رواية أحببت معلمة ابنتي الفصل السابع 7 - بقلم امولة

مراد :ازيك يا آنسة آية.. أنا آسف. آية بمقاطعة: خد بنتك واطلع برة. صدم مراد جداً من ردها ورد بدهشة: نعم؟ آية: زي ما سمعت، خد بنتك واطلع برة. مراد بغضب: أنا أساساً غلطان إني عملت بأصلي وجيت أتأسفلك بنفسي. آية بغضب: وكان فين أصلك ده وأنا منهارة قدامك وبحلفلك بدل المرة خمسين إني مخطفتهاش. ها، كان فين؟ كان فين أصلك وأنا بحكيلك اللي حصل ورديت عليا ببرود تام تقولي إني طمعت. ما، رد كان فين؟

مراد: وجيت اعتذرتلك. ولا إنتي بقى عايزة رشوة عشان تسامحي؟ آية بهدوء: اطلع برة. أكملت بصوت عالي: اطلع براااااااااا. حمل مراد ملاك وخرج بها من بيت آية. "في سيارة مراد" مراد: بتعيطي ليه؟ ملاك: عشان آية زعلانة مننا. ضمها مراد: لا يا قلبي، هي تعبانة شوية. ملاك: يعني هي لسة بتحبني؟ مراد: آه طبعاً. وصلوا للفلة. مراد: اطلعي يا لوكا، غيري هدومك واعملي الـ homework. ملاك: حاضر. محمد: عملت إيه يا مراد؟ مراد: طردتني يا بابا.

رائد: إيه؟ مراد الشاذلي اتطرد؟ احيه. مراد: أخرس. محمد: إيه اللي حصل؟ قص عليهم مراد ما حدث. محمد: البنت مش غلطانة. مراد: نعم؟ مش غلطانة؟ محمد: آه مش غلطانة، لأنك أهنتها جداً. يعني غير إنك كان ممكن صدقتها من أول مرة. واحتمال كبير أوي تاخد جنب من ملاك. مراد: وإيه دخل ملاك؟ محمد: هي ممكن تقول إنك شايف إنها أذى على بنتك، فتبعد هي عنها. (ودا قرار آية من الفصل اللي فات)

مراد: بس ملاك متعلقة بيها جداً، دي كانت بتسألني ينفع أقولها ياماما. محمد: مهو اللي ملاك شافته مش سهل. بنتك لسة 4 سنين، يعني محتاجة لحنية الأم. مراد: مش عارف. أنا هطلع أشوف لو في شغل أو أي حاجة، وبعدين أبقى أنام شوية. محمد: ماشي. رائد وهو يضع الفشار في فمه وينظر للتلفاز: عايز أتجوّز. نظر له محمد ومراد، ثم نظروا للشاشة، رأوه يشاهد فيلماً رومانسي. مراد: مش إسراء رفضتك؟ نظر له رائد بسرعة: إيه؟ مراد: كل يا خويا، كل.

"في اليوم التالي" استيقظت آية وارتدت بنطلون باللون الكحلي وبلوزة باللون السماوي ذو فيونكة، قامت بإدخالها في البنطلون وتركت شعرها منسدلاً. وخرجت متجهة للمدرسة. -استيقظ مراد ولكنه لم يجد ملاك فوقه كالعادة. قام لبس بدلته للذهاب للشركة واتجه لغرفة ملاك، وجد مني الخادمة تربط لها الكوتش. مني: خلصنا يا لوكا. ملاك: ماشي يا مانون. مراد: ملاك. ملاك مقاطعة: عيييب. ابتسم مراد وكذالك مني، وخرجت. مراد: صاحية بدري يعني وجاهزة؟

ملاك: آه عشان عايزة أشوف مس آية وأحضنها عشان هي مس محضنتنيش من يومين خالص. مراد: إنتي بتحضنينها كل يوم ولا إيه؟ ملاك: دا كل دقيقتين يا بابي بحضنها وأبوسها. آه صح. مراد: اممم. ملاك: أنكل سامح راح مع طنط سعاد (مراته) عشان هتجيب نونو. مراد: أعمل إيه يعني؟ ملاك: توصلني يا فصيح. مراد: يبنتي اتكلمي على قدك. ملاك: ها، هتوصلني؟ مراد: يلا. أوووبح، نفطر وبعدين أوصلك. ملاك: أوك، بس بسرعة. نزلوا الأسفل. ملاك: صباح الخير يا ميدو.

محمد: صباح الخير يا قلب ميدو. ملاك: صباح الخير يا رارا. رائد: صباح الخير يا لوكا. ثم غمز لها. ذهبت له له ملاك وقاموا بعمل بعض الحركات باليدين مع بعض. مراد: وإيه ده إن شاء الله يا سي رائد؟ ملاك: إيه يا بابا، بصبح على أنكل. مراد: بت إيه؟ ملاك: بصبح. مراد: اطفحي يا ملاك. ملاك وهي تقلده: ولد عيب. ضحك الجميع عليها. مراد: يلا يا لوكا، أنا شبعت. ملاك: وأنا كمان. مراد: يلا هوباا.

قالها وهو يحملها واتجه بها للسيارة، منطلقاً للمدرسة. -"في المدرسة" تقف آية أمام السبورة: النهاردة هناخد عربي، أوك؟ الأطفال: أوك. آية: يلا (أ) الأطفال: (أ) آية: أرنب.. أسد. الأطفال: أرنب.. أسد. آية: (ب) الأطفال: (ب) آية: بطة.. بقرة. الأطفال: ههههههه. آية: ههههههه، يلا قولوا بطة.. بقرة. الأطفال: بطة.. بقرة. آية: حد فاكر إيه أول حرف؟ الأطفال: (أ) آية: قولي يا سيد كلمة بحرف الـ (أ) سيد: أرنب.

آية: قوللي يا نرمين كلمة تانية بحرف الـ (أ) نرمين: أسد. آية: شطار. ط... قاطعها دخول ملاك. آية وهي تكتب على السبورة بلا مبالاة لملاك: خشي، ومعتيش تتأخري تاني. ملاك بطفولة: وحشتيني أوي يا مس آية. آية: طب، خوشي. نظرت لها ملاك بحزن ثم خفضت رأسها الأسفل وجلست بمكانها. آية: يلا نكمل. إحنا قولنا حرفين إيه هما يا حنان؟ حنان: (أ) (ب) آية: شطورة.

وظلت آية تشرح وهي تتجاهل ملاك، ولاتسمح لها حتى أن تجيب على أي أسئلة، إلى أن انتهت الحصة. آية: كدا يا حلوين، أخدنا من (أ) (ج) . بكرة هسمعهم بالكلمات، واللي هيعرف هياخد إيه؟ الأطفال: بنبون. آية: واللي مش يعرف؟ الأطفال: بوسة. آية: يلا روحوا بريك شوية عشان ناخد ماث. وخرج الأطفال، بينما ظلت ملاك. قالت: مس آية. آية: نعم يا ملاك. ملاك: إنتي زعلانة مني؟ آية: لا. ملاك بدموع: مس أنا عايزة أكلم بابا.

آية: روحي للمدير وهو يخليكي تكلميه. خرجت ملاك للمدير الذي اتصل بمراد ليحادثها. مراد: فيه إيه يا لوكا؟ ملاك ببكاء: بابي. مراد بلهفة: إيه يا ملاك، فيه إيه يا بابا؟ ملاك: بابي، أنا عايزة أروح. مراد: ليه يا قلبي، حد قالك حاجة؟ ملاك: أنا عايزة أروح. مراد: طب خليكي، وأنا هاجي آخدك. ملاك: ماشي. -"في الشركة" خرج مراد بسرعة، رآه رائد.

رائد: والله يا مراد يا خويا، إنت ما هترتاح غير لما تشلني بسبب خروجك من الشركة. شكل الطور الهايج كدا. -وصل مراد للمدرسة، وجد ملاك تجلس على السلم بانتظاره وهي تبكي. مراد: لوكا، مالك يا حبيبتي؟ ملاك ببكاء: مس آية مس بتكلمني، وكمان مس راضية تخليني أجاوب، ومس بتقولي يا لوكا، وكمان مس حضنتني. مراد: يمكن تعبانة يا لوكا. ملاك: لا، أنا زعلانة منها ومش هكلمها تاني. ضمها مراد قائلاً: لا يا قلبي، متقوليش كده.

ملاك: لا، أنا عايزة أروح. مراد: امممممممم، إيه رأيك نروح ناكل آيس كريم؟ ملاك: لا. مراد: وبعدين نروح الملاهي؟ ملاك: لا. مراد: ونشتري حبوب بالشوربة (حمص الشام يا جماعة) ملاك: بجد؟ مراد وهو يحملها ويمسح دموعها: بجد. وركبا معاً متجهين للملاهي، وكانت آية تراقبهم من بعيد، ورأت كم أنه طيب جداً، لكن لماذا فعل معها هذا؟! لماذا كان يكذبها؟! أيمكن أنه فعل ذلك لأنه يحب ابنته بشدة؟! أيعقل أنه فعل ذلك لأنه يخاف عليها؟!

أيمكن أن تكون ظلمته بالحكم عليه؟! قررت آية أنها ستصالح ملاك، وأن لا تدخلها في هذه الأمور، فهي لا شأن لها في هذا الموضوع.