رواية فصلية ل راهب الفصل السابع والعشرون 27 - بقلم zena ali

ولو متأخرة بس
كل عام وانتو بالف خير ينعاد عليكم بالصحة والسلامة
النفسية ابد مو تمام ولهالسبب تأخرت عليكم شوي 💕
يلا نبدي
.
.
.
.
.
.
.
.
غدير
كملنة العشة ورحت لبابا طلبت منة اروح لبيت عمي صار فترة ما شايفتهم
اريد احجي وية محمد اعرف ليش تغير وياية هيج وبابا كال ان شاء الله
خلصنه العشة ولهسة الكاتبة زينه علي مااجة راهب ولا ترف بقينة قلقين عليهم وجوري خابرهة حسن خطية ماقبلت تحجيلة لا يضل بالة عليهم
.
.
.
.
.
.
ترف

كملت الدكتورة الفحص وحاليا كاعدة انتظر منهة اي كلمة لان ردة فعلهة خوفتني

ترف: دكتورة اكو شي

الطبيبة: انتي جاية هنا ليش!?

باوعت لراهب الي يباوع للدكتورة(اكوملج هسة)

ترف: طلبت اسوي فحص واعرف اذا اكو شي ممكن يأخر الحمل!?

الطبيبة: احنة راح نسوي فحص بس مو حته نعرف سبب التأخير حتة نطمن عالجنين

ثانية
ثانيتين
تلاثة
كمز راهب من الكرسي ويباوعلي من فوك لجوة وعينة بقت على بطني
نزلت عيوني على بطني

ترف: دكتورة يعني شنو!?

الطبيبة: ههههه يعني الف مبروك حضرتج حامل عليج شهر ونص يراد متابعه مستمرة لان واضح انج مو مهتمة بتغذيتج وقللي من الضغط والتوتر ممكن تتأذين وتأذين الطفل وهسة كومي وية الممرضة تسوين شوية تحاليل نطمن اكثر

من فرحتي ماحسيت بروحي جاي ابجي باللحظة الي عرفت اكو قطعة مني ومن راهب بداخلي حسين بشعور ماينوصف كزبر جلدي من الكاتبة زينه علي هالشعور راهب تقرب علية وتفأجات كعد على رجليه كبالي لا اهتم للطبيبة ولا الممرضة ابتسملي وبقة يمسح على بطني

راهب بهمس: مبروك ام فهد يجي بسلامة ويتربى بحضني وحضنج فرحتي بهاليوم تعادل كل فرح عمري

اخذت ايدة وبست بطنهة:  ان شاء الله دوم فرحان حبيبي

الطبيبة: احممم احمم اسفة عالمقاطعة بس ياريت تكملون الاجراءات

اعتقد راهب على نفسة لان تحمحم ورجع وجهة جمد منفصم وربي
طلعنة وية الممرضة ودتني للمختبر وبقة راهب ينتظرني سوتلي كم تحليل وكالت ساعة وتطلع النتيجة

راهب: ترفة جوعانة نروح لمطعم! ?

ترف: لا حبيبي ماشتهي شي

راهب: ماشي امشي نفتر شوية بالسيارة بينما تطلع النتيجة

ترف: يلا

طلعنة للسيارة صعدت وسمعت واحد يصيح على راهب

: راهب

راهب: لك هلااا شلونك خويي

: هلا بيك شخبارك والله مشتاقين

راهب: لك كواد لو مشتاقلي تندلني وعندك رقمي كول اني ملتهي بالصاگات

: طاح حظك اي والله يا صاگات بس الله شاهد ملتهي وية الحجية تدري الكاتبة زينه علي بيهة نظرهة على كدهة وماعندي من يرعاهة بغيابي والي اجيبهن يشتغلن بالبيت مايعمرن وسالفة النقل لهسة ما كاملة

راهب: الله يساعدك حبيبي كتلك خليني اتدخل واحلهة الك ليش باقي متعذب هيج يا عميد

عميد: والله ماريد اتعبك بعد اخوك السالفة ما تستاهل ضامك للجبيرة ان شاء الله اسبوعين وتنحل هالسالفة وابقة هنا بعد
انتة خيرك شعندك هنا!?

راهب: ان شاء الله والله لاسويلك عزيمة تحلف بيهة بس كمل نقلتك
جايب البيت ابشرك راح تصير عم

عميد: لك كفووو الف مبروك ابو فهد يجيك بالف سلامة

راهب: يبارك بيك كواد شني كفو محرر القدس

عميد: هههههه ما صارلك 7شهور وراح يجيك فهد اكيد كفو
يلا حبيبي اترخص الوالدة تنتظرني

راهب: حبيبي عميد اخذ راحتك اي شي تحتاج اتصل مايردك غير لسانك

عميد: ماتقصر ..مع السلامة

راهب: الله وياك

صعد راهب اخيرا

ترف: منو هاذة راهب ?!

راهب: صاحبي عميد سولفتلج عليه

ترف: اي اتذكرة كتلي عايش بس هوة و والدتة وماعندة احد

راهب: اي هوة ..وين نروح هسة تشربين شي!?

ترف: مم اي والله صار كم يوم مشتهية چكليتية

راهب: ادللي نشرب چكليتية

بقينة نفتر وراهب مشغل محمد عبد الجبار وكل شوي ماخذ ايدي بايسهة اول الكاتبة زينه علي مرة اشوفة فرحان هيج وماقبل نجاوب على اي احد يريد يسويهة مفاجأة الهم
خلصت الساعة ورجعنة للدكتورة شافت التحاليل واطمنة ماكو شي الحمد لله بس يراد اتابع اكلي وانطتني فيتامينات وشوية ادوية المعروف طبعا ماكو دكتور يطلعك بدون علاگة ادوية

وية هالحجي صارت الدنيا ليل نزلنة بمطعم تعشينة وراهب نزل المشاوي بكل انواعهة ويكل للولد كثر كرفس عود يصعد الدم
حبيبي معلوماتة طبية بحتة هههه
كملنة عشانة واخذلنة موطة وحلويات وعصاير ورجعنة لليت تقريبا فوك العشرة الكاتبة زينه علي  باليل خطية لكينة عمي وعمتي لهسة كاعدين شگول عليك راهب اكيد ضال بالهم

راهب: السلام عليكم

الشيخ حاكم: صدك جذب راهب مو اخابرك ليش مترد

الشيخة فضة: ضل بالنة يا يمة شجاك وانتي المفلوكة على گولة راهب ليش ما تردين

ترف: عمة والله معلية راهب ماقبل ارد

راهب: بسرعة بعتيني بسيطة
يابة اني عندي الكم خبر بس اريدكم تهدون وتلزمون اعصابكم

الشيخ حاكم عدل كعدتة: خير ولك صاير شي عليك لو على ترف امك كالت رحتو للطبيب اليوم

الشيخة فضة: ولك احجي عليمن صافن شلعت گلبي

راهب: ابشركم راح تصيرون بيبي و جدو

ماسمعت شي بس هلهولة عمتي رجت البيت رج وخطية اباوع عمي عيونة غورگت. الكاتبة زينه علي وكام عليه راهب باس ايدة وراسة وعمتي تسكت وترجع تهلهل اجني البنات على صوتهة

جوري: شكو عمة ليش كل هاي الهلاهل

الشيخة: هلهلن وياي ولجن تعبت ترف حامل

سكتنة عمتي وانطلقن جوري و غدير وراهب ميت ضحك
شوية و الكل سكت وكامت عمتي وعمي يباركولي ويبوسون بية وعمتي انطت قائمة توصيات لجوري و غدير وتريد انزل انام جوة لوما راهب يقنعهة هوة يمي ويداريني

ترف: عمة والله بعدني باول شهر يعني اتحرك عادي لا تبالغون

الشيخة فضة بخزرة: اشوفج تشتغلين اخلي راهب يتجازى وياج اسمعي الحجي انتي ناعمة والطبيبة كايلتلج انتي ضعيفة يعني ديري بالج على روحج

ترف: صار عمة ادللي

جوري:يااا عزااا

غدير: هاا شبيج

جوري: جنت احجي وية حسن وسديتة بوجهة صخام وجهي عن اذنكم تصبحون على خير

عافتنه ورگضت

الشيخة: ايا معزاية ..يلا ولجن كومن نامن وانتة رويهب اخذ مرتك يلا خليتنة سهرانين لهالوكت هاذة

راهب: حجية يستاهل الخبر تسهرون علمودة

الشيخ حاكم: اي والله يستاهل يلا وليدي اخذ مرتك ودير بالك عليهة تصبحون على خير

كلهة راحت لغرفهة ودخلنة اني و راهب غرفتنة بسعادة چبيرة وبدت الحياة بعيونة تتغير.
.
.
.
.
.
.
.
جوري

دخلت غرفتي بسرعه ذبيت حجابي واتصلت بحسن ما جاوب ورجعت اتصلت ماجاوب عفتة
عشر دقايق ورجع دك علية

حسن: طايحة الحظ منعولة الصفحة وين جنتي شصاير ليش هالصياح وليش تأخرتي

جوري: انطيني فرصة احجي اول شي لا تغلط ثاني شي هاذة مو صياح هاي هلاهل الكاتبة زينه علي عمتي وتأخرت جوة يمهم

حسن: هلاهل شنو خير!?

جوري: ماكو شي

حسن: على شنو تهلهل امي لعد رگبهة جني مثلا

جوري: تحشش حضرتك

حسن: جوري احجي عدل راح اجيج وشرف محمد

جوري:  اريد انام محتاج شي

حسن: ماشي جوري روحي يصير خير ان شاء الله

سدة بوجهي وراح هاذة شبيه كلة لان سديتة بوجهة اي غير خفت عبالي مدري شكو جوة وسديتة بلا مااحجي
كمت بدلت هدومي ومشطت شعري طفيت الاضوية وخليت ضوة خفيف اخاف انام بالضلمة وحسن ما موجود
مداكدر انام كلش ضايجة من حسن اول مرة هيج يصيح بوجهي ويسدة وهو يدري اني ضايجة وزعلانة
حاولت انام لان الصبح لازم الكتابة زينه علي اكعد من وكت نتساعد اني وغدير عالبيت واكمل مراجعة
مادري شوكت وشلون نمت وشوكت كعدت اصلا ما باوعت بالساعة نزلت محد كاعد حته عمتي مصلية وراجعة نايمة البيت نظيف حته ممسوح! !!
دخلت المطبخ ونفتح باب الطرمة دخلت غدير

غدير: صباح الخير حبيبي

جوري: صباح الخير حياتي اليوم من وكت! ?

غدير شغلت الطباخ عالقوري: اي والله فزيت وماكدرت انام بعد كلت اكعد اخلص الشغل ماطول الكل نايم

جوري:  غير تنتظريني خوما تتشغلين لوحدج

غدير: انجبي شهالحجي واصلا البيت مابيه شي قبل يومين سوينة عمل شعبي بس مسحت ورتبت كم شغلة اكعدي نتريك لو ننتظرهم الكاتبه زينه علي يكعدون!?

جوري: بصراحة اني جوعانة خلي نتريك ومن يكعدون هم نتريك

غدير: هههههه ايا ام بطن يلا لعد ناكل شي خفيف بينما يكعدون

جاي نضحك ونشوف شنو نطلع وفجأة انفتح الباب تفاجأت دخل...........
.
.
.
.
.
الحاضر

: دكتور يعني اكو امل تكعد! ??

الدكتور: استاذ راهب المريضة علاماتهة الحيوية كلش زينة واعضائهة الي تضررت تشافت الوضع الي هية بيه وضع نفسي واني حجيت هالكلام قبل واعيدة
حاولو تحجون يمهة وتخلونهة تكعد الحالة اجت قبل 3سنوات ودخلت غيبوبة بذاك الوقت وجان السبب هو تلف بعض الاعضاء بسبب الحادث وبعد سنتين تشافت هاي الاعضاء وتحققنة من كل المؤشرات الحيوية وكلشي تمام فعرفنة ان السبب بالغيبوبة هو سبب نفسي وهاي صار سنة مدانشوف تحسن بصراحة ماعرف شنو السبب القوي الي يخليهة مو راضية تكعد رغم كل الكلام والزيارات من حضرتك ومن عائلتهة حاولو بعد وحاولو تكثرون الزيارات الهة ماكو غير حل يحفزهة

راهب: ان شاء الله دكتور اشكرك

.
.
.
.
.
.
.

يابنات فدوة مالة داعي التجاوز والله ترا هالشي كلش مزعج

شخبار اهل السادس قلبي معاكم❤️🫶!??