_ فارسي العاشق _
( بقلم بسمة البياتي)
_البارت الثامن والعشرون _
مؤمن.. صافن على جدي ومو مستوعب كلامو شنو خطوبة شنو عقد وحتى اليوم محددينو
لهين وخلص صبري ححيت بغضب
يابة كلامك على عيني ورأسي واني بعمري ماكسرتلك كلمة من اني طفل تحت طوعك شتكولي اكولك حاضر وتأمر
بس بهذا الموضوع اعذرني يابة هالمرة ماراح انفذ التريدو اني ما اريد شهد لا هسه ولا بعدين
نسرين... مؤؤؤؤؤمن شبيك تخبلت شلون تحجي ويا ابوية هيجي
الشيخ... اي مؤمن عجل منو رايد؟
مؤمن... مارايد اي وحده الزواج مو على بالي هسه
وشهد اني رابي وياها وشايفها مثل اختي ما اكدر اخذها
الشيخ...والله كبرت وصرت توكف جدام جدك وتكسر كلامو
مؤمن... معاش اليكسر كلامك بس الزواج موبالغصب
الشيخ... مؤؤؤؤؤمن الخميس العقد وغير هالكلام معندي
خلصت من سوالف حازم انوب طلعتلي انت
ريتال... صافنة عليهم مؤمن فرفح والشيخ قافل عاف مؤمن وراح نام
نسرين حايرة بين ابنها وابوها
فارس و وسام ساكتين ماحجوا شي
مؤمن طلع برى
لميت ستكاين الشاي ورحت اغسلهن
باوعت من شباك المطبخ مؤمن كاعد ونسرين يمه
جنت اغسل وعيني عليهم نسرين عافت مؤمن ودخلت
مؤمن حط ايده على راسه ودنك
متت قهر على منظرة تخيلت شكل رهف اذا عرفت شراح يصير بيها
جنت متعوده دائماً اطلع اكعد ويا بالحديقة هسه ما اكدر اخاف حازم يبليني بمصيبة اكبر من القبلها
فارس... وين صافنة وعلى شنو كاعد ادحجين
ريتال...خررررب شبيك فززتني
دباوع على مؤمن خطية منظره يكسر الخاطر
فارس... وكفت بسدها ودحجت عليه
الله يعينو هساع تلكين گلبو مشعوط
ريتال... تعال نروح يمه
فارس... وليش مارحتي يمو اني دوم الكيج كاعده ويا
ريتال... لا ما اروح وحدي مناقصة مشاكل
فارس... استغفر الله اني هم يوم منعتج تحجين لو تكعدين ويااا
ريتال...لا
فارس... عجل خلص اذا اني راضي عسى ما الدنيا كلها يحجون معليج بيهم مؤمن اني مربي على ايدي واعرفو واعرف اخلاقو
والمهم من هذا كله اني عندي ثقة بيج
ما اريد تتقيدين تصرفي على طبيعتج وشحدو اليجيب طاريج بكلمة
ريتال.. ابتسمت ربي لايحرمني منك حبيبي
يلا هسه تعال نروح
طلعنا اني وفارس كعدنا يمه
فارس... يول ياثور هيج الحب مبهذل احوالك
مؤمن... الله عليك لاتصنف مختنك والدنيا بكبرها ضايگة بعيني
فارس... عجل شعبالك هو هذا الحب تجيك وحدة هلكدوتها تبهذل احوالك
ريتال... كرصت فارس
فارس... اخ شبيج انتي منو جاب طاريج
ريتال... والله متاكدة جنت تقصدني
فارس... خلينا بسالفة الثور وبطلي خبال
مؤمن... انتو سمعتوا جدي شكال يكول الخميس العقد حتى ما كلف نفسو واجه سألني قبل لايروح يتفق ويا خالي هسسسه اني شسوي فهموني
فارس... شوف وليدي محد يكدر يساعدك بهل موضوع غير امك
نسرين عزيزة گلب أبوية بحياتو مارفضلها طلب
مؤمن... شلون تساعدني وهي صافة ويا جدي ومكيفة على شهد
فارس... اذا حجيت وياها اكيد تساعدك نسرين روحها من الدنيا انت واهم شي عدها سعادتك
ورهف اذا جانت من نصيبك تاخذها غصباً على الكل الكاتبو الله يصير
شوف ابسط مثل انت تعرف ريتال من زمان هم تخيلت فديوم اني اخذها
مؤمن... لا والله ولو قبل يجي واحد يكلي فارس يزوج ريتال يمكن جنت اكعد اضحك عليه
فارس... شفت شلون الدنيا افترت وتالي صارت القسمة ووكعت هالخبلة بشباكي
ريتال... ايباه مو اني عصفورة ووكعت بشباكك وجمالة خبلة
فارس... هاا يولو يعني هساع انتي ماوكعة بعشك فارس
ريتال... هههههه وشعندي غير فارس واكعة ونص
مؤمن... ريتال لاتحجين شي جدام رهف الحد ما احل الموضوع
ريتال...لا ما احجي شلون اكدر اكوللها وهي متعلقة بيك
مؤمن... اوووووف يارررربي نار مؤجرة بگلبي
ريتال... يبوووو هذا كام يبجي متت قهري متحملت كمت ابجي ويا
دفنت راسي بكتف فارس وغطيت وجهي
فارس... يول انت رجال شنو هالدموع الرجال مايبجي يحارب ويسوي المستحيل حتى ياخذ اليريدو
زين هو يبجي على حبيبتو انتي شبيج عفيه دموع مايخلصن يريدن حجة حتى ينزلن
ريتال...شسوي انقهرت عليه
صوت باب البرى انفتح رفعت راسي من كتف فارس شفت حازم
بسرعة رجعت ضميت وجهي بكتفة خرررب هسه اذا يشوفنا اني ومؤمن نبجي الله اليعلم شراح يحجي
حازم... الحبايب اليوم كاعدين هين
فارس... وين جنت لهيجي وكت متاخر؟
حازم... اتعلل ويا اصدقائي
فارس... حازم بطل صياعة واركد بالبيت حرمتك المسكينة شنو ذنبها عايفها الهيجي وكت وحدها
حازم... تدلل ابو الفوارس بعد ما اتأخر
يول مؤمن شبيك
جيت كعدت بسدو وطبطبت على كتفو
مؤمن... مجاوبتة اني مخنوك مو ناقصو
حازم... يول اني خالك لايصير گلبك اسود لاتظل زعلان
مؤمن... تحسرت وفركت وجهي ما زعلان لاتشغل بالك
حازم... دحجت بوجهو انت جنت تبجي
فارس... حاززززم عوف الولد بحالو
حازم... شبيكم غير تفهموني شصاير
هاي دموعك وحسراتك اكيد بسبب الحب يول تحب وماتكولي
ريتال... عجيب هذا الولد قبل فترة تهمني ويا وهسه يكوله تحب ومتكولي
مؤمن... واليرحم اهلك عوفني
حازم...ولك بابا الحب بهذا البيت ممنوع لان بالنهاية تزوج اليختارها الك شيخ عگاب ههههههههه
ريتال... خفت عزاااا هذا بس لا راح يجفص
مؤمن... كوم وياي اريد اروح احجي ويا امي
حازم... يلا اني هم اروح اشوف حرمتي المصون هساع تلكيها مثل الدجاجة نايمة وبادية بالحلم العشرين هههههههههههه
فارس.... حازززززم احجي عدل متستحي كاعد تحجي على حرمتك جدامنا
حازم... شحجيت اني كلت نايمة قابل جذبت يلا تصبحون على خير ولو الكعدة وياكم حلوة
مؤمن... جريتو من ايدو ودخلنا جوة
ريتال...فارس عاقد حواجبة وشكلة متعصب
فارسي مو كلت تحجي ويا ابوك حتى نطلع بيت وحدنا
فارس... اوووف وكع لساني واني حاول اقنعو ومو راضي يكول بس تطلع انت وسام هم يطلع ويفرغ البيت عليه
ريتال... سكتت غيرت الموضوع لان فارس ضايج
اكولك تعتقد نسرين تكدر تساعد مؤمن
فارس... اي تكدر اختي واعرفها اذا حطت شي براسها تسوي
ريتال... تدري اني حتى على شهد مقهوره لان مبينا تحب مؤمن
فارس.. اي الثور طلع مو سهل
بس صديقتج هي الربحانة كدرت تبوك گلبو
ريتال... هههههه حقه يحبها حلوة ودمها عسل ماخذة جمال العرب والاكراد بس الغمازة البحنكها تفلش
فارس... هههههههه يعني احلى منج
طلعتي انتي هم عاشكتها مو بس مؤمن
ريتال... الحق يقال البنيه حلوة
اي احبها لان گلبها صافي مثل العسل
فارس...ماكو احلى من بنيتي وانتي گلبج اصفى من العسل
ريتال...يبوووو رحت فدوة الهذا للسان
يلا ندخل ترى بردت
فارس.. يلا امشي
مؤمن... دخلت الغرفة امي دحجت عليها نايمة انداريت اريد اطلع
نسرين... تعال مؤمن اني كاعدة مو نايمة
مؤمن... جيت كعدت جدامها يما بغلاتي عندج خلصيني من موضوع الخطبة
نسرين... وليدي عليش هلكد كاره بنت خالك والله شهد طيبة وفقيرة انت بس تكعد وياها وتتعلم عليها راح تحبها
مؤمن... يمااااا اني مو كارهة احبها مثل اختي غير هذا الحب ماعندي
نسرين... ولك مؤمن لاتزعل ابويه منك هو المربيك وادرى بمصلحتك
مؤمن... يا مصلحة هذي وهو جاي يجبرني على شي مو رايدو اني جاي اموووووت ليش متحسين بيه
نسرين... اسم الله عليك من الموت ريت يومي گبل يومك
مؤمن... الله يطول بعمرج
بس سمعيني اذا منا للخميس ماخلصتيني من الزواجة قسماً بالله اهج وبعد متشوفيني ولا اخليكم تعرفون عني شي
نسرين... كمت ابجي ليش ولك هاي تالي تعبي وكسران ظهري عليك تريد تعوفني
دحجت عليه مؤمن انت تحب
مؤمن... هزيت راسي ووكعت دمعتي
نسرين... ليش ماحاجيلي ليش ضميت عليه انت مو دوم تحجلي كل أسرارك
مؤمن... يمااا مو وكت هالحجي فدوة اروحلج ساعديني بست ايدها
نسرين... امسح دموعك اني ربيت رجال الكل تحلف براسو ما ارضى اشوفك تبجي علمود هيجي موضوع
واني فلا اتسمى امك اذا ما بردت گلبك
مؤمن... حضنتها بفرح الله يحفظج الي يا تاج راسي
نسرين... الريدو منك ماتجيب سيرة الاحد عن البنية التحبها خلي نخلص من موضوع شهد
وبعدين عود نلكي حل الموضوع البنية
مؤمن... ماشي الله يريح گلبج مثل ما ريحتي گلبي
نسرين...يول اني شعندي غيرك والله عايشة بهالدنيا بس علمود اشوفك سعيد ومرتاح
الصبح كاعدين اني وفارس نتريك ومؤمن ويانة
ريتال... مممم استاذ مؤمن اليوم مبين المزاج عال العال
مؤمن.. الحمدلله بس كون الله يعديها على خير
فارس.. حجيت ويا امك؟
مؤمن... اي وعدتني تساعدني
فارس... ما دام وعدتك عجل لاتخاف
مؤمن... ان شاءالله خير
يولو ليش ماتجين وياي تعودت على لغوتج طول الطريق جاي اضوج وحدي
ريتال.. لا عيني ما اريد اذا تريد انت تعال ويانه
هسه اني الرباحة فارس يطلع وياي ويرجع وياي قبل جان للأربعة يلا يجي
مؤمن... هههههه سمعت خالي طلعت ريتال مكيفة على الوضع
فارس... اي شكو عليها يومية مكعدتني من ساعة ستة
ريتال... عجل شلون ما اكيف على الأقل بالي يرتاح ما اعوفة بالبيت واطلع ويبقن الحبايب داير مدايرة
مؤمن... ههههههههههههه صارت من جماعة العجل الله يعينك على غيرتها
فارس... شاورتها هساع اني اذا بستج من حلكج جدامهم هم راح يكولون عليه هذا واحد ميستحي
ريتال... ههههههههه لا بس امك راح اتكول ابني مستخف بس ليش تبوسني
فارس... يولو بعد لاتكولين عجل طالعة من حلكج حلوة وتسوي اغراء
ريتال... من سمعت كلامة غصيت بالأكل من الضحك ههههههههههههههه فارس يضرب على ظهري
خررررب حتى كلمتكم العادية اذا اكولها اسوي اغراء ههههههههههه
مؤمن... ههههههه ضحكوني وياكم باقي بس اتفرج واضحك على الواهس
فارس... يالثور هاي خصوصيات معليك بينا اكل وانت ساكت
بالكلية اليوم مؤمن ابد ما اجه يمنا
رهف... اشو مؤمن ما اجه اليوم
ريتال... يجوز عنده محاضرات
رهف... ممممم ما اعرف بس هو من البارحه باليل ما اعرف شبي ضايج حتى متصل عليه اني اتصلت عليه ححيت ويا شويه وكالي نعسان راح انام
ريتال... يمكن صدوك جان نعسان لاتشغلين بالج اكيد فدشويه ويجي
اجت رؤى يمنا
رؤى انقبلت صيدلة والحمدلله حبيبتي كدرت اتحقق الحلم الاني مكدرت احققه
رؤى.. اووووويلي شنهاي ولكم متت الدراسة صعبه والأساتذة مينطونه مفكة متت جووووووع
ريتال... ههههههه انتي ورهف بس همجن الاكل وياريت لو يبين بيجن وتسمنن
رهف... عابتلج حاسدتنا على الكم لفة النأكلها
رؤى... عوفيها هاي غيرانة لان بس تاكل هوايه تسمن
ريتال... وجع شلون اثنين
رجعنا للبيت كعدنا نتغدى اني وفارس ومؤمن يفتر فوك راسنا
فارس... تعااااال اكعد ترى دوختني تفتر مثل المرة التطلك
مؤمن... امي ليش لهساع بعدها بيت خالي موووو من الصبح راحت
ريتال... عادي يجوز ظلت تنتظر عمو عادل هو وقت الغدى يلا يرجع للبيت
مؤمن... اوووووف واني شيصبرني اريد اعرف شصار
فارس... مو عندك تلفون خابرها احسن من هالغوة الزايدة
مؤمن... اتصلت وكالت ما اكدر احجي هسه
ريتال... لعد انتظر خبر هسه بفلوس باجر يصير ابلاش
كملنا غدى
فارس... امشي نصعد انام
ريتال... هاااا روح انت اني فد شوية واجي
فارس... هزيت ايدي قبل شويه جنتي تنطين نصايح خبر بفلوس وبلاش
وطلع الفضول كاتلج اكثر منو
ريتال.. ههههههه عافني وصعد
باوعت على مؤمن ارتاحيت هاي حصلت رزالة ادري امك شكو هلكد تتاخر
مؤمن... والله لو اعرف ليش مجان ظليت مكابل جهرتج لهسه
تاخرت نسرين اني هم نعست صعدت نمت
مؤمن... اجت امي ركضت عليها
ادري اشدعو هلكد تاخرتي
نسرين... يول نصي صوتك اكيد هسه ابوية نايم امشي الغرفتي نحجي
مؤمن.. دخلنا للغرفة يلا احجي شصار
نسرين... رغم جثير تفشلت من اخوية ومرتو بس الخاطرك كلشي مستعدة اسوي
رحت البيتهم ام قيس خطية عبالها جاية علمود اجهز شهد
نسرين... ام قيس عندي موضوع وياج خلي نكعد وحدنا
كتلها انتي تعرفين بيه اشكد احب شهد والله شاهد شكثر تمنيتها تصير جنتي
ام قيس... بستغراب اي وتالي شصار؟!
نسرين... خيتي الزواج عشرة مو يوم ولا يومين اذا مو هما مقتنعين بالزواج راح تفشل حياتهم
ام قيس... كلامج صح ومابي شي غلط بس هم ماكتيلي لوين تريدين توصلين نسرين اني اعرفج زين اكو بحلكج سالفة ومستحيه تحجيها الج الأمان شماتكون سالفتج احنا انظل اهل وماكو شي يخرب بينا
نسرين... والله مستحيه منج ومن اخوية بس ما اكدر اظل ساكتة
مؤمن مو رايد هالزواجة يكول شهد حاسبها مثل اختي ورابي وياها صعب تصير زوجتي
ام قيس... لاتخجلين خيه انتي كلتيها هذا زواج مو لعب وزين منج جيتي وحجيتي
مثل ما انتي تهمج سعادة ابنج احنا هم تهمنا سعادة بنتنا واني وابوها مستحيل نرضى ننطيها الواحد مو رايدها
اجه عادل وحجيت ويا نفس الكلام وجان جوابو نفس جواب مرتو وكال لاتخافين اني راح احجي ويا ابوية وانهي السالفة
مؤمن... من فرحتي كمزت على امي حضنتها وابوس بيها اووووووف يماااا متدري هساع شكثر ارتاحيت حمل ونشال من على جتفي
نسرين... ههههههه الله يسعدك وليدي
ريتال... مؤمن حجالي الصار فرحتلة من كل گلبي وتمنيت الموضوع يعدي على خير والشيخ ميسوي مشكلة
من عادل حاجي ويا ابو وكايلة الغي موضوع الخطوبة اني شهد ما انطيها
الشيخ اتخبل متعارك ويا عادل وزعلان منه
ومن رجع للبيت حتى ويا نسرين ومؤمن تعارك زعل منهم اشكد حاولوا يراضوا مقبل اخير شي عافوا براحتة اكيد مراح يبقى زعلان ايام ويراضى
كاعدين اني ورهف و رؤى
جانت توها ساعة 12 الظهر
اجة مؤمن يمشي سريع وبيده التلفون من شفت منظرة گلبي انقبض
مؤمن... ريتال كومي ارجعج للبيت خالي عندو شغل مايكدر يجي
ريتال... بصوت يرجف مؤمن شكو اذا فارس مايكدر يجي انت ليش تريد من هسه ترجعني للبيت وبعده الدوام مخلصان
رؤى... مؤمن وضعك مو طبيعي احجي شصاير
مؤمن.. يمعودين ماكو شي جدي ضغطو مرتفع واريد اخذو للمستشفى لان محد من الولد موجود بالبيت
رهف... خطية سلامتة عنده العافيه يارب
ريتال... مصدكت كلامه الخوف البعيون مؤمن مو مال جده ضغطة مرتفع
كمت ويا بس جسمي يرجف
صعدت بالسيارة طلعت موبايلي اتصلت على فارس يدك وماكووو جواب
مؤمن يسوق سريع
كمت ابجي مؤمن الله عليك كولي شكو فارس بي شي ليش مجاي يرد عليه
مؤمن... مابي شي مو كتلج عندو شغل
وصلنا للفرع اباوع كدام بابهم كومة زلم
مكدرت اتحمل عطت على مؤمن
احجييييييييي فارسسسسسس بي شي مووووو
مؤمن... لاتصرخين شبيج راح انزل اسويلج درب حتى تنزلين بسرعة
ريتال... ما انزززززززل اذا متكولي شكووووو بروح ابوك احجي
مؤمن.... اسسسسستغفر الله فارس جان بالمعمل اكو مكينة تكص الخشب عاطلة رايح يشوفها ومأخذتو الكهرباء
ريتال... كمت اصرررررررررخ بعلو صوتي فارسسسسسسسس مات مووووووووو ملخت نفسي بعدها فقدت الوعي.......
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!