رواية أحببت معلمة ابنتي الفصل الحادي والعشرون 21 - بقلم امولة

في أحد محلات الفساتين الفخمة، يتجول كلا من رائد وإسراء ليجدا فستانًا لزفاف الغد. تبدو إسراء عابسة ومتذمرة. رائد: لا، بقولك إيه؟ افردي بوزك ده يختي، ها؟ متخليش الغي الفرح خالص. إسراء: آه، مهو دا اللي ناقص. أقول إيه؟ لا يا إسراء، ده مفتوح. لا يا إسراء، ده ضيق. لا يا إسراء، ده قصير. لا يا إسراء... كل حاجة لا. ناقص حضرتك تقولي ألبس طرحة. رائد: تصدقي فكرة. إسراء بصوت عالٍ: نــــــــــاعم! نــــــاعم!

رائد وهو يضع يده على فمها: بس بس، الله يخربيتك هتفضحينا. إسراء: رائد! رائد! رائد: يا نعم. إسراء وهي تمسك أحد الفساتين: ده حلو. رائد: ده من غير دراعات. إسراء: يوووه بقى! رائد: والله أنتِ لو سبتيلي اخترتلك، كنا خلصنا من ساعتها. إسراء بابتسامة صفراء: اتفضل حضرتك اختار. أمسك رائد فستانًا حقًا في غاية الروعة، ذو أكمام شفافة، طويل جدًا جدًا، ومغلق، بزينة ورود جميلة تزينه من النصف العلوي، وينزل بوسع، في غاية الروعة.

رائد: ها، إيه رأيك؟ إسراء بكذب: على فكرة بقى مش حلو، بس أنا هاخده عشان مزعلكش. رائد: يا شيخة! إسراء: آه. رائد: طب يلا، عشان لسة هروح أطبع الكروت. إسراء: يلا. وبعد أن قاست إسراء الفستان، اشتروه ثم خرجوا من المحل متجهين لطباعة كروت الزفاف. *** في بيت التوأم. فاطمة: سارة! بت يا ســــــارة... ســــــاااااارة! سارة وهي تركض لها: إيه؟ إيه؟ والله طفيت على الرز.

فاطمة: عارفة يختي إنك طفيتي عليه. طلعي عشرة جنيه من المحفظة بتاعتي، وانزلي تجيبي كيلو طماطم. سارة: عشرة جنيه إيه يا والدتي؟ الطماطم الكيلو بخمسة عشر. فاطمة: زي ماقولت، هي عشرة جنيه، واللي يكلمك، نعملي معاه زي ما بتعملي مع إسراء. سارة: أوووف بقى، مش عايزة أنزل. فاطمة: يلا يا بت. سارة وهي تبرطم: اوف بقى، معتش إلا سارة. كل حاجة سارة... سارة سارة سارة سارة. فاطمة: تعالي كدا، سمعيني بتقولي إيه.

ارتدت سارة ثيابها المكونة من بنطال باللون الكشميري وبلوزة مخططة بعدة ألوان، وقامت بإدخال نصفها من الأمام وتركت النصف الخلفي خارج البنطال، وكوتشي أبيض به لون كشمير. فاطمة: أيوه يختي، اتشيكي، اتشيكي. رايحة حفلة إنتي ولا نازلة السوق؟ سارة: إيه يا ماما؟ أمال ألبس إيه؟ فاطمة: لا يختي، متعمليش حاجة. وارفعي البلوزة دي، عاجبك أكتافك الباينة دي؟ سارة: أهو ياماما، حاجة تانية. فاطمة: لا يختي، انزلي يلا.

ونزلت سارة لشراء ما طلبته والدتها. *** في السوق. مراد وهو يحمل ما يقارب السبع أكياس: يلا يا ست آية، عجبك المرمطة دي؟ تفرضي موظف شايفني الوقتي، هيبقى منظري إيه؟ آية: اهدي يا جاسر، وبعدين أنا قولتلك روح حطهم في شنطة العربية، إنت مش راضي. مراد: أنا يستي، ابن ستين في سبعين، هروح أحطهم وأجي، ها؟ وإنجزي يلا. آية: حاضر. وذهب مراد لوضع الأغراض في حقيبة السيارة. أثناء ذلك، قابل سارة وهي تدخل السوق، فأوقفها. مراد: سارة!

التفتت له: جاسر! إزيك يا عم، عاش من شافك. عامل إيه؟ جاسر: الحمد لله تمام، وإنتي أخبارك إيه؟ سارة: تمام الحمد لله. جاسر: ألف مبروك على الخطوبة. سارة: يووووووه! هو ليه كله مـ ـصـ ـر يفكرني؟ جاسر: ليه؟ إنتي مش مبسوطة؟ سارة: never يا جاسر، never. جاسر بسرعة: يعني هترفضيه؟ سارة: آه، لأني يعني مش طايقاه ولا متقبلاه خالص. جاسر: طيب، ماشي. سارة: عن إذنك. قالتها ودخلت للسوق، بينما حمد جاسر الله على ذلك. يالهي!

كانت ستضيع من بين يديه... حمد لله. ثم دخل هو الآخر للسوق. *** في الڤلة. مراد: لا، مش عايزين ورد أسود ولا أحمر. قالها للرجل الذي بيده الزينة أمامه: ماشي يا بيه. طب والأبيض؟ مراد: ماشي، حط أبيض، بس متحطش ألوان فاقعة. الرجل: ماشي يا باشا. وذهب الرجل، بينما اتجه مراد لغرفة ملاك. مراد: بتعملي إيه يا لوكا؟ ملاك: كلمت مس آية، وبعدين بعمل الـ homework. مراد بغمزة: وسلميلي عليها. ملاك بغمزة: طبعًا يا باشا، أنا أقدر أنسى.

مراد: طيب، خلصي الـ homework، وخلي مني تلبسك عشان نشتريلك فستان. ملاك بفرحة: ماشي. وبعد وقت، أنهت ملاك واجبها المدرسي ونزلت مع مراد لشراء فستان لزفاف أخيه. *** في بيت آية. وصلوا بعد وقت، وقاموا بلم الأغراض. وبعد وقت، قاموا بإعداد الغداء. واختارت آية فستانًا للمساء، حيث أن مراد سيأتي لطلب يدها. *** في بيت التوأم. أوصل رائد إسراء للبيت، ومن ثم غادر. فاطمة: جاية يللي على الباب. إسراء وهي ترفع الفستان في وجه والدتها

بعد أن فتحت لها الباب: أنااااااا أنااااااا! فاطمة: بسم الله ما شاء الله، تبارك الرحمن. جميل يا إسراء يا حبيبتي. إسراء: بجد يا ماما؟ فاطمة: بجد، بس دا مش ذوقك. إسراء: آه، مهو رائد اللي مختاره. فاطمة: لا والله، جدع وزوقه جميل. أحسن من القرف اللي بتشتريه. إسراء: اومال سارة فين؟ فاطمة: نزلت تجيبلي حاجة. إسراء: طيب، أخش أنام أنا بقى. فاطمة وهي تشدها من القبعة: خدي تعالي، تنامي إيه؟ ده... تنامي إيه؟

نامت عليكي حيطة يا شيخة. إسراء: يووه، هقعد أعمل إيه؟ فاطمة: خشي المطبخ، هتلاقي شوية ماسكات اختك شاريهم من البيت الطبي، اعمليهم على وشك. إسراء: أما أقوم من النوم بقى. فاطمة بصوت عالٍ: اخلصي يبت! إسراء: خلاص يا باشا، هما على وشي أصلًا. دق الجرس، فتحوا ووجدوا سارة. إسراء: إيه ده؟ إنتي جيتي إمتى؟ إسراء: لسة داخلة من شوية. ثم أمسكت معصمها وهي تشدها: تعالي أما أوريكي جبنا إيه. ودخلتا الاثنتان الغرفة. ***

في أحد محلات ملابس الأطفال. يقف مراد برفقة ملاك: يوووه يا ملاك، مفيش حاجة عجباكي؟ ملاك: يا بابي، عايزة أجيب حاجة تبقى زي مامي. مراد: ومامي، قلتلك هتلبس إيه؟ ملاك: قالت، لو بينك فاتح. مراد وهو يمسك أحد الفساتين: ده حلو. ملاك: أشطا يا باشا، فل الفل. مراد: لوكا، إنتي بتقولي الكلام ده قدام مامي؟ ملاك: أيوه، ده أنا حتى علمتها. مراد: لا والله. ملاك: آه والله. مراد: يلا يا حبيبتي، ربنا يهديكي. ملاك: يلا.

وخرجا الاثنان متجهين للڤلة. يتبع.