رواية عشقتها ولكن الفصل الحادي عشر 11 - بقلم دينا دخيل

بعد مرور أسبوع على أبطالنا. إسراء تأكدت أنها تحب ريان، فقضت طول الأسبوع تفكر فيه ولم تستطع إخراجه من تفكيرها. ريان عرف جدته أنه يحب إسراء، وبدأ يحكي لها كل شيء يحدث وهو فرحان جدًا. إلهام وسميرة لم تتوقف عن التفكير في كيفية التخلص من إسراء. أمل تعامل مالك كموظفة ومديرة لا أكثر، حتى بعد كلامه وتلميحاته لها، لكنها كانت فرحانة وتتمنى أن يكون تفكيرها صحيحًا، ولكن هذا كان بداخلها فقط.

مالك لم يزعل من طريقة أمل، بل على العكس، عرف أنه اختار صح عندما أحب قلبه أمل. عند إسراء وأمل في البيت. أمل: إسرااااااااااء، عملتي كيكة؟ عبدالرحمن بيحبها. إسراء: آه عملتها. وعملت كمان حلويات تانية عشان ماما. أمل: طب كدا كويس قوي. رتبنا البيت كله وعملنا أكل، وكله كدا تمام. هما على وصول أصلاً. إسراء: ماما وبابا وحشوني قوي. أمل: وأنا والله ماما وبابا وحشوني جدًا، واللي وحشني أكتر عبدالرحمن.

إسراء: طب يالا نقوم نحضر باقي الأكل على ما يجوا. (أشرحلكم البيت إزاي عشان ميبقاش فيه تفكير إزاي عايشين العيلتين مع بعض، وشاب منهم كمان، والمفروض إنهم ملتزمين. البيت بتاعهم عبارة عن شقتين كبار مفتوحين على بعض، بس اللي بيفصلهم باب عشان يبقوا براحتهم. وإسراء وأمل لما كان أهلهم مسافرين، كانوا قاعدين في شقة واحدة. دلوقتي بردو مع بعض، بس فيه باب فاصل بين الشقتين.)

جرس الباب رن، وجريت إسراء وأمل فتحوا الباب، وكان أهلهم رجعوا. حضنوهم وسلموا عليهم كلهم. عبدالرحمن: وحشتيني يا مولتي يا قمر. أمل: وأنت أكتر يا بودي. وعايزة أقعد أرغي معاك زي زمان. عبدالرحمن: ارتاح بس وأعملك اللي أنتِ عايزاه. أمل: اشطاا. ليلي (أم أمل) : عاملين إيه يا حبايبي؟ وحشتونا خالص. إسراء: إحنا كويسين قوي يا عمتو والله. سالم (أبو أمل) : يارب دايماً يا حبايبي. صحيح، إيه أخبار الشغل؟

أمل: الحمد لله كويس قوي يا بابا. حنان (أم إسراء) : يعني مرتاحين فيه؟ إسراء: آه يا ماما الحمد لله. محمد (أبو إسراء) : جبنالكم معانا بقا هدايا كتير. سالم: آه يارب تعجبكم. أمل: هنشوفهم كله، متقلقوش. بس قوموا يالا غيروا هدومكم وارتاحوا شوية على ما نحضر الأكل. ليلي: طب أنا وحنان هنغير ونيجي نحضر معاكم. إسراء: يا عمتو ارتاحي أنتِ. وبعدين معاكي إسراء وأمل أحلى طباخين في مصر 😌، ولا إيه يا موله؟ أمل: أكيد، إحنا جامدين قوي 😌.

حنان: هههههههههههه، الواحد والله كان مشتاق لهزاركم دا. إسراء: اهو ست الكل هتيجي ترغي ومش هنخلص الأكل بقا 😂. حنان: أنا رغايه يا لمضه، ماااشي. محمد: هههههههههههه، سيبيها يا حنان بقا. وبعدين دي حبيبتي، متزعلهاش. إسراء: والله أنت أحلى أب في الدنيا. وراحت باست إيده ورأسه. أمل: طب فقرة العشق الممنوع دي مش هتخلص؟ يالا قدامي الأكل ابت 😂. إسراء: هههههههههههه، آه يالا.

ودخل أهلهم ارتاحوا، وكانوا إسراء وأمل جهزوا الأكل وخرجوا أكلوا. وقعدوا اتكلموا كتير قوي وهزروا، وبعدين دخلوا يناموا يرتاحوا من السفر. وأمل وإسراء قعدوا يتفرجوا على الهدايا اللي جابوها لهم. وكانت لبس وإكسسوارات وجزم، وكلهم ماركة وجمال جداً. وظبطوا كل حاجة وشالوا الهدايا. وبعدين أمل راحت تنام مع إسراء في أوضتها. أمل: كويس إن بكرة إجازة من الشغل عشان نعرف نقعد معاهم كتير. إسراء: آه. هتعملي إيه في موضوع مالك؟

هتقولي لباباكي؟ أمل: مش عارفة. بس هتكسف أقول لبابا. إسراء: خلاص، قولي لعبدالرحمن وهو يتصرف. أمل: تصدقي فكرة. هقوله بكرة وهو بقا يشوف الدنيا. إسراء: ماشي يقلبي، تصبحي على خير. أمل: وأنتِ من أهله يا حبيبتي. ونامت أمل وهي مقررة تقول لعبدالرحمن أخوها بكرة وتشوف هيعمل إيه. (ملحوظة: عبدالرحمن وأمل يعتبروا أصحاب قبل إخوات، وهي بتحكيله كل حاجة ومش بتخاف منه، وهو بيعاملها كأنها بنته.)

تاني يوم الصبح، طبعاً كأي بيت، قاموا صلوا فرضهم وفطروا مع بعض، وبعدها أهلهم مشيوا يزوروا باقي قرايبهم وأصحابهم. أمل دخلت أوضة عبدالرحمن. عبدالرحمن: تعالي يا موله، أوضتي نورت. أمل: منورة بيك يا بودي. عبدالرحمن: طالما بتتكلمي بأدب كدا، يبقى جاية تقولي حاجة وشكلك متوترة 😂. أمل: بأدب 😑. هو أنا مش مؤدبة؟ عبدالرحمن: هههههههههههه، تعالي بس قوليلي عايزة إيه الأول. أمل رجعت اتوّترت تاني وقعدت جنبه. عبدالرحمن: ها يستي، ارغي.

أمل بتوتر: هووو... يعني... كنت عايزة... عبدالرحمن: هنام جنبك كدا؟ اخلصي ابت. وبعدين شكلك متوترة كدا ليه؟ ولا كأنك جايبة عريس 😂. أمل: أيوه، هو دا بالظبط. عبدالرحمن: نعم ياروووووح امك. أمل: اهدي يسطااا، هفهمك. عبدالرحمن: هديت. فهميني يختي. أمل: هو يبقي مديري في الشغل وكدا يعني. عبدالرحمن: كدا يعني اللي هو إيه؟ هو قالك حاجة؟

أمل بسرعة: لا والله مقالش. كل اللي قاله إنه عايز معاد يكلم بابا، وكان تلميحات بس مش أكتر. وأكيد أنت عارف اختك يعني. عبدالرحمن: بتحبيه؟ أمل كانت هتموت من كسوفها وخدودها احمرت قوي وبصت في الأرض. عبدالرحمن: هههههههههههه، يالهوي عليكي. طب هاتي رقمه يختي، لما أكلمه. وأمل ادته الرقم وهو رن عليه يكلمه. عند مالك، كان في بيته لما موبايله رن. مالك: ألو. عبدالرحمن: البشمهندس مالك؟ مالك: آه، مين معايا؟

عبدالرحمن: أنا عبدالرحمن سالم. مالك بفرحة: أخو أمل. عبدالرحمن وهو بيبص لأمل: آه، أخو أمل. أمل اتكسفت قوي وبصت في الأرض. مالك: حضراتكم جيتوا من السفر امتى؟ عبدالرحمن: جينا امبارح. مالك: حمد الله على السلامة. أكيد أمل قالتلك إن عايز معاد أجي البيت. عبدالرحمن: آه قالتلي. بس اتصلت بيك أفهم ليه سبب الزيارة. مالك: عايز أتقدم للآنسة أمل. عبدالرحمن بجدية: بس إحنا مش موافقين، وأمل في عريس متقدملها من فترة.

أمل بصت لعبدالرحمن بصدمة وكانت هتعيط. ومالك قام من مكانه: نعمممممم؟ انت بتقول إيه؟ عبدالرحمن بجدية: زي ما سمعت يا بشمهندس. مالك بحزن: طب يعني اللي متقدم دا أحسن مني؟ انت لسه متعرفتيش والله لو لفيت الدنيا ما هتلاقي حد يحب أمل زي ما بحبها ولا حد هيقدرها زيي وانا مستعد اعمل أي حاجه بس امل تكون من نصيبي عبدالرحمن: اي حاجه؟ مالك : اه اي حاجه عبدالرحمن بضحك: هههههههه خلاص هات اهلك كمان يومين وتعالي اتقدم رسمي كنت بهزر

معاك يسطااا مالك بفرحه: وحيات امك اجي اتقدم رسمي بجد عبدالرحمن: هههههههه اه مالك : ياخي ايه هزار البوابين بتاعك انا قلبي وقف عبدالرحمن: مش اعرف بتحبها بجد ولا لا مالك : أقسم بالله بعشقها عبدالرحمن: ما تلم نفسك يبني انت هتسوق فيها لاحظ إن اخوها مالك : هههههههههههه خلاص هسكت يبقي معادنا بعد بكره أن شاء الله عبدالرحمن: اه إن شاء الله الساعة ٨ مالك: ماشي يا برنس سلام مؤقت واتصل مالك بريان علي طول

مالك : رياااااان تحضر أحلي بدلة عندك وتيجي تخطبلي بعد بكره 😌 ريان : ههههههههه اخطبلك طب فهيمني مالك قاله الحوار بينه وبين عبدالرحمن ريان: حبيبي الف مبروك.... عقبال ما يوافقوا مالك : اكيد هيوافقوا .... انا مالك زيدان 😌 ريان : هههههه.... بس هنروح لوحدنا كدا هجيب امي وجدتي بردو كلنا عيلتك يا مالك مالك بضحك : نوجااا ماشي انما سميره .... سميرة لااااااا ..... دي لو جات هتفشكلي الجوازة وانت عارف ههههه

ريان بحزن: هي اصلا مكنتش هتيجي هي مش فاضيه غير لصحباتها وخروجاتها مالك حس بزعل صحبه مالك : انت هتقلبهالي نكد يبني ولا ايه يسترك ربنا دا انا فرحان ريان : ههههههه لا يعم مفيش نكد خلاص بعد بكره نروح انا وانت ونوجااا مالك : ربنا يخليك ليا يصاحباااااااي ريان : وميحرمنيش منك يا مالك عند أمل امل : ايه الهزار دا بس يا عبدالرحمن عبدالرحمن: بشوف ردة فعله هتبقي ازاي عشان اعرف اختي هتبقي مع مين بس شكله بيحبك وواقع اووي

امل بفرحه : بجددد يا عبدالرحمن عبدالرحمن: هههههههه دا شكله مش لوحده اللي واقع امل حدفته بالمخده : والله انت رخم وخرجت برا الأوضه بسرعه وهي مكسوفه عبدالرحمن: ههههه..... ربنا يفرحك يا امل عند أمل وإسراء اسراء : ها عملتي ايه امل بفرحه : وهي بتطنطط علي السرير جي بعد بكره يتقدملي يا سووو اسراء بفرحه : بجدد مبرووووووووووك يروووحي امل: فرحانه اووي اووي 💃 اسراء: هههههههههههه يارب دايما بس اتلمي دا لسه جاي ومش وافقوا امل:نزلت

من علي السرير : ابت قفلتيني يخربيتك اسراء: هههههههههههه بقولك كدا عشان تبطلي تطنططي علي السرير هيوقع كدا ومش هنلاقي حاجه ننام عليها وان شاء الله يوافقوا امل : يارب يارب يارب زمان عبدالرحمن بيقول لبابا دلوقتي اسراء: متقلقيش بقا فرحانه لفرحتك دي امل: عقبال فرحتك اللي بجد لما ريان يجي يتقدملك 😉 اسراء : اتكسفت خلينا فيكي دلوقتي تعالي نشوف هتلبسي إيه امل حضنت اسراء ربنا يخليكي ليا يا أحلي اخت في الدنيا اسراء: حبيبتي

مر يومين وفيهم كان سالم ومحمد وعبدالرحمن بيسألوا عن مالك وأخلاقه وعرفوا أنه شريك في شركه الاسيوطي للعمران وكله شكر فيه وفي احترامه وفيهم حنان وليلي واسراء وامل كأي بيت مصري لما يجي عريس بيرتبوا البيت وينضفوه وبيحضروا الاكل والحلويات والمشروبات وكانوا اخدوا اليومين دول أجازة من الشغل ومالك كان طبعا موافق ومالك كان بيجهز كل حاجه عشان مقابلته مع أهل امل وكان ريان معاه حنان : اسرااااااااااء رتبتي الصالون اسراء: اه يماما

رتبته وكل حاجه تمام ليلي: وانتي يا امل اخبار الحلويات ايه ..... الناس كلها ساعتين ويجوا امل : كدا كل حاجه جاهزه متقلقوش حنان : حاسه ان في حاجه ناقصه امل: يا عمتو كل حاجه والله جاهزه ليه التوتر دا بس ليلي : انتي لسه هتتكلمي انتي كمان ... بسرعه يالا ادخلي خدي شاور والبسي فستان من اللي جبناهم معانا و ظبطتي الدنيا يالاا امل: حاضر يماما اسراء: وهي بتحضن امل متقلقيش يا عمتو انا معاها اهوو وهتبقي اجمل عروسه يالا بينا

يا مولتي في شغل كتير امل: اشطاا يالااا هاخد شاور علي ما انتي تجهزي الفستان بقا والخمار وكل حاجه اسراء: ماشي يروحي يالاا ودخلت إسراء وأمل الأوضه ليلي : ربنا يخليهم لبعض ويديم محبتهم ويجعلهم دايما سند لبعض حنان : يارب يا ليلي يالا احنا نشوف المطبخ علي ما البنات يخلصوا ليلي: اه يالا بينا امل خلصت الشاور ولبست فستانها وخمارها بمساعده اسراء وحطت ميكب خفيف جدا مش ظاهر

وكان الفستان لونه رمادي فاتح وكان مزين بورود وحزام أسود... وعليه خمار نبيتي اسراء: يااااني علي القمرررر امل بتوتر : بجد يا إسراء اسراء: والله قمرررر دا مالك ممكن يخطفك 😂 امل: هو مجنون ويعملها اسراء: الجرس بيرن .... شكلهم وصلوا امل : اسراء انا متوترة اووي وحاسه قلبي هيوقف اسراء : اهدي يحبيبتي.... دا فرحه مش أكتر وفتح عبدالرحمن الباب وكان مالك وريان ونجوي جدته مالك : عبدالرحمن صح عبدالرحمن وهو بيسلم عليه : اه انا ....

وانت طبعا مالك مالك: اه انا مالك زيدان عبدالرحمن: اتفضل يا بشمهندس ودخل مالك وريان ونجوي وكان في انتظارهم حنان وليلي وسالم ومحمد سالم : اتفضل يبني أنا سالم والد امل مالك : اهلا يا عمي تشرفت بمعرفتك دا ريان صحبي و اخويا ودي جدته نجوي نجوي : وزي ابني بالظبط محمد : ربنا يديم المحبه يا حجه ليلي وحنان سلموا علي نجوي نجوي: لما انتو كدا ما شاء الله يبقي لازم امل واسراء يكونوا بالاحترام دا حنان : ربنا يخليكي ليلي :

انا مامت امل نجوي : تشرفت بيكي يحبيبتي أمل وإسراء واقفين وراء الستارة بيبصوا عليهم امل بهمس: دي جده ريان دي عسل اسراء بهمس زيها : بس ريان اعسل هيييييح عليه وهو لابس كاجول امل : هييبح وحياتك دا وقتك انتي وريان بتاعك شوفي مالك قمررر ازاي يالهوووي انا مكسوفه اسراء: اه يعني هتفضلي واقفه هنا امل: اه مكسوفه اطلع وحاسه أن وانا شايله الصينية هوقعها عليه اسراء: ههههههه هموووت امل: يخربيتك وطي صوتك هتفضحينااا

اسراء بتحاول تكتم ضحكتها علي شكل امل وتوترها امل: ماشي ماشي ليكي يوم وهضحك عليكي فيه اسراء: بس هو يجي اليوم دا بس امل: بت بقولك هاتيلي موبايلي اسراء : دا وقت موبايلك عايزاه ليه امل:. عايزة أصور مالك من غير ما ياخد باله، وتبقي ذكرى قراءة الفاتحة. اسراء: الحب ولع في الدُرة أوي يعني. أمل: مش وقت ألش وحياتك. يالا هاتي الفون قبل ما حد ما يشوفنا واحنا مستخبيين كدا ورا الستارة. اسراء: حاضر. أهو يختي خدي.

أخدت أمل الموبايل وصورت مالك، وهي بتصوره آخر صورة. مالك شافها وغمزلها وهو مبتسم و.. أمل استخبت مرة واحدة. اسراء: مالك شافك، عملتي كدا ليه؟ أمل: إحيههههه، مالك شافني وأنا بصوره وضحكلي كمان. اسراء: ههههههه هههههه ههههههه، أحسن تستاهلي. نجوى: أومال فين عروستنا الحلوة؟ ليلى: حاضر، هندهالها دلوقتي. ليلى دخلت، لقيت إسراء وأمل واقفين بيتكلموا وهما مستخبيين، واتخضوا أول ما شافوها. أمل: عاااا! إيه دا يماما، خضتينا.

ليلى: انتي واقفة انتي وهي هنا بتعملوا إيه؟ إسراء: بنتك مكسوفة ومش راضية تطلع. ليلى: لا والله! أطلع أقولهم كدا مثلا؟ وبعدين دا ماشاء الله، مالك طول بعرض وقمررر ابت يا أمل. هو وصاحبه اللي معاه ريان. مش دا مديرك يا إسراء؟ إسراء قلبها دق جامد أوي لما سمعت اسمه. اسراء: آه يا عمتو، مديري. ليلى: بسم الله ما شاء الله، الاتنين حلوين وقمرات وباين عليهم الاحترام. اسراء وأمل في وقت واحد بهيام: ااااه جدا.

ليلى: نستوني يخربيتكم، يالا يا أمل هاتي صنية العصير وتعالي ورايا. وانتي يا إسراء، بعدها بشوية هاتي طبق الحلويات دا. اسراء: نعم... وأنا أطلع ليه؟ ما دي قراية فتحتها هي مش أنا. أمل: ههههههه، فرحانة من قلبي لروح قلبي. اسراء: اخرسي ابت. أمل: عشان تحسي بيا. ليلى: بطلوا كلام كتير، الناس مستنية. يالا يا أمل شيلي الصينية وخلي ضهرك مستقيم كدا. وبصي في الأرض. اسراء: ههههه، عمتو إيه الشغل القديم دا؟

ليلى: اسكتي ابت انتي كمان، يالا. وطلعت أمل وهي شايلة صينية العصير، ومعاها ليلى. مالك لما شافها قام أخد منها صينية العصير وهو مبتسم وفرحان، وهي باصة في الأرض وحاسة إنه سامع صوت ضربات قلبها من علوها. نجوى: تعالي جمبي هنا يحبيبتي. أمل راحت جنب نجوى وسلمت عليها. نجوى: ماشاء الله يا مالك، عرفت تختار. مالك: عيب عليكي يا نوجا. ريان خبطه في كتفه. مالك: قصدي يا تيته. نجوى: هههههههههههه، إيه الاحترام دا!

أصل يجماعة أنا معوداهم، بيقولولي نجوى كدا. ما بحبش الألقاب دي. حنان: ههههه، ربنا يباركلك يا حجة. نجوى: تسلمي. ودخلت إسراء بعدها. وريان مقدرش ينزل عينه من عليها ومن جمالها. كانت لابسة إدناء لونه كحلي وخمار ونقاب كحلي، وكانت زي القمررر. مالك بهمس: والله وأنا جايبك هنا تسبلي ولا إيه؟ وبعدين أهلها هياخدوا بالهم، يخربيتك. ريان: فصلتني والله. نجوى: انتي بقا إسراء؟ اسراء بكسوف: آه أنا.

نجوى: ريان حكالي عنك وعن احترامك وشطارتك في الشغل. ريان برق لجدته، ومالك كاتم ضحكته بالعافية. اسراء اتكسفت: احم... شكراً يا طنط. دا من زوقك. نجوى: لا، انتو الاتنين تقولولي نجوى، بلاش طنط والكلام دا هههههه. أمل/اسراء: حاضر. ريان: احم، بقول نقرأ الفاتحة بقا ولا إيه يا حاج سالم؟ سالم: إيه رأيك يا عروسة؟ أمل كانت مكسوفة وباصة في الأرض. نجوى: السكوت علامة الرضا. محمد: على بركة الله، نقرأ الفاتحة.

وكله رفع إيده يقرأ الفاتحة، وهما فرحانين، ومالك بيبص لأمل وفرحان. وريان بيبص لإسراء وهي مش واخده بالها، وبيتخيل لما يقروا فاتحتهم. وخلصوا، وتعالت الزغاريط في المكان، والمباركات، وكلهم سلموا وحضنوا بعض، والعيلتين بقوا عيلة واحدة. مالك: ممكن يا عمي أقعد مع أمل شوية؟ سالم: آه يبني، اتفضل. وقاموا وقعدوا على كرسين في نفس الصالون بردو، بس بعيد عنهم شوية. وأمل فضلت مكسوفة وباصة في الأرض. مالك: طب، وبعدين؟

هتفضلي تتأملي في سجادتكم كتير ولا إيه؟ أمل بصتله وابتسمت من كلامه. مالك: أيوه كدا، وريني القمرر. أمل بصت تاني في الأرض: عيب كدا على فكرة يا بشمهندس. مالك: هههههههههههه، بشمهندس إيه بقا؟ أومال الفاتحة اللي لسه قرينها دي؟ أمل: احم، يعني أقول إيه. مالك بهيام: انتي تقولي مالك وبس. أمل شاورت بدماغها: آه. مالك: صحيح، عايز نجيب الشبكة بكرة ونعمل خطوبة. أمل: إيه السرعة دي؟

مالك: والله أنا لو أطول كنت اتجوزتك دلوقتي ورحنا مع بعض. أمل بصدمة: ماااالك! مالك: يالهوي.... أحلى مالك سمعتها في حياتي. أمل بصت في الأرض تاني وهي مكسوفة. مالك: ها، رأيك إيه؟ وبعدين عشان نخلص بقا وترجعي الشغل يهانم، دا أنا كدا هيوقف حالي 😂. أمل: ههههههه... خلاص، لو بابا موافق ماشي. مالك غمزلها: أحبك وأنتي مطيعة. (معلش يا سناجل، محدش قالكم تقرأوا روايات رومانسية)

أمل كانت حاسة إن هيغمى عليها من الكسوف، وقامت من مكانها وراحت في المكان اللي قاعد فيه أهلها. وهو ضحك عليها وراح وراها. مالك: ها يا عمي، إن شاء الله ننزل نجيب أحلى شبكة بكرة ونعمل خطوبة. سالم: يبني، انت مستعجل كدا ليه؟ ريان: خير البر عاجله يا حاج. ها، إيه رأيكم؟ سالم: خلاص، ماشي. أنا بس قلقان مش نلحق نخلص ترتيبات الخطوبة. مالك: متقلقش يا عمي. كل حاجة هتبقى جاهزة. والقاعة اعتبرها اتحجزت وجهزت، مش ناقص غير عروستي.

أمل كانت مكسوفة من كلامه كدا قدام أهلها. سالم: ههههههه، خلاص ماشي. مالك: إن شاء الله، هاجي بكرة الساعة 10 نروح نجيب الشبكة. وبعدها يروحوا على الكوافير، وإن شاء الله ربنا يسهل الحال. محمد: ماشي يبني، تمام. مالك قام وقف هو وريان. تستأذن بقا يا عمي. حنان: لسه بدري يا جماعة، خليكم قاعدين. نجوى: لا بقا، كفاية كدا. عشان عروستنا تلحق تجهز نفسها وترتاح. وسلموا عليهم وقاموا يمشوا. ريان: وقفتي ليه يا نوجا؟

نجوى: انزل مع مالك، استناني تحت. وأنا هعمل حاجة وجاية. ريان: حاجة إيه؟ نجوى: بطل كلام كتير. لما أخلص هقولك. ونزل مالك وريان. نجوى: أنا نزلتهم تحت عشان بصراحة عايزة أشوف وشك يا إسراء. اسراء اتكسفت واستغربت. ماشي يا طنط، قصدي يا نوجا. ودخلت أوضتها ورفعت النقاب. نجوى بفرحة: ما شاء الله، تبارك الخلاق. قمر يحبيبتي. اسراء: شكراً لحضرتك. نجوى: أكيد مستغربة، بس من كلام ريان كان عندي فضول أعرفك. اسراء: هو بيقول إيه لحضرتك؟

نجوى: بيقول كل خير يحبيبتي. على فكرة، هو بيحبك. اسراء بصت في الأرض واتكسفت أوي. نجوى: ههههههه، ماشي، عشان ما أكسفكيش. إن شاء الله المرة الجاية اللي هاجي هنا، هيبقي عشانك. يالا همشي بقا. اسراء سلمت عليها وهي فرحانة. وكمان حبت نجوى جداً وطيبتها. عند ريان وهما في العربية. ريان: مقولتليش بقا، كنتي بتعملي إيه؟ نجوى: كنت بشوف عروسة حفيدي. مالك: ما انتي شوفتي أمل واحنا فوق يا نوجا. نجوى: هههههه، لا مش انت، قصدي على ريان.

كنت بشوف إسراء. مالك: هههههههه، نوجااا جاية تعمل مصلحة لكله. ريان: زمانها مستغربة يا نوجا وكسفتيها. نجوى: مالكش دعوة بقا. بس الاتنين أدب وأخلاق وجمال، وأهلهم ناس طيبين. ربنا يتمملك على خير يا مالك ويفرحك. مالك: يخليكي ليا يا نوجا يا قمر. ريان: انت بتعاكس جدتي قدام عيني. مالك: مش جدتك لوحدك... جدتي أنا كمان نجوى: ههههههه ربنا يخليكم ليا يحبايبي مالك وريان: ويباركلنا فيكي يا نوجااا عند اسراء وامل اسراء: بس جده

ريان طلعت طيبه جدا امل: اه أنا حبيتها اووي اسراء: ولما شافتني فرحت اووي وقالتلي كمان أن ريان بيحبني امل: اوعاااا 💃 اسراء: ههههههه شكلي هتخطب قريب 😌😌 امل فرحت وقامت حضنتها: هيييييه هيييييه فرحانالك اوووي اسراء: حبيبتي وبعدين يالا ننام خطوبتك بكره يا عروسة امل: هيييييح وإبقا بقا خطيبه مالك زيدان ياااه اسراء: ههههههه يالا يختي وكل واحده راحت علي سريرها تنام وأمل جات رساله لفونها من مالك

" تصبحي علي فرحة يا سبب فرحتي 🌼🧡 " امل كانت فرحتها متتوصفش ونامت وهي مبسوطه عند حنان وليلي ليلي: الحمد لله شكلهم ناس طيبين ومالك محترم اووي وهيقدر أمل حنان: اه وباين حبه ليها في عينه ليلي: ربنا يفرحهم بس مأخدتيش بالك من نظرات ريان لإسراء ود كمان جدته طلبت تشوفها حنان: ههههه اه اخدت بالي والشهاده لله ريان قمرين وشخصية ومحترم ليلي: اه سالم لما سأل علي مالك شكروا في ريان جدا وقالوا إنه هو اللي ساند مالك ويعتبروا اخوات

حنان: ربنا يجعله من نصيبك يا إسراء يا بنتي ليلي: يارب يالا بقا ننام في بكره يوم طويل حنان: اه يالا تاني يوم الصبح ( يوم خطوبه أمل ومالك ) قامت أمل والبيت كله من بدري يحضر ويجهز كل حاجه ومالك وصل هو وريان الساعه ١٠ زي ما اتفقوا عشان يروحوا يجيبوا الشبكه ونزلت اسراء وامل ومعاهم سالم وعبدالرحمن وفضل محمد يظبط أمور القاعه وحنان وليلي بيجهزا ويرتبوا كل حاجه للخطوبه ركبت امل وعبدالرحمن مع مالك في عربيته

وركب سالم مع اسراء في عربيه ريان ووصلوا عند الجواهرجي ودخلوا عشان يختاروا الشبكه وكان كل اللي في المحل سوليتير وأمل كانت مبهورة اووي و ... عبدالرحمن: بس السوليتير غالي يا مالك مالك بحب وهو بيبص لأمل: مفيش حاجه تغلي علي عروستي وانا الحمد لله معايا ومش هبخل علي خطيبتي سالم: ربنا يزيدك يا مالك مالك: تسلم يا عمي وقعدوا يتفرجوا علي الدبل ومالك اختار لأمل دبلة وخاتم جمال اووي وهي عجبها ذوقه وحبيتهم

واختارت كمان انسيال وسلسلة رقيقه وجميله اووي مالك: مبروك عليكي امل وهي مبتسمه: الله يبارك فيك اسراء: مبروووك يا روحي امل حضنتها: الله يبارك فيكي يحبيبتي وبعدها راح مالك جاب دبله فضة وامل ساعدته وهي بتنقي معاه وسلموا علي بعض كلهم وباركوا لبعض واخدهم وصلهم عند الكوافير وراح مالك وريان عشان يجهزوا بردو ويرتبوا للخطوبه