رواية فصلية مرتين ✌ الفصل الخامس 5 - بقلم Mortahela-مرتحلة

حسين :

رحت گعدت بالديوان يم الزلم وانه بالي يم فصليتي ، هي بس الي شلون هاذ باوع عليها بكل صلافة بس بسيطة لا ادفعك ثمن شوفتك الها .
وهي هم راح اشوفها شنو معنى ان هي متزوجة الشيخ حسين و ميصير تطلع بدون حجاب .. يعني هي غبية ما تعرف ان ع.نا خطار لم ما سمعت مثلاً ؟؟
بس بسيطة انه الها بس خل يرحون ذول الفگر الخايسين 😂 .
صبوا العشاء و تعشينا و كملنا انوب صبوا چاي مهيل ، انه كل هاذ الوقت ظال اباوع و صافن على هاذ سمير و ظليت اخزر بيه .
كل ساع اباوع عليه واريد اگوم اكتلة واهدء روحي ... يبوووووو 😱 اشو گايم افكر بيها زايد ... لا لا ما افكر بيها بس لان هي عرضي .
اي اي لهاذ السبب !!
هو الكلب گام يحچي ويا اخوانة ما اعرف منو ، من العصبية گمت ما اميزهم ، ظل يأشر على المطبخ و يضحك و يأشر على ظهرة .
بس لا يقصد شعرها لان شعرها طووويل كلش 😲 ، والله لو ما عيب چا هسه دفنتة بگاعه 😬 .
خلصنة و انه گمت ، بس گمت گام ابو سمير وراي و صار عصبي چان يحچي ويا ابوي ، انه ظليت واگف مكاني ما تحركت .
ظلو يصيحون ثنينهم ابوي و ابو سمير انوب نصير گام راد يهدي ابو سمير بس هو دفعه انه انتهزت الفرصة وسويت عركة 😂 .
ظل واحد يضرب الثاني و انه كظيت سمير ما بقيت بي مكان ما زورگته ذبيت حرگتي بيه و شبعته ضرب ، وهو خطية ما يعرف على شنو انه جاي اضربه .
.........
فاككونه الناس و راحو بيت ابو سمير بعد ما شبع ابنهم ضرب من ابن الشيخ ابو نصير المعدل .
انه سألت على روان و گالولي انها فوگ بالغرفة ويمكن نايمة ، انه صعدت لفوگ للغرفة گبل ، فتخت الباب و لگيتها نايمة على الچرباية .
شفتها نايمة ففكرت بخطة حلوة تخليها تگعد ، انداريت على الباب و سديته حيل و بصوت عالي كلش .
هي فزت على ثوت الباب مخلوسة و خايفة بالاحرى انه نزعت عگالي و يشماغي و دشداشتي و هي صافنة علية بس لا تتحرك و لا شي .
شمرت كل شي على الچرباية يمها الا العگال ، خليته بيدي و لفيته على ايدي و استعديت الى المعركة الدامية .

======================================================

روان :

گعدت على صوت الباب و خفت گعدت على حيلي ، شفته ينزع بملابسة و ظليت صافنة علية .
نزع كل شي و ذبه على الچرباية يمي و بقى عندة بس العگال بيده ، اني  عرفت انه يريد يضربني لذلك خليت ايدي على وجهي و ظليت ابچي .
هو شمر العگال بالگاع و گام يستغفر ربه ، صفگ بيده و گعد على الچرباية يمي و جرني من ايدي و صرت بالگاع گاعدة گبالة .
گمت اباوع على وجهة و هو گام يباوع بوجهي ، نزلت عيوني بالگاع .

حسين : انه ما اريد أأذيچ بس انتي تجبريني على هاذ الشي .
روان : يعني شلون مثلاً اكو كتابة على گصتي تگول مشكول الذمة الما يضربني لو شنو مثلاً ؟
حسين : روااان !! ... ليش تخليني اصير عصبي ؟ .. انتي اليوم ليش ما لابسة حجاب من چنتي بالمطبخ ؟
روان : والله العظيم ما ادري هم الولد موجودين بالمطبخ چنت ما منتبها و دا اصب بالاكل !!
حسين : خرب يومچ !! .. كم مرة گتلچ البسي حجاب بعد ؟
روان : والله ما ادري اگلك شبيك ؟
حسين : گتلچ كم مرة جاوبي !؟
روان : هواي ... ارتاحيت يلة اترك ايدي وخل اروح اتعشة جوعانة .
حسين : ليش ما متعشية ليهسه ؟؟
روان : لان البنات گالن من يكملون الخطار نحن نصب العشة .
حسين : يلة روحي بس اني اليوم انام هنا يمچ !!
روان : مو مهم ابداً !
حسين : راح اضربچ والله لا تراددين ... انه چم مرة گتلچ لا تراددين يعني انتي الا بالضرب يلة تمشين عدل !!
روان : صار اخر مرة يلة خوش .

ترك ايدي و اني بعدها ركضت ، للباب و طلعت نزلت جوة يم البنات حتى نتعشة .
خلصنا عشة ، گلت للبنات و توسلت بيهن اغسل المواعين لان خطية هنا چانن يشتغلن اليوم كله .
انه حايرة بشي واحد و يلي هو كل هاذ اليوم الاول بس ؟؟
يلة مو مهم ... المهم اني گصيرة (قصيرة) و بلگوة وصلت للمغسلة اغسل المواعين ، تبللت من فوگ لجوة .
صارت كل ملابسي ماي ، اني كملت و رجعت كل شي لمكانة .
صعدت على الدرج ميتة من البرد لان الجو شوي بارد و ملابسي كلها ماي .
دخلت للغرفة شفت حسين نايم على الچرباية و يلعب بالتلفون مالتة و مشغل التلفزيون وياه .
باوع علية و ابتسم انوب رجع ايباوع بالتلفون ، اني استغربت ، رحت باوعت بالكنتور ولا بي شي فارغ بس بيوت العنكبوت 😂 .
قررت اروح لهناء واگللها تعطيني من ملابسها ، ولو عيب و فشلة بس يلة باچر اغسلهن من يجيبون ملابسي و اتشكرها .
ردت اطلع من الغرفة و ندهني ، تأفأفت و انوب درت وجهي .

حسين : رواان !! .. وين رايحة ؟؟
روان : ملابسي كلها ماي و راح اروح اجيب ملابس من هناء .
حسين : روحي و مو تعطيچ مثل هاي الدشداشة .
روان : ان شاء الله ... تريد شي قبل لا اروح ؟
حسين : لا سلامتچ روحي .

طلعت و سديت الباب ، رحت للغرفة يلي نايمة بيها هناء حتى اگللها .
وصلت و دگيت الباب ، گلتلي ادخل ....

روان : اسفة على الازعاج !!
هناء : لا حبيبتي عادي ... تريدين شي ؟
روان : اي ملابسي تبللت .... تگدرين تنطيني غيرهن ؟
هناء : اكيد تعالي عندي هواي خل اشوف شنو على قياسچ ... ترة هذن الملابس هن ملابسي من چنت صغيرة .
روان : اي ... شكراً .
هناء : عفواً يا روحي !!

دخلت فطلعت هناء جنطة چبيرة بيها ملابس هواي ، ظلت تطلع بالملابس بس كلهن تراكسوتات و برمودات وقمصان نص ردان 😲 .
ابد ماكو من بيناتهن دشاديش ، انصدمت بالبداية ونسي امر حسين و شگال .

هناء : ترة والله ما عندي اي دشاديش لان من چنت صغيرة چان هاذ لبسي !!
روان : بس شلون راح البس هذول ؟؟
هناء : حبيبتي ... انتي باچر راح يجيبون ملابسچ من عند اهلچ .. يعني بس هسه البسيهن من تنامين .
روان : و حسين !!؟؟؟
هناء : ما عليچ غير هو زوجچ !!
روان : هم صحيح ! ... بس استحي والله !!!!!
هناء : ياااا ؟؟؟ ... غير هو زوجچ يا عوبة ؟؟؟
روان : يلة بس هاي الليلة لان ملابسي مبالة وخاف اتمرض ومنو يساعدكم باچر ؟؟
هناء : يا حبيبة گلبي !!! ... لا لا باچر راح يجن الخدامات عدنة اربع خدامات وهن يشتغلن .. هن بس يوم الاثنين عدهن عطلة يعني اليوم .
روان : هااا ... بيها الخير ان شاء الله .

انطتني برمودة وكيمونة ، لبستهن چانن كلش ضيگات ومبينات جسمي ، واني استحيت بالبداية اطلع بيهن .
بس بعدين لا شوي اقتنعت و طلعت بيهن ، رحت للغرفة و دخلت بيهن .
اول ما دخلت شفت حسين تارك الموبايل و يباوع على التلفزيون ، فتت من گباله تعمدت حتى اشوف شنو راح يگول على ملابسي .

حسين : روان .... هاي شلابسه ؟؟؟
روان : شنو ؟؟ ... اختك اعطتنياهن و گالت عادي البسيهن حلوات عليچ. حسين : اني اگلچ لا تلبسين دلعة انوب تلبسين برمودة ؟؟
روان : شنو شبيها !؟!؟ ... اشو والله حلوات .
حسين : استغفر الله مو ما اريد اسوي شي متهور !! ... راح اروح انام بغرفتي احسن لا انعل الخلفوچ !!!
روان : لا لا ابقى ... راح اخلي مخاد بالنص مال الچرباية ..
حسين : خوش يلة اني راح انام ...... تصبحين على خير يا فصلية !!
روان : وانت من اهل الخير يا ابن الشيوخ .

خليت مخاد بالنص وتغطيت ونمت و ولا يهمني شي .

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

في اليوم التالي :-
(ما شاء الله شوف التعليم شلون يفيد كله بالفصيح 😂)

گعدت الصبح بالخمسة لأن متعودة هيچ وقت اگعد ، شفت حسين نايم بالفالينة و الشورت ، بصراحة شفته و خجلت بس بعدين انداريت عليه ظليت اباوع على وجها وجسمه .
هو ضخم ومعظل و اسمر يخبل ، ياااااا ؟؟؟؟؟؟؟ ..... هاي اني بيمن افكر گبر حتى گبر لفني .
ردت اگوم و ما احس الا و واحد جرني من ذراعي حيل و اني ذراعي توجعني من الضرب مال البارحة .

حسين (بصوت مبحوح) : وين .. رايحة محن الصبح ؟؟؟
روان : اروح اتوضة و اصلي .
حسين : لا تعالي ابقي نايمة هنا احسن .
روان : ياااا ؟؟؟ ... يعني انت مو بس شيطان بالاسم طلعت صدگ شيطان .. عوفني خل اروح اصلي !!!
حسين : رواااان !!!! .... مو اگلچ لا تعاندين !!
روان : عوفني لا اعيط والله و اجيب هناء و رملة عليك !!
حسين : دگومي يلة گومي انه صوچي احچي وياچ اصلاً من البداية !! ... يلة ولي ومن تصير الساعة بالستة ونص گعديني .. زين ؟؟؟
روان : خوش
حسين : گولي صار لا انعل والديچ والله !!!!
روان : لا تغلط عفية ما اسمحلك !!
حسين : انچبي بت القندرة ... جاي تعلمني شلون احچي ويا فصلية ادب سز واخلاق ما عدها و اهلها زبايل مثلها !!!
روان : دوووووخر !!! .... اترك ايدي خل اروح احسن من هاي الاهانات .
حسين : لا تعلين صوتچ علية !!!!!

ضربني راشدي لف وجهي لف بيه ، اني دموعي ظلت تجري و صارن عيوني حمر ، باوعت عليه خزرني انوب نزلت عيوني .

روان (بصوت مخنوگ) : اتركني خل اروح اصلي يمكن اذن !!!
حسين : ها وين راح صوتچ ؟؟؟ ... طفلة ما عدها ذرة اخلاق .. روحي يلة امشي ومثل ما گتلچ گعديني بالستة ونص .. فصلية و طفلة و فوگاها ما عدها اخلاق ابداً !!!
روان : خلصت حچي ؟؟؟ ... ترة بعد ما اتحمل اهاناتك و ضربك ترة اني هم انسان و عندي مشاعر و احاسيس !!!!
حسين : على يا مشاعر جاي تحچين ؟؟؟؟ ... لچ بابة افهمي انتي فصلية يعني الضرب والغلط والاهانة شي كلش عادي و بسيط بالنسبة الچ !!
روان : اترك ايديييي !!!! ... هاي شبيك بگد جدي ومخلي عقلك ويا عقلي !!
حسين : شنو شنووو ؟؟؟؟ ... بگد جدچ ؟؟؟ ... بسيطة راح اتركچ هسه بس اني اوريچ (اشوفچ) بس تعيديها مرة ثانية !!!

ترك ايدي بس چان كلش عصبي من ورة هاي الكلمة بسيطة بعد كل ما اريد اضوجه اگوله اياها .
فتحت الباب و رحت اتوضة حتى اصلي صارت الساعة خمسة و ثلث ، سمعت الاذان صاير ، گبل توضيت ورجعت للغرفة و تذكرت ان بالغرفة اكو مصلاية .
رحت شفت مكان المصلايات و شفت اكو عباية صلاة وياهن ، اخذتها وفىشت القطعة و گمت اصلي .
ويا كل كلمة من الصلاة ابچي و دموعي تصب چنها نهر ، گمت من اسجد جسمي يأذيني من الجروح البيه .
وكل ما اسجد اريد اصرخ بس اضمها و اخليها دموع تصير بحيث اذا رادو يعرفون شگد بچيت يقيسونه يرحون للمحيط الاطلسي .
كملت و شهگت بصوت عالي من كثر البچي و الصريخ مال الوجع الحابستة داخلي ، رفعت اديه للسمه و ظليت احچي بصوت شوي عالي .

روان : ربي اني شنو سويت ؟ ربي اني خطآنة بشي ؟ ربي اني ليش هيچ حظي ؟ اول ما جابتني امي ماتت و هسه صرت فصلية انوب !!!

ظليت ابچي بصوت عالي ، انوب لاحظت هاذ الشي وخليت ايدي على حلگي حتى ما يطلع صوت .
كملت صلاة وبچي هم ، گمت دا اسوي بالقطعة ترتبها ، نزعت العباية مال الصلاة وانفتح شعري، اشگر و طويل كلش يخبل 😍 .
انداريت دا ارجعها و ما اشوف غير حسين وراي يبتسم ، سحبني من ذراعي و شبگني و خلى ايده على راسي و راسي صار بوسط صدرة لان هو طويل و اصلاً اني گصيرة .

حسين : ها اشوفچ تبچين ؟؟؟
روان : اكيد !!
حسين : لعد خل ازيد على ونچ !!
روان : هاااا ؟؟؟؟؟
حسين : امچ ماتت .. من قهرها على بتها الفصلية .
روان : يمةةةةةةةةةة !!!!! ... عوفني اريد امي عوووووووفني يمةةةة !!!!
حسين : هششششش !!!! ... امچ ما راح تروحين بجنازتها حتى لو على جثتي ... فاهمة يالفصلية !!؟؟؟
روان : اتركنييي اريد امي فدوووة اريد امي !!! ... الله لا ينطيك الله لا يخليك الله لا يوفقك !!!
حسين : هشششش !!!! ... اگلچ كافي يا ساق.... يا ساف....
روان : بس اتركني بس وخر عني فكني يا اخي !!! ... امييييييييييي يمةةةة يبوووووو اتركنيييييي يمةةةةةةة !!!

ظليت اصرخ وهو ويا كل صرخة يضربني راشدي و من وگعت بالگاع هو گام يدفرني اني ما تحملت فمددت جسمي بالگاع و سكتت .
لساني ما گام يتحرك ما گدرت بعد احرك حلگي و جسمي بعد ما حركتة حتى لا يضربني اكثر لان ما اتحمل بعد اكثر من هاذ .
من سكتت و بعد ما تحركت هو وگف بعد ما گام يضربني ، تقرب مني و گام يضرب بية على وجهي حتى اصحة ، بس جسمي يوجعني واي حركة اصرخ من الوجع .
لساني ما يتحرك ابد بعد ما احس بيه ، خدر لساني و وگف ، فتحت عيوني و شفته گدامي ، چان عصبي .
حركت ايدي بالگوة و خليتها على ايده و وخرتها من وجهي ، هو حس و وخر مني و راح مشة للچرباية و گعد عليها .
اني حركت نفسي ويا كل حركة ونة و دموع ، بالگوة گمت من مكاني ، رحت فتحت الباب وشفت هناء هسة طالعة من غرفتها و هسه گاعدة من النوم .
رحت عليها بالگوة امشي وكلساع اريد اوگع ، شافتني وركضت عليه حتى تلزمني وما اوگع .

هناء : يمةةة !!! ... شبيچ ؟؟؟ ... هم ضربچ مرة ثانية ؟؟؟ .... انطقي ؟؟؟
روان : امي !!
هناء : شبيها امچ !؟!؟
روان : امي بعد ماكو !! .... بعد ما اشوفها عافتني وراحت !!!!
هناء : يمة بس الله من گالچ !؟؟
روان : يمةةةة !!! ... اريد امي جيبولي امي يمةةةةةةة !!!!!!!

هناء حاضنتني واني منهارة اصرخ و جسمي يأذيني كلش ، هية ما تحس بيه و ما تدري الجرح مو بس من مفارقة امي ...
لا ومن ضرب اخوها والغلط والاهانات من الصبح ، يعني لازم اذبح روحي يلة اخلص منه ومن حياتي .
هناء ظلت تصيح على حسين انوب اجو اهلها ، طلع نصير وزوجتة من الغرفة انوب طلعو هذول التؤم اخوانة و رملة .
ورة شوي صعدو ام نصير و ابو نصير النا علمود يشوفون شصاير حتى تعيط هناء !!!

ابو نصير : شكو شصاير بوية ؟؟؟
سلمان : شبيها روان !!!؟؟؟ ... منو ضاربها وليش تبچي ؟؟؟؟
هناء : هاذ اخوك الزين ضاربها من الصبح انوب گايللها امچ ماتت !!!
ام نصير : اي يمة صح بس ما ردنة نگوللها !!
نصير : البارحة بالليل توفت بس خفنة عليها تنهار فما گلنا الها .... بس هاذ شعدة گال الحقير !؟!؟؟؟
رملة : لا اله الا الله .... الله يرحمها ويجعل مثواها الجنة !!
روان : اريد امي فدوة اريد امي ... ما اعيش بدونها جيبوها الي اريدهااااااا .
ابو نصير : اهدي بابة اهدي امچ يم باريها بس محتاجة الدعاء .

روان تحطمت اني بعد مو روان اني اسمي الحزينة المتألمة او الميتة اصلاً .
ظليت اباوع عليهم و صافنة ومصدومة همست ب يمة قبل لااوگع كلش و انتهي .
اغمة علية ، بس قبلها شفت حسين طلع من الغرفة ولا هامة شي كسر گلب يتيمة وما خايف من الله !!

+++++++++++++++++++++++++++++++++++++++++++++++++++++

يتبع ... 😢

اكتب نسة حبك او كرهك لجميع الشخصيات في القصة 😊✌💟