رواية فارسي العاشق الفصل السابع وثلاثون 37 - بقلم بسمة البياتي

_  فارسي العاشق _
( بقلم بسمة البياتي)
_البارت الثامن و الثلاثون _

تمددت بفراشي احس عقلي راح ينفجر من التفكير ساعة اكول اي خلي اوافق واعيش حياتي هو مو عايش حياتة
وساعة اكول لا صعب شلون اكدر اكون الغيرة

انفتحت الباب
رفعت راسي يامن واكف ولأزم يدة الباب ويهز بي

ولك جني شعندك كاعد لهسه

يامن.. اليد العب بالموبايل

ريتال... تعال
اجة صعد على السرير وتمدد بصفي

حبيبي هسه مو وقت موبايل لأزم تنام الصبح عندك مدرسة

يامن.. بس شوية

ريتال..انطيتة الموبايل دخل على اليوتيوب وظل يتفرج

يامن اول ابتدائي بس بعدة لسانة اعوج هههههه

اكول حبيبي اشو صاير متجي تنام يمي مثل قبل

يامن عينة بالموبايل جاوبني بدون ميباوع عليه
ماما كالت صلت لجال لازم تنام ويا يزن

ريتال.. ههههههه يمااا فدوة للرجال بستة بخدة

ظليت العب بشعرة شوية وعينة شكلت من النعاس
اخذت الموبايل منه حضنتة ونمت

يومين واهلي عايفيني على راحتي حتى مسالوني على جوابي

جنت ضايجة اتصلت على رهف

العوبة من ازوجت صارت قليل تتصل مؤمن منسيها حتى اسمها هههه

ريتال.. هاي وينج خاينة ولا تسالين

رهف.. لج عيني سكتي وخليها غير البارحة انهبطت هبطة اخت الكذب

ريتال.. يا ساتر ليش؟

رهف.. صارت عركة شكبرها ولج صارت بالطلقات

ريتال.. ياااا عزاا هاي شصاير ولج منو تعارك

رهف... فارس واخوان صبا

ريتال.. عااا ليش تعاركوا

رهف... صبا الخاتون سقطت الجنين وفارس من عرف هي مسقطتة راح البيت اهلها كتلها كدامهم

ريتال... انصدمت ولج عزا بعينها هاي اكيد تخبلت ليش هيجي سوت هي كبيرة مو صغيرة لازم تفرح يصيرلها طفل يسندها ويملي عليها حياتها

رهف... اختها ماخذتها على دكتورة فاشلة

صبا حاجيتلها عن مرضها قبل
وسالتها خوما اكو احتمال يرجعلي المرض بسبب الحمل

الدكتورة كايلة سرطان الثدي من اكثر انواع السرطان الممكن يرجع بسبب الحمل

وصبا من سامعة كلامها متخبلة طالبة من الدكتورة تنزلة

الدكتورة كاتبتلها حبوب من ماخذتهن نازفة اهلها ماخذيها للمستشفى

مخابرين فارس من جانوا بالمستشفى
فارس رايحلها وهناك عارف هي منزلتة مو هو نازل من وحده

ساكت محاجي شي ومن مرجعيها للبيت وهي بعدها تعبانة فارس لازمها كاتلها

ريتال.. ياااا ياااا
ترى اذا فعلاً اكو احتمال يرجع المرض حقها تخاف وتنزلة

فارس شبي متخبل اكو واحد يضرب وحدة هستوها مسقطة ونازفة فرضاً ميتة جوة ايده

رهف.. ولج مو بس هيج رمى عليها يمين الطلاق

واخوانها من عرفوا بسواية فارس هدو عليه للبيت بالسلاح وتضاربوا بينهم بالكوة فكوهم

ريتال... يعني فارس طلق صبا؟

رهف... مممم اي

ريتال... تنهدت الله يهديهم

رهف.. اشو احسج مفرحتي لان طلقها

ريتال... على شنو افرح حتى حرام عليه اذا افرح بمصايب غيري
وهي بنت عمة اكيد طلقها بساعة عصبية من يهدء يرجعها

رهف... منو يكول يرجعها لج لو تشوفي اشكد متعصب منها
لج عيني شنو هذا فارس نار وشرار الله يساعدج شلون جنتي تبقين كدامة من يتعصب
اني من خوفي ختلت بغرفتي

ريتال... غمضت عيني اذكرت من كتلني فعلاً جان عبالك وحشش

ريتال.. صدكيني بعد اذا رجعها او مرجعها ميهمني فارس طلع من حياتي

رهف... كولي والله مرتين احاول اصدكج بس ما اكدر

ريتال... لا صدكي اني بعد مبقتلي ثقة بي وعوده كلها كذب
هه متأكدة هسه لان راح الطفل وخربت علاقتة بصبا يرجع يدور  اخباري

رهف.. لا عاد بهاي ظلمتي هو ماكو يوم مايسأل عليج

ريتال... رهووفة سدي الموضوع
نسيت اكولج اجوني خطابة ويمكن راح اوافق

ريتال.. لا كذذذذذذذب دتتششششاقين

ريتال.. وجع زرفتي اذني شبيج تصرخين
لا مو كذب ولا جاي اشاقة

رهف... ما اكدر اصدك انتي تموتييين على فارس مستحيل تكدرين ترتبطين بغيره
زين منو هذا المتقدملج

ريتال... اني صح احب فارس بس الحب مو كولشي بالدنيا
حجيت الرهف على الولد

رهف... والله خوش قسمة عريس بي كل المواصفات حلم كل بنية
بس رتولة فكري زين قبل لا تقررين لان هاي عشرة مو يوم ويومين

ريتال... دافكر والله كريم

بابا... بنتي اني صارلي كم يوم عايفج تفكرين براحتج
بس هسه صار، لأزم انرد الجواب للناس
عيب طولنا عليهم

ريتال... تنفست بقوى احس الهواء الدخل صدري وجع گلبي
جاوبت
اني موافقة

بابا باوع عليه وعيونة لمعت بفرحة شكلة مصدم يمكن مجان يتوقع هذا راح يكون جوابي

بابا... بنتي متاكدة من هذا جوابج

ريتال... هزيت راسي بمعنى اي

بابا.. الله يسعدج ويفرحج
هشام خوش ولد متاكد راح تنسعدين ويا

ريتال.. بتسمت البابا بألم

بابا رجع جواب الصديقة ابو هشام بالموافقة وتحددت موعد المشية

بابا خابر جدي وخوالي

جدي مكدر يجي لان مريض بس اثنين من خوالي راح يحظرون

من اجوي اجت رؤى وياهم
بيوم المشية اجوي ازواج عماتي وجدي ابو بابا

وعماتي هم جانن موجودات

لبست فستان بسيط لون بنفسجي ومكياج عادي

عماتي جانن يشجعني واني فاصلة عنهم ما احس باي فرح

اجوي الزلم

جانن نسوان هم جايات ام هشام وخواتة وجناينهم  وخالاتة وعماتة

من طلعت سلمت الكل نعجبوا بيه بس امه بعدها ضايجة

ام هشام....اني اريد اسوي الأبني حفلة خطوبة وافرح بي

ماما... هذا من حقكم هي صارت بنتكم وبراحتكم شسوون سوو

ام هشام... بعد عشر ايام عقد السيد والحفلة  راح نشوفلنا قاعة صغيرة نسويها بيها

ريتال... ولا اريد حفلة بس ما اكدر احجي شي هو الولد هذا اول زواج اله من حقة يفرح ويفرح اهلة

امه اتفقت ويا ماما  على الذهب والملابس
كالت ننطيكم الفلوس انتوا جهزوها براحتكم

تم الاتفاق على كولشي

باليل اتصلت على رهف بلغتها
هم فرحتلي وهم ضاجت لان مؤمن من عرف ضاج

رؤى... هاي اخت هشام نور هوايه حبيتها

ريتال.. اي شفتج ظليتي دك سوالف وياها

رؤى.. اي خليني احجيلج شكالتلي

هذا هشام جان شالع گلب اهلة ميريد يزوج كاضي حياتة دراسة وبس

ريتال... لعد ليش هسه قبل يرتبط

رؤى...شوفي قبل جان خاطب وفاسخ

ريتال.. باوعت عليها ليش فاسخ

رؤى...امه خاطبتلة بنت صديقتها عمرها 16 سنة صغيرة ودلوعة شالعة گلبة
كل شوية مخابرتة تطلب منه شي وهو بوقتها جان ملتهي يحظر  للماجستير

وهاي مخبلتة تريده يومية يطلعها اخير شي طاكة روحة وفاسخ الخطوبة

وبعدها اهله اشكد يريدون منه يزوج ميقبل

ابوه من شايفج حاجيلة عنج  وهم رافض

كايلة على الاقل بس شوفها

المهم اخينا بالله من شايفج متخبل
نور اتكول خبص بابا كل شوية يجي يكوله اشو مخابروا رجعوا الجواب

ريتال... وانتي بكعدة وحدة ويا البنية استجوبتيها وخليتها تحجي الأكو والماكو

رؤى... اني شعليه هي تحب السوالف

ريتال... نور اشكد عمرها

رؤى... اصغر مني بسنتين

ريتال... زين هما كم اخ واخت

رؤى...  اربع اخوان وثلاث خوات

الكبير حسام مزوج بنت خالتة وعندة اربع اطفال
بعدين اختة ميادة مزوجة وعدها طفلين

وبعدين اخو عصام مزوج بس معنده اطفال

واختة تبارك مزوجة وعدها طفلين

وهشام
وبعدين اخو مازن
واخير وحدة نور

اخوانة وخواتة كلهم اصحاب شهادات وموظفين بس نور واخو بعدهم طلاب

ريتال... خررررب ببليسج نابشتهم نبش ههههههه على كولت يزن صدوك جنية

هاي الايام التهيت بالتجهيز يومية اني وعمة داليا لو غيداء ياخذوني للسوك ومرات ماما هم تجي ويانه
حتى الفستان والصالون حجزت

الظهر اتصلت عليه رهف

هلا حبي

رهف.. هلا حبيبتي اخبارج

ريتال... اخباري تعببببانة من الفرات بالسوك

رهف... واني عود ردت اعزمج نطلع نفتر وانتي اول مفتحتي حلكج اتكولين تعبانة

ريتال... هههههههه بطلت مو تعبانة

رهف... ديلا لعد اذا معندج شي خلي نطلع العصر

ريتال... مممم ما ادري بابا راح يقبل لو لا

رهف... دروحي قنعي وانطيني الجواب

ريتال... هسه هو مموجود من يجي اكولة بس اذا سالني وين نطلع شكولة؟

رهف.. كوليلة نروح  للمول نفتر شوية ونرجع منتاخر

اجة بابا وكعد يتغدى رحت يما

بابا حبيبي عندي طلب صغيروني

بابا.. عيوني الج

ريتال... فدوة رحت لعيونك

باباتي تقبل اطلع ويا رهف ومؤمن مشتاقتلهم من عرسهم مشايفتهم

بابا... بنتي خطوبتج بعد كم يوم اذا احد شافج من اهل خطيبج شراح يكول عليج خصوصاً اذا عرفوا مؤمن ابن اخت طليقج

ريتال... هما شمعرفهم قرابة مؤمن بفارس بابا لاتصعب الموضوع ومن هسه اكولك اني مستحيل اقطع علاقتي برهف ومؤمن هذولة اصدقائي حتى من قبل ما ازوج

بابا... تنهدت روحي بنتي بس لاتتاخرين

ريتال... بستة بخدة وكمت

اتصلت على رهف كالتلي العصر نجي عليج ناخذج

لبست بنطرون اسود وقميص طويل ماروني وبي مربعات مقلمة بالون الأسود لبست حذاء رياضي
لفيت الحجاب وخليت مكياج خفيف

اجتي رهف ومؤمن نزلوا سلموا على اهلي واخذوني وطلعنا

بالطريق حسيت مؤمن ورهف مرتبكين

اكول شبيكم اشو مو على بعضكم شنو متعاركين

مؤمن... ها يالبومة بيش طالبتنة نتكاون دشوفينا عبالك عصافير حب

ريتال...هاي من شوكت انت عصفور الله يرحم ايام زمان من جان لقبك ثور

مؤمن... الله يسامحك خالي محد مخرب سمعتي غيرك

رهف... ههههه مضغوطين منك حبيبي معليك بيهم

ريتال...دخلنا منطقة استغربت هذولة وين ماخذيني

اكولكم احنا مو على اساس نروح للمول هاي وين جايبيني؟!

مؤمن... اوووف من النسوان ماتشبعن من المولات والسوك

ريتال... والله هذا اقتراح مرتك اني شعليه
اصلاً اني بزعانة من الفرات بالسوك

وكفنا كدام بيت

ولكم احجوا هذا بيت منو وشششنو سالفتكم

مؤمن.. هذا بيت كرايبنا من تهجروا تركوا بيتهم وسافروا

ريتال.. اي واحنا شعدنا جايين اهنا؟

مؤمن... نكعد اهنا احسن مانظل نفتر

ريتال.. مارتاحيت ابد رهف ساكتة ومختنكة
مؤمن شنو الفلم ممرتاحتلكم

مؤمن...يولو هساع خلي ننزل الناس ظلت تتفرج علينا

ريتال.. نزلوا رهف ومؤمن واني انجبرت انزل وياهم

فتحوا الباب ودخلنا للحوش انصدمت من شفت سيارة فارس بالكراج
عطت بيهم هاي ششششششجاي تسووووون اكيد انتوا تخبلتوو
ردت اطلع رهف لزمتني

رهف... ريتال بس اسمعيني ولاتتعصبين والله انجبرت اسوي هيجي

ريتال... رهف ششششنو انجبرتي ولج انتي  صديقتي واني وثقت بيكم

طلع فارس من شفتة كمت ارجف اريد انهزم صاح علية

فارس... اذا طلعتي برى الباب اطلع اجيبج سحل

مؤمن... خالي هاي شبيك شنو هالحجي ليش كاعد تخوفها

فارس... ومن شنو تخاف هساع صار فارس يخوف

ريتال.. كمت ابجي موقف مايعلم بي غير الله اذكرت كلام فارس من كالي اذا تفكرين تاخذين غيري احط طلقة برأسج ظليت جامدة من الخوف

رهف تبجي وياي وتتوسل بيه

فارس... تعالي فوتي اريد احجي وياج لاتخافين مراح اكلج

ريتال.. مستحيل ادخل جوة عندك كلام احجي اهنا

فارس... استغفر الله ريتتتال امششششي فوتي جدامي

ريتال... وين افوووووت اني هسسسسه محرمة عليك ميصييير، ابقى وياك بمكان وحدنا

فارس... لاتخليني اكفر بالحلال والحرام فوووووتي داكولج

رهف... امشي نفوت ريتال لاتخافين اني ومؤمن وياج منروح الأي مكان

فارس... انتوووووا وين جاييين اريد احجي وياها وحدنا

رهف... عادي نكعد بغير غرفة المهم منعوفها واذا ميعجبك والله اخذها واطلع

ريتال... فارس شاط من كلام رهف بس مكدر يعترض  دخلنا جوة وكفت بالمطبخ

اني اهنا ابقى وما اتحرك من مكاني

رهف... احنا راح ندخل جوة

اكو ميز طعام فارس سحب الكرسي وكال تعالي كعدي

كعدت واني مدنكة ما اريد ارفع عيني بعينة

هو هم جاب كرسي وكعد كدامي

فارس... اي ريتال انكول مبروك لو بعد وكت

ريتال... ارتبكت خايفة منه
ظليت ساكتة

فارس... شبيج وين راح لسانج احجييييي

ريتال.. ششحجي

فارس.. تريدين تزوجين وتاخذين غيرررررري  مووووو

ريتال... انت ششششعليك بيه هاي حياتي واني حرة بيها ازوووج ما ازوج شششي ميخصك

فارس...بنت الكلب هذاا منوووووو الميخصووووو انعل والديج اذا فكررررتي مجرد تفكييير بغيري انتييييي الي الحد اخر يوم بعمري وعمرج

ريتال... لاتغلط على اهلي مفهوووووم انت بصفتك شنوووو تمنعني اني طلييييقتك مو زوجتك البينة انتهى من زمااااااان انسسسساني وطلعني من راسك

فارس... شششششوفي لج هذا حجيج ميوكل خبز عندي اليوم تروحين ترفضين هذا الخسيس المتقدملج افتهمتتتي لو ارجع اعيد

ريتال... انت ليش هلكد اناني عايششش حياتك وتريد تدفني من مرتك حملت نسسسيتني  ومن راح الجنين رجعت علييه انت مو كلت اعتبري فارس مات
ويييين راح كلامك ولووو انت كل وعودك كذب

فارس... بنت النعل منوو هذا الوعودو جذب انتيييي مو وليتي اني رجال الي احتياجاتي وصبا حلالي ماسويت شي غلط

ريتال... لعد اذا اني ولييييت ليش مجاي تعوفني بحالي

شوف فارس مختصر الكلام اني مراح انهي شي وشسوي سوي

فارس... اذا تمت الخطوبة ما ابقي واحد بيكم عايشششش اكتلج واكتل اهلج واولهم ابوووووج النذل

ريتال... فزعت من كلامة انت شجاي تحجي شششبيك تخبلت اهلي شعليهم اني وافقت بارادتي اهلي مجبروني

تريد تقتل اقتلنيييي اني يلا هاي اني كدامك موووتني وخلصني من هاي الحياة

فارس... ما حزرتي اخليج تشوووفين بعينج ابوج وهو جنازة
واحرك گلوبكم مثل ما حركتوا گلبي

ريتال... كمت الطم لك بابا شششعليه
نزلت يم رجل فارس ابووووس رجلك لاتخليني بهيجي موقف
ششششكول الأهلي شلون اكدر انهي كلشي قبل الخطوبة باربع ايام
والله صعبببب فارسسسسس ارحمني ابوس رجلك

فارس هجم عليه مثل المخبل يضربني راشديات وكفخات على راسي
كرفصت بالكاع وكمت اعيط

فارس... كعدتي جدامووووو وعجبج تنهيهاااااااا وغصبا على الخلفج احرررررررك الدنيا عليكم والله 

ريتال... اجه مؤمن يركض وكف كدام فارس وبالكوة لزمة فارس يسب ويغلط

اجت رهف تبجي رادت تكومني دفعتها كل الصار بيه بسببها

مؤمن... انت ششششششبيك اني كلب ابن كلب جبت البنية عليييييك

كومي خيتي مايجيج خيرررر من تحت راسسسسي

ريتال... كمت بسرعة طلعت اركض
رهف اجت ورايه

رهف... اوكفي وين رايحة تعالي نوصلج

ريتال... ما اريد شي منكم عوفوني بحالي

رهف... شوفي شكلج شصاير بي شلون تروحين وحدج بهذا المنظر

ريتال... مجان عندي غير حل صعدت للسيارة

اجة مؤمن عيونة دم من العصبيه

هو ورهف ظلوا يحجون وياي اخير شي عطت بيهم

كاااافي ما اريد اسسسسسمع صوتكم وصلوني الأهلي وبعد ما اريد اعرف احد بيكم

رهف رادت تحجي مؤمن سكتها
كال عوفيها حقها بكل التحجي وتسوي

طول الطريق اشهك وابجي
قبل لانوصل مؤمن وكف السيارة راح جاب ماي

مؤمن... ريتال غسلي وجهج شراح اتكولين الأهلج اذا شافوج هيجي

ريتال.. بدون ما احجي ويا أخذت الماي غسلت

عندي مرآية صغيرة باوعت على وجهي بيها صاير احمر من ضربات فارس

حاولت اخفي بالباودر جنت اعدل وجهي وبعدني ابجي واشهك

بالكوة سكتت

رجعت للبيت واني ايدي على گلبي اهلي يحسون بيه

بابا مموجود بس ماما جانت مشغولة دادرس يزن

بدون ما اباوع بوجه احد سلمت ودخلت الغرفتي

بدلت ونمت بفراشي
واني عقلي يريد يوكف ششسوي شراح اكوللهم شلون اخليهم بهيجي موقف
ياربي امتحاناتك كثرت وبعد ماعندي اي طاقة واكدر اتحمل

دخلت ماما للغرفة سويت روحي نايمة
وفعلاً من القهر نمت وقت العشى اجت ماما كعدتني

كمت وياها حتى لايشكون بشي

جنت كاعدة على الأكل وهادئة

ماما... ريتال شبيج اشو من رجعتي لهسه انتي مو على بعضج دخلتي نمتي وهسه ساكتة وعيونج ووجهج حمر ليش

ريتال... هااا لا مابيه شي بس تعبانة ويمكن سخنت

بابا جان يباوع عليه بشك بس محجى شي
ياربي هسه اني شلون راح اكدر اكوللهم ما اريد اكمل الخطوبة

جنت اباوع على بابا والله اذا يصير بي شي اموت ورا اشكد كرهت فارس وحقدت عليه

باليل اريد انام ما اكدر من الخوف والقلق احس اختنكت

طلعت برى للحديقة اريد بس اتنفس
تنفسي صار صعب كمت افرك بركبتي بس اريد هوا

كمت اطلع صوت قوي واني اجر النفس

ركضت على غرفة يزن فتحت الباب قبل لا اكعدة هو كعد من سمع الصوت

كام مفزوع

يزن... ريتال هاي شبيج

ريتال... حجيت بالكوة الحكلي اختنكت

يزن ركض على غرفت اهلي اجوي ماما وبابا مفزوعين جنت كاعدة بالكاع

ماما.. صخاااام بوجهييييي رافد بنتي راحت منييييييي

بابا... مو وقت لطم لبسيها صاية بسسسسرعة

ريتال... من الخنكة عيوني  يريدن يطلعن من مكانهن
لبسوني
بابا ويزن شالوني للسيارة

بابا وماما اخذوني للطوارئ اول موصلنا من شافوا حالتي انخبصوا بيه

شكولي اوكسجين شوية ارتاحيت

رجع تنفسي طبيعي الطبيب الخفر كال لازم تاخذوها طبيب اختصاص يشوف شنو سبب هاي الحالة

الفجر رجعنا للبيت نمت بفراشي بابا وماما كاعدين يمي

باوعت عليهم بقهر خطية لونهم مخطوف من الخوف عليه
ما استاهل اني اكون بنتهم هوايه تاذو بسببي وبعد راح يتاذون ويتفشلون
شنو موقفهم كدام اقاربنا وكدام اهل هشام من راح ارفضة
كمت اشهك وابجي

بابا... ريتال منو الغاثج  ليش ماتحجين  لاظلين كاتمة بگلبج

ريتال... حجيت بقلبي اووووف بابا شكدر احجيلك
شكولك فارس الجنت مجنونة بحبه هددني يقتلك

ماما... رافد عوفها خلي ترتاح الصبح ان شاء الله نفهم منها شبيها

الصبح اهلي راحوا للدوام خابروا عمة داليا اجت يمي

عمة هوايه حاولت تعرف شبيه مكدرت احجيلها

ماما من رجعت هم سالتني كتلها مابيه شي

ماما... ريتال هذا الكلام عبري على غيري انتي من رجعتي البارحة مو طبيعية

ريتال.. مابية شششي ماما ما أريد انخطب ساعديني واحجي ويا بابا

ماما... والله جنت متاكدة راح تطلبين هذا الطلب واكص ايدي اذا مو فارس اله يد بهذا طلبج

داليا... ريتال بطلي بجي واحجي فارس حجة وياج

ريتال... عفييييية سدوا الموضوع اني ما أريد ازوووج وحتى فارس ما اريدة

ماما... احلفج بحياتي وحياة ابوج تحجيلنا كلشي

ريتال... ليش تحلفيني ماما

ماما... احجي ريتال وين اخذوج رهف ومؤمن وفارس شسوالج

ريتال... ماما فارسس هددني يقتلكم اذا اوافق
فدوة اروحلج احجي ويا بابا خلي يخابر صديقة وينهي الموضوع ترى راح اموووت والنبي

داليا... اشششكد عار ونذل

ماما...وانتي شكوو هلكد خايفة وموتى نفسج لج بنتي هذا كذاااب ديخوفج
شنو احنا تايهيلة ويقتلنا

ريتال. هذا متخبل رسمي موبعيد يسويها

ماما.. ارتاحي واني راح احل الموضوع لاتخافين

ريتال.  يعني راح تحجين ويا بابا ينهي الخطوبة

ماما.. اي راح احجي يلا رتاحي وبطلي بجي

ريتال... حضنت ماما اني اسفة والله اسفة دائماً اخليكم بمواقف محرجة

ماما... انتي مسويتي شي حتى تعتذرين

ظليت بغرفتي ما الي عين اطلع اشوف بابا
باليل سالت ماما حجيتي ويا  لو بعدج لان مبقى للخطوبة غير يومين

ماما كالت قبل لا انام احجي ويااا

ثاني يوم اجتي رؤى جنت مشتاقتلها شوية التهيت وياها

ماما من رجعت من الدوام كلما اسالها تتهرب من الجواب

بابا الظهر رجع من وقت
وقبل صلاة العصر طلع من البيت

كاعدة بغرفتي وما اعرف شديصير الخوف ماكل گلبي

دخلت ماما بيدها الموبايل

ماما.. ريتال ابوج يريد يحجي وياج

ريتال... استغربت اخذت منها الفون

ماما همست باذني ابوج كاعد ويا شيخ عشيرتة وجماعة وياهم  المايك مفتوح

ريتال.. فتحت عيني عزااااا هاي شكووو

خفت ورتبكت ماما طبطبت على كتفي وهدتني

الوو

بابا.. بنتي شيخ عشيرتنا يريد يحجي وياج احجي عادي ولاتخافين

ريتال.. همست ماشي

الشيخ... هلا بنيتي شلونج

ريتال... هلا بيك الحمدلله بخير

الشيخ... دومج بخير ان شاء الله
بنيتي راح اسالج سؤال واريد تجاوبيني بصراحة ولاتخافين من احد

ريتال.. بلعت ريق اتفضل اسأل

الشيخ... زلمتج السابق كاعد يمي ويكول اني بعدني رايدها وهي هم رايدتني بس ابوها هو المايقبل يرجعها الي
بنيتي انتي تريدين فارس لو لا
واذا تريدينو لاتخافين
لان ابوج انطة كلمة جدامنا يردج الو

ريتال... اختنك هو وين بابا وشديصير
اريد اجاوب ما اكدر صوتي يرجف

ماما و رؤى يمي وديسمعون

الشيخ.. الوو بنيتي عليش سكتي

ريتال... تنفست قوي وحجيت لا شيخ ما اريدة

الشيخ... بنيتي انتي متاكدة من هذا كلامج عجل عليش جايين تبجين اذا ماتريدينو

ريتال... سمعت صوت فارس متعصب

ادري بيها تريدني بس اكيد جبروها هيجي اتكول

واحد من حجة ويا فارس كالة اسكت

شيخ اني ما اريدة وما اريد ارجعلة ومحد ضغط عليه وهو اكيد ديسمعني

افعالة هي الخلتني ارفضة  وياريت يطلعني من حياتة مثل ما اني طلعتة من حياتي

شمرت الفون على ماما ودفنت راسي بالمخدة جنت خانكة صوتي واحجي بشهكة

لهنا وكافي فارس لازم اشششيل حبك من گلبي يااااارب اشششفيني من حبه ......

يتبع

مساء الورد

شفت هوايه تعليقات يكولون صبا مو جان بيها سرطان شلون صار عدها حمل

حبايبي ترى عادي اذا المصابة الله كتبلها الشفاء ممكن يصير عدها حمل

لكن سرطان الثدي من اكثر انواع السرطان الممكن ترجع اثناء الحمل

بسبب أرتفاع الهرمونات عند المرأة الحامل وبهاي الحالة ترجع تنمو الخلايا السرطانية الله يكفينا ويكفيكم شرة ويشافي كل مريض

اكثر الاطباء ينصحون المرأة على الأقل لازم تنتظر خمس سنوات بعد الشفاء يلا تفكر تسوي طفل

تحياتي الكم