تحميل رواية فتاة انحنت من أجل الحب بقلم دودو محمد pdf

رواية فتاة انحنت من أجل الحب

الفصل التاسع عشر 19 والعشرون 20

بقلم دودو محمد

🌷الفصل التاسع عشر🌷

فى اسكندريه

فى فيلا عاطف

كان عاطف قاعد مستنى رجوع زهره ليه تانى وبص فى الساعه لاقه الوقت أتأخر عرف انها رجعت مع امير القاهره وقف وخبط الطراببزه برجله وقال

عاطف /غبيه ليه راحت معاه دى حتى مقدرتش وقفتى جنبها وجت عرفتنى انها هتمشى خليها بقى ترجع لعيشة الفقر من تانى

وبعدين قال لنفسه ليه زعلان انها تمشى وليه مش عايزها تبعد عنك مع انك عارف ومتأكد انها كانت هتمشى فى يوم من الايام اوعى تكون يا عاطف حب

وسكت مره واحده وقال لالالا انا زعلان بس علشان الاولاد اتعلقو بيها وبعدين قال ولا علشان كانت عامله جو للفيلا بعد ما كانت كئيبه وحزينه من بعد موت مراتك ايه الهبل اللى بقوله ده فوق يا عاطف فوق وبص شويه على الباب وطلع على اوضه نام على السرير وبص على صورة مراته ومسكها وقال انا عارف انك زعلانه منى أن سمحت لواحده غيرك تعيش فى الفيلا بس انا عملت كده لمصلحة الاولاد اهو رجع الوضع القديم من تانى بعد ما كنت بروح الشغل وانا مطمن عليهم انتى عارفه اوقات كتير كنت بحس أن صدفه فيها شبه كبير منك وفى طيبتك وحنيتك على الاولاد بفرح لما بشوف الاولاد متعلقين بيها بس راحت وسابتهم زى ما انتى روحتى وسبتيهم وسبتينى لوحدى وحط الصوره مكانها وغمض عينه ونام

__________________________

فى القاهره

فى شقة توفيق

بعد ما عرفت زهره بجواز امير انهارت واغمى عليها جرى امير عليها بلهفه ولسه هيشلها

سامح/ ابعد عن اختى انا اللى هشلها وشلها حطها على الكنبه وريم جابت برفان ورشه على أيده ومشها تحت مناخيرها

زهراء / فتحت عينيها وشافت الكل حاوليها مسحت دموعها وقعدت وقالت متقلقوش يا جماعه انا بس اغمى عليا من قلة الاكل ماما انا جعانه

نبيله / عنيا يا حبيبتى روحى يا ريم حضرى اكل لاختك

شريف / زهره انتى كويسه

زهراء / ايوه يا شريف انا كويسه

امير / زهره

زهراء / مردتش على امير وقالت هقوم احضر الاكل مع ريم وسابتهم ومشيت

امير / زهره مش كويسه

شريف / وانا برضه بقول كده

سامح / متشغلش بالك انت بيها احنا جنبها ومعاها خليك مع مراتك احسن

شريف / سامح بلاش اسلوبك ده

سامح / وانا قولت ايه

امير / سيبه يا شريف معذور

سامح / بص ليه بغيظ وفتح الباب ونزل

شريف / متزعلش يا أمير من سامح

امير / سامح زى محمود اخويه مبزعلش منه

ساره / انا هدخل اطمن على زهره

امينه / لاء يا ساره سبيها براحتها ويلا علشان تنامو شويه

محمود / الصراحه هموت وانام

امينه / يلا يا أمير يلا يا سهى يلا يا ساره يلا يا محمود وبصت لنبيله وقالت حمدالله على سلامة زهره يا حبيبتى

نبيله / الله يسلمك يا أمينه يا اختى روحو ريحو جسمكم شويه

امينه / ماشى يا نبيله وخرجو كلهم راحوا شقتهم

فى المطبخ

كانت زهره بتبص عليهم من وراه الستاره واول ما شافت امير داخل الشقه مع سهى دموعها نزلت منها وقعدت فى الارض وقعدت تعيط

ريم / زهره مالك يا حبيبتى

زهراء / اترمت فى حضن ريم وقالت نار فى قلبى يا ريم وانا شايفه واحده غيرى داخله معاه شقته وبيدخلو مكان مقفول عليهم لوحديهم هموت يا ريم هموت

ريم / قعدت تطبطب عليها لحد ما هديت وبعدين قالت الاكل جاهز يلا علشان تاكلى

زهراء / مليش نفس انا داخله اوضى انام وسابتها ودخلت الاوضه فتحت البلكونه واخدت نفس وخرجته ودموعها مكنتش بتقف وبصت على بلكونة امير لاقته هو كمان واقف وبيبص عليها بس قلبها وجعها لما شافت سهى خرجت ووقفت معاه فى البلكونه غمضت عينيها ودخلت تجرى اترمت على السرير بتاعها وقعدت تعيط

دخلت ريم الاوضه وقفلت الباب وراها وقعدت جنبها على السرير وقالت

ريم / انسيه يا زهره امير خلاص بقى من نصيب واحده تانيه

زهراء / بدموع ياريت بسهوله دى اقدر انساه ده مش حب يوم ولا يومين ولا سنه ولا سنتين ده حب عمرى كله مش بسهوله كده فى يوم وليله هنساه

ريم / عارفه والله وحاسه بيكى بس حاولى على الأقل بلاش تكونى سبب فى هد بيت تانى

زهراء / متقلقيش يا ريم مش هكون سبب هدم حياتهم انا هبعد عنهم خالص انا هرجع اسكندريه تانى

ريم / هترجعى اسكندريه تعملى ايه هناك

زهراء / هشتغل عند عاطف مربيه اطفال

ريم / عاطف مين

زهراء / اللى كنت قاعده عنده الفتره اللى فاتت

ريم / وعرفتيه ازاى

زهراء / عرفته من المست وقطعت كلامها وخافت تحكى اللى حصلها يحكو قدام امير ويعرف الحقيقه قالت عرفته كنت بدور على شغل وقابلته

ريم / انا ليه حاسه انك بتكدبى ومخبيه عنى حاجه

زهراء / وانا هكدب عليكى ليه يلا تصبحى على خير ونامت على السرير وغمضت عينيها

ريم / تصبحى على خير ايه احنا بالنهار

زهراء / ليل ولا نهار مش هتفرق انا هنام شويه اطفى النور

ريم بصت ليها بأستغراب وطفت عليها النور وخرجت عند امها

زهراء / فتحت عينها والدموع نزلت منها وقالت مستحيل اخليك تعرف اللى حصلى خليك كده مش عارف حاجه وعايش حياتك مع مراتك اللى انت اختارتها بإراتك وغمضت عينيها ونامت

____________________________

فى شقة امير فى اوضه

كان امير واقف فى البلكونه وبيفكر فى حال زهره وشافها واقفه من البلكونه قعد يبص عليها بس فى الوقت ده دخلت سهى وزهره دخلت من البلكونه

سهى / امير

امير / ايوه يا سهى

سهى / انا اسفه يا أمير لغبط ليك حياتك وخسرت حبيبتك بسببى

امير / بزعل محصلش حاجه يا سهى زهره انا هعرف ارجعها ليا هتعب بس فى الاخر هرتاح لما تكون معايا وملكى

سهى / افهمها الحقيقه طيب

امير/ لاء بلاش انا هبقى اعرفها بنفسى

سهى / صعبت عليا اوى

امير / متقلقيش على زهره انا عارف ومتأكد انها قويه جدآ وهتحاول تملى تكون متماسكه قدمنا

سهى / بس لما تكون الواحده بتحب واحد بجد بتبقى ضعيفه وهى بعيده عنه وصدمتها ان انت اتجوزت كبيره اوى أن حسيت ان هيحصل ليها حاجه

امير / عارف بس ده برضه درس ليها علشان تعرف تحافظ عليا لما نكون مع بعض

سهى / المهم انت تقدر تحافظ عليها الست مننا مش محتاجه حاجه من اللى بتحبه غير انه يحسسها بالأمان

امير / زهره مش حبيبتى بس زهره بنتى واختى وامى وكل حاجه حلوه فى حياتى دى لما كانت صغيره كنت بحس نفسى تملى مسؤول عنها لحد ما كبرنا وكبر الحب معانا بس هى تملى كانت بتبص لفوق كانت عندها الفلوس اهم من الحب واهم من الحياة الزوجيه

سهى / ازاى اللى تحب حد تبيع اى حاجه علشان تكون مع اللى بتحبه يا اما كده يا ميبقاش حب من اساسه

امير / اللى متأكد منه حبها ليا بس طموحها اكبر منها بكتير

سهى / بس اعتقد ان دلوقتى هتكون الحياة احسن ليها معاك لأنك ورثت وبقى معاك فلوس زى ما هى بتحلم

امير / انا مش عايز اعرفها يا سهى عايزها تتعود على امير الفقير علشان تفضل تحبنى زى ما انا مش تحب فلوسى اكتر منى

سهى / لدرجاتى يا أمير

امير / هههههههه واكتر

سهى / ربنا يصلح حالكم ويسعدكم يارب

امير / ادخلى ريحى شويه

سهى / لاء مش عايزه انام هخرج اعمل الغدا وانت نام شويه تلاقيك منمتش من امبارح

امير / انا منتمتش من يوم ما زهره بعدت عنى

سهى / واهى رجعت تانى نام بقى

امير / ماشى

سهى / خرجت من الاوضه وقفلت الباب وراها

امير / دخل ونام على سريره وقال تعبتى قلبى معاكى يا زهره بس مهما بتعملى فيا بحبك ومقدرش ابعد عنك وغمض عينه ونام

____________________________

فى فيلا روز

وصل سامح عندها ودخل قعد وكان شكله زعلان

روز / نزلت وقالت ازيك يا مستر

سامح / كويس اقعدى يلا علشان نبدأ

روز / استغربت معاملة سامح وقالت مالك

سامح /من غير ما يبص ليها قال مفيش

روز / سامح بصلى هنا

سامح / بصلها وقال نعم

روز / بصت فى عينيه وسرحت فيهم

سامح / سرح فى عين روز

روز / فاقت وقالت احم م.م.مالك فى ايه عينك بتقول أن فيه حاجه مزعلاك

سامح / احم مش وقته خلينا نبدأ

روز / مش هعرف اركز طول ما انا شيفاك زعلان كده

سامح / انا شويه وهروق متشغليش بالك انتى

روز / مقدرش مشغلش بالى بيك يا سامح

سامح / اتنهد وقال اختى رجعت النهارده اكيد عارفه حكايتها

روز / بفرحه بجد حمدالله على سلامتها

سامح / الله يسلمك

روز / وده اللى مزعلك ده انت مفروض تفرح

سامح / اكيد مش ده اللى مزعلنى بس اللى كان خطيبها اتجوز وهى لما عرفت انهارت

روز / بزعل صعبه حاجه توجع القلب تلاقيها بتتعذب من جواها

سامح / رغم أن انا وزهره علطول مش بنتفق مع بعض بس قلبى وجعنى عليها

روز / طبعآ مش اختك وبعدين انا لو مكانها وحد فكر ياخدك منى كنت اموته

سامح / بأبتسامه بجد

روز / اتكسفت وبصت فى الارض

سامح / رفع وشها بأيده وقال وانا عمرى ما ابعد عنك ولا اسمح لحد يقرب منى لأن انا ليكى وانتى ليا

روز / كانت حاسه انا هيغمى عليها من الكسوف وفى الوقت ده جه العصير ومسكت الكوبايه ومدت ايديها وهى بتترعش وقالت ا.ا اتفضل بس كانت هتوقعها عليه

سامح / مد أيده بسرعه ومسك الكوبايه بأيد روز شد الكوبايه من ايديها وحطها على الطرابيزه ومسك ايديها بأيده الاتنين وقال اهدى يا روز محصلش حاجه علشان كل التوتر والكسوف ده

روز / سحبت ايديها من أيده ورجعت شعرها وراه ودنها وقالت غ.غ.غصب عنى

سامح / ابتسم وقال اللى يشوفك الاول وانتى بتلبسى لبسك المكشوف ده وبتعملى اللى كنتى بتعمليه معايا يقول عليكى انك جريئه ومش بتتكسفى

روز / اتكسفت لما افتكرت اللى عملتو معاه وداست بسنانها على شفتها اللى من تحت واتوترت

سامح / مد أيده وخرج شفتها من تحت سنانها وقال بلاش الحركه دى علشان مش هقدر اتحكم فى نفسى علطول

روز / بكسوف هزت راسها بمعنى حاضر

سامح / نبدأ بقى

روز / م.م.ماشى

سامح / شرح ليها الدرس وبعد وقت خلص ووقف وقال تمام كده خليكى محافظه على المستوى ده علطول

روز / عجبتك يعنى

سامح / من اول مره شوفتك فيها

روز / بكسوف سامح انا قصدى على الدرس

سامح / ههههههههه عارف بس بحب اشوف خدودك لما بتحمر من الكسوف

روز / حرام اللى بتعملوا فيا ده قلبى هيقف عليا من الكسوف وانت مش مقصر فى كده

سامح / ههههههههههه طيب اعمل ايه جمالك اللى بيخلونى اتكلم وبعدين انا نفسى مستغرب نفسى أن بتكلم معاكى بالجرأه دى وعادى كده مع أن شخصيتى مش كده بس معاكى بنسا نفسى

روز / احم انا نفسى مستغرباك حاسه انك واحد تانى غير اللى شوفته اول مره

سامح / اعمل ايه حبك غيرنى

روز / م.م.ماشى

سامح / انا ماشى وبعدين قال اه اعملى حسابك انى طالع الرحله

روز / اوك وانا كمان هطلعها

سامح / بكره هحجز ليا وليكى

روز / اوك

سامح / باى ومشى وسابها

روز / مسكت قلبها بفرحه وقالت اااااه يا قلبى ده انا كان فاضل تكه ويغمى عليا بس بمووووووت فيه وطلعت تجرى مسكت تليفونها واتصلت على جهاد

جهاد / لا والله اخيرآ افتكرتى ده انا قولت هموت واندفن من غير ما انتى تسألى عليا

روز / بعد الشر عليكى يا جوجو واحشتينى والله

جهاد / اه واحشتك بأمارة متصلتيش تسالى عليا

روز / خلاص بقى يا جوجو قلبك ابيض خليكى انتى الكابيره وبعدين ما انتى زى القرده اهو وعايشه وبتتكلمى

جهاد / لاء بجد اليومين اللى فاتو كنت تعبانه اوى وانتى مسألتيش كنت زعلانه منك اوى

روز / الف سلامه عليكى يا جوجو انشالله انا وانتى لاء

جهاد /بعد الشر عليكى يا رورو المهم عامله ايه

روز / هطير من الفرحه

جهاد / يارب دايمآ بس ايه السبب

روز / مستر سامح اعترف ليا بحبه

جهاد / مستر مين اعترف بحبه لمين انتى عبيطه يا بت

روز/ فاكره لما كنت بشكر فيه وكان واقف ورايا ومش شيفاه اهو اليوم ده اعترف بحبه وكل ما بيجى عندى يدينى الدرس يقولى كلام حلو يطير العقل من النفوخ

جهاد / بغض النظر عن كلمة النفوخ دى يعنى انتى عايزه تقنعينى ان مستر سامح مستر سامح اللى انا اعرفه قالك بحبك يا روز

روز / اه والله وكمان هيتقدم ليا بعد الدراسه ويخطبنى

جهاد / استنى كده احط أيدى على راسى اشوف نفسى سخنه ولا ايه اصل بدأت اسمع حاجات غريبه زى يخطبك وحاجات كده يقطع المرض وسنينه

روز / ههههههههههه لاء هيجى يخطبنى واللى سمعتيه صح الصح

جهاد / معنى كلامك انك كسبتى الرهان

روز / رهان ايه

جهاد / نهار اسوح ومنيل مش كنا مترهانين أن توقعى مستر سامح فى حبك ولو انا اللى فزت كنتى هتجيبى ليا ايفون ولو انتى اللى كسبتى هنزل الشارع واعمل اى حاجه مجنونه تقولى ليا عليها

روز / بس انا دلوقتى مش بلعب يا جهاد انا بحب سامح بجد

جهاد / ما انا عارفه انك حبتيه بجد بس كنت عايزه اسمع الكلام ده منك علشان قلبى يطمن وبجد ربنا بيحبك أن بعت ليكى واحد زى مستر سامح

روز / انا فرحانه اوى يا جوجو ولما بشوف عينيه ولا ضحكته بحس أن قلبى بيقع من مكانه

جهاد / هييييييح قولى كمان ده الحب حلو اوى اوى يا رورو اوعدنا يارب

روز / انا مهما اقولك قد ايه سامح مختلف تمام عن اللى انتى بتشوفيه مش هتصدقى ولا رومانسى ايه من الدرجه الاولى

جهاد / لاء كفايه بقى بدأت احب على نفسى ولو مجاش ليا اى ابن جزمه وقلى بحبك حالا هروح ادور على اى واحد واسحبه من قفاه واقوله حبنى ده ايه ده بقى يا شيخه حرررررررام راعو حال السناجل اللى زى اهئ أهئ أهئ

روز / ههههههههههه براحه على نفسك يا شابه ههههههههههه

جهاد / انتو خليتو فيها راحه اقفلى يا بت احسن الدم بيغلى فى نفوخى

روز / ههههههههههه سلام يا مجنونه وقفلت معاها واترمت على السرير وقعدت تفكر فى سامح

____________________________

فى الشركه عند لميس وشريف

لميس / بفرحه حمدالله على سلامة رجوع اختك

شريف / الله يسلمك يا قلبى

لميس / انا هروح معاك النهارده أشوفها واسلم عليها

شريف / تنورينى طبعآ

لميس / وبالمره اشوف ماما اصلها واحشانى اوى

شريف / ماما بس برضه

لميس / ايوه

شريف / بغمزه طيب وابنها

لميس / مالو

شريف / مش بيوحشك

لميس / يواحشنى ازاى وهو تملى هنا وشاورت على قلبها

شريف / وقف وراح عندها وقرب منها وسند أيده على ايادى الكرسى اللى قاعده عليه وقال وانتى بقى ساكنه قلبى وروحى وعمرى ومخى وكل كيانى

لميس / شريف

شريف / قلب شريف

لميس / ا.ا.احنا فى المكتب

شريف / وايه يعنى

لميس / ح.ح.حد يدخل ويشوفنا

شريف / محدش بيدخل علطول بيخبطو قبل ما يدخلو

لميس / ط.ط.طب عايز ايه

شريف / عايز ادوق الشهد

لميس / اتلم يا شريف

شريف / طول ما انتى قصادى مش بقدر اتلم على جسمى

لميس / شريف بجد مينفعش كده ا.ا.ابعد شويه

شريف / قرب شفايفه من خدها وبسها بوسه برقه وبعد عنها براحه وقال انا عارف ان مينفعش اتخطى حدودى وعمرى ما اقدر اعمل كده بحبك يا اغلى ما فى حياتى وسابها وخرج من المكتب

لميس / بلعت ريقها بالعافيه وصدرها كان بيطلع وبينزل بسرعه كبيره وغمضت عينيها وحطت ايديها على خدها مكان بوست شريف وابتسمت وقالت بحبك اوى اوى يا شريف ووعد منى هخليك اسعد واحد على الأرض

___________________________

فى شقة توفيق

صحيت زهره من نومها وقامت خرجت من الاوضه لاقت امينه وامها واختها قاعدين

دخلت الحمام من غير ولا كلمه وبعد شويه خرجت فى نفس الوقت اللى جرس الباب رن

ريم / فتحت الباب وقالت محمود تعال ادخل

محمود / لاء مفيش وقت يلا علشان ننزل المكتب وبص لزهره وقال عامله ايه دلوقتى

زهراء / كويسه وزى الفل

محمود / يارب دايمآ

امينه / اختك واخوك فين

محمود / ساره فى اوضتها وامير وسهى فى اوضتهم

زهراء / اول ما سمعت اسم امير وسهى اتغاظت ودخلت اوضتها

ريم / بغيظ امشى يا محمود وخرجو وقفلت الباب

محمود / ايه فى ايه متغاظه منى كده ليه

ريم / علشان انت حافظ مش فاهم

محمود / ليه بس

ريم / يعنى انت جاى قدام زهراء تقول امير وسهى فى اوضتهم يا ابو المفهوميه

محمود / اخ فاتت عليا دى مأخدش بالى

ريم / وانت بتاخد بالك من ايه اصلا

محمود / قرب منها وقال باخد بالى منك انت وبس يا جميل

ريم / بتوتر م.م.محمود متستعبطش ابعد

محمود / ابعد ايه بس ده انا ما صدقت قربت

وفى الوقت ده فتحت ساره الباب وشافت منظر محمود وريم وقالت

ساره / الله يخربيتكم بتعملو ايه

ريم / زقت محمود برجليها وجت تحت بطنه جامد

محمود / بوجع اااااه الله يحرقك ضيعتى مستقبلى

ريم / بتوتر م.م.مفيش حاجه احنا نازلين رايحين المكتب

ساره / والله واللى ينزل بيبقى لازق فى التانى كده

ريم / خبطت محمود فى كتفه جامد وقالت بغيظ انطق انت اللى حطتنا فى ام الموقف ده

محمود / بوجع ااااااه فى ايه انتى مستقويه القلب عليا كده ليه

ساره / الله يرحمك يا رجوله

محمود / فعلا اقريلها الفاتحه بقى

ريم / والله العظيم انتو الاتنين اغلس من بعض ونزلت تجرى

محمود / بغيظ بومه بومه ايه خرجك دلوقتى انتى

ساره / وحياة امك وانا ايه عرفنى انك واقف معاها على السلم وبعدين فى حد يعمل كده على السلم افرض حد من اخواتها طب عليكم وبالذات سامح كان هيسمى عليكم

محمود / اشوف فيكى يوم اوعى كده اوعى ونزل يجرى وراه ريم ولاقها مستنيه تحت وقف تاكسى وراحو على المكتب

__________________________

فى اسكندريه

فى فيلا عاطف

صحى من نومه ودخل الحمام اخد شاور واده فرضه وخرج من الاوضه وسمع صوت أولاده بيعيطو دخل بسرعه وقال

عاطف / بخضه فى ايه مالكم

بيلار / طنط صدفه مش لاقينها

عاطف / طنط صدفه مشيت راحت بيتها تانى

رائف / بس احنا بنحبها وعايزينها معانا علطول

عاطف / مينفعش تقعد معانا علطول لازم تروح بيتها

بيلار / بدموع طيب انا عايزه اروح عندها

رائف / ايوه يا بابا والنبى

عاطف / مش هينفع علشان الشغل بتاع بابا

بيلار / بدموع مليش دعوه بقى انا عايزه طنط صدفه

رائف / بدموع وانا كمان

وقعدو يعيطو الاتنين

عاطف / صعبو عليه وقال..................

__________________________

بقلمى دودومحمد

🌹فتاة انحنت من أجل الحب 🌹

🌷الفصل العشرون 🌷

فى القاهره

دخلت ساره الاوضه عند زهره وقعدت على السرير جنبها

زهراء/ اول ما شافت ساره مسحت دموعها وقعدت على السرير

ساره / استفادى ايه باللى حصل ده كله لو كنتى قبلتى تتجوزى امير من الاول مكنش كل ده حصل

زهراء / كويس أن رفض كنت هعيش مع واحد كداب ومخادع على الاقل أن قولت ليه الحقيقه واللى فى قلبى إنما هو عمل ايه كان بيخدع فيا وعايش دور الحبيب المضحى المظلوم وفى الاخر كل ده طلع كدب ووهم

ساره / متنسيش انك وجعتيه وجرحتى مشاعره وعيرتيه بفقره كل ده انتى مكنتيش شيفاه ليه محستيش بوجعه لما دخل وشافك نايمه فى سرير راجل غريب لو انتى مكانه كنتى هتبعدى عنه ومش هتكملى معاه إنما هو كان هيتجوزك وعمره ما كان هيقصر معاكى بلاش تجيبى كل الذنب على امير لواحده

زهراء / بضحكة سخريه هه ما انتى لازم تدافعى عنه ما هو اخوكى

ساره / وانتى اختى يا زهره وانتى عارفه كده بس انا شايفه انك متحمله على امير بزياده اوى ومش زعلانه لأنه اخويه اى حد كان مكانه كنت هزعل علشانه برضه اقولك على حاجه انا طلبت من امير ينساكى عارفه ليه لأنه اخر همك لما فكرتى تبعدى بعدى من غير ما تقولى لحد وامير فى بعدك كان عمل زى الفرخه المدبوحه بيفرفر وبيدى لنفسه امل أن ممكن يعيش امير تعب معاكى اوى اوى يا زهره

زهراء / ههههههههه بقه هو الضحيه وانا الشريره صح طيب ما هو من الاساس اتخلى عنى فى عز احتياجى ليه باعنى لاسلام بكل سهوله على الأقل انا هربت علشان متجوزش حد تانى غير اخوكى إنما اخوكى عمل ايه ههههه اتجوز غيرى عادى

ساره / موضوع جواز اسلام منك كانت صعبه على امير فوق ما تتخيلى بس هو اختار حريتك على حساب وجعه هو

زهراء / هههههههههه حريتى فين حريتى دى لما باعنى وكان هيجوزنى لحد تانى تبقى دى حريه انا كان عندى الاعدام ارحم مليون مره من أن اتجوز حد تانى غير امير بس هو متأثرش وما صدق اختفيت واتجوز هههههههه لا فعلا اخوكى

ضحى جامد علشانى وسكتت شويه وحبست دموعها وقالت عمومآ ربنا يسعده فى حياته الجديده أما انا خلاص قررت هعيش فى اسكندريه علطول

ساره / بصدمه اسكندريه ازاى يا زهره احنا لينا مين اصلا هناك

زهراء / مش لازم يكون ليا حد علشان اعيش فى المكان ده انا هعيش لنفسى ومع نفسى

ساره / وامك واخواتك وجامعتك هتعملى فيهم ايه

زهراء / امى واخواتى هبقى اجى ازورهم علطول والجامعه هنقل اوراقى اسكندريه

ساره / مش بالسهوله دى يا زهره تنقلى من مكان لمكان وتعيشى فيه لوحدك

زهراء / والله دى حياتى وانا حره فيها

ساره / على فكره مش حكاية عند هى قبل ما تفكرى فى نفسك فكرى فى غيرك امك مش هتستحمل بعدك دى كانت هتموت عليكى

زهراء / مش هتكره ليا الاحسن وانا حياتى فى اسكندريه هتكون احسن من هنا بكتير

ساره / يعنى برضه بتجرى وراه الفلوس

زهراء / افهميها زى ما تفهميها

ساره / اللى فيه طبع عمره ما هيتغير انتى حره بقى وسابتها وخرجت

زهراء / دموعها نزلت منها واترمت على السرير وقالت محدش فهمنى ولا حاسس بيا ميعرفوش أن صعب عليا اشوف حب عمرى كله مع واحده غيرى ميعرفوش قد ايه بتوجع لما يكون اللى بتحبه قصادك وملكش حق فيه وبقى حق حد تانى كله شيفنى انانيه وبجرى وراه الفلوس مش قادرين يفهمو أن اللى اتبقى منى بقايا متحطمه لا بقى يهمها فلوس ولا حاجه وفى الوقت ده باب الاوضه خبط قامت قعدت ومسحت دموعها وقالت ادخل

شريف / عامله ايه يا حبيبتى دلوقتى

زهراء / الحمدالله انا كويسه

شريف / لو حاولتى تضحكى على الدنيا كلها مش هتقدر تضحكى عليا انا حاسس بيكى وعارف انك بتتقطعى من جواكى وبتعملى مجهود كبير اوى علشان تظهرى انك كويسه

زهراء / اول ما سمعت الكلام ده مقدرتش تمسك نفسها واترمت فى حضن اخوها وقالت بدموع انا بموت يا شريف حاسه ان روحى بتنسحب منى مش قادره استحمل اللى انا بشوفه ده ليه كل ده بيحصلى علشان حلمت ما كل البنات بتحلم بس عمرى ما كنت من البنات اللى عندها استعداد تبيع نفسها علشان الفلوس انا اه غلط فى حاجات بس العقاب كان صعب اوى اوى عليا يا شريف

شريف / طبطب عليها وقال كلنا بنغلط يا زهره محدش معصوم من الغلط احنا بشر واللى بيحصلك ده قضاء وقدر اختبار من ربنا بيشوفك هترضى بقضاءه ولا لاء اللى انتى فيه ده واجعنا كلنا مش انتى بس

زهراء / عارف حاجتين هما اللى واجعنى اوى موت ابوك وبسببى وجواز امير من حد غيرى دول الاتنين اللى بيقتلونى من جوايا

شريف / موت ابوكى عمره وانتهى ملكيش اى ذنب فيه

زهراء / بس واحشنى اوى اوى

شريف / ابوكى واحشنا كلنا وموته كانت كسرت ضهر لينا

زهراء / انا عايزه اعرف مكان قبر بابا

شريف / حاضر هبقى اخدك عنده

زهراء / انا ممكن أسألك سؤال بس تجاوب عليا من غير ما تسأل

شريف / اسألى

زهراء / البنت اللى ا.ا امير متجوزها دى عرفها منين وازاى

شريف / سهى تبقى بنت عمه

زهراء / بأستغراب بنت عمه هو عنده عم

شريف / ايوه ظهر ليه اهل من الصعيد ولما راح هناك اتجوزها

زهراء / انا مش فاهمه حاجه ازاى ظهر ليه اهل فاجئه واتجوزها ليه بالسرعه دى

شريف / هقولك بصى يا ستى امير قابل عمه اللى هو أبو مراته وطلب منه يروح الصعيد علشان يتعرف على أهله ويو بس فى الوقت ده تليفون شريف رن برقم امير بص لزهره وقال هرد على التليفون وهاجى اكملك وخرج فى البلكونه واتصل بأمير وقال ايوه يا أمير

امير / شريف اوعى تكون حكيت حاجه لزهره

شريف / حاجة ايه مش فاهم

امير / مش عايز زهره تعرف دلوقتى حكاية الورث عايزها تفتكر أن انا فقير زى ما انا

شريف / ليه

امير / علشان اتأكد انها هترجع ليا انا مش لفلوسى

شريف / وايه ضمنك اصلا أن زهره هترجعلك

امير / لما تعرف حقيقة العلاقه اللى ما بينى وبين سهى هترجعلى من تانى بس بلاش تقولها انت على حقيقة العلاقه دى خلينى انا اقولها

شريف / ماشى يا امير بس متوجعش اختى اكتر من كده كفايه الوجع اللى هى حاسه بيه بسبب جوازك

امير / انت عارف يا شريف اختك بالنسبه ليا ايه

شريف / عارف يا امير عارف

امير / شويه وهدخل عندكم سلام

شريف / سلام و دخل من البلكونه

زهراء / كمل ايه حصل بعد ما امير راح الصعيد

شريف / يا نهارى ده انا نسيت بنت صاحب الشركه اللى انا شغال فيها جايه تسلم عليكى

زهراء / تسلم عليا انا وهى تعرفنى منين

شريف / هى علطول كانت بتيجى هنا وانتى مش موجوده واخدت على امك واخواتك وهما اخدو عليها وعرفتك من الحكاوى اللى بنحكيها عليكى وانتى مش موجوده

زهراء / انت متأكد انها بنت صاحب الشغل بس

شريف / احم قصدك ايه

زهراء / يعنى مش حبيبتك وغمزت ليه

شريف / بطلى لماضه ويلى نخرج ليها

زهراء / عينك فضحاك على فكره ههههههههه

شريف / طيب امشى يا اختى امشى

زهراء / بس لما تمشى البنت تحكى ليا بقيت حكاية امير

شريف / ا.ا اه طبعآ بس يلا ده احنا نسناها خالص وخرجو الاتنين من الاوضه وراحت زهره عند لميس وقالت

زهراء /مدت ايديها وقالت ازيك

لميس /قامت سلمت عليها وبستها وقالت ماشاءالله زى القمر

زهراء / بأستغراب ميرسى

لميس / انا أسمى لميس

زهراء / وانا أسمى

لميس / زهره عارفه

زهراء / هههههههه شكلك مذاكره العيله كلها

شريف / ضربها بالكوع فى جنبها وقال عسل عسل اختى دى

لميس / اتحرجت وقالت ا ا.اه ما انا جيت هنا كذا مره وعرفت كل حاجه عنك من ماما وشريف

زهراء / اتشرفت بمعرفتك اتفضلى اقعدى

لميس / قعدت جنب نبيله وقالت شكرآ

نبيله / تشربى ايه يا حبيبتى

لميس / شكرآ يا ماما مش عايزه والله

زهراء / انتى قرفانه مننا ولا ايه احنا اه فقره بس نضاف على فكره

لميس / اتغاظت وقالت لاء طبعا مش قرفانه وانا دخلت بنفسى قبل كده المطبخ وحضرت الاكل بأيدى وحكايه فقره دى انتى غلطانه فيها لان الفقير مش بالفلوس والبيت اللى قاعد فيه الفقير فقير الاخلاق والدين هما دول الفقره بجد وفى نوع تانى من الفقر فيه فقير المشاعر والاحساس وده اصعب واشد انواع الفقر لان طول ما هما مش موجودين فى البنأدمين يبقى مينفعش يعيشو وسط الناس محرومين من لذت الاحساس بالمشاعر الجميله وسط الناس

شريف / كان بيبص للميس بحب واعجاب

زهراء / حلوه المحاضره دى شكلك مدرسة فلسفه

علشان بتتفلسفى كتير فى كلامك

لميس / لاء مش مدرسه بس انا بتكلم بالمنطق مش اكتر

شريف / احم خلاص يا جماعه حصل خير ولميس مش هتشرب حاجه علشان هناكل الاول مع بعض

لميس / وقفت وبصت لزهراء وقالت وانا اللى هحضر الاكل بأيدى وبصت لنبيله وقالت عن اذنك يا ماما

نبيله / بيتك ومطرحك يا حبيبتى انتى مش غريبه

لميس / دخلت المطبخ تحضر الاكل

شريف / لسانك ده ايه مبرد

زهراء /ده اللى هو انا ده انا قولت الكلمه ردت عليا بعشره

نبيله / غلطانه يا بنتى مهما إن كان دى ضيفه فى بيتنا وانتى احرجتيها

زهراء / مين دى اللى ضيفه ده احنا اللى ضيوف دى بتتحرك فى الشقه كأنها شقتهم

شريف / انتى ليه حطاها فوق دماغك ومش طيقاها دى حتى فرحت لما عرفت بخبر رجوعك

زهراء / مين دى اللى فرحة برجوعى هى تعرفنى منين علشان تفرح هى بس بتحببك فيها

شريف / مفيش فايده فيكى هدخل أشوفها لو محتاجه حاجه ولسه هيمشى

زهراء / ايه ايه استنا هنا رايح فين عايز تدخل ليها المطبخ ويبقى الشيطان تالتكم اقعد هنا انا هدخلها

شريف / بنأدمه فصيله كنا مستريحين منك

زهراء / يا سلام عينى فى عينك كده

شريف / امشى يا بت وفى الوقت ده جرس الباب رن فتح الباب لمحمود وريم وقال تعال يا محمود ادخل

محمود / شويه وهاجى وبص لريم وقال عايزه حاجه

ريم / لاء شكرآ ودخلت وقفلت الباب وراها وقالت هو احنا عندنا ضيوف هنا ولا ايه يا أبيه

شريف / لميس

ريم / بفرحه بجد فين هى

شريف / كالعاده

ريم / المطبخ صح

شريف / شطره ادخلى ليها احسن هى واختك زهره جوه والاتنين مش طيقين بعض ده لو لاقيتى حد فيهم لسه عايش زمان الاتنين ضربو بعض بالسكاكين ومرمين فى الارض غرقانين فى دمهم

ريم / نهار اسوح ايه التفكير الاجرامى ده يا أبيه

شريف / ما انتى مشوفتيش الكلام اللى حصل ما بنهم من شويه حرب مولعه هههههههههه

ريم / ههههههههه هدخلهم ودخلت ريم وسلمت على لميس وقعدت تحضر معاهم الاكل

___________________________

فى اسكندريه

حاول عاطف يقنع ولاده أن زهره مش هترجع تانى لكن هما كانو بيعيطو وعايزينها وبيتحايلو عليه يروح يوديهم عندها

عاطف / صعب عليه الاولاد وقال بس دى بيتها بعيد اوى

بيلار / مش مهم يا بابا احنا معانا العربيه

رائف / يلا يا بابا بقى وافق علشان خاطرنا

عاطف / روحو خلو الداده تجهزكم على ما انا كمان اجهز

رائف وبيلار / بفرحه هيييييييييا احلى بابا فى الدنيا وطلعو يجرو علشان الداده تجهزهم

عاطف / بص على أولاده وهما بيجرو بفرحه وضحك وقال ربنا يهديكى يا صدفه وتوافقى ترجعى معانا ومسك تليفونه واتصل بلميس وقال اذيك يا ميسو

لميس / الحمدالله عامل ايه

عاطف / الحمدالله بقولك كنت عايز منك خدمه

لميس / قول

عاطف / كان فيه مربيه للاولاد شغاله عندى واكتشفت أن هى طلعت قريبة امير اللى انتى بعتيه ليا واخدها ومشى والاولاد عايزين يشوفوها وعمالين يعيطو ممكن تعرفى هى ساكنه فين علشان بجهز انا الاولاد وجاين القاهره

لميس / قريبته وايه هيجيب قريبته عندك اسكندريه

عاطف / من غير أسأله كتير يا لميس هتقدرى تجيبى ليا العنوان ولا انا انزل ادور عليها بنفسى

لميس/ حاضر انا فى الشقه اللى جنب شقته هسأله على عنوانها

عاطف / متتأخريش عليا

لميس / حاضر سلام

عاطف / قفل التليفون مع لميس وراح على اوضه وجهز نفسه والاولاد كانو جهزو واخدهم وركب عربيته وراح على القاهره

____________________________

فى القاهره

فى شقة توفيق

قفلت لميس مع عاطف وبصت لزهره وريم وقالت مش امير ساكن جنبكم

زهراء / اتوترت لما سمعت اسم امير وقالت ايوه الشقه اللى قصادنا

لميس / طيب ممكن يا ريم تيجى معايه علشان عايزه اروح ليه

ريم / ايوه طبعآ تعالى وخرجو الاتنين مع بعض

زهراء / اتغاظت لما لميس راحت لامير وقالت ما المشرحه نقصه قتله نقصاكى هى كمان وكانت ماسكه فوطة المطبخ فى ايديها حدفتها على الأرض بغيظ وخرجت من المطبخ

ولسه هتدخل اوضتها جرس الباب رن فى نفس الوقت اللى ريم بتفتح الباب علشان تروح هى ولميس عند امير

ريم / فتحت وقالت امير لسه بفتح الباب علشان جاين ليك

امير / بأستغراب جاين ليا انا وبعدين قال ازيك يا لميس

لميس / الحمدالله كنت جايه أسألك على حاجه

امير / اسألى

ريم / طيب ادخلو الاول

امير / دخل هو وسهى وشاف زهره وهى وقفه على الباب وبتبص ليهم

زهراء / اول ما شافت امير داخل هو وسهى اتغاظت ودخلت اوضتها ورزعت الباب وراها

لميس / انت لما روحت عند عاطف كان فيه واحده قريبتك شغاله عنده واخدها ومشيت واولاده عاملين يعيطو وعايزينها ممكن اعرف عنوانها

امير / بس انا مفيش حد قريبى كان شغال عنده

شريف / يمكن قصدها على زهره

لميس / هى اللى كانت عنده وبيسأل عليها اختك

شريف / ايوه بالصدفه امير شاف زهره شغاله عند ابن خالتك

ريم / ايوه هى حكيت ليا وقالت إنها كانت شغاله عند واحد اسمه عاطف

لميس / ايوه ابن خالتى اسمه عاطف صدفه غريبه جدآ

امير / كان فاهم قصد لميس من الاول بس مكانش عايز يقولها انها زهره واتغاظ جدآ من شريف لما قال إنها أخته

شريف / بس انا اختى مش هترجع اسكندريه تانى

ريم /مين قال كده بالعكس زهره قررت انها هترجع اسكندريه وتشتغل عند عاطف ده تانى

امير/ اتصدم وقال ايه مستحيل ده يحصل

ريم / معرفش هى قالت كده ليا امبارح

شريف / لاء طبعآ مفيش مرواح اسكندريه وايه يعيشها مع راجل غريب

لميس / بس عاطف انت عارف أخلاقه وانا قولت الكلام ده كذا مره ليك يعنى امين على اختك

امير / زهره مش هتتحرك من هنا يا لميس

زهراء / خرجت من اوضتها وقالت وانت بأى حق تاخد قرار ليا ها حبيبى خطيبى جوزى انا حره اروح اسكندريه ولا لاء ده شئ ميخصكش انا حره فاهم واياك تدخل فى اى شئ يخصنى

امير / اتغاظ وقال لاء يخصنى يا زهره ومفيش مرواح اسكندريه وورينى هتروحى ازاى

زهراء / هروح يا أمير وورينى هتمنعنى ازاى روح يا بابا خلى بالك على مراتك وملكش دعوه بأى حد تانى وبصت ليه من فوق لتحت ودخلت اوضتها

لميس / بعتت العنوان فى رساله لعاطف

امير / اتعصب وبص لشريف وقال قسمآ بالله لو زهره اتحركت من هنا ما يحصل كويس

امينه / لاول مره تتكلم بعصبيه وقالت امير لحد هنا وكفايه انا مش عجبنى وضعك من امبارح انت ايه دخلك بزهره مش خلاص اتجوزت واحده تانيه وبأختيارك عايز منها ايه بقى خليك مع مراتك ولاحظ أن مفيش واحده هتقبل تشوف جوزها ملهوف على واحده غيرها مش عايزه اشوفك تتكلم فى الموضوع ده تانى فاهم

امير / مقدرش يرد على أمه بصلها ومشى

امينه / روحى وراه جوزك يا سهى

سهى / حاضر يا مرات عمى وراحت وراه

زهراء / كانت بتراقب اللى بيحصل من فتحه صغيره فى الباب ودموعها نزلت منها وحطت ايديها على بؤقها وقعدت على الأرض وسندت ضهرها على الباب وقالت ااااااه يارب صبرنى وقوينى افضل قدامهم متماسكه وقعدت تعيط

____________________________

فى شقة امير

دخل امير اوضه وهو متعصب وقعد يحدف كل حاجه قصاده فى الارض وفى الوقت ده دخلت سهى وراه وشافت امير فى الحاله دى قالت اهدا يا أمير

امير / بعصبيه ابعدى عنى انتى السبب فى كل اللى بيحصل اهو خسرت زهره طول عمرى بسببك وبسبب استهتارك

سهى / بصت على الارض ودموعها نزلت منها وقالت عارفه أن سببت ليك مشاكل كتير ودخلتك فى مشاكل ملكش ذنب فيها انا اسفه بجد وانا هرجع البلد واقول لبابا الحقيقه واللى يحصل يحصل المهم حياتك ترجع لطبيعتها

امير / اتنهد وقعد على السرير وحط راسه ما بين ايديه وقال حقك عليا مقصدش اجرحك بس اعصابى تعبانه من اللى بيحصل

سهى / لاء انت عندك حق فى كل كلمه قولتها مش زعلانه يا امير منك انت حتى لو طلقتنى دلوقتى يبقى سترت عليا وعملت فيا معروف كبير

امير / انا وعدك ووعد ريان انكم هتكونو لبعض وانا متعودتش موفيش بوعدى

سهى / طيب خلينى اروح أقولها حقيقة جوازنا

امير / مش هتصدق انا عارفها كويس اوى

سهى / طيب روح انت وقولها

امير / هتقول أن انا بقولها كده علشان ترجع ليا ومش هتصدقنى

سهى / طيب والعمل

امير / مش عارف يا سهى مش عارف

سهى / بصت على امير بزعل وقعدت جنبه وقالت كل حاجه هتتحل إن شاءالله سبها على ربنا

امير / ونعمه بالله

____________________________

فى شقة توفيق

كان الكل قاعد وزهراء فى اوضتها بتعيط وسمعت صوت جرس الباب بيرن فكرته امير طلعت تجرى على باب اوضتها وفتحت فتحه صغيره وبصت منها بس اتفاجئت لما شافت عاطف وقالت

زهراء / عاطف جاى ليه وفتحت الباب وخرجت

الاولاد / اول ما شافو زهره طلعو يجرو عليها وقالو طنط صدفه طنط صدفه

زهراء / فتحت دراعها ليهم واخدتهم فى حضنها وقعدت تبوس فيهم

عاطف / انا اسف لو كنت جيت ليكم من غير معاد بس غصب عنى الاولاد زى ما انتو شايفين متعلقين بيها

زهراء / احلى مفاجئه على فكره كانو واحشنى اوى

عاطف / عامله ايه

زهراء / الحمدالله انت ايه اخبارك

عاطف / تمام الحمدالله

زهراء / انا اسفه أن مشيت من غير ما ابلغك

عاطف / استنيتك كتير

زهراء / كان لازم ارجع علشان اطمن امى واخواتى عليا

شريف / احنا كنا هنتجن عليها ودورنا عليها فى كل حته عمرنا ما اتخيلنا انها تكون فى اسكندريه

عاطف / هى اكيد لو كانت فاك

زهراء / قطعته وقالت ت.ت.تشرب ايه

عاطف / حس أن زهره مش عايزاه يتكلم قال قهوه

زهراء / ريم اعملى واحد قهوه مظبوط

ريم / ماشى

عاطف / ممكن اتكلم معاكى كلمتين

شريف / كلمتين ايه دول

عاطف / لاء كلمتين على انفراد

زهراء / بعد اذنك يا شريف

شريف / ماشى يا زهره

زهراء / اخدت عاطف وقعدت فى مكان بعيد عنهم وقالت خير يا عاطف

عاطف / انتى ليه مكنتيش عايزانى اتكلم واقول على الحادثه علشان يعرفوا انك كنتى غايبه عنهم غصب عنك

زهراء / كده يا عاطف مش عايزه حد هنا يعرف بموضوع الحادثه وارجوك ياريت محدش يعرف نهائى

عاطف / براحتك بس خلاص هتقعدى هنا

زهراء / لاء هرجع معاك

عاطف / فرح وقال بجد يا صدفه

زهراء / بزعل مبقاش ليا مكان هنا

عاطف / انا ليه حاسس انك زعلانه وحزينه انا اتخيلت انك هتكونى مبسوطه لما ترجعى وسط أهلك ولخطيبك

زهراء / فرح. انا اللى زى ميعرفش الفرح ياريت ماكانت الذاكره رجعتلى

عاطف / ليه كده انتى زعلانه مع خطيبك

زهراء /انا مش مخطوبه اصلا

عاطف / مش مخطوبه امال مين ده اللى اخدك من عندى

زهراء / ده ابن جيرانه وهو دلوقتى متجوز وفى الوقت ده جرس الباب رن وفتحت ريم الباب وبصت جوه بتوتر وقالت

ريم / ا.ا.ابيه ا.ا.امير خير

امير / دخل وقال فين شريف واتفاجئ بزهره قاعده هى وعاطف لواحدهم اتغاظ ودخل مسك عاطف من هدومه بعصبيه وقال انت جاى هنا ليه

عاطف / شال أيده وقال لو فكرت تعمل حركه زى دى انا ممكن ادفنك مكانك فاهم

الكل اتجمع على صوت امير ودخلو بعدو الاتنين عن بعض

شريف / اهدا يا أمير مش كده

امير/ انت ازاى سيبهم قاعدين كده مع بعض

زهراء / وانت مالك وايه دخلك كنت ولى امرى

امير /لا يا زهره حبيبك

زهراء / كنت حبيبى فاهم كنت انت دلوقتى ولا حاجه بالنسبه ليا

محمود / تعال بس معايا يا أمير

امير / زق ايد أخوه وقال اوعى كده مش خارج من هنا طول ما البنأدم ده موجود

عاطف / انا ساكت ليك علشان عامل حساب للموجدين هنا

نبيله / عيب اللى انت بتعملو ده يا أمير الراجل ضيف عندنا

شريف / شده وقال تعال معايا يا أمير

امير / مش ماشى يا شريف

زهراء / انا هدخل احضر شنتطتى

امير / شريف انا قولت مش هتمشى من هنا

زهراء / وانا قولتلك ملكش كلمه عليا

امير / راح مسك دراع زهره وقال بلاش تعصبينى

شريف / امير اتحكم فى اعصابك اكتر من كده وبص لزهراء وقال زهره احنا قولنا مش هتروحى اسكندريه

زهراء / لاء يا شريف انا مش هقعد هنا انا هعيش فى اسكندريه واللى حابب منكم يجى يعيش معايا يجى

شريف / مينفعش يا زهره كلنا ملتزمين بأشغلنا صعب نسيبه ونروح فى مكان تانى

زهراء / خلاص هروح اعيش هناك انتو مش بتثقو فيا

شريف / بنثق فيكى طبعآ بس هنبقى قلقانين عليكى وانتى بعيد عننا

زهراء / شريف ورحمة بابا سبنى اعيش فى اسكندريه

شريف / طيب بلاش دلوقتى اصبرى اخوكى سامح يجي ونتكلم فى الموضوع ده مع بعض

عاطف / طيب انا قاعد هنا يومين لحد ما تقررو هتعملو ايه

امير / كان بيبص عليه بغيظ

نبيله / اتكلمت وقالت لو عايز زهره تروح اسكندريه معاك اتجوزها

الكل / اتفاجئ بكلام نبيله وبصو ليها بصدمه حتى زهره نفسها اتفاجئت بكلام امها

زهراء / ايه اللى انتى بتقوليه ده يا ماما

نبيله /انا عارفه بقول ايه لو عايز ترجع معاك اسكندريه اتجوزها

عاطف /..........

الفصل الواحد والعشرون من هنا

رواية فتاة انحنت من أجل الحب

الفصل الواحد والعشرون 21 والثاني والعشرون 22

بقلم دودو محمد

🌹فتاة انحنت من أجل الحب🌹

🌷الفصل الواحد وعشرون 🌷

فى فيلا جهاد وأحمد

دخل احمد الاوضه عند أخته جهاد لاقها بتذاكر قال

احمد / بتذكرى

جهاد / لاء خلاص خلصت تعال ادخل

احمد / دخل وقعد على الكنبه

جهاد / وشك كده بيقول انك فيه حاجه مفرحاك قول وفرحنى معاك

أحمد / ايوه فرحان اوى وحاسس أن طاير من الفرحه واخيرآ اعترفت بحبى لساره

جهاد / راحت قعدت جنبه وقالت بفرحه بجد لاء بقى احكيلى كل حاجه بتفصيل اموت انا

أحمد / مفيش جت وشافتنى قاعد مع جيهان بنت خالتك فى الكافتيريا اللى فى الجامعه واتغاظت وشوفت بعينى غيرتها عليا قولت فرصه اخدها فى مطعم واعترفت ليها بحبى وشوفت السعاده فى عينيها وحسيت بيها قلبها كان هينط من مكانه من الفرحه

جهاد / هييييييح وايه كمان شكلى كده هقلب على اسامه منير واسمع حكاوى العشاق قول يا ابنى قول

أحمد / بس واخدتنى لمكان انتى هتحبيه اوى

جهاد / فين

أحمد / اكلنا احلى طبق كشرى

جهاد / نهاررررك اسوح وهان عليك تاكل حاجه انا بحبها من غيرى

أحمد / ما هى قالت عزماكى على كشرى وفول وطعميه والأكل اللى انتى بتحبيه ده

جهاد / ايوه بقى علشانك يا ساره اجيلك راكب طياره علشانك يا ساره اشتغلك بواب عماره علشانك يا ساره هشترى شقه على المحاره وعجبى

أحمد / تصدقى انا غلطان أن جيت احكيلك انتى واحده متخلفه اصلا وقام وخرج من الاوضه

جهاد / ده مالو ده يكونش مش عجبه الشقه اللى على المحاره وعايزها متشطبه يلا ملهوش فى الطيب نصيب

____________________________

فى شقة توفيق

كان الكل مصدوم من كلام نبيله وكانت منتظره الرد من عاطف

عاطف / انا مش عارف اقولك ايه والله

نبيله / قبل ما تقول اى حاجه انا عارفه كل حاجه عنك من لميس بنت خالتك وعارفه أن مراتك ماتت من سنه تقريبآ وعارفه أن انت كنت بتحبها بس اكيد مش هتكره أن ولادك يعيشو مرتاحين واللى انا شيفاه أن هما متعلقين ببنتى وبنتى مصممه انها تعيش فى اسكندريه يبقى الحل الوحيد انك تتجوزها

امير/ ايه اللى انتى بتقوليه ده يا خالتى مستحيل ده يحصل

نبيله / بص يا أمير يا ابنى كل شئ قسمه ونصيب وانت شوفت نصيبك وسيب بنتى تشوف نصيبها هى كمان

امير /لالالا يا خالتى مستحيل يحصل الكلام ده انا لسه بحب زهره ومقدرش استغنا عنها

امينه / ايه اللى انت بتقوله ده يا أمير اعمل حساب أن مراتك موجوده وكلامك ده بيجرحها

سهى / لاء يا مرات عمى مش زعلانه القلب وما يريد

شريف / وانا مش موافق على جوازها ده ولا انها تروح اسكندريه يا ماما

نبيله / وانا عارفه مصلحة بنتى اكتر منكم

وفى الوقت ده دخل سامح واستغرب وقال

سامح / هو فى ايه ومين ده

ريم / ده اللى كانت شغاله عنده زهره فى اسكندريه وابن خالة لميس

سامح / وجاى هنا ليه

ريم / جاى علشان العيال عايزين يشوفو زهره وزهره مصممه انا ترجع معاه اسكندريه وماما بتقول مدام زهره مصممه تروح معاه اسكندريه يبقى يتجوزها

امير / على جثتى ده يحصل وزهره مستحيل تكون لأى واحد غيرى

سامح / وانت بتتكلم على أساس ايه مش انت روحت وشوفت حياتك ده شئ ميخصكش بقى اذا كان تتجوز ده او غيره

امير / افهمنى يا سامح انا بحب زهره ومقدرش اتخيل انها تكون لغيرى

سامح / طيب ما انت مع غيرها اشمعنا بقى

امير / انا جوازتى دى ظروف واتحطيت فيها غصب عنى وكان لازم اعمل كده

شريف / يعنى انت موافق على الكلام اللى امك بتقولو ده

سامح / وليه لاء لو هى هترتاح معاه تتجوزه مفيهاش حاجه

زهراء / انتو خلاص كلكم بقيتو تتكلمو نيابة عنى ولاغين وجودى دى حياتى انا وانا بس اللى اقول اتجوز او لاء

نبيله / احنا عارفين وفاهمين اكتر منك

امير / زهره اقسم بالله بحبك واى حاجه حصلت قديمه كانت غصب عنى وبعدين انتى غلطى وانا غلط تعالى نصلح غلطنا ونتجوز ونعيش اللى جاى من حياتنا فى سعاده وحب بلاش العند يخسرنا احلى واجمل شئ فى الوجود الحب يا زهره احنا اللى بنا حب عمر بحاله حرام يضيع كده فى غمضت عين

زهراء / كانت بتسمع الكلام ده وهى حابسه دموعها فى عينيها

عاطف / وانا موافق اتجوزها

الكل / بص على عاطف بصدمه

عاطف / بس نعرف رأيها ايه الاول

شريف/ بلاش يا زهره صدقينى هتندمى ومش هتقدرى تنسى حب امير وهتظلمى نفسك وهتظلمى الكل معاكى

سامح / وافقى يا زهره جربى حياتك مع حد تانى وانا متأكد انك هتكونى سعيده بدل ما انتى بتتعذبى كل ما تشوفى امير مع مراته

زهراء / باااااااس انا موافقه

الكل اتصدم من رد زهراء

امير / لالالا متعمليش كده يا زهره انتى بتقولى كده من وراه قلبك انا متاكد انك لسه بتحبينى اوعى تعملى كده يا زهره ورحمة ابوكى بلاش تعملى كده انا اموت لو اتجوزتى غيرى انا بحبك وانتى بتحبينى

زهراء / بدموع وانا بموت لما بشوفك مع غيرى بس لازم بقى اخلص من حبك خلاص يا أمير انت مبقتش ليا زى ما انا مش هبقى ليك وهبقى لغيرك

شريف / زهره بلاش ابوس ايدك فكرى تانى

سامح / انتى صح يا زهره صدقينى انتى عملتى الصح

سهى / انا هقولكم الحقيقه

امير / اسكتى يا سهى

سهى / لازم اتكلم يا أمير حياتك بضيع بسببى

امير / قولتلك اسكتى يا سهى انا مش ناقص وجع قلب

زهراء / بدموع انا قولت قرارى ومش هرجع فيه انا موافقه اتجوز عاطف بس مش عايزه فرح كتب كتاب وامشى معاه علطول

امير / ارجوكى يا زهره بلاش تعملى كده

زهره / عاطف انا موافقه بس خليها بكره بليل

عاطف / على مهلك والوقت اللى تحبيه انا جاهز فيه

امير / مسك عاطف من هدومه وقال مستحيل تخدها منى زهره بتاعتى انا وبس فاهم بتاعتى انا

شريف ومحمود / مسكو امير وخرجو من الشقه

زهراء / بصت ليهم كلهم ودخلت تجرى على اوضتها واترمت على سريرها وقعدت تعيط

ريم / دخلت وراها وقالت ليه عملتى كده يا زهره

زهراء / بدموع علشان كان لازم اعمل كده يا ريم

ريم / بس انتى كده بتتعذبى وأبيه امير بيتعذب

زهراء/ هنتعذب شويه وبعد كده كل واحد هيعيش حياته

ريم / غلطانه الحب اللى ما بنكم صعب يتنسا

زهراء / واللى اتكسر ما بنا صعب يتصلح خلاص يا ريم انا قررت اتجوز عاطف مفيهاش رجوع تانى وسبينى علشان عايزه انام ونامت على السرير وغمضت عينيها على أساس انها نامت

ريم / بصت ليها بزعل وهزت راسها رافضه اللى بتعملوا زهره وقامت طفت النور وخرجت من الاوضه

زهراء / قامت قعدت على السرير وضمت رجليها وحطت راسها عليها وقعدت تعيط

_____________________________

فى شقة امير

كان متعصب فى اوضه ومحمود وشريف قاعدين معاه

امير / بعصبيه أختك مستحيل تكون لحد غيرى يا شريف مستحيل سامع انا ممكن ارتكب جريمه ولا ان حد غيرى يلمسها

شريف / حياتها هى وهى حره فيها ومدام اختارت انها تتجوزه محدش مننا ليه رأى تانى

امير / اختك بتحبينى انا هى وافقت تتجوز عاطف ده عند فيا مش اكتر

محمود / حتى لو عند يا أمير مستحيل زهره تغير رأيها هى دلوقتى مجروحه من جوازك لسهى وبتعمل بأى طريقه علشان ترد كرامتها

امير / جوازى من سهى شئ غصب عنى وليه وقت وهينتهى

شريف / كنت سيبها تتكلم يا أمير يمكن كانت زهره غيرت رأيها لما تعرف الحقيقه

امير / عمرى ما هقبل أن بنت عمى تعرض نفسها للاحراج بسببى يا شريف

محمود / انا كنت شاكك من الاول ان جوازك من بنت عمك بالسرعه دى وراها أن بس مرضتش اسألك علشان متتحرجش

امير / محمود الكلام ده مش عايز حد يعرف حاجه عنه

محمود / متنساش انها بنت عمى انا كمان

امير / المهم لازم جوازة زهره دى تتمنع بأى بطريقه

شريف / مينفعش يا أمير بكره كتب الكتاب

امير / بعصبيه لو حكمت أن اخطفها هعمل كده يا شريف بس متبقاش لحد غيرى

محمود / استهدا بالله بس يا أمير واللى ربنا عايزه هو اللى هيكون

شريف / ونعمه بالله

___________________________

مر الليل ما بين دموع زهره ووجع امير ومحدش فيهم عينه غمضت لحد ما النهار طلع

اشرقت شمس صباح يوم جديد بنورها الساطع فى سماء القاهره

قامت زهره من على سريرها بصعوبه خرجت من اوضتها دخلت الحمام اخدت شاور واتوضت ولبست هدومها وخرجت دخلت اوضتها وأدت فرضها وخرجت من اوضتها راحت اوضت شريف وقالت

زهراء / شريف شريف

شريف / فتح عينه وقال زهره فيه ايه

زهراء / قوم يلا علشان تيجى معايه عند قبر بابا

شريف / بص فى الساعه وقال دلوقتى

زهراء / ايوه يا شريف

شريف / قام من على سريره وقال نص ساعه واكون جاهز

زهراء / ماشى وخرجت من اوضت شريف وراحت اوضت امها وخبطت على الباب ودخلت

نبيله / تعالى يا حبيبتى

زهراء / صباح الخير يا ماما

نبيله / صباح النور رايحه فين كده على الصبح

زهراء / هروح ازور بابا

نبيله / لوحدك

زهراء / لاء شريف جاى معايا

نبيله / ماشى يا حبيبتى متتأخريش

زهراء / ماما

نبيله / ايوه يا حبيبتى

زهراء / بالله عليكى اوعى تكونى غضبانه عليا عارفه أن تعبتك كتير وان كنت تملى بغلط وانتى كنتى بتزعقى ليا خوف عليا بس للاسف مفهمتش ده غير متأخر اوى اوى يا ماما

نبيله / قلبى وربى راضين عليكى يا حبيبتى ومهما كنتى بتعملى فيا قلبى كان تملى يدعى ليكى بالهدايا وعمرى ما قلبى غضب عليكى بكره تبقى ام وتعرفى معنى انك تكونى ام وتعرفى أن مهما ضناكى عمل فيكى قلبك بيفضل يدعى ليه بالهدايا وان لما هو بيقول الاه قلبك بيتقطع علشانه مليون مره ربنا يصلح حالك ويسعدك فى حياتك وتتهنى بيها مع عاطف شكله كويس وابن حلال وهيقدر يسعدك ويعوضك عن ايام العذاب

زهراء / بضحكة وجع اه إن شاءالله ودموعها نزلت منها وباست ايديها وقالت ادعيلى تملى يا امى اكتر حاجه محتاجها دلوقتى

نبيله / داعيلك تملى من قلبى يا ضنايا

زهراء / وقفت ومسحت دموعها وقالت هروح انا بقى زمان شريف خلص وخرجت وكان شريف خلص ونزلو الاتنين ووقف شريف تاكسى وركبو وراحو عند قبر توفيق قرو الفاتحه ليه وبصت زهره لشريف وقالت

زهراء / شريف ممكن تسيبنى شويه لوحدى

شريف / ماشى هستناكى بره وخرج وسابها

زهراء / قعدت فى الارض ودموعها نزلت منها ومشيت ايديها على القبر وقالت واحشتنى اوى يا بابا اوى بعد منك اتعذبت اوى انا عارفه انك ميت غضبان عليا واندفنت من غير ما حتى اودعك بس كنت بنت طايشه مكنتش عارفه بعمل ايه وادينى بدفع التمن دلوقتى بس صعب اوى اوى يا بابا رغم كان كل املى وطموحى ان أعيش عيشه احسن من اللى كنت عايشها وده حلم كل بنت بتحلمه اه كانت الطريقه غلط اللى كنت عايزه اوصل بيها بس محدش معصوم من الغلط بس انا دلوقتى بتعذب بجد من بعد موتك حاسه انى كبرت عشرين سنه على عمرى حاسه ان مبقتش انا زهره حاسه ان بقيت واحده تانيه عايشه وخلاص بقيت بتمنى الموت دلوقتى قبل شويه

ولسه العذاب مستمر معايا هعيش مع واحد مش بحبه علشان بس ابعد عن وجع قلبى الأكبر ابعد عن امير وعن وجعى اللى كل ما اشوفه مع مراته بحس بي الوجع اللى بيقطعنى من جوايا انا عندى الموت اهون مليون مره من أن اكون لحد غيره بس هو اللى باعنى وبقى لحد غيرى يا بابا لازم ارد كرامتى لازم اوريه أن اقدر اعيش مع غيره زى ما هو قدر يعيش مع غيرى لازم اعرفه ان هو ولا حاجه بالنسبه ليا حتى لو بالكدب عارفه أن هظلم عاطف معايا علشان مش هقدر اديله قلبى هعيش معاه جسم بس لكن قلبى وعقلى هيكون هنا مع امير اااااااه يا بابا على الوجع اللى حاسه بى بنتك بتتعذب اوى يا بابا يارب خدنى وريحنى بقى

وفى الوقت ده دخل شريف وقال

شريف / لسه يا زهره كتير

زهراء / وقفت ومسحت دموعها وقالت لاء خلاص يا شريف يلا بينا

شريف / زهره عايز اتكلم معاكى شويه

زهراء / لو على الموضوع بتاع امبارح خلاص يا شريف انا اخد قرارى ومش هرجع فيه

شريف / تعالى بس نقعد فى كافيه ونتكلم بهدوء

زهراء / ماشى ومشو الاتنين وراحو على كافيه وطلبو واحد عصير وواحد قهوه

شريف / بصى يا زهره انا معاكى أن جواز امير حاجه صعبه بالنسبه ليكى وبتوجع اوى لما تشوفيه مع غيرك بس انتى عندك شك أن امير بيحبك يا زهره

زهراء / وايه الفايده أن هو بيحبينى وعايش حياته مع غيرى

شريف / مش يمكن عمل كده غصب عنه

زهراء / هههههههه غصب عنه ليه بنت وخايف من أهله

شريف / فيه اسباب كتير اوى غير أن يكون بنت ومغصوب عليه

زهراء / شريف متحاولش انا خلاص اخد قرارى وهتجوز عاطف انا كده كده متعلقه بالاولاد وكنت رجعه علشان خاطرهم وهكسب ثواب تربيتهم واعوضهم عن غياب امهم

شريف/ بعصبيه زهره بلاش عند ارجوكى صدقينى هتتعبى اوى وهتظلمى نفسك وعاطف وامير

زهراء / امير اللى ظلم نفسه مش انا اللى ظلمته وعاطف مش هظلمه لان هعوض ولاده عن امهم اما انا كده كده عايشه الدنيا وخلاص قلبى خلاص مات بقيت عايشه وسط الناس جسم بس إنما روح ميته من ساعة موت بابا الله يرحمه ولما امير قال إن هو بيكرهنى ومتجوزنى غصب عنه علشان خاطركم ولما وافق بكل سهوله أن اتجوز اسلام من غير ما يتمسك بيا ويرفض أن أعيش مع غيره مش هتفرق يا شريف اذا كنت اعيش مع إسلام ولا اعيش مع عاطف كله واحد

شريف / صعبت عليه أخته وقال زهره

زهراء / وقفت وهى الدموع فى عينيها وقالت خلاص يا شريف قفل على الموضوع ده لان مش هغير رأى ويلا روحنى

شريف / بصلها ودفع الحساب ووقف وقال اللى يريحك يا زهره وخرجو وقفو تاكسى روحها على البيت وراح هو شغله

زهراء / كانت طالعه على السلم وشافت امير نازل عملت نفسها مش شيفاه وكملت عادى

امير / مسكها من دراعها وقال زهره انا نازل ليكى مخصوص لما شوفتك نازله من التاكسى

زهراء / لو سمحت سيب دراعى

امير / لاء يا زهره مش هسيبك غير لما تغيرى رأيك على الجوازه دى

زهراء / لاء مش هغير رأى وهتجوز عاطف يا أمير

امير / زهره بلاش عند

زهراء / وانا ايه هيخلينى اعاند انا حابه الاولاد وعشت مع عاطف ايام ولاقته شاب محترم وكويس وهيقدر يسعدنى

امير / لو انتى عايزه تتجوزيه علشان فلوسه انا كمان معايه فلوس واقدر اسعدك اكتر منه

زهراء / هههههههه فلوس انت شحات هتعيش وتموت شحات ايه جابك انت لعاطف اللى معايه ملايين وعنده بدل الفيلا اتنين وتلاته وبدل العربيه عشره هو ده اللى هيقدر يسعدنى ويحقق ليا كل اللى بحلم بى

امير / بغيظ يعنى انتى متجوزاه علشان فلوسه

زهراء / هههههه ايوه يكفى أن هيطلعنى من الحاره دى وهعيشنى ملكه

امير / بكره تندمى على كلامك ده يا زهره ولو رجعتى ليا وعيطى بدل دموعك دم مش هرجع ليكى وخليكى فاكره أن لاخر لحظه متمسك بيكى لكن انتى حبك للفلوس عميكى على رأى ساره اللى فيه طبع عمره ما هيغيره يا خساره يا زهره يا خساره وسابها وطلع شقته

زهراء / قعدت على السلم وحطت ايديها على بؤقها وقعدت تعيط

امير / طلع اوضه وهو متعصب وقال عااااااا ليه يا زهره تعمل كده ليه ودينى وما اعبد لاندمك على كل كلمه قولتيها لاخليكى تبكى بدل دموعك دم ماشى يا زهره ماشى

_____________________________

فى الشركه عند لميس وشريف

دخل شريف وهو متعصب المكتب عند لميس وقعد وقال

شريف /هو ابن خالتك ده نام عندكم

لميس / لاء نام فى الفيلا بتاعته

شريف / وهو عنده فيلا هنا

لميس / ايوه بس مالك متعصب كده ليه

شريف / ليه متعرفيش اللى حصل

لميس / لاء ايه حصل

شريف / انهارده عاطف ده هيكتب كتاب اختى

لميس / بفرحه لاء بجد

شريف / وانتى مالك فرحانه اوى كده

لميس / مدام شريف هيتجوز اختك يبقى حبها وانا فرحانه أن اخيرآ جت واحده شغلت قلبه وهتنسيه حزنه على مراته وبرضه أن هيلاقى حد يخلى باله من ولاده

شريف / انتى وهو كنتو راسمين من الاول مش انتى اللى حكيتى لماما عليه وخلتيها مقتنعه انها تجوزهم لبعض

لميس / بأستغراب انا متفقتش مع حد يا شريف وماما هى اللى سألتنى على حكاية عاطف لما عرفت أن هو ابن خالتى وانا حكيت ليها حكايته ومجاش فى دماغى أن ماما بتسأل علشان تجوزهم لبعض وبعدين انت مالك زعلان اوى كده أن هما هيتجوزو

شريف / لان زهره بتحب امير ووافقت على جواز عاطف عند فيه علشان اتجوز بنت عمه

لميس / طيب ما هى معذوره اى واحده مكانها كانت هتعمل زيها هو مفكرها انها هتقعد تعيط عليه ليل ونهار ما لازم تشوف حياتها هى كمان واللى هى عملته ده الصح وانا متأكده أن عاطف هيقدر يسعدها وينسيها حب امير لأنه هو فعلا بنأدم كويس اوى ومش بقول كده علشان ابن خالتى لاء والله بكره تعرفوه وتصدقو كلامى

شريف / بس يارب يقدر ينسيها حب امير لان ده مش حب يوم ولا اتنين ده حب سنين يا لميس

لميس / انا متأكده أن شريف هينسيها

شريف / بكره نشوف ووقف وقال هروح اشوف شغلى

لميس / طيب انت زعلان منى ليه انا مليش ذنب على فكره

شريف / انا مش زعلان منك يا لميس انا زعلان على وجع قلب أخته وسابها وخرج

لميس / بصت عليه لحد ما خرج واتنهدت وقالت ياريت بأيدى حاجه يا شريف كنت اقدر ابعد بيها الوجع عنك وبصت فى ورقها وبدأت تشوف شغلها

____________________________

فى المدرسه

وصل سامح المدرسه ودخل حجز فى الرحله ليه ولروز وقعد يدور عليها فى المدرسه لحد ما شافها هى وجهاد راح عندها وقال

سامح / صباح الخير

روز وجهاد / صباح النور

سامح / انا حجزت ليا وليكى فى الرحله

روز / ميرسى يا مستر

جهاد / احم هروح اشوف حاجه كده عن اذنكم ومشيت وسابتهم

سامح / عامله ايه

روز / الحمدالله كويسه

سامح / يارب دايمآ

روز / ميرسى يا مستر بس انا شايفه انك النهارده احسن

سامح / اخيرآ اختى هتخلص من وجع القلب وهيتكتب كتابها بليل

روز / بفرحه بجد ربنا يسعدها يارب

سامح / عقبالنا انا وانتى

روز / اتكسفت وبصت فى الارض

سامح / رفع وشها بأيده وقال ايه مش عايزه

روز / بأندفاع لاء عايزه واخدت بالها من اندفاعها قالت بتوتر ق.ق.قصدى أن شاءالله

سامح / ههههههههه

روز / بكسوف بتضحك على ايه

سامح / على كسوفك وخجلك رغم أن عينك فضحاكى ههههههههه

روز / س.س.سامح

سامح / بحبك

روز / بصت ليه بصدمه واتكسفت وطلعت تجرى

سامح / ههههههههه مجنونه ومشى دخل وراها الفصل وطول الشرح بيبصلها بحب و روز مكسوفه تبص ليه

_____________________________

فى شقة توفيق

خرجت ريم من اوضتها وقالت

ريم / ماما رايحه الجامعه عايزه حاجه

نبيله / لاء يا حبيبتى عايزه سلامتك

ريم/ فتحت الباب وخرجت واتفاجئت بمحمود وقالت محمود خير قاعد كده ليه

محمود / بزعل كنت نازل وشوفت امير واقف مع زهره وسمعت كلامهم والاتنين قلبى وجعنى عليهم اوى

ريم / صعبه وحاولت اكلم زهره امبارح بس هى مصممه على اللى فى دماغها

محمود / المشكله أن زهره اقنعت امير انها هتتجوز عاطف ده علشان فلوسه وانا عارف ومتأكد انها قالت كده علشان توجعه زى ما وجعها والاتنين عاملين بيوجعو فى بعض

ريم / وهى فين

محمود / قاعده على السلم وبتعيط وانا مرضتش انزل وهى فى الحاله دى

ريم / انا هنزلها ونزلت لاقتها عماله تعيط شدتها واخدتها فى حضنها وقالت شششششش أهدى يا زهره

زهراء / بدموع والله تعبت ياريم تعبت خلاص كل اللى بيحصلى ده فوق طاقتى ومبقتش قادره استحمل اكتر من كده

ريم / حاسه بيكى وعارفه قد ايه انتى بتتعذبى بس فى ايدك ترتاحى من العذاب ده فى ايدك ترفضى الجواز من عاطف واتجوزى امير

زهراء / بدموع انا لو بموت يا ريم مش هرجع لامير وهرضى اكون زوجه تانيه ليه بعد ما كان كله ليا انا هتجوز عاطف واللى يحصل يحصل وسابتها وطلعت الشقه

ريم / بصت على اختها وهى طالعه السلم وقالت انا مش عارفه اخرت العند ده ايه يا زهره

محمود / نزل وقال ايه كلمتيها

ريم / اللى فى دماغها فى دماغها ومصممه تتجوز عاطف

محمود / ربنا يهديهم

ريم / يارب

محمود / يلا علشان اوصلك الجامعه

ريم / يلا ونزلو الاتنين ووقفو تاكسى وصلها الجامعه وراح هو على المكتب

____________________________

انتهى اليوم وجه ميعاد

كتب الكتاب وعاطف جاب المأذون وجه

زهراء / كانت قاعده فى اوضتها وعماله تعيط وسمعت صوت الباب بيخبط مسحت دموعها وقالت ادخل

شريف / دخل وهو زعلان وقال المأذون بره

زهراء / مقدرتش تمسك دموعها

شريف / قعد جنبها واخدها فى حضنه وقال ليه ليه تعملى كده فى نفسك وفى امير فكرى قبل فوات الاوان

زهراء / مسحت دموعها ووقفت وقالت انا اخد قرارى يا شريف وسابته وخرجت

شريف / خرج وراها وقعد جنب المأذون وعاطف قعد من الجانب التانى وحطو أيديهم فى ايد بعض وبدء المأذون يقول الكلام والاتنين يقولو وراه

زهراء / كانت قعده ومش حاسه بأى حاجه بتحصل حاوليها وحابسه دموعها فاقت على كلمة بارك الله لكما وبارك عليكما وجمع بينكما فى خير

شريف / اخد الورق لزهره علشان تمضى عليه

زهراء / مسكت الورق والقلم ولسه هتمضى

امير / دخل وبصلها والدموع فى عينيه

زهراء / بصت ليه و...............

___________________________

بقلمى دودومحمد

🌹فتاة انحنت من أجل الحب 🌹

🌷الفصل الثانى وعشرون 🌷

فى شقة توفيق

دخل امير فى اللحظه اللى كانت زهره هتمضى على قسيمة الجواز بصلها وعيونه كلها دموع وبتترجها متمضيش

زهراء / بصت ليه وهى حابسه دموعها فى عينيها وبصت على الورق ومضت على القسيمه وهى ايديها بتترعش ودمعه نزلت على الورق

امير / راح عندها والدموع فى عينيه وقال مبروك يا عروسه انتى اللى اختارتى تخسرينى العمر كله ابقى ورينى هتقدرى تعيشى بعيد عنى ازاى انا جوه هنا وهنا يا زهره وشاور على قلبها وعقلها وقال ومتقدريش تطلعينى منهم عمرك لانى محفور جواهم بالدم مبروك عليكى العذاب اللى هتشوفيه من بعدى والندم والحسره عليا لانك خسرتى حب عمرك وبكل سهوله يا مدام زهره وبص لعاطف وقال متفتكرش انك كده فوزت عليا احنا بدأت بينا العداوه من دلوقتى وميشرفنيش ان اشتغل مع واحد شبهك ويا انا يا انت يا عاطف وبص لزهراء من فوق لتحت ومشى

زهراء / قعدت على الكرسى ومقدرتش تمسك دموعها اكتر من كده نزلت منها

شريف / قعد جنبها واخدها فى حضنه وكان حابس دموعه فى عينه قال خلاص يا زهره كل شئ انتهى انتى اختارتى حياتك وهو هيعيش حياته بقيتى ملزومه من راجل تانى هو بس اللى يستاهل دموعك مش اى حد تانى ومدام اتكتب اسمك عليه يبقى خيانه ليه لو فكرتى فى حد تانى انسي امير يا زهره وفكرى فى جوزك وازاى تقدرى تسعديه

زهراء / كانت فى الوقت ده مش حاسه بحاجه واغمى عليها وهى فى حضن اخوها

شريف / بخضه زهره زهره م.م.مالك ردى عليا زهره

عاطف / قام مخضوض عليها وقعد يخبط على وشها ويقول زهره زهره ردى عليا وشالها بسرعه ونزل حطها فى العربيه وراح على المستشفى وشالها ودخل حطها فى اوضت الكشف وشويه والكل اتجمع وجه الدكتور وكشف عليها وخرج وقال

الدكتور / المريضه ضغطها واطى جدآ وشكلها بقالها فتره مأكلتش وده سبب ليها ضعف جسمها

عاطف / بخوف يعنى مفيش خطر عليها

الدكتور / لاء انا علقت ليها محلول يعوض جسمها شويه عن قلة الاكل ويرفع ضغطها وانتو بقى حاولو تهتمو بيها شويه فى الاكل

شريف / وهى هتفوق امته

الدكتور / شويه وهتفوق

سامح / شكرآ يا دكتور

الدكتور / العفو عند اذنكم وسابهم ومشى

نبيله / اه يا وجع قلبى عليكى يا بنتى كان مكتوب ليكى ده كله فين يارب قومها ليا بالسلامه

ريم / يارب يا ماما ادخلى اقعدى جنبها علشان لما تفوق تلاقى حد معاها

نبيله / حاضر ودخلت قعدت جنب زهره ومسكت ايديها وبستها ومشيت ايديها على شعرها وقالت كل ده كان مستخبى ليكى فين يا حبيبتى انا عملت كده علشان ترتاحى مش تتعبى كنت عارفه ومتأكده ان جواز امير هيتعبك علشان كده جوزتك لعاطف علشان تبعدى عن وجع امير وتعيشى مع حد محتاجك بجد مكنتش اقصد اجى عليكى ولا اوجعك قومى يا ضنايا وخليكى دايمآ قويه تعرفى تملى كنت اقول لابوكى الله يرحمه انك هتطلعى قويه ومش هنقدر عليكى تعرفى كان ردو عليا ايه كان يقولى حرام عليكى البت زهره دى اطيب خلق الله هى عيبها طموحها المبالغ فيه لكن هى ضعيفه اوى اوى من جواها بتتصرف تملى بحسن نيه معندهاش خبث كان تملى يقولى البت دى هتتعذب فى حياتها بسبب قلبها الطيب ده قليل اوى اللى يفهم بنتك ويعرف طيبتها الكل شايفها غير كده خالص وانا كنت بقولو انت بتقول كده علشان بتحبها زياده على اللزوم وبدلعها بس صدق فى كل كلمه قالها يا حبيبتى كان تملى يدلعك ويقول علشان مبقاش جاى عليها انا والزمن كان حاسس باللى هيحصلك يا حبيبتى قومى يا زهره ومتبقيش مكسوره قومى وخليكى قويه وواجهى مشاكلك ومتستسلميش

زهراء / كانت سامعه كلام امها بس مغمضه عينيها والدموع بتنزل منها ودمعه نزلت على ايد نبيله

نبيله / حست بدموع زهره مسحتها وقالت انتى صاحيه وسمعانى صح قومى يا بنتى وردى عليا

زهراء / فتحت عينيها وقامت اترمت فى حضن امها وقعدت تعيط وتمسك فى هدوم امها زى الطفل الصغير

نبيله / قعدت تملس على شعرها وتنزل بأيديها على ضهرها وتقراه ليها فى قرأن لحد ما هدأت خالص

زهراء / قعدت وقالت ماما تعالى معايا

نبيله / اجى معاكى فين يا حبيبتى

زهراء / تعالى معايا اسكندريه عيشى معايا فى الفيلا ارجوكى يا ماما متسبنيش لوحدى فى اكتر وقت محتاجاكى فيه جنبى

نبيله / مينفعش يا حبيبتى اعيش معاكى فى بيت جوزك وبعدين اخواتك اسيبهم لمين وشقة ابوكى مقدرش ابعد عنها انا بقوم كل يوم على ذكرياتى معاه مقدرش اسيب كل الذكريات دى وامشى انتى بكره تتعودى على جوزك وتعيشى مبسوطه معاه

زهراء / ارجوكى يا ماما متسبنيش اعيش لوحدى هناك تعالى معايه

نبيله / طبيعى يا حبيبتى تعيشى لواحدك مع جوزك وانا مش هسيبك هتصل بيكى كل يوم اطمن عليكى وهطلب من عاطف يجيبك لينا كل فتره نطمن عليكى

زهراء / يعنى برضه مش موافقه تعيشى معايا فى اسكندريه

نبيله / انتى من الاول اللى اختارتى تعيشى فيها يا بنتى

وفى الوقت ده دخل عاطف وشريف وسامح وريم

شريف / قعد جنبها وقال عامله ايه يا حبيبتى

زهراء / مسحت دموعها وقالت الحمدالله

سامح / شكلك بتعملى كده دلع علشان متمشيش وتسبينا صح هههههههه

زهراء / لو عليا مقدرش استغنا عنكم يا سامح كلكم هتوحشونى

ريم / انتى اكتر والله يا زهره البيت مش هيكون ليه طعم من غيرك

زهراء / بكره ربنا يكرمك انتى كمان بأبن الحلال وياخدك من البيت وتعيشو فى سعاده وهنا أن شاءالله

عاطف / زينا كده

زهراء / بصت لعاطف ومردتش عليه

عاطف / انتى عملتى كده علشان تعرفى غلاوتك عندنا ولا ايه

زهراء / والله تقدر تسأل الدكتور اذا كان ده دلع ولا بحق وحقيقى

عاطف / عارف يا صدفه أن ده مش دلع انا كنت بهزر معاكى مش اكتر

ريم / مين صدفه دى

عاطف / لاء دى حكايه طويله ابقى احكيها ليكم بعدين

زهراء / ممكن بلاش اسم صدفه ده وتنده بأسمى الحقيقى

عاطف / ماشى الدكتور سألته دلوقتى قالى اول ما تخلصى المحلول نقدر نمشى والمحلول خلص تقدرى تمشى ولا لاء

زهراء / لاء اقدر وريم ساعدتها تقف وقالت انا جاهزه

عاطف / تقدرى تمشى ولا اشيلك

زهراء / قولتلك اقدر امشى مش محتاجه تشلنى

عاطف / براحتك يلا بينا

زهراء / شريف هات ايدك سندنى

شريف / تعالى وسندها لحد تحت وسامح فتح ليها باب العربيه

زهراء / بصت ليهم وسلمت عليهم ودموعها نزلت منها واترمت فى حضن امها وقال هتوحشينى اوى يا ماما كلكم هتوحشونى اسألو عليا اوعو تنسونى

شريف / انتى عبيطه يا بت فى حد ينسى لحمه ودمه انتى اختنا يا زهره حته مننا منقدرش ننساكى

ريم / هتقطعى بيا اوى يا زهره رغم اننا علطول مكناش بنتفق مع بعض بس حيواحشنى خناقك ليا اوى

زهراء / ههههه انتى هترتاحى منى انتى واخوكى سامح

سامح / بلعكس يا زهره انا حاسس أن حته من جسمى بتبعد عنى اه بنتخانق علطول مع بعض بس عمر ما الدم يبقى مايه بحبك يا بت اكتر من نفسى

شريف / يلا اركبى جوزك مستنيكى فى العربيه

زهراء / بصت ليهم كلهم بدموع وركبت العربيه

سامح / قفل باب العربيه وشاور ليهم بأيديه

عاطف / شغل العربيه ومشى بيها على فيلا لميس اخد الاولاد وبعد كده راح على الاسكندريه

_____________________________

فى شقة امير

دخل اوضه وقفل الباب على نفسه بالمفتاح وقعد فى الارض وحط راسه على رجليه وقعد يعيط زى الطفل الصغير ويقول

امير / بدموع ليه يا زهره تعملى فيا كده اهون عليكى تبعدى وتسبينى معقول خلاص هتكونى من نصيب واحد تانى معقول خلاص مش هيكون ليا حق فيكى طب ازاى وانا عشت طول عمرى احلم باليوم اللى هتكونى فيه مراتى وام عيالى معقول كل ده هيروح على الفاضى معقول طيب ازاى ها ازاى لالالا اكيد ده حلم لاء حلم ايه د.د.ده كابوس ولازم اصحه منه اكيد زهره نايمه فى اوضتها جوه والصبح هشوف عيونها وضحكتها اللى بتجمل ايامى صح ايوه ا.ا انا كل ده كابوس عااااااااااااا ليه يا زهره سبتينى ليه ارجعى ليا علشان خاطر سنين حبنا لالالا مش معقول دلوقتى تكون فى حضن راجل تانى اكيد زهره مستحيل تعمل كده وتكسر قلبى ه.ه.هى اكيد زعلانه منى شويه وهروح اصالحها وهترجع ليا وقام فتح باب الاوضه وخرج وهو الدموع فى عينه كلهم اتفاجئو بخروج امير

محمود / انت رايح فين يا أمير

امير / هروح اصالح زهره هى اكيد بتعمل كده علشان زعلانه منى شويه

ساره / تروح تصالحها فين يا أمير

امير / فى شقتهم شقة عم توفيق

محمود / امير اهدا بس واستهدا بالله كده وادخل اوضك

امير / اوعى يا محمود مقدرش اسيبها زعلانه منى اكتر من كده

ساره / زهره اتجوزت خلاص يا أمير افهم كده بقت لواحد غيرك

امير / لاء محصلش ده هى عملت كده علشان بس تعاقبنى لكن هى مستحيل تقبل بحد غيرى ه.ه.هى بتحبنى انا حتى تعالو معايا اسألوها

محمود / يا أمير افهم بقى زهره مبقتش ليك زهره بقت لواحد تانى وهى دلوقتى فى بيت جوزها

امير / ضربه بالقلم وقال كداب متقولش كده مستحيل زهره تتجوز حد غيرى مستحيل هى اه بتحلم تعيش حياة احسن من اللى هى فيها ب.ب بس انا بقيت غنى ومعايا فلوس كتير وهعيشها العيشه اللى بتحلم بيها وهجبلها كل اللى نفسها فيه

الكل كان بيعيط على حالة امير

ساره / ادخل ريح فى اوضك سهى خديه جوه

سهى / حاضر ومسكت دراع امير وقالت تعال معايا يا أمير

امير / سحب دراعه وقال اوعى كده انا مش هدخل اوض ا.ا.انا هروح اصالح زهره انتى السبب لو مكنتش اتجوزتك مكانتش زعلت منى بس انا هصلح غلطتى هروح اقولها على الحقيقه وهى هتقدر موقفى وهترجع ليا

امينه / قامت من مكانها وضربت امير بالقلم وقالت فوق يا امير زهره خلاص مبقتش ليك زهره اتجوزت وزمانها فى بيت جوزها انساها بقى وركز مع مراتك وراعى ربنا فيها

امير / حط أيده على خده مكان القلم وقعد فى الارض ودموعه نزلت منه وقال مستحيل يا امى زهره تعمل فيا كده انا الموت اهون من أنها تتجوز غيرى اااااااااااه يا امى بتقطع من جوايا

امينه / قعدت فى الارض واخدته فى حضنها وقالت بدموع حقك عليا يا حبيبى انساها يا أمير علشان خاطر قلب امك اللى موجوع عليكى انساها يا حبيبى

امير / مسك فى أمه زى الطفل الصغير وقعد يعيط

الكل دموعه كانت نازله على حالة امير

امينه / سندت امير ووقفته واخدته فى اوضه ونيمته على سريره واخدته فى حضنها وقعدت تمشى ايديها على شعره لحد ما عينه راحت فى النوم بسته من راسه وقالت بدموع على عينى يا ابنى الحاله اللى انت فيها دى ياريت كان بأيدى حاجه كنت عملتها علشان افرح قلبك وابعد الوجع عنه وغطته كويس وطفت عليه النور وخرجت

_____________________________

فى اسكندريه

وصل عاطف وزهره الفيلا وكانت زهره متوتره وخايفه وحزينه ومش قادره تقف على رجليها

عاطف / فتح باب الفيلا وبص لزهره وقال ادخلى

زهراء / دخلت وهى رجليها بتترعش وجسمها كله بيتنفض وكأنها اول مره تدخل الفيلا

عاطف / قفل الباب وبص للاولاد وقال يلا كل واحد على اوضه

رائف / خلى طنط صدفه تيجى معانا

عاطف / طنط تعبانه دلوقتى ولازم تدخل تنام اطلعو نامو لوحديكم

بيلار / بليز يا طنط صدفه تعالى نامى معانا

عاطف / انتو ليه مش بتسمعو الكلام من اول مره امشو يلا على اوضكم

رائف وبيلار مشو وهما بيعيطو

عاطف / بص لزهره وقال تعالى ورايا

زهراء / مشيت وراه وهى متوتره وخايفه

عاطف / فتح باب اوضه وبص لزهره وقال ادخلى

زهراء / مشيت ببطئ ودخلت الاوضه وبصت على السرير بصدمه

عاطف / قفل الباب بتاع الاوضه

زهراء / انتفضت من مكانها وقالت ا.ا انت بتقفل الباب ليه

عاطف / علشان ننام

زهراء /ل.ل.لاء افتحه لو سمحت

عاطف / اقعدى يا زهره عايز اتكلم معاكى كلمتين

زهراء / قعدت على السرير وبقت تدعك ايديها فى بعض من كتر الخوف والتوتر

عاطف / قعد جنبها ولسه هيتكلم

زهراء / وقفت وقالت ا.ا انت قعد جنبى ليه

عاطف / يعنى هتكلم وانا واقف

زهراء / اتكلم واحنا كده

عاطف / ماشى يا زهره اتفضلى انتى اقعدى وانا هتكلم وانا واقف

زهراء / قعدت على السرير من غير ما تبص ليه

عاطف / بصلى يا زهره

زهراء / رفعت عينيها وهى كلها دموع وبصت ليه

عاطف / زهره انا مش متجوزك علشان حاجه من اللى فى دماغك دى على فكره انا لسه بحب مراتى ومخلص ليها حتى بعد موتها كل الحكايه حسيت انك غرقانه ومحتاجه حد يساعدك وياخد بأيدك قولت اساعدك مش اكتر ولما امك طلبت منى الطلب ده اتفاجئت زيكم بالظبط بس حسيت انها مش بتطلب منى طلب عادى حسيت انها بتترجانى بتستجند بيا وانا كل اللى عملته لبيت طالبها

زهراء / بدموع انا مش هقدر اسعدك يا عاطف انا قلبى مع امير

عاطف / انتى مجروحه منه وانا بطريقتى هطيب ليكى جرحك وهنسيكى وجعك

زهراء / والمقابل ايه

عاطف / انا هراعيكى وانتى تراعى اولادى

زهراء / تراعينى بمعنى ايه

عاطف / مش قصدى على اللى جه فى دماغك قصدى اديكى كل سبل السعاده من فلوس ولبس وخروج واحقق ليكى كل اللى بتحلمى بى واخد بأيدك لبر الامان مقابل انك تراعى اولادى وتخدى بالك منهم وتتقى ربنا فيهم

زهراء / موافقه بس بشرط

عاطف / شرط ايه ده

زهراء / انام فى الاوضه اللى كنت بنام فيها اول ما جيت هنا

عاطف / والخدم يقولو ايه لما يشوفوا كل واحد فى مكان

زهراء / لما ننام بليل محدش فيهم هيكون موجود وهصحه قبل ما اى حد يجى

عاطف / على فكره ممكن تنامى هنا فى الاوضه نامى انتى على السرير وانا انام على الكنبه

زهراء / ل.ل.لاء ا.ا.انا عايزه انام فى اوضه لوحدى

عاطف / انا لو عايز اخد منك حاجه لو نايمه فين هاخدها مش هغلب لأنك مراتى فأسمعى الكلام ونامى هنا علشان محدش من الخدم يتكلم علينا

زهراء / م.م.ماشى

عاطف / هنزل اجيب ليكى هدومك من تحت فى الاوضه اللى كنتى قاعده فيها زى ما هما

زهراء / ماشى

عاطف / نزل يجيب هدومها من الاوضه

زهراء / قامت بصت على الاوضه وشافت صور كتير فى الاوضه لواحده صغيره مش كبيره عرفت انها هى مراته ام أولاده مسكت الصوره اللى على الكومدينو وقعدت تبص عليها لحد ما الباب اتفتح ودخل عاطف اتوترت وحطت الصوره بسرعه مكانها

عاطف / دى مراتى

زهراء / انا اتوقعت كده برضه لان ليها كذا صوره معاك ولوحدها

عاطف / بص لصوره بحب وقال اسعد أيام عمرى قضتها معاها

زهراء / ربنا يرحمها

عاطف / يارب خدى هدومك اهى وغيرى براحتك هدومك على ما اروح ابص على الاولاد

زهراء / ماشى

عاطف / خرج من الاوضه وراح يبص على أولاده

زهراء / اخدت هدوم ليها وغيرت هدومها ونامت على الكنبه وغطت نفسها كويس اوى

عاطف / شويه وجه دخل الاوضه وبص ليها بأستغراب وقال ايه نيمك هنا نامى انتى على السرير وانا هنام على الكنبه

زهراء / لاء انا هنام على الكنبه وانت نام على سريرك زى ما متعود وبعدين انت هتكون طويل اوى على الكنبه ومش هتعرف تنام عليها ونزلت راسها وقالت تصبح على خير

عاطف / بصلها وقال وانتى من أهله

زهراء / افتكرت امير دموعها نزلت منها وحاولت على قد ما تقدر تكتم صوتها علشان عاطف ميحسش بيها

عاطف / سمع صوت شحطفت زهره وعرف انها بتعيط مرضاش يدخل وسابها براحتها وغمض عينه ونام

____________________________

اشرقت شمس صباح يوم جديد بنورها الساطع فى سماء العاصمه ليبدء امير بفتح عيونه على إشاعة الشمس قام بصعوبه من على سريره بص لاقى سهى نايمه على السرير اللى قصاده خرج من الاوضه وكان الكل لسه نايم دخل الحمام اخد شاور واتوضه ولبس هدومه وخرج دخل اوضه واده فرضه وفى الوقت ده حسيت سهى بى فتحت عينيها وقال

سهى / امير رايح فين كده

امير /بجديه هنزل اشوف مصلحتى ولا هفضل قاعد فى البيت ايدى على خدى

سهى / مصلحة ايه

امير / هنزل ادور على المكان اللى هفتحه شركه

سهى / ربنا معاك

امير / سابها وخرج من الاوضه وفتح باب شقتهم وبص على باب شقة توفيق وحبس دموعه وقفل باب شقتهم ونزل وقف تاكسى وراح لكذا سمسار وقعد يدور معاه على مكان مناسب لشركه وبعد تعب طويل لاقو مكان مناسب واتفقوا عليه واشتراه امير ودخل بص عليها وقعد على كرسى موجود وقال وهو الدموع فى عينيه كان نفسى تفرحى معايا باللحظه دى يا زهره كان نفسى نبدأ حياتنا سوى ونطلع السلم مع بعض لحد ما نوصل للقمه بس خلاص مفيش ضعف تانى هقوى يا زهره وهعرفك مين امير اللى بعتيه علشان خاطر الفلوس بكره ترجعى تبكى بدل دموعك دم وسعتها انا اللى هستغنا عنك زى ما انتى استغنيتى عنى دلوقتى وفضلتى الفلوس عليا وقام وقف مسح دموعه ونزل من الشركه وراح مشوار كان مهم بالنسبه ليه ورجع على شقتهم

____________________________

فى اسكندريه

صحيت زهراء من نومها استغربت الاوضه وبصت على الاوضه وشافت صورة عاطف مع مراته افتكرت اللى حصل امبارح حطت ايديها على وشها وقعدت تعيط على بعدها عن امير واهلها وفى الوقت ده دخل عاطف وشاف حالة زهره قال

عاطف / صباح الخير

زهراء / مسحت دموعها وقامت قعدت على الكنبه وقالت صباح النور

عاطف / انا سمعتك طول الليل بتعيطى بس مرضتش ادخل وقولت اسيبك براحتك تطلعى الوجع اللى جواكى

زهراء / بدموع هه ياريت شوية الدموع دول يريحونى انا بتقطع من جوايا يا عاطف

عاطف / قعد جنبها وقال اول طريق النسيان افتكرى الجرح اللى جرحو ليكى وان فضل واحده تانيه عليكى خليكى حطه الكلام ده علطول فى دماغك وشويه شويه هتلاقى نفسك بتكرهيه ومش بتفكرى فيه

زهراء / نفسى يا عاطف نفسى يخرج من عقلى وقلبى

عاطف / انا وعدك امبارح أن هنسيكى كل حاجه واجعاكى

زهراء / شكرآ يا عاطف

عاطف / على ايه بس يكفى حنيتك على اولادى

زهراء / صح الاولاد هقوم اشوفهم

عاطف / انا روحت صحيتهم

زهراء / ماشى احم ه.ه.هدخل الحمام

عاطف / احم ماشى براحتك انا هنزل استناكى تحت علشان نفطر وخرج من الاوضه وسابها

زهراء / قامت دخلت الحمام اتوضت وأدت فرضها وغيرت هدومها ونزلت

الاولاد اول ما شافوها طلعو يجرو عليها وقالو

رائف وبيلار / طنط صدفه طنط صدفه

زهراء / حضنتهم وقالت حبايب قلبى صباح الخير

رائف / صباح النور يا طنط

بيلار / انا فرحانه اوى اوى يا طنط انك هتقعدى معانا علطول انا بحبك اوى

زهراء/ وانا بموت فيكم بس هحبكم اكتر لما تقعدو تاكلو اكلكم كلو

بيلار / انا هاكل الاكل كله يا طنط وطلعو يجرو على السفره وقعدو ياكلو

عاطف / كان متابع اللى بيحصل وفرحان على فرح أولاده وقعدو ياكلو وبعد وقت انتهو من الاكل وقامو من على السفره عاطف راح على شغله وزهراء اخدت الاولاد الاوضه وقعدت تلعب معاهم

____________________________

فى القاهره

فى شركة لميس

وصل شريف ودخل على مكتبه ومدخلش على مكتب لميس

لميس / حست أن شريف أتأخر اتصلت على تليفونه بس مردش عليها قلقة عليه واتصلت على السكرتيره سألتها عليه وقالت إن هو جه فى مكتبه استغربت وقامت راحت عنده ودخلت وقالت شريف صباح الخير

شريف /صباح النور

لميس / مجتش على مكتبى الاول ليه زى ما بتعمل كل يوم

شريف / مفيش بس ورايا شوية شغل

لميس / شريف انت ليه اتغيرت معايه من ساعة موضوع عاطف ابن خالتى حتى استنيت تليفونك بليل زى ما بتعمل كل يوم بس متصلتش ولما اتصلت انا مردتش عليا انا ذنبى ايه فى كل اللى حصل ده

شريف / لميس بلاش نتكلم فى الموضوع ده احسن

لميس / ليه طيب

شريف / ليه علشان دخلت ابن خالتك علينا خربت حياتنا اتجوز اختى غصب عننا وفرقها عن حبيبها وكسر صاحب عمرى امير وخسرنا حاجات كتير اوى عرفتى انا عامل كل ده ليه

لميس / حتى لو هو كده انا ذنبى ايه بتتغير معايا انا ليه انا بحبك وبتمنا ليك كل حاجه حلوه وعمرى ما هعمل حاجه توجعك

شريف / مش انتى اللى عرفتينا عليه من الاول

لميس / انا عرفتكم عليه علشان اساعد امير مش اكتر انما هو عرف زهره بعيد عنى عرفو بعض عن طريق الصدفه حتى معرفش اتعرفو على بعض ازاى وبعدين يا شريف الجواز ده قسمه ونصيب محدش ليه يد فيه

شريف / ماشى يا لميس خلصنا من ام الموضوع ده

لميس / طيب فك التكشيره بقى وحياتى عندك

شريف / خلاص يا لميس مفيش حاجه

لميس / لاء زعلان لسه

شريف / قولتلك مش زعلان

لميس / اثبت انك مش زعلان

شريف / ده اللى هو ازاى

لميس / زى السكر فى الشاى هههههههههه

شريف / هههههههههههه مجنونه

لميس / مجنونه بحبك

شريف / قام وراح عندها وشدها فى حضنه وبص فى عينيها وقال عايزه اثبات

لميس / اتكسفت وقالت ش.ش.شريف

شريف / مش انتى اللى طلبتى اثبات انا هثبتلك أن مش زعلان

لميس / بلعت ريقها بالعافيه وقالت ا ا انا مقصدش اللى جه فى دماغك

شريف / وايه اللى جه فى دماغى

لميس / بصت فى الارض وخدودها احمرت

شريف / رفع وشها بأيده وبص على شفايفها ولسه هيبوسها الباب اتفتح

لميس / زقت شريف وقالت ب.ب.بابا

سمير ابوها / لميس بتعملى ايه هنا وايه المنظر اللى انا شوفته ده

لميس / م.م.مفيش حاجه ه.ه.هفهم حضرتك

سمير / بعصبيه هتفهمينى ايه ما كل شئ واضح مش محتاجه لفهم بنتى مرميه فى حضن راجل وبيبوسها

شريف / ح.ح.حضرتك عندك حق تتعصب بس انا ولميس بنحب بعض وكنت مستنى الوقت المناسب اللى هاجى اطلبها من حضرتك

سمير / حب ايه اللى تحطها فى موقف زى ده افرض حد من الموظفين دخل عليكم وانتو بالمنظر ده بس العيب مش عليك العيب عليا انا اللى معرفتش اربى امشى قدامى وانت مطرود من الشغل قدم استقالتك واتفضل بره

لميس / لالالا يا بابا بلاش تعمل كده انا وشريف بنحب بعض

شريف / وانا مستعد اجيب اهلى واجى اتقدم ليها بليل

سمير / معنديش بنات للجواز الراجل اللي يعرض سمعت بنتى للخطر يبقى مينفعش جوز بنتى بره الشركه حالا ومسك بنته من دراعها وخرج بيها

لميس / بدموع بابا لو بعدنا انا وشريف عن بعض هموت نفسى انا مقدرش اعيش من غيره وشريف راجل بجد ابوس ايدك يا بابا بلاش تعمل فينا كده

سمير / انا اللى غلطان أن اعتمد عليكى فى الشغل وفكرت أن مخلف بنت بمليون راجل من هنا ورايح مفيش نزول الشركه هتقعدى فى الفيلا لحد ما يجى نصيبك

لميس / وانا مستحيل اتجوز حد تانى غير شريف والموت أهون مليون مره من ابقى لواحد تانى

سمير / اتصل بالسواق ونزل لميس وركبها العربيه وقالو يروحها على الفيلا

شريف / قدم استقالته ونزل وشاف لميس فى العربيه ودموعها على خدها

لميس /حطت ايديها على الازاز بتاع العربيه بتمنعه يمشى

شريف/ حبس دموعه وبصلها بصه طويله ومشى

____________________________

فى الجامعه عند ساره

وصلت ساره الجامعه وهى حزينه على اخوها وشافت احمد وسلمت عليه وقالت

ساره / صباح الخير

أحمد / بأستغراب صباح النور مالك زعلانه ليه

ساره / انا مخنوقه اوى يا احمد وعينيها دمعت

أحمد/ اتخض عليها وقال مالك يا قلبى

ساره / أمير اخويه تعبان اوى

أحمد / تعبان من ايه سلامته

ساره / زهره اتجوزت امبارح يا احمد

أحمد / بأستغراب اتجوزت امبارح ازاى يعنى مش فاهم

ساره / الراجل اللى كانت شغاله عنده فى الاسكندريه جه واتجوزها وامير من ساعتها بيموت بسببها

أحمد / بزعل صعبه جدآ عليه طيب مش هى بتحبه ازاى اتجوزت غيره

ساره/ لسببين اول سبب علشان غنى وعنده فلوس وتانى سبب بتوجعه زى ما هو وجعها واتجوز غيرها

أحمد / الصراحه من ساعة ما عرفت بعلاقة امير وزهره وانا شيفهم علطول فى مشاكل كده احسن ليهم هيتعبو شويه بس بعد كده كل واحد هيرتاح مع شريك حياته

ساره / بس مش بالسهوله دى يا احمد امير بيحبها اوى وعلى قد حبه ليها على قد ما هو بيتعذب دلوقتى

أحمد / ربنا يريح قلبه يارب ويرزقه بالذريه الصالحه هما دول اللى هينسوه اى وجع فى الدنيا

ساره / يارب يا احمد يارب

أحمد / اهم حاجه العيون الحلوين دول ميزعلوش

ساره / اتكسفت وبصت فى الارض

أحمد / حرام بجد

ساره / بأستغراب هو ايه اللى حرام

أحمد / حتى كسوفك بيزيدك جمال وحلاوه وانا قلبى خلاص داب على الاخر

ساره/ بكسوف ا.ا.احمد ب.ب.بس علشان بتكسف

أحمد / بحب اشوف كسوفك اوى

ساره / احمد

أحمد / حيات وعمر احمد بحاله

ساره / ا.ا.انا همشى علشان متأخرش على المحاضره وطلعت تجرى

أحمد / هههههههه يخربيت جمالك ولسه هيمشى

اسلام / احلى سلام على احلى روميو فى الدنيا

أحمد / اسلام انت كنت مختفى فين كده

اسلام / اممممم كنت باخد جوله حاولين العالم بس كانت ايه مقولكش

أحمد / رحله سعيده عن اذنك

أسلام/ بغمزه شيفك مظبط نفسك يعنى اغيب شويه وارجع الاقيك مقطع السمكه وديلها يا خلبوص

أحمد / اسلام ساره خط احمر متجبش سيرتها على لسانك فاهم

أسلام / هههههههه براحه على نفسك احسن ما يطق ليك عرق ولا حاجه ههههههههه

أحمد / لسه هيمشى

أسلام/ ومزتى عامله ايه لاقوها ولا لسه

أحمد / زهره اتجوزت يا اسلام ياريت تهدا شويه بقى بلاش اسلوب الشر بتاعك ده وبصله ومشى

أسلام/ بغيظ اتجوزت يبقى اكيد اتجوزت اللى اسمه امير ده مبقاش انا لو مكنتش خلية حياتهم دمار ومشى وراه احمد

____________________________

عند روز

صحيت من نومها جهزت نفسها وشنطتها لرحله وكانت سعيده ومبسوطه انها رايحه الرحله مع سامح نزلت من اوضتها وهى ماسكه حاجتها وقالت

روز / صباح الخير يا دادى صباح الخير يا مامى

سليم ومادلين / صباح النور

سليم / روز خلى بالك على نفسك يا حبيبتى وخليكى مع الشله تملى متبقيش لوحدك

روز / حاضر يا دادى

مادلين / كلى كويس هناك وحافظى على نفسك انتى فاهمنى

روز / احم حاضر يا مامى ممكن امشى بقى

سليم / خلى السواق يوصلك لحد باص الرحله

روز / ماشى باى

وخرجت روز والسواق حط الشنط بتاعتها فى العربيه وركبت روز ومشى السواق عند الباص ونزل روز والحاجه بتاعتها ومشى

روز / شافت جهاد وسامح طلعت تجرى عليهم وقالت صباح الخير

سامح وجهاد / صباح النور

جهاد / انتى مالك يا بنتى جايه على اخر وقت كده

روز / على ما حضرت نفسى

سامح / اخد الشنط بتاعة روز وحطاها فى مكانها وقال يلا بينا يا جماعه

الكل ركب وركبت روز جنب سامح علطول وجهاد على الكرسى اللى قصادهم

ولسه الاتوبيس هيمشى وقف تانى والباب اتفتح

عبير / هاى يا جماعه

جهاد وروز بصو لبعض بصدمه

سامح / حس بتوتر روز مسك ايديها وطبطب عليها وطمنها بعينيه وقال متخفيش انا جنبك

روز / حاسة بالأمان والتوتر اللى عندها راح

عبير / راحت عند جهاد وقالت جوجو واحشتينى

جهاد / وانتى مش واحشانى

عبير / هههههههه كنت متأكدة من كده قعدينى جنبك يا مزه

جهاد / لسه هتتكلم وترفض تقعدها بس كانت عبير خلاص قعدت

عبير / بصت لروز ولسامح وبضحكة استفزاز شاورت ليهم هما الاتنين

سامح / بغيظ اطلع يلا يا اسطا

ومشى الباص علشان يكمل رحلته

الفصل الثالث والعشرون من هنا

رواية فتاة انحنت من أجل الحب

الفصل الثالث والعشرون 23

بقلم دودو محمد

🌷الفصل الثالث وعشرون🌷

فى القاهره

وصل شريف وهو زعلان وحزين البيت ودخل على اوضه وقعد على السرير وحط راسه ما بين ايديه وحاول يحبس دموعه فى عينيه

نبيله / اتخضت على شريف لما لاقته بالحاله دى دخلت وراه وقالت مالك يا حبيبى وليه راجع بدرى من الشغل

شريف / بحزن انا سبت الشركه يا امى

نبيله / بخضه ايه بتقول ايه ليه طيب ايه حصل

شريف / ابو لميس عرف بحكايتنا انا ولميس وطردنى من الشركه

نبيله / ولا تزعل نفسك يا حبيبى اروح اطلبها ليك

شريف / هه ابوها مش راضى يا ماما

نبيله / ليه بس دى حتى لميس بتقول تملى أن ابوها طيب وعمره ما بص لفروق الاجتماعيه والحاجات دى

شريف / وكانت تملى تقولى انا كمان كده بس كلامه كان قاسى اوى معايا النهارده يا امى ودموعه نزلت منه

نبيله / حضنته وقالت لا حول الله يارب استهدا بالله كده يا حبيبى هو بس تلاقيه متعصب شويه بس يهدا شويه وان شاءالله كل حاجه تتصلح بإذن الله

شريف / ياريت يا امى لميس لو بعدت عنى اموت انتى عارفه انا اتعذبت قد ايه فى حياتى بعد ما سبت مراتى واللى حصلى وكنت قافل على قلبى لحد ما قابلت لميس قدرت تفتح قلبى تانى للحب قدرت تخلينى اشوف الحياة بلون تانى غير الاسود اللى تملى كان قصاد عينى رجعت ليا ثقتى بنفسى وعرفتنى المعنى الحقيقى للحب كل ده هخسره من تانى لو بعدت عنى يا امى الموت اهون اقسم بالله من اللى بيحصل ده كله

نبيله / ربنا يريح قلبك يا حبيبى وان شاءالله انت للميس ولميس ليك

شريف / يارب ووقف مسح دموعه وقال عن اذنك يا امى هدخل لامير

نبيله / روح يا حبيبى أمير هيقدر خرجك من الحاله دى

شريف / باس راسها وخرج من اوضه وراح خبط على باب شقة امير

سهى / فتحت الباب

شريف / بص فى الارض وقال امير موجود

سهى / ايوه اتفضل ووسعت ليه السكه

شريف /دخل وهو باصص فى الارض خبط على باب اوضت امير ودخل

امير / تعال يا شريف ايه رجعك بدرى كده

شريف / قعد على السرير جنب امير وقال بزعل ابو لميس طردنى من الشركه

امير / بأستغراب طردك ليه

شريف / احم شاف بنته معايا فى المكتب

امير / انت غلطان يا شريف اكيد شافكم فى وضع مش كويس

شريف / بص على الأرض ومردش عليه

امير / طيب ما ليه حق واحد دخل المكتب عندك شاف بنته فى وضع مش كويس عايزه يسمى عليك ده رد فعل طبيعى منه وبعدين انت غلطان اولا علشان حرام تلمسها طول ما هى مش حلالك وثانيآ بقى انت المفروض تخاف على سمعتها افرض حد تانى اللى دخل عليكم من الموظفين كان هيسكت ولا الخبر كله كان هينتشر فى الشركه وسمعت لميس هتبقى على كل لسان انت راجل مش هيضرك حاجه إنما هى بنت وسمعتها هتبقى مش كويسه بسببك

شريف / عارف ان انا غلطان بس اندفعت بمشاعرى وانت عارف ظروفى كويس اوى بس مع لميس ببقى حد مختلف تمامآ بتحرك جوايا احاسيس ومشاعر حلوه اوى يا امير وبلاقى نفسى شبه اى شاب مراهق عايز القرب من حبيبته واكيد انت فاهم معنى كلامى كويس اوى

امير / فاهم وحاسس بيك بس كان ممكن تيجى شويه على نفسك لحد ما تبقى مراتك ومقفول عليكم باب واحد واعمل اللى انت عايزه إنما دلوقتى انت استفد ايه ولا حاجه لميس وضاعت من بين ايديك وشغلك وخسرته

شريف / لاء متقولش ضاعت من بين ايديه ضياع لميس معناه موتى

امير / بعد الشر عليك يا شريف بس دى الحقيقه ابوها هيعتبرك واحد فلاتى وبيلعب ببنته ومستحيل يرضى أن يجوزها ليك

شريف / قولتله اجى اطلبها منك مرضاش اعمل ايه تانى

امير / صعب عليه شريف وطبطب عليه وقال إن شاءالله يهدا شويه وكل حاجه تتصلح وبعدين مصلحه أن انت سيبت الشركه علشان تيجى معايا الشركه بتاعتى وتأسسها معايا

شريف / انت لاقيت مكان

امير / ايوه وهبدأ اجهز فيها من بكره علشان افتحها على الشهر الجاى

شريف / ربنا يوفقك يا صاحبى

امير / ايه رأيك تبقى شريكى

شريف / ههه بأيه يا حسره

أمير / انت بالمجهود وانا بالفلوس

شريف / ههههه مجهود ايه ده اللى يخلى الواحد شريك فى شركه بحالها انا عارف انك بتعمل كده علشان عايز تقف جنبى تسلميلى يا صاحبى

امير / لاء بجد يا شريف محتاجك جنبى وهتعمل مجهود مضاعف علشان نكبر الشركه دى فى أقرب وقت ممكن وعلشان كده هتبقى شريك بالمجهود وايدى فى ايدك هنخليها اكبر شركه مش فى مصر بس لاء وفى الخارج كمان

شريف / انا معاك يا أمير وهقف جنبك بس من غير شراكه

امير / لاء يا حبيبى كل واحد ياخد حقه وده حقك يا صاحبى ومد أيده وقال اتفقنا

شريف / مد أيده وسلم عليه وقال اتفقنا

___________________________

فى الرحله فى الغردقه

وصل أتوبيس الرحله للغردقه والكل نزل من الاتوبيس وهما تعبانين اخدو الشنط بتاعتهم وطلعو على الاوض بتاعتهم

سامح / طلع على اوضه دخل الحمام اخد شاور ولبس تيشرت كت وشورت و خرج نام على سريره وحاول يغمض عينه بس مجاش ليه نوم مسك تليفونه وجاب رقم روز وبص ليه بصه طويله وبعدين قفل تليفونه تانى وحطه جنبه بس اتفاجئ برقم روز فتح بالهفه وقال لسه كنت هتصل بيكى

روز / القلوب عند بعضيها

سامح / القلوب بس

روز / احم ك.ك.كنت هتتصل بيا ليه

سامح / كنت عايز اطمن عليكى بس قولت لتكونى نيمتى

روز / مش جاى ليا نوم وانت

سامح / ولا انا

روز / القعده فى الاوضه من دلوقتى تخنق الصراحه

سامح / وانا برضه بقول كده تحبى تخرجى

روز / ياريت

سامح / اجهزى وانا شويه وهاجى اخدك

روز / بفرحه ماشى

سامح / قفل التليفون وقام بسرعه غير هدومه وجهز نفسه وخرج من الاوضه بتاعته وراح خبط على باب اوضت روز

روز / فتحت الباب وقالت انا جاهزه

سامح / اول ما شاف روز سرح فيها وقعد يبص ليها

روز / اتكسفت من نظرات سامح وقالت ا.ا.انت بتبص ليا كده ليه

سامح / هو فيه جمال كده فى الدنيا انتى حلوه اوى كده ازاى

روز / اتكسفت وبصت فى الارض وداست بسنانها على شفتها اللى من تحت

سامح / رفع وشها بأيده وخرج شفتها من تحت سنانها وقال انا حظرتك قبل كده اخر مره هحظرك بالكلام المره الجايه هنبهك بطريقه تانيه خالص

روز / فهمت قصد سامح واتوترت وقالت س.س.سامح ب.ب.بس علشان بتكسف

سامح / هههههههه خلاص خلاص امشى يلا

روز / زقته وقالت غلس ومشيت قدامه

سامح / ههههههههههه مجنونه ومشى وراها نزلو ومشو فى الشارع وهما جنب بعض سامح مد أيده ومسك ايد روز

روز / بصت على ايد سامح بكسوف وهو ماسك ايديها وابتسمت

سامح / روز

روز / ن.ن.نعم

سامح / روز انتى متأكده من مشاعرك ليا ولا ده مجرد اعجاب وهياخد وقته وينتهى

روز / لاء متأكده لان انا من الصعب أعجب بحد حتى وانا فى أمريكا عمرى ما اعجبت بشباب امريكا وكنت تملى رسمه فى خيالى فتى احلامى

سامح / ويا ترى لاقتيه

روز / هزت راسها بكسوف بمعنى ايوه

سامح / مين

روز / ا.ا.انت

سامح / انا فتى احلامك اللى كنتى رسمه فى خيالك

روز / هزت راسها بمعنى ايوه

سامح / وكنتى رسمانى ازاى بقى

روز / بكسوف احم راجل جد اوى زيك وسيم وشيك تقيل اوى كل البنات تبقى هتموت عليه وهو يبقى مش شايف حد غيرى رومانسى اوى وطيب اوى اوى

سامح / وكل ده لاقتيه فيا انا

روز / هزت راسها بكسوف وقالت ايوه واكتر كمان

سامح / وقف وبص فى عين روز وقال انا بقى عمرى ما فكرت ولا رسمت فتاة احلامى لانى باختصار كنت شايل موضوع الحب ده من دماغى وعمرى ما بصيت لواحده وكنت تملى حاطت هدف قدام عينى وهو أن اتفوق فى مجالى واتقدم للاحسن لحد ما شوفت عيونك وغيرتى كل حاجه فيا خلتينى اشوف الدنيا بشكل تانى ومختلف هدمتى كل حصونى واخترقتى قلبى ودخلتى فيه وامتلكتيه بكل سهوله

روز / يعنى عمرك ما حبيت واحده

سامح / عمرى يعنى انتى حب قلبى الاول والاخير

روز / بصت فى الارض بكسوف

سامح / رفع وشها وقال بحبك

روز / بلعت ريقها بصعوبه وقالت م.م.مش يلا بينا نروح

سامح / نروح هو احنا لحقنا

روز / ها ا.ا.اصل الجو برد شويه

سامح / قلع الجاكت بتاعه وحطه على كتف روز وحط أيده على كتفها وقربها منه وقال كده هتدفى احنا لسه هنروح نتعشا الاول ومشى على المطعم

روز / بصت على ايد سامح اللى على كتفها ومشت وهى بصه على الأرض بكسوف

____________________________

فى اسكندريه

وصل عاطف الفيلا

بعد يوم طويل ومتعب فى الشغل دخل وقال

عاطف / السلام عليكم

زهراء / وعليكم السلام حمدالله على السلامه

عاطف / الله يسلمك امال فين الأولاد

زهراء / تعبو من اللعب طول النهار عشتهم ونامو

عاطف / ماشى وانتى اتعشيتى

زهراء / مليش نفس

عاطف / بلغيهم يحضرو العشا ليا وليكى

زهراء / هبلغهم ليك انت انا مش عايزه

عاطف / ما لو انتى مش هتاكلى انا كمان مش هاكل مع أن هموت من الجوع مأكلتش حاجه من ساعة ما خرجت من هنا يعنى ذنبى فى رقبتك

زهراء / حاضر هبلغهم يحضرو ليا وليك وبلغتهم وقعدت على السفره مع عاطف

عاطف / عامله ايه النهارده احسن

زهراء / فهمت قصد عاطف وقالت لاء زى ما انا واكتر كمان بشتاق ليه اكتر من الاول

عاطف / داس بأيده بعصبيه على الشوكه من غير ما زهره تاخد بالها وقال حاولى يا زهره تنسيه

زهراء / ياريت النسيان بالسهوله دى يا عاطف مكانش حد تعب ولا حس بوجع الفراق والبعد

عاطف / غمض عينه وقال عارف مش بالسهوله دى ومجرب بس بقولك حاولى احنا لسه فى أول الطريق

زهراء / إن شاءالله المهم ك.ك.كنت عايزه اطلب منك طلب

عاطف / اطلبى

زهراء / كنت عايزه اكلم ماما واطمن عليها من عندك علشان مش معايا تليفون

عاطف / اه طبعآ اتعشى وخديه كلمى مامتك

زهراء / شكرآ وشويه وقامت وقفت وقالت الحمدالله انا اكلت

عاطف / اقعدى كملى اكلك

زهراء / شبعت الحمدالله

عاطف / مد أيده بالتليفون وقال خدى اهو

زهراء / اخدته منه وجت تفتحه قالت احم معمول برمز

عاطف / اه دوسى 22/12

زهراء / بأستغراب ده تاريخ ميلاد حد من الاولاد

عاطف / لاء ده تاريخ جوازى من مراتى

زهراء / اه ربنا يرحمها يارب واخدت التليفون وخرجت فى الجنينه وفتحت الرمز وشافت صورة مرات عاطف على الشاشه ضحكة وقالت يا بختك أن عندك حد مخلص لدرجه دى حتى وانتى ميته واتنهدت وطلبت رقم امها وانتظرت الرد

نبيله / بنتى حبيبتى عامله ايه

زهراء / الحمدالله يا ماما انتى عامله ايه واخواتى عاملين ايه

نبيله / احنا كلنا الحمدالله كويسين واحشتينا يا زهره اوى

زهراء / بدموع انتو اكتر والله يا ماما

نبيله / بلاش دموع يا ضى عنيا هى دى سنة الحياه لازم تسيبى بيت اهلك وتعيشى حياه جديده مع جوزك وتفرحى بطفل صغير يملا عليكم حياتكم

زهراء / بضحكة انكسار اه إن شاءالله المهم ك.ك.كنت عايزه أسألك سؤال

نبيله / اسألى يا حبيبتى

زهراء / ا.ا.امير عامل ايه

نبيله / انسي يا زهره حرام تفكرى فى راجل وانتى متجوزه راجل تانى كده يبقى خيانه حافظى على جوزك وفكرى ازاى تسعديه خلى كل اللى فات من حياتك مجرد ذكرى فاتت بحلوها ومرها

زهراء / مش قادره اشيله من قلبى وتفكيرى يا ماما

نبيله / انتى لسه متجوزه بقالك يوم ولا اتنين صعب تقدرى تنسى فيهم بس حاولى الايام الجايه متفكريش غير فى جوزك وبس وشيلى اى حاجه تانيه من تفكيرك ربنا يهديكى ويصلح حالك يا بنت بطنى

زهراء / ويديكى الصحه يا ماما مع السلامه يا حبيبتى وقفلت مع امها وقالت ياريت النسيان كان بالسهوله اللى بتتكلمو بيها دى ياريت ودخلت أدت عاطف تليفونه ودخلو نامو

_____________________________

فى القاهره

فى شقة توفيق

فى اوضت ريم

كانت قاعده على سريرها وتليفونها رن برقم محمود ردت عليه وقالت

ريم / ايوه يا محمود

محمود / ايه يا بنتى مظهرتيش النهارده نهائى وبتصل بيكى مش بتردى

ريم / مفيش يا محمود مخنوقه شويه

محمود / من ايه يا قلبى

ريم / بدموع خايفه اتعذب معاك زى ما زهره اتعذبت كده

محمود / بصدمه انتى خايفه منى يا ريم

ريم / انا خايفه من وجع الحب

محمود / بس مش كل حب بيوجع يا ريم وانا مستحيل اوجعك ولا عمرى هفرط فيكى مهما حصل واللى حصل ما بين امير وزهره ده نتيجة عند هما الاتنين عاندو وكان لازم يحصل كده لان العند لو دخل ما بين اتنين بيحبو بعض بتبقى النتيجه الفراق لكن أنا وانتى بنحب بعض بعيد عن العند اه انتى كنتى بتعندى الاول بس انا كنت بستحمل وهستحمل معاكى تملى لان بحبك ومستحيل اسمح بحاجه تفرقنا عن بعض

ريم / يعنى عمرك ما هتوجعنى ولا تبعد عنى

محمود / فى حد يقدر يوجع نفسه ولا يجرحها انتى نفسى يا ريم

ريم / سكتت ومردتش عليه

محمود / بحبك اوى اوى ياريم ومقدرش استغنا عنك مهما حصل

ريم / بدموع وانا بحبك اوى يا محمود

محمود / ده اسعد يوم فى حياتى علشان قولتيها من غير ما اطلبها منك

ريم / سكتت ومردتش عليه

محمود / ايه سكتى تانى ليه

ريم / احم انا هقفل علشان عايزه انام

محمود / والله والنوم محضرش عليكى غير دلوقتى

ريم / تصبح على خير

محمود / وانتى من أهله يا اختى بعشق امك

ريم / هههههههه باى

محمود / ايوه كده سمعينى احلى ضحكة فى الدنيا بموت فيكى يا احلى ملكه متوكه على عرش قلبى باى يا حبى

ريم / قفلت التليفون وحضنته وضحكة ونامت

___________________________

فى شقة امير

فى اوضت ساره

كانت بتتكلم مع احمد

احمد / عامله ايه دلوقتى

ساره / بحاول اكون كويسه

احمد / والله صدقينى هى بس مسألة وقت مش اكتر وكل حاجه هتتنسا وكل واحد هيعيش حياته وينسى الماضى بوجعه

ساره / امير موجوع اوى

أحمد / ما هى برضه حب عمره مش يوم ولا اتنين

ساره / واكتر حاجه زعلتنى أن أمير اشترى فيلا وبيوضبها وهيخلينا نمشى من الحاره وانا متعلقه بالحاره اوى يا احمد

احمد / طيب دى حاجه حلوه هتتنقلو لمستوى احسن زعلانه ليه مع أن اى واحده مكانك المفروض تفرح

ساره / انا اتولد فى الحاره دى اتعلقت بناسها وبعشق كل تفاصيلها بحب الحياه البسيطه مش بحب جو الفيلاه والحاجات دى تحس ان ناسها مزيفه مشاعرها منافقه إنما بتوع الحاره دول قلبهم ابيض وصافى ميعرفوش المنافقه ناس على نيتهم بيفرحو لفرحك بيزعلو لزعلك

احمد / كل حته فيها الكويس والوحش وبكره تتعودى على المكان اللى هتعيشى فيه

ساره / بيستهيألك بس شئ ولابد منه على الأقل امير يتخلص من ذكريات زهره اللى موجوده هنا فى كل مكان

احمد / الذكريات مش بالمكان الذكريات بتبقى محفوره فى العقل والقلب التفكير بيبقى مشغول بيها اربعه وعشرين ساعه ربنا يصلح حاله

ساره / يارب المهم اختك عامله ايه

أحمد / فى رحله والله قاطعه بيا وحاسس أن الفيلا ملهاش طعم وهى مش فيها بتعمل حس للمكان بخفة دمها دى

ساره / ربنا يرجعها بالسلامه

أحمد / يارب

ساره / انا هقفل بقى علشان انام

احمد / ماشى يا قلبى تصبحى على خير

ساره / بكسوف وانت من أهله ولسه هتقفل

احمد / ساره

ساره / نعم

احمد / بحبك

ساره/ هههههههه باى وقفلت التليفون وحضنته وقالت وانا بعشقك وغمضت عينيها ونامت سعيده

__________________________

فى اوضت امير

كان نايم امير على سريره وباصص على السقف ومش بيتكلم

سهى / امير

امير / نعم

سهى / ممكن أسألك سؤال

امير / اممم اسألى

سهى / انت زعلان منى

امير / لاء ليه

سهى / علطول قاعد ساكت ومش بتتكلم معايا زى الاول

امير / عادى يا سهى بس هنتكلم فى ايه مفيش حاجه نتكلم فيها

سهى / مش عارفه بس حاسه انك بتتهرب منى ومش عايز تكلمنى من ساعة جواز زه

امير / قطعها وقال متكمليش يا سهى وزى ما قولتلك مفيش حاجه نتكلم فيها علشان كده ببقى ساكت

سهى / طيب ريان مكلمكش

امير / لاء بكره ابقى اتصل بى

سهى / هو انا ممكن أنزله اسكندريه واروح أكلمه بنفسى

امير / قام قعد وقال بعصبيه تروحى فينا حد قالك أن انا مركبهم ما تلمى نفسك كده واهدى

سهى / خافت وقالت مش قصدى والله انا عايزه اعمل بأى طريقه علشان اخليك تخلص من همى وقرفى

امير / الموضوع ده ملكيش دخل فيه لو حاولتى تدخلى فيه متلميش غير نفسك فاهمه نامى بقى وسابها ونام واداها ضهره

سهى / بصت عليه بدموع ونامت على السرير واتغطت وقعدت تعيط

___________________________

فى فيلا لميس

كانت قاعده فى اوضتها وبتعيط ورافضه الاكل والشرب بابها خبط قالت

لميس / بزعيق انا قولت مش عايزه اكلم حد محدش ليه دعوه بيا سبونى فى حاااااالى بقى

الباب اتفتح ودخلت جدتها وقالت

الجده / حتى انا

لميس / قامت جريت واترمت فى حضنها وقعدت تعيط

الجده / طبطبت عليها وقالت شششششش أهدى يا حبيبتى

لميس / بدموع بابا عايز يبعدنى عن شريف يا تيته

الجده / مش هيبعدك ولا حاجه هو متعصب شويه ويهدا وانا هكلمه

لميس / بس هو طرد شريف من الشركه ومنعنى من الخروج ورفض طلب شريف أن يتجوزنى انا لو متجوزتش شريف هموت نفسى شريف ده عمرى كله وانتى يا تيته عارفه كده مش افضل احلم بى العمر كله ويوم ما يبقى قريب منى ويحبينى زى ما بحبه يجى بابا ويبعده عنى انا ما صدقت أن هو حس بيا

الجده / عارفه يا حبيبت تيته وعايزه الصراحه الواد مز ويتاكل اكل لو كان كبير شويه كنت اتجوزته انا وطنشتك ههههههههههههه

لميس / هههههههه لا فى كده انا اخسرك يا مزه

الجده / يوم المستشفى حسيت أن هو راجل بجد وشوفت خوفه عليكى ولهفته بس ابوكى اتعصب لما سمع ناس بتتكلم عليكم فى الشركه انتى لحمه ودمه انتى بنته عرضه لازم يزعل منك هو خايف عليكى مش اكتر يهدا شويه وكل حاجه هتتحل إن شاءالله

لميس / بجد يا تيته

الجده / بجد يا روح تيته

لميس / حضنت جدتها اوى وقالت بمووووووووت فيكى وربنا

الجده / طيب يلا بقى علشان خاطر تيته تنزلى تاكلى

لميس / بفرحه هوا ونزلت تجرى

الجده / ربنا يسعدك ويفرح قلبك يا نور عيوني ونزلت وراها

الفصل الرابع والعشرون من هنا

رواية فتاة انحنت من أجل الحب

الفصل الرابع والعشرون 24 والخامس والعشرون 25

بقلم دودو محمد

🌷الفصل الرابع وعشرون🌷

اشرقت شمس صباح يوم جديد بنورها الساطع فى سماء الاسكندريه لتبدأ زهراء بفتح عيونها قامت من على الكنبه بصت على عاطف لاقته لسه نايم اخدت هدوم ليها ودخلت الحمام اخدت شاور واتوضت ولبست هدومها وخرجت من الحمام وقفت قدام المرايا تسرح شعرها فى الوقت ده صحى عاطف وبص على زهره وهى بتسرح شعرها وسرح فيها

زهراء / شافت عاطف صاحى فى المرايا بصت ليه وقالت انت صحيت

عاطف / بلع ريقه وقال بتوتر ا.ا اه لسه صاحى صباح الخير

زهراء / صباح النور قوم خد شاور على ما اروح اصحى الاولاد

عاطف / م.م.ماشى وقام من على السرير وبص بصه طويله لزهراء ودخل الحمام وقفل الباب واتنهد وغمض عينه وقال ايه مالك يا عاطف ضعفة ولا ايه اجمد كده وخليك عند وعدك

زهراء / بصت على باب الحمام بأستغراب وقالت ده مالو ده وهزت كتفها وأدت فرضها وخرجت من الاوضه راحت صحيت الاولاد ونزلت طلبت من الخدم يحضرو الفطار وقعدت تستنا نزول عاطف وبعد وقت نزل عاطف ونزلو الاولاد وقعدو يفطرو

رائف / ماما عايز اشرب

عاطف وزهره / اتصدمو لما سمعوا كده

عاطف / ماما

رائف / اه ماما مش انت اتجوزتها يا بابا وهتعيش معانا علطول يبقى هى ماما وبعدين انا بحبها اوى وهى طيبه أوى أوى يا بابا

بيلار / وانا كمان هقولها ماما انا بحبك اوى يا ماما

زهراء / دموعها نزلت منها وقالت وانا بموت فيكم يا حبايب ماما وبصت لعاطف وقالت الكلمه دى تزعلك لو قالوها ليا

عاطف / لاء يا زهره مش زعلان بس ياريت تقدرى حب الاطفال دى تملى وان هما اعتباروكى امهم ومتوجعهمش وتبعدى عنهم

زهراء / ليه بتقول كده يا عاطف انا فعلا بحبهم اوى ومقدره معنى أن هما قالو ليا الكلمه دى ومقدرش ابعد عنهم

عاطف / انا بنبهك بس علشان انا ممكن اسامح فى اى حاجه الا حد يكسر قلب اولادى

زهراء / بصت ليه بتوتر وبعدين بصت للاولاد وضحكة ليهم بتوتر وقالت يلا كلو ورجعت بصت تانى لعاطف لاقته بيقراه فى الجريده قالت وانت مش هتاكل

عاطف / لاء هشرب القهوه وهمشى

زهراء / م.م ماشى وقعدت تاكل وتبص لعاطف لاول مره تخاف من تهديد عاطف ليها وحست فى نبرة صوته الشده والحزم

عاطف / شرب قهوته وطبق الجريده وقام وقف وقال انا ماشى

بيلار / بابا بليز متتأخرش النهارده فى الشغل عايزين نسهر كلنا مع بعض زى ايام ماما التانيه

رائف / ياريت يابابا

عاطف / بص لزهره وبعدين بص للاولاد وقال ماشى وباس الاتنين ومشى

زهراء / بصت على عاطف وهو ماشى واتنهدت بالراحه وغمضت عينيها وقالت لنفسها يا ترى الايام مخبيه ليكى ايه يا زهره

بيلار / ماما انتى بتكلمى نفسك

زهراء / ها ل.ل.لا يا حبيبتى كملى اكلك يلا

واكلو كلهم واخدتهم زهره وطلعت بيهم الاوضه بتاعتهم

____________________________

فى القاهره

فى شقة امير

صحى امير من نومه وملاقاش سهى نايمه مكانها قام من على السرير وراح فتح دولابه وطلع صورة زهره وبص فيها والدموع فى عينيه وقال

امير / يا ترى عايشه ازاى سعيده ولا حزينه وموجوعه معاه قدرتى تسلميه نفسك ولا منعتى نفسك منه قدرتى تنسى حبى ولا لسه عايش جواكى نفسى اشوفك اوى واضمك لحضنى وامنع اى حد يقرب منك هه بس ازاى وانتى من حق حد غيرى ليه عملتى كده يا زهره شوفتى عندك وصلك لفين حبك للفلوس عمى عينك وموت قلبك خلاكى بعتى حب عمرك كله علشانه وجعتى قلبى وكسرتيه بحاول اكون قوى حتى لو من بره لكن أنا من جوايا مكسور وحزين ضعيف اوى اوى من غيرك يا زهره

وفى الوقت ده الباب اتفتح حط الصوره مكانها ومسح دموعه وبص لسهى وقال بعصبيه فيه حد يدخل على حد كده مش تخبطى الاول

سهى / بخوف ا.ا.انا معرفش انك صحيت وكنت جايه اصحيك

امير / وخلاص لاقتينى صاحى روحى شوفى هتعملى ايه

سهى / بصت ليه وقالت بدموع امير بلاش المعامله دى معايا عارفه انك مجروح وانا السبب بس طلبت منك اعرفها الحقيقه انت اللى رفض هعمل ايه تانى لو شايف انك مش قادر تستحمل وجودى قصاد عينك طلقنى ورجعنى بيت ابويا بس بلاش توجعنى بالطريقه دى

امير / سهى احنا من قبل اى حاجه مكانش فيه ما بنا كلام متجيش دلوقتى وتعملى فيها الملاك البرئ المظلوم علشان انتى بنت عمى وبس

سهى / وانت مش اكتر من ابن عمى وعارف ومتأكد أن انا بحب ريان وانت بنفسك رحت ليه وعرفت أن هو كمان بيبحنى فبلاش كلام وتلميح لحاجه ملهاش أساس وياريت تتصل بى وشوفو عمل ايه فى فرح أخته علشان يجى ويخلصك ويخلصنى من اللى احنا فيه ده

امير / ماشى يا سهى ومسك تليفونه واتصل على رقم ريان اول مره محدش رد جرب تانى ردت أخته عليه وقالت

اخت ريان / السلام عليكم

امير / وعليكم السلام ممكن اكلم الدكتور ريان لو سمحتى

اخت ريان / بحزن ريان تعيش انت اتوفى من يومين فى فرحى

امير / بصدمه ازاى ده

اخت ريان / بدموع اتقلبت بى العربيه فى الزفه ومات فى ساعتها

امير / بزعل البقاءالله مع السلامه وقفل التليفون وبص لسهى بحزن

سهى / بخوف م.م.مين اللى مات ها ا.ا.امه صح ا.ا.اكيد هى رد عليا يا أمير ابوس ايدك م.م.مين مات

امير / بص ليها بحزن وقال ريان اتقلبت بيه العربيه فى زفة أخته

سهى / لالالا ا.ا.انت بتضحك عليا صح عايز توجعنى زى ما اتوجعت بسببى بلاش كده يا امير والله العظيم اروح اعرف زهره حقيقة جوازنا بلاش تلعب بأعصبى ريان عايش صح بس حد تانى اللى مات اصل ريان مينفعش يموت دلوقتى هو قالى كده أن هو هيتجوزنى رسمى وهنجيب اولاد كتير وهنعيش مع بعض اسعد زوجين رد عليا يا أمير ساكت ليه

امير / شد سهى فى حضنه وقال أهدى يا سهى ده قضاء ربنا كلنا هنموت وده عمره وانتهى

سهى / زقت امير وقالت متقولش كده يا امير ريان عايش طيب تعال نروح ليه اسكندريه هتلاقيه قاعد وبيبتسم ليك زى ما متعود يلا يا أمير مستنى أيه

امير / يا سهى افهمى ريان مات مات

سهى / هزت راسها يمين وشمال رافضه كلام امير وقالت ا.ا انت كداب ايوه كداب ووقعت على الأرض اغمى عليها

امير / شالها وحطها على السرير ومسك ازازة البرفان وفوقها بيها

سهى / حركة راسها وفتحت عينيها واحده واحده وشافت امير قصادها وقالت بدموع ريان مات يا أمير وسبنى لوحدى فى الدنيا دى

امير / مسك ايديها وطبطب عليها وقال انتى مش لوحدك يا سهى انا جنبك ومعاكى

سهى / بدموع انا خلاص مبقاش ليا مكان هنا طلقنى يا أمير

امير / أهدى بس يا سهى وبعدين نتكلم فى الموضوع ده

سهى / طلقنى يا امير كل اللى دخلت حياتهم خربت بسببى انت وحبيبتك بعدت عنك بسببى وريان كان ناوى يتجوزنى مات انا حرام ادخل حيات اى حد تانى

امير / حرام يا سهى متقوليش كده ده كل شئ بأيد ربنا واحنا ما علينا غير نحمد ربنا فى السراء والضراء

سهى / اترمت فى حضن امير وقعدت تعيط

امير / طبطب عليها وقال أهدى يا سهى علشان محدش يحس بحاجه وخرجها من حضنه ومسح دموعها ومسك وشها ما بين ايديه وقال يا بت انتى بنتى عمى ومن وجبى اقف جنبك وصدقينى هتلاقينى تملى فى ضهرك وموت ريان ده اختبار من ربنا بيشوفك هترضى على ابتلاءه ولا لاء وبيديكى فرصه جديده لدنيا تانيه احسن ربنا عمره ما بيجيب حاجه وحشه لحد خليكى قويه كده

سهى / هزت راسها بمعنى حاضر واترمت تانى فى حضن امير ومسكت أيده وقالت وحياة اغلى حاجه عندك خليك واقف جنبى وقوينى

امير / طبطب عليها وقال اكيد طبعآ يا سهى عمرى ما هتخلى عنك قومى كده امسحى وشك واخرجى لامى متخلهاش تحس بحاجه

سهى / حاضر وطلعت من حضن امير وقامت مسحت دموعها وفتحت الباب وخرجت من الاوضه وقفلت الباب وراها

امير / قعد على السرير وحط راسه ما بين ايديه وقال هتعمل ايه دلوقتى يا أمير سهى موضوعها اتعقد بموت ريان هتحلها ازاى وهطلقها ازاى مش عارف ليه كله بيمشى عكس ما انا عايز ليه تملى الدنيا بتعاندنى هتعملى فيا ايه تانى يا دنيا واتنهد وقام فتح الباب ودخل الحمام

____________________________

فى اوضت ساره

صحيت ساره على صوت تليفونها بتبص لاقته رقم احمد ردت وقالت

ساره / صباح الخير يا احمد

احمد / صباح السعاده والهنا يا حبى ايه كل ده نوم

ساره / ليه هى الساعه كام

أحمد / الساعه تسعه

ساره / نهار اسود اتأخرت على الجامعه

أحمد / هههههههه من حسن حظك الدكتور اعتذر عن المحاضره بتاعته النهارده والمحاضره التانيه لسه قدامها يجى ساعه ونص يكون انتى صحيتى وجهزتى نفسك وجيتى هوا على الجامعه

ساره / علطول اهو هقوم بسرعه

أحمد / بس براحه وانتى ماشيه فى الشارع خلى بالك على نفسك

ساره / حاضر سلام وقفلت مع احمد وقامت تجرى خرجت من الاوضه وقالت صباح الخير

سهى ونبيله ومحمود / صباح النور

ساره / انتو ازاى سيبنى نايمه لحد دلوقتى

محمود / قصدك ميته مش نايمه ده ماما صوتها اتنبح واخر ما زهقت سبيتك نايمه

ساره / مش عارفه ايه النوم الكتير ده الواحد حاسس أن بقالو كتير اوى منمش المهم حد فى الحمام

سهى / امير

امير / خرج وقال ادخلى انا خلصت

ساره / بسته فى خده وقالت احلى صباح حاير طاير على احلى ميرو فى الدنيا

امير / صباح النور يا حبيبتى وسابها ودخل الاوضه

ساره /هزت راسها يمين وشمال بزعل على اخوها ودخلت الحمام وشويه وخرجت دخلت اوضتها ولبست هدومها بسرعه وأدت فرضها وخرجت تجرى من الاوضه وقالت هخلع انا علشان متأخره سلام

امينه / خلى بالك على نفسك وانتى ماشيه

ساره / وهى بتقفل الباب حاضر حاضر سلام ونزلت تجرى وقفت تاكسى وركبته وراحت على الجامعه

____________________________

فى شقة توفيق

فى اوضت شريف

كان صاحى شريف بس متحركش من مكانه ونايم باصص لسقف تليفونه رن برقم غريب بص على الرقم ومرضاش يرد عليه ورن مره تانى كنسل ومردش تالت مره رن رد بغيظ وقال

شريف / بعصبيه اما انت بنأدم معندكش دم بترن كتير ليه كده انت واحد حي

لميس / قطعته وقالت اهدا يا شريف دى انا

شريف / قام قعد وقال بلهفه لميس واحشتينى طمنينى عليكى حد عملك حاجه

لميس / انا كويسه وبابا اخد منى التليفون وانا دلوقتى بكلمك من تليفون تيته علشان اطمنك عليا واطمن عليك عامل ايه

شريف / هتجن عليكى يا لميس من امبارح

لميس / وانا والله بس معلش بابا يهدا شويه وتيته هتكلمو على موضوع ارتبطنا

شريف / بفرحه بجد

لميس / اه والله وكمان هى عايزه تقابلك النهارده العصر فى (.......) هتستناك

شريف / تقابلنى ليه

لميس / معرفش بس هى طلبت منى اقولك على العنوان اللى هتقابلك فيه على العموم متقلقش تيته دى زى السكر وبتحبنى اوى وعارفه بحكايتنا من اول ما انا حبيتك فا متقلقش

شريف / تمام وانا هستناها فى المعاد إن شاءالله

لميس / ماشى انا لازم اقفل قبل ما حد يشوفنى وانا بكلمك

شريف / ماشى خلى بالك على نفسك بحبك

لميس / حاضر وانت كمان خلى بالك على نفسك هتوحشنى لحد ما اشوفك بموت فيك يا عمرى سلام

شريف / سلام وبص لتليفون وقال يارب متحرمنيش من وجودها فى حياتى وقرب البعيد وقام خرج من اوضه ودخل الحمام

_____________________________

فى الغردقه

فى اوضت روز

صحيت روز من نومها وافتكرت اللى حصل امبارح مع سامح ضحكة وقالت

روز / بحبك اوى اوى يا سموحتى

جهاد / فتحت عينيها وقالت الله يحرقك على الصبح ويحرق محنك يا شيخه انا ايه خلانى انام معاكى فى نفس الاوضه بس

روز / هههههههه ليه بس يا جوجو

جهاد/ قعدت وقالت يعنى انا اسيب محن احمد اخويه هناك اجى الاقى محنك انتى يعنى حرام راعو حال السناجل اللى زى اللى مش لاقين كلب يبص فى وشهم الرحمه من عندك يارب

روز / هههههههههههه الا صح بت يا جهاد انتى عمرك ما حبيتى ولا حد اعترفلك بحبه

جهاد / اتوترت وقالت ها ل.ل.لاء طبعآ

روز / هو انا ليه حاسه انك بتكدبى عليا ومخبيه حاجه عنى

جهاد / بس يا بت بلاش عبط

روز / لاء بجد يا جوجو قولى الحقيقه

جهاد / غمضت عينيها وقالت بعصبيه روز قولتلك مفيش وقامت تجرى دخلت الحمام

روز / استغربت اللى حصل ولسه هتقوم وراها تليفونها رن برقم سامح ردت وقالت صباح الخير

سامح / احلى صباح على احلى عيون فى الدنيا

روز / قلبى مش هيتحمل كل الرومانسيه دى

سامح / هى الرومانسيه اتخلقت فى الدنيا اصلا علشانك انتى

روز /بجد مش قادره اصدق نفسى بقى انت سامح اللى اول ما شوفته كنت عايزه اولع فيه بس منكرش ان انا من اول مره شوفتك فيها لفت انتباهى بوسمتك وشياكتك ونوع البرفان بتاعك بس برضه كنت غلس اوى معايا هههههههه

سامح / خلاص بقى انسى ميبقاش قلبك اسود كده يا روزتى

روز / يا ايه

سامح / يا روزتى هههههه

روز / وربنا انت عسل

سامح / وربنا انتى مجنونه ههههههههههههه بس بحبك

روز / اممممم طيب انا جعانه

سامح / من عنيا اجهزى يلا وهعدى عليكى وننزل نفطر

روز / ماشى وهجيب معايا جوجو

سامح / اه طبعآ انا بموت فى خفة دمها

روز / نعععععععععم يا اخويه بتموت فى مين

سامح / ايوه بقى خرجى بنت البلد اللى جواكى سلام هههههههههه

روز / قفلت معاه وقامت من على سريرها وخبطت على باب الحمام وقالت بت يا جوجو انتى يا بت ردى

جهاد / مسحت دموعها وقالت ايوه يا روز انا خارجه اهو

روز / يلا طيب علشان سامح هيفطرنا

جهاد / فتحت الباب وقالت ثوانى واكون جاهزه

روز / جوجو انتى كنتى بتعيطى

جهاد / احم لاء بس يلا علشان منتأخرش

روز / على العموم انا النهارده مش هسيبك غير لما اعرف السر اللى مخبياه عليا

جهاد / روز بجد بلاش تضغطى عليا انا وقت ما هحتاج اتكلم معاكى هاجى اتكلم لوحدى

روز / حاضر بس مش بحب اشوفك زعلانه

جهاد / بضحك وهو فيه حد يشوف جوزين الكناريه دول ويزعل ههههههههه يلا اخلصى بدل ما العصفور يزهق ويطير

روز / هههههههه هوا اهو ودخلت الحمام

جهاد / اتنهدت وراحت طلعت هدوم ليها من الشنطه ولبستها وروز خرجت من الحمام لبست هدومها وقعدو يستنو سامح

___________________________

فى اوضت سامح

قفل مع روز التليفون وقام دخل الحمام اخد شاور ولف البشكير على وسطه وخرج من الحمام وفى الوقت ده الباب بتاع الاوضه بتاعته خبط

سامح / بأستغراب ايه جاب روز هنا مش قولتلها هروح اخبط عليها وفتح الباب واتصدم وقال انتى

عبير / واحشتنى

سامح / جايه هنا ليه يا عبير

عبير / فيها ايه لما اجى لجوزى حبيبى

سامح / انا سبق وقولتلك أن ده مكانش جواز دى كانت خدعه منى علشان اخد منك صور اختى

عبير / اممممم خدعه وانا بقى لما اخد العقد واوريه لست روز هتعرف اذا كان خدعه ولا لاء وهى هتصدق يعنى أن محصلش ما بنا حاجه تحت مسمى الجواز ده ههههههههه ده انا عليا شوية محن يا بيبى مقولكش عليهم اخليها تصدق انك لمستنى وحامل كمان هههههههههه

سامح / مسكها من دراعها بعصبيه وقال بلاش تلعبى بالنار احسن ما تلسعك انتى يا حلوه

عبير / مستعده استحمل علشان خاطر عيونك يا بيبى

سامح / عبير بس فى الوقت ده ناس عدت من قدام الاوضه وبصت عليهم شدها ودخلها الاوضه وقال قسمآ عظمآ لو مبعديش عنى لتشوفى منى وش عمرك فى حياتك ما شوفتى زيه

عبير / مدت ايديها على صدر سامح وقالت كله يهون علشان اكون فى حضنك

سامح / زقها وقال انتى ايه يا شيخه جبله معندكيش دم لدرجاتى

عبير / قربت منه وقالت انا بحبك وانا احق بيك منها

سامح / وانا مش بحبك وبحب روز ياريت تفهمى كده

عبير / هههههههه ومتأكد من حبها ليك

سامح / قصدك ايه

عبير / شغلت تليفونها على تسجيل لروز وجهاد وهما بيتكلمو على الرهان

سامح / اتصدم لما سمع كده وقال مستحيل روز تعمل كده مستحيل

عبير / ده صوتها وصوت جهاد ولا لاء انا اول ما صحبتى ادتهونى مصدقتش نفسى

سامح / قعد على السرير ومردش عليها

عبير / قعدت جنبه وقالت علشان تعرف مين بيحبك بجد ومين بيلعب بمشاعرك

سامح / عبير اطلعى بره

عبير / مقدرش اسيبك وانت فى الحاله دى

سامح / عبيررررررر اطلعى بره بقولك

وفى الوقت ده باب اوضت سامح خبط

قامت عبير وفتحت الباب

روز وجهاد / بأستغراب عبير

جهاد / انتى بتعملى ايه هنا

عبير / وانتى مالك

روز / زقتها ودخلت لاقت سامح قاعد على السرير نصه اللى من فوق عريان ونصه من تحت ملفوف بالبشكير قالت بدموع سامح عبير بتعمل معاك ايه فى الاوضه وانت بالمنظر ده

سامح / مردش عليها

عبير / قعدت جنبه وقالت انتى ايه جايبك فى اوضت جوزى وهو بالمنظر ده

روز /جوزك

عبير / ايوه جوزى

جهاد / كدابه ده مش جواز حقيقى انا سمعت الكلام ده بودنى

عبير / حطت ايديها على كتف سامح وقالت اسألوه

روز / شيلى ايدك من عليه وقعدت جنب سامح وقالت سامح كدبها ابوس ايديك

سامح / بصلها وهو الشر بينط من عينيه وقال واكدبها ليه وهى فعلا مراتى

روز / هزت راسها بتنفى اللى سمعته وقالت بدموع مستحيل مستحيل

جهاد / فيه حاجه غلط سمعتكم قبل كده بودنى وانت بتقولها مفيش حاجه اسمها جواز عرفى وان دى لع

سامح / قطعها وقال قولت كده علشان شوفتك شوفتينى معاها وخوفت تروحى تقولى ليها ويضيع كل اللى بعملو اصل انا مفيش واحده جت وطولة لسانها عليا ودى قدرت تعمل كده وانا حلفت لانتقم منها اوقعها فى حبى وبعد كده اعذبها هههههه ولما شوفتك خوفت التخطيط بتاعى يبوظ

روز / بدموع م.م.مستحيل تكون كنت بتكدب عليا مستحيل

جهاد / بجد انا مصدومه فيك وبصت لعبير وقالت اصل انتى واحده وس*** وواخده عليها حاجه مش جديده عليكى اتفو عليكى بنأدمه زباله

عبير / هههههههه طيب انا عملت معاكى واجب وهخليها تشترى ليكى احداث ايفون علشان انتى كسبتى الرهان اخس عليكى يا جوجو

جهاد / بصت ليها بصدمه وقالت ر ر رهان ايه

سامح / اوعو تكونو مفكرين مش عارف بحكاية الرهان بيرو حبيبتى عرفت من زمان وجت بلغتنى وانا قولت اسيبك مستمره فى لعبتك واهو هتسهل عليا خطتى

روز / كانت بتسمع الكلام ده وهى مصدومه وعماله تعيط ووقفت والدموع على خدها وقالت قد ايه انت واحد جبان ومتعرفش حاجه عن الرجوله والحمدالله أن اكتشفتك على حقيقتك على قد الحب اللى حبيته ليك على قد ما كراهتك انت بنأدم زباله ومينفعش يتقال عليك بنأدم انت شيطان وما جمع الا ما وفق لايقه عليك اوى عبير انتو الاتنين زباله زى بعض ورفعت ايديها ولسه هتضرب سامح بالقلم

سامح / لو فكرتى تعمليها تانى هكسرك دراعك واطلعو بره بقى وسبونا براحتنا وحط أيده فى وسط عبير وقال مبروك عليكى الايفون يا جهاد ومعلش بقى يا روزتى الخساره خيرها فى غيرها بكره تتعرفو على شاب تانى وتتراهنو عليه تانى

روز / بصت ليه بدموع وطلعت تجرى من اوضه

جهاد / طلعت تجرى وراه روز

عبير / برافو يا بيبى اخد حقك تالت ومتلت ولسه هتبوسه فى خده

سامح / بعد عنها وقال اطلعى بره

عبير / مقدرش اسيبك وانت فى الحاله دى

سامح / اطلعى بررررررررره

عبير / خافت من صوت سامح وخرجت من الاوضه تجرى

سامح / قعد فى الارض وقال بصوت عالى لييييييييه ليييييييه تسلم قلبك بسهوله كده ما كنت قافل عليه حتة بت لا راحة ولا جت لعبة بيك وبمشاعرك تستاهل علشان فتحت قلبك وحبيت تستاهل علشان انت واحد ضعيف بس ودينى وما اعبد لاعرفك مقامك يا روز وهعرفك ازاى تتراهنى على قلبى ومشاعرى وبص قصاده بتوعد وقال لازم اقوى من تانى علشان اعرف اندمها على كل اللى فات وقام بتحدى من على الارض ولبس هدومه ونزل

____________________________

عند روز

دخلت الاوضه وهى منهاره من العياط واترمت على السرير وقعدت تعيط

جهاد / دخلت وراها وقعدت جنبها على السرير وطبطبت عليها وقالت أهدى يا روز هو اللى خسران مش انتى

روز/ بدموع لاء انا اللى خسرانه يا جهاد خسرت قلبى اللى وجعنى وبيتقطع من صدمتى فيه انا حبيت سامح من قلبى بجد هو اول حب دخل قلبى انتى عارفه يعنى ايه تقعدى ترسمى بأيام عمرك والسعاده اللى هتشوفيها مع حبيب قلبك ويجى يصدمك أن كل ده وهم وان هو بينتقم منك لمجرد غلطى فيه انا بموت وربنا يا جهاد بموت واترمت فى حضنها وقعدت تعيط

جهاد / طبطبت عليها وقالت انا حاسه ان فيه حاجه غلط فى الموضوع ده انا شاكه أن هو عمل كده لما عرف بموضوع الرهان ده وحب يوجعك زى ما اتوجع

روز / بدموع وهو عرف موضوع الرهان ده منين يا جهاد مكانش حد موجود غير انا وانتى

جهاد / الموضوع ده وراه عبير اكيد هى عرفت وعرفت سامح

روز / بس برضه ده ميغيرش الحقيقه ان هو متجوز عبير يعنى هو متجوزها وبيضحك عليا ويقولى أن هو بيحبينى انا وبس

جهاد/ انا عارفه بموضوع الجواز ده

روز /ولما انتى عارفه مجتيش تقولى ليا ليه يا جهاد

جهاد / علشان اللى عرفتو أن هو عمل ورقتين جواز عرفى بالكدب علشان كانت ماسكه حاجه على اخته ولما اخدها منها قال ليها أن ده مش جواز اصلا وسابها ومشى

روز / انتى مسمعتيش قال ايه قال إن هو قال الكلام ده لما شافك واقفه

جهاد / حسيت أن هو كداب لان المكان اللى كنت واقفه فيه محدش يشوفنى منه

روز / بدموع لاء يا جهاد ده واحد كداب ومخادع انا بكرهو بكرهو

جهاد / هى عبير منها لله وراه كل اللى بيحصل ده

روز / ماشى يا سامح انا هعرفك مين روز وربنا لاخليك تبكى بدل دموعك دم وتعرف انك خسرت قلب حبك بجد

ودخلت الحمام وغسلت وشها وفتحت الباب

جهاد / رايحه فين

روز / نزله تحت وسابتها ونزلت

جهاد / ربنا يستر من اللى جاى ونزلت تجرى وراها

روز / شافت سامح قاعد على الطرابيزه وبيشرب قهوه مشيت قدامه بطريقه مستفزه وقعدت على الطرابيزه اللى قصاده وقعدت معاها جهاد

سامح / بص ليها من فوق لتحت وغير اتجاه وشه

روز / بصوت عالى مبروك عليكى الايفون يا جوجو الصراحه عملتى معايا مجهود جبار هههههههههه

جهاد / بصت ليها بأستغراب

روز / ربنا يخلى المغفلين اللى بنلعب ونتسلى على قفاهم هههههههههههه

سامح / غمض عينه علشان يهدا شويه

جهاد / بصوت واطى روز خفى شويه

روز / بصوت عالى ليه يا بنتى خايفه منه ده انا عملته خاتم فى ايدى ههههههههه

جهاد / غمضت عينها وقالت شكلها كده هيبقى فيه حريقه ربنا يستر

سامح / قام بعصبيه ومسكها من دراعها وقال قسمآ عظمآ لو محترمتيش نفسك لامسح بكرامتك الارض

روز / شدت دراعها من أيده بعصبيه وقالت ايه الكلام بيوجعك اصل انت واحد ضعيف

سامح / وانتى واحده زباله ورخيصه

روز / الرخيصه دى اللى انت متجوزها عرفى

سامح / اشرف واحسن منك مليون مره

روز / ماهو الزباله مش بيشوف غير الزباله اللى زيه

سامح / رفع أيده ولسه هيضربها بالقلم

روز / مسكت أيده وقالت اياك تفكر تعملها ده انا اخلى دادى يمحيك من على وش الارض

سامح / داس على سنانه وقال بعصبيه ماشى يا روز حسابك معايا بعدين وبصلها من فوق لتحت ومشى

عبير / عدت من قصادهم وضحكة ضحكة استفزاز وقالت سموحتى استنا يا بيبى

روز / قعدت بغيظ على الكرسى

جهاد / اتفو عليكى بنأدمه زباله وقعدت هى كمان وقالت أهدى بقى يا روز الناس اتفرجت علينا

روز / انا كل ده لسه معملتش حاجه مبقاش انا لو مكنتش اخليه يقول حقى برقبتى

جهاد / هزت راسها يمين وشمال وقالت هى رحله مبصوص فيها وربنا

____________________________

فى القاهره

فى شقة توفيق

خرجت ريم من اوضتها وقالت

ريم / ماما انا نازله

نبيله / رايحه مدرستك يا حبيبتى

ريم / يا ماما اسمها جامعه مش مدرسه وبعدين انا النهارده مش رايحه الجامعه انا رايحه المكتب مع محمود

نبيله / ماشى يا حبيبتى ربنا معاكى

ريم / خرجت من الشقه واول مره متلاقيش محمود واقف ليها راحت خبطت على الباب وفتحت ليها سهى بصت ليها بغيظ وقالت لوسمحتى نادى محمود

محمود / خرج من الاوضه وقال معلش يا ريمو اتأخرت عليكى

ريم / لاء عادى بس لو خلصت يلا بينا

امينه / تعالى يا حبيبتى

ريم / معلش يا خالتى مره تانيه

محمود / خرج من الشقه وقفل الباب وراه

ريم / انا كل ما بشوف مرات اخوك دى ببقى عايزه انط فى كرشها من الغيظ تحس كده انها سهتانه على نفسها ولئيمه

محمود / ضحك وقال كل ده على مرات اخويه اللى هى بنت عمى ههههههههههه

ريم / اه مش عجبك

محمود / رفع أيده وقال عجبنى يا باشا وانا قولت حاجه

ريم / هههههههه ايوه كده ناس متجيش غير بالعين الحمرا

محمود / مينفعش طيب بالقلوب الحمرا أو حتى بدباديب حمرا ههههههههه

ريم / هههههه خفه

محمود / طبعآ ولا انتى شايفه غير كده

ريم / امشى بقى هنتأخر

محمود / لاء مش هنتأخر ولا حاجه ونزلو الاتنين راكبو تاكسى وراحو على المكتب ودخلو على مكاتبهم بس اتفاجئو بواحده قاعده على مكتب ريم، ريم بصت لمحمود بأستغراب

محمود / شهد انتى رجعتى امته

شهد / النهارده ولا مفكرنى مش راجعه خالص

محمود / احم مش قصدى ومبروك على الجواز

شهد / الله يبارك فيك عقبالك انت وبصت على ريم من فوق لتحت وقالت انت والقطه مش تعرفنا

ريم / كانت متغاظه من طريقة كلام شهد

شهد / اه يا قطه حجاتك مرميه فى الارض جنب المكتب اصل ده مكتبى من الاول ولا ايه يا حوده

ريم / اولا انا مش قطه انا أسمى ريم ثانيآ دى قلة ذوق منك لما ترمى حاجتى فى الارض ثالثآ بقى وده الاهم ان ده اسمه محمود مش حوده

شهد / هههههههههه لا تصدقى انا خوفت يا شرس انت هههههههههه

محمود / احم ت.ت.تعالى يا ريم اقعدى على مكتبى وانا هجيب كرسى واقعد معاكى على نفس المكتب

ريم / بصت بغيظ لشهد

محمود / امشى يا ريم

ريم / الحاجه بتاعتى

محمود / راح يجيبها

شهد / عملت نفسها بتقع ورمت نفسها فى حضن محمود

محمود / اتصدم من اللى حصل وبص لريم بتوتر وزق شهد

ريم / على فكره بقى حركاتك رخيصه اوى شبهك واللى انا شيفاه انك متجوزه احترمى حتى الراجل اللى شيلك اسمه

شهد / اوه سورى مكنتش اقصد وبعدين انا لسه متجوزه جديد إنما حوده قصدى محمود عشرة عمر وغمزت ليه وقالت ولا ايه حوده ههههههههههه

محمود / لنفسه نهار اسود ومنيل على اليوم اللى مش فايت وبعدين قال ا.ا اه طبعآ انتى اخت عزيزه على قلبى وفرحتلك اوى لما اتجوزتى

شهد / فرحت بجد طيب عينى فى عينك كده ههههههههه

محمود / مشى أيده على راسه من وراه وقال مش نشوف شغلنا ولا ايه وراح قعد جنب ريم

ريم / لو سمحت اقعد بعيد عنى

محمود / بأستغراب نعم

ريم / نعم الله عليك يا اخويه

محمود / انا طبعآ لو حلفتلك أن مفيش حاجه ما بنا مش هتصدقى وده حقك طبعآ بعد وقعتها فى حضنى دى

ريم / تعرف تشتغل وانت ساكت

محمود / مش هعرف وانا شايفك زعلانه منى

ريم / هو انت ينفع يتزعل منك ده انت ملاك ده انت حوده ولا ايه

محمود / امممم شامم ريحة تريقه بصى من الاخر دى من اللى كنت ماشى معاهم بس اقسم بالله انا سبتها من زمان ومفيش اى حاجه تربطنا ببعض

ريم / يمكن مفيش من نحيتك انت إنما هى فيه وفيه اسألنى انا

محمود / طيب انا ذنبى ايه انا مش شايف غيرك قدامى والله

ريم / ولا حاجه سبها ليا وانا هشوف شغلى معاها

محمود / ولعى فيها بس المهم متكونيش زعلانه منى انا

ريم / المهم الله يكرمك بلاش القلب الحونين بتاعك ده ولما هتكون هتوقع نفسها سبها تقع على جدور رقبتها

محمود / اياكش تتكسر رقبتها ونرتاح انتى تؤمرى يا قلب الحونين طيب بالنسبه ليكى مش ناويه تقعى فى حضنى

ريم / اسكت ومسمعش حسك فاهم

محمود / حاضر احببتى

ريم /هههههههه غلس وبدأو يشتغلو

___________________________

فى اسكندريه

فى فيلا عاطف

رجع عاطف بدرى من الشغل ومعاه شنط كتير فى أيده دخل وسأل على زهره والاولاد قالو انهم فى الاوضه بتاعتهم طلع الاوضه وسمع من بره صوت الاولاد وهما بيضحكو وصوت زهره وهى بتلعب معاهم فتح الباب ودخل

الاولاد جريو عليه وقالو

رائف وبيلار / بابا بابا هييييييا تعال يا بابا العب معانا

عاطف / حضنهم وباسهم وقال عاملين ايه

بيلار/ بسعاده فرحانين اوى يا بابا وماما علمتنا الرسم وحاجات كتير حلوه

عاطف / بجد

رائف / ايوه يا بابا وكمان حكت لينا عن مامتها واختها واخواتها الاتنين خالو شريف وخالو سامح

عاطف / بص لزهره وبعدين بص للاولاد وقال بس

بيلار / لاء وحكت لينا عن طنط ساره وعمو امير وعمو محمود

عاطف / اتغاظ وقال انا شايف ان دول اطفال مينفعش يتحكى ليهم عن الحب والمسخره

زهراء / بتوتر ا.ا.انا مقولتش ليهم عن حاجه انا كنت بعرفهم حياتى ازاى وكنت عايشه مع مين ومين الناس اللى اعرفهم مش اكتر

عاطف / ياريت ابقى اختارى المواضيع الصح اللى ينفع تتحكى للاولاد بعد كده

زهراء / ح.ح.حاضر

عاطف / طلع علبه من الشنط اللى معاه ومد أيده وقال خدى

زهراء / ايه ده

عاطف / ده تليفون جبته ليكى بالخط علشان لما تحبى تكلمى مامتك أو لو انا عايز اكلمك اعرف اوصلك بسهوله

زهراء / مدت ايديها وقالت ش.ش.شكرآ

عاطف / شد أيده تانى بالتليفون وقال بتحذير الرقم ده ميبقاش مع حد غير انا واخواتك ومامتك فاهمه

زهراء / هزت راسها بخوف وقالت ح.ح.حاضر

عاطف / وانا كلمت ناس هتسحب ورقك من الجامعه فى القاهره وهتجيبو ليا أقدمه ليكى هنا

زهراء / مش لازم مش فارقه

عاطف / مش دى اخر سنه ليكى

زهراء / ايوه

عاطف / يبقى خلصيها بالمره

زهراء / ح.ح.حاضر

رائف / يلا بقى نلعب يا بابا

عاطف / طيب ناكل الاول

رائف / ماشى

بيلار / امشى يا ماما جنب بابا وامسكى ايديه زى ماما التانيه كانت بتعمل

زهراء / بلعت ريقها وقالت ها وبصت لعاطف بتوتر

بيلار / يلا يا ماما ومسكت ايديها ومسكت ايد عاطف وحطتهم فى بعض وقالت هييييييا

عاطف / بص لزهره فى عينيها ومسك ايديها

زهراء / اتوترت وبصت للاولاد وضحكة بتوتر وقالت ا.ا.امشو قدامى يلا

بيلار ورائف / نزلو يجرو على تحت

زهراء / شدت ايديها من ايد عاطف ونزلت من غير ولا كلمه

عاطف / بص على زهره وهى نزله وبص على أيده اللى كانت ماسكه ايد زهره واتنهد ونزل وراهم اكلو وقضو اليوم لعب وضحك وهزار

___________________________

فى القاهره

نزل شريف علشان يقابل جدة لميس وراح على المكان اللى متفقين عليه ووصل وقعد وشويه وجت الجده وسلمت على شريف وقعدت

شريف / كان متوتر وقال اتشرفت بحضرتك

الجده / بلاش رسميات يا ولد قولى تيته زى لميس احسن املص ودانك

شريف / ده شرف ليا يا تيته والله

الجده / سيبك من الكلام المتزوق ده وقولى انت بتحب لميس بجد زى ما هى بتحبك

شريف / انا بموت فيها وربنا يعلم انا بحبها قد ايه وان هى معنى الحياة بالنسبه ليا

الجده / ولميس بتحبك من زمان اوى من قبل ما انت تحبها وانا تملى اللى كنت اقولها لو بتحبيه بجد اياكى تبعدى عنه مهما حصل وحاولى مره واتنين وتلاته لحد ما هو يعرف بحبك ليه ويوم ما تعبت ودخلت المستشفى بسببك كانت فقدت الامل أنك تحبها وكانت شبه ميته لحد ما انت جيت ورديت ليها روحها من تانى و وسكتت

شريف / وايه كملى يا تيته

الجده / لحد ما حصلت حاجه كسرتنا كلنا

شريف / خير يا تيته

الجده / بدموع لما انت مشيت من المستشفى الدكتور بعت لينا وقال إن لميس وسكتت شويه وكملت كلامها وقالت إن لميس عندها عضلة القلب ضعيفه وده اللى بيسبب ليها الإغماء تملى والاجهاد الواضح عليها علطول

شريف / بدموع القلب

الجده / ايوه والدكتور طبعآ بلغنا أن مينفعش تتجوز غير بشروط معينه علشان العلاقه الزوجيه مجهود وهى ملهاش المجهود وطبعآ ممنوع الحمل نهائى لميس متعرفش حاجه عن الموضوع ده والعلاج بتاخده فى العصير من غير ما تحس ولما ابوها شافكم بالمنظر ده خاف على بنته علشان كده بعدك عن بنته ومنع بنته تنزل كل ده علشان خايف على حياة بنته

شريف / بدموع وملهاش علاج او عمليه أو اى حاجه

الجده / طبعآ سألنا الاسأله دى

شريف / وقال ليكم ايه

الجده / العمليه فيها خطوره على حياتها واحنا مستحيل نعرضها للخطر بأيدينا والعلاج علشان يخفف التعب عليها وعلشان عضلة القلب متضعفش اكتر من كده

شريف / سكت ومتكلمش

الجده / شيفاك سكت هترضى تتجوز واحده عندها القلب وتتحرم من الاولاد وتبقى حياتكم مختلفه تمامآ عن اى زوجين عادين ولا معندكش استعداد لده

شريف / سكت ومردش عليها

الجده / وقفت وقالت ردك وصلنى

شريف / استنى يا تيته انا بحب لميس ومستحيل ابعد عنها مهما حصل انا ساكت بس مصدوم ومش قادر أصدق اللى سمعته ده

الجده / يعنى لسه عايز تتجوزها بعد اللى سمعته ده

شريف / متمسك بيها اكتر من الاول

الجده / انا مش عايزاك تتجوزها شفقه ولا علشان صعبانه عليك

شريف / لاء طبعآ ولا ده ولا ده يا تيته انا بحبها بجد من قلبى ومستعد اضحى بعمرى كله علشانها

الجده / خلاص سيبنى اكلم ابوها وأقنعه وهكلمك واقولك تيجى تتقدم ليها امته

شريف / بفرحه ربنا يخليكى لينا يا تيته واوعدك هخليها اسعد واحده على الأرض وهى تكون بنتى واختى وامى وحبيبتى وكل ما ليا فى الدنيا دى

الجده / ربنا يسعدكم يارب ويبارك فيك يا حبيبى لما اقوم انا

شريف / اجى واصلك

الجده / معايا العربيه يا حبيبى مع السلامه وسابته ومشيت وهو دفع الحساب ووقف تاكسى وروح على البيت

__________________________

بقلمى دودومحمد

🌹فتاة انحنت من أجل الحب🌹

🌷الفصل الخامس وعشرون🌷

فى الغردقه

دخل سامح اوضه وهو متعصب من افعال روز وقعد يحدف كل حاجه على الأرض وفى الوقت ده الباب خبط فتح الباب وقال بعصبيه

سامح / عبير انا مش ناقص قرفك جايه ورايا ليه

عبير / يعنى انا غلطانه علشان جيت اطمن عليك

سامح / بغيظ عبير قولتلك خرجينى من دماغك انا مش بحبك افهميها بقى يا شيخه

عبير / بس انا بحبك

سامح / غمض عينه وداس على سنانه وقال عبير امشى حالا بدل ما تشوفى منى حاجه مش هتعجبك

عبير / انت مش عايز تنتقم من روز علشان لعبة بمشاعرك انا هساعدك على كده

سامح /شكرآ مش محتاج مساعده منك

عبير / اسمعنى بس احنا نمثل قدامها اننا بنحب بعض وهى كل ما هتشوفنا مع بعض هتتغاظ لان انت كده هتوريها انها بالنسبه ليك ولا حاجه

سامح / لا انتى ولا هى تخصونى فى حاجه ابعدى عن طريقى يا عبير وقفل الباب فى وشها

وفى الوقت ده كانت روز وجهاد ماشين من قدام الاوضه وشافو عبير والباب بيتقفل

عبير / عملت نفسها انها لسه خارجه من اوضت سامح وأنها بتظبط هدومها

جهاد / بنأدمه رخيصه

عبير / سامح ده شقى خالص ههههههههه وسابتهم ومشيت

روز / دموعها نزلت وطلعت تجرى على الاوضه بتاعتهم

جهاد / اشوفك ولعه فى نار جهنم يا بعيده وطلعت تجرى وراه روز ودخلت الاوضه وقعدت جنبها وقالت انتى بتعيطى ليه دلوقتى

روز / بدموع صعبان عليا نفسى اوى يا جهاد ازاى كنت عاميه ومش شايفه قد ايه هو انسان واطى وميعرفش حاجه عن الاخلاق

جهاد / انا برضه مش مصدقه ان مستر سامح بالاخلاق دى الموضوع فيه حاجه غلط اقسم بالله

روز / ليه مشفتهاش وهى خارجه من اوضه وبتظبط هدومها ازاى

جهاد /شوفتها بس قلبى وعقلى رافضين يصدقو الموضوع ده ومكدبين عينى واللى بشوفو ده

روز / والله بقى انتى حره تصدقى ولا لاء إنما أنا مش هكدب عينى واللى بشوفو وهعرفو تبقى مين روز هو مفكرنى عيله ويقدر يلعب بيا ماشى انا هوريه العيله دى تقدر تعمل فيه ايه وسابتها ودخلت الحمام

جهاد / ده احنا داخلين على ايام فله شكلنا وغيرت هدومها واترمت على سريرها

_____________________________

فى القاهره

فى شقة امير

كان كلهم قاعدين بياكلو

امير / اعملو حسابكم اننا هنسيب هنا اخر الاسبوع ده وهننقل الفيلا

ساره / بزعل بسرعه كده

محمود / ما تخلينا هنا يا أمير مش لازم يعنى نعيش فى فيلا احنا مرتاحين كده

امير / ويعنى انا بعمل كده ليه مش علشان انقلكم لمستوى احسن من اللى انتو فيه

ساره / افتح الشركه وكبرها بس خلينا هنا الله يخليك مش هاين عليا اسيب الحاره والناس اللى فيها

امير / بكره تتعودى على المكان اللى هنرحو فيه

محمود / طيب وشريف وسامح وريم وخالتى نبيله

امير / مالهم

محمود / مش هيجو معانا

امير / ياريت يرضو بس خالتى نبيله مش هترضى تسيب الشقه هنا

ساره / ولا شريف ولا سامح مش هيرضو يجو يعيشو معانا فى الفيلا

محمود / انا مش متخيل هقدر اعيش بعيد عنهم ازاى

ساره / عنهم هما برضو ولا قصدك على ريمو

محمود / خفه وبص لامير وقال امير جوزنى ريم

امير / معنديش اى مشكله بس هما مش هيوافقو

محمود / ليه بس انا بحب ريم وريم بتحبنى يبقى ليه هيرفضو

امير / بص ليه بوجع وقال علشان انت عارف اللى حصل

محمود / لاء ده ملهوش دعوه بده واكيد شريف وخالتى مش هيرفضو ممكن اللى يعارض سامح وشريف هيقدر يخليه يوافق

امينه / انا هكلم نبيله بكره

محمود / ايوه بقى ربنا يخليكى ليا يا ست الكل

امير / وانا هكلم شريف

محمود / لاء بقى ده انا اقوم ارقص بقى لولولولولولوى

ساره / هههههههههه ربنا يكملك بعقلك يا اخويه الربع اللى حلتك طار هههههههههه

محمود / بس حاولو تخلو الفرح اقرب وقت ممكن لو ينفع يبقى بكره بليل يا سلاااااااام

امير / والله طيب ما تخلى الفرح دلوقتى

محمود / يا سلاااااااام اخويه حبيبى كفاءة تعملها انا عارف قوم يلا قوم بقى بسرعه

امير / اقوم فين يا متخلف انت انا بتريق عليك يا عبيط اخواتك

ساره / هههههههههه الواد اتلحس مخه ههههههههه

محمود / من الاخر كده انا مش هتحرك من الشقه دى غير لما ريم تبقى مراتى وتيجى معانا الفيلا

امينه / مش هنلحق فى أسبوع يا حبيبى وانا بوعدك ان ريم هتكون ليك وفى اقرب وقت

امير / وبعدين انت ناسى أن سامح مش هنا لما يرجع نبقى نعمل الخطوبه

محمود / اييييييه خطوبه لاء طبعآ طيب خليها كتب كتاب وبعد شهر نعمل الفرح

امير / ربنا يصبرنى عليك بجد

ساره / سكته ليه يا سهى ومش بتتكلمى معانا ولا حتى بتاكلى

سهى / ها م.م.مفيش هقول ايه بس انا بسمعكم والاكل اكلت الحمدالله

امينه / اكلتى ايه انتى مأكلتيش حاجه خالص

سهى / اكلت على قد نفسى يا مرات عمى

ساره / انتى وشك اصفر خالص يا بنتى انتى تعبانه ولا ايه

سهى/ لاء الحمدالله ا.ا.انا كويسه

امينه / لتكونى حامل

سهى / بصت لامير واتكسفت ومردتش عليها

امير / احم م.م.ماما حمل ايه اللى انتى بتقولى عليه ده احنا لسه متجوزين

امينه / وفيها ايه كتير بتحصل من اول يوم جواز

امير / لاء يا ماما مفيش حمل ولا حاجه

امينه / ليه ده حتى وشها اصفر ورافضه الاكل ودى اعراض حمل

سهى / وقفت وقالت ا.ا.انا هنام تصبحو على خير وسابتهم ودخلت الاوضه

امير / حرجتيها يا ماما وخصوصآ محمود قاعد

امينه / يوه وانا قولت ايه ده يوم المنى لما تطلع حامل واشوف ليك عيل

امير / وقف وهز راسه رافض كلام أمه ودخل اوضه

ساره / ليه يا ماما حرجتيهم بس وبعدين دى حاجه تخصهم واكيد لو فى حمل ولا حاجه اكيد هيقولو مش هيخبو

وقامت دخلت اوضتها

محمود / كان عارف اللى فيها بص لأمه وقام نام على الكنبه

امينه / لنفسها وانا كنت قولت ايه بس ولا غلط فى ايه ام وعايزه تشوف حفيد ليها وقامت شالت الاطباق ودخلت اوضتها

____________________________

فى اوضت امير

دخل امير الاوضه وقفل الباب وراه لاقى سهى نايمه على السرير وعماله تعيط قعد جنبها على السرير وطبطب عليها وقال

امير / انا اسف نيابة عن امى متزعليش منها هى متعرفش

سهى / قعدت وقالت انا مش زعلانه منها هى معذوره متعرفش اللى بينا انا زعلانه على اللى عملتو فى نفسى لما سلمت جسمى لحد من غير اى حاجه رسمي وحطيت نفسى فى موقف زى ده

امير / محدش مننا معصوم من الغلط وانتى غلطى واتعلمتى من غلطك وربنا غفور رحيم

سهى / بس حياتى انتهت على كده يا امير

امير / وليه متقوليش أن ربنا عمل كده علشان تبدأى حياة جديده مفيهاش ماضى ووجع ليكى

سهى / بعد ما أطلق منك انا هبقى فى عين الكل واحده مطلقه وهيجى ليها واحد كبير فى السن أو واحد متجوز وعايز يتجوزنى على مراته يعنى هكون زوجه تانيه أو واحد جرب حظه وربنا لسه مكرمهوش بأطفال يجى يتجوزنى علشان يجرب حظه معايا فى الخلفه ليه علشان بقيت واحده مطلقه وملهاش حظ تجرب حياه مع شاب فى سنها أو تتحب زى البنات اللى فى سنها وهفضل فى عينك يا أمير البنت اللى سلمت جسمها لراجل تانى وانت داريت على فضحتها وان انا كنت السبب فى بعد حبيبت

امير / قطعها وقال متكمليش يا سهى كل شئ قسمه ونصيب وانا مليش نصيب فيها أما انتى ايه فى نظرى انتى بنت ضحية الحب زى اى بنت بيضحك عليها بحجة الحب وياخد منها اللى هو عايزه وبعد كده الجدع يلاقيه وده ذنب الأهالى اللى مش بتوعى بناتها وتعرفها ازاى تقدر تحافظ على نفسها من الذئاب البشريه ولما بناتهم تقع فى المحظور يجو يحطو عليهم ويعقبوهم على اللى حصل يعنى انا شايف الغلطان الاول والاخير فى الموضوع ده الأمهات

سهى / يعنى انت شيفنى ازاى يا أمير

امير / انتى بنت عمى اللى هفضل واقف جنبها واحميها مهما حصل

سهى / بس

امير / فهم وقال سهى انا وزهره بعدنا عن بعض وهى بقت من نصيب واحد تانى بس حبها فى قلبى زى ما هو وصعب افكر فى حد غيرها مهما حصل وانتى لما طلبتى منى اتجوزك قولتلك أن انا بحب واحده ومهما حصل هفضل احبها انا هفضل جنبك واحميكى ولو مش عايزه تطلقى مش هطلقك بس اكتر من كده مش هقدر صدقينى انا هفضل لزهره وبس حتى لو هى مش ليا

سهى / ضحكة بحزن وقالت يا بختها بحبك انا لو مكانها كنت عمرى ما فكرت ابص لحد غيرك

امير / طبطب عليها وقال نامى يا سهى ومتفكريش فى حاجه واتأكدى أن انا هفضل جنبك فى اى وقت تصبحى على خير

سهى / نامت على السرير وقالت وانت من أهله

امير / نام على السرير وبص على سهى وهى نايمه بزعل وقال لنفسه ياريت كنت اقدر انساها يا سهى واعيش مع حد غيرها بس زهره حبها بيمشى فى دمى بيمشى فى عروقى حبها حته منى وفيا ياريت اقدر اسعدك يا سهى ياريت وغمض عينه ونام

___________________________

فى اسكندريه

فى فيلا عاطف

دخلت زهره الاوضه مع الاولاد نيمتهم بعد يوم طويل كان كله لعب وضحك وهزار قامت من جنب بيلار وخرجت وقفلت الباب وراها ودخلت الاوضه بس اتفاجئت بعاطف وهو خارج من الحمام وهو صدره عريان وحاطط على وسطه البشكير اتكسفت ولسه هتخرج

عاطف / رايحه فين

زهراء/ وهى مكسوفه ومن غير ما تبص ليه قالت ا.ا انا خارجه بره م.م.مكنتش اعرف احم انك بتاخد شاور

عاطف / ادخلى يا زهره انا مش حد غريب انا جوزك

زهراء / ها ق.ق.قصدك ايه

عاطف /بعصبيه مش كل ما اقولك كلمه تقوليلى قصدك ايه انا مش كل كلمه لازم ابرر ليكى معناها

زهراء / ا.ا.اسفه مقصدش حاجه عن اذنك ولسه هتخرج

عاطف / راح عندها وشدها من دراعها ودخلها الاوضه وقفل الباب وسندها عليه وحط أيده الاتنين على الباب وهى ما بنهم وبص فى عينيها وقال انتى ليه مش بتسمعى الكلام من اول مره انا لو عايز اخد حاجه منك هاخدها لان ده حقى بس انا قولتلك قبل كده سبب جوازى منك يعنى مش علشان اللى فى دماغك

زهراء / اتصدمت من اللى حصل وبلعت ريقها بصعوبه وقالت ا.ا.انا عارفه ب.ب بس اتكسفت من منظرك و.و وانت كده

عاطف / قرب اكتر ليها وقال يعنى انتى عايزه تقنعينى ان عمرك ما شفتى راجل صدره عريان

زهراء/ بتوتر ق.ق.قصدك ايه على فكره ا.ا انا محترمه

عاطف / قرب اكتر ومبقاش فيه مسافه ما بنهم وقال وانا مقولتش انك مش محترمه انا اقصد فى التلفزيون فى مسلسل فى فيلم

زهراء / ا.ا.اكيد يعنى شوفت فى التلفزيون بس م.م.مش على الطبيعه ز.ز زيك كده

عاطف / وهو بيقرب وشه ليها قال طيب يعنى شوفتى اهو ولا مشبهش بتوع الافلام والمسلسلات التركى اللى بتشوفيهم

زهراء / ها

عاطف / قرب من شفايفها ولسه هيبوسها

زهراء / زقته وقالت ا.ا.ابعد عنى

عاطف / غمض عينه واتنهد وبصلها بعصبيه وقال مش عايزه علشان لسه بتحبيه صح عايزه تحافظى على نفسك ليه مش عايزه حد يلمسك غيره

زهراء / بدموع ايوه يا عاطف لسه بحبه وجسمى ده عمره ما هيكون ليك ولا هتلمس شعره منى انا بحب امير يا عاطف بحبه وانت واخدنى وعارف كده وقبلت بكده يبقى متجيش تلوم عليا لانك انت كمان بتحب مراتك ومخلص ليها ولا انت شايف ايه وفتحت الباب ونزلت تجرى وهى بتعيط

عاطف / بص على الباب وهو مفتوح ومسك الصوره اللى على الكومدينو وحدفها مكان ما كانت زهره وقفه وقعد على السرير وحط راسه ما بين ايديه

____________________________

عند زهراء

نزلت تجرى من الاوضه وهى دموعها على خدها وقعدت على الكرسى اللى عند حمام السباحه وقالت بدموع

زهراء / مهما يحصل هفضل أحبه عمرى ما هقدر انساه حبه بيجرى فى دمى بيمشى فى عروقى حبه عايش فيا ومعايا بحاول انسا بس ازاى وهو صورته قصاد عيونى تملى قلبى بيتقطع من جوايا امير واحشنى اوى اوى وقعدت فى الارض وقعدت تعيط وفى الوقت ده حست بأيد على كتفها بصت لفوق وعينيها كلها دموع

عاطف / شدها وقفها وشدها فى حضنه وقال انا اسف بجد مكنتش اقصد انا وعدك ان هنسيه ليكى الاول بس اندفعت انا اسف ليكى بجد

زهراء / قعدت تعيط وقالت انت شوفت بعينك وجعه ليا قد ايه بس رغم كل ده مش قادره أكرهو بلعكس بعدى عنه خلانى احبه اكتر من الاول كمان عارفه أن انت خايف على الاولاد بس انا برضه اتعلقت بيهم وبقو حاجه اساسيه فى حياتى ومقدرش ابعد عنهم بس انا بتعذب من جوايا يا عاطف

عاطف / انا معاكى وجنبك وهفضل وراكى لحد ما تنسيه يا زهره بس عايزك تساعدينى فى كده

زهراء / اساعدك ازاى يعنى

عاطف / حاولى تشغلى نفسك بأى حاجه تانيه وبلاش تفكرى فيه خليكى تملى حاطه قدام عينك جرحه ليكى أن هو محاولش يتمسك بيكى وباعك بسهوله واتجوز غيرك حاولى تفكرى فيا اكتر ا.ا اقصد فى الاولاد اكتر هما حبوكى ومحتاجينك جنبهم بجد

زهراء / بعدت عن حضنه ومسحت دموعها وقالت هحاول

عاطف / وانا هساعدك يلا علشان ننام

زهراء / هزت راسها وقالت يلا

عاطف / امشى قدامى

زهراء / مشت قدام عاطف وطلعو الاوضه ونامت زهراء على الكنبه ونام عاطف على السرير

عاطف / زهره

زهراء / نعم

عاطف / لسه زعلانه منى

زهراء / لاء يا امير وسكتت شويه وقالت قصدى يا عاطف

عاطف / قفل ايده بعصبيه وغمض عينه علشان يهدا شويه وقال ماشى يا زهره نامى تصبحى على خير

زهراء / وانت من أهله وغمضت عينيها ونامت

عاطف / قعد يبص عليها وهى نايمه لحد ما عينه راحت فى النوم

____________________________

فى القاهره

فى شقة توفيق

دخل شريف اوضه وقعد على السرير بحزن ودموعه نزلت منه وقال

شريف/ يارب متوجعش قلبى عليها انا اموت لو حصلها حاجه يارب لو في حاجه هتوجعها هاتها فيا وبلاش هى يارب انا بحبها ومقدرش استحمل وجعها ولا أشوفها بتتألم قدامى

وفى الوقت ده تليفونه رن لاقه رقم اللى اتصلت منه لميس الصبح رد بلهفه وقال ايوه يا عمرى واحشتينى

لميس / انت اكتر بتعمل ايه

شريف / بحب بفكر فيكى

لميس / بجد اوعى تكون بتضحك عليا وبتفكر فى حد تانى اموتك

شريف / هههههههه وانا عنيا مش شايفه غيرك فى الدنيا دى

لميس / بحبك اوى يا شيفو ونفسى بقى يجى اليوم اللى هنكون مع بعض علطول وابقى جنبك وفى حضنك

شريف / وانا بحلم باليوم ده اكتر منك ربنا يقرب البعيد ويهدى ابوكى

لميس/ يارب يا شيفو صحيح عملت ايه فى موضوع الشغل

شريف / امير هيدخلنى شريك معاه فى الشركه الجديده بتاعته انا بالمجهود وهو بالفلوس

لميس / بفرحه بجد والله العظيم امير ده جدع ومفيش زيه بس انتو هتتعبو شويه لان مفيش حد كبير يسندكم ويدعمكم بأسمه

شريف / ربنا كبير يا حبيبتى وان شاءالله نقدر نكبرها من غير ما نحتاج لحد يساعدنا

لميس / طبعآ يا حبيبى انا واثقه فيكم وعارفه انكم هتقدرو تكبروها وان شاءالله لما اكون مراتك مش هسيبك ابدآ وهشتغل معاكم فيها

شريف / إن شاءالله يا حبيبتى

لميس / لازم اقفل قبل ما حد يشوفنى وانا بكلمك وانا كل ما اقدر اكلمك من تليفون تيته هكلمك

شريف / ماشى يا حبى وبلاش تتعبى نفسك تصبحى على خير

لميس / وانت من أهله

شريف / لميس

لميس / نعم

شريف / خلى بالك على نفسك بحبك

لميس / حاضر سلام

شريف / قفل مع لميس وبص على التليفون مده طويله وغمض عينه واتنهد ونام

_____________________________

اشرقت شمس صباح يوم جديد بنورها الساطع فى سماء الغردقه

لتبدأ جهاد بفتح عيونها بصت على روز لاقتها لسه نايمه قامت دخلت الحمام اخدت شاور واتوضت وخرجت لبست هدومها وأدت فرضها وبصت على روز لاقتها لسه نايمه فتحت الباب وخرجت خبطت على باب اوضت سامح

سامح / فتح ليها وقال جهاد خير

جهاد / ممكن اتكلم مع حضرتك يا مستر

سامح / لو بخصوص موضوع روز انتهى الكلام يا جهاد

جهاد / هو بخصوصه بس عايزه حضرتك تسمعنى الاول وبعد كده ابقى أنهى الموضوع براحتك

سامح / هنا

جهاد / لاء طبعآ انا هنزل استنا حضرتك تحت وسابته ونزلت

سامح / قفل الباب واتنهد وغير هدومه ونزل دور على جهاد وشافها قاعده على الطرابيزه راح عندها وقعد وقال خير يا جهاد عايزه تقولى ايه

جهاد / بص حضرتك انا هحكيلك موضوع الرهان من أوله وابقى رد عليا فى اخر الكلام

سامح / انتى مهما قولتى مش هيغير معايا حاجه

جهاد / ماشى اسمعنى الاول

سامح/ اتفضلى

جهاد / هو فعلا احنا اترهنا عليك فى الاول وكانت روز عايزه تنتقم منك بسبب انك بتستقصد تجرحها بالكلام علطول وكنا وخدنها هزار لحد ما حضرتك روحت أدتها الدرس فى الفيلا وقربت ليك وبقت تشوفك على حقيقتك بدأت تحبك بجد وكانت علطول تكلمنى بعد ما حضرتك تمشى من عندها وتكون فى قمة سعادتها واحده واحده بقيت حضرتك شئ اساسى فى حياتها ولما كنت تغيب عنها تبقى هتموت عليك وتفضل تسأل عليك شبه العيل الصغير التايه من امه وانا جيت فى يوم وسألتها على الرهان اللى ما بنا قالت ليا انها بتحبك بجد وان مش مهم عندها الرهان وأنها اسعد واحده على الأرض علشان انت اعترفت ليها بحبك وكانت سعيده جدآ لحد امبارح الصبح قبل ما يحصل اللى حصل ومن ساعتها وهى دموعها على خدها مفرقتهاش ولا ثانيه واحده

سامح / والمطلوب منى ايه اصدق كلامك واروح أجرى عليها واقولها انا اسف يا حبيبتى ظلمتك ولا اعمل ايه انتو شوية عيال وانا ادتكم اهتمام منى زياده عن اللزوم متنسيش انك كنتى شريكه ليها فى لعبتها

جهاد / والله حضرتك حر تصدق ولا متصدقش بس بجد لو فضلت على موقفك ده هتخسر كتير هتخسر قلب حبك بجد روز على فكره قلبها ابيض جدآ وبتعشقك ومخلصه ليك ولو خسرتها بجد هتندم ندم عمرك عليها لانك مش هتعرف تعوضها تانى

سامح / انا لا عايز اعوضها ولا اعوض غيرها انا غلطان من الاساس لما سبت قلبى ليها لحتة عيله لا راحت ولا جت انا استاهل كل اللى بيحصلى لأن انا واحد ضعيف

جهاد / على فكره يا مستر عمر الحب ما كان ضعف الحب قوه ما بين طرفين مش هتفرق مين الضعيف فيكم لان الطرف القوى تملى بيقوى الضعيف وانت وروز بتحبو بعض بجد بس بتعاندو ولو العند دخل ما بنكم هتخسرو كل شئ فى ناس كتير بتتمنا تعيش قصتكم بس مش طايله وفى ناس بتحب من طرف واحد وشايفه حبيبها مع حد غيرها ومع ذلك عايشه وبتتمنا تكون زيكم حافظو على النعمه اللى فى ايديكم علشان متندموش بجد ولسه هتقوم لاقت روز واقفه وراهم ودموعها نازله منها قالت روز انتى هنا من امته

روز / كفايه يا جهاد مش هتشحتى منه الحب انا اللى مش عايزاه ومن النهارده هشيلو من حياتى خالص وطلعت تجرى على الاوضه

جهاد / بصت ليه وقالت الحق حبك بدل ما يضيع من بين ايديك وسابته وطلعت تجرى وراها

سامح / بص على روز وهى بتجرى ومسك دموعه بالعافيه ولسه هيقوم وراها

عبير / اوعى يغرك تمثيلهم واضح اوى أنهم متفاقين مع بعض وتمثيلهم اوفر الصراحه صدقنى انا بيلعبو بيك زى الكوره وبيحدفوك لبعض وفى الاخر هتبقى مضحكه لكل

سامح / داس على سنانه وقال امشى يا عبير من قدامى

عبير / قعدت قدامه وقالت صدقنى مش بيفهم الواحده غير واحده زيها ودى ولا بتحبك ولا حاجه وبيلعبو بيك وانا علشان بحبك وخايفه عليك بقولك بلاش توصلهم اللى هما عايزينه ومسكت ايديه وقالت حتى لو مش هتكون ليا هفضل احبك واخاف عليك

سامح / بص على ايد عبير اللى ماسكه أيده وغمض عينه وسحب أيده من ايديها وقال عبير سبينى لوحدى شويه

عبير / مسكت ايديه وبستها وقالت حاضر وسابته ومشيت وهى بتضحك ضحكة شر بأنتصارها

سامح / حط أيده على وشه وقال مالك يا سامح بقيت لعبه فى ايد العيال ليه بقيت ضعيف اوى كده ليه بيحدفوك لبعضيهم زى الكوره وانت مفيش منك رد فعل سيبهم يلعبو بيك فوق يا سامح وارجع لشخصيتك زمان فوق وقام طلع على اوضه غير هدومه وحط هدومه فى الشنطه وقفلها واخدها ونزل علشان يرجع القاهره

___________________________

عند روز

دخلت الاوضه وهى منهاره مسكت شنتطها وحطت الهدوم بتاعتها فيها

جهاد / دخلت وقالت بتعملى ايه يا مجنونه

روز / هرجع القاهره مش هقعد هنا معاه ولا ثانيه

جهاد / يا بنتى أهدى كده هترجعى القاهره ازاى المشرفين مش هيرضو

روز / محدش ليه عندى حاجه وقفلت شنتطها وشالتها وفتحت الباب ونزلت

جهاد / نهار اسوح عليا اصبري طيب يا مجنونه هاجى معاكى وحطت هدومها فى الشنطه اى حاجه وقفلتها نص قافله ونزلت تجرى وراه روز وقالت استنى يا بنتى هنرجع ازاى القاهره

روز / معرفش بأى طريقه المهم مقعدش فى مكان فيه البنأدم ده

جهاد / تعالى نركب الاتوبيس سوبر جيت

روز / اى حاجه

جهاد / تعالى طيب نحجز التذاكر ونستنا

روز/ ماشى يلا وركبو تاكسى وراحو حجزو التذاكر وقعدو لحد ما جه معاد الاتوبيس وركبو الاتنين ومكنش فيه اماكن جنب بعض قعدت روز على كرسى جنب واحد وقعدت جهاد على كرسى تانى جنب واحده ومشى الاتوبيس بيهم روز كانت مضايقه من اللى قاعد جنبها علشان واخد المكان كله بصت ليه بغيظ وهو كان لابس كاب وباصص من الشباك

روز / لو سمحت ممكن تدخل جوه شويه علشان مش

الفصل السادس والعشرون من هنا

رواية فتاة انحنت من أجل الحب

الفصل السادس والعشرون 26 والسابع والعشرون 27

بقلم دودو محمد

فى القاهره

فى شقة امير

صحى امير من نومه على صوت سهى وهى بتعيط وبتصرخ وهى نايمه قام جرى وراح عندها وقعد جنبها على السرير وقعد يخبط على وشها ويقول

امير / سهى اصحى يا سهى انتى بتحلمى سهى اصحى

سهى / صحيت من نومها مفزوعه واترمت فى حضن امير ومسكت فى هدومه وقعدت تعيط

امير / شششش أهدى يا سهى انتى كنتى بتحلمى

سهى / بدموع د.د.ده كابوس ا.ا.انا ك.ك.كنت بموت يا أمير ابويه ك.ك.كان بيقتلنى اه طخنى بالنار لما عرف الحقيقه ايوه حسيت بالرصاصه دخلت جسمى يا أمير

امير / ده حلم يا سهى وانتى كويسه اهو ومفكيش حاجه أهدى بس واستعيذى بالله من الشيطان الرجيم

سهى / اعوذ بالله من الشيطان الرجيم اعوذ بالله من الشيطان الرجيم

امير / لسه هيقوم

سهى / لالالا متسبنيش لوحدى وحياة اغلى حاجه فى حياتك خليك جنبى

امير / انا كنت هقوم اجبلك مايه

سهى / لالالا مش عايزه خليك جنبى بس وحطت راسها فى حضن امير

امير / بص لسهى بأستغراب وقرب أيده ببطئ ليها وطبطب على كتفها وقعد يفكر فى حالة سهى وقد ايه بتتعلق بى وهو مش شايف غير زهره قصاد عينه

سهى / تعرف يا أمير انا بقيت مش بحس بالأمان غير وانا معاك

امير / غمض عينه بزعل وقال سهى انا

سهى / قطعته وقال عارفه هتقول ايه يا امير متقلقش حتى لو طلقتنى دلوقتى مش هزعل لان انت كنت صريح معايا من الاول وده حقك ايه يغصبك تعيش حياتك مع واحده باعت شرفها لراجل غيره

امير / انتى عارفه يا سهى أن انا عمرى ما بصيت ليكى كده بس انا امبارح قولتلك ان بحب زهره

سهى / زهره زهره هى فين زهره ها زمانها نايمه فى حضن جوزها وسعيده ومبسوطه وانت ولا فى دماغها

امير / قام وقف وقال اسكتى يا سهى اسكتى

سهى / وقفت وقالت لاء مش هسكت يا أمير وواجبى اقف جنبك وافوقك لازم تعيش حياتك بطبيعتها وتنسى زهره لأنها نسيتك وعايشه حياتها سعيده ومبسوطه بتاكل وبتشرب وبتخرج وبتنام فى حضن حبيبها وكأنها عمرها ما حبيت قبل كده فى حياتها اما انت ايه عايش ليها بتفكر اربعه وعشرين ساعه فيها وراحت فتحت الدولاب وطلعت صورتها وقالت علطول ماسك صورتها وبتكلمها كأنها موجوده وسمعاك بتحاول تكتم الوجع فى قلبك وداريه انساها وعيش حياتك زى ما هى نسيتك وعاشت حياتها

امير / كان بيسمع الكلام ده وبيمسك فى دموعه بصعوبه فى عينه علشان متنزلش ومره واحده رفع أيده وضرب سهى بالقلم وقال كفايه كفايه

سهى / اتفاجئت بالقلم على وشها وحطت ايديها على خدها وقالت بتضربنى يا أمير علشان عايزه مصلحتك

امير / بصلها وهو عينه كلها دموع وفتح الباب وخرج دخل الحمام وقفل الباب عليه وقعد يعيط

سهى / قعدت على السرير مصدومه من اللى حصل وايديها على خدها ودموعها نزلت منها

____________________________

فى شقة توفيق

صحى شريف على صوت تليفونه رد بسرعه وقال

شريف / صباح الخير يا قلبى

الجده /صباح النور يا روح قلبى

شريف / احم انا اسف بحسبك لميس

الجده / بهزار يعنى انا مش قلبك صدمتنى

شريف / هههههههه انتى طبعآ قلبى ده انتى جدة نور عيوني لميس

الجده / يا سيدى يا سيدى يا ولا اختشى راعى أن انا جدتها برضه

شريف / بس عسل وبموت فيكى

الجده / اه منك يا خلبوص اكلت بعقلى الحلاوه معذوره لميس علشان بتحبك الحب ده كله ههههههههه

شريف / انا ده انا غلبان

الجده / هههههههه اوى المهم انا كلمة ابو لميس عليك واقنعته بيك اتشطر انت بقى وهات أهلك كمان يومين وتعال اتقدم

شريف / بفرحه بجد يا تيته احلفى أن ابوها وافق اوعى تكونى بتهزرى معايا

الجده / انت مخك اتلحس ولا ايه يا واد بقولك وافق وافق خد لميس بنفسها تقولك اهى

لميس / مبروك يا حبيبى

شريف / بدموع انا مش مصدق نفسى يا لميس يعنى خلاص هتبقى بتاعتى انا هتكونى نصيبى مش قادر اصدق والله العظيم تيته دى عسل ربنا يخليها لينا ويطول فى عمرها يارب

لميس / ههههههههه براحه على نفسك يا حبيبى انا خايفه تحصلك حاجه من الفرحه

شريف / مش قادر اصدق نفسى يا لميس

لميس / ولا انا والله وحاسه أن قلبى هيقف عليا من الفرحه

شريف / بخوف ولهفه بعد الشر عليكى يا حبيبتى ابوس ايدك خلى بالك على نفسك بصى بلاش تفرحى اوى اهم حاجه متعمليش مجهود بصى ادينى تيته

لميس / مالك يا شريف بتتكلم كأنى تعبانه ولا فيا حاجه انا كويسه يا ابنى ومش فيا حاجه انا بشبه ليك بس ان انا فرحنا اوى ومش مصدقه نفسى

شريف / ها م.م.ما انا عارف انك كويسه بس انا علشان بحبك اوى بخاف عليك من اقل حاجه حتى من الفرحه الزياده

لميس / ربنا يخليك ليا يا حبيبى يارب اليومين دول يعدو بسرعه بقى علشان انا هتجن عليك

شريف / وانا والله يا حبيبتى هموت عليكى

الجده / هاتى التليفون بقى انتى ما صدقتى مسكتيه وقالت خلاص يا ولا روح شوف وراك ايه

شريف / تيته خلى بالك على لميس واديها العلاج اوعى تنسى

الجده / لميس فى عنيا انت هتوصينى على حفيدى نور عنيا

شريف / ربنا يخليكى لينا يا تيته فى رعاية الله مع السلامه وقفل مع الجده وقام يجرى من اوضه وقال يا ام شريف انتى فين يا اما

نبيله / خرجت من المطبخ وهى مخضوضه وقالت فى ايه يا ابنى

شريف / بفرحه ابو لميس وافق على الجواز يا ماما وهنروح كمان يومين نتقدم ليها

نبيله / بفرحه بجد ربنا يسعدك ويهنيك يا ابن بطنى يارب

شريف / اخيرآ يا ماما هنتجمع انا ولميس فى بيت واحد مش مصدق نفسى بجد حاسس أن انا طاير من الفرحه

نبيله / إن شاءالله يا حبيبى يجمعكم بالحلال ويرزوقكم الذريه الصالحه يارب

شريف / افتكر حالة لميس قال ش.ش.شكرآ يا ماما ومتنسيش تبلغى زوزو بالكلام ده وانا هكلم سامح واخليه يحاول ينزل بدرى من الرحله علشان يجى معانا

نبيله / ماشى يا حبيبى

وفى الوقت ده خرجت ريم من اوضتها وقال

ريم / هو فى ايه يا أبيه

شريف / بفرحه بركى لاخوكى يا ريمو اخيرآ ابو لميس وافق على الجواز

ريم / بفرحه بجد مبروك يا أبيه بجد لميس طيبه أوى وتتحب

شريف / وهى بتحبك اوى يا ريمو

ريم / ربنا يسعدكم يا أبيه

شريف / عقبالك يارب يا ريمو واوصلك لبيت عريسك واسلمك ليه بأيديه دول

ريم / بكسوف شكرآ يا أبيه

نبيله / تعالى يا حبيبتى ساعدينى احضر الفطار

ريم / لا اقعدى انتى يا ماما وانا هحضره

نبيله / ربنا يسعدك يارب يا ريم يا بنت بطنى

ريم / بستها فى راسها وقالت اقعدى استريحى يا حبيبتى وسابتها ودخلت المطبخ تحضر الفطار

____________________________

فى اسكندريه

صحيت زهره من نومها ملاقتش عاطف فى الاوضه قامت دخلت الحمام اتوضت وخرجت أدت فرضها وخرجت من الاوضه وراحت اوض الاولاد صحيتهم من نومهم ونزلت دورت على عاطف ملاقتهوش فى الفيلا بلغتهم يحضرو الفطار وجابت تليفونها اتصلت عليه وانتظرت الرد

عاطف / ايوه يا زهره

زهراء / انت فين يا عاطف

عاطف / انا بجيب ورق الجامعه بتاعتك وجاى فى السكه

زهراء / مكنتش تعبت نفسك وكنت هأجله لسنه الجايه

عاطف / مفيش تعب ولا حاجه انا واحد خلص ليا كل الإجراءات وانا استلامته بس

زهراء / هتغيب يعنى

عاطف / لاء ساعه بالكتير وهوصل

زهراء / توصل بالسلامه باى

عاطف / باى

زهراء / قفلت مع عاطف ونزلو الاولاد وفطرتهم وطلعو على اوضهم ومسكت تليفونها واتصلت على امها

نبيله / السلام عليكم

زهراء / وعليكم السلام ازيك يا امى واحشتينى

نبيله / الحمدالله يا حبيبتى انتى اكتر والله عامله ايه يا قلب امك

زهراء / اهو عايشه يا ماما

نبيله / مالك يا حبيبتى عاطف مزعلك

زهراء / بلعكس يا ماما طيب وحنين معايا اوى المشكله فيا انا مش قادره احبه

نبيله / معلش يا حبيبتى بكره تتعودى عليه وتحبيه ويبقى هو نور عيونك من جوه ولما يبقى عندك حته منه هينسيكى اى وجع عشتيه

زهراء / ياريت يا ماما ياريت

نبيله / استنى يا زهره خليكى معايا وقالت ريم افتحى الباب

ريم / حاضر يا ماما و راحت فتحت الباب وقالت دى خالتى امينه وأبيه امير

زهراء / اول ما سمعت اسم امير دموعها نزلت منها وقالت مين يا ماما

نبيله / ها طيب اقفلى يا حبيبتى وشويه وهكلمك

زهراء / بالله عليكى يا ماما خلينى معاكى على التليفون اسمع صوته بس

نبيله / لا إله إلا الله ليه بس كده يا بنتى حلفتينى ليه

زهراء / ورحمة بابا خلى السكه مفتوحه

نبيله / حاضر حاضر وحطت التليفون على الطرابيزه وسابت السكه مفتوحه وقالت تعالى يا أمينه يا اختى تعال يا أمير يا ابنى

امينه / قعدت وقالت معلش بقى شكلنا جينا فى وقت مشغوله فيه

نبيله / ها لاء ولا مشغوله ولا حاجه كنت بكلم زهره

امير / بص على التليفون وغمض عينه علشان يدارى دموعه

امينه / وهى عامله ايه

نبيله / الحمدالله كويسه وبصت لامير وقالت تعال اقعد يا ابنى

امير / قعد جنب التليفون

نبيله / عامل ايه يا حبيبى

امير / الحمدالله يا خالتى انتى ازى صحتك

نبيله / بخير يا حبيبى

زهراء / سمعت صوت امير قعدت تعيط وحضنت التليفون وقالت يارب صبرنى على اللى انا فيه وحطت التليفون تانى على ودنها وكتمت صوت عيطها بايديها علشان تسمع صوت امير

امير / امال فين شريف يا خالتى

شريف / انا اهو جيت

امير / شكلك فرحان ومبسوط فرحنا معاك

شريف / اخيرآ يا أمير ابو لميس وافق على الجواز وهروح اتقدم ليها كمان يومين

امير / بفرحه مبروك يا صاحبى ربنا يسعدك يارب

امينه /ربنا يسعدك ويهنيك يارب يا حبيبى يلا ما هو الفرح لما بيجى بيجى مره واحده

نبيله / قصدك ايه يا حبيبتى

امينه / اقصد احنا كمان جاين نخطب القمر دى للولا محمود

ريم / اتكسفت وطلعت تجرى على الاوضه

نبيله / ايوه بس مش لما يجى اخوها سامح

امير / طبعآ يا خالتى بس احنا قولنا نيجى نطلبها منك ومن شريف ونشوف رأيكم ايه ونبقى نعمل كل حاجه رسمى لما سامح يوصل بالسلامه

نبيله / انا عن نفسى موافقه محمود ابننا واحنا اللى مربينه بس برضه رأى اخواتها والأهم رأيها هى الاول

شريف / وانا كمان موافق ولو على ريم انا هسألها بس انا شوفت الجواب فى عينيها اول ما سمعت الخبر

امينه / خلاص شوفو وابقو ردو علينا يلا يا أمير علشان زمان مراتك حضرت الاكل

امير / بص على التليفون وبعدين قال يلا يا امى وقال شريف تبقى تيجى عندى الاوضه عايزك

شريف / هاكل واجيلك

امير / اتنهد وبص بصه اخيره لتليفون وخرج

زهراء / حطت التليفون على شفايفها وقعدت تبوس التليفون ودموعها نزله منها وتقول ااااااه يا وجع قلبى من بعدى عنك يا أمير يارب انا تعبت ومبقتش قادره استحمل الوجع ده يارب انا قلبى بينزف من جوه

نبيله / زهره معايا

زهراء / بدموع ايوه يا ماما معاكى

نبيله / ليه بتعملى كده فى نفسك انسى يا حبيبتى علشان تقدرى تعيشى

زهراء / هموت يا ماما مش قادره استحمل العذاب اقسم بالله صوت امير دبحنى يا ماما مكنتش اعرف ان العند هيكون سبب عذابي بالطريقه دى مش قادره استوعب ازاى انا وهو افترقنا عن بعض بالطريقه دى وهو بقى من حق حد غيرى وانا مع حد غيره انا حاسه ان انا فى كابوس يا ماما ونفسى اصحه منه

عاطف / السلام عليكم

زهراء / مسحت دموعها بسرعه وقالت وعليكم السلام

عاطف / بتكلمى مين

زهراء / د.د.دى ماما

عاطف / هاتى اسلم عليها ومسك التليفون وقال ازيك يا حماتى

نبيله / تسلم يا حبيبى من كل رضى انا بخير طول ما انتو بخير وسلامه

عاطف / ربنا يديكى الصحه ويطول لينا فى عمرك يارب

نبيله / تسلم يا حبيبى عاطف خلى بالك من زهره اوعى تزعلها وحطها جوه عنيك واستحملها لو ادلعت عليك شويه

عاطف / زهره فى عنيا يا حماتى حتى اسأليها

نبيله / قالت والله انك طيب وحنين عليها بس انا بوصيك تانى قلب الام بقى هنعمل ايه

عاطف / حاضر يا حماتى اللى تأمرينى بى

نبيله / ربنا يخليك يا حبيبى يلا هسيبكم بقى وأقوم اشوف اللى ورايا مع السلامه

عاطف / مع السلامه يا حماتى وقفل التليفون ومد أيده بى لزهره

زهراء / مدت ايديها اخدت التليفون وقالت بتوتر ا.ا انت هنا من امته

عاطف / لسه داخل بتسألى ليه

زهراء / ها ل.ل لا ولا حاجه بسأل سؤال عادى يعنى

عاطف / اه ماشى فين الأولاد

زهراء / فطرتهم وطلعو يلعبو فى اوضهم وانا قولت اطمن على ماما وهطلع عندهم بعد كده

عاطف / ماشى الأوراق بتاعتك اهى ومن بكره هقدمها ليكى فى جامعة اسكندريه

زهراء / ش.ش.شكرآ

عاطف / العفو

زهراء / اخليهم يحضرو ليك الاكل

عاطف / لاء خليهم يعملو ليا فنجان قهوه علشان اشربه وانزل الشغل

زهراء / ح.ح.حاضر وقامت تجرى

عاطف / بص عليها وهى ماشيه وبعدين قال لنفسه ماشى يا زهره اسمعى صوته وعيطى انا هعرفك تكرهيه ازاى

زهراء / شويه وجت ومعاها القهوه حطتها قدامه وقالت القهوه اهى وانا هطلع عند الاولاد

عاطف / ماشى يا زهره اتفضلى

زهراء / طلعت تجرى

عاطف / بص عليها لحد ما طلعت وشرب القهوه وقام ركب عربيته ومشى على الشركه

____________________________

فى الغردقه

كانت روز مضايقه من الشخص اللى قاعد جنبها وقالت ليه

روز / لو سمحت ممكن تدخل جوه شويه علشان انا مش عارفه اقعد وسكتت مره واحده وقالت بصدمه انت

امير / انتى ايه جايبك ورايا ده ايه البرود ده

روز / انا جايه وراك ليه هموت عليك وبعدين أن ايه عرفنى انك متزفت هنا انا لو اعرف مكنتش ركبته من اساسه

سامح / متزفت احترمى نفسك ولمى لسانك بدل ما اقطعهولك وبعدين بلاش التمثيليه الهابطه بتاعتك دى وانتى عامله نفسك انها صدفه انك ركبتى معايا نفس الاتوبيس وصدفه انك قعدى جنبى على نفس الكرسى بنأدمه مخادعه وكدابه

روز / انا مش بعرف اكدب ولا امثل اللى بيعرف الكلام ده انت واللى متجوزها عرفى بنأدم ميعرفش حاجه عن الاخلاق والادب

سامح / بعصبيه لاخر مره بقولك لمى لسانك

روز / هتعمل ايه يعنى

سامح / هقطعهولك

روز / انت بنأدم بؤق على الفاضى يا بتاع عبير

سامح / بت انتى

السواق / الصوت يا جماعه

سامح وروز بصو لبعضهم بغيظ وتحدى

روز / قامت وراحت عند جهاد وقالت جوجو روحى اقعدى مكانى

جهاد / ليه بقى إن شاءالله

روز / اصل البنأدم الغلس ده طلع راكب معانا ومن حظى الاسود لاقته هو اللى جنبى

سامح / لمى لسانك سامعك انا

روز / بصت عليه بغيظ وقالت روحى يلا

جهاد/ امشى ابت روحى اقعدى مكانك قال اقعد مكانها قال

روز / بجد يا جهاد روحى اقعدى مكانى بليز بليز

جهاد / امشى ابت بدل ما اديكى فى وشك بحاجه قال انا اسيب الست الكومن اللى جنبى دى واقعد مكانك دى معاها لب وشيكولاته وايه تانى يا حاجه وبصت عليها لاقتها نايمه قلتلها لاء صحصحى معايا كده يا حاجه ده لسه المشوار طويل وشوفى شنطة جحا دى فيها ايه تانى

روز / بنأدمه طفسه ومعندكيش ريحة الدم وسابتها ورجعت مكانها

جهاد / بصت عليها وهى ماشيه وضحكة وبعدين قالت معاكى ترمس يا ام سعاد

ام سعاد / ايوه يا حبيبتى

جهاد / اللهى ربنا يخليلك سعاد يارب هاتى يا اختى وكملى بعد ما الواد عمر كتب كتاب البت منار ايه اللى حصل

عند روز

قعدت وهى متغاظه من جهاد وبصت لسامح بقرف وحطت الهاند فري فى ودنها وقعدت تسمع اغانى وهى بتسمع فى اغانى عينيها راحت فى النوم ونامت على كتف سامح

سامح / اتفاجئ براس روز على كتفه بص لاقها نايمه قرب اكتر ليها علشان تحط راسها اكتر على كتفه وقرب مناخيره عند شعرها وقعد يشم شعرها وفاق على صوت السواق وهو بيقول اللى عايز ياكل أو يدخل الحمام ينزل هنقف نص ساعه رست

جهاد / شافت روز وهى نايمه على كتف سامح وشافت سامح وهو بيتعدل براحه علشان متصحاش وراسها تكون مظبوطه على كتفه ضحكت وقامت راحت عندهم وقالت مش نازل يا مستر

سامح / ها ل.ل.لا مش عايز انزل

جهاد/ طيب وروز

سامح / وانا اش عرفنى ما عندك اهى شوفيها

جهاد / حرام خليها نايمه وانا هنزل اشترى اكل ليا وليها ونزلت وسابتهم

سامح / بص على الاتوبيس لاقه نفسه هو وهى بس اللى فى الاتوبيس قرب شفايفه على راسها وبسها برقه وقال ليه عملت فيا كده يا روز ليه لعبتى بمشاعرى ليكى انا حبيتك بجد صدمتى فيكى كانت كبيره اوى يا روز

روز / حركة راسها وفتحت عينيها ببطئ وانتبهت لنفسها لاقت نفسها نايمه على كتف سامح قامت نطت وبصت على الاتوبيس لاقته فاضى قالت بصدمه ا.اانت عملت فيا ايه وفين جهاد وفين الناس اللى كانت فى الاتوبيس

سامح / بصلها ومردش عليها

روز / راحت خبطته على كتفه وقالت انت يا بنأدم بكلمك رد عليا

سامح / مسك ايديها وشدها وقعت فى حضنه وبص فى عينيها وقال اياكى تعملى كده تانى وتمدى ايدك عليا فاهمه

روز /بصت فى عينيه وبلعت ريقها بصعوبه وسمعت صوت جهاد قامت من حضن سامح ورجعت شعرها وراه ودنها

جهاد / جابت الاكل وطلعت الاتوبيس واتفاجئت بروز فى حضن سامح قالت احم احم انا جيت

روز / بتوتر ا.ا.انتى كنتى فين

جهاد / احم كنت بجيب ليكى اكل وليا انا كمان خدى

روز / اه هاتى هموت من الجوع

جهاد / انا هقعد مكانى اكل

روز /ماشى و قعدت تاكل بطريقه غريبه

سامح / بص عليها بأستغراب وهى بتاكل بس اتفاجئ بالكاتشب كله فى وشه

روز / جت تفتح الكاتشب جه فى وش سامح بصت عليه بصدمه وقالت اوبس مكنتش اقصد

سامح / اتعصب وقال ايه اللى انتى هببتيه ده

روز / ما قولتلك مكنتش اقصد اعملك ايه نصيبك كده

سامح / داس على سنانه وبص ليها بعصبيه وطلع منديل من جيبه ومسح وشه

روز / كتمت ضحكتها على منظره وكملت اكل

سامح / بجد انتى بنأدمه مستفزه اوعى كده وقام نزل دخل الحمام وغسل وشه وطلع الاتوبيس وقعد مكانه وكانت روز خلصت اكل

روز / فتحت البيبسى وقعدت تشرب منه وفى الوقت ده الاتوبيس اتحرك والبيبسى وقع من ايديها على سامح

سامح / اتصدم من اللى حصل وقال لاء بقى انتى قصدها

روز / بجد سورى بس الاتوبيس اتحرك فاجئه ووقعت منى غصب عنى

سامح / بعصبيه انتى عارفه انا عايز اعمل فيكى ايه دلوقتى عايز اخنقك واطلع روحك فى ايديه بنأدمه غلسه وبارده

روز / والله ولا تقدر تعمل حاجه ومسكت الهاند فرى وحطته فى ودنها ولا كأنها عملت حاجه

سامح / شد السماعات من ودنها وقال تحبى افرجك اقدر اعمل ايه

روز / ها ولا يهمنى على فكره

سامح / بلاش هتزعلى

روز / ها وحطت السماعات تانى فى ودنها

سامح /اتعصب وشد السماعات من ودنها وشالها من التليفون وحدفهم من الشباك

روز / بعصبيه انت ايه اللى عملتو ده يا حيوان

سامح / احترمى نفسك

روز / انا محترمه غصب عنك

سامح / لاء ما واضح الاحترام فعلا

روز / بنأدم مستفز

سامح / لاء اسم الله عليكى يا ابرد من ماية توبه

جهاد / جت عندهم وقالت اهدو يا جماعه الاتوبيس كله بيتفرج عليكم

سامح / واحده مدلعه نعمل ايه

روز / وانت واحد معقد نعمل ايه

سامح / احترمى نفسك

روز / انا محترمه غصب عنك لكن اللى زيك ميعرفش حاجه عن الاحترام

سامح / بت انتى

جهاد / باااااااس ابوس ايديكم كفاااااايه الناس بتتفرج عليكم

روز / هوف اهو سكت

سامح / عقبال ما يسكت حسك من الدنيا بحالها

روز / انشالله انت يارب

جهاد / لا انت ولا هى انشالله انا علشان ترتاحو يارب

السواق / الجماعه اللى عاملين ازعاج دول هنزلهم لو مسكتوش

جهاد / بغيظ انشالله يارب يعملها وينزلكم علشان ترتاحو وبعدين قالت جايلك يا ام سعاد جيالك يا عسل انتى وسابتهم ومشيت

روز/ بصت بقرف لسامح وبصت الاتجاه التانى

سامح / بص ليها بغيظ وبص من الشباك

وبعد وقت وصل الاتوبيس والكل نزل وكل واحد بص لتانى بقرف ومشى

_____________________________

فى القاهره

دخل شريف الاوضه عند ريم لاقها قاعده ومسكه حاجه فى ايديها واول ما شافته خبتها قعد جنبها وقال

شريف / ريمو بنوتى بتعمل ايه

ريم / رجعت شعرها وراه ودنها وقالت ولا حاجه يا أبيه

شريف / بلؤم شيفك مبسوطه يعنى ايه السبب

ريم / بكسوف م.م.مفيش يا أبيه عادى يعنى

شريف / يعنى زعلانه مش عايزه موضوع محمود خلاص اروح أبلغهم انك مش موافقه بقى

ريم / بأندفاع لاء انا مقولتش كده

شريف/هههههههه شوف البت هتموت عليه ازاى

ريم /بتوتر ها ا.ا اللى تشوفه يا أبيه

شريف / يا بت اللى اشوفه برضه ده انتى هتموتى عليه ههههههههه

ريم / بكسوف خلاص بقى يا أبيه

شريف / والله وكبرتى يا ريمو وهتتجوزى

ريم / بصت على الارض بكسوف

شريف / عمومآ لما يجى اخوكى سامح هخليه يجى يتقدم رسمى ويلبسك ونعمل الفرح بتاعك مع فرحى فى ليله واحده ايه رأيك

ريم / اللى تشوفه يا أبيه وفى الوقت ده جرس الباب رن واتفتح وسمعو صوت سامح

شريف / بأستغراب سامح ايه رجعه بدرى ده

ريم / معرفش

شريف / تعالى نشوف وخرجو الاتنين من الاوضه وقال سموحه ايه رجعك بدرى كده

سامح / مفيش اتخنقت من جو الرحلات رجعت

شريف / ما انا استغربت برضه ايه وداك رحله عمرها ما حصلت

سامح / اهو اللى حصل بقى

شريف / احسن ده انت فى اليومين دول حصلت تغيرات كتير

سامح / زى ايه

نبيله / طيب كل لقمه الاول قبل اى حاجه

سامح / لاء يا ماما مليش نفس بس ايه حصل وانا مش هنا

شريف / ابو لميس وافق على الجواز

سامح / وانت اتقدمت اصلا

شريف / ها لاء بس عرف أن فيه حاجه بينى وبين بنته طردنى من الشركه وبعد كده وافق أن اتجوز لميس

سامح / اه الف مبروك

شريف / وريمو اتقدم ليه محمود

سامح / محمود مين

شريف / محمود جارنا اخو امير

سامح / على جثتى الموضوع ده يمشى مش كفايه اللى اخوه عملو فى زهره

شريف / ايه اللى انت بتقولو ده يا سامح الجواز قسمه ونصيب ومكنش فيه نصيب ما بين امير وزهره لكن محمود وريم ذنبهم ايه يتاخدو فى الرجلين

سامح / هو ده اللى عندى ريم مستحيل تتجوز البنأدم ده

ريم /حطت ايديها على بؤقها ودموعها نزلت منها طلعت تجرى على اوضتها

شريف / بص على أخته وقال انت ايه يا ابنى جبله أخته عايزاه ليه تقف فى طريق سعادتها

سامح / والله انا اخوها وعارف مصلحتها فين

شريف / وانا اخوها الكبير واعرف اكتر منك مصلحتها مع مين وهى مش هتكون سعيده غير مع اللى قلبها اختاره

سامح / اه زى زهره كده كانت سعيده مع اخوه وبسببه اختنا غابت عننا وهو كل اللى عملو ايه راح اتجوز واحده تانيه غير اختك انت صحوبيتك لامير عاميه عينيك ومش شايف قد ايه هو بنأدم انانى وميستهلش اننا نتعاطف مع حد فيهم

شريف / ده ملهوش علاقه بموضوع ريم اختك بتحب محمود وهو شاريها وجه من الباب واتقدم ليها ليه نقف فى طريقهم ونخليهم يعملو حاجه من ورانا احنا بغنى عنها

سامح / والله هو ده رأى وانتو حرين وسابهم ودخل الاوضه

شريف / بص لأمه وقال والعمل ايه يا امى

نبيله / مينفعش نمشى حاجه من غير ما يكون اخوك مش راضى لازم نقنعه بالموضوع

شريف / وانا مش هوقف الجوازه واكسر قلب اختى واللى مش عجبه الكلام ده هو حر وسابها ودخل اوضت ريم لاقها بتعيط قعد جنبها وشدها فى حضنه وقال متعيطيش وحيات غلاوتك عندى لأجوزك الولا حوده واعمل فرحك وفرحى فى ليله واحده

ريم / بدموع بس مش عايزه سامح يكون زعلان انا عايزه كلكم تكونو راضين عن الموضوع ده

شريف / سيبى سامح عليا انا هفضل وراه لحد ما اقنعه امسحى بس انتى دموعك وورينى الضحكه اللى بتنور وشك دى

ريم / مسحت دموعها وقالت انا بحبك اوى اوى يا أبيه

شريف / بسها من راسها وقال وانا بموت فيكى يا روح أبيه

_____________________________

فى شقة امير

فى اوضت ساره

كانت قاعده فى اوضتها بتسمع اغانى وتليفونها رن برقم احمد فتحت التليفون وقالت

ساره / الو

بس محدش رد عليها وسمعت صوت دوشه وصوت بنات بتتكلم وبتضحك بطريقه مش كويسه قالت بأستغراب احمد يا احمد رد عليا احمد بس التليفون اتقفل جربت على رقم احمد مره واتنين وتلاته بس محدش كان بيرد قلقت عليه وبقت رايحه جايه فى الاوضه وتليفونها رن تانى طلعت تجرى عليه ولاقته رقم غريب ردت بلهفه وقالت

ساره / الو مين معايا

المتصل /انا واحد عايز مصلحتك

ساره / بقولك ايه مش ناقصه استظرافك حاجه تقرف ولسه هتقفل

المتصل / لو عايزه تعرفى احمد فين هقولك

ساره / ردت بلهفه وقالت فين

المتصل / فى شقة فى شارع(.......) عماره رقم (.....) الدور (.......) روحى بسرعه علشان تلحقيه وقفل السكه

ساره / بخوف الحقه من ايه الو الو رد عليا ارجوك وحدفت التليفون وقالت اعمل ايه يا ربى اعمل ايه لبست هدومها بسرعه وخرجت من اوضتها وقالت ماما انا نازله

امينه / رايحه فين

ساره / بكدب واحده صحبتى تعبت وراحت المستشفى هروح اطمن عليها

امينه / ما تخليكى الصبح ايه هيوديكى دلوقتى

ساره / بالله عليكى يا ماما توافقى اروح انا هتجن عليها ومش هقدر استنا لصبح واوعدك مش هغيب

امينه / اتنهدت وقالت ماشى يا ساره بس اوعى تتأخرى وخلى بالك على نفسك

ساره / حاضر يا ماما ونزلت تجرى وقفت تاكسى وراحت على العنوان اللى قالها عليه وطلعت تجرى على الشقه وخبطت على الباب لاقته مفتوح زقته بخوف وتوتر وقالت ا.ا.احمد ا.ا انت هنا ودخلت مشيت واحده واحده وبقت تبص حاوليها بتوتر وتقول احمد رد عليا ارجوك وشافت نور خارج من تحت الباب راحت عند الاوضه وزقت الباب وحطت ايديها على بؤقها والدموع نزلت منها وقالت ا.ا احمد

___________________________

بقلمى دودومحمد

🌹فتاة انحنت من أجل الحب 🌹

🌷الفصل السابع وعشرون🌷

دخلت ساره وهى متوتره وخايفه من المكان اللى فيه وشافت نور ظاهر من عقب الباب دخلت واحده واحده وفتحت الباب وأتصدمت ودموعها نزلت منها وقالت

ساره / ا.ا.احمد

احمد / حرك راسه ببطئ وفتح عينه وحط أيده على راسه من كتر الصداع

ساره / بدموع ليه عملت كده يا احمد

احمد / بص على الصوت شاف ساره بتعيط بص حاوليه واتصدم لما شاف نفسه نايم عريان على سرير وفى واحده نايمه جنبه بقميص النوم وشعرها مغطى وشها

ساره / بدموع رد عليا ليه عملت كده

احمد / ساره انتى بتعملى ايه هنا وانا فين اصلا ومين دى

ساره / والله انت بتسألنى انا

أحمد / والله العظيم ما اعرف ايه جبنى هنا ومعرفش مين اللي جنبى دى وشال شعرها واتصدم وقال د.د.دى جيهان انا مش فاهم حاجه ولا فاكر حاجه خالص انا جيت هنا ازاى وايه جاب جيهان هنا وانتى عرفتى مكانى ازاى انا هتجن

ساره /بدموع بجد انا مصدومه فيك قد ايه انت واحد مخادع برافو عليك اديت دورك ببراعه وصدقتك بجد بس العيب مش عليك العيب عليا انا ان صدقتك ومفكرتش لو لثانيه واحده انك تكون كداب وبتضحك عليا منك لله يا شيخ وجعت قلبى ربنا ينتقم منك وهزت راسها يمين وشمال رافضه اللى بيحصل وحطت ايديها على بؤقها وعيطت وطلعت تجرى

احمد / ساره استنى ولسه هيجرى وراها افتكر أن هو من غير هدوم لبس هدومه بسرعه وبص على جيهان وخبط على وشها وقال جيهان جيهان اصحى

جيهان / مسكت راسها وقالت اممممم انا فين

أحمد / اصحى يا جيهان مش وقته

جيهان / فتحت عينيها وبصت على نفسها وشدت الغطا عليها بصدمه وقالت بدموع احمد انت عملت فيا ايه

أحمد / حط أيده على راسه وقال مش عارف مش فاكر حاجه يا جيهان احنا ايه جابنا هنا انا مش قادر افتكر

جيهان /ولا انا مش فاكره حاجه اه استنا افتكرت احنا كنا فى عيد ميلاد واحده صحبتى وانت جيت وصلتنى وقعد تشرب كتير وانا اقولك بلاش يا احمد

احمد / بصدمه اشرب انا عمرى ما شربت يا جيهان ما انتى عارفه

جيهان / ها م.م.معرفش انت اخد كاس فى كاس وبعد كده معرفش ايه اللى حصل

احمد / مشى أيده على شعره وقال انا مستحيل اعمل كده يا جيهان مستحيل

جيهان / قامت وقفت وطلعت تجرى عليه وقالت ابوس ايدك يا احمد اوعى تتخلى عنى بعد اللى عملتو فيا اموت نفسى وخالتك لو عرفت تروح فيها

احمد / قعد على السرير ودموعه نزلت منه وقال انا مش فاكر اذا كنت عملت حاجه ولا لاء يا جيهان

جيهان / ا.ا اكيد يا احمد حصل حاجه مابنا امال كنا فى سرير واحد وبالمنظر ده ليه

احمد / ساره يا جيهان مقدرش ابعد عنها بس اكيد الموضوع ده فيه حاجه غلط ولازم اعرف السبب

جيهان / ها ق.ق.قصدك ايه

أحمد / انا خارج البسى هدومك وتعالى اوصلك

جيهان / طيب قولى ناوى تعمل ايه

أحمد / هعرف مين وراه اللى حصل ده وسابها وخرج

جيهان / بصت على احمد وهو خارج من الاوضه بخوف وراحت لبست هدومها وخرجت وقالت ا.ا انا خلصت

أحمد / امشى يلا ونزل ركب العربيه وركبت معاه جيهان وصلها البيت ورجع على الفيلا دخل اوضه واترمى على السرير وحط أيده على وشه وقال انا لازم اعرف ازاى ده حصل وساره عرفت مكانى ازاى مين وراه كل ده وايه مصلحته ومسك تليفونه واتصل على تليفون ساره بس مردتش عليه جرب تانى لاقها قفلت التليفون حدف التليفون جنبه على السرير قعد يفكر فى اللى حصلو

____________________________

فى شقة امير

وصلت ساره وهى حابسه الدموع فى عينيها دخلت تجرى على اوضتها واترمت على سريرها وقعدت تعيط وتخبط بأيديها على السرير وتقول

ساره / ليه يا احمد ليه لعبة بمشاعرى وضحكة عليا عملت ليك ايه علشان توجعنى بالشكل ده حرام عليك بجد وفى الوقت ده تليفونها رن برقم احمد سابته لحد ما خلص ومسكت التليفون قفلته خالص وحدفته على السرير وقعدت تعيط ومسحت دموعها وقالت ماشى يا احمد انت اللى بدأت استحمل اللى هيحصل باب الاوضه بتاعها خبط مسحت دموعها وقالت ادخل

امينه / دخلت وقالت فى ايه يا بنتى جيتى دخلتى علطول على اوضك

ساره / م.م.مفيش يا ماما بس تعبت من المشوار شويه دخلت اريح

امينه / انتى معيطه يا حبيبتى مالك

ساره / ها لا بس زعلت على صحبتى شويه اصلها تعبانه اوى

امينه / ربنا يعفى عنها يا حبيبتى وان شاءالله هتكون كويسه متزعليش انتى نفسك وادعلها احسن أو امسكى المصحف واقعدى اقرى فيه شويه

ساره / حاضر يا ماما

امينه / يلا يا حبيبتى تصبحى على خير

ساره / وانتى من أهله يا ماما

امينه / خرجت وقفلت الباب وراها

ساره / دموعها تانى نزلت وقالت قلبى وجعنى اوى يارب مش قادره انسا منظره وهو نايم جنبها على السرير بنأدم مخادع وغشاش يارب قدرنى انساه ونامت على السرير وهى بتعيط وصورة احمد وهو نايم جنب جيهان على السرير قصاد عينيها

___________________________

اشرقت شمس صباح يوم جديد بنورها الساطع فى سماء الاسكندريه لتبدأ زهراء بفتح عيونها على صوت عاطف وهو بيصحيها

عاطف / زهره زهره

زهراء / فتحت عينيها وقالت خير يا عاطف

عاطف / صباح الخير

زهراء / صباح النور

عاطف / قومى يلا افطرى

زهراء / حاضر انزل انت وانا هدخل الحمام وهنزل وراك

عاطف / لاء انا حضرت ليكى الفطار بنفسى وحط الصينيه قدامها

زهراء / بأستغراب هفطر هنا وانت اللى حضرته ليا بنفسك ليه ايه اللى حصل فى الدنيا

عاطف / دى حاجه بسيطه اشكرك بيها على المجهود اللى بتعمليه مع الاولاد

زهراء / ملهوش لزوم الشكر لان ولادك هما ولادى وانا بحبهم بجد وبعمل كده وانا سعيده وبفرح لما بشوفهم مبسوطين بحس معاهم أن انا طفله زيهم يعنى انا محتاجهم اكتر ما هما محتاجينى

عاطف / حط شعر زهره وراه ودنها ومسك وشها ما بين ايديه وبص فى عينيها وقال انتى فعلا طفله يا زهره انتى طفله بالنسبه ليا فى نظرى بشوفك طفله بريئه جدآ بتفرح بأقل حاجه

زهراء / بصت على أيده اللى ماسكه وشها ورجعت راسها لوره علشان تبعد عن أيده وقالت بتوتر ش.ش.شكرآ

عاطف / قفل ايده اللى كان ماسك بيها وشها وبص عليها وقال انا عارف انك مش متقبله منى حتى اللمسه بس ادينى فرصه لو صغيره احسسك بيها بالأمان احاول أخرج كل الافكار اللى فى دماغك واريحك

زهراء / غمضت عينيها وقالت يعنى انا فرحانه باللى انا فيه يا عاطف بحاول وربنا يعلم بالمجهود اللى بعملو علشان اقدر انسا اللى فات واعيش اللى جاى

عاطف / عارف بس بلاش تبعدى عنى كل ما اقربلك صدقينى عمرى ما هاخد منك حاجه بالغصب كل حاجه هتكون برضاكى بس بحاول تملى اقربك ليا لكن انتى بترفضى القرب وتبعدى عنى

زهراء / عاطف انا مكذبتش عليك من اول يوم بقيت مراتك فيه وقولتلك أن قلبى مع حد تانى ومش بسهوله أن انساه وانت شوفت ده بعينك يبقى متجيش تلوم عليا دلوقتى لان اللى فيا محدش يقدر يستحملو اقسم بالله

عاطف / وقف وقال عارف يا زهره بس ساعدينى علشان اساعدك

زهراء / اه إن شاءالله وقامت وقفت وقالت شكرآ على الفطار اللى تعبت فيه نفسك علشانى بس انا هنزل افطر مع الاولاد عن اذنك ودخلت الحمام

عاطف / اتعصب وبص للاكل وحدفه فى الارض وبص على باب الحمام وقال ماشى يا زهره برضه هفضل وراكى لحد ما تنسيه وخرج من الاوضه وهو متعصب

زهراء / دخلت الحمام وقعدت تمسح فى وشها مكان ايد عاطف ودموعها نزلت منها وقالت لأمته هستحمل كل اللى انا فيه ده بجد تعبت لا طيقه العيشه معاه ولا طيقه لمسته ولا طيقه نفسى ولا طيقه الحياه امته اموت بقى وارتاح

____________________________

فى القاهره

فى شقة توفيق

صحيت ريم على صوت تليفونها بصت فيه لاقته رقم محمود ابتسمت وردت وقالت

ريم / صباح الخير

محمود/ احلى صباح على احلى عيون

ريم / صاحى بدرى يعنى

محمود / اعمل ايه طول الليل احلم بيكى واول ما اتجوزنا وقعت من فوق الكنبه وصحيت من قبل ما اخد البوسه

ريم / بكسوف محمود بطل قلة ادب

محمود / وانا قولت ايه بس وبعدين كلها ايام وتكونى مراتى يا ريمو سعتها بقى هعمل فيكى

ريم / قطعته وقالت محمووووووود

محمود / عيون محمود قلب محمود

ريم / روح كمل نومك

محمود / اكمل نوم ايه يا بت انا خلاص هقوم احضر نفسى علشان ننزل

ريم / ننزل فين

محمود / نعم يا اختى ننزل فين انتى نسيتى أن النهارده هتروحى المحكمه علشان تدربى

ريم / اه صح نسيت

محمود / اللى واخد عقلك يا جميل

ريم / اصل جعانه

محمود / لا والله جعانه هو ده بس اللى واخد عقلك

ريم / وهى بتكتم ضحكتها ايوه هو ده

محمود / ماشى يا ريم وحياتك عندى تبقى مراتى بس وهطلع عليكى القديم كله والجديد

ريم / ههههههههههههه

محمود / بتضحكى

ريم / لاء بعيط هههههه

محمود / خفه يا بت

ريم / كده طيب كان عندى خبر حلو هيفرحك مش هقولو ليك

محمود / اهون عليكى يا ريمو

ريم / احم لاء متهونش

محمود / طيب قولى

ريم / سامح رجع امبارح من الرحله

محمود /بفرحه لاء بجد احلفى

ريم / وحياتك عندى

محمود / هو انا غالى أو عندك كده علشان تحلفى بحياتى

ريم / انت شايف ايه

محمود / انا شايف ان بموت فيكى وبعشقك وبعشق التراب اللى بتمشى عليه وبحلم باليوم اللى هتكونى فيه مراتى واضمك فى حضنى ومش اخرجك منه ابدآ

ريم / اتكسفت ومردتش عليه

محمود / يا دين النبى تبقى ماشيه حلوه وتقفى مره واحده ردى عليا فرحى قلبى يا بنت الناس

ريم / ا.ا.انا هقفل بقى علشان احضر نفسى ومتأخرش

محمود/ والله ماشى يا ريمو براحتك خليكى كده وشوفى ايه هيحصلك منى لما تبقى بتاعتى سلام يا مزتى

ريم / هههههههه سلام وقفلت التليفون واخدت نفس وقالت لما بيحصلى كده من الكلام امال هيحصل فيا ايه فى الفعل مش بعيد قلبى يقف عليا من الكسوف وقامت خرجت من اوضتها دخلت الحمام اتوضت وخرجت أدت فرضها ولبست هدومها وخرجت كان لسه محدش صحى من نومه خرجت من باب الشقه فى نفس الوقت اللى خرج محمود من شقتهم

محمود / اموت انا ايه الجمال ده يا بت قلبى هيقف والله حرام عليكى

ريم / بطل غلاسه يا محمود

محمود / قرب منها وقال وانا علشان معجب بيكى ابقى غلس

ريم / م.م.محمود ابعد

محمود / قرب اكتر وقال حرام عليكى يا شيخه ابعد ايه انا ما بصدق اقرب وانتى تقولى ابعد

ريم / محمود متستعبطش انت فاهم قصدى انا بقولك ابعد علشان مينفعش كده

محمود / طيب ما ينوبك ثواب وهاتى البوسه اللى صحيت من نومي قبل ما أخدها منك فى الحلم

ريم / والله

محمود / اه ولسه بيقرب منها

ريم / عضته فى كتفه وطلعت تجرى

محمود / ااااااه يا بنت العضاضه

ريم / ههههههههه علشان تعرف أن انا مش سهله هههههه ونزلت تجرى

محمود / ماشى يا ريم كلها ايام وتبقى مراتى وهتشوفى اللى هعملو فيكى ونزل وراها وقف تاكسى وراحو على المحكمه

___________________________

فى شقة امير

صحى امير من نومه وقام من على سريره فتح البلكونه ووقف فيها وبص على بلكونة زهره وافتكر ايام ما كان بيصحى من نومه ويطلع يجرى على البلكونه علشان يشوف زهره ويضحكو لبعض ودمعه نزلت منه وحس بأيد على كتفه بص لاقها سهى

سهى / صباح الخير

امير / مسح دمعته وقال صباح النور

سهى / واقف هنا بتعمل ايه

امير / عادى بشم شوية هوا

سهى / بصت على بلكونة زهره وقالت لسه برضه بتفكر فيها

امير / سهى بلاش نتكلم فى الموضوع ده علشان ميحصلش شبه اللى حصل امبارح وسابها ودخل قعد على السرير

سهى / قعدت جنبه وقالت يا أمير انا عايزه مصلحتك زهره خلاص مبقتش ليك زهره بقت من حق واحد تانى هو ده بس اللى يقدر يلمسها هو بس اللى مسموح ياخدها فى حضنه قدام الدنيا بحالها وهى اكيد سعيده ومبسوطه معاه اتمنى ليها السعاده لو بتحبها بجد وانساها

امير / سكت ومردش عليها

سهى / قربت منه ومسكت وش امير ما بين ايديها وبصت فى عينيه وقالت امير ايدى فى ايديك ننسى بعض الماضى ونخرج لبر الامان انا محتاجك وانت محتاجنى وقربت اكتر ليه

امير / بص لسهى وللحظه شاف سهى على انها زهره قرب منها وغمض عينه وبسها من شفايفها ونيمها على السرير و

(سكتت شهرزاد عن الكلام الغير مباح 😉😉)

____________________________

فى شقة توفيق

صحى شريف من نومه على صوت تليفونه ضحك وقال

شريف / صباح الجمال يا قلبى

لميس / صباح النور يا عمرى

شريف / احلى حاجه لما ابدأ يومى بصوتك

لميس / صوتى بس

شريف / لاء طبعآ هيبقى احلى واحلى لما يبدأ بنظرة عيونك بضحكة شفايفك بضمة حضنك الدافى

لميس / بحبك اوى يا شريف

شريف / انا بقى اتعديت مرحلة الحب دى من زمان انا مبقاش عندى كلمه توصف الاحساس اللى بحسه ليكى أنا بقيت مجنون بيكى يا لميس

لميس / انا هتجن واشوفك يا شريف

شريف / مش اكتر منى والله بس هشوفك ازاى وانتى ممنوعه من الخروج

لميس / مش عارفه

شريف / انا كده كده بكره هكون عندك

لميس / بكره ده بعيد اوى

شريف / معلش استحملى الكام ساعه دول انا زيك والله

لميس / قصدك تقول استحمل الكام سنه دول الساعات هتمر عليا كأنها سنين

شريف / تعرفى ايه احلى حاجه فيكى

لميس / ايه

شريف / جنانك

لميس / ايه ده يعنى انت بتحبنى علشان جنانى بس

شريف/ لاء طبعآ انا بعشق كل حاجه فيكى بس جنانك ده حاجه عسليه كده

لميس / وانا بقى بمووووووووت فى كل حاجه فيك

شريف / اكلتى

لميس / ايوه اكلت وشربت العصير

شريف / الف هنا وشفا يا عمرى

لميس / وانت اكلت

شريف / انا لسه متحركتش من على السرير

لميس / طيب قوم يلا بلاش كسل

شريف / ههههههههه حاضر

لميس / باى يا قلبى

شريف / مع السلامه يا عمرى وقفل مع لميس وقال ربنا يخليكى ليا يارب

سامح / ارحم امى من سهتنتك دى راعى أن فيه بنأدم نايم معاك فى نفس الاوضه

شريف / وانت من امته بتحس انت بتنام مقتول

سامح / وهو اللى يبقى قاعد معاه فى الاوضه واحد حبيب زيك هيعرف يتخمد

شريف / بكره اتجوز واسيبها ليك مخضره

سامح / مع السلامه والقلب داعيلك

شريف / سامح كنت عايز اتكلم معاك بخصوص موضوع ريم ومحمود

سامح / انا قولت رأى وانتو حرين

شريف / بس ريم بتعيط وبتقول مش هينفع الموضوع يمشى الا بالموافقه بتاعتك

سامح / ربنا يخليك ليها انت اخوها الكبير

شريف / مش حكاية اخوها الكبير ولا اخوها الصغير احنا مكان ابوها دلوقتى بابا سابها امانه فى رقبتنا ولو كان عايش اكيد كان هيوافق على جوازة ريم ومحمود

سامح / شريف انا قولت اللى عندى وقام وسابه

شريف / يخربيت دماغك اللى عايزه كسرها دى بس على مين هفضل وراك لحد ما توافق وخرج من اوضه

____________________________

فى شقة امير

صحيت ساره من نومها وافتكرت اللى حصل امبارح حطت ايديها على وشها وقعدت تعيط

ومسكت التليفون بتاعها فتحته ولاقت احمد حاول يتصل بيها كتير اوى وباعت ليها رسايل كتير أن هو هيتجن عليها وعايز يطمن عليها وفى الوقت ده تليفونها رن برقم احمد كنسلت عليه رن تانى فتحت التليفون وحطته على ودنها من غير ما تتكلم

أحمد / بدموع ساره ردى عليا اقسم بالله انا مظلوم انا معرفش ايه اللى حصل ولا ازاى دخلت الاوضه ولا ايه نيم جيهان جنبى ساره انا بحبك ومستحيل اعمل حاجه زى دى انا بحبك من زمان اوى يا ساره وكنت علطول بحلم باليوم اللى هصرحك فيه بحبى مش معقوله لما يجى اليوم ده اضيعك من بين ايديه ط.ط.طيب جيهان من زمان قدامى انا لو عايز اعمل حاجه زى كده ما كنت اتجوزتها ارجوكى يا ساره ردى عليا كلمينى طيب اشتمينى زعقيلى اعملى اى حاجه طلعي بيها غضبك عليا بس بلاش تسكتى كده

ساره / كانت بتسمع كلام احمد ودموعها نازله منها

احمد / انا سامع صوت عياطك وحاسس بيكى بس ادينى فرصه اكتشف الحقيقه ومين وراه اللى حصل ده

ساره / بدموع ابعد عنى يا احمد انسانى انا مش عايزه اعرفك تانى

أحمد / لاء يا ساره متقوليش كده ارجوكى بلاش تظلمينى انا بحبك واموت لو بعد عنك

ساره / انا بكرهك يا احمد بكرهك وقفلت التليفون وحدفته جنبها وقعدت تعيط وشويه قامت دخلت الحمام واتوضت وأدت فرضها ولبست هدومها وخرجت من اوضتها

امينه / مالك يا بنتى وشك اصفر كده

ساره / مفيش يا ماما انا كويسه انا نازله الجامعه

امينه / بلاش تنزلى لو شايفه نفسك تعبانه

ساره / للاسف عندى محاضره مهمه هخلصها وهاجى علطول وسابتها ومشيت وهى حزينه نزلت ركبت تاكسى وراحت على الجامعه دخلت وهى بصه فى الارض بس قبلت جيهان فى سكتها بصت ليها بدموع ومشيت

جيهان / ساره يا ساره

ساره / وقفت من غير ما تبص ليها

جيهان / راحت عندها وقالت بدموع انا مش عارفه اقولك ايه بعد ما شوفتينا بالمنظر ده انا وأحمد بس بليز محدش يعرف بالكلام ده وياريت بقى انتى عرفتى الحقيقه ابعدى عن أحمد بقى لاننا انا وأحمد هنتجوز

ساره / بصت ليها بدموع وقالت مبروك ربنا يسعدكم ومتقلقيش مش هقول لحد عن اللى شوفته عن اذنك ومشيت وسابتها

جيهان / مسحت دموعها وضحكت ومشيت من الجامعه خالص دخل احمد بسرعه قعد يدور على ساره فى الكليه لاقها قاعده فى الكافتيريا راح عندها وحط أيده على كتفها وقال ساره

ساره / مسحت دموعها بسرعه ولسه هتقوم

أحمد/ ارجوكى يا ساره اقعدى واسمعينى

ساره /سكتت ومردتش عليه

أحمد / قعد وقال والله العظيم يا ساره انا مظلوم انا مش فاكر ايه اللى حصل

ساره / والله ايه حطو ليك حاجه اصفره ولا بتمشى وانت نايم ولا بنت خالتك اتغرغرت بيك يا شيخ حرام عليك بقى وكفايه تمثيل انا عملت ليك ايه علشان تعمل فيا كده ولما انت بتحبها ليه خلتنى اتعلق بيك وسكتت ودموعها نزلت منها وقالت ليه خلتنى احلم بالايام اللى هعشها معاك ليه خلتنى مشوفش غيرك قدام عيونى ليه يا احمد وحطت ايديها على وشها وقعدت تعيط

احمد / طلع منديل ومد أيده بى

ساره / زقت أيده وقالت مش عايزه منك حاجه انا اه زعلت عليك بس شويه وهنسى انما انت ساعتها الدموع مش هتفارق عينيك لما تحس انك خسرت قلب حبك بجد ولسه هتقوم

احمد / مسك ايديها ودموعه نزلت منه وقال لاء يا ساره انا مقدرش على بعدك عنى انا اموت من غيرك انا بحبك انت اقسم بالله

ساره / شدت ايديها وقالت وانا مبقتش اصدقك يا احمد وانا خلاص هتجوز ابن عمى

أحمد / بدموع لالالا يا ساره ارجوكى

ساره / وقفت وقالت مبروك الجواز انت وجيهان متنسوش تعزمونى على الفرح وسابته ومشيت

أحمد / بص على ساره وهى ماشيه ودموعه نزله منه وقال انتى بتحلمى يا ساره أن اسيبك لحد غيرى انتى بتاعتى انا وبس ومسح دموعه وقام وكانت جيهان بتابع اللى بيحصل من بعيد وكانت متغاظه أن أحمد لسه بيحاول يرجع ساره ليه

_____________________________

فى اوضت امير

قعد امير على السرير ودموعه نزلت منه وكانت سهى نايمه على السرير ومستغطيه

امير / بدموع بص على سهى وهى نايمه وقال انا ازاى عملت كده ازاى قدرت المس واحده غير زهره ا.ا انا ازاى خونتها ليه يا أمير تضعف انت واحد ضعيف يا أمير واحد ضعيف ازاى شوفتها زهره ازاى لدرجاتى بقيت مهوس وحط راسه ما بين ايديه وقعد يعيط

سهى / فتحت عينيها لاقت امير بيعيط قامت ولفت الملايه على جسمها وراحت قعدت وراه ضهره ونامت على ضهر امير ولفت دراعها حاولين وسطه وقالت انت زعلان وبتعيط ليه يا أمير انت معملتش حاجه غلط انا مراتك حلالك واللى حصل ما بنا ده طبيعى ما بين اى اتنين متجوزين

امير / بدموع انا خنت زهره انا خنت حبها انا واحد ضعيف يا سهى

سهى / بسته فى رقبته وقالت انت مخنتش حد يا أمير لان زهره متخصكش فى حاجه زهره هى اللى خانتك لما باعت حبك وراحت اتجوزت غيرك لمجرد أن هو اغنى منك واللى حصل ما بنا اكيد حصل ما بين زهره وجوزها وده شئ طبيعى انت مبقاش ليك حق فيها ولا هى بقى ليها حق فيك يا أمير انا اللى مراتك مش هى ومن حقنا نعيش حياة طبيعيه زى اى اتنين متجوزين وانا اوعدك أن هفضل طول عمرى عايشه علشان اسعدك وبس

امير / قام وقف وشاور على قلبه بدموع وقال زهره عايشه هنا يا سهى زهره مش مجرد حبيبه وخلاص زهره عمرى كله يا سهى

سهى / قامت وقفت بغيظ وقالت وانت ايه بالنسبه ليها انت ولا حاجه انت مجرد واحد فقير كانت بتفرح بكلمتين حلوين زى اى واحده فى سنها بس اول ما جت ليها فرصه حقيقيه سابتك وطلعت جريت وراها ونست الكلمتين الحلوين بتوعك اللى ما بنكم ده مش حب قد ما هو تعود بس

امير / سبينى لوحدى يا سهى

سهى / طيب مش هتنام

امير / بعصبيه قولتلك سبينى لوحدى

سهى / لبست هدومها وقالت انا هروح اخد شاور وسابته وخرجت من الاوضه

امير / قعد على السرير وقال بدموع حقك عليا يا زهره والله انا اتخيلتها انتى انا عند وعد ليكى عمرى ما هلمس واحده غيرك انا اسف يا زهرتى انا اسف وقعد يعيط

_____________________________

فى فيلا روز

كانت قاعده حزينه فى اوضتها وباب الاوضه خبط

روز / ادخل

سليم / دخل وقال حبيبت بابى قعده فى الاوضه لوحدها ليه والوش الجميل ده زعلان ليه

روز / مفيش يا دادى قاعده هعمل ايه يعنى

سليم / انا كلمونى من المدرسه واشتكو انك انتى وجهاد صحبتك نزلتى من الرحله من غير ما حد من المشرفين يعرف ممكن اعرف السبب عملتى كده ليه

روز / مفيش يا دادى انا اتخنقت من الجو هناك محبتش اكمل

سليم / امممم والمدرس اللى اسمه سامح رجع معاكم برضه

روز / بتوتر ها ص.ص.صدفه احنا كنا راجعين انا وجهاد فى الاتوبيس وقابلنا هو كمان كان راجع فى نفس الاتوبيس

سليم / برضه كان زهقان

روز / م.م.معرفش

سليم / رورو حبيبت بابا قولى مالك وايه حصل فى الرحله خلاكى ترجعى من هناك ومخليكى حزينه كده

روز / اترمت فى حضن ابوها وقعدت تعيط

سليم / طبطب عليها وقال الموضوع يخص المدرس

روز / هزت راسها بمعنى ايوه

سليم / انا مش هضغط عليكى وهسيبك لحد ما تحبى تتكلمى لوحدك بس عايز اقولك ان سامح ده كويس جدآ وشاب ممتاز وانا كأب اتمنى ليكى واحد زيه

روز / مسكت فى ابوها اكتر ودموعها نزلت اكتر وقالت انا بحبه اوى يا بابى

سليم / لو بتحبيه بجد حافظى عليه وحاولى متخسرهوش

روز / ب.ب.بس هو مش بيحبينى يا دادى

سليم / مين قال كده سامح بيحبك وعلى فكره قبل ما تروحى الرحله سامح جه هنا وقالى أن هو بيحبك واتقدم ليكى وكان هيعمل ليكى مفاجئه هناك ويطلب ايدك قدام الكل ولما تنزلو كان هيجيب أهله ويخطبك

روز / اتصدمت لما سمعت الكلام ده وقالت ا.ا انت بتقول ايه يا دادى سامح اتقدم ليا طيب ازاى

سليم / زى اى شاب بيحب واحده وعايزها فى الحلال ومتأكد ان حصل خلاف ما بنكم هناك علشان كده سامح منفذش اللى هو قال عليه

روز / ايوه اصل زعل منى لما عرف أن انا يعنى احم ك.ك.كنت متراهنه مع جهاد عليه

سليم / متراهنه عليه لدرجاتى مشاعر الناس لعبه فى ايدك انا مصدوم فيكى بجد انتى يا روز تعملى كده انا لو مكان سامح عمرى ما هفكر ارجعلك تانى

روز / والله يا دادى الكلام ده قبل ما احبه بليز يا دادى رجعلى سامح بليز

سليم / لما يهدا شويه اكيد هو مجروح من اللى حصل

روز / يعنى هتخليه يسامحنى

سليم / ربنا يسهل

روز / ربنا يخليك ليا يارب انا بحبك اوى يا دادى وحضنته

سليم / اه منك انتى يا بكاشه وبسها من خدها وقال يلا علشان نتعشا

روز / وقفت ونطت بفرح وقالت انا نفسى اتفتحت للاكل اوى ونزلت تجرى قدام ابوها

سليم / ضحك على منظرها ونزل وراها

____________________________

فى اسكندريه

رجع عاطف من الشغل ودخل الفيلا لاقه زهره نايمه على الكنبه وماسكه كتاب وبتقراه فيه اتعصب وراح عندها وقال

عاطف / بعصبيه انتى ازاى نايمه كده وفيه فى الفيلا رجاله

زهراء / اتخضت وقالت فى ايه يا عاطف فين الرجاله دى

عاطف / شدها من شعرها وقال انتى شايفه ايه قدامك الجناينى شغال قدامك وفيه طباخين رجاله ايه عاميه مش شايفه كل دول

زهراء / بدموع شعرى يا عاطف ااااااه مأخدش بالى والله

عاطف / انا المرادى اكتفيت بالكلام إنما المره الجايه لو شوفتك عامله كده تانى قسمآ عظمآ لأكون مكتفك وضربك بالحزام وحدفها فى الارض

زهراء / خافت منه وهزت راسها بمعنى حاضر ودموعها نزلت منها

عاطف / قومى انجرى بلغيهم يحضرو الاكل

زهراء / ح.ح.حاضر وقامت تجرى بلغت الخدامين يحضرو الاكل وقعدت على السفره ودموعها نازله منها

عاطف / ياريت تمسحى دموعك علشان الاولاد

زهراء / ح.ح.حاضر ومسحت دموعها ونزلو الاولاد وقعدو ياكلو

عاطف / بصلها وقال كلى

زهراء / ح.ح.حاضر وبعدين قالت ع.ع.عاطف كنت عايزه اطلب منك طلب

عاطف / اطلبى

زهراء / عايزه اكون مع شريف اخويه بكره وهو بيتقدم للميس

عاطف / ربنا يسهل

زهراء / ابوس ايدك خلينى اكون جنب اخويه

عاطف / مش هتروحى القاهره لوحدك يا زهره رجلى على رجلك

زهراء / يعنى ايه

عاطف / يعنى لو لاقيت معنديش حاجه فى الشغل هنروح انا وانتى إنما لو طلع عندى شغل مفيش مرواح هناك لواحدك

زهراء / بصت ليه بكسره وهزت راسها بالموافقه

عاطف / بزعيق كلى

زهراء / هزت راسها وقالت ح.ح.حاضر وبقت بتاكل وهى حابسه دموعها فى عينيها

____________________________

فى القاهره

فى فيلا احمد وجهاد

كان احمد قاعد حزين فى اوضه وبيعيط دخلت جهاد واستغربت من حالة اخوها وقالت بخوف

جهاد / احمد مالك

احمد / بدموع ساره هتبعد عنى يا جهاد وانا لو ده حصل هموت

جهاد / وهتبعد عنك ليه

أحمد / بدموع شافتنى انا وجيهان على سرير واحد بمنظر بشع

جهاد / بصدمه ايه ده حصل ازاى

احمد / صدقينى معرفش ده حصل ازاى جت جيهان وطلبت منى اوصلها عيد ميلاد صحبتها وانا روحت وصلتها ومسكو فيا ادخل دخلت قعد متحركتش من مكانى معرفش ايه حصل بعد كده غير لما سمعت صوت ساره بتعيط وهى مصدومه وجيهان نايمه جنبى ب.ب.بقميص النوم

جهاد / وازاى دخلت مع جيهان الاوضه وايه عرف ساره اصلا بمكانك

أحمد / معرفش معرفش جيهان بتقول أن انا شربت بس معرفش ازاى ده حصل وانا مش بشرب اصلا

جهاد / الموضوع ده وراه جيهان يا احمد جيهان واضح اوى انها بتحبك ولما عرفت بموضوع ساره عملت كده علشان تبعدها عنك

أحمد / جيهان استحاله ما انتى عارفه أن احنا متربين طول عمرنا مع بعض وزى الاخوات

جهاد / اخوات بالنسبه ليك انت إنما هى لاء

احمد / افتكر كلام ساره لما قالت ليه كده وقال ساره قالت ليا نفس الكلام بس الموضوع اكبر من ان جيهان تنفذه لوحدها

جهاد / احم ا.ا.اسلام كان موجود

أحمد / ايوه بس متكلمناش مع بعض

جهاد / ممكن يكون اسلام اللى ساعدها علشان ينتقم منك علشان أنقذت البنت من تحت أيده

أحمد / ايوه صح عندك حق يا جوجو ممكن يكون جيهان واسلام اتقابلو فى الجامعه واتفقوا عليا

جهاد / هقولك تعمل ايه

وقالت لاحمد يوقعهم ازاى ويخليهم يقولو الحقيقه ويبرأ نفسه قدام ساره

احمد / بسها فى خدها وقال ربنا يخليكى ليا يا جوجو يارب

جهاد / عد الجمايل بس يلا تصبح على خير وسابته وخرجت من الاوضه وراحت على اوضتها اترمت على سريرها ودموعها نزلت منها وقالت بعدين معاك يا اسلام هتفضل توجع قلوبنا معاك لحد امته وغمضت عينيها ونامت

الفصل الثامن والعشرون من هنا

رواية فتاة انحنت من أجل الحب

الفصل الثامن والعشرون 28

بقلم دودو محمد

اشرقت شمس صباح يوم جديد بنورها الساطع فى سماء العاصمة ليبدأ امير بفتح عيونه بص لاقه سهى نايمه جنبه قام بسرعه وبص على سهى بصدمه

سهى / حست بحركة امير فتحت عينيها وقالت صباح الخير

امير / بعصبيه انتى ايه نيمك جنبى على السرير

سهى / وفيها ايه يا امير مش انا مراتك

امير / سهى بلاش تعصبينى علشان انتى عارفه اللى فيها وبالنسبه للى حصل ما بنا امبارح ده غلط ومش لازم يتكرر تانى

سهى / غلط ازاى انا مراتك يا أمير يعنى اللى حصل ده طبيعى ما بين اى اتنين متجوزين

امير / لاء يا سهى احنا مش زى اى اتنين متجوزين احنا جوازنا يختلف وهرجع واقولك أن انا قلبى مفيهوش غير زهره وبس

سهى/ بس انا مراتك وليا حقوق عليك

امير / انتى ملكيش اى حقوق عندى انتى نسيتى سبب الجواز ولا ايه يا سهى

سهى / بدموع بتعيرنى يا أمير

امير / انا مش بعيرك يا سهى بس بفكرك السبب الرئيسى لجوازنا وانا عملت اللى عليا وزياده وانا اللى اتخربت حياته بسببك فبلاش ارجوكى تعيشى دور الزوجه الضحيه انا بحب زهره سمعتى يا سهى بحب زهره وفتح باب الاوضه وسابها وخرج

سهى / قعدت على السرير بغيظ وقالت ماشى يا امير مبقاش انا لو مكنتش نسيتك زهره وحبها

____________________________

فى الاسكندريه

صحيت زهراء من نومها بصت على السرير ملاقتش عاطف اتنهدت وقامت من على الكنبه دخلت الحمام اخدت شاور واتوضت وخرجت لبست هدومها وأدت فرضها ونزلت لاقت عاطف قاعد بيشرب القهوه وبيقراه فى الجريده قالت

زهراء / صباح الخير

عاطف / وهو باصص فى الجريده صباح النور

زهراء / قعدت وقالت احم ع.ع.عملت ايه

عاطف / فى ايه

زهراء / علشان اروح القاهره

عاطف / طبق الجريده وحطها على السفره وبص الزهره وقال هنروح القاهره

زهراء / بفرحه بجد

عاطف /حرك صبعه بتحذير وقال بس اياكى تقربى للى اسمه امير ولا تتكلمى معاه هتشوفى منى وش عمرك ما شوفتيه قبل كده ملكيش دعوه بى فاهمه

زهراء / هزت راسها بخوف وقالت ح.ح.حاضر

عاطف / اعملى حسابك انا بقول الكلمه مره واحده مش بحب أعدها يعنى يا ويلك لو فكرتى تكسرى كلمتى

زهراء / وهى حابسه الدموع فى عينيها قالت ح.ح.حاضر ووقفت

عاطف / رايحه فين

زهراء / هصحى الاولاد

عاطف / ماشى

زهراء / طلعت السلم وقعدت على اخر درجه وحطت ايديها على بؤقها وقعدت تعيط وشويه وهدت قامت مسحت دموعها وراحت عند اوض الاولاد صحتهم ونزلت قعدت على السفره قصاد عاطف

عاطف / صحتيهم

زهراء / ا.ا.ايوه نازلين ورايا

عاطف / ماشى وشويه ونزلو الاولاد وقعدو يفطرو

زهراء /اكلت لقمتين ووقفت

عاطف / رايحه فين

زهراء / الحمدالله شبعت

عاطف / انتى اصلا اكلتى

زهراء / ايوه اكلت عن اذنك وسابته وطلعت الاوضه

عاطف / بص عليها وهى طالعه واتنهد وبص للاولاد وقال كلو واطلعو على اوضكم وسابهم وطلع على الاوضه وراه زهراء

زهره / دخلت الاوضه واترمت على السرير وقعدت تعيط

عاطف / فتح الباب ودخل

زهراء / اتخضت وقامت بسرعه من على السرير ومسحت دموعها

عاطف / بتعيطى ليه

زهراء / احم مش بعيط ولا حاجه

عاطف / وقف قصادها ومسح تحت عينيها الدموع وقال امال دى ايه

زهراء / احم ولا حاجه وراحت عند الدولاب وفتحته وعملت انها بطلع هدوم ليها

عاطف / راح وقف وراها ولف أيده حاولين وسط زهره وحط راسه على كتفها وقال مش حابه العيشه معايا

زهراء / اتفاجئت باللى حصل وقالت بتوتر ل.ل.ليه بتقول كده

عاطف / بسها فى رقبتها وقال علطول بشوف الدموع فى عينك معنى كده انك زهقتى من العيشه معايا

زهراء / كانت مصدومه من اللى بيحصل وحاولت تبعد عنه بس هو كان محكم دراعه عليها

عاطف / مش هتعرفى تبعدى يا زهره

زهراء / ع.ع.عاطف ارجوك ابعد عنى

عاطف / ليه يا زهره مش طايقه لمستى ليكى

زهراء / ابعد بقى يا عاطف وزقته جامد ولسه هتبعد

عاطف / شدها تانى ووقعها على السرير ونام فوقيها وقعد يبوس فيها

زهراء / قعدت تزق فيه ودموعها نازله منها وتقول ارجوك يا عاطف بلاش تعمل كده ابوس ايدك بلاش يا عاطف وحياة ولادك عندك ابعد

عاطف / قعد يبوس فيها وقام من فوقها مره واحده وقال بعصبيه انتى ليه بتعملى كده ها ليه بتحاولى تحافظى على نفسك منى علشانه صح هو ميستهلش واحده زيك انا بتحمل معاكى اصعب حاجه على اى راجل بحاول اتعامل معاكى بجميع الطرق وانتى اللى فى دماغك هو وبس واللى شاغل قلبك هو وبس وانا فين ها انا جوزك وليا حقوق عليكى عارف ان وعدك ان مش هلمسك الا برضاكى بس راعى ظروف أن انا راجل برضه وبحاول اتحامل على نفسى علشان مأذكيش

زهراء / بدموع على فكره انت مش طبيعى مش قادره افهمك انت طيب ولا شرير حنين ولا قاسى حاسه ان بتعامل مع واحد عنده انفصام فى الشخصيه الصبح بتبقى واحد وبعد الضهر بتبقى واحد وبليل بتكون واحد مختلف خالص انا تعبت خلاص انت عايز توصل لايه يا عاطف عايز جسمى ولا عايزنى ام لاولادك ولا عايز ايه بالظبط

عاطف / عايز اعيش حياه طبيعيه زى كل الناس مش اعيش مع واحده قلبها مع واحد تانى

زهراء / انا مكذبتش عليك يا عاطف انا من الاول قولتلك على كل حاجه ارجوك ارحمنى انا فيا اللى مكفينى

عاطف / بعصبيه انا صبرت عليكى كتير ودى مش من طبيعتى يا زهره

زهراء / بدموع خلاص بلاش تيجى على نفسك وطلقنى يا عاطف

عاطف / سمع كده والشرار نط من عينيه وخنق زهره من رقبتها وقال وهو بيدوس على سنانه انا متعودتش اسيب حاجه انا عوزها مش بسهوله دى انتى جيتى هنا على رجليكى وبرضاكى ومش هتخرجى من هنا الا وانتى ميته فاهمه اياكى اسمع منك كلمة طلاق تانى وزقها وقعت فى الارض

زهراء / كانت اتخنقت وظهر عليها علامة الاختناق واول ما سابها قعدت تكح ومسكت رقبتها تدلكها مكان ايد عاطف وبصت ليه بدموع وقالت اكيد انت مش طبيعى ا.ا.انت كنت هتموتنى

عاطف / نزل ليها ومسكها من شعرها وقال لو فكرتى تنطقى كلمة طلاق على لسانك تانى هخليكى تتمنى الموت ومطلهوش

زهراء / بدموع اااااااه شعرى ااااااااه

عاطف / ساب شعرها ووقف وقال اعملى حسابك لما نرجع من القاهره هاخد حقى الشرعى منك وحسك عينك تقولى اى حاجه لاهلك فاهمه لو اتكلمتى انسى انك تزورى حد من أهلك طول حياتك قومى اجهزى وبعد كده جهزى الاولاد

زهراء / بدموع ح.ح.حاضر

عاطف / بصلها من فوق لتحت وخرج وسابها

زهراء / بدموع ياااااااااارب انا تعبت يارب الموت اهون ليا من أن البنأدم ده يلمسنى يارب خلصنى منه مش قادره على العيشه معاه وقامت بصعوبه من على الارض وراحت بصت فى المرايا على رقبتها لاقت صوابع عاطف معلمه عليها لمست العلامات دى بصوبعها وغمضت عينيها وقالت انت بس يارب اللى حاسس بيا ريحنى من اللى انا فيه ده وراحت عند الدولاب طلعت هدوم ليها ودخلت الحمام غسلت وشها وخرجت لبست هدومها وحاولت تدارى العلامات اللى على رقبتها وخرجت من الاوضه جهزت الاولاد ودخل عاطف جهز نفسه وراكبو العربيه وراحو على القاهره

____________________________

فى القاهره

فى شقة توفيق

صحيت ريم من نومها على صوت تليفون محمود ردت عليه وقالت

ريم / صباح الخير

محمود / صباح العسل المكرر يا ناس

ريم / هههههههه

محمود / بتضحكى على ايه

ريم / عليك

محمود / والله ليه شيفانى اراجوز قدامك بتضحكى عليه

ريم / لا والله مش قصدى انا قصدى يعنى دمك خفيف حتى وانت لسه صاحى من النوم

محمود / بجد

ريم / احم ايوه

محمود /انا بقى اسعد لحظه فى عمرى لما تبقى معايا وفى حضنى وافتح عينى واشوفك نايمه زى الملايكه واقرب من شفايفك واخطف من شهدهم بوسه وتصحى تضحكى ضحكه ليا تنورى الدنيا بيها

ريم / بكسوف محمود ايه اللى انت بتقولو ده اتلم

محمود / حرررررام بقى يا جدعان هموت واتجوز ارحمو امى

ريم / ههههههههه طيب اقفل ولما ترجع لحالتك الطبيعيه ابقى كلمنى سلام

محمود / استنى هنا ابت هو ده اللى ربنا قدرك عليه

ريم / يعنى عايزنى اعمل ايه

محمود / تقوليلى وانا كمان يا حبيبى بحلم باليوم ده أدى لامى شوية تفاؤل

ريم / ده عند امه يا ادهم باى وقفلت السكه وقعدت تضحك عليه

محمود / اتغاظ وقال كده يا ريم ماشى كل ده هيطلع على عنيكى

ريم / قامت من على سريرها وخرجت من الاوضه وقالت صباح الخير يا ماما

نبيله / صباح النور يا حبيبتى

ريم / زهره متصلتش بيكى وقالت اذا كان جايه ولا لاء

نبيله / والله يا بنتى متصلتش ورنيت عليها مردتش عليا ومعرفش اذا كان جايه ولا لاء

ريم / يارب تيجى اصلها واحشتنى اوى يا ماما

نبيله / ياريت بس ارجع واقول الرأى الاول والاخير لجوزها

ريم / اقولك حاجه يا ماما

نبيله / قولى يا بنتى

ريم / مش عارفه ليه مرتحتش للى اسمه عاطف ده حاسه ان هو مخيف مش طبيعى انا لما كنت بتكلم معاه بحس تملى أن كلامه كله تهديد أو نبرة تحذير منه بحس أن هو وراه اسرار كتير مش معروفه عنه من الاخر كده جواز زهره منه كانت غلطه وتسرع مننا

نبيله / ليه بتقولى كده يا حبيبتى باللعكس انا شيفاه كويس وابن حلال واللى زى ده هيحافظ على اختك علشان خاطر أولاده متعلقين بيها

ريم / ماشى يا ماما حتى لو كلامك صح يبقى متجوز بنتك لمجرد أنها تخدم أولاده وانتى عارفه زهره طول عمرها مش بتحب تعمل حاجه هتقدر تشيل مسؤولية اولاد وخدمه انا من رأى الجوازه دى كان فيها تسرع كبير

نبيله / اهو اللى حصل ربنا يسعدها ويهنيها مع جوزها يارب

ريم / يارب يا ماما انا هدخل الحمام وسابتها ودخلت الحمام

نبيله /لنفسها ومن سمعك يا بنتى قلبى واجعنى عليها ومش مطمنه عليها واحسه انها عايشه وتعبانه بس كان لازم اعمل كده وأبعدها عن وجع امير واتنهدت وقالت ربنا يخيب ظننا فيك يا عاطف وتطلع ابن حلال وتعوضها عن وجع قلبها

وفى الوقت ده خرج شريف وقال

شريف / انتى بتكلمى نفسك يا حاجه

نبيله / ها لاء يا حبيبى بدعلكم

شريف / ادعى كتير بقى احسن الواحد متوتر من مقابلة ابو لميس النهارده

نبيله / داعيلك يا ضنايا وان شاءالله كل حاجه هتكون سهله

شريف/ يارب يا ماما

ريم / خرجت من الحمام وقالت مالك يا أبيه متوتر كده

شريف / اسكتى يا ريمو ده انا عامل شبه البت اللى العريس جاى يشوفها النهارده مش عارف ليه خايف ومتوتر كده

ريم / أن شاءالله ابوها يوافق ونفرح كلنا

شريف / يارب يا ريمو ونعمل فرحى وفرحك فى يوم واحد

ريم / إن شاءالله بس ربنا يهدى سامح الاول

شريف / استنى بس اخلص من موضوعى النهارده واقعد مع اخوكى اعملو غسيل مخ

ريم / يارب يا أبيه عن اذنك

شريف /نازله الجامعه النهارده

ريم / ايوه بس مش هتأخر علشان الحق اجى واجهز

شريف /ماشى يا حبيبتى ربنا معاكى

ريم / دخلت اوضتها وجهزت نفسها وخرجت من الاوضه وقالت انا ماشيه

نبيله / ربنا معاكى يا حبيبتى

ريم / خرجت وخبطت على باب شقة امير

ساره / فتحت ليها وقالت تعالى يا ريم

ريم / معلش يا ساره متأخره ممكن تنادى محمود

محمود / خرج وقال قلب محمود اللى تعبانى

ريم / ضحكة وبصت على الأرض بكسوف

ساره / بصت عليهم بدموع وقالت عن اذنكم ودخلت وسابتهم

ريم / بأستغراب هى ساره مالها

محمود / معرفش بقالها يومين على كده

ريم / غريبه المهم يلا علشان متأخره

محمود / خرج وقفل الباب وقال متعرفنيش الا علشان مصلحتك خبطى عليا علشان اجى اوصلك إنما مفيش مره تخبطى عليا وتقوليلى واحشتنى يا حوده منك له يا بعيده

ريم / هههههههه عادى على فكره انا ممكن امشى لوحدى مش هخاف ولا مش هعرف اروح الجامعه بس انا قلبى طيب وبتصعب عليا وبقول تيجى توصلنى وتنول شرف انك تمشى معايا هههههه

محمود / يا حونينه وانا اللى كنت ظلمك

ريم / بدلع ظلمنى اوى اوى يا حوده

محمود / قربها من الحيطه وقرب منها وقال بت انتى بلاش تلعبى بأعصابى الواحد أعصابه تعبانه خلقه

ريم / م.م.محمود اوعى كده حد يشوفنا

محمود / ايوه اول ما اقرب منك تقلبى قطه سيامى وتتوتر وتتعبنى اكتر حرررررام تعبت

ريم / محمود انت اتجننت

محمود / وهو اللى يحبك يبقى عنده عقل

وفى الوقت ده حس بأيد على كتفه

شريف / وحياة امك بتعمل ايه يلا

محمود /هكون بعمل ايه زانق اختك على السلم

ريم / اتصدمت من كلمة محمود

شريف / بعصبيه بتقول ايه انت يا متخلف ومسكه من هدومه

محمود / اه والله زى ما بقولك زانق اختك على السلم وعلشان الفضايح خلينى اتجوزها احسن اروح انتحر اقسم بالله

ريم / محمود ده مش وقت هزار اتكلم جد ارجوك

شريف / مسمعش نفسك فاهمه

ريم / ح.ح.حاضر

محمود / والله ما بهزر جوزنى اختك ارجوك بدل العذاب ده

شريف / مش عارف اعمل فيك ايه اموتك ولا اضربك واكسرك ولا اضحك على كلامك بجد انت رايحه منك على الاخر

محمود / بحب اختك اقسم بالله بحبهاااااااااا

ريم / وقفه ومصدومه من اللى بيحصل

شريف / انت تيجى بكره تتقدم فاهم ومفيش خطوبه كتب كتاب علطول

ريم / ايه اللى انت بتقولو ده يا أبيه وسامح

شريف / ليكى عين تتكلمى ملكيش دعوه باللى بيحصل فاهمه

محمود / بفرحه اقسم بالله راجل من ضهر راجل وحضنه وباسه وقال اقسم بالله بحبك يا شيفو احبيب قلبى يا شريف لولولولولولوى واخيرآ هتجوزك يا بت كان لازم تشوفنى وانا زانق اختك على السلم علشان تجوزهانى

شريف / يا ابن ال

محمود / طلع يجرى وضحك وقال بهزر بهزر ده اختك الشاويش عطيه دى لحد دلوقتى مقالتش ليا كلمه حلوه

ريم / والله وبصت لشريف وقالت انا بقى مش موافقه وبصت لمحمود بتحدى

محمود / ده عند امه يا ادهم ده انا قتيل ام الجوازه دى انجرى يا بت قدامى قال مش موافقه قال معندناش احنا رأى بنات بتمشى

ريم / نزلت قدامه بغيظ

محمود / هههههههه شوفتنى وانا مسيطر

ريم / بزعيق محموووود

محمود / طلع يجرى وقال انا جاى اهو

شريف/ بص بصدمه عليهم وهما نازلين وخبط ايد على ايد وقال لا اقسم بالله الولا ده مجنون ما طبيعى ربنا يصبرك يا ريم على ما بلاكى وخبط على باب شقة امير

سهى / فتحت وقالت تعالى يا شريف

شريف / وهو باصص على الأرض قال امير صاحى ولا نايم

سهى / صاحى اتفضل

شريف / دخل وهو باصص فى الارض وقال ازيك يا خالتى امينه

امينه / ازيك يا حبيبى عامل ايه

شريف / الحمدالله يا خالتى

امينه / رايح امته تتكلم على العروسه

شريف / النهارده بإذن الله

امينه / ربنا يتمم ليك على خير ويسعدك يا حبيبى

شريف / ويديكى الصحه يارب يا خالتى عن اذنك وسابها وخبط على باب اوضت امير ودخل

امير / تعال يا شريف

شريف / دخل قعد وقال مش ظاهر من امبارح يعنى

امير / بحزن مفيش بس تعبان شويه

شريف / سلامتك الف سلامه بس شكلك مش تعبان انت شكلك بيقول انك زعلان من حاجه

امير / ها م.م.مفيش

شريف / مدام اتوترت كده يبقى فيه احنا مش عشرة يوم ولا اتنين احنا متربين مع بعض يا امير وعارفك لما بتحاول تدارى

امير / غمض عينه وحبس الدموع وقال انا اتجوزت سهى يا شريف

شريف / بأستغراب طيب ما انت متجوزها يا امي وقطع كلامه وفهم قصد أمير وقال انت تقصد أن جوازكم بقى طبيعى زى اى اتنين

امير / هز راسه بكسره وقال ايوه يا شريف

شريف / ده الطبيعى يا أمير سهى ليها حقوق عليك ولازم توفرها ليها علشان حرام لما تحرمها منها وانت عملت الصح

امير / بدموع انا خنت زهره يا شريف انا ساعة ما حصل كده مكنتش شايف قدامى غير زهره وبس

شريف / اتنهد وقال امير انسى زهره زهره خلاص بقت متجوزه من واحد تانى وهو اللى أحق بيها عيش حياتك وانساها لان دى سنة الحياه وكل شئ قسمه ونصيب وربنا ماأردش أنكم تكونو لبعض تقبل الوضع ده يا أمير وفكر فى مراتك وبس لان تفكيرك فى الماضى هيصعب عليك الحياة والعيشه في الحاضر

امير / مش قادر انساها يا شريف حبى لاختك مش مجرد حب عادى حبى لاختك وصل عندى لحد الجنون

شريف / حاسس بيك والله يا صاحبى بس هو ده النصيب محدش ليه يد فى حاجه انت دلوقتى عندك زوجه وبكره ربنا يكرمكم بطفل صغير ينسيك الماضى ونفس الحكايه زهره بقت ملزومه من زوج وبكره ربنا يكرمها بطفل ينسيها الماضى وتبقى كل حاجه ذكرى بالنسبه ليكم انتو الاتنين

امير / الكلام سهل يا شريف إنما الفعل صعب صدقنى ط.ط.طيب هى زهره جايه النهارده

شريف / معرفش والله يا أمير بنحاول نتصل بيها مش عارفين نوصل ليها

امير / بخوف ليكون حصل ليها حاجه

شريف / لاء ممكن تكون مش سامعه التليفون ولا حاجه

امير / قعد على السرير وقال انا الموت اهون مليون مره من اللى بحس بيه ده يا شريف هتجن عليها بخاف ليكون حصل ليها حاجه تملى حاسس انها موجوعه قلبى واجعنى عليها مش عارف ليه

شريف / خبط على كتفه وقال متفكرش فيها كتير وانساها يا أمير وركز فى حياتك علشان تشوف شغلك انزل تابع التطورات فى شركتك الجديده بلاش قعدتك فى البيت دى وتفكيرك فى الماضى لأن التفكير فى الماضى هيرجعك لوره يا أمير وهيخسرك كتير وخبط تانى على كتفه وسابه ومشى

امير / دموعه نزلت وقال يارب انت بس اللى حاسس بيا ريح قلبى اللى تعبنى ده

___________________________

فى اوضت ساره

تليفونها رن برقم احمد قعدت تكنسل عليه وهو يتصل بيها لحد ما تليفونها اعلن عن وصول رساله فتحتها وكان مكتوب فيها

أحمد / ساره انا اقسم بالله مظلوم وعمرى ما افكر اخون حبك انتى حياتى كلها ومش بالسهوله دى اقدر اخسرك انا النهارده هثبت ليكى أن انا مظلوم وهسمعك الحقيقه بودنك وهتعرفى قد ايه انا بحبك ومستحيل اخونك

هستناكى بليل فى (.....) الساعه تسعه

ساره / حدفت التليفون جنبها على السرير وقالت بدموع واحد كداب وغشاش مفكر يقدر يضحك عليا بكلمتين انا مش هروح ولا هاجى وخلى جيهان تنفعه

___________________________

فى المدرسه عند روز

دخلت روز المدرسه وهى بدور على سامح

جهاد / شفتها وقالت رورو حبيبت قلبى واحشتينى

روز / انتى اكتر يا حبى

جهاد / عامله ايه دلوقتى

روز / الحمدالله بحاول اكون كويسه

جهاد / علشان المستر برضه

روز / انا ظلمته يا جهاد سامح اتقدم ليا وكان ناوى يعملها مفاجئه ليا فى الرحله بس عبير لعبتها صح وعرفت توقع بينى وبينه

جهاد / مش قولتلك يا بنتى مستر سامح مستحيل يعمل كده

روز / انا اتصدمت لما بابا قالى كده وقد ايه انا غبيه ومتسرعه خايفه يا جوجو احسن يكون كراهنى وهيبعد عنى خالص

جهاد / اللى بيحب حد ميقدرش يكرهو مهما شاف وحصل منه ومستر سامح حبك بجد وميقدرش يبعد عنك هو يزعل منك اه لكن ميقدرش يسيبك

روز / بجد يا جوجو يعنى تفتكرى سامح هيسامحنى

جهاد / ده حتى اسمه سامح يعنى اكيد اسم على مسمى وهيسمحك

روز / يارب يا جوجو يارب

وفى الوقت ده روز شافت سامح وهو داخل مسكت فى ايد جهاد وقالت سامح جه يا جهاد اعمل ايه

جهاد / طيب روحى اعتذرى ليه وهو اكيد هيسامحك

روز / وافرضى مرضاش يكلمنى

جهاد / حاولى معاه مره واتنين وتلاته لحد ما يسامحك

روز / م.م.ماشى وراحت عند سامح وقالت سامح

سامح / بصلها وقال أسمى مستر سامح

روز/ ماشى يا مستر انا اسفه

سامح / اسفه على ايه

روز / اسفه أن شكيت فيك واسفه إن كنت غلط واترهنت عليك بس والله الكلام ده قبل ما احبك

سامح / خلصت كلامك

روز / هزت راسها بمعنى ايوه

سامح / اسفك مش مقبول اتفضلى امشى بقى

روز / بدموع ليه يا سامح والله العظيم بحبك ومكنتش اقصد اجرح مشاعرك انا الاول كنت وخداها لعبه بس فى الاخر اللعبه قلبت الموازين وخلتنى احبك بجد ومقدرش استغنا عنك

سامح/ انا اللى غلطان لما صدقت عيله زيك وسبتها تلعب بمشاعرى بس الحمدالله قدرت اقف بسرعه وصلحت غلطى

روز / قصدك ايه

سامح / يعنى انتى دلوقتى بالنسبه ليا ولا حاجه يا روز انتى مش اكتر من طالبه عندى وبس زيك زى اى واحده من الطالبات اللى عندى

روز /بدموع لا يا سامح ارجوك متقولش كده انا بحبك وانت كمان بتحبنى

سامح / قولتلك انا أسمى مستر سامح واتفضلى على مكانك وبعد كده الكلام يبقى فى حدود الدراسه وبس غير كده لاء فاهمه وسابها ومشى

روز / قعدت فى الارض وقعدت تعيط

جهاد / شافت روز كده راحت عندها واخدتها فى حضنها وقعدت تطبطب عليها

روز / سامح يا جهاد مش عايز يسامحنى انا بحبه بجد يا جهاد وممكن يحصلى حاجه لو بعد عنى

جهاد / ميقدرش يبعد عنك بس هو زعلان منك شويه يهدا وروحى حاولى معاه مره تانى

روز / بدموع انا مليش دعوه انا عايزاه يسامحنى بأى طريقه يا جهاد ومش هاكل ولا اشرب غير لما يسامحنى

جهاد / ايه شغل العيال ده يا عبيطه

روز / وقفت وقالت عيله عيله بس برضه مش هاكل غير لما سامح يسامحنى وسابتها ومشيت

سامح / كان واقف فى مكان قريب منهم وسمع كلام روز قال لازم اقسى عليكى يا روز علشان تعرفى أن مشاعر الناس مش لعبه فى ايديكى وانا بحبك اكتر بكتير من الحب اللى بتحبيه ليا بس اللى بعملو ده علشان نعيش مرتاحين فى المستقبل مع بعض

____________________________

جاء الليل ووصلت زهراء مع عاطف والاولاد عند فيلا لميس ودخلو سلمو على الكل وقعدو ينتظرو وصول شريف وسامح وريم ونبيله

لميس / عاملين ايه

عاطف / الحمدالله كويسين مبروك يا لميس

لميس / الله يبارك فيك يا عاطف

زهراء / مبروك يا لميس ربنا يسعدكم يارب شريف بيحبك بجد

لميس / الله يبارك فيكى يا زهره وانا والله بحبه اوى

الجده / مبروك يا عاطف مع أن مستغربه جوازك ده

عاطف / الله يبارك فيكى يا تيته اهو اللى حصل

الجده / راعى ربنا فيها البنت شكلها غلبانه ومش وش بهدله

عاطف / بص للجده بغيظ وقال اه إن شاءالله

وفى الوقت ده وصلو اهل زهره

زهراء /اول ما شافت امها طلعت تجرى عليها وقعدت تبوس فى وشها وفى ايديها ودموعها نزلت منها وقالت واحشتينى اوى اوى يا ماما

نبيله / قعدت تبوس فى وش زهره وتقول بدموع بنتى ضنايا واحشتينى يا ضى عنيا عامله ايه يا حبيبتى ومالك كده مكسوره وحزينه يا بنتى

زهراء / تعبانه من بعدكم عنى يا امى وبصت لشريف واترمت فى حضنه وقعدت تعيط

شريف / طبطب عليها وحضنها اكتر وبسها فى خدها وقال واحشتينى يا زوزو البيت ملهوش طعم من غيرك

زهراء / بدموع واحشتنى اوى يا شريف اوى وحضنت سامح وقالت وانت يا سامح واحشنى اوى خناقى معاك كل يوم الصبح

سامح / بسها فى راسها وقال وانتى يا زهره واحشتينى اوى بس اهم حاجه تكونى عيشه سعيده مع جوزك

زهراء / بتوتر ا.ا اه طبعآ وبصت لريم وقالت بدموع وضحكة انكسار اختى الصغيره العاقله وفتحت ايديها ليها

ريم / طلعت تجرى عليها واترمت فى حضنها وقالت واحشتينى اوى يا زوزو واحشنى نومك معايا فى نفس الاوضه وخنقنا كل يوم مع بعض على مين يساعد ماما واحشنى كل حاجه فيكى وبستها فى خدها

لميس / مسحت دموعها وحاولت تلطف الجو وقالت ايه يا جماعه ينفع كده تلهو العريس عن عروسته

عاطف/ وانا كمان نسو وجودى زهره اكلت الجو مننا هههههههه

شريف / معلش بقى زوزو كانت واحشانا

وسلمو على الكل وقعدو وشريف قعد جنب لميس

سمير / منورنا يا جماعه

نبيله / المكان منور بأصحابه يا سمير بيه

سمير / لاء بيه ايه سمير بس يا ام شريف احنا كلنا واحد

نبيله / ربنا يعزك يا اخويه

الجده / والله شكلكم ناس طيبه وانا حبيتكم من اول ما شفتكم

نبيله / والله مش عارفه اقولكم ايه على حسن الاستقبال ده والله وانتو ناس تدخلو القلب علطول

الجده / ايه يا عريس قاعد ساكت ليه ما تتكلم

شريف / ها م.م.مفيش بس يعنى

عاطف / هههههههه ده العريس مكسوف اكتر من العروسه

شريف /بقرف اصل احنا ناس عندها خشى بنحترم الكبير قبل اى حاجه

عاطف / بعصبيه تقصد ايه

شريف / والله انا كلامى واضح مش محتاج تفسير

زهراء / حست أن الاتنين هيشدو مع بعض بصت لسامح وقالت اتكلم انت يا سامح

سامح / ماشى وقال احنا جاين نطلب اي

شريف / قطعه وقال عمى انا جاى اطلب ايد بنت حضرتك ليا وبص بقرف لعاطف

عاطف / بص ليه بتحدى وقال ما انت عندك لسان اهو متكلمتش من الاول ليه ولا مستنى الاذن

شريف / اتنهد وغمض عينه علشان يتحكم فى أعصابه وقال قولت ايه يا عمى

سمير / طيب انت ظروفك ايه

شريف / انا عندى شقه فى (......) وهبدأ اظبطها وافرشها

سمير / تمام والشغل

شريف / انا وواحد صاحبى هنفتح شركة استيراد وتصدير اول الشهر الجاى وان شاءالله نقدر نكبرها وتكون من أكبر الشركات

سمير / اممممم ايه رأيك يا عروسه

لميس / اتكسفت وبصت على الارض وهزت راسها بمعنى موافقه

الجده / بهزار شكلها مش موافقه

لميس / بأندفاع لا والله العظيم موافقه

الكل ضحك على لميس

الجده / هههههههه يخربيت عقلك يا لميس ده انتى هتموتى عليه وعامله نفسك مكسوفه هههههههه

لميس / بكسوف تيته

سمير / على خيرت الله بس الفرح هيكون امته

شريف / بعد افتتاح الشركه بشهر ان شاءالله

سمير / لاء قريب اوى خليها كمان سنه

شريف ولميس / اتصدمو وبصو لبعض

الجده / سنه ايه ده يا سمير مدام الاتنين جاهزين يبقى ليه نأخرها حلو كمان شهرين

سمير / بس

الجده / اسمع كلامى يا سمير خلى الاولاد يفرحو بقى وانت تفرح بيهم

سمير / سكت شويه وبعدين قال ماشى مبروك نقراه الفاتحه دلوقتى والاسبوع الجاى تلبسها الدبله فى حفله صغيره هنا فى الفيلا

شريف/ بعد اذنك يا عمى نخليها كتب كتاب كمان علشان تكون مراتى لو خرجت ولا حاجه معاها

سمير / مفيش مانع على خيرت الله

وقرو الفاتحه والكل بارك ليهم

الجده / ايه ده محدش فيكم بيعرف يزرغط

نبيله / هههههههه للاسف محدش يعرف مننا

لميس / بفرحه انا اعرف وزرغطت

الجده / ههههههههههه اهو احنا عندنا الجديد العروسه تزرغط لنفسها هههههههه

نبيله / جميله ما شاءالله

لميس / بكسوف ميرسى يا ماما

الجده / طيب تعالو نقعد شويه مع بعض ونسيب العرسان يقعدو مع بعضهم شويه وقامو خرجو من الصالون وسابوهم لوحدهم

شريف / بفرحه مبروك يا قلبى

لميس / بكسوف الله يبارك فيك

شريف / بس ايه المواهب دى اللى عندك

لميس / خلاص بقى يا شريف متكسفنيش

شريف / مسك ايديها وقال واحشتينى

لميس / انت اكتر

شريف / طيب وبصه على الأرض ليه ومسك وشها بايده ولفه ليه وقال خلينى اشبع من جمال عينيكى أصلهم واحشنى اوى

لميس / بصت فى عين شريف وضحكة بكسوف وقالت وانت كمان عيونك كانو واحشنى اوى ومش عنيك بس لاء كلك على بعضك واحشتنى

شريف / كلها اسبوع وتبقى مراتى وسعتها وغمز ليها وقال مش هتكلم خليكى تبقى تعرفى فى وقتها بنفسك

لميس / بكسوف ق.ق.قصدك ايه

شريف / هههههههه ولا حاجه

لميس/ والله العظيم انت غلس

شريف / بس بحبك وقرب على راسها واداها بوسه وبعد عنها وقال ربنا يخليكى ليا يا اجمل حاجه فى حياتى

لميس / ويخليك ليا يا عمرى

الجده / ناقص شجره واتنين ليمون ويبقى المشهد كده كامل

لميس / تيته

شريف / احم تعالى يا تيته والله انتى عسل

الجده / هههههههه كل بعقلى حلاوه انت يا خلبوص

شريف / ههههههههه والله العظيم بحبك وبحب خفة دمك دى

الجده / ربنا يعلم يا ابنى حبيتك قد ايه وكمان واخد لميس دى روحى مش مجرد حفيده دى نور عنيا اللى بشوف بيها خلى بالك منها وحطها جوه عنيك يا شريف

شريف / حط أيده على كتف لميس وقال ده هتكون كل حياتى ودنيتى متخفيش يا تيته عليها

الجده / ربنا يسعدكم ويهنيكم وخرجت وسابتهم

لميس / تيته دى بموت فيها ربنا يخليها ليا يارب

شريف / يارب يا قلبى ويخليكى ليا

_____________________________

عند عاطف وزهره والكل بره

عاطف / وقف وقال يلا بينا يا زهره

زهراء / احنا هنرجع اسكندريه النهارده

عاطف / ايوه يلا اخلصى

نبيله / ما تخليكم قعدين اليومين دول هنا ملحقناش نشبع منكم

عاطف / معلش يا حماتى بس عندى شغل ولازم ارجع اسكندريه

زهراء / بالله عليك سبنى اقعد مع ماما وابقى تعال خدنى كمان يومين

عاطف / والاولاد

زهراء / خليهم معايا وهاخد بالى منهم والله

نبيله / علشان خاطرى يا ابنى ده اول مره اطلب منك طلب

عاطف / طيب بعد اذنكم زهره تعالى عايزك

زهراء /ح.ح.حاضر ومشت وراه ودخلت معاه اوضت مكتب

عاطف / مسكها من دراعها وقال بعصبيه انا اكتر حاجه تعصبنى لما اتحط قدام الأمر الواقع بس هعديها ليكى المرادى علشان مكنتيش تعرفى بس اقسم بالله لو اتكررت تانى ما هتشوفى القاهره فى حياتك ابدآ

زهراء / بدموع اااااااه ح.ح.حاضر

عاطف / امشى وكمان يومين هبعت السواق ياخدكم

زهراء / بدموع حاضر ومشيت ولسه هتفتح الباب

عاطف / اه اعملى حسابك لو شميت خبر انك اتقابلتى مع اللى اسمه امير ده هقطع خبرك وخبره فاهمه

زهراء / ح.ح.حاضر

عاطف / امسحى دموعك ومش عايز حد يعرف بحاجه

زهراء / ح.ح.حاضر ومسحت دموعها وخرجت

عاطف / ماشى يا زهره لما اشوف اخرتها معاكى ايه

الجده / دخلت وقالت اهدا على البنت كفايه اللى حصل زمان دى مش زينب يا عاطف

عاطف / تيته ارجوكى متدخليش فى اللى ملكيش فيه

الجده / بتحذير قسمآ عظمآ يا عاطف البنت دى لو حصلها حاجه القديم كله هيتفتح وانت فاهم قصدى على ايه وبصت ليه بصه طويله وخرجت وسابته

عاطف / مسك تحفه كانت محطوطه على المكتب وحدفها على الباب وراه جدته وقعد على الكرسى وهو متغاظ ومتعصب وبعد وقت خرج من الفيلا من غير ولا كلمه وروحت زهره مع اهلها البيت

____________________________

بقلمى دودومحمد

🌹فتاة انحنت من أجل الحب🌹

🌷الفصل التاسع وعشرون 🌷

وصلت زهره البيت مع اهلها وهى طالعه افتكرت كل ذكرياتها مع امير ودموعها نزلت منها شريف اخد باله من دموعها ضمها فى حضنه وهما طالعين وبص ليها بعنيه يطمنها وطلعو عند الباب ووقف سامح يفتح الباب وزهره قعدت تبص على باب شقة امير ودموعها نازله منها اتنهدت وغمضت عينيها ودخلت مع اخواتها البيت وقفت تبص علي الشقه وقالت

زهراء / بدموع قالت ياااااااه قد ايه الشقه واحشتنى اوى يا ماما واحشنى قعدتى فى وسطكم كلامكم ضحككم هزاركم جدكم كل حاجه

نبيله / يااااه يا بنتى انتى اللى بتقولى كده مش انتى اللى تملى كنتى بتحلمى تمشى من البيت ده والحاره وتعيشى فى فيلا

زهراء / بكسره كنت غلطانه يا ماما صدقينى العيشه هنا احسن من العيشه فى الفيلا بكتير كنت عبيطه لما فكرت ان هعيش مبسوطه وانا معايا فلوس طلعت السعاده فى الحب وراحة البال والاتنين دول معرفش طريقهم فين

شريف / كلنا بنحلم يا حبيبتى نعيش حياه احلى فى مستوى أعلى بس عمرنا ما كرهنا عشتنا بلعكس عشتنا دى دافع لينا اننا نجتهد علشان نحقق حلمنا ونوصل لهدافنا

زهراء / بدموع للاسف الكلام ده عرفته متأخر اوى يا شريف

سامح / هو جوزك بيهينك

زهراء / بتوتر ل.ل.لاء طبعآ

سامح / حاسس ان فى حاجه انتى مخبياها علينا

زهراء / م.م.مفيش حاجه مخبياها بس انتو واحشنى مش اكتر

شريف / بس كويس انك جيتى معانا علشان محمود هيجى يتقدم لريم بكره

زهراء / بفرحه بجد مبروك يا ريمو

سامح / برضه هتمشى الموضوع يا شريف

شريف / سامح مش وقته الكلام ده وبص على زهره

زهراء / ليه مش وقته انت رافض ليه يا سامح

شريف / خلاص يا زهره مفيش داعى لكلام

زهراء / لاء انا عايزه اعرف سامح رافض ليه الموضوع

سامح / عايزه تعرفى ليه يا زهره علشان اللى اخوه عملو معاكى علشان كسرتك ووجع قلبك بسببه علشان ميحصلش فيها زى ما حصل معاكى

زهراء / دموعها نزلت منها

شريف / كفايه بقى يا اخى انت ايه معندكش دم

سامح / مش هى دى الحقيقه

زهراء / بدموع لاء يا سامح مش هى دى الحقيقه الحقيقه ان النصيب هو اللى كان ليه دور كبير فى الموضوع ده يعنى لا أنا ولا هو كان فى ايدينا حاجه اما بقى موضوع ريم ومحمود انا شايفه انهم مش ذنبهم حاجه أن حنا نبعدهم عن بعض لمجرد مواضيع قديمه وبقت ماضى سامح لو ليا غلاوه عندك وافق على جوازهم لان سعادتهم هما الاتنين مع بعض وهيبقى ذنبهم فى رقبتك لو بعدهم عن بعض لان الفراق ده حاجه صعبه اوى الموت اهون منه الف مره وانت هتكون حكمت عليهم بالعذاب طول حياتهم

سامح / احنا كده هنقربهم لينا وانتى كل ما هتنسى هتقابليهم فى اى مناسبه وهتشوفيهم وهيقلبو عليكى الوجع من جديد وهيفكروكى بكل حاجه

زهراء / بدموع وانا اصلا منستش يا سامح ولا عمرى هنسا علشان خاطرى وافق

شريف / كفايه بقى يا سامح وافق بقى

سامح / ماشى موافق بس لو يوم جه على اختى زى ما اخوه عمل هطلع روحه فى ايديا

شريف / وانا قبل منك هعمل كده

سامح / بص لريم وقال مبروك يا ريمو

ريم / بفرحه الله يبارك فيك يا سامح عقبالك يارب

سامح / إن شاءالله

زهراء / وأمته هيكون الفرح

شريف / هعمل فرحى وفرح ريمو فى يوم واحد

زهراء / ربنا يسعدكم يارب

بيلار / ماما انا جعانه اوى

زهراء / حاضر يا حبيبتى تعالى اعملك سندوتشات انتى ورائف

بيلار / بس رائف نام اهو وشاورت على الكنبه

زهراء / راحت عند رائف وقالت قوم يا حبيبى كل الاول وبعد كده نام قوم يلا وصحته واخدته هو وبيلار المطبخ علشان تأكلهم

شريف / بص على أخته وهى داخله المطبخ وبص لأمه بزعل وقال مبسوطه دلوقتى يا ماما لما جوزتيها لعاطف مبسوط يا سامح وانت شايف اختك كأنها عندها مية سنه من الحزن والهم وهى شايله مسؤولية مش بتاعتها اصلا بقت ام من قبل ما تفرح بجوازها وتعيش ليها يومين يارب تكونوا مبسوطين دلوقتى وبصلهم بحزن ودخل اوضه

نبيله / بدموع يا قلب امك اللى بيتقطع عليكى يا بنتى وعلى كسرتك فين زهره اللى كانت ضحكتها مش بتفارق وشها بقت الدمعه علطول محبوسه فى عنيكى يارب فرح قلبها وانزع من جواها الحزن والوجع

سامح / دخل اوضه من غير ولا كلمه بس كان حزين على كسرت أخته

ريم / دخلت المطبخ وقالت روحى انتى يا زهره غيرى هدومك وريحى من السفر وانا هأكلهم وانيمهم

زهراء / لاء يا حبيبتى ادخلى انتى ريحى وانا هأكلهم

ريم / قومتها وقالت اسمعى الكلام بس انا مش تعبانه ولا حاجه وبعدين الاولاد شكلهم حلوين اوى وانا عايزه اكلهم وأتكلم معاهم شويه

زهراء / ماشى بس لو تعبوكى نادى عليا

ريم / مش هيتعبونى روحى بقى

زهراء / ماشى وراحت دخلت الاوضه وبصت عليها ودموعها نزلت منها وقالت كنت بتبطر عليكى ياريت ما بعد عنك ياريت كل اللى فات ده يطلع حلم واصحه الاقى نفسى محصلش كل ده انا حاسه ان انا فى كابوس ودخلت فتحت الدولاب وطلعت هدوم من هدومها القديمه ولبستها وبصت على البلكونه وراحت عندها وفتحتها وبصت على الحاره وافتكرت كلام ساره لما قالت ليها بكره تبعدى عنها وتشتاقى ليوم واحد من ايامها وضحكة بأنكسار وقالت كان عندك حق يا ساره فى كل كلمه قولتيها على الحاره وبصت على بلكونة امير ودموعها نزلت منها وهى شايفه هدومه وهى متنشره فى البلكونه وغمضت عينيها وهى الدموع نازله منها وقالت يارب انا موجوعه اوى ونفسى بقى ارتاح ودخلت من البلكونه وفتحت شنتطها وطلعت التليفون وأتصدمت لما شافت عاطف متصل عليها كتير والتليفون كان صامت وفى الوقت ده التليفون نور تانى برقم عاطف فتحت وردت عليه بخوف وقالت ا.ا.الو

عاطف / بعصبيه انتى ليه مش بتردى على التليفون كل ده كنتى فين ها كنتى عنده فى الشقه ولا هو اللى عندكم علشان كده مش بتردى انطقى يا هانم وردى عليا

زهراء / بخوف ودموع قالت والله العظيم ما شوفته والتليفون كان معمول صامت ومحستش بيه لما رن وا.ا.انا كنت قاعده مع اخواتى وامى وبنتكلم بره

عاطف / بزعيق بتتكلمو عليه صح علشان كده نسيتى الدنيا لمجرد ما جت سيرته

زهراء / بلاش تظلمنى يا عاطف احنا كنا بنتكلم فى موضوع تانى خالص وانا مش خاينه علشان اخونك مع حد تانى يا عاطف حتى لو شوفت الشخص اللى بحبه انا براعى ربنا فيك وعمرى ما اعمل حاجه تغضب ربنا

عاطف / سكت شويه وقال ماشى فين اولادى

زهراء / ريم بتعشيهم وهتنيمهم

عاطف / وليه مش انتى اللى تأكليهم وتنيميهم

زهراء / عادى يا عاطف انا واختى واحد

عاطف / انا مليش دعوه بأختك ولادى انتى اللى تخدى بالك منهم مفهوم

زهراء / حاضر عايز حاجه تانى

عاطف / خلى تليفونك مفتوح علشان لما اتصل بيكى الاقيكى

زهراء / حاضر حاجه تانى

عاطف / لآخر مره اقولك اوعى تتقابلى انتى واللى اسمه امير فاهمه

زهراء / حاضر حاجه تانى

عاطف / لاء سلام

زهراء / مع السلامه وقفلت السكه وحدفت التليفون على السرير وحطت ايديها على وشها وقعدت تعيط

_____________________________

عند أحمد وجيهان

احمد كان قاعد مع جيهان فى كافيه وقال

احمد / جيهان انا اسف بجد على اللى حصل منى بس صدقينى معرفش ازاى عملت كده وقدرت اقرب منك و و وسكت وقال مش قادر اكمل

جيهان / بدموع انا مصدومه اكتر منك فيك يا احمد انت تعمل معايا كده ده انا كنت بعتبرك اخويه هقول ايه لماما لما تعرف دى ممكن تروح فيها وحطت ايديها على وشها وقعدت تعيط

احمد / بلاش توجعى قلبى ارجوكى وتحسسينى بالذنب اكتر ما انا حاسس بيه

جيهان / غصب عنى يا احمد

أحمد/ جيهان انا قررت اتجوزك

جيهان / بفرحه بجد وبعدين اخدت بالها عملت نفسها زعلانه وقالت طيب وساره

احمد / ساره لما شافت كده اتخطبت لابن عمها وانا لازم اصلح غلطتى

جيهان / انا مش عارفه اقولك ايه يا احمد بجد انت راجل

احمد / بس قبل اى حاجه لازم اعرف مين السبب فى اللى حصل ده

جيهان / بتوتر ق.ق.قصدك ايه

احمد / قصدى مفيش اى حاجه هتم غير لما اعرف مين السبب وراه اللى حصل ده وليه

جيهان / ها ب.ب بس احنا ممكن نتجوز وبعد كده نبقى نعرف مين واحنا مع بعض

احمد / مفيش جواز قبل ما اعرف كل حاجه وهعمل بكل طريقه واوصله

جيهان / احم م.م.ماشى ع.ع.عن اذنك هدخل الحمام

احمد / اه طبعآ اتفضلى

جيهان / قامت دخلت الحمام ومسكت تليفونها واتصلت على رقم اسلام وانتظرت الرد

اسلام / فيه ايه متصله دلوقتى ليه

جيهان / الحقنى انا فى ورطه يا اسلام

اسلام / يا دين النبى على الشبكه السوده دى فى ايه

جيهان / احمد

اسلام / ماله

جيهان / قال هيتجوزنى

اسلام / طيب كويس مش هو ده اللى كنتى عايزاه فين الورطه فى كده

جيهان / الورطه أن هو معلق جوازنا لحد ما يعرف مين عمل معاه كده وليه

اسلام / مش هيعرف انا مش سايب أى دليل علينا حتى الرقم اللى اتصلت منه بساره كسرته ورميته

جيهان / ما هو كده هيفضل الجواز متعلق وكل اللى احنا عملنا راح على مفيش

اسلام / انا عن نفسى اللى كنت عايزه حصل لما انتقمت منه ووقعت ما بينه وبين البنت اللى بيحبها اللى بعد كده ده مشكلتك انتى مش مشكلتى

جيهان / يعنى انا اساعدك فى انتقامك من احمد يا اسلام وانت تتخلى عنى لما احتاجك

اسلام / والله انتى وشطارتك بقى حاولى تقنعيه أن هو يتجوزك الاول وبعد الجواز نسيه كل حاجه

جيهان / مرضاش

اسلام / يبقى مع نفسك ومتتصليش بيا تانى فاهمه سلام يا قطه وقفل السكه فى وشها

جيهان / بعصبيه بنأدم واطى وجبان وحطت التليفون فى شنتطها وخرجت من الحمام وقالت اسفه اتأخرت عليك وقعدت على الكرسى

أحمد / بضحكه ولا يهمك يا جيهان وتليفونه أعلن عن وصول رساله حط السماعات فى ودنه وسمع الرساله وضحك

جيهان / كانت بتبص عليه بأستغراب وقالت انت بتضحك على ايه

أحمد/ على واحده عبيطه مفكره نفسها ذكية وهى اغبى خلق الله والحمدلله ربنا قدرنى وكشفتها

جيهان / بتوتر ق.ق.قصدك ايه انا مش فاهمه حاجه

أحمد / انا هفهمك

جهاد /لاء يا برنس خليها عليا

جيهان / جهاد انتى بتعملى ايه هنا

جهاد / اصل بعيد عنك كنت معذوره وحمام الفيلا بيتصلح جيت دخلت حمام الكافيه ههههههههه

جيهان / ها

جهاد / اه يا اختى زى ما بقولك كده دخلت الحمام والحمدالله ربنا فك زنقتى وزنقت الراجل الكومن ده قوم ايه يا حبيبتى وانا فى الحمام اسمع صوت واحده حبيبتى وربنا بتتكلم مع واحد صحبنا على خطه انا الصراحه بعشق جو العصابات دى واموت فى دور المفتش كرومبو ده المهم يا بنت خالتى العزيزه مش هطول عليكى مسكت تليفونى وسجلت كل كلمه حتى اسمعى كده وشغلت التسجيل بكلام وصوت جيهان

جيهان / بصت لأحمد بتوتر وبلعت ريقها بصعوبه وقالت ا.ا انتى بتراقبينى ولا ايه

جهاد / انا فشر اللى يقول غير كده طبعآ براقبك عملتى كده ليه يا واطيه يا رخيصه

جيهان / بدموع علشان بحب احمد وهو طول عمره مش شيفنى غير اخت ليه وبس حاولت بكل الطرق أوصله أن انا بحبه لكن هو مفهمش كده لحد ما فى يوم عرفت منه أن هو بيحب واحده اسمها ساره انا كأنى سكينه وانغرزت فى قلبى ليه مش شيفنى وشاف واحده زى دى أنا أحق بيه انا بحبه من صغرنا انا بنت خالته اللى مستعده تضحى بعمرها علشانه قابلت اكون صديقه ليه علشان اكون جنبه دايمآ ومعاه حتى الكليه دخلت اللى هو دخلها رغم أن انا مش بحبها علشان ابقى معاه وبعد كل ده يحب غيرى ليه هى فيها ايه اكتر منى هى مش احسن منى فى حاجه لحد ما عرفت أن هو ناوى يخطبها كنت هتجن ولاقيت اسلام جاى ليا وقعد على الطرابيزه اللى كنت قاعده عليها وقالى أن هو سمع كلامه وعارف أن انا بحب احمد ومستعد يساعدنى نبعد ساره عنه خوفت فى الاول بس اقتنعت بكلامه فى الاخر واتفقنا أن انا اجى اطلب منك توصلنى عيد ميلاد واحده صاحبتي وانت مش هترفض وهتيجى معايا والبنات هتمسك فيك تدخل وتقعد واسلام يحط ليك منوم فى العصير وده اللى حصل واول ما شربت العصير روحت فى النوم علطول وانا واسلام دخلناك الاوضه وقلعناك هدومك ونيمناك على السرير علشان تقتنع أن حصل حاجه ما بنا وخرج اسلام من الاوضه وانا قلعت هدومى ونمت جنبك على السرير واسلام اتصل بساره الاول من تليفونك علشان تسمع الدوشه وتشك فيك وبعد كده اتصل بيها من رقم غريب وبلغها العنوان وساب ليها الباب مفتوح علشان تدخل بسهوله وتشوفنا وهو اخد البنات ومشى وجت ساره والباقى انت عارفه

جهاد / بجد انا مصدومه فيكى انا اه عارفه انك واحده واطيه بس عمرى ما فكرت انك ترخصى نفسك لدرجه دى

جيهان / انا بحب احمد وكنت مستعده اعمل اى حاجه علشان يكون ليا انا وبس

احمد / لو حتى كنت اتجوزتك ما انا كنت هكتشف انك كدابه وبرضه كنت هفضل احب ساره

جيهان /بدموع معرفش الحب عمى عينى يا احمد

احمد / من هنا ورايح مش عايز اعرفك تانى يا جيهان وانسى أن ليكى ابن خاله وصديق اسمه احمد وحط الحساب على الطرابيزه وقال يلا يا جهاد

جيهان / احمد ارجوك سامحنى

احمد / خلاص يا جيهان الثقه اللى ما بنا راحت مش هقدر اثق فيكى بعد كده

جهاد / ابقى خلى خططك تنفعك واحده رخيصه وبصت ليها بقرف ومشيت مع اخوها احمد وركبو العربيه ورجعو الفيلا

جيهان / بصت عليهم وهما ماشين وقعدت تعيط

احمد وجهاد وصلو الفيلا ودخلو اوضت احمد وقالت

جهاد / انا كنت متأكدة أن ساره مش جايه ابعد ليها التسجيل بتاع الحمام والتسجيل بتاع اعتراف جيهان واظهر برأتك

احمد / انا لحد دلوقتى مصدوم من اللى عملتو جيهان

جهاد/ اسلام لعبها صح وعرف يستغل حب جيهان ليك واستخدمها كسلاح ضدك بس ربنا وقف جنبك وكشفهم ليك

احمد / ربنا يخليكى ليا يا جوجو انا من غيرك مكنتش هعرف اعمل حاجه

جهاد / ده انت اخويه حبيبى يا ابو حميد يلا بقى صالح مزتك تصبح على خير وخرجت من اوضت احمد وراحت اوضتها ونامت على السرير وبصت على السقف ودموعها نزلت منها وقالت اسلام كل حاجه وراها اسلام ورغم كده بتحبيه ولا قادره تكرهيه ولا قادره تقربى منه ولا عارفه ايه اخرت الحال اللى انتى فيه ده يارب ريح قلبى ودله على الطريق الصحيح وغمضت عينيها ونامت

____________________________

فى شقة امير

فى اوضت ساره

كانت قاعده على سريرها ودموعها على خدها تليفونها رن برقم احمد كنسلت ومرضتش ترد عليه وشويه وتليفونها أعلن عن وصول رساله فتحتها وكانت من احمد شغلت التسجيل الاول وسمعت مكلمة جيهان لاسلام وانتهى التسجيل شغلت التسجيل التانى وفيه اعتراف جيهان بالى حصل وكانت بتسمع ودموع الفرحه نازله من عينيها وحضنت التليفون وقالت

ساره / بدموع الف حمد والف شكر يارب إن احمد مطلعش خاين وفى الوقت ده تليفونها رن برقم احمد فتحت التليفون وردت وقالت الو

احمد / بفرحه اخيرآ سمعت صوتك

ساره / عايز ايه يا احمد

احمد / سمعتى التسجيل اللى بعته ليكى

ساره / ايوه

احمد / واتأكدى أن انا مستحيل اخونك

ساره / سكتت ومردتش عليه

احمد / ساره انا بحبك ومستحيل اشوف غيرك قصاد عينى انتى مليه قلبى وعينيا

ساره / ماشى يا احمد عايز حاجه

احمد/ انتى مش سمعتى الاعتراف ليه مش عايزه تسامحينى

ساره / مش معنى أن انت معملتش حاجه مع جيهان يبقى كده انت فى السليم ومغلطش لاء يا احمد انت غلط فى حقى علشان انا حذرتك من جيهان قبل كده وقولتلك واضح اوى انها بتحبك ورغم كده مصدقتنيش ومشيت وراها لحد ما كانت هتلبسك تهمه براحتك يا احمد إنما أنا برضه على موقفى منك سلام وقفلت فى وشه السكه وضحكة وقالت احسن خليه يتربى وحطت التليفون جنبها ونامت

___________________________

فى اوضت امير

دخل امير الاوضه وسهى كانت قاعده على السرير اللى امير بينام عليه ولابسه قميص نوم

امير / غمض عينيه واتنهد ودخل من غير ما يقول ولا كلمه

سهى /حمدالله على السلامه

امير / من غير نفس قال الله يسلمك

سهى / اقوم احضرك العشا

امير / لاء شكرآ مليش نفس

سهى / انا مرضتش انام الا لما تيجى واشوفك محتاج حاجه ولا لاء

امير / لاء نامى مش محتاج حاجه

سهى / راحت عنده وقالت شكلك تعبان تعال ادعك ليك جسمك علشان يفك شويه

امير / بعد عنها وقال تعبان من ايه يا سهى انا لسه مبدأتش الشغل بلاش طريقتك دى علشان مش هتجيب معايا نتيجه سبق وقولتلك أن اللى حصل ده كانت غلطه ومستحيل اكررها تانى ودارى جسمك لان مش شايف قدامى غير واحده وبس

سهى / بس انا اللى احق بيك يا أمير مش هى

امير / انا مش من حق اى حد غيرها هى اه هى اتجوزت وبقت من نصيب واحد تانى بس عمرى ما هقدر انساها ولا ابص لغيرها

سهى / انا نفسى نعيش حياه طبيعيه زى اى اتنين ارجوك يا أمير أدى نفسك وادينى فرصه نجرب مع بعض

امير / قعد على السرير وقال مقدرش يا سهى مقدرش

سهى / قعدت على ركبتها قصاده على الأرض ومسكت أيده وقالت على الأقل سيب ليا نفسك وادينى فرصه انسيك كل اللى فات واخليك تعيش اللى جاى سعيد ومبسوط

امير / وقف وقال نسيان زهره صعب اقسم بالله

سهى / وقفت وراحت عنده وقالت نحاول مش هنخسر حاجه لو مقدرتش انسيك حبها يبقى كل واحد يروح لحاله

امير / روحى نامى يا سهى

سهى / طيب قولت ايه رد عليا ارجوك

امير / قولتلك نامى يا سهى

سهى / هسيبك تاخد وقتك وتفكر وراحت عند سرير امير ولسه هتنام

امير / نامى على السرير التانى يا سهى

سهى / بصت ليه بغيظ وراحت نامت على السرير التانى واتغطت

امير / غمض عينه واتنهد وبص على سهى وراح نام على سريره وحط أيده تحت راسه وبص على السقف وقال اخرت اللى انت فيه ده ايه يا امير وغمض عينه ونام

____________________________

اشرقت شمس صباح يوم جديد بنورها الساطع فى سماء العاصمه لتبدأ خيوطها الصفراء بمداعبة عيون زهراء فتحت عينيها بصعوبه وبصت حاوليها واتنهدت براحه لما لاقت نفسها نايمه فى اوضتها اللى فى بيت اهلها ولسه هتقوم تليفونها رن برقم عاطف اتنهدت وردت عليه وقالت

زهراء / ايوه يا عاطف

عاطف / لسه نايمه كل ده

زهراء / صحيت اهو كنت عايز ايه

عاطف / فين الأولاد

زهراء / متقلقش عليهم يا عاطف اولادك هنا فى أمان وانا بخاف عليهم مش كل شويه تسألنى فين اولادى

عاطف / عارف ان عندكم امان بس كنت بطمن عليهم مش اكتر

زهراء / ولادك كويسين الحمدالله حاجه تانى

عاطف / بعصبيه انتى بتكلمينى كده ليه اتكلمى عدل معايا ومتفكريش وجودك فى بيت اهلك هيحميكى منى لاء انا ممكن اجى اطلع روحك عندكم فاهمه

زهراء / فاهمه يا عاطف فاهمه

عاطف / روحى يلا شوفى الاولاد وقفل السكه معاها

زهراء / بصت على التليفون ونفخت وحدفته جنبها وقامت من على السرير خرجت من اوضتها وقالت صباح الخير

نبيله / صباح النور

زهراء/ فين الباقى

نبيله / ريم بتأكل الاولاد جوه واخواتك التانين لسه نايمين

زهراء / ماشى وسابتها ودخلت الحمام وشويه وخرجت من الحمام دخلت اوضتها أدت فرضها وبصت على البلكونه وراحت عندها وطلعت وقفت فيها وبصت على بلكونة امير ودموعها نزلت منها واتنهدت ولسه هتدخل شافت البلكونه بتتفتح وقفت استخبت فى مكان محدش يشوفها منها وبصت علي البلكونه شافت امير خارج من البلكونه دموعها نزلت منها و حطت ايديها على بؤقها تكتم صوتها وقعدت تبص عليه وهو وقف وشافته بيبص على البلكونه رجعت لوراه بسرعه علشان ميشوفهاش وقربت براحه تانى وبصت عليه بس قلبها وجعها اوى لما شافت سهى خرجه البلكونه وبتتكلم معاه

ريم / بلاش توجعى قلبك زياده يا زهره ادخلى يا حبيبتى

زهراء /دخلت واترمت فى حضن ريم وقعدت تعيط وتمسك فى هدوم اختها اكتر وقالت مش قادره استحمل اللى انا فيه ده ياريم صعب عليا اشوف امير مع واحده غيرى حاسه ان قلبى بيتقطع من جوايا

ريم / أهدى يا زهره اللى حصل ده محدش ليه يد فيه كل شئ قسمه ونصيب وانتو نصيبكم كده كل واحد يبقى مع حد تانى

زهراء / قعدت على الأرض وقالت بدموع ياريت كنت موت يا ريم ولا جه عليا يوم زى ده انا عايشه فى عذاب ونار عذاب جوازى من راجل تانى ونار قلبى اللى هيتجن على امير ومش مصدق كل اللى بيحصل ده

ريم / قعدت جنبها على الأرض واخدتها فى حضنها وقالت حاسه بيكى اقسم بالله ياريت كان فى ايدى حاجه كنت عملتها ليكى وشلت عن قلبك الوجع والعذاب ده

شريف / ريمو اطلعى يا حبيبتى وسبينى مع اختك شويه

ريم / حاضر يا أبيه وقامت من الأرض وخرجت من الاوضه وقفلت الباب وراها

شريف / راح ومد أيده لزهره وقال قومى يا زهره

زهراء / بصت لايد اخوها بدموع ومسكت أيده وقامت من على الارض

شريف / قعد على السرير وقعد زهره جنبه وقال عايشه ازاى مع عاطف يا زهره

زهراء / بتوتر ك.ك.كويسه

شريف /بس انا مش شايف كده شايفك حزينه ومكسوره بيهينك طيب

زهراء / ها ل.ل.لاء يا شريف عاطف كويس ومش مخلينى محتاجه حاجه المشكله فيا انا مش قادره انسا حب امير

شريف / سكت شويه وقال لازم تنسى حب امير يا زهره اه انا مش بحب عاطف ومش برتاح ليه بس انتى كده بتخونيه لما تبقى مراته وبتفكرى فى راجل تانى تبقى كده بتخونيه

زهراء / عارفه يا شريف وعارفه أن انا السبب فى كل اللى انا عايشه دلوقتى بعندى وغبائى لو كنت رفض جوازى منه من الاول مكنتش هعيش العذاب ده دلوقتى كنت انتبهت لدراستى ومستقبلى اهم حاجه لكن أنا ضيعت نفسى

شريف / متقوليش كده يا زهره ده فى الاول وفى الاخر بيرجع لنصيب وانتو نصيبكم مع بعض انتهى يبقى ركزى فى حياتك الجديده وفكرى فى جوزك وبيتك

زهراء / مش قادره انسا امير يا شريف مش قادره الكلام سهل اوى بالنسبه ليكم إنما أنا صعب اوى عليا اقسم بالله يعنى انا حابه العذاب ليا طبعآ لاء وبحاول انسا زى ما انتو بتقولو لكن مش قادره ومش عارفه انا تعبانه يا شريف ومحدش حاسس بالوجع اللى جوايا واترمت فى حضن اخوها وقعدت تعيط

شريف / صعبت عليه أخته طبطب عليها وقال أهدى يا زهره انا حاسس بيكى وعشت وجعك وتجربتك فى جوازتى الاولى وكنت شايف كل حاجه سوده فى عنيا وكنت تملى اقول الدنيا انتهت بالنسبه ليا وانتى كنت حاضره الكلام ده وربنا كبير بعت ليا لميس خلتنى اشوف الدنيا بلون تانى رجعت ليا ثقتى فى نفسى من جديد شوفت السعاده كلها على ايديها ربنا كبير اوى يا زهره وعوضنى بيها ومهما تقولى أن اللى حصلك ده صعب ربنا بيكون ليه حكمه فى كده ويرجع يطبطب عليكى من تانى ويجبر بخاطرك ويبعت ليكى الفرحه اللى بجد اللى تخليكى تنسى الدنيا واللى فيها وتفتكرى الماضى وتضحكى وتحمدى ربنا على اللى انتى فيه

زهراء / نفسى ارتاح يا شريف نفسى

شريف / بكره ترتاحى صدقينى قومى اغسلى وشك كده ويلا نفطر مع بعض زى زمان

زهراء / هزت راسها بالموافقه وقالت حاضر

وخرجت هى وشريف دخلت الحمام غسلت وشها وقعدو ياكلو مع بعض

_____________________________

فى شقة امير

فى اوضت امير

صحى امير من نومه وهو مفزوع وبينادى بأسم زهره وقامت سهى على صوته مخضوضه وقالت

سهى / فى ايه يا امير

امير / اتنهد وقال مفيش يا سهى وقام فتح البلكونه وخرج يشم هوا وبص على بلكونة زهره وقال يا ترى فيكى ايه زهره وليه كنتى بتنادى عليا فى الحلم وانتى بتعيطى وليه مكنتش شيفك

سهى / خرجت وراه وقالت بغيظ زهره برضه حتى فى احلامك بتحلم بيها

امير / سهى سبينى لوحدى

سهى / هو انا كل ما اجى اتكلم معاك تقولى سبينى لوحدى انت ليه مش طايق منى ولا كلمه كده يا امير

امير / بعصبيه سهى مش فايق لكلامك ده ودخل وسابها

سهى / دخلت وراه وقالت وامته هتكون فايق لكلامى انت علطول مش فايق ليا ولا لكلامى لكن فايق لكلامك مع شريف علشان اخو المحروسه صح

امير / ضربها بالقلم وقال اخرسى حسك عينك تقولى كلمه على زهره ولا اسمها يجى على لسانك فاهمه

سهى / بتضربنى علشانها يا أمير

امير / ايوه يا سهى اللى يفكر يغلط فى زهره اقطع ليه لسانه

سهى / بدموع ماشى يا امير الوضع ده ميتسكتش عليه ولازم مرات عمى تعرف بكل حاجه

امير / حلو اوى خليها تعرف سبب جوازنا ايه وان انا كنت متجوزك علشان استر عليكى وبعد كل ده جايه تطلب منى اننا نتعامل مع بعض زى اى زوجين اللى حتى ما فكرتى تحزنى على ريان انا مستغربك الصراحه ازاى كنتى بتحبيه وسلمتى نفسك بكل سهوله وازاى لما مات عايزه تسلمى نفسك ليا وتعيشى حياه طبيعيه زى اى اتنين لاء واضح انك وافيه اوى الصراحه

سهى / ها ا.ا اه طبعآ كنت بحبه بس ه.ه.هو مات وانا من حقى اعيش حياه طبيعيه مع جوزى حلالى

امير / صعب تلاقى الحياة الطبيعيه دى معايا يا سهى لان انا قلبى فيه زهره وبس ومهما يحصل هتفضل هى وبس اللى فى قلبى وخرج وسابها فى الاوضه

سهى / قعدت على السرير بغيظ وبصت مكان ما هو خرج وقعدت تهز فى رجليها

_____________________________

فى فيلا روز

كانت روز رافضه الاكل وقعده علطول فى اوضتها تعيط دخل عليها ابوها وقال

سليم / القمر بتاعى قاعد فى اوضه زعلان ليه

روز/ وهفضل زعلانه وحزينه لحد ما سامح يسامحنى

سليم / وانتى مفكره أن انتى أول ما تقولى ليه سورى هيسامحك انتى اترهنتى على مشاعره يا روز واستهترتى بيه

روز / عارفه أن انا غلطانه يا دادى بس الكلام ده قبل ما احبه كنت متغاظه منه وكنت عايزه انتقم منه بأى طريقه

سليم / يبقى اصبرى عليه شويه لحد ما ينسى الراجل بتبقى كرامته عنده اهم حاجه

روز /يبقى برضه هفضل حزينه ومش هاكل لحد ما يسامحنى ها

سليم / يا بنتى بلاش شغل عيال وقومى ربنا يهديكى

روز / No مش هقوم

سليم / يابنتى انتى مأكلتيش حاجه من امبارح

روز/ ومش هاكل غير لما سامح يسامحنى

سليم / والمدرسه

روز / برضه مش هروح المدرسه

سليم / والله

روز / ربعت ايديها على صدرها وقالت yes

سليم / وقف وخبط ايد على ايد وقال لله الامر من قبل ومن بعد وخرج من الاوضه

روز / مسكت بطنها وقالت اووه بقى انا جعانه اوى اعمل ايه دلوقتى لاء اجمدى يا رورو يمكن تصعبى عليه ويجى يصالحك يارب يجى بسرعه بقى انا هموت من الجوع

____________________________

فى الجامعه عند ساره

وصلت ساره الجامعه ودخلت على الكافتيريا وقعدت تشرب نسكافيه وفى الوقت ده جه احمد وقعد على الكرسى قصاد ساره وقال

احمد / صباح الخير

ساره / مردتش عليه ولسه هتقوم

احمد / مسكها من دراعها وقال ساره خلاص بقى سامحينى انا اسف يا ستى وحقك عليا أن مسمعتش كلامك وصدقتك فى موضوع جيهان ده

ساره / لو سمحت سيب دراعى

أحمد / ساره اقسم بالله بحبك

ساره / ممكن تسيب دراعى

أحمد / مش قبل ما تسامحينى

ساره / احمد الناس بتبص علينا

أحمد / قلب أحمد وعمر أحمد كله

ساره / ابتسمت وقالت سيب طيب

أحمد / ايوه بقى ورينى اجمل ابتسامه فى الدنيا دى وسابها

ساره / بجد يا احمد انا لسه زعلانه منك ومش قادره انسى منظرك وانت نايم جنب واحده على السرير وانت ع واتكسفت وسكتت

أحمد / عارف ان هى صعبه عليكى تشوفينى كده بس اقسم بالله غصب عنى وانتى سمعتى بودنك اللى حصل

ساره / ماشى يا احمد

أحمد / سامحتينى

ساره / هزت راسها بمعنى ايوه

أحمد / بصوت عالى اقسم بالله بحبببببببببببببببببك

ساره / اتكسفت وقالت بس يا مجنون

أحمد / وفيها ايه لما الناس كلها تعرف ان انا بحبك ما انتى قريب اوى هتكونى خطيبتى حبيبتى وبعدها بكام شهر هتكونى مراتى ام عيالى

ساره / احم م.م.ماشى يلا بينا ندخل المحاضره

أحمد / يلا بينا ووقف ومسك ايد ساره

ساره / بصت على ايديها هى واحمد وهما مسكين بعض بكسوف ومشيت جنبه وهى فرحانه

____________________________

فى المدرسه عند سامح

دخل سامح المدرسه ودور بعينه على روز بس ملاقهاش وشاف جهاد واقفه لوحدها راح عندها وقال

سامح / صباح الخير يا جهاد

جهاد / صباح النور يا مستر

سامح / احم ه.ه.هى روز فين

جهاد / روز عامله مقاطعه للاكل والشرب والمدرسه وحابسه نفسها فى الاوضه لحد ما انت تسامحها

سامح / بصدمه ايه ازاى يعنى

جهاد / هههههههه اه والله شبه الاطفال بالظبط هههههههههه

سامح / دى اكيد مجنونه ممكن يحصل ليها مضاعفات بسبب قلة الاكل

جهاد / لاء هو مش ممكن ده اكيد هيحصل ليها مضاعفات هههههههه

سامح / شغل العيال ده وسابها ومشى

جهاد / هيييييح يقطع الحب وسنينه وفى الوقت ده شافت إسلام فى العربيه وهو موصل عبير قلبها دق جامد وحست أن رجليها مش شيلها ولسه هتمشى

عبير / جهاد يا جهاد

جهاد / غمضت عينيها ووقفت مكانها

عبير / اخس عليكى يا جوجو كده تمشو من الرحله من غير ما تقولو بس شكل المستر ظبط صحبتك اوى وقضى معاها يوم حلو بعيد عن الرحله

جهاد / اتغاظت وبصت ليها وقالت روز اشرف من عشره زيك عاشت واتربت بره بس رغم كده بتحافظ على نفسها مش زيك رخيصه

عبير / لاء واضح أن قلبك جمد اوى وعايزه تخدى علقه تفوقك ورفعت ايديها ولسه هتضربها بالقلم ايد جت ومسكتها

الفصل الثلاثون من هنا

رواية فتاة انحنت من أجل الحب

الفصل الثلاثون 30 والواحد والثلاثون 31

بقلم دودو محمد

فى المدرسه

اتعصبت عبير من طريقة كلام جهاد ليها ولسه بترفع ايديها علشان تضرب جهاد بالقلم ايد مسكتها ومنعتها تضربها

عبير / اسلام انت ايه رجعك تانى

اسلام / نسيتى تليفونك عندى فى العربيه وقرب من جهاد ومشى أيده على خد جهاد وقال وبعدين مش حرام الوش الجميل ده ينضرب

عبير / شدت ايديها من ايد اسلام وقالت دى البنت المصديه جهاد اخت احمد جيران الهنا

جهاد / وقفه مصدومه واول ما ايد اسلام لمست وشها حست أن قلبها هيوقف عليها رجعت لوراه وبعدت وشها عن ايد اسلام

اسلام / لا بجد انتى جهاد كبرتى واحلوتى اوى كده ليه

عبير / يا عم احلوت ايه انت هتكدب دى مصديه وشكلها يقرف الكلب الجربان ده اللى يشوفها يفتكرها دكر

جهاد / صعبت عليها نفسها بصت ليهم بدموع وطلعت تجرى

أسلام / يخربيت تخلفك يا شيخه

عبير / ايه في ايه

أسلام / يعنى انا كنت هموت وانتقم من أحمد وانتى أخته معاكى ومقولتيش انت حافظه مش فاهمه يا بت

عبير / قصدك ايه مش فاهمه

أسلام / ايه يا ام المفهوميه كلها يعنى لو اعرف ان اخت احمد كبرت كده كنت ضحكة عليها واخد اللى انا عايزه مكان البنت اللى اخدها منى

عبير/ طيب ما انت عارف ان عنده اخت

أسلام/ اه عارف بس انا قليل اوى لما بقعد فى الفيلا اللى جنبهم ومعرفش أن أخته كبرت كده ومعرفش انها معاكى يا ذكيه

عبير / وعرفت ناوى على ايه

أسلام/ وهو بيضحك ضحكة شر قال ناوى على كل خير سلام يا قطتى وخرج ركب عربيته وراح على الجامعه بتاعته

جهاد / دخلت الحمام وهى بتعيط وبصت فى المرايا على وشها وحطت ايديها على خدها مكان ما اسلام لمسها وقالت بدموع مالك يا جهاد بتعيطى ليه علشان أخته جرحتك بالكلام ولا علشان جرحتك قدامه ما انا وهى علطول مع بعض كده بس اكتر مره اتوجعت فيها هى المرادى انا عارفه كل حاجه عنه ورغم كده حبيته بس أن هو يجى عليا ويوجعنى ده اللى مش هقدر عليه انا افضل احبه من طرف واحد ومن بعيد لبعيد احسن ما اقرب واتصدم فيه واخدت نفس وبصت على نفسها فى المرايا وقالت أهدى كده يا جهاد هى مره اتقابلنا فيها صدفه محصلش حاجه لكل ده وغسلت وشها وخرجت من الحمام وراحت على مكانها

_____________________________

انتهى اليوم وجاء الليل وبدأت ريم تجهز نفسها وهى متوتره

زهراء / مالك يا بنتى خايفه كده ومرتبكه

ريم / مش عارفه يا زوزو خايفه اوى اوى وحاسه أن قلبى هيوقف عليا

زهراء / من ايه

ريم / مش عارفه اول مره هتكون كل حاجه رسمى مش عارفه هتعامل مع محمود ازاى بعد ما يكون خطيبى مكسوفه اوى وهو الصراحه ميتوصاش فى طريقة كلامه وحركاته

زهراء / بلعكس المفروض تكونى فرحانه انك هتكونى ملك الراجل اللى حبتيه واتمنتيه محدش هيكون ليه عندكم حاجه وكلها شهرين وتبقى مراته ومعاه فى بيت واحد وتعيشو مع بعض فى سعاده وربنا يكرمكم بأولاد يملو عليكم حياتكم

ريم / بزعل على اختها انا سعادى الوحيده أن مشوفش الدمعه اللى محبوسه فى عنيكى دى

زهراء / لاء دى بقت شئ اساسى فى حياتى يا ريم متحطيش فى بالك يلا يا عروسه اجهزى بسرعه زمان العريس جاى وفى الوقت ده تليفون زهره رن برقم عاطف اخدت التليفون وخرجت بره وردت عليه وقالت الو

عاطف / عامله ايه

زهراء / الحمدالله كويسه

عاطف / والاولاد

زهراء / كويسين متقلقش

عاطف / بتعملى ايه

زهراء / ولا حاجه

عاطف / هاتى بيلار عايزها

زهراء / حاضر وقالت بيلار بيرو تعالى كلمى بابا

بيلار / حاضر يا ماما واخدت التليفون من ايد زهراء وقالت الو

عاطف / عامله ايه يا حبيبتى

بيلار / الحمدالله كويسه

عاطف / خدى التليفون وابعدى عن ماما شويه

بيلار / حاضر وبعدت عن زهره وقالت بعد يا بابا

عاطف / شاطره بصى ماما بتقابل اى راجل عندك

بيلار / اه يا بابا

عاطف / وهو بيدوس على سنانه مين متعرفيش اسمهم

بيلار / ايوه خالو شريف وخالو سامح

عاطف / اتنهد براحه وقال بس يا حبيبتى مفيش اى حد تانى

بيلار / لاء يا بابا مفيش حد راجل تانى ماما بتتكلم معاه

عاطف / ولا خرجت من باب الشقه وراحت الشقه اللي قصادهم

بيلار / لاء

عاطف / ماشى يا حبيبتى خلى بالك على اخوكى وادينى ماما

بيلار / حاضر وراحت عند زهره وقالت خدى كلمى يا ماما بابا

زهراء / اخدت التليفون وقالت ماشى يا حبيبتى روحى العبى وقالت ايوه يا عاطف

عاطف / هبعت السواق بكره ياخدك انتى والاولاد

زهراء / بكره لالالا يا عاطف انا ملحقتش اشبع منهم سبنى يومين تانى ارجوك

عاطف / بعصبيه لو تفتكرى انا قولتلك بحب اقول الكلمه مره واحده سمعه وفى الوقت ده جرس الباب رن وراحت زهره فتحت الباب ووقفت مكانها مصدومه لما شافت امير قصادها جاى مع أهله

امير / اتصدم لما شاف زهره مكنش متوقع انها موجوده وهيشوفها وقعدو الاتنين يبصو لبعض ومش حاسين بأى حاجه حاوليهم

زهراء / التليفون وقع من ايديها وهى مش حاسه

امينه / سلمت على زهره وقالت ازيك يا حبيبتى واحشتينى انتى هنا من امته

زهراء / كانت مش سامعه ولا كلمه وعينيها على امير

ساره / سلمت عليها وقالت حمدالله على السلامه يا زهره

زهراء / مش سامعه اى كلمه بتتقال

محمود / زوزو عامله ايه

سهى / كانت بتبص عليهم هما الاتنين ومتغاظه من نظارتهم لبعض

نبيله وشريف جم وسلمو عليهم ومازال الاتنين مش حاسين بأى حاجه

شريف / زهره زهره وخبطها على كتفها

زهراء / انتبهت لنفسها ورجعت شعرها وراه ودنها وقالت بتوتر ازيك يا خالتى

امينه / هههههههه لسه فاكره ده انا سلمت عليكى وانتى ولا هنا

زهراء / بتوتر حقك عليا يا خالتى وبصت لساره وقالت عامله ايه يا ساره

ساره / كويسه

زهراء / ازيك يا محمود

محمود / الحمدالله انتى عامله ايه يا زوزو

زهراء / احم الحمدالله وبصت على امير وقالت بتوتر ا.ا.ازيك يا أمير ومدت ايديها

أمير / بص على ايد زهره ومد أيده وسلم عليها وقال كويس انتى عامله ايه

زهراء / غمضت عينيها وضربات قلبها سرعت لما لمس ايديها وسمعت صوته بلعت ريقها بصعوبه وقالت وهى بتحاول تمنع دموعها من النزول ت.ت.تماما الحمدلله

سامح / زهره تعالى جنبى

زهراء / سحبت ايديها من ايد امير وراحت عند سامح وقعدت جنبه

امير / بص على أيده وهى فاضيه وبعدين بص على زهره وهى قاعده جنب سامح بصه طويله وراح قعد على الكرسى اللى قصادها

سهى / كانت متابعه كل ده بغيظ وقعدت جنب امير

وكلهم قعدو

بيلار / ماما بابا على التليفون وعايز يكلمك

زهراء / افتكرت أن عاطف كان معاها على التليفون ونسيته اتوترت واخدت التليفون من ايد بيلار وقالت ر.ر.روحى يا حبيبتى العبى مع اخوكى وقالت ايوه يا عاطف

امير / اتعصب اول ما سمع زهره بتكلم عاطف وقفل أيده بعصبيه وبص على زهره وهى بتتكلم

عاطف / ايه يا هانم نسيتى نفسك لما شوفتيه

زهراء / بخوف ه.ه.هو مين

عاطف / امير يا هانم انا سمعت كل حاجه وانا على التليفون اللى انتى نستينى عليه

زهراء / وقفت وقالت احم ع.ع.عن اذنكم وسابتهم وراحت عند المطبخ علشان تكلم عاطف

امير / بص على زهره وهى ماشيه وشافها وهى رايحه عند المطبخ

زهراء / ا ا ايوه يا عاطف

عاطف / بعصبيه انا قولتلك ايه وحذرتك من انك تقابليه ولا تتكلمى معاه انتى اللى جنيتى على نفسك فى اللى جاى يا زهره

زهراء / بدموع اقسم بالله انا مكنتش اعرف ان هو جاى انا اتفاجئت لما جيت أن محمود اخوه جاى يخطب ريم اختى النهارده ومن الطبيعى أن هو يجى بس والله ما اتكلمت معاه اكتر من السلام محصلش اى حاجه تانى

عاطف / تخدى الاولاد وتنزلى حالا وتخلى اخوكى يوصلك عند فيلا لميس وهى هتوديكى الفيلا بتاعتى مفهوم

زهراء / طيب احضر قرايت الفاتحه الاول

عاطف / انا قولتلك بحب اقول كلمتى مره واحده اعملى اللى قولتلك عليه حالا فاهمه

زهراء / غمضت عينيها والدموع نزلت منها وقالت حاضر يا عاطف سلام وقفلت التليفون وحطته على الرخامه وقعدت تعيط وحست بأيد على كتفها بصت و قالت شريف

شريف / مالك يا زهره

زهراء / عاطف سمع صوت امير وصمم أن امشى اروح الفيلا بتاعته

شريف / فى اسكندريه

زهراء / لاء يا شريف الفيلا اللى هنا

شريف / اه افتكرت أن لميس قالت ليا قبل كده ان هو ليه فيلا هنا بس انتى تعرفي مكانها

زهراء / لاء انت هتودينى عند لميس وهى هتودينى الفيلا دى

شريف / دلوقتى

زهراء / ايوه يا شريف

شريف / طيب اصبرى عشر دقايق نقراه الفاتحه وننزل

زهراء / بخوف بس ارجوك بلاش نتأخر علشان لو عاطف اتصل وعرف أن انا فى البيت لسه هتحصل مشكله

شريف /متخفيش يا زوزو ميقدرش يعمل ليكى حاجه وخرجو الاتنين تحت نظرات امير وقعدو

امينه / ما تتكلم يا أمير

امير / كان بيبص لزهره ومش سامع أمه

امينه / امير يا امير

امير / ها احم ا.ا ايوه يا ماما

سهى / حطت ايديها على ايد امير وقالت مرات عمى بتقولك اتكلم يا حبيبى

زهراء/ بصت على ايد سهى اللى محطوطه على ايد امير ومسكت دموعها بالعافيه وحطت ايديها على ايد اخوها شريف ومسكت فيها جامد

شريف / بصلها وطمنها بعينيه وطبطب بأيده التانيه على ايديها

امير / شد أيده من تحت ايد سهى وقال احنا جاين نطلب ايد ريم لمحمود وبص على زهره

شريف / بهزار انا مش موافق

محمود / مين ده اللى مش موافق وربنا انط فى كرشك انا قتيل ام الجوازه دى وياريت الخطوبه والفرح يكونو بكره

سامح / ده اللى هو ازاى يعنى ما تصبر شويه هى هطير

محمود / لاء هى مش هطير بس انا اللى هتشل على اليوم ده حرررررام بقى جوزونى البت

نبيله / هههههههه يخربيت عقلك يا محمود سبحان من جمعكم مع بعض ريم العقل كله وانت رايحه منك بس نقول ايه النصيب

ساره / كده احسن يا خالتى خليها تعقلو شويه

محمود / طيب ايه مش هتجوزونى

شريف / هههههههههه ادخلى يا زوزو هاتى ريم

زهراء / ح.ح.حاضر وبصت على امير وقامت

امير / عينه كانت على زهره وهى ماشيه منزلتش ثانيه

زهراء / دخلت جابت ريم وجت

ريم / سلمت على الكل بكسوف وقعدت جنب محمود

محمود / قوليلهم حاجه يا ست الحجه خليهم يجوزونا ويخلصو

ريم / بصوت واطى احم م.م.محمود اهدا شويه

محمود / وادى العروسه كمان جالها شلل فى صوتها

سامح /بقرف ما تهدا يا ابنى كده وخليك على بعضك شويه

سهى / ساكت ليه يا حبيبى ما تتكلم

امير / اتغاظ من طريقة كلام سهى غمض عينه علشان يهدا وقال قولتو ايه

شريف / طبعآ موافقين انت مش شايف حالته ده لو رفضنا مش بعيد يروح فيها هههههههههه

امينه / على خيرت الله نقراه دلوقتى الفاتحه وبعد خطوبة شريف نعمل الخطوبه

شريف / والفرح هيكون معايا إن شاءالله

محمود / وانا مال امى اقعد استنى شهرين انا عايز اتجوز اخر الشهر ده

سامح / انت ليه محسسنى انك جاهز

محمود / الفيلا خلاص هننقل فيها بكره وانا ليا دور مخصوص وجاهز يعنى فاضل الفرش وخلاص

زهراء / بأستغراب فيلا انتو هتمشو من هنا

محمود / ايوه أمير اشترى لينا فيلا هنعيش فيها

زهراء / م.م.مبروك

سهى / واهم حاجه الاوضه اللى هنعيش فيها انا وهو والاوض بتوع اولادنا إن شاءالله صح يا حبيبى

زهراء / وقفت وقالت يلا يا شريف علشان هتأخر

شريف / طيب نقراه الفاتحه الاول

نبيله / انتى هتروحى فين يا بنتى

شريف / هوديها الفيلا بتاعة جوزها اللى هنا

امير / اتعصب لما سمع كلمة جوزها وقال ممكن نقرو الفاتحه علشان انا ورايا مشوار

محمود / ايوه يلا نقراه

والكل قراه الفاتحه وقام امير وقف وراح بارك لريم ولمحمود وقال عن اذنكم ورايا مشوار

نبيله / ماشى يا حبيبى ربنا معاك

امير / بص لزهره بصه طويله ومشى فتح الباب ونزل

زهراء / وقفت وسلمت عليهم وباركت لمحمود وريم وقالت يلا يا شريف

شريف / وقف وقال يلا واخدو الاولاد ونزلو راحو عند لميس اخدوها عرفتهم مكان الفيلا وادتهم المفتاح زهره والاولاد دخلو الفيلا وشريف اخد لميس علشان يرجعها الفيلا بتاعتها

شريف / مسك ايد لميس وقال واحشتينى

لميس / بكسوف وانت كمان انا مصدقتش نفسى لما شوفتك عندى فى الفيلا

شريف / الصراحه انا ما صدقت أن زهره قالت إننا هنروح عندك علشان تودينا الفيلا بتاعة ابن خالتك

لميس / مبروك لريم

شريف / الله يبارك فيكى يا حبى

لميس / امته الفرح

شريف / هيبقى معانا فى نفس اليوم بتاعنا

لميس / بكسوف إن شاءالله

شريف / امته بقى يجى اليوم ده

لميس / احم قريب ان شاءالله

وركبو العربيه بتاعة لميس وقعد شريف علشان يسوق العربيه

شريف / مسك ايد لميس وقال مش ناويه تجيبى اللى عليكى

لميس / بأستغراب قصدك ايه

شريف / قرب منها وقال اللى عليكى من يوم المكتب

لميس / مش فاه وسكتت فاجئه وقالت انت قليل الادب اتلم يا شريف

شريف / الله عليكى من يوم المكتب وده حقى وانا مش بحب اسيب حقى هاتى اللى عليكى يلا وقرب منها

لميس / بعدت عنه وقالت شريف بطل بقى ويلا بينا

شريف / قرب منها اوى وبص على شفايفها وقال دى فرصه مش هتتعوض هاتى بقى

لميس / بلعت ريقها بصعوبه وقالت ش.ش.شريف

شريف / قرب من خدها وبسها بوسه رقيقه جنب شفايفها وقال خلى الشهد اللى على شفايفك ادوقه لما تكونى فى بيتى وبعد عنها وشغل العربيه ومشى بيها وهو بيضحك

لميس / قعدت طول السكه سرحانه ومكسوفه من شريف ومتكلمتش ولا كلمه لحد ما وصلو الفيلا ونزلت من العربيه وطلعت تجرى على جوه وشريف نزل من العربيه وسلم على الجده وأبو لميس ومشى وقف تاكسى ورجع على البيت

____________________________

فى فيلا روز

كانت لسه مأكلتش حاجه ونايمه على سريرها حاسه بهبوط من قلة الاكل دخلت امها وقالت

مادلين / يا بنتى مينفعش كده قومى كلى لقمه قلبك هيوقف عليكى من قلة الاكل

روز / بتعب مش هاكل غير لما سامح يسامحنى

مادلين / طيب كلى وانا هخلى باباكى يكلمه

روز / بتعب No

مادلين / انا هخلى سليم يجى يتصرف معاكى وخرجت من الاوضه وشويه وجه سليم وقال

سليم / فى ايه يا روز ماما بتشتكى منك انك مش بتسمعى الكلام ومش راضيه تاكلى

روز / انا قولتلكم مش هاكل غير لما سامح يسامحنى

سليم / وافرضى مش هيسمحك مش هتاكلى وتموتى

روز/ ايوه اموت لان الدنيا من غير سامح ملهاش لازمه

سليم / بصلها وقال روز انتى بتحبى سامح بجد

روز /بدموع بحبه اوى اوى يا دادى

سليم / اخدها فى حضنه وطبطب عليها وقال بصى كده على الباب

روز / بصت لاقت سامح واقف على الباب وساند عليه ومربع أيده على صدره وبيضحك قامت تجرى عليه بس حست بدوخه ووقعت على الأرض من قلة الاكل

سامح / طلع يجرى عليها وقال يا مجنونه فيه حد يعمل كده وسندها تقف وقعدها على السرير

روز / بدموع انا الموت اهون عندى من انك تزعل منى وتخاصمنى

سامح / مسح دموعها وقال ممكن بلاش تعيطى

روز / يعنى سامحتنى

سامح / انتى شايفه ايه

روز / عايزه اسمعها منك بليز

سامح / مقدرش ازعل منك يا روز سامحتك يا حبيبتى

روز / بفرحه يا ايه

سامح / يا حبيبتى

روز / حضنته بفرحه

سامح / بعدها عنه وقال احم أهدى يا مجنونه مينفعش اللى بتعمليه ده

روز / بكسوف احم سورى اندفعت بس من فرحتى

سليم / اهو سامح واتصلت بى وجبته لحد عندك ممكن تاكلى بقى

روز / طبعآ انا اصلا هموت من الجوع

مادلين / وانا عارفه انك هتاكلى جبت ليكى الاكل اللى بتحبيه وحطته قدامها

روز/ بفرحه واووو بيتزا وقعدت تاكل

سامح / كان بيبص عليها وهى بتاكل بحب وبيضحك على منظرها

سليم / سامح تعال معايا عايزك

روز / مسكته من دراعه وقالت لاء سيبوه انت واخده ورايح فين

سليم / ههههههههههه انتى مفكراه هيبات هنا

روز / بليز يا دادى سيبه شويه

سامح / ضحك على شكلها الطفولى وهى ماسكه فيه وقال رورو مينفعش كده هتكلم مع باباكى كلمتين تكون انتى اكلتى وتنزلى لينا تحت

روز / خلاص هنزل معاكم تحت بالاكل

سليم / ههههههههه مش هنخلص منها قومى تعالى ورانا ونزل هو وسامح

روز / يلا يا مامى بسرعه ننزل وراهم

مادلين / هههههههه يا بنتى اعقلى بلاش شغل الاطفال ده

روز / انا طفله يلا بقى

مادلين / سندتها وهى بتضحك عليها ونزلت عندهم تحت

سامح / عمى انا بطلب منك ايد روز

سليم / اكيد يا ابنى موافق انا مش هلاقى لبنتى واحد احسن منك وسبق وقولت ليك الكلام ده

روز / اول ما سمعت كده شرقت وهى بتاكل

سليم وسامح / بصو عليها وقعدو يضحكو على منظرها

مادلين / ادتها مايه

روز / شربت المايه وقالت م.م.مرسى يا مامى وبصت لسامح بكسوف

سامح / طبعآ انا طلبتها منك قبل كده بس انا حبيت اطلب ايديها تانى قدامها وان شاءالله هاجى انا واهلى نقراه الفاتحه ونعمل خطوبه دلوقتى والفرح بعد الجامعه ان شاءالله

سليم / تنورونا يا ابنى فى اى وقت

سامح / ربنا يعزك يا عمى ووقف وقال ماشى يا عمى هستأذن انا بقى

روز / وهى الاكل فى بؤقها طلعت تجرى عليه وقالت لالالا خليك شويه

سامح / مينفعش يا روز الوقت متأخر لازم امشى

روز / بزعل طفولى ملحقتش اقعد معاك

سامح / الايام الجايه كتير لكن دلوقتى لازم امشى

روز / ربعت ايديها على صدرها ومردتش عليه

سليم / مادلين احم تعالى عايزك جوه شويه

مادلين / اوك يلا ومشو الاتنين وسابوهم مع بعض

سامح / قرب من روز ورفع وشها ليه وبص فى عينيها وقال زعلانه منى

روز / بزعل طفولى ايوه علشان عايز تمشى وتسبنى

سامح / هههههههه طيب ما انا لازم امشى احسن ممكن باباكى يولع فيا

روز / دادى مش هيتكلم علشان عارف ان انا بحبك

سامح / انتى ايه

روز / بصت فى الارض وقالت بكسوف سامح

سامح / عيون سامح من جوه ورفع وشها ليه وبص فى عينيها وقال انا لو عليا مش عايز اسيبك لو ثانيه واحده إنما الأصول لازم اكون خفيف وعندى دم وامشى

روز / طيب خليك شويه صغننين

سامح / هههههههه متبقيش عناديه بقى يا رورو

روز / طيب هترجع تدينى الدرس تانى زى الاول

سامح / ايوه

روز/ ماشى

سامح / يعنى خلاص امشى مش زعلانه

روز / ماشى بس كلمنى اول ما تروح فى التليفون

سامح / هههههههه حاضر يا قلبى من عينيا ومسك ايديها وبسها برقه وقال بحبك

روز / اتكسفت وداست على شفتها اللى من تحت بسنانها

سامح / لمس شفتها اللى من تحت وطلعها من تحت سنانها وقال قولتلك كذا مره بلاش الحركه دى

روز / ح.ح.حاضر

سامح / باى يا اجمل ما فى حياتى وفتح الباب ومشى

روز / طلعت تجرى ودخلت عند امها و ابوها وشدت امها وقفتها وحضنتها وقالت انا فرحانه اوى اوى يا مامى

مادلين / ربنا يسعدك يا حبيبتى

روز / راحت عند ابوها وقعدت على رجله وحضنته وقالت انا بحبك اوى يا دادى علشان انت اللى رجعت ليا سامح

سليم / مسك وشها ما بين ايديه وقال المهم انتى تحافظى عليه سامح راجل بجد وصعب تلاقى زيه اليومين دول وعلشان كده انا كلمته يجى ليكى حافظى على حبه بقى ومتزعلهوش منك تانى

روز / لالالا عمرى ما هزعلو تانى فى حياتى

سليم / ربنا يسعدكم ويهنيكم يا حبيبتى

روز / وقفت وقالت لما اطلع ابلغ البت جوجو بقى وطلعت تجرى على اوضتها ومسكت تليفونها واتصلت عليها وانتظرت الرد

جهاد / الو

روز /بفرحه ازيك يا جوجو واحشتينى

جهاد / الحمدالله انتى اكتر يا روز

روز / مالك يا جهاد شكلك بتعيطى

جهاد / احم لاء يا روز مش بعيط ولا حاجه قوليلى ايه سر الفرحه اللى انتى فيها دى

روز / بفرحه سامح لسه ماشى من عندى وسامحنى خلاص وكمان طلب ايدى من دادى قدامى واتفقوا على الخطوبه

جهاد / ربنا يسعدك يارب يا حبيبتى المستر راجل بجد والنهارده لما عرف انك مش بتاكل زعل اوى علشانك

روز / انا حاسه ان انا طايره فى السما من الفرحه

جهاد / ربنا يفرح قلبك يا روز انتى جدعه بجد وتتحبى

روز / بليز يا جوجو قوليلى مالك انا مش بدارى عنك حاجه

جهاد / وهى بتحاول تكون طبيعيه يا قلبى افرحى وانسى اى حاجه متشغليش بالك انتى

روز / خلاص ماشى بس اوعدينى انك هتحكى ليا بكره فى المدرسه

جهاد/ أن شاءالله تصبحى على خير

روز / وانتى من أهله وقفلت مع جهاد وقعدت تنط على السرير بفرحه

______________________________

فى الفيلا عند زهراء

قعدت تبص على الفيلا وفتحت كل الاوض بتاعتها ودخلت الولاد الاوض بتاعتهم ودخلت اوضه بصت عليها لاقت فيهم نفس الصور اللى فى الفيلا التانيه عرفت انها اوضت عاطف خرجت منها وراحت اوضه تانيه من الواضح انها بتاعة الضيوف نورت النور واترمت على السرير وقعدت تفتكر امير وكلام سهى ليه ودموعها نزلت منها حطت ايديها على وشها وقعدت تعيط وفى الوقت ده سمعت جرس الباب قامت من على السرير ومسحت دموعها ونزلت وهى مستغربه أن فيه حد جه فى الوقت ده مشيت واحده واحده وفتحت الباب بقلق وأتصدمت وقالت

زهراء / ا.ا.امير

امير / بدموع ليه عملتى فيا كده ليه

زهراء / ا.ا انت عرفت مكانى ازاى

امير / بدموع مشيت وراكم عجبك اللى احنا فيه دلوقتى واحنا كل واحد مع حد تانى شوفتى اخرت العند وصلتنا لفين

زهراء / وهى ماسكه دموعها ارجوك يا أمير مش وقته الكلام ده ارجوك امشى

امير / زقها ودخل وقفل الباب وراه

زهراء / ا.ا.امير انت بتعمل ايه

امير / قرب منها وقال انتى من حقى انا ومش هسمح لحد يخدك منى

زهراء / أمير ارجوك بلاش جنان

امير / الجنان هو أننا نعيش بعاد عن بعض وسند زهره على الحيطه وقرب منها وبص على شفايفها وقال زهره انا بحبك ومش قادر اعيش بعيد عنك

زهراء / وهى بتبص على شفايف امير دموعها نزلت منها وقالت ولا انا يا أمير قادره اعيش بعيد عنك وقربت من شفايفه وبسته

امير / عمق البوسه اكتر ومسك وشها بأيده وقعدو مده على الوضع ده لحد ما سمعو صوت باب اوضه بيتفتح

زهراء / بعدت عنه وقالت شكل حد من الاولاد صحى ارجوك ادخل اى اوضه من دول

امير /دخل اوضه وقفل وراه الباب

زهراء/ اتأكدت أن أمير دخل الاوضه وطلعت تشوف مين لاقتها بيلار قالت ايوه يا حبيبتى رايحه فين

بيلار / عايزه اشرب ومفيش مايه جوه

زهراء / ثوانى هجبلك ودخلت المطبخ وهى بتبص على الاوضه اللى دخل فيها امير وجابت مايه وراحت شربت بيلار ودخلتها اوضتها ونيمتها وخرجت وقفلت الباب وراها ونزلت راحت عند الاوضه اللى فيها امير وفتحت الباب ودخلت ولسه بدور على امير لاقته بيحضنها من وراه وبيبوس فى رقبتها قالت بتوتر ا.ا.امير

امير / لفها ليه وقال زهره انتى ليا مهما حصل فاهمه وقرب على شفايفها وبسها ومد أيده على زراير البلوزه بتاعتها وفتحهم وهو بيبوسها وبعد وقت بعد عن شفايفها ونزل على رقبتها وقعد يبوس فيها

زهراء / وهى مش قادره تتكلم ا.ا.امير بلاش ارجوك

امير / حط صوبعه على شفايفها وقال شششش ارجوكى يا زهره بلاش تتكلمى وشالها وكان فيه سرير حطها عليه وقرب من شفايفها وبسها

زهراء / مقدرتش تقاوم لحد هنا وسلمت ليه

امير / قلع قميصه وقرب تانى منها و(سكتت شهرزاد عن الكلام الغير مباح 😉😉)

وبعد وقت كبير

كانت زهره نايمه فى حضن امير وهى دموعها نازله منها

امير / ششششش يا زهره ارجوكى متعيطيش انا لو اعرف ان انت لسه عذراء مكنتش قربت ليكى ليه مقولتيش ليا يا زهره

زهراء / بدموع علشان مقدرتش اسلم جسمى لراجل غيرك يا أمير انا بتاعتك انت وبس حتى لو انت وجعتنى وجرحتنى وروحت اتجوزت واحده تانيه غيرى

امير /زهره انا

زهراء / قطعته وقالت مش محتاج تبرر موقفك يا أمير انت حر فى اللى عملته لكن أنا مش قادره اكون غير ليك

امير / وناويه تعملى ايه بعد النهارده

زهراء / هطلب الطلاق طبعآ يا أمير مينفعش بعد اللى حصل ما بينى وبينك اكون على ذمته

وفى الوقت ده الباب اتفتح شدت الغطا عليها وقالت بصدمه ع.ع.عاطف

____________________________

بقلمى دودومحمد

🌹فتاة انحنت من أجل الحب 🌹

🌷الفصل الواحد وثلاثون 🌷

اتصدمت زهراء لما دخل عليهم عاطف الاوضه وهما بالمنظر شدت عليها الغطا وقالت بتوتر

زهراء / ع.ع.عاطف

عاطف / ايوه عاطف اللى انتى مستغفله يا هانم عاطف اللى انتى منعه نفسك منه علشان تخونيه مع راجل تانى انا غلطان لما فكرت اتجوز واحده زباله زيك وعملت ليها قيمه وانت بقى انا هعرفك ازاى تمد ايدك على حاجة اسيادك وراح مسكه وقعد يضرب فيه

امير / ضربه وقال زهره دى من حقى انا انت اللى جيت سرقتها منى

عاطف / دى مراتى انا يا واطى بس عارف انتو الاتنين ازبل من بعض ومينفعش تعيشو وسط الناس وخرج مسدس من جيبه وصدره ليه

زهراء / قامت وقفت قدام امير وقالت بدموع لالالا يا عاطف ارجوك بلاش تتهور بص طلقنى وانسانى بلاش تتهور ابوس ايدك فكر فى ولادك مين هيخلى باله منهم بعد ما تموتنا ا.ا.انت هتدخل السجن وهتسبهم لوحدهم فكر ارجوك

عاطف / حط صوبعه على الزنات وزقها فى الارض وداس عليه

زهراء / بصريخ اميررررررررر

_____________________________

زهراء / صحيت من نومها مفزوعه وبتنادى بأسم امير وفتحت عينيها شافت عاطف واقف قدامها ومربع أيده على صدره وبيبص عليها قامت بسرعه وبصت حاوليها وبصت على نفسها لاقت نفسها نايمه بهدومها وعلى سرير اوضة الضيوف اخدت نفس وغمضت عينيها علشان تهدا وقالت

زهراء/ ع.ع.عاطف ا.ا.انت جيت امته

عاطف / مشى وقعد على الكرسى وحط رجل على رجل وقال من شويه من ساعة ما كنتى بتحلمى بأمير وبتنادى عليه

زهراء / اتوترت وقالت ه.ه هروح اصحى الاولاد وراحت عند الباب ولسه هتفتح الباب وتخرج

عاطف / راح عندها ولوح دراعها وراه ضهرها ومسكها من عند بؤقها وقال انا حذرتك من مقابلتك مع اللى اسمه امير ده ومع ذلك كسرتى كلمتى وقابلتيه واتكلمتى معاه ولاء كمان نايمه بتحلمى بيه

زهراء / بدموع اااااااه دراعى يا عاطف

عاطف / سحبها من شعرها وحدفها على السرير

زهراء / دعكت ايديها مكان ما كان عاطف ماسكها وحطت ايديها على بؤقها مطرح ايديه وقالت بدموع والله ما اتكلمت معاه غير ساعة السلام بس ونزلت علطول

عاطف / قعد على السرير ومسك زهره من شعرها وشدها عنده وقال متفقه معاهم يخدوكى معاهم علشان تشوفيه صح

زهراء / والله العظيم ما حصل ولا كنت اعرف

عاطف / مبقاش انا لو مكنتش اخليكى تتمنى الموت ومطلهوش يا زهره وشدها من شعرها ونيمها على السرير وكتفها وكتم بؤقها وجاب الحزام ولفه على أيده وعينه كلها شرار وقال انا هعرفك ازاى تشوفيه وازاى تحلمى بيه

زهراء / بدموع هزت راسها بمعنى لاء وقالت امممممممممم

عاطف / رفع الحزام ونزل بيه على جسمها ضربها بي

زهراء / بدموع امممممم

عاطف / كلكم واحد كلكم خاينين كلكم وضربها تانى بالحزام

زهراء / كانت بتحاول تفك نفسها من الوجع وبتهز راسها يمين وشمال ودموعها بتنزل منها

عاطف / استمر فى ضرب زهره وبيكرر نفس الكلمه كلكم خاينين ويضرب بالحزام

زهراء / من كتر الضرب اغمى عليها

عاطف / مأخدش باله أن زهره اغمى عليها وقعد يضرب فيها ويقول نفس الكلمه ورفع أيده بالحزام ولسه هيضربها شاف الدم نازل من جسم زهره حدف الحزام على الأرض وقعد على ركبته فى الارض وقال بخوف ولهفه ز.ز.زهره ر.ر.ردى عليه زهره ق.ق.قومى ب.ب.بلاش تسيبينى زيهم كلهم بعدو عنى وسابونى ز.ز.زهره ردى عليا ارجوكى ومسك تليفونه بخوف وقعد فى الارض واتصل على رقم دكتور وقال بعصبيه تيجى ليا حالا الفيلا فاهم وقفل التليفون وحدفه وقعد يخبط على وش زهره ويقول قومى يا زهره علشان خاطرى ارجوكى متموتيش ارجوكى ارجوكى وحط راسه على كتفها وقعد يعيط وشويه ووصل الدكتور وفتح ليه عاطف واخده على الاوضه

الدكتور / اتصدم لما شاف الدم نازل من زهره وهى متكتفه وقال د.د.ده مين اللى عمل فيها كده

عاطف / بعصبيه شوف شغلك من غير أسأله كتير

الدكتور / بخوف ح.ح.حاضر وقعد على السرير جنب زهره وفكها وكشف عليها وقال الجروح اللى فى جسمها عميقه جدآ والدم اللى فقدته كتير ومحتاجه تدخل المستشفى ضرورى

عاطف / مسكه من هدومه بعصبيه وقال اتصرف وعالجها هنا مستحيل تدخل هى كمان المستشفى

الدكتور / بأستغراب هى كمان تقصد م.م.مين

عاطف / متسألش كتير وشوف شغلك

الدكتور / بخوف ح.ح.حاضر وبدأ ينضف الجروح لزهره ويخيطها ليها وبعد ما خلص قال محتاجين دم ضرورى

عاطف / قولى اجيبه منين وربع ساعه بالكتير يكون عندك الدم

الدكتور / مش هينفع حد يجيبو انا هروح اجبلها الدم واجيب ليها اللى هننقل بيه الدم للمدام

عاطف / بسرعه وبتحذير حسك عينك حد يعرف باللى حصل ده

الدكتور / بخوف ح.ح.حاضر وسابه فى الاوضه وخرج

عاطف / قعد جنب زهره وهى نايمه ومشى أيده على شعرها وقال ق.ق.قولتلك بلاش تشوفيه ومع ذلك شوفتيه ومش شيفانى قصادك حرمانى من جسمك علشانه هو فيه ايه اكتر منى انا احسن منه انا معايا فلوس اكتر منه انا أسمى معروف فى الدنيا بحالها إنما هو ايه هو واحد جربوع انا بس اللى استحق انا بس اللى لازم تكونى ملكه ولازم تعرفى كده يا زهره انا مش هسيبك ليه مشى أيده على جسمها والجروح وقال جسمك ده ملكى انا بتاعى انا يا زهره بس ارجوكى بلاش تعصبينى اصل ببقى مش شايف قدامى زهره انا بحبك وده من النادر لما اعترف لحد بحبى أو احس بيه بلاش تجربى غيرتى علشان مش هتحبيها فكرة الطلاق دى امحيها من حياتك علشان لو فكرتى فيها صدقينى هتخسرى كتير وامير ده همحيه من على الارض وقرب من شفايفها وبسها بوسه خفيفه وفى الوقت ده سمع جرس الباب نزل فتح دخل الدكتور الاوضه ونقل لزهره الدم وكتب ليها على مسكينات وعلاج علشان يساعد على لم الجروح والضعف اللى سببه فقد الدم ومشى الدكتور وراح عاطف يشترى ليها العلاج

_____________________________

فى شقة امير

كانت امينه قاعده وبتعيط وبتقول

امينه / بدموع يا ترى انت فين يا ابنى من امبارح وانت بره البيت يا ترى يا حبيبى روحت فين روح يا شريف شوف صاحبك ليكون حصل ليه حاجه عمره ما نام بره البيت من غير ما يقولى ابوس ايدك يا ابنى رجعلى امير

شريف / أهدى يا خالتى هتتعبى كده اكيد امير وراه حاجه مهمه علشان كده بات بره ومعرفش يتصل بيكى

محمود / انا بحاول اتصل بى تليفونه مقفول

وفى الوقت ده الباب اتفتح ودخل امير وهو هدومه كلها تراب

امينه / جريت عليه وقالت ابنى حبيبى كنت فين من امبارح ومال هدومك عامله كده

امير /متقلقيش يا ماما انا كويس وقعد على الكنبه

شريف / لاء يا امير شكلك مش كويس خالص ايه عمل فيك كده وكنت فين من امبارح

امير / قولتلكم يا جماعه انا كويس

ساره / طيب ريحنا كنت فين من امبارح

امير / كنت فى المقابر عند بابا

امينه / وليه تعمل كده يا امير وتنام هناك

امير/ مفيش كنت مخنوق شويه ومحتاج اقعد مع نفسى

محمود / وارتحت دلوقتى

امير / لاء يا محمود مش عارف ولا قادر ارتاح ودموعه نزلت منه

امينه / قعدت جنبه وطبطبت عليه وقالت انساها يا ابنى

امير / بدموع مش قادر انساها يا ماما زهره عايشه هنا ومسك ايديها وحطها على قلبه وقال مهما حاولت انساها مش هقدر زهره دخلت هنا وقفلت على نفسها بالمفتاح ومش قادر أخرجها من قلبى انا بموت يا امى مش قادر أتخيل انها خلاص مع غيرى الدبله اللى فى ايديها دى المفروض تكون بتاعتى انا مش بتاعت حد تانى لما شوفتها امبارح سكت شويه ومسح دموعه وكمل كلامه وقال لما شوفتها امبارح حسيت أن عقارب الساعات كلها وقفت قصاد عينيها توهت وسرحت فى الماضى ليه حصل كل ده ليه ليه زهره بقت من نصيب حد تانى مش قادر استحمل الوجع اللى جوايا انا بموت يا امى اقسم بالله بموت

امينه / صعب عليها امير شدته فى حضنها وقعدت تطبطب عليه ودموعها نازله منها

شريف / قعد جنبه وخبط على كتفه وقال حاول تنساها يا أمير علشان هتعذب نفسك على الفاضى وفى الاخر كل واحد عايش مع حد تانى فكر فى نفسك وفى حياتك الجديده يا أمير

امير / مش عايز حياة جديده يا شريف مش عايز فلوس ولا عايز فيلا ولا عايز شركه انا عايز زهره وبس هى تكفينى عن كل حاجه

سهى / كانت بتسمع الكلام ده وهى متغاظه

امير / وقف وقال عن اذنكم ودخل اوضه قلع التيشيرت اللى عليه وراح فتح الدولاب علشان يطلع حاجه يلبسها

سهى / دخلت وراحت عنده وقربت منه اوى وقالت محتاج اجبلك حاجه اساعدك

امير / زقها من وراه ولبس تيشيرت نضيف وقال ابعدى عنى ملكيش دعوه بيا فاهمه حياتى اتخربت بسببك وانتى ولا كأنك عملتى حاجه انا لو اعرف انك كده كنت وفرت على نفسى كل التعب ده ورفض مساعدتك اوعى تكونى مفكره أن انا مأخدش بالى امبارح وانتى بتحاولى توريها أن احنا عايشين مع بعض زى اى زوجين ومبسوطين انا مرضتش اكسفك قدامهم بس اقسم بالله لو اتكرر اللى انتى عملتيه امبارح ده هتشوفى منى وش عمرك ما شوفتيه فاهمه وبصلها بقرف ونام على السرير

سهى / بصت ليه بدموع وقالت بس اللى انت بتعملو معايا ده ميرضيش ربنا انت كده بتظلمنى

امير / بصلها وقال انا مظلمتكيش يا سهى انتى اللى ظلمتى نفسك لما سلمتى جسمك لراجل غريب من غير جواز وبعد كده لجأتى ليا اساعدك وانا ساعدك وسترت عليكى غير كده ملكيش عندى حاجه يا سهى وياريت تخرجى وتطفى النور علشان عايز انام

سهى / بصت ليه وقالت ماشى يا امير براحتك وخرجت من الاوضه وقفلت الباب وراها

امير / بص على الباب بقرف ورجع غمض عينه ونام

____________________________

فى المدرسه

وصلت جهاد المدرسه ولسه هتدخل سمعت صوت واحد بينادى عليها بصت على الصوت اتوترت وقالت

جهاد / ا.ا.اسلام

اسلام / جه عندها ومد أيده وقال ازيك

جهاد / بصت على أيده ومسلمتش عليه وقالت خير يا اسلام بتنادى عليا ليه

اسلام / بص على أيده وقال ماشى بلاش تسلمى يا ستى

جهاد / بتنادى عليا ليه لو سمحت

اسلام / ولا حاجه كنت معدى من هنا وشوفتك وقولت أسلم عليكى وبعدين انا محظوظ أن شفتك على الصبح كده ده انا مصدقتش نفسى لما عرفت أن انتى جهاد البنوته الصغيره اخت احمد وانك كبرتى وبقيتى بالجمال والحلاوه دى

جهاد / اممم بص يا اسلام يمكن انت مشوفتنيش من زمان اوى لكن أنا عرفاك كويس اوى وعارفه كل بلاويك وعارفه سرمحتك وسهرك مع البنات لصبح فا متجيش تعمل عليا الشويتين دول علشان انا مش زى البنات اللى تعرفهم ومش هياكل معايا الكلام ده

اسلام / احم هو انا مشهور اوى كده

جهاد/ بقرف سمعتك اشهر من النار على العلم عن اذنك ولسه هتمشى

اسلام / احم جهاد هو ينفع اقبلك بليل فى مكان عام يعنى

جهاد / وتقابلنى بتاع ايه انت تعرفنى ولا انا اعرفك علشان نتقابل

اسلام / نتقابل نتكلم نتعرف على بعض مش قصدى حاجه

جهاد / سورى مش بقابل شباب وسابته ومشيت ودموعها نزلت منها وقالت لنفسها ارجوك يا اسلام بلاش تشوه صورتك قصاد عينى اكتر من كده علشان انا مش قادره اكرهك ولا عارفه ابطل احبك ارجوك ارحم قلبى اللى بيتعذب بسببك

روز / جوجو يا جوجو

جهاد / مسحت دموعها بسرعه وبصت ليها بضحك وقالت رورو حبيبت قلبى واحشتينى

روز / حضنتها وقالت انتى اكتر يا جوجو وغمزت ليها وقالت مين اللى كنتى واقفه تتكلمى معاه عند باب المدرسه ده

جهاد / ها م.م.مين

روز / يابت هتعملى نفسك عبيطه قولى واعترفى مين ده

جهاد / احم د.د.ده اسلام اخو عبير

روز / عبير مين البت البارده دى

جهاد / ايوه

روز / ويعرفك منين وعايز منك ايه

جهاد / احم ما احنا جيران انتى نسيتى

روز / اه صح نسيت بس عايز منك ايه

جهاد / احم و.و ولا حاجه المهم مبروك على الخطوبه

روز / الله يبارك فيكى بس متحاوليش تغيرى الموضوع

جهاد / احم موضوع ايه يا بنتى

روز / اخو عبير كان عايز منك ايه

جهاد / احم و.و ولا حاجه ب.ب.بيسألنى على أخته

روز / وهيسألك انتى ليه وهو اكيد عارف انكم مش اصحاب جهاد هو انا ليه حاسه انك مخبيه سر عنى واسلام جزء من السر ده

جهاد / م.م.مفيش اسرار ولا حاجه يا روز وبعدين قالت م.م.مستر سامح اهو جه

روز / بفرحه بجد وبصت لاقته جاى طلعت تجرى عليه وقالت ايه اخرك كده

سامح / هههههههه طيب قولى صباح الخير الاول

روز / No مفيش صباح الخير غير لما تقولى كل ده كنت فين انت من بدرى مكلمنى وقايل انك نازل وانا نزلت بعد منك ووصلت قبلك

سامح / كنت مع مزه جميله ههههههههه

روز / What

سامح / اعدلى لسانك يا حبيبتى هههههههه

روز / بغيظ قولى كنت فين بسرعه

سامح / والله يا بنتى فى المواصلات هكون فين يعنى

روز / سامح اوعى تكون بتعرف واحده عليا

سامح / اعرف واحده عليكى ازاى اذا كان انا عرفتك بالعافيه ربنا يهديكى يا حبيبتى وبعدين تعالى نسلم على البنت اللى واقفه لوحدها دى

روز / اوك يلا

سامح / راح عند جهاد وقال صباح الخير يا جهاد

جهاد / صباح النور يا مستر

سامح / ابقى عقلى صحبتك دى احسن رايحه منها على الاخر

روز / يا سلام يعنى انت شيفنى مجنونه

سامح / لاء ازاى انتى عاقله والست العاقلين كمان هههههههههه

جهاد / هههههههه اوقات كتير بشك انها عاشت فى أمريكا اللى انا اعرفه انهم هناك عقلهم كبير

روز / يا سلام انتو هتتفقو عليا ولا ايه

سامح / واحنا نقدر برضه نتفق على القمر ده

جهاد / احم طيب عن اذنكم هروح اجيب حاجه وجايه وسابتهم ومشيت

روز / بدلع انا زعلانه منك يا سامح بتتريق عليا وبتقول أن انا مجنونه

سامح / لالالا مقدرش على زعل قلبى منى هتسامحينى ولا اروح اقطع الاكل زى ناس

روز / هههههههههه وكنت مستعده اقطع الاكل العمر كله لحد ما تصالحنى

سامح/ كل ده علشانى

روز / ايوه انا مقدرش على زعلك

سامح / ولا انا يا قلبى اقدر على زعلك اول ما ابوكى كلمنى امبارح وقال انك قاطعه الاكل بسببى جيت جرى عليكى مقدرتش ازعل منك اكتر من كده مع أن كنت عايز اقرص ودانك شويه علشان تحرمى تستهترى بمشاعر الناس

روز / توبه وربنا انا كنت عايزه انتقم منك واوقعك فى حبى روحت انا اللى وقعت فى حبك هههههه

سامح / وانا برضه وقعت فى حبك يا رورو

روز / هتيجى تدينى الدرس النهارده صح

سامح / مش عارف

روز / لاء بليز تعال اصل انا نسيت الماده خالص

سامح / الماده برضه لو على الماده انا ممكن اديكى مذكرة تذكري فيها

روز / لالالا انا عايزاك انت اللى تشرح ليا اصل مش بفهم من اى حد غيرك

سامح / هههههههههه قولى الحقيقه قولى انك عايزانى اجى عندكم علشان تقعدى معايا

روز / اه عايزاك علشان اقعد معاك اصل الصراحه مش بشبع منك خالص وبحس أن الوقت بيجرى طول ما انت معايا

سامح / انا اكتر والله يا حبيبتى ونفسى تكونى معايا علطول منبعدش عن بعض ولو ثوانى بحبك اوى اوى يا روز

روز / بصت على الارض بكسوف وقالت احم ا.ا.احنا اتأخرنا على فكره

سامح / بص فى الساعه وقال يا نهار ابيض ده انا نسيت نفسى واتأخرت على الحصه امشى قدامى

روز / ههههههههه ومشيو الاتنين

_____________________________

فى شقة توفيق

خرجت ريم من باب اوضتها وقالت

ريم / ماما انا ماشيه

نبيله/ ماشى يا حبيبتى

ريم / فتحت الباب ولسه هتخرج

نبيله / ريم استنى

ريم / نعم يا ماما

نبيله / هى اختك مكلمتكيش

ريم / لاء ليه

نبيله / اتصلت بيها بليل مردتش عليا قولت تكون نامت ولا حاجه ومن الصبح بتصل بيها مش بترد على تليفونها

ريم / يمكن تكون مشغوله مع الاولاد ولا حاجه والتليفون فى الاوضه بتاعتها ومش سامعه

نبيله / مش عارفه هستنى شويه يمكن لما تشوف مكلماتى ليها تتصل بيا

ريم / وانا هبقى اجرب عليها سلام

نبيله / مع السلامه

ريم / خرجت وقفلت الباب وراها شافت محمود قاعد على السلم

راحت عنده وقالت صباح الخير

محمود / صباح النور يلا بينا

ريم / بأستغراب مالك يا محمود

محمود / مفيش يا ريم ولسه هينزل

ريم / مسكته من دراعه وقفته وبصت عليه لاقته بيعيط قالت بخوف محمود انت بتعيط

محمود / بدموع امير صعبان عليا اوى يا ريم من امبارح من ساعة ما مشى من عندكم مجاش الا من شويه وهدومه كلها تراب وحالته صعبه اوى

ريم / ونفس الحاله برضه زهره اكبر غلط عملو أنهم عاندو بعض ودى النتيجه كل واحد فيهم بيتعذب يا محمود

محمود / بس على الاقل زهره قدرت تتأقلم مع جوزها انما امير مش قادر ينساها ولا عارف يعيش حياة طبيعيه زى اى حد

ريم / بيتهيألك زهره برضه نفس الحكايه مش قادره تنسا ابيه امير ولا قادره تعيش حياه طبيعيه زى اى حد زهره بتموت من بعدها عن ابيه امير

محمود / للاسف هما الاتنين اختارو طريق الموت بالنسبه ليهم وبيتعذبو فيه طول ما هما ماشين

ريم / ربنا يريح قلبهم يارب

محمود / يارب يلا بينا علشان منتأخرش ومسك ايديها

ريم / اتكسفت وقالت احم ي.ي.يلا ونزلو الاتنين مع بعض وهو ماسك ايديها وركبو تاكسى وراحو على المكتب ودخلو الاتنين وقعدو على مكتبهم وشويه ودخلت شهد

شهد / صباح الخير يا حلوين

محمود وريم / من غير نفس صباح النور

شهد / عامل ايه يا حوده

محمود / كويس وبعدين انا اسمى محمود مش حوده

شهد / اوه سورى اصل لسانى لسه واخد عليها اصل انا بقولها ليك من يوم ما عرفتك

ريم / اوه يا حرام ومصيبه سوده لو لسانك يقولها قدام جوزك كمان

شهد / هههههههه لاء متخفيش اصل انا علطول بقولها لحوده بينى وبينه بس

محمود / اتوتر وبص لريم وقال كان كان

ريم / اصل انتى واحده رخيصه اوى علشان كده حوده مكملش معاكى

شهد / بغيظ متفرحيش اوى كلها يومين وهيرميكى ويروح يدور على غيرك ههههههههه

ريم / هههههههه يا حرام تصدقى زعلت عليكى اوى اصل انتى طلعتى عبيطه اوى ومعرفتيش توقعيه وتخليه يجى يخطوبك زى ما عمل معايا وكلها شهرين وهيكون جوزى ههههه‍هه

شهد / بغيظ والله يبقى مبروك عليكى هما اول كام شهر من الجواز هيكون مخلص ليكى وبعد كده هترجع ريمه لعادتها القديمه اصل اللى فيه طبع صعب يغيره وحوده قصدى محمود حبه للبنات بيجرى فى دمه هههههههههه

ريم / لاء متقلقيش انتى وخليكى فى حالك وخدى بالك من جوزك وانا هعرف اخلى حوده ميعرفش يبص لحد غيرى وغمزت ليها

محمود / اتفاجئ من طريقة كلام ريم وقرب منها وقال ايه المواهب دى ده احنا ايامنا هتكون كلها دلع ولا ايه وغمز ليها

ريم / بغيظ مسمعش حسك علشان رمرمتك دى هى اللى بتخلى الواحد يتكلم مع اشكال زباله زى دى

محمود / وانا ذنبى ايه يا ريمو دى كانت فى الماضى انما انت يا جميل الحاضر والمستقبل

ريم / اقسم بالله يا محمود لو ما اتلمتش وشوفت شغلك من سكات لكون ماشيه وسايبه ليك المكتب خالص

محمود / خلاص خلاص متبقيش حماقيه كده وبدأ يشوف شغله

ريم / بصت لشهد بغيظ لاقتها بتبص عليهم قالت ايه هو الكلام مكتوب على وشنا مش عندك فى الدوسيه

شهد / بصت ليها بغيظ وبدأت تشوف شغلها

ريم / بصوت واطى كتك نيله فى وشك ده اللى عامل شبه ابله فاهيتا

محمود / كتم ضحكته على كلام ريم وقال متشغليش بالك بيها وشوفى شغلك

ريم / تصدق لا طيقك ولا طيقها

محمود / هههههههههه هدى اعصابك بس

ريم / غلس وبصت قدامها فى الدوسيه

محمود / ههههههههه وربنا مجنونه وبدأ يشوف هو كمان شغله

_____________________________

فى الجامعه عند احمد وساره

دخلت ساره من باب الجامعه ودورت بعينيها على احمد بس اتفاجئت بجيهان وقفه قدامها

ساره / ربعت ايديها على صدرها وقالت خير عايزه ايه

جيهان / بدموع ارجوكى يا ساره ابعدى عن أحمد انا بحبه ومقدرش اعيش من غيره ارجوكى

ساره / بس احمد مش بيحبك احمد بيحبينى انا

جيهان / كان ممكن يحبنى لو مظهرتيش انتى فى حياته

ساره / ومن قبل ما انا أظهر محبكيش ليه مع انك كنتى تملى معاه وقدامه لو عايز يحبك كان حبك بس هو مفيش جواه مشاعر ليكى هو كان بيعتبرك زى أخته مش اكتر

جيهان/ ابعدى انتى عنه وانا هخليه يحبنى

ساره / انا اسفه بجد بس مقدرش ابعد عن أحمد علشان انا كمان بحبه

احمد / فى الوقت ده جه وسمع كلام ساره وقال وانا بموت فيكى ومقدرش ابعد عنك مهما حصل ولا عينى تشوف غيرك حتى لو مين وبص لجيهان بقرف وقال ياريت تبعدى عنى وعن ساره لو سمحتى

جيهان / بدموع احمد انا بحبك

أحمد / وانا بحب ساره ياريت متحاوليش تتكلمى معانا تانى ومسك ايد ساره ومشى

جيهان / بصت لايد احمد وساره وقعدت فى الارض وعيطت

وراح احمد وساره وقعدو فى الكافتيريا

ساره / تصدق صعبت عليا هى معذوره برضه حبيتك وده حاجه مش بأيديها

أحمد / انتى اللى بتقولى كده بعد ما كانت ناويه تفرق ما بنا

ساره / ايوه يا احمد انا اللى بقول كده لان انا بنت زيها واقدر احس بالإحساس اللى هى حاسه بيه

أحمد / صعبانه عليكى انا اروح ليها

ساره / لاء طبعآ مش قصدى بكره ربنا يكرمها بواحد ينسيها حبك

أحمد / هو انتى كنتى بتقولى ليها ايه

ساره / ولا حاجه هى كانت بتقولى ابعدى عنه علشان بتحبك وانا رديت عليها

احمد / ايوه رديتى عليها بأيه بقى

ساره / احم رديت عليها وخلاص

احمد / علشان خاطرى قوليها يا ساره

ساره/ احم ا.ا.اقول ايه يا احمد

احمد / قولى ليا بحبك

ساره / احم ا.ا.احمد يلا علشان هنتأخر على المحاضره ولسه هتوقف

احمد/ مسكها من ايديها وقال استنى يا ساره مش هنتأخر لسه بدرى قوليها بقى

ساره / ب.ب.بس يا احمد ارجوك متكسفنيش اكتر من كده وانت سمعتنى وانا بقولها لجيهان خلاص بقى

أحمد / نفسى اسمعها منك وانتى عينك فى عينيا

ساره / م.م.مش دلوقتى

أحمد / ماشى يا ساره هستنى وقتها

ساره / سحبت ايديها من تحت ايد أحمد وبصت ليه بكسوف

أحمد / بعشق كسوفك ده

ساره / وقفت وقالت بكسوف انا اتأخرت وطلعت تجرى

أحمد / ههههههههه وقام وراها ودخلو الاتنين يحضرو المحاضره

____________________________

فى شقة توفيق

فى اوضت شريف

اتصل شريف بلميس وانتظر الرد بس مردتش عليه جرب مره واتنين وتلاته ومردتش عليه قلق عليها واتصل على تليفون الجده

الجده / ازيك يا حبيبى

شريف/ بلهفه كويس هى فين لميس

الجده / لميس فى اوضتها ليه

شريف / بتوتر عمال اتصل بيها ومش بترد ليكون تعبت واغمى عليها

الجده / ثوانى هروح أشوفها وخرجت من اوضتها وراحت عند اوضت لميس وخبطت محدش رد

شريف / بخوف ها يا تيته روحتى ولا لسه

الجده / انا عند باب اوضتها بخبط بس محدش رد عليا

شريف / طيب مستنيه ايه ما تدخلى عليها علطول

الجده / فتحت وبصت فى الاوضه وقالت الاوضه فاضيه وتليفونها محطوط على السرير وفى الوقت ده خرجت لميس من الحمام وقالت

لميس / بأستغراب تيته بتعملى ايه هنا

الجده / اخس عليكى يا لميس قلقنا عليكى

لميس / قلقتو عليا من ايه انا كنت باخد شاور فى الحمام

الجده / شريف اتصل بيكى كتير ولما مردتيش عليه قلق واتصل بيا وانا جيت اشوفك وخبط على الباب ومردتيش قلقنا اكتر

لميس / سورى يا تيته مسمعتش التليفون من صوت المايه

الجده / ولا يهمك يا حبيبتى خدى كلمى شريف وطمنيه

لميس / بكسوف نهار اسوح هو كل ده شريف معاكى على التليفون وانا بتكلم براحتى

الجده / ههههههههه ايوه خديه اهو وادتها التليفون وخرجت قفلت الباب وراها

لميس / حطت التليفون على ودنها وقالت بكسوف ا.ا.الو

شريف / ايه يا حبيبتى قلقت عليكى

لميس / سورى مسمعتش التليفون

شريف / بلؤم ليه مسمعتهوش

لميس / ها ا.ا اصل كنت جوه

شريف / جوه فين

لميس / فى الحمام

شريف / بتعملى ايه

لميس / ها ك.ك.كنت انت كنت متصل ليه

شريف / بطمن عليكى وبعدين ردى عليا كنتى بتعملى ايه

لميس / بكسوف احم ب.ب.باخد شاور

شريف / اتنهد وقال ياريتنى كنت موجود معاكى دلوقتى

لميس / ش.ش.شريف بطل قلة ادب

شريف / ليه بس انا هموت عليها بس بالحلال طبعآ

لميس / ش.ش.شريف

شريف / طيب اخر سؤال وهسكت انتى لابسه ايه

لميس / بلعت ريقها وقالت ها

شريف / انتى لابسه ايه

لميس / ا.ا.البورنص

شريف / يااااااارب هونها بقى الشهرين دول

لميس / ايه

شريف / ايه ايه بس انا نار جوايا يا شيخه الله يحرقك يا بعيده

لميس / وانا عملت ليك ايه

شريف / ولا حاجه يا اختى البسى هدومك وكلمينى سلام وقفل معاها وحدف التليفون جنبه وقال صبرنى ياربى على الشهرين دول احسن الواحد بينهاااار

___________________________

فى الفيلا عند عاطف

بدأت زهره تفتح عيونها وهى حاسه بألم شديد فى جسمها وقالت

زهراء / امممممم انا فين

عاطف / راح قعد جنبها وقال اخيرآ فوقتى

زهراء / فتحت عينيها وافتكرت اللى حصل وبصت لعاطف بخوف ودموعها نزلت منها وقالت ا.ا.ابعد عنى ارجوك ابعد

عاطف / ششششش أهدى يا زهره متخفيش مش هعملك حاجه

زهراء / بألم ااااااه سبنى ارجوك سبنى وحاولت تقوم بس مقدرتش

عاطف / أهدى يا زهره مش كويس الحركه ليكى جسمك كله جروح واى حركه هتفكى الخياطه

زهراء /بدموع حرام عليك ليه عملت فيا كده ليييييه

عاطف / غصب عنى يا زهره غيرت عليكى لما سمعتك بتكلميه وشوفتك وانتى نايمه بتحلمى بيه انا راجل وصعب عليا اشوف مراتى بتفكر فى راجل تانى

زهراء / بدموع انا بكرهك بكرهك يا عاطف

عاطف / زهره ارجوكى بلاش تعصبينى

زهراء / اطلع بره مش طيقه اشوفك

عاطف / زهره زهره بلاش تكلمينى كده انا عارف انك زعلانه من اللى حصل بس حاولى متقوليش كلام يعصبنى انا خايف عليكى من عصبيتى وانت شوفتيها بعينيكى

زهراء / بدموع انا عارفه ان انت عقاب ربنا ليا على حاجات كتير انا عملتها بس بجد كفايه انا تعبت

عاطف / مشى أيده على شعرها وقال اوعدك يا زهره أن هحاول اتحكم فى اعصابى اكتر من كده بس أهدى ارجوكى

زهراء / بعدت راسها عن ايد عاطف وقالت اطلع بره الاوضه لو سمحت عايزه ارتاح

عاطف / هنزل اجبلك الاكل علشان تاكلى وتخدى العلاج

زهراء / مش عايزه اكل مليش نفس

عاطف / لازم تاكلى يا زهره

زهراء / مليش نفس بقولك ممكن تطلع بره

عاطف / هروح احضرك الاكل واجى هتاكلى يعنى هتاكلى فاهمه وسابها وخرج من الاوضه

زهراء / بدموع يارب خدنى وريحنى من العذاب اللى انا فيه ده خلاص بقى تعبت مش قادره استحمل وفى الوقت ده تليفونها رن جنبها بصت لاقته رقم امها مسحت دموعها وردت وقالت ازيك يا ماما

نبيله / ايه يا بنتى حرام عليكى قلقتينى عليكى اتصلت بيكى كتير ومش بتردى

زهراء / وهى بتحاول تكون طبيعيه قالت معلش يا ماما اصل عاطف جه النهارده وانا تحت قاعده معاه والتليفون كان فى الاوضه

نبيله / حمدالله على سلامته يا حبيبتى

زهراء / الله يسلمك يا ماما

نبيله / بقلق زهره انتى كويسه يا حبيبتى

زهراء / ا.ا.اه يا ماما ليه

نبيله / اصل صوتك شكله تعبان

زهراء / ل.ل.لا يا حبيبتى انا كويسه

نبيله / ماشى يا بنتى هسيبك بقى تقعدى مع جوزك مع السلامه يا حبيبتى

زهراء / بدموع مع السلامه يا ماما وقفلت معاها وحطت ايديها على بؤقها وقعدت تعيط وحاولت تقوم علشان تدخل الحمام بس مقدرتش وفى الوقت ده دخل عاطف وشافها وهى بتحاول تقوم

عاطف / راح عندها وقال عايزه تروحى فين

زهراء / ابعد عنى لو سمحت مش عايزه منك حاجه

عاطف / زهره بلاش تعصبينى

زهراء / بصت الاتجاه التانى ومردتش عليه

عاطف / شالها وقال عايزه تروحى فين

زهراء / بألم اااااه نزلنى يا عاطف

عاطف / قولى عايزه تروحى فين وانا هنزلك

زهراء / بألم بجد انت كده بتوجعنى ارجوك نزلنى

عاطف / كنتى رايحه فين

زهراء / الحمام ارتحت كده

عاطف / راح بيها عند الحمام ودخلها وقال احم محتاجه مساعده

زهراء / بقرف اطلع بره لو سمحت

عاطف / انا بره لحد ما تخلصى ونزلها وخرج وقفل الباب وراه

زهراء / سندت بصعوبه ودموعها نزلت منها وبعد وقت خلصت وحاولت تسند على الحيطه وتمشى بس مقدرتش ووقعت على الارض

عاطف / سمع صوت فتح الباب ودخل يجرى وشاف زهره وقعه على الأرض وبتعيط نزل شالها وخرج بيها من الحمام وحطها على السرير وغطاها وقال من بكره هجبلك واحده تساعدك وتسندك وتغيرك على الجرح

زهراء / بصت الاتجاه التانى ومردتش عليه

عاطف / حط الاكل قدامها وقال يلا قومى كلى

زهراء / بدموع مش عايزه قولتلك

عاطف / غمض عينه وقال انا بحاول اتحكم فى اعصابى على قد ما اقدر قومى يلا

زهراء / خافت منه وقامت قعدت بصعوبه

عاطف / لسه هيأكلها

زهراء / بعدت وشها وقالت انا هاكل لوحدى

عاطف / ماشى وسابها وقعد على الكرسى

زهراء / اكلت لقمتين وقالت شبعت

عاطف / انتى كده اكلتى

زهراء / ايوه

عاطف / ماشى يا زهره وجاب العلاج وقال خدى

زهراء/ اخدته منه

عاطف / جاب ليها مايه واخدت زهره العلاج وقالت

زهراء / ممكن تخرج من الاوضه بقى

عاطف / ماشى يا زهره انا خارج وسابها وخرج

زهراء / بصت عليه بقرف وهو ماشى ونامت على المخده وصورت امير جت قصاد عينيها وقالت بدموع ياريت تيجى وتخدنى منه يا أمير انا محتاجك اوى اوى يا امير

_____________________________

فى شقة امير

صحى امير من نومه على صوت زهراء وهى بتنادى عليه وصوتها كله دموع فتح عينه وبص حاوليه فى الاوضه على زهراء ملاقهاش موجوده قعد وقال

امير / يا ترى بتنادى عليا ليه يا زهره وليه صوتك كله دموع

وفى الوقت ده دخلت سهى وقالت

سهى / بتقولك مرات عمى قوم يلا علشان تتغدا

امير / مش عايز

سهى / براحتك وخرجت وقفلت الباب وراها

امير / بصلها بقرف وقال انتى اكبر غلطه فى حياتى يا سهى وقام خرج البلكونه وبص على بلكونة زهره وقال ليه وصلنا لحد هنا يا زهره ليه الفراق هو نهاية حكايتنا ليه عندنا فى بعض لحد ما وصلنا للنهايه المؤلمه دى ليه لييييه

امينه / انساها وركز فى اللى جاى ليك يا أمير

امير / لف وقال قصدك ايه يا امى

امينه / .............

الفصل الثاني والثلاثون من هنا

رواية فتاة انحنت من أجل الحب

الفصل الثاني والثلاثون 32

بقلم دودو محمد

فى المدرسه عند سامح وروز

خرجت روز وجهاد من المدرسه علشان يروحو

وفى الوقت كانت عبير وقفه هى والشله بتاعتها

عبير / بس بس انتى يا حلو منك ليها

روز / امشى علطول يا جهاد متعبرهاش

جهاد / م.م.ماشى

عبير / وقفت قصادهم وقالت لا والله عاملين نفسكم مش سامعنى

جهاد / عايزه ايه يا عبير

عبير / اوعو تكونو مفكرين نفسكم قدرتو تاخدو منى حاجه انا عايزاها سامح ليا انا ومحدش هيقدر ياخدو منى فاهمين

روز / اوه يا حرام تصدقى انك صعبانه عليا سامح مين ده اللى بتاعك سامح خطبنى من بابى وهيلبسنى الدبله قريب اوى وهيبقى خطيبى رسمى قدام الكل

عبير / بغيظ بتحلمى يا حلوه انا مستعده اقتلك فيها اصل انا متعودتش أفرط فى الحاجه بتاعتى بسهوله

جهاد / عبير كل شئ قسمه ونصيب والمستر بيحب روز وروز بتحبه يبقى بلاش مشاكل وبكره ربنا هيكرمك باللى تحبيه ويحبك

عبير / هههههههههه حلو كلام ستى ده وقربت من جهاد ومسكتها من هدومها وقالت خليكى انتى بعيد يا قطه

وفى الوقت

ده جه اسلام

اسلام / فيه ايه بس يا بنتى هو انا كل ما اجى الاقيكى مسكه فى فيها

عبير / اصل الاشكال الزباله دى متجيش غير بسك

روز / والله ما فى حد زباله غيرك انتى

اسلام / اوبا ايه المزه الجامده دى يخربيتك يا عبير المدرسه اللى انتى فيها ملغمه مزز كده ليه وقرب من روز ومشى أيده على وشها وقال الجمال ده مستحيل يكون من هنا

جهاد / بصت على اسلام وحبست دموعها

وفى الوقت ده خرج سامح من المدرسه وشاف اسلام بيمشى أيده على وش روز

روز /بعدت وشها عن أيده وقالت بعصبيه انت واحد مش محترم

اسلام / ليه بس يا مزه

سامح / راح عندهم ومسكه وقال انت ازاى تمد ايدك عليها يا حيوان

اسلام / ضربه وقال شئ ميخصكش

سامح / ضربه وقال يخصنى لما تمد ايدك على خطيبتى يبقى يخصنى انت واحد و**** وقعد يضرب فيه

اسلام / وهو بؤقه بينزل دم قال هههههههه لما انت راجل اوى كده كنت احكم على اختك اللى كانت نايمه فى حضنى وعلى سريرى

سامح / اتعصب اكتر وقعد يضرب فيه وهو مش حاسس

اسلام / وقع فى الارض من كتر الضرب ووشه كله دم

جهاد / اول ما اسلام وقع على الأرض دموعها نزلت منها وطلعت تجرى عليه وحطت راسه على رجليها وقالت اسلام ارجوك فوق لالالا اوعى يجرالك حاجه اسلام انا اموت ولو حصل ليك حاجه

روز / بصت لجهاد بأستغراب وراحت عندها وقومتها وقالت امشى معايا يا جهاد

جهاد / بدموع مقدرش اسيبه وهو كده يا روز

سامح / بعصبيه جهاد امشى قدامى اوصلكم

جهاد / بدموع مقدرش يا مستر مقدرش

سامح / بعصبيه جهاااااد امشى بقولك

روز / مسكتها وقالت امشى يا جهاد معايا تعالى

جهاد / مشيت وهى بتعيط وبتبص على اسلام

عبير / كانت وقفه وهى خايفه من سامح ودموعها نازله منها خايفه على اخوها واول ما سامح مشى طلعت تجرى عليه وقعدت تخبط على وشه وتقول اسلام قوم يا اسلام علشان خاطرى قوم اوعى يحصلك حاجه وبصت للبنات وقالت بزعيق انتو واقفين تتفرجو عليا تعالو ساعدوني اقومه احطه فى العربيه بسرعه

البنات طلعو يجرو وحاولوا يقومو ويحطوه فى العربيه مقدروش جابو رجاله من الشارع ساعدتهم وحطو فى العربيه وركبت عبير العربيه ومشيت تجرى بيها على المستشفى ونزلت تجرى دخلت المستشفى وشويه وجم الممرضين وحطو اسلام على السرير النقال وحطوه فى اوضت الكشف وجه الدكتور كشف عليه وشويه وخرج

عبير / راحت جريت عليه وقالت خير يا دكتور

الدكتور / متقلقيش هو فقد الوعى بسبب العنف ده من ايه

عبير / ها د.د.دى بلطجيه طلعو علينا وضربوه

الدكتور /اه تمام عمومآ الجروح سطحيه مفيش اى خطوره عليه وشويه وهيفوق عن اذنك وسابها ومشى

عبير / بدموع ماشى يا سامح ودينى لادفعك تمن اللى انت عملتو ده غالى اوى انت والبرنسيسه بتاعتك ودخلت عند اسلام الاوضه وقعدت جنبه لحد ما يفوق

__________________

فى شقة امير

كان واقف فى البلكونه وبيكلم نفسه وبيعاتب زهره بس قطعته أمه وقالت

امينه / انساها وركز فى اللى جاى ليك يا أمير

امير / قصدك ايه يا امى

امينه / مراتك حامل يا ابنى

امير / بصدمه حامل ازاى ده

امينه / هو ايه اللى ازاى مراتك حامل زى الناس ايه الغريب فى كده

امير / ها م.م.مش قصدى انتى عرفتى ازاى

امينه / نفسها كانت بتغم عليها كتير وبترجع شكيت تكون حامل نزلت جبت ليها اختبار حمل وعملته وطلع شكى فى محله وطلعت حامل

امير / دخل قعد على السرير وقال بدموع مستحيل يا امى مستحيل

امينه / قعدت جنبه وقالت ليه مستحيل يا حبيبى ده اللى مفروض يحصل وربنا بعته ليك علشان ينسيك وجعك ويخليك تفوق لنفسك وللى جاى يا حبيبى

امير / عمرى ما هقدر انسا زهره يا امى

امينه / لازم تنساها يا أمير انت كده بتظلم مراتك وهتظلم اللى جاى وهتهملو

امير / امير بدموع مش لازم ده يحصل يا ماما مش لازم انتى متعرفيش حاجه

امينه / لاء فاهمه يا أمير مراتك قالت ليا

امير / بصدمه قالت ليكى قالت ايه

امير / قالت انك قربت منها مره واحده وبس ومش عايز تقرب ليها تانى وبتنيمها هى على سرير وانت بتنام على سرير حرام عليك يا امير عمرك ما كنت ظالم كده هى مش ذنبها حاجه انك تعمل فيها كده علشان بتحب حد تانى مراتك ليها حقوق عليك وبعدين دى بنت عمك قبل اى حاجه وعمك امنك عليها يبقى بلاش تظلمها وعيشها حياة طبيعيه زى اى اتنين يا أمير كفايه ظلم فيها

امير / بضحكة سخريه هى قالت ليكى كده

امينه / ايوه

امير / خلينى ساكت احسن يا امى بلاش اتكلم

امينه / هتتكلم وتقول ايه ما انا شايفه كل حاجه بعنيه انت من ساعة ما اتجوزتو مشفتكش مخرجها ومفرحها زى العرسان الجداد علطول سايب ليها البيت ونازل وحتى لو قعد فى البيت يا قاعد معانا كلنا بره يا قاعد مع شريف مش بتقعد معاها خالص

امير / بضحكة سخريه خلاص بقت هى الضحيه وانا اللى ظلمها وباجى عليها

امينه / انت شايف غير كده يا امير

امير / ايوه يا ماما لازم تعرفوا حقيقة جوازنا انا تعبت من يوم ما اتجوزتها وجيت على نفسى كتير وخسرت حب عمرى بسببها انا اتجوزت سهى علشان هى كانت متج

سهى / دخلت قطعته وقالت خ.خ.خلاص يا مرات عمى سبيه براحته بكره لما ابنه يجى هينسيه كل حاجه وحطت ايديها على بطنها

امير / بص ليها بغيظ

امينه / وقفت وقالت انا هخرج واسيبكم تتكلمو مع بعض يمكن خبر حملها يغيرك يا أمير ربنا يهديك يا ابنى وخرجت وقفلت الباب وراها

امير / وقف وراح عندها ومسكها من دراعها وقال بعصبيه انتى حامل ازاى نفسى افهم ها

سهى / بألم دراعى يا أمير وبعدين ما انت عارف حامل ازاى انت نسيت الليله اللى قضيتها معايا

امير / والله وهو الحمل مستنى الليله دى علشان تحملى منى

سهى / ا.ا.ايوه حصل الحمل من الليله دى وبعدين ليه مش تعتبرها اشاره من ربنا ليك علشان تنسا حب زهره ونعيش حياه طبيعيه مع بعض زى اى اتنين

امير / انسى يا سهى أننا نعيش مع بعض علطول انتى اكبر غلطه فى حياتى دمرتيها وعيشتينى اكبر مأساه فى الدنيا كنتى سبب بعد زهره عنى حب عمرى راح بسببك وجايه بكل سهوله تطلبى منى انساها واعيش معاكى عادى انتى ايه يا شيخه مفيش دم خالص من كام يوم كنتى بتحبى ريان وهتموتى عليه واول ما مات سلمتى نفسك ليا بكل سهوله وعايزه تعيشى معايا حياة طبيعيه وعادى زى اى اتنين انتى اكبر ورطه اتورطها يا شيخه

سهى / لازم تنسى زهره وتعيش معايا انا ومسكت أيده وحطتها على بطنها وقالت ليه جنب ودنه علشان انا ام ابنك اللى جاى

امير / سحب أيده منها وبعد عنها وقال بتحلمى يا سهى عمرى ما هنسا زهره لأنها هى قلبى حبها بيمشى فى دمى إنما انتى واحده رخيصه واللى فى بطنك هاخده منك وهرميكى رمية الكلاب لما اعرف أهلك حقيقة جوازنا ايه

سهى / قعدت على السرير وحطت رجل على رجل وقالت أثبت أن انا مكنتش بنت بنوت انتى اتجوزتنى ونمت معايه وحصل اللى حصل ههههههه وفى بطنى طفل منك

امير / مسكها من شعرها وشدها وقفها وداس على سنانه وقال بعصبيه عايزه تعيشى معايه صح هعيشك معايا يا سهى بس هخليكى تندمى ندم عمرك انك فكرتى تلعبى معايه وبرضه هفضل احب زهره وهى هتفضل كل حياتى إنما انتى ولا حاجه فاهمه ولا حاجه وحدفها على السرير وفتح الباب وخرج

سهى / بغيظ ماشى يا امير ومشيت ايديها على بطنها وقالت انا اللى معايا الورقه الرابحه وهنشوف فى الاخر هتبقى مع مين

__________________

مر اسبوع بدون احداث تذكر

امير / اتجنب الكلام مع سهى نهائى ونقلو الفيلا وبيجهز لافتتاح الشركه الجديده ولسه بيتعذب من بعد زهره عنه

سهى / بتحاول تقرب من امير بكل الطرق

زهراء / الجروح لمت من عندها وبقت تتحرك طبيعى بعد ما كانت بتساعدها الممرضه اللى جابها عاطف ليها وبتحاول تبعد عن عاطف بأى طريقه ولسه بتتعذب من بعدها عن امير

عاطف / بيحاول ميقربش من زهره الفتره دى وسيبها براحتها وبينام فى اوضه لوحده بعيد عن زهره علشان ميضيقهاش و بيسافر الاسكندريه كل يومين يتابع الشغل ويرجع تانى فيلا القاهره بيدخل كل يوم بليل وزهره نايمه يقعد يبص عليها شويه ويخرج براحه من غير ما هى تحس

سامح / علاقته بروز بتطور وحبهم لبعض بيزيد