رواية فصلية مرتين ✌ الفصل السادس 6 - بقلم Mortahela-مرتحلة

هناء (مو حسين لان اكرها 😡) :

من اغمة على روان اني احس گلبي وگف ، يعني گمر شبه ميت گدامك شسوي بهاي الحالة .
اني خليت راسها بحضني و ظليت امسح على راسها لان المسح على رأس اليتيم بيه اجر كلش چبير .
ظلت عيوني تدمع عليها و زليت ابچي ، والله العظيم چنهة بنتي الصغيرة حتى شكلها مال اطفال ، شنو شاف منها حسين حتى قنع ابوي ناخذها فصلية ؟؟ گبر لف الزلم شگد عينهم متشبع .
يعني مو عندة زوجة ، حتى زوجتة شگد حلوة ...
بس لا الا ياخذ طفلة شگلك اني رجال واخذت طفلة و فصلية عندي و اني ابن الشيخ ابو نصير ... اخوي وادري بتفكيره .
من چان صغير لهسه هو نفس الشي وما متغير تفكيره ابد .
نصير جرها على كيف من حضني وشالها و اخذها لغرفته هو وزوجته ، اباوع على زوجة الا شوي وتبچي على روان .
هي كلش حبابة و مثقفة ... مو نسيتوها ترة هي ريحانة اسمها !!
دخلت ورة اخوي نصير للغرفة شفته هو وزوجته محتارين بيها يجيبوها منا و يخلوها هنا .
خلوها على الچرباية و غطوها ، انوب ريحانة جابت ماي و چفية (خاولي صغير يعني .. ما اظن ان اكو واحد ما يعرفها😕) ظلت تسوي كمادات لروان .
روان صخنت لان هي بسرعة تاخذ المرض يعني بسرعة تتمرض ، يا الله لو اعرف ليش هيچ يعاملها چان ارتاحيت .
هو اصلاً الله سبحانه وتعالى كتب لحليم هاذ العمر و يموت ، يعني قضاء الله لا اعتراض عليه !!!
بس لا والله اليوم اخلي لو يطلگها وترجع لاهلها لو يصلح تعامله وياها .

صار ساعتين وهي ما گعدت ، نصير خابر على الدكتور واجة شافها گال هاي حالة نفسية و مثل ما گال الدكتور بالمستشفى .
انطاها مخدر حتى تنام بعد ساعتين لان النوم يعدل الحالة النفسية و المزاجية مالتها ، حالتها شبه خطرة .
داوينة جروحها ، ما اعرف منين اجت هاي الجروح ، و خلينا ثلج على المناطق الزرگة بجسمها ، هي تتأذة بس نحن ما نوگف .
نريد نخليها بس تصحى احسن شوي مو اسوء من قبل .

ريحانة : صدگ هناء هو اني ما عرفت شنو اسمها ؟؟؟
هناء : روان اسمها !
ريحانة : صدق لهل اسم ولهل شكل .. تخبل و اسمها يجنن مثلها فدوة .
هناء : اي خلوة وچانت چنها گمر قبل لا يضربها هاذ الحيوان !!
ريحانة : صدگ هو علمود شنو يضربها !؟!؟؟؟ .. خطية والله شوفي شصاير بجسمها من علامات ... هية اصلاً بيضة و يبين بيها اي لون و اي شي !!
هناء : اني اگلچ علمود شنو يضربها !! ... لان هي اخت يلي قتل حليم !!
ريحانة : يا صدگ چذب ؟؟؟ .. شنو هالتخريف هو غير قضاء الله سبحانه وتعالى وهو راد بهاذ العمر ياخذ امانته !!؟؟
هناء : والله نگوله بس ما يسمع منا اي شي ، انوب فوگاها ضاربها من الصبح و گايللها امچ ماتت !!
ريحانة : يا عزة بعينة هاذ شبيه ؟؟؟ .. هية غير يتيمة و صغيرة شلون هيچ يسوي بيها !؟؟؟
هناء : والله ما ادري يا اختي شسوي ؟؟
ريحانة : ما تگدرون ترجعونها لبيت اهلها والله احسن حتى تعيش طفولتها !!
هناء : ما نگدر الا يطلگها الاستاذ .
ريحانة : لا اله الا الله .. خطية والله تكسر الخاطر .

هو بس انتي يا ريحانة مكسور گلبچ و خاطرچ عليها . لو كلنا هيچ و خاصتاً اني و نصير مكسور گلبنا .
طلعت من الغرفة و نزلت جوة لگيت امي صافنة ودموعها تصب .

هناء : خيرچ يمة ؟؟؟
ام نصير : يا خير يمة !!!؟؟ ... والله تذكرت اخوچ و انوب الزيد ونيني هاي البنية !!
هناء : اي والله يا يمة !! .. كون واحد يقنعه يطلگها ونرجعها لبيت اهلها احسن .
ام نصير : لا يمة ما يصير !! ... اخوچ خالف عليها ياخذها من يصير عمرها ١٥ حتى يطيب گلب اخوه .
هناء : يااا ؟؟ .. حالف عليها ؟؟؟
ام نصير : اي والله يا يمة حالف بابو الفضل ياخذها !!!
هناء : اي عادي يدفع فدية .
ام نصير : لا يمة حالف ما يتراجع بالحلفان مالتة .
هناء : عزة بعينة ان شاء الله .

توجهت للمطبخ اسوي ريوگ اكيد الكل ميت جوع و ام حيدر و غيرها بعدهن ما جايات لهسه .
چنت جاي اسوي بالاكل و اسمع صوت نوال دخلت من الباب الخارجي ما اعرف عليمن تسلم ؟
نصيت النار ورحت اشوفها ، رحت و شفتها واگفة ويا سلمان و تحچي .

هناء : هاا حبيبتي رجعتي ؟؟؟ ... يا الف هلة بيچ .
نوال : و بيچ گلبي ... وين بنيتنة ؟؟
هناء : نايمة و مريضة و حالتها زفت من ورة زوجچ الحقير الادب سز !!
نوال : يا بس الله شخيرها ؟؟ .. شصاير ؟؟
هناء : ضاربها من صباح الله خير و صادمها بخبر وفاة امها الله يرحمها خطية .
نوال : يااا ؟؟ .. الله يرحمها خطية .... هسه صارت من صدگ يتيمة الام .
هناء : اي والله يا اختي .. وهسه هية بغرفة نصير وريحانة نايمة و ريحانة جاي تسويلها كمادات .
نوال : تعالي وياي خل نشوفها .
هناء : يلة امشي بس خل اشوف الاكل يمكن احترگ هسه .

رحت ركض للمطبخ همزين مابي شي الاكل ، گلت الامي تصب الهم اني خلصت كل شي .
رحت ويا نوال صعدنة فوگ لغرفة نصير ، دخلنا شفنة ريحانة جاي تحچي ويا روان وروان گاعدة تبچي .

¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡

روان :

گعدت و شفت بنية گدامي جاي تسويلي كمادات ، خفت بالبداية و انوب تذكرت امي وبچيت .

روان : منو انتي ؟؟
ريحانة : اني زوجة نصير اسمي ريحانة !! ... اعتبريني اختچ الچبيرة .
روان : وين هناء ؟؟ .. اريد امي فدوة بس اشوفها هيچ المحها بس لمحة فدوة الله يخليچ اخذيني الها .
ريحانة : ما اگدر يا بعد روحي و الله ما اگدر اخذچ مو بيدي .. هو بيد زوجچ حسين هو تبقى يمه لو يقبل لو لا !!

اني ظليت ابچي و هي تهدأ بيه ، كله من وراك يا حسين والله ما اسامحك لو اخر يوم بحياتي يظل .
ورة دقايق دخلت هناء و وياها بنية بس يمكن شايفته !

هناء : ها روان ؟ .... شلونچ هسه ؟؟
روان : مو زينة ابد والله گلبي يوجعني انوب فوگها جسمي يوجعني من الضرب مال اخوچ .
هناء : يلة حبيبتي اخر مرة بعد ابوي گال اذا بس يلمسچ يكسرة تكسر .
روان : هناء منو هاي البنية ؟؟
هناء : اي واخيراً هاي نوال زوجة حسين ... هية چانت بس تريد تشوفچ .
نوال : شلونچ حبيبتي ؟
روان : على الله الحمد لله وانتي ؟؟ .. و النونو ؟
نوال : برعاية الله .. اريد اگلچ شي تدرين چنچ گمر و تخبلين الله يخليچ ان شاء الله .
روان : شكراً ... هناء فدوة خل اخوچ يجيب ملابسي لان اني متضايقة بهذن وخل يجيب ملابسي السود وياه .
هناء : ان شاء الله اني رايحة اگله هسه .

طلعت هناء وغمضت عيوني ، اجيت ابچي انوب قررت ما اطلع ضعفي بعد گدام اي شخص و ابچي بس بالصلاة .
ظلينا نسولف شوي نسني همومي و ضحكنة على اشياء و حوادث صايرة وياهن من قبل .
شوي و سمعت صوت الغثيث يصيحني .

حسين : رواااااان !!! ... رويةةةة تعااالي !!!
نوال : اني راح اروح اشوف شكر انتي ابقي هنا ارتاحي .
روان : لا لا خاف يضربني واني ما اتحمل اكثر بعد .
ريحانة : عزة بعينة شلون مخلي بيها خوفة من يمه بدال ما يخليها تحبه .
روان : اني رايحة بنات اشوفچن بعدين .

طلعت اسحل بروحي بالگوة امشي والله ، وصلت باب الغرفة و فتحتة ودخلت .

حسين : وي ن چنتي هاااا ؟؟؟ ... صار ساعة اصيح .
روان : يم البنات وما سمعتك .
حسين : دسكتي اسكتي كلش المسكينة ... جوعان سويلي ريةگ لنوب اكوي ملابسي و طلعي اليشماغ الابيض و النظارة مالتي و خليلي ملابس بالحمام حتى اسبح .
روان : صار ... تريد بعد شي ؟
حسين : تعالي يمي !!
روان : خير ان شاء الله ؟؟
حسين : مو اگلچ تعااالي !!!!

تقدمت و صرت گبالة واگفة ، منعت دموعي ان توگع گدامة و انكسر .
ظل يباوع لي ، لزمني من چتافاتي و جرني و باسني من حلگي حيل و عضني و ظل يطلع دم من شفتي .
وخر مني انوب ظل يباوعلي و ابتسم .

حسين : ها شفتي الشايب شيسوي ؟؟
روان : وخر عني وخر !!!!

ظليت ادفع بيه و هو ظل يضحك وبس ، حبست دموعي بالگوة بس خانتني عيوني و طلعون دموعي .
هو خله اصبعة على شفتي و مسح الدم .

حسين : لاااا ... لا تبچين غير اني زوجچ !!
روان : وخر عني وخر جرحت شفتي و گامت توجعني ...

هو وخر و عافني انوب راح طلع ، باوعت بالمراية و شفتي صايرة زرگة لان اذاني حيل .
مسحت دموعي و رحت طلعت ملابسه من الكنتور و وديتهن للحمام و خليتهن هناك و رجعت للغرفة .
طلعت الدشداشة مالتة و كويتها و طلعت اليشماغ و العگال والنظارة و الساعة و مسحت الحذاء من التراب و سويت كل شي .
نزلت جوة سويت ريوگ اله و هو نزل بس سابح علمود يتريگ ، باوع علية خله ايدة على شفتي .
اني درت وجهي و ربتعدت منه ، هو صار عصبي و جرني من شعري اني توجعت انوب تركني او اصلاً دفعني للگاع .
هو گعد على الميز ياكل ، اني ظليت بالگاع على نفس الوگعة .
هو خلص و اجة دفرني و گالي اغسل المواعين و اصعد اسوي الدگم مال الدشداشة مالته .
اني گمت و غسلت المواعين على السريع و صعدت وراه للغرفة ، دخلت و شفته مكمل و دا يسوي بالدگم بس ما يگدر .

روان : اجيت عوفهن اني اسويهن .
حسين : يلة راح اتأخر عندي شغل .

ادنيت منه و هو دنگ لان طويل ، رفعت ادية و سديت الدگم مال الدشداشة ، هو ظل يباوع الي .
اني خفت خاف يأذيني من جديد فوخرت منه بسرعة .

حسين : ها روان هسه منو الشايب ؟؟؟
روان : ما ادري .. اريد اروح تريد بعد شي ؟
حسين : ههه اشوفچ غيرتي رأيچ ؟
روان : سألتك تريد بعد شي لو اروح انزل اساعد البنات ؟!؟!
حسين : لا ما اريد روحي انزلي ؟؟ ... و اذا شفتي نوال صيحيها الي .
روان : صار .. رايحة .

طلعت و نزلت يم ام نصير بالمطبخ ، چان يمها نسوان ثلاثة .

ام نصير : تعالي يمة روان !!
روان : اجيت يمة.

رحت يمها خلت ايدها على چتفي و ظلت تحچي ويا النسوان عرفتني بيهن ، وحدة اسمها ام سيف و كلش حبابة و وحدة اسمها ام نزار و هم حبابة و الثالثة ام رشا و كلش حبيتهن ثلاثتهن .

ام نزار : بس مو زغيرة كلش ها ام نصير ؟؟
ام نصير : لا هي عمرها ١٤ بس كلش ناعمة .
ام سيف : صلاوات على النبي تخبل ... عين الحارة باردة عليها ان شاء الله .
ام رشا : اي والله چنها گمر 😍 .
ام نصير : يمة روان هذن يشتغلن هنا بالبيت ، حرامات ما اجت ام حيدر حتى تشوفيها .. جايين ابنائها من البصرة و اخذت اجازة اسبوع .
ام سيف : همزين ما اجت لان شگد فتانة دهر لفها اي والله ، على كل شي تعصب و على ادق التفاصيل تگنگن (تلح) .
ام نصير : لااا هية حبابة بس شوي متسلطة !!!
ام نزار : شوي لو هواي ؟؟ 😂
ام رشا : اي والله صدگ شوي لو هواي ؟؟؟ 😉😂 .

هن ظلن يسولفن واني رحت من يمهن ، ظليت افتر بالبيت مامو احد بس عادل ومازن دا يقرون بالغرفة الجوة مال القرآءة .
قررت اصعد فوگ و اگول لرملة تحچي ويا واحد من اخوانها يجيبون ملابسي ، ويا ما دا اصعد چنت مدنگة راسي كلش وما اشوف منو گدامي .
دا اصعد و انضربت باحد ما اعرف منو ، رفعت راي و شفت نصير گدامي مبتسم .

روان : اسفة مو قصدي بس ما چنت منتبهة !!
نصير : لا عادي .. اصلاً اني نزلت علمود احچي وياچ بخصوص ملابسچ يلي ببيت اهلچ .
روان : اي اني حچيت ويا هناء ويمكن نست !!
نصير : لا ما نست هي گالتلي الي ... اني رايح اجيبهن الچ .
روان : تگدر تاخذني وياك فدوة ؟؟ ... والله ارجع بس اشوف اخواني وابوي !
نصير : ما اعرف .. تعالي خل نحچي ويا حسين بلكت يقتنع .
روان : اي فدوة ... شكراً والله مالي غيركم انت وهناء و رملة و سلمان و عادل و امك وابوك .
نصير : عفواً واني شسويت اصلاً هاذ واجبي .

صعدنة اني وياه ، هو لزمني من ايدي ويمشي ، وصلنا لباب الغرفة ودخلنا شفنا دا يخلي عطر علمود يطلع .
هو باوع علينا انوب اندار على المراية من جديد .

نصير : حسين راح اخذ روان لبيت اهلها علمود نجيب ملابسها .
حسين : لا متروح .. انت روح جيبهن وهية خليها هنا .
نصير : اني ما جاي علمود اخذ رأيك اجيت بس اگلك نحن راح نروح .
حسين : گلت ماكو .. ما تروح يعني ما تروح !!
روان : فدوة حليني اروح بس اشوف اهلي واجي والله ارجع .
حسين : گلت لاااااا !!!!
نصير : لا تصيح !!! ... خل ترتاح منك شوي ساعتين ونرجع مسافة الطريق بس شبيك !!؟؟؟
حسين : رواااان !!! .. تعااالي هنااا .

اني خفت صرت ورة نصير و حضنته من ليورة ، خفت من حسين لان ظل يصيح و صار عصبي .

نصير : لا تظن اني ما شفت شمسوي بيها و ما لاحظت !!
حسين : اي شمسوي بالله ؟؟؟؟
نصير : اي مو عيب اگول گدام هاي الطفلة !!
حسين : يا طفلة عمرها ١٤ سنة غيرها عدها طفلين ... گول بالله گول !!؟؟
نصير : هو انت غير بايسها و مخلي شفايفها زرگ !!!

اني صرت حمرة من الخجل من يلي گاله ، ابتعدت عنه وصرت على صفحة ، ظليت بس مدنگة بالگاع .

حسين : مالك دخل هي حلالي انت شعليك ؟؟
نصير : مو مايصير هيچ هي صغيرة يا غبي !! ... مو مال سوالفك الخايسة يا زلمة !!
حسين : يعني لشوكت اظل انتظر ؟؟؟ ... اي مو گلبي انفت فت عليها .
نصير : حسيييين !!!! ...حچيك خليه بيناتنا لا تسمع روان ، اگلك هي طفلة .
حسين : اي والله ما حاچي شي چذب !!
نصير : ولك حسييييين !!!! .... اني مو اگلك هي مو مال سوالفك .. كم مرة حچينه بهاذ الموضوع ؟؟؟ ... مو دائماً نحچي وياك عليه ؟؟ كااافي بعد !!
حسين : لا مو كافي اريد احچي اني حقي لازم اخذه !!
نصير : روااااان !!!! ..... اطلعي برة اطلعي بسرعة حچينة مراح يفيدچ !!
روان : صار ... راح انزل جوة اذا تريدوني صيحوني !!!

اني طلعت بعد ما شفت ان الموضوع اشتد ، اني صح طلعت بس ما نزلت ظليت ورة الباب اتسنط شيحچون .

نصير : لك عيب عليك بگد بتك !!
حسين : اي شسوي يا خوية ما تحمل اشوفها گدامي حتى !!!!
نصير : نحن ما گلنا شي !! ... بس من تصير ١٥ هية الك وراح تاخذها غصباً على الكل !!!
حسين : ما اتحمل انتظر لحد ذاك اليوم شسوي يعني ؟؟؟
نصير : سيطر على روحك انت زلمة !!!
حسين : ما اگدر ... وهاي انت گلتها اني زلمة وهاذ حقي منها ولا ليش تزوجتها بالاصل  يا خوية !؟!؟
نصير : لا تگعد وياها نفس الغرفة محد جابرك !! .. وثانياً عندك زوجة طفي نارك بيها مو بهاي الطفلة !!!
حسين : صار خوية انت الچبير واخذ حچيك واجب علية !!
نصير : راح اخذها وياي خطية ما شفت حالها اليوم من وراك لان گلتلها !!
حسين : بس خوية !!؟؟ ..... او ماكو شي اخذها اخذها وياك بس ساعتين .
نصير : هاذ اخوي خوش زلمة ومعدل محد گدة !!

اني بس سمعت السالفة خلصت رحت ركض نزلت جوة حتى ما يعرفون چنت اتسنط عليهم .

"""""""""""""""""""""""""""""""""""""""""""""""""""""""""""""""""""""""""""""
"""""""""""""""""""
يتبع ....💟.           &&٪٪&&٪٪&&٪٪&&٪٪&&٪٪&&٪٪&&٪٪&&٪٪&&٪٪
"""""""""""""""""""
"""""""""""""""""""""""""""""""""""""""""""""""""""""""""""""""""""""""""""""