رواية فصلية ل راهب الفصل الثاني وثلاثون 32 - بقلم zena ali

السلام عليكم
نعزي الامة الاسلامية باستشهاد سبط النبي (ص) ابا عبد الله الحسين(ع)

شلونكم بنات ان شاء الله تكونون بخير?!
.
.
.
.
.
.
ترف

قبل يومين وصلتني رسالة غريبة على تلفوني اول رسالة جانت (تعرفين رجلج وين هسة) بصراحة ما اهتميت كلش بيهة يجةز بالغلط بس ثاني رسالة لحد هاي اللحظة احاول اجذبهة وماكدر وماعرف الكاتبة زينه علي  شحجي او شكول زين اسأل راهب عليهة شلون اسألة شلون افتح وياه الموضوع شلون اسألة (راهب انته صدك تخوني وهاي صورك انته وعشيقتك?!)

*الرسالة الثانية جانت صور لراهب واكف وية وحدة شكلهة غريب و وياهة رسايل من صفحة راهب بين راهب وبنية الحجي غزل و حتى +18

راهب ميجي للبيت حتى احجي ولو ردت احجي شنو اكلة!?
كلهة انتبهت علية تعبانة ومالي خلك وخصوصا ذني اليومين من بدت توصلني الرسائل
اليوم من كعدت واني ابد ما مرتاحة احس گلبي يوجعني نزلت شوية يم البنات وماتحملت ابقى كاعدة راحت عمتي لغرفتهة وسولفت وية البنات شوية وصعدت لغرفتي بس خليتي راسي عالمخدة نمت ماحسيت على نفسي الا من راهب ندهني واستغربت لان جاي من وكت اليوم يحجي وياية طبيعي وقلقان علية معقولة راهب يسوي هيج شي بية !?

بعد حجي منة ومني ماتحملت وشوفتة الي بتلفوني بقة صافن عالتلفون ورجع يباوع بوجهي

راهب: شنو ذني?!

ترف: مثل متشوف هالصور وصلتني قبل يومين

راهب: وليش ماحجيتي

ترف: حضرتك شوكت تجي حتى احجيلك?!

راهب: احجي عدل لا اكسر سنونج

ترف: لا تحاول تگلب الحجي لو تفهمني شنو هاي الصور لو هسة توديني لاهلي ولو بكل الحالتين اني رايحة لاهلي لان الصور والرسايل مالهم تفسير غير اللي ببالي

راهب: وشنو الي ببالج بلة

ترف: يااخي شهالبرود العندك انتة جاب تشوف لولا هاي صفحتك وهاي صورك

راهب بصياح :وهذا اللي راح يخبلني

ترف بدموع: يعني شنو راهب

راهب تقرب عليهة ولزم وجهة بثنين اديه: وعيونج مو اني ولج واني شاب وعزابي ماسويتهة اسويهة هسة واني شايب ومتزوج وراح اصير الكاتبة زينه علي اب بنيتي الله يهديج ارتاحي واكلي شي واخذيهة مني شاربي مو علية اذا ماعرفت منو الي مسوي هيج ودازلج هالصور والمحادثات

بقيت ابجي بحضنة ماكدر اجذبة كلامة صحيح ليش هسة يلا يسوي هيج بس شلون والكلام الي بالمراسلة من صفحتة احس بتعب مو طبيعي

راهب: كافي بنيتي لا تسوين هيج بروحج والله لادفعة ثمن دموعج الي سوة هيج كومي بنيتي كومي غسلي وجهج وانزلي اتغدي اني راجع للدوام ساعتين واجيج نطلع نتعشى برا

ترف مبوزة شفايفهة: ماريد ..وديني لاهلي

راهب عض شفايفهة: اروح فدوة لاهلج اني واروح فدوة للعدهة ثقة برجلهة بس اصبريلي ساعتين واجيج كومي وياي بنيتي يلة

ترف باوعت عليه شوية وعضتة من ايدة كل قوتهة : وحدة بوحدة

عفتة وكمت للحمام غسلت وجهي
ترف: فرصة وحدة اذا رجع بدون دليل مابقة اليوم بالعمارة

نشفت وجهي ونزلت جوة البنات بعدهن كاعدات ويتبسبسن بيناتهن خلي اكل واجي اقررهن شجانن يحجن جاي اصب ونزل راهب واسمع غدير حاجتة

غدير: ها خوية شو مابدلت هدومك?!

راهب: صارلي شغل ساعة ساعتين وارجع

وعافنة وطلع اباوع عالبنات وحدة تباوع عالثانية ورجعن يباوعن علية .كملت غداية ورحت يمهن بالصالة

ترف: يلا احجن شمسويات وعلى شنو جنتن تتبسبسن

غدير: ما مسويات شي انتي وراهب شبيكم شنو هالهدوء الي بيناتكم وليش اجة وراح بسرعة

ترف: ماكو شي وراهب اجاه شغل ضروري وراح ولا تغيرين الموضوع احس وراجن شي

جوري: لا كلشي ما ورانة من رخصجتن اخابر حسن

غدير:واني راح اعزل غرفتي وانزل اكعد ماما

ماشفت بس التراب وراهن متاكدة وراهن شي كمت عزلت الصالة رتبت المطبخ وغسلت مواعيني مال الغدة ساعه صارت اربعة العصر الكاتبة زينه علي خليت القوري عالنار ورجعت عطرت الصالة وصعدت فوك اصيح البنات الحقيرات صعدن ماجن بعد هيج اخوف اني?!

طبيت على جوري لكيتهة ملتهية تتغازل وية حسن بالتليفون رجعت سديت الباب وطلعت رحت لغدير لكيتهة صافنة

ترف وهي تكعد بصف غدير: شبيج غدير?!

غدير: ها..لا حبي مابية شي صفت شوية يلا خلي ننزل

ترف: متأكدة ?!

غدير: اي والله بس احس بملل مادري شسوي

ترف: شنو رأيج نجرب اكلات جديدة انتي كلش تحبين الطبخ وتحبين تسويين حلويات وملاحظة انج ضامة تلفونج ليش ضامتة تابعي عليه مسلسل تعلمي وصفات

غدير: هو هم هيج عاد اتسلى بيه بلكت هالسنة يقتنع بابا وراهب ارجع ادرس

ترف: وراهم وراهم لحدما يقبلون يلا كومي اليوم العشة عليج اريدج تبهرينة

غدير:هههه ماشي ابهركم وانتي كافي تصعدين وتنزلين ترا مو زين عليج

نزلنة لكينة عمتي بالصالة

الشيخة فضة: ها ولجن وين جنتن?

غدير:هههه جنة نسولف شوية

الشيخة فضة: رجلج مااجة?!

ترف: اجة عمة ورجع طلع كال اجي بعد ساعتين

الشيخة فضة: ماشي عمة كومي غدير سويلنة جاي ترف حولي التلفزيون على قناة كربلاء زيارة موسى بن جعفر(ع) مابقالهة شي

ترف وهي تگلب بالقنوات: غدير اني مخلية الجاي عالنار بس صبي

شربنة جاي ونزلت جوري واجة عمي خطية تعبان من الطريق سبح وكال راح ينام شوية يرتاح ونكعدة عالصلاة
كمنة اني والبنات نحضر للعشة غدير تسوي الطبق الرئيسي واني وجوري نساعدهة وهم نسوي غير اكلات اني مراح اكل بس انقش وياهم عيب
رغم كلشي بس گلبي الكاتبة زينه علي وجعني فجأة على راهب كلت نكمل العشة واتصل عليه صارت الصلاة وراحت جوري تكعد عمي واني نضفت السنك ورتبت المطبخ حتى متصير هوسة ورحت اريد اخذ تلفوني اتصل على راهب بعدني ما وصلت للصالة وانفتح باب المطبخ على حيلة وصوت راهب يرعد بالبيت

راهب: ولج غديييييييييييييير
.
.
.
.
.
.
.
.
.
راهب
بعد الي صار وية ترف رجعت للدوام لازم اعرف شنو اللي صار وشلون هالشخص جاب رقم ترف اتصلت بمسؤؤل الالكترونيات عدنة وطلبت منة بشكل شخصي يبحث عن صاحب الرقم ويتأكدلي من الحساب ويشوف حسابي اذا مخترق او لا
الرقم ما مسجل وحسابي مأمن يعني هالحساب ابو المحادثات حساب وهمي علمود الصور وبس بس منو الة مصلحة يسوي هيج
راسي يا الله هم الرسايل الي تجيني وهم هسة رسايل لترف !!?
لوما ترف تثق بية وتحبني جان صارت كارثة
بقيت كاعد شوية الكاتبة زينه علي بالمكتب كلت ارتاح شوية وارجع للبيت اخذ ترف ونتعشى برا توني رجعت راسي عالكرسي واجاني اشعار للتلفون
رسالة هم من رقم غريب

(عيب على شواربك بمنصبك هذا واختك ماتدري بيهة شتسوي)
احس راسي دخن وعيوني تطلع شرار من قريت الرسالة ورجع الرقم دز صور لمحادثات بين رقم غريب و رقم مسجل بايموجي(❤️) بدون اسم ورجع دز تفاصيل جهة الاتصال هذا الرقم مو غريب علية
حاولت اتصل عالرقم الي دزلي هالرسايل لكيتة مغلق اخذت الرقم الاول من الرسايل لكيتة هم مغلق الرقم الثاني ابو الايموجي الكاتبة زينه علي اول ما سجلتة طلعلي جهة الاتصال موجودة باسم محمد
دخيلك ربي لا مو غدير غدير متسوي هيج و قبل ماسوي شي كلت اتأكد رجعت اتصلت على ابو الالكترونيات طلبت منة يشوفلي هذا الرقم مسجل بأسم منو و وين جان اخر مكان مفتوح بيه الخط

ساعة واجاني للمكتب وبيدة فايل المعلومات انطانياه وراح
ماريد افتحة ماريد اشوف شبيه بس لا لازم افتحة اني متاكد غدير متسوي هيج شي هاي بنتي اني ربيتهة اعرف كلشي بيهة
فتحت الفايل وريتني ما فتحتة
الرقم باسم محمد واخر احداثية للخط ببيتي 💔
حسيت بحرارة بوجهي وراسي بيه ونة رفعت ايدي لوجهي ونملت دم عرفت خشمي طگ دم رحت للحمام غسلت وجهي وطلعت من المكتب ومن الدائرة كلهة مادري شلون سقت ولا شلون وصلت للبيت بس اريد اطفي النار الي بگلبي
طبيت البيت وعطت بعلو صوتي احس الصوت طالع من گلبي
راهب:ولج غدييييييير

.
.
.
.
.
.
.
.
.
.
البارت قصير اعرف بس ماكدر اكتب شي بعد لان الاحداث الجاية مربوطة شي بشي وهالاسبوع ماكدرت اكتب هواي لان تعرفون جانت مناسبة وملتهين لا تزعلون ❤️

منو الي جاي يوگع بين راهب و اهلة ?!وهل الموضوع بس صور ورسايل لو حيصير شي اكبر?!

شراح يسوي راهب وية غدير?! وشنو ردة فعلهم بالبيت?!

غدير