رواية فصلية الشيخ مهاب الفصل الثالث 3 - بقلم بـنـين آلـ شـمـر 𖣘

خليها براسك مثل العكال 😍
تخليك بكلبها الشيخ مالتها❤️

مهاب : رجعت من المضيف ردت اروح اشرب مي دخلت للمطبخ شفت ريان سبحان الخلقها مرسومه رسم من خصر من جمال ونزاكه استغفرت ربي كلت شبيك مهاب. ريان بويه نزلي دشداشتج وعدلي الحجاب لا يطب واحد بيت عمي على جيه خاف واحد من الولد يجي ويشوفج هيج
ريان : حاضر شيخ . واني جنت انضف مامنتبها ونفس الوقت حاره
(للكاتبه رسل السيلاوي)
مهاب : مثل مكتلج بويه عدلي ملابسج ونطيني مي من يمج
ريان : حاضر تفضل هذا المي
مهاب : شكراً
ريان : عفواً
مهاب : بويه ريان صعدي للغرفه حضريلي ملابس قبل ليجون بيت عمي
ريان : حاضر صاعده
صعدت للغرفه حضرت ملابس للشيخ مهاب وحضرت ملابس الي غيرت ملابسي وخليت مكياج خفيف وتعطرت اجه الشيخ راح للحمام سبح
طلع من الحمام لابس برنص واني طلعت من الغرفه نزلت جوى شفت الأكل كله جاهز نزل مهاب بووووياي شنو من مهاب هذا يجنن😍😂 ورى ربع ساعه اجو بيت الشيخ ابو يزن اني بقيت بل مطبج (للكاتبه رسل السيلاوي)
ابو يزن : وين الفصليه متجي أسلم علينه لو منعجبها احنه
مهاب : حشاك عمي ، عمي اسمها مو فصليه اسمها ريان
ابو يزن : صيحولها خلي تجي
مهاب : نورهان كومي صيحي ال ريان
نورهان : تأمر شيخ
ديم : منتضره ست ريان الفصليه اله اذلها ذل هاذي للحقيره اخذت حبيبي بسيطه إني الها عبالها اعوفه الها ويحلالها الجو

ريان : اجت نورهان كالت يصيحولج تسلمين عليهم وصتني اسمع واسكت رحت سلمت ابو يزن مدلي ايده ابوسها بستها عادي أكبر من عندي ولازم احترمه
سلمت على أم يزن وديم بس شايفات نفسهن كلش مو نفس الشيخه ونورهان

ردت اكعد صاحت ديم
ديم : وين تردين تكعدين أنتي مجرد فصليه مكانج بل مطبخ والتنضيف
مهاب: ديييم شنو هل كلام انتي كاعده بيت الشيخ ابو مهاب وريان مرتي الي يمسها بحجايه يمسني احترمي نفسج شويه افتهمتي
ابو يزن : مهاب تعلي صوتك على بت عمك علمود فصليه ومتعرف أصلها من فصلها
مهاب: عمي اني من ردت تاخذ فصلية ما قبلت بس انت ردت تاخذها حتى تسويها خدامة وتكسروها واني اعرف يزن كلش زين ميقبل بهذا الشي لذالك اني اخذت الفصلية وصارت مرتي وحلالي والي يحجي عليها يحجي علي واسمها مو فصلية اسمها ريان زوجة الشيخ مهاب مفهوم يا بنت العم ( وهوا صاك ؏ اسنانه)(للكاتبه بنين آل شمر)
ديم: هاي الحقيرا اخذت مني حبيبي وهسه خلته يصيح علي كدامها اني اعلمها اله اراويها نجوم الضهر
ريان: سمعتهم يحجون عليه ويتصايحون للصرحه نقهرت حيل وحسيت روحي مذلولة وموقف مهاب وياي ابد ما انسى صدك وكف وياي وما قبل علي مثل ما كال جدو بس مهما صار اني نقهرت بس تقبلت لان حقهم اني صدك فصلية نزلت دموعي بسرعه نسحبت منهم ورحت للمطبخ ماكدر الزم روحي رغم اني ابين قوية واضحك واسولف وما اهتم بس حساسه وبسرعه ابچي رحت للمطبخ ابچي دخل علي مهاب شافني ابچي اجه علي وحضني اني ستغربت من تصرفه بس حسيت بالأمان ويا ضليت ابچي على صدره
مهاب: بعد ما عمي حجيت ويا و ويا ديم شفت ريان ضاجت ونزلن دموعها وراحت للمطبخ اني رحت وراها ماعرف ليش اول ما شفتها تبچي نكسرت ما اريدها تبچي رحت عليها حضنتها وهيه تبچي حاولت اهديها وكتلها خلص بعد محد يحچي وياچ كلمة وحدة كافي تبچين
ريان: هما حقهم يحچون هيچ اني صدك فصلية
مهاب: لا انتي مو فصلية انتي مرتي
ريان: من كال انتي مرتي بتسمت مدري ليش
مهاب: يي عفيه راوينه ضحكتج الحلوة ولا تهتمين وكملي الغدة خلي اراويهم شلون طبخج حلو
ريان: ههههه تتدلل
راح مهاب كلامه صدك حلو وجبر خاطري
كملت صبيت الغدة اجت نورهان تدردم على بيت عمها 😂
كتلها عوفيهم وتعاي نصب كملت وياي صبينه وكملنه رتبنه ميز الطعام وراحت نورهان تصيحلهم اجوي كلهم وكعدو
چان اكو مكان يم مهاب فارغ رحت ردت اكعد اجت ديم دفعتني وكعدت صاح عليها مجتبى
مجتبى: ديم تعاي يمي مشتاقلج بنت العم
ديم: ي مجتبى ورا الغدة نحجي
مجتبى: يعني تجبريني افشلج تعاي خلي ريان تكعد يم مهاب هيه مرته
إلياس: يي تعاي ديم كعدي هنا يمنه
ديم: ردت احجي باوعت لعمي ابو مهاب خزرني ومقبل
كمت واني اخزر بـ ريان اني اعلمج
رحت كعدت يم مجبتى واني كارهته لان سوا هيج
مجتبى: غسل لهل الوجه ميته عليها ام الوصخ ، باوعت لـ ريان تضحك ضحكت وياها واشرتلها تكعد وهيه همكعدت يم مهاب ومهاب يضحك
مهاب: شفت شلون مجتبى فشل ديم رتاح كلبي ونوب شفت ريان تضحك ضحكت على ضحكتها وبرائتها
كعدنه ناكل وكلها تصيح الاكل يجنن وعاشت ايدج شيخه
الشيخه: هذا الاكل مو ازي طبخته هاي مرت الغالي ريان طبخته الولد يزن ويوسف وإلياس وعذاب ومجتبى وابوي يمدحون بطبخها حتى عمي كال عاشت ايدها
بس المسمومات ديم وامها محجن شي
كملنه غدة ورحنه للصاله احنه عدنه خدامة بس ما تطبخ بس تنضف وتغسل اجت شالت المواعين وبدت تغسل بيهن وريان ونورهان راحن يحضرن الضيافه الي ورا الغدة
نورهان: والله عاشت ايدج يجنن الطبخ
ريان انچبي انتي هم طبختي وياي هم عاشت ايدج
نورهان: هههههه اي اكيد، لج شفتي شلون مجتبى فشل ديم يبوي رتاح كلبي 😂
ريان: يي شفته ههههههههه خطيه وجهه صار ينطي اللوان
يلا كافي حجي خلي نودي الضيافه، اخذنه چاي وفوكه وبقلاوة ومعجنات ونشروبات غازية وعصائر وآني من قبل سويت گيگة البسكت صارت تجنن رتبنه كلشي وكمنه نودي وكلها كاعده رحت كعدت يم ماما الشيخه ( كمت اصيحلها ماما لان متقبل اصيحلها شيخه وبابا الشيخ نفس الشي) رحت كعدت هما يحجون على اقاربهم واني ماعرف احد ساكته وصافنه شفت مهاب يباوع علي اشرتله انو محتاج شي
مهاب: ريان اجت وجابت الضيافه كلها صدك طلعت نادرة ومرتبه ضليت صافن عليها وشلون هيه صافنه وملامحها تجنن تجذب الواحد وعيونها الي ساطراتني سطر انتبهت هيه اني صافن عليها اشرتلي بمعنى تريد شي اني كتلها تعاي اجت يمي تقربت كتلها انو تعاي اشاورج نزلت لمستواي كتلها تعاي كعدي يمي خلي نحرك كلب ديم شويه (اني چذب لا اريد احرك كلب ديم ولا شي بس اريدها تكعد يمي) هيه ضحكت وكالت
ريان: ههههه تمام بس خاف تسويلي مشكله
مهاب: ما عاش الي يسويلج مشكله واني موجود كعدي يمي
ريان: كعدت يمه وكل شوية يشاورني واني اضحك سوالفه تضحك ومرح عكس الي مبين علي انو عصبي وهيج فـ اضحك ويا وهوا هم يضحك اجه شاورني وكلي
مهاب: بس باوعي لديم
ريان: باوعت لديم شفتها حطك من العصبيه صايرة نااار وتخزر بينه، رجعت درت على مهاب وكتله
مهاب هاي شكلها يخوف خاف تكتلني والله خفت منها
مهاب: هههههه لج ثولة شلون تكتلج وانتي يمي وبحمايتي اكسرها والله لا تخافيين
ريان: وكك بس من تروح للدوام وهيه تجي خاف تئذيني
مهاب: اذا مستج بكلمة وحدة بس كليلي وشوفي شسوي لتشيلين هم (للكاتبه بنين آل شمر)
ريان: وكك
ديم: اباوعلهم شلون يشاورها ويضحكون ويسولفون اكلو كلبي وتوعدتلها اذا ما اخليها تشرد من البيت فلا اني بنت ابوي
ريان: صار العصر وبيت ابو يزن راحو واني صعدتت للغرفه حتى ابدل ملابسي وارتاح
فتحت الكنتور طلعت ملابسي رحت للحمام سلحت وبدلت
سشورت شعري وحطيت مكياج بسيط وتعطرت دالبس قلادتي ودخل مهاب
مهاب: راحو بيت عمي وصعدت ريان للغرفه اني رحت للحديقه يم إلياس ومجتبى إلياس ياكول كاعد ويانه 24 ساعه هوا يمنه
كعدت ضحك وسولفت وياهم واجه عذاب ويوسف هم كعدو يمنه يزن راح ويا اهله يوصلهم للبيت كعدنه تحشيش وضحك الى ان صاحت الشيخه
الشيخه: وكالت ماما دخلو الدنيا مغرب مو زين تبقون برا دخلو هنا
مهاب: كمنه دخلنه جوا هما كعدو بالصاله واني ما شفت ريان رحت صعدت اريد اشوفها خو مابيها شي دخلت للغرفه وسطرني عطرها دخلت شفتها دتلبس قلادتها بس شنو من جمال شايله وشعرها الطويل الي ياخذ عقل الصاحي، بعدين كطعت صفنتي وهيه تكول
ريان: ها شيخ محتاج شي
مهاب: ريان بعد لتكوليين شيخ كولي مهاب
ريان: حاضر شيخ اقصد مهاب
مهاب: ههههه، ليش ما نزلتي جوا
ريان: مهاب مشتاقه لأهلي هواي كلبي حيطك عليهم وما اكدر اخابرهم خاف انت متقبل 😥
مهاب: لا ريان هذول اهلج ليش ما قبل خابريهم وتطمني عليهم واني باچر العصر اخذج الهم
ريان: اني سمعت حروح الأهلي لو طرت من الفرحه رحت علي وحضنته بكل قوتي واني اكله شكراً شكراً (للكاتبه بنين آل شمر)
مهاب: اجت تركض علي من كتلها اوديج لأهلج وبسرعه حضنتني اوف يا عطرج الي حيجننني تمنيت هذا الحضن ميخلص حاوطتها بأيدي وهيه تشكرني كتلها ولو تتدللين هيه حست على روحها وسحبت روحها من ايدي
ريان: آسفه مو قصدي بس تحمست هواي
مهاب: هههههههه لا عادي سنفورة
ريان: ليش سنفورة
مهاب: يي لأن قصيرة كوة توصلين الي سميتج سنفورة
ريان: اها ههههههه يلا عادي
مهاب: صفنت على ضحكتها يربي تجنن تقربت منها شوية شوية
حصرتها على الحايط وصافن على عيونها وشفايفها
ريان: بدة يتقرب مني حصرني على الحايط وصار االحاجز بيناتنه بس انفاسنه وهوا صافن على شفايفي وعيوني اني دكت كلبي يسمعها الأطرش غمضت عيوني

وسمعت صوت صريخ جوا

انتهى البارت حبايبي اتمنى عجبكم البارت
اريد تدعموني بالتصويت والكومنتات

باي 😍🥀♥

#بنين_آل_شمر🥀♥
#رسل_السيلاوي🥀♥