رواية فصلية ل راهب الفصل الثلاثون 30 - بقلم zena ali

مرحبا بنات شلونكم ماتأخرت عليكم هالمرة 

مبارك عليكم عيد الغدير❤️

.

.

.

.

.

.

غدير 

الحمد لله كدرت انام جم ساعة كعدت سبحت وبدلت نزلت جوة ساعه 2الظهر لكيت امي نايمة وجوري يمكن بغرفتهة تقرا واخوتي بالدوام بس ترف كاعدة بالصالة 

ترف: صح النوم ياحلوة

غدير وهي تكعد يمهة وتخلي راسهة على جتف ترف: البيت هدووء

ترف: تدرين كلهة طالعة وعمتي وجوري بغرفهم ...اصبلج غدة?!

غدير: لا عمري اني اذا جعت اصب لروحي انتي بس ديري بالج على فهودي حبيب عمتة 

ترف: تمام على راحتج وهسة يا عمة فهودي ممكن تحجيلي شبيج 

غدير وعيونهة نملت دموع بدت تحجي لترف من بداية علاقتهة بمحمد لحد البارحة 

ترف وهي تحضن غدير : كافي لاتبجين والله مايستاهل ولا دمعةمنج ولا يستاهل تفكرين بيه والحمد لله انكشف على حقيقتة قبل لا ترتبطين بيه الكاتبة زينه علي الله يرزقج باللي احسن منة بمليون مرة وهسة كومي غسلي وجهج وخلي نتغدة سوة 

غدير وهي تمسح دموعهة: بعدج ما متغدية لهسة

ترف: لا تغديت وية عمتي وجوري بس مدري شبية شهيتي كلش مفتوحة للاكل 

غدير: هههه الف عافية لعد راح اكوم احمي الاكل واصب 

ترف: روحي غسلي اني اكوم اصب

غدير: كعدي وسكتي اني اكوم 

رحت حميت الاكل وغسلت وجهي ورجعت صبيت غدة كعدنة اني وترف نتغدة ونسولف بينما خلصنة نزلت جوري وكعدت ويانة خطية تعبانة كلش من ورة الدراسة بس هانت ميخالف وترف خطية راح تترك السنه الجاية لان حامل 

ترف: بنات عمتي مو طولت اليوم بغرفتهة ?!

جوري: اي من الغدة لهسة هية بغرفتهة غدير كومي شوفيهة

ترف: لا اني راح اشوفهة وانتي غسلي وجهج وسوي جاي وغدير شوفيلنة فلم حلو 

راحت ترف لغرفة امي واني بقيت اگلب بالتلفزيون شوي وسمعت صوت الجرس مال الباب الرئيسي شوي وسمعت الباب الداخلي اندك

غدير من ورة الباب: منو

الحارس: الضابط عميد صاحب استاذ راهب برا ويريد الشيخة 

غدير: ماشي خلي يفوت 

رحت لغرفة امي لكيتهة تقرا بالقران وترف كاعدة يمهة وبالهة ابد مو هنا 

غدير: ماما عميد صاحب راهب برا ويريدج 

بس حجيت هسة ثنينهن فزن وامي صدقت وكامت تشوف الولد 

ترف كامت وراهة بس امي ماخلتهة تطلع 

ترف: غدير عليج الله روحي وراهة بداعتي شوفي شراح يكول لعمة

تحجي بسرعه وبعد شوية وتبجي 

غدير: ماشي بس اهدي شبيكم اليوم 

رحت ورة امي لكيتهم واكفين بالحديقة ماكدرت اطلع ادري اترزل بس شفت امي رادت توكع والرجال تجالهة ماتحملت ركضت عليهة

غدير وهي تسند امهة: شبيج ماما 

الشيخة فضة: مابية شي روحي سوي جاي ...تعال يمة عميد طب جوة بينما احضر الي تريدة 

عميد : لا حجية رحمة الله والديج باقي هنا بس ياريت تستجعلون شوي حتة الحك ارجع

الشيخة فضة: مايصير يمة طب جوة من الشمس ماكو احد بس اني والبنات والبنات نسوان اخوتك يعني خواتك طب لا تستحي

طبيت قبلهم خليت لكيت جوري مكملة الجاي ومن شافت عميد يريد يطب راحت يم ترف دخلت امي الرجال للصالة ورجعت لغرفتهة الكاتبة زينه علي احضر بالصينية وسمعت عياط ترف شمرت كلشي من ايدي وطبيت للغرفة 

غدير: شكو جوري شبيهة ترف  

جوري وهي تحضن ترف: راهب متصوب وهو بالمستشفى هسة

كبل ضربت وجهي هذا مو بس اخوية هذا ابوية الثاني اني مالي غير اهلي بالدنيا هاي 

غدير وهي تبجي: ماما فهميني شصاير راهب بخير جرحة قوي!?

الشيخة فضة: عمي يكول مابيه شي الصواب بجتفة ولازم يبقى بالمستشفى اليوم يتطمنون عليه يمة ترف كولي يا الله انتي حامل لا يصير شي عليج وعلى الطفل راهب مابيه شي باجر يجي للبيت 

ترف وهي تبجي: عمة اريد اروحلة اريد اشوفة عليج الله وديني الة اني حسيت راح يصير شي والله وهو ماسمعني

الشيخة فضة: وين ترحين بنيتي مايصير المستشفى كلهة زلم تردين راهب يحركنة صلي على محمد كومي لغرفتج انتي وجوري حضرن جنطة لراهب ..غدير صبيتي جاي للزلمة

غدير: اي ماما رايحة اصب 

حاولنة نهدي ترف ونهدي نفسنه ماطول ماما كالت مابيه شي يعني مابيه شي الكاتبة زينه علي رحت صبيت جاي وحضرت صينية عدلت حجابي و دخلت الصينية للرجال ماطول راهب دازة ياخذلة غراض يعني حالة حال راهب 

غدير: تفضل خوية 

عميد وهو مدنك : رحمة الله والديج 

طلعت وصعدت فوك للبنات لكيتهن محضرات غراض راهب وترف بعدهة تبجي مرات استغرب شلون بعد اللي صار واحد حب الثاني?! يمكن العشرة والمواقف الي صارت بيناتهم خلت الحب ياخذ مكان جبير بينهم الله يسعدهم

.

.

.

.

عميد 

السلام عليكم هاي اول مرة احجي وياكم واعرفكم بية اني عميد الدين صاحب راهب  واكثر من اخوه والدي شهيد وعايش وي والدتي مرة جبيرة بالعمر وللاسف والدتي مقعدة حاولت ارتبط اكثر من مرة لان اريد احد يراعي والدتي بسبب شغلي مو دايما اكون متواجد ويضل بالي عليهة بس للاسف اي وحدة تسمع ظروفي ترفضني انرفضت تلث مرات ومن بعدهة ما كمت افكر بهالموضوع و والدتي من عندي مهمة او اتاخر بالدوام اخلي وياهة مرة تراعيهة مرة محترمة و اثق بيهة 

بمهمة اليوم للاسف اتصوب راهب بس الحمد لله صوابة مو قوي رحت لبيتة اجيبلة غراض وملابس لحدما يطلع من المستشفى باجر لو عكبة الكاتبة زينه علي  وجنت شايل هم شلون ابلغ اهلة خابرت والدة بالتلفون بالبداية كلت امهد الطريق وماطول نص ساعه اجة للمستشفى وياه عمام راهب و ولد عمامة حسن ماكدر يجي لان هو الي استلم التحقيق وية اللي لزمناهم من  المنظمة 

وصلت للبيت وخليت الحرس ينطون خبر للشيخة شوية وطلعتلي هي تعرفني وحالهة حال امي اول ما كلتلهة رادت توكع ولزمتهة ماحسيت الا بنية طلعت تركض من البيت واجت تسأل الكاتبة زينه علي الشيخة شكو هاي اول مرة اشوف اخت راهب ماشاء الله الله يحميهة طمنت الشيخة على راهب ولحت ادخل اشرب جاي بينما يحضرون غراض راهب ودخلت للمرة الثانية قدمت الجاي 

لو الجاي هذا ماكو اطيب منة لو اني انضربت على راسي استغفر الله 

.

.

.

.

.

ترف 

اني من الصبح گلبي واجعني وهسة عرفت ليش يكلولي مابيه شي اصابتة خفيفة بس مارتاح الا اشوفة بعيني جربت اتصل عليه اكثر من مرة بلكي يرد علية واطمن عليه بس مايجاوب هو بلا شي بالايام العادية اتصل الف مرة يلا يرد ويرد بكل برود مو هسة بس عمتي كالت يمة عالم هواي يعني اكيد مشغول هسة شكو ملتمين عليه غير يخلونة يرتاح 

مدري شلون خلص علينة هاليوم وثاني يوم اجة عمي من المستشفى وكال نحضر الاستقبال لراهب يبقة بيه هالكم يوم لان عالم هواي راح تجي تتحمدلة بالسلامة ومو زين عليه يبقى كاعد او يتحرك هواي غدير خطيةماقبلت اشتغل شافتني تعبانه وفوكاهة حامل وجوري الكاتبة زينه علي ساعدتهة شوي وطردناهة لان عدهة امتحان عكب باجر اني رحت للمطبخ شفت اذا اكو نقص سوينة جاي وكهوة وكعك وكيك ومواعين فواكه حضرنة مي بارد ل11 سمعت الباب الرئيسي انفتح ونضربت طلقتين احس فز گلبي هسة ليش الرمي طبو للبيت واجانة حسن وقاسم من باب المطبخ اخذو مي للزلم الي جاية وية راهب وقبل مايطلع قاسم 

قاسم:اي عيني ابو فهودي حيل يخاف على ام فهودي 

ترف: هههه ليش هيج تحجي 

قاسم: ماقبل احد يرمي يابة يكول نسوان بالبيت يخافن نسوانة متعودات شمعنة هسة مايقبل عود

بقت جوري وقاسم يضحكون علية لحذما زمخ بيهم حسن احسن يستاهلون فدوة لحبيبي حتى وهو تعبان يفكر بية 

للعصر والبيت مافرغ ابد كل شوي جاي احد وجاي ومي وغدة وصواني خطية جوري عافت كلشي وماقبلت تبقى فوك نزلت تساعد غدير واني خلو علية الاشياء الخفيفة شوكت يقتنعون الطفل ماعليه شي وعادي اتحرك والله ترا ما ملزوگ باميري 

الحمد لله صارت ب5 وخفت العالم علينة دخلن البنات وعمتي يسلمن وغدير حاضنتة وتبجي وعمتي ترزل بيهة واني واكفة بالباب ابجي حبيبي شصاير بيه وجهة ذبلان وجتفة كلةمضمد 

انتبهت علية عمتي 

الشيخة فضة: يلا يمة كومن حضرن للعشة وهم حسبن حساب خاف يجي احد 

غدير وجوري افتهمن الشيخة شتريد كلهم طلعو واني بعدني بالباب

راهب : بنيتي ليش واكفة بعيد لا سلمتي علية لا جيتي يمي

تقربت عليه كعدت گبالة ضربت جتفة المابيه شي 

راهب بوجع: اشتعلووو ليش ولج 

ترف: تستاهل ليش هيج تسوي بروحك ليش متدير بالك على نفسك هاا

راهب وهو يجرهة من ايدهة عليه: يمفلوكة غير شغلي هذا بمكان ماتكليلي حمد لله على سلامتك ابو بيتي تضربيني هاي لان شفتيني مدد ومابية حيل بس اصبريلي اكوم على حيلي وشوفي شلون اموتج كتل

ترف وهي تبوس جرحة: سلامتك راهب والله هديت حيلنة اليوم بداعتي دير بالك على نفسك 

راهب يوخر حجابهة ويشتم شعرهة: الله يسلمج بنيتي خوما تعبتي لو اشتغلتي 

ترف: لا حبيبي ليضل بالك البنات وعمتي مسويات علية حصار

راهب: هههه غير يخافن عليج ام فهد 

ترف: حبيبي يوجعك جرحك 

راهب: لا بنيتي مابية شي هية طلقة لا يصير گلبج رچيچ

ترف: ليش تستهزأ راهب ترا طلقة مو جرح بسيط

راهب: ياعيني قابل اول مرة لو اخر مرة متعودين ترا

ترف: شحجي وياك مادري خلي اكوم اشوف البنات واحضرلك العشة حتى تاخذ دواك تحتاج اسويلك شي?!

راهب : لا بنيتي بس طلعيلي هدوم اريد اسبح 

ترف: بس عمي كال ميصير الجرح يلوحة مي 

راهب: اي عادي اغطيه بعلاكة بشي بس اريد اسبح لعبت نفسي احس روحي مليان ريحة معقمات وديتول 

ترف: هههه صار حبيبي 

صعدت للغرفة نزلت ملابس ومنشفة وخليتهن بالحمام الجوة حتى ليش كلساع صاعد نازل وطلعتلة جيس شوي جبير اشدة على جتفة حتة ما يتبلل وماقبل احد يدخل وياه لا اني ولا حسن 

رحت للبنات لكيتهن محضرات عشة خطية شكد تعبن منا جوري عدهة دراسة و غدير خطية تعبانة وادري مالهة خلك 

الحمد لله محد اجانة بعد خلصنه العشة وبقو عمي وحسن يسولفون وية راهب وكالو صديق راهب يريد يجي هم خطية غدير سوت صينية عصير وكيك وخلت مي بارد واخذهن حسن الكاتبة زينه علي  ل11باليل طلع صاحب راهب وعمتي وعمي راحو ينامون وغدير وجوري صعدن لغرفهن وحسن راح للماركت مدري شيريد يجيب اني هم صعدت سبحت وبدلت ونزلت يم راهب 

ترف: ها حبيبي اطفيلك الضوة ?!

راهب: لا بنيتي تعاي يمي بعد وكت 

ترف وهي تكعد يمة: عندك وجع تحس بألم بايدك?!

راهب: لا مابيهة شي العلاج هذا بيه مسكن انتي خوما تعبانة بنيتي 

ترف: لا والله ماتعبانة ابد هو اني شسوي حتى اتعب ..ماناوي تحجيلي شي?!

راهب باستغراب: شحجيلج!?

ترف: سبب التغيير الي صار هالفترة والمهمة الي تخوف الي طلعتهة اول مرة هيج احسك خايف وانته طالع اني مامرة تدخلت بشغلك بس هالمرة اريد افهم

راهب تنهد وحجالي كل الي صار وياه 

ترف:راهب بداعتي فكر بطلبي شيصير اذا فتحتلك مشروع وعفت هالشغلة هاي شستفاد من يصير عليك شي

راهب:هي لعبة واعوفهة سدي الموضوع ترف 

ترف: لا مو لعبة هاي حياتك وحياتي وحياة جهالنة هاي ابد مو لعبة 

راهب وهو يسحبهة الة: دتعاي ولج وكت عرك وزعل هسة مشتاقلج وعيونج

ترف:ممم خوش

راهب:وجعوش ولج مشتاقلج

ترف:هههه مم واني هم 

راهب:اروح فدوة تعاي ولج بوسيني اني مريض مابية حيل

ترف:خطية مريض لعد اعوفك تنام وترتاح 

رادت تكوم وجرهة راهب وكعت بحضنة:بت الخوش اوادم اكلج مريض داريني ولج ترا اشوفلي غير شوفة 

ترف: عزااا راهب يا شوفة صدك والله مخلي عينك على وحدة غير اموتك انتة وياهة والله اخلي حسن يرميكم ثنينكم 

راهب:ههههههه اشاقة وياك ياحلو شعندي غيرك اني 

ترف: اي عفية عبالي جان صارت طلقات

راهب: اف اف اف ترفة صايرة تحجي كلة بالطلق

نحجي وندك الباب

راهب:عدلي حجابج..اتفضل

حسن من ورا الباب:ها خوية اني صاعد محتاج شي?!

راهب:لابعد اخوك رايدك سالم اخذ راحتك

حسن:هاي علاكة حلويات الكم بالباب وبعد اخوك صوتكم مو تشهرنة منا الحجي والحجية  

يمة وجهي صار طماطة

راهب:امشي لك كواد 

حسن:ههههه يلا تصبحون على خير

راهب:اجمعين 

من راح حسن كمت فتحت الباب خطية حايبلنة علاكة حلويات وعصاير بقينة نسولف للفجر ماخلينة شي ماحجيناه وراهب ولا عبالك الكاتبة زينه علي ماخذ مسكن ولا عبالك تعبان كل ما اكلة خلي ننام يكلي مشتاقلج والصدك اني هم احس روحي كلش مشتاقتلة

.

.

.

.

.

.

.

.

.

.

الطبيب: استاذ راهب اني بلغتكم وراح اعيد كلامي هيج جاي تعذبون المريضة صار 3سنوات مابدت اي ردة فعل عايشة فقط على الاجهزة ياريت تفكرون مرة ثانية بفصل الاجهزة عنهة وخلوهة ترتاح من عذابهة

غدير(ما الحب الا للحبيب الاولي) برأيكم هالحجي صحيح!?

.
.
.
.
.
.
.
.
.
.
.
الاحداث البارت الجاي راح تنكشف وتعرفون سبب وجود ترف بالغيبوبة

شنو رأيكم بالشخصية الجديدة (عميد) ?!

بس بدون لحية لان ضابط