تحميل رواية فتاة انحنت من أجل الحب بقلم دودو محمد pdf

رواية فتاة انحنت من أجل الحب

الفصل الاول 1

بقلم دودو محمد

🌷تعريف الشخصيات🌷

عائلة الدمياطى

أمينه يوسف :- الام تبلغ من العمر الخامس وخمسون طيبه جدآ وحنونه محبوبه بين الناس تعشق اولادها جدآ تحتفظ بجمالها رغم مرور الزمن عليها رفضت الجواز بعد وفاة زوجها ورفيق عمرها وعايشه لأولادها فقط

امير احمد الدمياطى

شاب يبلغ من العمر التاسع وعشرون من الطبقه الوسطه معاه شهادة ثانويه عامه القدر حكم عليه ميكملش تعليمه لظروف المعيشه والبحث عن لقمة العيش ليتكفل بمصاريف أسرته هو الاخ الأكبر متوسط الجمال يعمل بالنهار أمن فى إحدى الشركات وبليل بيشتغل فى سوبر ماركت طيب وحنين جدآ على اخواته ولكن إذا حكم الأمر يستخدم الشدة بعد الشئ مع اخواته

ساره احمد الدمياطى

الاخت الوسطه تبلغ من العمر الثانى وعشرون فى كلية فنون جميله اخر سنه ليها طيبه وحنونه تشبه والدتها فى الجمال بشرتها بيضاء عيونها عسليه متوسطة الطول دمها خفيف جدآ جدآ

محمود احمد الدمياطى

توأم ساره يبلغ من العمر الثانى و عشرون تخرج من كلية الحقوق وشغال فى مكتب محامى تحت التدريب وسيم جدآ يحب الضحك والمرح شخصيه انانيه بعض الشئ

__________________________

عائلة الصاوى

توفيق الصاوى

الاب يبلغ من العمر واحد وستون طيب جدآ على أبنائه خرج على المعاش ويمتلك محل عطاره بجوار منزلهم من الطبقه الوسطى

نبيله السيد

الام تبلغ من العمر الثامن والاربعون شديده بعد الشئ على اولادها ولكن تحبوهم جدآ تعشق زوجها ومتقبله معاه ظروف المعيشه

شريف توفيق الصاوى

الابن الاكبر يبلغ من العمر التاسع وعشرون تخرج من كلية تجاره واشتغل محاسب فى أحد الشركات صديق أمير الوحيد تشبه شخصيته شخصية أمير ولكن يحب الضحك والهزار ويكره النساء جدآ

سامح توفيق الصاوى

الاخ الأوسط يبلغ من العمر السادس وعشرون تخرج من كلية آداب واشتغل مدرس فلسفه فى مدرسة ثانوي للبنات محترم جدآ وجد زياده عن اللزوم شديد الوسامه وانيق جدآ وجسم رياضى

زهراء توفيق الصاوى

الاخت الوسطى تبلغ من العمر الثانى وعشرون فى كلية فنون جميله اخر سنه ليها صديقة ساره الانتيم شخصيه مغروره جدآ وانانيه جدآ تحب الفلوس اكتر حاجه فى الدنيا جمالها متوسط لكن بتحب تهتم جدآ بمظهرها وتحب تلبس على الموضه (من الأخر شخصيه مستفزه ولعو فيها عادى وهى دى البطله على فكره 😂😂😂)

ريم توفيق الصاوى

الاخت الصغيره تبلغ من العمر التاسعة عشر فى كلية حقوق طيبه جدآ وحنونه تشبه سامح فى الشكل

(ربنا يديك الصحه يا عم توفيق كل دى عيال ده انا تعبتلك يا ررررراجل 😂😂😂)

🌷الفصل الاول🌷

فى إحدى المناطق الشعبيه بالقاهره توجد بناية قديمه متهالكه من مرور الزمن عليها

وتوجد بداخلها شقه مكونه من اربع غرف وصاله وحمام واحد مشترك ومطبخ صغير

فى أحد الغرف

نبيله / زهره بت يا زهره اصحى يلا هتتأخرى على المدرسه بتاعتك

زهراء / ............

نبيله / يابت قومى متوجعيش قلبى معاكى هتتأخرى على المدرسه

زهراء / فتحت عينيها بصعوبه وقالت يا امى يا حبيبتى مش كده عايزه اتخمد شويه وبعدين مية مره أقولك انا مش فى مدرسه انا فى كليه كليه يا ماما

نبيله / كليه ولا مش كليه قومى يا اختى اخلصى مش كل يوم على القرف ده

زهراء / اقولك حاجه روحى صحى القلب الطيب عندك اهى لسه نايمه وسبينى ابوس ايدك

ريم / انا صحيت على فكره ومن اول صوت لماما وهى بتصحيكى

نبيله/ صباح الخير يا حبيبتى

ريم/صباح النور يا ماما

نبيله /فيها ايه لو متتعبنيش زى اختك كده ده انتى حتى اكبر منها مفروض تكونى قدوه ليها

زهراء/ نامت تانى

نبيله /كفااااااايه حرام بقى انا تعبت مش حمل اللى بتعمليه فيا ده قومى قامت قيامتك

زهراء /ها خ.خ.خلاص صحيت والله

نبيله /قومى قدامى اخلصى

زهراء /وقفت وهرشت فى شعرها وقالت امته بقى الواحد يمشى من البيت ده ويبقى فى فيلته يصحه وقت ما يصحه وينام وقت ما ينام وفى الوقت ده حست بالشبشب على جسمها وقالت ااااااه ايه اللى انتى بتعمليه ده يا اما حرام عليكى وجعنى

نبيله /بفوقك شكلك لسه نايمه مصحتيش انجرى يا بت امشى

زهراء /خرجت من الاوضه وهى عماله تبرطم وتقول كلام مش مفهوم ودخلت الحمام

نبيله /معلش يا حبيبتى روحى صحى اخواتك

ريم /حاضر يا ماما

نبيله /حضرك الخير كله يا حبيبتى

بقلمى دودومحمد

ريم /قامت من على السرير راحت عند اوضت أخواتها وخبطت على الباب ودخلت وقالت صباح الخير يا أبيه شريف انت صحيت

شريف /لاء لسه نايم شيفانى قدامك ايه صاحى وبرد عليكى صحصحى معايه كده يا ريمو

ريم /هههههههه لاء فى دى عندك حق

شريف/فى دى بس يا ريمو اخص عليكى لاء انا كده هزعل ولو زعلت يتزعل منى

ريم /وانا مقدرش على زعل البوص ودخلت عند سامح وقالت يا سامح اصحه يلا

سامح/..........

ريم / ياسامح اصحه بتقولك ماما علشان هتتاخر على شغلك

سامح /بعصبيه امشى يا ريم من قدامى

ريم /حاضر بس اوعى تنام تانى

سامح/رررررررريم اطلعى بره

ريم/بخوف ح.ح.حاضر حاضر وخرجت تجرى من الاوضه

شريف/حدفه بالمخده وقال حرام عليك رعبة البت قوم يا غلس

سامح /بلاش رخمتك دى على الصبح يا شريف

شريف /والله ما فى حد رخم غيرك انت ده انت مش بتبقى نايم انت بتبقى ميت ياراجل

سامح /قام وقف وقال ما لو انت بتشتغل زى ما انا شغال كنت عرفت بتعب قد ايه

شريف /ده على اساس ان انا شغال على مراجيح مولد النبى

سامح /يا ابنى انت أفهم الفلسفه دى عذاب وشرحها عذابين وبالذات مع البنات

شريف /يا ابنى ده انت مولعها دروس على ودنه شغال ديرك من هنا لهنا

سامح/ الله اكبر فى عينيك انت هتحسد ولا ايه

شريف/ولا احسد ولا تحسد انا اصلا طول عمرى مش بطيق الفلسفة

سامح /احسن برضه وخرج من الاوضه دخل الحمام

شريف /وقف وقال توب علينا يارب من العيشه دى بقى الواحد تعب من الفقر وخرج هو كمان

بقلمى دودومحمد

فى المطبخ

نبيله /بت يا زهره

زهراء/من بره عايزه ايه

نبيله /عايزه تخلى عندك شوية دم وتقومى تساعدينى فى المطبخ

زهراء/عندك ريم اهى وبصت لاختها وقالت روحى شوفى امك عايزه ايه

ريم /ما تقومى انتى ولا على رجليكى نقش الحنه

زهراء/لاء انا تعبانه مش قادره اقوم

ريم / ده على اساس انك كل يوم بتساعدى امك

زهراء /يا ستى انا كسوليه قومى انتى يا نشيطه وساعدى امك وبعدين بصت على ضوافرها وقالت خلينى اخلص ضوافرى بقى

ريم /بنأدمه مستفزه وسابتها ودخلت المطبخ لأمها وساعدتها وحضرو الفطار وحطو الطبليه وقعدو ياكلو فى الارض

زهراء /امته هنقعد شبه البنأدمين على السفره وناكل بكرامتنا بدل قعدتنا فى الارض دى شبه الشحاتين

سامح /والله هى دى عشتنا اذا كان مش عجبك يا برنسيسه

زهراء /ومالك محروق اوى كده اشمعنا انت اللى رديت

سامح /علشان كلامك مستفز الصراحه عيشى عيشت أهلك يا اختى

ريم /أحمدى ربنا أن انتى لاقيه اللقمه اللى بتحطيها على الطبليه فى غيرك مش لاقين اللقمه دى ويتمنو ياكلوها أنشالله حاف

نبيله /بلاش تتبطرى لتزول من وشنا

زهراء/بصت لشريف وقالت مش عايز تقول حاجه انت كمان

شريف /عايز هاتى الميه اللى جنبك دى هموت من العطش

زهراء /والنعمه انت الوحيد اللى بتفهمنى فى البيت ده وبعتت ليه بوسه فى الهوا

شريف /يابت يخربيت كنت هزور كده ابعتيها براحه وبعت ليها بوسه فى الهوا وقال كده بررررراحه برقه يا بت

زهراء /اخويه وحبيبى يعنى الجدعنه احبك اشريف هههههه

نبيله /توفيق شوف صرفه لبنتك دى انا خلاص تعبت منها

توفيق /سبيها يا نبيله شاغله بالك بيها ليه هى بتحب تهزر

نبيله /البت دى مفيش حد مدلعها كده غيرك انت واخوها الكبير ده

شريف/شكرآ يا ماما وبعدين دى زوزو برضه يا ماما حبيبت قلبى

زهراء/هو انا مش بنتك ولا ايه يا حاجه بتعاملينى كده ليه

نبيله /علشان انتى مستفزه ومش بتحمدى ربنا على النعمه ابدآ

زهراء/وقفت وقالت اشطات يا مزه خلصت وصلت كل يوم اما اروح اشوف سرسور وسبتهم ومشيت

نبيله /لنفسها ربنا يهديكى ويصلح حالك يا بنتى

بقلمى دودومحمد

__________________________

فى بيت الدمياطى

قعدت زهراء تخبط على الباب بتاع ساره وتطبل وتغنى وتقول

زهراء/على الباب انا على الباب افتحلى يا بواب

امير/فتح وقال قلب البواب من جوه

زهراء/ايه ده هو انت لسه هنا ومنزلتش

امير/لاء نزلت وزمانى وصلت الشغل كمان

زهراء/هه خفه ابعد بقى عن سكتى

امير /مقدرش اموت انا لو بعد عنك يا جميل ده انتى العشق يابت

زهراء/بدلع وانت الحب اوعى بقى اشوف البت ساره

امير/بذمتك من احسنلك انا ولا سرسور

ساره/من وراه امير انا طبعآ

امير/يخربيت فرقع لوز اللى بينط فجأه ده ايه جابك يا بنتى

ساره/جايه لصحبتى الله وسع كده دخلها

امير/اشوف فيكى يوم يا بعيده ووسع ودخل زهراء

زهراء/وهى معديه من قدامه غمزت ليه وقالت بدلع وصوت واطى انت احسن من الدنيا بحالها

امير/اااااااه قلبى هيقف يا ناس

ساره/بتقولو ايه

امير /انتى مالك يا حشريه

ساره/كده ماشى امشى قدامى يا زوزو واخدت زهراء وطلعت لسنها لامير ومشيت

امير /يارب قرب البعيد تعبت بقى وقفل الباب ودخل

زهراء/دخلت وكانت قاعده امينه ومحمود وقالت صباح الخير يا طنط

أمينه /صباح الخير يا حبيبتى

زهراء/صباح الخير يا حوده

محمود/احلى صباح على احلى بنت فيكى يا عاصمه

امير/وهو بيقعد جنب محمود خف يا خفه

محمود/مش بظهر اعجابى بيها الله

امير/هطلع روحك قبل ما تفكر تقول كلمه تانى فاهم

محمود /وهو بيرفع أيده وبيضحك احنا اسفين يا صلاح

زهراء/ههههههههههههههه

ساره/يخربيتك عملتى فتنه بين الاخوات انجرى قدامى

زهراء/دخلت الاوضه مع ساره وقفلو الباب عليهم وقعدت على السرير

ساره/مالك شكلك فيه حاجه مخلياكى زعلانه ايه هى

زهراء/امى

ساره/برضه مش بتتفقو مع بعض زى كل يوم

زهراء/ايوه مش عارفه ليه بتعاملنى أنا الوحيده كده

ساره/يمكن علشان انتى بتردى عليها ده بيستفزها منك وبتعاملك كده

زهراء/حاسه انها بتكرهنى معرفش ليه

ساره/انتى عبيطه لاء بجد انتى عبيطه وهبله كمان دى امك مهما بتقسى عليكى بتحبك برضه هى بتعمل كده علشان بتخاف عليكى لانك شخصيه نمروده شويه

زهراء/وفيها ايه لما اتنمرد على عشتى واحلم اكون غنيه وعندى فلوس كتير واعمل اللى فى نفسى الحلم لا عيب ولا حرام وده شئ من حقى مش هيمنعونى أن احلم كمان

ساره/مشكلتك انك عايزه تعيشى حياتك كلها فلوس وده غلط عليكى انتى يا زوزو طيب سؤال انتى بتحبى امير ولا لاء

زهراء/بحبه طبعآ ده حب الطفوله يا بنتى

ساره/طيب انتى تفتكرى أن أمير هيقدر يحققلك اللى انتى نفسك فيه ده كله

زهراء/بزعل لاء

ساره /طيب مدام عمرك ما هتعيشى اللى انتى بتحلمى بيه ده يبقى بلاش من الحلم ده اللى هينكد عليكى عشتك وبعد الجواز لو امير حس انك نفسك تعيشى حياة تانيه غير اللى عيشاها هتجرحى مشاعره وهيحس أنه مقصر معاكى وسعتها هيحس أن هو عاجز مش قادر يحققلك احلامك

زهراء/اهو احلم شويه قبل الجواز وقامت وقفت وقالت هروح اجهز تكونى انتى جهزتى نفسك علشان ننزل الجامعه

ساره /علم وسينفذ يا باشا هههههههههه

زهراء/هههههههههه وفتحت الباب وخرجت راحت على شقتهم

ساره /جهزت نفسها وخرجت وقعدت على الطبليه تاكل بسرعه

محمود/فى ايه يا بنتى كلى براحه هو فى حد بيجرى وراكى

ساره/لاء بس علشان البت زوزو هتخبط عليا دلوقتى علشان ننزل

امير/خليها تيجى تاكل معانا

ساره/يا حونين

محمود/ابغى ابكى من الحنيه بس استحى والله

امير/يا ظروفه منك ليها

أمينه /ربنا يسعدكم يا حبايبى

امير/ويخليكى لينا يا ست الكل وفى الوقت ده الباب خبط

ساره/ مش قولتلكم اهى زوزو جت وقامت وقفت وقالت هروح انا بقى وراحت فتحت الباب لاقته شريف

شريف/ايه يا مزه رايحه فين كده

ساره / فكرتك زوزو

شريف/ هههههههه لاء زوزو لسه بتلبس جوه قدمها كام ساعه كده المهم امير فين

ساره/جوه بياكل ادخل

شريف /دخل وقال السلام عليكم ايه يا ابنى لسه بتفطر كل ده

الكل/وعليكم السلام

امير/ تعال يا شريف افطر معانا

شريف /افطر ايه يا ابنى انا فطرت من بدرى انجز بس انت علشان منتأخرش

امير /وقف وقال انا اكلت الحمدالله وابقى اشرب الشاى فى الشغل وبص لامه وقال عايزه حاجه يا ماما

امينه /عايزه سلامتك يا حبيبى خلى بالك على نفسك

امير /باس ايديها وقال حاضر يا ست الكل وطلع فلوس وقال خلى دول معاكى يا ماما علشان لو احتاجتى حاجه

امينه /خليهم يا حبيبى معاك انا معايه ولو احتاجت فلوس هطلب منك

أمير/لاء يا ماما خليهم معاكى زياده

محمود/ومفيش حاجه كده لحوده حبيبك احسن نشفه خالص معايه وربنا

ساره /والله انت معندكش دم

محمود /ملكيش دعوه انتى يا غلسه

امير/طلع فلوس واداها لمحمود وقال خد اهو بس امسك على ايدك شويه انت لسه واخد زيهم مفيش من يومين

محمود /اخدهم منه وقال خلاص يا عم انت هتذلنا على القرشين اللى بناخدهم منك بكره ربنا يكرمنا ومش هحتاج اخد حاجه منك

امير/خلاص يا عم متبقاش قماص كده اصرف يا عم براحتك ولا يهمك

شريف /مش يلا بينا اتأخرنا

أمير /يلا

ساره /اعملو فينا معروف وخدونا على سكتكم

شريف / انتو لسه قدامكم كتير صحبتك مش هتخلص دلوقتى واحنا اتأخرنا

ساره / لالالا هدخل استعجلها

أمير/طيب بسرعه

ساره /هوا ودخلت الشقه عند زهراء واستعجلتها وخرجو الاربعه مع بعض وصلوهم الجامعه وراحو هما على الشركه

بقلمى دودومحمد

خرجت ريم من الشقه فى نفس الوقت اللى خرج فيه محمود من البيت

محمود/صباح الخير

ريم /احم صباح النور

محمود /عامله ايه

ريم /ك.ك.كويسه

محمود/رايحه فين كده

ريم /الجامعه

محمود/تحبى اوصلك

ريم/لاء شكرآ عن اذنك

محمود/استنى هنا يا بنتى فيها ايه لما اوصلك معايه فى السكه انتى زى اختى ساره

ريم/بصت ليه بغيظ وقالت شكرآ انا مش صغيره بعرف امشى لوحدى وسابته ونزلت

محمود/بأستغراب مالها دى وبعدين هز كتفه ونزل ركب تاكسى وراح المكتب

بقلمى دودومحمد

_____________________________

فى الجامعه

عند زهراء وساره

دخلو الاتنين الجامعه وهما بيضحكو مع بعض وفى الوقت ده خبط فى زهراء شاب وسيم جدآ

الشاب /اوه سورى

ساره /لا والله ونصرف سورى بتاعتك دى فين وبعدين شغل العيال السيس دى انا عارفها امشى يلا العب بعيد

الشاب /لمى لسانك انتى يا جربوعه وبعدين صحبة الشأن نفسها متكلمتش انتى بتتكلمى بصفتك ايه المحاميه بتاعتها

ساره /اه المحاميه بتاعتها وبعدين لم لسانك انت بدل ما اخلى الجامعه كلها تتفرج عليك وانت بتتمسح بكرامتك الارض

الشاب/ده ولا انتى ولا عشره زيك يقدرو ينطقو معايه حرف واحد ده انا امحيكى من على الارض يا زباله

زهراء/ خلاص يا ساره محصلش حاجه لكل ده خبط فيا غصب عنه واتأسف امشى بقى بلاش فضايح

الشاب التانى / خلاص بقى يا اسلام امشى وسيبك منها وشد صاحبه ومشى وهو بيبص لساره بغيظ وبيبص لزهراء بأعجاب

ساره / انتى ليه سكتى ليه انا متأكده ان هو قاصد يخبط فيكى

زهراء/ يا بنتى كفايه فضايح انتى مش شايفه عملين يبصو علينا ازاى وبعدين الشاب ده شكله مقتدر وواصل وبيتكلم بثقه مش عايزين مشاكل احنا فى غنا عنها

ساره / جبانه امشى يااختى قدامى امشى

بقلمى دودومحمد

عند الشباب

اسلام/ ودينى لعرف الجربوعه دى يبقى مين اسلام محجوب

زميله احمد / يا اسلام انت اللى غلطان وده رد فعل طبيعى لاى بنت

اسلام /وانا كنت خبط فيها انا خبط فى صحبتها هى محموقه ليه بقى

أحمد/ خلاص بقى قفل على الموضوع ده

اسلام / اقفل ايه ده البت اللى انا خبط فيها طلقه وعينيها بتقول انها اعجبت بيا وكلها شهر بالكتير والبت دى هتكون نايمه فى اوضى وعلى سريرى وفى حضنى

أحمد / لاء يا اسلام اتقى الله بلاش كده

أسلام / بقولك ايه ملكش دعوه باللى هعملو ومتدخلش فيه مش نقصين حكمك والنبى ولو فكرت تروح وتقولها انت عارف اسلام محجوب يقدر يعمل ايه

أحمد / بصله بقرف ومشى وسابه

أسلام / وهو بيمشى ايده على صدره قال اااااه امته يجى اليوم اللى هتكونى نايمه فيه فى حضنى يا مزه

بقلمى دودومحمد

___________________________

فى الشركه

عند شريف وامير

دخل شريف على مكتبه ووقف امير على باب الشركه

فى مكتب شريف

دخل قعد على مكتبه وبدء يشتغل وفى الوقت ده تليفون المكتب بتاعه رن رد وقال

شريف / السلام عليكم

بنت / وعليكم السلام

شريف/ ايوه يا فندم امرى حضرتك

البنت / استاذ شريف هات ملف المرتبات بتاع العمال وتعال

شريف / حاضر يا فندم وقفل التليفون واخد نفس وقام وقف اخد الملف وراح عند المكتب وخبط على الباب ودخل

البنت / اتفضل يا استاذ شريف

شريف / شكرآ يا فندم ودخل وقفل الباب وراه وحط الملف على المكتب

البنت / اتفضل اقعد

شريف/ شكرآ لحضرتك يا فندم

البنت / بلاش افندم دى قولى علطول يا لميس

شريف / مينفعش حضرتك مهما ان كان حضرتك بنت صاحب الشركه والمديره هنا

لميس /يا سيدى انا موافقه ان تقولى بأسمى كده اعتبرنى صديقه ليك ولا منفعش

شريف / لاء طبعآ ده شرف ليا بس

لميس / مفيش بس طول ما احنا مع بعض تقولى يا لميس لما يكون حد موجود حط الالقاب عادى ومدت ايديها وقالت اتفقنا

شريف/ بص على ايديها ومد ايده ببطئ وسلم عليها وقال اتفقنا وفضل ماسك ايديها فى ايده

لميس/ احم احم ا.ا.ايدى

شريف / نعم

لميس / احم ايدى انت مسكها

شريف / سابها وقال احم ا.ا انا اسف

لميس / مفيش مشكله نبدأ الشغل

شريف / ايوه طبعآ وقعدو يشتغلو الاتنين

بقلمى دودومحمد

____________________________

فى مدرسه البنات

كان سامح واقف بيشرح لطالبات الفلسفه وفى الوقت ده الباب خبط واتفتح ودخلت المديره ومعاها بنت شعرها اصفر ملامحها غربيه

المديره/ السلام عليكم

سامح / وعليكم السلام

المديره/استاذ سامح دى روز طالبه جديده معانا فى المدرسه ولسه واصل ورقها من امريكا

سامح /يعنى هى امريكيه

المديره/ مش بالظبط امها وابوها مصريين بس كانو عايشين فى امريكا وهى اتولدت هناك وعاشت عمرها كله هناك

سامح / طيب ودى هتفهمنا واحنا بنشرح ازاى هما المصريين فاهمين علشان نعرف نفهم اللى كان عايش بره

روز / على فكره انا اعرف اتكلم اربى وافهم الكلام كويس اوى

سامح / اتفاجئ وقال دى بتتكلم زينا اهى

روز / ليه انت مش شايف قدامك بنأدمه ولا ايه

سامح / اتغاظ وقال انتى بتتكلم بعجرفه كده ليه انا هنا المدرس بتاعك يعنى تتكلمى بأدب معايه فاهمه

روز / وانت مش مسموح تتكلم معايا بالطريقه الهمجيه بتاعتك دى

سامح / همجيه سامعه بتقول ايه

المديره / روز هنا يا حبيبتى مش امريكا الوضع يختلف كتير عن بره ولازم تحترمى المدرس بتاعك

روز / اوك وهو برضه المفروض يحترم شخصيتى وذاتى يتكلم معايه بأسلوب احسن من كده

سامح / خلاص نسيب التدريس والمنهج وعرفينى انتى بقى ازاى اتكلم مع حضرتك

بقلمى

روز /على فكره انت شكلك شخص مريض لان اسلوبك معايه من ساعة ما دخلت غريب

سامح /لو سمحتى يا حضرة المديره انا مش عايزها معايه هنا

المديره/للاسف مفيش اى مكان متاح غير عندك

سامح / سكت شويه وقال والعمل

المديره / الحل الوحيد انها تقعد عندك

روز / No

سامح /والنبى يااختى اعدلى لسانك مش نقصين نونوه هنا

روز / انت ايه مشكلتك معايه

سامح /وانا اعرفك منين علشان يبقى ليا معاكى مشكله اتفضلى اتنيلى ادخلى

روز / اسمها ادخلى مش اتنيلى لو سمحت

سامح / لنفسه الصبر من عندك يارب

المديره / سامح تعال عايزاك

سامح /حاضر ومشى وراها

المديره / وقفت بعيد عن روز هى وسامح وقالت سامح البنت دى تبعى وامها وابوها غاليين عليا اوى ياريت تتعامل معاها بأسلوب احسن من كده علشان خاطرى

سامح/ حضرتك مش شايفه بتتكلم معايه ازاى المفروض تحترمنى

المديره / انا هكلمها بس ياريت بلاش اسلوبك الجامد معها لانها مدلعه جدآ واى اسلوب مش حلو معها هتعتبرها اهانه

سامح / اتنهد وقال حاضر عن اذن حضرتك ودخل الفصل وقال هنكمل مع بعض اللى كنت بشرحه

روز / وانا هفهم ازاى مش لازم تفهمنى اللى فات علشان اعرف انتو وصلتو فين وابقى معاكم فيه

سامح / يا سلام افضل اشرح لحضرتك كل اللى فات واضيع من وقت زمايلك

روز / والله دى مش مشكلتى

سامح / اللهم يطولك ياروح لما اخلص ابقى اشرح ليكى كل اللى فات

روز / ok

سامح / هوف وبدء يشرح لحد ما انتهى الوقت وكل البنات خرجت الا روز وسامح وكان سامح واقف بيحضر الشنطه بتاعته ومش مدى اى اهتمام لروز

روز / لو سمحت مش انت قولتلى هتشرح ليا لما تخلص فين بقى انا مستنيه

سامح / اولا اسمها بعد اذن حضرتك ثانيآ لما تتكلمى معايا صوتك ميعلاش فاهمه ثالثآ انا مش خدام عندك خلى ابوكى يجيب ليكى مدرس يديكى كل اللى فاتك وسابها ومشى

روز / اتغاظت وقعدت تبص على الباب مكان ما خرج وقالت اوك انت اللى بدأت معايه استحمل بقى متعرفش لسه مين روز اللى دوخت نص شباب امريكا

بنت / دخلت وقالت على فكره هو رخم اوى كده

روز / What

البنت / زى ما بقولك كده ده احنا كرهنا الماده بسببه

روز/ بصت ليها بأستغراب

البنت / مدت ايديها وقالت انا جهاد معاكى هنا وكنت حاضره اللى حصل ما بنكم

روز / مدت ايديها وقالت هاى

جهاد /لاء بلاش عوجت لسان خليكى بنت بلد بقى واتكلمى بلدى هههههههه

روز :- شطه صح كده

جهاد / هههههههه مش شطه اسمها اشطا

روز /Yas هى اشطا دى

جهاد/ يادى النيله السوده برضه يس ده انا شكلى هتعب معاكى اوى

روز/ هههههههههه شويه متنسيش عشت حياتى فى امريكا

جهاد/ بس العربى بتاعك حلو مش وحش اتعلمتيه فين ده

روز /مامى وداد مصريين وكلامهم معايه هناك اربى علشان كده انا بعرف اتكلم اربى حلو

جهاد/ لاء انا بعد اربى دى هعيد النظر تانى فى صحوبيتنا سلام

روز / طلعت تجرى وراها وتقول جهاد استنى يا بنتى وهى بتجرى خبطت فى سامح

سامح/ بغيظ مش تفتحى وانتى ماشيه

روز / سورى مشوفتكش

سامح/ وكمان عاميه

روز/ بغيظ مسمحلكش تغلط فيا الزم ادبك بنأدم همجى

سامح/مسكها من دراعها وقال ودينى وما اعبد لو محترمتيش نفسك لاعرفك مقامك

روز /انا محترمه غصب عنك وشدة دراعها من ايده وبصت ليه بقرف ومشيت وسابته

سامح/داس على سنانه بغيظ وقال مبقاش سامح توفيق لو مكنتش اندمك على كل كلمه قولتيها

رواية فتاة انحنت من أجل الحب

الفصل الثاني 2 والثالث 3

بقلم دودو محمد

فى المكتب عند محمود

وصل محمود المكتب ودخل على مكتبه وقعد وبدأ يشتغل وفى الوقت ده دخلت عليه بنت من سنه وقعدت على مكتب قصاده وقالت

البنت / صباح الخير

محمود/بقرف صباح النور يا شهد

شهد /واحشتنى

محمود/ شهد بلاش كلام كل يوم ده

شهد/ايه غيرك من نحيتى كده يا محمود ما كنا كويسين مع بعض وبنخرج مع بعض فى كل حته

محمود / علشان انتى من الاخر رسمه على جواز وانا مليش فى جو الجواز والكلام ده انا اقضيها اه لكن بقى جواز وخنقه وكلام فاضى مش بحبه الصراحه

شهد / يعنى انت كنت بتوقعنى فيك وخلتنى احبك وفى الاخر طلعت عايز تتسلى

محمود / الله ينور عليكى يارب تكونى فهمتى المرادى بقى وتنزلى من على ودانى

شهد / بدموع ليه كده حرام عليك ليه عملت فيا كده انا حبيتك بجد يا محمود

محمود / يا دين النبى يا بنتى انتى هتعمليهم عليا ما انا عارف كل ماضيكى متعمليش عليا شريفه بقى

شهد / انت هتذلنى علشان عرفت أن انا كنت بحب ابن عمى وهو بيحبينى بس محصلش بينا اى حاجه كان حب شريف ومحصلش نصيب فيها ايه بقا

محمود / مفيهاش حاجه حاولى بقى ترجعيلو من تانى وابعدى عن سكت امى انا

شهد / بس انا نسيته لما حبيتك يا محمود

محمود / يا لهوى على سنين امى السوده وعلى اللزقه اللى انا فيها دى

شهد / انت معندكش اخوات بنات علشان تعمل فيا كده خاف عليها يا عم وزى ما عملت فيا هيتعمل فيها ربنا مش بيضيع حق حد ابدآ

محمود / انا مغصبتكيش على حاجه وبعدين انتى ليه محسسانى أن لمستك هما كام خروجه مع بعض مش اكتر مش قصه هى

شهد / بس علقت قلبى بيك

محمود/ربنا يرزقك بأبن الحلال بعيد عنى انا مش بتاع جواز يارب نفهم بقى

شهد / منك لله ربنا يوجع قلبك زى ما وجعتنى وقامت من على مكتبها وخرجت تجرى

محمود/ هتعملى فيها الخضره الشريفه وبص على الورق اللى قصاده على المكتب ونفخ وقال قفلت ليا اليوم منها لله ومسك تليفونه وطلب رقم واستنا شويه وقال حبيبت قلبى واحشتينى فينك كده

البنت / انا فى الجامعه يا حوده ليه يا قلبى عايز حاجه

محمود /انا قولت لو فاضيه كنا خرجنا شويه مع بعض اصل مخنوق اوى اوى يا سمسمه

سلمى / خلاص انا مستنياك تعال يا قلبى معاش ولا كان اللى يزهق عمرى كله

محمود / عسل وربنا انا جاى حالا وقفل معاها ودخل استأذن أن هو تعبان وخرج من المكتب وقف تاكسى وراح عند كلية حقوق

بقلمى دودومحمد

واستنى سلمى بس صادف بخروج ريم

ريم / بأستغراب محمود بتعمل ايه هنا

محمود / وهو بيمشى أيده على شعره من وراه قال احم كنت مستنى بنت هنا

ريم / بغيظ والله وامير عارف كده

محمود / بغيظ ومال امير وبعدين ولو عرف هيحصل ايه يعنى ما هو عارف ان انا بتاع بنات عادى يعنى

ريم / ومالك فخور بنفسك كده انك بتاع بنات على فكره حرام كده اللى انت بتعملو مع بنات الناس وكما تدين تدان عندك اخت حافظ على بنات الناس علشان ميتعملش فى اختك كده

محمود / اولا انا مش بضرب حد على أيده هما لو محترمين مش هيقبلو يخرجو مع شاب زى وثانيآ اختى محترمه ولو حد فكر يعمل معاها كده انا امحيه من على وش الارض

ريم / اشمعنا زعلت على اختك وبعدين البنات مظلومه انت اللى بتعلقهم بيك بأسم الحب

محمود / حب هههههههههههه حب ايه اللى بتتكلمى عنه ده هو بقى فى حاجه اسمها حب اليومين دول البنات كل اللى بقى يهمها شاب معا قرشين يخرجها خروجه حلوه يصرف عليها قرشين بس بتبقى متأكده أن هما يومين هيقضيها معاها وهيروح يدور على واحده غيرها والعجله شغاله يا بنتى

ريم / لاء غلطان فى حب وفى بنات مستعده تضحى بعمرها علشان اللى بتحبه وفى بنات محترمه بجد بس انت اللى عينك مش بتشوف غير صنف واحد عن اذنك وسابته ومشيت

محمود / فضل يبص على ريم وهى ماشيه بأستغراب من طريقة كلامها وفى الوقت ده خرجت سلمى

سلمى / قربت عليه وبسته فى خده وقالت حظك حلو اتلغت كل المحاضرات النهارده اللى عندى هتودينى فين بقى

محمود / بص على سلمى وبعدين بص على مكان ريم ما مشيت

سلمى / ايه يا بيبى مش بترد عليا ليه

محمود / ها م.م.مفيش بس افتكرت مشوار مهم معلش بقى يا سمسمه وسابها ومشى يجرى من المكان اللى مشيت منه ريم وشافها وهى ماشيه براحه وبتبص على الأرض نده عليها علشان تقف ليه

بقلمى دودومحمد

ريم / مسحت دموعها وبصت على محمود بأستغراب

محمود / راح عندها وقال ريم استنى

ريم / بأستغراب ايه جابك وسبت البنت اللى كنت مستنيها ليه

محمود / ها م.م.مرضتش اسيبك تروحى لوحدك قولت اجى اوصلك

ريم / وسبق وقولتلك أن انا مش صغيره واعرف امشى لوحدى اتفضل انت روح ليها ومتشغلش بالك بيا

محمود / هو انتى ليه كلامك معايه ناشف كده مع أن طول عمرنا جيران وعشتنا واحده

ريم / لاء انا كلامى معاك عادى بس بحافظ على الحدود اللى ما بنا وبعدين انا مليش فى مرقعت البنات دى بحب كل حاجه رسمى

محمود / طيب ما زوزو بتتعامل معانا عادى وبنضحك وبنهزر مع بعض عادى مفيهاش حاجه يعنى وبعدين انتى زى اختى يا بنتى مقصدش حاجه يعنى

ريم / بأنفعال لاء يا محمود انا مش اختك انا أسمى ريم توفيق وانت اسمك محمود احمد يعنى مش اخوات ولا عمرنا هنكون اخوات وزهره تتعامل معاكم زى ما هى عايزه شئ ميخصنيش هى حره عن اذنك ولسه هتمشى

محمود / مسكها من دراعها وقال أهدى يا ريم ليه كل الانفعال ده

ريم / بصت على أيده اللى ماسكه دراعها وبصت ليه وقالت ياريت بعد كده متتكررش وتلمسنى تانى فاهم وسحبت دراعها من أيده

محمود / اسف والله مقصدش حاجه بس حاولت امنعك تمشى وانتى فى الحاله دى بس مش اكتر

ريم :- لاء شكرآ ليك عن اذنك وسابته ووقفت تاكسى ومشيت على البيت

محمود / بص على ريم لحد ما ركبت التاكسى ومشى بيها وبعدين مشى فى الشارع وهو بيفكر فى طريقة كلام ريم معاه وفى طريقة انفعالها

بقلمى دودومحمد

______________________________

فى الجامعه عند زهراء

خرجت زهراء من المحاضره بعد ما انتهت هى وساره وشافو اسلام معدى جنبهم وغمز لزهراء

ساره / بغيظ لاء ده عايز يتربى بقى ولسه هتروح عنده

زهراء / مسكتها وقالت تعالى هنا يا مجنونه رايحه فين

ساره / هروح اعرفه مقامه ابن الناس التييت ده

زهراء/ يا بنتى كبرى مش عايزين فضايح

ساره / ما هو لو محدش وقفه عند حده هيسوق فيها

زهراء / اهدى بس لو فكر يعمل حاجه تانى يبقى يحلها ربنا يلا بقى على الكافتيريا هموت من الجوع

ساره / هو انتى همك على بطنك كده علطول امشى قدامى يا اختى وراحو الاتنين الكافتيريا وقعدو ياكلو وبعد وقت قامت ساره تدخل الحمام وسابت زهراء لوحدها

بقلمى دودومحمد

اسلام / اول ما شاف ساره قامت راح عند زهراء وقال هاى

زهراء / احم لو سمحت مينفعش كده

اسلام / انا اسف على اللى حصل الصبح بس كان غصب عنى زميلى زقنى عليكى بس اتغظت من البنأدمه اللى كانت معاكى ومن طريقة كلامها

زهراء / هى زعلت علشانى مش اكتر وعلى العموم حصل خير

اسلام / يعنى مسمحانى

زهراء / ايوه خلاص

اسلام / صافى يا لبن

زهراء / هههههه حليب يا قشطه

اسلام / مد أيده وقال اسلام محجوب

زهراء / سلمت عليه وقالت وانا زهراء وبيقولو ليا يا زهره

اسلام / اسمك حلو اوى وفعلا انتى احلى زهره شوفتها فى حياتى وده الكارت بتاعى فى ارقامى بتاع الفيلا بتاعتى الخاصه وبتاعت العيله

زهراء / اخدت الكارت وقالت واو انت عندك فيلا ليك مخصوص

اسلام / ايوه بعمل فيها علطول بارتى انا واصحابى ابقى تعالى

زهراء/ بس انا معرفهاش

اسلام / معاكى ارقامى اتصلى بيا وانا اجى اخدك بالعربيه

زهراء / احم أن شاءالله

اسلام / دفع حق الاكل وقال دى حاجه بسيطه منى ليكى عن اذنك

زهراء / شكرآ اتفضل

اسلام / مشى وهو بيضحك ضحكه كلها خبث

بقلمى دودومحمد

ساره / جت وشافت الكارت فى ايد زهراء قالت بأستغراب ايه ده يا زوزو

زهراء / ها د.د.ده كارت بتاع واحده قابلتها صدفه وشالته بسرعه فى الشنطه بتاعتها

ساره / بأستغراب من توترها ماشى دفعتى ولا ادفع انا

زهراء / لالالا دفعت خلاص

ساره / انتى اكيد سخنه شكلك مش طبيعى ولاء اول مره تتهورى وتدفعى الحساب عمومآ قومى يلا احسن هنتأخر على المحاضره وقامو الاتنين وراحو المحاضره بتاعتهم

بقلمى دودومحمد

______________________________

فى الشركه عند امير

كان واقف بيشرب الشاى ونزل عنده شريف

شريف / بتعمل ايه يا ابنى مش بتشبع شرب شاى

امير / اعمل ايه طيب مفيش حاجه اعملها

شريف / مش جعان

امير / هموت من الجوع وحياتك

شريف / طيب ما يلا مستنى أيه

امير / طيب روح اطلب الاكل وانا جاى وراك

شريف / خدام أهلك انا

امير / معلش بقى خليك انت الكبير هعمل مكلمه على السريع وجاى وراك

شريف / مكلمه اه قولتلى بس وحياة خالتك يا شيخ متتأخرش عليا زى كل مره

امير / لالالا بسرعه والله

شريف / البؤق المعفن بتاع كل يوم ده لما نشوف وسابه ومشى

امير / مسك تليفونه واتصل على زهراء واستنا الرد بس مردتش عليه جرب مره كمان وفى اخر الرنه ردت عليه بصوت واطى وقالت

زهراء / ايه يا امير عايز ايه

امير / وقت البريك يا حبيبتى قولت اطمن عليكى قبل ما اكل

زهراء / انا كويسه بس فى محاضره دلوقتى لما اخلص ابقى اكلمك وقفلت السكه فى وشه

امير / بص لتليفون بأستغراب وبعدين مشى راح عند شريف

بقلمى دودومحمد

عند شريف

طلب الاكل وكان قاعد مستنى امير بس جت لميس وقالت

لميس / انت مالك مذنب الاكل قدامك كده

شريف / ها مستنى امير

لميس / ممكن اقعد

شريف/ ايوه طبعآ اتفضلى

لميس / قعدت وقالت لو هزعجك بلاش احسن ما صاحبك يزعل ولا حاجه

شريف / لالالا مفيش مشكله والله

لميس / مدت ايديها وقالت ده طبقك

شريف / ايوه اتفضلى

لميس / لالالا انا هاخد حته بس

شريف / لاء والله انتى اتفضلى وانا هطلب واحد غيره

لميس / شكرآ يا شريف زهقتك بقى معلش

شريف/لاء عادى انتى تأمرى يا فندم

لميس / تانى يا فندم دى قولى لميس

شريف / احم اسف لسانى لسه مش واخد يا لميس

لميس / انت اخد عليه اوى ايه لميس دى ههههههههههههه

شريف / هههههههههههههه

لميس / سرحت فى ضحكته

شريف / خير يا لميس فيه حاجه

لميس / ها ل.ل.لا مفيش

شريف / اصل لاقيتك سكتى مره واحده

لميس / ه.ه.هو صحبك مجاش ليه

شريف / لاء ده الطبيعى بتاعه يجى على اخر ربع ساعه فى البريك

بقلمى دودومحمد

وفى الوقت ده وصل امير واستغرب من وجود لميس وبص بأستغراب لشريف

شريف / كل ده يا ابنى

امير/ انا خلصت بسرعه وجيت وبص على لميس وقال ازيك يا فندم

لميس / اذيك يا امير معلش بقى انا مغلسه عليكم النهارده وهاكل معاكم

امير/ ده شرف لينا يا فندم ده المكان نور بوجودك معانا

لميس / يادى يا فندم دى هو انا مكتوب على شكلى أن مأمورة سجن النسا ولا ايه هههههههههههههه

شريف وامير / هههههههههههههههه

امير / طيب نقول لحضرتك ايه بس

لميس / طول ما احنا مع بعض لميس وبس افندم دى لما يكون حد موجود اتفقنا

امير/ بص لشريف وقال اتفقنا

لميس / اشطا ناكل بقى

شريف / طلب اكل بدل اللى اخدته لميس واكلو مع بعض وخلص البريك وكل واحد راح على شغله

بقلمى

_____________________________

فى فيلا روز

وصلت روز وهى متغاظه اوى من اللى عملو معها سامح ودخلت قعدت على الكنبه وقالت

روز/ هاى يا مامى داد وصل ولا لسه

ام روز مادلين / لسه يا حبيبتى عملتى ايه النهارده فى المدرسه الجديده

روز / زفت يا مامى الناس هنا طريقة كلامهم همجيه جدآ

مادلين/ لاء يا حبيبتى بلعكس الناس هنا طيبه جدآ وتلقائين جدآ فى تصرفاتهم وكلامهم

روز / مش over شويه يا مامى كلامهم

مادلين / لاء يا حبيبتى مش over خالص هما كده شعب تلقائى جدآ مختلفين جدآ عن امريكا بس انتى لسه مش متعوده عليهم بس لما تتعودى عليهم هتحبيهم جدآ انا متأكده

روز / never يا مامى انا مش قادره اتأقلم عليهم خالص ياريت نرجع تانى امريكا وفى الوقت ده دخل بابها

بقلمى دودومحمد

سليم / ليه يا حبيبتى عايزه ترجعى امريكا

روز / طلعت تجرى عليه وحضنته وقالت دادى واحشتنى جدآ

سليم / بسها فى راسها وقال انتى اكتر يا حبيبتى ايه مزعلك بقى

روز / مش عارفه اتعامل مع الناس هنا يا دادى طريقة كلامهم صعبه جدآ همجيه زياده عن اللزوم

سليم / بصى يا حبيبتى كل شعب وليهم ثقافتهم المختلفه وهنا فى مصر مختلف جدآ عن امريكا وعن اللى اتربيتى عليه مش هتتأقلمى معاهم فى يوم وليله وعلى فكره الشعب المصرى من اطيب واكرم الناس بس طريقة الكلام لسه مأخديش عليها عارف ان صعب عليكى علشان عشتى عمرك كله فى امريكا بس لازم تتأقلمى على هنا لان صعب نرجع تانى انا خلاص صفيت كل حاجه فى أمريكا ودخلت شريك فى شركه هنا مع صديق ليا من زمان

روز / NO يا دادى بليز نرجع تانى امريكا

سليم / روز بليز بلاش دلع رجوع تانى امريكا مفيش

روز / بزعل OK دادى

سليم / قعد وقعد روز على رجله وقال يا حبيبتى مش عايزك تزعلى بس دى هى بلدك وشعبك ولازم تتأقلمى معاهم وتعيشى حياتهم وتتعودى عليهم دى بلد بابا وماما مش عايزك تتعودى على عيشت بره ياريت تفهمى كلامى كويس يا روز

روز / اوك داد عن اذنك

مادلين / روز يا حبيبتى مش هتاكلى

روز / NO مامى وبعدين بصت لابوها وقالت دادى كنت عايزه اطلب من حضرتك طلب

سليم / اه طبعآ يا حبيبتى اطلبى

روز / فى مدرس فلسفه اسمه سامح فى المدرسه اللى انا روحت فيها كنت عايزه حضرتك تجيبه ليا يدينى المنهج اللى فاتنى كله

سليم / من عنيا يا حبيبتى من بكره هيكون عندك

روز / ميرسى يا دادى عن اذنك وسابتهم وطلعت على اوضتها وهى بتستحلف لسامح

بقلمى

______________________________

انتهى اليوم والكل رجع على بيته وكان الكل متجمع فى شقه الدمياطى

نبيله / قومو يلا يا بنات حضرو العشا

زهراء / انا تعبانه خلى ريم وساره يحضرو

ساره / يا برودك يا شيخه نفسى مره واحده مطلعيش حجه علشان متساعديش حد فى البيت

زهراء / مش بحبه وربنا مش بحب شغل البيت مليش انا فى شغل البصل والتوم والحاجات دى

ريم / والله طيب الله يكون فى عونك ياللى فى بالى هتقضيها دليفرى

زهراء / اطلعى انتى بس منها ملكيش دعوه

سامح / فى اخر ام الحوار ده هناكل ولا نروح ننام احسن

نبيله / قومى يا بت انتى وهى انجرو على المطبخ حضرو الاكل

ساره وريم / وقفو ودخلو المطبخ

نبيله / قومى يا زفتت الطين معاهم

زهراء / انا

نبيله / امال انا انجرى قومى

زهراء / وقفت وهبطت برجليها فى الارض وقالت بغيظ ربنا يتوب عليا منكم ودخلت المطبخ

بقلمى

نبيله / شوفو البت بتقول ايه عايزه كسر رقبتها

أمينه / عيله يا نبيله سبيها تدلع شويه

نبيله / بصت لامير وقالت الله يكون فى عونك يا ابنى منها

امير / ضحك وقال خليها تدلع يا خالتى براحتها

شريف / اللى بيشيل اربه مخرومه بتخر على دماغه اشرب بقى يا حلو

امير / اطلع منها انت يا غلس على قلبى زى العسل

محمود / غنى بتريقه وقال زى العسل على قلبى هواااك زى العسل على قلبى هواااك

امير / يا خفه بلاش تغنى احسن الدبان اتلم على صوتك

محمود / امشى فشر ده انا عندليب البيت هنا

وفى الوقت ده سمعو صريخ البنات قامو يجرو يشوفو فيه ايه واتصدمو من المنظر

نبيله / نهارك اسود ومنيل ايه اللى حصل ده

ساره / وهى مش قادره تمسك نفسها من الضحك الدقيق وقع على زوزو كله وكان قبلها موقعه الزيت على الأرض اتزحلقت وهى دى النتيجه صنية كيكه واقعه على الأرض

الكل / ضحك على كلام ساره

زهراء / بغيظ لأمها انتى السبب قولتلك مش بحب المطبخ غصبتى عليا

نبيله / اللهى تتوكسى اكتر ما انتى موكوسه يا بنت بطنى عمرك ما هتبقى بنأدمه ابدآ

ريم / روحى غيرى هدومك وانا وساره هنحضر العشا

زهراء / وهى بتبص لأمها بغيظ خرجت من المطبخ وراحت الشقه عندهم

بقلمى دودومحمد

نبيله / بصت لامير وقالت بلاش تظلم نفسك معاها يا ابنى

امير / بلعكس يا خالتى انا كل يوم بتعلق بيها اكتر من اليوم اللى قبله وياريت بقى نخليها خطوبه رسمى

ساره / لولولولولولوى واخيرآ نطقت

نبيله / انت وراحتك اتفق مع عمك وحدد معاه المعاد اللى يعجبكم

أمينه /ربنا يسعدكم يارب

شريف /وهو بيكتم ضحكته ده انت هتشوف ايام سوده امشى يا ابنى قدامى

امير /سوده سوده بس ربنا يقربها بس

نبيله /بصت للبنات وقالت واحده تنضف المطبخ والتانيه تحضر الاكل

ساره /حاضر يا خالتى روحو انتو واحنا هنعمل كل حاجه

امير /بسرعه بس علشان فاضل نص ساعه وانزل الورديه بتاعة السوبر ماركت

ريم / روح انت يا أبيه امير وانا هخلص بسرعه الاكل

محمود / انا هقف اساعدهم فى المطبخ

أمينه /ماشى يا حبيبى

سامح / مكنتش لقمه هتذلو الواحد عليها الواحد كان نام خفيف احسن والله

نبيله /يا ابنى اهدا الاكل هيكون جاهز تعالو بس نقعد وخرجو كلهم وسابو محمود مع البنات

بقلمى دودومحمد

ساره /ايه يا حوده الحنيه اللى نزلت عليك فاجئه دى

محمود /يعنى انا غلطان أن قولت اساعدكم فى الاكل

ساره /لاء طبعآ ياريتك كده علطول وتساعدنا ولا ايه رأيك يا ريم

ريم / ها بتقولى ايه يا ساره

ساره /انتى مش معانا خالص يا بنتى مالك النهارده فيكى حاجه غريبه

ريم / بتوتر ها م.م.مفيش حاجه يا بنتى ب.ب.بس تعبانه شويه

محمود /بص لريم وقال والله ده حصل امته ده

ريم /حاجه متخصكش ركز انت بس فى خروجاتك مع البنات

محمود/هو فى احلى من الخروج والسهر مع البنات

ريم /بصت ليه بغيظ وقالت ساره ياريت نبطل لك ونخلص الاكل بقى واللى ملهوش لازمه يطلع بره

ساره /انا مالى يا اختى انا عن نفسي هنضف المطبخ

محمود / قعد يصفر ببؤقه وهو بيحضر الاكل معاهم

بقلمى دودومحمد

ريم / كانت كل شويه تبص ليه بغيظ وراحت علشان تجيب الملح من الدولاب بس كان عالى عليها ومش عارفه تجيبه بس اتفاجئت بمحمود وقف وراها

محمود/مد أيده وجاب الملح من الدولاب

ريم / بصت ليه بكسوف من قربه ليها وبالصدفه عنيهم الاتنين اتقابلت مع بعض وقعدو يبصو فى عيون بعض مده طويله

ساره / بصت عليهم الاتنين وكتمت ضحكتها وقالت احم احم

ريم / اخدت بالها من الوضع وبعدت عنه واخدت الملح من أيده وقالت ش.ش.شكرآ

محمود /مشى أيده على شعره من وراه وقال احم العفو

ساره / ههههههههههههه

الاتنين بصو ليها بأستغراب

ريم /بتضحكى على ايه

ساره /وهى بتضحك لاء ولا حاجه افتكرت موقف حصل فى الجامعه وضحكت عليه

محمود /والله وده من ايه أن شاءالله

ساره / اصل فى واحد زميلى فى الجامعه بتاع بنات ومقضيها وشكله هيقع فى الحب وهتبقى أيامه فله

محمود /فهم ساره وقال والله خفه

ساره /اشوف فيك يوم ياللى فى بالى يارب ههههههههههه

ريم /ممكن نبطل كلام بقى

ساره /حطت ايديها على بؤقها وهى بتكتم ضحكتها وشاورت انها ساكته

محمود/ بص على ريم وراح يكمل الاكل اللى كان بيعملو وبعد وقت خلصو الاكل وحضرو واتجمعو على طبليه الاكل وبدأو ياكلو فى هدوء وبعد وقت خلصو الاكل وقامو شالو الاطباق وساره غسلت المواعين وريم عملت الشاى

بقلمى دودومحمد

سامح/ بعد ما شرب الشاى قام وقف وقال هروح انام بقى علشان اعرف اصحه بدرى تصبحو على خير

الكل / وانت من أهله

شريف / وقف وقال وانا كمان هنام عايزين حاجه

أمينه /نوم الهنا يا حبيبى

نبيله /يلا كفايه لحد كده نروح بقى الشقه زمان توفيق قفل المحل وطلع يلا يا بنات

زهراء / لاء انا هقعد شويه مع ساره

نبيله /بس متتأخريش علشان متعذبنيش فى الصحيان الصبح

زهراء /حاضر

نبيله / وانتى ياريم هتيجى ولا تقعدى معاهم

ريم / لاء يا ماما جايه معاكى عايزه انام

نبيله / ماشى يلا تصبحو على خير

أمينه /وانتى من أهله

محمود /بص على ريم وهى خارجه من عندهم وبعدين وقف وقال تصبحو على خير هدخل انام

الكل /وانت من أهله

بقلمى دودومحمد

امير /زوزو تعالى البلكونه عايز اقولك حاجه

ساره /هتتأخر على شغلك يا جميل وسعتها زوزو مش هتنفعك

امير /خليكى فى حالك يا رخمه

ساره /بلااااااش هما سيبنها امانه معايه وقعده هنا على حسى

امير/ماما شوفى بنتك دى علشان مطلعش روحها فى ايدى

أمينه / بطلى ترخمى عليهم يا ساره

ساره / مقدرش يا ماما هرومون الغلاسه عالى اوى عندى دلوقتى

امير /مسك ايد زهراء وشدها على البلكونه

زهراء/اه يا أمير بتشدنى كده ليه وراك

امير/ اصل لو قعدنا نسمع لساره مش هنخلص وانا اصلا متأخر على الشغل

زهراء/ ماشى خير كنت عايزنى فى ايه بقى

امير/واحشتينى اوى النهارده ومش عارف اتكلم معاكى كلمتين على بعض

زهراء/ بكسوف وانت كمان واحشتنى

امير/انا خلاص هطلبك من ابوكى وهعمل بكل طريقه علشان اخلص نفسى ونتجوز بقى

زهراء/ مش لما اخلص الاول اخر سنه دى

امير /وفيها ايه انا هخطبك ونلبس دبل والفرح لما تخلصى الجامعه واكون انا دخلت جمعيه ولا اتنين اخدهم اشترى الشقه بيهم

زهراء/سكتت شويه وقالت ماشى

امير / ماشى كده حاف مفيش حضن ولا بوسه ولا حاجه خالص تدل على الفرحه

زهراء/ امير بطل قلة أدب

امير / هههههههههه خلاص خلاص بلاش الغفير اللى جواكى يخرج ليا دلوقتى صح انتى النهارده قفلتى السكه فى وشى ليه

زهراء/ كنت فى المحاضره وانت مش مبطل رن وكنت هتكرش من المحاضره بسببك

امير/انا اسف معرفش والله بعد كده انا مش هتصل بيكى فى البريك انتى عارفه البريك الساعه كام لو فاضيه فى الوقت ده رنى عليا وانا هتصل بيكى

زهراء/ ماشى يلا بقى علشان تروح شغلك

امير /انا لو عليا مش عايز ابعد عنك لو ثانيه بس لازم استحمل علشان اقدر اكون نفسى وتبقى فى حضنى علطول

زهراء /اتكسفت وبصت فى الارض

امير /بحبك وبحب كسوفك ده اوى

زهراء/بكسوف وانا كمان بحبك

بقلمى دودومحمد

وفى الوقت ده دخلت ساره عليهم البلكونه وقالت

ساره /جوز كناري يا اخواتى نقص شجره واتنين لموناته وبوكس الاداب يطب علينا فاجئه

امير / هه خفه يا اختى

ساره /كان بودى اخليكم تكملو مشهد الغرام ده بس يؤسفنى أن ابلغك حان وقت الرحيل اتأخرت يا جدع على الشغل

زهراء/ ههههههههههههههه

امير / بص بغيظ لزهراء وقال بتضحكى وبعدين بص لساره وقال اشوف فيكى يوم يا ساره يا رخمه يابنأدمه يا ثقيله

ساره /كتير عليا والله انا كده هتغر ههههههههههه ومدت ايديها ومسكت ايد زهراء وشدتها وبصت لامير وقالت عفوآ لقد نفذه رصيدكم برجاء إعادة الشحن والمحاوله مره اخره تيت تيت تيت

امير /زقها برجله وقعها على الأرض وقال علشان تبقى تستظرفى تانى وخرج من الاوضه وراح شغله

زهراء/هههههههههههه شكلك مسخره وانتى متكومه كده ههههههههههههه على الأرض

ساره /بغيظ كده يا امير ماشى لما تيجى الصبح

زهراء/اياكى تقربى لحبيبى فاهمه

ساره /قعدت وربعت رجليها وقالت لاء والله وده من ايه يا حيلتها

زهراء/شاورت على قلبها وقالت بهيام من ده يا سرسور بحبه اوى ابن اللذينه يخربيت كده يا شيخه عسل وربنا

ساره /صقفت بأيديها وقالت يا صفايح الزبده السايحه يا براميل القشطه النايحه اوعدنا يارب هيييييييح

زهراء/قل اعوذ برب الفلق انتى هتحسدينا ولا ايه يا بنتى

ساره /باللعكس والله فرحانه ليكم اوى وبدعلكم ربنا يسعدكم يارب

زهراء/قلبى بقى يا سرسور

بقلمى دودومحمد

ساره /اقولك على حاجه لاحظتها النهارده

زهراء/ قولى

ساره / فى شرارة اتولدت ما بين ريم ومحمود

زهراء/ريم مين اختى ومحمود مين اخوكى ازاى ده

ساره / النهارده كان فى نظرات كده ليهم غريبه لبعض وبعدين محمود اول مره يوقف يساعد معانا فى المطبخ واختك ريم اول ما محمود جاب سيرة الخروج مع البنات اتعصبت كده واتنرفزت وحسيت انها غيرانه عليه

زهراء/ازاى يعنى ده الاتنين مختلفين جدآ عن بعض ومحمود مش بيحب الارتباط بيحب يقضيها واحنا كلنا عارفين كده وريم جد زياده عن اللزوم وبعدين عمر الاتنين ما اتفقو مع بعض فى حاجه تلاقى بس دى تهيأت جت لدماغك قبل النوم

ساره /بكره افكرك محمود وريم هيبقى فى ما بنهم قصة حب بس هتكون مشعلله شويه

زهراء /وقفت وقالت روحى نامى يا حبيبتى شكلك هيستى وبتيجى فى دماغك تهيأت كتير تصبحى على خير قال محمود وريم هههههههه والله نكته دى ايه هيجيب الشرق للغرب

ساره /استنى يا بت ريحه فين مش هتقعدى معايه شويه

زهراء/هروح انام بدرى شويه بلاش السهر بتاع كل يوم ده

ساره / قد ايه انك واطيه

زهراء/ طول عمرى يا مان وبعدت ليها بوسه فى الهوا وراحت على شقتها ودخلت على اوضتها وقعدت على السرير وبصت على شنتطها وراحت عند الشنطه وفتحتها وطلعت الكارت بتاع اسلام وبصت على الارقام وسرحت فيهم

ريم / بصت عليها وقالت وقفه عندك بتعملى ايه يا بنتى اطفى النور عايزه انام

زهراء/اتخضت وحطت الكارت بسرعه فى الشنطه وقالت ها م.م.ماشى هطفى النور وراحت طفت النور ونامت على السرير وقعدت تفكر فى موضوع اسلام ده لحد ما عينيها راحت فى النوم

_______________________________

بقلمى دودومحمد

🌹فتاة انحنت من أجل الحب🌹

🌷الفصل الثالث🌷

اشرقت شمس صباح يوم جديد بنورها الساطع فى سماء العاصمة لتبدء زهراء بفتح عيونها على صوت تليفونها بصت فيه لاقته رقم امير ردت عليه وقالت

زهراء/ايوه يا أمير متصل ليه بدرى اوى كده

امير /فين يا بنتى بدرى انتى يا دوب تقومى تغسلى وشك وتصلى علشان متتأخريش على الجامعه بتاعتك

زهراء/يووووه بقى يا امير انا عايزه انام شويه

امير /قومى يا بنتى بلاش كسل انتى عارفه انتى رديتى عليه بعد كام رنه يجى اكتر من سبع رنات علشان تردى عليا

زهراء/ماشى يا سيدى حقك عليا سبنى انام بقى

امير /انتى عارفه لو نمتى تانى هتلاقينى عندك فى الاوضه ها تقومى ولا اجى انتى عارفه أن انا مجنون وممكن اعمل اى حاجه

زهراء/يوووووه بقى والله حرام مش عارفه الاقيها منك ولا من امى خلاص اتنيلت على عينى وقومت

امير /وهو بيكتم ضحكته قال شويه وهتصل بريم لو قالت انك لسه نايمه هتلاقينى فوق راسك سلام

زهراء /بغيظ سلام يا اخويه سلام هووووووف بقى يارررررربى ومسحت وشها وقامت من على السرير وخرجت من الاوضه وقالت بزعل صباح الخير

نبيله /صباح النور غريبه يعنى صحيتى من نفسك النهارده

زهراء/بتريقه البركه فى خلفتك فى الزن سى امير مسكتش الا لما قومنى من النوم

نبيله /ربنا يجعل شوكته قويه عليكى ويعرف يكسرك يا بنت بطنى

زهراء/بصت ليها بغيظ ونفخت وسبتها ودخلت الحمام

ريم / صباح الخير يا ماما

نبيله /صباح النور يا حبيبتى

ريم /فين الباقى

نبيله / ابوكى بيصلى الصبح واختك فى الحمام واخواتك التانين لسه نايمين ياريت تدخلى تصحيهم

ريم /حاضر مع أن ابنك سامح ده رخم اوى فى الصحيان خليفة بنتك زهره فى الملاعب بس كله يهون علشان عيونك يا ست الكل

نبيله /ربنا يسعد قلبك يا بنت بطنى يارب

ريم / دخلت الاوضه وقالت ابيه شريف يا أبيه اصحه يلا

شريف /فتح عينه بصعوبه وقال صباح الخير يا ريمو

ريم /صباح الخير يا أبيه

شريف /ربنا معاكى فى صحيان اخوكى سامح وقام وخرج من الاوضه

ريم /راحت عند سامح وقالت سامح يا سامح اصحه يلا

سامح / .............

ريم /اصحه يلا يا سامح اتأخرت على الشغل يا سااااامح

سامح /بعصبيه ايه يا غبيه انتى فى حد يصحى حد كده

ريم / بخوف م.م.مش قصدى بس انا عماله اصحى فيك من بدرى

سامح / اطلعى يا ريم علشان مقومش الغبط وشك على الصبح

ريم / ط.ط.طب قوم يلا

سامح / رررررررريم قولتلك امشى من وشى

ريم / طلعت تجرى من الاوضه

سامح / حط أيده على وشه ونفخ وقام بصعوبه من على السرير وخرج من الاوضه وكان شريف خارج من الحمام وحدف فى وشه الفوطه وقال

شريف / اخيرآ صحيت يا بارد

سامح / اتغاظ وقال والله العظيم ما فى أبرد ولا ارخم منك بنأدم مستفز على الصبح ودخل الحمام ورزع الباب وراه

شريف / ههههههههههه يا عينى على اللى هتتجوزه هتصحى على علقه منه وتنام على علقه ههههههههههه

نبيله /مش لما اخوه الكبير يتشطر الاول ويتجوز

شريف /يا كسفتك السوده يا شيفو امك دمرت الجبهه بتاعتك

زهراء/دى طيرتها بقى شكلك وحش اوى الصراحه هههههههههههه

نبيله /اتنيلى يا اختى انتى كمان على خيبتك واسكتى يا موكوسه من دون المواكيس يا فاشله

شريف / لاء ده انتى جبهتك اتشلفطت يا زوزو ده ايه الام المحترفه فى قصف الجبهات دى ملهاش حل

زهراء/ مش عارفه امك بتعاملنا كده ليه يا اخى يكنش شقطانه من اى دايه

شريف /عندك حق يا زوزو احنا ولاد البطه السوده وريم وسامح ولاد البطه البيضه بس فى حاجه مش قادر افهمها

زهراء / ايه هى يا شيفو

شريف / احنا طالعين كده لمين

زهراء /للى ربانى هههههههههههههه

نبيله /يا خيبتك السوده فى ولادك يا نبيله

شريف /ليه بس كده يا بلبله ده احنا بنهزهز معاكى وربنا

سامح /خرج من الحمام وقال مش مكسوف من نفسك وانت طول بعرض كده وهيف

زهراء/مش احسن ما يكون كائيب وغضب ربنا على وشه

سامح /بعصبيه قصدك على مين كده

نبيله /حلو اوى وضعكم كده وانتو مش عاملين ليا حساب

سامح /مش شايفه يا ماما طولت لسانها

زهراء/انت اللى بدأت على فكره

سامح / انا موجهتش ليكى كلام انا كنت بكلم شريف

زهراء /وشريف كان بيهزر معايه ومدام شتمته يبقى شتمتنى

شريف /خلاص يا زهره اسكتى وبص لسامح وقال انا حر اضحك اهزر ده شئ ميخصكش انا الكبير مش انت فاهم مش هتحكم عليا

سامح /بص ليه بغيظ ودخل الاوضه بتاعته

نبيله /اللهى تعدمونى علشان ترتاحو مدام وجودى فى وسطكم مش فارق معاكم

شريف / بخوف ولهفه بعد الشر عليكى يا ماما ربنا يخليكى لينا

نبيله / ما انتو مش عاملين ليا حساب خالص كان ناقص تضربو بعض قصادى

شريف /انا اسف يا ماما متزعليش

نبيله /لو مش عايزنى ازعل منك بجد ادخل راضى اخوك

شريف /حاضر يا ماما علشان خاطرك وسابها ودخل الاوضه بتاعتهم وكان سامح بيسرح شعره فى المرايا واول ما شاف شريف غير وشه ومبصش عليه

سامح / لبس الجاكت ولسه هيخرج من الاوضه

شريف /وقف قصاده وقال خلاص بقى بلاش تبقى قماص شبه النسوان كده

سامح /اوعى يا شريف من وشى

شريف /لاء

سامح / شريف متعصبنيش

شريف /ولا تقدر تعمل حاجه بؤق على الفاضى

سامح /بص ليه وسكت

شريف / حضنه وقال هات بوسه ياض هههههههههه

سامح /والله انت ما طبيعى

شريف /بصوت حريمى مش عجبك طلقنى

سامح /هههههههههه طيب الناس هتقتنع انك الكبير ازاى بذمتك

شريف /يا عم كده احسن خلى الناس تفتكرنى أن اصغر واحد فيكم هههههههههههه

سامح / غلس بس بحبك هههههههههههه

شريف /حبيبى يا سموح هههههههههههههه هات بوسه بقى

سامح /يا ابنى بقى اوعى شكلنا ايه لو حد دخل علينا واحنا بالوضع ده يقولو ايه

شريف /ههههههههههه هيقولو ولاد تييييييت هههههههههههههه

سامح /طيب امشى يا ابن التيييت علشان هنتأخر على الشغل

شريف /على الشغل برضه ولا على الطالبات اه يا شقى هههههههههههههه

سامح /عاااااااااااااااا شللى هيكون على ايدك وسابه وخرج من الاوضه وكانت ريم حضرت الفطار على الطبليه قعد على الأرض علشان ياكل

شريف /خرج من الاوضه وقعد جنب زهراء وقال يا بت اوعى شويه واخده المكان كله يخربيتك عجلتى كده ليه

زهراء /بصدمه طلعت تجرى ووقفت قدام المرايا وقالت بجد هو انا تخنت ايوه اهو طلع ليا جناب نهار اسوح ومنيل عليا انا تخنت لالالا انا لازم اعمل رجيم

نبيله /تعالى يا بت العبيطه اخوكى بيشتغلك

شريف /وهو مش قادر يمسك نفسه من الضحك يخربيت سنينك يا زوزو ده انتى خفيفه على الآخر الواحد يشتغلك بسهوله ههههههههههههههههه

زهراء /بغيظ والله العظيم انت غلس

شريف /هههههههههههه عارف اخوكى البأف ده لسه قايلى كده تعالى اقعدى يا اعبط اخواتك

نبيله /وربنا ما عندى اعقل من ريم هاديه كده وراسيه فى نفسها ربنا يكملك بعقلك يارب يا بنتى

ريم /ربنا يخليكى يا ماما

زهراء /اممممممم يا هاديه يا اميره يا بنت الامره

شريف /بلاش نفسنا يا بنتى ده انا شامم ريحت شياط طالعه منك ههههههههههه

زهراء /هه خفه وبعدين بصت لابوها وقالت ايه حاج دور ضيف الشرف اللى انت واخده ده ايه مش بتنطق ليه كده

توفيق /هقول ايه بس شوية مجانين مع بعض كفايه عليا اتفرج عليكم

زهراء /باااااس لحد كده وكفايه عليك اوى مدام وصلت معاك لحد كده يبقى خليك ساكت احسن

نبيله /بت يا قليلة الادب اتكلمى مع ابوكى عدل

توفيق /سبيها يا نبيله بتهزر مفيهاش حاجه

زهراء /بسته فى خده وقالت حبيبى والله يا حاج

ريم /ممكن بقى ناكل اللقمه فى شوية هدوء

زهراء /بصوت واطى الصبر يارب وقعدو ياكلو مع بعض وشويه وقامت زهراء وقالت كفايه اوى كده احسن شكلى هعجل بجد وربنا

شريف /ادخلى خلصى نفسك مش هنقعد فى موال كل يوم ده ونتسنا حضرتك لحد ما احنا نتأخر على الشغل

زهراء / ما تمشو انتو حد مسك فيكم

شريف / البت ساره بتصعب عليا وهى بتترجانا نستناكم

زهراء /عمومآ انا داخله اهو البس ودخلت اوضتها لبست هدومها وخرجت وكان شريف لبس هدومه وخرجت زهراء مع شريف وراحو عند شقة امير وخبطو على الباب وفتحت ليهم ساره

شريف / صباحو يا مزتى

ساره / صباحو يا شيفو

زهراء / امال فين اخوكى الرزل

ساره /اللى هو مين فيهم

امير /من وراه ساره قال تقصدنى انا ههههههههههههه

زهراء / ايوه انت

ساره/لا والله وده من ايه

امير / اصل انا اتصلت بيها صحيتها من النوم بالعافيه هههههههههههههه

زهراء / عااااااا بارد وربنا

امير /بس بموت فيكى

شريف / ايه يا عم الحلو راعى أن انا اخوها برضه مش كيس جوافه قدامك

امير /الله خطيبتى

شريف /لا والله يا عم انت لما تبقى مراتك ابقى اعمل اللى انت عايزه لكن دلوقتى اموتك وربنا

امير /ههههههههههه ربنا يوعدك بواحده اهلها يطلعو عينك على ما تاخدها من عندهم

شريف /ربنا ما يسمع منك ويبعد بنات حوا عنى خالص مفيش احلى من السنجله وربنا

امير /بكره تندم يا جميل

ساره / ده انتو هتندمو بجد لو واقفتو اكتر من كده هتتأخرو على الشغل

امير / اه صح امشو ونده على أمه وقال يا اما احنا ماشين عايزه حاجه

أمينه /من جوه ربنا يسلم طريقكم يارب عايزه سلامتكم يا حبايبى ونزلو الاربعه مع بعض ركبو تاكسى وصلو البنات الجامعه وراحو هما على الشركه

__________________________________

فى مدرسة البنات

وصلت روز المدرسه وقعدت جنب جهاد وقالت

روز/صباح الخير يا جوجو

جهاد/صباح الخير يا مزه عامله ايه النهارده

روز / تمام وانتى

جهاد/فله وربنا بس ايه اللى حصل امبارح ده ده انتى مسحتى بكرامة مستر سامح الارض ده انا فطست على نفسى من الضحك

روز/ بأمارة مشوفتش وشك خالص وهربتى اول ما شوفتيه

جهاد / معلش يا اختشى تعوير الوش مفهوش معلش وده بنأدم غبى وانا الصراحه بخاف منه

روز / Stupid

جهاد/ لا متشكرنيش ده واجب عليا والله

روز /No انا مش بشكرك انا بقولك انتى غبيه

جهاد / هههههههه عارفه احنا عندنا فى مصر غبيه يعنى بتشكرى فى الشخص اللى قصادك جربى كده تقولى لحد يا غبى هيفرح اوى

روز /بصدمه what

جهاد / انتى هتوطوطى ليه بس

روز /oh, No انتى مش معقوله بجد

جهاد / عارفه أن مفيش منى اتنين فى البلد كانت ولعت اقسم بالله هههههههههههه

روز / انتى والبنأدم المستفز اللى اسمه سامح ده بنأدم اااا انتو بتقولها ازاى اربى

جهاد / اللى هى ايه بقى

روز / امممم cow

جهاد /بقرة

روز /Yas بقرة

جهاد / نهار اسوح ومنيل بطين

روز / ده المفروض اللى زيه يعيشو مع Bahim ده بنأدم همجى

جهاد /ده احنا اللى بهايم ولاد بهايم حطى لسانك جوه بؤقك هنروح وراه الشمس

روز /متبقيش cemetery

جهاد /الجبن نص الجدعنه صدقينى

روز /انتى عارفه انا نفسى امسك البنأدم ده واقعد اضرب فى وشه لحد ما الغبط وشه على بعضه

جهاد /حطت ايديها على وشها وقالت ربنا يرحمك كنتى كيوت اوى وربنا وقامت تجرى

روز /لسه بتلف وبتقول يا بنتى رايحه فين اتصدمت بوجود سامح وراها

سامح /كان حاطط ايده فى جيبه وبيبص ليها بغيظ

روز / what انت بتبص ليا كده ليه

سامح / بريئه يا بت مكنتيش لسه بتشتمى فيا خالص دلوقتى هى دى التربيه اللى أهلك مربينك عليها فى أمريكا

روز / لوسمحت انا اهلى مربينى كويس اوى متجبش سيرتهم على لسانك فاهم

سامح / قرب وشه ليها وقال ورينى هتلغبطيه ازاى ها لغبطى اهو وقرب اكتر ليها وبعدين بصلها بقرف وقال اتفضلى اقعدى وسابها ومشى

روز / بصت ليه بغيظ واخدت حاجتها ولسه هتخرج

سامح / مفيش خروج غير لما انا اسمحلك اتفضلى ارجعى مكانك

روز / وقفت مكانها وبصت ليه بغيظ

سامح / بصوت عالى قال سمعتى قولت ايه ارجعى مكانك علشان ابدأ

روز /راحت قعدت وقعدت تاكل فى ضوافيرها وتهز رجليها بعصبيه

سامح /قعد يشرح الدرس وبعدين بص لروز وقال قومى قوليلى كنت بقول ايه

روز / وقفت وهى متغاظه منه وقالت ليه كل اللى كان بيقولو

سامح / استغرب أن هى كانت مركزه معاه رغم أنها كانت مش باين عليها خالص بصلها وقال احم ماشى اتفضلى اقعدى وكمل شرحه وانتهى الوقت وخرج وبعد وقت جه وقت البريك وخرج المدرس اللى كان عندهم وخرجو الطالبات

روز / قعدت تعيط واول ما سمعت صوت جهاد مسحت دموعها

جهاد /رورو انتى بتعيطى

روز / احم لاء يا جهاد

جهاد / انا اسفه بجد بس حاولت انبهك أن هو واقف وراكى بس انتى اللى مأخديش بالك

روز / مفيش مشكله يا جهاد هو هيفضل مستقصدنى كده طول السنه بس والله ما هسيبه هرد ليه كل ده مبقاش انا لو مكنتش اخليه خاتم فى ايدى

جهاد / لاء صعب ان مستر سامح يقع فى حب واحده فى بنات كتير كانت هتموت وتتكلم معاه بس هو رافض الموضوع ده نهائى والبنات فشلت أن توقعه فى حبها

روز / بس هما مش روز انا دوخت شباب امريكا كلها مش هعرف أوقع واحد زى ده ضعيف

جهاد / وانا بقولك مش هتعرفى توقعيه

روز / وانا بقولك هقدر

جهاد / ترهنى على كده

روز / OK

جهاد / لو عرفتى توقعيه فيكى هعزمك على حسابى

روز / NO

جهاد /امال ايه

روز / نعمل حاجه مجنونه

جهاد /زى ايه

روز / مثلا تمشى فى الشارع وتقولى بصوت عالى ياجماعه انا عايزه اتجوز ههههههه أو تختارى شاب متعرفهوش وتروحى تقوليلو تتجوزنى حاجه مجنونه كده

جهاد / نهار اسود ومنيل ده انا اهلى صعايده انطخ فيها وربنا

روز / يبقى انتى واثقه انك هتخسرى

جهاد / لاء طبعآ انا متاكده انك مش هتقدرى توقعى مستر سامح فى حبك

روز / خلاص مدام واثقه فى نفسك اقبلى الرهان

جهاد / ولو انا اللى كسبت الرهان ايه المقابل

روز / iphone احدث موديل منى ليكى

جهاد / بحلقت وفتحت بؤقها وقالت ها

روز / ههههههههه مالك فتحتى بؤقك كده ايوه هجيبلك iphone لو انتى اللى كسبتى الرهان

جهاد / اشطا عليكى هتبدأى من امته

روز / انا طلبت من دادى يخليه يجى يدينى درس عندنا فى الفيلا وهبدأ اول ما يبدأ يجى عندنا

جهاد / تفتكرى المستر هيرضى يديكى درس وهو مش طيقك كده

روز / اكيد مش هيعرف أن انا اللى هيروح عندها غير لما يتحط قدام الأمر الواقع ويجى الفيلا

جهاد / حلاوتك يا جامد بس مدة الرهان ده ايه

روز / ملهاش مده بس اكيد خلال السنه اللى احنا فيها دى

جهاد / اشطه ده شكلها سنه ولعه نار

روز / بتحدى مبقاش انا روز سليم لو مكنتش اخلى النوم ميعرفش عينيه

جهاد / صقفت وقالت هالله هالله على الفانله من قلقى وخوفى عليك يا جميل من فضلك البس قطونيل

روز / what

جهاد / ايه ده متعرفيش الاعلان اللى كان مستوالى على عقول نص شعب مصر خلال رمضان اللى فات ده انا كنت بنام احلم بيه هو ولسه البقباقه شغاله اعلانات بنت تييييت ولا جارى يا جارى يا حتة سكره قعد اغانيها لابن الجيران لحد ما طفش يا عين امه

روز / جهاد go out

جهاد /what

روز /لا والله دلوقتى what ما كان من شويه بتقوليلى بتوطوطى ليه

جهاد / اشطا عليك يا جامد فى البلدى ده البلد يوكل

روز / وقفت وقالت انا لو فضلت قاعده معاكى اكتر من كده هيحصل ليا حاجه

جهاد / تعالى يا بنتى ربنا يهديكى اصلا البريك خلص والبنات اهم جاين

روز / قعدت وقالت اوك بس ياريت متتكلميش دلوقتى خالص ده انتى لغبطى اللغه عندى خالص

جهاد / حطت ايديها على بؤقها وشورت انها ساكته خالص

والبنات وصلت وبدأ المدرس يشرح ليهم

_________________________________

فى الجامعه عند ريم

كانت قاعده فى الكافتيريا وجت عندها سلمى وقالت

سلمى / شوفتو يا بنات اللى عامله فيها الخضره الشريفه ماشيه مع مين

ريم / بصت ليها بأستغراب وقالت انتى قصدك على مين

سلمى / عليكى يا ست الشيخه عامله فيها محترمه ومش بتكلمى شباب الجامعه وانتى مقضيها مع محمود الانتيم بتاعى

ريم / وقفت وقالت انتى واحده كدابه وانا محترمه غصب عنك ومحمود ده جارنا من زمان ومتربين مع بعض يعنى زى اخويه

سلمى / يا سلام صدقتك انا بقى

ريم / والله انتى حره تصدقى ولا متصدقيش حاجه متخصنيش وبعدين علشان انتى متعوده على الخروج مع الشباب مفكره الكل زيك

سلمى / ايوه يا بت اعمليهم عليا ماهما تملى اللى وشهم برئ دول بيبقو سهونه ومش سهلين

ريم / انا اصلا مش هقل من نفسى وارد على واحده زيك وسبتها ومشيت

سلمى / ربعت ايديها على صدرها بغيظ وقالت ماشى يا ريم يا انا يا انتى ومحمود هيكون ليا انا

ريم / دخلت الحمام بتاع الجامعه وقفلت الباب وراها وحطت ايديها على بؤقها وقعدت تعيط وبعد وقت مسحت دموعها وغسلت وشها وخرجت من الحمام وخرجت من باب الكليه وقفت تاكسى وركبته وروحت على البيت ودخلت على اوضتها واترمت على السرير وقعدت تعيط

___________________________________

فى الجامعه عند زهراء

خلصت المحاضرات هى وساره وخرجو قعدو فى الكافتيريا شويه

ساره / انا هروح ادخل الحمام تيجى معايه ولا تستنى هنا

زهراء / لاء هستناكى هنا

ساره / اطلبى ليا واحد نسكافيه على ما اجى

زهراء / ماشى

ساره / راحت الحمام

وفى الوقت ده جه اسلام وقعد على الكرسى قصاد زهراء وقال

اسلام / اذيك

زهراء / الحمدالله وانت عامل ايه

اسلام / تمام كويس بس قلبى مش قادر يستحمل جمالك والشياكه بتاعتك دى

زهراء / ميرسى

اسلام / على فكره مش مجامله والله بس انتى جميله بجد وشيك جدآ بحب طريقة اختيارك فى اللبس

زهراء / ش.ش.شكرآ وانت برضه شيك جدآ ونوع البرفان جميل جدآ

اسلام / بجد يعنى اعجب وغمز ليها

زهراء / احم ممكن بس تقوم علشان لو ساره جت وشافتك قاعد معايا كده ممكن تحصل مشكله

اسلام / وقف وقال ايوه طبعآ ميرضنيش اكون سبب فى اذيتك بس ممكن تبقى رنى عليا من رقمك علشان ابقى اطمن عليكى

زهراء / إن شاءالله

اسلام / اطلبى اللى انتى عايزاه ومتدفعيش حاجه الحساب خالص

زهراء /ميرسى جدآ ليك

اسلام / انت تأمر يا قمر وسابها ومشى وكان متابع الحوار احمد صديق اسلام ومش عارف يعمل ايه وازاى يحذر زهراء من اسلام وهو عارف ان اسلام شرانى وممكن يعمل اى حاجه فى سبيل يوصل للى هو عايزه

احمد / مشى وهو بيفكر فى طريقه يبعد زهراء عن اسلام وشره بس وهو ماشى سرحان خبط فى ساره

ساره / لاء بقى ده عبط واستهبال انت وصاحبك واخدنها لعبه مره صاحبك ومره انت

احمد / اسف والله مكنتش اقصد بجد مأخدش بالى

ساره / والله زى صاحبك مكنش يقصد يخبط زهره

احمد / ليكى حق والله متصدقيش أن خبطك من غير قصد انا اسف مره تانيه

ساره / شوية عيال فاشله وبصت ليه بقرف ومشيت راحت عند زهراء

احمد / بص عليها بزعل وبعدين بص على الأرض تانى ومشى يفكر فى طريقه ينقذ بيها زهره

زهراء / مالك يا سرسور

ساره / بقرف على أم القرف اللى بقى فى الجامعه دى شباب عايزه الشنق وربنا

زهراء / ايه حصل

ساره / الشاب اللى كان مع الولا اللى خبطك المره اللى فاتت خبطنى انا النهارده وقال ايه عامل نفسه بريئ وان مكنش يقصد ربنا ينتقم منهم زى ما بيكدبو كده على البنات

زهراء / ها م.م.معلش يا سرسور

ساره / عصبنى ابن اللذينه المهم طلبتى النسكافيه

زهراء / ايوه ودفعت حقه كمان

ساره /حطت ايديها على دماغ زهراء وقالت انتى سخنه ولا حاجه ايه اللى حصلك يا حبيبتى بقيتى بتتهورى وبتدفعى الحساب كتير ده انا كده اطمع بقى

زهراء / اطمعى براحتك وعلى حسابى

ساره / بت انتى لاقيتى كنز ولا ايه

زهراء / حاجه زى كده

ساره / وربنا زى ما قولت شكلك حرارتك عاليه من الشمس

زهراء / هه خفه

ساره / طيب ما انا عارفه ان خفه هههههههههه وجه المشروب بتاعهم وشربوه وخرجو ركبو تاكسى وروحو البيت

__________________________________

فى الشركه عند شريف وامير

دخل شريف المكتب عند لميس وقال

شريف /لميس انا خلاص كده خلصت الشغل وكله تمام عايزه حاجه تانى قبل ما امشى

لميس / انت رايح فين البيت ولا رايح مشوار تانى

شريف / استغرب من السؤال وقال لاء انا وامير بنروح على البيت علطول بتسألى ليه

لميس / ها ل.ل.لا ولا حاجه سؤال عادى

شريف / بأستغراب ماشى سلام

لميس / سلام

شريف / خرج من عندها ونزل عند امير

لميس / بصت على الباب مكان ما خرج شريف وقالت امته بقى هتحس بيا يا شريف سنين بحبك وانت ولا هنا بجد تعبت بقى ومبقتش قادره على الحب اللى من طرف واحد ده يارب يحس بيا بقى

عند شريف وامير

شريف / خلصت ولا لسه

امير / خلاص خلصت

شريف / ماشى أنجز ويلا بينا

امير / مالك يا ابنى

شريف / قعد وقال مش عارف اقولك ايه بس فى حاجه غريبه بتحصل

امير / قعد جنبه وقال ايه هى

شريف / لميس

امير / مالها

شريف/ مش عارف ليها حاجات كده غريبه

امير / زى ايه يعنى

شريف / يعنى بتهتم بيا زياده عن اللزوم بتعملنى معامله مختلفه عن بقيت الناس اللى هنا بتسألنى أسأله غريبه زى رايح فين جاى منين عايزه تعرف كل تفصيله عنى

امير / اممممم وايه تانى

شريف /هو ايه تانى يا ابنى وانا بحكيلك حدوته

امير / اصل البعيد حمار ومش بيحس البت بتموت فيك يا ابنى وده واضح اوى فى نظرتها ليك فى ضحكتها فى طريقه كلامها كل حاجه بتدل انها بتحبك

شريف / بتحبنى

امير / ايوه بتحبك مستغرب ليه

شريف / انت عارف يا امير انا مليش فى جو الحريم دول ولا بيجو معايه سكه مش بحب زنهم ولا كلامهم من الاخر بكره صنف الحريم ده

أمير /جرب مش يمكن لما تجرب الحب ويبقى فى واحده فى حياتك تحس بالفرق وتحبها بجد من قلبك

شريف / الحب مفهوش تجربه يا أمير انا مش بحب الجو ده ومش عايز اعلقها بيا اكتر من كده لان كده انا بظلمها معايه وهتتوجع فى الاخر

امير / ولو برضه قولتلها دلوقتى أن انت مش بتحبها هتوجعها وتكسرها من جواها وتجرح أنوثتها انها اترفضت من راجل

شريف / خساره قريبه احسن من مكسب بعيد ولا ايه رأيك

امير / انا مش معاك فى الرأى ده انا من رأى سيب نفسك وافتح قلبك وصدقنى مش هتندم الحب حتى فى وجعه حلو

شريف / انت عارف ان انا مش بحب اعمل حاجه مش مرتاح ليها وحوارات الحب والحاجات دى مش بحبها لازم ابعد عنها واكرها فيا

امير / انت الحر بس هتندم فى وقت مينفعش فيه الندم

شريف / انا عارف بعمل ايه اخلص بس يلا

امير / يلا بينا ومشو الاتنين ركبو تاكسى وروحو على البيت

__________________________________

الكل وصل البيت واتجمعو فى شقة توفيق على العشا معادا ريم

ساره / فين البت ريمو

زهراء /نايمه فى اوضتها وبتقول مش عايزه تاكل

أمينه / تعبانه ولا ايه

نبيله /لاء مش تعبانه بس رجعت كده من الجامعه بتاعتها ودخلت اوضتها ومن ساعتها رفضه تتكلم مع أى حد

شريف /لما اكل ابقى ادخل ليها أشوفها مالها

زهراء/يا سلام على الحنيه تتكلم مع مين يا ابنى بتقولك رفضه تتكلم مع أى حد

نبيله / على الأقل هو ولد وخاف على أخته وعايز يطمن عليها مجتش منك وقولتى اتكلم معاها واطمن عليها

زهراء / بنتك اصلا مش بطيق تتكلم معايا مش بتحب طريقة كلامى

سامح / مين اصلا بيحب طريقة كلامك

زهراء / محدش اصلا سألك على رأيك فيا ولا فى طريقة كلامى

سامح /انتى كلك على بعضك بنأدمه مستفزه

زهراء / بصو هو بقى بيكلمنى ازاى علشان فى الاخر بطلع انا اللى غلطانه

أمينه / يا ولاد صلو على النبى انتو اخوات بلاش تعملو فى بعض كده

سامح / بص ليها بقرف وقال انا شبعت عن اذنكم هدخل انام

نبيله / ماشى يا حبيبى نوم الهنا يارب

سامح / دخل اوضه ونام

نبيله / انتى يا بت معندكيش دم بتتكلمى مع اخوكى كده ليه اهو ساب الاكل وقام بسببك

زهراء/ صلاة النبى احسن انا عارفه والله ان فى الاخر هطلع انا الغلطانه

امير / الصراحه يا زوزو انتى اللى غلطانه مفروض هو راجل مهما يقول متحرجهوش قدامنا وتكلميه كده

زهراء / هو اللى بدء على فكره الكلام مكنش معاه خالص

نبيله / متوجعش قلبك يا ابنى معاها مهما هتتكلم مش هتقتنع غير اللى فى دماغها هى وبس

زهراء / ااااايوه الله ينور عليكى

شريف / انا بشوف الناس بتقعد تاكل متفتحش بؤقها ساعة الاكل دى نهائى لكن عندنا العكس الكلام كله ميحلاش غير ساعة الاكل دى

ساره / عندك حق والله يا شيفو

نبيله /لاء الكلام هيحصل لما يجى ابوها يوضع ليها حل انا خلاص مبقتش قدراها

زهراء / طوحت ايديها وقعدت تاكل من غير ما تتكلم مع حد

وبعد وقت الكل اكل

وقعدت امينه ونبيله يتكلمو مع بعض وقعد شريف وامير يلعبو طاوله مع بعض وساره وزهراء قعدو يتكلمو مع بعض

محمود / قام يدخل الحمام فى نفس الوقت خرجت ريم تدخل الحمام والاتنين اتقابلو عند الباب

ريم / اول ما شافت محمود بصت ليه بغيظ ولسه هتمشى

محمود / بهزار اخيرآ ظهرتى ده انا عرفت انك معتكفه فى الاوضه من الصبح ورفضه تتكلمى مع حد بغمزه ايه بتحبى ولا ايه

ريم / رجعت عنده تانى وقالت ليه بعصبيه ممكن ملكش كلام معايه تانى لو سمحت

محمود / بأستغراب وده من ايه ده

ريم / بعصبيه علشان بسبب واحد تافه زيك انا يتقال عليا كلام وحش فى الجامعه ومن واحده زباله زيك ما هى الاشكال الوسخه مش بتقع غير على بعضها

محمود / بعدم فهم بسببى انا وانا مالى وبعدين ياريت لسانك تلمي شويه

ريم / بدموع ايوه بسبب امبارح البنت اللى كنت مستنيها امبارح جت النهارده وقالت عليا أن انا مقضياها معاك وان انا مش محترمه وبمثل الاحترام كده كصوره قدامهم وقالت الكلام ده بأعلى صوت فى الجامعه والكل سمع الكلام ده لو مكنتش شوفتك امبارح ومكنتش جيت ورايا مكنش هيحصل كل ده النهارده

محمود / بغيظ سلمى عملت معاكى كده طب وربنا لاوريها واجبلك حقك منها بكره

ريم / انا لا عايزه تجيب حقى ولا حاجه كل اللى عايزاه تبعد عن سكتى انت واللى تعرفهم وسبونى فى حالى اشوف مستقبلى

محمود / مقدرش اسيبك يا ريم زيك زى ساره وزهره مقدرش اشوف حد بيجى عليكم واسكت

ريم / زقته من كتفه بغيظ وقالت كام مره قولتلك انا مش اختك مش اختك يا محمود افهم بقى يا اخى حرام عليك بجد تعبت ومبقتش قادره استحمل اكتر من كده خلاص بقى

محمود / بأستغراب افهم ايه ياريم وليه كل ما اقولك انتى اختى بتزعلى

ريم / بدموع لان اللى بحس بيه عمره ما ينفع يتحس للاخ يا محمود

محمود / اللى هو ايه بقى اتكلمى يا ريم

ريم / بدموع يا ابنى حرام عليك افهم بقى انا بح وسكتت وقالت ولا خلاص بقى مبقدش تفرق معايا من النهارده بعد اللى حصل صعب اوى

محمود / انا مفهمتش حاجه

ريم / ولا عمرك هتفهم لان ده عمره ما هيحس وشاورت على قلبه وسابته ودخلت تجرى على اوضتها

محمود / وقف مكانه مش فاهم حاجه فى دخلت ساره قالت

ساره /وربنا انت بأف

محمود / ايه

ساره / بأف البت عبرتلك بكل مشاعرها وانت ولا فاهم حاجه البت بتحبك يا حمار يارب تكون فهمت

محمود / بصدمه ريم بتحبنى انا

ساره / لاء بتحبنى انا يخربيت سنينك يا موكوس وعامل فيها مقطع السمكه وديلها ومش قادر تفهم كلام البونيه

محمود / وانا هعرف منين وانا اصلا مجربتش الحب يا اذكى اخواتك

ساره / يا ولا عينى فى عينك كده عايز تقنعنى انك مش حاسس بحاجه من جواك لريم دى عينك فضحاك

محمود / حط أيده على بؤق ساره وقال ده انتى اللى هتفضحينى امشى قدامى

ساره / شالت أيده من على بؤقها وقالت انت عنيف اوى على فكره

محمود /تصبحو على خير يا جماعه احنا هندخل ننام انا وساره

ساره /ساره مين انا

محمود /ايوه انتى

ساره /بس انا مش عايزه انام

محمود /اش فهمك انتى عايزه تنامى انا اعرف اكتر منك

أمينه /طيب انا جايه معاكم بقى

نبيله /خليكم قاعدين لسه بدرى

ساره /اه انا بقول كده برضه

محمود /بقولك امشى معلش يا خالتى يدوب ننام بدرى علشان نعرف نصحه الصبح

نبيله / ماشى يا حبايبى وانتو من أهله

أمينه /جاى يا أمير

امير / بص فى الساعه بتاعته وقال اه يا ماما يدوب البس هدومى وانزل الشغل

نبيله /ربنا معاك يا حبيبى

زهراء /بت يا ساره هكلمك فى التليفون

ساره / وليه تليفون ما تيجى اقعدى معايه فى الاوضه اسهل ده ايه وجع القلب ده

زهراء /طيب روحى وانا جايه وراكى

محمود / احسن برضه وشد ساره من ايديها ودخل الشقه

أمينه /فى ايه يا ابنى براحه على اختك

محمود / باس ساره فى خدها وقال سرسور دى حبيبتى حبيبت قلبى من جوه

ساره /والله وده من ايه ده

محمود /انتى عندك شك فى حبى ليكى ده انتى التوأم بتاعى يا بت

امير / ربنا يشفيك يا ابنى والله ودخل الاوضه بتاعته يغير هدومه

محمود / سرسور عايزك فى الاوضه شويه

ساره / بغمزه تدفع كام هههههه

محمود / قد ايه انك ماديه واطيه

ساره / ههههههههه بيس يا مان كلو دلوقتى بالفلوس

محمود / امشى بس واللى انتى عايزه هدهولك

ساره / حبيبى يا حوده ودخلت اوضتها ودخل معاها محمود

محمود / قعد على السرير وقال تعالى يا سرسور اقعدى جنبى

ساره /وادى قعده ايوه اتفضل ارغى

محمود / سرسور انتى عرفتى ازاى ان ريم بتحبنى

ساره /نهارك اسود ومنيل يا ابنى كنت داخله صدفه اشرب وسمعت كلامها ليك ومن قبل ما اسمع كلامكم النهارده كان واضح عليها اوى حبها ليك بس البعيد مش بيحس عايز يقضيها سرمحه مع البنات وبس

محمود / منكرش إن كنت بستغرب انفعالها لما بقولها انتى زى اختى ولحظت اليومين اللى فاتو نظرات غريبه فى عينيها لما بجيب سيرة البنات بحس انها غيرانه بس كنت بكدب نفسى وبقول مستحيل يعنى ريم تحبنى احنا عمرنا ما اتفقنا مع بعض ولا ضحكنا وهزارنا مع بعض زى انا وزوزو تملى كلامها معايه فى حدود

ساره / لان ريم شخصيتها غير شخصية زوزو خالص زوزو بتحب الضحك والهزار جريئه شويه اما ريم فا هى جد زياده عن اللزوم بتحب تعمل حدود لكل حاجه هاديه فى نفسها

محمود /عارف كل ده يا بنتى بس متوقعتش ابدآ انها تحبنى

ساره /سيبك انت منها دلوقتى وخلينا فيك انت بتحس حاجه جواك ليها صح متنكرش

محمود / بصى منكرش لما شوفت نظرت الغيره فى عينيها وشوفت عصبيتها لما بقولها انتى زى اختى خلتنى فكرت فيها بطريقه تانيه وحركة حاجه جوايا بس لو فكرت اتكلم معاها هتفكرنى عايزه اتسلى بيها شويه زى ما بعمل مع البنات وممكن تكبر الموضوع وخصوصآ هى عارفه أن انا بتاع بنات ولسه قايل ليها أن مفيش حاجه اسمها حب ومش بعترف بيه

ساره / علشان انت بأف وحمار

محمود /لمى لسانك بدل ما اقطعه ليكى

ساره / وانا قولت ايه بقولك الحقيقه وحطيت نفسك فى مكان صعب ومش هتعرف تطلع منه إلا بصعوبه وريم بعد اللى حصل ليها النهارده بسببك هتحاول تبعد عنك خالص وهتحاول تنساك لأنها من النوع اللى بيعتز بكرامته اوى ومتحبش حد يجرح سمعتها بالكلام والبت نيلت الدنيا وقالت عليها كلام مش كويس بسببك يعنى اتصعبت اوى الصراحه بس لو أنت متأكد من مشاعرك نحيتها اعمل بكل طريقه واكسبها ليك من تانى هو صعب ومتعب بس مش مستحيل هتتعب شويه بس هتكسب قلبك واحترامك فى الاخر

محمود / انا خايف اتسرع واخد خطوه انيل الدنيا اكتر ما تخليكى جدعه وساعدينى

ساره /مينفعش يا ابنى لازم انت اللى تحاول بنفسك معاها

محمود / وقف وقال ماشى ربنا يسهل وراح عند الباب

ساره / محمود

محمود / بصلها وقال ايوه

ساره / اول خطوه مفروض تخدها تبعد عن سكة البنات خالص وتبقى بنأدم تانى

محمود / مشى أيده على شعره من وراه وقال ربنا يسهل تصبحى على خير وخرج من عند ساره راح على اوضه

ساره / لنفسها وربنا انفع اشتغل اخصائيه نفسيه

زهراء / ربنا يشفيكى يا ساره بتكلمى نفسك يا بت

ساره / اتخضت وقالت يخربيت سنينك فى حد يدخل على حد كده قطعتى ليا الخلف الله يحرقك

زهراء / مش لما تتجوزى الاول يا بيره تبقى تفكرى فى الخلفه هههههههههههه

ساره / قد ايه انك واطيه بتعيرنى

زهراء / ههههههههههههه الصراحه اه اللى ما فى كلب تف فى وشك وقال إن عايز يتجوزك

ساره /عندك حق يا اختى تقوليش بيشوفو قدامهم امنا الغوله

زهراء / ههههههههههههه رجاله مش بيشوفو ده انتى زى القمر وربنا

ساره / اللهى تنسترى يا زهراء يا بنت عمو توفيق زى ما انتى جابره بخاطرى كده ورافعه معنوياتى ههههههههه

زهراء / هههههههههههه قوليلى بقى الولا حوده كان عايز منك ايه وسحبك وراه كده ليه

ساره / ها م.م.مفيش حاجه كان بيغلس عليا بس

زهراء / يا بت عينى فى عينك كده

ساره / قومى بت روحى شقتكم

زهراء / نعم يا روح النونه مش قولتى هنسهر مع بعض

ساره / نامت على السرير وحطت ايديها تحت راسها وقالت غيرت رأيي وهنام

زهراء / وقفت بغيظ وقالت كده ماشى يا ساره ومسكت المخده وحطتها على وش ساره وكتمت نفسها

ساره / زقتها وقعدت تكح وقالت يخربيت سنينك كنتى هتفطسينى

زهراء/ احسن علشان بعد كده مترجعيش فى كلامك تانى يا رخمه وسابتها وخرجت

ساره / وربنا مجنونه وكانت هضيع زهرة شبابى اللى شكلها عفنت دى يلا انتى خساره فى البلد دى يا سرسور وشدت الغطا على وشها ونامت

رواية فتاة انحنت من أجل الحب

الفصل الرابع 4 والخامس 5

بقلم دودو محمد

فى شقة توفيق

فى اوضت ريم

كانت ريم قعده فى اوضتها وعماله تعيط وسمعت صوت الباب بيخبط فكرتها زهراء مسحت دموعها وقالت ادخلى

شريف / مينفعش ادخل انا طيب

ريم / ابيه شريف ادخل طبعآ

شريف / دخل وقفل الباب وراه وقعد جنبها على السرير وقال القمر بتاعى ماله النهارده

ريم / سلامتك يا أبيه مفيش حاجه بس رجعت من الكليه تعبانه شويه

شريف / وهو اللى بيبقى تعبان شويه عيونه تبقى دبلانه كده من كتر العياط وحزينه

ريم / مسكت دموعها بالعافيه وقالت لاء بس ده شوية إرهاق

شريف / شدها فى حضنه وقال ريمو يا قلبى انتى عارفه أن انا مش بعتبرك اختى الصغيره لاء انا بعتبرك بنتى واى حاجه بتحسى بيها وبتوجعك بتوجعنى انا كمان واكيد هبقى مبسوط لو فتحتى ليا قلبك وقولتى ليا كل اللى تعبك من جواكى بدل ما انتى علطول كاتمه فى نفسك كده وصدقينى هتلاقينى اب واخ وصديق ليكى

ريم / دموعها نزلت منها وقالت اللى انا حاسه بيه مقدرش اقولهولك يا أبيه صعب تفهمني

شريف / جربى مش هتخسرى حاجه

ريم / خرجت من حضنه ومسحت دموعها وقالت معلش يا أبيه بجد مش حابه اتكلم فى الموضوع ده

شريف / مسك وشها ما بين أيده وقال بصى براحتك مش هغصب عليكى فى حاجه بس اى وقت محتاجه تتكلمى معايه فيه هتلاقينى موجود ومستعد اسمعك ماشى

ريم / هزت راسها بمعنى ماشى

شريف / بسها فى راسها وقال يلا يا حبيبتى تصبحى على خير

ريم / وانت من أهله يا أبيه

شريف / خرج من اوضت ريم وكانت نبيله واقفه وراه الباب اتخض وقال ايه يا ماما انتى واقفه بتلمعى اوكر مش عيب عليكى فى السن ده

نبيله / ولا لم لسانك انا كنت عايزه اطمن على ريم قلبى واجعنى عليها اوى وصعبان عليا حالتها دى ومش راضيه تقولى حاجه قولت يمكن تقولك انت

شريف / لاء برضه مرضتش تقولى حاجه

وفى الوقت ده جت زهراء وقالت

زهراء /هو فى ايه انتو عاملين اجتماع قدام باب اوضتنا ليه كده

نبيله / اصل انتى بنأدمه معندكيش دم ومش فارق معاكى اختك ولا حاجه خالص

زهراء / انتو ليه مكبرينها كده تلاقيها فى الجامعه حد كلمها بطريقه وحشه وبنتك مدلعه ومش بتحب حد يزعقلها

نبيله / هى برضه اللى مدلعه اقول ايه ربنا يهديكى يا بنت بطنى ومشيت وسابتهم

زهراء / شيفو هو فى ايه

شريف / يا بنتى كنا بنطمن على اختك مالها بس هى مرضتش تتكلم مع حد بقولك ايه ما ينوبك ثواب حاولى تتكلمى معاها انتى بنت زيها يمكن ترضى تقولك مالها

زهراء / انا دى لو اتكلمت مع الناس كلها هتيجى لحد عندى وتسكت

شريف / بشوف الاخوات البنات تملى أصحاب الا انتى واختك تملى ناقر ونقير مع بعض

زهراء / بغيظ علشان هى البت المدلله عند امك وتملى شايفه نفسها عليا

شريف / ضربها على دماغها وقال يا بت بلاش الأفكار السو دى اللى فى دماغك امك بتحبكم انتو الاتنين زى بعض مش بتفرق ما بنكم انتى اللى دماغك تعبانه

زهراء / بزعل اه فعلا عمومآ اوعى كده هدخل انام تصبح على خير

شريف / بزعل على أخته وانتى من أهله يا مجنونه ولعب بأيده فى شعرها ودخل على اوضه ونام

_________________________________

فى فيلا روز

نزلت روز من اوضتها علشان تتعشا وقعدت على السفره وقالت

روز / دادى عملت ايه فى موضوع المدرس اللى قولت لحضرتك عليه

سليم / جبت رقمه النهارده وكلمته واتفقت معاه هيجى الفيلا بكره بعد المدرسه

روز / وعرف مين اللى هيديها الدرس

سليم / لاء انا قولت ليه أن بنتى فى ثانويه وعايزك تديها درس واديته العنوان وقال إن هو هيجى بكره بعد معاد المدرسه

روز / بفرحه YES

سليم / بص لمادلين بأستغراب وبعدين بص لروز وقال ممكن اعرف سبب فرحتك دى بالمدرس ده

روز / ها م.م.مفيش دادى بس فرحانه علشان هفهم المنهج علشان حضرتك عارف بحب اكون الاولى فى دراستى وكنت زعلانه على المنهج اللى فاتنى

سليم / بتفهم اوك بكره متتأخريش بعد ما تخرجى من المدرسه تيجى هنا علطول

روز / اوك دادى ووقفت وقالت تصبحو على خير

مادلين / اقعدى كملى اكلك

روز /NO اكلت الحمدالله

سليم / ماشى يا حبيبتى اطلعى نامى

روز / باست ابوها وامها فى خدهم وقالت good night

سليم ومادلين / good night

روز / طلعت تجرى على اوضتها ومسكت تليفونها وطلبت رقم جهاد وانتظرت الرد

جهاد / ايه يا بنتى فى حد يتصل بحد دلوقتى

روز / You are his donkey

جهاد /ليه الشتيمه بس

روز / علشان مفيش واحده ترد كده علطول الناس تقول السلام عليكم هاى مش تقولى فى حد يتصل بحد دلوقتى

جهاد / يوه اتخضيت اعمل ايه انا طه

روز / ما علينا انا كنت متصله بيكى علشان اقولك اللى اسمه سامح ده جاى بكره عندنا الفيلا بعد المدرسه

جهاد / والله بجد

روز / بفرحه yas

جهاد / برضه عندى سؤال محيرنى

روز / ايه هو

جهاد / يعنى الخبر ده مكنش ينفع يستنا بكره تقوليه ليا فى المدرسه لما نتقابل

روز / تصدقى انا غلطانه أن عبرتك وكلمتك سلام

جهاد / استنى بس بهزر وربنا متبقيش قماصه بسرعه كده

روز / دمك تقيل على فكره

جهاد / سبحان الله ناس كتير بتقولى كده وانا برضه مش مقتنعه بالموضوع ده

روز / المهم هبدأ من بكره الرهان جاهزه

جهاد / جاهزه يا ابنى جاك صاروخ فى معاميعك

روز / what

جهاد / هههههههه اطاطا

روز / انتى بجد فظيعه

جهاد / هههههههههه يلا تصبحى على خير

روز / good night

جهاد / اللهى يطنططو عليكى سبع عفاريت يكنو لسه راضعين من امهم ويقشطو عليكى يا بعيده ما تكلمى امى عربى وقولى وانتى من أهله

روز / what يعنى ايه يقشطو دى

جهاد / يعنى انتى اخدى بالك من يقشطو ومأخديش بالك من العفاريت اما انتى غريبه بجد

روز / انا عارفه يعنى ايه عفاريت بس الكلمه التانيه دى غريبه

جهاد / يقشطو دى يعنى الطفل يقشط يرجع اللبن بعد ما يرضع من أمه

روز / يععععععع مقرفه اقفلى يا معفنه باى

جهاد / هههههههههههه باى

روز / قفلت مع جهاد وحطت التليفون جنبها وبصت على السقف وضحكة وقالت انا وانت والزمن طويل يا سامح هعرفك مين روز سليم وازاى تكلمها كده وغمضت عينيها ونامت

_________________________________

فى شقة توفيق

فى اوضت ريم وزهراء

دخلت زهراء وقعدت على سريرها وبصت لريم وشافت عينيها دبلانه من العياط صعبت عليها وقالت

زهراء / احم انتى فى حاجه مزعلاكى

ريم / هزت راسها بمعنى لاء

زهراء / بس شكلك معيطه كتير

ريم / وده هيفرق معاكى فى حاجه

زهراء / بزعل لاء مش هيفرق تصبحى على خير ونامت على السرير وغطت وشها

ريم / بصت على زهراء وهى نايمه على السرير بزعل وقامت طفت النور ورجعت نامت على سريرها ودموعها على خدها

_________________________________

اشرقت شمس صباح يوم جديد بنورها الساطع فى سماء القاهره لتفتح زهراء عينيها على صوت تليفونها

بصت فيه لاقته رقم غريب ردت وقالت

زهراء /الو مين معايا

الصوت / انا كنت مفكر أن شكلك بس اللى حلو طلع كمان صوتك احلى واحلى

زهراء / مين معايا

الصوت / انا اسلام محجوب

زهراء / قعدت مصدومه على السرير وبصت على سرير ريم لاقته فاضى بلعت ريقها بالعافيه وقالت ا.ا انت جبت رقمى منين

اسلام / عيب عليكى لما تسألينى سؤال زى ده انا اجيب اى حاجه عايزه بأشاره واحده منى

زهراء / احم بس مش لدرجة توصل لرقم تليفونى

اسلام / انا اعمل اى حاجه علشان اوصل ليكى شخصيآ

زهراء / وع.ع.عايز منى ايه

اسلام / عايزك

زهراء / انت قليل الادب ومش محترم

اسلام / انتى فهمتينى غلط انا اقصد عايزك صديقه ليا مش اكتر نكون اصدقاء بس وتدخلى الشله بتاعتى

زهراء / احم اسفه بس طريقتك خلتنى افهم غلط

اسلام / حصل خير ها موافقه نكون اصدقاء

زهراء / سكتت شويه وقالت بس ساره مش هترضى

اسلام / انا مالى بساره وزفتت الطين دى انا اصلا ميشرفنيش اعرف واحده زيها انا اهم حاجه عندى انتى

زهراء/ بس هى صحبتى الوحيده ومقدرش اعمل حاجه من غيرها

اسلام / مش لازم تعرف عنك كل حاجه

زهراء / بس احنا متعودين نقول كل حاجه لبعض ومقدرش ادارى عنها حاجه

اسلام / خلاص اوك براحتك سلام

زهراء / اسلام

اسلام / نعم

زهراء / انت زعلت

اسلام / لاء عادى براحتك دى حريه شخصيه

زهراء / بص احنا ممكن نسأل على بعض فى التليفون عادى لكن بلاش نتكلم مع بعض فى الجامعه علشان لو ساره شافتك واقف معايه هتزعل منى

اسلام / بضحكة خبث طبعآ اللى تأمرى بيه

زهراء / ماشى انا مضطره اقفل معاك علشان فى حد بيرن عليا

اسلام / اه طبعآ براحتك سلام

زهراء /سلام وقفلت مع إسلام وردت وقالت الو يا أمير

امير / بتتكلمى مع مين كل ده

زهراء / بتوتر د.د.دى واحده صحبتى

امير /صحبتك مين دى

زهراء / وانت يعنى تعرف كل اصحابى واحده انت متعرفهاش معايه فى الجامعه

امير / ماشى يا زهره بعد كده لما ارن عليكى وانتى بتكلمى حد اقفلى معاه وردى عليا علطول فاهمه

زهراء / حاضر

امير / قومى يلا جهزى نفسك علشان يدوب نلحق نوصلكم معانا فى السكه

زهراء /طيب انا هقوم اهو سلام

امير / سلام وقفل مع زهره وهو متعصب وحدف التليفون على السرير وقام دخل الحمام

زهراء / قامت من على سريرها خرجت من اوضتها ودخلت الحمام اخدت شاور ولبست هدومها واتوضت وخرجت دخلت اوضتها أدت فرضها وخرجت تانى وقالت صباح الخير

نبيله وريم / صباح النور

زهراء / بصت لريم وقالت عامله ايه دلوقتى

ريم / الحمدالله كويسه

وفى الوقت ده خرج شريف من اوضه ولعب فى شعر ريم وزهراء وقال

شريف / صباح الخير يا مزز

ريم / صباح الخير يا أبيه

زهراء / صباح النور يا شيفو

شريف / بص لأمه وقال صباح الخير يا مصر

نبيله / صباح النور يا حبيبى

اخوك صحى ولا لسه نايم

شريف / لاء مقتول جوه

ريم / اوعى تقوليلى ادخلى صحيه

زهراء / ولا انا انتى عارفه أن انا وهو مش بنتفق مع بعض

نبيله / بصت ليهم الاتنين ودخلت هى الاوضه وقالت سامح يا سامح اصحه يلا

سامح / .............

نبيله / يا ابنى يا حبيبى قوم هتتأخر على الشغل

سامح / وهو مغمض عينه اطلعى بره يا ريم علشان مقومش أمد ايدى عليكى

نبيله / انا امك يا ابنى مش ريم

سامح / فتح عينه بصعوبه وقال صباح الخير يا ماما

نبيله / صباح النور يا حبيبى قوم يلا يدوب تلحق تاكل لقمه وتروح شغلك

سامح / حاضر يا ماما

نبيله / خرجت من الاوضه ودخلت المطبخ تحضر الفطار هى وريم

سامح / قام وخرج من الاوضه بتاعته ودخل الحمام وبعد وقت خرج تانى ودخل اوضه واده فرضه وخرج قعد على الطبليه وقال ماما اعملى حسابك أن ممكن أتأخر النهارده بره

نبيله / خير يا حبيبى فى حاجه

سامح / لاء يا ماما متقلقيش عندى درس النهارده

نبيله / ماشى يا حبيبى ربنا يرزقك ويوسع رزقك يارب

وقعدو يفطرو وبعد وقت خلصو اكل ودخل شريف لبس هدومه وخرج هو وزهراء راحو عند امير وخبطو على الباب

ساره / فتحت ليهم وقالت احلى صباح لاحلى جوزين عصافير

شريف / صباح السعاده والهنا على احلى سرسور فى الدنيا

زهراء / صباح النور يا ساره

ساره / تعالو ادخلو

شريف / على ايه ندخل ونتعطل لو خلصتو يلا بينا

ساره / امير يا امير يلا علشان نازلين

امير / جه وقال صباح الخير

الكل / صباح النور

شريف / مال وشك مقلوب على الصبح كده

امير / مفيش يلا بينا

نزلو الاربعه مع بعض وركبو تاكسى وكل شويه امير يبص على زهراء فى المرايا بغيظ

لحد ما وصلو الجامعه نزلت زهراء وساره ولسه هيمشو

امير نده على زهراء ونزل من التاكسى وراح عندها

زهراء / وقفت وهى متوتره وقالت ن.ن.نعم

ساره / احم طيب انا هدخل استناكى جوه

زهراء / ماشى

امير / زهره انتى النهارده عصبتينى لما قعد ارن عليكى ومردتيش

زهراء / قولتلك كنت بكلم واحده صحبتى

امير /مين اهم انا ولا هى

زهراء / احم انت طبعآ بس مكنش ينفع اقفل معاها علشان ارد عليك وعمومآ حقك عليا

امير / ماشى يا زهره بلاش تعملى كده لانك عارفه أن كده بيعصبنى

زهراء / حاضر يا امير ممكن بقى تسبنى ادخل

امير / ماشى يا زهره ادخلى بس خلى بالك على نفسك

زهراء / حاضر باى ودخلت وهى قلبها كان هيقف عليها وقالت لنفسه يا لهووووى لو عرف أن اللى كنت بكلمه واحد مش واحده ده كان نيل الدنيا الحمدالله جت سليمه وهى داخله خبطت فى اسلام وهى مش واخده بالها

اسلام / اه مش تف وسكت وضحك وقال هو انتى

زهراء / سورى مكنتش اقصد

اسلام / ههههههههههه لاء عادى ولا يهمك واحده بواحده كده اتعادلنا

زهراء / ماشى عن اذنك علشان ساره جايه علينا ومشيت وسابته

ساره / جت بعصبيه وقالت الولا ده كان عايز منك ايه

زهراء / أهدى يا بنتى انا اللى خبطه وانا مش واخده بالى

ساره / انتى عبيطه يا بت مش تفتحى

زهراء / اهو اللى حصل بقى يا ساره

ساره / انتى متخانقه مع امير ولا ايه

زهراء / ها ل.ل لاء

ساره / ماشى يلا بينا ندخل زمان المحاضره بدأت ودخلو الاتنين المحاضره

اسلام / كان واقف مع شلته وبيضحك وبيهزر وقال ايه رأيكم فى الحته اللى لسه خبطه فيا دلوقتى

شاب من الشله / صاروخ ارض جو

اسلام / اهى دى القطه الجديده اللى بوقعها

الشاب / اوبا يا بختك يا ابن المحظوظه

شاب تانى / بس دى شكلها محترم وهتتعبك ومش هتسلم نفسها ليك بسهوله

اسلام / مش هتسلم برضاها فى كذا طريقه المهم البت دى ايام وهتكون فى حضنى على السرير بتاعى انا حاليآ بحاول افتح معاها سكه وادخلها معانا الشله علشان تسهل معايا دخولها الفيلا

الشاب / دماغ شيطان

اسلام / يا ابنى ده انا ابليس يتعلم منى ههههههههههههههه

الشاب / ايه رأيك تعزمها على البارتى بتاع بكره ولو جت تقدر تاخد اللى انت عايزه منها بالرضا أو بالغصب واحنا برضه ينوبنا من الحب جانب وندوق الحلويات دى

اسلام / اهدا على الزبون شويه علشان متطفش مننا ونوصل للى عايزينه

الشاب / عندك حق والأيام جايه كتير

اسلام / اشطا عليك تعجبنى لما تفهمنى علطول

احمد / كل ده كان قريب منهم وسامع كلامهم

وبتصعب عليه حل المشكله اكتر

__________________________________

فى شقة توفيق

لبست ريم هدومها وخرجت من اوضتها وقالت

ريم / ماما انا نازله عايزه حاجه

نبيله / من المطبخ لاء يا حبيبتى عايزه سلامتك

ريم / فتحت الباب وخرجت ولسه هتنزل الباب عند محمود اتفتح وخرج من الشقه وقفل الباب وقال

محمود / صباح الخير

ريم / مردتش عليه ولسه هتنزل

محمود / ريم

ريم / وقفت من غير ما تبص ليه وقالت نعم

محمود / انا اسف

ريم / بصت ليه وقالت اسف اسف على ايه ولا ايه اسف على اللى حصل ليا امبارح فى الكليه ولا اسف على وجعى ودموعى اللى منشفتش على خدى بسببك ولا اسف على كسرتى قدام اهلى ونفسى ولا على ايه بالظبط يا محمود

محمود / على كله يا ريم على اللى حصل فى الكليه امبارح وعلى وجع قلبك بسببى

ريم / ياريت الكلمه دى كانت داوه تداوى الجروح لكن العكس الكلمه دى بتوجع اكتر لما يكون الجرح كبير

محمود / قولى عايزه اعملك ايه علشان اطيب ليكى جرحك وانا اعمله علطول وربنا

ريم / ابعد عنى وسبنى فى حالى خلينى اركز فى مستقبلى اهم

محمود / صعب انا ما صدقت لاقيت البنت اللى تحرك جوايا مشاعر حلو ليها

ريم / بأستغراب مشاعر

محمود / ايوه يا ريم انتى الوحيده اللى حركتى قلبى من مكانه

ريم / سكتت شويه وقالت مينفعش يا محمود خلاص

محمود / ليه يا ريم

ريم / لان لو بقى بنا حاجه انا بثبت كلام سلمى عليه وانا اغلى حاجه عندى سمعتى يا محمود

محمود / ارد ليكى اعتبارك قدام الكليه كلها

ريم / لاء يا محمود مبقاش ينفع صدقنى

محمود / ريم انتى بتحبينى بس كبريائك منعك تقولى ليا كده

ريم / بضحكت انكسار كنت

محمود / ومازلتى عينك فضحاكى

ريم / بدموع ارحمنى بقى يا اخى وابعد عن طريقى

محمود / ادينى فرصه صغيره اتغير فيها علشانك وابقى بنأدم تانى على ايدك

ريم / انا لاء يا محمود مش انا البنت اللى هتفرح بكام خروجه معاك وتتسلى بيا وبعدين ترمينى زى ما راميت بنات قبلى وروحت دورت على غيرها

محمود / لاء والله انتى غيرهم يا ريم

ريم / هههههههه وتفتكر هصدقك مش انت اللى بلسانك قولت مفيش حب

محمود / كنت غبى ومكنتش شايفك قدامى

ريم / وكام مره قولت الكلام ده للبنات عشره عشرين أربعين مره

محمود / بصدق ولا مره يا ريم انتى غيرهم انا بح

ريم / قطعته وقالت ارجوك متكملش بلاش تقول حاجه انت مش قدها والكلمه دى معانيها كبيره اوى على واحد زيك عن اذنك وسابته ونزلت

محمود / مشى أيده على شعره من وراه وقال شكل البت ساره عندها حق هتعب اوى معاها ونزل وراها لاقها بتركب تاكسى وراحت على الجامعه وقف تاكسى هو كمان وراح على مكتبه

__________________________________

فى المدرسه

وصلت روز المدرسه وهى مختلفه عن كل يوم كانت مبسوطه وسعيده انها هتنتقم من سامح قعدت وقعدت جنبها جهاد وقالت

روز / هاى يا جوجو

جهاد / هاى ورحمة الله وبركاته شكلك مبسوطه وفرحانه اوى

روز / اوى اوى يا جوجو اخيرآ سامح هيجى عندى الفيلا وهنتقم منه

جهاد / ايها الروح الشريره اخرجى من البت اخرجك يا بنت الكلب مش عايزه تخرجى انى اسف ههههههههههه

روز / هههههههههههه لاء انا مسكه فيا الروح الشريره دى ومش هتخرج غير لما انتقم من البنأدم ده

جهاد / ربنا يجعل كلامنا خفيف عليه احسن ده بيجى على السيره

روز / نفسى الوقت يجرى ويجى الوقت اللى هيدخل عندنا الفيلا ويعرف أن اللى هيديها الدرس انا واو هتبقى مفاجئه فظيعه

جهاد / دى هتبقى مفاجئه دمار شامل مش بعيد يتشل فيها وربنا هههههههههههههه

وفى الوقت ده دخل سامح وقال

سامح / صباح الخير يا بنات

جهاد / مش قولتلك بيجى على السيره

روز / ههههههههه عندك حق

سامح / الحماره اللى بتتكلم وبتضحك تحط لسنها فى بؤقها وتسكت

روز / بصت ليه بغيظ وقالت بصوت واطى اهو انت اللى حمار وستين حمار

جهاد / سمعت روز حطت ايديها على بؤقها وكتمت ضحكتها

وطول الشرح كان الاتنين سامح وروز بيبصو لبعض بتحدى وكره وكبرياء

وبعد وقت انتهى سامح من الشرح وقال

سامح / ياريت البنات اللى كانت مركزه فيا طول الشرح تركز فى دراستها اكتر منى وكان بيتكلم وبيبص لروز

روز / بصوت مسموع واستغراب what

جهاد / وهى بتكتم ضحكتها اتفضحتى يا سوسو

روز / مين مركز معاه انا

جهاد / ههههههههه مفيش غيرك اللى بيبص ليها

سامح / بص بقرف لروز وخرج

روز / وربنا هتشل منه بنأدم مستفز استفزاز موصفش الصراحه ده أهله ازاى بيستحملو ده

جهاد / فكك منه فاضل على الحلو تكه ويقع تحت ايد اللى مبيرحمش ههههههههه

روز / ههههههههههههههه

ودخل المدرس التانى وبدء يشرح ليهم الدرس

__________________________________

فى الشركه عند شريف وامير

وصلو الاتنين الشركه وكل واحد استلم شغله

فى مكتب شريف

تليفون المكتب رن شريف بص ليه وعرف أن اللى متصله بيه لميس اخد نفس وخرجه بهدوء ورد على التليفون

شريف / ايوه يا فندم امرى

لميس / افندم تانى يا شريف

شريف / امرى حضرتك

لميس/ تعال المكتب عندى عايزاك

شريف / ممكن اعرف السبب لان لو سبب مش مهم يبقى بلاش احسن والوقت ده استفاد بى فى الشغل

لميس / بأستغراب هو انت ليه بتتكلم معايه كده يا شريف

شريف / بتكلم مع حضرتك ازاى انا ملتزم بالحدود اللى ما بنا

لميس / حدود، حدود ايه دى

شريف / حضرتك بنت صاحب الشركه والمديره هنا

لميس / احنا مش اتفقنا نكون اصدقاء يا شريف

شريف / يا فندم العين عمرها ما تعلى على الحاجب وحضرتك فين واحنا فين

لميس / وهى كاتمه الدموع فى عينيها بس مكنش ده كلامك من يومين ايه سبب التغير المفاجئ ده حصلت حاجه منى ضيقتك

شريف / فكرت فيها لاقتها مينفعش نكون اصحاب احنا مش من مستوى بعض انتى فوق واحنا تحت تحت خالص ولو سمحتى يا فندم لو حضرتك مش محتاجه منى حاجه هقفل علشان ورايا شغل كتير

لميس / بدموع اللى يريحك يا شريف وقفلت التليفون وحطت راسها على المكتب وقعدت تعيط

_________________________________

فى شقة توفيق

كانت امينه ونبيله قعدين بيشربو الشاى مع بعض

نبيله / مش عارفه قلبى واكلنى على البت زهره اوى كده ليه

أمينه / استعيذى من الشيطان الرجيم وان شاءالله خير

نبيله / علطول قلبى واجعنى على البت دى تهوره واستهتارها بيخلونى اخاف عليها طايشه اوى فى تصرفاتها وتملى بصه لعيشت غيرها

أمينه / معلش يا نبيله راحت ولا جت عيله وبكره بعد الجواز هتعقل لما تكون ملزومه ببيت وراجل وعيال

نبيله / عيله ايه بس دى عندها اتنين وعشرين سنه وانا فى سنها كان معايه شريف وحامل فى سامح بس كنت اعقل منها بكتير وريم اهى اصغر منها بكام سنه بس عقله وهاديه فى نفسها كده

أمينه / مش كل الاخوات زى بعض طيب بصى امير ايه ومحمود ايه الاخوات بيختلفو فى الطباع

نبيله / ربنا يهديها ويريح قلبى من نحيتها ويقرب ليهم البعيد ويسعدهم

أمينه / اللهم امين إن شاءالله النهارده نستنا توفيق لما يطلع من المحل ونكلمه على زهره

نبيله / انا قولتله وهو مقلش حاجه قال يشوف الوقت اللى فاضى فيه ويجى يطلبها منه

أمينه / ربنا يسعدهم ويهنيهم ويرزقكم يا ساره ويا ريم بولاد الحلال

نبيله /يارب بس سؤال كده كنت عايزه اعرفه منك

أمينه / اسألى يا اختى اللى انتى عايزاه

نبيله / هو امير هيجيب الشقه منين

أمينه / هشوف ليه جمعيه ولا اتنين ادخلو فيهم ويخدهم ويجيب شقه وانا عندى كام حتة دهب بتوعى كان الحاج الله يرحمه جايبهم ليا تقال يعملو مبلغ هبعهم واديلو الفلوس يكمل بيها الفرش وكده

نبيله / ربنا يسهل ليه الأمور الوليه سعديه بتاعة الخضار بتلم فى جمعيه كبيره لو قولتلها على الأدوار الاوائل مش هتقولك حاجه هى بتحبك

امينه / ابقى البس العبايه وانزلها كده واشوفها هتعمل معايه ايه واللى فيه الخير يقدمه ربنا

نبيله / يارب

__________________________________

فى الجامعه عند ريم

دخلت ريم الجامعه وهى بتدعى ربنا متشوفش سلمى قدامها بس اتفاجئت بيها

سلمى / اهلا بخطافت الرجاله الست المحترمه اللى بتقضيها مع الشباب

ريم / سلمى ابعدى عن وشى وملكيش دعوه بيا

سلمى / ولو مبعدش هتعمل فيا ايه هتحدفينى بالورقه تعورينى هههههههههههه

ريم / اللهم يطولك ياروح عايزه منى ايه محمود عندك اشبعى بي حاجه متخصنيش

سلمى / قربت منها ومسكتها من دراعه وقالت فكك شويه بقى من التمثيل شوفى سلمتيه ايه من جسمك علشان كده سبنى وراح ليكى

ريم / رفعت ايديها وضربتها بالقلم على وشها وقالت اخرسى انا اشرف منك ومن عشره زيك مش انا يا ماما اللى بتسلم جسمها للرجاله فاهمه ولسه هتمشى

سلمى / بتضربينى يا بنت ******* وربنا ما انا سيباكى ورفعت ايديها ولسه هتضربها ايد مسكتها وقالت سلمى

ريم / محمود

محمود / وهو ماسك ايديها وقال لو فكرتى مجرد تفكير تمدى ايدك عليها ولا تأذيها هتشوفى الوش التانى بتاع محمود وبتهيألى كده انك مش هتحبيه

سلمى / بدموع بس هى اللى مدت ايديها عليا الاول يا محمود

محمود / وانتى اللى بتسوء سمعتها فى الجامعه يبقى تستهلى

سلمى / انت بدافع عنها بصفتك ايه ها دى واحده خطافت رجاله وعايزه تخدك منى

محمود / هى مش خطافت رجاله انتى اللى خطافت رجاله لان هى خطيبتى من قبل ما اعرفك

ريم / بصت ليه بصدمه

سلمى / بدموع خطيبتك ط.ط.طيب ازاى وليه مقالتش وانت مدام خاطب كنت بتعرفنى ليه

محمود / امبارح لما سبتك ورحت وراها كنت بحاول اصالحها لأنها عرفت أن اعرفك عليها وليه مقالتش محبتش تصدمك وعرفتك ليه وانا خطبها علشان انا واحد حمار وغبى

ريم / كانت كل ده مصدومه

سلمى /يعنى كنت بتتسلى بيا منك لله يا شيخ

محمود / اياكى بعد كده تتعرضى ليها فاهمه وبصوت عالى قال يا جماعه ريم خطيبتى سمعتو خطيبتى واى حد هيدوس ليها على طرف انا اللى هقفلو فاهمتو ومد أيده مسك ايد ريم وخرج من الجامعه

ريم / خرجت معاه من غير ما تنطق ولا كلمه وبعد وقت بصت على أيده وهى ماسكه ايديها ومره واحده شدتها وقالت ا.ا.انت ايه اللى عملتو ده وازاى تسمح لنفسك تمسك ايدى كده وازاى تقول انك خطيبى انت مجنون مش طبيعى على فكره

محمود / كان لازم اعمل كده علشان ارد ليكى اعتبارك قدام الجامعه كلها ولو معملتش كده كانت سلمى هتفضل مستقصداكى علطول وبالذات بعد القلم اللى انتى ادتهولها

ريم / حاجه متخصكش مركز ليه معايا وفى حياتى انت وجودك فيها غلط اساسآ مطلبتش مساعدتك علشان تيجى تعمل كده قولى ايه العمل دلوقتى الجامعه كلها عرفت أن انا مخطوبه هعيش فى كدبه بسببك منك لله يا اخى

محمود / انا اسف بس ملقتش حل غير ده والله

ريم / لحد هنا وكفايه يا محمود لا عايزه اشوف وشك ولا اسمع صوتك تانى وبصت ليه بقرف ومشيت وسابته

محمود / مشى أيده على شعره من وراه وبص على ريم لحد ما ركبت التاكسى ومشيت وشاط الارض برجله وقال المشوار لسه فى أوله مش هيأس وهفضل وراها

___________________________________

فى الشركه عند امير

جه وقت البريك ونزل عنده شريف وراحو ياكلو فى المطعم زى كل يوم

امير / مالك يا ابنى قالب وشك كده

شريف / مفيش بدأت أكره لميس فيا بس مش عارف ليه اضيقت علشانها لما سمعت صوتها كأنها بتعيط

امير / ليه انت هببت ايه

شريف / ولا حاجه بس عرفتها أن احنا مش من مستوى بعض علشان نبقى اصدقاء

امير / غبى برضه نفذت اللى فى دماغك

شريف / ايوه يا أمير كده احسن بكتير بدل ما تتعلق بيا اكتر من كده

امير / بس انت زعلت علشانها يبقى بدأت تتشد ليها بس مش عايز تعترف بكده

شريف / لاء يا امير انت غلطان بس صعبت عليا يمكن علشان حطيت اختى مكانها مش اكتر

امير / لاء يا شريف مش هو ده السبب انت بدأت تحبها

وفى الوقت ده جت لميس عندهم وقالت

لميس /السلام عليكم

امير وشريف / وعليكم السلام

امير / اتفضلى اقعدى

لميس /قعدت وكانت بتبص على شريف

شريف / وقف وقال انا اكلت الحمدالله عن اذنكم

لميس / وقفت وقالت لاء خليكى انت كمل اكلك انا اسفه لو ازعجتك

شريف / بصلها وقال انا اللى همشى خليكى انتى وسابهم ومشى

لميس / قعدت وحاولت تحبس دموعها

امير / متزعليش منه بس هو شريف كده من نحية البنات

لميس/ بس مكنش كده اليومين اللى فاتو معرفش ايه غيره من نحيتى فاجئه

امير / علشان بدأ يتشد ليكى

لميس / بصت ليه بصدمه

امير / ايوه شريف صحبى وانا عارف ايه اللى بيحصل جواه من غير ما يقول ولا كلمه وهو علشان بدأ يحس بحاجه من جواه ليكى غير المعامله معاكى علشان ميتعلقش بيكى اكتر من كده وعلى ما اعتقد انتى كمان بتحبيه صح

لميس / بصت ليه بدموع وهزت راسها بمعنى ايوه

امير / واضح اوى انك بتحبيه وهو برضه حس بكده

لميس / طيب مدام كده ليه عايز يبعد عنى

امير / بصى كل اللى اقدر اقوله ليكى أن هو بيكره علاقات الحب وكده لسبب معين وتانى حاجه شريف زى اى راجل شايف الفرق فى المستوى صعب يبقى فى توافق وكل اللى هيعرف بالعلاقه ما بنكم هيقول أن هو طمعان فيكى و فى فلوسك فهمتينى هو ده اللى فى تفكير شريف دلوقتى وهيحاول يعمل بكل طريقه علشان يكرهك فيه لو انتى بتحبيه بجد تقدرى تستحملى كل ده وتشديه ليكى اكتر

لميس / بس ولا انا ولا بابا بنفكر بالطريقه دى وانا حبيبت شريف من زمان اوى وعمر ما بصيت لفقره الفقر عمره ما كان عيب المهم الحب وراحة البال وانا مستعده اعيش معاه لو فى اوضه فى شقة أهله والله عادى جدآ بالنسبه ليا بس اهم حاجه عندى ابقى جنبه العمر كله واسمى يتكتب على اسمه

امير / يبقى متيأسيش وحاولى معاه مره واتنين وتلاته وفى الاخر هيسلم ليكى وانا هفضل اكلم فيه لحد ما اقنعه يسيب نفسه للحب

لميس / بضحكة على فكره انت طيب اوى اوى يا امير ياريت تعتبرنى زى اختك

امير / انتى اللى ياريت تعتبرينى زى اخوكى ولو احتاجتى اى حاجه قوليلى عليها علطول

لميس / شكرآ يا أمير

امير / البريك خلص يلا نروح على الشركه

لميس / يلا ومشو الاتنين على الشركه

__________________________________

فى فيلا روز

وصلت روز وهى متحمسه جدآ للمقابله ودخلت اوضتها ولبست هدوم قصيره جدآ وقعدت كل شويه تبص على الساعه وتبص من عندها على الباب لحد ما شافت سامح وصل قعدت تنط بفرحه وتصقف بأيديها وراحت عند الباب بتاع الاوضه بتاعتها وفتحته ووقفت تسمع الكلام اللى هيحصل ما بين ابوها وسامح

عند سامح وصل ودخل وقال للشغاله اسمه وقعد على الكرسى يستنا نزول سليم وشويه ونزل سليم من فوق وسلم عليه

سليم / اتفضل يا ابنى

سامح / شكرآ لحضرتك وقعدو الاتنين وبص سليم ليه وقال

سليم / بس انت صغير اوى على انك تدرس للبنات فى الثانويه انا فكرتك راجل كبير

سامح / حضرتك التدريس مش بالسن الحمدالله انا متفوق فى اختصاصى وعلى ما اعتقد الأهالى كلهم بيشكرونى على مستوى بناتهم

سليم / انا مقصدش حاجه والله انا بقول يعنى دى حاجه حلوه المهم انا كنت عايزك تدى بنتى درس علشان هى متعرفش اى حاجه فى المنهج خالص

سامح / تمام يا فندم انا إن شاءالله هخليها تحفظ المنهج بطريقه سهله وممتازه وهتشوف حضرتك الفرق فى الايام الجايه

سليم / أن شاءالله وبالنسبه للمرتب ميهمكش حاجه واده ليه ظرف وقال كل شهر أن شاءالله هتاخد زيهم

سامح / فتح الظرف وبص فيهم وقال بس حضرتك ده كتير

سليم / ولا كتير ولا حاجه انت هتبدأ مع بنتى من الصفر

سامح / اخد فلوس معينه وقال ده حقى مش باخد اكتر من حقى حضرتك

سليم / بس انا اللى اديتهم ليك مش انت اللى طلبتهم

سامح / اسف حضرتك انا بمشى بمبدأ واحد وحط بقيت الظرف على الطرابيزه

روز / كانت بتسمع من فوق الكلام وكانت مستغربه سامح جدآ واستغربت اكتر لما مرضاش ياخد اكتر من حقه

سليم / هتبدأ من امته إن شاءالله

سامح / من دلوقتى لو مفيش عند حضرتك مانع ممكن تنده على بنت حضرتك

سليم / تمام انا هطلع اندها ليك واسيبكم براحتكم تديها الدرس

سامح / تمام انا منتظرها

سليم / عن اذنك وسابه وطلع لروز

روز / دخلت تجرى على اوضتها وعملت نفسها مشغوله

سليم / دخل الاوضه عند روز وقال يلا يا حبيبتى المدرس جه تحت وهيبدأ معاكى من النهارده

روز / اوك دادى وخرجت من الباب ونزلت من على السلم بكل كبرياء

سامح / سمع صوت الكعب نازل من على السلم بص على الصوت لحد ما وصل لوش روز واتصدم

روز / نزلت عنده ووقفت قصاده وربعت ايديها على صدرها وبضحكت غيظ قالت هاى

سامح / بصدمه انتى

روز / بأستفزاز منور يا مستر الفيلا عندنا

سامح / انتى مفكره نفسك كده بتلوى دراعى

روز / مشيت من قدامه وقعدت على الكنبه وحطت رجل على رجل وبصت على ضوافيرها وقالت امممممم انت شايف ايه

سامح / اتغاظ منها وراح شدها من دراعها وقال بعصبيه لما بكون بكلمك تقفى وتتكلمى معايا بأسلوب احسن من كده

روز / ااااه دراعى يا حيوان

سامح / انا هوريكى الحيوان ده هيعمل فيكى ايه

روز / قعدت تشد دراعها من ايد سامح وتقول سيب دراعى يا متخلف سيب بس وهى بتزقه وقعت فى حضنه ورفعت راسها وبصت ليه فى عينيه

سامح / سرح فى عينيها وفى ملامحها وبعد كده اخد باله من الوضع زقها وقال انا مستحيل اقعد هنا ولا اديكى الدرس

روز / علشان انت جبان وخايف منى

سامح /ههههههههه انا هخاف منك انتى

روز / امال ايه السبب

سامح / علشان ميشرفنيش أدى واحده زيك

روز / لاء انا اللى هموت علشان تدينى

سامح / لاء ما هو واضح صح انك مش هتموتى خالص

روز / متخدش الم فى نفسك بس ده انت حتة مدرس فاشل وخايف تدينى لاشوف فاشلك ده

سامح / لا والله ماشى يا روز انا هديكى الدرس واستحملى اللى هيحصلك منى

روز / بضحكت ثقه لاء استحمل انت اللى هيحصلك منى انا

سامح / ههههههههههه بقى انتى يا حتة عيله بتهددينى انا هههههههههههه

روز / بغمزه هتشوف العيله دى هتعمل فيك ايه

سامح / بضحكت ثقه ماشى لما نشوف منك انت يا خطير ههههههههههههه

روز / لاء الضحك مش دلوقتى الضحك هيكون فى الاخر

سامح / قعد وقال حلو اوى تعالى بقى نبدأ الدرس

روز / مشيت بثقه وراحت قعدت جنبه وحطت رجل على رجل وقالت جاهزه

سامح / اول حاجه من الاحترام لما يكون مدرسك بيديكى الدرس تنزلى رجلك وتقعدى قدامه بأحترامك

روز / والله انا حره اقعد زى ما انا عايزه

سامح / اللهم يطولك ياروح مش هنضيع الوقت كله فى ازاى تقعدى

روز / والله قول لنفسك الكلام ده

سامح / نفخ وفتح الكتاب وقال نبدأ

روز / انا جاهزه

سامح / بدأ يشرح ليها الدرس وفى الوقت ده جابت الشغاله العصير لسامح

روز / اخدته منها وقالت ميرسى يا داده

الشغاله / العفو يا حبيبتى وسابتهم ومشيت

روز / جت فكره فى دماغها وسرحت فيها

سامح / اخد باله من سرحان روز وقال ممكن تركزى شويه

روز / ها ا.ا.اه طبعآ بس الاول اتفضل العصير وعملت نفسها بتديله العصير ووقعته عليه

سامح / اتصدم من اللى حصل وقال ا.ا.ايه اللى انتى عملتيه ده

روز / اوه سورى يا مستر مكنتش اقصد

سامح / بغيظ والله انا متأكد انك عاملها قصد

روز / بدلع مظلومه يا مستر حتى بص وقع على رجلى انا كمان وشاورت على رجليها اللى باينه من الجيبه القصيره

سامح / بص مكان ما شاورت على رجليها العريانه وبلع ريقه بالعافيه وقال م.م.ممكن ادخل الحمام انضف هدومى اللى انتى وقعتى عليها العصير

روز / طبعآ يا مستر اتفضل وقامت وقفت وشاورت ليه على الحمام واول ما سامح دخل الحمام قعدت تنط من الفرحه وتقول yes yes وادى اول جوله انا اللى فوزت بيها ده كده تسخين لسه مشوفتش منى حاجه يا مستر ههههههههههه ومسكت الدبدوب بتاعها وحضنته وقعدت تلف بيه بس خبطت فى سامح اللى كان واقف يبص عليها

سامح / خلصتى العبط اللى كنتى بتعمليه ده

روز / ه.ه.هو انت هنا من امته

سامح / من ساعة ما كنتى بترقصى بالدبدوب

روز / احم م.م.ماشى

سامح / خلصتى لعب العيال ده علشان نبدأ

روز / yes

سامح / اتفضلى اقعدى وقعدو الاتنين وبدأ سامح يشرح الدرس بتاعه وبعد وقت خلص وروح البيت

روز / دخلت اوضتها ونامت على سريرها وبصت على السقف وجت صورة سامح قصاد عينيها غمضت عينيها وقالت بأستغراب what هو انا ليه شوفت صورته فتحت عينيها وقالت بس الصراحه حلو اوى واول مره اشوف شكله عن قرب واو شكله جميل جدآ اجمل واحلى من شباب امريكا بكتير ايه ده اللى انا بقوله ده لالالا انا شكلى بقيت crazy انا بكلم نفسى مسكت تليفونها وطلبت جهاد

جهاد / هاى

روز / هاى

جهاد / عملتى ايه يا مزه مع المستر النهارده

روز / عملت فيه عمايل بس شكله أو ما اتفاجئ بيا يموت من الضحك هههههههههههه

جهاد / هههههههههههههه انا متخيلها تلاقيه اتصدم يا عين امه ههههههههههه

روز / ضحكت وقالت ليها على العصير وحكت كل حاجه حصلت ما بينهم

جهاد / وهى مش قادره تمسك نفسها من الضحك قالت يخربيتك وقعتى عليه العصير ده انتى مصيبه

روز / لاء ده كده ولا حاجه ده انا هخليه يقول حقى برقبتى ههههههههههههه

جهاد / جدعه يا بت تربية بره بس شغل بنت بلد اصيله هههههههههههه

روز / هههههههههههه باى يا بت بلدى

جهاد / اشطا عليكى يا مزه هستناكى بكره تطلعى عينيه فى المدرسه

روز / ههههههههه طبعآ باى

جهاد /باى

روز / قفلت التليفون مع جهاد وقالت انا وانت والأيام ما بنا يا مستر ههههههههه

__________________________________

بقلمى دودومحمد

🌹فتاة انحنت من أجل الحب 🌹

🌷الفصل الخامس 🌷

فى بيت توفيق

فى اوضت سامح

دخل سامح اوضه وحدف نفسه على السرير وبص على السقف جت قصاده صورة روز حط أيده على وشه وقال لنفسه

سامح / ايه حكايتك يا سامح اشمعنا دى اللى شاغل نفسك بيها ما انت اخد عهد على نفسك متبصش لحد من الطالبات اللى فى المدرسه ليه دى بالذات اللى بقيت بتاخد وقت كبير فى تفكيرك يمكن علشان دى اول بنت تتحدانى ولا علشان لمضتها ولا علشان جمالها وضحكتها البريئه ولا رقتها لما بتتكلم وحتى وهى بتتعصب بتبقى رقيقه جدآ بحسها طفله صغيره عندها ست سبع سنين بالكتير وبعدين سكت مره واحده وقال ايه اللى انا بقوله ده فوق يا سامح بلاش شغل المراهقين ده روز مش اكتر من طالبه عندك طالبه وبس وفى الوقت ده باب الاوضه خبط ودخل شريف قعد على سريره من غير ولا كلمه

سامح / بأستغراب غريبه دى اول مره تدخل من غير ما تغلس عليا

شريف / بجديه لا كده عجبك ولا كده عجبك اعملك ايه يعني

سامح / مالك يا ابنى شكلك فى حاجه مزعلاك

شريف / مفيش مخنوق شويه

سامح / ايه السبب

شريف /ولا حاجه لوحدى كده

سامح / محدش بيتخنق لوحده كده لازم تكون فى حاجه ضيقتك

شريف /بص ليه وسكت

سامح /زعلك ده يخص الماضى

شريف / بزعل اللى حصل زمان عمره ما هيكون ماضى يا سامح هيفضل حاضر وبيطاردنى

سامح / انسا بقى يا ابنى فات كام سنه على اللى حصل ده ومش قادر تنسا

شريف / مش بالسهوله دى يا ابنى انا حياتى وقفت من اللحظه دى بشتغل وبتكلم وباكل وبشرب وبضحك وكل حاجه بس اللى جوايا لسه مكسور زى ما هو يا سامح

سامح / مش هتقدر تنسا الماضى غير لو ح

وفى الوقت ده الباب اتفتح وقطع سامح كلامه

ريم / ماما بتقولكم يلا علشان الاكل جهز

سامح / روحى واحنا جاين وراكى

ريم / خرجت وقفلت الباب وراها

سامح / قوم كده اغسل وشك واهدا وانسا اللى فات علشان تعرف تعيش اللى جاى وخبط على كتفه وسابه وخرج

شريف / بص على سامح لحد ما خرج وحط راسه ما بين ايديه وقال ياريت اقدر انسا بالسهوله دى وقام من على سريره وخرج من الاوضه

وكان الكل اتجمع وقعدين على الطبليه قعد شريف جنب امير من غير ولا كلمه

امير /بص ليه وقال بصوت واطى فك بقى يا ابنى نفسى افهم انت ليه وصلت للحاله دى

شريف / تعبت يا أمير نفسى اعيش عادى بقى

امير / طيب ما انت اللى مصعبها على نفسك

شريف /انا واحد عا

امير / قطعه وقال خلاص يا ابنى انتهى الموضوع ده من زمان

شريف / بص على مفيش وقال بس كسرتى عمرى ماهنساها يا امير كل الاكل هيبرد

امير / بص عليه بزعل وبدأ ياكل

وبعد وقت الكل انتهى من الاكل وقامو قعدو كلهم مع بعض

امينه / بصت لتوفيق وقالت كويس انك جيت بدرى النهارده علشان عايزينك فى موضوع

توفيق / ما نبيله أكدت عليا أن اقفل المحل بدرى علشان انتو عايزنى خير يا ام امير

امينه / خير إن شاءالله يا اخويه العيال كبرو بقى وعايزين نعمل خطوبه رسمى

توفيق / ده شرف لينا يا امير وامير ابننا واحنا اللى مربينه وكذلك زهره بنتكم وانتو اللى مربينها

امينه / تسلم يا اخويه من كل رضى طلباتك ايه أمر

توفيق / الأمر الله مش هتفرق يا ام امير زهره بنتكم واللى انتو هتجبوه مش هنتكلم فيه

امير / بص يا عمى انا هدخل جمعيه كبيره إن شاءالله وهشترى شقه تكون صغيره مش كبيره فى نفس المنطقه هنا علشان تكون حنينه شويه فى الفلوس وربنا يقدرنى وافرشها احسن فرش وزهره تيجى بس بشنطة هدومها مش محتاج منكم اكتر من كده

توفيق / لاء طبعآ يا حبيبى ده هيكون ظلم ليك بص احنا نمشى بالمعقول انت تجيب الخشب واحنا نجيب الفرش زى الستاير والسجاد والحاجات اللى بتبقى على العروسه

امينه / والشبكه عايزينها ايه

نبيله / عيب عليكى يا أمينه دهب ايه اللى هنتكلم عليه ده هما دبلتين وخلاص

امينه / بس ده حقها

توفيق / يكفى يا ام امير أن هدى بنتى لراجل بجد ومتأكد أن هو هيقدر يسعدها

امير / ربنا يخليك يا عمى

توفيق / يا امير انت ابنى التالت

محمود / ايه ده وانا يا عمى مش ابنك ولا ايه

توفيق / ربنا يعلم بعتبركم كلكم ولادى ربنا يسعدكم ويهنيكم يارب

امينه / ويديك العمر الطويل يارب

نبيله / انتو نسيتو تتفقو على معاد الجواز والخطوبه

امينه / يوه اه صح

محمود / حلو اوى كده امير ياخد زوزو على اى مأذون ويتجوزها علطول

الكل / ضحك على كلام محمود

توفيق / بضحك لو على امير عايز يعمل كده فعلا هههههههه

امير / اكدب عليكم لو قولت لاء هههههههههه نفسى وربنا

زهراء / كانت قعده ومش مبسوطه

توفيق / شوفو انتو عايزين الخطوبه امته لكن الجواز بعد ما تخلص اخر سنه فى الكليه

امير / الخطوبه نعملها الاسبوع الجاى على الضيق كده ما بنا وبين بعضينا والفرح بعد ما تخلص كليه تمام كده يا عمى

توفيق / على خيرت الله نقراه الفاتحه

والكل قراه الفاتحه وقعدت ساره تزغرط وكانت فرحانه لامير وزهره والكل بارك ليهم

امير / من حقى اخد خطيبتى واقعد معاها شويه لوحدينا صح يا عمى

الكل /ضحك على امير

توفيق / روحو اقعدو شويه مع بعض فى البلكونه

امير / ربنا يخليك يا عمى يارب ويوعدك بواحده صغنونه كده تجدد بيها شبابك

نبيله / كده يا امير وانا اللى بشكر فيك واقول عليك ابنى

امير / وربنا بحبك يا مزتى ده انتى الخير والبركه يا خالتى

نبيله / ماشى يا بكاش

توفيق / لاء ده انا كده اللى هيروح فيك اللومان بتقول لمراتى يا مزتى

امير / نهار اسوح ومنيل ده ايه الحظ ده بقولكم ايه انا هاخد خطيبتى وادخل البلكونه احسن واخد زهراء ودخلو البلكونه وقال بفرحه مبروك يا زوزو اخيرآ هتبقى خطيبتى رسمى وكلها كام شهر وهتبقى مراتى ام عيال

زهراء / الله يبارك فيك

امير / مالك يا زوزو مش فرحانه ليه

زهراء / فرحانه يا امير بس مقولتش انك هتكلم بابا النهارده

امير / على فكره انا زى زيك مكنتش اعرف ان ماما هتفاتح ابوكى فى الموضوع النهارده بس احسن مصلحه خلينا نفرح بقى

زهراء / بصت على الارض وقالت ماشى

امير / رفع وشها بأيده وقال مالك يا زوزو حاسس انك زعلانه أن اتقدمت ليكى

زهراء / مش زعلانه يا امير بس زى ما انت عارف انا مليش فى شغل البيت والأكل والغسيل والمسئوليات دى كلها وكمان الحمل والولاده بيبوظه الجسم وانت عارف ان بحب احافظ على رشاقة جسم

امير / كان بيسمع الكلام ده وهو مصدوم وقال انتى زعلانه علشان هنتجوز يا زهره

زهراء / لاء مش قصدى كان نفسى تصبر شويه علشان تحوش قرش نعرف نصرف منه بعد الجواز ومش نحتاج لحد يصرف علينا واحنا زى ما احنا اهو عايشين مع بعض طول النهار مش بيفرق بينا غير الليل وبس

امير / بزعل لو على المصاريف متخفيش يا زهره انا راجل واقدر افتح بيت من غير ما احتاج لحد يصرف علينا والليل اللى مش بيفرق معاكى ده انا بقى بيفرق كتير معايه علشان انتى مش فيه زهره سؤال واحد هسألو ليكى انتى بتحبينى بجد ولا الحب ده حب تعود علشان طول عمرنا عايشين مع بعض فى مكان واحد ومن صغرنا الناس كلها عارفه أن احنا لبعض

زهراء / بحبك طبعآ يا امير بس انت مش قادر تفهمنى عايزه اقولك ايه

امير / لو حبك ده حقيقى هتبيعى كل حاجه فى الدنيا وهتشترينى انا يا زهره جسم ايه اللى خايفه عليه من الحمل وعمايل بيت ايه اللى بتكرهيها انا مصدوم فيكى بجد

زهراء / بأنفعال بحبك يا أمير بس برضه كرهت الفقر والعيشه فيه نفسى يبقى معايه فلوس نفسى اعيش معاك ونلف الدنيا كلها نفسى نبقى نايمين ومش عاملين حساب لبكره بزمتك انت بتنام ولا بتقعد تفكر هتجيب حق الشقه اللى هنتجوز فيها منين ولو جبتها هتفرشها ازاى انا بحبك بس عايزه اعيش شبه البنات اللى فى سنى بشوف الناس بتخرج من المولات وهى مش قادره تمشى من الحاجات اللى مشترينها وانا بروح اشترى هدومى من على الرصيف علشان معيش اجيب طقم واحد من اللى فى المولات انا نفسى اعيش بجد مش اندفن بالحياه على وش الارض نفسى أخرج بقى من الحاره دى ونعيش شبه البنأدمين فى شقق فاخمه ولا فيلا تعبت من الفقر يا امير تعبت

امير /وانتى مفكره أن الفلوس هى اللى هتسعدك يا زهره غلطانه ناس كتير معاها ملايين بس بيتمنو يعيشو مرتاحين البال ناس معاها فلوس بس محرومه من حاجات كتير زى الصحه والخلفه ناس معاها فلوس كتير بس مش لاقيه الحب الحقيقى اللى ممكن تبيع الدنيا علشانه ضحك بسخريه وقال غريبه الدنيا دى بالصدفه النهارده قابلت واحده معاها فلوس وعايشه فى فيلا ومش محتاجه حاجه بس مستعده تبيع كل ده فى مقابل انها تعيش مع اللى بتحبه لدرجة قالت انها مستعده تعيش معاه فى اوضه فى شقة اهلو والقدر خلانى برضه اسمعك انتى اللى عايزه كل حاجه مقابل تبيعى قلب حبك بصدق عمومآ يا زهره انا بحبك ولسه متمسك بيكى بس لو وجودى فى حياتك هيكون سبب تعستك مستعد اتعذب وابعد عنك علشان تعيشى سعيده ومبسوطه وسابها وخرج من البلكونه

زهراء/ دموعها نزلت منها وقعدت على الكرسى وقالت انا تعبت كأنى اجرمت أن احلم ان اخرج من الفقر ده محدش فهمنى ولا حد حاسس بيا وقعدت تعيط

امير / خرج وهو باين على وشه الزعل وقال انا يدوب هدخل اغير هدومى علشان انزل الشغل

نبيله / امال فين زهره

امير / فى البلكونه وسابهم ومشى

ساره / مالو ده هما لحقو يفرحو علشان يزعلو وربنا مجانين لما ادخل أشوفها

امينه / وانا هروح اشوف اخوكى جاى يا محمود

محمود / ها ا.ا.اه شويه وجاى

امينه / ماشى يا حبيبى

ريم / انا هدخل انام تصبحو على خير

محمود / ريم

ريم / من غير ما تبص ليه قالت ايوه يا محمود

محمود / كان فيه حاجه كده نستها فى المنهج بتاع تانيه ممكن تفكرينى بيها

ريم / بصت ليه بأستغراب وقالت نعم بقى انا اللى لسه فى تانيه حقوق هفهمك انت ياللى اتخرجت وشغال فى مكتب

محمود /ا.ا.اه وفيها ايه بتحصل

نبيله / مش هتخسرى حاجه يا بنتى لو فكرتى بيها

ريم / بصت ليه بغيظ وقالت ماشى ثوانى ودخلت اوضتها جابت الكتب وقالت عايز تعرف ايه

محمود / طيب تعالى نقعد فى حته هاديه علشان اقدر افهم

ريم / اللهم طولك يا روح اتفضل

قعدو على كنبه بعيد عن اللى قاعدين

محمود / حلو اوى كده

ريم / ممكن تخلصنى بقى وقولى عايز تفتكر ايه

محمود / عايز افتكر امته وازاى وقعت فى حبك

ريم / نعم

محمود / ايه صعبه دى شكلك مش شاطره فى الجامعه

ريم / لا والله وفى الجامعه بقى يدوه امته محمود وقع فى حب ريم اللى هو مزيف اصلا

محمود / والله العظيم ما مزيف

ريم / محمود يا تقول عايز تعرف ايه فى المنهج يا تسبنى اقوم انام

محمود / انتى ليه مش عايزه تصدقينى أن مش بمثل عليكى ومشاعرى صادقه ليكى

ريم / علشان انت واحد كداب لسه من يومين كنت بتقولى ان مفيش حاجه اسمها حب وجاى تقولى دلوقتى بتحبينى طيب اصدقك ازاى بقى نمت وقومت لاقيت نفسك بتحبينى فاجئه انا مش عبيطه يا محمود علشان تضحك عليا

محمود / ايوه يا ريم نمت وقومت لاقت نفسى بحبك ازاى وأمته معرفش انا نفسى مستغرب نفسى وربنا انا مش محمود بتاع زمان طيب بزمتك مش حاسه بالتغير فيا انا عمرى ما كان بيعدى عليا يوم غير وانا خارج مع واحده إنما دلوقتى مش قادر ابص فى وش اى واحده مش شايف قدام عينى غيرك انتى وبس ياريم

ريم / وانا مش مصدقه كلامك يا محمود وياريت بقى تبعد عنى ومش كل شويه نتكلم فى ام الموضوع ده وقامت وقفت وقالت اظن كده قدرت افهمك اللى كنت ناسيه ومشيت وسابته

محمود / مشى أيده على راسه من وراه وقال امممم عناديه جدآ بس على مين وراكى وراكى لحد ما تسلمى وقام وقف ودخل شقتهم

__________________________________

عند ساره وزهراء

دخلت ساره البلكونه لاقتها بتعيط قعدت قصادها على الكرسى وقالت

ساره / مالك يا زوزو فى حد يعيط يوم خطوبته

زهراء/ بصت ليها ومردتش عليها

ساره / طيب عبرى امى طيب مالك

زهراء / مفيش

ساره / ده على اساس اللى فى عينيكى دى مش دموع

زهراء / مخنوقه شويه يا ساره

ساره / بت انتى عبيطه فى حد يتخنق يوم خطوبته على حبيب عمره طيب وربنا انا يوم ما اتخطب هقف على سور البلكونه وارقص من الفرحه بس يجى ابن الورمه بس

زهراء / بصت ليها وبعدين بصت على الشارع وقالت ده سبب كسرتى وحزنى يا ساره طول ما احنا فى الحاره دى عمرنا ما هنعرف نفرح

ساره / طيب تعرفى أن انا عكسك انا بحب الحاره اوى بحب ناسها الطيبه بحب صوت الطاوله على القهوه دى بحب صوت الشباب لما يبقى فى ماتش كوره والشباب تفرح بالجول بحب الست اللى بتبقى قعده بتبيع الخضار على اول شارعنا وكل يوم تصبح علينا واحنا ماشين وتمسى علينا واحنا راجعين بحب عم عبده البقال بحب عم صالح المكوجى بحب صوت السمكرى بحس بالامان اول ما ادخل الحاره عارفه ومتأكده يوم ما حد يفكر يقرب جنبى شباب الحاره هياكلوه اكل علشان انا بنت حارتهم بحب الجدعنه بتاعة شباب الحاره لما امى ولا امك تعدى بشنط تقيله يجرو عليهم ويشلو هما الشنط ويوصلوهم لحد باب البيت ويسألوهم عايزين حاجه تانيه بحب كل حاجه فى الحاره ونفسى أفضل عايشه فيها طول عمرى لان كل حته فيها عايشه جوه منى بذكريتها معايا

زهراء /علشان انتى فقر

ساره / لاء يا زهره مش فقر ده حب واخلاص للناس اللى اتربيت فى وسطهم انتى عمرك ما هتحسى بيقمتهم وانتى قاعده فيها بس يوم ما هتبعدى عنها هتشتاقى لناسها الطيبين وضحكتهم السمحه الصافيه اللى بتطلع من القلب انا عن نفسى مش متخيله ازاى هيجى يوم عليا وابعد عن العيشه دى عن جيرتنا عن قعدتنا مع بعض عن ضحكنا وهزارنا عن الطبليه اللى بنتلم عليها كلنا عن لما يكون فى فرح بنتجمع كلنا ولما يكون فى حزن برضه ايدينا بتبقى فى ايد بعض وبنقوى بعض صدقينى بكره تفتكرى الايامى دى وتتمنى انها ترجع تانى بس هيكون فى وقت وزمن تانى زمن هتكون فيها القلوب مش صافيه زمن محدش بيتمنى الخير لتانى زمن الكل فيه بيقول يلا نفسى ارضى بعشتك علشان متتحرمش عليكى يا صاحبة عمرى تصبحى على خير وخرجت وسابتها

زهراء / بصت على ساره وهى خارجه من عندها وشوحت بأيديها وقالت تيجى ليا الفرصه بس وأخرج من هنا وسعتها هكسر وراه نفسى مية قله علشان مرجعش تانى فيها بلا كلام افلام بتاعك يا ساره الا نسها وريحتها بلا قرف وقامت دخلت اوضتها ونامت

___________________________________

اشرقت شمس صباح يوم جديد بنورها الساطع فى سماء القاهره لتبدأ ابطالنا بالاستيقاظ من نومهم

فى شقة الدمياطى

فى اوضت امير

صحى من نومه بدرى قام دخل الحمام واخد شاور واتوضه ولبس هدومه وخرج اده فرضه وكان لسه كل اللى فى البيت نايمين خرج قبل ما حد يصحه ونزل الشغل

ساره / سمعت صوت الباب بيتقفل قامت من على سريرها وراحت تشوف مين لاقت باب اوضت امير ومحمود مفتوح بصت لاقت سرير امير فاضى عرفت أن هو نزل دخلت عند محمود وقالت

ساره /محمود حوده اصحه يلا

محمود / مسك ايد ساره وقال والله العظيم بحبك يا ريم

ساره / سحبت ايديها منه وقالت الله يحرقك انت وهى قوم يا ابنى انا مش ريم

محمود / فتح عينه بصعوبه ودعكهم وقال بخضه بسم الله الرحمن الرحيم لا تأذينا ولا نأذيك انصرف ابوس ايد امك انصرف

ساره / هو مين ده اللى ينصرف يا مخبول

محمود / اشتم براحتك بس ابوس ايدك انصرف

ساره / مسكته من هدومه وقالت ولا انت شارب حاجه على الصبح ولا ايه

محمود / الصوت مش غريب عليا انت مين

ساره / انا ساره يلا انت هتصيع عليا

محمود / ساره مين يا اخ ده شكل ساره ازاى انتى متكهربه قبل ما تدخلى تصحينى ولا ايه

ساره / هه خفه

محمود / يخربيتك وقعتى قلبى فى رجليه بشعرك الكنافه ده

ساره / بصت ليه وقالت قوم يا بتاع ريم انت كتك القرف مليتو البلد وخرجت من الاوضه وسابته

محمود / استحاله دى تكون بنت ابدآ والمصيبه انها التؤام بتاعى ازاى معرفش ده انا فيا انوثه اكتر منها وربنا

ساره / وقفت على الباب بتاع اوضه وقالت سمعتك على فكره مدام فيك انوثه بعد كده هقولك سماح هههههههههه

محمود /حدفها بالمخده وقال امشى بشعرك ده كتك القرف

ساره / طلعت تجرى وهى بتضحك وبعد كده دخلت المطبخ تحضر الفطار

__________________________________

فى شقة توفيق

فى اوضت زهراء

صحيت من نومها وهى مصدعه بصت فى التليفون لاقت امير متصلش بيها حدفت التليفون وقالت

زهراء / احسن برضه خليك كده متتصلش علطول وقامت من على سريرها وقالت صباح الخير

ريم ونبيله / صباح النور

زهراء / غريبه محدش فيكم زن فوق راسى النهارده

نبيله / حاولنا نصحيكى بس كالعاده مقتوله سبناكى بعد ما تعبنا

زهراء / وهى بتهرش فى شعرها حد فى الحمام

ريم / اخوكى شريف

زهراء / ماشى انا هدخل عند بابا عايزاه فى كلمتين لحد ما شريف يخرج من الحمام

نبيله / كان بيصلى شوفيه خلص ولا لسه

زهراء / ماشى وراحت عند الباب وخبطت ودخلت لاقته ماسك المصحف وبيقراه فيه قالت ادخل ولا مش فاضى

توفيق / صدق بالله وقال تعالى يا حبيبتى

زهره / دخلت وقفلت الباب وراها وقالت بابا كنت عايزه اتكلم معاك فى موضوع امبارح خطوبة امير ليا

توفيق / ايوه يا حبيبتى مالها

زهراء / انا ...................

رواية فتاة انحنت من أجل الحب

الفصل السادس 6 والسابع 7

بقلم دودو محمد

فى شقة توفيق

فى اوضت توفيق

دخلت زهراء لابوها الاوضه وكان بيقراه فى المصحف واول ما شفها صدق بالله العظيم

زهراء / ادخل يا بابا ولا مش فاضى

توفيق / تعالى يا حبيبتى

زهراء/دخلت وقفلت الباب وراها وقالت بابا كنت عايزه اتكلم معاك فى موضوع امبارح خطوبة امير ليا

توفيق /ايوه يا حبيبتى مالها

زهراء / انا مش مستعده للخطوبه دلوقتى

توفيق / ليه يا بنتى امير كويس وراجل بجد واحنا اللى مربينه

زهراء / عارفه يا بابا بس انا لسه مش مستعده للجواز واكون مسؤوله عن راجل وبيت وعيال لسه شويه يا بابا

توفيق / مسك ايديها وشدها وقال تعالى يا حبيبتى اقعدى

زهراء / قعدت جنب ابوها على السرير وقالت ايوه يا بابا

توفيق / متتكسفيش منى مش انتى بتحبى امير

زهراء / بصت على الارض وهزت راسها بمعنى ايوه

توفيق / طيب ليه بقى مش عايزه الخطوبه ده مجرد تلبيس دبل بس وهو قال إن الفرح بعد ما تخلصى تعليمك يعنى عندك وقت كبير تستعدى فيه لجواز

زهراء / ايوه يا بابا بس برضه امير لسه مكونش نفسه وانا مستحيل هرضى اتجوز بأى حاجه لازم اشترى الشقه والفرش اللى على مزاجى وامير مش معاه فلوس دلوقتى والجمعيه اللى هيعملوها دى ولا هتجيب حاجه من اللى نفسى فيها وهيحاولو يجيبو حاجات اى كلام طيب ليه ما نصبر شويه

توفيق / يا حبيبتى لو انتى بتحبيه بجد هتحاولى تلميها علشان تبقى معاه بأى طريقه وبعد الجواز لو انتى شاطره تقدرى تمشى بيتك صح وتجيبى اللى انتى نفسك فيه

زهراء / وانا يا بابا هطلع من فقر اروح لفقر

توفيق / سكت شويه وقال أحمدى ربنا على عيشتك يا بنتى احنا كانت ظروفنا احسن من كده بكتير وموضوع اخوكى شريف اخد اللى ورانا واللى قدمنا حتى المكافأة بتاعة نهاية الخدمه بتاعتى اللى كنت هشلها لجوازك انتى واختك اخدها ولولا المحل اللى فتحته ده والقرشين اللى اخواتك الصبيان بيدوها لامك مكناش لاقينه اللقمه الحاف بس ارجع واقولك احنا فى نعمه من عند ربنا والحمدالله انتو الاربعه اتعلمتو احسن تعليم ودخلتو الكليات اللى نفسكم فيها وامك استحملت معايه كتير ووقفت معايه اكتر واكتر واستغنت عن الدهب بتاعها وادتهونى علشان افتح المحل ده امك ست اصيله ياريت تبقى زيها وفكرى فى غيرك قبل ما تفكرى فى نفسك

زهراء / علشان كده يا بابا مش عايزه اتسرع فى الجواز نعمل قرش حلو لزمن وبعدين نفكر نتجوز

توفيق / وانا اديت كلمه لناس ومستحيل ارجع فيها

زهراء / انت يا بابا مأخدش حتى رأى وافقت علطول

توفيق / علشان اللى اعرفه انكم بتحبو بعض وقولت اكيد انتو متفقين مع بعض على الموضوع

زهراء / يعنى ايه كلامك ده يا بابا هتجوزنى غصب

توفيق / مش غصب وبعدين مهما نلف مش هنلاقى زى امير فى الدنيا راجل بجد ويعتمد عليه وانا لو كنت شايفه واحد كده ولا كده عمرى ما كنت هسمح انك تدخلى عندهم وهو يدخل عندنا وانا عارف ان فى ما بنكم حاجه بس علشان هو راجل وعارف أن هيحافظ عليكى وعمره ما هيقرب ليكى الا بالحلال كنت سايبكم براحتكم

زهراء / ماشى برضه معرفتش انت هتعمل ايه هترفض

توفيق / لاء انا قولتلك اديت كلمه لناس والخطوبه الاسبوع الجاى

زهراء / وقفت وقالت يعنى برضه هتجوزنى غصب

توفيق / غصب ازاى مش انتى لسه قايله بتحبيه وهو بيحبك فين الغصب فى كده

زهراء / بحبه اه بس مش مستعده اتجوز دلوقتى

توفيق / اتعصب وقال يعنى ايه عايزه تقضيها حب وغراميات وخلاص الراجل يبقى محترم ويجى يتقدم بالحلال والبنت هى اللى عايزه تقضيها

زهراء / ربعت ايديها على صدرها وقالت والله دى حياتى وانا حره فيها

توفيق / وقف ورفع أيده وضربها بالقلم وقال بعصبيه دى غلطتى من الاول ان انا دلعتك زياده عن اللزوم بقيتى واحده مش محترمه وعايزه تمشى الدنيا على مزاجك الكلام اللى انا قولته يتسمع فاهمه واياكى تقولى حاجه لامير ولا تزعليه فاهمه

زهراء / حطت ايديها على وشها وقالت انت بتضربنى يا بابا علشان خاطر امير انت عمرك ما عملتها

توفيق / ما هو ده غلطتى أن سبتك تسوقى فيها لحد مبقاش حد قادر يكسرك

الكل دخل يجرى على صوت توفيق

نبيله / فى ايه يا توفيق

توفيق / تعالى شوفى الهانم بنتك بعد ما اتفقنا مع الناس جايه وتقول مش عايزه تتجوز دلوقتى

الكل /بص لزهراء بأستغراب

شريف / ده اللى هو ازاى مش عايزه تتجوزى امير امال ازاى بتحبيه واحنا كالرجاله كنا عارفين وساكتين علشان عارفين أن أمير راجل وهيحافظ عليكى ويصونك لحد ما تبقى فى بيته

زهراء / انا قولت مش مستعده لجواز دى حياتى وانا حره فيها انتو ليه زعلانين بقى

سامح / بعصبيه يعنى احنا كنا عارفين بحبكم وساكتين بالعافيه وجايه دلوقتى وتقولى مش مستعده وحياتك الخاصه ايه كنتى عايزه واحد تقضيها معاه و يحضن ويبوس ويبقى مقطع السمكه وديلها علشان تبقى مستعده ولا عايزه ايه يا ست المحترمه

زهراء / بقولك متغلطش

نبيله / يا بجحتك بت يعنى غلطانه وبتردى على ابوكى واخواتك

زهراء / كده طيب بقى لا متجوزه امير دلوقتى ولا بعدين ها

نبيله / لاء بقى انتى واحشك علقات زمان ومسكتها من شعرها وقعدت تضرب فيها

ريم / راحت هى وشريف وحاولو يخلصو زهراء من ايديها وبعد وقت طويل وبصعوبه قدر شريف يخلصها من ايد امها

شريف / ريم خدى اختك واغسلى وشها ودخليها الاوضه

ريم / حاضر يا أبيه واخدت زهراء ودخلت غسلت ليها وشها ودخلتها الاوضه

نبيله / قعدت على السرير جنب توفيق وقالت والعمل دلوقتى

سامح / هتتجوزه طبعآ الحاره كلها عارفه أن زهره وامير لبعض

نبيله / بس بنتى وعارفها ممكن تقول لامير مش عايزاك وهو مش هيقبل على كرامته أن يتجوز واحده قالت مش عايزه ده لو مقالتش ليه الكلام ده امبارح علشان شكله كان زعلان لما خرج من البلكونه

شريف / لو قالت ليه هعرف منه اكيد هيحكى ليا

نبيله / ساكت ليه يا توفيق هنعمل ايه

توفيق / كلمتنا هى اللى هتمشى احنا عارفين مصلحتها اكتر منها هى راحت ولا جت عيله طيشه ومش عارفه مصلحتها فين

نبيله / وهنمنعها تقولو مش عايزاك ازاى

توفيق / الاسبوع ده متنزلش الشارع خالص وحاولو يقعدو فى وسطكم علشان متعرفش تقولو ،لحد ما يتخطبو ويبقى امير بعد كده يقدر يغيرها رأيها

نبيله / منك لله يا بنتى زى ما انتى واجعه قلبنا معاكى كده

سامح / انا نازل

نبيله / مش هتاكل

سامح / مش عايز وسابهم ونزل

شريف / بص فى الساعه وقال وانا مش هلحق اكل اتأخرت على الشغل يدوب هروح اخبط على امير وننزل

نبيله / طيب كل اى لقمه صغيره

شريف / هجيب اى حاجه من الشارع سلام

نبيله / خلى بالك على نفسك

شريف / ربنا يستر وسابهم وراح عند باب امير وقعد يخبط على الباب

ساره / فتحت الباب وقالت صباح حاير طاير على احلى شيفو فى الدنيا

شريف / صباح العسل يا ساره

ساره / ايه ده فين البت زوزو

شريف / مش هتنزل الجامعه النهارده

ساره / ليه تعبانه ولا ايه

شريف /اه تعبانه شويه الله يكرمك ادخلى نادى امير علشان اتأخرنا على الشغل

ساره / امير نزل من بدرى

شريف / بأستغراب نزل ده اول مره ينزل من غيرنا

ساره / انا برضه استغربت

شريف / ماشى لو جاهزه تعالى اوصلك معايه على السكه

ساره / ايوه جاهزه بس كنت عايزه اطمن على زوزو

شريف / يا بنتى امشى دلوقتى اوصلك ولما ترجعى ابقى اطمنى عليها براحتك

ساره / ماشى وقالت ماما انا نازله

امينه / من جوه ماشى يا حبيبتى

ونزلو الاتنين ركبو تاكسى وصلها الجامعه وراح على الشركه

__________________________________

فى مدرسة البنات

وصلت روز المدرسه فى نفس الوقت اللى وصل فيه سامح واتقابلو على الباب

روز /هاى

سامح / كان متعصب من موضوع أخته بص لروز ومردش عليها وسابها ودخل

روز / اتغاظت وقالت بنأدم قليل الذوق ودخلت وهى هطق منه وقابلت جهاد فى سكتها

جهاد / صباح الشرار اللى طالع من عينك فى ايه يا بنتى

روز / بنأدم عديم الذوق بسلم عليه بصلى ومشى من غير ما يرد عليا انا غلطانه أن نزلت من نفسى وسلمت عليه

جهاد / اكيد المستر صح

روز / وهى المدرسه فيها حد مستفز غيره

جهاد / كويس أن مردش عليكى انا اتوقعت أن لما يشوفك النهارده هيولع فيكى بعد اللى عملتيه فيه امبارح فى الفيلا ده انتى تبوسى ايدك وش وضهر أن متكلمش خالص وسابك

روز / هو كده شاف حاجه من اللي ناويه اعملها فيه ده لسه اللى جاى اصعب بكتير

جهاد / مش عارفه ليه يا بت عندى احساس بيلعب جوه دماغى ان عمرك هينتهى على أيده والله اعلم

روز / هههههههه لاء متخفيش ده هو اللى عمره هينتهى على أيدى

جهاد / اهو انا مش خايفه غير من الثقه الزياده دى

روز / علشان انا واثقه فى اللى بعملو

جهاد / ربنا يستر بقى يلا بينا احسن لو هو دخل قبلنا هنسمع منه كلمتين لوز اللوز والمصحف

روز / اوك يلا ودخلو الاتنين قعدو وبعد شويه دخلت بنت شكلها غريب اول مره روز تشوفها بس كان شكلها مغرور جدآ وماشى معاها بنتين زيها بالظبط وعدت جنب روز ووقعت عليها الكانز اللى كان فى ايديها

البنت / اوبس سورى يا حلوه مكنتش اقصد هههههه

روز / بعصبيه انتى واحده Stupid ازاى تعملى كده

البنت / طيب ليه الغلط بس يا حلوه انا قولتلك سورى

جهاد / خلاص يا عبير امشى وملكيش دعوه بيها

عبير / بلاش انتى تتكلمى يا جهاد احسن ما اعرفك شغلك

روز / انتى شايفه نفسك على ايه ومتقدريش تعملى ليها حاجه

عبير / وانتى بقى اللى هدفعى عنها وهتضربينى بأيه الورقه ههههههههههههه بس منكرش إن خوفت منك اصلك شكلك كيوت اوى معرفش انك وحش وبتخربش كمان ههههههههههه

روز / انتى ايه مشكلتك يعنى انتى اللى غلطانه وبتتكلمى معانا بالاسلوب ده

عبير / اعملك ايه نصيبك كده الكانز وقع منى عليكى غصب عنى

جهاد / عبير ابعدى عنها احسن ما اقول للمستر وانت فهمانى طبعآ وغمزت ليها

عبير / بصت لجهاد وروز بغيظ وقالت الايام جاى كتير واحنا مشرفين مع بعض كتير وهتعرفو مين عبير محجوب وبعدت لروز بوسه فى الهوا وقالت سلام مؤقت يا مزه ومشيت هى والبنتين وقعدت روز تمسح فى هدومها وقالت بغيظ

روز / مين المستفزه دى

جهاد / دى عبير محجوب الفتوى بتاعة المدرسه البنات كلها بتخاف منها ومغروره جدآ زى ما شوفتيها كده ولما بتحط حد فى دماغها بتعقدو فى حياته وشكلها كده حطتنا احنا الاتنين فى دماغها

روز / what وهى ليه هتحطنا فى دماغها وليه البنات بتخاف منها ومدام كده ليه المدرسه مخليها

جهاد / واحده واحده عليا ليه البنات بتخاف منها لانها ممكن تستنا البنت بره المدرسه هى والشله بتاعتها ويمسكوها يقطعوها من الضرب ولازم يسيبو ليها علامه فى جسمها لذكره

والمدرسه ليه ساكته وسيبها علشان ابوها بيظبطهم بالفلوس والهدايا

أما ليه حطنا فى دماغها علشان هى بتكره اللى اجمل منها وانتى طبعآ الواد الأجنبى الشعر الاصفر والعيون الملونه والبياض والجسم المنحوت يعنى مواصفات ملكة جمال العالم وهى متغاظه منك علشان انتى اجمل واشيك منها بس

روز / انا مصدومه من الكلام ده بجد اول مره اسمع واشوف كده اه فى أمريكا بنات كده بس ده خارج المدرسه مش فى المدرسه خالص بس اللى محيرنى ليه اتغاظت منك لما قولتلها هقول للمستر وخافت ومشيت ومين المستر ده

جهاد / بصى يا ستى المستر ده يبقى مستر سامح وليه اتغاظت وخافت علشان ولا اقولك ده موضوع كبير ابقى احكهولك بعدين

روز / NO No please جهاد احكيلى دلوقتى

جهاد / بصى فى المختصر كده طبعآ عبير مغروره وشايفه نفسها اوى واول ما شافت مستر سامح اعجبت بيه اوى وبما أنها جميله ومعاها فلوس كتير فكرت بكده هتكسب المستر بقت تحاول تتكلم معاه وتقرب منه بس المستر وقفها عند حدها وزعق ليها قدامنا كلنا وهى طبعآ مش واخده على كده المدرسين التانين بيحبو دلعها ده طبعآ بس الست هانم معجبهاش قالت لابوها أن هو بيعاكسها وجه ابوها بنفسه المدرسه وطلب أن المستر يمشى من المدرسه ضرورى لأنه بيعاكس بنته طبعآ ده الكلام اللى هى وصلته ليه والمستر اتحقق معاه وهو طلب فرصه يثبت أن هو معملش كده وان هى اللى بتحاول تقرب ليه واتأجل التحقيق وفى يوم جت عبير وقالت للمستر لو عايز التحقيق ده يتلغى يتأسف ليها قدام المدرسه كلها المستر وافق قربت منه وقعدت تلعب فى شعره من وراه وطلبت منه يكونو صحاب المستر برضه وافق حاولت تقرب منه علشان تبوسه وقالت على فكره انا معجبه بيك من اول مره شوفتك فيها ولو كنت قبلت نكون اصحاب مكنتش كدبت قولت انك بتعاكسنى ولا طلبت من بابى يمشيك من المدرسه بعد عنها وقال اللى حصل بقى ومينفعش قعدتك كده علشان محدش يشوفنا وطلب منها تروح على الفصل وتانى يوم الصبح الكل كان مستعد للإعتذار بتاع المستر لكن اتفاجئنا بشاشة عرض كبيره وبيتعرض فيها كل اللى حصل واتضح أن هى اللى كانت بتحاول تقرب ليه وكان بيصورها ساعة ما كانت معاه وأثبت برأته والتحقيق اتلغى والمستر بقى كل ما يدخل هنا ويشوفها يتكلم معاها بأسلوب وحش وهى بقت تخاف منه جدآ علشان كده خافت لما قولتلها أن هقوله ليجرحها قدامك وهى بتحبه على فكره بس هو ولا الهوا وهتموت علشان يسامحها

روز / بس انا مشوفتهاش قبل كده

جهاد / هى كده تيجى المدرسه وقت ما بتحب تيجى بمزاجها وهى فاشله اصلا بتنجح بفلوس ابوها

روز / وهى كده فكرت انها خوفتنى منها ولا تقدر تعمل حاجه وانا ممكن اخلى دادى يوديهم وراه الشمس زى ما بتقولو

جهاد / حلاوتك انت يا خطير

روز / بس الصراحه اللى اسمه سامح ده رخم ويستاهل اللى حصل معاه وفى الوقت ده دخل سامح

جهاد /ششش اسكتى بقى اهو حضر على السيره ربنا يجعل كلامنا خفيف عليه

روز / بنأدم غلس بس الطقم اللى لابسه شيك جدآ وريحة برفانه بشمها من قبل ما يدخل

جهاد / بصت ليه بأستغراب وقالت بصوت عالى نعععععععععم

الكل بص على صوت جهاد

سامح / الغبيه اللى صوتها عالى

جهاد / وقفت وقالت انا الغبيه يا مستر اللى كان صوتها عالى

سامح / كويس أن عارفه نفسك لما ادخل مسمعش نفس حد فيكم فاهمه

جهاد / فاهمه يا مستر

سامح / اترزعى

جهاد / قعدت وقالت اترزعت

وقربت من روز وقالت بصوت واطى افهم ايه من كلامك ده ازاى غلس وازاى شيك وبرفانه حلو انتى عايزه تجنينى

روز / ليه يا جوجو انا اه مش بطيقه بس شهادة حق شيك اوى اوى فى لبسه

جهاد / هو ايه الحوار

روز / مش فاهمه

جهاد / هى الصناره شبكت فى هدومك ولا ايه

روز / انتى ليه بتعقدى الكلام كده انا مش فاهمه عليكى خالص

جهاد / وقعتى فى حب أمه فهمتى كده

روز / وانا شوفت أمه فين علشان احبها

جهاد / نهار اسود ومنيل روز مسمعش نفسك فاهمه احسن وربنا اطخك واطخ نفسى واقول على نفسى شهيدة الغباء ماشى

روز /ضحكت بصوت عالى

سامح / الحماره اللى بتضحك تقوم تقف

روز / موقفتش

جهاد / كلمى يا حماره

روز / No انا مش حماره

سامح / راح عندها وقال انا مش قولت تقفى

روز / انت قولت الحماره وانا مش حماره

سامح / لاء حماره وستين حماره لما تضحكى أثناء ما بشرح تبقى كده

روز / والله انا مش هكتم ضحكتى علشان خاطر حضرتك بتشرح وبيتهيألى انا مضحكتش بصوت عالى اوى كده اللى يخليك تسيب الشرح وتعمل عليها مشكله

سامح / لما بكون بكلمك مترديش عليا وصوتك ميعلاش فاهمه

روز / لاء لما تشتمنى لسبب هيف يبقى لازم ارد عليك و أدافع على كرامتى

سامح / وضحكك أثناء الشرح ده حاجه هيفا

روز / ايوه انا شايفه أن متستهلش انك تعمل كل ده

سامح / مبقاش عارف يرد عليها ويقول ايه قال اتفضل اقعدى واول واخر مره تضحكى أثناء الشرح

روز / قعدت وقالت إن شاءالله

سامح / بصلها بغيظ وسابها وراح يكمل

روز / بنأدم معقد نفسيآ

جهاد / بس انتى خلتيه مبقاش عارف يرد عليكى

روز / بضحكه علشان تعرفى يا بنتى أن انا محدش يقدر عليا ههههههههههههه

جهاد / يخربيت مطنك واطى صوتك يا بت

روز / اوك اوك خلاص نركز بقى احسن شكلى هفشل بسببك وربنا

جهاد /لا والله بسببى ولا بسبب المستر يا رورو ههههه

روز / هههههههه انتو الاتنين

وانتبهو لشرح سامح لحد ما انتهى الوقت ودخل مدرس تانى وانتهى النص الاول من اليوم الدراسى وجه وقت البريك وخرجت روز وجهاد وقعدو ياكلو وبعد وقت خلصو اكل

روز / حاولت تفتح ازازة الميه معرفتش

جهاد /يا اختتتتتتتى على بنات بره خيخه خالص هاتى يا اختى اوريكى بنات البلد جامدين ازاى واخدت الازازه وحاولت تفتحها معرفتش قالت يا كسفتك السوده يا جهاد

روز / مفتحتهاش ليه يا بنت البلد

جهاد / احم اظاهر الراجل اللى بيعها مش مسامح فيها علشان كده مش عايزه تتفتح

روز / لا والله

جهاد / ايوه زى ما بقولك كده

روز / والعمل عايزه اشرب

جهاد /عايزه ايد راجل يفتحها

روز / واحنا نجيب الراجل منين احنا نروح نشترى واحده غيرها وفى الوقت ده كان سامح واقف بعيد عنها وشافته وبصت لجهاد وقالت انا عندى فكره

جهاد / قولى

روز / خديها وروحى للمستر يفتحها

جهاد / مستر مين ده

روز / شاورت على سامح وقالت ده

جهاد / بصت على سامح وقالت على جثتى وبعد شويه كانت واقفه عند سامح وقالت فى سرها اشوف فيكى يوم يا روز يا بنت عم الفوشيه

سامح / خير فى حاجه

جهاد / ها خ.خ.خير طبعآ هو حضرتك بتشوف من ورايا غير كل خير وحضرتك عامل ايه بقى

سامح / تمام الحمدالله

جهاد / يارب دايمآ اشوفك ناجح ومتفوق واسمك مكتوب تملى من العشره الاوائل

سامح / شكرآ وسكت شويه وقال فى حاجه تانى

جهاد / لاء ا.ا.اه لا لا لا اه اه

سامح / لاء ولا اه

جهاد / غمضت عينيها ومدت ايديها بالازازه وقالت بصوت مهزوز م.م.ممكن حضرتك ت.ت.تفتح دى

سامح / اخد منها الازازه وبصلها بأستغراب

روز / كانت ميته على نفسها من الضحك على جهاد

جهاد / فتحت عينيها وقالت ا.ا.انا اسفه البت روز اللى قالت ليا اجى ليك تفتحها لينا منها لله

روز /سمعتها وقالت Stupid

سامح /ررررروز ماشى وفتح الازازه واداها لجهاد وقال خدى

جهاد / ياخد عدوينك يارب واخدت الازازه وطلعت تجرى وراحت عن روز وقالت اشوف فيكى يوم منك لله انا اللى جبته لنفسى ده اخرت اللى يتعرف على بنت جايه من امريكا ده انا كان قلبى هيقف عليا وربنا

روز / ده على اساس انك مقولتيش أن انا اللى بعتاكى

جهاد / يا ماشاءالله ودانك حلوه اهو وبتسمع كويس زعلانه أن قولتلو كده ده كان هاين عليا انط من فوق السور اتفضلى يا اختى اطفحى

روز /No مش عايزه خلاص

جهاد / نعم مين دى اللى مش عايزه وربنا لتشربى بعد ما حطتينى فى ام الموقف ده تنونو وتقولى مش عايزه اشربى يا بت

روز / وهى بتضحك No وطلعت تجرى

جهاد / طلعت تجرى وراها وتقول بت خدى هنا يا بت وربنا لاوريكى يا لون ملهوش لازمه انتى يا روز

وقعدو يجرو وراه بعض وروز كانت بتضحك وفرحانه وكانت شبه الاطفال

سامح / كان واقف بيبص عليها وابتسم على ضحك روز وسرح فى شكلها الطفولى وهى بتجرى لحد ما انتهى البريك وكل واحد راح مكانه

____________________________________

فى شقة توفيق

فى اوضت ريم وزهراء

كانت زهراء نايمه على سريرها وعماله تعيط وكانت قعده قصادها ريم

ريم / أهدى يا زهره

زهراء / بدموع انا تعبت من كتر الاهانه بقى محدش قادر يفهمنى كله شايفنى أن واحده طايشه وانانيه محدش حاول يفهم أن انا واحده طموحه ونفسى اكون احسن وافضل نفسى اعيش على وش الدنيا بدل ما احنا عايشين فى القاع شبه الميتين

ريم / لاء طايشه لما تبيعى حب عمرك علشان شوية كلام فاضى تبقى طايشه ومجنونه كمان امير مليون بنت تتمناه لكن هو مش شايف قصاد عينه غير واحده بس انتى يا زهره وانتى مش شايفه قصاد عينك غير الفلوس والمستوى الراقى اللى نفسك تعيشى فيه

زهراء/ وانا بحبه على فكره واوى كمان لكن لو اتجوزنا فى الفقر ده الحب هيروح ومش هيبقى فيه غير النكد والفقر

ريم / انتى ليه حطه مقياس الحياه فلوس وبس ليه معتقده أن الدنيا دى مفيهاش غير الفلوس ولاغيه كل حاجه مهمه فى الحياه الدنيا فيها حاجات تانيه اهم فى الصحه وفى راحة البال فى الرضا بالمقسوم والقناعه فى بيت كله دفا وحنان وامان

زهراء /يا ستى سبت ليكم كل ده انا واحده نفسى اطلع من العيشه دى انا بالنسبه ليا السعاده كلها فى الفلوس كل حاجه هقدر اجبها بالفلوس

ريم / تقدرى تشترى الحب بالفلوس يا زهره

زهراء / لما ابقى معايه فلوس هقدر اعيش مبسوطه مع اللى بحبه

ريم / وليه متقوليش لما تكونى مع اللى بتحبيه هتكونى سعيده ومبسوطه ايآ كان الظروف

زهراء / امير لو بيحبنى بجد هيفهمنى من غير ما اتكلم

ريم / وهو كل ده مش فاهمك كفايه أن هو عارف كل عيوبك ورغم كده حبك زى ما انتى وشاريكى

زهراء / انا شايفه اللى بعملو صح

ريم / وقفت وقالت خلاص انتى حره انا هعطل نفسى على ايه سلام وخرجت من الاوضه وقالت ماما انا نازله الجامعه

نبيله / والمخفيه اللى جوه

ريم/ مالها

نبيله / لسه على رأيها

ريم / ايوه وشايفه نفسها كده صح

نبيله / اعمل ايه ياربى البت دى هتقصف عمرى بسبب اللى بتعملوا ده

ريم / هى حره انا نازله علشان اتأخرت

نبيله / ماشى خلى بالك على نفسك

ريم / حاضر وخرجت ولسه هتنزل الباب اتفتح بتاع محمود

محمود / صباح الخير

ريم / انت واخدها قصد بقى تستنا وقت ما أنزل وتنزل انت كمان

محمود / الصراحه اه

ريم / ريح نفسك يا محمود انا لسه عند رأى ومش هفكر فيك ياريت تفهم بقى

محمود / انتى اصلا علطول بتفكرى فيا بس عنادك هو اللى منعك تعترفى بده

ريم / واخد قلم اوى فى نفسك على فكره

محمود / عينيكى هى اللى فضحاكى

ريم / والله من كتر معرفتك بالبنات بقيت خبير عيون كمان

محمود / شوفت عيون كتير وياما مشوفتش فى جمال عيونك اقسم بالله

ريم / لاخر مره بقولك ألزم حدودك لو سمحت ولسه هتنزل

محمود / وقف قصادها وقال انا لو اتعديت حدودى مع الدنيا كلها انتى الوحيده اللي عمر ما هعمل معاها كده عارفه ليه علشان انا بحبك بجد واللى بيحب حد بيخاف عليه ويحميه حتى من نفسه وانا بعمل معاكى كده يا ريم بحميكى حتى من نفسى ومش هقبل الهوا الطاير يجى جنب رمش من عيونك

ريم / احم ممكن توسع علشان انزل

محمود / طيب اضحكى حتى فى وشى

ريم / ياريت يا محمود توسع وتسبنى انزل وبلاش شغل المراهقين بتاعك ده

محمود / وسع ليها وقال براحتك يا ريم بس برضه مش هييأس وهفضل وراكى لحد ما تسامحينى

ريم / نزلت خطواتين ورجعت بصت لمحمود وقال بلاش الاسطوانه بتاعتك دى اللى بتقولها علطول لبنات اللى بتعرفهم علشان انا مش زيهم وسابته ونزلت

محمود / مشى أيده على راسه من وراه وابتسم وقال وربنا بحبك وبحب كل حاجه فيكى ونزل وقف تاكسى وراح على مكتبه

_________________________________

فى الشركه عند شريف

وصل شريف الشركه ودخل يبص على امير واول ما شافه راح عنده وقال

شريف / ايه يا ابنى انت ليه مستنتش حد فينا

امير / مفيش يا شريف صحيت بدرى وكنت مخنوق نزلت

شريف / مالك يا أمير

امير / مفيش يا شريف

شريف / وانا عبيط عنك فيك حاجه مزعلك انت متخانق مع زهره

امير / لاء عادى يا شريف مفيش حاجه ما بنا

شريف / بس انت امبارح كان شكلك زعلان وانت خارج من البلكونه

امير / قعد وقال هقول ايه بس يا شريف

شريف / قعد جنبه وطبطب على كتفه وقال قول اللى وجعك يا صاحبى

امير / عينه دمعة وقال اقول ايه اقول إن انا مصدوم من حب عمرى كله مصدوم من البنت اللى حبتها اكتر من الدنيا دى بحالها البنت اللى اعتبرتها بنتى واختى وحبيبتى وكل حاجه حلوه فى حياتى اقولك قلبى اتكسر فى اكتر يوم مفروض ابقى طاير من الفرحه احساس فظيع يا شريف لما حب عمرك تقولك مش عايزاك علشان انت فقير وهنستنا حد يصرف علينا مش قادر اوصفلك الكسره اللى حاسس بيها من جوايا حاسس أن عاجز اوى ورغم كده قلبى واجعنى عليها اوى وزعلان أن مش قادر احقق ليها اللى بتحلم بيه ياريت كانت ايدى فيها كنت حققت ليها أحلامها من قبل ما تطلبها

شريف / ياااااااه يا امير رغم أن وجعتك وكسرتك برضه محمل نفسك ذنب انك مش قادر تحقق ليها أحلامها ملعون ده حب اللى يعمل فى صاحبه كده مش هى اختى بس بجد متستهلش واحد زيك انت راجل بجد يا أمير

امير / انا بحب اختك فوق ما تتصور بحبها لدرجة مستعد اضحى بعمرى كله علشان هى تعيش مبسوطه وسعيده

شريف / وانا بوعدك أن هى مش هتكون غير ليك يا أمير

امير / معتش ينفع يا شريف وانا عارف ومتأكد أن اختك مش هتكون سعيده معايه علشان مش هقدر احقق ليها اللى بتحلم بيه

شريف / زهره طايشه ومش عارفه بتعمل ايه وبتقول ايه بس اللى انا متأكد منه انها بتحبك

امير / بس بتحب الفلوس اكتر يا شريف عمومآ متشغلش بالك انت قوم شوف شغلك

شريف / خبط على رجل امير وقال اجمد يا امير واللى ربنا عايزه هيكون

امير / ونعمه بالله

شريف / وقف وقال هروح انا ومشى طلع على مكتبه بس اتفاجئ لما شاف لميس قعده فى مكتبه دخل وقال السلام عليكم

لميس /وعليكم السلام

شريف / خير يا فندم

لميس / خير تعال اقعد يا شريف

شريف / قعد وقال امرى يا فندم

لميس / انا قولت بدل ما انت مش عايز تيجى مكتبى اجى انا

شريف / والله يا فندم لو حاجه مهمه كنت جيت لحضرتك بس مفيش حاجه مستهله أن اجى المكتب

لميس / بس انا بقى جيت لحد مكتبك ولحاجه مهمه كمان

شريف / ايه هى

لميس / انت يا شريف جيت ليك علشان اشوفك لأنك مهم اوى بالنسبه ليا

شريف / استاذه لميس ياريت بلاش الكلام ده هنا مكان شغل

لميس / خلاص تعال نخرج بعد الشغل

شريف / للاسف مش هينفع انا مش فاضى

لميس / وقفت وقالت شريف مهما كان سبب رفضك ليا هفضل انا متمسكه بيك وهستناك

شريف /يبقى هتستنى كتير اوى وعلى مفيش بلاش تعشمى نفسك بحاجه عمرها ما هتحصل

لميس / اللى خلانى احبك طول السنين دى كلها من غير امل هفضل استناك العمر كله حتى لو مفيش امل وسابته وخرجت من المكتب

شريف / بص على لميس وهى خارجه وبتقفل الباب وقال استنى على مفيش يا لميس انا عمرى ما انفعك ولا انفع اى واحده تانيه

__________________________________

فى الجامعه عند ساره

كانت قاعده فى الكافتيريا بتشرب النسكافيه بتاعها لوحدها وكان قاعد على الطرابيزه اللى قصادها احمد وفى الوقت ده جه واحد من شلة اسلام عند ساره وقال

الشاب / ايه يا جميل قاعد لوحدك ليه النهارده

ساره / بصت ليه بقرف وقالت امشى يلا كتك القرف فى شكلك

الشاب / ليه كده بس يا جميل انا قولت اجى اقعد معاك شويه بدل ما انت قاعد لوحدك

ساره / انت عارف لو ممشتش دلوقتى حالا همسح بكرامتك الارض قدام الجامعه كلها

الشاب / انتى شايفه نفسك على ايه ده انتى حتة بنت جربوعه

ساره / هى مين اللى جربوعه يا عرة الشباب

احمد / تدخل وقال عزت خلاص امشى من هنا ملكش دعوه بيها وبص لساره وقال معلش يا انسه متزعليش

ساره / صقفت وقالت لاء برافو عليك ممثل قدير مفكر هصدق المسلسل الهابط اللى انتو بتعملو ده واقول واو هيرو جاى يدافع عنى واقع فى شباكك انت صح شوية عيال سيس وربنا

احمد / على فكره انا مقصدش كل اللى بتقولى عليه ده بس فعلا انا قومت أدافع عنك وعلى العموم احنا اسفين ليكى امشى يا عزت وياريت بعد كده ملكش دعوه بيها وبصلها ومشى

ساره / قعدت وقالت شوية شباب عايزه الحرق اقسم بالله كتكم القرف وشربت النسكافيه بتاعها وقامت دخلت المحاضره بتاعتها

___________________________________

فى شقة توفيق

فى اوضت زهره

كانت قعده فى اوضتها وتليفونها رن مسكته بالهفه بتحسبه امير بس لاقته رقم اسلام ردت عليه بخيبة أمل وقالت

زهراء/ الو

اسلام / زوزو عامله ايه

زهراء / كويسه

اسلام / ولما انتى كويسه ليه مجتيش النهارده الجامعه انا قلقت عليكى

زهراء /مفيش بس متخانقه معاهم فى البيت

اسلام / حد مد أيده عليكى

زهراء / بابا وماما

اسلام / ممكن اعرف السبب

زهراء / علشان فى عريس اتقدم وانا رفضه وهما موافقين

اسلام / عريس

زهراء / ايوه ليه اتصدمت

اسلام / ها و.و.ولا حاجه بس بقولك انا عامل عيد ميلادى بكره فى الفيلا بتاعتى وكنت عايزك تيجى تحضرى البارتى

زهراء / اجى فين الفيلا عندك لواحدينا

اسلام / لاء طبعآ هيبقى موجود الشله كلها

زهراء / بس ماما وبابا مش هيرضو

اسلام / قولى عيد ميلاد واحده صحبتك

زهراء / هما مش هيرضو ينزلونى خالص

اسلام / ممكن تقولى ليهم انك موافقه على العريس وشويه وقولى ليهم أن عندك عيد ميلاد واحده صحبتك اكيد هيوافقه لأنك وافقتى على العريس

زهراء / مش عارفه بقى

اسلام / ده اول طلب ليا انك تيجى تحضرى عيد ميلادى هتكسفينى

زهراء / بس انا معرفش الفيلا

اسلام / هبعت ليكى السواق بالعربيه

زهراء / لالالا احسن ما حد يشوف العربيه

اسلام / لالالا متخفيش ابعتى بس العنوان وانا هخليه يوقف ليكى فى مكان بعيد عن بيتكم

زهراء / اوك بس هقول الاول لماما وبابا واشوف هيعملو ايه معايه

اسلام / حاولى هستناكى ماشى

زهراء / ربنا يسهل سلام

اسلام / سلام وقفل مع زهره وقال لازم الحق نفسى بدل ما العصفوره تطير منى من غير ما استنفع بيها

زهراء / قعدت تفكر بطريقه تطلب من امها و ابوها انها تروح عيد الميلاد وقامت وقفت وخرجت من الاوضه وقالت ماما ماما عايزه اقولك حاجه

نبيله / عايزه ايه

زهراء / انا ................

رواية فتاة انحنت من أجل الحب

الفصل السابع 7 والثامن 8

بقلم دودو محمد

فى شقة توفيق

خرجت زهراء من اوضتها تنادى على امها وتقول

زهراء / ماما ماما انتى فين كنت عايزه اقولك حاجه

نبيله / عايزه ايه

زهراء / انا عايزه اروح عيد ميلاد واحده صاحبتى

نبيله / بزمتك انتى واحده عندها دم عكننتى على كل اللى فى البيت وجايه وبكل برود تطلبى تروحى عيد ميلاد واحده صحبتك ده ايه الجبروت اللى فيكى ده يا بت

زهراء / وفيها ايه يعنى يا ماما لما اطلب اروح عيد الميلاد اشمعنا يعنى ريم مسموح ليها تروح وتيجى براحتها وانا لاء

نبيله / علشان ريم عاقله ومش طايشه زيك فى تصرفاتها

زهراء / لاء علشان انتو بتحبوها اكتر منى

نبيله / بطلى هبل وعبط تصرفاتك اللى بتخلينا نعمل معاكى كده

زهراء / لاء لو هى عملت ايه هتبقى برضه صح لكن انا علطول غلط

نبيله / ادخلى بت اوضك مفيش نزول

زهراء / مش انتو كل مشكلتكم أن رفض الجواز دلوقتى من امير موافقه بس سبونى اروح عيد الميلاد بالله عليكم

نبيله / انتى من غير ما تقولى رأيك برضه الموضوع كان هيمشى بموافقتك أو من غير

زهراء / يا سلام يعنى كنتو هتجوزنى غصب عنى

نبيله / فين الجواز الغصب ده انتى بتحبيه وهو بيحبك يبقى ازاى بقى مغصوبين وادخلى اوضك بقى علشان مقطعش شعرك فاهمه

زهراء / والله العظيم اللى بتعملوا فيا ده ظلم ودخلت اوضتها وقعدت على السرير ومسكت تليفونها واتصلت على اسلام وقالت بزعل ايوه يا اسلام ماما مش راضيه تنزلنى

اسلام / لاء ابوس ايدك حاولى بأى طريقه انتى لازم تيجى بكره ضرورى

زهراء / وهما مش راضين اعمل ايه اهرب يعنى

اسلام / طيب لو خليت واحده تكلم امك على أساس أنها صحبتك وعيد ميلادها هترضى ولا هترفض برضه

زهراء / معرفش والله مش متوقعه ردت فعلها

اسلام / تمام شويه وهخلى اختى تكلمها وتطلب منها انك تحضرى عيد ميلادها

زهراء / شكرآ اوى يا اسلام

اسلام / على ايه بس ده انا اللى مفروض اشكرك انك هتشرفينى فى عيد ميلادى

زهراء / تمام مستنيه تليفون اختك لماما سلام

اسلام / مع السلامه وقفل معاها وقال ده أنا اروح فيها بعد كل ده تطير من ايدى من غير ما استنفع بالجسم ده

زهراء / قفلت مع إسلام وفى الوقت ده الباب اتفتح ودخلت ساره وقالت

ساره / زوزو سلامتك شيفو قال انك تعبانه وعلشان كده منزلتيش النهارده الجامعه

زهراء / لاء الحمدالله انا كويسه بس هما اللى منعنى أخرج

ساره / بأستغراب منعينك ليه وايه اللى فى وشك ده انتى حد ضربك هو فى ايه اللى بيحصل بالظبط

زهراء / ماما وبابا ضربونى علشان طلبت منهم يتأجل موضوع اخوكى شويه

ساره / موضوع ايه قصدك على الخطوبه

زهراء / ايوه

ساره / غريبه وليه عايزه تأجلى هو انتى مش فرحانه أن أمير اتقدملك

زهراء / انتى هتعملى زيهم يا ساره محدش فيكم فاهمنى

ساره / لأن صعب حد يفهمك يا بنتى منين بتحبى امير وبتموتى فيه ومنين مش عايزه تتجوزيه

زهراء / علشان صعب دلوقتى يا ساره دلوقتى اخوكى مكونش نفسه واللى هيدخل بى الجمعيه ولا هيعمل حاجه وانا عايزه اجيب اللى نفسى فيه وبعدين اخوكى عايز يجيب شقه هنا فى الحاره وانا عايزه أخرج منها بأى طريقه يبقى يصبر شويه ويعمل قرش نتجوز بيه براحتنا مع انى عارفه لو اخوكى عاش عمره كله يكون فى نفسه واتجوزنا برضه اخرتنا الفقر والعيش الحاف

ساره / كانت بتسمع الكلام ده وهى مصدومه وقالت اوعى تكونى قولتى الكلام ده لامير

زهراء / هزت راسها بمعنى ايوه

ساره / وقفت بعصبيه وقالت ليه كده حرام عليكى يا شيخه واجعتى امير بالكلام ده الكلام ده صعب على اى راجل ومدام انتى عارفه أن اخويه فقير وصعب يعيشك العيشه اللى بتحلمى بيها ليه خلتيه يحبك واوهمتيه انك بتحبيه حرام عليكى بجد كسرتيه وكسرتى نفسه والله اعلم هو عامل ايه دلوقتى بجد انا مستغرباكى عشنا عمرنا كله مع بعض واول مره اعرف انك واحده انانيه بشكل ده دوستى على قلب امير اللى حبك بصدق وكان مش شايف حد غيرك قدامه علشان الفلوس العن ابو الفلوس يا شيخه اللى تخلى الناس تخسر بعضها وعلى فكره انا مش زعلانه علشان هو اخويه بس اى حد كان مكانه كنت هزعل عليه كسرت النفس وحشه ربنا ما يورهالك بجد مش لاقيه كلام اقولو ليكى عن اذنك يا صديقة عمرى كله وخرجت وسابتها

زهراء / شوحت ايديها وقالت كل واحد هيعمل عليا حكيم وفاهم الدنيا عنى بلا قرف بقى

________________________________

عند روز خلص وقت الدراسه

وخرجت هى وجهاد من المدرسه بس كانت عبير وشلتها مستنياهم بره المدرسه

اول ما جهاد شافتهم قالت

جهاد / حلو اوى ده احنا شكلنا هننطحن طحن مقولكيش عليه

روز/ اجمدى كده ومتخفيش من حد امشى بس واعملى نفسك مش شيفاهم

ومشو الاتنين بس جت عبير وقفت قدامهم وقالت

عبير / على فين يا حلوين

روز / بقولك ايه متفكريش أن الحبه بتوعك دول هيخوفونى منك No انا مش بخاف من حد على فكره

عبير / يا كيوتى شكلك كيوت اوى وانتى بتتكلمى وصعبان عليا اوى الوش اللى هيتبهدل كمان شويه ده وانتى يا جوجو مش سامعه ليكى نفس يعنى

جهاد / على فكره انتى كبنأدمه ضعيفه وبتتحامى فى شلة البنات الواقعه دى

عبير / شايفه أن القطه السيامه دى شجعتك وقوة قلبك بس متفرحيش اوى كده انتو الاتنين هتتقطعو

روز / هههههه شكلك نسيتى اللى المستر عمله فيكى

عبير / مسكتها من شعرها بغيظ وقالت انتى كده لعبتى فى عداد عمرك يا حلوه

روز / اه شعرى سيبى يا غبيه شعرى

عبير / هههههه اه شعرى هو ده اللى ربنا قدرك عليه

جهاد / لو جدعه خليهم يسبونى وانا هعرفك مقامك

عبير / يا مامى انا خوفت الحقونى ههههههههههه وبصت للبنات وقالت عرفوها شغلها أما الحلوه دى سبوها ليا انا اللى هقوم معاها بالواجب دى معاها جنسيه امريكا برضه ههههههههههه

ولسه بترفع ايديها وهتضرب روز سامح تدخل ومسك ايديها

سامح / عبير ايه اللى انتى بتعمليه ده

عبير / بخوف ا.ا.المستر

سامح / شد روز من ايديها عنده وشد جهاد وقال اياكى تفكرى تمدى ايدك عليهم حسابك هيكون معايه انا فاهمه

عبير / ح.ح.حاضر

سامح / بص لروز وجهاد وقال امشو قدامى

روز / بصت لعبير بتحدى

عبير / بصت ليها بغيظ وحلفت لنفسها لتنتقم منهم ومشيت هى والبنات

روز / وقفت عند العربيه بتاعتها وقالت ميرسى يا مستر

سامح / العفو بس بعد كده ملكيش دعوه بالاشكال دى

جهاد / احنا معملناش ليها حاجه هى اللى بتجر شكالنا لوحدها

سامح / طبعآ يا جهاد انتى عارفه دى مين واهلها مين وانا دلوقتى لحقتكم بس ممكن تستناكم فى مكان بعيد عن هنا وانا سعتها مش هعرف احميكم

جهاد / عندك حق يا مستر

سامح / يلا كل واحده تروح على بيتها

روز / تعال اوصلك معايا بالعربيه

سامح /لاء شكرآ

روز / ليه بس ما السواق هيوصلك الاول عند بيتك وبعد كده يوصلنى

سامح / قولتلك شكرآ متشغليش بالك بيا وان شاءالله هجيلك بكره علشان الدرس وسابهم ومشى

روز / عاااااااا مغرور اوى شايف نفسه على ايه مش عارفه انا

جهاد / يا اختى اتنيلى واحمدى ربنا لو مكنش هو كان زمنا مطحونين بلا نيله

روز / على فكره بقى انا مكنتش خايفه منهم خالص

جهاد / يا شيخه روحى كده ده تلاقيكى عملتى بى بى على روحك من الخوف

روز / نعمممممم

جهاد / حلاوتك يا جامد بنت البلد بدأت تخرج اهو

روز / دى واحده امممم انا مش عارفه بتقولوها اربى ازاى اللى هى مرشوحه

جهاد / ايه مرشوحه دى اكله ولا ايه نظمها

روز / اللى هى بتفضل تتكلم وتزعق فى الشارع وصوتها بيبقى عالى

جهاد / شرشوحه اسم الله عليكى يا اما وده من ايه سخنيه كانت عندك ولا تخلف بالوراثه

روز / What

جهاد / شرشوحه خلتيها مرشوحه حرام عليكى ضيعتى اللغه

روز / مش عارفه ليه من دون البنات عرفتك انتى وصحبتك ده اكبر عقاب ليا

جهاد / ليا ولا لحمه ضانى هههههههههه

روز / هه خفه اركبى اوصلك معايه

جهاد / اللهى تنسترى وتنسعدى وينصرك على من يعاديكى ياروز يا بنت ام روز يارب

روز / ايه يا بنتى انتى كان عندك ميول تطلعى شحاته ولا ايه

جهاد / هههههههه بابا تملى يقولى كده ههههههههههههه

روز /هو انتى باباكى شغال ايه

جهاد / بيشتغل نفسه هههههههههه يا لهههههوى عليا وعلى خفة دمى سكر وربنا

روز / انتى واخده فى نفسك قلم على فكره

جهاد / قلم ولا مسطره هههههههه احيه يا ابو سوسو احيه ده انا خطيره وربنا ههههههههه

روز / جهاد من النهارده مش عايزه اعرفك

جهاد / طيب بكره تعرفينى عادى ههههههههههه

روز / لسه هتطلع العربيه

جهاد / خلاص خلاص هتكلم جد وربنا انا بابا عنده مجموعة شركات الجهاد للبناء والتعمير

روز / واو مسمي الشركات على اسمك

جهاد / اه شوفتى الوكسه بابا قال لماما لو جبتى بنت هسمى شركاتى علي اسمها راحت الوليه مكدبتش خبر وجايبه ليه البت اللى هو انا راح ادبس وسماها بأسمى

روز / ياريتها كانت فسطتتك

جهاد / ايه ايه انتى قولتى ايه ،ايه التلوث السمعى ده

روز / فسطتتك

جهاد / ياريت امك هى اللى كانت فسطتتك وريحتنا من الأشكال الضاله دى وقالت بصوت واطى استغفر الله العظيم سامحنى يارب البت زى لهتت القشطه وبعد كده قالت اسمها فطستك يا عار على البلد

روز / سورى يعنى أحمدى ربنا أن بحاول اتكلم اربى من غير كلام انجلش كتير

جهاد / حامده من قبل ما اشوف شكلك وربنا

روز / ازاى بتتكلمى كده زى يعنى

جهاد / قصدك بتكلم زى الناس اللوكال عادى يا بنتى خلى البساط أحمدى مش بحب البنت اللى تقعد تترسم على الناس اللى اقل منها وتقعد تقول بابى جاب ليا عربيه بابى جاب ليا مش عارفه ايه اللى هى زى شخصية عبير دى بتتباها تملى بفلوس ابوها مع أن مفروض نراعى مشاعر الناس اللى اقل مننا لانهم مش ذنبهم أن هما اتولدو فقره وبعدين ناس كتير فقره بس اغنيه بعزت نفسهم وكرامتهم على فكره مستر سامح فقير جدآ بس الصراحه عنده عزت نفس مشوفتهاش على حد

روز / افتكرت موقف الفلوس لما مرضاش ياخد زياده عن حقه وقالت عندك حق يا جوجو انا شفت ده بنفسى

جهاد / الفقير فقير الاخلاق والمبدأ مش فقير الفلوس

روز / طلعتى عندك مشاعر واحاسيس زينا يا جوجو

جهاد / ليه حد قالك عنى عديمة الاحساس

روز / فشر يا جوجو

جهاد / حلو يجى منك اهو بتلقطى الكلام علطول على اخر السنه هخليكى توقفى بمطوه على اول الشارع

روز / ههههههههههههه مشكله بس تصدقى كلامك صح انا من بكره هعمل زيك ومش هاجى بالعربيه وهمشى معاكى واركب تاكسى عادى

جهاد / جدعه يا بت

روز / بس تعالى النهارده اوصلك واهو اعرف مكان بيتك

جهاد/ ماشى وركبت مع روز العربيه وصلتها الفيلا عندهم وراحت على الفيلا بتاعتهم

__________________________________

فى الشركه عند شريف وامير

خلص شريف الشغل ونزل عند امير وقال

شريف / خلصت يا أمير

امير / ايوه

شريف / طيب يلا بينا نتمشى شويه بدل ما نروح على البيت من دلوقتى

امير / عندك حق مليش نفس اروح البيت دلوقتى

لميس / جت من وراهم وقالت ممكن اجى معاكم

شريف وامير / بصولها بأستغراب

لميس / مالكم مستغربين كده انا طلبت منك يا شريف نخرج بعد الشركه قولتلى مشغول واهو خارج انت وامير

شريف / بس خارج انا وراجل مش انا وواحده

لميس / هتفرق معاك يعنى

شريف / اكيد

لميس / بلعكس مش هتفرق معاك خالص والله ولا ايه رأيك يا أمير

امير / انا عن نفسى معنديش مشكله هتنورينا والله

لميس / اهو شوفت يلا بقى

شريف / بص لامير بغيظ

امير / بصوت واطى جرب وشيل الخوف ده من تفكيرك والله ما فى حاجه

لميس / يلا علشان نوقف تاكسى

شريف / وايه غصبك تركبى تاكسى وانتى معاكى عربيتك

لميس / لاء عادى اوقات كتير بركب تاكسى لما يكون العربيه عطلانه منى وانا مبسوطه مش زعلانه أن هركب تاكسى مدام معاك اقصد معاكم

امير / امشى بقى يا ابنى ومشو التلاته وراحو قعدو على كافيه وطلبو اتنين قهوه وواحد عصير والتلاته كانو ساكتين

لميس / انتو هتفضلو ساكتين كده كتير

شريف / والله احنا كده لو كان عجبك لو مش عجبك تعالى اركبك تاكسى وامشى

لميس / لاء عجبنى عجبنى

امير / وقف وقال هتمشى شويه اشم شوية هوا

شريف / لسه هيقف وقال استنا هاجى معاك

امير / منعه يوقف وقال لاء خليك انت عايز اكون لوحدى شويه

شريف / متروحش رن عليا اجيلك ونروح مع بعض

امير / ماشى وقرب جنب ودن شريف وقال خف على البت شويه لميس بتحبك بجد يا شريف ومستعده تبيع الدنيا كلها علشانك وشيل اللى فى دماغك لان مبقاش ليه وجود

شريف / ربنا يسهل

امير / خبط على كتفه وبص لميس طمنها بعينيه وسابهم ومشى

شريف / قعد ساكت ومش بيتكلم

لميس / شريف

شريف / لو زهقتى امشى

لميس / انا عمرى ما ازهق من وجودى جنبك ده انا بتمنا من ربنا ابقى جنبك علطول

شريف / تانى يا لميس

لميس / عمرى ما هييأس يا شريف حبك مخلى نفسى طويل اوى ومعاك انشالله لآخر العمر مش هزهق ولا همل

شريف / انتى ليه مش عايزه تقتنعى أن عمرى ما هحبك

لميس / لأنك بتحبنى اصلا

شريف / وانتى ضحكه على روحك بكده يعنى

لميس / لاء مش بضحك على نفسى يا شريف بس بجد بحس انك مشدود ليا وفى حاجه ليا جواك بس برضه فى حاجه منعاك من انك تدخل العلاقه دى وهو ده السبب اللى نفسى اعرفه واخد بأيدك لبر الامان

شريف / سكت ومردش عليها

لميس / اتكلم يا شريف وانا وعد منى محدش هيعرف حاجه

شريف / مردش عليها وبص الإتجاه التانى

لميس / يا شريف رد عليا طيب انت حبيت واحده وغدرت بيك سابتك باعتك

شريف / اتعصب وقام وقف ومسك لميس من دراعها بعصبيه وقال انتى مين انتى علشان تدخلى فى اللى ملكيش فيه وعايزه تعرفى كل حاجه فى حياتى اول واخر مره تتكلمى وتدخلى فى اللى ملكيش فيه احسن قسمآ بالله هتشوفى وش تانى غير اللى تعرفيه فاهمه وحدفها على الكرسى وحط الفلوس على الطرابيزه وسابها ومشى

لميس / دموعها نزلت منها على إهانته ليها قدام الناس كلها وجت تقف الدنيا لفت بيها ووقعت على الأرض اغمى عليها والناس اخدتها وراحت بيها المستشفى

____________________________

عند امير

كان ماشى فى الشارع وبيفكر فى زهره وعينه دمعت وقال

امير / ليه يا زهره ليه تكسرينى وتوجعينى اوى كده عملت ليكى ايه غير أن وهبة حياتى ليكى كنتى انتى بالناس كلها عندى ضحكتك دوا جروحى دمعتك كأنها نار بتمشى فى جسمى لو قولتى الاه بتهزى كل كيانى مش ذنبى أن فقير مش ذنبى أن عايش فى حاره لو كان بأيدى كنت بقيت اللى انتى نفسك فيه يا زهره بس ما باليد حيله وفى الوقت ده تليفونه رن بص لاقه رقم شريف رد عليه وقال ايوه ياشريف

شريف / بعصبيه انت فين يا أمير

امير / مالك يا ابنى متعصب كده ليه

شريف / انت فين علشان اجيلك

امير / انا مش بعيد عنك هتلاقينى عند (.......)

شريف / ماشى انا جيلك وقفل معاه وبعد وقت قصير كان وصل عند امير وكان فيه كرسى قعد عليه وهو متعصب

امير / فى ايه يا ابنى مالك وفين لميس

شريف / متجبليش سيرتها يا أمير

امير / ليه ايه اللى حصل

شريف / حكا ليه اللى حصل ما بنهم

امير / يخربيتك يا ابنى انت غبى ليه تعمل فى البنت كده لميس بتحبك بجد يا شريف ما تخدهاش بذنب غيرها مغلطتش لما كانت عايزه تساعدك تخرجك من اللى انت فيه

شريف / بعصبيه والكلام هيخرجنى من اللى انا فيه كفايه بقى يا امير اللى حصل ما صدقت الناس نسيت اللى حصل

امير / صوابعك كلها مش زى بعضيها يا شريف

شريف / كلهم واحد

امير / صدقنى هتندم بجد على لميس لما تضيع من بين ايديك صعب لما تلاقى واحده مستعده تضحى بكل حاجه علشان خاطر اللى بتحبه والدليل اختك يا شريف العكس بتاع لميس اختك استغنت عنى علشان نفسها تكون غنيه وتعيش مستوى اجتماعى راقى انما لميس ايه لميس قالت ليا مستعده تسيب الفيلا والفلوس اللى عند ابوها وتعيش معاك فى اوضه فى بيت اهلك بس تكون جنبك ومعاك حافظ على النعمه اللى فى ايدك ومتبقاش زى اختك لما ضيعت الحب الحقيقى من بين ايديها

شريف / بكسره والحب ده هيعيش بعد ما تعرف الحقيقه

امير / انت اللى مصعبها على نفسك مفيش حاجه من دى يا ابنى والله كل شئ انتهى

شريف / بكسره مش مستعد اتكسر تانى يا أمير انا عايش حياتى كده وراضى

امير / بس انت بتحبها يا شريف

شريف / وايه فايدة الحب من غير

امير / قطعه وقال قولها وهى لو بتحبك بجد هتفضل معاك وجنبك

شريف / خلاص يا أمير معدش ينفع خلاص يلا بينا

امير / يلا وراحو وقفو تاكسى وروحو على البيت

_________________________________

فى الجامعه عند ريم

خلصت محاضرتها ولسه هتخرج من الباب وقفت سلمى فى وشها وقالت

سلمى / انا مش عارفه ازاى بتقدرى تخدعى الناس بوشك ده

ريم / اللهم طولك ياروح فى ايه تانى مش خلصنا من ام الموضوع ده

سلمى / لاء مخلصناش علشان انتو كدابين ومش مخطوبين لان لو انتو مخطوبين بجد فين الدبله اللى فى ايديكى سيبك من دى ازاى واحد خاطب واحده ومش بيوصلها ولا يجى يخدها من الجامعه بتاعتها

ريم / كده ظروف مش فاضى وبعدين انتى بتدخلى فى اللى ملكيش فيه ليه

سلمى / علشان انتى خطفتيه منى

ريم / كام مره أقولك انا مخطفتش حد وياريت بقى تبعدى عن سكتى وفى الوقت ده جه محمود وقال

محمود / حبيبتى معلش اتأخرت عليكى وبعدين بص على سلمى وقال فى حد اتعرضلك

ريم / وهى مضايقه لاء

محمود / طلع دبله من جيبه وقال انا زعلان منك يا ريمو كده نسيتى دبلتك امك بعتتها ليكى ومسك ايديها ولبسها ليها ومسك ايديها وخرجو من الجامعه

ريم / اتصدمت من اللى حصل

سلمى / بصت عليهم بغيظ وقالت ماشى يا محمود هعرفك مين سلمى وخرجت ركبت عربيتها ومشيت

عند محمود وريم

ريم / سحبت ايديها بعصبيه وقالت انت ازاى تسمح لنفسك تمسك ايدى كده وايه الدبله اللى انت حطتها فى صوبعى دى

محمود / انا اسف بجد بس كنت جاى اطمن عليكى علشان كنت متأكد أن سلمى مش هتسيبك فى حالك وبالصدفه سمعتها بتتكلم على الدبل جبت واحده مش دهب حقيقى علشان اثبت ليها انك خطيبتى ومدهاش فرصه تمسك حاجه عليكى ومسكت ايدك علشان أكد انك خطيبتى

ريم / انا زهقت بجد من اللى بيحصل ده دخلتنى فى لعبه مليش دعوه بيها بسبب سرمحتك مع البنات وخلتنى اعمل اكتر حاجه مش بحبها الكدب بسببك بعمل كل حاجه مش بحبها ارحمنى بقى يا اخى من افلامك دى وشوف حالك بعيد عنى

محمود / بجد انا اسف والله مكنتش اقصد كل ده وصدقينى بندم على كل حاجه عملتها غلط زمان وياريت كنت شوفت حبك من زمان كان حاجات كتير اتغيرت ارجوكى يا ريم متبعديش عنى انا اتغيرت علشانك وبقيت واحد تانى

ريم / وانا مش بتاعت خروج ودخول ولا الكلام الفاضى ده يا محمود انا الحمدالله بخاف ربنا وعمرى ما غضبته وعلاقتى بيك من غير اى ارتباط حرام

محمود / اتقدملك ونعمل خطوبتنا مع امير وزهره

ريم / برضه مش هينفع

محمود / ليه

ريم / اول سبب انا لسه مش واثقه فيك ومش متأكده من انك نهيت علاقتك بكل البنات بجد

والسبب التانى انت لسه على اول الطريق ومحتاج وقت على ما تظبط نفسك فى موضوع المصاريف

محمود / والله العظيم والله العظيم انا نهيت كل علاقاتى بالبنات وعينى مبقتش تشوف غيرك وبكره الايام تثبتلك كلامى اما بقى موضوع المصاريف احنا هنلبس دبل بس ودول أمرهم سهل لكن الفرح هنستنا لما انتى تخلصى اكون انا اثبت نفسى فى الشغل وكونت نفسى

ريم / بص لا ده وقته ولا ده مكانه ووقفتنا فى الشارع اصلا غلط عن اذنك

محمود / استنى اوصلك ما انا كده كده مروح البيت

ريم / لاء اسفه انا هركب تاكسى لوحدى وهروح لوحدى

محمود / مشى أيده على شعره من وراه وقال اللى يريحك بس سبينى انا اوقفلك التاكسى واركبك واطمن عليكى

ريم / ماشى

محمود / وقف تاكسى وركبها وحاسب السواق وبصلها وقال خلى بالك على نفسك

ريم / ماشى

التاكسى مشى وقعد محمود يبص على التاكسى لحد ما اختفى وحط أيده على راسه من وراه وشاط الارض برجله وقال

محمود/ امته بقى هتحنى يا ريم رغم عارف ومتأكد انك بتحبينى بس عنادك منعك من انك تعترفى بكده وشويه ووقف تاكسى وروح هو كمان على البيت

__________________________________

فى بيت توفيق

كانت نبيله فى المطبخ بتحضر الاكل وتليفون البيت رن خرجت تجرى من المطبخ وردت على التليفون وقالت

نبيله / الو مين معايا

البنت / حضرتك مامت زهره

نبيله / ايوه انا مين معايا

البنت / انا صحبتها فى الجامعه وكان ليا طلب عندك يا طنط

نبيله / قولى يا حبيبتى

البنت / انا عيد ميلادى بكره وهعمل حفله صغيره انا والبنات وكنت عايزه زهره تيجى شويه

نبيله / كل سنه وانتى طيبه يا حبيبتى بس والله ابوها مش هيرضى

البنت / بليز يا طنط بالله عليكى ولو مش عايزه تنزليها لوحدها انا اجى اخدها من عند البيت ولما يخلص عيد الميلاد هخلى الباب يوصلها لحد عندكم

نبيله / لاحولا ولا قوة الا بالله مش عارفه اقولك ايه يا بنتى

البنت / وافقى بالله عليكى هى ساعة زمن

نبيله / سكتت شويه وقالت ماشى بس متأخروهاش هناك

البنت / ميرسى يا طنط ومتخفيش هى ساعة زمن واحده مش هتتأخر

نبيله / ماشى يا حبيبتى ومره تانيه كل سنه وانتى طيبه

البنت / وانتى طيبه يا طنط سلام

نبيله / مع السلامه وقفلت مع البنت ودخلت الاوضه عند زهراء وقالت انتى يا بت صحبتك اتصلت بيكى علشان عيد ميلادها بكره

زهراء / بأستغراب صحبتى وافتكرت كلام اسلام قالت ا.ا.اه ما هو ده عيد الميلاد اللى قولتلك عليه وانتى مش راضيه تخلينى اروح

نبيله / انا وافقت انك تروحى بس هى ساعة زمن واحده لو اتأخرتى هقطع شعرك فاهمه

زهراء / وقفت وقالت بفرحه بجد شكرآ يا أحلى ماما فى الدنيا كلها وحضنتها وقعدت تبوس فيها

نبيله / يا بت كفايه ربنا يصبرنى على جنانك

زهراء / قعدت تزغزغ فيها وتقول وربنا عسل وقمر ومزه كمان

نبيله / هههههههه يا بت اختشى يا بت ههههههههه وبعدت عنها وقالت ربنا يعوض عليا عوض الصابرين فيكى وسابتها وخرجت من الاوضه

زهراء / قعدت تتنطط فى الاوضه وتقول وهروح عيد الميلاد وهروح عيد الميلاد

ريم / دخلت وقالت انتى اتجننتى ولا ايه يا بنتى سيباكى بتعيطى ارجع الاقيكى بترقصى وبتضحكى ده من ايه ده

زهراء / ايه حرام لما اضحك وافرح شويه

ريم / ربنا يفرحك تملى وسابتها ودخلت الحمام

زهراء / لازم بقى اشوف طقم يكون شيك اخر حاجه فتحت الدولاب ووقفت قدامه وقالت بزعل شيك ايه بس كل اللبس قديم ومفهوش حاجه عدله بس اعمل ايه اشوف اى زفت فستان قديم وخلاص يارب توب عليا من العيشه دى بقى ياربى واختارت فستان حالته ساليمه الى حدآ ما وحطته على الكرسى وقعدت على السرير تعمل ضوافيرها

________________________________

فى إحدى المناطق الراقيه

توجد فيلا كبيره فاخمه مكتوب على بابها عائلة محجوب بداخلها الفرش الراقى والأثاث غالى الثمن

فى إحدى الاوض

اسلام / عملتى ايه امها وافقت

عبير / يايى دى بيئه جدآ وشكلهم ناس لوكال اوى ايه عجبك فيها دى ما البنات كتير قدامك

اسلام / ما انتى مشوفتهاش حتة بنت تحل من على حبل المشنقه وبعدين يعنى لوكال ولا مش لوكال انا هنسبهم انا هاخد منها اللى فيه النصيب وهقولها امك فى العش ولا طارت

عبير / على فكره يا اسلام انت من كتر البنات البيئه اللى بتقابلهم طريقة كلامك بقت زيهم الصراحه بقت حاجه وحشه خالص

اسلام / خليكى انتى فى شغل فتوة الحاره اللى انتى بتعمليه ده عند المدرسه مع شوية البؤساء اللى معاكى

عبير / بس ليا برستيج هناك محدش يقدر يفتح بؤقه بكلمه معايه كلهم بيخافو منى

اسلام / يا جامد انت يا مسيطر

عبير / وبعدين انت بتقول على البنت دى حلوه اوى مع أن انا متأكده أن مفيش حد فى جمالى تلاقى بس نظرك ضعيف ابقى البس نضاره

اسلام / اممم ملقوش فى الورد عيب قالوله يا احمر الخدين

عبير / لوكال اوى اوى يعنى

اسلام / المهم بكره تيجى تقعدى شويه لحد ما تطمن وبعد كده تخلعى فاهمه

عبير / زى كل مره حفظت وربنا لازم قبل كل بنت تدينى الدرس

اسلام / بفكرك الله أحسن ما تقعدى وتضيعى عليا الليله البت جاى ليها عريس وعايز اسبق انا بدل ما تضيع منى

عبير / ماشى يا عريس مبروك مقدمآ صح بابى لسه مرجعش من السفر

اسلام / لسه بس بعت ليا وليكى فلوس

عبير / واووو فلوس وساكت فين هما هات

اسلام / بعتهم على حسابك يا ذكيه

عبير / اه صح احسن حاجه فى بابى عايش مكبر دماغه فى كل بلد شويه ويبعت لينا الفلوس اللى محتاجنها لا يقول رايحين فين ولا جاين منين ويومين ينزلهم اجازه ويرجع يسافر تانى

اسلام / بس تعرفى سعات كتير بتمنا نبقى عندنا عيله زى الناس يعنى ماما متجوزه واحد تانى ومش بنشوفها غير كل سنه مره وبابا مسافر علطول وبرضه مش بنشوفه غير مرتين تلاته فى السنه عمرنا ما قعدنا على سفره مع بعض ناكل مع بعض زى ما بنشوف فى الافلام

عبير / يا عم كده احسن كل واحد عايش بمزاجه مش نقصين تحكمات احنا كده فى السليم تصبح على خير يا عريس

اسلام / ههههههههههه وانتى من أهله

عبير / خارج

اسلام / ايوه

عبير / ماشى وسابته ودخلت اوضتها تنام

اسلام / لبس هدومه وخرج يسهر زى كل يوم

________________________

جه الليل واتجمعو زى كل يوم ماعدا امير وساره رفضو يخرجو من الاوضه

شريف / امال فين امير وساره

امينه / مش راضين يخرجو ياكلو مش عارفه مالهم الاتنين جم وكل واحد دخل اوضه ومن ساعتها مش راضين يخرجو منها

نبيله / بصت على زهره وبعدين بصت لامينه وقالت هو امير حكالك حاجه امبارح

امينه / لاء مرضاش يتكلم ولبس هدومه ونزل السوبر ماركت يستلم الورديه بتاعته

شريف / بص على زهره بغيظ وقال منها لله اللى كانت السبب

زهراء / ولا كأن الكلام عليها كانت بتاكل ومكبره دماغها

امينه / بصت لزهره وقالت متعرفيش يا بنتى امير ماله

زهراء / بكدب احم لاء يا طنط معرفش

امينه / ولا ساره

زهراء / ولا ساره معرفش مالهم الاتنين

امينه /ربنا يطمن قلبى عليكم يا اولادى

وفى الوقت ده خرج امير من الاوضه وقال

امير / انا نازل يا ماما

امينه / اقعد كل طيب

امير / بص على زهراء وعينيهم اتقابلت مع بعض وبعدين قال لاء مليش نفس وسابهم ونزل

امينه / اه لو اعرف فيك ايه يا ابنى

محمود / تلاقى بس مخنوق شويه يا ماما سبيه شويه وهو هيروق

امينه / ربنا يريح باله يارب

زهراء / اول ما عينيها جت فى عين امير حست بنغزه فى قلبها معرفتش ايه سببها بس كان نفسها تعيط قامت وقالت الحمدالله شبعت تصبحو على خير انا هدخل انام

امينه / وانتى من أهله يا حبيبتى

زهراء / خرجت من عندهم دخلت شقتهم ودخلت اوضتها واترمت على سريرها وقعدت تعيط وبعد شويه دخلت عليها ريم مسحت دموعها وعملت نفسها نايمه

ريم / نامت على سريرها ومسكت الدبله اللى محمود لبسها ليها وقعدت تبص عليها وابتسمت ليها وبستها واخدتها فى حضنها وقالت بحبك اوى اوى يا محمود وحطت الدبله تحت المخده وغمضت عينيها ونامت

___________________________

بقلمى دودومحمد

🌹فتاة انحنت من أجل الحب🌹

🌷الفصل الثامن🌷

اشرقت شمس صباح يوم جديد بنورها الساطع فى سماء القاهرة لتداعب اشاعتها الصفراء العيون السوداء

ليبدأ امير بفتح عيونه على مداعبة أشعة الشمس له حط أيده على وشه وقال

امير / انت يا ابنى اقفل الستاره فتحتها ليه

محمود / في ايه يا ابنى اول مره تنام النوم ده كله

امير / ليه الساعه كام

محمود / عدت عشره

امير / قام يجرى وقال نهار اسود وازاى سيبنى نايم كل ده

محمود / كلنا حاولنا معاك وانت نايم مقتول ولا هنا

امير / قام يجرى وقال اتأخرت على الشغل هقولهم ايه بس راحت عليا نومه وازاى شريف يسيبنى كده

محمود /شريف ده عينه طلعت معاك وآخر ما زهق قال هيروح هو ويستأذن ليك النهارده

امير / مش هينفع مروحش خالص يدوب البس واروح متأخر شويه ودخل الحمام اتوضه وخرج اده فرضه ولبس هدومه ونزل يجرى وقف تاكسى وراح على الشركه واول ما دخل حس بحاجه غريبه فى الشركه اتصل بشريف

شريف / بزعل ايوه يا أمير

امير / هو فى ايه فى الشركه فى حركه غريبه

شريف / بزعل لميس

امير / بقلق مالها لميس

شريف / اغمى عليها امبارح لما سبتها فى الكافيه والناس اخدوها المستشفى وتعبانه من امبارح وبيقولو عندها انهيار عصبى

امير / حرام عليك انت السبب فى اللى حصلها ده مبسوط دلوقتى حسيت برجولتك دلوقتى قولتلك يا شريف حافظ عليها

شريف / خلاص يا أمير انا مش مستحمل كلمه زياده اللى فيا مكفينى

امير / وهتعمل ايه دلوقتى برضه مصمم على رأيك ولا هتروح ليها المستشفى

شريف / مش عارف لسه يا امير انت جيت تحت

امير / ايوه

شريف / انا نزلك وقفل معاه ونزل عند امير وقعد وحط راسه ما بين ايديه

امير / ولما انت بتحبها اوى كده وزعلان علشانها ليه عملت فيها كده

شريف / اسكت يا أمير اسكت بتتكلم وكأنك متعرفش حاجه

امير / قولتلك انت اللى وهم نفسك على الفاضى يا ابنى انت بقيت كويس بس شيل الخوف والرهبه اللى عندك دى

شريف / بدموع يا أمير انا واحد عاجز يعنى عمرى ما هرضه اظلمها معايه

امير / والدكتور قالك انك بقيت كويس بس انت خوفك اللى عامل فيك كده روح ليها المستشفى يا شريف وعرفها حالتك واشرح ليها الأسباب وصدقنى هى هتختارك

شريف / حتى لو هى رضيت على نفسها كده انا مش هقبل كده ليها

امير / خبط على كتفه وقال اسمع كلامى يا شريف علشان متخسرهاش

شريف / سكت ومتكلمش

امير / قوم روح ليها يا شريف قوم

شريف / وقف واخد نفس وقال لازم اتشجع واعمل كده علشان ارتاح

امير / ربنا معاك يا صاحبى

شريف / نزل وركب تاكسى وراح المستشفى عند لميس وسأل على الاوضه بتاعتها وراح عند الباب بتاعها وكان الباب مفتوح حته صغيره قعد يبص عليها من الحته دى وصعبت عليه لما كانت بتعيط واتفاجئ بأيد على كتفه

ست كبيره / ايوه يا ابنى

شريف / بخضه احم ا.ا انا كنت جايه أسأل على لميس شغال معاها فى الشركه

الست الكبيره / انا جدتها

شريف / اهلا بحضرتك انا شريف

الجده / انت بقى شريف

شريف / حضرتك تعرفينى

الجده / عز المعرفه اتفضل يا ابنى ادخلها

شريف / م.م.ماشى عن اذنك ودخل عند لميس

لميس / كانت قعده بتعيط وبصه قصادها اول ما شافت شريف مصدقتش نفسها وقالت ش.ش.شريف

شريف / عامله ايه

لميس / بدموع ا.ا انا دلوقتى بقيت كويسه ا.ا.انت موجود معايه فى الاوضه بجد

شريف / ايوه يا لميس انا موجود معاكى فى الاوضه

لميس / ا.ا.اقعد على الكرسى يا شريف

شريف / مشى وقعد جنبها على السرير

لميس / مكنتش مصدقه نفسها أن شريف قريب اوى منها لدرجه دى

شريف / لميس انا اس

لميس / حطت ايديها على بؤقه وقالت لاء يا شريف متتأسفش علشان مهما عملت مش بزعل منك ابدآ

شريف / شال ايديها من على بؤقه وقال لازم اتكلم وانتى لازم تسمعينى علشان تعرفى انا ليه عملت معاكى كده

لميس / لاء خلاص مش عايزه اعرف لو ده هيزعلك انا كفايه عليا انك جيت ليا النهارده يا شريف

شريف / لازم اتكلم يا لميس لحد هنا وكفايه لازم تعرفى انا ليه رافض اعلقك بيا انا وسكت شويه وبعدين قال انا مريض يا لميس

لميس / مريض عندك ايه يعنى

شريف / بص على الأرض وعينه مكسوره وكلها دموع وقال انا عاجز جنسيآ

لميس / بصت ليه بأستغراب ومتكلمتش

شريف / الحكايه كلها بدأت وانا شاب فى الجامعه مره وانا مروح البيت عربيه خبطتنى والخبطه جت فى الجزء اللى من تحت والاسعاف اخدتنى المستشفى وبعد الكشف وكده قالو أن عندى كسر فى عضمة الحوض وكسر فى رجلى وشرخ فى دراعى وقعد شهور اتعالج وبعد ما صحتى اتعافت وبقيت كويس رجعت الجامعه تانى وقابلت واحده زميله ليا وحبينا بعض واتخطبنا واتفقنا بعد ما نتخرج هنتجوز وفعلا حبينا بعض لدرجة الجنون واتخرجنا وكنت بشتغل قصاد الجامعه وقدرت اكون نفسى واجيب شقه وافرشها وجه يوم الفرح واتجوزنا وبليل حاولت اقرب منها بس معرفتش سألت ابويه قالى ده شئ طبيعى بيحصل مع التوتر وطلب منى اصبر شويه وفعلا عملت كده بس بعد كده حاولت كتير وكانت نفس النتيجه لحد ما امير اقترح عليا اروح اكشف وروحت فعلا كشفت وكانت سعتها الصدمه الدكتور طلب منى تحاليل واشعه وعملتها وقلى وسكت شويه وبعدين كمل كلامه بصعوبه وقال قلى أن عندى عجز وسألنى اذا كان حصلى حادثه قبل كده ولا لاء ولما حكيت ليه قلى أن هو ده اللى سبب ليا العجز سألته مليش علاج قلى فى بس برضه عندى مشكله تانيه ظهرت فى التحاليل أن انا صعب اخلف يعنى عاجز وفى نفس الوقت مبخلفش يا سلمى دموعه نزلت منه وقال انتى متخيله قد ايه صعبه على اى راجل أن يعرف خبر واحد من دول انا بقى عندى الاتنين

لميس / طيب ما اخدش علاج

شريف / اخد بس الدكتور قلى انا هاخد وقت على ما ابقى سليم من العجز إنما الخلفه نسبة الشفا فيها 30% بس

لميس / ها وبعدين ايه حصل مع مراتك

شريف / طبعآ كانت لازم تعرف حالتى بس صدمنى موقفها معايه انا كنت ناوى اسبها تعيش حياه طبيعيه مع حد غيرى مع أن صعبه عليا اقسم بالله بس متعودتش اكون انانى بس اللى صدمنى أن هى أول ما عرفت طلبت منى الطلاق محاولتش تتمسك بيا حتى ولو بالكدب المهم طلقتها وأبدت من هنا المشاكل على الشقه والفرش والكلام ده انا مكنتش شاغل بالي بكل ده بس هما طلعو ناس ازبل من الزباله ادتهم الفرش كله بس الطمع الأكبر كان فى الشقه يعنى كتعويض أن بنتهم أطلقت بنت بنوت رفض طبعآ بس جم عملو عندنا حكايه فى الشارع وقالو بعلو صوتهم أن بنتهم بنت بنوت وان انا مش راجل متخيله كسرتى وهما بيقولو قدام اهل الحاره كلها ان انا مش راجل كانت صعبه اوى بالنسبه ليا ونظرات الناس ليا كانت بتقتلنى ودخلت فى دور انهيار عصبى وكانت حالتى صعبه وقعد شهور على كده لحد ما امير قالى أن الشركه عندكم محتاجه ناس لقسم المحاسبه فى الشركه وجيت قدمت اوراقى واتقبلت ومع الوقت الناس نسيت بس انا طبعآ عمرى ما انسى بقيت بحاول اضحك وأتكلم مع الناس عادى بس من جوايا بموت يا لميس واخد قرار مع نفسى عمرى ما هضعف قدام واحده ولا هحط نفسى فى موقف محرج زى اللى حصلى زمان عرفتى ليه انا رافض ادخلك حياتى

لميس / بس انا مش مهم أى حاجه عندى اهم حاجه اكون جنبك وعايشه معاك فى بيت واحد مش عايزه اكتر من كده اقسم بالله شريف انت وجودك جنبى هو ده معنى الحياه

شريف / مستحيل اظلمك معايا يا لميس مستحيل انسينى احسن هتتعبى شويه بس بكره تقابلى انسان يستهلك بجد وتعيشو مع بعض احلى حياة زوجيه وتجيبو اطفال يملو عليكم الدنيا

لميس / مش عايزه الدنيا دى يا شريف انا عايزاك انت انت هتكون ليا جوزى وابنى وانا هكون ليك مراتك وبنتك ده كفايه عندى

شريف / ابوس ايدك يا لميس متصعبهاش عليا اكتر ما هى

لميس / انت بتحبنى صح

شريف / سكت وبص الإتجاه التانى

لميس / حطت ايديها على خده وخليته يبص ليها وبصت فى عينيه وقالت انت بتحبنى صح

شريف / رغم كنت واخد عهد على نفسى ان عمرى ما اخلى قلبى يدق لواحده تانى بس انت غير يا لميس قلبى دق ليكى امته وازاى معرفش بس كل اللى اعرفه ببقى مبسوط لما بشوفك واشوف ضحكتك

لميس / اترمت فى حضنه وعيطت وقالت وانا والله العظيم بحبك وحياة اغلى حاجه عندك متبعدش عنى والكلام اللى انت قولته محدش هيعرفه عندنا غير انا وانت بس

شريف / اتفاجئ بحركة لميس واتحرج وحاول يبعد عنها بس هى كانت ماسكه فيه جامد طبطب على ضهرها وقال لميس ميصحش كده حد يدخل علينا

لميس / اتكسفت وبعدت عنه وقالت اسفه اندفعت بمشاعرى

شريف / مفيش مشكله بس محبتش حد يشوفك معايا بالوضع ده

لميس / مسكت أيده وقالت على فكره يا شريف انا تيته عارفه كل حاجه هى اللى ربتنى بعد ماما الله يرحمها وبعتبرها صحبتى وبقولها على كل حاجه وعلطول بكلمها عليك

شريف / انا فعلا شوفتها ولما قولت ليها أن انا شريف ردت عليا وقالت هو انت بقى شريف انا استغربت هى تعرفنى منين بس دلوقتى عرفت

لميس / تعرف انا مجنونه بحبك لدرجة أن بكلم الدبدوب عنك وسعات بقف قصاد المرايا وبكلم نفسى عليكى

شريف / سحب أيده من ايديها وقال خايف تندمى فى يوم من الايام يا لميس لما تشتاقى للاطفال ولا لما انتى

لميس / قطعته وقالت مش عايزه حاجه غير ده وشاورت على حضنه وقالت انام طول الليل فيه واسمع دقات قلبك

شريف / لميس ان

لميس / قطعته وقالت على فكره لو حاولت تطلع أعذار تانى لبعدك عنى هخطفك واتجوزك غصب انا مجنونه واعملها

شريف / يا بنتى الحكايه صعبه جدآ على فكره انتى ناسيه فرق المستوى الاجتماعى اللى ما بنا الناس هتفكرنى متجوزك على طمع وابوكى ازاى هيرضه يجوزك ليا وانا صعب اقدر اعيشك نفس المستوى وانتى صعب تتعودى على مستوى أقل

لميس / لاء عندنا مش بيبصو لموضوع المستوى ده بابا مدام شايفنى بحبك وعايزاك يبقى مش هيمانع أما انا مش عايزه المستوى ده ولا عايزه فلوس عايزاك انت يا شريف وايدينا فى ايد بعض نبنى حياتنا ومستقبلنا وانا يا سيدى مليش اى طلبات هى اوضه بسرير بالدولاب الف حمد وشكر على كده بس أسمى يبقى لميس حرم شريف توفيق

شريف / ضحك وقال على فكره انتى مجنونه اوى

لميس / البركه فيك انت اللى لحست مخى وخلتنى كده بحبك

شريف / وقف وقال انا همشى وانتى بقى سيبك من جو المستشفيات ده واخرجى منها الشركه عايزاكى علشان تنور بيكى

لميس / يا سلام هوا ثوانى ادخل البس هدومى واجى معاك الشركه

شريف / هههههههههههههه تيجى معايه فين يا مجنونه انتى تخرجى النهارده على البيت عندكم تستريحى ومن بكره تنزلى ماشى

لميس / تمام يا فندم هههههههههه

شريف / خلى بالك على نفسك ومشى عند الباب ولسه هيفتح الباب

لميس / شريف

شريف / بصلها وقال نعم

لميس / بحبك

شريف / ههههههههه مجنونه وخرج من الاوضه وسابها ودخلت جدتها وشافت الابتسامه على وش لميس قالت

الجده / يارب دايمآ اشوفك سعيده ومبسوطه

لميس / بفرحه اخيرآ يا تيته حس بيا واخيرآ قال ليا على جزء من مشاعره انا فرحانه اوى اوى يا تيته

الجده / ربنا يسعدك يا حبيبتى ويحققك ليكى كل امالك يارب

لميس / حاجه واحده بس اللى عايزاها يا تيته اكون مراته وجنبه طول العمر افتح عينى على ملامح وشه وهو نايم جنبى يبقى هو اول صوت تسمعه ودنى هى دى السعاده اللى بتمناها يا تيته

الجده / بفرحه ربنا يحققهالك يا بنتى يارب

__________________________

فى بيت توفيق

بدأت زهره تحضر نفسها للحفله بليل وفى الوقت ده دخلت عليها امها الاوضه وقالت

نبيله / ايه اللى حطاه على وشك ده يا بت

زهراء / ده ماسك يا ماما علشان بليل الحفله

نبيله / ليه محسسانى انك رايحه تتجوزى مش حفلة عيد ميلاد

زهراء / يا حبيبتى لازم اكون اخر شياكه بنات الجامعه كلهم هيجو ولازم اكون انا احلى واحده فيهم

نبيله / عوض عليا عوض الصابرين يارب بدل ما تيجى تساعدينى فى البيت وقفه تتمرقعى قدام المرايا

زهراء / وانا من امته يا ماما ليا فى شغل البيت ما انتى عارفه مش بحبه

نبيله / وهتعملى ايه لما تتجوزى يا موكوسه

زهراء / هبقى اتوكس على وكستى ممكن بقى تسبينى اشوف اللى ورايا

نبيله / هقول ايه والقول ضايع ربنا يهديكى ويصلح حالك يا بنت بطنى يارب وسابتها وخرجت

زهراء / بس حلو اوى كده اشطفه بقى و اظبط الباقى لازم اكون احلى واحده النهارده بس فى الوقت ده التليفون بتاعها رن برقم اسلام ردت عليه وقالت هاى يا اسلام

اسلام /عامله ايه يا مزتى

زهراء / الحمدالله

اسلام / انا هبعت ليكى اختى كمان شويه تجيبك معاها بالعربيه

زهراء / دلوقتى

اسلام / ايوه مالك مصدومه كده

زهراء / لاء ابدآ بس لسه بدرى اوى على عيد الميلاد وماما ممكن مترضاش وانا كمان لسه مجهزتش نفسى

اسلام / امك سبيها على عبير اختى اما انتى انا عايزك تيجى بهدوك عادى مش عايز تشغلى بالك بأى حاجه للحفله

زهراء / ازاى مش فاهمه

اسلام / هتفهمى لما تيجى يلا سلام يا مزه

زهراء / مع السلامه وقفلت معاه وهى مستغربه وقالت قصده ايه بى مشغلش بالى وهزت كتفها ودخلت تشطف وشها وبعد وقت قليل وصلت عبير للعنوان بالعربيه وبصت على البيت بقرف وطلعت السلم خبطت على باب امير فتحت ليها امينه

امينه / ايوه يا بنتى

عبير / هاى يا طنط زهره موجوده

امينه / شقة زهره الشقه اللى فى الوش دى

عبير / اه ميرسى عن اذنك ومشيت وسابتها

امينه / بصت ليها بأستغراب وقفلت الباب

عبير / راحت على شقة زهره وخبطت على الباب وفتحت ليها نبيله

نبيله / ايوه يا بنتى

عبير / حضرتك مامت زهره

نبيله / ايوه مين انتى يا حبيبتى

عبير / انا صحبتها اللى كلمتك امبارح فى التليفون اللى عيد ميلادها النهارده

نبيله / اه يا حبيبتى اتفضلى كل سنه وانتى طيبه

عبير / وانتى طيبه يا طنط ممكن اخد زهره معايه محتاجها تساعدنى فى تحضير الحفله وانا بعتبر زهره اختى

نبيله / ايوه يا حبيبتى بس لسه بدرى اوى

عبير/ معلش يا طنط محتاجها

نبيله / بس متأخرهاش بليل

عبير / لالالا هتكون عندك بدرى

نبيله / ماشى يا حبيبتى ادخلى ليها وقوليلها

عبير / شكرآ يا طنط ومشيت بس دخلت اوضت شريف وسامح واتفاجأت بصورة سامح اخدتها ومسكتها وبصت ليها بأستغراب وقالت صورة المستر بتعمل ايه هنا بس اتفاجأت بصوت نبيله ووقعت من ايديها الصوره على الارض

نبيله / مش دى الاوضه ياحبيبتى الاوضه التانيه

عبير / ا.ا اه سورى بحسبها هى الاوضه عن اذنك وسابتها ودخلت اوضت زهراء

زهراء / اتفاجأت وقالت انتى مين

عبير / بصت على الاوضه بقرف وبصت على زهراء من فوق لتحت وقالت انتى بقى زهره

زهراء / ايوه انا انتى مين

عبير / انا عبير اخت اسلام

زهراء / بجد منورانى والله وراحت تسلم عليها

عبير / مدت حرف ايديها وقالت هاى ميرسى يا حبيبتى

زهراء / اتحرجت وقالت احم ماشى اتفضلى اقعدى على ما اقول لماما

عبير / انا قولتلها وهى وافقت وطلبت منى ابلغك تجهزى

زهراء / نطت وقالت بفرحه هو ده ثوانى اجهز وانزل معاكى علطول

عبير / اسلام بيقولك البسى اى حاجه دلوقتى

زهراء / اه ما هو قالى ماشى هجهز بسرعه

عبير /احم زهره كنت عايزه أسألك سؤال

زهراء /اسألى

عبير / هى الاوضه اللى جنبك دى بتاعة مين اصل دخلت فيها غلط

زهراء / اه دى بتاعة اخواتى الصبيان

عبير / انتى عندك اخوات

زهراء / ايوه عندى اخويه شريف الكبير وسامح الوسطانى الأكبر منى واختى ريم الاصغر منى

عبير/ سامح

زهراء / ايوه ماله

عبير / ها و.و.ولا حاجه اجهزى يلا

زهراء / دخلت الحمام تجهز نفسها

عبير / يا سلام على الفرص لما تيجى للواحد لحد عنده ده انا ايه هصورها فيديو محترم واوريه لسيادة المحترم ههههههههههههه

زهراء / دخلت الاوضه وقالت انا جاهزه يلا بينا

عبير / اوك يلا

زهراء / ماما انا نازله مع صحبتى

نبيله / خرجت من المطبخ وقالت اوعى تتأخرى فاهمه

زهراء / حاضر سلام بقى وخرجت من الباب مع عبير

نبيله / حطت ايديها على قلبها وقالت يا ترى قلبى مقبوض عليها ليه ربنا يستر يارب ويكفيها شر طريقها يارب ووقف ليها ولاد الحلال زهراء بنت نبيله يارب ودخلت تكمل الاكل فى المطبخ

_____________________________

فى الجامعه عند ساره

كانت قاعده وحزينه على اخوها امير وشربت النسكافيه وقامت دخلت المحاضره بتاعتها

احمد/ كان قاعد مراقبها وشايفها حزينه ومهمومه كان نفسه يقوم يسألها بس كان عارف ردة فعلها معا ايه وشوية وجه عزت صاحبه وقال

عزت / ابو حميد قاعد هنا لوحدك بتعمل ايه

احمد / مفيش صدعت شويه قعد اشرب فنجان قهوة وانت يعنى مش واقف مع إسلام والشله ليه

عزت/ اسلام مجاش النهارده

احمد / ليه

عزت / هو انت متعرفش

احمد/ اعرف ايه

عزت / اسلام النهارده عامل عيد ميلاده انا بحسبك عارف وجاى الحفله

احمد / ازاى عيد ميلاده النهارده وهو كان بيحتفل بيه الشهر اللى فات اكيد الموضوع فيه بنت زى ما بيعمل تملى

عزت / اشطا عليك ما انت عارف اهو النهارده اسلام هيبقى عريس ابن المحظوظه كان نفسى أوقع صحبتها ويبقى هما الاتنين فى يوم واحد

احمد / بأستغراب صحبتها مين وهى مين دى

عزت / يا ابنى اللى انا كنت بعكسها وانت تدخلت

احمد / افتكر وقال قصدك ساره اللى بتقعد هى وصاحبتها كل يوم هنا

عزت / الله ينور عليك اسلام جاب صاحبة ساره النهارده الفيلا على أساس عيد ميلاده وشويه والكل هيمشى وهو هيعمل الواجب ماانت عارف يا ابنى

احمد / كان مصدوم ومش عارف يتصرف ازاى

عزت / هتيجى بليل

احمد / بص ليه وسابه وقام من على الطرابيزه

عزت / ده ماله ده ربنا يشفى

____________________________

فى فيلا اسلام

وصلت زهراء مع عبير ونزلت من العربيه وكانت عماله تبص على الفيلا من بره بأعجاب ومش مصدقه نفسها انها موجوده جوه الفيلا دى

عبير / يلا يا بنتى وقفتى عندك ليه

زهراء / ها ا.ا اه انا جايه اهو ودخلت مع عبير الفيلا من جوه وانبهرت بجمالها ومشيت ايديها على الحيطه ببطئ وكانت حاسه نفسها انها بتحلم وقالت لنفسها ده احنا مدفونين بالحياه يجو يشفو الفيلا عامله ازاى ويعرفو انا بحلم ليه تملى اكون معايا فلوس كل اللى كان بيقول عليا طماعه وانانيه لو شافو المكان ده هيتمنو يعيشو عمرهم كله فيه

اسلام / زهره يا زوزو

زهراء / ها ا.ا اسلام ازيك ومدت ايديها ليه

اسلام / مد أيده وسلم عليها وقال فينك يا بنتى عمال اكلمك وانتى ولا هنا

زهراء / سورى مأخدش بالى محروجه وكده

اسلام / لا تتحرجى ايه بس اعتبرى الفيلا بتاعتك واتحركى فيها براحتك

زهراء / ش.ش.شكرآ دى بقى الفيلا بتاعتك

اسلام / ايوه دى الفيلا بتاعتى انا بتاعة الحفلات وكده يعنى

زهراء / ماشاءالله جميله جدآ

اسلام / عيونك انتى اللى اجمل واحلى

زهراء / ش.ش.شكرآ

اسلام / اطلعى مع عبير اختى فوق وهى هتوريكى الاوضه اللى هتقعدى فيها

زهراء / ل.ل.لا شكرآ انا هقعد هنا لحد معاد الحفله واسفه ملحقتش اجيب ليك هديه

اسلام / وجودك معايا دلوقتى اجمل واحلى من مليون هديه ويا ستى اطلعى مع عبير فوق دى بنت زيك مفهاش حاجه وعلشان تبقى براحتك

عبير / تعالى يا زهره معايا

زهراء / ماشى وطلعت مع عبير الاوضه وانبهرت بجمال الاوضه والفرش بتاعها

عبير / بصى دى الاوضه اللى هتقعدى فيها لحد معاد الحفله فى ناس من مركز التجميل زى ما انتو بتقولو كده هتيجى تظبطك من كله ومسكت فستان كان محطوط على السرير وقالت اسلام جايب ليكى ده بجميع مستلزماته لما يخلصو البسيه

زهراء / مسكت الفستان عجبها جدآ بس قالت تحفه بس مفتوح اوى وقصير جدآ اتكسف ألبسه

عبير / على فكره ده كده محترم امال لما تشوفى الفساتين بتاعة البنات اللى هتيجى النهارده هتقولى ايه اعملى بس زى ما اسلام عايز ودخلو الناس اللى هيجهزوها وقالت يلا هسيبك بقى تجهزى وانا كمان هروح اجهز باى وخرجت من الاوضه وسابت زهراء

______________________________

فى فيلا روز

وصل سامح الفيلا ونزلت ليه روز وهى لابسه هدوم قصيره كالعاده وكانت قمت الجمال

سامح / بص عليها وهى نازله انبهر بجمالها وسرح فيها لحد ما وصلت ليه روز وقالت

روز / هاى يا مستر

سامح / كان سرحان فيها ومردش عليها

روز / مستر يا مستر

سامح / ها احم ازيك يا روز

روز / تمام الحمدالله يا مستر

سامح / احم يلا نبدأ الدرس

روز/ مش لما تشرب حاجه الاول

سامح / لاء شكرآ مش مستعد اروح وانا هدومه واقع عليها حاجه

روز / ههههههههههههههههه

سامح / سرح فى ضحكتها

روز / وهى بتضحك لاء متخفش المرادى همسك الكوبايه كويس ههههههه

سامح / احم ل.ل.لاء شكرآ نبدآ الدرس احسن

روز / اوك

سامح / قعد ومسك الكتاب

روز / راحت قعدت جنب سامح علطول

سامح / اتفاجئ بروز قريبه منه جدآ بس حاول يشغل نفسه وحط الكتاب وبدأ يشرح ليها وكان شعرها كل شويه يجى على الكتاب وترفعه بأيديهاو الحركه دى جننت سامح ومبقاش عارف يركز

روز / بدلع خير يا مستر فى حاجه تعباك

سامح / ها ل.ل لا مفيش ب.ب بس ممكن شوية مايه

روز / اه طبعآ يا مستر ثوانى وقامت تجيب ليه المايه

سامح / اخد نفسه بصعوبه ومسح العرق اللى على وشه وكانت روز جت فى الوقت ده

روز / اتفضل يا مستر وقربت منه جدآ وهى بتمد ايديها بالمايه

سامح / بتوتر ش.ش.شكرآ وشرب المايه كلها

روز / شكلك يا مستر كنت عطشان خالص عمومآ انا خليت الداده تعمل ليك عصير وهتجيبه

سامح / احم شكرآ اقعدى يلا نكمل

روز / اوك وقعدت تانى قريبه منه

سامح / بلع ريقه بصعوبه وحاول يركز فى الشرح

روز / بدلع شرحك حلو اوى يا مستر

سامح / ش.ش.شكرآ

روز / حطت حرف القلم على شفايفها وقالت امممم بس حضرتك مش مختلف كتير فى الشرح عن المدرسه يعنى بتشرح هنا زى هناك

سامح / بص على القلم اللى على شفايفها وبص على شفايفها ونفسه سرع

روز / القلم وقع من ايديها على رجليها العريانه اللى باينه من الهدوم القصيره وقالت اوبس

سامح / بص على القلم اللى على رجليها وبص على رجليها واتوتر اكتر

وفى الوقت ده جت الداده بالعصير

روز / اخدته منها وقالت ميرسى يا داده ومدت ايديها بالعصير وقالت اتفضل يا مستر

سامح / احم م.م.ماشى سبيه دلوقتى لما نكمل

روز / اوك وحطته قدامه وعملت نفسها بتاخد منديل من الجنب تانى وقربت جدآ من سامح وشعرها كله جه على وش سامح رجعت تانى قعدت وقالت سورى يا مستر شعرى جه على وشك

سامح / كان خلاص مش قادر يستحمل اللى بيحصل مسكها من دراعها وقال كفايه اللى انتى بتعمليه ده انا عارف ومتأكد انك بتعملى كده بقصد

روز / بعمل ايه يا مستر

سامح / شغل الاغراء ده مش هيجى معايا سكه بلاش تتعبى نفسك على الفاضى

روز / وانا هغريك ليه انا كده على طبيعتى على فكره انت اللى واحد ضعيف ومعندكش تحكم فى نفسك

سامح / بعصبيه لمى لسانك

روز / انا مغلطش فيك بس دى حققتك على فكره

سامح / داس اكتر على دراعها وقال بلاش تستفزينى

روز / بدموع اه يا مستر دراعى اه

سامح / صعبت عليه روز لما شاف دموعها وشال أيده من على دراعها لاقى أيده سابت علامه

روز / قعدت تحسس على دراعها مكان ايد سامح وكانت بتوجعها

سامح / احم م.م.مكنتش اقصد اعمل كده بس انتى عصبتينى

روز / مردتش عليه

سامح / متزعليش

روز / اوك

سامح / نكمل الدرس

روز / ماشى

سامح / قعد يشرح الدرس وكل شويه يبص على دراعها مكان أيده وتصعب عليه وبعد وقت خلص الدرس ووقف وقال انا كده خلصت وبعد بكره معادنا إن شاءالله

روز / اوك

سامح / مشى شويه ورجع تانى لروز وقال احم متزعليش على اللى حصل منى مكنتش اقصد ادوس على دراعك جامد كده

روز / بزعل مفيش مشكله يا مستر

سامح / طيب ممكن تيجى توصلينى

روز / اوك وقامت وقفت ومشيت وراه سامح بس مره واحده الكعب اتكسر وكانت هتقع سندت على سامح

سامح / استغرب لما حس بأيد على كتفه بيبص لاقها روز قال خير انتى كويسه

روز /الكعب اتكسر

سامح / اه ماشى

روز / وطت تقلع الجزمه بتاعتها وجسمها كله ظهر اخدت بالها ورجعت وقفت تانى وقالت سورى مكنتش اقصد

سامح / لما شاف كده اتوتر وقال احم و.و.ولا يهمك بس ياريت بعد كده لما اكون جاى ليكى تلبسى لبس محترم بلاش اللبس المسخره ده احنا مش فى أمريكا

روز / what انت بأى حق تطلب منى البس ايه وملبسش ايه

سامح / انتى حره بس لو فضلتى باللبس ده انا مش هاجى تانى وهرفض اكمل الدرس ليكى شوفى اى مدرس غيرى

روز / بغيظ اوك لما نشوف اخرتها

سامح / شطوره خليكى كده علطول واسمعى الكلام سلام ومشى وسابها

روز / عااااا غلس وبارد ودمه تقيل ها وطلعت تجرى على اوضتها

____________________________

فى الفيلا عند اسلام

جهزت زهراء ولبست الفستان وكانت فى قمة الجمال خبط باب الاوضه واتفتح وكان اسلام انبهر بجمالها

اسلام / ايه الجمال ده بجد كأنك حوريه من الجنه انا محظوظ اوى النهارده أن القمر ساب السما وجه يحضر عيد ميلادى بجد انتى احلى هديه جت فى كل سنين عمرى

زهراء / ش.ش.شكرآ

اسلام / راح وقف وراها وفتح علبه قطيفه صغيره وطلع منها سلسله ولبسها فى رقبة زهراء

زهراء / بصت فى المرايا واتجننت بالسلسله وقالت واو تحفه اوى ميرسى اوى يا اسلام

اسلام / قرب اكتر من ضهرها ولف دراعه على وسطها وقال انا لو اطول اجبلك حته من السما كنت جبتها ليكى وقرب من رقبتها علشان يبوسها

زهراء / بعدت عنه وقالت اسلام بلاش كده لو سمحت مش بحب الطريقه دى انا

اسلام / احم انا اسف مكنتش اقصد حاجه بس حاولت اعبر ليكى بطريقتى عن رقتك وجمالك

زهراء / ماشى بس بأدب لو سمحت

اسلام / اكيد طبعآ ممكن بقى متزعليش

زهراء / ماشى ممكن ننزل بقى

اسلام / اوك يلا ونزلو الاتنين مع بعض وكانت العيون كلها على زهراء وبعد وقت اسلام جاب كاس لزهراء وقال خدى يا زوزو

زهراء / ايه ده خمرا لاء انا مش بشرب

اسلام / فيها ايه يا بنتى ما كل الموجودين اهو بيشربو حتى اختى عبير اهى بتشرب دى حاجه عادى زى العصير

زهراء / سورى يا اسلام مقدرش اشرب

اسلام / اوك براحتك اجبلك عصير طيب

زهراء / ماشى

اسلام / ثوانى وراح يجيب العصير لزهراء وحط ليها حباية مخدره فيه وقلبه وجابه ليها

زهراء / اخدته منه وقالت ميرسى

اسلام / اشربى

زهراء / ماشى وقربت الكوبايه من شفايفها تحت نظرات اسلام وشربت العصير

اسلام / ضحك ضحكة شر وقال الف هنا وشفا عليكى يا قلبى

وبعد وقت قصير بدأت الناس تمشى

زهراء / حست بدوخه قالت ا.ا.انا كمان لازم امشى وقعدت تانى على الكرسى من الدوخه

اسلام / ها ا.ا اه هوصلك بالعربيه بس اقعدى شويه

زهراء / مسكت راسها وقالت مش عارفه راسى ليه تقيله

اسلام / اقعدى بس

زهراء / وقفت بصعوبه وقالت لاء انا عايزه امشى بس وقعت فى حضن اسلام واغمى عليها

اسلام / غمز لأخته

عبير / فهمت واخدت الشله ومشيت

اسلام / شال زهراء وطلع بيها الاوضه وحطها على السرير ومشى أيده على كل حته فى جسمها وقال اخيرآ الجسم الجامد ده بقى بين ايديه وقام من على السرير دخل الحمام غير هدومه وخرج ومد أيده يقلع هدوم زهراء بس سمع صوت خبط اتعصب وقال تلاقيها عبير الغبيه نسيت حاجه فتح باب الاوضه ونزل فتح باب الفيلا بس اتفاجئ بحد ضربه فى وشه

امير / زهره فين يا ندل يا جبان

اسلام / هجم عليه علشان يضربه وقال مفيش حد هنا ومين سمح ليك تدخل وعرفت مكانا ازاى

امير / زقه من فوقيه ومسكه من رقبته وقال ربنا أراد أن ينجى البت دى من ايدك انطق فين زهره

اسلام / وهو بدأ يبان عليه علامة الاختناق شاور على فوق

امير / ساره يا ساره اطلعى شوفيها فوق

ساره / دخلت وتفت على وش اسلام وقالت بنأدم زباله وواطى وطلعت تشوف زهراء

امير / ودينى وما اعبد لو لاقيتك لمست شعره منها هطلع روحك بأيدى

ساره / امير زهره نايمه فوق شكلها متخدره

امير / اكيد حيوان زيك هيعمل كده وقال أحمد تعال كتف ده

احمد / دخل وقال معلش يا صاحبى انت اللى خلتنى اعمل كده حذرتك وقولتلك بلاش

اسلام / حسابك معايا يا احمد مبقاش انا اسلام محجوب لو مكنتش انتقم منك ومنكم كلكم

امير / ضربه بالراس فى مناخيره وقال انت ليك عين تتكلم

اسلام / اغمى عليه

امير /احمد كتفه كويس على ما اطلع اطمن على زهره

احمد / ماشى

امير / طلع الاوضه وشاف منظر زهره ومنظر الهدوم اللى عليها غير وشه بعيد عنها وقال ساره غطى جسمها بحاجه

ساره / بزعل على زهره حاضر وجابت ملايه وغطتها بيها

امير / راح قعد جنبها ودموعه نزلت منه وقال ليه يا زهره ليه تعملى فى نفسك وفينا كده انا واهلك منستهلش اللى انتى عملتيه ليه كل ده علشان الفلوس قوليلى دلوقتى اذا كان لمسك ولا لاء استفادى ايه غير هتحطى راس أهلك فى الطين قلبى وجعنى اوى عليكى ومنك لا قادر اكرهك ولا هقدر انسا اللى حصل منك ارتحتى دلوقتى

ساره / بدموع متعملش فى نفسك كده يا امير زهره مهما كان طايشه وواضح كده أن هو ملاحقش يلمسها المهم دلوقتى نمشى من هنا

امير / مسح دموعه وقام وقف وشال زهره بالملايه اللى عليها ونزل بيها وبص لاحمد وقال سيبه متكتف كده ومرمي زى الكلاب لواحده ويلا بينا احنا

احمد / ماشى وخرجو كلهم وراحو على عربية احمد امير حط زهراء وراه وساره قعدت جنبها وامير قعد جنب احمد

ساره / هو احنا هنروحو فين كده

امير / هنروح اى مكان لحد ما تفوق ونشوف هدوم غير اللى هى لابسها دى وتغسل وشها من اللى فيه مش عايز حد من اهلها يعرف بحاجه

ساره / بس على ما تفوق هنتأخر وهيقلقو عليها انا من رأى تتصل بيهم وتقولهم أن زهره معاك علشان انا صممت تمشينا علشان مخنوقين من قعدت البيت وهما طول ما زهره معاك بيبقو مطمنين وكمان عارفين أن انا معاكم

امير / هيسألو انا شوفتها فين

ساره / بسيطه قول اتصلت بيها وهى ردت عليك وادتك العنوان واحنا روحنا اخدنها

امير / ماشى واتصل بيهم وبلغهم زى ما ساره قالت وقفل معاهم وقال تمام كده عايزين نروح مكان نقعد فيه

احمد / عندى

امير / لاء شكرآ ليك لحد كده تعبناك معانا النهارده

ساره / ومينفعش تدخل بينا على أهلك يقولو ايه

احمد / اولا مفيش تعب ولا حاجه زهره زى اختى وانا خوفت عليها بجد ثانيآ الشقه دى بتاعتى مفيهاش حد احنا قاعدين فى فيلا والشقه دى عاملها مخصوص ليا اقضى وقت مع نفسى فيها

امير / مش عايزين نزعجك

احمد / والله مفيهاش إزعاج وشغل العربيه ومشى بيها

ساره / عينيها اتقابلت بعين احمد فى المرايا بتاعة العربيه اتكسفت ونزلت عينيها وافتكرت اللى حصل فى الجامعه

_____________________________

فلاش باااااااك

قام احمد من على الطرابيزه اللى عليها عزت وراح يدور على ساره علشان يبلغها بأى طريقه وبعد وقت لاقها خارجه من المحاضره رايحه على الحمام راح وراها واستناها لحد ما خرجت وقال

احمد / ساره كنت عايز اقولك حاجه

ساره / ايه يا ابنى انت جبله مش بتحرم كام مره مسحت بكرامتك الارض انت ايه واخد على التهزيق عادى

احمد / يا ساره انا بتكلم لمصلحتكم صحب

ساره / قطعته وقالت يا ابنى كام مره أقولك شغل العيال السيس دول مبيجيش معايا سكه بطل الافلام بتاعتك الهابطه دى ولسه هتمشى

احمد / وقف قصادها وقال ما هو انتى لازم تسمعينى

ساره / شكلك كده مش بيجى بالكلام ورفعت ايديها علشان تضربه

احمد / مسك ايديها ورجعها وراها وسند ضهر ساره على الحيطه وعينيهم اتقابلت مع بعض وقال لازم تسمعينى صحبتك فى خطر ولو محدش لحقها هتخسر اغلى حاجه عند البنت شرفها اسلام عمل خطه علشان يضحك عليها وهى دلوقتى زمانها فى الفيلا بتاعته وهيحاول معاها لو رفضت هيحط ليها مخدر فى العصير

ساره / بصدمه يا لهوى وانت عرفت ازاى وبعدين قالت اه ما هو صاحبك بس ليه جيت تقولى ا.ا.انا مش فاهمه حاجه انت بتتكلم جد ولا دى لعبه منك انت وصحابك ولا ايه بالظبط

احمد / اقسم بالله ما لعبه وبتكلم جد لازم حد يلحقها بسرعه

ساره / مفيش غير اخويه امير هو اللى هيقدر يحميها

احمد / اتصلى بى بسرعه

ساره / احم سيب دراعى وابعد عنى لو سمحت

احمد / بعد عنها وقال اسف بس كان لازم اعمل كده

ساره / مسكت التليفون بتاعها وقعدت تتصل على امير مردش وبعد كده أداها أن التليفون مقفول قالت شكل تليفونه فصل شحن هنعمل ايه دلوقتى

احمد / تعرفى مكانه

ساره / ايوه زمانه فى الشركه

احمد / تعالى اركبى معايه نروح نشوفه

ساره / بصت ليه بقلق

احمد / ساره متخفيش منى والله العظيم مش هأذيكى

ساره / مشيت معاه وراحت عند العربيه وركبت جنب احمد وراحت سألت على امير فى الشركه بس قالو أن هو مشى راح المستشفى عند بنت صاحب الشركه وقالو ليها على اسم المستشفى ركبو تانى العربيه وراحو المستشفى طلعو يسألو عليه ملاقهوش وعرفو أن هو مشى رجعو ركبو العربيه تانى

احمد / الوقت بيضيع مننا متعرفيش هيكون راح فين

ساره / لا ثوانى اجرب اخر مره عليه يمكن يكون شحنه وجربت تانى على أمير والمرادى التليفون رن فتح امير عليها ساره انت فين يا ابنى ومش بترد عليا

امير / انا فى البيت ومشوفتش اتصالك غير لما حطيت التليفون على الشاحن واشتغل

ساره / انزل بسرعه زهره فى خطر يا أمير

امير / بعصبيه زهره مالها يا ساره

ساره / مش وقته يا أمير انزل وشويه وهكون عندك وهفهمك كل حاجه

امير / بسرعه يا ساره وقفل معاها وقام بسرعه لبس هدومه ونزل يجرى وبعد وقت راحت ساره هى واحمد عند امير وفهموه كل حاجه وركبو مع احمد وراحو على الفيلا عند اسلام

____________________________

باااااااك

فاقت ساره على صوت امير وهو بيقول

امير / انزلى يا ساره علشان اشيل زهره

ساره / م.م.ماشى ونزلت ساره وقرب امير من زهره وشالها وطالعو الشقه عند أحمد ودخلو وأحمد دخل امير وزهراء اوضه وقال

احمد / حطها على السرير ده تفوق براحتها

امير / احم ماشى

احمد / فهم أن أمير مش عايز يحط زهراء وهو واقف قال احم انا هستناك بره وخرج وسابهم

امير / حط زهراء على السرير وظبط الملايه على جسمها وبصلها شويه وخرج من الاوضه وسابها لحد م

رواية فتاة انحنت من أجل الحب

الفصل التاسع 9 والعاشر 10

بقلم دودو محمد

فى شقة احمد

قعد امير مع ساره وأحمد وهو حزين

احمد / بص هو انا معرفش طبيعة العلاقه اللى ما بينك وبين زهره بس عايز اقولك انها مظلومه لان اسلام وهمها أن هو شخص طيب ومعرفتها بى مش اكتر من صداقه يعنى هى مكنتش تعرف نية اسلام ليها ايه فياريت محدش يعاقبها على حاجه هى ملهاش ذنب فيها

امير / بص ليه بصت حزن وقال انا المفروض اكون خطيبها وخطوبتنا الاسبوع الجاى بس مفيش نصيب

احمد / هتسبها بسبب الموضوع ده

امير / لاء احنا موضوعنا انتهى من قبل الحفله دى

احمد / بس انت شكلك بتحبها

امير / زهره حب عمرى كله مش بالسهل انساها فى يوم وليله بس اكيد هقدر مع الايام

ساره / بزعل انت خلاص قررت تبعد عنها يا أمير

امير / انتى شايفه حل غير ده يا ساره زهره بتبص لفوق وانا عمرى ما هقدر اوصلها المستوى اللى هى عايزه هبعد عنها وهسيبها تدور على الشخص ده

سارة / بس على فكره زهره بتحبك هى اه نفسها تبقى عايشه عيشه غير دى بس برضه هى محتاجك جنبها

احمد/ ممكن اقول رأى لو حبيت

امير / ايوه طبعآ

أحمد / انا شايف انك بتحبها وصعب تقدر تنساها وعلى كلامكم هى بتحبك بس فى نفس الوقت عندها طموح تعيش مستوى اجتماعى غير اللى هى فيه يبقى من رأى خليك جنبها اثبت ليها أن الحياة مش فلوس وبس اثبت ليها أن فى حاجات تانيه ليها قيمه اكبر بكتير من الفلوس حسسها انك هضيع من بين ايديها بس فى نفس الوقت خليك بتحميها وفى ضهرها علشان لو وقعت تلاقيك سند ليها وفى الاخر بعد ما تتعلم الدرس وتعرف قيمتك اتجوزو ومتخليش الفراق هو سيد الموقف

امير / صعب الكلام اللى انت بتقوله ده يا احمد زهره طموحها كبير جدآ ومستعده تدوس على كل القلوب اللى بتحبها فى سبيل انها توصل لطموح ده وانا يا احمد اعمل ايه معاها بحبها اه بس مش هقدر انسا الوضع اللى حطتنا فيه لو مكنتش انت اتكلمت فى الوقت المناسب كان زمانها دلوقتى وسكت

ساره / اديها فرصه تانى اكيد هى هتندم على اللى حصل

امير / انتى اكتر واحده عارفه يا ساره أن اديت زهره فرص كتير اوى

احمد / ربنا يصلح ليكم الحال يارب

امير / ساره قومى شوفيها فاقت ولا لاء الوقت أتأخر واكيد هيقلقو علينا فى البيت

ساره / حاضر وقامت تشوف زهره

____________________________

عند زهراء فى الاوضه فاقت وهى مستغربه المكان وبصت حاوليها وبعدين بصت على نفسها بسرعه لاقت نفسها بالهدوم اطمنت على نفسها قامت من على السرير براحه وفتحت الباب فتحه صغيره وشافت امير وساره وأحمد قاعدين وسمعت كل كلامهم وكانت دموعها نزله منها لما عرفت أن أمير قرر يبعد عنها نهائى واول ما سمعته بيطلب من ساره تشوفها طلعت تجرى على السرير وعملت نفسها لسه نايمه بس الدموع كانت مش عايزه تقف فى عينيها

ساره / دخلت الاوضه لاقت زهره لسه نايمه راحت قعدت جنبها ومشيت ايديها على شعرها ودموعها نزلت منها وقالت ليه يا زهره تعملى فى نفسك كده انا بجد زعلانه منك وفى نفس الوقت زعلانه عليكى مكنتش اتمنا يحصلك كل ده بس للاسف حبك للفلوس عمى عينك وقسى قلبك حتى على اقرب الناس ليكى وخليكى تدوسى على قلوب ناس بتحبك وبتتمنالك الخير كسبتى ايه دلوقتى ولا حاجه خسرتى حب عمرك وخسرتى صديقة عمرك يا زهرة بس اقولك على حاجه انا هفضل بحميكى من بعيد لبعيد ووقت ما هتتعبى وتحتاجينى بجد هتلاقينى لأنك مش مجرد جاره ولا صديقه انتى اختى اللى بتمنى ليها كل خير ربنا يهديكى ويصلح حالك يا زهره وقامت وقفت مسحت دموعها واخدت نفس وقالت زهره زهره فوقى يا زهره ومسكت كوباية مايه على الكومدينو ورشت منها على وش زهره

زهراء / كانت بتسمع الكلام ده والدموع نزله منها من غير ما ساره تاخد بالها واول ما ساره رشت المايه على وشها فتحت عينيها وعملت نفسها لسه صاحيه من النوم وبصت حاوليها وقالت انا فين

ساره / بجديه احنا فى شقة احمد زميلنا فى الجامعه

زهراء / وبنعمل ايه ومين جابنى هنا

ساره / البيه اللى انتى كنتى فى فيلته كان حاطط مخدر ليكى فى العصير ولو مكنش أحمد قال لينا ولحقناكى فى الوقت المناسب كان زمانه خسرك اعز ما تملكى استفادى ايه بقى كنتى هتحطى راس أهلك فى الطين ميستهلوش منك كده بجد كل يوم بكتشف فيكى حاجات غريبه وانا ميشرفنيش تكونى صحبتى ومن هنا ورايح انتى من طريق وانا من طريق

زهراء / وقفت وقالت لاء يا ساره بلاش تبعدى عنى ده انتى اقرب ليا حتى من اختى ريم والله مكنتش اعرف ان اسلام كده ولما روحت روحت على أساس احضر عيد ميلاده انتى عرفانى كويس يا ساره انا ممكن عندى طموح أن أعيش مستوى احسن من اللى انا فيه بس عمرى ما هفرط فى شرفى ارجوك يا ساره صدقينى

ساره / خلاص يا زهرة الكلام اتقطع ما بنا لحد كده ويلا بينا علشان اتأخرنا عليهم فى البيت واللى يسألك قولى أن امير خرجنى وخرجك نتمشى شويه علشان كنا زهقانين من قعدت البيت أهلك مش لازم يعرفو اللى حصل كفايه عليهم اللى بيشوفو منك وسابتها وخرجت

زهراء / قعدت على السرير تعيط وبعد وقت مسحت دموعها وخرجت من الاوضه وهى وشها فى الارض

احمد / بص الإتجاه التانى لما شافها بالهدوم اللى عليها

امير / اول ما شاف زهره كده غير وشه وبص لساره وقال مش هتنفع تروح كده لازم هدوم تانيه محترمه بدل المسخره اللى هى لابسها

واللى فى وشها ده يتمسح اهلها هيقولو ايه لما يشوفها كده

ساره / طيب هنجيب هدوم منين فى الوقت ده

احمد / احم انا عندى هدوم اختى ساعات بتيجى تقعد معايه هنا فى الشقه تشوف طلباتى علشان كده سايبه هدومها هنا وهى تقريبآ فى جسم زهره أو اطول شويه

ساره / ماشى ممكن تجيب لينا حاجه تلبسها

احمد / اه طبعآ ثوانى وقام دخل الاوضه وهو باصص فى الارض جاب الهدوم ومد ايده لساره واداها الهدوم

ساره / اخدتها منه ومدت ايديها بيهم لزهره وقالت اتفضلى غيرى هدومك واغسلى وشك

زهراء / اخدته منها وهى دموعها على خدها دخلت الاوضه غيرت هدومها وفكت تسريحت شعرها وعملته ديل حصان وغسلت وشها وخرجت وقالت انا خلصت

امير / بصلها وبعدين بص لساره وقال يلا بينا وبعدين بص لاحمد وقال شكرآ يا احمد بجد مش عارف اقولك ايه ساعدنا كتير وتعبناك معانا

احمد / العفو وانا تحت امركم فى اى حاجه زهره زى اختى واحم وساره كمان

ساره / شكرآ يا احمد

امير / يلا بينا وفتح الباب وخرجت ساره وزهره عدت من قدامه وبصت ليه بص الإتجاه التانى واستنا لما هى خرجت وخرج وراهم وقفل الباب ونزل وقف تاكسى وركبت زهره وساره من وراه وركب هو جنب السواق وطول الطريق يبص عليها فى المرايا واول ما يلاقيها هتبص عليه يبص بسرعه من الشباك ويعمل نفسه مش شاغل باله وبعد وقت وصلو التلاته البيت وطلعو خبطو على باب توفيق فتحت ليهم ريم ودخلو

نبيله / كده برضه يا أمير تتأخرو كله ده

امير / معلش بقى يا خالتى البنات كانو مش عايزين يرجعو دلوقتى خالص

ساره / يا خالتى ده يوم الواحد كأنه كان محبوس فى قفص وانطلق بس كانت خروجه حلوه

نبيله / اهو سبناكى يوم بحاله تروحى عيد ميلاد صحبتك وبعد كده تخرجى مع ساره وامير يارب بقى تشيلى اللى فى دماغك

زهراء / بصت على امير وعينيها كلها دموع وحاولت أن تمسك دموعها وقالت عن اذنكم هدخل انام علشان مصدعه وسابتهم ودخلت الاوضه اترمت على السرير وقعدت تعيط

امينه / هى زهرة مالها يا أمير

امير / ها م.م.مفيش بس زعلت علشان كانت عايزه تقعد بره شويه كمان وانا مرضتش

نبيله / سيبك منها أصلها مدلعه وعايزه اللى تقول عليه هو اللى يمشى بس انا متأكده أن أمير هيربيها وهيمشيها على العجين متلغبطهوش بعد الجواز

امير / احم عن اذنكم يا دوب الحق انزل الشغل

نبيله / ربنا معاك يا حبيبى ويوسع رزقك يارب

امير / ربنا يخليكى يا خالتى صح فين شريف

نبيله / شريف وسامح دخلو نامو من بدرى

امير / ماشى سلام وسابهم ومشى

ساره / وانا كمان هدخل انام احسن مصدعه اوى

امينه / خدينى معاكى كفايه سهر لحد كده يلا يا محمود

محمود / كان قاعد يبص على ريم اللى كانت قعده ومش معبراه خالص وقام بغيظ وقال ماشى يلا يا ماما

امينه / تصبحو على خير

نبيله / وانتو من أهله

امينه ومحمود وساره دخلو شقتهم وقامت ريم دخلت اوضتها لاقت زهره بتعيط

ريم / مالك يا زهرة

زهراء / مفيش

ريم / ازاى مفيش وانتى بتعيطى كده

زهراء / مخنوقه شويه

ريم / يا بنتى انتى ليه بتحبى تكبرى المواضيع امير عنده حق

زهراء / بصدمه هو قال ليكم على اللى حصل

ريم / ايوه لما طنط سألت مالك

زهراء / بدموع والله العظيم مكنتش اعرف حاجه

ريم / مكنتيش تعرفى ايه أن الوقت أتأخر ولازم ترجعو علشان الناس متتكلمش عليكم وانتو حتى لسه متخطبتوش

زهراء / انتى بتتكلمى على ايه

ريم / على الزعل اللى مابنكم بسبب انك مش عايزه ترجعى البيت دلوقتى وتقعدى بره وهو مرضاش

زهراء / هو ده اللى قالو امير

ريم / ايوه هو فى سبب تانى

زهراء / ل.ل لاء هو ده السبب فعلا

ريم / قعدت جنبها على السرير وقالت يا زهرة لازم تعقلى اكتر من كده شويه وتفكك من الدلع الزياده ده امير بيحبك اه وبيستحمل بس هيجى عليه وقت هيزهق من تصرفاتك

زهراء /اترمت فى حضن ريم ودى اول مره تعملها وقالت بدموع وانا والله العظيم بحبه ياريم ومقدرش على بعاده عنى

ريم / استغربت اللى حصل بس قعدت تطبطب عليها وقالت متخفيش يا زهرة امير بيحبك وميقدرش يبعد عنك

زهراء / مسكت فى ريم اكتر وقعدت تعيط

ريم / أهدى يا زهرة ليه كل ده يا حبيبتى اول مره تبقى فى الحاله دى

زهراء / مردتش عليها وقعدت تعيط لحد ما عينيها راحت فى النوم

ريم / لما حست بزهره سكتت بصت عليها لاقتها نامت حطت راسها على المخده وغطتها وباست راسها وراحت نامت على سريرها وطلعت الدبله بتاعة محمود من تحت المخده

بصت ليها شويه واخدتها فى حضنها ونامت

____________________________

اشرقت شمس صباح يوم جديد بنورها الساطع فى سماء العاصمه لتبدأ زهراء بفتح عيونها بصعوبه قامت قعدت على السرير ومسكت دماغها من الصداع وافتكرت اللى حصل دمعه نزلت منها بس الباب بتاع الاوضه اتفتح مسحتها بسرعه

نبيله / غريبه صحيتى لواحدك يعنى

زهراء / صحيت بس عندى صداع هيفرتك دماغى وحاسه أن سقعانه اوى

نبيله / حطت ايديها على دماغها وقالت انتى حرارتك عاليه شكلك داخل عليكى دور برد استنى اجبلك حبايه خديها وريحى شويه هتقومى زى الفل

زهراء / لاء مش عايزه اخد حاجه ولازم اروح الجامعه انا بقالى يومين مش بروح

نبيله / يا بنتى اسمعى الكلام وبلاش تنزلى وانتى كده التعب هيزيد عليكى

زهراء / متقلقيش وقامت بصعوبه من على السرير وخرجت دخلت الحمام

نبيله / راحت عند ريم علشان تصحيها لاقت ايديها مفتوحه وفيها دبله اخدت الدبله وبصت عليها بأستغراب وقالت دى بتعمل ايه مع ريم بنتى وليه نايمه وهى ماسكها فى ايديها رجعت حطتها تانى فى ايد ريم وعملت نفسها مشفتهاش وقالت ريم قومى يلا يا حبيبتى

ريم / فتحت عينيها وقالت صباح الخير يا ماما

نبيله / صباح النور يا حبيبتى يلا قومى علشان متتأخريش

ريم/ افتكرت الدبله قفلت ايديها بسرعه وقالت م.م.ماشى يا ماما روحى وانا جايه وراكى

نبيله / بس متتأخريش وخرجت وسابتها

ريم / بصت على الدبله واخدت نفس وقالت الحمدالله ماما مأخدتش بالها منها وقامت شالتها فى الدولاب بتاعها وسط هدومها وخرجت من الاوضه وكانت زهراء خارجه من الحمام

ريم / عامله ايه دلوقتى

زهراء /كويسه

ريم / شكلك بيقول غير كده

زهراء / تعبانه شويه

ريم / انتى فيكى حاجه مش مظبوطه من امبارح بس عمومآ لو مش حابه تقوليلى براحتك

زهراء / مفيش حاجه يا ريم لو فى حاجه هقولها علطول

ريم / براحتك وسابتها ودخلت الحمام

زهراء / دمعه نزلت منها مسحتها بسرعه ودخلت اوضتها غيرت هدومها وأدت فرضها وخرجت وكانت نبيله حضرت الاكل بصت ليهم وقالت انا نزله

نبيله / مش هتاكلى

زهراء / لاء مليش نفس

نبيله / يا بنتى اسمعى الكلام وبلاش تنزلى وانتى تعبانه كده

زهراء / يا ماما قولتلك انا كويسه

شريف / وانتى نازله لوحدك ليه مش هتستنى ساره

زهراء / لاء هنزل انا وساره تبقى تيجى ورايا

شريف / اصبرى ننزل احنا الاربعه مع بعض

زهراء / لاء مش هستنا حد

توفيق / اعملى حسابك هتنزلى النهارده بليل مع امير تجيبو الدبل والخطوبه الجمعه الجايه

زهراء / حبست دموعها وقالت إن شاءالله وسابتهم ونزلت

سامح / مالها دى

نبيله / من امبارح وهى كده من ساعة ما رجعت مع امير وساره

سامح / مش عوايدها تسمع الكلام ومتردش

نبيله / ربنا يهديها ويصلح حالها يارب

شريف / وقف وقال الحمدالله هروح انا بقى علشان متأخرش

نبيله / ماشى يا حبيبى

وخرج شريف وخبط على باب امير فتح ليه محمود

شريف / صباح الخير يا حوده

محمود / صباح الخير يا شيفو ادخل

شريف / اخوك صحه ولا لسه نايم زى امبارح

محمود / امير منمش من امبارح اصلا شبه الزومبى تعال ادخل

شريف / دخل وقال صباح الخير

الكل / صباح النور

شريف / صحيح الكلام ده يا أمير انك صاحى من امبارح

امير / ايوه وفيها ايه دى

شريف / اما انت امرك عجيب يا تنام وطلع عين اللى خلفونا وفى الاخر برضه متصحاش يا متنمش خالص

امير / ما هو ده السبب علشان نمت كتير امبارح معرفتش انام النهارده

شريف / ده السبب برضه الكلام ده تقولو لاى حد تانى لكن مش على شيفو

امير / قصدك ايه

شريف / انت فرحان ان انتو هتجيبو الدبل النهارده

امير / بأستغراب دبل ايه دى

شريف / الدبل بتاعتك انت وزهره

امير / ده مين اللى قال الكلام ده

شريف / معرفش بابا لسه قايل لزهره كده

امينه / احنا يا حبيبى اتفقنا امبارح على كده وقت ما كنتو خارجين بليل

امير / بس انا

ساره / قطعته وقالت مبروك يا أمير

امير / بصلها بأستغراب

سارة / اترجته بعينيها أن هو يسكت

شريف / ايه يا ابنى من الفرحه بلعت لسانك

امير / ها ل.ل.لا عادى

شريف / ههههههههه الفرحه تعمل اكتر من كده خلتك بتهته فى الكلام هههههههههههه

امير / داس على سنانه وبص لسارة

سارة / بصت ليه بعينيها تترجاه يسكت تانى

شريف / ايه يا ابنى انت وهى بتتعرفو على بعض ولا ايه عاملين تبصو لبعض كتير

ساره / أصله بيشبه عليا هههههههههه

شريف / هههههههههه طيب امشى يا ام لسانين

امير / مشى قدامهم ومشيت وراه ساره

شريف / صح يا سرسور انتى زعلانه مع زوزو ولا ايه

ساره / احم لاء ليه

شريف / أصلها نزلت من شويه ومرضتش تستنا حد فينا

ساره / بصت لامير ورجعت بصت لشريف وقالت ي.ي.يعنى زعلانين انا وهى على حاجه فارغه ما انت عارف شغل البنات بقى

امير / سابهم ونزل

شريف / انتى هتقوليلى ده انتو ناقصين عقل ودين

ساره / اسم الله عليكم انتو يا كاملين ومش فيكم غلطه ده انتو كلكم على بعضيكم غلط خلينى ساكته احسن ما اتفتح فيكم وساعتها محدش فيكم هيعرف يسكتنى

شريف / لالالا وعلى ايه الطيب احسن امشى قدامى يا اختى زمان اخوكى وصل الشركه اصلا

ساره / ايوه كده اتعدل ههههههههه ومشيت قدامه ونزلو لاقو امير واقف مستنيهم تحت واقفو تاكسى وصلو ساره على الجامعه وراحو هما على الشركه

_____________________________

فى الجامعه عند زهراء

وصلت زهراء الجامعه وهى حاسه نفسها تعبانه بس كانت بتحاول تدوس على نفسها وتكمل دخلت الجامعه وشافت احمد قصادها بصت ليه بكسره ومشيت

احمد / زهره يا زهره استنى

زهراء / وقفت وقالت خير يا احمد

احمد / عامله ايه دلوقتى

زهراء / بدموع زى الزفت يا احمد

احمد / أهدى يا زهره اللى حصل ليكى امبارح ده كان غصب عنك وانا عارف ومتأكد من كده

زهراء/ انت عارف ومتأكد غيرك مش مصدق

احمد / قصدك على امير

زهراء / امير وساره

احمد / معلش هو معذور برضه حبيبته والمفروض تكون خطيبته دخل وشافها فى اوضت نوم راجل تانى حتى لو انتى متخدره التخيلات والتفكير اللى هتيجى فى دماغه فى الوقت اللى هو كان معاكى فى الاوضه لواحديكم صعبه على اى راجل

زهراء / احمد انا سمعت كلامكم امبارح وعرفت أن أمير قرر يبعد عنى نهائى

احمد / بصى انا معرفش ايه اللى حصل معاكم قبل الحفله بالظبط بس واضح من كلامه أن انتى جراحتى كرامته جامد ومفيش راجل هيقبل أن واحده تجرح كرامته هو بيحبك بس فى نفس الوقت مجروح اوى منك

زهراء / عارفه يا احمد وانا السبب أن أمير يضيع من بين أيدى

احمد / ربنا يرزقك بأبن الحلال اللى يسعدك

زهراء / بدموع يتحرم جسمى علي اى راجل يلمسنى غير امير ولو عشت عمرى كله من غير جواز

احمد / ربنا يريح قلبك يا زهره

زهراء / ربنا يخليك عن اذنك ومشيت شويه وحست بدوخه وقفت ومسكت دماغها

احمد / راح عندها وقال انتى كويسه

زهراء / تعبانه شويه

احمد / وليه نزلتى من البيت مدام انتى كده

زهراء / مش فارقه متشغلش بالك شويه وهكون كويسه وسابته ومشيت وبعد شويه جت ساره وشافت احمد وراحت عنده وقالت

ساره / صباح الخير

احمد / صباح النور عامله ايه

ساره / تمام الحمدالله وانت

احمد / الحمدالله كويس امير ايه أخباره

ساره / كويس أو بيحاول يكون كويس

احمد / على فكره برضه زهره مش كويسه خالص مش دى زهره اللى كنت بشوفها الاول معاكى بتضحك وتهزر مكسوره جامد وشكلها عندها حمه وتعبانه جدآ بس بتعاند

ساره / بزعل هى اللى عملت فى نفسها كده طماعها ولهفتها على الفلوس خسرتها حاجات كتير يا احمد وانا من ضمنهم

احمد / ياريت متجيش عليها انتى كمان يا ساره شكلها محتاجاكى بجد

ساره / يعنى انت شيفنى الوضع ده سهل اوى بالنسبالى انت اكيد كنت بتشوفنا مع بعض كنا عاملين ازاى انا حاسه بنقص يا احمد لان زهره كانت نصى التانى اللى بتكملنى

احمد /وايه منعك انك تكونو تانى مع بعض

ساره / زهره بقت انانيه جدآ وداست على قلب امير ولما حاولت انصحها داست عليا انا كمان وانا عارفه زهره اكتر منك يومين بس وهترجع تانى لجشعها وطماعها للفلوس

احمد / الصراحه مش عارف اقولك ايه

ساره / انا هفضل متابعها من بعيد ووقت ما احس بجد انها محتاجانى هكون جنبها اكيد

احمد / انتى شخصيه طيبه جدآ يا ساره

ساره / اتكسفت وقالت احم ش.ش.شكرآ

احمد / على فكره انا مقولتش حاجه تتكسفى منها لدرجاتى

ساره / احم ع.ع.عن اذنك

احمد / رايحه فين

ساره / هدخل المحاضره زمنها بدأت

احمد / ماشى وانا جاى وراكى

ساره / اوك ومشيت وشويه وراح وراها احمد

____________________________

فى بيت توفيق

خرجت ريم من اوضتها وقالت

ريم / ماما انا نازله

نبيله / بصت على ايديها وقالت تعالى يا ريم عايزاكى فى كلمتين مش هأخرك

ريم / قعدت جنب امها وقالت خير يا ماما

نبيله / انا قولت فرصه محدش فى البيت موجود اقعد معاكى وأسألك لو فيه حاجه حابه تقوليها ليا

ريم / مش فاهمه يا ماما حاجة ايه

نبيله / يعنى فى حد فى حياتك معجبه بحد كده يعنى

ريم / بصت فى الارض وسكتت

نبيله / قوليلى يا حبيبتى وبلاش كسوف أنا امك سرك وقولك وهنصحك لو محتاجه النصيحه

ريم / احم هو مش موضوع يعنى كل الحكايه أن انا كنت بحب محمود من طرف واحد

نبيله / محمود مين

ريم / محمود اخو امير

نبيله / اه وبعدين

ريم / بس والفتره اللى فاتت حصل معانا كذا موقف قربه ليا واتعلق هو كمان بيا وحبينى بس طبعآ انا مقولتش ليه أن انا بحبه من زمان وبحاول احافظ على الحدود اللى ما بنا

نبيله / بس محمود لعبى وبتاع بنات

ريم / كان هو بيحلف من يوم ما حبنى قطع علاقته بكل البنات وعينه مش شايفه غيرى

نبيله / واخرت الحب ده ايه

ريم / هو كان عايز يجى يتقدم ويعمل خطوبتنا مع خطوبة امير وزهره بس أنا رفض

نبيله / ليه

ريم / اولا لما اتأكد بجد أن هو قطع كل علاقته بالبنات ثانيآ عايزاه الاول يثبت نفسه فى الشغل بتاعه علشان يقدر يعتمد على نفسه لأن انتى عارفه امير يدوب هيقدر يجيب الشقه والفرش مش حمل مصاريف تانيه

نبيله / بصى يا حبيبتى انا بثق فيكى وفى تصرفاتك وعارفه ومتأكده انك عمرك ما هتعملى غلط وعارفه انا مربياكى ازاى بس عايزاكى تكونى حذره فى التعامل معاه لان برضه مفيش حد بيتغير فى يوم وليله ومحمود معروف بخروجاته مع البنات مش عايزاكى تتعلقى بيه اوى علشان لقدر الله لو كان بيلعب بيكى ولا حاجه متتعبيش لما تبعدى عنه

ريم / حاضر يا ماما

نبيله / ربنا يسعدك يا ريم يا بنت بطنى ويهديكى يا زهره ويصلح حالك يارب

ريم / باست ايديها وقالت ربنا يخليكى لينا يارب

نبيله / قومى يلا يا حبيبتى علشان متتأخريش على مدرستك

ريم / هههههههه مدرستى لو كانت زهره هنا كانت شدت فى شعرها من الكلمه دى احنا جامعه يا ماما

نبيله / يا اختى وانا ايه عرفنى اهو كله اماكن بتاخدو فيها من الكتب

ريم / هههههههه اللى انتى عايزاه يا ست الكل وسابتها وفتحت الباب وخرجت ونزلت على السلم واستغربت أن أول مره محمود ميخرجش وقت ما تكون نازله بس اتفاجئت بمحمود قاعد على السلم

محمود / ينفع كده نص ساعه بحالهم قاعد القعده السوده دى

ريم / وانا مالى وايه قعدك اصلا

محمود / وقف وقال مستنى حضرتك تنزلى فى المعاد بتاعك بس النهارده اتأخرتى

ريم / وتستنانى ليه اصلا

محمود / مقدرش يفوت صباحى من غير ما اشوف العيون الجمال دول

ريم / محمود ألزم حدودك

محمود /حرام يا ريم مش كده انا قولت ايه يعنى

ريم / وانت تقول ليا ليه اصلا وليه تستنانى

محمود / يا بنتى ما انا قولت اخطبك انتى اللى رافضه

ريم / لما أتأكد الاول انك قطعت علاقات بالبنات كلها

محمود / يا دين النبى يا بنتى قولتلك اقسم بالله عينى مش شايفه غيرك

ريم / محمود بعد اذنك بلاش الوقفه دى حد من الجيران تشوفنا

محمود / اعملك ايه طيب فى البيت مش بتعبرينى ولا كأنى موجود فى الجامعه لما بجيلك مش بترضى توقفى معايا فى الشارع ولا بترضى تيجى معايه اى كافيه ولاحتى اوصلك قوليلى اعمل ايه بس

ريم / ولا حاجه متتكلمش معايه خالص وريح نفسك

محمود / انتى ليه عناديه كده انا عارف ومتأكد انك بتحبينى بس معرفش ليه بتعاملينى كده

ريم / وعرفت منين بقى أن شاءالله أن انا بحبك

محمود / قرب منها وقال عينيكى فضحاكى

ريم / بعدت عنه وقالت محمود حافظ على المسافه اللى ما بنا ماشى

محمود /حاضر يا ستى بس بلى ريقى بأى كلمه انشالله يخليكى ده انا قلبى متشحطف شحطفه عليكى وانتى ولا هنا

ريم / محمود

محمود / ايوه بقى قولى متتكسفيش

ريم / وسع من سكتى عايزه امشى

محمود / لا والله هو ده اللى ربنا قدرك عليه وسع من سكتى اقول ايه بس والقول ضايع انزلى يا ست البرنسيسه ووسع ليها الطريق

ريم / كتمت ضحكتها ونزلت وقفت تاكسى وراحت على الجامعه بتاعتها

محمود / مشى أيده على راسه من وراه وقال شكلى هيجيلى جلطه على ما تنطق يارب لين الحجر بقى ونزل وقف تاكسى وراح على مكتبه

دخل مكتبه ولاحظ أن شهد بقالها كام يوم مش بتيجى استغرب وسأل زميل ليهم قالو أن هى اتخطبت لابن عمها وبتجهز نفسها للجواز اخر الشهر فرح ليها من قلبه واتمنى ان ريم ترضا عليه وتعترف ليه بحبها وبدأ يشوف شغله

______________________________

فى الشركه عند شريف وامير

دخلو الاتنين الشركه وقف امير مكانه وطلع شريف على مكتبه وقعد وبدأ يشوف شغله وشويه وباب مكتبه خبط اذن بالدخول الباب اتفتح ودخلت لميس

لميس / صباح الخير

شريف / صباح النور عامله ايه دلوقتى

لميس / دلوقتى حالا بقيت كويسه علشان شوفتك وسمعت صوتك

شريف / طيب يا ستى يارب دايمآ تكونى بخير

لميس / علشان اكون دايمآ بخير يبقى لازم اشوفك دايمآ قصاد عينى

شريف / تعرفى انتى دماغك طقه اوى

لميس / تعرف مين السبب انت يا شريف حبك جننى خلانى اشوف كل حاجه انت وصورتك تملى قصاد عينى ومش بتروح

شريف / للاسف مش بعرف اقول كلام حلو زيك

لميس / مش محتاجه كلام حلو منك يا شريف يكفينى اشوف بس حبى فى عينك ده عندى بالدنيا

شريف / خايف يا لميس

لميس / من ايه يا شريف

شريف / احسن يجى اليوم اللى تزهقى منى وتبعدى عنى

لميس / عمرى ما هبعد عنك غير ساعة الموت هى دى الحاجه الوحيده اللى هتبعدنى عنك لما جسمى يبقى تحت التراب بس برضه هبقى بروحى حواليك

شريف / بعد الشر عليكى

لميس / الموت عمره ما كان شر بس وجع القلوب للناس اللى بيحبوك ده اللى صعب اوى وجع الفراق ده هو اللى بيتعب يا شريف ياما ناس تحت التراب وعايشين فى قلوبنا وناس فوق الارض وميته فى عيونا

شريف / انتى حساسه اوى يا لميس

لميس / وانت طيب وحنين اوى يا شريف

شريف / هههههههههههه

لميس / بتضحك على ايه

شريف / هههههههه اصل شكلك كده مش ناويه تشتغلى الفتره الجايه والشركه ضياعها هيكون على ايدك يا لميس

لميس / هههههههههه ما انت السبب اعملك ايه مش قادره اركز فى الشغل وتفكيرى كله فيك انت

شريف / انا مالى يا اختى انا بقولك اهو روحى شوفى شغلك انا مش مسؤول

لميس / طيب ما تيجى معايه انت المكتب

شريف / هههههههههه اجى معاكى فين يا مجنونه وشغلى مين هيشتغله

لميس / انا اشتغله اقعد انت بس معايه وانا اشتغل شغلك وشغلى بس تكون قصاد عينى علطول

شريف / لاء ده انتى رايحه منك على الاخر

لميس / وقفت وقالت خلاص هروح وامرى لله بس اوعدنى انك كل شويه هتيجى تبص عليا فى مكتبى

شريف / إن شاءالله يا مجنونه

لميس / وفى البريك اوعى تاكل من غيرى

شريف / حاضر

لميس / شريف

شريف / اممم

لميس / بموت فيك

شريف / هههههههه وانا بحبك يا مجنونه

لميس / وهى مش مصدقه نفسها انت قولت ايه

شريف / بحبك

لميس / قعدت تنط وتقول اخيرآ قالها ابن وبعدين سكتت وقالت امك اسمها ايه صح

شريف / بصلها وضحك

لميس / مش مهم مش مهم المهم انك قولتها لولولولوى

شريف / بس يا مجنونه الناس فى الشركه تقول ايه

لميس / خلى اللى يقول يقول المهم انت اللى قولت واحده تانى بقى علشان امشى

شريف / بعشقك يا مجنونه ههههههههه

لميس / راحت عند الباب ولسه هتخرج رجعت تانى واديته بوسه فى خده وطلعت تجرى من مكتبه وراحت مكتبها

شريف / اتفاجأ وحط أيده على خده مكان ما بسته وبص عليها وهى بتجرى وبعدين غمض عينه وضحك وبعدين اتنهد وفتح عيونه وبدأ يشوف شغله

_____________________________

فى المدرسه عند روز وسامح

دخلت روز المدرسه وهى مكشره

ومش طايقه نفسها قابلتها جهاد

جهاد / صباح الخيريا رورو

روز / صباح النور

جهاد / ايه ده مالو الواد الأجنبى مكشر ليه

روز / مفيش

جهاد / ازاى مفيش مالك يا بنتى على الصبح

روز / رفعت الكم وورتها دراعها

جهاد / بصدمه ايه ده من ايه

روز / تفتكرى مين

جهاد / ابوكى

روز / No

جهاد / امك

روز / No

جهاد / امال مين الله يحرقك

روز / المستر العزيز

جهاد / خبطت على صدرها وقالت نهار اسوح مستر سامح

روز / ايوه

جهاد / وعمل فيكى كده ليه ابن المفتريه

روز / حكت ليها اللى حصل

جهاد / كانت مصدومه وفتح بؤقها

روز / what

جهاد / يخربيت سنينك كويس أن عمل كده فى دراعك واحد تانى اقسم بالله كان اغتصبك كويس أن الراجل قدر يتحكم فى نفسه

روز / طيب اعمل ايه البعيد جبله وبالشكل ده هخسر الرهان والصراحه عايزه اتعب أعصابه شويه زى ما علطول حارق دمى

جهاد / مش بجسمك يا بنتى احنا هنا فى مصر مش فى أمريكا والراجل اللى بجد عمره ما بيبص للبنت اللى عرضه جسمها

الرجاله هنا تحب البنت المحترمه اللى مفيش حته من جسمها باينه وغير كده انتى مسلمه ياروز وجسمك عوره ومينفعش اى حته فى جسمك تظهر غير لجوزك وبس جسمك امانه عليكى حافظى عليه واستريه تملى

روز / تعرفى أن انا لسه virgin مع أن فى أمريكا البنات اللى فى سنى بتعمل علاقات مع الرجاله عادى والبنت فى سن معين مسموح ليها انها تسيب بيت اهلها وتروح تقعد فى سكن لواحدها أو مع صديقها عادى أو حبيبها وبنات كتير من اصحابى فى امريكا كانو مستغربين ازاى انا كده بس تملى مامى كانت تحذرنى من الموضوع ده وتقولى تملى أن احنا مهما عشنا فى أمريكا برضه اصلنا مصريين والبنات العرب اعز حاجه عندهم شرفهم ومفيش راجل فى مصر بيتجوز واحده كانت ليها علاقات مع الرجاله قبله وان فى مصر لازم البنت تفضل كده لحد يوم فرحهم وخصوصآ الاسلام تملى يحس البنت أنها تحفظ فروجها وان الزانى والزانيه عقابها مائة جلدة كل الكلام ده مامى قالتو ليا وانا مكنتش اقصد كل ده بس حاولت العب بأعصابه مش اكتر ممكن اكون غلط بس من أفعاله معايه بيخلينى عايزه استفزه واغيظه بأى طريقه

جهاد /يا حبيبتى انا عارفه ومتأكده انك محترمه بس لسه مأثر فيكى شوية حاجات من عيشة امريكا زى لبسك وحاجات تانيه كتير انتى ممكن تبدأى بتغير طريقة لبسك شوفى هنا البنات بتلبس ايه والبسى زيهم بلاش لبس الشورت والجيبه القصيره والبنطلون المحذق اوى على جسمك ولما يكون المستر جاى عندكم مش لازم ميكب خليكى على طبيعتك انتى حلوه من غير اى حاجه

روز / اوك هعمل كده المهم عايزه انتقم منه على اللى عملو فى دراعى ده

جهاد / يخربيت مطنك امال انا كنت بتكلم فى ايه المستر معا حق فى اللى عملو فيكى هو حماكى من نفسه يا روز افهمى كده بقى

روز / اوك يلا بينا

جهاد / يلا

ودخلو قعدو وشويه ودخل عليهم سامح وكان بيشرح وعينه على روز اللى كانت مش بتبص ليه خالص وبعد وقت انتهى سامح من الشرح وبص لروز وقال روز تعالى عايزك

روز / حاضر وخرجت وراه وقالت افندم

سامح / دراعك عامل ايه دلوقتى

روز / هيكون عامل ايه يعنى صوابعك معلمه فيه وبيوجعنى

سامح / متزعليش والله انا معرفش عملت كده ازاى انا عمرى ما مديت ايدى على طالبه عندى بس انتى خرجتينى عن شعورى

روز / what ever يعنى اللى انا عملتو ده مش يديك الحق انك تمد ايدك عليا

سامح / اللى انا عملتو ده أبسط بكتير من لو كان واحد تانى مكانى ممكن يعملوا

روز / اوك يا مستر عايز حاجه تانى

سامح / انتى بتكلمينى كده ليه تصدقى أن انا غلطان أن عملت ليكى قيمه وبعتذرك

روز / لاء فعلا باين عليك ندمان اوى

سامح / روز امشى من قدامى حالا بدل ما اعلم على دراعك التانى

روز / همجى

سامح / بلاش تغلطى علشان متعصبنيش

روز / اوعى تكون مفكر أن انا بخاف منك

سامح / يا بنتى بلاش تخلينى افقد اعصابي

روز / ماشى يا بابا عن اذنك وبصت ليه بقرف ومشيت

سامح / اتعصب وخبط أيده فى الحيطه وقال تستاهل علشان انت اللى عملت ليها قيمه ونزلت من نفسك واعتذرت ليها بس ماشى يا روز هتشوفى وش سامح اللى شوفتيه اول ما جيتى هنا ونزل وهو متعصب

_____________________________

فى الجامعه عند زهراء

خلصت زهراء المحاضرات بتاعتها وراحت الكافتيريا قعدت على الطرابيزه اللى بتقعد عليها هى وسارة وحطت راسها عليها من كتر التعب وشوية وجت ساره لاقت زهره قعده على الطرابيزه وحاطه راسها عليها مرضتش تقعد عليها ولسه هتمشى لاقت زهره بتتكلم بصوت واطى راحت براحه تبص عليها لاقتها نايمه وجسمها بيترعش اتخضت عليها وحطت ايديها على راس زهره لاقتها حرارتها عاليه جدآ ووشها كله عرق خبطت على وشها وقالت زهره زهره اصحى بس لاقتها بتتكلم كلام مش مفهوم ومش حاسه بحاجه فى الوقت ده جه احمد

احمد / بقلق فى حاجه يا ساره

سارة / بدموع زهره شكلها تعبانه اوى وحرارتها عاليه جدا

احمد / كان باين عليها من الصبح

سارة / والعمل دلوقتى

احمد / اشلها واحطها فى العربيه ونروح بيها المستشفى

ساره / ها تشلها ل.ل.لاء

احمد / ليه والله مش فى نيتى حاجه

سارة / امير مش بيحب حد يجى جنبها انا هتصل بى ومسكت تليفونها واتصلت على امير وانتظرت الرد

امير / ايوه يا ساره

سارة / امير تعال بسرعه الجامعه زهره تعبانه اوى ومش حاسه بالدنيا

امير / بخوف ولهفه ا.ا انا جاى بسرعه ومشى يجرى وقف تاكسى وراح الجامعه واتصل بسارة وقالت ليه على مكانهم ودخل عندهم وحط أيده على دماغ زهره لاقه حرارتها عاليه اوى قال لازم تروح المستشفى حالا دى حرارتها عاليه اوى

احمد / شلها وحطها فى العربيه عندى

امير / ماشى وشالها وحطها فى العربيه من وراه وساره اخدتها فى حضنها وقعدت تمسح ليها العرق وركب امير جنب احمد وراحو على المستشفى وشالها امير ودخلها اوضت الكشف وجه الدكتور يكشف عليها

امير / لو سمحت ممكن دكتوره هى اللى تكشف عليها

الدكتور / اه طبعآ ثوانى ابعت ليك الدكتوره ومشى وشويه وجت دكتوره ودخلت كشفت على زهره وخرجت وقالت

الدكتوره / درجة حرارتها عاليه جدآ أدتها حقنه تنزلها ليها وكمان الضغط واطى عندها من قلة الاكل وضعيفه جدآ

امير / طيب يا دكتوره فى خطوره عليها

الدكتوره / لاء أن شاءالله بس ياريت تحطوها تحت مايه سقعه وتشرب سوايل كتير وياريت تاكل فواكه فيها حديد علشان يعوض جسمها شويه واهتمو بأكلها شويه واتفضل هات ليها العلاج ده وتمشى عليه بأنتظام

امير / يعنى اخدها وامشى خلاص

الدكتوره / شويه بس نطمن على الحراره والضغط بتاعها وتقدرو تمشو بعديها علطول

امير / شكرآ يا دكتوره

الدكتوره / العفو عن اذنك وسابتهم ومشيت

ساره / خليكى معاها على ما انزل اشترى ليها العلاج ده

سارة / حاضر

ونزل امير يجرى يشترى ليها العلاج

احمد /انا بجد مستغربكم

ساره / بدموع ليه

احمد / لما انتو خايفين عليها أوى كده ليه بتبعدو عنها

سارة / احنا بنحبها يا احمد مش بنكرها بس اللى خلانى نبعد عنها انانيتها وانت عارف الحكايه

احمد / بس الحب اللى بطريقة امير ليها حرام يروح كده

سارة / امير بيحب زهره لدرجة الجنون وان هو ياخد قرار أن يبعد عنها ده مش بالسهل عليه اكيد بيتقطع من جواه وبيعمل مجهود كبير علشان يدارى حزنه ووجعه عن الكل

احمد / بجد زهره وامير صعبانين عليا اوى

سارة / ومن سمعك يا احمد انا بتقطع من جوايا عليهم لكن مش فى ايدى حاجه اعملها

احمد / طيب بس احسن اخوكى جاى

امير / وصل عندهم وقال اطمنتو عليها

ساره / لسه

امير / طيب ادخلى اطمنى عليها

ساره / حاضر ودخلت ساره لاقت زهره فاقت قالت ليها عامله ايه دلوقتى

زهراء / كويسه مين جبنى هنا

ساره / امير

زهراء / بدموع وتعب نفسه ليه

ساره / انا اتصلت بي

زهراء / متشكره اوى ليكم ولسه هتقوم

ساره / رايحه فين كده

زهراء / همشى

ساره / مش هينفع تمشى دلوقتى لازم الدكتوره تطمن عليكى الاول

زهراء / انا كويسه وقامت من على السرير بصعوبه ومشيت وهى حاسه بدوخه وكانت هتقع

ساره/ طلعت تجرى عليها وقالت انتى ليه دماغك ناشفه كده شكلك لسه تعبانه

زهراء / سحبت ايديها منها وقالت انا كويسه وفتحت الباب وخرجت

امير وأحمد / بصو ليها بأستغراب وبعدين بصو لساره

ساره / اعملها ايه مش عايزه تقعد

احمد / زهره انتى شكلك لسه تعبانه

زهراء / انا كويسه وسابتهم ومشيت وهى حاسه برضه بدوخه

التلاته قعدو يبصو عليها بأستغراب

زهراء /وقفت فاجئه وكانت هتقع على الأرض بس ايد امير لاحقتها

زهراء/ بصت ليه فى عيونه وحاولت تحبس دموعها

امير / سندها وقفها وقال ساره تعالى اسنديها

زهراء / سحبت نفسها منه وقالت مش محتاجه حد يسندنى وسندت على الحيطه ومشيت نزلت بصعوبه

التلاته نزلو وراها ولسه زهره هتوقف تاكسى

احمد / لاء يا زهره تعالى واوصلك معانا فى العربيه

زهراء / لاء شكرآ انا هركب تاكسى ووقفت تاكسى ولسه هتركب

امير / شدها من دراعها وقفل باب التاكسى وقال لسواق اتكل على الله يا اسطه ربنا يسهلك وسحب زهره وفتح باب العربيه من وراه حدفها ورزع الباب وبص لساره وقال اركبى جنبها

زهراء / بغيظ انت بأى حق تمنعنى ها مش انت خلاص هتبعد عنى ليه شاغل بالك بيا

امير / بعصبيه ساره اركبى اخلصى وركب احمد وامير ومشو من غير ولا كلمه وصلو البيت ونزلت زهره علطول وطلعت تجرى على الشقه

ساره / نزلت وطلعت وراها

امير / نزل وقال اتفضل يا احمد شويه

احمد / ربنا يكرمك مره تانيه يدوب اروح الفيلا اكل لقمه وانام

امير / كلمة شكرآ مش هتكفيك والله على اللى انت عامله معانا من امبارح

احمد / عيب يا أمير اعتبرنى زى اخوك واى وقت تحتاجنى اطلبنى علطول

امير / انا معرفكش غير من يوميآ ومعزتك فى قلبى زى اخويه واكتر والله

احمد / ربنا يديم المعروف اللى ما بنا السلام عليكم وشغل العربيه ومشى وامير طلع على شقة توفيق

نبيله / تعال يا ابنى معلش تعبينك معانا اصل بنتى متعبه اتحيلت عليها متنزلش وهى كده بس صممت انها تنزل

امير / مفيش تعب ولا حاجه يا خالتى وده العلاج بتاعها ومكتوب فيه المواعيد ودول شوية فاكهه علشان الدكتوره قالت محتاجه تاكل فاكهه فيها حديد واهتمى يا خالتى بأكلها شويه

نبيله / ربنا يعلم يا حبيبى انا بتحايل عليها قد ايه بس هى خايفه على جسمها ليبوظ

امير / معلش يا خالتى اغصبى عليها شويه كمان

نبيله / حاضر يا حبيبى

توفيق / امير اعمل حسابك أن خطوبتكم وكتب كتابكم يوم الجمعه الجايه وبكره انزلو اشترو الدبل علشان النهارده الوقت أتأخر

امير / اتصدم وقال عمى ان

فى شقة توفيق

فى اوضت زهراء

دخلت زهراء علطول اوضتها اول ما طلعت من تحت من غير ما تتكلم مع أى حد من الموجودين فى الشقه واترمت على السرير وقعدت تعيط وشويه ودخلت ريم وقعدت جنبها وشدتها فى حضنها وقالت

ريم / زهره مالك يا حبيبتى من امبارح فيكى حاجه وجعاكى وكسراكى من جواكى وانتى مش عايزه تتكلمى احكى يا زهره انا اختك واقدر احس بوجعك اكتر من اى حد تانى

زهراء / بدموع انا تعبانه اوى اوى يا ريم مش قادره اصدق نفسى أن أمير خلاص هيبعد عنى انا بحبه ومقدرش اعيش من غيره

ريم / ويبعد عنك ليه امير بيحبك وميقدرش يعيش من غيرك

زهراء / أمير قرر يبعد عنى يا ريم

ريم / اكيد فى سبب لكده يا زهره وبعدين انتى ليه زعلانه أن هو هيبعد عنك مش انتى من الاساس كنتى مش عايزه تتجوزيه

زهراء / لاء يا ريم انا مقولتش أن مش عايزه اتجوزه انا قولت نأجل الجواز شويه ولما ابوكى وامك ضربونى قولت مش هتجوزه خالص كتهديد ليهم لكن أنا مقدرش استغنا عن امير واهو هو اللى استغنا عنى وخلاص هيبعد ويسبنى

ريم / لاء يا زهره تلاقيه بس بيهددك لكن هو ميقدرش يبعد عنك امير بيحبك اكتر من نفسه يا بنتى ومش بالسهوله دى هيقدر يبعد وفى الوقت ده سكتو خالص يسمعو فى ايه بره

_____________________________

عند توفيق وامير

توفيق / امير اعمل حسابك أن خطوبتكم وكتب كتابكم يوم الجمعه الجايه وبكره انزلو اشترو الدبل علشان النهارده الوقت أتأخر

امير / اتصدم وقال عمى انا احم م.م.مش مستعد دلوقتى

امينه / انا هديك الدهب بتاعى بيعه اشترى الدبلتين وهات ليها كمان خاتم ولا حاجه خليها تفرح

امير / ايوه يا ماما بس كتب كتاب ليه

توفيق / علشان تبقى مراتك يا ابنى نزلتو طلعتو رجعتو متأخر محدش يتكلم نص كلمه لأنها مراتك وكمان لازم يبقى فى كتب كتاب علطول لان العيشه واحده ولو هتبقى خطوبه بس مش هينفع النظام القديم ولا انكم تقعدو مع بعض علطول لأنها سعتها هتبقى خطبتك انما لو مراتك حتى لو دخلت عندكم تبقى مفيهاش حاجه فاهمتنى يا ابنى

امير / مبقاش عارف يتصرف ازاى يقول أن هو مش عايز الموضوع ويزعلهم منه ولا يوافق ويرضيهم كلهم

شريف / ما تنطق يا عم الاخرس انت

امينه / يعنى هو هيقول لاء ما احنا كلنا عارفين ان هو بيحلم بكده من زمان

امير / اللى شيفينه صح اعملو

توفيق / انا عايز اسمعها منك يا ابنى

امير / غمض عينه وقال حاضر يا عمى

نبيله / لولولولولولوى

خرجت ريم وزهراء يشوفو فى ايه

ريم / فى ايه

نبيله / حددو يوم الجمعه خطوبة زهره وكتب كتابها

زهراء / اتفاجئت لما سمعت كده وبصت على امير

امير / اول ما عينه جت فى عين زهره غير وشه

محمود / عقبالى انا كمان لما ناس دماغها تلين وبص على ريم

سامح / بص ليه بغيظ وقال قصدك ايه

محمود / ما براحه علينا يا عم الحمش بتمنى اتجوز ايه مزعلك انت

امينه / ربنا يسعدكم كلكم يا ولاد والفرح تملى يملا بتنا

شريف / مبروك ياميرو

امير / الله يبارك فيك

نبيله / اقعد يا ابنى شويه

امير / معلش يا خالتى يدوب انزل الشغل علشان متأخرش وبص لزهره بصه طويله وخرج

زهراء / كانت مستغربه كل اللى بيحصل ومش فاهمه حاجه

ريم / مش قولتلك ميقدرش يبعد عنك اهو هيكتب كتابك كمان علشان تبقى مراته

زهراء / انا مبقدش فاهمه حاجه خالص وسابتها ودخلت اوضتها

ريم / بصت على محمود لاقته بيبص ليها بهيام وبيضحك بصت ليه بأستفزاز ودخلت وقفلت الباب فى وشه

محمود / اتغاظ وقال لنفسه ماشى يا ريم بتدخلى الاوضه وتقفلى الباب فى وشى وربنا هوريكى

امينه / مالك يا ساره قاعده ساكته مش بتتكلمى ولا بركتى لصحبتك

ساره / مفيش يا ماما

شريف / الاختين الحلوين هناء و شيرين متخاصمين مع بعض

نبيله / انتو مش هتكبرو ابدآ هتفضلو زى ما كنتو عيال تلعبو مع بعض شويه وتتخاصمو مع بعض شويه

ساره / عادى يا خالتى احنا متعودين على كده

نبيله / ربنا يصلح حالكم ويسعدكم يارب

ساره / تسلميلى يا خالتى يلا هدخل انام تصبحو على خير

الكل/ وانتى من أهله

محمود / يلا احنا كمان يا اما

امينه / يلا يا حبيبى ووقفت وقالت تصبحو على خير

نبيله / وانتو من أهله

ودخل محمود وأمينه شقتهم

شريف / وقف وقال هدخل انا انام تصبحو على خير

الكل / وانت من أهله

سامح / خدنى معاك

ودخلو الاتنين نامو

نبيله / حلوه فكرت كتب الكتاب دى علشان بنتك متفركش الخطوبه

توفيق / انا قولت دى الحاجه الوحيده اللى تنفع مع زهره

نبيله / عاشت يا حبيبى افكارك

توفيق / يا قلبى طول ما انتى جنبى ومعايه عقلى بيشتغل علطول

نبيله / ربنا يخليك ليا يارب

توفيق / طيب ما تيجى والعيال نايمين كده

نبيله / ياراجل اختشى ده احنا عيالنا اطول مننا

توفيق / بس الحمدالله لسه شباب اكتر من عيالك الصبيان تعالى بس

نبيله / يوه يا راجل مالك مش على بعضك كده

توفيق / يا وليه واحشتينى يلا بس قومى

نبيله / هههههههه شكلك عقلك فوت

توفيق / شدها من ايديها ودخلها الاوضه وقفل الباب و(سكتت شهرزاد عن الكلام الغير مباح 😉😉 ليكى واحشه يا غاليه 😂😂)

_____________________________

فى الاوضه عند زهراء وريم

ريم / صدقتى كلامى بقى امير بيحبك وميقدرش يعيش من غيرك

زهراء / انا الصراحه مش عارفه ولا فاهمه حاجه امير قال بلسانه هيبعد عنى وبعد كده جه اتفق مع بابا على كتب كتاب يبقى معنى ايه الكلام ده

ريم / معنى أن هو كان بيهددك بالكلام ده وخلاص

زهراء / تفتكرى

ريم / ايوه

زهراء / مش عارفه افرح ولا ازعل ولا اعمل ايه حاسه ان انا متلغبطه كل الافكار على بعضيها

ريم / افرحى وعيشى اللحظه كلها يومين وهتبقى حرم أمير

زهراء / سكتت شويه وقالت بس انا كان نفسى أخرج من الحاره دى

ريم / تانى يا زهره

زهراء / انا بتكلم عادى كان امل حياتى أخرج منها واعيش وانا مرتاحه مش شايله هم بكره

ريم / يعنى انتى عايزه امير ولا مش عايزاه

زهراء / عايزاه بس نفسى أعيش معاه بعيد عن هنا يا ريم نفسى اقب على وش الدنيا بقى بدل الفقر اللى نحل وابرنا ده

ريم / تصدقى يا زهره انا لحد من شويه كنت مقتنعه انك اتغيرتى بس صح اللى فيه طبع عمره ما يعرف يغيره وانتى حبك للفلوس هيفضل فيكى العمر كله انتى عارفه انا اكتشفت فيكى ايه انك ضعيفه اوى اوى من غير امير ولما اتأكدى أن هو بقى ليكى تانى رجعت قوتك تانى ربنا يهديكى ويصلح حالك تصبحى على خير وسابتها ونامت

زهراء / بصت لريم بأستغراب وقالت وانتى من أهله ونامت هى كمان

____________________________

اشرقت شمس صباح يوم جديد بنورها الساطع فى سماء العاصمه

كان امير واقف فى البلكونه من ساعة ما رجع من شغله بيفكر فى حاله وحال زهره لحد ما الناس بدأت تصحه قام محمود وبص ليه وقال

محمود / صباح الخير يا ابنى

امير / صباح النور

محمود / ايه مصحيك كده انا كل شويه اقلق من النوم وابص عليك الاقيك واقف فى البلكونه

امير / مش جيلى نوم

محمود / كل ده من الفرحه اوعدنا يارب

امير / بزعل ربنا ما يكتب عليك التفكير اللى فى دماغى روح شوف هتعمل ايه

محمود / بصله بأستغراب وقال اينعم مش فاهم بتقول ايه بس اشطا عليك وسابه ومشى

امير / رجع يبص تانى لشارع وشويه وحس بأيد على كتفه بص لاقها ساره

ساره / صباح الخير يا أمير

امير / صباح النور

ساره / شكلك منمتش خالص

امير / انام ازاى بس

ساره / بتفكر فى موضوع كتب كتابك على زهره طيب ليه وافقت

امير / دخل وقعد على السرير وقال علشان مينفعش ارفض وازعل عمى توفيق وانتى عارفه أن هو اللى ربانا بعد موت بابا الله يرحمه وخالتى نبيله اللى بتحبنا زى عيالها مكنش ينفع اقولهم لاء كنت هكسرهم وانا بحبهم بجد دول اهلى التانين يا ساره وانتى عارفه كده

ساره / طيب وانت هتعمل ايه مع زهره

امير / مش عارف طول الليل افكر فى الموضوع ده لو كانت الحكايه تلبيس دبل بس كنا بعد فتره فركشنا وقولنا أن محصلش نصيب لكن ده كتب كتاب يعنى هتبقى مراتى ملزومه منى لازم اعاملها بأحسان وانا مش هقدر اعمل كده قلبى لسه مكسور ومجروح من اللى عملتو فيا يا ساره مش عارف دماغى هتفرتك من كتر التفكير

ساره / بس شكلها مكسوره اوى من غيرك يا أمير

امير / ههههههههه يعنى انتى متعرفيش زهره يا ساره يومين بالكتير وهترجع اقوى من الاول

ساره / ما هو ده اللى مخوفنى يا أمير خايفه ترجع تانى زى الاول

امير / ده شئ اكيد

ساره / عندى فكره

امير / فكرة ايه

ساره / هقولك بص يا سيدى

_____________________________

فى شقة توفيق

فى اوضت زهراء

صحيت من نومها وقامت قعدت على سريرها واتنهدت وقالت موال كل يوم يا بتاع الخزين يا بصل بكيا صوت العيال وهما رايحين المدرسه صوت المحل اللى تحت البيت وهو بيفتح تعبت بجد تعبت

ريم / انتى بتكلمى نفسك يا زهره

زهراء / تعبت اقسم بالله موال كل يوم فى الحاره دى كأنهم عايشين معانا فى نفس الاوضه بجد حاجه بقت مقرفه

ريم / والله وانتى اصلا من امته وانتى بتصحى على صوت حد ما طول عمرك وانتى بطلعى عنينا فى الصحيان انتى واخوكى سامح حاجه كده مستفزه

زهراء / خلاص يا اختى مكنش كلمتين قولتهم وبعدين انا كنت بكلم نفسى انتى اللى ادخلتى وسألتى

ريم / حق عليا انا غلطانه أن قولت اشوف مالك وقامت دخلت الحمام

زهراء / قامت من على سريرها وخرجت من اوضتها وقالت صباح الخير

نبيله / صباح النور

زهراء / انا جعانه اوى يا ماما

نبيله / الاكل اهو بحضره بس روحى صحى اخواتك

زهراء / اصحى مين ما انتى عارفه أن انا وسامح مش بنتفق مع بعض وكذا مره نتخانق انا وهو بسبب كده

نبيله / هو مفيش حاجه اطلبها منك تعمليها ابدآ

ريم / دخلت وقالت صباح الخير يا ماما

نبيله / صباح النور

زهراء / بس اهى بنتك اللى بتسمع كلامك جت خليها هى تروح انا هدخل الحمام وسابتهم ودخلت الحمام

ريم / عايزه ايه يا ماما وانا اعملو

نبيله / روحى صحى اخواتك

ريم / حاضر يا ماما وراحت عند اوضت اخواتها ودخلت كان شريف صاحى قالت صباح الخير يا أبيه

شريف / صباح النور يا ريمو

ريم / صاحى من بدرى

شريف / من شويه حاولت اصحى الاخ بس مقتول على الاخر

ريم / ربنا يطمنك يا أبيه

شريف / قام من على سريره وقال ربنا معاكى يا ريمو وخرج وسابها

ريم / سامح يا سامح

سامح / ............

ريم / يا سامح اصحه يلا

سامح / ............

ريم / ساااااااااامح

سامح / قام مفزوع وقال ايه فى ايه

ريم / احم مفيش بس كنت بصحيك علشان متتأخرش

سامح / العن، فى حد يصحى حد كده يا شيخه غورى فى ستين تاهيه تاخدك

ريم / صعبت عليها نفسها خرجت وهى حابسه دموعها فى عينيها

سامح / اتنهد وغمض عينه وقام من على السرير بعصبيه وخرج من الاوضه سأل ريم وقال فى حد فى الحمام

ريم / وهى لسه الدموع فى عينيها قالت أبيه شريف

سامح / بص عليها لاقها حابسه دموعها عرف انها بسببه شدها فى حضنه وقال حقك عليا انتى عرفانى بقوم متعصب من النوم متزعليش منى وبسها فى راسها

ريم / مفيش حاجه يا سامح مش زعلانه منك

شريف / خرج وقال مدام انت حنين كده بتزعلها ليه من الاول وحدف الفوطه فى وشه

سامح / بلاش غلاستك دى على الصبح يا اخى

شريف / بص لريم وقال اخوكى ده وشه يقطع الخميره من البيت الله يكون فى عون اللى هيتجوزها

نبيله / انت تانى

شريف / احم لاء خلاص خلاص

نبيله / يا ابنى يا حبيبى ما تشوف ليك واحده بنت حلال تتجوزها مبقتش صغير وشقتك عندك مش هتحتاج غير شوية الفرش ودول أمرهم سهل

شريف /ربنا يسهل يا ماما

نبيله / يادى النيله مكانتش جوازه عقدتك فى كل الستات منهالله ربنا ينتقم منها هى واهلها

شريف / خلاص يا ماما قفلى على الموضوع ده

زهراء / متبقاش امك لو مكانتش مغصة عليك عشتك وفتحت ليك فى الدفاتر القديمه لازم تنكد على الواحد

نبيله / هقول ايه وانتى القول فيكى ضايع

سامح / ردت فيكى الروح اهو امبارح قولنا انك هتموتى بس شكلك شبه القطط بسبع ارواح

زهراء / متخفش قعده على قلبك يا اخويه

سامح / وتقعدى على قلبى ليه اقعدى على قلب امير واقرفيه الله يكون فى عونه الصراحه

زهراء / ملكش دعوه اطلع منها انت بس

سامح / داس على سنانه وبصلها بقرف وقال بنأدمه مستفزه

زهراء / اسم الله عليك انت يا كتلة برود متنقله فى الشقه

شريف / انتى عارفه يا زوزو انا حاسس فى يوم سامح هيشيلك ويحدفك من البلكونه اخوكى ده خلقه عند مناخيره مش بيحب الكلام كتير

زهراء / الله مش هو اللى بيتكلم مش لازم ارد عليه

نبيله / انا تعبت مفيش يوم يعدى من غير ما حد فيكم يشد مع التانى كأنكم مش اخوات مشفتش كده فى حياتى

شريف / انطقى يا اما احنا ولاد مين بالظبط

نبيله / عوض عليا يارب خلفتهم سوده وسابتهم وراحت تحضر بقيت الفطار

زهراء / اما جعانه اوى

شريف / يا برده يا غلسه قومى حضرى معاها

زهراء / ما ريم معاها الله

شريف / على رأى سامح مستفزه

زهراء / وربنا انتو اللى مستفزين ومعندكمش دم

شريف / الله يكون فى عونك يا امير اخد أكبر مصيبه فى حياتك

زهراء / هه خفه وبعدين قالت يلا يا اما هموت من الجوع مأكلتش من امبارح حاجه

نبيله / من جوه حطى الطبليه علشان جاين بالاطباق

زهراء / هوووف حاضر وحطت الطبليه وحطو الاطباق عليها وقعدو ياكلو وبعد وقت قامت زهره وقالت

زهراء / يلا يا شريف علشان منتأخرش

شريف / يلا ايه انا لسه باكل

زهراء / كفايه على نفسك كده عجلت وبقى عندك كرش

شريف / لاء عادى ولا بيهمنى

زهراء / طفس

توفيق / متتأخريش زى امبارح علشان تشترو الدبل

زهراء / ماشى عايزه فلوس اشترى فستان علشان دى خطوبه وكتب كتاب مش هينفع احضر بالقديم

نبيله / بنت انتى معندكيش دم مش بتفكرى غير فى نفسك وبس مش لسه ورانا مصاريف قد كده

زهراء / يا سلام وانا اعمل ايه يعنى مش المفروض اى واحده بيجى ليها فستان جديد فى خطوبتها

توفيق / خدى فلوس اهى هاتى الفستان اللى انتى عايزاه

زهراء / شدتهم من أيده وعدتهم وقالت بس دول ميجبوش حاجه

توفيق / حاولى تجيبى حاجه على قدهم

زهراء / نفخت وقالت هوف مفيش مره تدونى فلوس تجيب حاجه عدله ابدآ ودخلت اوضتها وقعدت على السرير وافتكرت السلسله اللى اسلام أداها ليها فتحت دولابها واخدتها وبصت ليها وقالت حلو ابيعها واجيب اللى انا عايزاه وحطتها فى شنتطها وخرجت من الاوضه وقالت يلا يا شريف

شريف / وقف وقال يلا وخرجو الاتنين وراحو خبطو على باب امير فتحت ليهم ساره واتفاجئت بوجود زهره مع شريف

ساره / بصت لزهراء بغيظ وقالت صباح الخير يا شيفو

شريف / صباح النور يا سرسور امير جاهز

ساره /ايوه ادخل

شريف / دخل هو زهره وقال صباح الخير

الكل / صباح النور

امينه / عامله ايه دلوقتى يا زهره

زهراء / الحمدالله يا طنط

امير / بصلها بأستغراب وبعدين بص لساره

ساره / بصت ليه بصه بمعنى أنها كمان مستغربه

محمود / شايف ان بقت صحتك احسن لما عرفتى بموضوع كتب الكتاب يا زوزو

زهراء / ههههههههههه انت شايف ايه

محمود / انا شايف قمر منور قدامى

امير / اتغاظ من محمود وبصله بمعنى يسكت

شريف /مالك يا ابنى اتخرست ولا ايه مش بتنطق يعنى

امير / هقول ايه

شريف / ولا حاجه انا اللى هقول يلا بينا علشان ننزل

امير / خد ساره معاك وصلها وانا ورايا حاجه هخلصها وجاى وراكم

شريف / حاجة ايه دى

امير / حاجه يا شريف وخلاص

شريف / ماشى ماشى يلا يا ساره

ساره / بصت لزهراء وبعدين مشيت

زهراء / اتغاظت ان أمير منزلش معاهم بصت ليه بص الإتجاه التانى وسابهم ودخل اوضه

ونزلو التلاته ركبو تاكسى وصل البنات الجامعه وراح هو على الشركه

امير / اول ما اتأكد أنهم ركبو تاكسى نزل وقف تاكسى وراح على الشركه

_____________________________

فى المدرسه عند روز

وصلت جهاد المدرسه ولاقت روز قعده راحت عندها وقالت

جهاد / صباح الخير يا مزتى عامله ايه النهارده

روز / صباح النور الحمدالله

جهاد / المهم لسه الواد الأجنبى زعلان

روز / امممم لاء خالص

جهاد / هههههههه ما هو واضح اهو

روز / اللى غيظنى أن هو اللى غلطان وكمان مش عجبه أن انا ازعل عايز اول ما يقول سورى اسف اقولو ولا يهمك يا مستر اعمل فيا اللى انت عايزه

جهاد / اساسآ يا بنتى دى معجزه أن المستر يعتذر منك دى محصلتش فى تاريخ البشريه كلها ومن مين من مستر سامح اللى مش بيضحك لرغيف السخن

روز / ليه يعنى ميعتذرش انزل من السما

جهاد / على ما اعتقد يا روز المستر بدأ يتحرك جواه حاجه ليكى

روز / ازاى يعنى

جهاد / أن المستر يعاملك معامله مختلفه عننا كلنا ده معنى حاجه واحده بس وسعات بشوف نظرت عينه ليكى مش طبيعيه بحس أن هو عينه بتنطق اللى جوه قلبه بس بما هو المستر سامح الواد التقيل اللى مغلبنا كلنا مستحيل ينطق الا لما تطلع عينك وعين اللى خلفوكى

روز / ابتسمت وقالت ياريت

جهاد / بغمزه ايه النظام

روز / ها ق.ق.قصدك ايه انا قصدى يعنى علشان اكسب الرهان واشحطفه واوجع قلبه

جهاد / لا استنى استنى انتى قولتى ايه اشحطفه جبتى منين يا بت الكلمه دى

روز / هههههههه سمعتها فى فيلم عربى

جهاد / من هنا ورايح مفيش فرجه على التلفزيون كفايه عليكى انا انتى كده هضيع يا وديع

روز / ايه انتى بتقولى ايه

جهاد / ما علينا كبرى من الهبل ده المهم عايزه اقولك على حاجه

روز / قولى

جهاد / انا خايفه عليكى بجد ياروز

روز / من ايه يا جهاد

جهاد / خايفه تتعلقى بالمستر يا روز

روز / ل.ل.لا طبعآ يا بنتى ايه اللى بتقوليه ده

جهاد / انا اه معرفكيش غير من فتره صغيره بس بحس أن اعرفك من زمان اوى وبفهمك بسهوله وبشوف نظرتك ليه وهو بيشرح ولا لما يكون معدى بحس بشحطفت قلبك واحنا ماشين من المدرسه من غير ما تشوفيه بيبقى نفسك تستنى لحد ما يخرج طيب اقولك على حاجه أوقات بحس انك بتغيرى عليه لما يسأل سؤال لبنت أو بنت تسأله سؤال

روز / م.م.مفيش حاجه من الكلام ده يا بنتى

جهاد /عمومآ بلاش تعلقى قلبك بى اوى احنا فى الاول والاخر وخدنها لعبه وعملين رهان بلاش تخلى اللعبه تقلب جد

روز / بصت ليها وقالت قومى يلا زمان المستر جاى

جهاد / اوك يلا ودخلو الاتنين قعدو وشويه ودخل مدرس تانى وقال

المدرس / مستر سامح اعتذر النهارده وانا اللى هديكم مكانه

روز / زعلت أن هو مدخلش

جهاد / بصت ليها وقالت شوفى ملامح وشك اتغيرت ازاى لما عرفتى أن هو مش هيدخل

روز / عادى يعنى وانا ايه هيزعلنى

جهاد / ما هو واضح اهو

روز / طيب اسكتى بقى وركزى مع الشرح

جهاد / ماشى

____________________________

فى شقة امير

خرج محمود من باب الشقه بتاعتهم وراح خبط على باب شقة توفيق فتحت ليه ريم

ريم / محمود خير

محمود / عايز خالتى ناديها

ريم/ ليه

محمود / انتى مالك

ريم / اتغاظت وقالت ماشى وبعدين قالت ماما ماما كلمى محمود

محمود / أسمى طالع من شفايفك زى العسل

ريم / بصت ليه بغيظ ولسه هترد جت نبيله

نبيله / خير يا حبيبى تعال ادخل

محمود / معلش يا خالتى بس كنت بستأذن منك اخد ريم معايه المكتب

نبيله / وريم هتعمل ايه معاك يا حبيبى فى المكتب

محمود / هخدها مكان زميله ليا تدرب علشان لما تتخرج تلاقى مكتب تشتغل فيه

ريم / كانت مش مصدقه نفسها انها هتدرب فى مكتب وده كان حلم حياتها

نبيله / ماشى يا ابنى بس اهم حاجه ميأثرش على دراستها

محمود / بالعكس يا خالتى ده هيخليها تتفوق فى دراستها وبص على ريم لاقها مبسوطه فرح جدآ أن هو قدر يعمل حاجه تفرحها

نبيله / وهى هتبدأ من النهارده

محمود / ايوه

نبيله / طيب والمدرسه بتاعتها

محمود / مدرسه ههههههههه

نبيله / يا اخويه وانا اش عرفنى البتاعه اللى بيرحوها دى

محمود / الجامعه متخفيش هو النهارده بس وبعد كده هيكون يومين فى الأسبوع وبعد الجامعه بتاعتها

نبيله / ربنا معاكم يا حبيبى

محمود / يلا يا ريم

ريم / دخلت جابت الشنطه بتاعتها وهى مبسوطه ونزلت مع محمود

محمود / هههههههههههه

ريم / بتضحك على ايه

محمود / اصل فكرت أن اليوم ده مش هيجى

ريم / يوم ايه

محمود / أنك تمشى معايه من غير ما تسمعينى كلمتين يحرقو الدم وفى الاخر تمشى وتسبينى

ريم / اولا علشان انت استأذنت من ماما ثانيآ انا مش ماشيه معاك علشان اتسرمح انا ماشيه معاك علشان حلم حياتى أن ادرب فى مكتب يعنى علشان مصلحتى واهم حاجه أن خروجتى دى مش زى خروجة البنات اللى انت واخد عليهم

محمود / احيه يا ابو سوسو احيه كل ده علشان ضحكة وفرحان انك ماشيه معايه ده انتى هتشلينى اقسم بالله

ريم / بس متقطعش

محمود / لاء بجد يا ريم انا قلبى اتشحطف على الاخر ده عذاب اللى بتعمليه فيا ده

ريم / اعملك ايه يعنى

محمود / وقفها وقال ريم انا بحبك بجد مش واخدها تسليه زى ما بتقولى طيب انا دلوقتى بروح من المكتب على البيت بتشوفينى بخرج ولا بروح ولا باجى كل ده علشانك حتى لما اصحابى يتصلو بيا ويقولو تعال اسهر معانا شويه برفض علشان خاطرك انتى ومتفكريش أن خارج مع واحده ياريم انتى بقيتى كل حياتى

ريم / بصت ليه وقالت وقف تاكسى علشان منتأخرش

محمود / بصلها بأستغراب وقال هو ده اللى ربنا قدرك عليه اقولك بحبك تقولى وقف تاكسى علشان هنتأخر ايه الجبروت اللى فيكى ده يا بنتى ارحمى من فى الارض يرحمك من فى السماء

ريم / خلصت

محمود / مشى أيده على راسه من وراه وقال ايوه

ريم / برضه يلا علشان هنتأخر

محمود / وربنا كل اللى عملتو فى البنات زمان انتى بتخلصيه منى دلوقتى امشى يا ريم ووقف تاكسى وركبت ريم من وراه وهى بتكتم ضحكتها وركب محمود جنب السواق وراحو على المكتب

_____________________________

فى الجامعه عند زهراء

دخلت ساره وزهره الجامعه بس كل واحد منهم مشى من طريق ومكلموش بعض طول الطريق

احمد / اول ما شاف ساره قام وراح عندها وقال صباح الخير

ساره / صباح النور

احمد / لسه زعلانه مع زهره

ساره / ايوه

احمد / وامير

ساره / امير الله يكون فى عونه على اللى هو فيه

احمد / ليه

ساره / ابو زهره حدد الجمعه الجايه شبكه وكتب كتاب وامير مقدرش يتكلم لان عمو توفيق هو اللى مربينا بعد موت بابا الله يرحمه

احمد / الجمعه انو بتاعة بعد بكره دى

ساره / ايوه

احمد / طيب وزهره ايه رد فعلها على الخبر ده

ساره / ولا حاجه بس شيفاها مبسوطه وبدأت ترجع زهره اللى احنا كلنا عارفنها

احمد / وامير كده هيكتب الكتاب مش قدامه حاجه غير كده

ساره / للاسف

احمد / انا حاسس أن الحكايه بتتعقد اكتر

ساره / اللى ربنا عايزه هو اللى هيكون

احمد / ونعمه بالله

ساره / عن اذنك

احمد / رايحه فين لسه شويه على المحاضره خليكى شويه

ساره / انا قولت اسيبك براحتك

احمد / هى دى راحتى لما اقف اتكلم معاكى

ساره / بصت على الارض وسكتت

احمد / اللى يشوفك وانتى بتدخلى فى الواحد شمال لو عكسك ما يشوفك وانتى بتتكسفى من اقل كلمه

ساره / انا اتعود ادافع عن نفسى من الشباب لان اكترهم مش عندهم نخوه بيعاكسونا واحنا ماشين

احمد / جدعه على فكره وده اكتر حاجه لفتت انتباهى ليكى من زمان ان اى شاب بيحاول يقربلك بتقومى معاه بالواجب

ساره / بس انت ايه خلاك من شلة المخفى رغم انك مش زيهم

احمد / قصدك اسلام

ساره / ايوه زفت الطين

احمد / اسلام يبقى جارنا بس مش الفيلا اللى احنا روحنا فيها لاء الفيلا التانيه بتاعة أهله واحنا أصحاب ومن احنا اطفال ولحد ما دخلنا إعدادى كان اسلام كويس جدآ على فكره بس طلاق أمه وسفر ابوه الدايم والفلوس الزياده عن اللزوم هى اللى غيرته وخلته بالشكل ده سهر وخروج مع البنات وعلاقات محرمه لحد ما وصل أن البنت اللى ترفضه يعمل معاها زى ما عمل مع زهره وليه اخت فى ثانوى برضه ضايعه كده

ساره / طبيعى لازم يكونو كده مدام مفيش مراقبه من الاهل ام اطلقت واب مفكر حبه وحنيته على ولاده بالفلوس اللى يجمعها ليهم ومحدش بيفكر فى الاولاد دى هتطلع ايه ولا بتعمل ايه دول فضلو الفلوس عن العلم والحب والادب وحاجات ومبادئ تانيه كتير وفى الاخر احنا الغلابه اللى بندفع تمن استهتار الأهالى فى تربية ولادهم

احمد / مش كلهم على فكره

ساره / مش كلكم عارفه انا قصدى على عينة اسلام وأهله اللى مفكرين أن يقدرو يشترو كل حاجه بالفلوس حتى شرف الواحده

احمد / على فكره عمر الادب والاحترام ما كان لطبقه معينه كل طبقه وفيها الوحش والحلو يعنى الاحترام ملهوش علاقه بغنى ولا فقير الاحترام بيبقى لبنأدم صالح وبنأدم لاء

ساره / عندك حق يا احمد بجد انت بنأدم طيب جدآ واخلاقك عاليه اوى مش زى ما كنت مفكراك

احمد / انتى بنأدمه جميله اوى من جوه ومن بره زى ما كنت متوقعك بالظبط

ساره / ش.ش.شكرآ

احمد / تعرفى اختى نفسها تشوفك اوى من كتر ما بحكلها عنك

ساره / بجد بتحكلها عنى انا

احمد / ايوه ومن زمان كمان حبيتك اوى من كلامى عليكى

ساره / اختك الكبيره

احمد / انا اكبرهم دى اختى الوسطانيه وعندى اخت تانيه فى ابتدائى

ساره / ربنا يخليهم ليك واختك دى فى سنه كام

احمد / ثانويه عامه

ساره / شوقتنى ليها اوى

احمد / وهى كمان بتقولى كده لما بكلمها عليكى انتى لما تشوفيها هتحبيها اوى دمها خفيف اوى وحبيبت بابا المدلعه هههههههههههه

ساره / بجد انا تملى اعرف أن اخر العنقود هو المدلع

احمد / الاتنين وحياتك اصل بابا بيحب البنات جدآ ولما جبنى عمل محزنه وكان نفسه فى بنت ولما ماما حملت تانى قالها لو كانت اللى فى بطنها دى بنت هيسمى الشركات بتاعته على اسمها وفعلا عمل كده اول ما جت الدنيا وفرحته زادت لما ماما جابت ليه البنت التانيه ولحد دلوقتى بيعامل البنات معمله وبيعاملنى انا معمله تانيه خالص

ساره / غريبه انا اعرف العكس الرجاله تزعل لما تجيب بنات وتفرح لما تجيب صبيان وتفرق معامله الولد عن البنت

احمد / لاء احنا عندنا العكس بس اخواتى الاتنين سكر

ساره / انت عكسى انا بنت وحيده وعندى امير الكبير ومحمود توأمى

احمد / بجد ليكى اخ تانى غير امير وتوأم

ساره / اه بس ايه مشكله مقطع السمكه وديلها مع البنات عكسى خالص

احمد / هههههههه تعرفى أن انا نفسى لما اتجوز اجيب توأم اوى ويكون بنتين بيبقى شكلهم جمال اوى

ساره / على فكره انت زى ابوك بتحب البنات

احمد / انا بحب الاتنين بس يمكن بحب البنات اكتر علشان اخواتى البنات متربين قصاد عينى وبحبهم اوى علشان كده نفسى اجيب بنات وبرضه ولد يكون اخ ليا وسند لضهرى فى كبرى

ساره / ربنا يكرمك أن شاءالله وبعدين بصت فى الساعه وقالت الوقت سرقنا والمحاضره اتأخرنا عليها

احمد / طيب روحى انتى الاول وانا هاجى وراكى

ساره / اوك ومشيت ساره وشويه وراح وراها احمد

_____________________________

فى الشركه عند شريف ولميس

دخل شريف المكتب عند لميس وضحك وقال

شريف / جيت اهو اطمن عليكى فى مكتبك زى ما وعدك

لميس / واحشتنى

شريف / وانتى واحشتينى اوى

لميس / بجد خلاص مش قادره استحمل ابعد عنك ولو ثانيه لما بتكون بعيد عنى روحى بتروح منى واول ما بشوفك بتترد ليا من تانى

شريف / قعد على الكرسى وقال انا لو عليا كنت اتقدمتلك يا لميس لكن دلوقتى صعب

لميس / انا معاك يا قلبى ومستنياك انشالله العمر كله عمرى ما هزهق ولا همل

شريف / ربنا يخليكى ليا يارب

لميس / وميحرمنيش منك يارب

شريف / اروح اشوف شغلى بقى

لميس / لالالا خليك قاعد معايه شويه

شريف / يا بنتى بالمنظر ده الشركه هتخسر وربنا

لميس / مش هتخسر ولا حاجه مجتش من ساعتين اواربعه تقعدهم معايه

شريف / لا والله ساعتين ولا اربعه طيب ما انقل مكتبى عندك ولا انقل مكتبك عندى احسن

لميس / ياريت والله فكره حلوه اوى

شريف / لاء ده انتى صواميل دماغك مفكوكه على الاخر ووقف وقال هروح اشوف شغلى

لميس / بزعل شريف

شريف / بصلها وقال قلب شريف

لميس / الله قولها تانى

شريف / قلب وعقل شريف

لميس / وقفت ونطت وقالت بحبك اوى اوى اوى نفسى أصرخ بأعلى صوتى واقول بحبببببببببببببببببك

شريف / يخربيتك يا بت وطى صوتك

لميس / هههههههههه لاء يا عمر البت خلى الناس كلها تعرف ان انا بحبك

شريف / ههههههههههه مجنونه وربنا وخرج وسابها

لميس / قعدت تلف فى المكتب بفرحه وتقول وربنا بحبه وبعشقه وبموت فيه لحد ما وصلت لباب فى نفس الوقت اللى فتحه شريف ولميس وقعت فى حضنه وقعدو الاتنين يبصو لبعض مده طويله

شريف / بلع ريقه بصعوبه واتوتر وبص على شفايفها ومره واحده بعد عنها وقال احم ا.ا انا نسيت التليفون

لميس / اخدت نفس واتوترت ورجعت شعرها وراه ودنها وقالت ث.ث.ثوانى اجيبه ليك وراحت جبته واديته لشريف

شريف / ش.ش.شكرآ وخرج وقفل الباب وراه

لميس / سندت ضهرها على الباب واتنهدت وقالت يارب اجعله من نصيبى وقرب البعيد بقى ورجعت تانى على مكتبها تشوف شغلها

__________________________

عند روز خلصت مدرستها وخرجت هى وجهاد وقالت

روز / مش ملاحظه ان عبير بقالها يومين مش ظهره

جهاد / يا اختى افتكرى حاجه عدله هى كده مش بتيجى كتير

روز / احسن برضه

جهاد / جايه بالعربيه

روز / لاء هروح معاكى فى تاكسى

جهاد / جدعه يا بت تربيتى

روز / تربيه واطيه ههههه

جهاد / لالالا انتى الافلام العربيه بوظتك خالص

روز / هههههه ايوه يا ماما لازم اتعلم الكلام الشعبى

جهاد / قولتلك اصبرى عليا وانا هخليكى تمشى بمطواه فى الشارع

روز / هههههههه لاء انا كفايه عليا الكلام الشعبى خلى المطواه دى ليكى انتى

جهاد / براحتك يلا نركب تاكسى علشان منتأخرش

روز / اوك يلا ووقفو تاكسى وروحت جهاد على بيتها وكمل التاكسى وروح روز على بيتها نزلت منه وحاسبته ولسه هتدخل الفيلا سمعت صوت سامح مصدقتش نفسها بصت على الصوت لاقته هو وقفت مكانها مصدومه

سامح / روز انا لسه واصل دلوقتى وكويس انك لسه راجعه من المدرسه

روز / خير يا مستر

سامح / هديكى الدرس بدرى النهارده علشان ورايا مشوار فى معاد الدرس ومحبتش اجل الدرس النهارده

روز / دلوقتى يا مستر

سامح / لو مش هينفع دلوقتى خليه يوم تانى

روز / لالالا اتفضل يا مستر ودخلت روز ودخل وراها سامح وسلم على سليم ابو روز وقالو زى ما قال لروز أنه وراه مشوار فى معاد الدرس وسليم أتفهم الموضوع ورحب بي ودخل قعد سامح

روز / عن اذنك يا مستر بس اغير هدومى بسرعه

سامح / بسرعه ياريت

روز / اوك ودخلت اوضتها اختارت طقم محترم ولبسته واول مره تبقى على طبيعتها فى الدرس من غير ميكب ونزلت

سامح / اول ما شافها كده عجبه شكلها جدآ

روز / قعدت جنبه بس سابت مسافه ما بنهم

سامح / عجبه التغير بتاع روز وقال يلا نبدأ الدرس

روز / لاحظت أن سامح شكله حزين وفيه حاجه شاغله تفكيره قالت ليه مستر انت كويس

سامح / تمام بتسألى ليه

روز / اصل شيفاك حزين وفى حاجه شغله تفكيرك

سامح / انا كويس يا روز متشغليش بالك ركزى بس فى الشرح

روز / اوك وبدأ سامح يشرح الدرس وبعد وقت انتهى وقام وقف وقال ممتازه ياروز عقلك ماشاءالله شغال وذكيه

روز / ميرسى يا مستر

سامح / يلا همشى انا

روز / خليك شويه يا مستر

سامح / ورايا مشوار مهم وبعدين المعاد بتاع الدرس خلص هقعد اعمل ايه وسابها ومشى خرج من الفيلا وقف تاكسى وركبه واداه عنوان وقال لوسمحت عايز اروح للعنوان ده

مشى التاكسى على العنوان اللى اخده وبعد وقت وصل التاكسى ونزل منه سامح وطلع عماره وعند شقه معينه وقف ورن الجرس وبعد وقت اتفتح الباب و قالت

عبير /واحشتنى

سامح / دخل وقفل الباب وراه و............

الفصل الحادي عشر من هنا

رواية فتاة انحنت من أجل الحب

الفصل الحادي عشر 11والثاني عشر 12

بقلم دودو محمد

🌹فتاة انحنت من أجل الحب🌹

🌷الفصل الحادى عشر🌷

خرجت زهراء من الجامعه بتاعتها وقفت تاكسى وراحت عند الجواهرجى ودخلت وقالت

زهراء / السلام عليكم

العامل / وعليكم السلام اتفضلى يا فندم

زهراء / طلعت السلسله من شنتطها وقالت لو سمحت عايزه ابيع دى

العامل / طيب بعد اذنك الفاتوره بتاعتها

زهراء / للاسف ضاعت منى

عامل / انا اسف ممنوع اشترى حاجه من غير الفاتوره بتاعتها

زهراء / زعلت ولسه هتمشى جه صاحب المحل وقال

صاحب المحل / ورينى كده يا انسه

زهراء / رجعت ليه تانى وقالت اتفضل

صاحب المحل / اخدها منها وبص فيها وقال اتفضلى ثوانى وجاى

زهراء / قعدت تستنا صاحب المحل وشويه وجه صاحب المحل وقال اتفضلى يا انسه السلسله عملت كده

زهراء / اخدت منه الفلوس بفرحه وعدتهم وخرجت من المحل وهى مبسوطه وراحت اشترت فستان غالى جدآ وجزمه وكل مستلزمات الخطوبه وروحت على البيت ودخلت وقالت

زهراء / السلام عليكم

نبيله وأمينه / قالو وعليكم السلام

نبيله / ايه يا بنتى كل الشنط دى

زهراء / ايه جبت فستان بكل مستلزماته

نبيله / وهى الفلوس جابت كل ده

زهراء / ا.ا.ايوه

نبيله / ماشى يا اختى دخليهم اوضك واخلصى علشان امير زمانه جاى

زهراء / انتو اتصلتو بى

امينه / ايوه يا حبيبتى وقال قدامه نص ساعه وجاى

زهراء / ماشى يدوب ادخل اغير هدومى دى عن اذنكم ودخلت اوضتها وقفلت الباب عليها وخرجت الفستان من الشنطه بتاعته وحطته على جسمها وقعدت تلف بى من الفرحه ورجعته تانى الشنطه بتاعته وحطته فى الدولاب وطلعت الجزمه من الشنطه ولبستها وكانت بكعب عالى وقعدت تمشى فى الاوضه بدلع وقالت ده انتى هتكونى قنبلة الموسم فى خطوبتك يا بت يا زوزو وقلعت الجزمه وشالت الشنط كلها فى الدولاب وطلعت هدوم وغيرت اللى عليها وشويه وسمعت صوت جرس الباب عرفت أن هو امير بصت على نفسها فى المرايا بصه اخيره وفتحت الباب وخرجت لاقته فعل جه بصت ليه وضحكت غير وشه الإتجاه التانى

نبيله / ادخل يا ابنى

امير / معلش يا خالتى علشان منتأخرش

نبيله / ماشى يا حبيبى وبصت لزهره وقالت امشى يلا يا بت مع خطيبك

زهراء / مشيت ووقفت جنب امير

امينه / استنا يا حبيبى خد الدهب بيعه وهات ليها اللى هى عايزاه

امير / مش دلوقتى يا ماما انا معايه حق الدهب

امينه / ماشى يا حبيبى هات ليها اللى هى تختاره بلاش تزعلها

امير / حاضر يا ماما ووسع الطريق لزهره بمعنى أنها تمشى

زهراء / فهمت ومشيت قدام امير ونزلت السلم

امير / نزل وراه زهره وكان مش عارف يتصرف معاها ازاى ونزلو الاتنين فى الشارع وقف تاكسى وفتح الباب اللى من وراه لزهراء

زهراء / ركبت وفكرت ان أمير هيقعد جنبها

امير / قفل الباب وراح قعد جنب السواق

زهراء / اتغاظت من قلة اهتمام امير بيها ونفخت وقعدت تبص من الشباك

امير / كان كل شويه يبص عليها فى مراية العربيه واول ما يحس انها هتحرك راسها يبص بسرعه من الشباك ويعمل نفسه مشغول بأى حاجه وبعد وقت وصل التاكسى للمكان اللى امير قال عليه ونزلو الاتنين من التاكسى وحاسبه امير ومشى وساب زهره وقفه

زهراء / هبطت برجليها فى الارض بغيظ ومشيت وراه ودخلو المحل وقعدو قصاد بعض وطلب امير الدبله وجاب صاحب المحل الدبل تختار منهم زهره

زهراء / كانت فرحانه واختارت واحده وبصت لامير وقالت ايه رأيك فى دى

امير / معرفش دى حاجه مليش فيها اختارى اللى عايزه تختاريه

زهراء / بصت ليه بغيظ ومدت ايديها وقالت دى حلو

صاحب المحل / طيب شوفى المقاس

زهراء / لبستها فى صوبعها بصعوبه وقالت هى ضيقه شويه مفيش أوسع من كده لوسمحت

صاحب المحل / للاسف اخر حته بس ممكن اوسعها ليكى

زهراء / اوك وجت تقلع الدبله مسكت فى صوبعها ومعرفتش تطلعها

صاحب المحل/ ايه مش عارفه تخرجيها من صوبعك

زهراء / وهى بتحاول تطلعها لاء مش عارفه

صاحب المحل / هاتى ايدك اطلعها ليكى

زهراء / لسه بتمد ايديها

امير / كان قاعد متغاظ واول ما شاف زهراء مدت ايديها مسكها هو جامد وقال ممكن صابونه بس لو سمحت

صاحب المحل / اه طبعآ ثوانى ودخل يجيبها

زهراء / بصت على ايد امير اللى ماسكه ايديها وبصت لامير فى عينيه وقالت امير هتفضل كده كتير

امير / ششششش

زهراء / ما هو مينفعش كده احنا خطوبه وكتب كتاب هتفضل فى الفرح قاطع معايه الكلام ومش بتكلمنى

امير / انا قولتلك اسكتى فاهمه وفى الوقت ده الراجل جه ومد أيده بالصابونه واخدها منه امير وحاول يخرج الدبله من ايد زهره وبعد وقت خرجها من ايديها وقال ياريت توسعها ليها شويه

صاحب المحل / تمام حاجه تانى

زهراء / بأندفاع ايوه الدبله بتاعته

امير / بصلها بغيظ وبص لصاحب المحل وقال شكرآ انا هلبس دبله فضه

صاحب المحل / عندنا دبل فضه وتشكيله هتعجبكم اوى

امير / تمام هاتها

صاحب المحل جاب الدبل واداها لامير وسابهم ومشى

زهراء / شدت الدبل عندها واختارت واحده وقالت دى شكلها حلو اوى

امير /بص للى فى ايديها وقال محدش اخد رأيك ماشى وسحب الدبل عنده واختار واحده تانيه وطلعت مقاس صوبعه

صاحب المحل / رجع من تانى وقال كله تمام

امير / ايوه شوف حسابهم كام

زهراء / هى مش طنط قالت هات ليها اللى عايزاه

امير / بصلها ورجع بص لصاحب المحل وقال شوف حسابك احنا كده تمام

صاحب المحل / اخدهم وشاف حسابهم وقال ليه على الحساب وحطهم فى العلبه بتاعتهم وقال الف مبروك

امير / دفع الحساب واخد الشنطه اللى فيها الدبل وبص لزهراء بمعنى امشى

زهراء / مشيت وكانت هطق من امير

امير / لسه هيوقف تاكسى

زهراء / شدته من دراعه بعصبيه وقالت ولما انت مش طيقنى كده ليه خطبتنى وكمان هتكتب كتابى

امير / سابها ومشى قدامها ومردش عليها

زهراء / جريت وقفت قصاده وقالت كلمنى زى ما بكلمك ايه غرضك تتجوزنى مدام مبقتش تحبنى

امير / بعصبيه اه يا زهره مبقتش بحبك ولا بطيقك كرهتك من افعالك طول عمرى استحمل واقول دى صغيره وطايشه بكره تكبر وتعقل انما شكلى كنت غلطان لأنك كل ما بتكبرى بيكبر انانيتك وجشعك معاكى اه يا زهره مبقتش احبك انا كرهتك سمعتى انا بكرهك

زهراء / بدموع ولما انت بتكرهنى هتتجوزنى

امير / مغصوب

زهراء/ والله ده على اساس انك بنت أهلك هتغصب عليك

امير / لاء أهلك انتى اللى غاصبين عليا ابوكى طلب منى كده وانا مقدرش أرفض ليه طلب حتى لو هاجى على حساب نفسى

زهراء / الكلام جراحها اوى ووجعها بصت ليه والدموع فى عينيها وقالت لاء بلاش تغصب على نفسك علشان خاطر حد اهلى انا هتصرف معاهم وخلاص على كده مفيش خطوبه انا كده عملت اللى عليا وفكيت الحبل اللى حوالين رقبتك

امير / الكلام مش بقولك انتى ابوكى قال يوم الجمعه خطوبه وكتب كتاب يبقى كلامه هو اللى يمشى

زهراء / لاء يا امير مفيش خطوبه وانا اللى بقولها ليك مش انت انا مش عايزاك وسبته ومشيت

امير / بص عليها وهى ماشيه وشاط الارض برجله وراح عندها مسكها من دراعها وقال استنى هتروحى معايه

زهراء / سحبت دراعها من أيده وقالت لاء هروح لوحدى

امير / بعصبيه اللى اقول عليه تسمعيه فاهمه انا اخدك من بيت اهلك وهوصلك لبيت أهلك زى ما اخدك ووقف تاكسى وفتح الباب اللى من وراه وركبها وقفل الباب وركب هو جنب السواق وروحو على البيت

____________________________

وصل سامح الشقه عند عبير واول ما رن الجرس فتحت ليه الباب وقالت

عبير / واحشتنى

سامح /دخل وقفل الباب وراه وقال اخلصى ايه الصور اللى انتى بعتيها دى وايه اللى انتى بتعرفيه عنها وقولتى هتقوليه ليا لما اجى

عبير / مش لما تدخل تقعد وتشرب حاجه

سامح / بجديه انا مش جاى اضيف اتكلمى اخلصى

عبير / طيب ادخل اقعد علشان اعرف افهمك

سامح / اتنهد ودخل قعد وقال اتزفت ممكن بقى تتكلمى

عبير / الصور اللى بعتها ليك دى صور اختك مع اخويه اسلام وهى على علاقه بى من فتره وبتروح ليه الفيلا بتاعته وبيقضو اوقات مع بعض

سامح / اتعصب وقام مسكها من دراعها بعصبيه وقال مستحيل اختى تعمل كده انا اختى متربيه هى مخطوبه وبتحب خطبها تلاقيها صور انتى مفبركها علشان تنتقمى منى علشان اللى عملتو فيكى اشمعنا اختى انا بالذات هتعرف اخوكى انتى بالذات انا غلطان اصلا أن نزلت من نفسى وسمعت كلامك وجيت ومشى ولسه هيفتح الباب

عبير / بس انا معايه اللى يثبت صدق كلامى

سامح / رجع ليها تانى وقال ايه هو

عبير / فيديو انا صورته ليها وهى مع اخويه فى اوضت نومه علشان اثبتلك كلامى

سامح / فين

عبير / فتحت تليفونها وجابت ليه فيديو وهى أخته لابسه الفستان القصير والعريان واسلام واقف معاها فى اوضت النوم وبيلبسها السلسله وحضنها من ضهرها وبسها فى رقبتها قعد على الكنبه بصدمه والتليفون كان هيقع من ايديه

عبير / مسكت من أيده التليفون وقالت وده فيديو تانى وهما على السرير وكان المنظر هى نايمه على السرير وإسلام بيمشى أيده على جسمها

سامح / مستحملش يشوف اكتر من كده زق ايد عبير بالتليفون

عبير / بصت ليه بلؤم وقالت انا اتصدمت لما عرفت أن هى اختك وقولت لازم اعرفك وعمومآ اخويه بعد عنها علشان اخر مره سرقته

سامح / بصلها بصدمه وقال انتى بتقولى ايه

عبير / ايوه سرقت منه سلسله وخاتم الماظ وفلوس

سامح / وقف وقال انتى كدابه

عبير / انت مكنتش مصدق موضوع العلاقه وانا أثبته ليك وممكن كمان أثبت ليك موضوع السرقه من الجواهرجى اللى راحت باعت عنده الحاجه

سامح / حط أيده على ودانه وقال بس كفايه مش عايز اسمع حاجه تانى ولسه هيمشى

عبير / انت هتمشى كده

سامح / عايزه ايه تانى

عبير / مشترتش تمن سكوتى لحد دلوقتى

سامح / مش فاهم

عبير / يعنى ايه المقابل اللى يخلينى اسكت ومفضحش اختك فى المدرسه عندنا وأخويه يفضحها فى الجامعه بتاعتها بالفيديوهات والصور دى

سامح / يعنى عايزه ايه

عبير / تتجوزنى

سامح / اتصدم وقال ايه

عبير / قربت منه وقالت بدلع ت.ت.ج.و.ز.ن.ى

سامح / مستحيل

عبير / يبقى انت عايز بقى فضحتك وفضيحت اختك بجلاجل فى المدرسه والجامعه

سامح / مسكها من دراعها بعصبيه وقال انتى ايه شيطانه

عبير / انا بحبك ومن حقى اعمل اى حاجه علشان اللى بحبه يكون ليا انا لوحدى

سامح / وانا مش مستعد دلوقتى للجواز يا عبير

عبير / مش عايزه حاجه عندى الفيلا وعندى الشقه والاتنين مفروشين وكمان انا ممكن اكتب بأسمك كل رصيدى اللى فى البنك بس تتجوزنى

سامح / انا عمرى ما اقبل اتجوز واعيش على افه واحده ست

عبير / خلاص اتجوزنى بالطريقه اللى انت عايز تتجوزنى بيها

سامح / يا عبير افهمى انتى طالبه عندى وانا مدرسك مينفعش اتجوزك دلوقتى الناس تقول عليا أن انا ببص لطالبات بتاعتى

عبير / خلاص اتجوزنى عرفى دلوقتى وبعد الدراسه نتجوز رسمى

سامح / اتصدم وقال ايه اللى انتى بتقوليه ده

عبير / هما عقدين يتكتبو ويتوثقه عند المحامى وانا جبت من العقود اللى عند اخويه اسلام

سامح / برضه مينفعش يا عبير اخلاقى مش هتسمح اعمل كده انتى لسه صغيره ومش عارفه بتقولى ايه

عبير / لاء انا عارفه بقول ايه كويس اوى ويا تتجوزنى دلوقتى يا بكره صور وفيديوهات اختك هتبقى على تليفون الشباب

سامح / هاتى يا عبير الفيديوهات اللى عندك ربنا يهديكى وصدقينى ده حب مراهقه بكره لما تكبرى شويه هتقبلى الحب الحقيقى فى حياتك

عبير / انا قولت اللى عندى يا تتجوزنى يا اختك تتفضح

سامح / قعد على الكنبه وقال صعب عليا اعمل كده يا عبير

عبير / قعدت جنبه وقالت وعد منى محدش هيعرف بالموضوع ده لحد ما تتقدم ليا رسمى ونتقابل فى الشقه دى وقت ما انت تحب

سامح / بصلها وسكت

عبير / واول ما نكتب الورقتين العرفى هتكون عندك كل الصور والفيديوهات بتاعة اختك اعمل فيهم اللى انت عايزه

سامح / مردش عليها

عبير /ها اجيب الورقتين

سامح / غمض عينه وقال مش هقدر اعمل كده مش هقدر

عبير / بعصبيه براحتك استحمل الفضيحه اللى هتحصلك

سامح / اطلبى منى اى حاجه انشالله لو عايزانى المرادى اعتذرك قدام المدرسه كلها بجد هعتذرك بس بلاش حكاية الجواز العرفى دى

عبير / لاء انا ميهمنيش دلوقتى تعمل كده المهم عندى تبقى بتاعى انا وراحت جابت العقدين والقلم وقالت الورقتين أهم هتمضى ولا

سامح / بص لورقتين والقلم وغمض عينه وهز راسه بمعنى ايوه

عبير / فرحت ومسكت القلم وكتبت البيانات بتاعتها وقالت هات بطاقتك

سامح / خرجها من المحفظه وهو مكسور وحطها على الطرابيزه

عبير / اخدتها وكتبت البيانات ومضت على الورقتين ومدت ايديها بالقلم لسامح وقالت أمضى يا قلبى

سامح / بص للقلم ومد أيده بتردد وغمض عينه وهو حابس فيها الدموع ومضى على العقدين بصعوبه

عبير / اخدت ورقه وقالت خلى دى معاك يا حبيبى

سامح / بص للورقه ومد أيده وطبقها وحطها فى جيبه وقام وقف وقال هات الصور والفيديوهات بتاعة اختى

عبير / بفرحه من عنيا يا قلبى ودخلت الاوضه وجابت ظرف فيه الصور والفلاشه بتاعة الفيديوهات وقالت خد يا عمرى الحاجه اهى

سامح / انتى عارفه لو عرفت انك عامله نسخه تانيه موتك على أيدى

عبير / وانا هعمل نسخه تانيه ليه اللى عملته ده كله علشان تبقى جوزى حبيبى هى مش تهمنى فى حاجه ومسكت تليفونها وقالت واهو همسح قدامك الفيديوهات والصور بتاعتها اللى فيه ولا اقولك خد انت امسحهم بنفسك

سامح / اخد التليفون ومسح كل حاجه عليه تخص أخته واخد الظرف ولسه هيمشى

عبير / على فين يا عمرى فى حد يسيب مراته حبيبته اول يوم جواز وينزل ولفت دراعها حاولين راقبته

سامح / بعد دراعها عنه وقال مش هينفع اقعد اكتر من كده لازم اروح ضرورى

عبير / اوعدنى انك هتعوضنى اليوم ده

سامح / من غير نفس إن شاءالله

عبير / قربت منه تانى وقالت اوعى تبص كده ولا كده والبت الامريكيه دى ملكش دعوه بيها فاهم يا حبيبى

سامح / بص ليها بغيظ وبعدها عنه واخد الظرف اللى فيه حاجة أخته وفتح الباب ونزل

عبير / قعدت تنط بفرحه وقالت ابقى ورينى بقى يا ست روز هتقدرى تعملى ايه علشان تخدى منى دلوقتى بقى جوزى انا ههههههههههه حرم مستر سامح واووو واخدت الورقه العرفى وبستها وحطتها فى الشنطه ونزلت من الشقه

_____________________________

عند شقة توفيق

وصل امير وزهراء بالتاكسى نزلت زهراء وهى متعصبه وطلعت رنة الجرس وفتحت ليها ريم دخلت زهراء من غير ولا كلمه

ريم / بصت ليها بأستغراب وكان فى الوقت ده طلع امير قالت ليه هى زهره مالها يا أبيه

امير / مفيش حاجه يا ريمو ودخل

ريم / هزت كتفها وقفلت الباب ودخلت

امينه / جبتو الدبل

امير / ايوه يا ماما اهى

امينه / مجبتش ليها حاجه تانى

امير/ لاء

نبيله / يا اختى مالهم الدبلتين ربنا يسعدهم بس اهم من الدهب

وفى الوقت ده خرجت زهراء من اوضتها وقالت

زهراء / بابا انا مش موافقه على الجوازه دى

الكل بصلها بأستغراب

امينه / ايه يا بنتى اللى بتقوليه ده هو انتو زعلانين مع بعض ولا ايه

زهراء / لاء يا خالتى بس ولا انا انفع امير ولا امير ينفعنى

نبيله / قامت وقفت وراحت عندها ومسكتها من شعرها وقالت لاء انتى كده شكلك عايزه تفوقى بعلقه من بتوع زمان وقعدت تضرب فيها

امير ومحمود وشريف / ادخلو واخدو زهره من ايديها

شريف / أهدى يا ماما

نبيله / ربنا يتعبك زى ما تعبانى يا زهراء يا بنت نبيله

زهراء / زقت ايد امير من عليها وقالت بدموع البيه اللى انتو بتضربونى علشانه قالى النهارده أن هو مش عايز يتجوزنى واتجوزنى بس علشان انتو يا اهلى مرخصنى وغصبين عليه

شريف / بص لامير وقال صح يا أمير الكلام ده

امير / بص على الأرض ومردش عليه

شريف / رد عليا يا أمير كلام زهره ده صح

توفيق / مش عايز اسمع نفس حد فيكم والخطوبه وكتب الكتاب هيتعملو يوم الجمعه زى ما هما

زهراء / بدموع برضه يا بابا مصمم ترخصنى

توفيق / انا مش برخصك انت بديكى للبنأدم اللى هيعرف يصونك ويخاف عليكى ويحميكى

زهراء / حتى لو البنأدم ده مش عايزنى

شريف / انا عايز اعرف حاجه واحده انت اللى عايز تبعد عنها يا أمير واحنا غصبين عليك

وفى الوقت ده وصل سامح وهو عينه كلها شرار

توفيق / اللى انا اقولو هو اللى هيمشى فاهمين وحس بنغزه فى قلبه بس حاول يدارى

سامح / دخل ومسك زهراء من شعرها وقال انتى جنس جبلتك ايه مستعده تعملى كل حاجه غلط فى سبيل يبقى معاكى فلوس عملنا ليكى ايه علشان تحطى راسنا فى الطين طول عمرك متنمرده على عشتك ومش عجباكى استغربت لما لاقيتك بترفضى امير البنأدم اللى كان عايش ومش شايف غيرك قدامه انتى مستحيل تكونى بنأدمه انتى شيطانه عايشه وسط البنأدمين

زهراء / اه شعرى سيب شعرى يا حيوان انت مين انت علشان تمد ايدك عليا

سامح / انا للاسف اخوكى وهعرفك أن الله حق

شريف / فى ايه يا سامح انت كمان فهمنا

سامح / حدف الظرف لأخوه وقال شوف اختك الشريفه وهى فى حضن واحد وبص لامير وقال انت ربنا بيحبك وانت خساره فيها هى متسهلكش بكره ربنا يكرمك باللى احسن منها

الكل / شاف الصور واتصدمو وامير بص لساره بأستغراب ازاى عرفو

سامح / بيرفع أيده وهيضرب زهره

امير / مسك أيده وقالو خلاص يا سامح انا كنت عارف الموضوع وانقذتها فى الوقت المناسب

شريف/ بعصبيه انا عايز افهم كل حاجه دلوقتى حالا ايه الصور دى وجبتها ازاى ومين ده وايه دخل امير فى الموضوع

امير/ شد زهره من ايد سامح وقال انا هقولكم الحكايه

سامح / قطعه وقال هتقول ايه هتقول أن حبيبتك والمفروض هتكون مراتك كانت فى فيلا شاب وفى اوضت نومه هتقول انها بتوعده وبتروح ليه علطول هناك واحنا ولا فى اعتبارها

زهراء / بدموع ايه اللى انت بتقولو ده انا عمرى ما اعمل كده وبصت لامير بدموع وقالت قولهم الحقيقه

امير / لاء يا سامح الموضوع مش كده بس فى الوقت ده الباب كان بيخبط بطريقه وحشه الكل اتفزع وطلع يجرى يشوف فيه ايه وشريف فتح الباب واتخض وقال

شريف / ايوه يا فندم

الظابط / دى شقة زهراء توفيق الصاوى

زهراء / خافت اول ما سمعت اسمها

توفيق / كان قاعد على الكنبه ماسك قلبه ومش قادر يتكلم

شريف / بص لكل وقال ا.ا.ايوه يا فندم خير فى ايه دى تبقى اختى

الظابط / مطلوب القبض عليها بتهمة سرقة سلسله وخاتم الماظ من فيلا اسلام محجوب

زهراء / بدموع محصلش والله العظيم ما حصل

الظابط / الكلام ده تقوليه فى النيابه وبص للعساكر وقال هاتوها

زهراء / لالالا اوعو تتخلو عنى والله العظيم مظلومه

شريف / طيب يا فندم ممكن بلاش تخدوها كده واحنا هنجبها ليكم لحد هناك

الظابط / مينفعش لازم تركب معانا ودخلو العساكر مسكوها

نبيله / بنتى هتروح منى ابوس ايدك يا حضرة الظابط سيبو بنتى مستحيل تعمل كده ابوس رجلك

الظابط / ابعدى يا حاجه ده شغلنا

امير / اول ما شاف العساكر بتمسك زهره قال بغيظ احنا هنزلوها لحد تحت متخليش حد يمد أيده عليها

زهراء / بدموع امير انت اللى اخدنى من هناك وانا متخدره يعنى الوحيد اللى هتصدقنى بلاش تتخلى عنى ساره انتى كنت معاهم وأحمد كان معاكم قولو الحقيقه بالله عليكم ما تتخلو عنى

امير / حط أيده فى ضهرها وقال انزلى معانا وانا هظهر برأتك

سامح / لنفسه ماشى يا عبير الكلب انا هوريكى

ريم / بدموع زهره اختى أبيه شريف خليك معاها خليك معاها يا محمود زهره عمرها ما تعمل كده

محمود / أهدى يا ريم إن شاءالله هتظهر الحقيقه

نبيله / بنتى انا عايزه بنتى توفي وبعدين سكتت بتبص على توفيق لاقته واقع على الكنبه وأيده على قلبه ومش حاسس بحاجه صوتت وقالت توفيق قوم يا توفيق هات بنتك توفيق توفييييييييق

الظابط والعساكر وامير وسامح وساره نزلو مع زهره وشريف ومحمود اتصلوا بالاسعاف وحاولوا يفوقوه توفيق وبعد وقت جت الإسعاف واخدت توفيق المستشفى

_____________________________

فى القسم

وصلت العربيه اللى فيها زهره وكانت طول الطريق دموعها على خدها ومبطلتش عياط نزلت مع العسكرى ودخلت القسم وهى خايفه

ووصلو امير وسامح وساره فى التاكسى ونزلو يجرو دخلو القسم وشافو زهره وهى مستنيه تدخل يتحقق معاها وكان جسمها كله بيتنفض

ساره / زهره متخفيش احنا معاكى

زهراء / بدموع خايفه اوى يا ساره انا معملتش كده اقسم بالله ما عملت كده وامير شافنى وانا متخدره

امير / إن شاءالله بشهادة احمد وانا وساره تخرجى هما اكيد معندهومش شهود

ساره / افتكرت كلام احمد وان اسلام جاره فكرت تتصل بى وتتطلب منه أن يخلى اسلام يتنازل عن المحضر

سامح / بغيظ فيها ايه لو كنتى عايشه محترمه مكنش كل ده هيحصل ولا كنتى اتحطيتى فى خانة الشبهات منك لله زى ما فضحتينا وبسببك عملنا حاجات كتير علشان ندارى غلطاتك

امير /مش وقته الكلام ده يا سامح

سامح / انا هعمل مكلمة تليفونه يمكن اقدر أخرجها من هنا

امير / ماشى

وخرج سامح بعيد واتصل برقم عبير اللى كانت متصله منه بسامح الصبح وانتظر ردها

عبير / بفرحه حبيب قلبى متصل يطمن على مراته انا فرحانه اوى

سامح / عملتو كده

عبير / عملنا ايه

سامح / بعصبيه انتى هتستعبطى يعنى متعرفيش اللى حصل

عبير / والله ما اعرف هو ايه حصل

سامح / اختى فى القسم بسبب بلاغ معمول من اخوكى

عبير / بس انا معرفش انا اتفاجئت بالكلام ده والله

سامح / بتوعد ودينى وما اعبد لو اخوكى متنزلش عن المحضر لتشوفو وش عمركم مشفتهوش

عبير / بخوف م.م.ماشى

سامح / قفل السكه فى وش عبير وراح عند امير وساره وكانت زهره منهاره من العياط

ساره / لازم نشوف حل مع اللى اسمه اسلام ده شكله مش ناوى على خير ابدآ

امير / بعصبيه مبقاش انا لو مكنتش طلعت روحو بأيديه

ساره / لاء يا امير اهدا شويه علشان متحطش نفسك فى مصيبه ومنعرفش نخرجك منها انا هتصرف

امير / هتتصرفى ازاى

ساره / اسلام يبقى جار احمد هحاول اخليه يتكلم معاه يتنازل عن المحضر

امير / لاء متتكلميش معاه انا هكلمه

ساره / ماشى وفى الوقت ده تليفون امير رن برقم محمود فى نفس الوقت اللى دخلت فيه زهره يتحقق معاها

امير / رد على تليفونه وهو عينه على زهره وهى دخله وقال ايوه يا محمود وسكت شويه وقال بصدمه ايه والتليفون وقع من أيده

____________________________

فى المستشفى وصلو كلهم وراه الإسعاف اللى فيها توفيق ودخلو يجرو

وكان توفيق فى اوضت الكشف وبعد وقت خرج الدكتور من الاوضه والكل جرى عليه

شريف / طمنى يا دكتور بابا عامل ايه

الدكتور / بأسف البقاءلله

نبيله / اول ما سمعت كده اغمى عليها ووقعت على الأرض ريم وقعت على الأرض وقعدت تصرخ وتقول بابا وشريف قعد فى الارض وقعد يعيط محمود شال نبيله ودخلها الاوضه وهو دموعه على خده وامينه كانت عامله تعيط وراحت مع نبيله

ودخل الدكتور كشف على نبيله وعلق ليها محلول وقعدت معاها امينه وكانت ريم وشريف منهارين من العياط محمود مسك تليفونه واتصل بأمير وبلغه الخبر وقفل معاه وقعد جنب شريف وقال

محمود / شريف شد حيلك لازم تكون اقوى من كده انت دلوقتى مكان عم توفيق الله يرحمه لازم تسند ضهرك علشان تقدر تكون سند أهلك دلوقتى

شريف / بدموع ضهرى اتكسر يا محمود ابويه هو السند ودلوقتى مات مبقاش ليا ضهر يا محمود مش قادر أتخيل أن ابويه خلاص مش هشوفه تانى مش هيكون قاعد وسطنا فى البيت انا اتكسرت بموت ابويه

محمود / عارف انها صعبه والله ومجرب بس انت عندك عيله دلوقتى وبقت مسؤوله منك لازم تكون قوى اكتر من كده علشان تقدر تقويهم قوم خلص إجراءات الدفن علشان ندفنه اكرام الميت دفنه

ريم / سمعت كده وقالت لالالا مستحيل بابا يسبنى هو عمره ما اتخلى عن بناته وانا محتاجه اوى دلوقتى ه.ه.هو اكيد بيعمل كده علشان يشوف غلاوته عندنا ق.ق.قوله يقوم خلاص احنا نموت من غيره ط.ط.طيب قول لدكتور يكشف عليه تانى تلاقيه بس غلطان بابا مستحيل يموت م.م.مستحيل مصبحش عليه الصبح بابا كويس اه كويس د.د.ده كان لسه بيتكلم معانا دلوقتى والنبى يا محمود ادخل خلى الدكتور يكشف عليه تانى

محمود / بصلها ودموعه نزلت منه وقال حرام يا ريم متقوليش كده ادعيله ربنا يرحمه

ريم / لاء متقولش كده بقولك مستحيل بابا يموت وراحت عند شريف وقالت ط.ط.طيب انت تصدق كده ياابيه تصدق أن بابا يموت ويسبنا روح يا أبيه خليهم يكشفو عليه تانى طيب ناخده مستشفى تانيه دول مش ببعرفو يكشفو صح يلا يا أبيه ساكت ليه يلا

شريف / شدها فى حضنه وقعدو يعيطو الاتنين وبعد وقت قام شريف راح يخلص الإجراءات وساب ريم مع محمود

___________________________

فى القسم عند زهره

سامح وساره عرفو خبر موت توفيق وانهارو وامير كان منهار من العياط وزهره كانت جوه بيتحقق معاها

عند زهره

الظابط / اسمك وسنك ومحل اقامتك