رواية فصلية مرتين ✌ الفصل السابع 7 - بقلم Mortahela-مرتحلة

روان :

نزلت جوة و وگفت يم البنات وچانن يحچن ما اعرف بشنو لان ما ركزت بحچيهن ، كل تفكيري خاف عرفو ان اني چنت اتسنط.
ورة شوي نزل نصير و بيدة مفتاح السيارة و مبدل هم ، اني ظليت صافنة بوجها ، چني شايفته قبل بس ما اعرف وين بالضبط !!؟؟

نصير : الوووو !!! ... روااان وين رحتي ؟؟ .. روحي بدلي ملابسچ بسرعة يلة حتى نروح .
روان : اييي !! .. هاااا !! .. هممم !!!
نصير : ولچ رواااان وين صافنة غبية !!؟؟؟
روان : لااا .. هاااا .. هممم ... هم صحيح !!
نصير : ولچ رواااااااان !!!

اني چنت صافنة واهمهم و ما ادري شگول حتى ، هو صرخ بوجهي واني گمزت .

روان : هاااا ؟؟؟ ... اي هسه راح ابدل على السريع .
نصير : خاب و ثول حتى ثول صار ساعة صافنة بوجهي مثل الغنمة الثولة 😂
(تم صنع تشريب من الجبهة 😂✌)

اني بسرعة رحت بدلت و نزلت شفت حسين گدامي ، يا الله لهسه ما راح يعني شنو هاللزگة ؟؟؟
هو باوع علية وظل صافن بوجهي ، اني استغربت و ابتسمت بوجهة ، هو خنزر علية و صاح بوجهي .

حسين : هيچ راح تطلعين !؟!؟
روان : اي .. ليش شبيهن ملابسي ؟؟
حسين : ليش ما لابسة حجاب عيني يعني يضايقچ مثلاً ؟؟
روان : اي يضايقني صحيح !!! .. شمدريك بهاي المعلومة ؟؟ ... هو اني اصلاً يا يوم لابسة حجاب هو بس ذاك اليوم وانفگرت بيه حتى .
حسين : لعد شلون تصلين وملتزمة بوقتها ؟؟؟
روان : بكيييييفيييي !!!

گلت كلمتي الشهيرة و سويت ايضاً حركتي الشهيرة وياها ، طلعت لساني 😝 اله و ضحكت مثل الاطفال .

حسين : شنو بكيفچ !!!؟؟؟ .. لچ بابة راح تسودنيني اني شنو هنا غير زوجچ لو مثلاً بنظرچ طرطور (يعني هو كائن شبه جني قصير و اثول 😁 )
روان : عندي سؤال ؟؟
حسين : شكووو انوب !؟!؟
روان : اني ما فهمت علاقتك بيه !!
حسين : من اي ناحية ما فهمتيها ؟؟؟
روان : اشو تگول مرات بتي و بابة و مرات زوجتي و حلالي ما اعرف شنو ؟؟
حسين : هااا !!!!؟؟؟؟؟ ... اشتعلو اهلچ يا كلبة !!! ،..... امشي من گدامي امشيييي !!!!
روان : يعني اروح هسه ؟؟
حسين : لااااا !! ... روحي لبسي حجاب وعباية بسرعة ..... راح تسوين بيه جلطة راح تموتيني !!!!
روان : زين ما حاوبتني انت ابوي لو زوجي لوووو ...... جدي !!!!؟؟؟؟
حسين : هاااااا !!!! ... رجعنة يعني ما تتوبين 😉 .
روان : لا لا والله اتشاقة وياك مو قصدي اگولك اي شي من هاذ الحچي 😲 .

عفتة وشردت اركض على الدرج لان تأخرت على الولد خطية ، رحت للغرفة لبست الحجاب على السريع و انوب لبست عباتي .
شميتها وبچيت لان بيها عطر امي من اجينة لهنا و صارت ساعة السودة ، هي خلتلي عطر بيها من مالتها .
نزلت ليجوة ومسحت دموعي طلعت ركض برة للسيارة و شفت نصير واگف ويا حسين يحچون ما ردت اقاطعهم لذلك ظليت واگفة يم السيارة .
نصير ورة دقايق لاحظ وجودي و ودع حسين ودخل للسيارة ، حسين اشرلي ادخل علمدو نروح .
اني تعمدت اغيضة لذلك ابتسمت بوجهة ، هو هم ابتسم بوجهي بس بيها كل الشر ، انوب سويتله بوسة بالهوة .
هو انصدم وفك عيونة على اكملهن من الصدمة ، اني ضحكت و دخلت للسيارة ويا نصير ، وشغل السيارة ورحنة .
ونحن بالطريق شغل نصير قصيدة الباسم الكربلائي ، اني فطست ضحك .

نصير : شكو ليش تضحكين ؟؟؟؟
روان : ههههه 😂 انت هههه تشغل ههههه قصيدة هههه و اخوك يشغل اغاني شلون عائلة مال مخابيل هههههه 😂
نصير : ههههه هم صحيح والله ههههه 😂

ظلينا نضحك اني وياه ، انوب طفة القصيدة و ورة شوي چنت اباوع من الجامة مال السيارة يلي بصفي .
ما اشوف الا و سيارة تمشي بصفنة سودة و جامها مظلل ، اني استغربت ، و ظليت اباوع عليها .
شوي و انفتحت الجامة و شفت يلي صدمني 😲 ، شفت حسين بالسيارة وجاي يسوق و يبتسم .
اندار علية و ابتسم و طلعن سنونة ، اني تلقائياً ابتسمت بدون ما ادري ، هو اندار من جديد على الطريق بس اني بقيت اباوع عليه .
هو ساق سريع و صار گدامنة ، كل هاذ و نصير ما منتبه علية او على حسين حتى ، حسين ظل يدگ هورن قوي .
نصير ما ادري شغلط عليه 😁 ، انوب وگف و گال لا تنزلين ، معقولة ما يعرف سيارة اخوه 😕 .
نزل و اني اباوع عليهم و ابتسم ، نزل حسين يضحك على نصير بس نصير عصب و ظل يصيح .
اني خفت و نزلت بسرعة و سمعتهم يضحكون يمكن علية .

نصير : يعني اخذتها من بيت عمي ؟؟
حسين : اي عمي راوسها (بادلها) ويا سيارة عادل و گلتلة اروح اخذ فرة بيها واردها الك .
نصير : وهو شگال !؟
حسين : ما گال شي ابد .. گال روح بيها و ردها باچر لان مالي شغل بيها اليوم و يمكن انت محتاجها .
نصير : والله هاذ الولد زوج !!

هم ظلو يحچون و اني واگفة يم السيارة و محد منتبه علية يمكن .
شوي و ظليت اباوع على المكان يلي نخن واگفين بيه ، چان كلش حلو و اول مرة افوت مناه بالسيارة .
چان كلة دوانم (مزارع) و بيه ناس دا يزرعون ، كل واحد منهم عندة سلة مال زرع بيده ، و اكو نسوان دا يخبزن .
و اكو جهال دا يلعبون و اكو نسوان و بنات زغار يوكلن الحيوانات مثل البقر🐄 و الدجاج 🐔و الاحصنة 🐴 و النعجات (معزات) 🐏 .
ما احس غير و ايد صارت على چتفي (كتفي) و شخص حضني بسرعة بس ما عرفت منو ؟
انداريت و شفت نصير حاضني و يمسح على راسي .

روان : نصير !؟!؟
نصير : اي اني .. ذكرتيني ب هناء من چانت صغيرة چانت مثلچ تحب هيچ مناظر و تحب هاي الناس الطيبة .
حسين : يلة كافي تحضن بيها ، والله ترة اني اغر !! ... هو اني زوجها وما حصلت حضن منها .
نصير : يطبك مرض !! ... منو گلك خليها تضوج منك و هيچ عاملها .
حسين : اهوووو ... هسه غير يوخر اللزگة !!!!
روان : لااا مو عيب تغلط عليه هو اكبر منك ميصير !!
نصير : شوف الاخلاق مال الگمر يلي عندك احسن من ريحانة كلما نتعارك اني وياك تجي تفول (تملاء) عقلك حتى نتعارك اكثر .
حسين : اي !!! .... ذكرتني ترة ريحانة تريدك بسرعة گالت الموضوع ضروري كلش و تحتاجك حيييل !!!
نصير : خير شكو انوب !؟!؟؟
روان : اي صح نسيت من چنت جوة يم البنات هي رادتك بسرعة بس اني نسيت اگلك .
نصير : ثووول حتى ثول اي غير تحچين !!! ... هسه راح تشوي على راسي بصل .. وليش ما اجيت و ليش تاخرت و شنو صار و ويا منو رحت ؟؟ ... يبووووو راح اروح اني ارجع للبيت وملابسچ بعدين نجيبهن يلة امشي !!
روان : هااا !! ... اي يلة عادي بعدين 😞 .
حسين : لا لا اني راح اخذها بطريقي ... اني رايح لبيت عمي و همة يمهم .
روان : هاا ؟؟ .. لا ماكو داعي راح ارجع للبيت 😒
حسين : اهووو .. لچ بابة لا تعاندين چم مرة گتلچ هذن الچلمات و عدتهن ؟؟
نصير : روحي وياه لان يجوز اني من ارد للبيت بعد ما اگدر اطلع !!
روان : ليش ؟؟ ... يلة لعد امشي مدام انت بطريقك و ما اعطلك عن شغلك .
حسين : امشي بسرعة يلة گدامي !!

اني باوعت عليه بعيون مكسورة انوب رحت للسيارة ، انداريت عليهم شفت نصير مخلي ايدها على چتاف حسين و يحچي وياه بعصبية .
حسين گام يباوعلي انوب خزرني و صاح باسمي و گلي اصعدي ، اني خفت و دمعت عيوني انوب فتحت الباب و صعدت بالسيارة مال عادل .
شوي و صعد حسين للسيارة اني حبست دموعي ، بصراحة كل شخص مدلل راح يحس بنفس شعوري اذا شخص هانه 😳 .
انداريت على الجامة مال السيارة و حاولت ما اباوع على وجها حتى اتجنب ان تصير مشاكل و انكتل لو يصيح علية لان بعد ما اتحمل .

حسين : روان !! ... ديري وجهچ علية بالله !!!

اني استغربت ، انوب درت وجهي عليه باوعت بوجهة هو هم باوع بوجهي انوب ما احس غير و راشدي طير وجهي .
اني گبل لزمت خدي و گمت ابچي بصوت عالي .

حسين : هشششش ما اريد اسمع صوتچ ابد !!! .... هاي حتى بعد ما تتسنطين على حچي اي واحد من عائلتي .... ترة ادري بيچ اليوم الصبح چنتي تسمعين حچينة اني و اخوي لذلك تقصدت احچي بصوت عالي حتى تسمعين الموضوع يلي شاغل بالي من اول ما اجيتي !!!!!
روان : اسفة ... و صار بعد ما اتستط على احد بس لا تضربني لان من وراك جسمي و وجهي يوجعني و فوگ كل هاذ گلبي !!!
حسين : لچ انه ما اهتم لزوجتي مرات تردين اهتم لفصلية وفوگاها طفلة چذابة !! ... لچ بابة انه گادر اطلگچ بس موضوعچ يختلف يا روية !!!
روان : شلون يختلف بالله فهمني !!؟؟
حسين : انه اريد اخذچ فهمتي ولا ما فهمتي ما يهمني !!!
روان : لا عليك الله فهمني شنو تقصد حتى اذا اگدر انفذ الشي يلي تريده اسويه حتى اخلص و تطلگني و ارجع لاهلي !!!
حسين : تذكرين الموضوع يلي امي حچت وياچ بيه هو نفسه !!
روان : هااااااااا 😲 !!!!!؟؟؟؟
حسين : هااا و هسه تگدرين لو اخليها لحد عيد ميلادچ ؟؟ 😉 .
روان : اريد اگلك شي مهم !!
حسين : شنو هو الشي المهم !؟
روان : تذكر من امك گلتلك اني رفضت الموضوع لان چنت خايفة ؟
حسين : اي اتذكر و كلش زين لان چان البارحة 😒 .
روان : لا تتفلسف 😒 ... المهم ترة امك چذبت عليك لان اني چنت موافقة بس هي خافت علية منك ومن تهورك مثل ما گالت .
حسين : شنوووو 😵 ؟؟؟ ... زين وانتي بعدچ راضية ؟؟؟
روان : راح اعيد كلامي .... اني يلي زوجوني غصباً علية و بدون رضاي و موافقتي دا يسألوني هسه على موضوع موافقته بيد الرجال ؟؟؟؟!!!
حسين : روان !! .. حضري روحچ اليوم اذا انتي موافقة على هاذ الشي !!
روان : بس بشرط !!!
حسين : شنهوو ؟؟ ... شرط ؟؟ ليش ؟؟
روان : من يصير يلي يصير راح تطلگني و غصباً على الكل !!
حسين : اطلگچ ميخالف بس ورة اسبوع من اليوم هاذ .
روان : خوش اتفاق .... و انت بيدك ترة ترجعني لاهلي !
حسين : ميخالف !
روان : شوكت نوصل ؟؟
حسين : بعد شي ربع ساعة .

نحن نمشي بالسيارة ومحد حچة ويا الثاني ابد ، وصلنا لبيت اهلي و اني دموعي ظلت تصب تذكرت امي .

حسين : راح اخليچ ساعة والا انه چنت رايد بس مسافة الطريق ... بس لان سمعتيني خبر حلو راح اجيبلچ الاحلى واخليچ يم اهلچ ساعة .
روان : مو مهم ابداً !!

نزلت بعد ما خليته يصير عصبي و اني احب اغذه ، بس نزلت ساق سريع اني ظليت اباوع عليه لحد ما وگف يم بيت واحد جوارين اهلي .
تذكرت وين شايفة نصير 😨 ... لان مرة صار عرس عند هذول الناس و شفته يمهم بس البقية ما شفتهم .
انداريت على فرعنة چان مسدود لان الچادر مال الفاتحة هناك 😩 .
رحت امشي للچادر على كيف امشي واتعثر ، يلي يشوفني ما يعرفني من كثر الضربات و اللون الازرگ مو بس بجسمي هو حتى على وجهي .
من البوكسات و الراشديات خلة وجهي بيه زراگات صاير ، مشيت و مشيت لحد ما وصلت للچادر مال الزلم .
دخلت بالمگلوب لان اهي بالطرف الثاني من الچادر ، دخلت بنص الزلم وعباتي وگعت من راسي و صارت على چتافاتي .
امشي وكل الزلم والولد و الاطفال تباوع علية صحت على ابن عمي و انتبهلي اسمه قاسم هو حيل چبير و يگلي بنتي حتى .

روان : قاااااااسم !!!!
قاسم : روية ولچ يابة شيابچ (جابچ) ؟؟
روان : هو جابني !!
قاسم : منهو يلي يابچ احچي !!؟
روان : الشيخ حسين ابن الشيخ ابو نصير هو يلي جابني !!!
قاسم : رجلچ تگصدين (تقصدين) ؟؟
روان : اي الشيخ يلي ما خلة بجسمي مكان ما ضربني بيه .
قاسم : لا اله الا الله ... البقية بحياتچ يدتنا توفت (جدتنا) البارحة بالليل .
روان : بيبي ؟؟؟؟؟؟!!!!!! 😲
قاسم : اي شبيچ لعد منهو ظنيتي ؟؟
روان : چا بيت ابو نصير گالولي امچ و خلوني ادگ والطم .
قاسم : هههههه 😂 الله يطيح حظچ ... بيش مفاولة امچ يا ثولة ؟؟
روان : يمةةة !!! ... اريد اشوفها طگ گلبي عليها وينها ؟؟؟
قاسم : راحت للبصرة لاهلها لان امها مريضة !
روان : اهوووو !! .... وين ابوي و اخواني ؟؟؟
قاسم : تعالي واگفة بنص الزلم ، هناك اهلچ واگفين روحي .
روان : مشكوووور !! ... والله ريحت گلبي الله يخليك ان شاء الله ، لو ما عيب چان هسه ذبيت لحم 😁
قاسم : ولچ ولي اطلعي من الچادر 😠 !!
روان : رايحة اوكي ... طمطم طحطح طمطم طحطح 💃

الله يساعد الفاقد امه 💔 ، رحت اركض لابوية و اخواني من شفتهم ، شفت علي و رحت حضنته من ورة حييييل .

روان : علاااااوي !!
علي : يمة هلة بريحة هلي و اغلى شي بالنسبة الي !! .. منو يابچ يا بعد اخوچ و كل شي بالنسبة اله ؟؟
روان : هو جابني ... هاذ حسين .
علي : هاي منو هيچ مسوي بيچ 😨😤😬 ؟؟؟؟
روان : هو ضربني .. كل ما يعجبه يضربني ، اني ملييييت !! .. جسمي كله يوجعني والله تأذيت وهو يأذي بيه اكثر 😭 .
مازن : رويةةة !! ... لا تبچين حبيبة اخوچ .... تحملي لخاطر اهلچ انتي يا يوم كاسرة كلمتهم لو مخلية راسهم ينزل بالگاع ؟؟؟
روان : ما اگدر ليش ما تفهمون ما اتحمل الضرب والغلط والاهانة !!!!
سليم : يابة يا بوية يا روية لو بيدي اذبح روحي ولا اشوف دموعچ بوية بس والله مو بيدي حالليني بوية !!
علي : حاللينة كلنة خوية مو بس ابوچ .
روان : لا ما محاللين ... و هاذ اخر قرار ..... اني اصلاً ما اجيت علمود اشوفكم اجيت علمود ملابسي اخذها و اروح للبيت .
سليم : لا يابة لا تگولين هيچ !!!
روان : لا بعد لا تصيحلي يابة و لا انتم تصيحولي خوية لان بعد اني ما اعرفكم !!
علي : بس روية !!؟؟
روان : ارجوك لا تحچي وياي خاصتاً انت لان چان املي بيك بس ما سويت شي ابداً !!!!
مازن : تعالي تفضلي يا بت الناس اخذي ملابسچ .
روان : جاية يا ابن الاوادم و الما قصرو ويا بتهم وما خلوها بيد شيطان مو انسان .

ظليت احچي وياهم بكسرة ، راح مازن يمشي واني امشي وراه لحد ما وصلنه للبيت ودخلنه .
صعدت لغرفتي و طلعت ملابسي كلهن وخليتهم بجنطة وغراضي بجنطة ثانية و جهازي خليته هو واللابتوب بجنطة مال ايد و شلتها .
مازن طلع الجنط وياي و نزلهن جوة ، وما قبل گال لازم ياخذهن وياي للسيارة لان ما اگدر اشيلهن وحدي .
وصلهن للسيارة و راد يروح بس وگفتة صحت عليه .

روان : مااازن ... محوللين و موهوبين كلكم يا هلي ... گللهم اني حچيت هيچ لان چنت زعلانة و مو قصدي اجرح واحد بيهم ابد والله و سلملي على امي هواااي وبوسها الي من راسها .
مازن : روحي يا بعد اخوچ نحن ندري بظروفچ و نقدرها و وصيتچ انفذها بالحرف الواحد .

هو راح بس اني گلبي محترگ عليهم ، خليت الجنط يم السيترة و چانت السيارة گبال بيت عمه .
رحت دگيت الباب و طلع طفل حسبالة مجدية 😂 ، انوب گتلة وخر خل افوت ، دخلت و شفت نسوان بالمطبخ و حسين صار گدامي بالدوانية .
هو ما انتبه ، اني دخلت للديوانية و سلمت .

روان : السلام عليكم !!

--++--++--++--++--++--++--++--++--++--++--++--++--++--++--++--++--
--++--++--++--++--
يتبع ... 💜👍.        ##))##))##))##))##))##))##))##))##))##))##))##
--++--++--++--++--
--++--++--++--++--++--++--++--++--++--++--++--++--++--++--++--++--