رواية عشقتها ولكن الفصل الرابع 4 - بقلم دينا دخيل

عدي اسبوع علي أبطالنا. مالك قاعد جمب أمل مش بيسبها، بيهتم بأكلها ودواها ومش بيخليها تعمل أي مجهود. واطمن من الدكتورة أنها والبيبي بقوا كويسين ومفيش خطر عليهم أبداً. عبدالرحمن وسما بيحضروا لفرحهم اللي هو بكرة وبيجهزوا كل الترتيبات. وهما فرحانين أنه خلاص هيبقوا مع بعض دايماً. وبيساعـدهم في ده ريان واسراء وأهل عبدالرحمن. وااسراء كانت مع سما في كل حاجة بتجيبها. وريان كان بيتابع الشغل وبيساعد عبدالرحمن في تجهيزات الفرح.

وكان سأل على دكتورة شاطرة يروحولها بعد الفرح عشان اسراء. يوم الحنة. كل البنات مع بعض في البيت بيرقصوا ويغنوا وهما فرحانين بسما. وسما كانت لابسة ساري هندي وكانت قمر أوي. وصحابها معاها ومامتها بردو رفضت تشاركها فرحتها. بس اسراء وامل وصحابها حاولوا يعوضوها ويفرحوها أوي عشان متزعلش. عند الشباب. كانوا مهيبرين على الآخر وكل صحاب عبدالرحمن ومالك. وريان كانوا فرحانين عشانه والكل بيرقص ومبسوط.

وعبدالرحمن مش مصدق أنه خلاص بكرة سما هتبقى مراته. وانتهت الحنة بدري عشان الفرح بكرة يومه طويل. ريان دخل لسما أوضتها. ريان: لسه منمتيش يا حبيبتي. سما: كنت لسه هنام. عايز حاجة أعملها. ريان: لا يا قلبي. وقعد جمبها: مش مصدق إن هسلمك لعريسك بكرة. وإن هـرجع البيت مش هلاقیـكي... هعيش إزاي من غير شقاوتك دي بس. إنتي بنتي يا سما... طول عمري بحاول أحققلك اللي عايزاه وأفرحك من وإنتي صغيرة.

وبكرة هتبقي أحلى عروسة وهتروحي مع عريسك. سما حضنته. طب بس بقى عشان معيطش يا ريان. أنا بحباااااااااااك أوي كنت ليا أخ وأب وصاحب وكل حاجة. ربنا يخليك ليا وبعدين أنا شقاوتي موجودة. وهتلاقيني كل يومين فوق دماغك متقلقش 😂. ريان: أنا بحسد عبدالرحمن عليكي والله. ده لو زعلِك يبقى مستغني عن عمره. سما: لا متخافش مش هيزعلني. مفيش في حنية عبدالرحمن هيييييح. ريان: لا والله. إيه دي أنا أخوكي مش صاحبتك.

سما: هههههههههههه حاضر سكت أهو. تعرف كان نفسي نوجا تبقى معايا دلوقتي كانت هتعوضني كتير. ريان: ما إنتي عارفة بقى إنها مسافرة تعمل عمرة. وشوية وهترجع متقلقيش. سما: ربنا يرجعها بالسلامة. ريان: يارب. أسيبك تنامي بقى. وباس دماغها وخرج. وبعدها موبايل سما رن وكان عبدالرحمن. سما: ألو. عبدالرحمن: والله دي أحلى ألو سمعتها من يوم ما جبت موبايل. سما: هههههههههههه لا والله. عبدالرحمن: إيه عندك شك. سما: هههههههه لا.

عبدالرحمن: مش مصدق نفسي إن بكرة هتبقي مراتي. سما: ولا أنا. بس فرحانة أوي. عبدالرحمن: مش زيي... أنا هطير من فرحتي. وعد يا سما هخليكي أسعد واحدة في الدنيا. سما: ربنا يخليك ليا يا عبدالرحمن. وبعدين يلا ننام بقى. تصبح ع خير يا قلبي. عبدالرحمن: وانتي من أهلي يا روحي. وقفلوا وناموا وهما فرحانين. عند اسراء وريان. ريان: صحيح كنت عايز أقولك حاجة. خبرين حلوين. اسراء: قول يا حبيبي.

ريان: الأول إن لقيت دكتورة كويسة وإن شاء الله نروحلها كمان يوم أو اتنين. اسراء كانت عايزة تقوله حاجة بس قالت ده مش وقته. ريان: مش فرحانة ولا إيه. اسراء: لا يا قلبي فرحانة أوي إن شاء الله خير. إيه بقى الخبر التاني. ريان: فاكرة شاكر. اسراء: شاكر مين. ريان: اللي كان بيتعامل مع شركتنا وأول مرة كان عايزك تشتغلي معاه. اسراء: الراجل الرخم ده ماله. ريان: اتقبض عليه النهاردة. اسراء: ليه. ريان: طلع نصاب...

نصب على ناس كتير أوي وكان بياخد منهم فلوس ويزور العقود بتاعة التصاميم وكده. اسراء: الناس بقت وحشة أوي. ريان: فعلاً. وهو أخد جزاء اللي عمله فينا. اسراء باستغراب: عمل إيه. ريان: إنتي ناسيه إن لما داده سامية قالت حكاية الحبوب دي. قالت كان شاكر معاهم. وغير كده كان بيبقي باين من نظراته ليكي. بقى عايز أقوم أقتله. اسراء: هههههههه حبيبي الحمد لله كل الناس الوحشة بعدت عننا. ريان: أه الحمد لله. وفرح سما كمان بكرة.

وإن شاء الله نروح للدكتورة وتلاقي حل. وبعدها بقى ربنا يرزقنا بنونو صغنن كده. اسراء: إن شاء الله يا حبيبي. يلا ننام بقى. ريان: أه يلا. وريان نام على السرير. اسراء: إنت يا أستاذ. ريان: نعم هههههههه. اسراء: إنت مش عارف إن مش بعرف أنام غير في حضنك. ريان: حصللل 😂. اسراء: أومال اديتني ضهرك ليه. ريان: لا ده أنا بهزر معاكي بس. تعالي يا قلبي. وناموا. عند مالك. مالك: خدي يا قلبي الدواء أهو. أمل: ماشي. واخدته.

الواحد زهق من الدواء ده وكل شوية دوخة وقرف. مالك: معلش يا حبيبتي. الدكتورة قالت ده أول 3 شهور بس وبعدها مش هتتعبي كده. أمل: يلا كله فداء البيبي ده. نفسك يبقى إيه. مالك: كل اللي يجيبه ربنا كويس يا حبيبتي. أمل: أنا بقى نفسي في ولد يبقى شبهك كده. واخد كل حنيتك وخفة دمك وكل حاجة. مالك: الله... ده أنا بتعاكس بقى. أمل: هههههههههههه أه مش عاجبك ولا إيه يا بشمهندس. مالك: لا ده عاجبني ونص. أنا أقدر أتكلم.

أمل: هههههههههههه قلبي يا ناس. طب يلا ننام بقى. ونامت أمل ومالك. تاني يوم الكل بيجهز عشان الفرح. سما وأمل واسراء مالك وصلهم للكوافير عشان يجهزوا براحتهم. ورجع مالك وريان وعبدالرحمن يجهزوا ترتيبات القاعة. وكانوا متابعين كل حاجة. وبعدها راحوا هما كمان يلبسوا ويجهزوا. وكان سالم ومحمد مع باقي الناس في القاعة. وليلي وحنان بيجهزوا البيت بتاع عبدالرحمن والأكل وكل حاجة. وبيــعملوا كل حاجة بحب. عند البنات.

كانت سما خلصت الميكب ولبست فستانها. اللي كان طويل أوي وضيق من عند الخصر وبيزينه فصوص ألماس. وكانت زي القمر. اسراء: ما شاء الله تبارك الله قمر أوي. أمل: ياااني على السكر يا سومي. سما: بجد طالعة حلوة. اسراء: حضرتك قمررر أقسم بالله. أمل: يا بختك يا عبدالرحمن 😉. سما: حاسة إن خايفة ومتوترة أوي. اسراء: ده طبيعي يا قلبي عشان مرحلة جديدة عليكي. أمل: أه بس بعدها بقى هتلاقيـكي اتأقلمتي عادي جدا. وكمان عبدالرحمن بيحبك.

سما: وأنا والله بحبه أوي. أمل: ربنا يسعدكم يارب. وجه مالك وريان وعبدالرحمن الكوافير. ودخل عبدالرحمن وشاف سما بفستانها وحجابها وكانت زي القمر. عبدالرحمن: مبروك عليا أنا أجمل عروسة في الدنيا. سما بكسوف: الله يبارك فيك. عبدالرحمن: في كلام كتير أوي عايز أقوله بس هأجله لبعد كتب الكتاب. سما كانت مكسوفة أوي بس فرحانة. ودخل ريان. ريان: ده إيه القمر ده يا سومي. الف مبروك يا حبيبتي. سما: تسلملي يا حبيبي الله يبارك فيك.

مالك: بقا الأوزعة كبرت وبقت عروسة. مالك حضنها. ألف مبروك ياقمر. سما.. الله يبارك فيك. عبدالرحمن أخد سما وخرجوا يركبوا العربية. كان مالك اللي هيسوق وجمبه أمل. أمل كانت لابسة فستان موف غامق وخمار عليه وكانت قمر. مالك.. بس هو النهاردة في عروسة واحدة ولا اتنين؟ أمل.. هههههههههههه واحدة بس سما أهي. في إيه انت؟ مالك.. أصلك طالعة قمرر واحلي من أي عروسة. أمل اتكسفت. مالك.. والنعمة قمرر. أمل.. مالك بس بقا ويالا سوق عشان نلحق.

مالك.. انت تؤمر يا جميل. ومشي مالك بالعرسان للقاعة. ركب ريان ومعاه إسراء عربيته وراهم. ريان.. بس مقولتليش يعني... إيه القمر دا 😉 إسراء.. لا يقلبي دي عيونك بس. ريان.. لا إنتي حلوة واووي كمان. إسراء كانت فرحانة أوي. صحيح في مفاجأة عملهالك. ريان.. مفاجأة إيه؟ إسراء.. هتعرف بعد الفرح. ريان.. ههههههههه ماشي. وصلوا الفرح. دخل عبدالرحمن وسما وأهلهم سلموا عليهم وباركولهم. وصل المأذون.

قعد كتب الكتاب. عبدالرحمن طول ما بيردد وراء المأذون كان بيبص لسما وهو فرحان وبيبصلها بحب. المأذون.. بارك الله لكما وبارك عليكما وجمع بينكما في خير. لولولوللللليييي لولولوللللليييي لولولوللللليييي. اتملت القاعة بالزغاريط فرحة للعرسان. الكل باركلهم وفرحان ليهم. عبدالرحمن راح لسما، باس إيديها ودماغها وحضنها أوي ولف بيها وهو بيقول: بحباااااااااااك يا سماااااااا. الكل ضحك عليه وعلى جنانه. سما كانت فرحانة ومكسوفة أوي.

عبدالرحمن.. ربنا يباركلي فيكي يا أحلى نعمة من ربنا ليا. سما.. ويخليك ليا يارب. ريان.. مش هوصيك على سما يا عبدالرحمن. دي بنتي قبل أختي. أوعى تزعلها في يوم أو تعيط بسببك. عبدالرحمن وهو بيبص لسما.. مستحيل أزعلها. سما في عينيّا. عبدالرحمن وسما قعدوا في المكان المخصص ليهم. كان فيه فقرات كتير في الفرح جميلة. بعدها قاموا رقصوا سلو وشالها عبدالرحمن ولف بيها. عبدالرحمن.. هههههههههههه عرفت ميزة إنك قصيرة دلوقتي.

سما.. لا والله. عبدالرحمن.. بحبك بردو. سما.. وأنا كمان. وأخدوا صور مع أهلهم. مالك وأمل اتصوروا مع بعض. وريان وإسراء. كان الكل فرحان ومبسوط. وانتهى الفرح على كدا. وصلوا العرسان لبيتهم. عند مالك وأمل وصلوا البيت. مالك.. الفرح كان جميل جدا. أمل.. اه ربنا يفرحهم دايما. مالك.. يارب يا حبيبتي. فاكرة يوم فرحنا؟ أمل.. ودا يوم يتنسى... كان حلو ومميز في كل تفصيلة فيه. وكل اللي عملناه في تركيا كله محفور في قلبي وعقلي يا مالك.

مالك.. قلب مالك أقسم بالله. والحمد لله ربنا رزقنا ببيبي بعد فترة صغيرة من الجواز. هتمنى إيه أكتر من كدا. أمل.. الحمد لله. أنت أحلى حاجة حصلت لي في حياتي كلها. مالك.. وإنتي بقا بقيتي حياتي كلها. أنا عشقتك يا أمل. أمل حضنته جامد وهي فرحانة أنه ربنا رزقها بحب زي حب مالك. عند ريان وإسراء وصلوا البيت. دخل ريان لقى البيت كله مزين وفي بلالين وورود. وتورتة كبيرة. ريان.. إيه دا إحنا دخلنا شقة غلط ولا إيه 😂

إسراء.. لا يقلبي مش غلط دي شقتنا. أنت ناسي إن النهاردة عيد ميلادك ولا إيه. ريان.. ههههههههه أنا فعلا ناسي. إسراء.. أنا بقا مستحيل أنسى أي حاجة تخصك. وقلت لازم أول عيد ميلاد ليك نحتفل بيه أنا وانت وبس. ريان حضنها.. ربنا يخليكي لي يا أجمل حاجة دخلت حياتي. إسراء.. حبيبي. يالا نقطع التورتة. قطعوا التورتة. إسراء.. فاضل الهدية بتاعتك. ريان.. كل دا ولسه في هدية كمان. إسراء.. طبعًا. وحطت في إيده صندوق هدايا صغير.

ريان فتحه لقى فيه لبس لبيبي صغير. ريان باستغراب.. هههههههههههه وأنا هلبس دا مثلا. إسراء.. هههههههههههه استني بس في حاجة كمان في العلبة. ريان لقى اختبار حمل موجب. ريان بص لها مش مصدق. إسراء بفرحة.. أنا حامل يا ريااااان. ريان بصدمة من فرحته.. طب إزاي... المفروض الحبوب... ولسه هنروح لدكتورة و...

إسراء.. مش عارفة إزاي يا ريان بس لما سألت الدكتورة قالت لي ساعات الحبوب مش بتأثر عادي. والحمد لله ربنا جبرنا عشان ما أذيناش حد. وأنا حامل. ريان من فرحته حضنها أوي وشالها ولف بيها أوي. الحمد لله الحمد لله يارب. إسراء.. ههههههههه بس كفايه دوخة. ريان نزلها براحة. إسراء انتي بجد حامل. إسراء فرحانة من فرحته دي. وحياة ريان عندي. ريان.. يقلب ريان وعقله وروحه وحياته كلها. أنا مش قادر أقول لك مبسوط إزاي.

إسراء.. وأنا أووي أووي. الحمد لله. ريان نزل وحط دماغه عند بطن إسراء. أنا مش سامع حاجة ليه. إسراء.. هههههههههههه مفيش حاجة هتسمعها دلوقتي. دا لسه في أول الحمل. ريان وهو حاطط إيده عند بطن إسراء.. ما تت تعبيش ماما معاكي ومتغيبيش وتعالي بسرعة. إسراء.. اممممم وحضرتك عرفت إزاي أنها هتبقى بنت. ريان.. حاسس إنها بنت. وتبقى شبهك كدا. يبقى ربنا بيحبني أوي عشان رزقني بيكم. إسراء حضنته أوي. بحبك يا ريان. ريان.. أنا بقا بعشقك.

بعد مرور خمس سنوات. ريان.. أومال فين كارما يا إسراء؟ إسراء.. مش عارفة كانت بتلعب في الجنينة هنا من شوية. مالك.. هتلاقيها بتلعب مع إياد. ريان.. أنت لم ابنك دا عن بنتي يااض. مالك.. يبني أنت تطول إياد ابني يتجوز بنتك أصلا. ريان.. ابنك اللي ميطولش. دي كارما ريان الأسيوطي. مالك.. ودا إياد مالك زيدان. أمل.. هههههههههههه انتو بتتخانقوا كدا ليه. إسراء.. هههههههههههه عاملين شبه الحموات. عبدالرحمن.. اه جدا والله.

ريان.. صحيح يا سما هتولدي إمتى؟ سما.. كمان أسبوع ولا حاجة. عبدالرحمن.. اهو الواحد يرتاح. دا اختك فظيعة... تقومني نص الليل عايزة بيتزا وشوية عايزة رنجة وشوية بتحبني وبعدها بتكرهني. وتقعد تعيط طول الليل من غير سبب. إيه داااا. أمل.. هههههههههههه. إسراء.. هههههههههههه😂. مالك.. هههههههههههه أنا أخدت من دا كتير 😂. ريان.. وأنا لما إسراء كانت حامل يختااااي 😂. سما.. انتو هتسكتوا لهم كدا.

أمل.. هههههههههههه لما تسكتي جوزك الأول. سما.. اسكت يا عبدالرحمن. عبدالرحمن.. هههههههههههه حاضر. اهو كلها أسبوع ويشرفوا القمرات. مالك.. حد يصدق أن الأوزعة دي تبقى حامل في تؤام. وتبقى أم. سما.. عارف أنا لو أقدر أقوم كنت نفختك. ريان.. هههههههههههه انتي اللي منفوخة. هيبقي انتو الاتنين. الكل قعد يضحك. كارما.. أوووف بقاا انت كل ثوية تتضايقني كدا يا إياد وتزعقلي.

إياد.. ما إنتي اللي مش بتسمعي كلامي يا كالما خالص. وبتلعبي مع أحمد. كارما.. عادي دا صاحبي. إياد.. متلعبيش مع حد غيري يا كالما عشان مش أزعقلك بقا. ريان.. مش قولت تلم ابنك عن بنتي. أهو بيزعقلها. مالك.. دا شكله غيران إنه تلعب مع حد غيره 😂. ريان.. بتحلم إن ابنك يتجوز بنتي أصلا 😂. كارما.. حاضر يا إياد هسمع كلامك. إياد.. شطورة ومتزعليش مني بقا ماسي. وباسها من خدها. ريان برق لما شاف إياد ابن مالك بيبوس بنته.

مالك.. شكلك مسخرة هههههههههههه هههههههههههه. ريان.. هههههههههههه خلي ابنك يستر علي بنتي عشان ما اتفضحش. الكل قعد يضحك عليهم وعلى كلامهم. بس كلهم مبسوطين وفرحانين بوجودهم مع بعض. سامح وشاكر قاعدين في السجن، مستقبلهم وسمعتهم راحت. بسبب اللي عملوه في إسراء وأمل والشر اللي كانوا بيخططوا له. إلهام في البلد عند عمها، ومتجوزها ابن عمها اللي بيعاملها معاملة الخدم وبيضربها على طول. وحياتها باظت ومستقبلها وشغلها.

ولو حد شافها مش هيصدق إن دي إلهام هانم. ودا بسبب الشر اللي عملته والأذى اللي سببته لغيرها. وطريقتها اللي كانت عايشة بيها. سميرة قاعدة لوحدها في فيلتها بتحاول تقنع نفسها إنها كويسة من غير عيالها. وإن النادي والسهرات بيعوضوها. بس في الآخر مش سعيدة، ودا بسبب إهمالها لولادها. واللي عملته في إسراء. وبردو ما حاولتشت تعتذر عن اللي عملته. إن الحب مش حرام ولا عيب، بس الحب الحلال.

إسراء وأمل حبوا ريان ومالك، بس محاولوش يلفتوا نظرهم بطريقة تقلل منهم. محاولوش يلبسوا لبس ملفت أو يحطوا ميكب أو يدلعوا عشان مالك وريان يحبوهم. محاولوش يستغنوا عن كرامتهم أو حياءهم أو دينهم أو احترامهم عشان يحبوهم زي ما إلهام عملت، وكان مصيرها حاجة دمرت حياتها. لا، هما لما حبوا كانوا بيدعوا ربنا إنهم يبقوا من نصيبهم. وحتى لما اتخطبوا كان في حدود للخطوبة، مش زي بعض البنات اللي بيعاملوا خطيبهم كأنه خلاص جوزها.

مالك وريان، أول حاجة جذبتهم لإسراء وأمل: أدبهم. طريقة لبسهم المحترمة. كسوفهم. طيبتهم. جديتهم في الشغل، مش بيهزروا ويضحكوا مع المدير كأنه محرم مثلا. وإلهام كانت عكس إسراء تمامًا. وعشان كده ريان ما فكرش في يوم إن واحدة بأخلاق إلهام تبقى مراته وأم عياله. فيا حبيبتي، انتي ما تقلليش من نفسك ولا من احترامك ولا تكسري ثقة أهلك فيكي عشان حبيتي.

اللي بيحب بيدخل البيت من بابه، زي ما مالك وريان أول ما اتأكدوا من مشاعرهم ما فكروش حتى يقولولهم أو يتعرفوا على بعض أكتر أو يرتبطوا. لااااا. دول أول حاجة راحوا وطلبوا الجواز، لأنهم عارفين إنهم مش بتوع أي حاجة بعيد عن الحلال. عبدالرحمن أعجب بسما، بس قلبه مدقش ليها غير لما شاف احترامها بردو، واللي أولهم لبسها وحجابها. يمكن عبدالرحمن ما كانش هيحب سما لو ما كانتش لبست الحجاب.

وأن الحجاب سترة وبيحلي، وأن أصلا واجب علينا كمسلمات. وشوفنا حب الصحاب لبعضها ووفائهم. إزاي ريان خاطر بحياته وكان ممكن يموت عشان ينقذ صاحبه مالك. ومالك كان بيعتبر ريان أخوه مش بس صاحبه. وهما الاتنين كانوا أيد واحدة وكانوا وافين لبعض وساعدوا بعض في الشغل لحد ما كبروا وتفوقوا وهما مع بعض. وشوفنا حب الصحاب أو الأخوات بردو بين إسراء وأمل. إزاي بيخافوا على بعض. إزاي بيخففوا ويهونوا على بعض. إزاي يحموا بعض من أي شر.