رواية صعيدي ولكن عاشق الفصل الثالث عشر 13 - بقلم نرمين قدري

في دماغي خطة بس عاوزة تستوي شوية. أنا عاوزة بس رقم الواد الملزق اللي كانت مخطوباله. كان اسمه إيه عاد؟ اسمه إيه؟ آه فادي. صبرك عليا يا أمي. هاخد رقمه وهلعب بحور كيف عرايس. *** في صباح اليوم التالي، استيقظت حور وجاسر على صوت رنين هاتف جاسر. جاسر: إنت أهبل يا بني؟ أنا لسه عريس. شغل إيه اللي هنزله؟ وقفل بدل ما أجي أطين عيشتك. قفل جاسر التليفون. جاسر: صباح الخير على أجمل بنوتة في العالم. حور: صباح النور يا حبيبي.

جاسر: ها بقى ناوية تعملي إيه انهاردة؟ حور: أول حاجة لازم تنزل أطمن على جدتك وأقيس لها ضغط. جاسر وهو يحضنها: وبعدين باقي اليوم بتاعي أنا. إيه رأيك آخدك أفرجك على حصاني؟ حور: لا لا متقولش! إنت عندك حصان؟ الله! أنا بعشق الخيل والحيوانات كلها. جاسر: للدرجاتي؟ مجرد زيارة الإسطبل تفرحك قوي كده؟ حور: جاسر أنا أساساً مهووسة بالحيوانات. نص خناقي مع أمي القطط بتاعتي وعصافيري ورمبو. جاسر: ويطلع بقى مين سي رمبو ده؟ حور: إيه ده؟

إنت متعرفش مين رمبو؟ رمبو ده أجمل سلحفاة تشوفها. جاسر: سلحفاة يا حور؟ طيب وحياة والدك قومي خشي الحمام بدل ما أرجع في كلامي. قامت حور وقفت على السرير وإيدها في وسطها، وقالت: حور: ياسلام! مين اللي يرجع في كلامه ده؟ جاسر كان متنح لها وهو مبتسم. حور: إنت متنح كده ليه؟ هه؟ جاسر في إيه؟ فجأة شهقت وجرت على الحمام. ضحك جاسر وقال: جاسر: البت دي مجنونة. طفلة. أنا اتجوزت عيلة صغيرة.

دخلت حور الحمام بعد أن أدركت أنها لم ترتدي ملابس غير ملابس داخلية فقط. أخذت شاور وطلعت مكسوفة. جاسر: وبعدين بقى يا ست البنات؟ ما إحنا قانا إننا واحد، صح؟ حور بكسوف: صح. جاسر: طيب يلا بقى بلاش كسل، البسي عشان نلحق النهار من أوله. نزلت حور وجاسر ووجدا الجميع متجمع على الفطار. نظرت لهم داليا نظرة حقد وهما نازلين ماسكين إيدين بعض. جلس جاسر وبجانبه حور. جاسر: كيفك يا جدتي؟ عاملة إيه انهارده؟

الجدة: الحمد لله يا ولدي. صحتي كويسة. حور: إن شاء الله دايماً. إن شاء الله بعد الفطار عاوزة أقيسلك الضغط وأطمن على السكر. داليا بغل: وجاية على نفسك ليه دلوقتي؟ ما أخدتش بالك إن جاية هنا أساساً عشان جدتي؟ ولا خلاص أخدتي اللي كنتي عاوزاه؟ جاسر: دااااليا! أنا زهقت! هو كل يوم قصة؟ متعرفيش تعدي يوم من غير قرف؟ نظر لحور. جاسر: حور، أول ما تخلصي مع جدتي تعالي على المكتب عشان نخرج. ألقى نظرة غضب على داليا وهو خارج.

حور: يلا يا جدتي عشان أكشف عليكي وأديكي دوا. الجدة: حاضر يا بنتي. يلا بينا. ذهبت حور مع الجدة. الجدة: إيه يا حور؟ جاسر عامل معاكي إيه يا بنتي؟ حور: الحمد لله. كويسين مع بعض. الجدة بخبث: قولولي يا حور، هو جاسر تمم جوازكم؟ متزعليش مني يا بنتي أصل حكاية المنديل دي مدخلتش عليا. أنا شعري شاب يا حور وفاهمة كل حاجة بتحصل حواليا. وشخصية زيك عنيدة وجاسر كمان عنيد، استحالة تكونوا رضيتوا بالأمر الواقع من أول يوم. صح كلامي؟

حور ابتسمت للجده وقالت: انتي صحتك بقت تمام. والحمد لله. الضغط مظبوط والسكر كمان تمام. الجدة: بتغيري كلام يا حور؟ ماشي. بس عاوزاكي تعرفي إن معزتك عندي كبيرة قوي. لو احتاجتي أي حاجة تعالي على طول. حور: حاضر يا جدتي. أسيبك عشان جاسر مستني. حيفرجني على حصانه بتاعه. الجدة: رايحين الإسطبل؟ حتتبسطي هناك قوي. وبعد أن أفرغت حور من الجدة، ذهبت لجاسر. جاسر: إيه يا ست البنات؟ خلصتي؟ حور: آه يا حبيبي. خلاص. يلا بينا بقى.

جاسر بمكر: يلا فين؟ حور: يووه! إنت غيرت رأيك؟ جاسر: ليه؟ هو إحنا كنا متفقين نخرج؟ حور: جاسر! جاسر: يا قلب جاسر من جوه. تعالي في حضني. شدها إليه. جاسر: يعني هو أنا أقدر أنسى حاجة قلتها لقلبي؟ طبعاً لا. يلا بينا. بس لازم آخد بوسة الأول طبعاً. حور: هو مافيش حاجة ببلاش؟ جاسر: لا طبعاً. وحقي بحب آخده أول بأول. طبع قبلة على شفتيها. دخلت عليهم داليا دون استئذان. ابتعد جاسر عن حور ثم قال:

جاسر: هو ينفع حد يدخل كده من غير استئذان؟ داليا: وأنا كمان معرفش إنهم نقلو أوضة النوم في المكتب؟ جاسر: إنتي قليلة أدب وعاوزة تتربي. حور: خلاص يا جاسر، سيبها. خلينا نشوف ورانا إيه. داليا: لا واللهي فيكي الخير. المهم كنت عاوزة موبايلك شوية يا واد عمي. موبايلي فاصل والشحن بايظ. عاوزة أكلم ملك صاحبتي عشان عاوزاها تدلي معايا السوق. جاسر يزهق: خدي خلصينا وبطلي زن. وبعد ما تخلصي حطيه عندك في المكتب. أنا خارج مع حور.

داليا ضحكت بخبث. داليا: ربنا يخليك ليا يا واد عمي. خرج جاسر مع حور وذهبا الإسطبل. حور أول ما شافت الحصان سابت إيد جاسر وجرت عليهم كأنها لقت كنز. جاسر جرى مسك إيدها. جاسر: إيه في إيه؟ براحة شوية يا حور. حور: بصراحة مش قادرة. جمال خالص يا جاسر. إسمهم إيه؟ جاسر بدأ يعرفها على أسماء الحصنة كلها. وجه على مهرة صغيرة وقال: جاسر: ده بقى لسه مولودة. ملهاش اسم. بس أنا سميتها خلاص. اسمها حور. حور بفرحة: بجد؟ حتسميها حور؟

جاسر: وأنا عندي أعز من حور. جلست حور تلعب مع المهرة وجاسر يتابعها من بعيد وعلى وجه ابتسامة رضا. *** وفي القصر، داليا طلعت من موبايل جاسر رقم فادي وذهبت لغرفتها واتصلت به. داليا: السلام عليكم دكتور فادي. فادي: أيوا. مين معايا؟ داليا: أنا داليا. بت عم جاسر. فاكرني؟ فادي: أيوا افتكرتك. أهلاً وسهلاً. خير؟ في خدمة أقدر أقدمهالك؟ داليا: أيوا. أنا عاوزة أجيب لك عشان عاوزاك في موضوع مهم. فادي: تمام. بس حتشوفك فين؟

أنا مش حعرف أسافر الصعيد دلوقتي. داليا: ولا يهمك. أنا حدلي مصر وأجيب لك. فادي: ياااه! هو الموضوع مهم كده عشان تنزلي من الصعيد مخصوص؟ داليا: مهم جداً. فادي: طيب قولي بخصوص إيه؟ أنا كده قلقت. داليا: كل خير. بكرة إن شاء الله حكون عندك. أول ما أنزل محطة القطار أشوفك عشان نتكلم. وحركب القطر أرجع تاني. فادي: تمام. *** دخل جاسر وحور للجناح بتاعهم. حور: اااه. أما تعبت خالص انهارده وجعانة جدااااااا.

جاسر: وأنا كمان جعان جدااااااا. غمز لحور. حور: ههه. إنت مبتشبعش؟ جاسر: لا طبعاً. أشبع إيه؟ إنتي عاملة زي مايه البحر. كل ما أشرب أعطش. ضم حور وذهبا في عالم خاص بيهم. عندما يتكلم الحب تصمت قوانين الحياة. *** استيقظ جاسر صباح اليوم التاني وصحا حور. جاسر: حور. حور. يلا بقى كفايا كسل. حور بكسل: خلاص صحيت يا جاسر. جاسر: يلا بقى عشان أنا نازل الشغل انهارده. عندي شغل كتير متعطل. حور: جاسر كنت عاوزة أكلمك في موضوع.

جاسر وهو يحضن حور: خير يا ست البنات؟ حور: أنا عاوزة أشتغل. مش معقول أكون دكتورة وقاعدة في البيت. أما يزهق كتير. جاسر: ما إنتي بتتسلي مع مها؟ حور: مها مش بتيجي كتير وعندها كليتها يعني مش فاضية. هو في إيه يا جاسر لو اشتغلت؟ جاسر: مافيهاش حاجة. بس افرضي جبنا عيل؟ حور: ياااه يا جاسر. إحنا فين ولما نجيب بيبي فين؟ جاسر: لا أنا مليش دعوة. أنا بقولك من دلوقتي. أنا عاوز فريق كورة. أنا اتربيت وحيد فعاوز عزوة.

حور: ماشي يا جاسر. أشتغل لحد ما نجيب البيبي. جاسر: وكلام ست البنات أوامر. حنزل القرية أكلم مدير المستشفى هناك. وابدئي شغل يا قلب جاسر. حور باست جاسر وحضنته: ربنا يخليك ليا يا أجمل جاسر في الدنيا. جاسر: يلا بقى عشان اتأخرت. وعاوز أقولك أنا شغلي دايمًا بيخليني أنزل مصر كتير. أنا راجل أعمال وشغلي بين مصر والصعيد وساعات بقعد في مصر أسبوع. إنتي كده بشغلك مش حتعرفي تسافري معايا.

حور: أنا عارفة طبيعة شغلك يا جاسر. وأنا كمان بحب شغلي قوي. *** ومحطة القطار تقابلت داليا بفادي. فادي: خير يا آنسة داليا. إيه الموضوع المهم بقى اللي يخليكي تنزلي من الصعيد مخصوص؟ داليا: متهيقلي إنت عارف الموضوع. وعشان كده إنت جيت. فادي: إنتي قصدك حور صح؟ داليا: صوح. أنا عاوزاها تخرج من القصر خالص عشان أنا المفروض اللي كنت في مكانها مش هي. جت زي الجضة المستعجلة. أخدت كل حاجة.

فادي: وأنا كمان عاوز حور. أنا لما بعتها الصعيد قلت أبعدها فترة لحد ما آخد البعثة من مدير المستشفى والترقية. وبعدين كنت حاسيبله بنته وأرجع لحور. لكن المش متوقع إن حور تتجوز جاسر بعد اللي قلته لجاسر عن حور. داليا: حور دي واعرة خالص وتقدر تلف أي راجل. ده جاسر بجلالة قدره ما أخدش في إيدها غلوة. فاجرة. فادي: طيب إنتي دماغك فيها إيه؟ داليا: مش عارفة لسة. أنا جلت أقابلك وأشوفك معايا ولا لأ. وبعدين نتفق حنعمل إيه.

فادي: خلاص سافري إنتي عشان محدش ياخد باله. وعاوزك تبلغيني أخبارها أول بأول. وبعدين نشوف حنعمل إيه. داليا: تمام أكده. سلام بجي. *** في القصر، تجلس مها وحور. مها: إزيك يا خوي؟ اتوحشتك. حور: وإنتي كمان. يومين ما شفتكيش. مها: معلش يا بجي يا حور. عمار كان مسافر وكنا لازم نيجي معاه. وكان عندي محاضرات مهمة. حور: سافر خلاص بسلامة. وناوية إيه؟ مها: مخبراش. لسة مستنية جاسر. جال إنه حيتحدت معايا انهاردة. هو صحيح العجربة فين؟

مبيناش من الصبح. حور: معرفش. أحسن خلينا نرتاح منها شوية. مها: ربنا يستر. شكلها بتخطط لمصيبة. حور: سيبك منها. مقلتلكيش على آخر الأخبار؟ مش أنا حنزل شغل بكرة. مها: بجد؟ ألف مبروووك! أكيد في مستشفى القرية صح؟ حور: لا. عند السباك اللي جمب المستشفى. دخل جاسر عليهم. جاسر: أهلاً بالمفعوصة. إنتي هنا من امتى؟ مها: من شوية. جاسر: طيب كويس عشان عاوز أتكلم معاكي. حور: أسبكم تتكلموا براحتكم. مسك جاسر إيد حور.

جاسر: اقعدي يا ست البنات. مافيش حاجة تتخبي عليكي. ابتسمت حور وقعدت. جاسر: احكيلي بقى يا مها حكايتك إيه؟ براحة ومن غير ما تخبي عني أي حاجة. مها بارتباك: أصل... أنا اتعرفت على عمار من فترة. وبصراحة... أنا... جاسر قاطعها: حبيته صح؟ احمر وجه مها وهزت رأسها.

مها: آه يا جاسر. حبيته. أنا عارفة إن الكلام ده مينفعش يتقال وخصوصًا في مجتمعاتنا اللي مش معترف بحاجة خالص. بس أنا حبيته يا جاسر. وعمار حد مليح. ما شفتش منه أي حاجة وحشة. جاسر: من غير ما تقولي. أنا سألت عنه وعارف عنه كل حاجة. عمار مهندس وبيجي هنا عشان أخته. وليه مستقبل كويس. والعقد اللي جاله في الغردقة ده من أكبر شركات الهندسة والمعمار. وليها مستقبل ممتاز. بس المشكلة دلوقتي في جدتك. أنا عارف دماغها كويس.

مها: ماما بردو جالت كده. بس أنا مش حوقف حياتي على حد. ده مستقبلي وحياتي وأنا اللي حعيشها مش حد تاني. أنا حعمل اللي عليا وأخلص سنة الكلية وحأقولها. ردت كان بيها مرضت. محدش يزعل مني يا واد خالتي. جاسر: متجلجيش يا مها. أنا معاكي في أي خطوة حتاخديها. مها: ربنا يخليك ليا يا جاسر. حور كانت تنظر لجاسر نظرات إعجاب وحب. رفع جاسر عينه عليها. جاسر: مالك يا ست البنات؟ بص عليّ كده ليه؟ حور: إنت حد حلو قوي يا جاسر. أنا بحبك قوي.

جاسر: عيون جاسر وقلب جاسر وعشق جاسر. مها: احم احم. نحن هنا. جاسر: بت إنتي إيه اللي مقعدك لحد دلوقتي؟ مش قلتي اللي عاوزة؟ يلا غوري على بيتكم بدل ما أغير رأيي. مها: وعلي إيه؟ أنا حروح أطيب أحسن. يا داخل بين البصلة وقشرتها ماينوبك إلا... لسه حتكمل جرى جاسر وراها وهي جرت للخارج. جاسر: ماشي يا كلبة. مش سايبك. ثم شارو لحور. جاسر: وإنتي تعالي هنا. حور: نعم يا جاسر؟ جاسر: تعالي هنا.

شاور على حضنه. جرت حور مسرعة في حضنه. نسي العالم كله في حضنه ده. وكانت عينان حقودتان ترتقبان عن قرب. *** مضى أسبوع ونزلت حور الشغل وكانت مبسوطة جداً لأن بتحب شغلها. وبعد يومين اتصل فادي بداليا. فادي: أنا عرفت حنعمل إيه. داليا: ها؟ جول بسرعة. حنعمل إيه؟ فادي: المهم أنا عاوز أقابلك ضروري ولازم تسمعي كل اللي حقولك عليه. مش عاوز غلط. داليا: ماشي. اتفجنا. حتنزل بكره مصر.