رواية فارسي العاشق الفصل الثاني 2 - بقلم بسمة البياتي

_  فارسي العاشق _
( بقلم بسمة البياتي)
_البارت الثاني _

رغم كل الظلم الذي أعانيه، اعتدت أن أقابل الإساءة بالغفران، وأن أدير خدّي الأيسر لمن يصفع الأيمن
_________________

صارلة اسبوع من بده الدوام دوامنا كلة صباحي
مدرستنا قريبة من بيتنا ميحتاجلها خط

الصبح نطلع اني وماما وملاك ورؤى
والظهر نرجع بس اني والبنات لان مرات ماما شوية تتاخر

ماما.. رؤى كعدت لو بعدها

ريتال.. لا والله ست رؤى بعدها نايمة

رؤى.. صخامة هياتها كعدت هفففف هسه مو اكو مدارس دوامهم صباحي ومسائي ليش بس اني حظي الفكر دوامي كلة صباحي

ريتال... ههههههههه ترى بعدلج هوايه سنوات حبيبتي
وانتي كل يومية تعيدين نفس الأسطوانة

كعدنا نتريك
اندكت الباب
ريتال.. هاي اكيد ملاك

ملاك.. صباح الخير

ردينا عليها صباح النور

ماما... تعالي ملاك تريكي ويا البنات

ملاك.. لا ست بالعافية تريكت

رؤى... اووووي ملاك ترى هسه احنا بالبيت مو بالمدرسة ليش تصيحيها ست

ملاك... لساني متعود على هاي الكلمة اذا اكولها خالة اخاف بالدرس اجفص وهم اصيحها خالة

رؤى... ههههههههه اشكد حلو تسالج سؤال وانتي تكوليلها لحظة خالة خلي اذكر نسيت الجواب

ملاك... خخخخ ترى بايخة مضحك

رؤى... قابل اني حجيت نكتة حتى تضحكين

ماما... كافي بنات يلا امشوا راح نتاخر

ريتال... وصلنة للمدرسة وبدت الدروس اوووف انشك حلكنة السادس صعب

ملاك... اكولج رتو شكلي حلوة لو لا شوفي حجابي عدل

ريتال.. والله انتي بطرانة بعد كل هذا التعب والدروس وانتي عندج طاقة ترتبين نفسج

ملاك... اووووي جاوبي بدون كلام زايد

ريتال... اكيد حلوة وحجابج حلو

اباوع على ملاك مخبوصة طلعت مرطب خلت الشفايفها

اكول ملوكة شبيج اليوم اشو اهتمامج بنفسج زايد عن حده

ملاك... لاحياتي اني دوم اهتم بنفسي
يلا امشي خلي نطلع هسه رؤى تنتظرنا

طلعنا جانت رؤى واكفة تنتظر

اكو سيارة مقابيل المدرسة ملاك من شافتها صارت توزع ابتسامات

مشينا دخلنة للفرع اجت السيارة ورانا وصارت تمشي على كيف قريب منه

ما ادري وين شايفة هاي السيارة

رؤى... هذا الناقص ديلحكنة

ملاك... عوفي شعليج بي

ريتال... شكيت بملاك لان تمشي وتلتفت عليه وتبتسم
محجيت شي ولا سالتها رجعنا للبيت وملاك راحت البيتهم

رؤى...دخلنا للبيت اكولج ريتال هذا ابو السيارة يمكن ملاك تعرفة

ريتال... وشلون عرفتي

رؤى.. ترى مبين مثل عين الشمس شنو مشفتيها شلون كل شوية تباوع عليه وتضحك

ريتال... معلينا بيها واذا بعد تكرر هذا الوضع نبقة ننتظر ماما ونرجع وياها

يلا بدلي ملابسج حتى نحظر الغدا

ماما من الليل تطبخ وتخلي الاكل بالثلاجة  واحنا من نرجع من الدوام بس نحمي ونصب

اندكت الباب اجة يزن

اهلي مسجلين يزن بمدرسة اهليه ويا ابن عمتي
يومية زوج عمتي يوديهم ويرجعهم

بيت عمتي قريب من بيتنا مو بعيد

ريتال... فوت عمو ارتاح خلي اجيبلك مي

عمو مصطفى... تسلمين رتو بس مستعجل عمتج تنتظرني على الغدا شيخلصني من لسانها اذا اتاخر

ريتال... هههههههه الله عليك كوللها خلي تجي العصر مشتاقتلها

عمو مصطفى... ان شاء الله العصر قبل لا اروح  للسوبر ماركت اجيبها يمكم

ريتال... اجت ماما راحت تسبح وترتاح

اني و رؤى صبينا الغدا كعدنا اني وياها ويزن نتغدا

ماما متعودة تنتظر بابا متقبل تاكل اذا مو ويا وهو شوية يتاخر

احنا منكدر ننتظر لان لأزم نرتاح شوية وبعدين نبلش بالدراسة اني و رؤى ثنينا وزاري

خلصنا اكل غسلنا المواعين الاكلنة بيهم ونظفنا المطبخ وكل واحد راح الغرفتة نام

داليا.. ولج رتو هاي بعدج نايمة واني عبالي من اجي راح الكيج مسويتلي كيكة

ريتال.. رفعت راسي بكسل هلو عمتو كمت حضنتها وبوستها

داليا... مصطفى كال ريتال اليوم العصر عازمتج يمها
واني كيفت كلت اكيد راح ادللني

ريتال...هههههه مو يدلل الحلو اصيرلج كيكة ولايهمج
امشي ساعديني خلي نسويها

داليا... عابت تريدني اساعدها اي واضح راح ادلل هوايه

ريتال... شبكت ايدي بايدها واخذتها وطلعنة من الغرفة
امشي بدون كلام زايد

جانوا بابا وماما و زوج عمتي كاعدين بالهول

رحت حضنت بابا وبوستة ههههه من الصبح مشايفتة

مصطفى.. ههههههه شنو ابوج جان مسافر ومندري

بابا... ههههههه هاي حبيبة ابوها بنتك من تكبر هم تصير مثلها

رؤى... راااااااااافد يعني بس ريتال حبيبتك

مصطفى... هههههههه كبسة شراح يخلصك من  رؤى

بابا... انتوا ثنينكم حبيباتي وحدة عيني اليمنى والثانية عيني اليسرى

ماما... لعد شبقيت الامهن

بابا... هههههههههه عمي اني شعندي غيركم كل وحدة الها مكان خاص بگلبي

مصطفى... الله يساعدك اني من هسه شلت هم اخاف من تكبر سارة هم تشتغل الغيرة بينها وبين امها

داليا... مو هسه بنتك مقصرة اصلاً من هسه هي تغار عليك مني

ريتال... كافي حجي تعالي نسوي الكيكة

بابا و عمو مصطفى بس شربوا شاي وراحوا للاسواق

ريتال.. كملنا الكيكة سوينا شاي وكعدنا ناكل ونسوالف

ماما راحت البيت جيرانة تبارك الجنتهم لان قبل كم يوم ولدت

يزن اخذ الطوبة وديلعب ويا ليث ابن عمه داليا بالحديقة

داليا.. يلا احجيلي شصار من رحتوا البيت جدج لان من رجعتي لهسه احسج ضايجة

اني من هذاك اليوم ردت اسالج بس مكدرت لان خواتي جانوا موجودات

ريتال...عمة انتي اكثر وحدة تعرفين اني كلما اروح وارجع ابقة شهر ضايجة بس هلمرة بيبي وخالتي زودوها ويانه

رؤى.. كل هذا وياريت اتوبين من تجي العطلة تبقين تتوسلين حتى نروح

داليا... بنات هذولة اهلكم وبيبيتكم مرة كبيرة ميصير تزعلون منها انتوا تعودتوا على طبعها اسمعوا وغلسوا

رؤى... لا عمة اني ما اكدر اغلس حجيت العمة كل السووا بينا

عمة بقت صافنه

داليا... ريتال لشوكت راح تبقين هلكد فقيرة
اني مداكولج اجاوزي على بيبتج وخالتج
بس ليش تسكتين البناتهم من يضوجوج ويسمعوج كلام

ريتال... يا ناسسس والله مو بيدي ما اعرف اجاوبهم معندي غير السكوت وابقة اكتم بگلبي

داليا... بس فهميني لعد شلون راح تكدرين تروحين كلية اذا انتي هلكد جبانة وجمالة تريدين طب

ماماتي ترى حياة الكلية مو سهلة واذا يشوفوج فقيرة وضعيفة راح يستغلوج

ثاني شي الطب يحتاجلة گلب من حديد

ريتال.. اني هم فكرت بهذا الشي لهذا قررت اروح صيدلة ان شاء الله

داليا... بس لازم تتغيرين حبيبتي قوي نفسج واذا الج حق يم احد اخذي حقج من حلك السبع
صيري مثل رؤى صح اصغر منج بس بالف رجال ولاينخاف عليها

ريتال... كمت ابجي اكره ضعفي بس مجاي اكدر اتغير اجت عمه حضنتني وبقت تشاقة وياي حتى اضحك

الايام تركض ركض واني غركانة بدراستي على كولت المثل معندي مجال احك راسي

هذا الولد صار يومية بالرجعة يلحكنة وملاك ميكيفة على هذا الوضع

ملاك يومية العصر تجي تدرس يمي بس ولاتفتح كتاب تكعد بيدها الموبايل ما اعرف ويامن تتراسل لو شسوي تكعد بس توزع ابتسامات

ريتال... انتي مو جاية تدرسين ليش مذبين الموبايل  وتفتحين الكتاب ترى مستواج بالدراسة صاير زفت

ملاك... اووووي صرتي مثل ماما  اني اجي هنا حتى اخلص من كلامها  تستلميني انتي الثانية

ريتال...براحتج حبي هذا مستقبلج وانتي اعرف بي

صدوك باجر نرجع ويا ماما

ملاك.. فزت شنووو ليش امج تتاخر خوما نبقة ننتظرها

ريتال... اي عادي لعد عاجبج هذا يومية لاحكنا حتى سمعة موحلوة راح تجي علينا

ملاك... هوووب هوووب لاحكم شنو بس باقي اتكولين جاي علمودج

ريتال... لا طبعاً اني مكلت هيجي بس هو ديمشي بسيارتة ويانة يعني الكلام راح يجي علينا كلنا

ملاك خليج صريحة انتي تعرفين هذا الولد

ملاك... راح احجيلج بس امانة لاتكولين الاحد

اي اعرفة عندي علاقة بي

ريتال.. عزااااا بعينج وهذا شلون تعرفتي عليه

ملاك... تذكرين الولد الجان ويانة بدروس التقوية
الاسمة مؤمن

ريتال... اي شبي

ملاك.. هذا الولد يصير خال مؤمن اسمه حازم

ريتال... اهااا هذا نفسه ابو سيارة الحطيتي عينج عليه
خرب واني اكول وين شايفة هاي السيارة

ملاك...انتي من سافرتي اني رحت اخذ درس ومن طلعت انتظر اخويه هو رقمني

ريتال...وانتي بكل بساطة اخذتي الرقم وحجيتي ويا موو

ملاك... اي وشكو بيها ولج ناس طاكين اذا اخذة تتحقق كل احلامي

ريتال... ما اعرف شكولج الله يجعلة من نصيبج
بس رجاءا كوليلة بعد لايمشي ورانا ترى رؤى ضايجة منه
والله اذا اطخ براسها توكف بنص الشارع ترزلة اختي واعرفها

ملاك... ماشي راح اكولة بس الله عليج خلي نرجع وحدنا لا ويا امج

ريتال... اوك الله كريم

ثاني داومنا ومن خلص الدوام طلعنا للباب هم شفنا هذا الولد واكف اني الحد هذا اليوم ممباوعة على شكلة ولا منتبهة عليه

ملاك.. يلا بنات امشوا

ريتال.. لزمت ايد ملاك وهمست يم اذنها ترى اذا هم مشى ورانا بعد مستحيل اقبل نرجع وحدنا

ملاك... ههههه هاي شبيج لا ميجي اني وصيتة

مشينا اني وياها و رؤى من دخلنا للفرع اجة مشى بصفنا باوعت على ملاك بحقد وهي فرحانة  ولامهتمة
رؤى بس تنافخ من العصبيه

الشارع بي هواية بنات يمشون كدامنا واكو ورانا

اكو ولد ديمشي كدامنا بيدة كتب

صاحب ملاك الحقير راد يستعرض بطولاتة بالسياقة
شخط السيارة بصوت مفزع كل الديمشون بالشارع فزو من الصوت وباوعوا عليه

مشى بسرعة من يم الولد وعكس عليه
خطية الولد من الارتباك والخوف يريد يعبر على الرصيف عثر و وكع بالشارع وطشرت الكتب مالتة

صاحب ملاك... طلع راسة من السيارة وصاح بصوت عالي
عمة شنو متشوف سيارة شكبرها وشكدها كدامك

جان صديقة ويا بالسيارة  يرزلون بالولد ويضحكون

الولد من الخجل بقة كاعد بالكاع بالكوة وكف ودنك يلم كتبة

اكو بنات بقوا يضحكون واكو ضاجوا من تصرف هذا الحقير

اني و رؤى جامدات بمكانه ملاك تضحك

رؤى... انتي على ششششششنو اضحكين لازم عجبج تصرف هذا المستهتر

ريتال... اني بعدني واكفة اباوع على الولد جان ضعيف ومبين عليه التعب

من لم كتبة رفع راسة للسماء ورجع دنك وكمل طريقة
اقشعر بدني من هاي حركتة الدموع ترست عيني بالموت حابستهم حتى مينزلون

رؤى رادت ترزل صاحب ملاك لزمتها مخليتها تحجي هذا مبين عليه واحد بدون اخلاق خفت ينزل ويسويلنة مشكلة

ملاك... شدعوة ضجتوا ترى صوج هذا الولد ليش ميمشي على الرصيف

رؤى... هذا مو شارع عام حتى لازم نمشي على الرصيف هذا فرع بمنطقة وانتي شكو محروك دمج وجاي ادفعيلة

ملاك... شبيج حبي ترى مقصدي ادافعلة هو علاء ضعيف بسرعة وكع ترى اني هم انقهرت عليه

ريتال... انتي تعرفين هذا الولد

ملاك.. انتي اشكد ثولة صارلج سنين بهاي المنطقة ومتعرفين اهل منطقتج  هذا بيتهم بنفس فرعنا خطية يتيم ابوهم استشهد بداية الاحداث هما ولد ثنين وبنات ثنين هو اكبر واحد بيهم من يرجع من الدوام يروح يشتغل بفرن صمون لان حالتهم شوية تعبانه

ريتال... من سمعت كلام ملاك انقهرت اكثر رجعنا للبيت لا اني ولا رؤى تغدينا

بس صبيت غدا
اليزن و رحت نمت

ماما... رتوو حبيبتي كومي تغدي يزن كال انتي  و رؤى ممتغدين

ريتال... ما اريد مو جوعانه

ماما... بنتي شبيج خوما متعاركة انتي واختج

ريتال.. لا والله ابد

ماما.. لعد يلا كومي

ريتال.. كمت غسلت رحت للهول شفت رؤى كاعدة بصف بابا ومبرطمة عرفت رؤى حاجية البابا كولشي

بابا... تعالي ريتال ليش من البداية مكلتوا على هذا الديلحكم بعد من باجر زوج عمتج ياخذكم ويرجعكم

ريتال... حضنت بابا وبجيت
اليوم اكو ولد يتيم خطية تبهذل كدام الناس وصاروا يضحكون عليه

بابا... كالتلي رؤى اني راح اساعدة فدوة البناتي الحنينات

رؤى... شلون تساعدة

ماما... رافد بيت ام علاء نفسهم عزيزة وميقبلون ياخذون مساعدة من احد

بابا... راح اشغلة بالاسواق واوصي مصطفى عليه واخلي ينطي راتب زين

ريتال... ملاك كالت هو طالب

بابا... عادي من ينتهي الدوام يجي للاسواق احسن من شغلة بالفرن هم تعب وهم راتب قليل

ريتال... احمد ربي واشكرة على اهلي الله لايحرمني منهم ومن طيبتهم وحنيتهم

صرنا يومية من يجي عمو مصطفى على يزن نروح ويا ومن يرجعة يجي علينا يرجعنا

ملاك صارت تروح وترجع وحدها متقبل تجي ويانة

اليوم كاعدة بالصف اراجع الكيمياء لان عدنا امتحان

مندمجة بالقراية محسيت غير الكتاب انجر من ايدي وانشمر بالكاع
رفعت راسي شفت ملاك واكفة كدامي والشرار يطلع من عينها

هاي شبيج تخبلتي شنو هذا التصرف

ملاك.. ولح كلبة حقيرة اليوم اطيح حطج يا عاررررررررر

ريتال.. وكفت مصدومة من كلامها البنات التموا علينا

ملاك شبيج شنو هذا الكلام

ملاك... تغشمين نفسج مو يا خاينة لح جنت معتبرتج صديقتي تالي تحطين عينج على حبيبي

ريتال... والله ما اعرف عن شنو تحجين يا حبيب فهميني

ملاك... هاي بعدج تبعين شرف براسنا ولج اليوم افضحج يا ساقطة
بناااااااااااات تعالوا سمعووا هاي التبيع مثاليات وششششرف واخلاق براسكم وحدة زباااااالة
ريتال باكت حبيبي..........

يتبع...