رواية فارسي العاشق الفصل السادس وثلاثون 36 - بقلم بسمة البياتي

_  فارسي العاشق _
( بقلم بسمة البياتي)
_البارت السابع و الثلاثون _

جداً تألمت على وفاة ابو فارس
كان انسان محترم ويخاف الله معندة اذية على اي بشر كل الناس تحبة
هواية بجيت عليه يزن و رؤى وياية هما هم مقهورين

الله يصبر عائلتة متاكدة هسه مكسور ظهرهم على فراگة

اهلي من عرفوا هم انقهروا

بابا كال لو قريبين منا جان رحت الفاتحتة

هسه اذا تعنيتلهم الكركوك يمكن يفسروها بغير معنى عبالهم دافتح خط رجعة بين فارس وريتال

علاقتي شوية تحسنت ويا بابا
انطيتة وعد بعد ما احجي ويا فارس ابد

بابا كال اني الداسوي المصلحتج ماكو اب مايفكر بسعادة بنتة واعرف انتي سعادتج مو يم فارس لان اليشك بمرتة هذا مو رجال

اعرف كلام بابا صح لكن الحب اعمى

بدت عمليات التحرير وكدروا أبناء وطنا الابطال يحررون محافظتي الحبيبة

اكثر الناس رجعوا لبيوتهم
بابا وازواج عماتي سافروا التكريت يشوفون بيوتنا بعدهن موجودات لو مهدميهن

والحمدلله مصاير بيهن شي بس لأثاث مموجود
ماما كالت المهم البيت مبي شي الاثاث مكدور عليه
رجعنا التكريت من دخلتها احس روحي ردتلي

رؤى مكدرت تجي ويانة علمود دوامها هي اداوم أبغداد جنا مأجريلها خط يومية تروح وتجي من الحلة البغداد

عرفت من رهف اهل فارس هم راجعين

مرات ما اتحمل  اسال رهف عليه تكتفي بكلمة الحمدلله زين
الظاهر هو موصيها متحجيلي شي عنه واني هم بطلت ولا اجيب طاريه

الكل بدو يستعيدون حياتهم ووظائفهم وصار وضعهم طبيعي

الوحيدة الجانت حياتها متوقفة هي اني جنت جسد بدون روح
حياتي عبارة عن اكل نوم تنظيف ماعندي اي هدف

مرات اصفن ويا نفسي اني ليش هلكد حبيتة صارلي سنتين مشايفتة ورغم  بعيد عني حبه يزيد بگلبي مينقص

مر على طلاقي من فارس ثلاث سنوات ونص لو غيري وحدة يمكن تنسى وتعيش حياتها لكن اني للأسف شخصيتي ضعيفة ومعندي ارادة

بابا من شافني متكأبة
كال راح ادورلج واسطة بلكي اكدر اعينج

بعدها بفترة صديقة كال خلي تجي تقدم فايل واني احاول ارتب الموضوع الها

من كملت المعاملة دنطلع بابا شاف صديقة وكف يحجي ويا

الرجال سالة عليه كاله هاي منو؟

بابا جاوبة هاي بنتي الكبيرة ريتال

الرجال اكلني بالسلام

رجعنا للبيت وظليت انتظر التعيين وكولشي ماكو

تحدد زواج رهف بعد اسبوعين

الحنة راح تسويها بكركوك

وقبل العرس بيوم تجي التكريت حتى يزفوها من بيت جدها

رهف هوايه حاولت تقنعني حتى احظر حفلة الحنة مكدرت

رهف عدها اخوان واكيد اقاربها راح يكونون موجودين صعب ابقى يمهم واني وضعي حساس لان مطلقة

بيوم حنتها دزتلي صورها فدوة جانت طالعة تجنن
قبل العرس بيوم اجتي التكريت اني و رؤى رحنا عليها

جانوا ابيت جدها بس اهل رهف امها وخواتها وجنتهم وخالاتها اثنين وبناتهن وعمتها وزوجة عمها

مراح يسوون  حفلة عرس لهذا اقاربها مجايين

بس بيوم حنتها حاظرين كلهم

رهف... رتولة اليوم تباتين يمي انتي و رورو اذا رحتي والله ازعل

ريتال... ولج والله استحي

رهف... هو منو اكو اشو بس نسوان

ريتال... خلى اتصل على بابا استاذن منه اذا قبل نبقى

اتصلت عليه كال اذا بس نسوان وماكو شباب عادي ابقوا
ظلينا يمهم اني و رؤى اهل رهف واقاربها طبيعتهم اتجنن الكعدة وياهم مينمل منها

باليل كاعدة ويا البنات
افين...جنت اتمنى اشوفج هلكد ما رهف تحجيلي عنج

ريتال... فدوة الگلبج حبيبتي اني هم جنت حابة التقي بيج

رهف... افين لعد مرة مو جنت فاتحة كام وشفتيها وسلمتي عليها

افين... اي صح بس الموبايل مو مثل على الطبيعة
الكاميرا ظالمتها ما شاء الله عليها مجنت اتصور هلكد حلوة

ريتال.. ياروحي والله خجلتيني
ما شاء الله عليكم انتوا هم وحدة احلى من الثانية

افين... ولو مو وقت هذا السؤال بس شسوي للفضول
انتي اي واحد من خوال مؤمن كنتي مزوجتة؟

رهف... يبوووو عليج وعلى فضولج ملكيتي غير هذا الموضوع

ريتال... لا عادي هو مجرد سؤال مابي شي
حبي اني جنت ماخذة فارس

افين... اني اخربط بين وسام وفارس لان بس مرة شايفتهم

رهف... فارس اطول ومن وسام
وشوية اضخم

افين...هااا هذا الكتيلي زوجتة حامل ويومية مسوية مشكلة لان تخاف تتمرض

ريتال... فزيت باوعت عليها وعلى رهف

رهف تغمز تريد تسكت اختها

اخير شي حجت وياها بالكردي

ريتال... صبا حامل؟

رهف تباوع عليه بخوف هزت راسها بمعنى اي

ريتال.. الله يتمملها على خير وتولد بسلامة

افين... اني اسفة اذا ضجتي بسببي هو وين ما اروح لازم ابقى اجفص واخرب الأول والتالي

رهف... الحمدلله تعرفين بنفسج

ريتال... ابتسمت لا حبي ليش تعتذرين انتي محجيتي شي غلط هي زوجتة ومن حقهم يكونلهم طفل

رهف اخذتني من ايدي كالت تعالي وياي
صعدتني على السطح

رهف.. ريتال والله محبيت اكولج حتى لاتنقهرين

ريتال... كمت اشهك هسسسه اني ليش مقهورة هييي مرتة اني باي حق اغار منها

رفعت راسي على رهف صبا حامل بيا شهر

رهف... جديد مصارلها شهر ونص

ريتال...مسحت دموعي امشي خلي ننزل من هاي اللحظة غصباً عليه لازم اطلع فارس من گلبي

ثاني يوم رحت ويا رهف واختها للصالون
حبيبتى طلعت اميرة ربي يسعدها

اني لبست فستان لون عنابي 
وخليت مكياج شوية طوخ

اجة اخو رهف رجعنا للبيت اهناك لكيت عماتي غيداء، وداليا ونغم
ردت اطلع قبل الزفة رهف مقبلت كالت من يجون دخلي للغرفة لا تعوفيني من هسه

سمعنا صوت سيارات كالوا اجت الزفة بسرعة بوست رهف ورحت للغرفة

گلبي جان يدك سريع ومخبوصة صار عندي ضيق تنفس هاي الحالة هوايه صايرة تتكرر عندي

فتحت الحجاب وصرت اخذ شهيق وزفير حتى اهدء

داليا... ليش ما احنا هم نروح يم ريتال كعدتنا اهنا محلوة

رؤى...  عشتو على شنو انكوم رهف صديقتنا جايين عليها مو على اهل فارس

غيداء.. صح كلام رؤى احنا من طرف العروس شعلينا بيهم

رؤى.. دخلوا اهل فارس واقاربهم

النسوان اجني سلمن علينا

هند...عجل ريتال وينها جثير مشتاگتلها

رؤى... خفت اكوللها مموجودة وتنكشف كذبتي
همستلها موجودة بهذيج الغرفة

هند راحت على ريتال

دخلوا خوال مؤمن حتى ياخذون رهف ويسلمون على جدها ويتشكرون منه

فارس من شافنا ظل جامد بمكانه وعينة تفتر بينا هه اكيد يدور الريتال
جنت اباوع عليه بحقد اشكد تاذت اختي بسببة

ريتال... انفتحت الباب دخلت هند هاي شلون عرفت اني اهنا
بس والله مشتاقتلها

هند.. هههههه خاتلة هين يولي

ريتال.. ههههههه احسن اذا اطلع اخاف شوفتي تجلط بعض ناس تدرين بيهم يموتون عليه

هند... هههههههههه لا لاتخافين عمتي ماجتي ويانة

ريتال.. دخلن ام قيس وهالة وشهد ومرة قيس ونسرين ورغد خرب العشيرة كلها اجتي

كلهن بوسني وسلمن عليه بحرارة
والعجيب نسرين هم اكلتني بالسلام يمكن من كثر فرحتها بأبنها صارت حبابة ههههه

ام قيس... يولي والله الج وحشه دوم اسال عليج

ريتال... فدوة الگلبج خالة الله يشهد هوايه مشتاقتلج

رغد... يولو شنو سالفتج اشو كلما تكبرين تحلوين بالزايد

ريتال.. ههههههه عيونج الحلوة عمري
منو هاي البنوتة الحلوة

رغد... هاي بنتي ريتال

ريتال... فتحت عيني اسمها نفس اسمي

رغد... هههههه من كثر مانحبج سميناها على اسمج بعد شتريدين

ريتال..اخذت البنوتة بستها

البنات راحن بس بقت ام قيس ورغد

ام قيس... لاظلين هين تعالي سلمي على النسوان الكل يسالون عليج

ريتال... خرررب انحطيت بموقف زفت كتلها عذريني ما اكدر

مسمعت مني اخذتني من ايدي طلعتني

الأستقبال متروس انحرجت لوبيدي اختفي من كدامهم جنت مدنكة راسي حتى مانتبهت على الوجوه

النسوان من شافوني كولهن اجن يسلمن عليه
بعدني داسلم سمعت صوت عادل من الطرف الثاني

عادل... هاي انتي هين هلا بيج بنيتي شلونج

ريتال.. درت راسي عليه وهذا الماجنت حاسبة حسابة فارس واكف بصفة
بالكوة جاوبت عادل

الحمدلله عمو انت شلونك
وسام وحازم هم سلموا عليه
حازم سلم عليه وهو مدنك راسة
والاحلى كالي شلونج خيتي

سلمت عليهم بسرعة ورحت يم رهف ومؤمن

مؤمن. هااا يولو وين جنتي خاتلة هههههههه

ريتال... هو انتوا تخلون واحد يختل اشو ثواني وسوو عليه مداهمة

مؤمن.. يالبومة على الأقل تعالي باركيلي يعني بس رهف عزيزة عليج 

ريتال  ما اغلط عليك اكول خطية عريس لأزم احترمة
ثاني شي اكيد انت هم عزيز ولاتنسى البارحة باليل باركتلك لاتصير طماع

مؤمن... اشو الجماعة لاطشين ماناوين يكومون اليوم

رهف.. احسن خليهم كاعدين

ريتال.  ههههه عاط بيهم مؤمن يلا كاموا

خطية ام رهف فرفحت من البجي حاضنة رهف وثنينهن يبجن

البنات اجن سلمن عليه قبل لايطلعن

اخذت بنت رغد بستها بخدها

رغد... ههههههه حمرتج طبعت بخدها 

ريتال...هههههه شوفيها صارت احلى

رغد... عابتلج ترى بنتي حلوة من كاعها

ريتال...عمي اكيد حلوة ربي يحفظها

حضنت رهوفة جانت تبجي واني متحملت بجيت وياها هو اني اصلآ اريدها من الله حتى ابجي
من ديطلعون عيني اجت بعين فارس بسرعة درت وجهي ولا اريد اشوفة

رؤى.. بهمس ترى ركبتج طالعة

ريتال.. يااااا عزاااا نسيت اني فاتحة الحجاب بس شامرتة على راسي وصارلي ساعة واكفة بزودي ولا منتبهة

خوات رهف وخالاتها راحن وياها 

احنا ظلينا شوية يم امها نهدي بيها الى ان بطلت بجي

اجة عمو مصطفى رجعنا للبيت

قبل لا انام اجت رؤى يمي

رؤى.. شفتي فارس من شافج شصار بيه فتح عينة وحلكة حتى مجان يرمش

ريتال... لا مشفت ولا اريد اشوف

رؤى.. اني ظليت اراقبة سينما وبلاش ههههه
ولج جان يباوع على ركبتج ويريد ينفجر

ريتال... عشششتو وهو شعليه والله يا الله

بس صبا اشو ماكو

رؤى... سالت عليها كالوا من يوم الصارت حامل وهي بالفراش بس توهوس
والله هاي مصختها

ريتال.  الله يشفيها

رؤى... تعرفين منو سمى بنت رغد على اسمج

ريتال... منو؟
.
رؤى... فارس

ريتال.. عااا وانتي منين عرفتي

رؤى... والله خية الفضول اشتغل عندي سالت هند وكالتلي

ريتال   خرب اي وبعد شعندج اخبار

رؤى... من بستي  ريتال الصغيرة وحمرتج طبعت على خدها
من طلعوا فارس اخذها من امها وظل يشم بيها من نفس المكان البستيها

ريتال.. رؤؤؤى كافي روحي الغرفتج

رؤى.. ياااا شبيج قبل شوية جنتي حبابة موزين دا احجيلج

ربتال...رؤؤؤؤؤى روحي

راحت رؤى
دفنت راسي بالمخدة وطلعت كل القهر الجنت ضامتة بگلبي

اااااه يا گلبي شوكت تبطل وتنسى موووو ذليتنييييي هوايه كاااافي اريد اعيش مثل الناسسسس وارتاح

بعد ايام صاحني بابا يريد يحجي وياي

بابا... بنتي تذكرين صديقي الشافنه بيوم الرحتي قدمتي على وظيفة

ريتال.. اي اذكرة شبي؟

قبل فترة اتصل عليه يريد يجي يخطبج الأبنة

ريتال... گلبي انخمش

بابا... اني بوقتها حجيتلة عن وضعج وهو كال عادي الطلاق مو شي عيب او حرام

كتلة اني اعرف هذا الشي بس حبيت ابلغك لان هيجي موضوع لازم تعرفة

المهم البارحة باليل هم رجع اتصل وكال باجر  راح نجيكم

ريتال... اي وهسه اني شنو المطلوب مني

بابا... بنتي الولد هم راح يجي وياهم شوفي اذا مقتنعتي بي ومعجبج محد يجبرج

ريتال.. ماشي راح اشوفة

العصر بدلت تنورة سودة طويلة وقميص وردي لفيت الحجاب مكياج مخليت بس حمرة وردية خفيفة

جنت كاعدة بالمطبخ عمة داليا كالت اجوي

مجاوبتها احس روحي مثل الجثة مشاعري ميتة

كعدو شوية وبعدين أجتي عمة كالت تعالي قدميلهم العصير

اخذت الصينية ودخلت سلمت وقدمتلهم العصير من وصلت للولد مباوعت بوجهة

ردت اطلع امه كالت وين رايحه بعدنا مشفناج

بابا.. تعالي ريتال كعدي

كعدت يم عمة ظلوا يحجون
ام الولد جانت تباوع عليه من فوك ليجوة مبينا من شكلها ضايجة

خرب هو هذا هم حظي

ضجت استأذنت وطلعت

بقوا كاعدين شوية بعدين راحوا

اجتي ماما وعمة داليا يمي

ماما... شنو رايج بالولد؟

ريتال.. شمعرفني

داليا.. شنو شمعرفج

ريتال.. والله ما اعرف ولا باوعت عليه

ماما... بله هسه هاي شحجي وياها يا امي لعد هاي الكعدة المنو غير لازم تشوفي

داليا.. الولد حلو وميتعيب وعنده شهادة ووظيفة وحالتهم زينة

ماما.. شوفي بنتي الولد اسمه هشام عمرة 29 سنة
خريج هندسة كهرباء ومكمل ماجستير وموظف

ريتال... بس شكل امه متريدني مشفتوها شلون ضايجة

دالبا... ههههههه يعني انتي عفتي الولد مباوعتي عليه وركزتي على امه

ماما... الولد عنده شقة اذا اخذج تعيشين وحدج مو ويا اهله

ريتال.. فركت وجهي بيدي اوووف ما اعرف خلوني افكر......

يتبع