رواية صعيدي ولكن عاشق الفصل العشرون 20 - بقلم نرمين قدري

وبعد مرور ثلاث سنوات من حنين وشوق واشتياق وفراق. تجري حور ورا الشياطين الصغيرين. حور: أنا مش هسيبكم ماشي. أسيل بدلع: خلاص بقى يا مامي هههه مش هعمل كده تاني بجد. أسر: أحسن تستاهلي عشان أنتِ اللي خليتي مامي تزعل مننا. أسيل: أسر أنت نوتي وأنا مخاصماك خالص وهروح ألعب مع القطة بتاعتي ومش هلعب معاك خالص. أسر: أحسن برضه أنا كمان هلعب مع ببسي (كلب بتاعي) في الجنينة عشان ماما محرجة إنه يدخل جوه فيلا. استوووووب.

حور مليت فيلاتها بالحيوانات وحببت أولادها فيهم. عندها قطتين وكلب لولو صغير غير عندها ركنة في الجنينة كلها عصافير كناري كتير. بااااك. حور: باااس أنتم الاتنين متعاقبين تعالوا هنا. مشي أسر وأسيل عند حور وماكثين رأسهم في الأرض. حور بغضب: أنا زعلانة منكم أنتم الاتنين وعقابي إني هخاصمكم لحد ما أرجع من شغل ومش هاجيب شوكولاتة معايا ويلا كل واحد على أوضته. أسيل: أنتِ محرومة من اللعب مع چيسي وڤاكي.

أسر: وأنت محروم من اللعب مع ببسي. يلا امشوا. جاءت ناني. (الناني يعني الدادة أو جليسة الأطفال) وبدأت تستلم من حور. وحور ذهبت إلى شغلها في مستشفى. وعلى العصر دخلت مها المكتب عند حور. مها: كيفك يا عسل. حور: هو أنتِ يابنتي مش كنتي بطلتي لغة الصعيدة دي. مها: وه عاد هو في حد بينسي أصله. المهم أنا خلصت شغلي فوق مش هتروحي. حور: حضرتك شغلك إداري يعني بين الورق لكن أنا شغلي مع بني آدمين مينفعش أمشي لسه ورايا شغل لحد المغرب.

مها: لا انتي ربنا معاكي أنا ماشية زمان دهب مطلعة عين المربية بتاعتنا. صحيح ياحور سمعتي أن مدير المستشفى عاوز يمشي. حور: لأ يمشي يروح فين أنا مصدقت أنه راجل كويس واتقبل وضعي وعارف ظروفي ومش بيديني شيفت بليل. لسة هشرح من أول وجديد للمدير الجديد إيه بقى أنا زهقت. معرفتش يا مها هو عاوز يمشي ليه.

مها: اللي سمعته من موظفين فوق في الإدارة أنه كان ماسك شغل مؤقت بالنيابة عن المالك الأساسي بس الظروف مسمحتش أنه يمشي لأن المالك الأساسي كان برا البلد وتقريبا رجع. بس سمعت أبيه بلاوي. حور: خير يا أم الأخبار الجميلة اتحفيني. مها: سمعت أنه حازم قوي والمواعيد دي عنده شيء مقدس. وأنه مش بيتهاون عن الغلط ولا ليسمح بيه. بيني وبينك الكل فوق خايف جداً وعاملين له ألف حساب.

وسايبين رؤساء الأقسام بينظموا الأوراق ويراجعوها ليكون في غلطة. وسمعت أنهم هيعملوا لكم اجتماع أقصد كل رؤساء قسم في مستشفى عشان يقولوا لكم على الوضع. وطبعاً بما إنك رئيسة قسم المخ والأعصاب فحضرتك هتحضري الاجتماع. حور: مها اااااااااااا باااااااس افصلي وامشي روحي لبتك بدل ما أرتكب جريمة وذنب بتك يبقى في رقبتي. مها بضحك: وعلي إيه الطيب أحسن أنا رايحة ياختي بنتي وجوزي عاوزني. ذهبت مها وسابت حور في شغلها.

حور بتكلم نفسها: ياربي أنا هعمل إيه دلوقتي افرض طلع زي مها ما بتقول أنا هفهمه ظروفي إزاي. ويوم الأحد الناني إجازة والعيال بيجوا معايا الشغل ياربييي مش عارف أنا هحلها إزااااي. انشغلت حور باقي النهار في شغل وجاء موعد الذهاب للبيت.

دخلت حور فيلا لقت الصمت تام قلقت على الأولاد مش معقول يكونوا ناموا لسه بدري جرت على أوضتهم لكن قبل أن تصعد السلم فتح النور ومفاجأة لقت الطفلين رسمين صورة صغيرة ليهم وجايبين شوكولاتة بتاعتهم عشان يصالحوا حور. أسيل: تقدم لها شوكولاتة أنا آسفة يا مامي مش هعمل كده تاني وبستها. أسر: أنا آسف يا مامي إحنا غلطنا الصبح مش هنعمل كده تاني. حضنتهم حور والدموع في عينها. أنا اللي آسفة إنني اتنرفزت عليكم لكن أنتم حتة من قلبي.

نرجع بقى نشوف بنت المركوب أخبارها إيه بعد 3 سنين خدمة في بيت جوزها. داليا واقفة في مطبخ وبطنها قدامها حامل للمرة الرابعة كل مرة الحمل ينزل بسبب ضريرها. المرة دي الحمل سابت. وهي واقفة في المطبخ سمعت صوت برا طلعت تشوف فيه إيه لقت ضريرها ثلاثة بيتخانقوا مع بعض بصوت عالي ثم بدأ تشابك بالأيدي دخلت داليا في النص تحوش بينهم قاموا زقوها وقعت من على السلم.

جروا عليها بشبه ابتسامة لأن الخناقة كانت مقصودة طبعاً. في إيه مالك مالك وسابوها تنزف وبعد مدة طويلة طلبوا الإسعاف. الإسعاف جات وأخدتها المستشفى دخلت حجرة العمليات فقد فقدت جنينها للمرة الرابعة على التوالي شيء محزن جداً وانتقام القدر صعب جداً ولكن الجزاء من جنس العمل. بعد أن فاقت فلم يأتي أحد معها المستشفى تركوها زي كل مرة بمفردها. ولكن المرة دي مختلفة تماماً.

دخل الدكتور حمد الله على سلامتك يا مدام داليا الحمد لله عديتي مرحلة الخطر بس عاوز أبلغك حاجة مهمة بس عاوزك تكوني جامدة وتستحملي الخبر. انتي عارفة أن إحنا مش بإيدينا حاجة كله مقدر ومكتوب وده أمر ربنا. داليا: خبر إيه عاد قصر في إيه أنا تعبانة جوي ومش حامل مقدمات. دكتور: بصراحة انتي كنتي جاية لنا بتنزفي تأخروا على ما جابوكي هنا كنتي خسرتي دم كتير. ومكناش عارفين نسيطر على النزيف فا مكنش قدامنا حل غير إننا نشيل الرحم.

نزلت الكلمات كالصاعقة على داليا آخرستها. أي شخص يقدر يتحمل هذه الجملة. أي ذنب اقترفته هذه داليا لكي تحرم من أجمل إحساس. نعم هي ارتكبت ذنوب كثيرة. ولكن يا قسوة عقاب القدر. نطقت داليا بجملة واحدة: ودوني السفارة المصرية. أنا عاوزة أروح سفارة بلدي. وفعلاً الدكتور ودها السفارة وطلبت الطلاق وترحلت لبلدها بعد معاناة كبيرة. ,,, وفي الصعيد الكل فرحان برجوع كبير النجع الاحتفالات مقامة. فهو راجع بعد غياب دام ثلاث أعوام.

دخل جاسر القصر وكأنه سايبه امبارح مافيش حاجة اتغيرت. كله على حاله. سلم على عمته وخالته التي انتقلت للإقامة في القصر. وعلى أولاد عمة وسأل على مها. وحضن هنية لأنه بيعتبرها في مقام أمه. ثم صعد الجناح حيث الحنين للماضي. فتح الدولاب مازالت ملابس حور فيه ولم تمسسها يد منذو رحيلها. وكأن أشباح الماضي أبت تركه. نام جاسر لبضع ساعات ولكن استيقظ على خبط عالي على الباب.

جاسر: أنا قلت أخلع أم الباب ده هو أنا أسافر وأغيب ولسه برضه الباب زي ماهو. دخل عم جاسر وعلى وجهه هلع. قوم فز بسرعة يا جاسر اتصلوا بيا من السفارة وعاوزين أروح أستلم داليا. وأنا يابني مش خابر أعمل إيه. جاسر ببرود لأن هي من دمرت حياته: حاضر يا عمي هلبس وأروح معاك. عمه: كتر خيرك يا ولدي هو العشم يابني ولد جدعان صح. ذهبا جاسر وعمه للسفارة لاستلام داليا. صعقوا من منظرها فكانت شبح بني آدم.

جاسر حضنها: داليا في إيه مالك ومين عمل فيكي كده. نظرة داليا نظرة طويلة لأبيها نظرة لوم وعتاب وقهر. ونطقت أنا عاوزة أنام أنام وأغمي عليها بين يدي جاسر. شالها جاسر وذهب للمستشفى. خرج الدكتور: هي لسه قايمة من عملية إجهاض وشيل رحم. عملية كبيرة وواضح أنها خسرت دم كتير علشان كده هي ضعيفة جداً والأنيميا عالية قوي وغير أن جسمها مليان كدمات وحرق واضح أنها كانت بتتعرض لتعذيب يومي وعندها انهيار عصبي حاد.

ادعولها ربنا يقومها بسلامة لا واضح أن جسمها رافض أي علاج مستسلمة للموت. أخذ عمه يخبط على رأسه: أنا السبب أنا السبب طمعي أعمى وبعتها أنا بعتها يا جاسر أنا بعت بنتي بشوية فلوس. جاسر مسك عمه من إيده: أنا مش فاهم حاجة أنا آخر حاجة فاكرها العريس اللي اتقدم كان شاب حلو أنا شفته بس سافرت ومعرفتش إيه اللي حصل. عمه: ماهو مكنش ده العريس أبوه كان العريس مش هوا.

احمرت عين جاسر من غضب: كيييف إيه بتقول إيه ده إيه بتقول إن ده يبقى ابن العريس وه وه وه. أمّال العريس هيداه كام سنة انت اتجننت ياعمي. ترمي بنتك الرمية دي ليه ناقصك إيه معاك فلوس لو ولعت فيها نار مش هتخلصها. عمه: الطمع يابني الطمع أعمى وهو كان عارض مبلغ كبير. جاسر: طيب مش شكيت ولو لحظة هو عاوزها هناك في إيه مش يمكن يشغلها في البطالة. مفكرتش.

أكيد طبعاً واحد في سنه هيكون متجوز بدل الواحدة اتنين وتلاتة. وواخد بنت عيلة الأنصاري. اللي اشترى واشترى أهله. خدامة عندهم تخدمهم. صحيح أنا مضايق من داليا وعلى اللي عملته فيا بس مش لدرجة إني أرمي لحمي الغريب ينهش فيه. لكن انت يا عمي بعت لحمك بالرخيص. واللي باع لحمه ميستناش من الغريب إنه يشتري. الدكتور قال إن داليا حتى بعد ما تخف لازم هتفضل في مصحة نفسية مدة طويلة. ربنا يسامحك يا عمي ربنا يسامحك.

بنتك عندك أهي انت حر فيها. أنا ماشي عشان مسافر بكرة الغردقة عندي شغل هناك. في الغردقة. مها: صباح الخير يا قمر. صحبتي. حور: الو يا مها بتتكلمي بدري كده ليه. مها: اصحي فوقي ما انتي عارفة أن المدير الجديد جاي يستلم الشغل النهاردة. مينفعش ياخد فكرة عننا إننا بنروح متأخر. حور: حاضر بس معرفش الناني اتاخرت ليه حبك تتأخر النهاردة. أنا هقوم ألبس لحد ما تيجي.

دخل جاسر مبنى المستشفى العملاق فهو من أهم مؤسسي المبنى هو يمتلك أكتر من نصف الأسهم وله أحقية الإدارة. دخل على الإدارة وطلب اجتماع عاجل لكل مديري الأقسام. حور: كده برضه يا ليلي اتأخرتي قوي النهاردة. معلش يا هانم بس غصب عني. أنا اتاخرت قوي، عندي اجتماع مهم، يارب ما يكونوا بدأوا. في الاجتماع، أظن الكل موجود، نبدأ الاجتماع. بس لسة رئيسة قسم المخ والأعصاب مجتش. يعني رئيسة قسم مهم كده وتتأخر؟ إيه الإهمال ده؟

أنا مش هاسمحل بالتجاوز ده، لازم تتعاقب. الدكتورة دي تاخد جزاء ويتخصم أسبوع من مرتبها. لما تبقي عارفة إني في اجتماع مهم تتأخر أكتر من نص ساعة؟ يبقى هي مش قد المسؤولية. والله يافندم دي من أكفأ الدكاترة، بس هي عندها ظروف وإحنا كلنا عارفينها. عندها ظروف تقعد في بيتها متقرفناش. وفجأة الباب خبط ودخلت حور.