رواية فارسي العاشق الفصل الثامن والعشرون 28 - بقلم بسمة البياتي

_  فارسي العاشق _
( بقلم بسمة البياتي)
_البارت التاسع والعشرون _

حسيت اكو ضربات على خدي وماي دينرش على وجهي فتحت عيني بثقل
باوعت هاي اني وين شجابني للمطبخ
جان راسي بحضن ام قيس
والنسوان ملتمات عليه

اذكرت فارس صرخت بصوت فارسسسسس صرت ارافس اريد اكوم

ام قيس... بنيتي اهدي راح تموتين لاتصرخين الزلم برى يولي رجلج مابي شي لاتخافين

ريتال... شششششششلون مابي ششششي مؤمن كال تكهرب لعد الناسسسسسس ليش ملتمى

وانتوا ليش جاي تبجون
ظليت اصرخ والطم ارررررررررريد فارسسسسسس وينه لحد يكولي مات امووووووووت ورى

ام قيس... بداعت ولدي عايش وهو بالمستشفى بس اهدي صوتج راح

ريتال... باوعت ولزمتها من ايدها ودوني عليه اريد اشوفة
الله عليج خاله اخذينييييييي اله

ام قيس.. مايصير بنيتي المستشفى متروسة زلم مانكدر نروح

انفتحت بابا المطبخ دخلت ماما وعمة سوسن

من شفتها كمت ابجي واشهك اجتي كعدت يمي وحضنتني

ماما كوووووووليلي فارس شبي ليش كلكم التميتو اكيد فارس بي شششششي ودتضمون عليه

ماما... صدكيني مابي شي ابوج قبل شويه رجع من الدوام وراح للمستشفى كال الحمدلله عايش بس شويه تعبان من يتحسن يطلعوا لاتخافين

عمة سوسن... ملابسج كلها ماي كومي بدلي لاتتمرضين

ريتال... ما اغير شي ولا اتحرك من مكاني الحد ميجي فارس واشوفة بعيني

هند... اني رايحة اجيبلها شي تلبسوا بس دخلوها للربعة هساع الزلم اظل طابعة طالعه للمطبخ

اخذوني الغرفة نسرين جنت مثل اللعابة ما احرك لا ايد ولا رجل هما غيرولي ملابسي واخذوني للربعة

جانت متروسة نسوان اقاربهم

كعدت وخليت راسي بحضن ماما
صبا كاعدة يم خواتها والدموع تارسة عينها

شيماء بالجهة الثانية عيونها مورمة تبجي بغصة وحرگة مبين مقهورة حتى اكثر من صبا يمكن لو ما الحالة الأني بيها اكوم امخلها

احس اختنك وخرت راسي من حضن ماما
اريد ارووووووحلة ما اكدررررر ابقة كاعد اهنا

ماما... وييين تروحين ديكلولج المستشفى كلها زلم

ريتال... رجعت اصرررررخ ليششششش متحسسسون بالنار البگلبي جاااااي امووووووت اريد فارسسسسسسس اريد اششششوفة

رغد... ريتال والله عايش ووضعو هساع احسن يعني تتوقعين لاسامح الله لو بي شي اني اكعد هين والله جان گلبت الدنيا

ريتال... هو شودا يم المكينة وشلون تكهرب؟

رغد... المكينة واكفة ماتشتغل رايح يشوف شبيها ظال يفلفس بالوايرات مايدري اكو قطع بالواير لزمو وماخذتو الكهرباء
بس الحمدلله العمال يموو واكو خشب قريب منهم بسرعة بعدين الواير منو
هو من قوة الضربة فاقد الوعي قبل شويه صاحي بس بعدو تعبان

ريتال... سسودة عليه شصاير بحاله
زين شوكت يطلعوا؟

رغد... من تستقر حالتوا يلا يكدرون يطلعوا

ريتال...الثانية تمر عليه بسنة الوقت ميمشي

جابوا الاكل الكل يتوسلون بيه حتى اكل رفضت حتى ماي مشربت

ساعة ثلاثة الظهر حازم جاب ام فارس ونسرين من المستشفى
ام فارس منتهيه بالكوة تمشي

النسوان استلموهن بالأسئلة

نسرين... الحمدلله حالتوا زينة للمغرب ان شاء الله يطلعونو

ريتال... من فرحتى حضنت ماما وبجيت بصوت عالي

ساعة ثمانية طلعوا من المستشفى وجابوا للبيت
جنت واكفة ويا البنات بالمطبخ ونباوع من الشباك الحوش متروس زلم
دخل فارس اويلي شصاير بحالة بالكوة يمشي خليت ايدي على حلكي اكتم شهكاتي لوبيدي اطلع اركض عليه واشمر روحي بحضنه
الاحساس الحسيتة اليوم الله لايشوفة الاحد

دخلوا للأستقبال اني ظليت بالمطبخ جنت كاعدة مابيه حيل اساعدهم باي شي حتى اكل باقية على ريوك الصبح

ماما... يلا حبيبتي احنا رايحين يامن من الصبح لهسه بيت عمتج داليا

ريتال... كمت بوست ماما وعمتي طلعت وياهم الباب المطبخ
شفت بابا وعمو مصطفى وزوج عمه سوسن

سلمت عليهم

بابا... اذا عندي خاطر يمج روحي اكلي امج كالت من الصبح لهسه مماكله شي

ريتال... هزيت راسي بالموافقة

راحوا رجعت المكاني البنات سوولي لفة بالكوة اكلت نصها

گلبي طاك اريد اشوف فارس الزلم مجلبين يما  اريدهم بس يكومون

كوموا من الأستقبال وفرشولة بالربعة حتى يمدد ويرتاح

راحوا نص الزلم بس بقوا ولد عمة واخوان صبا وولد خواله

البنات راحن سلمن عليه لان هما كلهم اقارب عادي بس اني الغريبة
وادري بي يتخبل اذا اطلع كدامهم

ساعة 11 ونص راحوا البقية بس بقة عادل واولادة وجمال 
لهنا وبعد مكدرت اتحمل

دخلت للربعة فارس متمدد وجها اصفر مثل الليمونة وتعبان من شافني تعدل من فراشه وكعد  امه كاعدة يم راسة اخوانه  كلهم كاعدين بس الشيخ رايح نايم

والاهتميت للموجودين ركضت عليه حضنته وبجيت بقهر وغصة شهكاتي كطعت گلبي

فارس رغم تعبه جان مطوقني بيده  وعاصرني

فارس.. يحجي بتعب اش بنيتي لاتبجين يولو هاي شصاير بيج ليش هيجي عيونج مورمه

ريتال... احجي بشهكة وصوت مخنوك
گلبي راد يوكف عليك من الخوف

ام قيس... لوشايف حالها الصبح واكعة لا ايد ولا رجل بسيارة مؤمن شلناها شيل ونزلناها ومن صحت گلبت الدنيا بالصراخ والعياط

فارس... بستها برأسها  وهمست باذنها يبعد فارس وعشيرتو تدرين من رجعت  والحد قبل لاتجين هين اني عيوني ادورلج لوبيدي اعوف الكل وأجي عليج بس استحيت منهم  

ام فارس... كافي تبجين يمو عوفي الزلمة يرتاح متشوفينو تعبان

ريتال... سويت نفس ولا سمعتها
وخرت راسي من حضنة ايد فارس بعدها مطوقتني حجيت ويا بعصبيه

شششششغلة مو شغلتك شششششوداك عليها
انت شعرفك بالتصلييييييح والكهربائيات
هاي كهررررررررباء مو لعب لوصاير بيك شششي اني شجان سويت مفكرت بيه

كملت كلامي وجان اسمع صوت ضحك عالي انداريت اخوانه ولد عادل جمال خربانين ضحك
فارس فاتح عينه عليه

عادل... ههههههههه لا عاب حلكج بنيتي ماحجيتي غير الحق شغلة مو شغلتو شودا عليها ما ادري

جمال... هههههههههه والله ترزلت يفارس

فارس... عاد انتو ماتصدكون تلكولكم سالفة حتى تظلون تصنفون عليها

تعالي عديلي المخاد

ريتال.. عدلتلة المخدة رجع تمدد اني كاعدة يما وهو لازم ايدي ميهدها

صبا شيماء حازم عيونهم تصوب رصاص اتجاهنة

اكولك فارس
انت هذاك اليوم من حلمت بجدك الله عليك احجي الصدوك هو اخذك ويا

فارس.. هههههههههههههههه وحق الحق اني بالمستشفى وجتي هاي السالفة بالي هههههههههههه

ام فارس... اسم الله عليك وليدي يا حلم هذا يول

ريتال... فارس يضحك من كل گلبه خفت عليه لان هو بالكوة يحجي وتعبان
يااا كافي لاتضحك وجهك تعب بالزايد

فارس... ههههههههههه يمكن انتي وجدي شورتو بيه

ريتال... هسه كافي ضحك وجاوبني

فارس... حلم عادي والله هههههههه

وسام... بروحك جدك شنو سالفة الحلم

فارس... هساع ارتاحيتي من حجيتي جدامهم شراح يفكني منهم

جمال... يول احجي شبي جدك الله يرحمو

ام قيس... اذا الحلم شر لاتحجي

فارس... يولو حلم عادي شفت جدي كاعد ويانة وشكلو جان جثير حلو ومرتاح وفزيت من نومي

ام فارس... عجل شبيها هالبومة تفاولك

ريتال... لا اله الا الله وتالي ويا امنا الغولة

فارس... جانت زعلانة واني العايل عليها ومو راضية تحجي وياي
من حلمت بجدي حبيت اشاقة وياها كتلها اجه جدي اخذني وهاي الخبلة صدكت ونصبتها مناحة

عادل... هههههههههههه خرب غيرتك اكو واحد يشاقة بهيجي موضوع

ريتال... خرررررب غير يسكتون متت خجل اريد اكوم فارس ميهد ايدي

صبا متحملت كامت

فارس... من رخصتكم ياجماعة رايح انام جسمي كلو يوجعني

ام فارس.. وين رايح نام هين وين بيك حيل تصعد فوك

فارس... يمه ترى تكهربت مانشليت اكدر اصعد لاتخافين بست راسها

ريتال... سودة عليه بالكوة يمشي

دخلنا للغرفة كعد على السرير وجرني الحضنه

فارس.. يبعد الروح من جنت بالمستشفى من وعيت انتي وامي وابوية جيتو على بالي اعرف انتوا الثلاثة راح تتأذون اذا يصير بيه شي

ريتال.. من عمري على عمرك حبيبي الحمدلله
ربي عدها على خير تنذكر ومتنعاد ان شاء الله

فارس اول مخلى راسة على المخدة نام

الليل كله انام شوية وافز مثل المخبلة اجي اتحسس نبضة واشوف انفاسة

نص الليل واني اراقبة خليت ايدي على صدرة اشو هذا جسمه نار وخرت الغطى منه

كمت جبت مي بارد وكعدت اسويلة كمادات من خليت الكمادة على كصتة فز وفتح عينه

فارس.. بتعب وخررريها ما اريد

ريتال... حبيبي جسمك نار بس شوية الحد متنزل حرارتك

بالكوة خلاني اسويلة للفجر يلا نزلت حرارتة انوب عرك صار ماي مسحت العرك من جسمه 

للصبح ظليت كاعدة علمودة اخير شي غفيت

كعدت من سمعت فارس يتحرك

فارس... صباح العسل بنيتي

ريتال...صباحو حبيبي شلون صرت

فارس... حلكي كلو يوجعني

ريتال... باوعت حلكة كله مطكك حتى شفايفة
هاي يمكن من السخونة

فارس... جسمي كلو عركان وريحة المستشفى بيه
وموكادر  اكوم اسبح

ريتال... انقهرت عليه
كوم اني اساعدك

فارس.. باوعت عليها بتعجب هههههه يولو ما اكدر اضحك هاي شعجب راح تسويها

ريتال.. للضرورة احكام انت مريض

ولازم تنزل جوة اهلك هسه يذبحون ويسوون خير واقاربك فدشوية كلهم يجون

ساعدت فارس يسبح وحظي الفكر من طلعت صارن صبا واختها بوجهنا

اثنينهن شلون يباوعن

فارس... وتالي وهالمرة الف مرة كايللها من اني فوك ما اقبل تصعدين احد من انزل شسوين سوي

ريتال... يمكن متدري عبالها انت جوة

فارس... قابل غبيه مو شافتني ماموجود جوة يعني اكيد بعدني مو نازل

ريتال... خلص لاتكبر الموضوع الصار صار ساعدتة يلبس ونزلنا جوة

اهلة ذبحوا على سلامتة ووزعوا اللحم للفقراء
وجانوا مسوين غدى للخطار  وبيتهم متروس مينشاف من النسوان والجهال

الزلم كاعدين بالأستقبال

ونصهم بالمضيف الموجود بالجامع

رغم جايبين طباخ بس شغل هوايه قبل الغدى
المطبخ متروس بنات ونسوان

اجتني امنا الغولة

ام فارس... الزلمة طالع من الموت ومريض وبالكوة واكف وانتي مو تاركتو يولي اركدي شويه اله تموتينو يلا ترتاحين

ريتال... اني بحالة صدمة هاي شبيها

خير خالة شنو سبب هذا الكلام ليش اني شمسوية؟

ام فارس.. يمه منج ومن مكرج اليشوفج يكول اشكد بريئة

ريتال... الكل واكفين يتفرجون ويريدون يعرفون شكو
خالة ممكن تفميييني اني شمسوية؟

ام فارس... يولي البارحة الرجال تكهرب وحالتو حالة وانتي من شفتي تحضن وتبوس جدامنا لاعندج خجل ولامستحى واليوم حتى بالحمام لاحكتو
انهمدي شوية لايروح يموت منج واخسر وليدي بسببج

ريتال... والقرآن بهذيج اللحظة تمنيت الكاع تنشك وتبلعني من الفشلة والاحراج

ام قيس... عمة استهدي بالرحمن هاي امور خاصة بينهم ميصير احد يدخل بيها

ريتال... مكدرت اسكت
هذاااااا زوجي واذا حضنتة وبستة من خووووفي عليه
والبارحه الليل كلة هو مسخن وعركان كعد الصبح يريد يسبح بس مبي حيل ساعدتة ما اعتقد اجرمت حتى جاية تحجين وترزلين

جان بيدي ماعون شمرتة وطلعت بسرعة صعدت الغرفتي

وتاااااااااالي ويا حظي انوب صرت علج بحلوك النسوان

اندكت الباب دخلت ام قيس

ام قيس... ليش صعدتي انتي مامسوية شي غلط

ريتال.. شفتيها شلون فضحتني بيا وجه اكدر ابقة كدامهم
ترى والله الكلام الكالتة عيب وميصير ينحجي كدام الخطار
اذا خايفة على صحة ابنها وتريد ترزلني جان اخذتني بمكان وحدنا وحجت

ام قيس... مرة جببرة بحسبت بيبتج شسوين لازم تتحمليها الخاطر زلمتج

ريتال.. اني هم بشر والي طاقة وطاقتي وياها لهنا ونفذت بس اريد اعرف ليش هلكد تكرهني وحاقدة عليه اني شمسويتلها

ام قيس... هساع مسحي دموعج وكومي نزلي وياي وتغدي الخاطر فارس لاتسويلج ضيجة خلك هو بعدو مريض مو حمل مشاكل

ريتال... اطمئني خالة اكيد مراح احجي الفارس شي بس اعذريني والله مالي وجه انزل وحتى غدى ما اريد

ام قيس لحت علبها حتى انزل من شافتني قافلة عافتني ونزلت 

ربع ساعة اجت شهد بيدها صينية اكل كالت امي دزتها الج

بقة الاكل بمكانة سدت نفسي الماتتسمى

فارس... صبوا الغدى اريد اكل ما اكدر ابلع الاكل من وجع حلكي اكلت شوية وكمت

رحت المطبخ  ادور علاج امضمض بي حلكي حتى يسكن الوجع

جان اكو جم لنية من كرابتنا كاعدات يتغدن استحيت منهن طلعت للطرمة شفت بنت وسام الصغيرة تمارا 

يولو تمارا روحي صيحيلي ريتال من جوة واشرتلها على الربعة

تمارا... لا خالة ريتال مو بالربعة

فارس... عجل وينها

تمارا... جدة تكاونت وياها وصعدت فوك

فارس... عقدت حواجبي ونزلت المستواها عليش جدة تكاونت وياها

مافهمت شي من كلامها
عفتها وصعدت فوك ريتال كاعدة وحدها ومبينة مغثوثة من شافتني ابتسمت

ريتال... هلا حبيبي شبسرعة خلصت غدى

فارس... ليش كاعدة وحدج هين

ريتال.. هااا تعبت وصعدت ارتاح

فارس.. عجل ليش الاكل جدامج نفسو وموماكلة شي

ريتال... تعرف بيه من اتعب ما اشتهي اكل

فارس... رييييتال ليش تكاونتي انتي وامي

ريتال... فتحت عيني عزااا هذا منو كاله
ماكو شي حبيبي مشكلة عادية علمود الشغل

فارس... لاجذبيييييين احجي شصاير اني مو كايلج ما اقبل اضمين شي عليه ترى اني عرفت كلشي بس هم اريد اسمع منج

ريتال... كمت ابجي حجيتلة الصار من صدمتة ولون وجها التغير عرفت هو مجان يعرف
شنو سبب المشكلة بس كالي هيج حتى يخليني احجي.......

يتبع

لاتكولون البارت قصير اليوم استراحتي بس محبيت اخليكم تنتظرون منا الباجر

تحياتي الكم