رواية فصلية مرتين ✌ الفصل الثالث 3 - بقلم Mortahela-مرتحلة

للكاتبة : فاطمة البحراني

حسين :

تعرفون يلي صار ماكو داعي اتكلم 😉 ، بس راح اگول يلي صار بعدها و اوگف لمن تگعد فصليتي 😌.

{{{{{{{{{{{{{{{{{{{{{{{{{{{{{{{{{}}}}}}}}}}}}}}}}}}}}}}}}}}}}}}}}}}}

انه ظليت اضرب بيها لحد ما حسيت انه اغمى عليها ، باوعت الها گلبي وجعني من شفتها بهاي الحالة بس تستاهل لان صلفة و بس تتحسب و تدعي علية .
گعدت على الچرباية و اهلي يدگون بالباب و سكوت روان خلاهم يقلقون اكثر بس انه ما اهتميت .
ظليت اباوع عليها ناعمة و تخبل بس كلها جروح و ملابسها تشگگت و صارت شبه عريانة ، انه ككل رجال انغويت بيها .
بس فكرت ببالي انها صغيرة وهي ما رضت و الامام علي عليه السلام قال : اذا ما كانت راضية المرأة فحرام على الرجل ان يمسها .
و فكرت كذلك بفكرة ثانية ان هي بعمر بناتي و طبعاً كل رجل يفكر نفس التفكير من راح يشوفها .
گمت من مكاني لأن ما تحملت اشوفها بهاي الحالة و ايضاً كبريائي ما سمحلي ان اتفگدها (اتفقدها) بنفسي .
توجهت على الباب حتى افتحه و اصيح لوحدة من البنات ان تعالجها و تشوف حالتها .
فتحت الباب و صارت بوجهي رملة و نصير لان هم الكبار .

رملة : لك شسويت انت خبل لو شنو ؟؟؟؟ .... وين البنية !!؟؟
حسين : جوة روحي شوفيها و صحيها !!
نصير : خوية انتِ دخلي انه ما اگدر لان هي ما لابسة حجاب اكيد !!
رملة : صار هسه اروح .

دخلت رملة و انوب وراها دخلت هناء لان چانت واگفة وراها .
اول ما دخلن صرخت هناء و رملة تحسبت علية .

رملة : حسبي الله و نعم الوكيل بيك يا حسين يا حقير !!!
هناء : يبووووووو !!!!!! ... رواااااااان ولكم الحگولي !! .. راح تروح البنية !!

نصير باوع الي و هز راسه و خزرني و انه ما اهتميت ابد خليتهم براحتهم ناس تعيط و ناس تتحسب و ناس تخزرني ولا يهم .
اهم شي انه فضيت كل ثاري و غيضي و عصبيتي بيها بهاي الكتلة الاخذتها مني ، چانت الكتلة مرتبة و بالعگال .
دخل نصير و دار وجهة .

نصير : استغفر الله لا حول ولا قوة الا بالله ... غطوها خل ناخذها للمستشفى لان حالتها حتى مو مال دكتور يجي يشوفها اصلاً .
هناء : صار خوية هسه راح البسها حجاب و عباية ... هسه انت اطلع نحن نتكفل بيها مالك غرض .
رملة : اي خوية اطلع و خل حسين يدخل يشيلها بما ان هو زوجها .
نصير : ان شاء الله !!

طلع نصير وصاحني حتى ادخل جوة واشيلها و اخذها للسيارة بسرعة ، اجيت ادخل للغرفة و هو سحبني من ايدي و انه درت ويهي (وجهي) .

نصير : انه ماراح اگولك شي بس ان انت اخس وانذل انسان عرفته بحياتي يا حسين ... انه ادري انها اخت الكتل حليم و هي فصلية بس مو هيچ تسوي بيها يا حيوان !!
حسين : لا تهيني نصير ما اقبلك !!
نصير : انچب و تاكل **** (اسفة على الالفاظ بس هي من ظمن القصة) انه اكبر منك و من حقي اهديك و اخليك تصحى على روحك .. تدري ان البنية ما الها علاقة بموت حليم الله يرحمة .. تدري يلي بعمرها هسه هنا يلعبن بيت بيوت و العاب و من هذن السوالف مال اليهال (الجهال) .
حسين : مو مهم هي حلالي و فصليتي و انه بكيفي الاسوي بيها عسى ما اكتلها خلاص هسه ما الكم دخل .
نصير : لا اله الا الله هاي عود صغيرة و هيچ سويت لو شوي اكبر شتسوي !!؟؟ .... صدگ دير بالك تگربلها ترة هي مو مال سوالفك المكسرة !!!!
حسين : مو بكيفك هذا حقي !!!
نصير : گتلك لا تگرب لا اخلي الموضوع يوصل لأبوي و ابوي تعرف بيه ما يرضى على الباطل !! .... فهسه شتگول انتَ اوصله يو لا !!
حسين : ماكو داعي توصله لأبوي انه اتصرف ما عليك ..
نصير : خوش و چي انت زلمة راح اخذ بچلماتك .. و خلي چلماتي تراچي بذانك مو تنساهن عود !؟!؟
حسين : خوش حچي .

نصير ضوجني بكلامه لان هي حلالي ليش ما يخلوني اگرب الها ، انه اعرف ان هي رضت بالموضوع و امي بكيفها تخربط لان صغيرة عود عشتو !!
المهم .. دخلت للغرفة لگيتهم جاي ينزعوها ، صح نحن تأخرنا بالحچي بس همة هم تأخروا لان هناء طلعت تجيب دشداشة من مالاتها لان البنية كل شي ما عدها من ملابس .
انه ظليت صافن وفاك حلگي على بياضها اليشگ شگ وجسمها الناعم ، استغفر الله انه بيمن افكر كلها على بعضها طفلة مثل ما گالو .
انعصر گلبي من شفتها جسمها كله مشطب و صاير ازرگ مگلوب من الابيض لل ازرگ و البنفسجي .
انقهرت حيل عليها بس تستاهل لان الاسباب يلي بگلبي عليها هواي و يكفن .
كملن البنات و گالن الي شيلها و اخذها للسيارة ، انه شلتها سريع و نزلت من على الدرج و كله سريع ، وصلت للسيارة و خليتها ليورى ويا البنات .
انه و نصير گعدنا ليگدام ، هو يسوق و انه بصفة ، همة كلهم خطية صايرين نار عليها و انه ما مهتم ابد .
وصلنا للمستشفى و دخلناها هم انه شلتها ، خلوها على النقالة و اخذوها دخلوها للغرفة علمود يفحصها الطبيب .
دخل الطبيب و وياه ممرضة وحدة بس ، ظلينا برة وهناء مقهورة حيل و رملة كاضة (لازمة) سبحة بيدها و تسبح لان هي المؤمنة مال بيتنا 😂 .
نصير واگف مخلي ايده على ونص وجها الفوگ يعني على عيونة من العصبية و مدنگ راسه .
انه ابد ما مهتم و العب بالموبايل .
ورة نص ساعة طلع الطبيب و مبين عليه عصبي ، گام يحچي ويا نصير و هز راسه بمعنى رفض بس ما اعرف على شنو ، انه چنت واگف بعيد وبس اراقب بيهم بعيوني .
تقرب مني نصير و گالي امشي ويا احچي ويه الدكتور .

الدكتور (قاسم) : انتم شتصيرون منها ؟؟؟
نصير : انه حماها و هاذ زوجها ... خير امر دكتور ان شاء الله خير !!؟؟
راح استخدم (قاسم) بدل دكتور : انتِ زوجها ؟؟
حسين : اي انه زوجها .. خير شصاير ؟؟؟
قاسم : اذا گعدت المريضة و گالت ان هاذ الضرب منك انتَ ماراح يصير خير لان راح اضطر اشتكي عليك !! ... لان الاغماء هاذ چان سببه هو الحالة النفسية وحالتها النفسية مو زينة بسبب كثر التعذيب يلي متلقيته المريضة .. بس عندي سؤال بشنو انتَ ضاربها حتى جسمها صاير بهاذ اللون !!؟؟؟؟
حسين : زوجتي وحلالي و بكيفي !!
قاسم : شنو زوجتك و بكيفك انت مخبل مو صاحي !!!! ... هي عمرها ١٠ سنين شوكت تزوجت ؟؟؟؟
حسين : لا ١٤ بس ناعمة كلش !!
قاسم : مو مهم هاذ مو سؤالي ... اگلك انتَ بشنو ضارب المريضة "روان" ؟؟؟
حسين : بـ... بـ العگال لان لسانها طويل اولاً وثانياً هي فصلية !!!
قاسم : فصلية شنو ؟؟؟؟؟ ... شنو هالتخريف نحن وصلنا عصر التكنلوجيا و التطور و انتم تدورون فصلية وفصل وما اعرف شنو !!!!
نصير : خوية لا تنفعل دكتور هاي غلطة وما تنعاد بعد اخذها مني كلمة ... بس طمأنة عليها راح گلبي مات اريد اعرف شصاير !!!؟؟؟؟
قاسم : صار ... اولاً صاير عدها اغماء لان عدها انفعال بالاعصاب و تلف من كثرة الخوف و الالم المتلقيته من الاستاذ !! .. ثانياً هي بفترة شوي حرجة لان عدها ضعف بالنمو و عدكم دليل انها ناعمة كلش و هاذ مؤثر !! .. يعني ارجو منك انتَ خصيصاً يا اخي ان تدير بالك عليها و تبعدها عن المشاكل والناس يلي تفتعل المشاكل هم !!!
نصير : صار دكتور وانه اسف مرة ثانية و ماتنعاد !!
قاسم : اوكي اخر مرة لان خطية ما شفتو حالتها شلون صايرة حتى مصخنة !

الدكتور يحچي و يخزر بيه ، انه مو لهاي الدرجة قسيت بالضرب ... او اصلاً اسوء من هاي الدرجة .
انه مو قصدي بس هسه اذا اكو رجال يقرأ راح يوافقني الرأي بأن الجاجيل ما يحبون يلي تعاند و ام لسان طويل و ترادد .
انه عصبي وتدري بيه بس ما تگعد راحه الشگرة الگمر 😍 .... اهووووو رجعنة والله بگد بتي 😱😵😣 .
قبل لا يروح الدكتور صحت عليه واندار .

حسين : دكتور .. شوكت تگعد ؟؟؟
قاسم : يمكن شي ربع ساعة او اقل لان نسبة المخدر قليلة خاف تأثر عليها .
حسين : شكراً دكتور ... نگدر ندخل يمها !؟
قاسم : اي تگدر .... بس مو تحاول تغير كلام البنية لان السؤال مهم !!
حسين : اكيد !!!

راح الدكتور و دخلنا كلنا لگيناها نايمة والمغذي مشكلينا بيدها و حالتها مزرية و تبچي الصخر عليها .
انه شفتها و غمضت عيوني و عضيت على شفتي من شكلها اليقهر اكبر واحد ، ذيچ الگمر هيچ صار بيها .
انقهرت شوي انوي تذكرت منظر اخوي گبالي من الرصاصة بنص گصته و رجعت قسيت بالفكر .
ظليت اباوع عليها بس ما مقهور ابد راح القهر ويه ما تذكرت اخوية .
نزلت عيوني انوب درتهن على هناء شفتها كاضة ايد روان و مخليتها يم گلبها و تباوع عليها .
باوعت على رملة گاعدة على السرير يم روان و تباوع على وجها و شبه تبچي عليها لان عيونها مغورگة (مرقرة) بالدموع .
باوعت على نصير يباوع للفراغ و صافن و مخلي ايد على گلبة وايد لازم بيها السبحة مال رملة و يسبح .
كلهم شايلين همها ما حسبالك من ورة اخوها راح العزيز 😢 بس بسيطة و الله لا اشوفها نجوم الظهر و اخليها تندم على اليوم يلي صارت بيه اخت ذاك الچتال الحقير 😈 .
باوعت عليها فتحت عيونها و ظليت اباوع على وجها حتى اخليها تخاف و اصير شيطانها الرجيم ، خزرتها من فتحت عيونها وخليتها تخاف و تندار تشبگ رملة حيل و تخلي راسها بحضنها .
هسه يلة ارتاحيت شوي نفسياً ترة بعدنة ببداية البداية .

يلة اخلي الفصلية تحچي .... اكتب نسبة كرهك الي بالتعليق 😂 .

¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢

روان :

أول ماگعدت و فتحت عيوني شفتهم يمي بس مو كلهم يعني بس هناء و رملة و اخو حسين يلي ما اعرف اسمه اصلاً 😂 و الغثيث و ياهم 😑 .
باوعت عليهم كل واحد منهم صافن و الغثيث صافن علية ، باوعت بوجهَ و شفته يخزر بية وانه اخاف منه اصلاً .
خفت و انداريت على رملة و حضنتها و خليت راسي بحضنها من الخوف لان ما اريد اباوع عليه ، و لا حتى اشوف وجها الخايس 😅 .
(شوف الچذب هو اصلاً من اجمل شباب ميسان 😕 "للكاتبة فاطمة البحراني")

رملة : يا يمة شبيچ ؟؟؟؟
روان : خل يطلع ما اريدة يمي يخزر بية يخوفني !!!!
رملة : منو يلي يخوفچ !؟!؟
روان : حسيييييين !!!!!!
هناء : اطلعوا اطلعوا برة خل ترتاح و ادخلوا وانتَ يا حسين بسيطة اني الك نرجع للبيت والله لا اخلي ابوي يرزلك رزالة ناشفة !!!
نصير : اطلع حسين اطلع لا ابتلي بيك والله !!

طلع اخو حسين و حسين بس قبل لا يطلع اشرلي بمعنى بسيطة او متحلفلي .

روان : اريد ارجع لأمي فدوة الله يخليكم رجعوووني !!!!!! ..... والله ما اگدر اتحمل هاذ الوجع كل يوم انضرب !!!!!
هناء : أهدي كافي حبيبتي .. بعد ما يوصل حدچ (يمچ) انه اوعدچ !!! .
رملة : اهدي يمة بعد ما يتگرب الچ (يتقرب) ... واذا بس يفكر انه بالمرصاد نگول لابوية و ابوي يتصرف وياه ..
روان : لا ما اريد اي شي بس اريد ارجع لبيت اهلي !!!!
رملة : مو اگلچ كااااافي بعد ما يضربچ اشگ حلگه والله بس خل يوصلچ !!!

انه الدموع تنزل من عيوني و محد يحس بيه ... اريد امي ما اريد اي شي كل حچيهم ما يفيدني ...
ظليت ساكتة من صيحت بوجهي ، بكل مرة اريد شخص يفهمني ماكو و دائماً احصل انه على الضرب والاهانة والخوف .
ما اگول شي بس حسبي الله ونعم الوكيل بيهم و بكل شخص اذاني حتى لو چانو اهلي ، وحتى اخوي راشد .
شوي ودخلوا اخو حسين و يلي يمكن اسمه نصير على ما اظن و الدكتور بس حسين ماكو ؟؟!! .... همزين احسن ما يجي لان كل ما اشوفه گلبي يوجعني و حتى جروحي .
تقرب مني الدكتور و لزم ايدي و شاف نبضي و شاف المغذي انوب طلب منهم يطلعون برة 😱 .

قاسم (الدكتور😉) : عيوني انه ما اريد شي بس الحقيقة تحچين .. زين !!؟؟
روان : اي اوكي !
قاسم : هاذ الضرب منو ضربچ اياه ؟؟؟؟
روان : هااا !!؟؟؟
قاسم : زوجچ ضربچ ؟؟؟ ... هاذ الواگف برة لو لا احچي علمود ابلغ الشرطة عليه وبعد ما يأذيچ !!!

انه ظليت صافنة .. مهما يكون ما اگدر اگول ان هو الضربني لان خاف ينسجن و هو اصلاً زوجي و انه فوگاها فصلية يعني شأتوقع منه ؟؟!!
قررت اگول انه مو هو يلي ضربني لان ما اگدر قلبي ما يعطيني اخبر عنه !!

روان : لا .... لا مو .. هو .. مو هو الضربني !!!
قاسم : عيوني گولي الحقيقة اعرف انه هو ضربچ !!
روان : لا لا عليك الله لا تگول للشرطة خطية خاف ينسجن و هو عندة زوجة و زوجته حامل .. اعرف ان هو غلطان من ضربني بس مهما يكون انه فصلية 😢
قاسم : لا اله الا الله شلون اسكت عن الحق !!؟؟ ... بس مهما يكون هاذ قرارچ بس انه ما اتحمل اشوفچ بهاي الحالة !! ..... هاچ راح انطيچ رقمي احلفچ بالله من يأذيچ گوليلي لان ميصير هيچ انت جسمچ ناعم وما يتحمل و عندچ نقص نمو ومو زين عليچ !!!!!
روان : اوكي يلي تأمر بيه يجرى  !! .... انه اشكرك هواي والله !!!
قاسم : هاذ واجبي ولو !!

طلع الدكتور وانه رحت يم الباب اتسنط شراح يگول الهم .....

قاسم : حسبي الله ونعم الوكيل بيك ... البنية ظلت تبچي تتوسل بيه ما اگول للشرطة على عملتك الفاشلة والحقيرة مثلك !!!
نصير : قصدك هي اعترفت وانوب طلبت منك ما تگول للشرطة !!؟؟؟؟
قاسم : اي گلتلي مهما يكون هو زوجي و ان هو متزوج و زوجته حامل و خطية و ما يصير تگول و ما اعرف شنو من الخرابيط مال الزعاطيط !! ... انتَ ما تستحي ماخذ وحدة بگد بناتك لك لا تگلي هي فصلية ماكو هيچ شي ابد بالعالم كله !!!!!
حسين : انتَ تقشمر عليه ؟؟؟؟؟ ... شلون ما اشتكت عليه و ليش ما تقبل ؟؟؟
رملة : الله يوفق اهلها على هاي الترباية و يجعل مثواهم الجنة .
هناء : اي والله ماكو مثلها ابدا بنية تنضرب وما تشتكي !!!
حسين : اريد اشوفها !!!
قاسم : ممكن تدخل الها بس يمكن بعدها تحت تأثير المخدر ونايمة !!

انه سمعتهم وركضت للچرباية نمت او سويت نفسي نايمة و بعدين نمت صدگ من بعد ما دخلو و شافوني و حسين تأفأف من لگاني نايمة هيچ بدون مقدمات او اي شي !! .

|||||||||||||||||||||||||||||||||||||||||||||||||||||

يتبع ........ 😊💋