رواية فصلية الشيخ حسن الفصل الثامن عشر 18 - بقلم 👑princess👑

فصلية الشيخ حسن

نور : صفنت شوية شنو شنو لا لا مستحيل اني شلون مانتبهت رحت ركض نزلت جوة صحت بابا كال

ابو نور : ها بعد ابوج

نور: بصفتي شنو اروح و ياهم كلت انتة

ابو نور : يزوجج واحد من الولد

نور : ياولد

ابو نور: لو حسين لو الشيخ حسن

نور : صحت لااا ماريد ازوج واحد حباب بابا

ابو نور : يابعد ابوج مو بيدي وبعدين شلون تعيشين وياهم ميصير لازم واحد يعقد عليج

نور: لا بابا حباب ماريد واحد يعقد علية 😢 و بجت

ابو نور : حضنهة وضل يمسح على راسهة

نور : سكتت بس ضلت الخوفة مال واحد يعقد علية واني خايفة اخاف العكرة يعقد علية لا لا بس افمر هيج اتخبل شلو لو صدك عززة

وخرت من يم بابا ويا ماجاي اصعد يمعت الشيخ حسن يصيح يكول

الشيخ حسن : ابو نور بلكي تكل لنور تستعجل ورانة طريق

ابو نور : دلل شيخ

بابا نور  ستعجلي وراكم طريق

نور : كلت بكلبي عابت يالعكرة على شنو مستعجل

اي بابا راح اخلص هسة
كملت لم اغراضي وملابسي نزلتهن جوة و بعدني  مامبدلة اجة العكرة اخذ الجنط وكال

الشيخ حسن : لبسي شي مستور وحجاب واني اعلمج على لبسج الي اجيتي بي مساعة ( حجة هيج بخزرة )

نور: بسم الله بدينة بعدني مارايحة يمكم

الشيخ حسن : السانج لاطيح حظج

نور: عابت اي واللة بكلبي اكيد
رحت بدلت لبست

ونزلت باوع علية وعكد حاجبة هاي شبي شلبس بعد كونية

رحت ودعت بابا و ماما بس اخوية احمد جان ماكو عندة خفارة بالمركز صعدت واني كل ماتنزل دمعة امسحهة تكول اول مرة اروح
حركت السيارة واني طول الطريق اباوع على شوارع بغداد واكول خلي احفظهن خاف بعد ماجي فتحت الشباك وضليت اشتم الهوة وكالو هوى بغداد يرد الروح كطع تفكيري وصفنتي العكرة وكال

الشيخ حسن : سدي الشباك 

ابو حسن : خليهة فاتحة الشباك
ضلي بعد ابوج فاتحتة

نور : حيل بيك  تستاهل وعنادن بي عفت الشباك مفتوح هو ضل مخنزر و لا اهتميت الة
بنص الطريق نعست سديت الشباك وخليت راسي علية ونمت ..

الشيخ حسن : نص الطريق و نامت ضليت اباوع عليهةواكول هم يجي يوم وتحبيني لان ادري بيهة ماطيق اشوف وجهي بس شسوي لكلبي الحبهة
و كفت يم محل جبت مي وحلويات الهة خاف تكعج وجبت جكاير هم رجعت للسيارة لكيتهة كاعدة صعدت طيتهة الحلويات و مي كالت شكرا  كتلة ولو وحركت السيارة ضليت امشي وهية تاكل جبس شكد طفلة احنا طلعنة من بيت ابو نور الساعة تقريبا 3:00 الظهر طريق بين بغداد و العمارة 5 ساعات وصلنة تقريبا الساعة 8:00  طببت السيارة بالكراج ونزلت نور واروية طبو و اني نزلت الجنط و طبيت وراهم لكيت امي شابكة نور وتبجي ونور هم تبجي
ضلبنة شوية كاعدين جان يجيبون العشاء وكلت شوية وكمت رحت للغرفة مالتي سبحت ونمت لان تعبت من الطريق .. ...

نور: وصلت اول ماطبيت البيت رائسن تذكرت سجاد نزلت دمعتي لا ارادين شفت عمتي هية هم خطية شبكتتي وضلينة نبجي اني وياهة شوية وكالت سكتي بعد امج موزين البجي
صبو العشاء وكلنة وخلصنة ترخصت منهم ورحت للغرفة مالتي اني وسجاد طبيت وسديت الباب رحت  على الجرباية ونمت  وضليت ابجي  وابجي و  مادريت بروحي بعد ونمت 

الشيخ حسن : كعدت الصبح صليت وبدلت نزلت جوة لكيت امي مسوية الريوك شوية ونزلت نور كلت بعد كل يوميا اصبح بهل وجه وبتسمت ☺ هية باوعت علية ودنكت راسهة اجتي كالت

نور : صباح الخير

الكل : صباح النور

نور:  كعدت بصف عمتي ام سجاد و اكلت شوية جان عمي كال

ابو حسن : بعد ابوج حضري روحج العصر يعقد عليج  

نور : كال هيج اني رائسن غصيت ضليت اكح وعمتي تضرب على ظهري وتكلي صملة صملة وتكلي شبيج
كلتلهة شركت شوية شربت مي وترخصت وكمت صعدت بالغرفة مالتي ضليت ادعي واكول ربي مو العكرة شتريد اسوي بس العكرة ماريد اتزوجة

ضليت شوية وعزلت الغرفة ونزلت بالمطبخ لكيت مرت حسين و مريم مرت العكرة  بس شو ذني ثنينهن مخنزرات علية ياا هاي شبيهن رحت يم عمتي  كلتلهة عمة كالت

ام الشيخ حسن: كولي يمة بعد مو عمة ماشي .
شتريدين

نور: ماشي بس هذان شبيهن مخنزرات علية تكول كاتلة امهن وابوهن

ام الشيخ حسن : كل وحدة حسبالهة رجلهة راح يزوجج

نور: صدك عمة يوو اقصد يمة منو الي راح يزوجني

ام الشيخ حسن : مادري

نور: شلون ماتدرين حبابة كولي

ام الشيخ حسن : بوية شكد تلحين كتلج مادري محد بالبيت يدري بس عمج و الشيخ حسن وحسين  وهسة كومي ساعديهن لا يجن يكتلنج

نور : هو نهايتي تاليتهة على يد وحدة منهن 

ام الشيخ حسن : ههههه كومي ولج لايجن يكتلنج ام السان

نور: كمت رحت للمطبخ مريم جانت تطبخ و موت حسين كاعدة تنظف الخضرة رحت كلت بشنو اساعدجن كالت مريم تعالي ثرمي زلاطة كلتلهة ماشي رحت حضرت الي احتاجهن للزلاطة وكعدت على الميز وبديت اثرم خلصت مريم الطبخ وبدت اصب هية ومرت حسين واني هم خلصت خليتهة بطاسات صغار ورحت يم عمتي

نور: يمة منو بالديوان

ام الشيخ حسن : محد بس عمج و الشيخ حسن ةدو حسين

نور : هاا رحت للهول لكيت مخليات السفرة وينكلن بالاكل كمت انكل وياهن جان كالن روحي صيحي عمي و الشيخ حسن وحسين كلتلهن ماشي رحت دكيت باب الديوان طلع حسين كتلة خوية تعالو تغدو كال بعد اخوج هسة اجينة رحت وجوي وراية كعدو رحت جبت مي واجيت لكبت كل وحدة كاعد لزك يم رجلهة ضحكت بداخلي هههه 😀 ياخفن
صرتي تخوفين والله نور رحت كعدت يم عمتي اكلنة شوية كمنة ننكل خلصت رحت اني اعزل المطبخ  ومرت حسين تغسل ماعين و مريم سوي جاي خلصت غسل اماعين رحت يم عمتي كعدت وهمة كاعدين كال عمي

ابو الشيخ حسن : بوية نور  العصر الساعة 4:30 يجي الشيخ حضري روحج

نور : بالكوة طلعت مني كلمة اي عمو
دنيت يم عمتي كلتلهة بصوت ناصي  يمة ماناوية تكليلي منو راح يعقد علية حبابة تكليلي وريحي كلبي

ام الشيخ حسن : لا ماكول وريحي كلبج بعد امج

نور : وداعتج مايرتاح كلبي الا اعرف منو الي راح يعقد

ام الشيخ حسن : سكتي باعي كلهة تباوع علينة واحنا شكلنة  تكول جاي نخطط نكتل واحد

نور:  هههههههه بصوت كلهة سمعتهة
باوعت كلهة تباوع علية جان يكول العكرة شكد اكرهة ياربي

الشيخ حسن : شنو السالفة الي تخليجن نحجن بصوت ناصي ها

نور : سر بيني وبين امي
مو يمة

ام الشيخ حسن : اي بعد امج سر بيني وبينج شعليكم انتو

الشيخ حسن : اي سر ( بشك مع النظرة الي كلهة سويهة من يشكون بثنين 😒😒 )

نور : كلهة راحت لغرفهم اني ضلبت يم عمتي كالت

ام الشيخ حسن : بعد امج راح شتلبسين

نور: مالبس شي اجي بدشداشة مالتي

ام الشيخ حسن : اي علمود العب العوجية على ظهرج

نور : يعني شلبس مثلن بدلة

ام الشيخ حسن : اي يمة لبسي فستان حلو ونزلي قابل كم مرة راح تزوجين بعد

نور : ماشي هسة اروح اشوفلي فستان
رخت ادور بملابسي لكيت فستان هيج يصير شكلة

  اخذتة ورحت لعمتي وكلتلهة ها هذا حلو كالت اي هذا حلو بس من ادخلين لبسي حرم الصلاة لان شوية دلعة من يم الصدر و اردانة خفيف كلتلهة ماشي
رحت بدلت وحطيت مكياج شوية ضليت اشوية منا لمن صارت الساعة 4:30 عمتي صاحتني كالت تعالي اجة الشيخ اني الرجفة مشت بجسمي والخوف على توتر و مغص بطني هاي شبية صار بية تكول ماخذيني للعدام اهءت حرم الصلاة ونزلت لكيت عمتي ومربم ومرت حسين كاعدات مخنزرات علية
رحت كعدت وراة الباب مال استقبال و .........

🚧🚧🚧🚧🚧🚧🚧🚧🚧🚧🚧

هلو حبايبي شلونكم ❤😙

اسفة تاخرت بس والله اليوم يالة شدو نت

باي ياروحي 👋😍😙