تصويت+متابعه🌸❤
زيد: سدي هلموضوع بويه وتعاي خل ادهلنج الحرك بلعصاره علمود تنامين
جمان: شنووووو انته تدهلني الحرك
زيد:چا شني غير انتي حرمتيي
جمان: لا زيد نطيني اني ادهنه اكدر
زيد: شمالج انتي تعاي يبعد طوايف كلبي دتعاي
جمان:(بكلبها) ياعزاا هذا شبي
-لاشگراً ماريد اتعبك اني ادهنه
زيد: ههههههههه ينعل بليسج شكد عنوديه
جمان: لامو هيج بس ماريد اتعبك
زيد: هههه يي يي فتهمت متردين تعبيني
جاا خل اصيحلج جميله تدهنه الج انتي ماسيطرين
جمان: لاشسالفه اني اكدر
زيد:(بحده وعصبيه): شسالفتج راح اصيح جميله اكلج اني خل ادهنلج الحرك متقبلين اكلج اصيح جميله هم متقبلين شمالج هلكد راسج يابس
جمان:(بعيون مدمعه ودلع): لييشش هيج صيح عليه لعد اني شكلت وهيج بقيت صيح
زيد: ههههه صار من عيوني ماصيح بس لاتعاندين خل اصيحلج جميله واجي
جمان: تمام صيحها
راح زيد يصيح جميله واحس الالم بصدري مثل نار وشاب الم موطبيعي الله يوفقج نرجس بس حاشاه رب العالمين يخفي الحقيقه كشفهاا وفضحها كبال شخص الي هيه تحبه
بين تفكير والالم اجتي جميله علمود تدهنلي الحرك
جميله: ها خيه شلون صرتي نشالله احسن
جمان: شنو الاحسن احس نار وشابه بصدري راح اموت من الالم
جميله: يا دادا اسم الله عليج لاتحجين هيج شجاج يطيب نشالله وصير سوالف
جمان: نشالله
دهنتلي جميله الحرك هلبنيه كلش حبابه عكس امها واختها
جميله: هاي كملت بعد عمري واي شي تردي كوليلي لاتستحين احنه اخيات
جمان: بعد روحي ماتقصرين
راحت جميله من الغرفه واول مراحت طكيتها نومه لان ميته تعب
زيد: صحت جميله وراحتلها علمود تدهن حركها
اجذب اذا اكول ماضجت لان ماخلتني ادهنلها الحرك بس ميخالف بعدها ممتعوده علي
رحت صعدت بسياره ورحت يم شط لان كلش محتاج ابقه وحدي واشم هوى
شويه وتصل عليه صديقي علي
علي: هاا ولك زويد وين انته مشتاقلك وروح امي
زيد: بعد كلبي عليوي اني اكثر
علي: دكول وين انته خل اجي نسولف اني وياك
زيد: ولك اني يم شط تعال
علي: خوش چا شوي واصير يمك
زيد: هلا بيك
جمان: ماكعدت اله واني ع صوت جميله
جميله: شني خيه صارلج شكد نايمهه خايبه
جمان:ليشش هسه بيش ساعه
جميله:هههههه ب10 ونص
جمان: عزاا صدك والله مادري ذبيت نفسي
جميله: يي احنه هم ماكعدناج رادت امي تكعدج بس ابوي مقبل
جمان: زيد وين
جميله: مدريي طالع من زمان حته مااجه ع العشه
جمان: اها.. لعد اني رايحه اصلي ولو فايتتني من زمان بس ميخالف
جميله: خوش چا صلي وتعاي تعشي
جمان: رحت توضيت وكعدت اصلي هم واني كاعده لان ماكدر من الالم
كملت صلاه وطلعت ردت اكل لان ميته من جوع
غفران: صلاوات والله توها كعدة الخاتونه مابقيتي نايمه شعندج كعدتي الله جابه الج هذا حركج عود بعد لاتشتغلين ولاسوين شي
جميله: اشبيج غفران كلتي البنيه حاصل فاصل شصار مثلاً واذا كعدت متأخره
غفران: انتي صمي حلگج وسكتي طالعتلي محامي دفاع بيها شني ارد اشوفج
زهره: خير شكوو شمالجن اصواتجن طالعه لوين منه ناس لاجسرجن جسرر
غفران: والله يمه هاي بنيتج طالعه محامي دفاع على هاي الشكول الاكبالج
زهره: جميله انتي طالعه عينج هلفتره كلشش
جميله: يمه محجيت شي هيه كلت البت حاصل فاصل غير مريضه متكدر تشتغل
جمان: واكفه يمهن وابجي ياالهي وين ماروح مشاكل وحجي وهسه اني شبيه بس ابجي دحجي دافعي عن نفسج الكبر
زهره: يي چا واذا مريضه ذب شغل البيت عليجن غصباً ماعلى راسهه دكوم وتشتغل حالها حال الي يشتغل بلبيت
جمان: صار عمه من عيوني تدللين
جميله: بسس جمان..
جمان: عاديي جميله لاتهتمين الي جاي صيرلج مشاكل وياه اهلج بسببي
جميله: لاتحجين هيج جمونه انتي اخيتي
جمان: بعد عمري فدوه اروحلج
جميله: تعاي خل نسوي عشه وناكل
وتعاي اكل وياج علواهس اشوو جعت ههههه
جمان: ههههه تعالي لعد اكيف اصلن
زيد: اجه علي يمي وبقينه كاعدين ونسولف
علي: شلونك بذات مشتاگلك وحك الحسين
زيد: چا شني ولك اني ازيد والله بس مثل ماشفت بعينك نچتل اخوي ولتهينه وسالفة الفصليه وزواجي المفاجاء
علي: يي والله خويه الله يساعدك بس شسوي ارادة رب العالمين هاي ماعدنه اعتراض على حكمه
زيد: ونعم بالله خويه ونعم بالله
علي: يي ولك سولفلي حرمتك شلونها وياك
زيد: فقيره كلش وحبابه ومعدها وجه مكروه حسب الاني شفته بيها ونته تدري بيه شخص اعرفه من اول نضره واني اول ماشفتها عرفتها خوش بنيه
علي: اها چا خويه ونرجس
زيد: شوف علي هوو صح الحب الاول ماينسي بس لابد يجي يوم ويجي الشخص المناسب الي يعوضك عن الشخص الي فقدته بحياتك.. واني بلنسبه الي نرجس ماضي حلوو صار وحبيتها من كل كلبي بس شاءت الاقدار وزوجت بعد الله ميرضاها اكسر بت ناس بعد مازوجتها واني ولد شيوخ مو زيد الي يكسر بنيه وحته من عفت نرجس صارحتها وفهمتها بس هيه مفهمتني وحقهه لان صعبه بس لابد يجي اليوم الي تفهم بيه
علي: بس خويه انته هم كسرتها النرجس يعني حب سنين واني ادري بيك شلون تحبهاا وبلمح البصر تجي وحده تاخذك مم عدها صعبه خويه
زيد: اني وياك بصعبه بس علي اذا كسرت جمان علمود نرجس الله ميرضاها زوحتها اني بعد مو مثل نرجس.. نرجس تتعداها وداعتك بس اذا كسرت جمان بعد ماصارت حرمتي وين تخلص من حجي المجتمع وهيه اجتنه فصليه
علي:خويه بقت يمك شي تشوفه صح سوي
زيد: خويه اني مدام زوجت هاهيه بعد موزيد الي يضحك على بنات ناس
علي: كفوو والله منك ابوو خضير
زيد: بعد روحي عليوي
علي: يله خويه اني اترخص الوكت تأخر ونته هم امشي ارجع للبيت
زيد: يي چا امشينه نرجع سوه اوصلك بسيارتي ونوب ارجع البيتنه
علي: يي الله ويدك يخوي مابيه حيل اذبلي الفين دينار حرامات بيهن عشه ونركيله ويزودن هم
زيد: ههههههه ابو فليس الله يطيح حظك وين يكفن اكل ونركيله دمشي جدامي امشي خل اوصلك امري لله
علي: وجع شوو منان عليه غصباً عليك توصلني وانته الممنون
زيد: دمشي امشي لاالزكك ع بوزك
علي: هههههه اعصابك يابه
زيد: هههههههههه
جمان: سوينه اني وجميله بيض وطماطه وكعدنه ناكل ونسولف
جميله: اكول خيه احجيلي عن اهلج شويه تره انه فضوليه وحك علي اله اعرف هههههههه
جمان: بمجرد ماجابت طاري اهلي كلبي لجمني لان طاك عليهم گلش
جميله: هاا خيه وين صفنتي اذا متردين تحجين عادي
جمان: لا مو هيج.. بس مشتاقتلهم هوايي بذات بابا وهوو مريض واختي ملاك واخوي الي بلسجن ماعرف عنه شي
بمجرد ماذكرتهم عيوني نملن دموع
جميله: سوده عليه دادا لاتبجين ادري حاسه بيج فراك العزاز يوجع الكلب احنه هم فقدنه اخونه بس شسوي هذا حكم رب العالمين وماعدنه اعتراض على حكم الله
جمان:(بدموع) متصورين شكد مشتاقه البابا
جميله: گولي الزيد بلكي ياخذج
جمان: كتله يكلي طيبي واخذج
جميله: يي چا خوش طيبي وروحي
جمان: ماتحمل بعد والله گلبي طاك عليهم
اثناء حجينه اني وجميله دخل زيد للبيت
زيد: سلام عليكم
جميله وجمان: وعليكم سلام
جمان: متعشي لو اسويلكم عشه
زيد: يي والله جوعان حيل سوي اكل وجيبي للغرفه اذا مصير زحمه
جمان: لا عادي شسالفه عليمن زحمه
جميله: يله جمونه اني نعست رايحه انام ونتي سوي اكل زيد ونوب نامي ولاتبقين تفكرين ربج يحل كلشي
جمان: ونعم بالله عمري
جميله: يله صبحين على خير
جمان: ونتي بالف خير
راحت جميله وبقيت اسوي عشه الزيد
نوب ستوه خليته اله بصينيه ورحت للغرفه
اول مدخلت شفته بدون ملابس بطرك شورت توه طالع من الحمام
جمان:(بخجل ورتباك) عززااااا زيد اكووو واحد يطلع من الحمام بطرك شورت
زيد: وهسه انتي شكو دايره ضهرج ومستحيه وتحجين غير حرمتي مابيها شي وهاي غرفتنه سوه نصلخ بيهاا ناكل بيها نسولف
جمان:( بكلبهاا) ياا يكول نصلخ بيها شبيه هذا ميستحي
-لا اني استحي رجاءٍ لاتسوي هيج
زيد: هههههههه فديت اليستحي يابه دتعاي جيبي الاكل مو لطني اليوع
جمان: البس بالاول اله تاكل
زيد: البس عمي البس امري لله
-يله لبست ديري وجهج وجيبي الاكل
جمان: تفضل وبعد لاتطلع من الحمام هيج
زيد: صار يابه بعد امر خدمه
جمان: لاسلامتك
زيد: تعاي اچلي وياي تبقين صافنه
جمان: لا اني مساع اكلت قبل لاتجي بشويه
زيد: الف عافيه
جمان: ربي يعافيك
زيد: هم يحركج صدرج لو زين
جمان:(بخجل) لازين احسن من اول بدايه
زيد: هههههههه چا شمالج بويه خجلانه
جمان:(بارتباك) يمته خجلانه
زيد: هههههه ابد مخجلانه
جمان:(بكلبها) اليوم هوو احس وضعه زين وومعصب خل اتجرأ وافتح وياه موضوع المدرسه لان حلمي بالي ومستعده اموت في سبيل احققه واحقق امنية بابا وارفع راسه بيه
-اكول زيد عادي احجي وياك بموضوع بس فدوه بدون تعصيب خل نحجي بيه بهدوء تمام
زيد: احجي بويه اسمعج
جمان: زيد اني كل عمري احلم بشي واحد واتمنى احققه دائماً احلم واخلي بابا يفتخر بيه واكسر عين ناس وشماته الي دكول انتم فقره وكلشي ممحققين بحياتكم اريد ادرس زيد والله كل البالي دراستي اريد احقق حلمي اريد اطلع طب رجاءً لاتمنعني من شي كلش احبه
زيد: بس بويه احنه ماعدنه حرمه تدرس شلون بله اني كوليلي شسوي اعارض اهلي وتقاليدهم
جمان: رجاءً زيد حاول انته تفهمهم بطريقتك وداعتك من ادرس واصير دكتوره واحقق الي بالي راح تفتخرون وراح تتغير نضرتكم تجاه هلشي فالاتحرمني من طموحي واوعدك راح اخليك تفتخر
زيد: يصير خير نشالله
جمان: زين كلي انته موافق
زيد: مدام هذا حلمج وطموحج الي رايدته اني موافق وحبيت اصرارج وعزيمتج على حلمج
جمان:(بدموع) تحجي صدك زيد يعني راح تخليني اكمل دراستي
زيد: نشالله بس احاجي ابوي واقنعه
جمان: تصرف لاارادي بدر من عندي ومدري شلون تجرأت وحضنته
-شكࢪاً زيد شكراً متصور شكد فرحت بكلامك ونطيتني فرصه علمود اكمل دراسه واحقق حلمي واوعدك اجيب احله معدل واخليك تفتخر
زيد: تدللين يابه بس وخريي ولج خنكتيني هههههه
جمان:(بكلبها) عزااا بعيني هاي شسويت حاضنه الولد امداي يي والله
-اسفه شويه تحمست
زيد: عليمن اسفه قابل حرام غير حرمتي
جمان: يي صح.. يله هسه خنام ورانه كعده صبح انته تروح لشغل واني انضف البيت
زيد: لاتشتغلين شغلات ثكيله بعده حركج لايلتهب نتبهي عليه خوش
جمان: تمام يله خنام تصبح على خير
زيد: ونتي بخير
جمان: تمددت يمه على جربايه والابتسامه مرسومه على وجهي من زمان مفرحانه هيج الحمدلله وشكر ياربي همزين قبل بعد بس اهله نشالله يقبلون وارجع ادرس بس اهم شي هوو وافق جنت خايفه من ناحيته بس الحمدلله طلع كلبه طيب وافق
نمت واول مره انام واني فرحانه بعد مااخوي قتل هاي اول نومه الي انام بيهاا واني فرحانه
كعدت صبح ساعه وكعدت زيد اول مكعد راح يسبح علمود يروح لشغل واني طلعت من الغرفه اسويله ريوك
جميله: ياهلا والله نور المطبخ ههههههه
جمان: هههه صباح الخير
جميله: صباح الورد خيه اليوم الوجه مورد شكوو
جمان: هاي اشبيج تغمزين من صبح ههههه
جميله: احممم احمم عيني
جمان: عابت شوف نيتهاا وين صارت هههه
جميله: ههههههه موجوده نيتي خيه انتي نيتج وين راحت ههههه
جمان: موجوده نيتي ههههههه
موبس الزيد سويت ريوك سويت ريوك الهم كلهم
خذنه الريوك الهم وهمه كلهم كاعدين
جمان: صباح الخير
الكل: صباح النور
جمان: حطيت الاكل على سفره واجه زيد وكعدنه نتريك
زيد: بويه اريد احاجيك بموضوع او بالاحرى اطلب منك طلب ونشالله ماتردني
جمان: دكات كلبي صارت تسارع حسيت كلبي يريد يطلع من مكانه ياربي معقوله زيد راح يكول لابوو
فيصل: تفضل ابني ماعاش الي يردلك طلب
زيد: فدوه الكلبك يابه
-بويه اني اريد اخلي حرمتي تدرس
جمان: اتنوع عليهم نصدمووو وذبو الاكل من ايدهم ياربي شراح يصير
فيصل: شنووووووو
انته مووش تدري ماعدنه نسوان تدرس
زيد: بس بويه....
فيصل: لابس ولاشي ماعدنه نسوان تدرس ونتها نقاش
زيد: بس اني اريدها بويه البنيه عدها هدف خلي تحققه حرام علينه نعارض بيه
فيصل: وتالي وياك كلت لا يعني لا
زيد:( بعصبيه) جمان تدرسس يعنيييي تدرسسس
فيصل: تعلي صوتك علي علمودهاا ولكك
زهره: شجاك يمه انته موتدري ماعدنه نسوان تدرس بعد عليش هذا حجيك
زيد: وحنه دوم نبقه هيج منخلي بناتنه تدرس خل نطور شويه واني اريدها تدرس وحرمتي اني اخذها بيدي للمدرسه ورجعهاا بيدي
فيصل: مستحيلل ولو اني لو دراسة جمان اختار يازيد
زيد: چا اني اختار....
يتبع..
#فصليه لاجل والدي
الگاتبه/طيبه عباس
تصويت +متابعه🥀❤
احبكم ومشتاقتلكم والله كلش هوايي😚💗💗
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!