رواية في احضان الذئاب الفصل التاسع 9 - بقلم الكاتبة قمر الجنابي

البارت الثامن🎉🔴

بقلمي الكاتبه قمر💁‍♀️💕

لاتنسون النجمات🌟😍

حبايب ترى اني زعلانه منكم تفاعلكم ابد مو زين واني اكتب وتعب وبس اريد دعم بسيط يشجعني مو اكثر

بيع خوفك
اشتري من الدنيا لونك
كافي مخطوف اعله وادم ماقرو كلشي بعيونك

تاره◇◇

طفرت اباوع من الشباج لان شباج غرفتي صاير ع الشارع وشوفلك عمي يطوطح وبيده بطل عرك

احس الدم وكف بيه ركضت قفلت باب غرفتي كلت كلشي يصير وهذه سكران وشيطان شاطر

هيه ثواني والبيت كام ما كعد من الصياح فتحت باب غرفتي ونزلت اركض ما حس غير فلتت رجلي من الدرج بس الله ستر وكمشت بالمحجر

من وصلت للصاله فتحت عيوني من المنضر الكدامي مرة ابويه بملابس النوم وعمي يركض وراها و يكلها تعاي الحضني ويطوطح ويضحك ابويه انجن وصاح بمرته دخلت للغرفه شويه وطلعت وسمعها اصيح وتبجي وتكول .....محمد هذه اخووووك ميستحي اليوم يغلط عليه وبليل يجي سكران ويريد يعتدي عليه كتلك من زمان طرده من البيت هذه عار علينه

وبويه يعد ويصف عليه اول مره اشوفه هيج فاقد ما خله غلطه تعتب عليه وعمي ولا يمه
كام ابويه ركض عليه فتح المي البارد وحطه جواه حتى يصحه بس هو لا حياة لمن تنادي كام ضربه بوكسيات ودم ترس الحمام وخواني التؤام ضلوا يصارخون ركضت عليهم طببتهم للغرفه ورحت اريد ابعد ابويه عن عمي ليموت بيده ونبتلي بس هو جان فاقد دفعني وكعت بالكاع كلت المرة ابويه واني ابجي.....خاله حبابه هدي ابويه ليكتله ونبتلي

ايمان....اسكتي انتي لتتدخلين خلي يكتله نخلص منه

تركتها هاي تتمنانه الشر رحت اتوسل بأبويه يهده بس بعد فوات الاوان عمي صحه وضل يفشر ع ابويه وبويه تخبل فوك خباله

لؤي.....ولك تمد ايدك عليه ومرتك الكح... تكلك طرده ليش تخليني اطلع الحجي خليني ضامه بكلبي

محمد....شوف ولك اذا اجيب طاري هل سيره اكصه للسانك مو اسوي عمايلك الخايسه وترجع عليه تفتحلي الدفاتر العتك

لؤي.....والله الي فد يوم ادير عليكم بانزين وحركم كلكم

محمد....ولك اني الاحركك شلون الك نفس تنده ع مرة اخوك

لؤي....درووووح بطرااااان انت شعدي بيها اشو لا خلقه ولا اخلاق لو صاحي ولا اوصل يمها

كام ابويه راح للكنتور طلع المسدس ويريد يكتل عمي تخبلنه هذه يصيح وذاك يهد كمت اني وكفت كبال عمي وتوسل الابويه يعوفه ويستر علينه وعمي يصيح عليه......وخري خلي يكتلني خلي يكتل اخوووو علمود مرررره

عاد بصلوات وبويه هد المسدس وسحل عمي للشارع وسد الباب وهذاك ضل يدك بالباب ويفشر علينه شويه وراح وهوه يتوعد الابويه

اما ابويه فا الشر يطلع من عيونه صاح بمرته دخلت للغرفه تركض وسكتت الجهال واني صعدت الغرفتي ودموعي اصب شوكت نخلص من مشاكل عمي حطيت راسي ع المخده بالجذب اقنع بروحي انام ما ادري ليش صفنت وضليت اذكر كلشي يخص لؤي

هوه طويل ومعضل وعنده شوارب وسمر وعمره نهاية العشرين جان يشتغل بالمفوضيه مال شرطه بس سواله مكسوره وطردوا ومن وكتها عمي متخبل علينه وكل يوم مصيبه

اذكر مره من جنت مرحله اولى مرة ابويه وبويه وجهال سافروا الاربيل واني ما رحت لان جان عندي فاينل فا بقينه بس اني وعمي بالبيت

وبيوم رجعت من الجامعه وسمع صريخ بنيه طالع من غرفة عمي رحت الغرفته فتحت الباب ع النص وشفت منضر ما راح انسا طول عمري كاعد يمارس الحرام ويه بنيه وهيه ما ادري برضاتها لو غصب عنها بس جانت اصيح وتكله عوفني كسرتني اني ما افتهمت بوكتها وما بيدي اسوي شي رحت الغرفتي وقفلت الباب ومن وكتها واني اخاف من عمي لان سوالفه المكسره لا تعد ولا تحصى همزين ابويه طرده من البيت بلكي نخلص منه

طبعا ما نمت الا وجهه الفجر ساعه ودك المنبه كمت متكسره ودي ما اداوم بس مجبوره لان عندي امتحان غسلت وبدلت ونزلت جوه لكيت ابويه ماكو ومرته جاي تبدل للتؤام حتى يرحون للدوام كتلها .....صباح الخير

ردت من وره خشمها....هلا

تاره.....شنو الاخبار

اشرتلي بحاجبها بمعنى.... ماكو شي

كتلها بكلبي دطيري سمعت هورن مو غريب عليه معقوله مرتضى ركضت مديت راسي شفته واكف تفاجئت بعد وكت حتى ما تريكت ركضت للمطبخ اكلتلي تفاحه ع السريع وطلعت اول ما فتحت الباب رفع راسه باوعلي صفح فتحت الباب وصعدت وره

تاره.....صباح الخير

مرتضى....هلا

سكتت شبي هذه يريد يطك باوعت من الجامه الدنيا بدت تبرد والغيوم مجمعه بسما وجواء الصبح هدوء ونسمات هوى بادره تضرب وجهي عشت اللحضه واني اتأمل جمال صباحيات بغداد

كلت بكلبي هيج وتمطر اليوم ثواني وطفرت ع صوت المسجل كطع ام اللحضه فوكوها مطلع اغنيه.....عمي شدعوه متكبره وعليمن ثكلج كبالي اذا خليتج براسي اكسره الخشمج العالي ....جانت طاشه هاي الاغنيه هستوها نازله

شويه وسد المسجل وباوعلي بالمرايا وحواجيه معكوده ورومشه جنهن قوس طوال ومتقوسات واني رموشي ينحسبن فوكاها شكد اعتني بيهن وماكو فائده

مرتضى.....ليش حاضرتني

تاره.....البارحه صارت مشكله ويه عمي وخفت يفتح موبايلي ويشوف محادثاتنه

مرتضى.....ليش بابا واذا شافهن قابل احنى شحاجين اشو اقوه شي عندج تكليلي شوكت تجي باجر

تاره.....اي لعد شتريد اكعد اتغزل بيك

مرتضى.....لا شيخ تاره استغفر الله منو هيج كال بس كلت خاف مخربطه ورتي تحضرين واحد ثاني وجيتي عليه

تاره.....شنو قصدك لضل اذب بسامير

مرتضى....اذب بسامير شنو قابل خايف منج تدرين بيه احجي طك بطك واني مو جاهل كدامج وساعه حاضرتني ساعه تكليلي لتمر عليه بعد امشي عدل حتى امشي عدل وياج

تاره.....اكلك شو انته بس تهدد اشتغل عندك اني

مرتضى....والله هذه الموجود

بقيت ساكته هوه هم الصم وضل يسوق سريع واني كلبي وكف اخاف من السرعه بس كلت اسكت عنه عاد بصلوات وصلنه اول ما فتحت باب السياره اريد انزل ودنيا زخت باوعت للسما فرحانه صالي هواي ما شايفه مطر فوكاها ريحه المطر يبوووو ردت اتمرغل بالكاع شكد احب هل ريحه

مرتضى....يمعود شبيج وين سرحتي صالي ساعه اصيحلج

تاره.....ها شتريد

مرتضى....شبيج صافنه طبي جوه لتتمرضين مدشوفين الدنيا تمطر

تاره.....اكو احلا من المطر

مرتضى.... مو تدرين بصراحه اني خفت ليروح المكياج وخربط بينج وبين صاحبي

تاره....واني هم اكول ليوكع صبغ اللحيه وعبالي صديقتي فا انته ادخل قبلي

ردت امشي جرني من ايدي ونضراته الحاده احسها تخترقني كام نزع سترته وحطها ع كتفي وكال....يله دخلي

تاره....عفيه بلا هل حركات كدام الطلاب ....وخرت الستره ونطيتها اله وكتله....شكرا

ضل يدردم وراي واني متت ضحك دخلت للجامعه وباوع للبنات هاي التصور وهاي الفرحانه وهاي الي ويه حبيبها عايشين اللحضه

رحت اتمشه للقسم مالتي شويه وسمعت صوت وراي التفت شفته دكتور فهد تفاجئت وكلته....نعم استاذ

دكتور فهد....شلونج تاره

تاره....الحمد الله

فهد....تعاي هنا عن المطر

رحت جوه الكيس بان وكتله....نعم تفضل استاذ

فهد....جاهزه اليوم للأختبار

تاره....اي اكيد

فهد.....بدون شك لان انتي من طالبات المتميزات عندي من كل النواحي

تاره....شكرا استاذ

هو سكتت واني سكتت بس حسيت يريد يكول شي ومتردد بعد الصفنه كال....براحتج

رحت عنه واني صافنه هاي اول مره دكتور فهد يحاجيني اصلا قبل احسه ميدري بيه مخلوقه ولا عنده طالبه لان هوه من النوع الثكيل الى درجه وعنده كارزما مو طبيعيه بحيث البنات ذابحات روحهن عليه وهوه ولا يمهن

طبعا الحجي كله واني ما منتبها ع مرتضى الواكف بعيد عنه ويخوزر بيه رحت تعديت من يمه اريد اروح للمحاضره جرني من ايدي كتله بعصبيه....شبيك تخبلت هد ايدي

مرتضى....شعدج ويه هذه

تاره....يا انته ابد مو صاحي يعني استاذي شعدي ويا قابل حاجاني ع امتحان

مرتضى....ماشي كلشي يبين بعدين وياويلج وسواد ليلج اذا طلعتي ضامه شي

تاره....دوخر
ورحت عنه واني معصبه دخلت للمحاضره وبالي ولا يم الشرح الف فكره وفكره براسي عاد خلصت المحاضره طلعت بره كعدت وحدي بالنادي اكل شويه واجن يمي البنات ضلينه نسولف وهيج مر باقي اليوم بس

بالامتحان مال دكتور فهد مدري ليش حسيت عينه كلها عليه حتى وحده من البنات كلتلي هنيالج كتلها بكلبي اني لو محد بحالي لو كلها تلتم

من خلص الدوام طلعت بره شويه واجه مرتضى صعدت وره شويه وكلي....متغديه

تاره....ما اشتهي

مرتضى....لا خلي اعزمج ع حسابي اراضيج

تاره.....اولا مزعلانه وثانيا كتلك ما اشتهي

ضل يلح ع انو نروح نتغده حسيت وراه شي مو السواد عيوني بس اني اصريت ما اريد وهوه ضاج وبقه ساكت
وصلنه ع البيت ونصدمت من شفت مرة ابويه ملخه
روحها وكاعده تلطم بالباب نزلت من السيارع اركض ونزل وراي مرتضى

تاره.....خاله شكووووو ابويه بي شي

ايمان .....ولج تاره لحكليلي خطفوووووا وليدي

تاره....شنووووو

حور◇◇

ام محمد ....ما اطول عليكم حبيبتي حور احنى جايين نخطبج الابنه محمد على سنة الله وروسوله ووضحي هذه الشي الامج

كامت امي ندستني بمعنى شنو تكول كليلي اني بقيت مصدومه هذوله شجاي يمخرطون ويني وين الزواج واني احب دراستي وما احب محمد خفت اكلها شكالن لتروح تجبرني ازوجه عود صرت ذكيه وكتلها....يردن يخيطن يمج دشداشه

اشرتلي بمعنى....كليلهن ما اكدر بعد اخيط

حور....امي تكول ما اكدر انطيها هيه هل وحيده ومدلله وريدها تكمل دراستها

ام حور.....ودكتور منعني لو بيدي جان خيطت الجن خمس دشاديش

حور....وتكول امي هاي العزيزه شلون ازوجها اموت وراها غير منو هنا يونسني غيرحوريتي

ام محمد....زين كليلها احنى جوارين وشوكت متريدج تجين يمها اصلا ما راح نخليها تحس مزوجه وعايفتها واحنى نقدر هل شي

حور....يمه ام محمد تكول منلكه مثلج خياطه بلكي تمخمخيها منا مناك وسوينه دشداشه لان خياطج بي كل البركه والخير

امي ضحكت وهنه كيفن عبالهن وافقت كالت كليلهن.....من عيوني جم ام محمد عدنه اليوم اطلع اشتري قماش وسويلج احلا دشداشه

حور.....امي تكول منلكه مثلكم بس ما اكدر الله يعوض محمد بمره ثانيه واجي بعرسهم اركص

ام محمد.....شو دسكتي مدري شتكليها صارلج ساعه وهيه تأشر ع ملابسها كامت اشرت الامي ع حلقه وزواج امي كبل افتمتها وطفرت اشرتلها .....اي ومن عيوني بس انطونه وقت

كامن النسوان اشكرن من امي وطلعن كامت ضربتني ع ضهري وكالت.....ليش اجذبين هسه تحجيلي كلشي كالنه

صدك خفت لا تكتلني وكلت حبل الجذب كصير حجيتلها كلشي كالنه لو هيه الدنيا ما وسعتها من الفرحه ردت اتعارك وياها بس كلت الضاهر الحجي ميفيد هيه بس تريد ازوجني حتى تحصل فلوس براسي كتلها .....اريد اروح اشتري

عاد كوه قبلت خذت ربع وطلعت بره ع امل اشوف الصخل محمد باوعت البابهم سيارته ماكو كلت اكيد سايب

رحت اشتريت من ام حسن ورجعت اتمشه على كيف دخلت بالفرع مالتنه صار كدامي محمد صاعد بسيارته داسلي هورن اني طفرت من الخرعه اشرلي اجي اصعد باوعت للشارع فارغ كلت اي هاي فرصتي رحت صعدت وهوه باوعلي بأبتسامه وكال....شهل عطر الطيب ولج انتي كلشي بيج ياخذ العقل

حور.....اكلك امشي ليشوفنه واحد بلا هل كلام العيب

ضحك بصوت عالي وشخط السياره شويه والتفتلي وكال....الكمر شعده نايم بخدج اول مره اشوف كمرين بنفس المكان

مدري ليش غصيت كتله.....يا كمر واحنى بنهار

محمد....اقصد ع الشامه البخدج الماخذه عقلي بعدين شعجب قبلتي اصعدين وياي اضاهر وافقتي ع الزواج وغمزلي

مدري مين اجتني هورمونات الجذب القوي كتله ودموع التماسيح ترست خدي .....محمد حباب لتزوجني ما اريد ازوج

محمد....افا حبيبي يبجي ولج احرك الدنيا ولا اشوف دموعج

حور.....من وراك جاي ابجي

محمد.....أمريني واني حاضر شتردين طلبي عيوني هسه انطياهن الج

حور....لا شكرا عندي عيون كل الي اريده تبتعد عني

محمد.....مستحيل لو مو انتي لو الدنيا كله توكف بوجهي ما اعوفج لج انتي دخلتي صم صوم كلبي شلوووون اهدج

حور.....شنو صم صوم كلبك

ضحك وكال....هيج سوالف مال كبار

حور.....زين عوفني بس اكبر بعد وراها الله كريم ترى بعدني صغيره ليش مصدكني من اكلك ما افهم بهل امور

محمد.....واني ما جبرتج ع زواج رايد بس خطبه اضمنج بيها الي وراها من اطخ عندي نزوج

حور.....حباب محمد انسى هل سالفه الخاطري اذا صدك تحبني

عكد حواجبه وكال.....اوك ونشوف وين توصل وياج

اني شلون الفرحة كتله.....يله عفيه رجعني ترى امي هسه تخبص الدنيا

محمد....بس بعدني ما شبعت من هل عيون الحلوه

مكلت شي باوعلي نضراته حلوه وكلشي بي حلو بس كلبي اغبر عاد فر السياره ونزلني قريب ع بيتنه سديت الباب ومشيت وهوه ضل يمشي وراي بسياره اول ما وصلت لكيت امي واكفه ابابنه ووجها احمر اول ما شافتني همجت عليه

يتبع.....

دوم اگلك ياحـزن بيه استراح