رواية فارسي العاشق الفصل الحادي والعشرون 21 - بقلم بسمة البياتي

_  فارسي العاشق _
( بقلم بسمة البياتي)
_البارت الثاني والعشرون _

للفجر اني كاعدة عيني مغمضت ولا لحظة صار عندي صداع من القهر والبجي
عدلت كعدتي وكرفصت خليت ايدي على اذني سديتها وظليت اردد بيني وبين نفسي هي زوجتة هي زوجتة هي زوجتة هذا حقها هذا حقها
جنت احجي وايدي على اذني واهز براسي مثل الطفل البي توحد

جنت بس اريد اقنع نفسي حتى بلكي تطفى النار البداخلي بس هيهات اكو شي يكدر يطفيها

بدء شيخ الجامع يقرأ القرآن
تحركت من مكاني وكفت يم باب الغرفة ظليت واكفة انتظر شوكت اسمع صوت خطواتة وهو يروح للحمام

وفعلاً اقل من خمس دقائق وطلع
انتظرت شوية وفتحت الباب على كيف

مشيت على رؤؤس اصابيعي رحت يم الحمام
اريد اشوفة ديسبح لو بس يتوضى ويطلع

جنت اريد اقنع نفسي انو هو مجان وياها وممتقرب منها

من سمعت صوت الدوش خابت كل امالي رجعت الغرفتي بسرعة وقفلت الباب

دخلت لفراشي واني مفرفحة يمكن النار الموجوده بصدري لو تطلع تحرك الاخضر واليابس

بعد مخلصت الصلاة

اتحركت يدة باب الغرفةههههههه هسه يلا اذكرني

من شافة مقفول عافة وراح حتى مدك الباب

زاد وجع راسي اخير شي ما اعرف شلون كدرت انام

فارس... رادتني صبا بغرفتها
رحت اشوفها شتريد من دخلت للغرفة اجتني بلهفة حضنتني استغربت من تصرفها هاي من شوكت هيجي نازلة عليها الحنية والرومانسية

صبا... فارس مشتاكتلك اريدك يمي صارلك اشهر ناسيني وكلو يمها ابقة يمي اليوم

فارس... غمضت عيني واذكرت هذيج الخبلة اذا ظليت شراح يصير بيها

ما اكدر ارفض طلب صبا هي رادتني بالسانها الله مايرضى عليه اذا عفتها وطلعت رغم مالي نفس بيها

ظليت يم صبا تادية واجب لا أكثر ولا اقل

نامت صبا واني ظليت كاعد واتخيل ريتال هساع شصاير بيها
ماكدرت اروح اشوفها لان اعرف راح تتخبل عليه بهل ليل

بعد الصلاة متحملت جيت اشوفها لكيتها قافلة الباب هههههه عرفت بيها علنت الحرب والله يستر من الراح تسوي

جيت تمددت بالهول حتى الغرفة صبا ما رجعت

ريتال... فزيت من النوم بالكوة فتحت عيني من الوجع باوعت بساعة الموبايل عزا ساعة سبعة تاخرت على الدوام

رغم منايمة هوايه وتعبانة بس قررت اداوم اذا ابقة بالبيت واشوف صبا اموت

بسرعة كمت اغسل من شفت وجهي بالمرآية انصدمت عيوني منفوخة بطريقة مرعبه وجواها احمر وخشمي هم احمر

غسلت بسرعة وبدلت لان مظل وقت مكدرت اخلي شي الوجهي كلت بالسيارة اعدلة واخفي اثار البجي والورم

نزلت بسرعة دخلت للمطبخ الكل موجودين حتى فارس جان كاعد  يم امه جاي ادلكلة راسة
عاط بيه مؤمن

مؤمن... يولو تاخرررررررنا جان ظليتي نايمة عليش نزلتي هساع

ريتال... كافي حجي زايد يلا امشي

مؤمن.. اوكفي هاي شبيها عينج

ريتال... انطيني الصبر ياربي خلى الكل يباعون عليه بستغراب
مابيه شي هسه مو تاخرنا يلا امشي

مؤمن.. عادي مو مهم المحاضرة الاولى كعدي تريكي

ريتال... ما اريد عفتة وطلعت ما اريد ابقة بنفس المكان ويا فارس مو طايقتة

فارس... عيوني مكدرت تاخذ نوم حدرت جوة
طلبت من نسرين تصبلي جاي لان راسي يوجع

امي من سمعتني لزمت راسي وظلت تقرأ عليه

ريتال ماكو كلت اكيد مراح اداوم اليوم

بس من نزلت وسالها مؤمن على عينها دحجت عليها من شفت عيونها القهر عصر گلبي اوف يبعد الروح هاي شصاير بحالج

نسرين...اكول خوية شنو متعارك انت وحرمتك شبيها شو مو طبيعيه وحتى متريكت

فارس... لا خيتي ماكو شي

ريتال... صعدت ويا مؤمن مشة شوية وسالني

مؤمن.. يولو شبيج ليش مبوزة من صباحيات الله

ريتال... مابيه شي ورجاءاً سوق وانت ساكت

مؤمن... ههههههه والله السالفة مبينا جبيرة بس فهميني شلون راح اداومين بهاي خلقتج

ريتال... هسه اعدلها
اجة اتصال على موبايلي باوعت هذا فارس انطيتة رفض وخليت الموبايل على الصامت

دك موبايل مؤمن

مؤمن... هلا خالي

فارس... خلي ريتال ترد على موبايلها

مؤمن.. هههههه والله عرفت صاير شي
ريتال خالي يكول ليش مترد على موبايلج

ريتال... بكيفي ميعجبني ارد

فارس...استغفر الله يول خليها تتريك لاتتركها هيجي

مؤمن... صار خالي اوامر ثانية هو اني ابتليت بحرمتك

فارس... انجب لاتخليني اخلي قهري كلو بيك

مؤمن... هههههه لا يابة واني شدخلني ابقة ساكت احسن

خالي يكول خلي تتريك

ريتال... ما أريد ازقنب وعوفني بحالي دموعي نزلت

مؤمن... وكفت السيارة على صفحة
يولو شبيج عليش هلكد مقهورة

ريتال... بجيت بقهر لا تسالني فدوة

مؤمن... ولو عيب احجي بهيجي موضوع  بس سؤال خالي البارحة جان يم صبا

ريتال... باوعت عليه شمعرفك

مؤمن.. والله ما اعرف بس من هذا قهرج ووضعج مبين وحتى هو من نزل وضعو امر من وضعج

ريتال ترى هي هم حرمتو اذا كل ما يروحلها هيجي يصير بيج حياتكم راح تفشل

ريتال... لا تكوووووووول مرتة لعد قبل وين جانت هسه يلا حلى بعينها وتريدة

مؤمن... بطلت عمي ما اكول بس اهدي شويه خليني ارجعج للبيت وضعج مو مال دوام الكل راح ينتبه عليج

ريتال... لا ما اريد اتخبل اذا ابقة بالبيت
مسحت دموعي وطلعت مكياح خليت الوجهي وطوخت بالكحل شوية وجهي صار احسن

من صلنا للكلية صديقاتي ياهو التشوفني تسالني شبيج كتلهم مريضة افلونزا

رهف... رتوتة ترى معبرت عليه مال مريضة كوليلي شبيج

ريتال... مو هسه بعدين احجيلج

خلصنا المحاضرة وطلعنا للحديقة
حجيت الرهف كولشي

رهف... اوووووف الله يساعدج موقف صعب حتى ما اعرف شجاوبج

ريتال... ولج الدنيا طالعة من عيني هذا اذا صدوك سواها وصار يبات يمي يوم ويمها يوم فهمني شراح اسوي وشيصير بيه وين اكدر اتحمل

رهف... هو يحبج ما اعتقد يسويها واذا صدوك سواها لازم ترضين بالأمر الواقع وتتعودين على هذا الشي
اني ما اريد اضوجج وازيد همج بس لازم هيجي احجي
ريتال هي مرتة وعلى ذمتة والصار البارحة امر طبيعي

ريتال... جريت حسرة شكت گلبي  اعرف بس تعالي اقنعي گلبي بهذا الكلام

مؤمن.. هلا بنات جبتلكم لفات اكيد جوعانات

رهف... اي والله اني جوعانة

مؤمن... انتي دوم جوعانة هذا مو شي جديد عليج

رهف... عابت حتى اللفة بعد ما أريدها

مؤمن.. جاي اشاقة يولو لاتصيرين مخبلة مثل مرة خالي
يلا  اكلي حتى ريوك ممتريكة

ريتال.. والله ولا اشتهي عوفوني براحتي

فارس جان كل ربع ساعة يتصل اخير شي قفلت الموبايل

رجعنا للبيت فتت من المطبخ المواعين مكومه هه والله تحلمون امد ايدي على شي

مؤمن.. بدلي ونزلي نتغدا اني وياج

ريتال...ما أريد نعسانة اروح انام

بدلت ورحت غسلت

وقبل لا انام قفلت الباب ما اريد اشوف فارس

فارس... رجعت من وكت دخلت من المطبخ شيماء واكفة تغسل المواعين ومؤمن جاي يتغدا ونسرين كاعد يمو

سلمت وسالت مؤمن عليها

لعد وين ريتال ليش ما حدرت تتغدا وياك

مؤمن... صحتها كالت ما اريد اروح انام وهي حتى ريوك ممتريكة

فارس... الله يصبرني عفتهم وصعدت

اريد افتح الباب هم مقفول

دكيتو قووي ريتال بطلي خبال وفتحي الباب

ريتال... متحركت من مكاني وبقيت ساكتة

فارس.. ريتتتتتتتتتتال مو كاعد احجي وياج فتحي الباب لاتخليني اكسرو

ريتال.. خليت المخدة على راسي ما اريد اسمع صوتة

فارس... خرب عشيرتج ساعة السودة الزوجت بيها مابيكم وحدة برأسها خير الله بلاني بيكم

صبا طلعت من غرفتها تباوع بخوف

صحت بيها ووووووووولي من جدامييييييي على شنو جاي تتفرجين

ريتال... اسمعة يسب ويغلط خرب خفت منه
بس مفتحت الباب اخاف يروح يضربني

صار هدوء يمكن راح ربع ساعة ورجعت اندكت الباب

نسرين... ريتال اني نسرين افتحي الباب

ريتال... هففف هاي شرايدة كمت فتح الباب

نسرين.. دخلت وسديت الباب
انتي عليش قافلة بابج

ريتال... اريد انام وهاي غرفتي ترى عادي اذا اقفلها

نسرين... شوفي حبيبة اني اعرف انتي عليش جاي تسوين هيجي
هاي لان البارحة بات يم صبا

ريتال.. خالة الموضوع بيني وبين فارس ما اريد احد يدخل بي

نسرين... لا والله من اشوف هاي السوالف لازم ادخل
ترى صبا مرتو والها حق على فارس مثل حقج واكثر وغصب عنج ترضين بهذا شي

ريتال... اني ممنعتة يروحلها بعد شكو دتكوليلي هذا الكلام

نسرين... انتي بهذا تصرفج تريدين تلوين ذراعو حتى يرجع يهجرها

ترى محد ضربج على ايدج حتى تقبلين تاخذينو
انتي رضيتي تزوجين على ضرة غصب عنج لازم تتحملين

ريتال... طفح الكيل بعد ما اكدر اسكت

كااااااافي معندج غير. سالفة كل شوية انتي رضيتي بي وهو مزوج

لاتنسين انتي بنفسج من جيتوا خطبتوني كلتي فارس علاقتة منتهيه بزوجتة وزواجهم على الورق وبس
واكثر من مرة رجعتي كلتي نفس الكلام

بس اشو هسه صارت بنت عمج عزيزة وفارس حلى بعينها وانتو كلكم صرتوا محامين الها وادفعون عن حقوقها

نسرين... والله هذا الموجود يعجبج اهلا وسهلا ميعجبج محد ضاربج على ايدج حتى تبقين يمو

صبا تبقى حرمتو وبنت عمو وحقها تاخذو غصبا عنج
فعلاً امي فلا تنلأم بيج طلعتي وحدة عرمه وگوية عين

ريتال... حتى منتظرت اجاوبها طلعت وطبكت الباب قوي هاي شبيها شنو الغيرها هيجي

نمت على وجهي كمت اشهك وابجي

فارس... دزيت نسرين تحجي وياها حتى بلكي تفتح الباب

نزلت نسرين

نسرين... خويه هذا دلع بنات لاتفكر بالموضوع انت شوية ضب الحبل عليها انت ماسويت شي غلط لأزم هي تتقبل هذا الشي وتتعود عليه

فارس... مجاوبتها عفتها وصعدت هم زين الباب مفتوح

خرب غيرتها بعدها تبجي شلت حالي

جبت تقربت منها وخليت ايدي على راسها

ريتال... فزيت دفعت ايده وخررررررر لأتلمسني واطلع منا ما أريد اشوفك

فارس... هاي غرفتي ما اطلع منها وكافي خبال مو راح تسوين بيه ضغط من قهرج

ريتال... لا هاي مو غرفتك انت غرفتك يم صبا مرتك الأولى وبنت عمك مو هي احق مني بيك امشي روحلها اني ما أريدك بعد

فارس... والله لو ما ادري بيج مقهورة ومو واعيه الكلامج جان فركت حلكج على هذا حجيج

ريتال.. واني ما اريدك تجي يمي خوووووووما كوة عوووووفني وروحلها

بعدت ايده عني جريت البطانية وغطيت حتى راسي

فارس... ظلي على هذا وضعج محد يخسر غيرج

ريتال.. ظليت جوة البطانية
هو جان بالطرف الثاني اريدة يكوم ويطلع من الغرفة اشو هذا لزك
متحملت اختنكت طلعت راسي من جوة البطانية
اوووي على شنو اني راح اموت نفسي طز بيهم
خلي انام احسنلي

كعدت على صوت اذن المغرب الغرفة ظلمة درت راسي باوعت فارس بعده نايم
غاط بنوم عميق اي عيني شكو عليه هو شنو الهامة نايم ومرتاح

ظليت بالفراش ما اريد اكوم حتى صلاة اليوم  ممصلية

فارس صار يتحرك بالفراش  خلى ايده على خصري شلت ايده ودفعتها

فارس... هههههههه انشوف لشوكت راح تبقين زعلانة ومبوزة

ريتال.. معليك بيه ازعل ارضى انت لاتدخل اني حره

فارس... اكوم الحك على الصلاة احسن ما كاعد اسمع هاي اللغوة الفارغة
هو اني من يوم الاخذتج حتى صلاتي الله ما راضي عنها هلكد ما اكطع بيها

ريتال... مجاوبتة والله يا الله يريد يشيلني ذنب صلاتة هم

فارس.. بدل ونزل جوة كمت اخذت ملابس ورحت اسبح
ظليت  جوة الدوش واكفة اريد اعصابي تسترخي
طلعت من الحمام بدلت وكعدت امشط
جنت ميتة من الجوع بس مستحيل انزل أكل

ردت ادرس مكدرت اركز لان جوعانة

دخل فارس للغرفة بيده علاكة

فارس... صليت وطلعت جبتلها اكل اعرف بيها مراح تنزل

خليتو على الميز

كومي اكلي هساع انتي زعلانة مني عليش تزعلين على  الأكل

ريتال... مجاوبتة

فارس... يولو كومي لايصير بيج شي ويبلوني بيج

ريتال... طلعت خايف على نفسك مو خايف عليه

فارس.... هههههههه عجل شلون لأزم اخاف على نفسي يلا كومي اكلي
خليت الأكل جدامها

ريتال... ميتة من الجوع مو مال اظل اتعزز
باوعت عليه شكرا على الاكل يلا روح

فارس... هههههههههه يعني متريدين اكل وياج

ريتال...لا

فارس... صار يابة طالع

ريتال... طلع فارس فتحت العلاكة جان جايب دجاجة محشية ومقبلاتها
من الجوع طيرت نصها ههههههه والباقي عفتة اله

كمت غسلت وسويتلي كوب شاي بالمطبخ الفوك ورجعت الغرفتي

اتصلت باهلي حجيت وياهم
ورهف هم اتصلت التهيت وياهم ونفسيتي شويه صارت احسن

شغلت اغاني بموبايلي ولزمت كتابي هم ادرس وهم اسمع ههههه

اجة فارس من شافني هز ايده

فارس... اول مرة اشوف واحد يقرأ ويسمع اغاني

ريتال... اي هاي اني اكو اعتراض

فارس... هو منو يكدر يعترض امو داعية عليه اليندك بيج اليوم

ريتال... فارس حاول هوايه يراضيني منطيتة وجه وبنفس الوقت جنت اخاف يعوفني وهم يروح يبات يمها

ردت انام اجة لزك شفايفة على خدي وخرت منه ومسحت خدي

فارس... هههههه استغفر الله ترى مابيه جرب يولو سوالفج مثل الجهال من واحد يبوسة يمسح مكان البوسة

ريتال... اي ما اريد تبوسني

فارس... اعرف ليش متريدين ابوسج
بس راح اريح هذا عقلج المصدي لاتخافين مبايسها

ريتال... ههههههههه اي صح ظليت يمها للصبح تختمون القرآن

فارس.... هههههههههههه انعل يومج على هالسالفة

ريتال... كافي اريد انام
فارس مل مني وهو هم نام

هستوني نمت حسيت جسمي صار ثكيل وانشلت حركتي وشي كتم على صدري اريد اتنفس ماكدر جسمي مربوط اعيط بعلو صوتي  بس محد يسمعني اشوف فارس بصفي اريده يسمعني ماكو فائدة ظليت اردد كلمة يارب

ثواني ورجعت الوضعي بس اشو النوم رجع كبس عليه اريد افتح عيني ما اكدر وهم رجعتلي نفس الحالة ظليت اصرخ واستنجد برب العالمين ما اعرف شلون كدرت اطلع صوت وصرخت
فارس فز مرعوب

فارس....بسم الله شبيج بنيتي

ريتال... جنت ارجف من الخوف اريد احجي ما أكدر دخلت بحضن فارس هو ظل يقرأ على راسي قرآن

فارس.. يولو لاتخوفيني عليج شبيج ليش ترجفين

ريتال.. ما اعرف شبيه شي خنكني واصيحك وانت متسمعني

فارس... هذا جيثوم الله يلعنوا هاي من الغنى التسمعينو قبل لاتنامين وحتى صلاة مشفتج صليتي البارحة

ريتال... كمت ابجي من الخوف يعني هذا جني وهم راح يجيني

فارس... لا يبعد الروح اذا تذكرين الله وتصلين مايجيج

ربتال.. كله بسببك هيجي يصير بيه

فارس... ههههههه اشو زتيتها براسي يعني اني كتلو يجيج

ريتال.. مجاوبتة جنت ابجي لان خايفة

فارس... بطلي بجي بنيتي مايجيج بعد لاتخافين

ريتال... مقهوره منك فارس

فارس... ادري يبعد الروح وهذا زعلج وقهرج كاسر ظهري كوليلي شنو التردينو واني انفذو الج

ريتال... بعد متروح يم صبا

فارس... شلون اذا هي بنفسها رادتني يولو حرام عليه ارفضها

ريتال... ضربتة قوي معليييييية خلي الحرام يجي عليه مو عليك المهم متروح يمها هي من امتنعت عنك اسنين اشو مكالت حلال وحرام من اجيت اني يلا صحت على روحها
فارس والله ردت اموت البارحه

فارس... اششششش اسم الله عليج من الموت ريت يومي قبل يومج   ما روح بعد اني يمج والج وحدج

ريتال.. احلف

فارس... انطيتج كلمة عليش متصدكين مايجوز كثرة الحلفان

ريتال... مااا احلف

فارس.. وغلاتج عندي ما اروحلها بعد

ريتال... لعد وين جانت غلاتي البارحة وانت كدامي دخلت الغرفتها مو تكولي احبج شلون تحبني وعادي تروح يم غيري وتخليها بحضنك

فارس... اوووووف يولو صدكي مالي نفس بيها صح تقربت بس بدون نفس
ومن ابتعدت نمت بالجهة الثانية وماگربت منها لاتتصورين اكدر انام واخلي وحده غيرج بحضني

ريتال... كافي لاتحجي ما اريد اسمع شي
ختلت بحضنة مثل الطفل
فارس

فارس... روحو

ريتال... رجاءا احجي ويا اهلك بعد لايدخلون بهذا الموضوع

فارس... عقدت حواجبي
ليش هو منو المدخل

ريتال...امك ونسرين وخصوصا نسرين

فارس... بنيتي ترى نسرين فقيرة ماعدها هالسوالف لاتظلمينها

ريتال... لا مو فقيره واني باذني سمعتها تشجع صبا حتى ترجع تهتم بيك وتطلب حقوقها منك

فارس... هاي شوكت سمعتي

ريتال... هذاك اليوم من انت تعاركت ويا صبا نسرين صعدت يمها وظلت تعلم بيها

فارس... يصير خير يبعد الروح لاتشغلين بالج اني اتصرف

ريتال.. فارس احبك اريدك بس الي ملكي وحدي ماكو شي بالدنيا يشاركني بيك

فارس.... يبعد فارس واهل فارس مو بكثر حبي الج انتي احلى شي صارلي بهالدنيا

ريتال...خوش عليك لعد اليوم مو كلت ساعة السودة الزوجت بيها

فارس... هههههههههههههههه خرب يومج ولاتنسين

ريتال... لا اكيد ما انسى

فارس... اني اعرف شلون اخليج تنسين شو تعالي يولو مو شعلتي اجداد فارس

ريتال.. كعدت الصبح رحت سبحت وبدلت ورتبت نفسي
جيت يم فارس
فارسي حبيبي يلا اكعد حتى ننزل نتريك 

فارس... بالكوة فاتح عيني هساع انتي عندج دوام اني شعندي كاعد وشغلي ساعة بالتسعة

ريتال.... اهووو هم نرجع النفس الموضوع كووووم فارس شنو ميعجبك تتريك وياي

فارس... يعجبني يابة بس اني اعرف مو هاي غايتج كلو علمود لا شيماء تسويلي الريوك

ريتال.. لعد اسكت و يلا كوم ترى راح اتأخر

فارس... كاييييييم هلكدوتج ولعبة بيه لعب

ريتال... هههههه بستة بخدة وسحبت ايده كومته

واكفة اسوي الريوك وفارس كاعد وشكلة خطية نعسان ههههه

نسرين... خوية شعندك كاعد من وكت وانت شغلك مو هساع

فارس... عادي خيتي النشاط حلو

نسرين... النوم اعز يانشاط هذا ارجع نام ومن تكعد صبا هي تسويلك ريوكك وتريك انت وياها 

ريتال... عرفت بيها جاي تسمعني وتدري اني اكعد فارس وياي حتى اسويلة الريوك

من قهري بدون ما احس لزمت يدة الطاوة بيدي وهي حارة عطت وذبيتها بالكاع

اااااااخ ايدي.......

يتبع