رواية فارسي العاشق الفصل الخامس وثلاثون 35 - بقلم بسمة البياتي

_  فارسي العاشق _
( بقلم بسمة البياتي)
_البارت السادس و الثلاثون _

رؤى... ريتال اذا تريدي ليش مكلتي البابا يرجعج اله

ريتال.. مسحت دموعي هاي من كل عقلج تحجين تريديني اوكف كدام بابا واكولة اريده

رؤى... اي شكو بيها قابل بابا لأزم سيف ومخلي على رگبتج

ريتال... ما اكدر صعب
رن تلفوني فارس يتصل غمضت عيني بخوف

رؤى... هذا فارس؟

ريتال... هزيت راسي بنعم بدون ما احجي

رؤى... خرب يعني بينكم تواصل واني اخر من يعلم

ريتال.. رؤؤؤؤى ترى مو وقت هذا كلامج
كوليلي شسوي اكيد فارس راح يسالني على  غيث وليش هيجي سوى

رؤى... عادي خلي يسأل انتي ليش خايفة ابن خالج وحب يدافعلج

ريتال... يعني تتوقعين فارس راح يقتنع بهذا الكلام؟

رؤى... ههههه اكيد لا ميقتنع بس ماكو غير هذا الجواب هو حتى احنا منعرف غيث ليش هيجي سوى

ريتال... رجع رن موبايلي

الووو....

فارس... بتعب ابن خالج شيريد منج وليش هلكد دمووو محترك عليج

ريتال... لاتسالني لأن ما اعرف

فارس... ريتتتتتال هذا عينو منج ولج بالكوة لزمت روحي وماخلصت علييييه

ريتال... شنو عينه مني ترى غيث مزوج بنت خالتي وعدهم طفل

فارس... واذا مصخممممم من هذا تصرفو مبينة شنو نيتو
من شاف ابوج راح يوافق سوى المشكلة وخررررب الأول والتالي

ريتال... كمت ابجي هسه اني شنو بيدي ليش جاي تصيح عليه

فارس... استغفر الله يولو من ضيم گلبي مكاعد اعرف شحجي نار شابة بيه

ريتال... هسه انتوا وين؟

فارس... بالفندق ماكدرنا نرجع تعبانين والدنيا صارت مغرب راح نبات والصبح نرجع الكركوك

ريتال..خطية اخوانك هوايه تبهذلوا بسببنا

فارس... تحسرت بعد سوايت ابن خالج ولا اكدر اكوللهم تعالوا وياي

ريتال... لا وين تجي اترك الموضوع هسه بلكي الوضع يستقر ونكدر نرجع التكريت
وبهذاك الوقت عود  تعال

فارس... واذا الوضع ظل نفسو وين اكدر اتحمل تظلين بعيدة عني
والمصيبة تبقين جدام ابن خالج

ريتال... يوووو فارس رجعنا للشك وعدم الثقة

فارس.. هذا مو شك يولو موبيدي ما اتحمل زلمة ثاني ينظرلج حتى لو نظرة

ريتال... تنهدت اطمئن حبيبي المكان اليكون غيث موجود بي بعد ما ادخلة

فارس...  اووووف يبعد الروح  اشكد تمنيت اليوم تردين وياي وآرجع اكحل عيني بشوفة عيونج النحرمت منهم

ريتال... نصبر والله كريم

نهيت الأتصال ويا فارس لأن اخوانة اجو يما

رؤى... هههههههههه شنو احساسج وانتي مسوية علاقة حب ويا زوجج السابق وتحجين ويا بالسر ههههههههه

ريتال... وجع ترى الموضوع ميضحك

رؤى... هههههههههه والنبي سالفتكم تضحك بعد ما جان زوجج صار حبيبج هههههههه

ريتال... كافييييييي ترى مصختيها
وثاني شي هو دوم حبيبي هسه وقبل

عفتها وكمت

استمريت بالتواصل ويا فارس  اعرف الداسوي غلط وتعتبر خيانة بحق اهلي

لكن الحب البيني وبين فارس اقوى مني ومنه ما اكدر ابتعد عنه

غيث من هذاك اليوم بعد مشفتة من يجي البيتنا ادخل للغرفة وبعد ما أطلع الحد ميروح

جنت من اريد اروح البيت جدي اروحلهم بالوقت اليكون بي غيث بالشغل

اليوم باليل اجة جدي وخوالي حسين وحيدر
واولادهم البيتنا

اني كالعادة دخلت للغرفة لان غيث وياهم

دخلت رؤى للغرفة لونها مخطوف بحلكها حجاية بس مجاي تعرف شلون تكولها

احجي العندج ولاظلين تفترين يم راسي

رؤى... هاا مو ما اعرف شلون اكولج

ريتال... احجي عاد مللتيني

رؤى... جايج خطابة

ريتال... صفنت عليها و فتحت حلكي مثل الثولة هااا شنو

رؤى... سدي حلكج لا تدخل بي ذبانة
واستلمي المصيبة الأكبر تدرين منو العريس

ريتال... لا فدوة لاتكولين غيث

رؤى... بلي والله هووو بشحمة ولحمة

ريتال... عزااااا بعينه هذا اكيد تخبل شنو من كل عقلة اني اخذة

داليا.. ريتال تعالي جدج يريدج

ريتال... غمضت عيني بغضب شششيريدون مني هذولة ششششبيهم

داليا... خرب لج نصي صوتج

ريتال... دخلت للأستقبال بالكوة سلمت عليهم
جدو كال تعالي كعدي يمي

جدي... بنتي أبن خالج  يريد يخطبج غيث اني مربي على ايدي ومتاكد اذا اخذتي راح ترتاحين بحياتج لان ماتلكين احسن منه    

ريتال... جدو ترى زهرة حفيدتك شلون گلبك ينطيك انت بنفسك تجي تخطب الزوجها 

جدي...زهرة تبقى معززة مكرمة واني لو ما اعرف بغيث زلمة معدل ويكدر يفتح بيتين مجان جيت بنفسي اطلبج اله

ريتال...اعذروني اني مستحيل اوافق

خالي حسين... وليش مستحيل يعني عاجبتج كعدتج يم اهلج ترى هسه انتي وضعج مو مثل قبل الزواج ستر الج 

ريتال... وشبي وضعي؟

حسين... كعدت المطلگة  بالبيت ماتجيب غير الحجي الزايد والقال والقيل

ريتال... اشو دتحسسني عبالك المطلقة وصمة عار

بابا... ترى المطلقة مرتكبت أثم او عار حتى الناس تحجي عليها
الطلاق مراح يقلل من قيمتها او انوثتها

الطلاق اهوايه احسن من زواج فاشل تنظلم بي المرآة وتندفن وهي عايشة

حسين... عود اقنع الناس بهذا الكلام خوية المطلگة عليها الف خط وعلامة استفهام

من تجي قسمتها واحد ينطيها ويريح راسة

رافد... اني بنتي مو زايدة عليه حتى انطيها شلون مجان

حسين... ليش اني ابني شلون مجان؟

رافد... لا مو هذا القصد بس ابنك مزوج ومستقر بحياتة شنو ذنب زوجتة انزل بنتي ضره عليها  

غيث... عمي لعد هي قبل مو اخذت مزوج اشو معترضت على الأقل اني ابن خالها راح احافظ واخاف عليها اكثر من الغريب

رافد... قبل غلطت وانطيتها المزوج مراح أرجع اكرر نفس الخطأ

ريتال... فارس من اخذني كان اله اسبابة
زين انت شنو اسبابك حتى تزوج على ام ابنك

مختصر الكلام اني معتبرتك مثل اخوووويه وياريت انت هم تعتبرني مثل اختك 

غيث وخالو حسين عيونهم نطت من العصبية بس ميكدرون يحجون شي 

ثاني يوم الصبح اني و رؤى نايمات فزينا على صوت صياح خالة ميعاد

كمنا مثل المخبلات كل وحدة كفشتها شكبرها طلعنا نركض

ميعاد... اجيتيييييي خاتوووون ولج حقيرة تريدين تهجمين بيت بنتي يالمتخافين من الله

رجلج عافج ملكيتي احد ياخذج
دكيتي ناعم الغيييييث

سجى... مييييعاد لاتخليني انسى انتي الكبيرة واسوي بيج سواية مصايرة

لوبيج خير روحي ضبي زوج بنتج مو جاييييية علينا

ميعاد... هييييي بنتج مفلفلة على الزووووواج بس تريدلها رجال
والظاهررررر تعلمت تاخذ افضالت النسوان

سجى... لج ريتال تااااااج راسج وراسسسس بنتج

وبنتج لو براسها خير مجان غيث فكر يزوج عليها اذا انتي امها حقة يهج منهااااا

ريتال.. خالة ميعاد اجت تريد تضرب ماما

خالة امل وعمة داليا وكفوا بالنص منعوها

راحت خالة ميعاد وهي تتوعد وتهدد

ماما كعدت تبجي اني كلمة ما حجيت

جدو وبيبي متعاركين ويا خالة ميعاد وطارديها

ماما طلبت من بابا نترك الحلة

جدو  مقبل بالكوة قنعها تغير رايها

محجيت الفارس على الصار لان هو اصلاً يتخبل من غيث انوب يسمع جاي يخطبني
يمكن يسويلة كارثة

بهاي الفترة مرتين اجوني خطابة ورفضت
واحد اقارب ماما من بعيد

والثاني ابن جيرانة

مؤمن دز اهلة يخطبون  رهف وحالياً دينتظر موافقة اهلها حتى يروحون مشية زلم ويعقدون

اتصلت رهف

رهف.. ولج رتوتة اهلي وافقوا ورجعوا جواب الأهل مؤمن

ريتال... اووف الحمدلله الف مبرووووك حبييتي والنبي فرحتلكم من كل گلبي

رهف... الله يباركلج ياعمري يوم الافرح برجعتج الفارس ان شاء الله

ريتال... تحسرت مبين ماراح يجي هذا اليوم

رهف... لاتيأسين الله موجود ويفرجها عليكم ان شاء الله
اشكد تمنيت تكونين وياي بيوم العقد

ريتال... لوما وضعي والله اجي بس وعد قبل العرس اجيج

تمت الخطوبة والعقد بين مؤمن ورهف

باليل متمددة بفراشي داتراسل ويا فارس
اني ويا اكثر شي نتراسل قليل نتخابر لان اخاف اهلي ينتبهون عليه

رؤى اجتي تمددت بصفي وحضنتني

عقدت حواجبي بستغراب هاي اول مرة بحياتها تسويها

خليت ايدي على كصتها اشوف مسخنة

رؤى... شبيج

ريتال... والله اني مابية انتي الشبيج

رؤى.. اختي حبيبتي قابل حرام احضنج

ريتال... مممممم لا اكيد مو حرام بس مو من عوايدج

رؤى... رتولتي احجيلي انتي وفارس من تتراسلون وتتخابرون شتحجون

ريتال... مو اكول بيج شي ابد مو طبيعية وانتي شعليج اشنحجي

رؤى.. مجرد فضول اريد اعرف

ريتال... وفضولج ما اشتغل غير ساعة وحدة باليل
على العموم حجينا عادي وين رحت منين اجيت شسويت ويامن حجيت شكلت شلبست

وهو هم نفس الأسئلة

رؤى... شنهاي والله لو اني منه احظرج

ريتال... لعد شتريدنا نحجي مثلاً؟

رؤى... حب غزل من هالسوالف

ريتال... اكيد اكو حب وغزل
بس كوليلي شنو سالفتج وضعج مديعجبني

رؤى... ممممم هو بصراحة اكو شي واريد اكوله الج بس اخاف

ريتال... عزااااا رؤى بس لا تحبين

رؤى... لا مو الهدرجة
شوفي اكو طالب ويانة دائماً اشوفة يباوع عليه من يشوفني انتبهت عليه يدير راسة

الولد هواية محترم وشخصية البنات كاتلات روحهن عليه بس هو ولاينطيهن مجال

ريتال... اذا الولد ثكيل ومينطي مجال الاي وحدة
يجوز بالصدفة عينه تجي عليج مو قصدة شي ثاني

رؤى..  المصيبة ما ادري من اشوفة  ليش گلبي يظل يدك

ريتال... خرب غيرتج من نظرة وكعج هذا لو يصارحج شسوين

رؤى... غير اشك حلكة

ريتال.. ههههههه والنبي انتي مخبلة لعد فهميني انتي شتريدين

رؤى... هو ليش اني اعرف شريد

ريتال.. زين هو من وين؟

رؤى... من بغداد

ريتال... رورو حبيبتي حاولي لاتعلقين نفسج بي احنا مصيرنا نرجع المحافظتنا
حتى لو كان الولد فعلاً معجب بيج ونيتة صادقة وياج بابا  مراح يقبل ينطيج خارج تكريت

رؤى... اعرف بس شسوي الگلبي مدري ليش احوالي تتخربط من اشوفة

ريتال...صار عندي فضول اشوف روميو هذا

رؤى...لحظة هسه اشوفج صورتة

ريتال.. عزااا بعينج ماخذتلة صورة

رؤى...وجع فضحتيني ولج موجودة بالصفحة مالتة

ريتال.. رفعت حاجبي مممم وانتي منين تعرفين صفحتة

رؤى... ترى الصفحة بأسمة  ولاتنسين هو زميلي بينا اصدقاء مشتركين دائماً تطلع كدامي

ريتال... قنعتيني  يلا وين الصورة

ممممم والله حلووو بس فارسي احلى

رؤى... عشششتووو فارسها احلى صدوك لو كالوا القرد بعين امه غزال

ريتال.. شهكت عزااااا هذا منو قرد يا ادبسز ماكو قردة غيرج كومي من يمي لا ابتلي بيج

مثل كل يوم كاعدة اتراسل ويا فارس

حجالي عن صحة ابو كالي حيل مدهورة وهالأيام راح يودو التركيا
واثناء الكلام كالي بيت عمي اهل صبا يمنا

يما من سمعت اسمها شبت نار الغيرة بگلبي

كمت من فراشي ورحت للمطبخ حتى اتصل عليه

ما اكدر، احجي بالغرفة لان يزن نايم

هذا البيت بي ثلاث غرف
غرفة الاهلي وغرفة البيت عمة داليا وغرفة اني و رؤى ويزن واولاد عمة

اما جدي وخالة امل ينامون بالأستقبال

معندي مكان احجي بي غير المطبخ

اتصلت

فارس... ههههههه بس سمعتي باسم صبا اتصلتي يومية من اكولج اريد احجي وياج اطلعين الف عذر

ريتال... همست بصوت ناصي اي اي احجي بعد كمت ادور مشكلة حتى تروحلها موو

فارس... وين اولي يمعودة شنو اني تحت امرها وكت التريدني تلكاني

ريتال.. اي والله من زمان انت تحت امرها تعوفك اشهر ومن تريدك  تركض عليها بحجة والله حرام عليه ارفضها

فارس... استغفر الله بنيتي روحي نامي اذا بقيتي تحجين زايد ليلتنا مراح تعدي على خير

ريتال.. كول اريد اروح اسهر وياها على شنو جاي اتزحلكني

فارس... خرب اهلج بابا شبيج يعني لو اريد اروحلها خايف منج

ربتال... فارس ديحجي وياي ومتعصب جان اسمع صوت صبا حجت ويا
لوبيدي اطلعلهم من التلفون

صبا .. جنت ادورلك الجو بارد شعندك كاعد بالحديقة

فارس... وعليش جاي ادوريلي

صبا... نسرين كالت نامو بغرفتي واني فرشت الي والك اهناك

ريتال... من غيضي وقهري عضيت اصبعي قوووي

فارس... هه كومي من جدامي لا اكفر بيج مو اني ظال على مزاجج وكت التريديني تلكيني

صبا... فارس شبيك متعصب اني رحت ويا اهلي حتى اراجع الاطباء اهناك واشوف وضعي خوما رادلي المرض

فارس... صبااااا ولييييي من هييييين

صبا... لاتظل تصيح رايحة

ريتال.. ظليت ساكتة وهو هم ساكت

فارس....وين راح صوتج يعني انتي لو تتكاونين لو تسكتين

ريتال.. وشتريد احجي

فارس... انعل يومج اشكد تبجين يولو ما اروح يمها
وغلاتججججج ما اروح

ريتال.. لاتحلف بغلاتي

فارس... ههههه يابة بغلات ابوية ما روح

ريتال...مزاعلتك

فارس... يولو لاتدلعين وين انطييي وجهي بهل ليل

ريتال.. روح الصباوي

فارس..ههههههههههه هم رديتي النفس السالفة
اني رايدج انتي شسوي بصبا

ريتال.. مندمجة ويا فارس بالكلام وناسية نفسي
انسحب الموبايل من ايدي
رفعت راسي،

هذا بابا
جمدت بمكاني

شكل بابا ميتفسر  خلى الفون على اذنة

ثواني وانلطش الفون بالكاع

بابا... لج ليشششششش هاي تاليييييي ثقتي بيج كاعدة بنصاص الليالي تحجين ويا مثل الحرامييية

ريتال.. الكل كعدو من سمعوا صوت بابا

ماما... شكو رافد شبيك تصيح وشبيها ريتال

بابا... تعاليييييي شوفي بنتنا الكبيرة العاقلة شششششتسسسوي

جدي.. رافد منا عالم نصي صوتك وفهمنا شبيها ريتال

رافد...ريتال مسستغفلتنا وكاضيتها حب وغزل واتصالات ويا فارسسسس

سجى... عزاااا بعينج ريتال هاي من شوكت تحجين ويااا

رافد...حرامات خوفي وتعبي بيج جنت اكول مربي بنية بالف رجال بس طلعت ما عارف اربيج صح

جدي... رافد كااااافي ماكو داعي الهذا الكلام بنتك غلطت ومحد معصوم من الغلط

رافد... كل السويتة علمودها ماردت بشر يكسرها ويأذيها
تالي هي كسسرتني وكسسرت كلامي

ريتال... بابا كلامة مثل السكاكين التكطع گلبي

باوع عليه وكال  خذلتيني

عافني وراح

عمة داليا اخذتني للغرفة جنت ميتة بجي

داليا... ولو مو وقت العتاب بس ليش محجيتلي جان على الأقل نصحتج وساعدتج

ريتال... عمة والله استحيت احجييييي كوووليلي شراح اسوي بابا زعل مني

داليا... عوفي يهدء والله كريم

اجت ماما يمنا

ماما... ابوج يكول اذا تريده خلي تخابرة يجي ياخذها بس تنسى عدها اهل

ريتال... كمزت من مكاني لزمت ايده ماما

لا فدوووووة كوليلة والله بعد ما احجي ويا بس المهم متزعلون مني

ماما... اذا انتي تريدي ليش ما حجيتي جان رجعناج اله مو احسن من هاي سوايتج

ريتال... والله خفت احجي فدوة لاتظلوون تلوموني
اني فتحت عيني على حب فارس رغم سوايتة ماكدرت اطلعة من گلبي موبيدي والله موبيدي

حياتي صارت مثل الجحيم بابا ميحجي وياي اشكد توسلت وعتذرت ماكو فائدة..

ماما تحجي وياي على كد السؤال والجواب

نفسيتي تعبت وتكأبت كرهت نفسي وكرهت فارس

رهف اكثر من مرة اتصلت على رؤى تسال عليه

ورؤى حجتلها الصار

رهف ناقلة الكلام الفارس

داليا... ريتال فارس متصل على ابوج

ريتال... ليش اتصل؟

داليا.. يريد يجي على ابوج حتى بلكي يرجعج اله
رافد من سامع صوت فارس متخبل متعارك ويا وكايلة قسماً بالله بس توصل عتبت بابنا اطردك انت والوياك

فارس ظال يتوسل ويعتذر، من ابوج
رافد ساد الموبايل بوجهة

ريتال.. تحسرت هذا هو خلي ينساني الى متى يبقى ينتظر وماكو امل

داليا... وانتي راح تكدرين تنسي

ريتال... كلام عمة مثل الملح على الجرح
هزيت راسي بلا غطيت وجهي بيدي وغصيت بالبجي
عمة اجت باستني وطلعت

باليل رؤى جابتلي موبايلها كالت رهف تريد تحجي وياج

هلو رهوفة

رهف.. هلا ياعمري شلونج

ريتال.. بحسرة بعدني عايشة

رهف... رتولة فارس يريد يحجي وياج اني مدخلة مؤمن ويانة على الخط
راح يحجي وياج من فون مؤمن

ريتال... فدوة رهف ما اريد احجي ويا خلي ينساني

فارس... بهالسهولة تريدين انساج

ريتال... فارس كافي تعذبني وتعذب نفسك كمل حياتك بدوني ولاتبقى تنتظرني

فارس...وانتي هم تكملين حياتج بدوني مو؟

ريتال.. هو اني منيلي حياة معندي غير الهم والقهر فارس اني تعبت مشاكل مشاكل مشاكل گلبي خلص
حتى بابا خسسسرتة اترجاك عووووفني

فارس...تبيعيني لان ابوج زعل منج وعادي عندج فراكيييييي

ماشي ريتال يجرالج التريدي من اليوم اعتبري فارسسسس مات

ريتال.. فارس سد الخط
وفعلاً من اليوم بعد ما عرفت شي عنه ولاسمعت صوتة حتى رهف من تحجي وياي مجيب طاري فارس ابد واني ما اكدر اسالها

بابا رجع يحجي وياي بس مو مثل قبل

ماما رادت تشتريلي فون مقبلت خفت لا اضعف واتصل على فارس

رهف اتواصل وياها من موبايل رؤى

اتصلت عليه رهف تبجي اريد بس افهم شبيها ولج بس فهميني شصاير

رهف.. جد مؤمن مات......

يتبع