رواية فصليه لأجل والدي الفصل الخامس عشر 15 - بقلم Teaaba Abass

تصويت+متابعه💜

زيد: وحنه دوم نبقه هيج منخلي بناتنه تدرس خل نطور شويه واني اريدها تدرس وحرمتي اني اخذها بيدي للمدرسه ورجعهاا بيدي

فيصل: مستحيلل ولو اني لو دراسة جمان اختار يازيد

زيد: چا اني اختار....

يابه اني اختار جمان تدرس

فيصل: چا انته تختار راي مرتك وتعوف راي اهلك خوش بويه زيد خوش

زيد: يابه تره انه مو قصة اكسر كلمتك لاشاهد علي عليه بس بويه البنيه عدها حلم ليش نوكف عاق بطريقها خطيه خلي تكمله

فيصل: بس بويه احنه عشاير متمشي عدنه سالفة تريد تدرس ونته تدري كلش زين بهلشي

زيد: بس يابه....

فيصل: لابس ولاشي هاهيه مدام ختاريت راي مرتك خوش بعد بكيفك

جمان: اسمع الكلامهم وكلش متوتره ياربي ماريد اصير سبب بخراب الاب والابن ياربي يوافق والله يهدي
كام عمو فيصل من يمنه وزيد عصب حيل وراح للغرفه

جميله: لاتخافين خيه نشالله يوافق ابوي

جمان: خايفه جميله خاف ميوافق وتتحطم كل احلامي

غفران: ويي عيني احلامهاا لج حقيره بعدج عود توج داخله للبيت وصرتي سبب خراب الاب والابن شكول عليج حقيره ابوي وزيد ابد ميتعاركون ولامره زيد معارض ابوي اجيتي انتي وخربتي كلشي

جميله: اشبيج غفران نفتكتي على البنت واكلتيها حاصل فاصل لعد شلون رايج تتخله عن احلامها مثل ماسوو اهلنه ويانه ومنعونه من تحقيق احلامنه والله ايش عادات وتقاليد

زهره: جميله بسج عااد شهلوكاحه يمه شو اجت هاي البت البيتنه ونتي كوة عيني مبينه شغله هاي جمينه تدفع بيجج

جمان: هنه نصدمت ماعرف شحجي بعد نربط لساني شهل تفكير هذا واني شعندي وياهم وادفع بتهم عليهم والله يالله شهل تفكير

جميله: يمه نوب اليحجي الحقيقه بهل بيت يطلع مو خوش

جمان: حجت جميله هيج لو عمتي زهره ركضت عليها ماشوفها غير بس لزمت جميله من شعرها وموتتهاا تموت واليصدم اكثر اختها غفران واكفه وتتنوع عادي عدها مدكول اختي خطيه خل افاكك امي عنها

جميله: اخخ يمهه راسي وخري يمه راسي راحح

جمان: عمه فدوه وخري عنها خطيه

زهره: انجبي ولج انتي كله بسببج الي جاي يصير

جمان: على صوت صياح اجه زيد وابو زيد يركضون
صاح زيد بصوت رج البيت رج

زيد: هااايييييي يمههههه ليييشششش

جمان: سوده عليه جميله مبنده من البجي وعمتي كعدت تلهث وغفران تخزر بنضراتها الحقيره

غفران: والله ياخويه المفروض تسئل مرتك ليشش

زيد:(بحده وعصبيه) انتي انجبي وسكتي لاوحك الحسين هنه ادفنج هلفتره عينج طالعه مو عبالج انه غشيم ومادري ياختي العزيزه

جمان: اتنوع الغفران وجهه صوفر وسكتت مطلع بعد منها صوت

فيصيل: شمالج زهره تخبلتي ليش هيج ضاربه البت

زهره: اسئل بنتك طالعتلي محامي دفاع بهاي الحيه جمان كل المشاكل الي جاي صير بسببهاا

فيصل: بس كافيي مهما صار ماتوصل بيج ضربينها هيجج وتالي وياج انتي زهره

زيد: يمه شني شهل عداوه وياه مرتي يعني لان جميله جاي دافع عنها هيج سويتي شمسويه جمان نطيني شغلات الموزينه المسويتها بلبيت شو من جبناها لسه حسها مطالع

غفران: خويه انته شمدريك لاشوفها هيج ساكته كل البله والمشاكل من عدها

زيد: وتاللييي وياج انتي ولججج اني مو كتلج حسج ماريد اسمعه ليشش هيج تلاكفين وتنطين وحدج بلكلام

زهره: انته ثاني هم صرتلي محامي عليها لاتنسه يشفيه تره هاي الواكفه يمك اخوهاا چتللل اخوووكك ولك تعرف شنو چتل اخوك

جمان: ماكو شي حالياً اكوله وماكو شي يعبر عن البداخلي غير بس دموع الي تشرح كلشي احس نفسي ثقل عليهم واحس صدك المشاكل الي دصير وياهم كلها بسببي

زيد: يمه انتي كلتيها اخوها چتل اخوي يعني مو هيه چتلته شنوو ذنبها هل مسكينه هيج تعاملوها كافييي بسسس

جمان:(بدموع) زيد فدوه اخذني البيت اهلي ماريد ابقه هنه فدوه زيد اقبل واخذني لاهلي

زيد: اشششش مستحيل شلون اخليج ترحين لاهلج وانتي هذا وضعج وحركج بعده مطايب مو كتلج اني اخذج بس نروح كخطار مو نبقه عدهم

جمان: زيد فدوه....

زيد: اشش بويه لازيد ولاشي ماريد اسمع كلام

زهره: مدري شسوتلك والله عمة عيونك عمي

فيصل: بسكممم عاددد وانته بويه زيد اخذ حرمتك وروح الغرفتك

جمان: جراني زيد من ايدي وخذني للغرفه

زيد: جمان بسج عاد كافي عليمن هلبواجي كافي لاتبجين انه هنه وشحده اليحجي وياج معليج بكلام امي وختي نشالله يتعدل سلوبهن وياج

جمان: زيد اني مابجي لان زعلانه من كلامهم زيد متصور اني شكد تعبت ولاعبالك بنيه عمرها18 سنه احس كبرت فوك عمري10 سنين
زيد اخويه الي من دمي ولحمي نسجن وبعد ماشوفه
ابويه الي هو كل حياتي نشل وبتعدت عنه وهوو كلش محتاجني اختي صغيره الي متعوده عليه واني متعوده عليها لو صديقتي الي بمثابة اخت الي وتحملت هواي كلام يسم البدن من خالتي رهام ومع كل هذا اني صابره
تعبت اني هوايي زيد تعبتتتتت

زيد: اتنوعلها نهارت وبقت تبجي بهستريه لاارادياً رحت حضنتهاا وبقيت اهدي بيهاا

جمان: بجيت بحركه وقهر حيل نهاريت ماحس اله زيد وهو ساحلني وضامني ع صدره ماعرف اجاني شعور كلش حسيت بالامان وبقه يطمني ويهدي بيه

زيد: اشش كافي اسكتي يشريان كلبيي اشش ماحب اشوف دموعج بسسس اسكتي كافي اني موجود فنه الي يحجي وياج لويزعلج ومو وعدتج راح ارجعج لدوام وبس تتحسنين اني اخذج لاهلج بس كافي لتبجين فاتحتلج نافوره ههههههه

جمان: زيد

زيد: روحه الزيد

جمان: راح ترجعني لدوام وتقنع ابوك مو صح

زيد: يي اكيد مدام اني وعدتج اني كد الوعد وعد عيناج وباجر شوفين شلون اخليج داومين وترفعين راسي وتحققين حلمج وحلم ابوج

جمان: زيد

زيد: عيناي

جمان: ماريد بسببي صير مشاكل بينك وبين ابوك فدوه زيدد

زيد: صار بويه من عيوني

جمان: أريد انام تعبانه هواي

زيد: كومي غسلي وجهج و نامي على جربايه واني طالع خوش تردين شي اجيبلج وياي

جمان: لا سلامتك بس وين طالع انته

زيد:(بخزره وعصبيه) هاا جمان بدينه بالاسئله خير نشالله اني طالع ماريدج تتحكمين بيه وسئلين وين رايح وين جاي

جمان:(بدموع وخجل) اني اعتذر منك زيد ماجان قصدي اتحكم بيك

زيد: هههههههههههه ولج لاتبجين وحك علي اشاقه

جمان: ماا وخرر هووو هيج شقهه هاا ليش هيج سوي

زيد: هههههه اشاقه وياج يبعد كليبي لاضوجين مني

جمان:(بكلبها) عزااا هاي شديصير وياي اني شعليه وين يريد يروح وين يجي وليش هيج هوو جاي يحجي وياي بكل لطافه

زيد: ههههه هاا وين صفنتي

جمان: هاا اني راح اغسل وانام شويه

زيد: خوش بويه يله اني طالع

جمان: احمم مكلت وين

زيد: ههههه للشغل وداعت عيونج

جمان: هههه تمام باي

طلع زيد لشغل واني رحت غسلت ورحت تمددت ونمت

غفران: شفتي يمه هاي الحقيره شسوت بابنج ولاكأنو جان يحب نرجس وميت عليهاا هاي الحيه وكعته بالفخ وخلتنه يحبها وميشوف غيرهاا

زهره: معليج يمه شوفي شراح اسوي اله اخلي نرجس تدخل هذا البيت وترجع حب زيد الها

غفران: شلون يمه ماجاي شوفين ابنج ابد مجاي ينطي بجمان

زهره: كلشي بوكته حلوو يبعد امج اني اخابر خالتج واعزمها تجي هيه وبتها

غفران: اها خوش

زيد: طلعت من البيت واني افكر بكل الي صار ليش هيج معاملة امي جمان مع انو جمان فقيره وابد مطالع صوتها بلبيت ودائماً اشوفها تشتغل بلبيت لازم اعرف الموضوع ممعقوله هذا كله علمود انو اخوها چاتل اخوي

جمان: ماعرف شكد مر وقت واني نايمه بس كعدت جسمي تعبانه اول مكعدت رحت غسلت وجهي ورحت الغرفة جميله كلش داحس بتأنيب ضمير واحس الي صار وياهاا بسببي

دخلت عليها لكيتها صلي اوو مأذن واني مادري طلعت من الغرفه كلت اصلي واجيها رحت توضيت وفرشت سجاده وكعدت اصلي وبقيت كاعده وكعدت اقرا بسورة ناس (بسم آلله الرحمن الرحيم) قال الله تعالى "أَلَمْ نَشْرَحْ لَكَ صَدْرَكَ [ 1] وَوَضَعْنَا عَنكَ وِزْرَكَ [ 2] الَّذِي أَنقَضَ ظَهْرَكَ [3] وَرَفَعْنَا لَكَ ذِكْرَكَ [ 4] فَإِنَّ مَعَ الْعُسْرِ يُسْراً [5] إِنَّ مَعَ الْعُسْرِ يُسْراً [ 6] فَإِذَا فَرَغْتَ فَانصَبْ [7] وَإِلَى رَبِّكَ فَارْغَبْ"

اني من الناس الي اذا تعبوا اوضاجوو اوضاقت عليهم دنيا اروح اتجه رب العالمين والكتابه لان فعلاً تحس بطمأنيه مو طبيعيه ويجيك شعور كلش حلو كملت صلاة الحد اخر شي قريت دعاء لاحلال المشاكل عسى ولعل نتخلص من هاي المشاكل الي دصير بلبيت

دعاء التخلص من المشاكل
اللهم ‏اغفر لي خطاياي وعمدي وجهلي وهزلي، وكل ذلك عندي. اللهم اغفر ‏لي ما قدمت ‏وما أخرت وما أسررت وما أعلنت أنت المقدم وأنت المؤخر وأنت على ‏كل شيء ‏قدير. بالإضافة إلى رب اغفر لي خطيئتي وجهلي وإسرافي في أمري كله وما أنت أعلم ‏به مني

كملت شلت سجاده ورحت الغرفة جميله لكيتها كاعده ع تلفزيون

جمان: هلاوو حبيبتي شلونج شلون صرتي

جميله: هلا عمري جمونه تعالي اكعدي ليش واكفه

جمان: اني اسفه على الي صار احس كل الي صارلج بسببي

جميله: هههههه لا خيه انتي شعليج عادي امي هاي مازعل من عدها شماسوي بينه نتحمل وابد منجازي تعبها

جمان: يمه اروح فدوه للكلبه طيب

جميله: ههههه مو بطيبة كلبج حبيبتي

جمان: هههه ديله كومي خل ناكل

جميله: ماشتهي روحي انتي اكلي

جمان: دكومي همه متغدين باقين بس احنه خل نتغده

جميله: چا زيد ماجاي لسه

جمان: مااجه لسه عود من يجي اني اسويله كومي خل نتغده اني وياج

جميله: ولج ماشتهي

جمان: والله تكومين ومو بكيفج

جميله: هههههه كايمه عمي امري لله

جمان: حميت الاكل وصبيت وكعدنه نتغده اني وجميله شويه واجه زيد

زيد: يالله.. سلام عليكم

جمان: وعليكم سلام الله يساعدك

جميله: وعليكم سلام هلا بيك خويه

زيد: ولجن ميت من جوع بساع سولي اكل رايح ابدل واغسل واجي خوش

جميله: ههههه يجوز جمان متدرين بس زيد ابو بطن يخرب على بطنه فاخل نكوم نسويله اكل احسلنه

جمان: حميت اكل زيد واجه كعد ياكل ويانه

زيد: شلونج خويه جموله خو مازعلتي من امي

جميله: لا خويه عاديي ازعل من امي علمود هيج شي صكد جذب

زيد: عفيه بسباعيه عادي تكبرين وتنسيها

جمان: هههههههه

زيد: ها بويه شو ضكين

جمان:(بغرور) ليش شنوو حرام ضحك واني مادري

زيد: هاا بويه شمالج شتغل الهرمون

جميله: ههههه والله يزيد

جمان:(بدلع) هاي عليه زيد

زيد: هههههه لا على الحايط موو عليج

جمان: تمام زيد تمام

زيد: ههههه اني راح اغسل واروح للغرفه ارتاح بلازحمه عليج جمونه جيبي جاي للغرفه راسي يوجعني

جمان: صار تدلل

راح زيد للغرفه واني سويت جاي وخذته اله

جمان: رحت للغرفه لكيته يقرا باوراق مبين دايشتغل

احم تفضل هذا جاي

زيد: عاشت ايدج جمونه

جمان: شنو ذول البيدك

زيد: اوراق شغل ذول

جمان: اكلك زيد

زيد: ها كولي

جمان:(بكلبها) ليش هيج تغير ومن كتله زيد مكال عيونه لو شي هفف شبيج حمان واذا

هاا انسه هيج ماكو شي

زيد: تمام

جمان: بقه زيد يشتغل الحد ماتعب ونام واني رحت انضف بلبيت الحد مصار العصر نكسر ضهري كسر

طلع زيد من البيت اعتقد راح الصديقه لان سمعته يحجي وياه

مر شهر والوضع هدوء بالبيت الحد مايوم العصر كاعدين اني وجميله نسولف وجان يجي زيد للبيت مثل الاعصار ودمرات وجهه وشكله مكلوب كلاب من العصبيه وجان يصيح بصوت رج البيت رج وهو يصيح اليوم اكلب البيت ع روسكم

يتبع....

#فصليه لأجل والدي

بقلم الگاتبه/طيبه عباس

رمضان كريم عمري اتمنى يعجبكم البارت واسفه على تأخير بس حرفياً متحانات ومجاي الحد اكتب

احبكم كلش هووايييي☺️💜