رواية فصلية ل راهب الفصل الثامن والعشرون 28 - بقلم zena ali

مرحبا ....شلونكم!??

اعتذر عالتأخير ان شاء الله يعجبكم البارت ❤️
.
.
.
.
.
.
.
جوري
انفتح الباب ودخل حسن اتفاجأت كلش من دخل حته غدير تفاجأت المفروض باجر يجي

حسن: السلام عليكم

غدير:  وعليكم السلام هلا حسن شعجب اجيت اليوم! ?

حسن:  خلصت شغلي وبادلت عالواجب

اسمعة يحجي واني سويت نفسي اشتغل فات من يمي وصعد لغرفتنة حتي ماكلف نفسة يسألني لو يسلم علية مثل كل مرة

غدير: جوري صاير شي بينكم مو!??

جوري: لا ابد بس هوة اكيد تعبان

غدير اخذت من ايدي الكلاص: روحي لحسن اني هم راح ارجع لغرفتي يلا

عافتني ورتبت كم شغلة بالمطبخ وجرتني وياهة للدرج

غدير: ادري صاير شي ومراح اسأل شنو بس روحي وتفاهمي وياه انتو ثنينكم مخابيل وتتراهمون

جوري : وادري انتي ضامة علينة شي وهم مراح اسأل لحدما تحجين من ذاتج

ابتسمت وعافتني راحت لغرفتهة واني هم صعدت لغرفتي لكيت حسن مبدل الكاتبة زينه علي ومتمدد وشعرة بعدة مبلل
جبت منشفة وكعدت بصفة انشف بيه وخر ايدة من عيونة

جوري: المخدة راح تتبلل

رفعلي حاجبة واني احجي وية روحي(لا تسوي هيج عليك الله خليني متماسكة وابقة زعلانه لا تتأثرين جوري)
كملت و وديت المنشفة للحمام ورجعت رتبت الغرفة شلت هدومة خليتهن عالغسالة من اكعد اغسلهن حسون افندي لازم بدلاتة يومية غسل وكوي
اني افتر بالغرفة وهو عينة وراية وين ما اروح
فتحت الكنتور اطلعلي الكاتبة زينه علي ملابس ادخل اسبح وكمزت من حسيت بأديه على خصري

حسن: راح تبقين ساكتة مامتعود على هدوئج

مارديت عليه

حسن:شنو مزعلج!?

بصراحة ماكدرت اسكت استفزني انداريت عليه

جوري: والله يعني متعرف!?? شنو الداعي لعصبيتك وصياحك علية! ?

.
.
.
.
.
حسن
يا هلا شلونكم صاير هواي ما حاجين
حياتي من دخلتلهة جوري احسهة وردت گلبي يرفرف كلما باوعت بعيونهة
حاليا جاي اعيش حياتي صدك بسببهة بقة بس شي واحد وتكمل حياتنة ( طفل ) ينور دنيتنة بس ميخالف مابقة شي وجوريتي تخلص امتحانات و اقسم بربي ماتطلع من الغرفة لحدما تكلي صارت حامل
اليوم وباجر عندي خفر باليل خلصت شغلي وبقيت اسولف وية جوري وتفاجأت بصوت العياط وفجأة انكطع الخط حاولت اتصل ماردت الكاتبة زينه علي علية وحته راهب ما جاوبني بقيت منتظر على جمر اي مكالمة منهم و وين يلا الهانم تذكرت واتصلت بية من عصبيتي ماعرفت شحجيت وياهة خلصت شغلي و نسقت وية صاحبي بالدوام ياخذ مكاني بالخفر
رجعت الصبح تفاجأت غدير وجوري بالمطبخ شعدهن من الصباحيات سلمت وجوري ماردت ولا سألت ليش جاي بس غدير حاجتني اني هم ماحجيت غدير واكفة عفتهن وصعدت سبحت و بدلت وتمددت انتظر جوري
شوية و اجت هم ماحجت بس حسيت بيهة تنشف بشعري

جوري: المخدة راح تتبلل

بت الخوش اوادم خايفة عالمخدة ام حلك الحلو كامت مني راحت للكنتور مدري شتبحوش رحت وراهة

حسن: راح تبقين ساكتة مامتعود على هدوئج

ماردت علية ام حلك الحلو

حسن:شنو مزعلج!?

اني كلت هيج وانفجرت بوجهي

جوري: والله يعني متعرف!?? شنو الداعي لعصبيتك وصياحك علية! ?

حضنتهة غصب عنهة :ماتدرين شصار بية من سمعت صياح وانسد التلفون وشكد اتصل عليكم محد يرد خليج بمكاني تتعصبين لو لا جان هديتي الدنيا علية لو مسوي هيج
جوريتي ليش ماتردين !?

رفعت وجهة عيونهة مغوركة والوجه احمر لزمت خدودهة

حسن: ولج ام الحلك الحلو تبجين من وراية ترديني اموت

جوري: اسم الله لا تحجي هيج بس حسن والله زعلتني اول مرة هيج تصيح علية هيج و حته مافكرت ترجع تتصل وتصالحني واجيت الصبح ولا عبرتني

حسن: تخافين علية ام حلك

جوري: كملهة

حسن: شكمل!?

جوري: حسسن كملهة ليش ارجع ازعل

حسن: لالا يمعودة لا تزعلين ام حلك الحلو

جوري: اي عفية حباب حسونتي

حسن: اووف يا يمة اشتعل حسونتج اكلج اني اريد اگلج اكل بس قبلهة تعاي احجيلي شصاير البارحة

جوري : ممم اولا مراح تاكلني لان الدنيا صبح وعلى اي دقيقة يكعدون وثانيا مراح اكلك شي

حسن: مم ولايهمك حبيبي اليل طويل ان شاء الله وبشرط مو هنا حته اخذ الكاتبة زينه علي راحتي واذا ماتحجين تروح عليج المفاجأة وهم راح اعرف من اهلي

جوري: تعرف شلون تقنعني الامر ومابيه ان حسونتي الحلو راح يصير عموو

بقيت صافن شوية

حسن: قصدج ترف حامل!?

جوري: يي حبيبي ترفة حامل بنونو

حسن: الف الحمد لله والشكر الله يكومهة بالف سلامة يوم الالج والي وتفرحين گلبي

جوري: ان شاء الله افرحك اني شعندي غيرك اصبر شوي مابقة شي لامتحاناتي

حسن: ماشي حبيبي اني راح اناملي شي مانايم زين من يكعدون كعديني ابارك لراهب وترف

جوري: صار حبيبي روح ارتاح انته

صار شكد مافرحان يستاهل راهب صبر ونال الله يهنيهم يوم الي جوريتي تفرحني بهيج خبر
ماحسيت على نفسي الكاتبة زينه علي من نمت لحدما كعدتني جوري كالت كلهم كعدو و تريكو وماقبلت تكعدني وياهم تدري بية تعبان
كمت غسلت وبدلت ونزلت جوة لكيتهم كلهم كاعدين بالصالة ابوي مبدل يريد يطلع و راهب لابس الزي يمكن عندة شغل اليوم

حسن: صبحكم الله بالخير

كلهة ردت الصباح دنكت على اخوي اباركلة

حسن: الف مبروك حزام ظهري

راهب: يبارك بيك بعد اخوك يوم الالك

حسن: الف مبروك ام فهد الله يكومج بالسلامة

ترف: الله يبارك بيك يوم الالك ونفرح بيكم ان شاء الله

حسن: مشكور خوية

جوري: حسن حضرت الريوك

حسن: جايج ...يابة عندك طلعة اليوم?!

الشيخ حاكم: اي بوية شغلة صغيرة ماطول ان شاء الله

حسن: ان شاء الله دير بالك يابة

الشيخ حاكم: لا تخاف يلا اودعناكم

طلع ابوية و ورة شوية طلع راهب واني تريكت وية جوريتي
وصعدت اكمل كم شغلة عالتلفون بينما جوري تكمل شغلهة وية البنات وتجي

.
.
.
.
.
.
.
ترف
ثاني احلا يوم بحياتي البارحة الكل فرحان بية خصوصا راهب الليل كلة صافن على بطني عبالك منتظر شوكت يجي ابنة او بنتة بالكوة خليتة ينام لان كال باجر عندة شغل مهم وضروري كعدت الصبح لكيتهة هسة يلاب7 وراهب بعدة نايم كمت سبحت الكاتبة زينه علي  وبدلت ونزلت لكيت بس عمتي كاعدة وكالت عمي جاي يبدل عندة طلعة وبالكوة خلتني اسوي الريوك وبقت يمي خاف اسوي شي لو اعثر لو اشيل شي وكلساع
(ديري بالج وعلكيفج وانتبهي )
‏كملت الصينية واجة عمي صبح علينة واجت غدير شكد بقت تحجي علية لان ما كعدتهة واني الي سويت الريوك هاي شلون ياربي والله الطفل ماعليه شي لان مجاي اسوي شي هو چاي وشوية اجبان على بيض
‏ودت غدير الصينية واني صعدت لراهب لكيتة كدام المراية جاي يتعطر

ترف: صباح الخير حبيبي

راهب: صباح الورد ام جهالي

ترف: هههههه هو واحد ...يلا حبيبي الريوك كامل وكلهة منتظرتك

راهب: يلا خلصت

نزلنة وراهب يمشي مثل النملة فدووة شلون ينتبه على كل خطوة ويمشي علكيف
كعدنة نتريك بينما خلصنة ورتبنة المطبخ نزلت جوري و ورة شوية نزل حسن سلم وبارك لراهب وباركلي الله يسعدة ويسعد اختي وياه ويرزقهم بطفل يعوض حسن عن الي شافة لان من خلال هالكم شهر عرفتة شكد طيب ومحترم والاهم يحب جوري ومدللهة
طلع عمب و وطلع راهب لدوامة وكال احتمال يتأخر اليوم هالايام اشوفة نواي الكاتبة زينه علي يتعب ويسهر عالتلفون لو عاللاب الله يساعدة
ابد ما اسألة بشي يخص شغلة اخفف عنة بدون ماسأل بتفاصيل
حسن صعد ورة ما طلعو وجوري وغدير بقن يشتغلن بالبيت اني محظورة من الشغل لحد مايشرف ولي العهد
خلصن البنات وبقينة نسولف شوية لحدما كالت جوري راح تصعد تراجع شوية وغدير بقت تكنك اني هم لزمت تلفوني صارت ب11الاربع كالت غدير شنسوي غدة

ترف: اسألي عمتي شوفي شمشتهين

غدير: اكثر سؤال يضوج الوالدة خلي نفكر احنه احسن هاي وين راحت ام حلك

ترف: ههههههه ام حلك يم رجلهة عوفيهة

غدير:اي يابة ليش لا

ترف: ههههه خنشوف هم تجينة من ترحين للحب

غدير: ياحب!?

ترف: انجبي غدير ترا كلش مبينة بس لا اني ولا جوري ردنة نسأل ونتدخل

غدير: والله بس احس نفسي مستعدة اني راح احجي كلشي

ترف: واني منتظرة اي وقت تردين تحجين تعاليلي وهسة كومي نشوف شنسوي غدة احسن ما ياكلونة عالغدة

.
.
.
.
.
.
راهب

راهب: لك انتة شتكول شلون تغير الموعد بعد كل هالتخطيط تجي هسة تكلي غيرو الموعد

ضابط: سيدي هسة يلا اجتنة هالمعلومات والاوامر تكول مراح نلحك نسوي شي لازم نتراجع

راهب بحدة: مراح نتراجع الخطة راح تتنفذ مستحيل اخليهم يكملون الي يردون الكاتبة زينه علي  يسوونة خلي الكل يجهز نفسة بسرعة واني راح احاجي مساعد الوزير بنفسي يلااا

ضابط: امرك سيدي
.
.
.
.
.
.
.
.
الحاضر

راهب: اني اسف حبيبتي اني اسف بت گلبي بسببي وبسبب انانيتي صار هيج كلة بسببي ارجعيلي واسوي الي تردينه وعد بس فتحي عيونج الحلوة وحاجيني ما اخذتي حقج مني صارلج 3سنين تعاقبني

.
.
.
.
.
.
.
.

السبب بتأخيري التدريب الصيفي يعني تعب والطريق حر فمايكون عندي واهس اكتب بس بقالي كم يوم ويخلص تدريبي وابدي انزل بشكل مستمر حته تخلص القصة ونبدي نعدل بحر المافيان ❤️
شكرا لمتابعتكم