رواية فصلية ل راهب الفصل الحادي وثلاثون 31 - بقلم zena ali

مرحبا بنات شخباركم
اعتذر مانزلت ذاك الاسبوع ان شاء الله هالبارت يعجبكم 

.
.
.
.
.
.
.
.
.

ترف
الحمد لله راهب كام على حيلة ورجع لدوامة وانطوه ترقية جنت اشوفة بالاسبوع اربع خمس ايام هسة لو اشوفة يومين لو ميجي للبيت من ضغط الشغل واحاول ما احسسة اني ضايجة لو محتاجتة ادري امرة مو بيدة وحملي هم ماشي على خير  حاليا الكاتبة زينه علي صار علية اربع شهور وطبعا راهب ولا موعد طبيبة راح وياية لان مشغول الحمد لله البنات وعمتي مصبراتني ولة جان انفجرت جوري صار شهر من خلصت امتحانات وقدمت قانون بس اتفقت وية حسن متفتح مكتب تصير تدريسية وحاليا ننتظر خبر حلو منهم الله يرزقهم يارب
اليوم يمر بشكل روتيني ومنتظرة ترجع الدراسة عاد التهي بيهة والسنة اخر سنة الي الله يعديهة على خير

كعدت الصبح كالعادة راهب ما موجودة غسلت وبدلت نزلت لكيت البنات كاعدات وعمتي هم وحسن متريك وطالع صبحت عليهن وكعدت اتريك بس اكل من ورة نفسي ما اشتهي بس لازم اكل عندي علاج خلصنة ريوك وكامن البنات يلمن الاكل كمت وياهن وماخلني

جوري: ترف عوفي من ايدج وروحي ارتاحي ترا وجهج ذبلان

غدير: اي حبي احنة ماعدنة شي روحي ارتاحي نكمل الهوسة ونجي وراج لان مبين عليج تعبانة وضايجة

مالي طاقة حتى اجادل لو ارد ابتسمت ورحت للصالة لكيت عمتي كاعدة تسبح وتباوع عالتلفزيون اول مادخلت فتحت اديهة رحت مددت وخليت راسي بحضنهة  وبقت تمسح على شعري

الشيخة فضة: شبيج بنيتي احسج مالج خلك

ترف بتنهيدة: مابية شي عمة شوية ارهاق

الشيخة فضة: ادري مو هذا السبب بس براحتج بنيتي اني هنا بمكان امج الله يحفظهة الج شوكت ماردتي تحجين تعاليلي

ترف: الله يخليج النة عمة ان شاء الله اذا اكو شي انتي اول من يعرف

اجن البنات يمنة وعمتي عافتنة وكالت رايحة خطار لكرايبهم بتهم جايبة ورايحة تأدي الواجب والبنات استلمني تحقيق شبية وليش ضايجة بس بصراحة ماحبيت احجي شي جوري الكاتبة زينه علي خطية توهة ارتاحت وخلصت من الدراسة وغدير سالفتهة سالفة مستحيل اشغلهة بية هي الي بيهة مكفيهة كتلهن هرمونات وارهاق مابية شي

جوري: اني ما مقتنعة كلش ترا وادري بيج ضايجة وزعلانه بسبب شغل راهب وتأخيرة يومية

غدير: اي والله حتى بابا وماما بقو يحجون عليه صايرين منشوفة ابد

ترف: شغلة يريد وقت الله يساعدة..اعذرني بنات اني كايمة ارتاح شوية احس روحي تعبانة  من تجي عمتي صيحوني

غدير: على راحتج گلبي روحي ارتاحي

جوري: ترف لا تفكرين بشي ارتاحي وريحي بالج

عفتهن وصعدت لغرفتي بس خليت راسي نمت مدري شجايني عالنوم عود قبل شوية كعدت
.
.
.
.
.
.
جوري
امتحاناتي خلصت وثاني يوم اخذني حسن ورحنة للمزرعة مالتهم الجو يجنن لهسة اتذكر تفاصيل سفرتنة
.
.
.

حسن: يلا جوري ما خلصتي ساعتين بس تلبسين

جوري: اي اجيت حبيبي ثواني بس ..ترف حبي شيصير بداعتي اتصلي علية وديري بالج على نفسج وادري غدير متقصر راح تخلي عيونهة عليج

ترف: امشي ولج ترا اني الجبيرة روحي وانتبهي على نفسج مو تركضين منا ومنا مثل متكول عمتي اركدي

جوري: ههههه ماشي ماشي وسلميلي على غدير العوبة نايمة لهسة ماكعدت تسلم علية

ترف: خطية ولج ساعه7الصبح انتو كاعدين من وكت ترا ويلا روحي حسن راح يجي ياخذج سحل ترا

جوري: يسويهة والله يلا عمري بيباي

طلعت لكيت حسن يطلع دخان من وجهة شلون تأخرت عليه فتحت الباب وصعدت

جوري:اتاخرت عليك حبيبي

حسن وهو يشغل السيارة: لا يابة ابد لو باقية بعد شوية

جوري: هههه غير سلمت على ترف

حسن: ما مهاجرين والله هوة اسبوع عشرةايام ونرجع

ماطولنة بالطريق اقل الساعه و وصلنة نزلت من السيارة ونزل حسن فتح الباب وراح يجيب الجنطة من السيارة اني طبيت للبيت
البيت كلش حلو مساحتة جبيرة والمساحة الخضرا الي حوالين البيت تنطي راحة الكاتبة زينه علي نفسية واستغربت البيت نظيف كلش بعدني اباوع ودخل حسن حضني من ورا

حسن: ها حبيبي ليش واكفة هنا

جوري : استغربت البيت نظيف مو كلت صار سنه محد جاي هنا

حسن: اي بس اني وصيت الحارس البارحة ينظف البيت ويتسوگ

جوري: مم خوش لعد مراح نتعب بالتنظيف

حسن: اني ما جاي هنا اتعبج بالتنظيف بنوتي اتعبج بغير شي ..يا الله

ماحسيت عليه الا وهو شايلني ويصعد الدرج ويهوس واني خربانة ضحك عليه

حسن: اليوم يومك يا حسن تكسر الجرباية

بس خطية هو طول فترة امتحاناتي ماطلب شي مني يكول اريدج مرتاحة وبالج مرتاح هاي السوالف اخر شي افكر بيه انتي اهم

.
.
.
.
خلصنة اسبوع هناك شفت المزرعة كلهة واخذنة صور بالكوة خلاني اصور اني وياه وانزل واتس وصعدنة عالخيل احلا تجربة بصراحة قررت اقدم على القانون بس حسن ماقبل افتح مكتب مستقبلا كال الاتفاق من هسة حلو تتخرجين اشوفلج الكاتبة زينه علي واسطة تتعينين تدريسية بالكلية بينما تخلصين ماستر واذا متردين تعيين بعد احسن ابقي دللي بية اني كتلة الله كريم لوقتهة نشوف شيصير
ولحد هسة مرت 4شهور بس بديت اخاف لحد هسة ماكو حمل ولا اعراض واني ادري حسن بنفسة طفل بس ميريد يزعلني كلت هالشهر اذا هم ماكو شي اراجع طبيبة ترف وعلى طاري ترف صار كم يوم هادئة زيادة متسولف وتضحك مثل قبل وكلنة نعرف السبب (راهب) من يوم ما رجع للدوام واخذ الترقية وكمنة ما نشوفة الا نادرا حتى عمي وعمتي انتبهو وبقو يحجون عليه بس محذ حجة وياه لهسة يكولون المشكلة الي بين ثنين من يدخل بيهة طرف ثالث راح تزيد ماتنقص واحنة هم سمعنة كلامهم بس اليوم وضع ترف ابد ما مريحني ذبلانة وتعبانة توهة نزلت ورجعت صعدت مرة الكاتبة زينه علي ثانية مابيهة حيل حتة تحجي

جوري: غدير شتكولين لو نحجي وية راهب علمود ترف ماكدر اسكت اكثر من هيج

غدير: بصراحة مبينة كلش تعبانة مادري شلون مجاي ينتبه راهب عليهة

جوري: هو موجود حتى ينتبه

غدير: زين جربي تتصلين بيه ونكلة يجي من وكت اليوم نريد نحجي وياه بالموضوع

جوري: ماشي

جبت تلفوني واتصلت على راهب دك مرة وماجاوب دكيت مرة ثانية

راهب: الوو جوري خيرج صاير شي ترف صارلهة شي?!

جوري: اهدا راهب ماكو شي ترف بخير وكلنة مابينة شي

راهب:الحمد لله ..احجي يابة محتاجة شي

جوري: بلا زحمة راهب محتاجة احجي وياك بموضوع مهم اني وغدير تكدر تجي للبيت من وكت اليوم

راهب باستغراب: احاول ان شاء الله بس خوماكو شي قلقتوني

جوري: لا خير ان شاء الله بس حاول تجي من وكت

راهب: ان شاء الله

جوري :مع السلامة

راهب: الله وياج

سديتة منة و غدير تسويلي تمام

غدير: ان شاء الله خير ...شتكولين شنسوي غدة?!

يا سالفة الغدة حيرة مابعدها حيرة
.
.
.
.
عميد
جاي اتعب كلش بين الشغل والبيت مجاي اكدر اركز بيهن ثنينهن
المرة الي تساعد امي اضطريت اطردهة حسيت امي ما مرتاحة وياهة ومن راقبتهة مرة ومرتين شفتهة ما تعتني بامي بضمير وهاي صار اسبوع من طردتهة ودورت هواي على عاملة بت،اوادم ماجاي الكة وبالي عالشغل وبالبيت و ب.....غدير
بنية شابة وبعدهة صغيرة معقول اذا ردت اتقدملهة تقبل بية تتحملني وتتحمل شغلي واني مو لوحدي اني وياي امي وامي اهم من كلشي الكاتبة زينه علي هذا السبب الي مخليني من شفتهة لليوم ما اجرأت و فاتحت راهب بالموضوع
اليوم خليت مرة جوارينة تبقى وية امي بس بينما يخلص الاجتماع واحاول ارجع وهي الله يحفظهة ما تأخرت وكالت اروح واني بالي مرتاح
.
.
.
.
.
.
.
غدير
هواي احداث صارت اولهم حمل ترف وصواب راهب نجاح جوري واخرهم خطوبة محمد صحيح صار فترة على فراگنة بس مو بهالسهولة كلشي ينسي هاي مو عشرة يوم ويومين هاي عشرة تلث سنين شلون كلبة نسى بهالسهولة شلون نام وكعد الكاتبة زينه علي  وسولف وخطب وفرح شلون ماجيت كبالة شلون ماتذكرلي كلمة موقف حجاية
هيج بسهولة بدلني!!? زين هاي الجديدة شتعرف عليك ?تعرفك مثلي تعرف شتحب وشتكره شوكت تنام شنو اكلتك المفضلة شوكن تضوج وشوكت تحب تشرب جاي وماتحبة مر تحبة حلو
ماتحب الالوان الغامقة تحب الفواتح
شتعرف عليك هي?!!
بيومهة اجة عمي عزم ابوية وعزمنة خطية الليل كلة جوري وترف وياي ويواسن بية ويشجعني اروح واتأنق واكسر عينة وفعلا رحت اني وامي وترف وجوري بقن بالبيت علمود ترف نخاف عليهة من هيج اجواء وجوري كالت تبقة يمهة خاف تحتاج شي يوكتهة ترف زعلت ورادت تروح بس صحتهة اهم
من دخلنة وشفت عماتي وخالاتة شلون فرحانات والعروسة كاعدة وفرحانة وتضحك ردت اصرخ بعلو صوتي عليهم واكلهن هذا حلالي هذا مالتي ولجن شلون تفرحن بذبح گلبي بس الكاتبة زينه علي مدري شلون لزمت روحي ساعة وخلصو كلشي وصار محمد مزوج وباقي بس العرس طلعنة من بيت العروس واباوع عليه من بعيد قاطة وضحكتة منورة وجهة
هيج جان متلهف عالخطوبة والبنية!? من شوكت يعرفهة ?!شوكت حبهة?!!
مامنة فايدة هالحجي بجيتي هاي گطعت كلشي وسديت باب گلبي هاهية الي مارادني اني هم ماريدة اني مو قليلة ولا عايزني شي
رجعت للبيت نمت مادريت بروحي لحد ثاني يوم جوري كعدتني خطية ضال بالهن الكاتبة زينه علي علية وهاي صار شهر على خطوبة محمد والحمد لله المفروض ان حياتي ماشية بخير ......لحد هسة
.
.
.
.
.
.
راهب

الحمد لله كمت على حيلي ورجعت شغلي واخذت ترقية وحياتي ماشية بس الشغل صار اضعاف علية ماكدر انام ولا اكدر ارجع للبيت مثل ماريد الالتزام صار اكثر حتى ترف مالحك اشوفهة ارجع هي نايمة واطلع الصبح هم نايمة يادوب دقايق اباوع عليهة الكاتبة زينه علي  وهي نايمة والطبيبة جم مرة راحت هي وامي واني مو وياهن بس اطمن من امي لان ادري ترف حتى اذا اكو شي لو صاير شي مراح تحجيلي
صار جم يوم تجيني رسايل غريبة على جهازي وعلى حسابي وكل مادور الكة الحسابات وهمية والارقام ما مسجلة
...مو حلو الانتقام السريع
...الصبر حلو
...دير بالك على ناسك
...انتظرنة
...حسابنة طويل ..مو تنسانة

وهواي هيج رسايل المشكلة ماعرف منو وشيريد اليوم خابرتني جوري واستغربت من اتصالهة جاوبتهة كالت تريد تحجي وياي بموضوع وكتلهة احاول ان شاء الله

وصدك حاولت اكمل شغلي عالسريع وارجع للبيت
طبيت للبيت لكيت حسن بعدة ماجاي و ابوية طالع لكربلاء عندة شغلة هناك ويجي بعد يومين صعدت للغرفة لكيت ترف نايمة استخطيت اكعدهة خاف تعبانة سبحت وبدلت ورحت دكيت الباب على غدير

راهب: غدير صيحي جوري وانزلي حميلي الغدة

نزلت جوة شوية ونزلت جوري كعدت كبالي

جوري: شلونك راهب

راهب:الحمد لله بوية انتي شلونج حسن شلونة وياج

جوري: الحمد لله بخير وحسن هم بخير بس ترف لا

راهب : ليش شبيهة ترف صاير شي وياهة!??

جوري: ترف تعبانة وذبلانة ومتريد تحجيلك شي لان تكول اننه مشغول ماتريد تشغلك اكثر

راهب: شلون ماتشغلني اكثر هي تعرف اهميتهة عندي المفروض شيصير تحجيلي

جوري بخجل: مو كلشي ينگال راهب وترف بفترة حساسة تصدك هي من الصبح نايمة لهسة حتى من كعدناهة عالغدة ماقبلت تنزل وبقت نايمة

راهب : استغفر الله شلون تعوفوهة لهسة بلا اكل ...مشكور بوية وهمزين انتي حجيتيلي لان ترف وامي مايحجن شي ابد
اني صاعد اكعدهة خلي غدير تحسب حسابهة وياي

ادري اكيد بسبب شغلي وبياتي برا اغلب الوقت زعلانة مني بس مو لدرجة ذبلانة شلون ما حسيت بيهة...ههه هو اني كاعد وياهة صار شهرين ماكاعدين الكاتبة زينه علي  سوة لا مسولفين
كعدت يمهة صفت بوجهة بنيتي خدودهة رايحة وجوة عيونهة ذبلان

راهب وهو يندهة: ترف ..ترفة بنيتي اكعدي

ترف وهي تثاوب: جوري كتلج ماجوعانة حبابة روحي

راهب بضحك: هالشوارب كلهة و جوري كومي حبيبتي

ترف : راهب?! خير ليش جاي من وكت ?ساعة بيش هسة!?

راهب: اشتاقيتلج كلت اجي من وكت نسولف شوية ونتغدة وباليل نطلع نتعشة برا صار هواي ما طالعين

ترف صفت بوجهة: لا ميحتاج اني تعبانة ماكدر اطلع

راهبوهو يلزم ايدهة: شبيج بنيتي احجيلي شنو الي متعبج ومذبل وجهج

ترف: ماكو شي بس اني من الحمل مالي خلك شوية واتعب بسرعه

راهب: اي مالج خلك من نطلع ترتاحين وتتغير نفسيتج

ترف: راهب

راهب: عمرة

ترف: اذا متحبني كلي لا تكسرني

راهب: شهالحجي ترف شنو ماحبج وشنو اكسرج ينكسر گلبي لو فكرت اكسرج بيوم

ترف: بس انت كسرتني راهب ....اريد اروح لبغداد لاهلي

راهب: شبيج ترف شجاج فهميني شلون كسرتج

ترف: راهب وديني لبغداد بداعتي اذا عندي غلاة عندك ولا تسألني شكو

راهب: مادري شكلج بس صار ترف اوديج ترتاحين جم يوم والنة حجي ثاني حجاية كسرتني هاي جبيرة ترف واحنة من يوم تزوجنة لهسة الله شاهد مازعلتج بشي واذا زعلتج بلا قصد مني كليلي واني اعتذر منج وحاضر للي تردي

ترف وهي تنهار بالبجي راحت جابت تلفونهة فتحتة بوجه راهب: لعد شنو هاي راهب شنو هاااي

.
.
.
.
.
.
.
.
.
.
.
.
ان شاء الاحد ينزل بارت ثاني تعويض عن الاسبوع الي مانزلت بيه
الاحداث راح تبدي تشتد على عائلة راهب

شنو رأيكم بعميد!?

تردون صورة لغدير?!