رواية فارسي العاشق الفصل العشرون 20 - بقلم بسمة البياتي

_  فارسي العاشق _
( بقلم بسمة البياتي)
_البارت الواحد والعشرون _

اخذت النتيجة صح ناجحة بس درجاتي اكثرها مقبول متت من القهر

رجعت للبيت ظليت ابجي مستواية بالدراسة دينزل واني بعدلي ثلاث سنوات واكيد سنة بعد سنة الدراسة راح تكون اصعب ما أعرف شلون راح ادبرها

رهف ومؤمن الحمدلله هم نجحوا

فارس من شافني ضايحة ظل يضحك عليه

فارس... مو اكلج انتي مخبلة
ناجحة ومو عاجبج عجل المكمل والراسب شيسوي

ريتال... اني طول عمري متفوقة وهسه اجي اخذ هيجي درجات اكيد انقهر

فارس... صوجج لو دارسة زين جان جبتي درجات زينة

ريتال... اي مو على اساس جان عندي وقت حتى اكعد ادرس

فارس... عليش ماعندج وقت لعد طول النهار شجنتي تسوين

ريتال... عوجت حلكي جنت العب بيت بيوت

فارس...يولو لاتزتيها براسي اني طول النهار عايفج براحتج وما مانعج من الدراسة

ريتال... هسه قابل اني كوتلك انت السبب
يلا الحمدلله على كل حال

اكولك اريد اروح الأهلي ماما اتصلت تعتب عليه اتكول نسيتينا وحتى جيه مدتجينا

فارس... باجر ان شاء الله قبل لا اروح للشغل اخذج الهم

ريتال... جيت كعدت بحضنة لفيت ايد على رگبتة والأيد الثانية جنت العب بياخة دشداشتة

فارس اوعدني من اروح متحجي ويا شيماء ولا تخليها تسويلك شي حتى كلاص المي ما اقبل تاخذه منها

فارس... يولو هم ردينا على هالسالفة بنيتي طلعيها من راسج ليش شاغلة بالج بامور مالها داعي

ريتال... ما اكدر شلون انسى وهي بس تشوفك عينها متنزل منك

فارس... وشسويلها المهم اني عيني متشوف غيرج

ريتال... فارسي

فارس... روحو وگلبو و عمرو

ريتال... فديت گلبه وروحه وعمره

فارس... يبعد  الروح اني الافديج مو انتي التفديني

ريتال...لعد يلا وعدني ترى والله ممرتاحة ومجاي اكدر اروح واعوفك

فارس... عندي خوش حل

ريتال.. شنو هو

فارس... اخذج الأهلج الصبح وارجعج باليل وبهاي الحالة اني اكون الربحان

ريتال.... ههههههه لا يمعود مو داكولك ماما دتعتب عليه اذا اروح وارجع نفس اليوم راح تزعل واني هم مشتاقتلهم

فارس... والله ما ترهم اوعدج فرضاً قدمتلي شي مو راهمة ارجعو الها

ريتال... فارسسسس والله معليه ما اقبل تاخذ منها شي

فارس... انتي امرج عجيب تغارين من شيماء ومتغارين من صبا

ريتال... ومنو يكولك ما أغار من صبا اكيد اغار بس انت لاتجيب صبا على شيماء
صبا فقيرة وبحالها اما شيماء مصيبة وحدة متستحي

فارس... مايجوز تحجين عليها حرام
مادام هي ممأذيتج بشي

ريتال... وانت شكو صايرلها محامي دفاع
ردت اكوم من يمه لزمني

فارس... اشكد عقلج زغير عليش زعلتي
يابة وعد ما اخذ منها شي كافي سدي هالسيرة

ريتال... لا مو بس توعدني احلف ابداعتي

فارس... يا مثبت العقل والدين بداعتج ما اسمم منها شي ارتاحيتي

ريتال... هسه انت شبيك تعصبت

فارس... يولو ترى سوالفج تفت المرارة وتكولين عليش تتعصب

ريتال... حبيبي ترى والنبي موبيدي ما اتحمل وحدة غيري تباوع عليك

فارس... بروح الاعزاز عيديها

ريتال... شنو هي

فارس... منو حبيبج يولو

ريتال... ههههههه هو ليش اكو احد غيرك بالغرفة اكيد انت حبيبي اول مكملت كلامي اخذ شفايفي بين شفايفة

فارس...ول ياب شلون راح اكدر اتركج باجر تباتين يم اهلج

ريتال...الخاطري تحمل اهلي هم الهم حق عليه
وصارلي هوايه مرايحتلهم من قبل الامتحانات

فارس...شسوي اصبر والله كريم

ريتال... ثاني يوم الصبح اخذني فارس الاهلي

ماما... العاش من شافج ولج هاي تاليها حتى اهلج تنسيهم

ريتال.. معاش الينساكم
موتدرين عندي امتحانات ومشغولة

ماما.. ترى الامتحانات خلصت من زمان هذا مو عذر

ريتال... خرب شجاوبها متدري كاضيتها كلها عركات ومشاكل
فدوة ماماتي مشيها الي هالمرة وبعد متنعاد

ماما... بنتي قابل احنا منحب انشوفج مستقرة ومرتاحة
واذا عتبنا عليج اكيد لان مشتاقيلج

ريتال... فدوة اروحلكم والنبي اني هم مشتاقتلكم

رؤى... عماتي وجدو كلما يجون يسالون عليج

ريتال... ماما الله عليج خابريهم بلكي باجر يجون اشوفهم قبل لا ارجع

ماما... ماشي بعدين اتصل عليهم

رؤى... عمة داليا العصر تجي

ريتال.. اي اعرف اني قبل لا اجي اتصلت عليها وكتلها تجي

ماما.. فارس وعيالج شلونهم وياج

ريتال... الحمدلله زينين
ححيت بگلبي قابل شكولج امنا الغولة مشوفتني الويل

الظهر اجة بابا

بابا.... الكاطعة شعجب اليوم اذكرتنا

ريتال..يووو شبيكم عليه اليوم  ترى خطية اني

بابا... يلا هالمرة سماح بس ثاني مرة اذا هلكد اطولين علينا من صدك ازعل منج

ريتال... كولشي ولا زعلك حبيبي بس والله هالفترة جنت مشغولة اوعدكم بعد متتكرر

العصر اجتي عمتي داليا وصارت خوش لمة

جنا بالمطبخ انحظر العشى

داليا... رؤى دتلاحظين اختج معدها سالفة غير فارس مديوكع طارية من حلكها

رؤى... اي عمتو وموبس هيج كل شوية تروح تحجي ويا لو تتراسل وتبتسم

ريتال... هههههه هاي شكو سالمين
غير انتوا تسالوني واني اجاوبكم

داليا... ايباااه لعد قبل اشو مجنتي هلكد تذكرينا
ولج احجي الصدك انتي بديتي تحبين فارس موو

ريتال... خجلت منها بس ما اكدر انكر  هزيت راسي بمعنى اي

داليا... ربي يحفظكم البعض ويديم المحبة بينكم

رؤى... رتوتة زين شلونج ويا الغيرة من صبا

ريتال... عادي هو ميروح يمها
بعد على شنو اغار

مجبتلهم طاري شيماء البلوة

كملنا عشى وتعشينا عمتو مكدرت تبات رجعت البيتها

دخلت الغرفتي حتى انام اجتي رؤى يمي

رؤى... تدرين اني جاي اخذ دروس تقوية للسادس بنفس المعهد الجنتي تاخذين دروس بي

ريتال... غمضت عيني اويلي رجعتلي ذكريات قديمة اذكرت حازم صارت قشعريرة بجسمي

رؤى... الوووو وين صافنة اكيد اذكرتي ملاك وحازم

ريتال.. اوووف ليش هذوله الاثنين هم ينسون

رؤى... اكولج رتو شعجب حازم لهسه ميدري انتي صرتي زوجة اخو

ريتال... هو اصلا محد يدري بموضوعي اني وحازم
بس الشيخ وام فارس ونسرين ومؤمن

البقية محد يعرف اني نفسها الجان حازم رايدني
وام فارس متقبل احد يكوله

رؤى... زين حازم شعجب لهسه ميعرف انتي ازوجتي شعجب ميسال مؤمن عليج

ريتال.. ولج بلي سأله ومؤمن كايلة انساها البنية ازوجت

رؤى... عااااا اي وحازم شمسوي

ريتال... شمعرفني شمسوي اني مخليت مؤمن يكمل كلامة لان ما اريد اعرف اي شي عنه

رؤى... عابتلج هسه غير تخلي يكمل انتي متريدين تعرفين بس اني اريد اعرف

ريتال... اكولج ليش متكومين تولين من يمي اريد انام

رؤى... رايحة اني هم نعست

ريتال... اتصلت على فارس خليتة ينطيني تقرير كامل شسوى ما سوى اليوم بالتفصيل
ههههههه بعدين نهيت الاتصال ونمت

بس ولا ارتاحيت بنومتي ظلبت اتگلب بالفراش
تعودت على حضن فارس
هههههه بداية زواجي جنت بالكوة متحملة يشاركني نفس الفراش
وهسه اذا مو بحضنه ما أكدر انام

ثاني يوم فزيت الصبح باوعت ساعة ثمانية بسرعة اخذت الموبايل اتصلت على فارس

فارس... صباح العسل يبعد الروح شكعدج من وكت يولو

ريتال... صباح الورد حبيبي  هو اني يومية اكعد وياك هيجي وقت

فارس... بس انتي اليوم يم اهلج عبالي راح تظلين نايمة

ريتال.. لا شعندي ابقة نايمة ما اكدر تعودت على الكعدة هيجي وقت وايام الدوام من الستة اكعد

فارس... اليوم من ارجع من المعمل اجي آخذج

ريتال... اوك حبيبي
انت وين نايم

فارس.... هههههههه انتي ماكو  رحت نمت بحضن صبا

ريتال... فارسسسسسس دتحجي صدوك لو تشاقة

فارس...نصي صوتج زرفتي اذني نايم بغرفتج يبعد الروح وحاضن مخدتج لان بيها عطرج

ريتال.. فارس عليك الله بغرفتي لو صدوك يم صبا

فارس... وعيونج نايم بغرفتج تريدين اصورها الج

ريتال... ممممم لا ميحتاج يلا روح غسل وبدل ومن تخلص قبل لاتنزل جوة اتصل عليه

فارس...مبين وراج سالفة

ريتال... كافي تحجي يلا كوم

ظليت بالفراش انتظر فارس شوكت يتصل

ربع ساعة واتصل

فارس... هاي كملت هساع كوليلي شنو فلمج

ريتال... عوف الخط مفتوح وانزل

فارس... بدينا خبال من الصبح

ريتال... يا خبال عادي عوف الخط مفتوح الحد متخلص ريوك
بالمناسبة اني وصيت هند تسويلك ريوكك ويا وسام سمعتني شكلت هننننننننننند مو غيرها

فارس... ههههههههههههه الله يصبرني على هذا عقلج
صار يابة وهاي عفنا الخط مفتوح

ريتال... سمعت صوتة دينزل ومن دخل للمطبخ صبح عليهم
وهناك وجان اسمع صوت المكروصة شيماء

شيماء... فارس حظرتلك الريوك تعال تريك

ريتال.. تمنيت اتبخر واطلعلها من التلفون والبس طاوة البيض براسها

فارس... احم لا خيتي اليوم عندي شغل جثير
وتأخرت ما الحك اتريك

شيماء... لا شلون تروح بدون اكل هو دقايق متاثر عليك

فارس... مشكورة بس لازم اطلع هسه اودعناكم

ريتال.. مي بارد ونزل على گلبي

فارس... ها يولو هساع ارتاحيتي من طلعتيني بدون ريوك هاي وينها هند الوصيتيها عليه

ريتال... هههههه شمعرفني وينها
بس تدري لو كاعد ومتريك شجان سويت بيك

فارس... ادري اتظلين بيت ابوج هو انتي هاي الفالحة بيها

ريتال... ههههههههه روح تريك لاظل جوعان

فارس... اروح اتريك باجة بمطعم ابن عمي

ريتال... لا فارس هاي صدوك دتحجي باجة من الصبح

فارس.. اي والله هي الباجة اطيب شي الصبح وكولها طاقة ههههههههههههه

ريتال... هههههههههه خرب ببليسك لعد اليوم ابات يم اهلي

فارس...حجي يفيدج اليوم قبل الساعة ثنتين تلكيني جدام بابكم

ريتال.. اجوي عماتي وبناتهن والتهيت وياهن
سوينا الغدا وتغدينا
اشكد مفتقدة الهيجي كعدات بيت اهل فارس صح عائلة كبيرة ويومية عدهم خطار
بس ابد ما احس بالراحة بوسطهم دائماً احس روحي غريبة

قبل الساعة ثنتين دك موبايلي

فارس كالي اني بالباب
عزاااا هذا صدوك سواها

بابا وعمو مصطفى طلعوا عليه دخلوا جوة

ماما رادت تصبلة غدا كاللها قبل شوية تغديت

فارس ظل كاعد وياهم بين ما اجهز نفسي

نص ساعة وترخص منهم واخذني وطلعنا

ريتال... هاي سويتها صدوك انت مو بالاربعة ترجع

فارس... اني كتلج ساعة ثنتين اني يمج

ريتال.. هههههه عبالي تشاقة والله

فارس... اشو حليانة اليوم

ريتال... ياااا ليش قبل جنت محلوة

فارس...لا عمي انتي حلوة من الله خلقج
بس المصيبة يوم بعد يوم ازيد حلاتج

ريتال.. وليش اتكول مصيبة

فارس... اكيد مصيبة وين اضمج من عيون الناس ما أريد احد يشوفج غيري

ريتال...عزاااا خايفة لا يجي يوم صدوك تحبسني بالبيت

فارس... ههههههه كلشي توقعي مني

وصلنا للبيت دنيا ظهر حارة الكل نايمين بس شيماء مثل الجنية تفتر

سلمت عليها من طارف خشمي وهي هم ردتلي السلام بنفس الطريقة
لزمت فارس من ايده وحجيت ويا بصوت عالي
يلا حبيبي خلي نصعد مششششتاقتلك موووت

فارس... حجه باذني خرب غيرتج نصي حسج فضحتينا

ريتال... شيماء بقت تاكل باظافرها هههههه

صعدت واني اضحك

فارس...هههههههههه والله طالعة عينج وراح اطلعين عيني وياج

ريتال... ايباااه شوف منو يحجي على اساس انت هلكد فقير والله محد طلع عيني غيرك

العصر عفت فارس نايم ونزلت جوة جانوا مسوين عصرية وديشربون شاي
بس ام فارس وام شيماء مموجودات يمكن طالعات رغد هم موجوده

رغد...تعالي خلي اصبلج جاي ويانة

ريتال.. اني ما احب اشرب بالستكان عندي كوب جبتة وكعدت يمها

رغد.. عجل فارس وينو

ريتال... بعده نايم

نسرين... عليش ماكعدتي يولي صلاة العصر صارت من زمان

ريتال.. اي هو صلى ونام

هند... ههههههه يولو شمسوية بالرجال حتى صلاتو صار يصليها بغرفتو

ريتال... يااااا واني شعليه قابل اني مانعتة يروح للجامع

رغد...ههههههه حتى جمال يكول فارس متغير والشيخ كلما فارس يفوت فرض وميصلي بالجامع يظل يحجي عليه

ريتال... اني صوجي نزلت لو باقية فوك احسن

نسرين... كافي عوفوها

ريتال... بس صبا وشيماء ساكتات معاجبهن الكلام

نزل فارس بس مبين بعده بعينة النوم

نسرين... تعال خوية اكعد بين ما احمي الجاي واصبلك

فارس... لاتعبين نفسج خيتي ريتال تروح تحمي

ريتال..ردت اكوم بس نسرين حلفت ما اتحرك من مكاني اجة فارس كعد يمي
اخذ الكوب من ايدي وشرب  ورجعة الي

صبا.... هاي شنوو عيني صارلي سنين مرتك ما فديوم شربت من كوبي

فارس...  خزرتها وظليت ساكت

ريتال.. جر الكوب من ايدي ورجع شرب

بس شكلة ضاج من كلامها واني هم ضجت من رجعلي الكوب عناد بيها شربت منه

هي باوعت صفح عافتنا وصعدت الغرفتها

شيماء نفس حال صبا تباوع بحقد عبالك هاي هم ضرتي

نسرين... خوية لاتضوج من صبا انطيها الحق اكيد تغار من تشوفك هاملها وبس ويا حرمتك الثانية

فارس...وشنو المسوينة  اني وحرمتي جدامها حتى تغار

فارس عافنة وصعد حتى مكمل الجاي

اني هم كمت صعدت ورا
سمعت صوتة بغرفتها جان متعصب ويصيح بصوت عالي

اني لا اراديا بقيت ارجف خرب بعدني لهسه اخاف منه اذكرت الراشدي من ضربني

اجة للغرفة جان صاير اعصاب صاح عليه كوووومي طلعيلي ملابس

فزيت كمت بسرعة حتى ردت انجبح على وجهي من خوفي

هو جان كاعد على الجرباية وكفت مديت ايدي انطيتة الدشداشة

فارس... دحجت عليها وعقدت  حواجبي شبيج ليش ايدج ترجف

ريتال... هااا لا مابيه شي
اخذ من ايدي الدشداشة خلاها على الجرباية سحبني من ايدي وكعدني على رجلة

فارس.. عليش هلكد خايفة وترجفين 

غمض عينة واستغفر
لشوكت راح تبقين هلكد جبانة ترى عادي شوية تعصبت عليها انتي شكو تخافين

ريتال... حجيت واني ابجي  اني اخاف من الصوت العالي والصياح وانت من تتعصب اخاف منك

فارس...هههه والله الطفل احسن منج حضني وبقة يبوس براسي
اااخ ولج كوليلي شسويلج

ريتال... فزيت شنو شسويلي

فارس... لاتسوين هاي الحركات ترى جاي تغريني

ريتال...فتحت عيني  ياااا ليش شمسوية اني

فارس...  الله وكيلج هذا خوفج ورجفتج اطير عقلي متبقي دين براسي

كومي ترى راح اتهور ومبقة شي الاذن المغرب

ريتال... حبيبي سؤال

فارس... جواب

ريتال... خوما ضربت صبا

فارس... لا يبعد الروح عليش اضربها اني نبهتها حتى بعد متحجي هيجي كلام جدام الموجودين

نزل فارس للصلاة ردت انزل جوة طلعت من الغرفة
سمعت صوت نسرين تحجي ويا صبا

والغرفة لان قريبة الصوت جان واضح
اني مو من طبعي استرق السمع على احد بس كلامهم استوقفني وغصب عني ظليت واكفة اسمعهم

نسرين... يا خيتي انتي شوكت تصحين على روحج مو راح اضيعين زلمتج من ايدج

صبا... وهي تبجي ومنو كالج اني ما ضيعتو فارس نساني وعاش حياتو اني هسه حالي حال الاثاث البلغرفة

نسرين... يولي كولو من ايدج اشكد نصحنا واشكد حجينا وماكو فايدة هملتي ومنعتي منج وهاي نتيجتها راح الحضن غيرج

صبا... كافي الله يخليج والله مو ناقصة اعرف الغلط بيه بس موبيدي ولو ابقة اوصفلكم احساسي منا الباجر هم مراح تفهموني

نسرين... خيتي بعدج بحيلج وعندح فرصة تكسبين زلمتج من جديد اذا رجعتي مثل قبل اكيد فارس راح يعدل بينكم وحياتج تستقر

ريتال... گلبي انقبض من كلامهم

صبا... شلون ارجع مثل قبل واني الخوف ياكل بگلبي
كلما اتخيل يرجعلي المرض امووت
اذكر حياتي قبل من جنت بنية شلون جنت مرتاحة
من ازوجت كلشي تغير ملحكت اتهنى بزواجي

حملت وجانت الفرحة مو سايعتني ومن ولدت اجة طفل معوق
وبعدها بفترة تمرضت بالخبيث
يولي نسرين تعرفين شنو خبيث وان شاء الله ماتعرفينو والله يبعدو عنج

شفت الموت بعيوني بهذا المرض كل وجع توجعتو وكل الم حسيتو بس الله يعلم بي

جنت اشوف نفسي شلون اذبل يوم بعد يوم شعري وكع ورموشي وحواجبي صرت مثل الشبح
وكولو كوم و وجع الكيمياوي كوم ثاني
جنت باليوم الف مرة اتمنى اموت واخلص

نسرين..الله يساعدج الشفتي مو قليل بس حبيبة هسه انتي طبتي لاتربطين هذاك المرض بزواجج المرض مالو علاقة بالزواج

صبا... الخوف معشش بگلبي وما اكدر اقنع نفسي  الي صار بيه مو من الزواج

اني حتى جسمي كرهتو والله حتى جدام اختي استحي ابدل دشداشتي بسبب منظر صدري الشايلينو عاد مو انوب جدام فارس

نسرين... خليني اساعدج واخذج الطبيب زين تعالجي ورجعي الحياتج وعوضي الفاتج يولي انتي بنت عمي ومثل اختي مو هين عليه اشوفج هيج واشوف فارس شلون مبتعد عنج

صبا...اخاف اروح ويرجعون يكولولي رجع المرض صرت انرعب من اسم الدكتور

وفارس اني خسرتو ماكو شي بعد يرجعو الي
اعرف بي يحبها وعقلو طاير بيها
بنيه صغيرة وحلوة ومثقفة تريدنو يتركها ويباوع عليه اني

نسرين... وشبيج انتي هم حلوة ومو جبيرة والاهم من هذا كلو انتي بنت عمو ومن لحمو دمو اذا رجعتي الوضعج الطبيعي بعد ماكو سبب يخلي مايعدل بينكم

ريتال.... رجعت الغرفتي واني طاكة بجي
هم انقهرت عليها وهم خفت منها

اني شسوي اذا فارس راح يمها والله اموت وما اتحمل

والظاهر نسرين تميل البنت عمها وراح تبقة تساعدها الى ان ترجع مثل قبل

ماما وعماتي كالولي مرات تتحملين تعيشين ويا ضرة ونار الغيرة راح ادمرج

مصدكتهم واستهانيت بكلامهم  واني هسه مجرد سمعت الكلام حسيت راح انفجر

وكفت على المرآيا مسحت دموعي وعدلت وجهي حتى انزل اندكت باب غرفتي

دخلت نسرين

فوتي خالة

نسرين.. حبيبة تعالي كعدي عندي موضوع وياج

ريتال... اي خاله كولي شنو هو

نسرين... بنيتي انتي من ازوجتي فارس اخذتي على مرة ورضيتي بهذا الشي

ريتال.. عقدت حواجبي هاي شبيها

اي خاله اعرف هذا الكلام

نسرين... عجل خففي شوية واحترمي وجود حرمتو ومن تنزلو جوة لاظلين تفرفين  جدامو وهو عينو تبقة طايرة عليج راعي مشاعر مرتو الاولى

ريتال... العفو خاله ليش اني شمسوية وشلون مفرفرة كدامه هو يجي العصر ينام شوية بعدها يطلع يرجع بعد صلاة العشاء ويظل كاعد لليل بالربعة وياكم واني التهي بالمواعين

واذا على الصار اليوم ترى مو ذنبي فارس هو اجه كعد يمي

نسرين... واني ماكلت ذنبج انتي احجي ويا حتى بعد لا يعيدها ويقهر المسكينة صبا

ريتال... زين ليش ما انتي تكوليلة هذا الكلام ليش جاي تكولينه الي وتريدني اكله

نسرين... اني ما اريد ادخل بينكم انتي تكوليلو احسن

ريتال... ظليت صافنة عليها عجيب كل هذا ومتريد تدخل لعد اذا ادخلت شراح تسوي عبالي فقيرة بس طلعت نسخة من امها

ومن هذا اليوم نسرين صارت من حزب صبا
صارت اطلعلي شغل من جوة الكاع حتى من تطبخ تخليني جوة ايدها جيبي هذا ودي هذا

والمصبرني على كل هذا التعب والقهر هو فارس من اشوف حبه الي واهتمامة بيه انسى كل تعبي

بدا الدوام سنة جديدة اصعب من القبلها محتاجة دراسة وتركيز لكن اني وقتي كله للشغل والفارس

بالليل جنت بالغرفة وضايجة كتلة فارس تعال نتفرج فلم

فارس...ماشي امري لله هو اني اكدر اكولج لا

ريتال... تعال نكعد بالهول شاشة البلازما اهناك كبيرة تسوي واهس اكثر

راح فارس كعد واني رحت سويت شامية واكو شبس هم خليتهم بكاسة وجبتهم

طلعنا فلم حلو وكعدنا نتفرج

على نص الفلم اجت صبا كعدت ويانه
جانت تحوص ما ادري شبيها

صبا.. اكول فارس عندي موضوع وياك

فارس... اي وشنو هو

صبا.. هااا لا مو هين تعال للغرفة نحجي

ريتال... الشامية عصت بلاعيمي كامت متنزل هاي شتريد منه

فارس... ماشي شويه واجي

صبا راحت قبلة

فارس... يبعد الروح بس اشوفها شرايدة وراجعلج

ريتال... مكدرت احجي شي هزيتلة راسي باسني بكصتي وراح

هو دخل الغرفتها واني النار شبت بيه بس اريده يطلع

انتظر وهذا ماكو ربع ساعة وماكو خلص الفلم وهذا بعده يمها

كمت دخلت الغرفتي اروح منا واجي منا النص ساعة صارت ساعة وهو ماكو

بهاي اللحظة عرفت فارس راح يبات يمها

كعدت بالكاع اشهك وابجي اكثر من ساعتين اني على نفس الكعدة ودموعي منشفوا

كمت من مكاني قفلت باب الغرفة رجعت شمرت نفسي على السرير والنار تاكل بگلبي

اصعب شعور بهاي الدنيا من تشوفين حبيبج كدامج يدخل الغرفة غيرج
كمية الالم الي حسيت بيهم بهذيج الليلة جانت من الممكن تخلي گلبي يوكف من القهر.........

يتبع