني ششششعلية جنت واكفة ويا مؤمن اجة حازم يكول شعدكم واكفين وحدكم
فارس من سمع كلامي رجع ضرب حازم
فارس... وصلت بيك السسسسسفالة تتهمها ويا مؤمن
انت عاااااااااار عبالك مؤؤؤؤؤؤمن مثلك
بالكوة لأزمين فارس نسرين من سمعت الكلام ظلت بصخام وجها
الشيخ.. امششششو جوة كافي فضايح سودتو وجهي الله يسود وجوهكم
ريتال... غصيت بالبجي والله ما ادخل جوة هسسه تأخذوني الأهلي
الشيخ... بنيتي تعالي فوتي مايصير تبقين هين
ريتال... عموووو اريد اروح الأهلي على شنو اني متحملة كل هذا الذل والأهانات والضرب
بالكوة دخلوني جوة
الشيخ... بنتي الخاطري حسبيها عليه الله بلاني بمرة مسمومة وبنتها طلعت انكس منها
وحازم عار محد راح يموتني غيرو
ريتال...اسم الله عليك الله يطول بعمرك
الشيخ.. عجل الخاطري انسي الروحة الأهلج
ريتال...هزيت راسي بالموافقة
فارس صاير بارود كل شوية يريد يهجم على حازم
فارس... اسسسمعني زين اذا بعد وصلت يم ريتال لو حجيت وياها والخلقك ادفنك وانت عايشششش
ام فارس.. هااا يابن بطني علمود مريتك تريد تدفن اخوك
الشيخ... انتي بالذات لاتحجين ولا كلمة بدال متهدين الوضع ازيدين النار حطب
ريتال... مكدرت ابقة كاعدة عفتهم وصعدت
متت من البجي بحياتي ممضروبة هيجي
فارس من يضربني راشدي مو اكثر
دخل فارس للغرفة
فارس... كومي كعدي وحجيلي الصار بالتفصيل
ريتال... الصار حجيتة عوووووفني اريد انخمد
فارس... ريتتتتتتتال جريتها من ايدها كعدتها يلا احجي
ريتال... جنت اتعارك ويا مؤمن
حازم سامع جزء من كلامنا وفسر الكلام على مزاجة واجه كال شعدكم يمكن انتي ضايجة لان مؤمن يريد يزوج
فارس... خرررب عشششيرتج خرب اهلج
انتي ششششعليج بمؤمن يحب يزوج انتي شكووووووو الف مرة كايلج لاتدخلين بهذا الموضووووع ليش متسمعين الكلام
ريتال... رهف صديقتتتتي ما أكدر ما ادخل
فارس... انعل ابوووووج لابو صديقتج
ريتال... انت شششششبيك اختك شبعتني كتل مسويتلها شي ولا حاسبتها
وكل الهامك ما ادخل بموضوع رهف ومؤمن
انطيتة ظهري ونمت واني غاصة بالبجي
سمعت الباب انطيك قووي طلع فارس
ساعة ورجع تمدد بصفي من ريحتة عرفت جان يشرب اركيلة
جنت منطيتة ظهري هو هم ولا حاول يراضيني لو يحجي وياي
الصبح فتحت عيني فارس حاضني ويبوس بيه
دفعتة وخرررررر
عبالك اني امشي على مزاجه يتعصب ويسب ويغلط ومن يهدء يجي يبوس ويحضن ولا عبالك مسوي شي
فارس... كومي سويلي ريوك راح اتأخر
ريتال... معليه اني روح الأختك تسويلك
فارس...هههههه اذا مو من ايدج ما أريد
ريتال... كتلك معليه
فارس... عجل اروح اخلي شيومة تسويلي
ريتال.. غمضت عيني بعصبيه جاي يدلعها
حجيت بنترة عادي روح قابل لأزمتك
فارس... هاا يعني عادي اروحلها واطلب منها يولو
ريتال... اي عادي
فارس... بنيتي اني طول الليل مو نايم من القهر لوبيدي اروح أشرب من دم حازم
ريتال... بجيت اخوك هاني واختك ضربتني شوووووف اثار الضرب بجسمي شنو اني تايهتلها هيجي تسوي بيه
فارس...بعد شحدو اليمد ايدو عليج البارحة من قهري من حازم نسيت سالفة نسرين وضربها الج
ريتال... فارس كدر يقشمرني وخلاني انزل ويا جوة
دخلنا للمطبخ نسرين وشيماء موجودات
مصبحت على اي وحدة بيهن وكفت على الطباخ اسوي الريوك
نسرين حجت ويا فارس مجاوبها
فرحت لان هو هم زعلان منها
كملت الريوك وجيت كعدت يم فارس
نسرين... خوية شبيك زعلان الصار البارحة بحالة عصبية
فارس... اهاا وبعد انتي كلما تتعصبين تضربيها شوفي خيتي اني سكتت ومحجيت شي لان انتي اختي الجبيرة واحترمج بس اذا الموضوع اتكرر راح يكونلي تصرف ثاني
ابوية بكبرو ما اقبل يمد ايدو عليها مو عاد انتي
نسرين... لا ان شاء الله بعد متنعاد الله لايجيب الزعل بينا
وانتي ريتال لاظلين مبوزة واذا ضربتج اني مثل امج
ريتال.. استفزتني بكلامها مكدرت اسكتلها
جاوبتها
ماما بحياتها ممادة ايدها على وحدة بينا امي انسانة واعية ومثقفة مو همجية
فارس.. رييييييييتال هاي منو الهمجيه
ريتال.. عاط فارس وجرني من زندي احس ايدي راح تنخلع
نسرين... رحمه الله والديج بنيتي سويتني همجيه
فارس... صكيت على اسناني كومي اعتذري منها وحبي على راسها
ريتال... من كلمة يريدني اعتذر واني انضرب ولازم اسكت
فارس... موووو كاعد احجي ويااااااج يلا
ريتال... اضطريت اعتذر خفت لايضربني كدامهم ويشمتهم بيه
نسرين من اعتذرت منها تبتسم بشماتة اشكد كرهت فارس بهاي اللحظة
متحملت ابقة كمت بسرعة صعدت الغرفتي
ثواني واجه فارس ورايه
فارس... انتيييييي شلون تجاوزين عليها جدامي ومحترمتي وجودي
ريتال... مووووو خليتني اعتذرررررر شتريد مني بعد تريد اروح ابوسسسس رجلها حتى ترضى
فارس...لج بهاي سوايتج خليتها هي تصيررررر صاحبة الحق عليج
مرة بكد امج اتكولين عليها همجييييييه
ريتال... جنت احجي وابجي ايييييي همجية ونص وشتسوي سوي تريد انت هم تجي تضربني يلا تعال هاي اني كدامك
فارس... سسسسدي حلكج لا اجي اكص لسانج صايرة صلفة وتراددين منووووو علمج على هاي السوالف ماجنتي هيجي
ريتال... اتعلمتة منكم عششششرتي وياكم خليتني هيجي اصير
فارس... اروح اطلع وحق الحق اذا ابقة يمكن ابتلي بيج
ريتال... اجة اخذ موبايلي وعافني وطلع بس هالمرة مقفل الباب
هند... يولي شعندج كاعده هين وحدج لايكون بعدج زعلانه
ريتال.. لا على شنو ازعل بس راسي يوجعني ومعندي مزاج انزل
هند.. كومي عمي دزني عليج يكول خلي تنزل تتغدى
ريتال... والنبي ما اشتهي فدوة كوليلة لكيتها نايمة
هند... عزاااا يولو تريديني اجذب عليه
ريتال... الخاطري بس هالمرة
هند... وانتي راح تبقين بدون غدى وحابسة روحج
ريتال... اني من اجوع انزل اكل
... ضوجه ما اعرف شسوي حتى موبايلي ماكو
قبل الساعة ثنتين اجه فارس ولاباوعت بوجها
فارس... كومي حظريلي ملابس رايح اسبح
ريتال.. طلعتلة ملابسة وخليتهم على السرير ورجعت لفراشي
فارس واكف يلبس ويباوع عليه
فارس... امشي ننزل نتغدى
ريتال.. مجاوبتة
فارس.. سمعتي شجاي احجي يولو امشششي نتغدى من ورا سوالفج حتى ريوك ماتريكت
ريتال.. متروح تاكل احد لأزمك
فارس...هساع انتي زعلانة مني عليش تزعلين من الأكل
ريتال.. ما ارررررررريد ومعليك بيه عسى ما امووووت من الجوع انت معلييييك
فارس... استغفر الله كعدت بسدها
ريتال الكلمة الحجيتها الصبح مو حلوة وعيب يعني تريدين اسمعج اتكوليلها همجيه واغلس
ريتال... لا طبعاً شلون تغلس هاي ريتال الحجتها اكيد ميصير تغلس بس هي وامك من يسبن ويغلطن عادي عندك
فارس... منو سابج جدامي واني ساكت؟
ريتال.. مو الا كدامك المهم دوم يسبوني
فارس... بنيتي تحملي الخاطري يولو نسرين ارمله ومكسورة جناح ما اكدر اخليها تزعل مني
ريتال.. حجيت بگلبي الأرملة السوداء خايف على مشاعرها
جاوبتة هسه اني مطالبة منك لا ادافعلي ولاتسوي شي بس عووفني بحالي واذا تبقى تلح عليها اكوم اشمر نفسي من الشباك
فارس.. يطبج طوووووب انعل يووووومج خلصتي گلبي حتى زقنبوت ما آريد انطيتها ظهري ونمت
ريتال... عشتو فوكاها هو يزعل والله يا الله
كعدت العصر فارس مموجود كمت رحت للمطبخ الفوك فتحت الثلاجة طلعت فواكه اكلت وعندي عصير ونساتل وشبس هم اكلت
اجه فارس جايب اكل
فارس.. كووووومي اكلي
ريتال... كتلك ما أريد ولاتبقى تلح عليه
ههههههه ميدري بيه شبعانة
فارس عاف الآكل ونزل
جان جايب مشاوي صح الريحة سطرتني وجوعتني بس متقربت منه
فارس... دخلت للربعة ابوية والولد كاعدين حازم موجود واني مو طايق شوفتو بس مجبور اتحملو
كعدت بسد ابوية
يابة اريدك تحجي ويا ريتال حتى تنزل تاكل لامتريكة ولامتغدية
الشيخ... يول فارس شمسوي للبنيه خوما ضاربها
فارس... ههههه ردتك عون اشو كبيت عليه ممسويلها شي هي مأخذة على خاطرها بسبب ضرب نسرين الها
الشيخ.. والله حقها نسرين على اي اساس تمد ايدها عليها شنو بنت الناس تايهتلكم
فارس... هساع عوفك من هالموضوع دز عليها واحجي وياها
هند... اليوم اني مشغليني يمج كل شويه ودزيني عليج
ريتال... ههههه ومنو دزج
هند... عمي يريدج وديربالج اتكوليلي كوليلو نايمه لاتفشليني يولو هو حتى الظهر ماقتنع بجذبتي بس مشاها
ريتال... اوك جاية
نزلت ويا هند دخلت للربعة الكل موجودين فارس كاعد بصف ابو
الشيخ.. هلا بنيتي تعالي هين يمي
ريتال... فارس سوالي مكان بصف الشيخ رحت كعدت
الشيخ... احجيلي منو المضوجح ومخليج تحبسين روحج بغرفتج اذا فارس مضوجج هساع اكسر راسو جدامج
فارس... خير شيخ اشو فتت زايد
الشيخ... اسكت ولاتحجي شي
خلي ريتال تحجي
ريتال... محد مضوجني بس شويه مالي خلك
الشيخ... عجل ليش بعدج الهساع بدون اكل
ريتال... باوعت على فارس وخزرتة هذا اكيد هو كايل الأبو
فارس يوزع ابتسامات
عمو مو جوعانة
الشيخ... ماكو هيجي حجي شلون مو جوعانة وانتي طول النهار مو ما اكله
هساع يجيبون الأكل وتكعدين تاكلين ويانه وما اريد اي عذر
ريتال.. استحيت منه مكدرت احجي شي صبوا العشى اكلت شوية وكمت
ظليت زعلانة من فارس ومقبلت اراضي
الفجر من رجع فارس من الجامع جان يحوص بالفراش اني سويت روحي نايمة
فارس... ريتال ادري بيج كاعدة صدي عليه
ريتال... مجاوبتة
فارس... يمكن اني راح اموت وباقيلي ايام معدوده
ريتال... عقدت حواجبي عزاااا هذا شبي ملكى غير هذا الدرب حتى يصالحني ولايكعد راحه
جاوبتة الموت حق كلنا على هذا الدرب
فارس... طيح الله حظج مستعجلة على موتي يولو
ريتال... هو منو الحجه وجاب طاري الموت اني لو انت
فارس... اي اني لان قبل اذن الفجر حلمت بجدي اجه عليه واخذني ويا
واليحلم بميت ياخذو يعني راح يموت
ريتال... فزيت من كلامة وجسمي قشعر اندريت عليه حجيت بصوت يرجف
الله عليك جاي تحجي صدوك لو تشاقة
فارس... والله العظيم حلمت بجدي
ريتال... حضنته وكمت ابجي لا اسم الله فدوة اروحلك اذا يصير بيك شي والنبي امووت وراك
فارس... عجل اذا هالكثر تحبيني ليش ملوعة گلبي
ريتال.. عفيييية ادفع صدقة سسسسوي خير الجدك
فارس... لاتبجين يبعد الروح كلمن يموت بيومة هساع خليني اخذ راحتي واعيشلي جم يوم حلوات
ريتال...خرب هو رعبني ويريدني
مكدرت امنعة بس ظليت بقلق وخووف
فارس مرتاح ولا مهتم
حبيبي اني خايفة
فارس.. من شنو خايفة
ريتال.. من حلمك
فارس... ههههههه لاتخافين هو حلم
ريتال.. عقدت حواجبي اشو جاي تضحك واني راح تجيني سكتة قلبيه من الخوف
فارس...ههههههه اسم الله عليج يولو جنت اضحك عليج شكثر حاولت اراضيج وانتي قافلة مالكيت غير هاي الطريقة
ريتال... شششششنو هاي كل عقلك هجمت عليه شبعتة ضرب حتى شعرة ملختة
فارس.. خرب غيرتج هههههههههههه ولج كافي راح يكعدون من صوتنا
ريتال... صايييييير كذاب وجماله تحلف اتكول حلمت بجدي
من حلات روحي عضيتة من زندة
فارس.. ااااخ ايدي يا مجلوبه
ترى اني ما جذبت صدك شفت جدي بالحلم بس جان حلم عادي
ريتال.... هديت ووخرت منه
اكولك اخاف دتكول حلم عادي حتى لاتخوفني
فارس... هههههههه وغلاتج حلم عادي
بس لو ماخذني بالحلم ولا هالبهذلة شوفي شسويتي بيه حتى شعري كطعتي
ريتال.. تستاهل شكو تخوفني ما احب الشقه بهيجي مواضيع خصوصا الموت
بده الدوام طلبت من فارس هو يوديني ويرجعني اني من يوم المشكلة الصارت قللت من صداقتي ويا مؤمن
مؤمن لهسه ميحجي ويا حازم
حازم هوايه حاول يراضي بس مؤمن گلبة شايل على حازم
باليل كاعدين نتعلل
الشيخ... مؤمن اليوم حجيت ويا عادل بخصوص موضوعك انت وشهد
مؤمن.. فتحت عيني شششنو يا موضوع
الشيخ... شبيك مثول موضوع الخطوبة اكو غيرو
مؤمن... يابة انت صدك تحجي انييييي مو كلت سدو الموضوع هسه
الشيخ... نصي صوتك لشوكت نبقة ماجلينو البنيه كبرت خوما تريدها تبقى تنتظرك ابيت اهلها شهد مكانها بهذا البيت
نسرين باجر روحي شوفي شنو طلباتها وجهزيها
الخميس الجاي باذن الله الخطوبة والمهر......
يتبع
مساءً الورد
اعذروني لان البارت قصير وربي بالكوة كدرت هلكد اكتب
الفلونزا دمرتني ما اكدر افع راسي من المخدة
ان شاء الله بالأيام الجاية اعوضكم
واشكركم من كل قلبي على تعليقاتكم الحلوة احبكم جميعآ
بسمة البياتي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!