رواية حياة الفهد الفصل الثامن عشر 18 - بقلم الكاتبة المجهولة

حياة طلعت البلكونة وبصت لقيت واحد نايم ع الأرض وبينزف. ركزت فيه لحد ما عرفته. كان فهد نايم ع الأرض سايح في دمه. حياة بصراخ: فااااااهد! وطلعت لبست اسألها وطلعت من الأوضة بسرعة وهيا بتعيط. كل اللي ف القصر صحيو على صوت ضرب النار وطلعو من أوضهم وشافو حياة بتجري على برة، راحوا وراها. حياة راحت عنده بسرعة وكان الحرس واقفين حواليه وخايفين ليحصله حاجة وخايفين من اللي هيحصلهم. حياة قعدت جنبه على الأرض

وحطت رأسه على رجلها وعيطت: فهد... قوم... قوم عشان خاطري. ان... انت مش هتموت... فهد. العيلة كلها اتجمعت ومستغربين من اللي حياة بتعمله. قربوا عليها لقيوا فهد نايم على رجها فاقد الوعي وبينزف. جميلة بخضة: يامري... ولدي... ولدي جراله إيه. جميلة مستحملتش وفقدت الوعي. ياسمين مسكتها: ججومي ياما... فهد هيكون بخير. سالم كان هيموت من الخوف على ابنه. قرب عليه: فهد ولدي... جوم ياجلب أبوك. بزعيق: مييين اللي عمل في ولدي أكده.

الحراس كانوا ساكتين وخايفين يتكلموا. سالم بزعيق: بجولكو مين اللي عمل أكده في ولدي. واحد الحراس بخوف: ياسالم بيه فهد بيه كان داخل بينط من ع السور كيف الحرامية واحنا فكرناه حرامي وضربنا عليه نار. سامحنا يابيه. سالم قام: أني هوريكو ياكلاب. محمود بمقاطعة: مفيش وجت ياسالم فهد لازم يروح المستشفى. سالم بعصبية: حسااام انت مش دكتور ولا إيه شوف ولدي ماله. حسام بتوتر: حاضر حاضر.

حسام قرب عليه وشاف جرحه: الرصاصة جت في كتفه مكانها مش خطير. بس لازم يتنقل على المستشفى بسرعة عشان نطلع الرصاصة ونوقف النزيف. هشام: طب يلا بسرعة. حسام: هاتولي قماشة أربطها على كتفه عشان أوقف النزيف. سالم أعطاه الشال بتاعه: خد اربط ده. يلا ياهشام شيلوه انت وحسام ع المستشفى. حسام وهشام قربوا عليه ولسه هياخدوه. حسام: حياة ابعدي فهد لازم يروح المستشفى بسرعة. حياة بصدمة: لا... مش هتاخدوه... هه. هو... كو. يس وهيقوم لا...

فهد كويس ابعدو. زهرة قربت عليها وشدتها وحضنتها وحياة انفجرت في العياط: هو.. كويس.. هو كان جاي عشان يشوفني. أنا عارفة إنه بيحبني. هو هيبقى كويس ويقوم. زهرة: اهدي ياحببتي هو كويس وهيفوق إن شاء الله. حسام وهشام شالوا فهد وركبوا العربية ومعاهم محمود ومشيوا. سالم شال جميلة ودخلها القصر وطلع ركب عربيته وراح وراهم على المستشفى وحياة راحت معاه. ياسمين مسحت على وشها بالماية لحد ما فاقت.

جميلة بعياط: فهد ولدي جراله إيه. أني عايزة ولدي. أه ياولدي. آية بعياط: متخافيش ياما اخوي هيبجي زين ويجوم بالسلامة. جميلة: أني عايزة أروحله أبوس أيديكو ودوني لولدي. ياسمين بعياط: ياما اخوي في المستشفى ومش هينفع تروحي في وجت متأخر زي ده. جميلة بعياط: أني هروح له يعني هروح له لازم أشوف ولدي. زهرة: اقعدي ياجميلة الوقت اتأخر ومينفعش تطلعي من البيت لوحدك.

جميلة بعصبية: ملكيش صالح بيا وبولدي. لا انتي ولا بتك انتو السبب خليتوه يطلع من البيت ولما يدخل بيته يدخله كيف الحرامي. كله منكو ارتحت لما سابلكو البيت. وأهو هيسيبلكو الدنيا على بعضها. زهرة بدموع: ربنا يسامحك ياجميلة أنا مش هرد عليكي عشان عارفة إنك بتقولي كده من خوفك على ولدك.

جميلة بزعيق: اسكتي خالص انتو السبب في اللي حصل لولدي ده. أني مش مسمحاكو لا انتي ولا بتك. ياعالم يمكن انتو اللي متفجين تعملوا أكده عشان تاخدوا القصر وكل فلوسه. ارتاحي ياختي أهو ابني مرمي في المستشفى وبيموت. زهرة بصدمة: انتي بتقولي إيه ياجميلة. في المستشفى. وصلوا المستشفى ودخلوا بسرعة وهما شايلينه. الممرضين قابلوه وحطوه على الترولي ودخلوه أوضة العمليات.

حسام للدكتور: أنا الدكتور حسام الألفي جراح هدخل معاكم العمليات. وأعطاه الكارنية. الدكتور: تمام. روح مع الممرضة عشان تتعقم وتلبس لبس العمليات. حسام راح مع الممرضة واتعقم ودخل العمليات. حياة وسالم وصلوا وعرفوا مكانه وراحوا على الأوضة بسرعة. سالم بقلق: فهد فين يامحمود. محمود: دخلوه العمليات والدكاترة هيطلعوا الرصاصة. سالم: ربنا يستر ويقوم بالسلامة. حياة عيطت

وقعدت على الكرسي بيأس: أنا السبب أنا السبب في كل حاجة. هو كان جاي يشوفني. سالم حضنها والدموع في عينه: متخافيش يابتي هيقوم بالسلامة إن شاء الله. فهد قوي مش بيستسلم بسهولة. حياة بعياط: يارب ياخالو. أنا مش عايزة غير إنه يقوم. سالم غمض عيونه بوجع على اللي حصل لابنه بسبب كبريائه وغروره. في القصر. زهرة بصدمة: انتي بتقولي إيه ياجميلة. معقول تفكري فيا كدا أنا وبنتي. انتي عارفة كويس إن آخر حاجة بفكر فيها هيا الفلوس.

جميلة: آه بإمارة إنك بعتي بتك عندنا عشان أمامها مش ياخدوا فلوسها. سبتيهم يعذبها ومش وافقتي تديهم فلوسها. وجوزتيها ولدي عشان تاخد فلوسه هو كمان. للدرجادي بتك رخيصة عندك. سعدية: إيه اللي بتجوليه ده ياجميلة. زهرة مش بتفكر أكده أبدا. زهرة بعصبية: جميلة كله إلا حياة. أنا أتحمل بما فيه الكفاية لكن حياة لا. بنتي خط أحمر. أول ما فهد يفوق بالسلامة هاخد بنتي ونرجع القاهرة.

جميلة: أني مجواتش غير الحجيجة. عايزين ترجعوا ارجعوا. أهو تريحنا منيكم. وسعوا أكده أني رايحة لولدي. ياسمين: استني بس ياما مش هينفع تطلعي وحدك في الوقت ده. جميلة: لااه ينفع. أني مش هقعد أهنية دجيجة وحدة وولدي مرمي في المستشفى. ياسمين: طب استني هكلم سيف أعرفه وهياجي ياخد وتروحوا مع بعض. جميلة: لا أني هروح لحالي مش هستناه لحد ما يجي. جميلة طلعت وياسمين كلمت سيف. ياسمين بسرعة: الو أيوا ياسيف.

سيف بنوم وبقلق: إيه ياياسمين صوتك ماله في حاجة. ياسمين: فهد انضرب بالنار وخدوه المستشفى. سيف بصدمة وخوف: إيه إزاي دا حصل وميته الكلام ده. ياسمين: من شوية وامي رايحة دلوجت المستشفى لحالها تعالي بسرعة وخدها معاك. سيف: طيب طيب مسافة السكة. سيف قام بسرعة كان لابس بنطلون بيتي بس لبس عليه تيشرت وطلع بسرعة وركب عربيته وساق بأقصى سرعة. وصل لعند بيت فهد بعد خمس دقايق ولمح جميلة من بعد ساق عربيته لعندها.

سيف: اركبي ياخالة جميلة. جميلة ركبت بهدوء وسيف ساق العربية وراح ع المستشفى. في المستشفى. سالم واخد حياة في حضنه وهيا مبطلتش عياط. سالم بحزن: كفياك عياط بجي يابتي عينك هتنفجر. حياة بشهقات: تعرف ياخالو أنا بحب فهد أوي. هو أذاني بس أنا حبيته. حبيت حنيته وخوفه وغيرته عليا. والله كنت هحاول أسامحه. هو كان جاي يشوفني أنا عارفة. هو جه قبل كدا كتير بس أنا بكون نايمة. هو مش هيموت صح.

سالم بسرعة: بعد الشر عليه يابتي. ربنا هيقومه بالسلامة إن شاء الله. حسام والدكتور التاني طلعوا. حياة: حسام فهد فاق صح وبقى كويس. حسام بإرهاق: الرصاصة جت في كتفه بس في مكان عميق وسببت نزيف وفقد دم كتير عشان كده فقد الوعي. سالم: طب هو دلوجت عامل إيه ياولدي. حسام: إحنا نقلناله دم وطلعنا الرصاصة وبقا كويس الحمد لله. هننقله على أوضة عادية وهيفوق كمان شوية. سالم زفر براحة: الحمد لله. أحمدك يارب إنه بقى زين.

هشام ومحمود حمدوا ربنا. حياة: أنا عايزة أشوفه. حسام: مينفعش ياحياة هو لسه مفاقش ومركبله محاليل. حياة بعند: لا أنا هشوفه. حسام اتنهد: تمام هيتنقل على أوضة عادية وابقي ادخليله. فهد اتنقل على أوضة عادية وحياة دخلتله. أول ماشافته انفجرت في العياط كان واحشها جدا. واحشها حضنه وعصبيه وملامحها القاسية وكل حاجة فيه.

مهما كان اللي بنحبه جرحنا أو أذانا بمجرد مانشوفه تعبان بننسى كل الأذى ده. طبيعة قلبنا بيحن حتى لو اللي قدامه جرحه. قربت عليه وقعدت على الكرسي قصاده ومسكت إيده.

حياة بعياط: فهد أنا حياة حبيبتك. قوم عشان خاطري عشان خاطر حياتك. وحشتني أوي يافهد. أنا زعلانة منك على فكرة. كدا يافهد تجرحني وتقول عليا خدامة عندك. قوم عشان أعاتبك. قوم عشان حياة حبيبتك. أنا عارفة إنك كنت جاي تشوفني. أنا استنيتك بس انت مطلعتش. وحشتني أوي. خدني ف حضنك أنا محتاجالك. جميلة وسيف وصلوا وراحوا عند أوضة فهد. جميلة: ولدي فين ولدي ياسالم. سالم بهدوء: اهدي ياجميلة فهد بقى زين وهيفوق كمان شوية.

سيف: هو فين يا عم سالم. سالم: في الأوضة جوه. جميلة بضيق: والبت دي معاه جوه. فيه إيه ياجميلة وليه بتجوليه على حياة أكده. سالم: حياة مش ليها ذنب في حاجة. جميلة: لا ليها. هيا السبب إن ابني طلع من بيته وبقى يدخله كيف الحرامية. سالم مسك ايدها: وجفي عندك مش هتدخلي جوه، اللي جوه دي مرته وهما حرين مع بعض. وحاسبي على صوتك، احنا في المستشفى. صوتك ميعلاش واصل. جميلة بدموع وطاعة: حاضر ياخوي. ..... جوه في الاوضة....

كانت ماسكة ايده وبتبص على ملامحه اللي وحشتها. حرك ايده بهدؤ واتكلم بتعب وهو مغمض عيونه: حي.... اة. حياة بسرعة وفرحة: فهد فهد انت صحيت بجد. بدأ يفتح عيونه بتعب: حياة انتي هنا. حياة بدموع: ايوا يافهد... الحمد لله على سلامتك. فهد بوجع: سامحيني ياحياة... انا اسف غلطت في حقك كتير. انا تعبان اوي ياحياة مش قادر اسامح نفسي على اللي عملته فيكي. حياة بجمود ووجع: مش تتكلم دلوقتي انت تعبان.

فهد شاور على قلبه: التعب اللي هنا اكبر بكتير ياحياة... انتي كسرتي قلبي لمية حتة لما قولتيلي بكرهك. حياة بوجع ودموع: فهد كفاية عشان متتعبش. فهد بحزن: انتي بتكرهيني بس انا بحبك ياحياة بحبك اوي ومقدرش اعيش من غيرك... محبتش في حياتي حد قدك... بحب تفاصيلك وضحكتك وعصبيتك وجنانك.... انا كنت هموت لما تعبتي كان نفسي ربنا ياخدني ولا اني اشوفك بالحالة دي بسببي.....

انا حقير اوي ياحياة حقير لدرجة ان اكتر انسانة حبيتها اذيتها وكنت هضيعها من ايدي... سامحيني ارجوكي. ..... برا قدام الأوضة..... جميلة بعياط: عشان خاطري ياسالم خليني ادخل اشوف ولدي. سالم صعبت عليه شكلها: ادخلي ياجميلة. ...... في الاوضة..... فهد بتعب: قوليها ياحياة قولي انك مسمحاني وبتحبيني زي منا بعشقك اوعدك هعوضك عن كل اللي عملته. جميلة دخلت بسرعة وبصت لحياة بضيق وتجاهلتها واتجهت لفهد...

حياة مش فهمت هيا ليه بتبصلها كده بس تجاهلت الموضوع. جميلة: فهد حمد الله علي سلامتك ياولدي خوفتني عليك ياضنايا. جميلة حضنته وعيطت. فهد: خلاص بجي ياست الكل اني زين اهو ومحصليش حاجة. سالم دخل والباقي وراه. سالم: حمد الله على سلامتك يافهد. فهد: الله يسلمك يابوي. سيف: انت بتدلع على فكرة حتة رصاصة في الكتف وعامل عليها الزيطة دي كلها. فهد: ايه اللي جاب الحيوان ده هنا.... مشوه. سيف: لا ياخوي اني جاعد على جلبك.

هشام: حمد الله على سلامتك ياابو نسب. حسام: حمد الله ع السلامة ياسطا ربنا يجعلها آخر الاحزان. فهد: محاط بشوية عرر مش بيحسوا والله. سيف: سيد متقولش كدا عيب احنا اهل. محمود: وه انتو مش هتبطلو كلام ولا ايه خلي الراجل يرتاح. بضحك: الحمد لله على سلامتك ياجلب عمك. فهد بضحك: حتى انت ياعمي... دا يارتني موتت احسن. جميلة: بعد الشر عليك ياضنايا ان شالله اللي يكرهوك. حياة: الف بعد الشر عليك.

سالم: خلاص بجي سيبوه يرتاح تلجاه لسه تعبان. فهد: لا اني بجيت زين... وعايز اطلع من اهنيه. سالم: تطلع كيف بوضعك ده. فهد: اني مش بحب جو المستشفىات وعايز اطلع. مش هستحمل اجهد هنا. حسام: الوقت اتأخر بكرة هعملك اذن خروج وتطلع. فهد: تمام... هشام خد حياة وامي والباجين ع البيت. حياة: لا طبعا مش هسيبك وحدك. فهد: اسمعي اللي بقولك عليه مش ينفع تجعدو اهنيه دي مستشفى مش لوقاندة.

حسام: اللي بيقوله فهد صح مش هينفع يبقى هنا غير شخص واحد بس مع المريض. فهد: سيف هيجعد معاي روحوا انتو. جميلة: بس ياولدي... فهد: مفيش بس ياما روحوا وسيف اهنيه معاي. سيف: ايوا اني هجعد معاه اهنيه روحوا انتو. سالم: اني كمان هجعد اهنيه معاك. فهد: يابوي روح انت عشان مش تتعب. سالم: اني جوان اللي عندي هجعد معاك هشام خد الباقي على البيت واني هنزل اجيب لفهد حاجة يأكلها. هشام: تمام. كلهم طلعو وحياة كانت طالعة. فهد: حياة.

حياة التفت وهو شاور ليها وقربت لعنده. بحركة سريعة شدها لحضنه كان بيشم عبيرها ومستمتع بحضنها اللي وحشه همس في ودانها: بحبك جوي. حياة طلعت من حضنه: خلي بالك من نفسك.... ومشيت. فهد لنفسه: هتحني عليا ميته يابت صالح الالفي. سيف: احم احم.... نحن هنا. فهد: عيل رزل انت واقف بتتفرج على ايه. سيف: على روميوا وجوليت اللي قاعدين بيحبوا في بعض قدامي... ايه ياسطا هو انا شفاف. فهد بسخرية: انت طول عمرك شفاف مش متشاف.

سيف: نينينينينيني.... مرتاح ياخويا بوظتلي الجوازة مراتك مرة وانت مرة. فهد: متجبش سيرتها ع لسانك. سيف: بتغيري يابطة. فهد: ااااه... سيف الحقني. سيف جري عليه وفهد مسك شعره: احمد ربنا اني متصاوب والا كنت هموت تحت ايدي. سيف: انت كداب على فكرة ضحكت عليا وكدا ميصحش. فهد بغرور: عادي ايه يعني. سيف: نينينينينيني. ضحكوا الاتنين وقعدوا يتكلموا ويهزروا لحد ماسالم جه وجاب الاكل لفهد وسهروا مع بعض التلاتة يتكلموا لحد الصبح. ......

الصبح...... الدكتور كتب لفهد على اذن خروج. طلع من المستشفى وركبوا العربية وراحوا القصر. وصلوا وسيف وسالم سندوا فهد ودخلوا القصر. جميلة والعيلة كلها كانوا مستنينهم ماعدا زهرة وحياة وحسام. كلهم سلموا على فهد وهو بيدور عليها بنظره ومستغرب ليه مش نزلت تقابله. سيف بهمس ووقاحة: متخافش تلقاها في الاوضة فوق بتحضر لاستقبال بطريقة جامدة... وغمز. فهد نغزه في كتفه. سيف بضحك: طب استأذن اني ياعمي. سالم: ماانت جاعد ياولدي.

سيف: لاه يادوب اروح عشان امي تلجاها جلجانة عليا. بضحك: حمد الله ع السلامة يافهد الصعيد شد حيلك. فهد: غور ياض. سيف بص لياسمين بابتسامة: عن اذنكو. محمود: اذنك معاك ياولدي. سالم: اطلع يافهد ارتاح في اوضتك. جميلة: تعالي ياولدي اسندك لحد ماتطلع. فهد: لا ياما اني هطلع لحالي. فهد طلع وراح على اوضته وكله لهفة وشوق انه يشوفها وياخذها في حضنه. فتح الباب كانت النظاره بتتحول في كل مكان بتدور عليها مش لقيها في الاوضة.

خبط على باب الحمام: حياة... انتي جوه... هفتح الباب. ملقاش رد فتح الباب ومش لقيها الخوف اتسلل لقلبه. نزل بسرعة وهو بينادي عليها في القصر. فهد: حياااة... حياة انتي فين. وصل للطابق اللي تحت جميلة طلعت من المطبخ على صوته. جميلة: فيه ايه ياولدي عتزعق ليه. فهد: فين حياة ياما دورت عليها في الاوضة كلتها ومش لقيها. جميلة اتوترت وخافت. فهد بحدة: فين حياة يامااا قولي. جميلة بتوتر: حياة عاودت مصر هيا وامها وود عمها ياولدي.

فهد بصدمة: ايييييييه.