رواية فصلية الشيخ حسن الفصل التاسع عشر 19 - بقلم 👑princess👑

لاتياس.....
ربما أجمل ايام حياتك لم تاتي بعد !!....
________________________________

فصلية الشيخ حسن

نور : كعدت وراة الباب مال الاستقبال بس خايفة وكلبي يدك على السريع ويا ما حجة الشيخ دايريد يكول اسم الزوج حجن مريم ومرت حسين سوية و ماسمعت الشيخ شكال

فد نقهرت😔 و ضجت ضلت حسرة بكلبي يعني ما يصير كاعدة ازوج و ماعرف زوجي منو هفف

كلت نعم وانتة و كيلي و عمتي صلت على النبي و باركتلي جان
فجاء طبن كرايبهم و ضلن ناس تباركلي و ناس ذب بسامير يكولن
اخذتي الاول و موتي و هسة اخذتي الثاني عود هم موتي
ضجت حيل شايفاتني ذني يعني سجاد الله يرحمة مات لان جان مريض و قضاء و قدر اني شعلية  عابت 😞😕شوية و صبن عشاء تعشو وعمتي كالت

ام الشيخ حسن : يلة يمة تعالي صعدي علمود يزفون رجلج

نور : يمة ماناوية تكليلي اسم زوجي 😓

ام الشيخ حسن : شنو ضحكين 😒علية مو كلج الشيخ اسمة

نور: والله ماسمعت من ورة  مريم ومرت حسين حجن و ماسمعت اسمة حبابة كولي

ام الشيخ حسن : اي بعد احسن ماسمعتي اسمة خلي مفاجئة واصلا راح طيرين من الفرح انو انتي صرتي مرتة

نور: من حجي عمتي شوية كلبي طمان 😥😩انو مو العكرة لان كالت من تعرفين راح طيرين من الفرح
اي مو العكرة ضليت اقنع نفسي انو الي زوجتة مو العكرة

صعدت فوك للغرفة مو غرفتي الي جنت بيهة اني و سجاد لا  غرفة جانت حاطيهة للخطار بس هاي شوكت مغيرين اثاثهة و صابغيهة  باوعت حلو منو هيج ضوقة حلو اكيد مو العكرة هيج ضوقة

سمعت خطوات على الدرج كلبي كام يدك على السريع اليدة مال الباب تحركت واني
مراقبة اريد اشوف منو زوجي نفتح الباب و نصدمت 😲و نصدمت 😱اكثر من كال مبروك صفنت شوية

نوب لا ارديا صيحت و حطيت ايدي على اذني وغمضت عيوني  عاااااااااااااااااااااأاااااااااااااااااا و دموعي كامت تجري 😭😢مادري  ليش

ماحسيت الا من واحد كامشني من جتفي وهزني حيل بحيث راسن فتحت عيوني بس مابطلت بجي شفت العكرة حجيت من بين دموعي وشهكاتي 😢

اان تت ةة   ال ييي  زو  ججتني 

الشيخ حسن : عقدت عليهة والفرحة ما واسعتني لان اخذت بت كلبي و روحي و صارت حلالي شريد بعد

خلصنة عشاء و طشت الناس امي كالت روح اصعد مريتك فوك بس كالت مريتك هذي الكلمة كافية تغير وجهي و ترسم ابتسامة على شفايفي☺

  صعدت و اني كلبي يدك على السريع دكول اول مرة اشوفهة فتحت الباب مال الغرفة و شفت رويحتي بس و الله حلو طالعة  كلبي زادات دكاتة😍

بس تفاجئت من صيحت 😮رحت ركض بعد ما سديت الباب و كمشتهة و هزيتهة كالت انتة الي زوجتني

الشيخ حسن : لا ابوي و بعدين منو يجراء ياخذج غيري 😏

نور : سمعت شكال رائسن حطيت ايدي على وجهي و ضليت ابجي و اناشغ😢😭 هو ضل مصدوم

الشيخ حسن : اباوع عليهة و مصدوم هاي هيج تكرهني و مطيقني بداخلي كلت 😡😠اني الج نور اني المشلوع كلبي عليج و اريدج بس الية  و انتي اتكرهيني هيج  كلتلهة

الشيخ حسن : بسس ( بصوت عالي ) ماريد اسمع صوت اششش افتهمتي ( هو وصاك على سنونة😠 )

نور: ضليت ابجي بس بالكوة ضامة صوت شهكاتي😢 كال بصوت امبين مال واحد عصبي

الشيخ حسن : باعيلي الناس الجوة كلهة منتظرة النيشان مالتج اني ماراح اتقربلج بس راح اخابر امي اخليهة تجي  تكليلهة اجتج العادة افتهمتي

نور: هو يحجي و اني مدنكة بس من كال العادة نصدمت😮 ورفعت راسي بسرعة نوب نزلتة  هم بسرعة بس فد خجلت😶😓 شلون يحجي هيج

كتلة بصوت يرجف و ناصي اي فتهمت رغم جنت ابجي لان ازوجني العكرة بس فرحت لان ماراح يتقربلي خابر عمتي شوية و اجتي فتح الباب الهة

ام الشيخ حسن :كالت ها يمة ليش خبرتني  خوفتني

الشيخ حسن : يمة ماكدر اتقربلهة هسة

ام الشيخ حسن : يا يمة ليش ماتكدر هسة

الشيخ حسن :  هية تكلج ( وباوع عليهة وخزرهة عو احجي 😠)

نور : باوعت علي خزرني كلتلهة يمة تعالي تقربي علية اجتي يمي حجيت بصوت ناصي كلتلهة اجتني العادة

ام الشيخ حسن : ياا شلون حظ يلة يمة ميخالف من تخلصين  عود يتم كلشي تحتاجين مساعدة تريدين شي اجيبة الج

نور: لا يمة كلشي ماريد

ام الشيخ حسن : يلة يمة حسن ميخالف اهواي بنات اصير عدهن هيج بليلة عرسهن من الخوف
يلة اني راح اروح اكول للناس الجوة علمود يرحون

نور : عززة شنو تكولين للناس الجوة شنو يمة تريدين تفضحيني

ام الشيخ حسن : اذا ماكلهم راح يضلن يحجن ليش ماجابو النيشان مالتهة ويضلن يحجن حجي من عدهن

نور : كالت هيج  و طلعت درت وجهي بعصبية 😡علي  و كتلة

كلة من و راك راح انفضح و كلهة عرفت اني علية العادة

الشيخ حسن : اذا تخافين تنفضحين لعد تعالي خلي اخذ النيشان ماطول ما جايتج العادة و انطيهم ياي  و تخلص السالفة (يحجي و هو يتقرب منهة ويباوع عليهة مكر😎)

نور : يحجي و هو يتقرب كتلة لا لا عادي خلي انفضح يم الناس عادي اصلن بس لا تتقرب حباب
دار وجهة و راح طب سبح اني ضليت مكاني شوية و طلع باوعت علبة بس بالخاولي رائسن دنكت وبكلبي

كلت عابت شلون يطلع هيج مايكول اكو شخص ويا بنفس الغرفة جان كال

الشيخ حسن : راح ضلين كاعدة

نور : ليش ميصير اكعد

الشيخ حسن : شوفي مابية حيل اجادل وياج كومي طلعيلي اهدوم اريد انام

نور: ماعندك يدين طلع انتة اني شكو

الشيخ حسن : اللسانج لا اكصة احجي عدل وكومي طلعي اهدوم بسرعة

نور: خفت من عندة كمت فتحت الكنتور شفت اهدوم مالاتة هاي شوكت خلاهن اهنا احتاريت شطلع كتلة
انتة شنو تلبس من تنام

الشيخ حسن : و هو يمشط شعرة على المراية كال مثلا شنو  البس من انام اكو غير التراكسود شهل غباء

نور : اني مو غبية
طلعتلة تراكسود ورحت يمة كتلة هاك و اني منزلة راسي دار وحهة ضل صافن شوية علية  و اخذة من عندي وراح للحمام لبسة اني رحت للكنتور فتحت الباب شفت ملابس مال بنات كبت هاي شوكت جابوهن

طلع هو من الحمام
كتلة ممكن سؤال كال جواب كتلة هاي شوكت جبتوهن

الشيخ حسن  : قبل لاتجين من اهلج امي جابتهن الج

نور: ممم طلعت دشداشة قصيرة ومن يم الخصر صير بيهة لاستيكة او مخروطة يعني فاصلة الخصر لون احمر اخذتهة ورحت للحمام

سبحت بس اني واسبح افكر بعد ماكو مهرب الي يخلصني من العكرة خاف قبل جان حماية اخو رجلي  لاهسة صار رجلي

سبحت وخلاصت ولبستهة وخليت الخاولي على شعري وطلعت شفتة نايم على الجرباية و يلعب التلفون

طلعت توجهت للميز المراية نشفت شعري بالخاولي نوب شغلت الشسوار و نشفتة نوب مشاطة سويتة ذيل احصان و ماعرف انام اذا ماخلي عطر خليت

و درت وجهي شفتة يباوع علية لا و نوب مركز بية

كتلة اطفي الضوء اريد انام فز من صفنتة و كال اي طفي رحت طفيت الضوء وتوجهت للجرباية جانت الغرفة بيهة ضوء خفيف مال تيب لام الي من جهتي نمت وغطيت روحي

بس ضليت افكر شوية وهزيت راسة اريد الافكار تطلع من راسي ماكو غمضت عيوني بقوة علمود ماافكر مادريت بروحي من نمت .....

الشيخ حسن : طلعت من الحمام بس شنو غير اطك بالكاع لا شنو طك بالكاع  اشك شكتين ضليت صافن علية ومركز بية هيج كانو اريد احفظ تفاصيلهة

دارت وجهة وكالت طفي الضوء ردات اكلهة لا طفي بس كلت خلي طفي علمو احافظ على نفسي و ماسويلهة شي طفتة و اجتي نامت بصفي بس غير سطرني عطرهة ضليت مغمض عيوني و اشم عطرهة الي ترس الفراش اليل كلة مانمت ضليت اباوع عليهة

و اكول معقولة صارت حلالي هيج الله لطف بحالي و صارت من نصيبي كمت اتشكر ربي و اكول الحمد الله و شكر لان صارت من نصيبي

سمعت اذان الصبح كمت توضيت و صلايت ورحت نمت على عطرهة .........

🚧🚧🚧🚧🚧🚧🚧🚧🚧🚧🚧🚧

هلو حبايبي😙😍
شلونكم شخباركم

اسف لان تاخرت بس كلكم تعرفون انو النت نكطع يعني بالعراق ماكو نت

باي يا احلى متابعين 😙❤

الكلمات (1251 )
مو تكولون شوية